صاحبة ابتسامه

الجزء الثااالث طوويل شوووي اليووم ان شاءالله بنزله

الفصل الثالث:

***استغفر الله استغفر الله استغفر الله***

ريم بصوت مبحوح:امممل امل خالي فيصل

جت الحظه الي ريم ما كنت تنتظرها ولا تبيها تصير
فيصل بكل وقاحه وعين قويه:امل ريم على وين ماتبون تسلمون علي تراكم ما شفتوني من سنين ما وحشتكم
ريم وكنها متجمده ولا تعبير ولا حركه وامل التفت على عمها وهي عينها على ريم
امل وهي تتتأتأ با الحكي:هلا هلا عمي
حمد الله على سلامتك احنا اسفين ما انتبهنا لك ريم تعبانه بوديها غرفتي ترتاح
ريم تنزل الدرج بصعوبه وتنادي امل
ريم:امل وديني امل ابي اروح
فيصل ونبرة صوته تغيرة كن العبره خنقته
<فيصل اسمراني و طويل كتوفه عريضه وانفه صغير ورسمي ثمه صغير عيونه وساع وحواجبه سخيفه وطويله شعره طويل وناعم مره وهو مميز فيه عمره 32 سنه عاش بداية حياته في دلع واعتماد كبير على امه وابوه عنده اسرار كثيره بس كلها بتعرفونها بلفصول الجايه>
فيصل:ريم
وقفت ريم قلبها بيوقف من الخوف
فيصل وهو يبي يبكي
فيصل:ريم سامحيني والي يعافيك
ريم انهارت اعصابها وجلست على الدرج كنها تبي تسمع اعتذاره
امل حاولت تبعد من المكان وخصوصآ ان ريم ما نتبهت لها وهي تتسحب عشان تبعد خافت تحرج ريم بوجودها وعشان عمها يعتذر ويتكلم براحته
فيصل وصوته مخنوق وكن جبال من الأحساس بذنب
كانت على قلبه
فيصل:انا والله ما شفت ولا يوم عدل من بعد ما الي صار ريم احلف لك با الله اني كنت كل يوم اصلي وادعي ربي انك تسامحيني والله ثم والله اني ندمان

ريم للحين كانت مسهمه حتى فيصل خاف عليها خاف انها ماتكون تسمعه او يكون فيها شي لأنه مايشوفها لأنها معطيته ظهرها حاول يقرب منها اكثر ويشوف هي ليش ماترد عليه
فيصل اول خطوه خطاها على الدرج وقفت ريم وبصوت كله الم وخوف وبنفس الوقت اصرار و قوه
ريم:وقف مكانك
فيصل وقف و ارتسمت على وجه ابتسامه انها اخيرآ كلمته
ريم بدون ما تلتفت عليه:,,,,,,,,,,,,,,,,,,,,,
****لا اله الا الله****

امل راحت ركض على مكتب ابوها و اول ما وصلت
امل تاخذ نفسها
ابومشعل:وش فيك شوي شوي يا المطفوقه ريم فيها شي
امل :عمي فيصل يكلم ريم
ابو مشعل قام من مكانه :وش تقولين <توه بيطلع يروح لهم>
امل تمسك ابوها مع يده:وين بتروح
ابومشعل:ابروح لريم انتي ليش تخلينها وتروحين
امل:يا حبيبي لازم نخليهم يتكلمون لازم ريم تطلع الكلام الي فقلبها وهو بعد من حقه يعتذر
ابو مشعل جلس وهو يتنهد
ابومشعل :الله يسهل وينتهي ها الكابوس و نرتاح
امل: ان شاء الله

ريم واقفه ومعطيه فيصل ظهرها كانت تفصل بينهم عشر درجات ريم تمسح دموعها وفيصل يبلع ريقه
ريم: تحسب ان بكلامك هذا بتمسح من بالي الي سويته خلاص انسى بكل ها البساطه عيشتني بخوف وقلق وشك فكل الي حولي مرت علي احلى سنين عمري بدون ما اعيشها لأني كنت ادور من دكتور نفسي لمطوع يقرا علي وتقول سامحيني اسامحك على ايش ولا ايش انت اصلآ ما تستاهل اني اكلمك او اضيع وقتي معاك زي ما ضيعت علي احلى ايام حياتي بلبكي والحسره
فيصل الدنيا ضاقت فيه وخلاص مو قادر يسمع اكثر حاول يعتذر لها على كل الي قالته بس ريم ما عطته فرصه
فيصل:انا,,,
ريم تقاطعه:ابي اقولك شي واحد بس واتمني يكون هذا اخر كلام يكون بيني وبينك <ريم التفتت عليه وبكل قوه عيونها البريئه كانت تطالعه بأصرار واحتقار<انسى انك تكلمني او تحاول تفتح معي اي موضوع قدام احد لأني ما راح ارد عليك يعني انسى ان عندك بنت اخت اسمها ريم لأني نسيت ان عندي خال اسمه فيصل ابي اكمل حياتي وانا حذفتك منها خلاص لأنك ماتستاهل تكون فيها
فيصل:بس انا خالك
ريم تضحك بصوت مبحوح:خالي لاه تصدق اول مره ادري توك تدري انك خالي ليش ما تذكرت انك خالي يوم كنت زي الوحش الثاير سيطرت عليك افكارك الواطيه والمنحطه مثلك
فيصل نزل راسه خلاص مو قادر يسمع اكثر ها التجريح من ريم كانت زي السكاكين تطعن مشاعره ورجولته
فيصل:كافي ياريم والي ياعفيك كافي لا تتحسسيني بذمب اكثر
ريم ودموعها نشفت من خدودها وبدت عليها علامة الثقه والأستهتار فيه
ريم:لاه مكسين ما تستاهل تصدق انا ظالمتك بس تدري خلك كذا تعيش حياتك وانت راسك تحت الأرض لأنك خنت الأخوه الي بينك وبين اختك
لكن ربي بياخذ لي حقي منك

ريم كملت وصعدت الدرج وفيصل منزل راسه وهي كنها مو شايفته تصعد الدرج بكل ثقه رافعه راسها وواثقه من نفسها حاسه انها طفت شوي من الحره الي فيها

امل وابومشعل يراقبون من بعيد ابتسامه مرتسمه على وجوهم ان ريم اخيرآ عدت من اكبر عقده عندها وهي الخوف من فيصل ومواجهته امل حضنة ابوها وهي تقول
امل:اخيرآ يبه خلاص
ابومشعل:خلاص اتمنى انه خلاص
ريم دخلت غرفت امل سكرت الباب ودخلت الحمام(اعزكم الله)اخذت دش وبدلت ملابسها
امل دقت على صديقاتهم واعتذرت لهم عن اجتماعهم اليوم
ريم لما لبست وخلصة جلسة على الأريكه تفكر بلي صار
جالسه ورافعه رجولها فوق الأريكه وضامتهم لها
رخلت امل وهي مبتسمه وتمشي بشويش تبي تروع ريم
امل من ورا ريم وبصوت عالي
امل:ريـــــــــــــــــم
ريم انقزت من مكانها
ريم:بسم الله علي روعتني يا دوبا
امل ميته ضحك على شكل ريم
امل :يا الله يا ريم شكلك يموت ضحك
ريم وهي تجلس وتعدل لبسها
ريم:اصلآ انا ماخفت بس ما ابي افشلك
امل تضحك :ايـه باين مره ماخفتي
<جوال امل يرن>
امل مستانسه:اسكتي تركي يدق ياربيه قلبي بيوقف
ريم:من هذا بعد
امل :واحد امس تعرفت عليه ع النت
ريم:الله يستر عليك قسم انك بايعتها
امل :هلا
ريم تمسك جوالها وهي تفكر بمتعب ووليد محتاره ياتر الي بتسويه صح ولا غلط
امل منسجمه مع تركي على الأخر بسوالف
ريم ملت وحبت تنزل الحديقه تتمشى شوي
ريم تأشر لأمل وبصوت واطي
ريم:بنزل تحت
امل تهز راسها وتحرك شفايفها
امل:اوكيه
ريم وهي تنزل الدرج دق جوالها
ريم:هلا يمه
ام ريم:توك تذكرين امك
ريم: والله يمه كنت بكلمك بس وش اسوي انشغلت مع امل
ام ريم:ها كيف جمعتكم
ريم اختبصة:هاه ايه جمعت البنات مو خالي فيصل رجع
ام ريم:ايه ادري يا حبيبتي هذا هو جمبي والله ما ودي اشيل عيني من عليه سنين ماشفته بعد قلبي(وبدا البكي)
ريم تصرف امها لأنها تشوف مشعل قاعد عند باب الفله مسرح
ريم:اوكيه حبيبتي انا كنت بقولك اني احتمال انام عند امل اليوم
ام ريم:ريم انتي ليش تحبين تبلشيني مع ابوك لا مافيه نوم بيجيك خالك فيصل ياخذك لأنه بينوم عندي اليوم
ريم :لا لا يمه وش خالي يجي ياخذني خلاص مشعل فيه الحين يجيبني <<في خاطرها >وش ينومه عندنا ذا<
ام ريم:خلاص لاتتأخرين وتسوين لي سالفه مع ابوك
ريم:ان شاء الله يمه
ريم مشت متوجه لمشعل جلست جمبه
ريم:ممكن اقعد معك
<مشعل التوئم لأمل يحب مي اخت ريم وخاطبها يدرس في الجامعه انتساب عشان يتفرغ لشغل مع ابوه الي ماله غيره مشعل طويل حيل ونحيف بس كتوفه شوي عراض لونه يميل لسمار عيونه وساع وحواجبه عريضه ولون عيونه اخضر الكل كان يعلق على مشعل انه احلى من امل مع انهم توئم وهي البنت >
مشعل:هذاك قعدتي ههههههههه هاه وشلونك الحين ان شاء الله احسن.... ريم انا ما ودي احرجك واسألك عن سبب الي صار بس اذا كنت تبين تقولين قولي وانا اخوك
ريم:الحمدالله تمام ...مشعل وش فيك قاعد هنا
مشعل يتنهد:ااااه ياريم
ريم:يـــوه الولد رايح فيها وش فيك
مشعل:مي اختك بتجنني
ريم وهي تميل شفايفها وتتنهد كنها ماله
ريم:وش فيها بعد
مشعل:رافضه نسوي الزواج اذا تخرجت من الثنوي مصره تدخل الجامعه اول
ريم:هي انتم تراكم مللتوني من جد كل هذا عشاني اصير اختكم انتم الأثنين
مشعل يضحك على ريم
مشعل:تصدقين امي الله يرحمها ما سوت خير يوم رضعتك كان الحين تزوجتك بدال اختك ميوه الي كل شوي لها راي
ريم :طيب اعلم عليك
مشعل:هاه لا خلاص امزح يابنت الحلال فكينا تراني مو ناقص هي من غير شي تزعل ها الحين تقولين له كذا والله تموتني
ريم :ههههههههههههههههههههههههه ياخواف
يله بس قم ودني للبيت ابوي باقي نص ساعه عشان يجي البيت ولو جا ولقاني ما جيت بتصير كاثره
مشعل وهو يوقف ويعدل التيشرت
مشعل:ابوك هذا ما ادري ليش معقد كذا
ريم تقوم معه وتقلد صوت ابوها الخشن والرجولي بزياده
ريم:ابو البنات لازم يكون حريص على رعيته والبنت مفروض ما تتدلع عشان ما تنملق(يعني تفلها)
مشعل ميت ضحك على ريم وهي تقلد ابوها
مشعل :والله شكلي تدبست بخال معقد
ريم تضرب مشعل مع كتفه
ريم:عاد انت لاتفلها تراه ابوي حبيبي وما ارضى عليه
مشعل:خلاص لا تطقين بسرعه روحي جيبي عباتك
ريم:اوكيه دقيقه
ريم راحت تجيب عبايتها وشنطة الجامعه بسرعه قبل ما يهون مشعل يوديها لأنها عارفه انه عجاز يمكن يغير رايه [/color]***استغفر الله واتوب اليه***ريم تصعد السياره وهي تتنفس بسرعه لأنها كانت مستعجله مره
[color="darkorange"]مشعل يتكلم وهو يضحك على شكل ريم
مشعل:وش فيك كنك شغاله منحاشه ههههههههههه
ريم :لا تستهبل انت وجهك خفت تروح عني
مشعل:ايوه انتم يا الحريم ما ينفع معكم الى الشده
ريم بتريقه:لا ياشيخ
مشعل بجديه شوي
مشعل:وش رايك برجعت عمي فيصل
ريم تكر مزاجها لما سمعت طاريه
ريم:مشعل والي يعافيك فكنا منه
مشعل مستغرب
مشعل:ليش وش دعوه
ريم تصرف
ريم:مدري كذا سبحان الله ماحبيته
مشعل :والله حرام عليك انا ماجلست معه الى ساعتين
من رجع بس والله حبيته تغير عن يوم كان صغير يا الله كان مغرور وغثيث يعل القلب من جد
ريم:ههههههههههه والله الى الحين وجه يعل القلب
مشعل:تدرين انه طلق مرته التركيه
ريم متملله ومو مهتمه للموضوع
ريم:ليش
مشعل:يقول اني ابي عيال وهي رافضه تقول ما اقدر احمل واترك شغلي واخرب جسمي ام التفكير خخخخخ
ريم:ايـه
مشعل:هي ريم وش فيك وش ايـه تسلكين لي انتي وراسك
ريم:ما ادري عنك ازعجتنا بعمك
ريم قاعده تلعب بجوالها وتحوس فيه الى طرت عليها ترسل رساله رومنس لوليد
بعد عشر دقايق جتها رساله منه رومنس بعد
وصار كل طريقها لبيت اهلها رسايل مع وليد
ومشعل كان يكلم مي يشوف كان تبي شي قبل ينزل ريم عند البيت
مشعل: حبيبتي قولي الحين اذا كنتي تبين شي مو اذا نزلت ريم مشورتيني
مي بدلع:ما استاهل يعني
<مي دلوعه حيييييل متأثره بقصص الحب والغرام كثير هي ومشعل يحبون بعض من يوم كانو صغار بس الفرق بينهم ان هي مره رومنسيه ودلوعه وهو ما يحب دلع البنات على قولته وهي انانيه وغيور مي طويله وجسمها رويان بشرتها برونزيه وعيونها مشدوده على فوق ووساع ثمها دقيق مره انفها طويل ورزه فيها كثير من ابوها >
مشعل :حبي تستاهلي بس ليش المشاوير
مي زعلت من صراحته العفشه
مي :ياسلام عليك
مشعل يسوي مستغرب
مشعل:با الله عليك زعلتي مني
مي:مسكين ما سويت شي ياحرام
مشعل :والله اني كويس بس محد يقدر
مي :هههههههههه
مشعل يتنهد
مشعل:اااااه ياحلو ها الضحكه يا ناس
ريم بصوتي عالي واستهبال
ريم:يـارب يحس اني موجوده ويستحي على وجهه
مشعل:ههههههههههههههههه انتي النشبه جيتي تستاهلين ماجاك
مي فرحانه تحسب ريم غارت منها تحاول تزيد غيرتها
مي:مشعل تحبني
مشعل يحك راسه يجمع حكي لأنه عارف ان ما قال لها كم بيت شعر ورص لها عشرين كلمه في الحب بتطقها زعله
مشعل يتكلم ويوصف لمي حبه وريم مو لمه ابد منسجمه برسايل مع وليد الى صارت سوالف
ريم انتبهت لطريق
ريم: مشعل مدري احسك تعديت بيتنا من زمان
مشعل يتلفت حوله
مشعل:هههههههه ايـه والله انسجمت بسوالف اوكيه حبيبتي اكلمك بعدين
مي عصبت
مي:ليش ريم قالت لك قفل
مشعل يصرف
مشعل :اوكيه حياتي يله باي
مي تسكر وهي مره معصبه
مشعل نزل ريم عند البيت وريم تناظره بحقد
ريم:اعترف مشعل انت اخرتنا تستنى ابوي يجي عشان اسمع كلمتين منه يا شر
مشعل: ههههههههه جا والله ما قصدت بس وش اسوي اختك ماخذه عقلي على فكره توقعي تحط الحره فيك عشاني سكرت قبلها
ريم:هههههههههههههههههههه الله يعينك على مابلاك
مشعل:ههههههههههههههههههههههه يمدي اهون
ابوريم من عند باب البيت
ابوريم:ريم وش تحترين ما دخلتي ولا عاجبك شكلك فشارع
<ابوريم رجل عصامي ربي معطيه خير بس البخل مصيطر عليه او الحرص على قولته ما عنده لا اخو ولا اخت وهو متعقد من ها السالفه كان يتمنى يجيب عيال وبنات كثير بس ام ريم معد تقدر افكاره قديمه وتقليديه مره قلبه حنون حيل بس يحب يبين عكس كذا عشان ما تنهز شخصيته قدام بناته ...طويل وصحته زينه عضامه جبره وعريضه ملامحه عريبه اصيله بشرته سمرا له دقن كثيف مغطيه بياض الشيب الى معطيته رجوله اكثر ورسميه>
مشعل:هلا خالي بشرني عنك طال عمرك
ريم تقرب من ابوها تسلم عليه
ابوريم:هلا هلا مشعل
مشعل وهومنقهر من رده البارد زي العاده
مشعل:طيب انا استأذن
طلع فيصل من بيت اهل ريم
فيصل: هلا ابو ريم
ابو ريم يلتفت يسلم عليه
ابوريم:هلا والله فيصل حمدالله على سلامتك لو اختك ماقالت لي انك جيت كان ما عرفتك ههههههه
فيصل :الله يسلمك والله تعرف سنين مو بصيطه اكيد بتغير عليكم مشعل خذني معك بروح البيت تعبان وابي ارتاح
ابوريم:وش دعوه يوم جيت رحت يا فيصل
فيصل:والله كان ودي اروح من زمان بس اختي الله يجزاها خير ناشبه كل ما قمت حلفت يوم راحت للمطبخ انحشت منها خخخخخخخ
كلهم :ههههههههههههههههه
ابوريم:الي يريحك ما ابي اضغط عليك البيت بيتك
فيصل :ماتقصر جعله دايم عامر
مشعل:نمشي عمي
فيصل:يله
ريم وابو ريم دخلو البيت
ريم:كيفك يبه
ابوريم:الحمدالله
ريم:وش فيك زعلان علي انا مسويه شي ومو منيبهه
ابوريم يفتح باب ملحق الرجال فصخ شماغه وجلس يريح
ابوريم:انتي عارفه وش مزعلني منك لا تستهبلين
ريم:والله مدري قول
ريم تجي جمب ابوها
ابو ريم يناظرها بنص عين
ابوريم:الخطاب الي ترفضونهم من غير سبب
ريم انعفس وجهه
ريم:يبه انت عارف ان اهم شي عندي دراستي وبعدين يسير خير
ابو ريم: اقول بلا دراسه بلا هم البنت مالها الى العرس وبس
ريم حست ان ابوها ببيدا مول العرس
ريم:عن اذنك بروح اشوف امي
ابوريم:ايـه زي العاده انحاشي من الحكي السنع
والله لو مو حرام اني اغصبك على العرس ولا كان من زمان مزوجك انتي ووجهك يا له روحي لمك
ريم مبتسمه باسة مع ابوها مع راسه وطلعت
سلمت على امها ورقت تغير ملابسها الى وليد يدق عليها
ريم مو متعوده قلبها صار يدق بسرعه مو طبيعيه حست بخوف رهيب ردت وضلت ساكته
وليد:مساء الخير
ريم:,,,,,,,,,,,,,,,,,,,,,,,,,,,,,,
***سبحان الله وبحمده سبحان الله العظيم***
******************************************

السلام عليكم
اختي الكريمة
القصة رائعة واسلوب الكاتبة ممتع
ووتناول قضيا مهمة بالحياة اولها قضية التحرش بالفتيات في عمر صغير من قبل الأقارب وكيف يؤدي ذلك الى عقد تظل مسيطرة حتى الكبر
القضية الثانية استهتار البنات بالاتصالات الهاتفية وكأنها اصبحت ضرورة لابد منها في حين هي افة على المجتمع تهددبالقضاء على الاخلاق الحميدة لدى الشباب والشابات

عزيزتي لدي سوأل هل القصة مكتملة
وهل الكاتبة ملتزمة بنزول الاجزاء
ام القصة غير مكتملة والكاتبة هجرتها بصراحة لا اريد ان يتعلق روادالمنتدى بقصص غير مكتملة ويزدحم المنتدى بها

وفقك الله عزيزتي
اكملي انزالها

صاحبة ابتسامه
من عيووني اول ما ينزل الباارت بحطه

اراادة الحياة

هذاا من ذووقك عيووني

وانا كلمت الكاااتبه وتقوول الاجزااء بتنزلهاا متواصله


برررب