كاتب الموضوع :
zoooro
المنتدى :
القصص المكتمله من وحي قلم الاعضاء
تحياتي اليك جين وشكرا عالرد واتمنى يعجبك البارت هذا يارب
(((( من القائل ان الحب من غير امل اسمى معاني الوجود))))
الى كل من يكره ليلى ...ارجوكم ان تترفقو بها فهي انسانه بغايه الضعف
:بنحدد لين نوصل
: انت مينون اكيد
: ليش تخافين تكونين معاي
:دريت عاد انا موافقه بس لاتتوقع وايد من عيشتي معاك وتذكر اني انا اللي احدد نوع العلاقه بيننا
:مواااااااااااااااااااااااااااااااااااااااااافق...متى السفر
: باشوف الترتيبات وبرد عليك
الشركة في البداية عارضت فكرة اني اسكن بعيد عن وفدهم وبعد مجهود كبير قبلو بشرط اني اوقع على عدم مسؤلية الشركة عن اي اضرار تلحق بي من جراء قراري هذا واضطريت للتوقيع واتمام اجراءات السفر الى ماليزيا..............
انا مادري ليش مضطرة دايما انتازل علشان اوصل ..كان مطلوب منا التعاقد مع مجموعة شركات صغيرة لاستراد قطع غيار لا سلكية ووتوقيع عدة عقود اقتنعتت فعلا اني استحق فرصه اني امثل الشركة في دولة ثانية وان هذا له دور كبير في ترقيتي في شغلي وتناسيت المشاكل المترتبه على الموضوع ..................................
اتصلت وخبرت محمد بموعد سفري قبل باسبوع علشان يراب نفسه ويجي معاي وعقب ماسكرت التلفون ظليت افكر ((( انت ماتهمني يامحمد ولاحتى عادل يهمني ......سامحني يارب بس انا مو ملاك وبحاول استغل اي فرصة علشان اخذ اللي ابيه ))
ياجماعه انا اسفه بس انا موملاك ولا لان الكل يشوف ان الصوره حلوة لازم امثل بعد ان روحي حلوة واني طيبه ...انا مو جذي ومايهمني ابد اللي ظن فيني......ابي اساافر مو بس علشان الترقيه .ابي اسافر لاني احب السفر واحب التغيير واحب حرية نفسي ومو مشكله عندي شقد بتنازل مادامت النتيجه مثل ما ابي ............................
كنت حاطة في اعتباري ان محمد مابيترك فرصه وحده تطوفه من سفرنا بدون مايحاول ..................
خصوصا واننا بنسكن مع بعض.....يوم السفر كنت انطره بالمطار وكنت خايفه يغدر فيني وماييي بس عقب نص ساعه وصل وقعد معاي شوي وكلمني
محمد: كل شي جاهز
ليلى : طبعا وعقب ساعه بتطير الطياره
:انا ما بسافر معاج ليلى
:نعم ...شقاعد تقول ...كنت متوقعه انك بتحاول تخرب علي وتمنعني من السفر
: انا ماني مسافر بس مابمنعج
:ششششش...شلون يعني
:انا ابي احميج ...بس انتي تظنين اني ابي شي ثاني ...انتي جدام الناس زوجتي ..بس انا واتي ندري شللي بيننا ...سافري لولو ..يمكن السفر يعلمج اشياء ماحد قدر يعلمج اياها
:انا سافرت ممن قبل ...مو اول مره
:للاسف انها مو اول مره ...بس اتمنى انها تكون اول مرة تتعلمين فيها
: محمد
:نعم
:مابتطلقني الحين صح
:هذا اللي يهمج ....اوكيه لولو ...مابطلقج الا اذا قلتي انج تبين ...يلاا الحين اخليج
:ماشي....يعني
:انتي شرايج ؟
: انطر معاي شوي
:ليش؟ ماعاد لي عازه
:بس الطياره بتتاخر
: انتي مايهمج شي غير نفسج..اوووف
:اوكيه روح بسسسسسسسس
:شنو بعد
: لاتخليني محمد بدون اتصال ...دايما كلمني
: مابتقولين اني اشغلج عن شغلج
: لا مابقول
:اوكيه والحين مابتودعين زوجج
:مع السلامه...
: بس
:شنو تبي اكثر
:ابي يعرف اللي معاج كلهم منو انا بالنسبه لج
:مممممافهمت
ومسكني من ذراعي جنه بنصور للعرس..وقال جذي
كنت متوقعه انه بينتهز اي فرصه علشان..........؟؟؟؟؟ بس الظاهر اني غلطانه في تصنيف هالادمي ساعات احسه مجرد حيوان يجري ورا رغباته وساعات يحيرني ويسوي روحه فيلسوف وعبقري وماحد ممكن يزعزع ثقته بنفسه مادري ليش احس انه علاقتي معاه مابتكون سهله
طول السفره وانا افكر بمحمد وباسلوبه في انه يتركني بروحي ...مادري ليش ساعات احس انه تعمد يورطني مع الشركه واسكن برروحي على اعتبار انه بيكون معاي والحين يتركني لانه مايبي يضغط علي والسالفه زادت لما ارفضت الشركة حجز غرفة لي في نفس فندق الوفد وبغيت اتورط بس لولا لطف الله جان مااتصلحت الاحوال ووافقت الشركة اني انضم للوفد ...ساعات اتمنى اتصل له واسبه واسكر الخط ....ادري في نفسي مينونه بس ....جبانه ومحمد مو من النوع اللي يخلي حقه
رجعت عقب اسبوع وابوي كان يسالني اكثر شي عن محمد وشلون كانت السفره معاه وسكنا بغرفتين ولا بغرفه وحده ......مسكين ابوي يظن اني بريئه وماحد يقدر يغويني .......ساعات اسال نفسي اذا كنت فعلا بريئه او لا وهل براءة الجسد تعني دايما براءة الروح ....مادري ....مادري
طبعا انا ما لمحت لحد ان محمد ماسافر معاي وظليت اكلم الكل على انه راح بيتهم وتعبان من السفر وانا كنت ناطره انه يتصل او يسال علي (((ماحس اني احبه بس ابيه دايما يكون موجود ويسال علي ويهتم فيني ))))
مرت ثلاث ايام وماسال وعادل كان على طول يزورنا في البيت وساعات احسه يسال عن محمد بطريقه تععصب وفي عيونه معاني ماتريح ...مثلا يسال ليش مانشوف محمد ...ارد مشغول ...يرد مشغول ولا تزاعلتو في السفر ...اطالعه بعصبيه وارد : والله هذا شي يخصني انا وهو بس ..... يرد وكاني مالي اي اعتبار ...:عموما انا لازم اقعد معاه واستفسر منه .............
: بصفتك منو يعني تستفسر منه ...وعن شنو بالتحديد
: بصفتي مكلف من عمي بحمل مسؤليتج
بصراحه اسلوب عادل المستفز احسه ساعات مثل عناد اليهال بس اهو عمره ما ابدى اي مشاعر توحي باانه يبي يعاند او ينتقم .......عموما انا بعد ابي اعرف شفيه محمد ...صرت اتصل على مكتبه مايرد وقررت اني اتصل على الموبايل فردت علي بنت خالته سلوى
ليلى : مرحبا ...محمد موجود
سلوى: منو ..يبيه ..( تسوي روحها ماتعرفني)
:لولو
:اه.....محمد الحين مشغول تبين اقول له شي
بطت جبدي فصكيت الخط بويهها بدون حتى مارد عليها ...الحقير قاعد مع بنت خالته وتاركني وحتى ماتصل لي بالسفره الا مره وحده قررت اشغل نفسي بالشغل وماهتم فيه ولهيت فعلا ونسيت شوي الموضوع بسبب حركة الترقيات بس صار في يوم اني طلعت من الشركه متاخره وكنت تعبانه حدي ومن كثر التعب كنت مخففه السرعه وفي احد الشوارع الفرعيه كانت المصابيح ماتشتغل وظلام حده وكنت مشغله الديم فل علشان اشوف وفجاه نط شي بالشارع وسمعت صراخ .......حسيت اني صدمت شي
ومن الصوت خمنت انه ادمي ....ومت من الخوف وماوقففت السياره وشردت ...ادري الكل بيلعني بس انا جبانه وماتحمل اشوف احد ميت او انسجن ....ظليت ابكي وانا اسوق السياره وارتجف وماكنت عارفه بمن اتصل وعقب عشر دقايق وقفت السياره وقلت اشوف شصار فيها ونزلت ومن ذهولي شفت الدم مغطي الركن اليسار من السياره صرت ماشوف شي الا الدم والخوف .......................................
ظلت الافكار برراسي وانا ارتجف ياربي وين اروح .... ارجع البيت ...بس لو لاحظو الضربه اللي بالسيارة .....ياربي اتصل بعادل ؟؟؟بس هذا اللي عادل يبيه عشان يثبت للكل اني مو ثقه ((( صرت اتخيل عادل وهو يقول لابوي ...ماقلت لك ياعمي ان بنتك مو كفو الواحد يوثق فيها ويعتمد عليها....وصرت اشوف ابوي يبكي لانهم بيحبسوني ووووووووووووووووووووووووووووووووووووووو)) منن كثر الخوف صرت ضايعه ومادري شنو الحل وفجأه تذكرت شقة محمد اللي عطاني مفتاحها ....خل اروح واتصل لهم واقول اني يمكن ابات ببيت عمتي ام محمد وبعدين افكر لاني الحين ارجف وماني قادرة ارتب افكاري
وصلت الشقه وحطيت السيارة بالكراج وصعدت الشقه ..كانت الشقه مضويه ...الظاهر انه محمد هناك ...مو وقته التفكير الحين ...كانت دموعي تطيح غصب عني وانا داخله ادوره من غرفه لغرفه ولما شافني اندهش ....رميت نفسي بحظنه وقلت له وانا ابكي (((محمد الحقني اناذبحت واحد ...مابي انسجن .مابي يموت )))مسك ايدي وقال لي ...هدي شصاير
محمد : اذا ما هديتي مابقدر اساعدج
:انا دعمت واحد بالسيارة وشردت ...كنت خا...خا,...خايففففففه
كتن العرق يزخ من جبيني وايديني ترجف وانا ابكي مثل المينونه .....حضنني محمد وقام يمسح على راسي وقال لي
:اهدي ليلى ...عطيني المفاتيح وانا بتصرف
: لا لا ...بتبلغ عني محمد
: ماببلغ عنج بس لازم نروح نشوف اللي دعمتيه يمكن مامات
: تكفى محمد انا اموت ولا انسجن اذبحني بس لاتوديني السجن
: عطيني المفاتيح الحين وخلج هني ...وانا بتصرف
عطيته المفاتيح وطلع بالسياره وراح مكان الحادث...انا ماكنت بحال ..كل شوي اهلوس وابكي ..وانادي ابوي وامي ومحمد وعادل ..................................
الصبح كنت مثل الميته ........لوني اصفر وعيوني طالعه بره من السهر والصدمه وماني متحركة من مكاني ودايما على وجل ...اتصلت بمحمد ابي اتطمن عليه واشوف شصار والمفاجأة ان اللي رد علي كان ...........................................عادل
ليلى : الو محمد
عادل: لا مو محمد انا عادل
ليلى:ووين ممممممححححححححححححممممممممممد
عادل : لا تحاتين .....اهو عنده شغله بسيطه ولما يرد بخليه يكلمج
:ااانت شششششقاعد تقول ....اااي شغغغله بسيطه اللللي مممما اااحاتتتييييهااا
عادل: لما نرد انشالله بنخبرج بكل شي
:عاادل شششصصاير
صكي الخط الحين وبعدين نكلمج
: لا عادل لا لا لا كلمني الحين شلللي صار ....وصك الخط
وظليت ابكي واستغفر ربي وانادي ...فجاه حسيت بدوار وماعدت قادرة اتنفس والالم بصدري كان قوي ووووووووووووووووووووووووووووووووووووووووووووووووو........... ..
صحيت وماكنت بالشقه ...كنت بالمستشفى بسبب حالة هبوط حاد في الضغط وكان يمي ابوي وامي قاعدين وعادل كان عند الباب ...فتحت عيوني وناديت محمد وكنت ابكي ....مادري اذا كان حقيقه ولا خيال بس حسيت انه عادل عيونه بعد تدمع
خبرتني امي ان محمد مسوي حادث ونه مانتبه للريال اللي صدمه الابعد رجعته بيته ولما شاف الدم رجع وبلغ عن نفسه علشان يطمن على الريال ويشوف سير العداله
اه يامحمد شلت السالفه ...سالت امي وهو وينه في الحين ...قالت لي بالحجز وانه يمكن يطلع اليوم اذا تطمنو على الريال اللي صدمه ...صرخت بقوه : يعني اهو مامات ...مامات يمه ...وظليت اكرر الحجي جني مينونه وجت الممرضه وعطتني حبتين ونمت
العصر كنت احلم اني طحت بحفره عميقه ولونه اسود وفي اصوات تناديني وانا خايفه واحاول امنع نفسي من السقوط داخل الحفره وفجأه حسيت بصوت ينادين وحبل كان ينزل لي علشان امسكه ويطلعني من الحفره وشميت ريحة عطر ووووووووكان صوت محمد ...فتحت عيوني وهو كان فعلا يمي ومجرد ماشفته حضنته وظليت ابكي
لما هديت خبرني محمد انه لما رجع موقع الحادث كانت الشرطه توها واصله وانه خبرهم انه افتكر نفسه دعم حيوان ولما انتبه للدم اللي على السياره قرر يرجع ويسلم نفسه ...وعقب اجراءات التحقيق افرجو عنه لان الريال ماكان مات واصابته قابله للعلاج وبيتم تعويضه
توني الحين اتنفس عدل من صار الحادث ...بس اللي صار ضرب على وتر حساس جدا بحياتي وخلاني افكر بطريقه مختلفه ...صرت اشوف في محمد اخو وصديق اكثر من قبل وصارت نظرتي له معتمده على الثقه في انه مستحيل يردني لو شنو اطلب ...ورغم احساسي بالذنب الا اني كنت بعد سعيده باحساسي الجديد
|
30-08-08, 01:18 AM
جديد مواضيع قسم القصص المكتمله من وحي قلم الاعضاء
العرض العادي
