*** البارت الثالث ***


عند أحد المطاعم الفخمة نزل ياسر
و هدى من السيارة ودخلا...
وعندما جلسا ينتظرون ما طلبا
من الطعام قال ياسر:
_ هـا حبيبتي شرايك بالمكان..؟؟
_ المكان ممــتاز.

_ وانت ما عندك غير ممتاز ولا جيد اللي تكتبيها بكراسات الطالبات....
أجل أخاف بعد شوي تقول لي بارك
الله فيك..
_ هههه هههه...خلاص خلاص
حلو..بس على فخامته يمكن أكلهم
مو حلو أو غــالي..
_ إذا كان غالي فما يغلى عليك يا حياتي..ومن ناحية الأكل أنا جيت
مره هنا و أكلهم (ممـــتاز)
_ هههه هههه هذا أنت قلت ممتاز
_ البركة فيك حفظت الكلمه من كثر
مـا تقوليها..

_ تعال لا تضيعني بالكلام...
تقول جيت مره هنا من معا..؟؟
_ تعرفيني أنا ما أعرف أكذب...
أنا جيت مع وحده..
_ مع وحده...أي تقصد أختك ولا أمك
_ الصراحة..لا..أختي عندها زوجها
و أمي ما تحب أكل المطاعم..

( وبعد لحظات صمت )
سأل ياسر:
_ ما ودك تعرفين من تكون هالوحده؟؟....على فكره هي وحده
حلوه..تشبه لك وربي نسخه منك

و قفت هدى وقالت:
_ أقول قوم قوم نرجع البيت أحسن
لك ولــي..
_ والأكل اللي طلبته..؟
_ دق على شبيهتي النسخه مني
تجي تا كله لحالها
_ ههههه ما أقول إلا تسلم اللي تغار..
_ بتقوم ولا..؟؟
_ ولا..يا حبيبتي بقولك النسخة منك
يا قلبي هذي صورتك..
_ صورتي"

_ أي صورتك اللي عطاني إياها
عمور يوم ملكنا و رفضتي أشوفك تذكـــرين..؟؟
جلست هدى وقالت:
_أي أذكر كان عندي انفلونزا
و مو قادره أرفع راسي...بس
عمور ولا مرة قال لي أن عطاك
صوره لي.."

((تذكر ياسر عمـار اللي أحتار
و كان عنده موعد و يبقى يطلع
_ مو بكيفه...ذاك اليوم أنا جلست
وقلت له أني ما راح أطلع إلا لما أشوفك بالطيب ولا بالغصب..
فجلس يهديني ويقول لي
(أنا قبل ساعتين جايبها من المستشفى
تعال بكره إن شـاء الله تكون أحسن وعد أخليك تشوفها
و تتصور معاها بعد بس قوم الحين عندي موعد مهم)

فقمت أنا وقلت له:
-هي الحين زوجتي وإذا ما تقدر
تجي أنا بدخل و بشوفها ولا أقول
لك روح موعدك و أنا بجلس هنا
حـرام تخليها لحالها وهي تعبانه..
-وين وين تدخل أخاف تشوفها بهالحاله و تخترع وتطلع ما ترجع....
وأنا ما صدقت أفتك من حنتك...
و بعدين أنا صار لي سنين مهتم فيها جاي الحين تقول لي حرام تخليها لحالها
و أنت إذا ما شفتها اليوم بتشوفها بكره..

-صار لي سنتين و أنا أنطر هاليوم وتقولي بكره يا أخي ما فيني صبر
وقلت اليوم يعني اليوم و تقديرا لحالتها الصحية جيب لي صورتها
ولا ما راح أطلع....وهو خابزك
و عاجنك وهو ما قالك عن
الصورة لأنه عارف أنه بيفتح
عليه باب))
- هههه هههه...عرفت كيف عمور
عطاني الصورة..
-ما عليه بطوف سالفة الصورة
ما دام هي اللي جيت معاها
و عمور حسابه معاي بعدين

وفي السيارة قال ياسر:
- طيب زوجك حبيبك ما يستاهل
كلمه حلوه على هالأكل الحلو..؟؟
- ياسر
- يا عيون ياسر
- تعرف أني ما تعودت و يبيلي أحفظ كم كلمه منك..
وبعدين أنت تعرف أنك دنيتي وحياتي
و أنا ما عندي أغلى منك ومن عمور في ها لدنيا
- يا عمري أنا شكلي بذبح
عمور من كثر ما تذكرينه بكل
وقت و فتك منه
- و يهون عليك تذبح قلبي

- و وتقول قلبي وما تبيني أذبحه
- أكيد تذبح قلبي..مو الذابح
الله لا يقدر زوجي حبيبي و المذبــو...
- بس بس لا تكملين..
وقف ياسر السيارة وقال:
- وأخيرا وأخيرا قلت حبيبي
تكفين قوليها مره ثانيه
- في البيت في البيت
- أي قصي علي مثل أمس
تقولين غمض عيونك وكررها
20 مره عشان أحفظها و في النهاية
تنامين وتخليني بس أنا أوريك
ماراح أتحرك من هنا إلا لما تقولينها 10 مرات..

- ياسر..
- خلاص مرة وحده بس تكفين ريحي قلبي و قوليها

&&& &&& &&&

((كثيرا ما كنت أقول لصديقاتي بل لرفيقاتي فأنا لم يكن لي صديقات سوى القلم والأوراق
[أن أهلي لم يخطأ إذ سموني أحلام وها أنا الآن كبرت وتأكد لي ذلك فهاهي
كل آمالي لم تتحقق و غدت بالنسبة لي مجرد أحلام أوقن أنها ستبقى أحلامـا فقط
فحتى عملي بحياتي لم أكن أحلم أن أكون مصممة أزياء و إنما كان حلمي بأن أدخل
كلية الفنون فأغدو من أمهر و أبرع الفنانات بالرسم الذي أهواه و أتنفسه... ولكن ذلك
لم يتحقق فلقد توفي والدي قبل أن أنهي المرحلة الثانوية و نظرا لظروفي الصعبة
عرضت علي إحدى الزميلات العمل في المكان الذي تعمل فيه والدتها
و وافقت دون تردد لأصرف على نفسي و الذي كنت و لا زلت أصرف
معظم راتبي في شراء الأدوية التي يحتاجها قلبي وجزء بسيط أساهم به
في مصروف المنزل و هكذا تلاشى حلمي...حلم الصغر وهو إكمال دراستي...

و الآن...
و أنا منذ أيام قد أكملت الـ23 من عمري تلاشت كل أحلامي ولم يبقى لي
سوى حلم يراودني في منامي بين فترة و أخرى وهو أني
أرتدي الفستان الأبيض وحولي جموع من الناس.. وكيف لا يراودني
بمنامي وأنا بكل يوم أصمم أثنين أو ثلاثة فساتين فهذا عملي...
رغم أني لا أفكر بموضوع الزواج فهذا موضوع أشعر بأنه ليس من حقي
التفكير به وذلك منذ أن حذرني الطبيب قبل سنوات بأنه علي أن لا أفكر
بالإنجاب فهو يشكل خطر كبير على حياتي...

آه..ومن الذي يرغب بزوجة مريضة بالقلب وكذلك
لا يمكنها الإنجاب...
أين كان جمالها......غير من يطمع بالأستمتاع بجمالي لشهور أو سنه..
جمالي..وآه من جمالي الذي تتمناه كل أنثى تفقده و تحسدني عليه بعضعهن
برغم أني لم أستطع أن أتباه به و كيف أتباه به و قد عانيت بسببه
بكل مرحلة عشتها..

كرهوني بسببه- غار مني بسببه- ضربوني بسببه- ولفقت لي التهم بسببه-
و تشاجر علي من يحبوني بسببه...ووو

{لولا إيماني بالله و خوفي من أكون اعترض على حكمته لتمنيت أن أفقد
هذا الجمال أو........................... ............................................
............................................


***..قرأ طلال الكلمات المكتوبة على الورق عدة مرات ومن ثم
استلقى في فراشه و استمر عقله يفكر حتى غلبه النوم.. ***

&&& &&& &&&

هنأ عمار أخته بزواجها وقدم لها هدية (عقد ذهب على شكل قلب
عليه حرف A ) فقالت له:
- مشكور..بس هذي خامس هديه
تعطيني إياها خلاص وفر الباقي لعروسك..
- بعد تعرفين أنا كم أخت عندي وحده وما عندي أغلى منها بعدين
هذي الهدية بذات علشان أحر يسور بس يطفشك لبسيها وهو من يشوف
حرفي عليها بيطفش من البيت..هههه هههه..

- هههه هههه بهذي صدقت
- المهم لا يقص عليك بكم كلمه و يقنعك تبيعيها
- لا أفا عليك الهدية لا تهدى ولا تباع فشلون
إذا كانت من أخوي الوحيد الغالي..
- تسلمين يالغاليه..ألا هو وين؟؟؟
- قبل ساعة كنا تحت عند خالتي
و راح يشتري لها كم غرض
من المحل القريب

- ممتاز..عشان نفتك من حنته شوي
- هههه هههه <<أكيد حفظ الكلمة من كثر ما أقولها>>
- كلامي في شي يضحك..؟؟
- لا..ألا قولي أنت شخبارك ؟؟
- قبل لا تستلميني أسئله أنت
قولي لي شمسوي معاك يسور
إذا مقصر عليك ولا مضايقك
بشــي قولي لي أنا أوريك فيه
صحيح هو أكبر مني بسنه بس
أنا ليلة العرس مسكته من رقبته
و صيته عليك...

- هههه هههه وأنا أقول شفيه ثاني
يوم ما يقدر يحرك رقبته
- لا هذا من كثر ما غطسته في الماي...
يستاهل غثني....
إلا كل شوي ويقول لي
الحمدلله اللي ريحني منك
بعد ما بجي بيتكم كثر ما جيت....
يكون بعلمك أنا ما بخليها تجي بيتكم إلا بعد سنه...
وتسوي خير فيني إذا ما توريني وجهك إلا بعد أسبوع

- هههه هههه تعرفه يحبك و يحب
يغيضك مثل ما أنت تحب تغيضه
و هو مو مقصر علي بشي ومهما
أكون سعيدة فما بقولك أني سعيدة
لأن سعادتي ناقصه....
فكري مشغول عليك و شــ ــ

قاطعها:
- أنا ما ناقصني إلا وجودك في
البيت و أنت عارفه مكانك الكبير
إذا أنت سعيدة فأنا أسعد حتى لو
أنا ساكن لحالي و إذا على الأكل
فأنا دائما أساعدك يعني مو صعب
أسوي لنفسي
- بس أنا ما أرتاح إلا لما تسكن
معنا ولا تتزوج و أنا ما تزوجت بعد سنتين و أنا أحاول أقنع فيك
إلا عشان تحس بالوحدة.....
مو عشان تقولي إذا أنت سعيدة
أنا أسعد و بعدين لو تعرف
من اللي اخترتها ما ترددت..

- < آه يا أختي لو تعرفين السبب
اللي مخليني كاره الموضوع كله
كان عذرتيني وصعب صعب أني
أقوله لك...بس أف من هالسالفه
أحين شيفكني منها..ما في إلا أني
أسايرها هي عروس ولازم ما أضايقها >

- بعد هالتفكير قول موافق وفرحني
- و من تكون اللي أخترتيها ؟؟
- صديقتي منى..وصدقني أنا إلى
الحين ما شفت وحده أجمل منها
وهي خلوقه و طيبه و حنونه و أنت
عارف المواقف اللي وقفتها معاي
بزواجي بصراحة ما خلتني أحس
أن ما عندي أخت..

- طيب وهي ما عندها عيال عم
أو عيال خال أوعمه أو خاله..
- أي عندها بس شدخلهم في
اللي نتكلم عنه..
- شدخلهم...إذا كانت زي ما
وصفت فليش يخلونها لي أو
لغيري موهم أولى مني أو من
غيري هذا أولا.....

ثانيا أنها من الطبقة المخمليه
تعودت تعيش بمستوى أنا ما
أقدر أوفر لها نفسه هذا إذا وافق
أهلها أني أكون زوج لها....

و في هاللحظة سمعوا صوت أحد يفتح الباب000

- هذا وصل زوجك سكري عالموضوع..
- ما راح أسكره و إذا أنت معترض
على منى بدور لك غيرها..

استقبلت هدى زوجها و أخذت الأكياس منه وتوجهت للمطبخ
لتجهز لهم العشـاء وهي تفكر
وتذكرت الكلام اللي قالته لها منى..
[الأقل مستوى يخشى أن يرفضه أهلي و أبوي يقول عنه بأنه طامع
في ما نملك و أبناء العائلة يتساءلون
ليش ولد عمي فسخ خطوبته مني...
و أكيد أنهم يظنون بأن فيني عيب
خلاه يتركني بعد فترة خطوبه قصيره والحقيقة أنه تركني بعد
ما أوهمه أبوي بأني ما أملك شي ولا راح أرث من ثروة أبوي شي]

..................................

بعد الانتهاء من تناول العشاء أستأذن عمار وقال لأخته وهي
تودعه بقرب الباب:
- أهتمي بنفسك وبزوجك ولا تشغلين تفكيرك فيني و أنا
صبري لما أمل من الوحدة
زي ما خططت وبجي بنفسي
وبقولك تكفين يالغاليه دوري
لي وحده تونسني...و على فكره
ما بي دعوات إجباريه مرة ثانيه

- مو على كيفك بتجي غصب عنك -هههه هههه على الأقل أنتظري
لما يخلص شهر العسل و بعدين
نسوي جدول يومين عندكم
ويومين عندي

&&& &&& &&&

جلس طلال على أحد المقاعد في
غرفة أخته وقال:
- سمعتك تكلمين قبل شوي
و غريب ما طولتي بالعاده
أقل من نص ساعة ما تكفيك..
- أي لأني كنت أكلم أحلام
في المكان اللي تشتغل فيه
و تعرف ما تقدر تطول معي هي مشغوله بس بعد بكره عندها إجازة
ووعدت أنها تزورني
- و كيف صحتها الحين؟؟
- بعد هي في شغلها الحين يعني أكيد بخير..
- الحمدلله....وداد سمعتك
أكثر من مره تتكلمين عن
جمال أحلام...يعني مو معقول ما تقدم لها أحد..

- تقدم لها كثير و حتى طبيبها
وهي رفضت لأنها تحس أن
بيتزوجها شفقه وبعد هـــو
عنده زوجه وبنت و هي ما تبقى
تسبب له أو لنفسها مشاكل خاصة وأن زوجته جات تهددها...
و في غيره كثير بس مو كل واحد ظروفها تناسبه أو ظروفه تناسبها....
و سئلت زوجة أبوها مرة فقالت لي أن أخطبتها أكثر من و حده لأولادهم
بس من تقول لهم أنها تعاني من القلب ما يرجعون مرة ثانيه...و في آخر زيارة
قالت أن في وحده تقرب لجارتهم طلبت أحلام لأخوها و ظروفه جدا
تناسب و كان ما باقي إلا رأي أحلام..
- و وافقت..؟؟

- لا...لأنهم بعد ما سئلوا
عنه عرفوا أنه متزوج
مرتين برغم أنه ما عدى
ال 30 والأولى 9 شهور
وطلقها و الثانية ما كمل معها سنه و الأسباب تافه
يعني بس يحب يغير...
و أحلام تقول أنها مو
مستعده تكون مطلقه
تبقى بدون زواج أفضل
من تتزوج واحد مثله...
ألا أنت لي تسأل..؟؟

-لأني ناوي أخطبها..
- أاااانـت"...لا
- و لي لا..؟؟
- أقصد فكرت...متأكد
من قرارك..
-متأكد وتعرفيني مو متردد بقراراتي
زي بعض الناس..
- وش معنى أحلام...
إذا أنت شفتها بدون قصد
بعذرك جمالها مو عادي ..

- ولا عمري لمحتها....
واختياري لها شي خاص
فيني مو ضروري تعرفينه
وبعدين هي بنت عمتي
و أنا أولى فيها من غيري

- وأمــي خبرتها بقرارك
- لا,والمهم الحين موافقة أحلام وبعدها أنا
أعرف كيف أقنع أمــي...
أنـــا وافقت على اللي اختارتها والبنت رفضتني...
و الحين لازم ترضى باللي أنا اخترتها.....***

&&& &&& &&&

بهالبارت عرفنا مــــرض أحـــــلام اللي تعاني منه
بـــــــــــــــــــــس000
تتوقعون000
ليش طلال أختار أحلام وهــــو
عارف أن أمه ما راح تـــوافق
عليها...***
و أحلام توافق أو لا ***
عمــار..شو السبب اللي مخليه
رافض الزواج ***

&&& &&& &&&
تمنياتي لكم بقرأه ممتعه
صمـــــــــــت
*******
***

مشكورة علي القصة الرائعة و بانتظار التكملة

و كل عام و انت بخير

بهالبارت عرفنا مــــرض أحـــــلام اللي تعاني منه
كسرت خاطري
والي قهرني ان كل الي يخطبونها ويعرفون بمرضها ما يردون
ليش ؟!
هي الي مرضت نفسها ؟!
الله يعينهم

ليش طلال أختار أحلام وهــــوعارف أن أمه ما راح تـــوافق
عليها
القلب وما يهوى

و أحلام توافق أو لا

غصب عنها

ترا حبيت طلال :)

عمــار..شو السبب اللي مخليه رافض الزواج
يمكن مجروح ويمكن ....... الخ

ومبااارك عليكم العيييد

وشكراً ع الجزء الروووعة