** البـــارت الثــــــانــــــي **

الساعة ٧ ص
رن التلفون في غرفة عمار وغرفة هدى وهم خلصوا من الفطور٠٠
فقال عمار أنا برد وأنت لبسي عشان ما نتأخر

_آلو٠٠
_صباح الخير يا عمار
_صباح الخير يا لمزعج
_أنا مزعج يا٠٠<قاطعه>
_ما عندي وقت أخلص شتبي
_ تعطلت سيارتي في المنطقه المقطوعه فا ممكن تتكرم
و تاخذني بطريقك
_ بفكر <وقفل الخط بوجهه>
........ ............ ..........

بعد ربع ساعه وقف عمار سيارته فقال ياسر٠٠
_ ظنيت أنك ما راح تتكرم
_وصلتها أول عشان ماتتأخر٠٠
وأنت واثق أني بجيك ولا
ما كان اتصلت علي

ركب ياسر٠٠(هذا لأني مو حافظ غيره وجهازي بنت أختي
ما قصرت بس شربته عصير تفكر يعطش مثلنا فصار بلا أرقام
وزين منه أنه أوقات يدق بس ما يرسل ولا يستقبل )

تثاءب عمار أكثر من مره فقال ياسر:شكلك ما نمت زين
_لا ما نمت إلا ساعتين بسبب واحد مــزعج أتصــل و نقـزنــي
مــن أحلـى نومـه
_وشيبي ها لمزعج ربي يسلط عليه اللي يحرق دمه
_ تسألني وشيبي وأنت اللي متصل الساعة [١]ولا نسيت

تذكر ياسر أنه أتصل علشان
يصالح هدى ٠٠
_ و أنت ما نمت علشان تسمع كلامنا..؟؟٠٠
وقف عمار السيارة وقال
_ أطمن أنا سكرت يوم سمعت صوتك بدون ما تحسون
بس ظليت أتقلب طول الليل والحين أنزل يا لمزعج وصلنا


* * * * *

جلس عمار يشرب شاي وهو يقلب المحطات بعد الغدا
وهدى جلست تصلح كراسات طالباتها فسألها:
_متى بتروحين تزورين
خالتي أم ياسر؟؟
_الليلة إن شاء الله وبطلع العصر السوق مع منى نشتري لها هديه
_ قلتي لياسر؟؟
_ أي قلت له
_ أفهم من كذا أن مكالمة ليلة البارح عودت المياه لمجاريها..؟

نزلت راسها:
_أعرف أن مكالماته المتأخره تزعجك وأنا قلت له أكثر من مره ما يتصل بس ما يطيع
_ وأنا مو مقصر فيه بس هو يقول <أنا ما قدرت أنام قبل لا أسمع صوتها>
_على كل حال أصبر عليه ما باقي إلا.......وبعدها......
_بعدها ما أدري بحبه أكثر لأنه بزواجه منك بكون مطمن عليك و بيخليني أصير خال........
ولا بكرهه أكثر لأنه بياخذك من ها لمكان و أيامي بدونك ما راح يكون لها طعم بهالبيت........

* * * * *

بعد كم يوم اتصلت هدى على منى وقالت لها:
_ كلمتيني قبل عن مشغل لخياطة الفساتين و استئجارها..اللي صديقتك تشتغل فيه
_ أي شفيه
_أبي عنوانه علشان أأجر منهم
_العرس بعد يومين وأنت
ما خلصتي

_شسوي المحل اللي أجرت منه قال أن الفستان اللي أخترته صارفيه بقع
وأغلب اللي عنده محجوزين
_ طيب بعد ساعة بروح المستشفى أزور أحلام بعدها أمر عليك وروح معاك
_ ما أبي أتعبك معي عطيني العنوان و خوي يوصلني لأني بسوي
تنظيف للوجه وللجسم وإذا في زحمه يمكن أتأخر
_خلاص أنت روحي الحين عشان ما في زحمه وأنا بتصل أحجز لك ووصيهم عليك وبعد
ما أزور أحلام أنا عندك
ما لك فكه مني.......


* * * * *

قدمت منى لأحلام بوكيه ورد أبيض وعلبة شكولاته.....
_سألت الممرضه فطمنتني
وقالت أنهم بيطلعونك بكره أو بعد بكره..والحين قولي لي شلون الصحه البدنيه والنفسيه والقلبيه....
_ ممتازه..وأحس أني أقدر أروح المشغل من بكره
_لا يا أحلام قلبك رقيق ما يتحمل فرحميه و أرحمي نفسك..بعدين أنت في إجازه أهتمي بنفسك.. والشغل لاحقين عليه...
ولا أنت ما تدرين أن اللي تعانين منه مرض يهدد حياتك بال...
_عارفه..بس عملي ما يتعبني وأنت تعرفين..بعدين أنا من خلاله أنسى همومي وآلامي وأحس بأهميتي وأني أساهم بشي مفيد ولو أنه بسيط و..
حطت منى يدها على فم أحلام
وقالت:

_لاتعبين نفسك بالكلام أنا أعرف اللي بتقولين..
والحين نص ساعة وبمشي وإذا بتعبين نفسك بالكلام بروح الحين
_الله يصبرني حتى الكلام ممنوع
_على الأقل...ردي بإختصار.....أمك بتجي اليوم..؟؟

_السواق جابها أمس و ما راح يجيبها كل يوم
_ لو كنت أدري كان جبتها معي
_يكفي أنك تزوريني وغالبا أنت اللي توصليني وتوصلينها..
منى انا مو عارفه شلون أوافيك حقك...
أنت تعامليني كأكثر من أخت
مو صديقه وبس..

_يقول الرسول{ص}:
[عامل الناس كما تحب أن
يعاملوك ]..إلا إذا كانت معاملتي
لش تضايقش..
ابتسمت أحلام:
_أنت إنسانه طيبه و حنونه {الله
لا يحرمني منك ويوفقك بكل خطوه و يهنيك...


* * * * *


أخذت منى إجازه لمدة يومين وتفرغت لهدى عشان ما تحس أنها لحالها
خاصة أن ما عندها أم أو أخت.....وبليلة الزواج
قالت منى لما خلصو من تزين هدى وتصويرها:

_ألف مبروك..والحين أستعدي دقايق و يوصل أخوك
_ليش أنت مو جايه معاي..؟؟
_لا...أنت مو تقولي أني أجمل منك خلاص مــا يحتاج أروح معاك و أخرب عليك الجو...سـاعتهــا تقولي ياليت خليتها تروح بيتهم...
_ليكون تمزحين يا منى ترى أعصابي مو ناقصه

_ للأسف أنا ما أمزح..أبوي أتصل و يبيني أرجع البيت الحــــــين....
ولا تنسين أني تركت أمي تعبانه اليوم بــــــس مــا هان علي أخليك
لحالك و تركت أبوي معاها وجيتك
_ خلاص أنا ما أبقى أتعبك وأكلف عليك
_خلاص ..خلاص يا عروسه أنا
مــا راح أتركك إلا لما أسلمك بعيوني
ليد زوجك ...أنا كم هدى عندي...
_ تسلمين لي يا منـــــــــى عمــري
_ أف...أف أنا منــــــى عمرك
مره وحده أجل أيش خليتي لزوجك يابكــاشه ..؟؟

***** ****** ****** ****** ******


كانت أحلام سعيده لأنها بتطلع من المستشفى بـــس فرحتها تلاشت
بعد ساعات الانتظار اللي مرت و زوجة أبوها(أم حسام) ماجاتها
ولا اتصلت من بيت جارتهم (أم حمد) تقولها أنها بتأخر أو ما حصلت أحد يجيبها...

و بعد ما تعبت من أفكارها اللي زادت من توترها وقلقها لبست عباءتها
و قررت أنها تروح تتصل على صديقتها منى عشـــان تجي تاخذها بأي وقت
وقبل لا تتحرك من مكانها سمعت صوت وحده تنادي باسمها وكانت هذي وداد بنت خالها.....

سلمت عليها و سألت عن صحتها و بعد ما جاوبتها أحلام أسألت عن السبب
اللي منع زوجة أبوها تجي تاخذها ....
قالت وداد:ما أدري بس هي اتصلت وطلبت مني أجي أخذك من هنا
لأن ما حصلت سيارة تجيبها وأنا جيت هنا على طول عشان ما أتأخر عليك...
والحين يالله قومي طلال ينتظرنا بره..

_طــلال..؟؟
_أي هو رجع من السفر و صار له الحين أكثر من شهر..
_الحمدلله على سلامته و هو منعك تزوريني و تسألي عني ولا من شاف أحبابه نسى أصحابه"
_ لا يا أحلام لو كان هو ما نعني
ما كان الحين جيت أنا هنا عشان أخذك..


*** *** *** ***

وطلال يخلص الأوراق سئل عن
الطبيب حتى يعرف حالة أحلام الصحيه لأي مرحله و صلت..

وفي السيارة كان طلال شارد الذهن يفكر بالكلام اللي قاله الطبيب...
و أحلام كانت متوتره أكثر من قبل أولا: لأن عندها إحساس أن في شي صار مع زوجة أبوها..
وثانيا مـــن شعورها بالحرج اللي دائم تحس فيه
في كل مره تجبرها الظروف أنها تستعين بأحد
يساعدهـا وها لشي يذكرها
بأنها يتيمه..

وأول ما دخلت هي وداد بيتهم وشافت زوجة أبوها(أم حسام )
حضنتها وقالت وهي تمسح دمعتها:
الحمدلله كنت خايفه تكوني تعبانه أو صاير فيك شي…يمه..
لو صــ ايـ ر فيــ ك شــ مدري شراح يصير فيني..


&&& && &&&

بهالبارت عرفنا((أحلام)) الشخصيه الثالثه المهمه من شخصيــات الروايه
بـــــــــــــس اللي مـــــــــاعرفناه هـــــــو.....

س: شــــــــــو مـــــــــرض أحـــــلام اللي تعاني منه و يهدد حياتها...؟؟
س: و ليش احلام تخاف على زوجة أبوها بهالقدر..؟؟
هــل لأنهـــا تحبهـــا؟؟ ولا لأسباب ثانيه ؟؟

ألقــــــــــــــــــاكــــــــم علــى خــــــــــير بالبــــــــارت الثـــالــــــــث
يــــــــــــــومـــــين أو ثــلاثــه و راجعه لـكــــــــــــــــم

صمــــــــــ الجروح ـــــــــــت

مرضها شكله خطير

وان شاء الله تتشافى

تخاف على زوجة ابوها

يمكن لأنها عقرب وتسوي ليها مشاكل

شكراً ع البارتا لحلو

السلام عليكم ورحمة الله وبركاته
شكرا لك على الروايه وانا من المتابعين لك انشاء الله

رائع جدااااااااااااااا احيكي علي هذه القصة
ومتابع معك
تقبلي تحياتي