السلام عليكم
واخيرا نزل بارت
لا يكون من زمان نازل ولا شفته
المهم
عمار ناوى يجنن ياسر واتوقع فيه تحدى بين عمار وياسر
وبشوف غلاه عند اخته
هدى اتوقع تسمع كلام اخوها
طلال ما راح يقول لوداد عن الرساله
اتوقع احلام تتزوج فى البارت 9

ولا توقفين كتابه اسلوبك رائع لكن ينقصه بعض الاثاره وهذا مو نقد بقدر ما هو حرص منى على تميزك لانى لست كاتبه ولكن قارئه جيده للقصص
القصه مضمونها وفكرتها رائعه وغير مسبوقه
واتمنى لك التوفيق

السلام عليكم ورحمة الله وبركاته

تسلمي على روايتك ،، وننتظر البارت القادم لمعرفة تطورات الأحداث .

9البـــــــــــــــــــ 9 ــــارت

في السـاعه الـواحدة والنصف ظهرا
استمر ياسر بالأتصال بهدى برغم كل المحاولات
اللي لم يرد عليها و لما ما ردت جلس يكلم نفسه
<<المسكين جننه عمار >>
وانتبه على صوت عمار يفتح باب السيارة وهو يكلم بالجوال

- قلت لك لا تكبرينها وهي صغيره....
لا وش اللي تروحين معي يومين لما تهدى أعصابك..
لا لا ..أنت حتى ما أخذت شهرين ..
وش بيقلون الناس وش بتقولين لخالتي...
طيب عديها هالمرة علشاني..وأنت لا تكلمينه إلا لما تروقين...انتهينا...خلاص خليك جاهزه دقايق واحناعندك

= وش اللي لا تكلمينه بكلم الجدران يعني
- أقول اسكت أكرم لك..هذا بدل ماتحب راسي ولا تشحن جوالي
= بعد...اللي يسمعك الحين يقول ما حبيت راسك ولا عطيتك
تشحن بـ50 بس عشان تكلمها وتخليها ترد علي
وفي النهاية تقول لها(لا تكلمينه إلا لما تروقين هــا)

- يعني أخذها شقتي لما تروق أحسن
= أقول كمل طريقك ولا تخليني أحلف أنها ما تجي شقتك
إلا بعد سنه...قال أخذها لما تروق قال..
أصلا أنت أساس البلا أنت الـ....

<<طبعا طول الطريق وياسر يتحلطم
وعمار ما رد عليه ماسك نفسه حتى ما يضحك
والضحية اللي راحت فيها..هدى ...
أول ما دخلت الشقه سحبها للأول كرسي
وجلس نص ساعة يتكلم
في البداية عاتبها لأنها ما ردت عليه وقالت لعمار
مع أنهم متفقين يحلون مشاكلهم وما يدخلون أي أحد بينهم
ولما ما نطقت بكلمه شك أنه سوى شي بدون ما ينتبه
فتضايقت منه لدرجة أنها ما تبي تكلمه فجلس يعتذر منها
ويراضيها بأي طريقه وقتها هدى ما قدرت تتحمل
وكانت بتكلمه بس بآخر لحظه رن التليفون بإلحاح
فتذكر ياسر أمه اللي تنتظرهم يتغدون معها وراح يرد
و ناظرت هدى الساعة وكان باقي نص ساعة
فانسحبت بهدوء ودخلت الغرفة وجلست تعدالدقايق
حتى تجي الساعة ثلاث ومع الهدوء والتعب
نااااااااامــــــــــت (-_-)

**** **** ****

و على وجبة الغداء أجتمع طلال وأمه وأخوه الأكبر منه
رياض وأخته وداد و خالهم (فيصل)
وهو الوحيد اللي يعرف أن طلال متزوج بره
لأنه كان يدرس معه ولأنهم غالبا مع بعض
فهو الوحيد اللي علمه طلال بموضوع الرساله
ولأنه انشغل بعدها ما حصل فرصه يسأل طلال شصار معاه...
فأول ما خلصوا أكل صعد معاه غرفته وسأله

- أقول أجلس وعلمني وش سويت تأكدت
أن اللي اتصلت هي ولا للحين..؟؟
= إلا تأكدت
- طيب وشلون.؟؟
= أنا قلت ما قدامي غير وداد
هي تعرف صوتها
-يعني قلت لها عن الرسالة..؟؟

= لا..أنا أول ما وصلت البيت اتصلت بنفس الرقم
من جوال ثاني و خليت وداد تسمع صوتها وغفلت الخط
وقلت لهاإن هذي وحده متصلة من تلفون البيت
و طلبتني بالاسم وتقول أنها تقرب لنا بس أنا ما صدقتها
وغفلت ولما فكرت قلت يمكن تكون بنت العمه ولا زوجة أبوها
- أي وبعدين..

= أكدت لي أن هذي موأحلام ولا زوجة أبوها و قالت
<طلال يقلد وداد>{ لا يوقف قلبك أصلا أي وحده منهم
إذا اتصلوا بيطلبوني مو يطلبونك}
- ههههه..يعني طلعت وحده تلعب عليك..؟؟
= لا..تعرفني خويك أكره ما عندي وحده تلعب علي...
دقيت عليها و بعد سين وجيم عرفت أنها صديقة بنت عمتي
وهي اللي طلبت منها تكلمني ومن كلامها
عرفت أن هي الوحيدة اللي تقدر تقنعها فقلت لها على كل شي..

- كل شي
= كل شي حتى تقدر وضعي و تساعدني...
وأنت عارف أني لازم أتزوج أحلام بأسرع وقت..

&&& &&& &&&

صحت هدى من النوم على صوت أذان المغرب
وراحت الصالة شافت زوجها نايم فآخذت دش سريع
وصلت ورجعت تصحيه فجلس ناظر الساعة و بسرعة عالـحمام
وثواني وكان واقف عالسجادة صلى ركعتين وجلس
وألتفت على هدى وقال
= عمري و شفيك جالسه ترى باقي 10 دقايق و يجي أخوك اللـــ
أكتمت هدى ضحكتها وقالت

- حياتي الحين المغرب مو الصبح
ثواني و تذكر ياسر اللي صار بس قام صلى
وجلس جنبهاوهو متعجب
= الحين أنت زعلانه مني..؟
-لا
= أجل أنا كنت أحلم..؟؟
- لا بس الله يسلمك هذا عمار<وقالت له كل شي>

= حسبي الله على بليسك يا عمير دوختني و جوعتني
لا و أدق عليك و جوالك يرن بإذني وهو مسوي نفسه يكلمك
ومن غبائي ما كشفت كذبه..و أنتِ حرام عليك ياشيخه
شكيت في نفسي قلت ما في إلا أني مسويلك شي وأنا نايم

- حياتي أسفه والله لو أني ما وعدته....
أصلا لما اعتذرت مني برغم أنك ما غلطت علي كبرت بعيني
وعرفت أنك حنون و طيب و ما يهون عليك تآكل أو تشرب
و أنا زعلانه منك ووقتها حسيت أن غلاك كبر بقلبي..
= ..!!
- ياسر
=..!!
- ياسر لا تفكر أني أحب أخوي أكثر منك
أنتوا الاثنين ما أقدر أعيش بدونكم

=..!!
- ياسر رد علي تكلم عاد قول شي
=...!!
- ياسر إن ما تكلمت بحبس نفسي بالغرفة
= ههههه ههههه أقول تعوذي من ابليس وتعالي جلسي
-....(0..0)

= حلوه و الله حلوه حتى وأنت كذا...بس صج قويه
أحين أنت حاقرتني ساعات وخليتيني اكلم روحي
و أنا بغيتك تذوقين شوي من اللي ذقته دقايق ما خليتيني ساكت..
- عشان تعرف أني صادقه لما أقولك ما أعيش بدونك...
= لا لا أنا على هالكلام ما أقدر أصبر لا و مصومتني بعد أدوخ..
أقول قومي جيبي لي شي أكله أحسن ما أكلك

-ياسر..
و لما سمعوا صوت من بطن ياسر
= سمعتي حتى معدتي تشهد...

**** **** **** ****
وقفت أحلام تناظر نفسها بالمرآيه وتكلمها
[بس شلون بتصرف وكيف و....أف لا والقهر يقولون لي عادي....
أي عادي...طيب أنا طول عمري ما جلست مع واحد بدون حجاب....
أي مع الأيام تتعودين وأنت مو أول وحده ومنى قبل يومين ملكت
وزي ما قالت هو الحين زوجي وهي دقايق بيشوفني
و يروح بيتهم...أف..]

قاطعتها منى وقالت وهي واقفة عند الباب
_ عارفه والله عارفه أنك خايفه بس هدي نفسك شوي
ولا تفكرين كثير...شغلي عقلك بأشياء ثانيه
وبعدين أنا أكدت على وداد ما تدخله إلا بأمرك

= كافي حش فيني كآاافي..و يالله يا عروسه
ولا بدخل أخوي هنا عندك..
سحبتها منى بعيد شوي عن باب الغرفة
_أقول لا يفلت لسانك وتقولين لها أن أخوك جالس
ينتظرها بالمجلس أنا قلت لها أن في كم حرمه
بالمجلس أمي و أمك والجيران وما تدري أن
ولا وحده فيهم أحضرت

= طيب هي مو عميا بتشوفه و بتتفاجأ وترتبك أكثر
و أخاف يصير لها شي
_لا تخافين وبعدين أحلام إذا كانت متوتره و مرتبكه
تصير مثل العميا ما تشوف اللي حواليها و أنا متأكده
أنها ما راح تنتبه ألا لما توقف جنبه ولا لما يكلمها..
و يالله أنا و أمها بندخلها معاك حتى ما تكشفنا..
ومشى الوضع مثل ما خططت منى بس أول ما دخلوها
ومشت خطوتين فجأة سمعوا صوت انفجار شي
خلا الكل يسكت و يحط يده على قلبه من الخوف... &
&&&&
&&&&&&
بهالبارت تمت ملكت (منى ومنير)
اللي من السودان
و( أحلام و طلال)
وووو أنتظر توقعاتكم وتعليقكم على هالبارت....
** و ألقاكم على خير**
صمت

يالبى قلبك يا صموته
تسلمين على البارت
كذا الاثاره والتشويق ولا بلاش

فى انتظارك يالغلا