السلام عليكم
كيف الحال صمت الجروح
تصدقين عاد قاعده الحقك من منتدى الى منتدى
اشوف وين نزلتى بارت لدرجه انى حتى الفجر فبل اروح الدوام شوف نزل بارت ولا لا
ياريت تحددين يوم معين ومشكوره على الروايه

*** البـــــــــــــــــــــــ 6 ــــارت ***
و في هاللحظه قطع كلامه صوت
شيء وقع و انكسر فألتفت هو و هدى بتجاه المطبخ فهتفت شاهقه:
= أمــل....<أبنت أخت ياسر شقيه عمرهـا 5 سنوات>
أسرع الاثنان إلى المطبخ
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و بلحظات تبدلت ملامح الاثنين وهما ينظران إلى قطع الزجاج المتناثر على الأرض وبعض الأواني الملقاة بكل مكان و العصير الذي انسكب نصفه وأمل الصغيرة تحاول أن تصب لها منه
-ههههه هذي أمول بنت أختي وهذا أقل شي تسويه إذا تركتيها لحالها
= بدل ما تضحك ألحق عليها قبل
لا تمشي على الـ
وفهاللحظه صرخ ياسر:
-أمول لا تتحركين
هزت أمل رأسها بعناد وقالت وهي تأشر على صحن الفشار اللي على الطاولة :
-أبي فثـار
تحرك ياسر بحذر وهدى عينها عليه
ولما وصل عند الثلاجه رفعها وقال:
- أخ منك يا أم الكوارث بعد كل اللي سويتيه وتبين فشار...الحمدلله أن أهل أبوك قريبين من هنا ولا كان أمي سوت لك إقامه عندي هنا و أنا من زمــان راميك من الشباك
- حالي أبي فثار
- مافي!!
- فـي!
- مـافي!!
- في!
- مافي..يعني مافي
- في في في
قطعت كلامهم هدى وهي تتأفف
و تمد الصحن:
= خذها وروح الصالة بنظف المكان دقايق و جايه طلع ياسر وهو يقول:
- هذا لي أنا!!
- لا لي أنا!
- لا بس لي أنا!!
- لي أنا!
تنهدت هدى و بدت تنظف ودقايق ولا تسمع صوت ياسر يكح بقوه
خذت كاس ماي و راحت له تركض
و سألت بخوف:
= ياسر شفيك..؟؟
- كح كح...كح..أنت شحاطه كح..في كح..الفشار كح
= الفشــار..ما حطيت فيه شي
ابتسمت أمل وقالت
- حالي أنا حطيت ملح
= أنتِِِ حطيتي ملح
- أي أبوي علمني أحط ملح في الفثار
= متى..؟؟
- كح..تلاقينها حطت الملح بعدها راحت صوب الثلاجة تصب عصير..
كح آآخ..خوفي بكره تحط لي سم فيران و تقول أبوي علمني...قبل تولد
أمها حلفت ما أكل في بيتهم شي وهي موجوده بس الحين لا شكلي بصوم ولا بآكل بره إذا أم الكوارث موجوده
= هههه هههه أم الكوارث مرة وحده حرام عليك ياياسر بعدين البنت بتتعقد
- وش عرفك أنت عن بلاويها و كوارثها اللي تسويها تذكرين آخر مرة رحت فيها عمرة أول ما وصلنا
وحنا جالسين بالغرفة أنا وهي و أمها وأبوها راح يشتري جلست أنا على الأرض بجنب السرير أشرب عصير
وهي عذبت أمها اللي تبي تلبسها و أنا أضحك و آخر شي شرقت بالعصير شرقه قويه حسيت أنه طلع من خشمي
وعيوني دمعت و جابت لي أمها ماي شربت شوي وراحت تجيب لي تمره
و ما ألتفت جنبي أطالعها إلا وشوف
نار على السرير و أقوم بسرعه وأطفيها بكاس الماي اللي بيدي
= وكيف جات النار على السرير؟؟ - هالمفعوصه أم الكوارث طلعت ولاعة أبوها من الدرج وشغلتها وقربت ورقة مناديل وشبت النار
وقبل لا تحرقها رمتها على السرير
ابتسمت أمل وقالت بفخر:
أبوي علمني أشغلها
- سمعتيها..لا ويوم عرف أبوها عصب عليها و زعلت عليه و أنا
اللي اكلتها طول وقت الطواف والسعي و أنا حاملها بعدها طول الليل مانمت من العوار
ضحكت عليه هدى وبشكل مفاجأ سحب أمل وشد خدها بقوه وقال وهو يبتسم ويقول نفس كلامها اللي تقوله له لما يزورهم ويطفشها:
- أنا ما احبك روحي بيتكم
سحبت أمل نفسها منه واتجهت لهدى – وأنا ما أحبك بس أحب حاله هدى
سحب ياسر هدى جنبه وطبع بوسه سريعه و قال:
- لا هدى بس أنا أحبها و ما أخليك تحبينها
ومد يده يمنعها تقرب من هدى
- لا,بث أنا أحبها
- لا روحي حبي أمك هدى
حبيبتي وأنا أبوسها بس
قال ياسر كلامه وقرب من هدى اللي ووجها أحمر من الإحراج وبس انتبهت فيه وقفت معترضه
= ياسر!!
- ههههه...أموت أنا عا
قاطعته وهي تحط يدها على فمه
= ياسر,حرام عليك لا تعلم البنت كفايه اللي سويته ليلة العرس جدامها و خليتها فضحتنا عند أبوها كل ما ذكرت تقول له أنا شفت خالي حمل خاله هدى أنت ليش ما تشيل أمي؟؟
- هههههه ههههههه لاتذكرين بهذاك اليوم ههههه هي جاتنا المجلس وقالت له وهو قال لها عشان يفك عمره يمكن أنت شفتيه و أنت نايمه أنا ما شفته...وقتها ألتفتت علي وقالت خالي قوم شيل خاله هدى عشان يشوفك أبوي و يسوي زيك ههههه
ضربت هدى على راسها وكملت:
= ومن كان معاكم..؟
- هههه أخوك وصديقي
= أي..على طاري صديقك منى عطتني رقم أبوها و كتبته على الورقه اللي بجنب التليفون قوم أتصل فيه...
ابتسم ياسر وقال:
- ليكون الورقه اللي تقصدينها هي نفس الورقه اللي خذتها أمول و ترسم فيها..
= أف..ألا هي

&&& &&& &&& &&&

جلس (منير) على مكتب عمــار وقال:
- بكره إجازه والشباب حبايبنا قرروا
نروح البحر أيش رايك تروح معنا..؟ ...قبل كان يروح معنا ياسر و أنت تتحجج بأنك ما تقدر تترك أختك لحالها...داحين ما عندك عذر
تنهد عمار بعمق وما نطق بكلمه
- عمـار أيش فيك..؟ من تزوج ياسر
و أنا ملاحظ أنك متغير مو عمار اللي أعرفه ...عمار اللي يمزح و يضحك مع الكل ...أنت مو ملاحظ أنك ما تكلم حد هاليومين ومن أول ساعه لأخر ساعه بالدوام وأنت ساكت و إذا حد سألك ما تجاوب بغير نعم أو لا .....أنت زعلان من حد هنا و لـ
قاطعه عمار:
- لا...منير بقولك شي بيني وبينك حتى ياسر لا تقوله
- من هالناحيه تطمن تكلم أسمعك
- من ليلة زواجه بأختي و أنا أحس بالوحده ..يا منير ياسر أقرب إنسان لي و أختي هي الوحيده اللي تعيش معي و بانتقالها تركت فراغ كبير خاصة و أن علاقتنا ببعض أكبر من أخ و أخته أحنا عشنا مع بعض سنوات و مو سهل أن أعيش لحالي وبنفس المكان اللي يتردد صدى صوتها في أذني و أشوفها و أتخيلها بكل مكان بدون ما يتغير فيني شي...الحين مضت ثلاثة أسابيع و أنا بكل يوم أرجع البيت أناديها و أدق باب غرفتها أول ما أصحا لصلاة الفجر و أكثر من مره أطلع من هنا
و أروح مدرستها عشان أخذها مثل قبل..... أختي ال

- ياشيخ أحمد ربك أنها مو بعيده عنك إذا اشتقت لها تقدر تزورها أوتكلمها كل يوم و بأي وقت مو زي..أنا بالشرق وأهلي بالغرب و ما أقدر أشوفهم ولا أكلمهم وقت ما أبغى...وإذا على أنك فاقد وجودها و تحس بالوحده..فما ألومك الوحده شعور قاسي بسببه قررت أني أتزوج
وأنت كمان لي ما تتزوج وتجيب لك وحده تعيش معاك وتهتم بــ...
قاطعه عمار..
- أختي تلح علي بهالموضوع بس أنا مو مستعد نفسيا وما عندي رغبه فيه و لا تسألني ليش..؟؟ لأني حتى ياسر عجز مني..
- طيب..روح معنا عالأقل تغير جو وتشم هوا نقي و تتعرف على زملاء خارج أجواء العمل...أقولك جهز نفسك سأمر بنفسي أخذك موعدنا الساعة السابعه لا تنسى...
&&&& &&&& &&&&
بذهن مشتت نزلت أحلام من السيارة وعند دخولها المشغل الذي تعمل فيه صادفت أم أيمن [امرأة كانت تعمل بنفس المكان سابقا] سلمت عليها بحرارة وقالت لأحلام بأنها ستصبغ شعرها ثم تأتي إليها فأكملت أحلام طريقها وعندما جلست أمام أوراقها تصفحتهم و بذهنها أخذت تتذكر قصة أخو أم أيمن التي قصتها عليها سابقا
والتي ما تزال عالقه بذاكرتها<<أو بالأصح ذاكرتي لغرابتها...واللي قالتها حقيقة أخته يعني هذي القصه حقيقيه مو من تأليفي أوخيالي>>
**(( قرر أخوي المدرس سالم أن يتزوج و أخترنا له ثلاث من العائله وعشان يتصالح أبوي وعمي اللي متقاطعين بسبب خلافات قديمه اختار بنت عمي ملاك واللي كانت خطوطها حلوه وجسمها أحلى بالنسبه لأجسامنا الضخمه من عرض أكتافنا وطولنا تدرس بآخر سنه بالثانوية مع أختي الصغيره عايشه مع عمي بس, لأن عمي مطلق أمها و ما كنا نشوفها إلا نادرا بيت عمتي وبعد خطوبتهم العائليه بعد يومين اتصلت ملاك وطلبت تكلم أخوي وكان هذا شي مفاجأ لنا و لأخوي و خطوة جريئه منها حتى هو أنحرج منا فكلمها بسرعه وطلع وكان الواجب أنها تنتظر حتى هو يتصل أول لأن في بعائلتنا شباب ما يشوفون خطيبتهم إلا بليلة العرس أو مرة وحده بس قبل الزواج و إذا رضا لهم أبوها يكلمها
وأخوي ما يؤيد المكالمات ولا الطلعات قبل الزواج ومع ذلك طلع معها مرتين أو ثلاث لأن أبوها ما يخليها تزور أحد فما تطلع إلا للمدرسه, وبأسرع وقت جهز أخوي شقته اللي بالطابق الثاني ببيت أهلي وصرف عليها آلاف حتى تكون من أفضل ما يكون...وصارت ليلة الزواج و حضرت أمها وكانت سعيده لبنتها وزفتها معنا لشقتها ووصت أخوي عليها و في اليوم الثاني أول ما صحى أخوي وعروسته أتصل أخوي وطلب أني أصعد مع أختي الثانيه المتزوجه وكان صوته مختلف وصعدنا وهناك قال لنا شي تعجبنا منه..!!وما كنا حاسبين له حساب..!!
ســـــــــــــالم و مـــــــــلاك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وأكبر علامة استفـهام والسؤال شو صار معاهم..؟؟؟

(( وعذرا على التأخير... ولكن ليس لدي نت في الوقت الحالي ))

يسلموا حبيبتي بارت كتير حلووووووو بس قصيرررررررررررر

شوقتيني اعرف شو في شو اللي بين سالم وملاك افففففففففف قهر بدي اعرف

حزني كتير عمار البي معووووووووو والله الشعور بالوحده مميت

ما طولي علينا عم ننطرك حبيبتي ويعطيكِ الف عافيه

مع محبتي
بحفظ الرحمن