مشكوره يالغالية على مرورك وهذا البارت لعيونك

حبيت أقولكم أحداث القصة ما راح تبدأ إلا في البارت الرابع تقريبا

...::::::...

[{ ألم ذكرياتي }]


ياااه..كل هذا الموت فيك وانت حي؟..
ليه ساكت؟ياخي قل لي اي شي..

في بيت سحر ....

جا أبو سحر متأخر من الشغل كعادته طلع غرفته بس قبل استوقفه النور الي كان طالع من غرفة سحر

دخل شافها جالسة على سريرها مسرحة

ما انتبهت لدخول أبوها

( أبو سحر )

دخلت الغرفة لقيتها مسرحة ولا كأنها في الدنيا تطالع في الفراغ بنظرة كلها ألم ياليت لو بس تفتح لي قلبها شفت

الدموع مغرقة عيونها بس ولا وحدة نزلت من عيونه

أبو سحر : واااو سحر بصراحة أنا معجب بقوتك حتى دموعك ما تنزل لأي سبب حتى ولو كان سبب قوي بس انتي

إنسانة وفيوم بتنهارين صدقيني أعرفك أنتي بنتي

سحر الي كلام أبوها صحاها من سرحانها قالت بضيق : يبه تكفى خلاص كافي لا تقول شي

أبو سحر : كيف تبيني أسكت وإنتي تتعذبين قدامي !!!

سحر ردت بسخرية : فينك عني يوم كنت صغيرة يوم كنت ما أفهم شي حتى طفولتي ما تهنيت بها طفلة وأتعذب طفلة

يبه طفلة بس انت انشغلت بأحزانك وتناسيتني أهملتني يبه وجاي اليوم تقول لي كذا .... خلاص يبه تعلمت اني أسكت

تعلمت أخلي كل شي في قلبي ليه تبى تعرف هااااا يبه تكفى خليها بالقلب تجرح ولا تطلع برى

وتفضح !!!!!!!!!!!!!!!!!!!!!!!

طالع فيها بأسى ما يدري أيش يقول كل شي حوله يشير بأنه مذنب ذنب فظيع ذنب شنيع

قام من مكانه وقال : إذا في يوم حبيتي تتكلمين وتقولين الي في قلبك تعرفين وين تلقيني ...

وطلع من الغرفة تارك سحر ويا أفكارها قالت بسخرية :

هه وين ألقاك يبه في أمريكا ولا فرنسا ولا إيطاليا

طبعا ما سمعها أبوها لأنه طلع من زمان ....

...::::::...

اليوم الثاني (يوم العزيمة )

صرخة قوية تردد صداها في أذنها شافتها قدامها تروح بعيد وتخليها صارت تجري وراها وتصارخ بأعلى صوتها : لا

تروحين تكفين خليك معي محتاجتك .................. صرخت صرخة وقامت من النوم مرعوبة

(سحر)

يا الله حتى نومي ما أتهنى فيه

نقزت من السرير اليوم المفروض أروح بيت جدي تأففت بضيق يوم تذكرت العزيمة الي في الليل يالله خلني أروح أكيد

ألقى جدتي صاحية في ذا الوقت ...................

بعد ما استحمت سحر

كانت لابسه جينز وتي شيرت أخضر عليه أوراق شجر متناثرة وشريطة من عند الصدر

مسكت السلسلة الي كانت لابستها هذه السلسلة ما تفارقها أبد ما تشيلها أبد مهما كان !!! باست السلسلة

ولبست ساعة أنيقة لونها أخضر زي لون التي شيرت خلت شعرها زي ما هو بشكل عفوي ...

طالع شكلها جناااااان

رفعت الجينز من جهة رجلها اليسار وخلته كأنه برمودا بس برمودا من جهة وحده خخخخخخخ

وطالعت في شكلها برضى في المراية ومشت طلعت من الغرفة راحت غرفة أبوها طبعا ما لقته

رجعت دقت على السواق وقالت له ينتظرها برى

نادت الشغالة عشان تروح معها

ليندا هذه تشتغل عندهم طباخة وأصلها سوري : صباح الخير ستي سحر

سحر : صباح النور

ليندا : شوبيك على فين خارجه ؟!

سحر : رايحه عند جدتي

ليندا : ولك شو لا مافي طلعة إلا لما تفطري ... شو بيؤلوا عنا ما عندون أكل

سحر : خخخخخخخخخخ ما يهم

وبعد إصرار ليندا أخذت سحر معها سندوتش صغير وعصير فرش

وطلعت من الباب ولقت السيارة في وجهها

ركبت بدون أي كلمة وركبت معها الشغالة ...

...::::::...

في بيت أبو سلطان

أم سلطان تصحي أولادها بس ما فيه فايده

رجعت للصالة

ابو سلطان : ما صحوا

ام سلطان : لا كل ذا من السهر

أبو سلطان : هذا وانا موصي رائد يصحى عشان يسوي لي شغل ضروري

ام سلطان : طيب كان طلبت من سلطان

ابو سلطان : والله إني خلاص صرت أستحي أطلب منه شي عمره ما قصر في شي الله يخليه لي ... وبعد أبي رائد

يساعد شوي ويتعلم الشغل في الشركة ....

أم سلطان : أي والله سلطان حتى لما اطلب منه شغلات للبيت يروح يجيبها بنفسه الله يوفقه ويرزقه بالمراة الصالحة ...

أبو سلطان : آمين ...

...::::::...

سحر وهي واقفة قدام فله كبيرة تتأفف من الحر والشمس الساطعة فوق راسها !! وتدق الجرس ولا أحد يفتح ...

انتبهت لسيارة وقفت ركزت نظرها على السيارة عرفته !!! نطت من مكانها وبسرعة فتحت باب السيارة من جهة السايق

وهي تقول : عبوووودي الله جابك !! افتح الباب بسرعة لي ساعة واقفة تحت الشمس ..!!

عبدالله : هههههههههههه وين مفتاحك هاااااا ؟؟؟

سحر : عمي تكفى يلا انا تشمست هناااا والمفتاح ضاااااااع !!!

(مداخلة :. عبدالله هذا أصغر أعمام سحر عمره 28 عزوبي ويقول ما يبي يتزوج أبد >>> متعقد من الزواج

خخخخخخخخخ ... وطبعا يشتغل في شركة العايلة ويبي يبدأ له شغل خاص )

عبدالله وهو يفتح الباب : طيب ما سلمتي علي !!

سحر ما عبرته وطيران دخلت جو البيت

عبدالله بأعلى صوته : يالمصلحجيه !!!!!!!!!!!!

سحر ضحكت وهي داخلة وبسرعة طلعت لغرفتها >>> لا تستغربون لها غرفة في بيت جدها والبدروم الي تحت ملك لها

بعد عشان هي تقريبا كل يوم عندهم ودايما تذاكر هناك ....

وهي ماسكة باب الغرفة تذكرت إنها ما سلمت على جدها وجدتها

تركت الباب ونزلت تحت شافت جدها يتقهوى وياكل تمر

سحر : ههههههههههههه جدي قهوة على الصبح ما تنفع

الجد الي هو أبو أحمد يموت في سحر وما يرفض لها أي طلب حتى لو كان أيش : يا هلا والله بحبيبة جدها تعالي

سحر جلست في حضن جدها : كيفك جدوووو ؟؟؟

أبو أحمد : من يوم شفتك صرت بخير ...

عبدالله وهو داخل : أوووف جات سحر خذت الغلا كله

سحر تضم جدها بقوة وتقول : طبعااااا صح جدووووو

أبو نواف : هههههههههه وهذه يبي لها سؤال !!

عبدالله : بس بس خنقتي أبوي

سحر طلعت له لسانها وقالت : مالك دخل روح يلا فارقنا ....

عبدالله : شووف يبه سمعت ايش قالت انا كم مره قلت لك وهذه المره شهدت بنفسك مدى قلة أدبها

أبو أحمد : زي ما قالت سحر مالك دخل ...

سحر : هههههههههههههه شوف لقط وجهك طاح

عبدالله : انا بروح عند امي يمكن ألقى الحنان الي فاقده بذا البيت

سحر : مع السلامة خخخخخخخخخخخخ

راح عبدالله وقعدت سحر تسولف مع جدها

أبو أحمد : وكيف الدراسة معاك

( سحر تدرس ترم صيفي عشان تخلص الثانوي هذا الصيف لأنها تدرس مطور !!! وعطوها إجازة أسبوعين عشان تذاكر قبل الاختبارات )

سحر : تعررررف بنت ولدك عبقرية تخلص بسرعة خخخخخخخخخخخخ

أبو أحمد : ايه أكيد عبقرية والله إنك تسوين أولاد أعمامك كلهم

سحر : شهادة أفتخر فيها جدووو ....

أبو أحمد : يلا انا بمشي الحين بروح أشوف الشركة ...

سحر : أوك أجل ما أطول عليك

أبو أحمد : والله ودي يوم تروحين معاي !!!

سحر بابتسامة : جدي لا تقول كذا انت تدري إني أشتغل مع وليد في شركتي انا وهو !!

أبو أحمد : وحتى هذه شركتك !!

سحر : جدي هذيك شركتي لأني انا ووليد إلي طلعناها وخلينها توب ... هذه تعبي وشغلي انا والوليد !!!

أبو أحمد : حتى هذه بتعبك فلولا مساعدتك لي كان الحين مالها وجود

سحر : بس هذيك كنت انا الي اشرف عليها وانا الي أشتغل بيديني بس شركتك جدو بس كنت اعطيك أفكار فقط

أبو أحمد : الله يوفقك يا بنيتي .....

(( خلوني أوضح لكم بعض الأشياء سحر من يوم ما كانت في ال15 تشتغل مع ولد أخوها في الشركة الي تركها أخوها بعد وفاته وهي ذكية مررررره وعندها قدرة ملاحظة قوية فقدرت تساعد ولد أخوها والحين هذه الشركة معروفة ومشهورة .... وفي نفس الوقت كانت تساعد جدها ببعض الأفكار عشان يحسن شركته بس كانت تحذر جدها من أن يقول لأي واحد من أعمامها أو أي أحد وخلته يقول إن هذه أفكاره وهي كانت تشتغل مع وليد بدون محد يدري من عايلة أبوها غير طبعا أبوها وجدها ))

طلع جدها وهي رحت تدور على جدتها لقتها في الغرفة شافتها جدتها قالت : هلا والله

دخلت سحر الغرفة : أهلين جدتوو

أم أحمد : تعالي أبيك في شغلة

راحت لها سحر وباست راسها : شووو جدتووو

أخذت الجدة القرآن الي كان على الطاولة : تعالي يمه اقري لي

جلست سحر في حضن جدتها وقالت : عندك سورة محددة ولا بس أقرأ

أم أحمد: أي شي يمه

سحر بدأت تقرا وكان صوتها جميل يقشعر له البدن وتخشع له القلوب

دخل عبدالله الغرفة وتسند على الجدار وقعد يسمع بإنصات

قرت سحر كم صفحة وقفلت المصحف وباسته

وقالت بمرح يوم شافت دموع جدتها : يؤ جده قد كذا صوتي بشع !!!

ابتسمت جدتها وباستها: الله يخليك يمه ويسعدك وين ما كنتي

عبدالله : بصراحة صوتك عجيب حتى انا دمعت عيوني

سحر : احم احم طبعاااا ايش عرفك !!!

عبدالله : بس خلاص معد راح أمدحك ...

سحر وجدتها : هههههههههههههههه

...::::::...

في مكان بعيد جداا واقف يتأمل البحر قدامه

يا الله قد ايش الغربة صعبة

شاف بنت صغيرة تلعب بالرمل تذكر أخته الصغيرة أكيد الحين ما تتذكرني كيف تتذكرني وانا رحت وهي صغيرة

هااانت باقي هذه الكم شهر وأرجع لبلادي

كان شكله روعة شعره بني يتطاير مع الهوا ولابس نظارة شمسية واختصارا شكله يلفت الواحد لأن له حضور في أي مكان
لف على البحر يناظره مره أخيرة وراح !!!

...::::::...
ما صارت اخلصي أجل لو كان يوم زواجك أيش بتسوين >>> كانت هذه لجين معصبة من عبير الي طولت عشان تلبس

عبير : يوووه لجين ايش فيك باقي وقت

لجين : هذا إذا ما كان الناس قد تعشوا وخلصوا

عبير : هدي أعصابك بس اجيب عبايتي

لجين : بسررررعة ترى خالد بيروح ويخلينا

عبير : لا تكفين لجين بس دقيقة لا تخلينه يروح

وراحت عبير تجيب عبايتها ولجين طلعت من البيت ركبت السيارة كان خالد معصب

خالد : يا ربي انتم ايش فيكم انا ايش سويت عشان اتورط معاكم كان رحتوا مع امي وابوي وآلاء

لجين : كله من عبير

دخلت عبير السيارة : السلام عليكم

خالد : بدري كان ما جيتي

عبير : يووه خالد كنت البس ما صحوني إلا متأخر أيش اسوي

خالد : عذر أقبح من ذنب

لجين : بس خلاص امشي

...::::::...

في بيت الجد

أم فيصل : يا خاله وينها بنت أحمد ما شفناها

أم أحمد: والله بنيتي تعبانة ونامت

أم راشد تهمس لأم بندر : هه الحين كل ذي العزيمة لها وما شفناها والله إنها ما تستحي

أم بندر : لا عادي يمكنها تعبانة زي ما قالت خالتي !!!

(( مقاطعة الجد عنده 5أولاد الي هم أبو سحر أكبرهم وبعده أبو راشد ،، وأبو بندر ،، وأبو فيصل ،،، وعبدالله
أبو بندر عنده 4 أولاد وبنت الي هم بندر عمره 27 يدرس هندسة ،، ناصر 25 يدرس إدارة واقتصاد ،،ثامر 23 يدرس علوم طبية ،، هيثم 14 في ثاني متوسط ،،، لينا 4 سنوات ))

عند البنات

لجين : أووووووف الحين هذه وينها كنت متحسمة اشوفها خسارة بس !!!

ريما : ههههههههههههههه الي يسمعك يقول إن البنت موب إنسانة تراها زي زيك

لجين : يا شيخة احلفي !!!!!!

أمل : انا بصراحة تعاملت معها بس ما شفت شكلها كانت لابسه العباية

تحمسوا البنات وهي حكتهم عن الي صار السوق

لجين : شفتوا والله إنها مغرورة قال أيش ابوي يجيب لي كل شي لحدي من جد مدلعة

أمل : بالعكس حلو الكلام معها تحسين نفسك تعرفينها من زمان

ريما : والله شوقتينا نشوفها

عبير : قوموا بس نجيب الاستريو نرقص شوي

أسماء : لا مو عدل الحين انا مااقدر ارقص ...

رشا : بروح أجيبه وانتي الثانية مين قال لك تحميلن في ذا الوقت خخخخخخخخخخخخخخخخخخخخ

أسماء : انقلعي بس ...

البنات : هههههههههههههههههههههههههه

...::::::...

عند الرجال في الصالة الثانية

أبو سلطان كان يسولف ويا أبو سحر : وكيف سحر ما شفتها من زمان ...

أبو سحر ابتسم : والله بخير

رائد الي أول ما قالوا اسم سحر سكت عشان يسمعهم

أبو سلطان : لا انت ولا بنتك تنشافون مدري وين تروحون

أبو سحر : تعرف مشاغل الدنيا

أبو سلطان : لا والله ياخوي موب عذر إنك تقطعنا طول هالمدة بسبب شغلك

أبو سحر : أدري إني مقصر معكم وإن شاء الله معد نقاطعكم مره ثانية

أبو سلطان : إن شاء الله

ناصر ضرب رائد على راسه : ايش قاعد تسوي هاا اعترف

رائد : آآآخ ياخي ما تعرف تسأل بدون ضرب

ناصر : كم مره سألت بس شكلك مررره مو معنا لا تقووووووول إنك حبيت من ورانا

رائد الي كان يفكر في سبب غياب سحر وأبوها لسنين

رائد : حشى الواحد ما يقدر يفكر بدون ما يكون يحب

ناصر : خخخخخخ بكيفك يوما ما بتعترف لي

(( ناصر كان طبيعته مرحه ويحب يمزح بس مو كثير وما يقل عن رائد في وسامته ))

ثامر : اقول شباب ايش رايكم نروح نلعب كوره في الحوش

فيصل : ايه والله

خالد : يلا أجل قوموا

كلهم راحوا

وسووا فريقين وبدا اللعب

طبعا صار اللعب كله غش وضحك والبنات يراقبونهم من فوق ويعلقون عليهم

مشاري الي كان يغني

رشا : وعععععع ايش ذا الصوت كأنه دجاجة مخنوقة

مشاري أخذ الكوره ورماها على البنات فوق : ما الدجاجة غيرك مين الي قالت كذا ها اعترفوا

البنات صرخوا ونزلوا روسهم تحت راحت الكوره صقعت في وجه لينا الصغيرة وطبعا صارت بس تبكي

ناصر : شوف خليت أختي تبكي والله إن تندم

أمل أخذت لينا لأمها وناصر ومشاري يتطاردون في الحوش خخخخخخخ توم وجيري

...::::::...

الجد استغل فرصة إن الشباب راحوا

وبدا كلامه : ياعيالي اسمعوني زين فيه كلام من زمان ودي أقوله

كلهم سكتوا احتراما لأبوهم وكمل أبو أحمد كلامه : حبيت أخبركم إن نجاح الشركة وكل ما فيها بفضل الله ثم سحر

كلهم ظهر عليهم الصدمة على وجيههم

أبو فيصل : كيف ؟؟؟؟!!!!

أبو أحمد : كل الأفكار في نجاح الشركة كانت كلها من سحر

أبو راشد : بس يبه كيف هذه البنت صغيرة أيش فهمها يبه تكلم بالعقل

أبو أحمد : أيش قصدك انا أتكلم بجد هي سبب نجاح الشركة وأخبرك بعد تعرف شركة ال**** الي صاحبها وليد ال****

أبو سلطان : ايه بس ايش علاقته بالي نتكلم عنه ؟!

أبو أحمد : هذا يصير ولد أخو سحر ولما توفى أبوه الله يرحمه تولى هو وسحر إدارة الشركة وهذا حصل وعمرها 15 سنة الحمدالله البنت عبقرية وذكية كله من الله سبحانه وتعالى فلا تستهينون بها !!! اعرفوا إن لها مكان في شركتنا متى ما بغت

أبو بندر : يبه ما عندنا بنات يشتغلون !!!

أبو أحمد : أفكارك هذه خلها على جنب بنتي لو تبي تشتغل في شركتنا بتشتغل مادام إني موافق وأبوها موافق ،،، بتتخرج من الثانوية هذا الصيف وهذه كلمتي فلا تعصوني

أبو فيصل : ما عاش من يعصيك يا يبه

أبو أحمد : تراها بنتي وغالية علي وأي شي تبيه أعطيها إياه حتى إنها طلبت مني تدرس برى وبالفعل درست 2 سنتين في بريطانيا ومنها اكتسبت لغة ووالله رفعت راسي قدام الكل هناك فهي كانت تدرس وفتحوا لشركة ولد أخوها فرع هناك فهي تسواكم كلكم فلا تبخلون عليها بشي يمديكم تقدمونه لها وانا اقولها هنا قدامكم بنت أخوكم أمانة عندكم .....

أبو سلطان :طيب بس هي ما عندها أخوان

أبو سحر الي كان طول الوقت مبتسم بفخر ببنته قال : هذا يصير ولد خالها وولد أخوها بنفس الوقت لأنها رضعت مع خالها طلال عشان أمها كانت تعبانة ....

...::::::...

في البدروم كانت الفوضى في كل مكان الأوراق مبعثرة و الابتوب مفتوح كتب طايحة

وبين كل هذا كانت سحر نايمة قدام الابتوب وفي يدها كتاب

دق جوالها فتحت عيونها ردت بدون ما تشوف مين : مين >>> الأخلاق قافلة معها خخخخخخ

المتصل : وعليكم السلام

سحر تتثاوب : خيرررررررر

المتصل : هههههههههههههههه وانا اقول ليه كذا تردين شكلك كنتي نايمة وانا صحيتك خلاص اجل بقفل وانتي كملي نومك

سحر : نعممممممممممم !!!!!!!!!!!!! بعد ما طيرت النوم من عيوني لا يا شيخ خلك على الخط بس بجد مين انت ؟؟؟

المتصل : ههههههههههههه عمتي سحر انهبلتي معد تعرفيني خخخخخخخخخخ

سحر انتبهت انه قال عمتي طالعت في الجوال بعدين رجعت تكلم : اهاااااا أهلين وليد سوري كنت نايمة الحين صحصحت خخخخخخ

وليد : هههههههههههههه

سحر : وليدوه عندك شي ولا بس اتصلت كذا عشان تزعجني

وليد : خلاص لا تاكليني مو منك من الي متصل مشتاق

سحر : خخخخخخخخ لا عادي أصلا انت تموووون

وليد : ايه ادري احم احم

سحر : ههههههه يالواثق

وليد : يحق لي ههههههههههههه

سحر : يؤ يؤ omg

وليد : ايش فيك ؟؟؟

سحر : عاد تصدق اليوم في عزيمة لي وانا رحت في سابع نومه من المذاكرة

وليد : ههههههههه الله يفشلك اقول قومي روحي سلمي على الناس

سحر : اسكت بالله مالي خلق

وليد : أوكي أجل بقعد أسولف معك ... تدرين إن اليوم امي فاتحتني مره ثانية بموضوع الزواج

سحر : خخخخخخ أكيد تهربت كالعادة

وليد : ايه طبعااااا ... بس بصراحة انا ابغى وحده زيك في أخلاقها

سحر : ههههههههه انا يونيك سبيشل ما تلقى مثلي لو تلف العالم كله ما راح تلقى

وليد بإحباط : ايه ادري وهذا الي معقدني

سحر : يؤ يؤ خلاص أجل زواجك على إيدي أنا بدور لك وحده تصير ربعي في أخلاقها شو رايك

وليد : الله يخليك لي عمتوووو

سحر : خخخخخخخ أثر عايلتي كلها مصلحجيين

وليد : وانتي أولهم يا أحلى عمة في العالم

سحر : هههه مدري اعتبرها مدح ولا ذم

وليد : حشى انا ما اذم عمتي أكيد هذا مدح

سحر : هههههههههه ايه اضحك علي بكم كلمة بس انا زعلانة منك

وليد : ليه لا يكون عشان اعطيتك إجازة من الشغل ؟!

سحر بزعل : ايه الحين ايش اسوي بالله كل وقتي فاضية

وليد : ههههههههه يالله يا سحر كم مره تكلمنا بذا الموضوع هذه الاجازة عشان تذاكرين للإختبارات مو أنتي الي تبين تصيرين دكتورة !!

سحر : خلاص بروح انام احسن لي

وليد : ههههههههههههههههههههه يالله أجل تصبحين على خير

سحر : وانت من اهله بايووووووا

سكرت سحر الجوال وقعدت تطالع فيه تنهدت وقالت الله يخليك لي

((علاقة سحر بأولاد أخوها قوية وهم يحترمونها عشان كذا يقولون لها عمتي ))

قامت سحر طلعت من الدرج الخلفي عشان محد ينتبه لها وصلت غرفتها سمعت أصوات من برا ناظرت من الشباك شافت

العيال يلعبون كورة ... قعدت تضحك على أشكالهم ... وبعدين كملت نومها ...

...::::::...

دخلت لجين المطبخ تشرب مويه دق جوالها في يدها صارت تسمع نغمة الجوال وتتمايل معها تتخيل نفسها مع فيصل

كان واقف يتأملها من برى المطبخ وهي ما انتبهت له حسها ملاك نازل من السماء

( لجين كانت بنت حلوه خدودها حمرا وشفايفها ورديه الي يشوفها وده بس يبوسها خخخخخخ وملامحها ناعمة )

حس بنفسه وراح بسرعة قبل محد يشوفه وملامحها ما فارقت عيونه

أما لجين ما حست بأحد شربت المويه وراحت عااااادي

...::::::..

بعد ما خلصت العزيمة تواعدوا مع الجد إنهم كلهم يروحون المزرعة ل3 أيام

...::::::..
في بيت أبو سلطان

رائد كان يسمع أمه وهي تتكلم عن سحر كيف إنها ما نزلت لهم والعزيمة أصلا لها

أمل : يمه لا تقولين كذا أكيد كانت تعبانة والله هذه البنت تنحب بسرعة وتدخل القلب على طول

أم سلطان : والله بس مخربها الدلع

أبو سلطان ابتسم : بالعكس والله إني حبيت كلامهم عنها من جد بنت رجال

أم سلطان : وانت أيش دراك ؟؟؟

أبو سلطان قال لهم الي قاله الجد : بصراحة افتخرت إنها بنت أخوي بس شوفي بعد كل الي صار لها كيف وقفت من
جديد وبنت حياتها وبدأت من الصفر

تصدقين حتى إنها تعيش من راتبها ما تطلب من أبوها فلوس تخيلي مع إن أخوي حاول يحول لها على حسابها بس هي رافضة حتى سواقها تدفع له من عندها وسيارتها هي مشتريتها وابوها يقول مسويه معرض سيارات عندهم في البدروم !!!

أم سلطان : معقولة بنت تقدر تسوي كل ذا لحالها

أبو سلطان بفخر : مو أي بنت بس بنت أخوي !!!!!!!!!!!!!!!!!!!

رائد وأمل وسلطان ومشاري وأمهم انصدموا بهذا الكلام

لف أبو سلطان على الأولاد : يعني شوفوا بنت صارت أحسن منكم وهذا وهي ما تجاوز عمرها ال17

مشاري : عاد ابوي انا بس اخلص الثانوية واكمل الجامعة واخليك ترفع راسك فخرا بي

أبو سلطان : هه يا حظي بس سحر بتخلص الثانوية هذا الصيف وانت لسا ومع هذا تشتغل في شركتها والله بجنبها إنك ما تسوى شي

أمل : هههههههههه والله ابوي كلك بكلامها خخخخخخخخخ

مشاري ناظرها نظرات حقد خلتها تسكت

أما رائد قعد يفكر بها طول الليل ايش قصده ابوي انه بعد كل الي صار لها ليه ايش صار لها ؟؟!! والله إنها حيرتني هذه البنت كل شي عنها لغز !!!

((طبعا ما اخذ وقت وصارت العايلة كلها تدري بشغل سحر خخخخ ))

...::::::...

صحت سحر في الصباح وهي متضايقة قلبها مقبوض

دخلت غرفة عمها صحته

سحر : عمي قووووم

عبدالله : سحر تكفين شوفي كم الساعة خليني أنام

سحر : 5الفجر يلا قوم عمي

عبدالله : ها قمت ايش فيك ؟؟؟

سحر : عمي والله قلبي مقبوض فيه شي بيحصل اليوم

عبدالله : اقول تعوذي من الشيطان ونامي اليوم عندنا رحلة للمزرعة

سحر : أووووووف انت محد يقول لك شي

قامت سحر متضايقة وعبدالله ما صدق كمل نومه

بعدها ما نامت سحر

...::::::...

أمل كانت تجهز ملابسها عشان يروحون المزرعة

بعد ما خلصت سوت لنفسها فطور وجلست في الصالة تأكل

نزلت أم سلطان : صباح الخير

أمل : صباح النور يمه

أم سلطان : ها جهزتي أشيائك ترى احنا بنروح الساعة 9

أمل : ايه يمه خلصت كل شي

دق جوال أمل (لوليتا) تتصل بك

ردت أمل : أهلين لجووون

لجين : هلا والله بأمووول

أمل : جهزتي كل شي عشان نروح للمزرعة

لجين : افا عليك كل شي جاهز الشبسات والبيبسي والحلويات كلها جاهزة

أمل : هههههههههههههههههههههه قصدي ملابسك يالهبلة

لجين : ايه من زمان بس هذه الأشياء الضرورية الي ما استغني عنها

أمل : ههههههه الحمدالله والشكر

لجين : أقول بس نبي نروح في سيارة وحده احنا والبنات ايش رايك

أمل : ايه والله أجل لما نتلاقى في بيت جدي نروح بسيارة وحدة

لجين : أوكي يلا ما اطول عليك سي يووو

أمل : باايو

...::::::...

هونتها لكنها عيت تهون ..
لاقلت راح الهم الاقيه قدامي ..
فيني ألم ما مر في قلب مطعون ..
فيني حزن ما مر فعيون الايتام ..
عاقل ولكن طحت في وقت مجنون ..
اصحاب انا والهم واحباب ونمون ..
ماهي صداقة يوم هي عشرة اعوام.!

على الساعة 9

دق الجرس طالع عبدالله من الكاميرا وشاف أبو فيصل وعايلته فتح الباب

سحر كانت جالسة عند جدتها

انفتح الباب ودخلت أم فيصل ووراها بناتها ريما ورشا ورنا

سلموا على الجده

قامت سحر وسلمت على أم فيصل

(سحر كانت لابسه برمودا أسود وبلوزة سودا مخصرة و أكمامها طويلة ومرسوم عليها وجه مبتسم بالأصفر وإصبعين علامة السلام خخخخخخ ومكتوب peace )

أم فيصل : الله يا سحر كبرتي واحلويتي ما شفناك من .... سكتت أم فيصل

سحر ابتسمت : من عزا أختي عادي كمليها ...

أم فيصل ناظرت فيها بشفقة

الجده ما عجبها الوضع حبت تغير الموضوع : شوفي يا بنيتي هذولا بنات عمك هذه ريما ورشا ورنا ..... وأشرت عليهم

سحر : اهااا أهلين ....

وبعد ما تعرفوا على بعض وريما حبت سحر

ريما : وأيش بتدرسين في الجامعة ؟؟؟

سحر بابتسامة واسعة : أكيد طب بشري

ريما : انا ادرس طب بس طب أسنان

سحر : اهااااا

وشوي جوا عايلة أبو راشد وأبو بندر عرفوا البنات سحر وكلهم حبوها

لجين اللقافة ذابحتها سألت : إلا سحر سمعت إنه كان عندك أخت

ريما ضربت لجين على رجلها لجين : آآآآآآي بس سؤال

سحر ضحكت : عادي خليها تسأل

لجين : شفتي عادي

سحر : هههههههه زي ما قلتي كان عندي أخت أصغر مني ب3 سنين بس مرضها خذها مني

كلهم قالوا الله يرحمها

لجين ندمت إنها سألتها

رشا كملت : طيب أيش كان مرضها

لجين : اسكتي البزران ما يتكلمون في هذه الأشياء

سحر : هههههههههه زي ما انتي سألتي حتى هي تسأل كانت مريضة بالسرطان

كلهم شهقوا

أسماء : واااااه يا حياتي صغيرة

ابتسمت سحر وقالت : بروح أجيب جوالي واشيائي عشان نروح

وراحت سحر وصلت غرفتها فتحت الجوال لقت20 ميس كولد 10 من وليد و5 من فهد و5 من باسم >>> كلهم يصيرون أولاد أخوها

( وليد 26 و فهد 24 وباسم 15 وبسام 6 سنين )

اتصلت على وليد

وليد : ألو عمتي وينك ؟؟؟

سحر : في البيت بس خارجه ورايحه المزرعة ليه ؟؟؟

وليد : عمتي عبدالعزيز

سحر : ايش فيه عزوز

وليد : توفى اليوم الصبح في المسجد

سحر عورها قلبها : .................


وليد : عمتي باسم منهار وما يكلم أحد

سحر : وليد تقدرون تجون عندنا في المزرعة

وليد : ايه أكيد

سحر : وجيبهم كلهم معك

وليد : حاضر

سحر : يلا أجل مع السلامة

وليد : فمان الله

(( عبدالعزيز يصير صديق باسم الروح بالروح وكان قريب من سحر ويقولها عمتي ))

سحر قامت متضايقة على حالة ولد أخوها باسم

نزلت تحت وشافتهم كلهم طلعوا لبست عبايتها طلعت من الباب شافت أول سيارة أبو راشد وزوجته وآلاء والجد والجده

والثانية أبو فيصل وزوجته ومعهم رشا ورشاد ورنا

والثالثة ابو بندر وزوجته وهيثم ولينا

وسيارة راشد وزوجته والتوأم

بعدها سيارة فيصل معه خالد ومشاري

وسيارة رائد مع ناصر وثامر

وسيارة سلطان متجمعين فيها كل البنات

سحر طلعت من الباب مسرحة ما تدري وينها فيه

أمل : سحر تعالي معنا

سحر جات عندهم بس ما لقت مكان : لا يا شيخة وين تبيني أجلس فوقك

أشر لها جدها تركب معهم

سلمت على عمها وزوجته وهي واقفة برا السيارة : هلا عمي شخبارك

أبو راشد : هلا والله بالقاطعة بنت القاطع

سحر : افا عمي شكلك شايل بخاطرك علينا

أبو راشد : وش اسوي يا بنتي كله منكم

سحر : إن شاء الله آخر مره

أبو راشد : ووينه أبوك

سحر شافت سيارة إنفنتي جايه ناحيتهم ابتسمت وقالت : هذا هو يلا نتقابل في المزرعة

سحر راحت ركبت جنب أبوها

سحر : هلا والله بأبوي الي أول مره يترك شغله عشان يجي معنا

أبو سحر : إذا ما تركت شغلي عشانك أتركه عشان مين

سحر : احم احم عارفه .. قول آمين

أبو سحر : آمين

سحر : الله لا يغيرك علي

أبو سحر : هههههههههههههههههههه يلا بس مشينا شوفيهم راحوا واحنا قاعدين نسولف

سحر : أوك بس على شرط يوم نطلع أبي أسوق

أبو سحر : ههههههه غالي والطلب رخيص
سحر شغلت الآي بود حقها وحطت السماعات وصارت تسمع أغنية Delta Goodrem- lost without you

( سحر ما تسمع أغاني إلا غربي )

وصارت تغني مع الأغنية تفكر بعزوز وأيامهم يوم كانوا بس يتضاربون ويلعبون كورة

رجعت بذاكرتها يوم كان عمرها 16

كانت في بريطانيا بالضبط في لندن

كان يوم ممطر وضباب حتى إنك ما تشوف الي جنبك

في المطار كانت سحر بتستقبل أولاد أخوها ومعهم عزوز

جو كلهم لها وأولهم طار بسام لعمته

بسام وهو يجري في المطار رايح لسحر : عمتووو

سحر : بسااااااااامي

شالته وباسته

وبعد ما سلمت عليهم كلهم

سحر : وين أمك وليد ليه ما جات

وليد : ما تبي تجي راحت تجلس عند خالتي

سحر : اهااااااا

فهد كان يناظر البنات الي في المطار : اقول عمتي أبي أتزوج وحده بريطانية ومن لندن

سحر ضربته على راسه : الله يخلف بنات بلادي مالهم مثيل

فهد : آآي ما قلت فيهم شي بس تغيير

وليد : خل عنك حركاتك وامش قدامي يلا

فهد : أعوذ بالله منكم انا ما قلت شي غلط

عزوز مسك يد سحر اليمين وباسم مسك يدها اليسار وشدوها

عزوز : عمتي حياتي نبي نتمشى

باسم : تدرين أول مره نجي لندن وانتي من زمان فيها ورينا أحلى الأماكن

فهد : هيه ترى احنا تونا جينا من السفر تعبانين وانتم تبون تتمشون

عزوز : انتم ارتاحوا يالعجايز واحنا بنتمشى

سحر : وليد تعرف مكان البيت صح ؟!

وليد : ايه (( لأن وليد قد جا عشان الشغل وكان ساكن مع سحر في الفله حقتها)

سحر : أجل انت وفهد وبسام روحوا وأنا بمشيهم شوي ونجي أوكي !!

وليد : بكيفك يلا مشينا

بسام : لا عمتوو ابي اروح معاكي

سحر : أنا بجي بسرعة ما راح أطول وإذا انت رحت مع وليد بتلقى هدية لك في البيت

بسام : ايش هي ؟؟؟

سحر : مفاجأة روح وشوف بنفسك ولا ترى فهد بياخذها

بسام صار يشد يد وليد : يلا وليد امشي نروح البيت بسرعة

ضحكوا عليه وراح وليد وفهد وبسام للبيت

أما سحر وعزوز وباسم راحوا الحديقة

عزوز : واااااااو عليهم طبيعة روعة مو زينا صحراء قاحلة

باسم : فديت صحراء بلادي وترابها

سحر : هههههههههه من وين نازلة عليك الوطنية ذي

عزوز : معليك منه خذ له ضربة في الطيارة غيرت مفاهيمه

باسم يناظر عزوز بحقد : مدري بس من وين جاتني الضربة هاا

عزوز : ياخي قلت لك بدون قصد

سحر : هههههههه توم وجيري

باسم : بس انا جيري لأني الأذكى

عزوز : يا ضعيف من ضحك عليك وقال لك إنك ذكي ؟!

سحر :هههههههههههههههههههههه

باسم : عزوز انتبه وراك

عزوز : هاهاها قديمة العب غيرها

سحر : من جد عزوز ابعد

عزوز يسوي نفسه مو خايف : بس انت وياها

عزوز سمع صوت كلب ينبح وراه

عزوز نقز من مكانه وتمسك بسحر ((عزوز كان يخاف من الكلاب))

سحر وباسم : ههههههههههههههههههههههههههههههههههههههه خووووواااااااااااااااف

عزوز : لا لا انا ماني جالس هنا الحديقة كلها كلاب تقولون عيالهم مو كلابهم

سحر : هههههههههههههههههههههههههههههههههههههههههههه محد يمشي هنا بدون كلبه

عزوز : أدري عشان كذا جبت معي باسم

سحر : هههههههههههههههههه

باسم : تخسي ما الكلب إلا أنت

عزوز : انا ما قلت شي إلي على راسه بطحا يحسس عليها

باسم : باااااااين يالكذاب

عزوز صار يجري في الحديقة : إلحقني كانك رجال

باسم يجري وراه : وراك وراك والزمن طويل

سحر واقفة تطالعهم وتضحك فجأة اختفوا من قدامها صارت تدورهم

حط يدينه على عيونها باسم : مين أنا ؟؟؟؟

سحر : بااااااسم

وخر يدينه شافت عزوز قدامها معه ورده حمرا وجواله فاتحه على أغنية Delta Goodrem- lost without you

عزوز : عاد انا وباسم شفنا ذي الوردة قلنا الورد للورد

باسم : ولأنك تحبين الأغاني الأجنبية حطينا هذه لك

عزوز : وطبعا من اختياري

سحر : هههههههههههههههه ما تبطلون حركاتكم

عزوز وباسم بصوت واحد : never

...::::::...

أبو سحر يناديها : سحر سحر

سحر الي توها قامت من سرحانها : هااا يبه تبي شي ؟!

أبو سحر : مو أنتي قلتي تبين تسوقين

سحر : يب أكيد

يلا أجل بوقف على جنب وأنتي كملي باقي الطريق

...::::::...

في سيارة سلطان عند البنات

أغاني وسوالف ووناسة

سلطان : بنات تبون شي أوقف عند المحطة ولا لا ؟؟؟

لجين : ايه أكيد انا ابي جلكسي وحمضيات

أمل : وانا ابي عصير

عبير : انا ماابي شي

ريما : انا بس ابي بيبسي

سلطان : أوكي

...::::::...

في سيارة رائد

ناصر : شوف رائد مو هذه سيارة عمي أحمد

رائد : إلا هي علامه وقف

ثامر : يمكن صاير للسيارة شي

ناصر : خلني أدق عليه

دق ناصر على أبو سحر : هلا عمي شخبارك

أبو سحر : هلا والله بناصر شخبارك

ناصر : الحمدالله بس كنت ابي اعرف ليه موقف السيارة تبينا نساعدك في شي

أبو سحر : لا ما فينا شي اللهم دلع بنات تقول تبي تسوق

سحر بصوت عالي : يبه بنتك الوحيدة لازم تدلعني

ناصر سمعها : ههههههههههههههههههههههههههههه على بالي .. أجل يلا نتقابل هناك ...

سحر : لا لا استنى انتم سيارتكم ال bmw

ناصر استغرب : ايه ليه

سحر بصوت واطي بس سمعها ناصر وابوها ما سمعها لأنه طلع من السيارة : فديت السيارة وراعيها

بعدين رجعت تتكلم : اهااااا تبادلون نعطيكم الانفنتي الجديدة وتعطونا ال bmw

ناصر : هاااا خيرررررر .... لا معليش هذه موب سيارتي

سحر : مالت عليك أجل ليش قاعده أتكلم معاك يا نصووووور

ناصر : هههههههههههههههههههه وكيف عرفتي اسمي

سحر : يوه ابوي كلمك يالأهبل يلا بس من زمان وانا اتمصلح عندك وفي الأخير طلعت السيارة مو لك

قفلت سحر الجوال على وجهه وأبوها دخل السيارة وهي ركبت مكان السايق

ناصر قعد يضحك بقووة

رائد : شوي شوي أخاف يطق فيك عرق من الضحك

ناصر : والله بنت عمي ذي خبله

ثامر : ليه ايش قالت

ناصر : تخيلوا تبي تسوق وأبوها طبعا ما يرفض لها طلب

ثامر : هههههههههههههههههههههه عز الله راحت فيها السيارة

ناصر : لا واسمع يا رائد ايش تقول عنك

رائد : وش

ناصر قال لهم السالفة وفطسوا ضحك على حركاتها

رائد يقول في نفسه هه تقول فديت السيارة وراعيها اجل لو تدري إنه أنا ايش بتقول خخخخخخخخخ

...::::::...

وطبعا سحر أول ما مسكت السيارة ( هي تعرف تسوق )

صارت السيارة من السرعة تحس إنها تطير وأصلا هذه سيارتها وهي كاتبة عليها على الجنب

I'm not driving fast I'm just flying slowly

...::::::...

في سيارة فيصل

مشاري يأشر على سيارة سحر : والله بنت عمي مهب هينة

خالد : الله يعين الي بياخذها

فيصل ومشاري : هههههههههههههه آمين

...::::::...

في سيارة أبو فيصل

رشا : يبه شوف حتى انا ابي اسوق

رشاد : هههههههههه انتي آخر وحده في العالم ممكن تسوق

رشا : ليش إن شاء الله

رشاد : هههههههه ليه إحنا مستغنين عن عمرنا

رشا : أكرمنا بسكوتك أنا اكلم ابوي

أبو فيصل : بس خلاص انتي مدري مين حط ذي الأفكار في راسك أول تبين تدرسين برا والحين تسوقين تاليها أيش ؟؟

...::::::...

أول من وصل المزرعة طبعاااا كانوا سحر وأبوها

أبو سحر طلع من السيارة بسرعة وهو دايخ : الله يهديك سحوور كم مره قلت لك لا تسرعين

سحر : هههههه شفت زي ما وعدتك وصلنا في زمن قياسي وقبل الكل

أبو سحر : بس مو على حساب حياتنا كم مره بغيتي تصدمينا

سحر : ههههههههه الحياة مغامرة

باست سحر أبوها وراحت لغرفتها

(( طبعاا لها غرفة لأن المزرعة كان فيها فله كبيرة مرررره حلوه تجنن كأنها قصر ومقسومة نصين نص للرجال والثانية للحريم بس الي يشوف قسم الحريم والرجال يقول إنه فله لحاله ))

أول شي طلعت سحر حيواناتها الأليفة وتطمنت عليهم

بعدين لبست فستان صيفي لونه أزرق فااااتح وتجولت في الحديقة ولقت وردة حمرا أخذتها شمتها وحطتها على شعرها

سمعت الباقين جو وفي بالها فكره تبي تسويها بس لازم الكل يكون مجتمع

المهم جلست مع البنات وهي ساكتة تفكر بعزوز

أمل تهز سحر : سحر أيش فيك ؟؟؟

سحر بضيق : ما فيني شي

دخلوا عمان البنات مع الجد

وسلموا على سحر بحرارة خخخخخخخخخخخخ

سحر استغربت وناظرت جدها بشك وقالت بصوت واطي : جدي انت قلت لهم صح

الجد : ما تفرق لو قلت لهم الحين ولا بعدين مصيرهم بيعرفون

وشوي قاموا البنات يتغطون عشان الأولاد بيدخلون

وبعد ما دخلوا ريما قاعده تقول لسحر أسماء أولاد عمها

بعدين قالت سحر بصوت عالي للبنات : بنات تبون تشوفون حيواناتي الأليفة

عبدالله بهمس للعيال : ترقبوا المسرحية بنت أخوي وانا اعرفها

البنات : واااااو ايه أكيد

سحر ابتسمت بخبث : أجل انتطروني

بعد فترة رجعت سحر : بنات أعرفكم على همتاارو

البنات أنواع الصراخ آآآآآآآآآآآآء إإإإإإإإإإي أووووووووووووووو

لجين : وعععع فاااااار

العيال فطسوا ضحك على أشكال البنات

سحر : وع في عينك هذا هامستر يالغبية

لجين : لااااااااااء وعععععع ابعدي

سحر : أوكي

وراحت عند العيال : عمي امسكه شوي بدور على سنيك مدري وين راح

عبير : يااااااا ويلي منهوووووووو سنيك

آلاء: واااااااااااااااااااء عند رجلك ريماااااااااااااااااااااااا

ريما طالعت تحت وشافت ثعبان تحتها نطت وهي تصرررررررررخ

البنات طبعا كلهم قاموا حتى الحريم

أما سحر ولا كأنها سوت شي راحت ومسكت الثعبان : اهاااااا أخيرا لقيته

أبو راشد : ههههههههههههههههههه وش سويتي

سحر بكل براءة : هم قالوا يبون يتعرفون على حيواناتي الأليفة

رائد : حشى إذا كانت هذه الأليفة كيف المتوحشة

سحر ابتسمت وقالت : تبي تشوف المتوحشة كيف

العيال كلهم بنفس الوقت : كيففف ؟؟؟؟؟؟

سحر صفرت ونادت : بوبي ليو تعالواااا

أما العيال انصدموا باللي شافوه والي قام من مكانه والي وقف حتى عمانها قاموا من أماكنهم معدا أبوها

والبنات واقفين برى عند الباب وضحكوا عليهم

هيثم : وععععع أكره الكلاب

سحر : ههههههههههه

فيصل : لا ونمررر هنااااا

راشد : لا موب صاحية بنت عمي

سحر : هههههههههههههههههههههههههههههه هذا شبل الله يخلف على عقولكم وحده تقولي فار والثاني نمر

مشاري : مصيره يكبر ويصير نمر

سحر : ايه بس حاليا شبل خخخخخخخخخخخخخخخ

سحر كملت كلامها : أقووول علامكم خايفين ترى ما يعض

الجد : خلاص يا بنيتي أرعبتيهم

سحر : خخخخخخخخخخخ خلاص بأودي حيواناتي الألفية بعيدااااا

رائد يكمل عليها : والمتوحشة بعد تكفين

...::::::...

وبكذا انتهى البارت الثاني

أدري إني في هذا البارت ركزت على سحر بس إن شاء الله البارت الثالث تتعرفون على باقي الأبطال

وهذه بعض الأسئلة

أيش قصة الكوابيس لي تجي سحر وما تخليها تنام ؟؟؟

منهووو الولد الي في الغربة وبيرجع بعد كم شهر وهل له علاقة ودور بقصتنا ؟؟؟

مين الي شاف لجين ترقص ؟؟؟

أيش بيصير في باسم ؟؟؟

وإن شاء الله يعجبكم هذا البارت

متوقفة منذ 2008
ننتظر الكاتبة للتوضيح

تنقل القصه للارشيف حسب قانون القسم