كاتب الموضوع :
منى توفيق
المنتدى :
الارشيف
مرحبا للجميع
الحمد لله تقريبا الكل خلص ابحاثه وانا تقريبا خلصتهم فاضل بس اراجعهم مرة اخرى ويكون خلص كل شئ .
والحمد لله مفيش اي مشكلة دلوقتي وحلينا موضوع المناقشة .
فاضل النهائيات دلوقتي انا عايز اتكلم على المقدمة فيه ، كنت منتر حتى انتهاء تجميع الابحاث وبعدين نتناقش فيها ، طبعا الكل يعلم ان اهم شئ في الكتاب المقدمة والخاتمة . بس الخاتمة بتكون في الكتب والروايات ، فالاهم بالنسبة الينا المقدمة .
انا فكرت اننا نعملها باكثر من طريقة ونشوف هنختار ايه .
طبعا المجلة بما انها علمية ومليئة بالمعلومات القيمة وفي ذات الوقت صادرة من شباب ، وبالتالى تعتبر بمثابة اعطاء الامل للشباب انهم ينتجوا بافكارهم ومواهبهم اشياء تفيد الناس وتفيدهم كمان .
المجلة دي تعتبر بمثابة تحدي واصرار على ازهاق الفراغ الذي اصبح مرض يعاني منه الكثير والكثير من الشباب ، وتعتبر بمثابة امل لاي شاب مثلنا لديه الموهبة والقدرة على انشاء مجلة او كتاب او اي شئ المهم انو يفيد المجتمع والعالم كله .
من خلال دراستي في فن الكتابة والفن الروائي اتعلمت ان اهم حاجة المقدمة هي اللى بتظهر جمال الكتاب وممكن تؤدي الى تدميره ، دي بتعتمد على ملكة الكتابة والصياغة الادبية واللغوية ، واهم شئ المقدمة لانها بتوضح للقارئ محتوى الكتاب ، انا بفضل اني اكتب المقدمة بعد الانتهاء من الكتابة تماما حتى اصبح ملم بمحتوى الكتاب في بضع كلمات .
بالنسبة للمجلة ، انا عندي اقتراح ان تكون المقدمة مشتركة بيننا بحيث ان كل واحد مننا يقول كلمة بسيطة توضح عن تخصصه واهميته في المجلة .
او ان كل واحد يكتب مقدمة ونجمعهم ثم نأخذ مقاطع منهم وننسقها ونكتب في نهاية المقدمة امضاء باعضاء المجلة كلهم .
او اننا نشوف من لديه اسلوب قوي في الكتابة ويقدر يكتب المقدمة بشكل سليم ونعرضه علينا ونشوف ارائنا النهائية فيه .
او من يريد ان يكتب مقدمة يقدمها ونشوف برده رأينا فيها .
انا بالنسبة اللى اي اقتراح منهم موافق عليه ، لو حد عنده اقتراح اخر يقدمه ونشوفه .
لكن اهم حاجة انها تكون بلغة عربية فصحى وتحتوي على كل اقسام المجلة .
تحياتي للجميع
|
26-08-08, 02:30 PM
جديد مواضيع قسم الارشيف
العرض العادي
