كاتب الموضوع :
ola_mfs
المنتدى :
الارشيف
قصيده رائعه ياما أثرت فيني
أصعب سؤال اللي جوابه للاسف مثله سؤال
ماهو تفلسف الا موقف صار و اسمع ثاني بيت
البارحه يومه سأل وش ذكرك ذيك الليال؟؟!
كان الجواب بكل بساطه من متى اصلا نسيت؟؟!
أدري بأن جمع الصعوبه و البساطه شي محال !!
لكنها صارت كذا و اللي أهم اني دريت
ان الحياه في بعد احبابك اذا جف الوصال
تعيشها لو تقتنع انك خلاص أصبحت ميت
يا صاحبي لو كل شي يمر في الخاطر يقال
ماكانت العبره تولجني ليا منك طريت
شفني قدرت أحبس دموعي بس دمع القاف سال
و يا يكبرها ساكت ولكن داخل أوراقي بكيت
عمر الحكي ماكان دافي لا ابتدى بقولة تعال
لاجل تجاهل رجفت حروفي ليا مني حكيت
الحال في بعدك قسم بالله ما اسميه حال
أنوي على الضحكه و أحس كلي خطا لاني نويت
اتصور انك من رحلت اشوف كل جسمي ظلال
لاشفته أمشي ببتعد واثره معي مهما مشيت
مادام يعني في بحرك لفرحتي مليون جال
وش فيه موجك ما ركد وقربت أموت وما رسيت
يرضيك ما عادة معي تفرق إذا جالك مجال
لاني اقتنعت انك نهايه واني ببطي ما بديت
صرت أعقد احجاجي لاجابوك بأطراف الجدال
وانا قبل لاقالوا اسمك كني ميت ثم حييت
تعبت أعيش الدور وافتح للمعابير الخيال
اتخيل اني جيت في بالك وبانك استحيت
تردلي كلك وله وتقول كن البعد طال
ومن الفرح ماعاتبك وأقول ياخي مابغيت
حتى وانا اتخيل حشمتك لان قلبي لا يزال
يكرر اسمك داخل اعماقي بنبضه لاسهيت
قلي شأسوي فيك وانت بداخلي أصدق مثال
للحب واحساس القصيد ان عانق الليل وسريت
ربي يصبرني على الفرقى مادام الحظ مال
وانت بيجيلك يوم تعرف ليه في بعدك شكيت
اذا بلاك الله وعذبك اشتياقك بس تعال
و اقرا القصايد في غيابك كل ابوها بيت بيت
بتدري ان اصعب سؤال اللي يجي رده سؤال
لا قلتي وش ذكرك ؟؟ثم قلتلك متى نسيت ؟؟؟؟؟؟؟
محمد جار الله السهلي
|
14-10-08, 08:51 PM
جديد مواضيع قسم الارشيف
العرض العادي
