كان الكرتون بيطيح من يده لولا انه مسكه زين قبل لا يتناثر اللي فيه !

الصبـاح ،!
الساعة 6 ... بدايات الشرووق ..
فتحت مشاعل عيونها وسط الصمت اللي كان سايد ..والهدوء المسيطر على جو الخيمة.. كانوا الباقين لسا نيااام هي أول وحدة فتحت عيونها .. فكت السليب باغ حقها ووخرت البطانية عن جسدها .. شالت عمرها بتقوم واقفة بهدوء وحذر لا تسوي ازعاج .. لكن شنّجها ألم مفاجئ بكتفها .. خلاها تتقلص شوي وهي تحط كفها اليمين على كتفها اليسار ..
مع النوم والاسترخاء رجع الألم يراودها .. تحتاااج لـ مسكن !
طلعت من الخيمة وهي تسكر جكيتها الصوف الطويل اللي يوصل لين ركبها عليها .. وهي تدلك كتفها بكفها بكل رفق ..مشت للحمام المخصص تبي تغسل وتتوضى عشان تصلي بعدين تصحي الباقين.. وهي رايحه بطريقها سمعت من بعيد قرقعة ادوات جاية من جهة الشباب .. وصوت اثنين يتكلموون واحد منهم ميّزت انه صوت بندر ..
كملت خطواتها وهي تكشر ملامحها .. من ألم كتفها اللي ما تدري شفيه ثار هالمرة رغم انه امس كااان خفيف وما حست فيه الا ما ندر !
دخلت الحمام وعقب ما غسلت طلعت وهي مغسلة يديها ووجهها اللي كان يقطر .. والشال ملفوف على راسها من البرد.
راحت مباشرة ناحية موقع نارهم عشان تتدفى برمادها ..وتجفف نفسها .. تفاجئت يوم وصلت ان النار شابه وشكلها جديدة .. توّه احد يشتغل عليها لأن الحطب المحطوط توه ما احترق وباين جديد .. شافت ايضا الابريق المخصص للغلي على الحطب.. محطوط عليه ..وداخله مويه توها ما غلت ..!
استغربت .. لكنها ما سألت نفسها ..جلست على مركى قاسية كانت موجودة .. ومدت يديها الرطبة ناحية النار عشان تجففها.. وتجفف وجهها اللي يقطر شوي ويثلّج من برودة الجوو الفجري !
حست بوخزة ألم بكتفها من جديد .. ولا إراديا حطت كفها عليه لعلها تقتلع الألم .. وانكمشت شوي على عمرها وهي تدلكه ..
جاها صوته المبحوح من مكان .. جدااا قريب: " سلامات .. تحسين بألم؟ "
رفعت راسها منصدمة من ظهوره المفاجئ .. طاحت عينها عليه واقف على بعد مترين يطالعها وبيده الأولى حزمة حطب.. وبيده الثانية حديدة مثل الكماشة مخصصه للنار وتحريك الرماد ..
بسرعة عدلت شالها ولثمتها .. ما طلع منها الا عيونها .. اللي كانت هالمرة عميقة مع هالظلمة الخفيفة اللي ما انقشعت بالكااامل ..
نزل خالد عيونه عنها متجاهل هالجاذبية الغريبة اللي انخلقت فيها فجأة مع هالفجر .. وتقدم وهو يجلس على ركبة امام النار .. ومقابـل مشاعل تماما ..
قال وهو يفك ربطة الحزمة : كتفك يعورك ؟؟
نزلت يدها عن كتفها وبشوويش قالت : شوي ... تراه مو شي !
ابتسم وعينه عاللي يسويه : اذا يعورك عطيني خبر !
نزلت عينها بعيد عن وجهه .. ومسيطرة على مشاعرها : ما يعور..
لكن وخزة مفاجئة خلتها تحط يدها بصمت على كتفها وتحبس الونة داخل جسدها .. خالد صحيح ما سمع لها صوت لكنه لاحظ بعين الخبير حركة يدها .. قال وهو رافع حاجب والكماشة بيده .. وعينه عالنار : يا حبك للكذب !
رفعت نظرها لوجهه القمر اللي كان متوهج بسبب قربه للنار.. وكتمت عبرتها بحلقها : يعني لازم يعورني شي !
قال وهو منشغل : اذا يعورك .. قولي لي مستعد اساعدك
خجلت منه : لا شكرا اللي سويته يكفي ..
ابتسم من حياها اللي ما يليق على وحدة مثلها وهو يحط يده اللي ماسكه الكماشة على ركبته : تراني دكتور .. لا تنسين .. تبيني أكشف عليك مستعد ؟!
حمررر وجهها وهي تنزل نظرها للنار .. هو يقولها من غير خجل من منطق انه طبيب لكنه ابد ما يراعي شعورها خصوصا انه مُدرك ومتيقن لـ حقيقة مشاعرها تجاهه ! ،، ومع كذا يتصرف متناسي هالأمور !
دمعت عيونها غصب عنها ، من تجاهله !..ولاحظها خالد اللي التزم الصمت : مابي منننك شي !
قال متناسي عقدة الذنب اللي بدا يحسها : انا ابي اساعدك يا مشاعل .. اللي صار لك امس مو بسيط ! ، والالم اللي تحسين فيه يحتاج فترة على ما يخف ويختفي..
قالت وهي تبلع غصتها : انا بخييير حبة مسكن ويرووح الوجع
سكت ورجع لشغله اللي بداه .. رتب الحطب حتى يزيد من شعلة النار .. والابريق اللي كان مثبته عليه بدا يصفّر دليل على غليان الموية .. فقام وشاله .. وحطه على الرمل ومشاعل قريب منه ومقابلته تراقبه بدقة وهو يشتغل.. مو قادره تتحرك من مكانها حاااسه بضعف هالمرة على غير العااااادة .. ودها ترمي عليه كلام ، ودها تستفزززه ، ودها تطلّعه من طوووره ودها تتخااانق وياااه .. رغباتها بخلق المشاكل معه جاااااااااامحة !
قال فجأة : هذي موية حااارة اذا تبون تتوضون وتغسلون بدل الباردة.. زودوها بارد شوي وتتعدل حرارتها
قالت وما تدري ليش قالت .. كانت بس تبي تستفزززه : ومين طلب منك تغلي ؟!!
ناظرها باستغراب من تبدل نبرتها : بندر اللي قالي.. يقول البنات هناك يشكون من البارد الفجر .. فتكرمت انا وقلت اقدم يد المساعدة ..
مشاعل بقهر : خذ ابريقك معك مانبي شي وش قالوا لكم بنموت لو ما لقينا موية حارة !
استغرب منها .. وقال بهدووء كثير ما يقهررررها : ان كانك ما تبينه فتراه مهوب لك !
مشاعل بانفعال : خذه ما نبيه !
خالد وهو رافع حاجب وباستفزااز : مانيب ماخذه .. وبخليه لغيرك ان كانك ما تبينه ، مهوب غصب تبينه انتي !
ناظرررته بقهههر.. وهو يرجع يحوس في النار بلا مبالاة من اللي يسببه داخل نفسها من اضطرابات ..لييش كل ما ابتعد كل ما هي تعلقت فيه أكثر ؟ .. ليش كل ما صدّ كل ما ذابت معه أكثر وأكثر ؟ .. ليييش ما يحس ليييش ما يحنن قلبببه ؟!
تدري ومؤمنة إنه مُدرك بهاللحظة لكل اللي تحس فيه بسببه لكنه وبشكل غريب "مطنش" ! ، مُدرك لضعفها وارتباكها لكن ما يصدر منه أي ردة فعل ..! ،، وكأنه ما يبي يعطيها خيط أمل واحد ويتمنى منها بس تقطع هالخيط وتنساه.. وتنسى التفكير فيه !!
سالت دموعها واختبأت خلف لثمتها .. ومشاعل كرهت ضعفها لأن طول عمرها تكره الدمووع ولا تحب تكون بهالضعف الكريه .. صحيح تحبه وتموت فيه .. تعشقه بس تكره هالدموع بسببه ..
هالكتف ما رحمها أبد .. حطت يدها على كتفها المتوجع بسبب آثار ضرب السلسلة اللي امس.. ومسكت نفسها وحاولت تكون بنفس البرود اللي هو عليه الحين ،.
تعررررف تستفزززني يا خالد !
تعررررف شلون تطلعني عن طوووري !
ليييش ما تحبني ؟! ليييييييش وش اللي ما يعجبك فيييني ؟!
صحيح ماني ذكيـّة مثلك!
ماني طموحـة مثلك!
ماني مثقفـة ومطّلعة مثلك !
لكن أقصى طموحى هو ..انــت!
انت بس ،
تفـوقني بكل شي يا خالـد .. بكل شي إنت فيه أفضل مني وعشان كذا أنا أحبك.. لأنك مختللف !
رفعت عينها اللي كانت مركزه بالنار ناحيته يوم قاام واقف وهو شايل أدواته معه .. وواضح انه انتهى من اللي جا علشانه ..
قال بنبرة عطووفة هزّتهـا من غير رحمة : برسل لك مرهم ومسكن مع بندر عشان ترتاحين من هالألم ..
واستدار ماشي لمخيمهـم المنفصـل .. ورجعت هي تنزل راسها للأرض بحززن .. نبرته العطوفة شي طبيعي تراها ما تعني شي خاص !
تذكرت معاملته لها بالمستشفى يوم طاحت مريضة .. كان حنوون ورقيييق وعطووف بشكل ما تحملته هي.. كان مختلف بطريقة مؤؤلمة اللي خلاها تتعلق فيه اكثر من قبل ،، وتحلم فيه اكثر من قبل ،!
تقلّبات تصرفاته معها لما تكون مريضة او تعبانه تررربكها وتخليها مضطربة اكثر .. تفهم ان هذا جزء من طبعه كـ طبيب .. يكون رقيق وعطوف معها لما تتعب او يصيبها عاارض !
تنهدت وهي تتمنى تكووون طول عمرها مريضة اذا كان هالشي بيخليه جنبها ويهتم فيها .. ليتها تطيح مريضة طول العمممر !
قامت وصلت عقب ما جففت نفسها متناسيه خالد .. وعقبها صحّت البنات سحر وشادن عشان يقومون يفطرون .. ثُم يفكرون وش ممكن يسوون حتى يستغلون الوقت والايام الباقية لهم في اللعب والاستمتاع والهيصة ،.
/
:
رجع خـالد لمخيمهم ورمى الأدوات اللي معه جنب النار .. ما يدري ليش عقدة الذنب صايره تتفاقم داخله.. وتزززعجه ! ،
ما يـحبها .. ولا هي تجذبه .. ما يحبهـا ،.. ولا هي تلفت نظره ،!..
لكنه ببساطة .. يشفق عليها ! يعطف عليها لأنها تحبه ولاهو قادر يبادلها بالمقابل ..
قالها لـ سحر البارح .. حاول مرارا بينه وبين نفسه .. انه يحبها ويبادلها الشعور .. لكنه للحين .. ما قدر ،.
عشان كذا كان يتعمد التجاااهل والتطنيش لعلها .. تحل عنه وتنساه .. وتفقد الأمل .. لكن عيونها تفصح في كل مرة .. "مستحيـل يا خالد" ..
ماله الا التنطيش ومع الوقت بتمـل ، وبتفكه وتخليه بحاله .. بكذا أقنع حاله !
جا بندر اللي ما نام غير ساعات معدودة .. بابتسامة : شبّيت النار عندهم ؟
قال وهو يطلع مفتاح سيارته : ايه .. تعاااال عط اختك المرهم شكل كتفها توجعها
استغرب بندر : مشاعل ؟ .. وش دراك عنها ؟
خالد : شفتها وانا رايح هناك حسيتها مو على بعضها ..
راحوا سوى لـ سيارة خالد.. وطلّع حقيبة الأدوية والاسعافات اللي جايبها معه .. ومد له المرهم مع شريحة أقراص مسكن .. راح بندر هنـاك وتنحنح من بعيد وهو يتقدم للنار الشابة .. واللي كانوا حولها شادن وسحر .. ومعهم مشاعل ..
بندر بابتسامة متجاهل النظر لـ سحر اللي كانت جالسه بصمت تطالعه : مشاعل سلامات شفيه كتفك ؟
خزززته مشاعل بنظرة ناااريـه : مالك شغل إنت !
استغررب.. بس ما طال استغرابه ضحك مباشرة : هههههههههههه .. أووه اتاري مقلب امس للحين لاعب دووره.. يختي نمزح معاااك ورا قروون ابليس طالعه فوق راسك ..
مشاعل : ابليس ياخذك .. مـا أبي اشوووف رقعة وجهك .. ومقالبك ذي مردوده بحول الله لا تستانس على عمرك
بندر بغرور : وليش ما استانس.. عندي اخت هبلة تونس اللي ما يتونس ما تبيني اوسع صدري واضحك شوي
مشاعل بقهررر : تراني منيب مضحكة عندك.. وش تبي خلصنااااا ؟؟؟؟
ضحك على عصبيتها الحلووة ورمى عليها من بعيد المرهم والأقراااص .. طاحت عند رجولها .. ناظرته باستفسار : مين قالك أبي دوا ؟
بندر : الدكتور يقول ان كتفك متعبك ..
انقهررت : رجعه مابي منه شي
بندر باستغراب : اعصابك .. مارح تقدرين تراكضين وتدابجين وكتفك يعورك
مشاعل : مالك شغل فيني .. كتفي ولا كتفك ؟!
لف بندر على شادن اللي كانت منشغلة تصلح لهم شاهي على النار عشان يفطرون ، وتسمع لسوالفهم : اقول شدين دبري اختك ان ما كلت المسكن تراه بيزيد عليها
شادن : ان زاد عليها بتاكله من نفسها لا تخاف عليها
قالت مشاعل : وش دخلك انت .. يقالك خايف علي ؟؟؟... لو خايف علي كان خفت علي أمس لا انهبل بسبتك وبسبة ثعبانك المنقط الغبي ..
بندر ما تحمل : هههههههههههههههههههههه يختي انتي من وشو مخلوقة ابي اعرف
مسكت مشاعل طرف حطبة بارزة من النار ، وهي تهدد : بتذلف والا بالنار قسماً بالله .. كرررررييييه !
ما تحملت سحر تجاهل بندر لها .. العادة يسلم ولو شافها باليوم عشرين مرة .. بهالوضع اللي هم فيه كان المفروض يقولها "صباح الخير ووشلونك ".. لكنه مـا وجّه لها ، لا كلمة ، ولا حتى نظرة !
قررت تكسر هالحاجز .. وقالت بابتسامة رقيقة : صباح الخير بندر ... تبي شاهي ؟
جبرتـه إنه يطالعها بمجرد ما وجّهت له الكلام .. كانت نقية بنقاء هالصباح .. اصطنع ابتسامة ناعمة لعله يخفف شكوكها اللي واجهته فيها أمس : صباح النور .. شلونك ؟
ما تدري ليش هالابتسامة .. وهالكلمة .. خلقت داخلها شعور بالراحة .. ولو مؤقتة !
سحر وابتسامتها الناعمة تزيد : بخير .. عسى نمتوا زين ؟
بندر ويديه بجيوب الجينز : الحمدلله..
قالت شادن : ما قلت بندر تبي شاهي ؟؟ بسرعة عشان بحط الليبتون
بندر : اييه مادامك مصلحه سوي لي معك واحد بالطريق.. الشباب للحين ما صحصحوا وانا منيب فاضي انتظرهم .. جايع
لا شعوريا مسكت سحر كيس الخبز اللي جنبها وقالت : خلاااص انا اسوي لك ساندووويتش
حماسها المفاجئ هذا ما تدري وش سببه.. غير انه شي مجهول دفعها لـخدمته
التزم بندر الصمممت .. وتم يتأملها وهو واقف مكانه ... ما ينكر .. غيابه عن المخيم البارحة كان بسبب رغبته انه يختلي بنفسه .. كان يحتاج انه يغيب هالاربع ساعات بعيد عن مكان يتواجد فيه كلٍ من .. سحر .. ومحمد ..
لهالسبب اخذ سيارته وراح بعيد يراجع نفسه بتصرفاته اللي بدت تنكشف... لـ محمد خصوصا !
ما ينكر فـادته هالأربع ساعات .. فادته إنه يهدى ويسيطر على نفسه .. وانه يرجع عالأقل ولو جزء كـ بندر اللي يعرفونه..
ما ينكر انه عقب ابتعاده أمس .. يحس انه أفضل اليووم بكثييير.. ولازم يحافظ على هالمزاج ما يخترب.. وعشان ما يخترب لازم يتبع الحدود الجديدة اللي رسمها بينه وبين سحر .. حتى لو كانت هالحدود ما تعجبه او ما تعجبها ،!
كلمة " أخوي" .. اللي أطلقتها بوجهه أمس.. رسمت له المسار اللي من اليوم ورايح لازم يتبعه..عشان يرتاح من الهم الجاثم على صدره ،.
دامها اليوم .. تعني لك "كل شي"..
بكرة تخليها بحياتك .."ولا شــي" !
ابتسم لنفسه من هالنقطة اللي وصل لها .. انتبه لشادن تقوم بكاس الشاهي الساخن .. وتقدمه له مع الساندويتش اللي توها سحر سوتها : هذا فطووورك ..
اخذه منها وهو يشكررها : شكككرا شدين ..
كانت سحر تنتظر "شُكره" لها على الساندويتش اللي حاولت تسويه بعناية.. لكنه بغرابة استدااار وراح لمخيمهم تاركهم ..
ضاااق صدرها ما تدري ليش.. وبان على وجهها ، كان يحب التعليق على اي شي تسويييه .. بس هالمرة خالف عادتـه ،!
مشاعل : اخسس سحيّر سوي لي ابغى مثل بندر تراني جايعه
ناظرتهـا ببرووود : يدك مقطوعة ؟
مشاعل : ابيها من يدك طيب.. انا كتفي يعورني ما اقدر احرك يدي كثير
سحر : افففف.. ما ينفع عليك الدلع .. كلي دواك ذا وبتطيبين
مشاعل بانفعال : شي من اخوووك ما أبيه..
قالت شادن وهي تصب الموية الحارة بالكاسات الورق اللي فيها اكياس الليبتون : هذا جزاااه كل ما طحتي علينا هو اللي يقوم فيك..ومتحمل بلاويك !!
مشاعل ووجهها احمررر : ومن قال اني كنت ابيه يعالجني.. آخر انسان ابغاه يعالجني هو خالد .. يكفي مرتين وان صارت الثالثة بموت مدري وش بيصير فيني
شادن : ههههههههههههههههههههههههه الحيا موب لايق عليك
سحر : ههههه من جد ..
:
×

وتركته معصبة من الأسئلة اللي براسها ..والتوتر اللي عايشته ذا اليومين ، بسبب كثير اشياء ..مشاعرها لمحمد اللي شوي شوي تقضي عليها.. وبندر اللي من غير سابق انذار قام يستحوذ على اهتمامها بشكل غير مفهوم .. وآخرهم وليد اللي .. ودها تفهمه !
ركضت لأبوها ومن غير ما تنطق بكلمة شبكت يدها بيده لعلها تلاقي أمـان فقدته الثواني اللي طافت!
طالعها ابوها باستغراب.. وابتسمت بوجهه ثم كملت تناظر طريقها ..
تركي تحرك بعد ما تركته وهو رافع حاجب .. وساكت !
وش يسوي ؟؟؟
البنت أكّدت له انها ماهي طبيعية ؟؟
وش الحل ؟؟
يتقرب لها ؟؟
عشان يعرف هي وش تبي بالضبط؟؟
بعد دقايق ..
ابو خالد لف لـ سحر اللي كانت ساكتة : نرجع ؟
هزت راسها وهي ترمق وليد وهو يضحك لبيان .. ببراءة وجهه الوديييع : اييه بديت اتعب !
ابو خالد : زين يلله .. لنا فوق الساعة نمشي.. ويبيلنا بعد نص ساعة عشان نوصل للمخيم ( لف لـ وليد) بنرجع يا وليد ..
وليد/تركي مشى وبيان فوقه : انا راجع معكم ..
/
:
في المخيـم ؛
عند شادن اللي كانت جالسه جنب النار .. مع أمها ومرة عمها .. يطبخوون قهوتهم بنفسهم
جت مشاعل وهي معصصبة : وين راااااااااااااااااااااحت ؟؟؟
طالعتها شادن باستغراب بينما ام خالد ، وام محمد مندمجين بسالفة : منهي؟
مشاعل : سحييييير لها ساعة مختفية .. والبنات بيجون الحين !
شادن : يمكن تتمشى
مشاعل : تتمشى لحالها ؟!.. البنت ذي ميب طبيعية من امس !
لمحت أروى ورهف مقبلين من بعيييد.. نست عصبيتها من سحر .. وركضت لهم تصارخ بخررررررشة ..
قامت شادن تبدل ملابسها .. كفاية تفكير فيه !
وكفاية تفكير فيها ، "نهى" !
هي جت هنا عشان تستانس .. وقررت أمس انها تواجهه !.. فلذلك لازم عليها تنسى الحزن لين تحين اللحظة اللي تجبره فيها انها تواجهه .. لازم تتلبس لباس القوة اللي يااما اعترف لها فيه.. كان دايما يقول لها انتي قوية رغم قناع "المسالمة" اللي ترتديه !
ابتسمت بقووة وهي تتوعد عمر.. لازم ترجع الطفلة العنيدة.. تجبره يسوي اللي في راسها "هي" .. مو اللي في راسه هو ! ، لازم ترجع جزء من ذيك الطفلة العنيدة والقوية عشان تبادر بالخطوة اللي ناويه عليها !
دخلت شادن الخيمة وبدلت ملابسها وهي مقتنعه باللي راح تسويه.. (باختصار ناويـه على خطوة جريئة) بس شوفوا متى بتتصادف هي وعمر !
رجعت طلعت من الخيمة وهي ترررركض بحيوية أول مرة تكونها من جت هنا .. ناحية البنات اللي تجمعوا تحت الشجرة وشكلهم يخططون على مغامرات جديدة !
:
×
وصلووا للمخيم بعد مشوااار مشي طووويل .. سحر نست وليد طول المشووار.. وعيونها ما فارقت محمد اللي كل لحظة والثانية كان يبادلها بابتسامات خاطفة تهدّ حيلها .. وتخطف أنفاسها ..
محمد ما كان قادر يلملم نفسه طول هالمشوار .. كان واصل لأقصى مراحل الضعف وجية أبو راهي اللي تأكد وصوله اليووم كان هاد حيله وسالب كل قوة له.. قلبه معوّره من هالجية اللي ما يدري وش بيصير فيها.. كان يبي ينساه .. وينسى ارتباطه معه .. وينسى خطيبته اللي ما يعرفها ،!
وعشان ينسى .. ما لقى الا سحر .. "حبيبته" تنسّيه .. وترسم البسمة الدافية على ثغره ! وترد له المشاعر اللي يحسّها من تطيح عينه عليها ..
يتمناها لكنه للآن .. مو قادر ياخذ هالخطوووة ! ، عراقيييل تمنعه !..وأكبر هالعراقيل هو .. أبـو راهي !
سحر ابتسمت لأبوها وهي ناوية ترجع لمخيمهم : تسلم يبه من زمان ما مشيت معاك
ابو خالد : ريحي رجلك لك اكثر من ساعتين تمشين عليها
سحر : ما عليها شر.. ادهنها بمرهم وبتصير كويسة
تركت المكان وعيونها معلقة على محمد اللي كان سارح بعيييد.. ويناظر شي بالأرض وواضح ان باله مو معاه !
حست بالاحباط لأنه مو معطيها بال.. وتركت المكان بخطوات هادية ناحية مخيم البنات ..
تحرك ابو خالد .. ومعه تركي ناحية مخيم الرجال ..
لكن محمد وقف .. وكأنه تذكر .. نادى على بيان اللي مشت تلحق اختها ..
رجعت له بيان ونزل لمستواها وهو يطلع الوردة اللي قطفها بالـ سر !
محمد بهمس واطي ما يسمعه الا هو وهي : عطيها لـ سحر !
بيان ابتسمت: الله ..مثلي حقتي !
ابتسم بنعومة : خذيها وعطيها اياه ..
خذتها منه وراحت ركض ورا اختها .. اللي دخلت للخيمة الخالية ..
قام محمد واقف.. وتوه بيتحرك طاحت عينه على ولـيد واقف يناظره .. تجاهله وكأنه ما سوا شي وكمل طريقه للمخيم بصمت..
رفع تركي حاجب وواحد ولحقه وهو فاهم بالضبط اللي صار هناك !.. لكنه كالعادة مثّل دور .."الأبله" !
دخلت بيان للخيمة لقت سحر جالسة عالأرض ومطلعه المرهم !
بيان : هذي لك !
رفعت راسها وشافت الوردة الصفرا : لي؟؟
ابتسمت واخذتها : شكرا
بيان : عطاني اياها محمد وقال عطيها سحر ..
طاحت الوردة من يدها .. من الصدمة .. من الخجل !
سحر مو مصدقه : متأكدة؟؟
هزت راسها ايجاااب ..وركضت برا بحيوية..
اخذت الوردة وهي تطالعها .. مو مستوعبة اللي يصير ..
محمد !
خلال ساعتين !
ساعتين بس !
هد حيلــها ..
وسلب كل قواها ،
سوّا اللي مـا سواااه خلال سنتين من العذاب والمشاعر !
حست بالخدر !
تخدددرررت ..
اطرافها .. وروحها .. وقلبها كلهم تخدررروا !
لقت نفسها منسدحه عالأرض فاااقده كل قوووة ! ،
باختصار .. اليومين هذي واللي صار فيها.. مع محمد.. مع بندر .. مع وليد... ما كان شي سهل !.. وما تدري اذا بيكون فيها باقي طااقـة للأيام القليلة الباقية !
طاقتها المتناقصة خلا النووم يخطفها بلحظة ..!
:
×
بعد ثـلاث ساعات !
تركت شادن جلسة البنات عند الشجرة الوحيدة .. وراحت ناحية بساط الحريم .. لقت امها تكلم تلفون وقبل لا تجلس بادرتها بعد ما سكرت : شااادن قبل لا تجلسين روحي شوفي الساطور بخيمة الأغراض ..
شادن باستغراب : وش ساطوووره ؟؟؟؟
أم محمد : ساطور اللحم .. أبووك يبغااه ..
شادن : ههههههههههههه ساطور عاااد !!
أم محمد : أبوك هناك قاعد يذبح ذبيحة ويبي السااطوور..
استغربت ،، ما درت ان فيه ذبيحة اليوم .. فـ قالت باستغراب : ذبيحة ؟؟؟؟؟؟.. ليييه؟
أم محمد : بيجون لنا ضيوووف هاليوميين وبيجلسون معنا
شادن استرسلت بالاسئلة بفضوول شديد : ضيوف مين.. غريبة ليه توكم تقولون ؟!
ام محمد : ابوك توه يقولنا ..بسرعة أبوك ينتظر ومحمد دق يبيها ..روحي شوفيها واتركي عنك الأسئلة.. اخوك من ساعة ينتظر
قامت شادن لا تجيها زفة .. وراحت ناحية خيمة العفش .. وبين السلال وصناديق الأغراض .. بحثت لين طلعت ساااطور كبر راسها .. ارتاعت من منظره العرييض وثقله المختلف عن السكين العادية ،، شالته من الطرف وهي مبعدته عن جسمها بشكل مضحك ..
طلعت من الخيمة بسرعة متهوورة.. وصادفت محمد مقابل الخيمة بحالة انتظار .. اللي ارتاع من اندفاعها
محمد : علللى هووووووونك على هووونك ...!!!!!
سلمته الساطور بأطراف أصابعها .. وهي تقول : وش تبون بالساطور.. وليه مرة وحدة ذبيحة.. ليه تعابلون على انفسكم !!.. سووا غدا مثل أمس رز بالخضار يالله لك الحمد..
ضحك عليها .. وبحركة أرعبت شادن وخلت عيونها تطيير .. حط الساطور على كتفه بيد وحدة .. مثل شيلة السيف.. وقال : مهيب برغبتنا.. تحسبين الشباب يبون يتورطون بـ ذبيحة .. ابوي وعمي.. يبونها مفطح .. فيه ضيف بيشرف !
شادن بفضول اجتاحها ، ما كان عندهم خبر هي او احد من البنات بحضور احد غريب : مين الضيف؟؟
قال محمد يوضح : واحد ينقال له أبو راهي.. بيجي هو وعايلته .. تلقينه على وصوول الحين..
أول مرة تسمع بالاسم : أبو راهي؟؟؟؟
قال : شريك عمل .. لا أكثر..
استوعبت ، "شريك عمل أجل!" .. حست ان الاسم ونبرة الأسم ماهو عادي.. وحتى الحفاوة هذي اللي تصاحبها ذبيحة كاملة ، ومفاطيح .. أكيد لـ شخص ، مو عادي!!
كمل محمد وهو يأشر على عمره من فوق لـ تحت : ما تشوفيني خاااايس بالدم .. كاااره عمري..
انتبهت شادن برعب .. لـ منظر ثوبه الأبيض الملوث ببقع حمرااء في كل مكان ،! ، حست بدوخة ، وغثياااااان!
ملامح وجهها خلت محمد يتذكر موقفها من الدم.. وبخبـث ومكر ، انرسم على وجهه : أوووه !! ، تذكرت!!... انتي موتك ولا تشوفين الدم !
حطت يدها على فمها وجت بتنحاااش... إلا يطلع بندر على الساحة فجأة ، وهو ينادي من بعييد
"محمممماااد.. بسرعة وين الساطور خلنا نقطع اللحم ونخلص من ذي الوهقة"
التفت محمد وهو مثبت الساطور على كتفه.. ومعه اتجهت عيون شادن لأخوها الثاني .. اللي لابس برضو ثوب أبيض .. ملووث بالأحمر بكل مكان .. وحاله ما يقل عن محمد ..
انتبـه بندر لـوجه شادن يعتفس يمين ويساااار .. فهم حالتها لأنها تكـره منظر الدددم بشكل..لا يوصف !
هتف بندر بشطانة : "امسسسكككها محمد"
طلعت عيون شادن برعـب ..وهي تستوعب معنى كلمته .. ومن غير لا تترك يدها اليمنى فمها .. حطت رجلها كـ بداية هروب.. بس لقت ان قبضة محمد القوية تمسكها بكل برود من ذراعها اليمنى اللي مغطيه فيها فمها،
ما قدرت تقاوم يد محمد اللي مسكها بيد وحدة ينتظر بندر اللي كان يهروول ناحيتهم وهو يبتسم ..على منظر شاادن اللي كانت تضرب ذراع محمد بقبضتها بكل قووتها !
محمد ما قدر غير يضحك : ههههههههههههههههههههههههههه .. الله يهدي أبوي بس.. تحسبين كان ودي.. هههههه
شادن حايمه كبدها : بنننننييييدر .. خللللك بعييييييييييييييد
بندر : ههههههههههههههه .. والله ما كان ودي أشارك بالذبيحة ..بس تعرفين أوامر المجلس الأعلى .. الوالد .. لازم تذبح الخروف عشان تصير رجال .. ههههههههه
شادن وهي تنقل عيونها مـا بين هيئتهم الدموية..اثنينهم .. بدهششة وقرف بـ نفس الوقت ، وعيونها طااايره فيهم ،!
أول مرة تشوف أخوانها بهالحال.. حتى أضاحي العيد ..من عمرها وهم يودونها للمسلخ ..
بحياتها أخوانها ما شاركوا بذبح خروف.. ، بشكل عملي عالأقل!! أول مرة .. تشوفهم متلطخين بالدم.. بهالشكل المفجع بالنسبـة لها "هي" !!.. وكأنهم طالعين من جريمة !
حاااامت كبدها وما قدرت تكتم اللي بصدرها .. فقاالت : رييييحتكم خياااااااااااس وخر عني وجع !
سحبت يدها عن محمد .. وتراجعت كم خطوة على ورا تضمن لها مجال للهرب.. لو فجأة استنذلوا..
قالت وهي بعييدة : ليه لابسين الثووب عاجبكم المنظر..
بندر : ههههههه أجل تبينا نذبح بجينز .. والله جينزاتي غالية علي.. عالأقل الثوب إرميه وبداله مليون ثوب.. بس جينزاتي بالدم وش بيغسلها هذي..
كمل محمد : هههههههههههههه ثاني شي.. الثوب تقدرين تتعاملين معه بالذبح .. خفيف وظريف..
شادن بسخرية : هه هه يا ظرفكم .. وعع ما اصدق انكم اخوواااني.. وش بينظفكم بالله قولوا لي..
بندر : هههههههههههههههههههههههههههههه حلوة وش بينظفنا.. حماااام سريع .. مع بختين عطر وترجعين تماااام
انقلبت ملامح شادن مو مقتنعه .. لأن منظرهم بصراحة مفججع
فهمها بندر .. وضحك وهو يكمل : ترا عمر ..الحبيب... ما يقل حالا عنا .. وش بتسوين ؟؟..بتعيفينه هو بعد ههههههههه ..
تغيييرت ملامحها مو مصدقه .. < ما تبي تصدق
شادن : عمر برستيج مو مثلكم وع عليكم ..
بندر ناظر بـ محمد ..ساخر : طالع ذي.. مو مصدقه .. ههههههههههههههه ولا يهمك .. الحين أروح اصوره بالجوال ..وأرسله لك ..
ما ردت عليه .. وهي ساده خشمها بأصابعها من ريحتهم !
كمل بندر عشان يعطيها مجال تتخيل فيه ، وده يضحك : هههههه تبين الصدق عمر غرقان بالدم أكثر مني ومن محمد .. هو اللي معاااون أبوي..محد تجرأ على هالمهمة الصعبة غيره .. ابد متسبح سباااااااااااح بالدم
فهمت شادن قصده ودخلت داخل الخيمة وهي تصرخ : اوووصصصصصص مابي اسمع ..

ضحك محمد وهو يطالع أخوه : ههههههههههههههههههه تعمقت بالوصف الصراحة ..
بندر : ههههههههه اصبر شوي .. لازم الصورة نرسلها لها.. قال برستيج قال (بسخرية) !
راحوا بسرعة يوم سمعوا نداءات ابوهم لهم وهو معصب من بطئهم.. وسلموه الساطور عشان تقطيع اللحم اللي محد منهم قادر يتنازل عن برستيجه ويعااابله ..
اتجه بندر ناحيه عمر .. اللي كان يستعد يخلع قميصه والكشرة على وجهه ،
قال بسرعة " لحظة لحظة لحظة ..."
التفت عمر ويديه على طرف القميص من تحت .. إلا بندر.. فاتح عدسة الجوال ومسوي زووم عليه..
عمر باستغراب .. بنظررة باااردة : وشش تحس فيه بالله !!
بندر وهو كاتم الضحكة : صورة للذكرى !
عمر : وش ذكرى فاضي لك !!.. تسمي الخياس ذا ذكرى !!؟
بندر : اصص احسن لك .. تشيز يلله..
بدال التشيز .. رفع عمر حاجب واحد كـ "رد" .. من حركات ذا السبهه قدامه ..
بندر : هههه يـ عيني عالحاجب.. بتسيّح البنت
عمر بانتباااه : أي بنت؟؟
بندر بسخرية بعد ما طلع صوت الـ "تشك" من الكاميرا .. وهو يقول : كم فيه من بنت مرتبط فيها حضرة جنابك ؟؟
عمر : وش تبي بالصورة .. لا تقول بترسلها لها يالهيس؟؟
بندر : ههههههههههههههههه بالضبط .. حضرتها مكذبتني.. تقول عمر برستيج ما يلمس الـ "خرررروف" < بترقيق الراء .. ( يستهبل)
عمر عصب : لا ترسلها !!
بندر : هههههههههههه كني بشاورك أصلا..
عمر ركض له بس بندر انحاش وهو يضغط "ارسال" .. سحب عمر الجوال..
لقى .. "تم ارسال الصورة" ..
عمر : يالهيس الاربد !
بندر : هههههههههههههههههههههههههههه خايف تطيح من عينها ويا وجهك ..
رمى عمر الجوال عليه من غير لا يعلق.. وراح وهو يشيل القميص الوسخ من على صدره العضلي؛
وقال : أردها لك بيووم
بندر شافه ناوي الحماام : هههههههه لحظة .. أبي الحمام قبلك ..
عمر بسخرية : هههااي.. اقوول انثبر محد ماخذ الحمام قبلي.. أنا أشنعكم
بندر ركض بيسبقه : ههههههههههههههه لحظة ..
الا عمر طار قبله .. ودخل الحمام وسكره بالقفل
بندر : ههههههههههههههههههه ،، هيييين
::
عند البنااات .. تحت الشجرة
شادن + مشاعل + أروى .. ثلاثتهم جالسين من غير البقية
مشاعل وأرووى ..ضحك ×ضحك ، وهم يناظرون الصورة بـ جوال شادن المطنقققرره ..من أخوها بندر،!
مشاعل : ههههههههههههههههههههههههههه ورااااه رايح فييييها !!
شادن بقهرر : بنييييدر.. أحسبه يستهبل يوم يقول برسلك الصورة.. يقهررررررر
مشاعل : هههههههه بس والله هو هو ..عمر .. مافيه شي متغير ..
سحبت شادن الجوال منهم .. بسبب غيرة اقتحمت قلبها فجأة .. يوم شافت أروى تتأمل الصورة بصمت.. وعمق.. كان طبيعي بس شادن ما حسته طبيعي ؛
فهمت أروى الحركة ، وضحكت : ههههههه يا حبي لك يا شادن تغارين.. لا تخافين تراني مخطوبة .. بس قاعدة أقارن بينه وبين خطيبي ههههههه !!
ناظروها شادن ومشاعل بـ دهشة .. فهمت أروى نظراتهم وابتسمت : ههههه عسى ما شر روعتوني !!
قالت مشاعل : ليييه توك تقولين مع هالوجه ؟
اروى تغطي ارتباكها : ههههههه ما جت فرصة ..
ابتسمت شادن بـ خجل غصب عنها : سوري مو قصدي والله.. بس ما حبيت تشوفينه بهالشكل.. أنا ما قدرت اشوفه أكثر من ثانية.. الدم ما اقدر أشوفه يمرضني
أروى : ههههههههههههه بس والله ما شاء الله وسيم .. تراني اقولها بحسن نية يعني لا تذبحيني ..
شادن ضحكت غصب : هههههه .. أقولك مقدر اشوف الدم تقولين أذبحك..
ضحكت اروى : ههههههههههههههههه يعني اتغزل فيه عادي؟
ردت شادن : ههههههههههههههه ترا بيوصل هـ الكلام لـ خطيبك .. يعني اعقلي
اروى وهي تحرك يدها من فوق لـ تحت بطريقة "الغير مهتم" : وييييييييييييه خطيبي عساه يفضى لي.. كل ما بغيت أكلمه حصلته مشغوول
الجملة الأخيرة .. حست فيها شادن نبرة حزن .. خفييييفة مخفية ..ماهي حزن بمعنى حزن.. بقد ماهي .. "احبــاط"
جت شادن بتسأل .. بتستفسر لا إرادياً عن سبب الإحباط الخفيف اللي لمسته ..
إلا بـ جية رهف ..اللي كانت تاركتهم عشان تبدل ملابسها بشي أثقل .. قالت وهي ترمي نفسها عـ الرمل وتتربع قدامهم ..وهم متحلقين تحت الشجرة : وين وصلت سوالفكم؟؟
قالت مشاعل بدهششة وفضووول : وصلنا لـ خطيب أروى .. اللي تونا ندري عنه... عالبررركة لا يكون ما تبين تعزميناا عليه!؟
ضحكت رهـف فجـأأة : هههههههههه .. أجل خطييييب أأررروى هههههههههههههههههههههههههههه!!!
شادن ومشاعل باستغررراب : ليه تضحــكين؟!
كملت رهف : ههههههههههههههههههههههههههههههه معليش بس ذي مهيب كفو خطيب هههههههه
ردت أروى بقهر : رهييييييف كافي تهزييييييئ فيني.. أنا طبعي كذا ما اعرف أرركد!!
مشاعل بحيرة .. فيه سالفة .. بالموضوووع..
شادن ابتسمت وهي كاتمة ضحكتها : متى الزواج يا أروى ؟؟
هدت أروى وهي تسند بظهرها للشجرة بإحباط : حوول الشهرين .. حسب آخر "مسج" وصلني منه..
بدهشة قالت مشاعل : من كلامك.. كأنه اهـو اللي مقرر هذا الشي..
ابتسمت وهزت راسها ايجاب : اييه .. هو ..
شافت رهف سكوتهم .. وابتسمت وهي تكمل : وش فيكم مستغربين؟؟؟
مشاعل : ليه أهـو اللي يقرر؟.. مو إنتـي؟.. او عـالأقل أنتم سـوى؟!
رهف ضحكـت : ههههههههه لأن الاخت ذي مسلمته الخيط والمخيط .. غاااسله يدها من الموضوع كلله.. ههههههه.. بالله عليكم قد شفتوا بحياتكم أكثر من كذا هباااالة !!
أروى : رهيييف اووصص أحسن لك ، هو مرتاح كذا بكيفه..
رهف : هههههههههههههههههه
شادن وهي تناظر أروى : ومين سعيد الحظ اللي يحصل له مثلك ؟؟
اروى وهي تلعب بأصابعها : "ولد عمتي.."
شادن بابتساااامة : اهااا.. ما شاء الله مو بعيد.. تدرين أحسن عشان يعزك ويكرمك ..إنتي منه وفيه..
ابتسمت أروى لـ شادن..ابتسامة امتنان.. على هالكلمات المداوية الرافعة للمعنويات!
شادن فهمت مغزى الابتسامة .. وقالت : ليه مستغربة من كلامي.. ولد عمتك من لحمك ودمك ،، وش بتتوقعين منه غير كذا ؟!
ضحكت أروى بإحبـاط : هههههه .. أنا دفشــة يا شادن .. بعطيك إياها على بلاطة ..
عقدت حواجبها شادن باستغراب تبي تفهم.. ومشاعل فهمت المغزى عقب لحظة .. وبعدها غصصب غرقت بنوبة ضحك .. غرقتها معها رهف ، اللي فاهمه أساساً القصة كاملة.
رهف ومشاعل : هههههههههههههههههههههههههههههههههههههههههههههههههه هههه!!
كملت أروى وهي تناظر شادن بعيونها ، متجاهله اللي يضحكون جنبها كأنها ما تسمعهم : وحرركة وفوضوية وحيوية فوق الحد الطبيعي .. عكسه اهـو !
قبل لا ترد شاادن .. فصخت شبشبها .. ورجمت كل وحدة فيهم بـ فردة الشبشب .. وهي معصبة : هوووووووووص انتي وياها .. انطططمووووا
اروى بضحكة : ههههههههه خليهم يضحكون ..
قطع عليهم رنة جوال شادن .. ويوم سكرت رفعت راسها للبنات : ماما تنادينا .. تقول الضيوف بيوصلون الحين لازم نرجع !
مشاعل باستغراب : ضيوف مين؟؟
شادن : والله مدري بس شكل ابوي وعمي يعرفونهم..
مشاعل لـفت لأروى : أنقذوك الضيووف هالمرة هههه
قاموا راجعين للجلسة اللي جالسينها ام خالد ، وام محمد ينتظرون الضيوف ..
وكلها لحـظات .. وتقبل عليهم من بعيد .. سيارة راقيـة موديل 2010 منعكس على سوادها أشعة الشمس الساطعة ..، قاموا لها أبو خالد ، وأبو محمد عشان يرحبون فيهم !
وقفت مشاعل جنب البساط وهي تسمع أصوات عمها وأبوها واصل لهم .. يرحبون ويهلّون بحفااااوة بالغة !
دقايق ،!
وأقبلت عليهم حرمة .. ووراها وحدة أصغر منها !
فهمت من هيئتهم إنهم أم وبنتها .. لأنها سمعت ان الضيوف اللي جايين عايله كاملة ،!
ام خـالد التفتت لـ مشاعل وهمست لها بسرعة : مشاعل حبيبتي .. روحي صحي سحر لها أكثر من ساعتين نايمة .. قومي خليها تصحى وتجي تسلم عالضيووف يكفي نووم..
مشاعل : ان شالله