المنتدى :
القصص القصيرة من وحي قلم الأعضاء , قصص من وحي قلم الأعضاء
يـوميات فتاه غريبة
يوميات فتاه غريبة
منتدى ليلاس الثقافي
إن حياتي لا تختلف في شي عن حياة غيري فأنا أتناول طعامي واذهب إلى الكلية وأتمرن على فنون الكاراتيه واخرج مع أصحابي وأرجع ثانيه فاطعم طعام العشاء وأقرا قليلا ثم اهجع هذا ما افعله كل يوم
منتدى ليلاس الثقافي
ولا جرم أن تعلموا ما يعنيني ويسترعي انتباهي فانا تستهويني المفاجأت المثيرة وتستثيرني المغامرة الخطرة لكن العجيب إنني لم يسبق لي أن اقتحمت المخاطر
فمن وراء هذا الفتور الذي يتحكم بحياتي تتحرك في أعماقي بعض الأحيان إن نهاية حياتي أتيه في القريب العاجل فاذهب لأجول الشوارع كالكلاب فلا أجد إنسانا في انتظاري
فهل ابحث يا ترى عن الحب؟أو عن المغامرة؟أو عن المرأة من هي المرأة؟ أو عن شي تكتمل بيه حياتي الناقصة!عن شي لا اعرفه ؟هل هي الرغبة في كمال الذات ؟أو هل هي الرغبة في هروبي من المنزل؟لا اعرف
أنا امرأة فائقة الجمال اقدر جمالي وقوه تأثري بالجنس الأخر وشي يجذبهم إلي إلا إنني لا اعترف بجنسي ,لا اعرف إذا كنت فتاه أو رجل شكلي شكل فتاه حسناء فائقة الجمال مع إني لا اهتم بشكلي وميولي ميول رجل أحب الكاراتيه اكره بنات جنسي لأنهن ضعيفات جسديا (كما اكره جنسي وأريد أن أغيره إلى ذكر)
أنا نور عمري 21 سنه أخر سنه في البكالوريوس عندي أخت واحده اسمها ملاك عمرها 8سنين
رحت الكليه كالعاده جينز وتيشيرت واسع وشعري مرفوع تعطرت بعطر رجالي طبعا CK المفضل عندي وشلت معاي ملاك بعد ما لبستها الخدامه لانه ماما نايمه في احلامها الورديه ما احب انها تروح مع السايق وصلتها وطبعت قبله على خدها الملائكي وكملت طريقي الى الكليه ركتن سيارتي الاكس فايف(X5) ما عندي ربع في الكليه كل ربعي ايام المدرسه واطلع معاهم اكثرهم شباب ما اتقلم مع البنات وسوالفهم البايخه عن الميكب والمصممين والخ..
يوم ممل كالعاده في الكليه اقعد بروحي في المحاضره وامشي في الممرات بروحي اكل بروحي ما عندي ربع احس بالشفقه على نفسي بعض المرات لكن ليش اشفق على نفسي وانا ما اتقلم مع أي احد او اقرب نفسي من الناس يمكن لانه صفاتي غريبه
رجعت البيت ورجعت ملاك معاي سويت جدولي على أساس إني اخلص من وقت وأمر على ملاك
شفت الاميره ديانا اقصد ماما (اف)قاعده تشرب شاي اكيد الحين قايمه من النوم ما اواطن هالمخلوقه قاااااد(آلهي,يالله)
**********
سميه (ماما):وانتي ليش مو لابسه عبايه وشيله
اف تبي تعكر مزاجي وانا راده من الكليه
***:والله كيفي البس شيله ولا ما البس انتي ربي عشان تحاسبيني
ماما:صدق انتج قليله ادب وما عرفت اربيج
***:ملوكه روحي ماما خلي الخدااااااااااامه تبدلج ملابسج وتغديج
ملوكه:اوكيه(تعودت البنت على هالهوشات)
***:اقول ماما الي يقول انتي متحجبه طالع نص شعرج ولا حلال الشعر الي قدام
ماما انصدمت لانها ما تطلع شعرها بقصد:استغفر الله من وين اطلع شعري كم شعره تطلع بروحها
***:اها يمكن بدون قصد هالشعرتين طيب هذا نطوفها برى لما نسافر وين العبايه والملابس المحترمه الي تلبسيها
ماما حست بالارتباك:الي يقول هناك الدنيا تتعبد ليل نهار ابي اسئلج انتي تصلي اصلا
***(نور):لا ليش انافق ربي صلاه اصليها وصلاه ما اصليها ما احب اكون منافقه وهذا بيني وبين ربي لوسمحتي لا تتدخلي (اصلا انا نسيت الكلام الي في الصلاه كيف اصلي وبعد ما يلي بارض)
شفت وجها مصدوم طلعت غرفتي وخليتها ما ابي اعطيها فيس (وجه)زياده عن اللزوم
بعدين تصدق نفسها وتتعود تاخذ وتعطي معاي في الكلام
**********
منتدى ليلاس الثقافيالساعه 4 طلعت من البيت رحت الصالة, انا اتعلم كاراتيه من اول سنه في الكليه تعلمت نقطه ضعف الرجل في الكاراتيه كان المدرب حبوب ويعلمنا كل يوم حركه جديدة بس المشكل اهي قوه عضلاتهم افكر اني اشيل اثقال عشان اذا غيرت جنسي اكون متهيأه من كل النواحي
بعد ما خذيت شور وارتحت طلعت من البيت على حدود الساعه 8 واعدت ربعي في البحر سوالف وضحك كان فارس المقرب عندي احب اتكلم معاه واخذ حريتي انسان حبوب ومتفهم يحبني نفس اخته
فارس:ها اليوم اشوفج مبسوطه
***(نور):من وين مبسوطه اليوم الساحره معكره مزاجي
فارس:ليش شصاير
***:لا بس هوشه بسيطه وين شيشتي
فارس:خذي مالي اذا تبي
***:لا ما احب اتلوع
فارس:اشكره في الشكل تقوليها
***:عيل اكذب محمد شيشيه بليز
محمد:لحظه وتكون عندج
علي:نور عطيني سيارتج اجيب شي من عند الشباب وارد بسرع
***:سوري ما احب احد يستخدم سيارتي
علي:وفارس
***:فارس غير
علي:ايوا لازم حبيب القلب
فارس يضحك:وانت ليش تغار
علي:ذل ما ابي منج شي
***:وين سيارتك
علي:جاي ويه فهد
***:وع الله يعينك
***:فارس منو هذي
فارس:أي وحده
***:الي مسويه اللوان في وجها
فارس:خخخخ موزه
***: خخخخ شسمها موزة هههههه ليش ما سموها اهلها تفاحه
فارس:نور تعرفي انج حلوه
***:ايه اعرف
فارس:يعني حواجبج ما يحتاجلهم تضبيط اشوف شعرج
مد ايده عشان يفتح شعرها لانها رافعته
***شالت ايده:فارس بليز ما احب احد يلمس شعري
فارس:انتي ليش ما تكوني نفس البنات
***تغيرت ملامح وجها:لا تجيبلي الغثيان
فارس:لا صدق ليش ما تسوي ميكب كحل تلبسي مثلهم تهتمي في نفسج
***:لاني مو بنت
فارس عدل جلسته:والله كيف يعني فهمني
***:يعني مو مقتنعه بجنسي
فارس:وليش؟, الكلام الي تقوليه حرام انتي رافضه خلقه ربج
***:ايه رافضه وبغيره انشالله
فارس ضحك وما خذ كلامها على محمل الجد:وانشالله أي مكان بتسوي العمليه وشنو بتسمي نفسج بعد العمليه
***نور خذت الموضوع جد وقاعده تفكر في الموضوع:تصدق ما فكرت شنو اسمي نفسي يبيلي افكر وارد عليك
فارس وهو يتأملها:تعرفي نور لو تقصي شعرج من قدام بتطلعي احلى بدل ما انتي رافعته كله على ورا
***:انت شفيك اليوم مأذي اخواتك في البيت وتأذيني هني(فارس عنده ثلاث اخوات الوحيد بينهم ودايما يشتكولي منه لانه مأذتهم في حياتهم يحب يمشطلهم شعرهم)
رجعت البيت الساعه 1 بليل دخلت المطبخ اشرب ماي شفت بابا
بابا:وين كانت الانسه انشالله
***نور:مع ربعي ليش
بابا:انتي متى تتغيري وتعدلي من نفسج
***المشكله ما اقدر ارد عليه لا يعطيني طراق وعيب اتضراب معاه او اسوي الحركات الي يعلمونياها اذا طقني لاننه في النهايه هذا باباتي:ليش شفيني
بابا:في بنت ترد الساعه1 باليل
***:انا
بابا:ما يلي بارض لج الحين روحي انخمدي وبكره ابيج في موضوع
.
.
cool girl
التعديل الأخير تم بواسطة cool girl ; 02-08-08 الساعة 12:17 PM
|
01-08-08, 10:16 PM
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
