(بـــــــــــارتــــــــــــــــــــــــــــــــــــــــــــ ــ6)

##نـــــهاية حـــــيــــــاتـــــي##


***:ولا شي
علي:نور ما ابي اكرر كلامي شيبي منج فارس
***:ولا شي يبنا نطلع مع بعض لانا من زمان ما طلعنا
علي:وليش قلتيله انج بتروحي بيته
***:بس عادي اروح بيته
علي بعصبيه وقهر:لا مووو عاااادي بكسر رقبتج اذا سمعت بس طاريه ورقم تلفونه يمتسح من تلفونج وانا بحول رقمج بأسمي عشان اشوف الفاتوره
***:علي لا تعصبني بكلم فارس يعني بكلمه
علي:نور كسري الشر ما ابي اذبح اليوم احد
***:ما تقدر تسويلي شي وبكلم فارس
علي وهو يصارخ:نوووور لا تخليني افقد اعصابي والزواج انا بقدمه
***:نزلني في الشارع
ما رد علي
***:انت ما تعرف طريق بيتنا
اووو بعدين تذكرت انه جاي عشان الملكه
علي:نزلي واذا عرفت انج كلمتي فارس بتشوفي شي ما شفتيه
***:ما رديت عليه انا ما تهدد
رحت على حدود الساعه 5 الكوفي شوب عشان اشوف فارس بسيارتي بابا عطاني السياره
شفت فارس قاعد في اخر طاوله شكله ما انتبه اني جايه
***:هاي فارس
انصدم اول ما شافني
فارس:نور
***:انت وينك ليش ما ترد على تلفوناتك
فارس:..........
***:حصلت ربع تروح معاهم وتركتني
فارس:لا ما كنت اطلع وايد من البيت
***:شكلك تعبان انت مريض
فارس:لا انتي شكلج تغير
***:متطلبات الحياه
فارس:ما قلتج مبروك
***:ليش ,ما تبي تطلب شي انا ابي اشرب شي
فارس:خلاص نطلب ونروح نتمشى على البحر
***شكله مب طبيعي:اوكيه يالله
***:بسيارتي ولا سيارتك
فارس:لا سيارتي

....................
....................
***:ننزل ولا نقعد في السياره
فارس:لا ننزل المكان فاضي وهادي
***:اوكيه يالله
فسخت نعالي وشلتهم في ايدي ورفعت بنطلوني لانا كنا نمشي على الرمل
مشينا ومشينا شفيه فارس شكله شارب شي ولا غريبه
***:شفيك فارس
فارس:تذكري نور لما كنا في المدرسه
***:ايه
مسك ايدي وقال:تذكري اول مره تعرفنا فيها على بعض
***:اممم كنا صغار ,شذكرك بهالاشياء
فارس:كنت قاعد اشوف الصور في عيد ميلادي,في المدرسه
***:اهااا
فارس:انا اسف عشان هذاك اليوم
***:أي يوم
فارس:ندمت اني ما ساعدتج ,انتي تحبي علي؟
***:اووهو شجاب طاري علي لازم تذكرني
فارس: تحبيه
***:لا تجيبلي الغثيان فارس
فارس:انا خطبتج من ابوج في اخر يوم شفتج فيه
***سحبت ايدي منه وتوسعت عيني من الصدمه:خطبتني ليش تخطبني
فارس:لاني احبج
***:فارس انت تحبني نفس اختك شكلك شارب شي اليوم ما اذكر انك تشرب ولا من الربع الي تماشيهم هاليومين
فارس:لا انا ما احبج نفس اختي ولا ما كنت اخطبج
***:فارس انا احبك نفس اخوي وانت بعد
شفت ملامحه تغيرت
***:فارس نرد
فارس:انا كنت عارف انج تحبي علي ولا ليش تغيرتي
***صارخت عليه:انا ما احبه
فارس:عمرج ما فكرتيي فيني
***:فارس انا احبك اكثر واحد في العالم بس بنسبالي انت مجرد اخ لا اكثر
فارس:يعني ما في امل,تقدري تطلقي من علي اذا رفعتي قضيه انج تزوجتي بدون علمج
***:بيطلقني بس مو هاذي الطريقه اذا ساعدتي
فارس:كيف
***:بتعرف ,شوف اذا ما فكرت اني اسوي عمليه ما بتزوج غيرك واذا سويت بنكون ربع انا ويك
فارس:نور انتي غريبه الاطوار
***: شتقصد
فارس ضحك:ولا شي يالله
رجعت البيت على حدود الساعه تسعه شفت 19 مس كول من عند علي طنشته دخلت البيت
ماما:تأخرتي وين كنتي
نور:طالعه
ماما:علي ينتظرج في المجلس
***:من متى
ماما:من الساعه ثمانيه
***:وشنو قلتيله
ماما:قلت له انج طالعه مع ربيعاتج على الساعه 5
***:طيب قوليله اني تعبانه ومو قادره اقابله الحين
ماما:روحي يبي يكلمج في موضوع نور اذا تبي تقابليه ولا ما تبي هذا شي ما يخصني انا بروح انام
***:عشان بشرتج ما تخترب
ماما:ايه احسني مرهقه
***بمسخره:الله يعينج بس
حسيت قلبي يدق بسرعه دخلت المجلس شفت شكله معصب دخلت وقعدت في الكنبه المقابله
مر وقت طويل وهوا يطالعني بحقد شكله بيذح احد اليوم
***:في شي ضروري
شفته يضغط على اسنانه بعصبيه قلت احسن اطلع من المجلس وانقذ روحي قبل لا يذبحني هذا شكله فيه حاله نفسيه قمت عشان اطلع شفته قايم وجاي ناحيتي بغيت اركض لكن مسك اكتأفي غمضت عيوني عشان اذا ذبحني ,كل الي تعلمته في الكراتيه راح هدر من الخوف دزني على الكنبه عشان اقعد وزادت دقات قلبي
علي:طلعتي معاه صح
***ما قدرت ارد حسيت حلقي جف:............
علي:يعني طلعتي معاه
***:هزيت راسي ايه
علي:وين لسانج عيل
***:انت شيخصك اذا طلعت معاه او لا
شفته تغير شكله كليا بلعت ريقي
علي:انتي تحبيه
***بيطلقني اذا قلت ايه:ايه احبه
شفت ايده يحركها بتوتر ويضغط عليها اذا ضربني بموت لا محاله ايده كبيره اذا ضربها في كافر بيستسلم
علي:شكلي ما بسوي عرس وشهر عسل ما في
***:وعادي تتزوج وحده ما تبيك وتحب واحد بعد انا لو كنت مكانك ما كنت ارضى اذا سويت عمليه مع اني ما بزوج حتى ولو سويت عمليه
ما رد علي وطلع وتنفست بقوه وطلعت غرفتي شفت مسج من عند فارس
#####
نظرت الى البحر فلم أجد له نهايه؟
فذاك هو حبي لك
وطعمت ماءه فوجدة مالحا........!
فذاك عمري بدونك
واقتربت من امواجه فوجدتها
مطربة.....!
فذاك قلبي الهائم لرؤيتك
وأخيرا حاولت الغوص فيه فوجدته
غدارا.....!
وهذا مالم اجدة فيك..
#####
ما عرفت شرد عليه فرسلت له

***
شكرا
***

رد علي

#####
حلاة الليل في نظرة عيونك
ونور البدر مرسوم بجفونك وكل
الكون ما يسوى بدونك
تصبحي على خير يا نور الكون
#####

رسلت له
***
وانت من اهله
***
فتحت بلكونت الغرفه وجلست على الكرسي افكر في فارس انا احبه ولا ؟بس كيف احبه ما يصير دخلت غرفتي وقفلت البلكونه ونمت ما حسيت الا على صوت ماما

ماما:قومي نور
***:اممم اوكيه
ماما:يالله دوام
***:استغفر الله حتى الواحد ما يقدر ينام في هالبيت بقوم الحين
رحت خذيت شاور ولبست ملابسي وتسلفت من عند ماما عبايه وشيله لحد ما اطلق وحطيت الشيله على اكتافي

دخلت المكتب شفت علي قاعد على الكرسي رجل على رجل
علي:تأخرتي
***:قوم من الكرسي اذا انت ما عندك شغل غيرك عنده شغل
علي:الشيله يحطوها عالراس على ما ظن
***:قهرني يحسسني اني انفذ أوامره: كل شخص حر في ملابسه ووين يبي يحط الشيله
في ناس على راسهم في ناس على رقبتهم وفي ناس على خصرهم على حسب الشخص وثقافته
علي:اهااا,انا بروح الحين بس كنت جاي اقولج انه عرسنا هالاسبوع ان شاء الله انا سويت كل الترتيبات
***:نعم
علي:اذا تبي عرس واذا ما تبي عادي عندي بس عشان الناس
مر من قدامي وطلع برى المكتب شكل السالفه عجبتهم يعطوني الاوامر وانا انفذ
طلعت من المكتب وركبت سيارتي توجهت للبيت خذيت جواز سفري واغراضي الي احتاجها من ملابس ...الخ نزلت تحت
ماما:وين رايحه
***:ما رديت عليها
بعدين قلت:وخري من عند الباب انتي مخلينج عند الباب حارس لو تشتغلي بدل الهنود الي برى
ماما:ما في روحه
هذي شكلها ما ينفع معاها الكلام دزيتا وطلعت من البيت ركبت السياره اتصلت في فارس
***:انت وينك
فارس:البيت
***:انت ما عندك شغل
فارس:ماخذ اجازه
***:قوود انا جايه عندك
فارس:حياج
***:فتحلي الباب
فارس:اوكيه الحين نازل
بعدين فكرت بابا اول ما يدور علي بيدور في بيت فارس شفت فارس جاي صوبي
فارس:نزلي
***:اركب بس
فارس:وين
***دست على البترول وطلعت من بيتهم:ابيك تحجز لي في شقه مفروشه اسبوع على الاقل عشان ارتب اموري قبل السفر
فارس:أي سفر
***:انت ما تبي تتزوجني
فارس:ايه
***:خلاص
فهمت فارس كل السالفه اني بزوج هالاسبوع
فارس:نور لازم نحل هالمشكله بمنطقيه
وقفت سيارتي على الجنب وقلت له :فارس انزل لو سمحت
فارس:نعم
***:اقولك انزل من سيارتي
فارس:شفيج نور
***:ولا شي اتصل في واحد من ربععك عشان ياخذ انزل
فارس:مب نازل
***:فارس انت تعطلني عن اموري يالله باي
فارس:طيب انا عندي فكره ليش ما تروحي مزرعتنا
***:اكيد اهلي بدوروني هناك
فارس:طيب مزرعه علي اهله مسافرين وهو بيسافر هاليومين انا بقعد معاج
***:فكره حلوه لحد ما ارتب اموري
فارس:طيب خليني انا اسوق
***:ليش
فارس:انتي تعرفي وين مزرعه علي
***:عادي قولي المكان وانا بروح يبيلها هذا كلام بعد
فارس:نور انتي خليني بس يالله نزلي
***:استغفر الله
نزلت وخليت فارس يسوق
......................
......................
***:وين رايح مزرعه علي في منطقه*****
فارس:انتظري بس
***:فارس لا تعصبني وين رايح هذي منطقتنا مناطق المزارع بروحهم والبيوت بروحهم لا تجنني
فارس:وين بعد بيتكم
***شهقت:ما ابي اروح بيتنا
فارس:نزلي
طبعا ما نزلت شفت بابا وعلي يتكلموا برى وشكلهم انصدموا اول ما وصلنا انا وفارس نزل فارس وراح يكلم بابا وعلي يتكلموا ويتناقشوا كأنهم يحلوا قضيه الشرق الاوسط بعدين شفت فارس متوجه لسيارت السايق وبابا جاي صوبي حسيت قلبي يدق بسرعه نفس الطبول فتح باب السياره وقالي نزلي نزلت على طول ودخلت البيت شفت علي يشوف علي بعصبيه وووجه احمر رحت على طول غرفتي وقفلت الباب بالمفتاح
استغربت منهم ما سولي شي لا ضربوني ولا شي حتى هواش ما هاوشوني شكلهم بيذبحوني شهقت هذه كله من فارس مره ثانيه ما اثق فيه وخليه يصادق ناس ثانين كررريه دفنت وجهي في المخده وخليت دموعي تنزل خرب كل مخططاتي كريه

ما حسيت بنفسي نمت لحد الساعه 9 باليل رحت اخذلي شور يصحيني لبست بيجامتي وفتحت باب غرفتي بشويش شفت المكان فاضي وهادي رحت غرفت ملاك على اطراف اصابعي عشان اسئلها شصار في غيابي بس جمدني صوت بابا
بابا:وين
***نزلت راسي ورفعت ايدي ارفع الخصلات الي نزلوا على وجهي:ملاك غرفه ملاك
بابا:ليش
***:اشوفها ولا حرام اشوفها
بابا:ايه حرام وما بيج تقعدي معها لا تغرسي فيها افكار غريبه ابيها تكون طبيعيه
***:انت ما عندك احساس
بابا:انتي الي عندج احساس خليتينا نقلق عليج
***:ما يخصكم في حياتي
بابا:خلاص علي مسئول عنج الحين هالاربعاء عرسج قلت له ما يله داعي عرس بس هوا اصر
***:مب على كيفيك
بابا:تبي تهربي اذا لمستي البوابه بس كل الانذارات بتشتغل يعني ما في امل
وتركني وراح غرفته بس صارخت عليه انا ما احبك رحت غرفتي وقفلت على نفسي
ما جاني نوم قعدت افكر انا اكره كل العالم ما احب احد كنت احب فارس بس الحين ما احبه
خرب علي كل شي
اليوم يوم الاربعاء الايام تمر بسرعه كنت اكل بروحي ماما كانت تجي تشوفني وتروح حسيت انه نهايه حياتي قريبه ما ادري ليش, سويلي ميكب لبست فستان الفرح ولبست الطرحه كانت الطرحه طويله والفستان يله ذيل طويل واحس الفستان وايد ثقيل كان العرس في مزرعه علي
دخل القاعه كان في دخان كثيف بعدين خف دخلت على اغنيه ما اذكر كلماتها وقعدت على الكوشه ونزلت راسي جات المصوره ترفع راسي هذي نفس المصوره الي صورتني في ملكتي
بعدين جاتني وحده حبوبه شكلها بيبي فيس باستني على خدي بعدين
قالت لي سوري ما ابي اخرب الميكب مالج
***:هزيت راسي يعني لا
.....:انا اخت علي اسمي نسرين كان خاطري اتعرف عليج بس قالي علي كل شي في وقته حلو
***:هزيت راسي يعني اهاا
نسرين:كان خاطري احظر الملكه بس تعرفي شغل بابا كان مشغول وعنده اجتماعات في باريس قعدنا هناك 6 اشهر بحكيلج شنو سوينا ونااسه بتكوني معانا
***استغفر الله هذي شفيها وايد تتكلم:ان شاء الله
نسرين:بخليج الحين حبيبتي
***:اوكيه
نسرين:ياي ما كنت اتخيل اخوي يتزوج ملكه جمال فديتج
***استغفر الله الحين قالت بتروح:شكرا
نسرين:عادي لا تخافي شكلج وايد متورتر
***كنت ابي اعطيها طراق يسكتها:لا عادي
نسري:قبل لا انزل ابي اصور معاج بليزز
***:اوكيه,اشرت حق ربيعتي المصوره عشان تصورنا صرنا ربع
صورتنا ونزلت اذتني
جاتني ملاك فرحانه
ملاك:نور حتى انا ابي اصور معاج انا اختج
نور:اوكيه تعالي كم صوره تبي
ملاك وهي ترفع ايدها:خمسه
نور:خلاص تم خمس صور,يالله ياماما صورينا
جاتني وحده على ما اطن امه
ام علي:اهين ماما
***:هلا
ام علي:الحين بيدخل علي احسن تغطي وجهج وتتغطي كامل لانه اعمامه معاه
***:لا عادي انا مو محجبه
ام علي:معليه حبيبتي علي بعصب احسن تتغطي
***بطقاق الي يطقه:ان شاء الله عمتي سويت نفسي محترمه اسمع الكلام
غطتني وما قدرت اتنفس ابدا
ما حسيت الا والغطا يرتفع من وجهي شفت نطره اعجاب في عيونه بس ما يبي يبينها ادري اني حلوه قعد جنبي ومسك ايدي لا اهرب منه يمكن ضحكت بصوت شويه عالي شاف علي
بنظره تسائل ما رديت عليه وشفته بنظره احتقار بعدين لمحت ماما جاي تسلم علينا سلمت علي بغت تحظني بس ما رضيت وسلمت على علي وقالت له حطها في عيونك ونزلت شفت اخته نسرين ووحده معاها جاين يسلمون علينا نسرين سلمت على اخوها وقعدت تهذر معاه
والثانيه جات وسلمت علي بدون نفس بعدين راحت تسلم على علي وباسته شكله تغير شكلها اخته بس ما يحبها يمكن بعد انا بتكرهني عشان ما تحب علي يالله نستانس شوي بنتهاوش كم هوشه بعدين رحنا قسم خاص لنا انا وامير الرمنسيه كان فستاني ثقيل تعبت وانا امشي واطلع الدرج عشان اروح غرفتي
شفت عليه وقلت له:وين ملابسي
ما شاف علي وقال:بتحصليهم في الدولاب
***:ومين رتبلي اياهم
علي شاف علي وقال:مين بعد الخدامات
***:وانت شنو شغلتك في البيت ليش ما رتبت ملابسي في الدولاب
علي:تنكتي يعني
***:اخر مره تخلي الخدمات يرتبوا ملابسي فاهم ولفيت راسي ورحت غرفتي

............***نهايه البارت

يسلمووووو على الباااااااارت الروووعة

هههههههههههههه

عجبتني يمكن مفكرة حالها الشب وهو البنت ههههههههههه

ماشاء الله عليكي اسلوبك كتيير حلو

تحياتي لك يا عسل:)))