(بـــــــــــارتــــــــــــــــــــــــــــــــــــــــــــ ــ3)




قالي:انا موافق انج تسوي العمليه مع اني مو مقتنع بكلامج
***:اهم شي انا اكون مقتنعه
بابا:نور خلينا نفكر مع بعض بمنطقيه وعقلانيه قبل لا تسوي العمليه لان الامور مو سهله مثل ما انتي تتوقعي في امور قانونيه وطبيه لما يتم تحويل الجنس وما يحولوا الا لما يكون الشخص مريض وانتي الحمدلله ما فيج شي لا مرض ولا شي حاولي تفكري بمنطقيه
***:يعني انت الحين جايبني هني عشان تقولي هالكلمتين
شاف عليها بعصبيه بس مسك نفسه:انا عندي حل يمكن يرضي الطرفين
***:شنو هالحل
بابا:ما ابي رد منج الحين بس سمعي كلامي وبعدين ردي علي
استغربت شنو هالحل
بابا:ناخذج عند دكتور نفسي يمكن تتعالجي
ما حسيت الا بدموعي تنزل يعني انا مريضه نفسيا يعني كل الناس تحس اني مريضه نفسيا شفته قايم من كرسي ويبي يقعد جنبي صارخت عليه
:ما بتعالج وما ابي اكون ولد ولا بنت وما ابي اعيش في هالبيت بغيت اطلع غرفتي بس ما حسيت الا بأيده تمسك ايدي بقوه وقالي انا قلتلج تفكري قبل لا تجاوبي عندج حلين يا تتزوجي او تتعالجي دزيت ايده وطلعت

**********

صارلي اكثر من شهر نفسيتي زفته من هال....خذ سيارتي وخلاني اروح مع السايق وسحب كل بطاقاتي صرت على الحديده بس انا ما ابي منه فلوس ما ابي احد يذلني مع انه غصبن عليه يصرف علي ولا ليش جابني على هالدنيا اهوا المسؤل عني يخسي الا هو يبي يزوجني اول ما اخلص دراستي ببيع كل اطقمي الالماس والذهب الي ماما اشترتلي اياهم لاني ما اشتري هالسوالف وبسافر واشتغل هناك وبسوي عمليتي هناك لانه هني ما يسوي هالعمليات

*********
اليوم اخر امتحان قلت حق السايق بدون نفس لاني اكره السواقين ويجين غثيان لما اشوف هالمخلوقات يعطيني المفتاح وانا اسوق ما رضى يخاف لا يطرده وليم
*** بشتمئزاز:روح اقعد ورا وانا بسوق ما بقول حق بابا
السايق:ما يقدر انا سوري
***:قلت لك عطيني المفتاح سحبت المفتاح من ايده بقوه واشتمئزاز ودخلت السياره ودست على البترول وسويت له طاف
شفت على طول اتصال من بابا ما رديت عليه رحت الامتحان امتحنت وطلعت من الامتحان شفت بابا في الممر جامعتنا كيف عرف اني انا في هالقاعه اكيد سئل وفضحني انفضحت في الكليه يقولوا جاي ابوها يدورها الله يفضحه مثل ما فضحني حسيت بالفشله كنت ابي الارض تنشق وتبلعني كل الطلبه يشوف علي مستغربين
قالي :كيف الامتحان
***:........ما رديت عليه
بابا:هاتي مفتاح السياره
***عطيته المفتاح وقلت له:خذ المفتاح وانا فارس بيمر علي
مسكني من ايدي بقوه ما قدرت اسوي شي او اصارخ لانه اصلا الطلبه يطالعونا رحت معاه وهو ماسك ايدي ما تركها فتح لي الباب دخلني السياره وقفل الباب بقوه وعطا السايق مفتاح السياره وركب السياره وقفل بابه بقوه صوت الباب ألم اذني وصارخ علي
:انا ما قلت لج انه ما في سواقه
ما رديت عليه هذي سيارته وله الحق انه يتشرط ذلني
بابا:وليش يعني الحين ساكته ولا اقولج احسن( ليش انت ساكت) لانج ولد مو بنت
لفيت راسي على الجانب الثاني ولا تكلمت
بابا:يعني عاجبج الحين طلعتيني وكان عندي اجتماع بس اجلته عشان سواد عيونج هذا شغل مو لعبه بس انتي شيعرفج في هالسوالف بنت ما تدري وين راسها من رجلها لا صلاه ولا شي وتبي بعد تكفر بربها لا حوله ولا قوه الا بالله
نزلت دموعي غصب شفت الطريق يختلف عن طريق بيتنا
سئلته بصوت شوي متقطع:احــنــا ويـن رايحيــن
رد علي بدون نفس:وين يعني الشركه
***:وانا وين اجلس في السياره
بابا شاف علي:لا في الشارع وين يعني بخليج عند السكرتير
***:طيب خلي السايق يخاذني البيت ولا اتصل قاطع كلامي
وقال:لا ما اثق فيج ,اصلا انا ما بخليج تطلعي من البيت
***عصبت عليه:وليش يعني ما تثق فيني

وصلنا وقلت له: ما بنزل
بابا:نور ما ابي افقد اعصابي بالطيب قلتلج نزلي ولا بطقج قدام الي يسوى ولا ما يسوى
***:ما تقدر
نزل من سيارته وفتحلي الباب
بابا:يالله
شفت واحد من السكيورتي راكب السياره عشان يبي يوقفها نزلت عشان هذا ما يهاوشني قدامه
دخلت وراه فتحلنا السكيورتي اللفت شكله خاص بس حق بابا اول مره ادخل الشركه طلعنا من اللفت ومشيت ورا بابا قالي قعدي هني عند السكرتير سئل السكرتير اذا كل الرئساء مجتمعين وقال له كلهم ينتظروك ودخل مكتبه

صالح السكرتير:تفضلي طال عمرج
اشرلي على كنبات بعاد شوي عن مكتبه الديكور كان حلو جلست وقعدت اطالع المكان
صالح:شنو تبي تشربي طال عمرج
***:ولا شي روح كمل شغلك
شافني فضه معاه راح يكمل شغله تذكرت هوشت بابا مع ماما عشان السكرتيره عشان كذي غيرها وحط بدلها سكرتير ماما وايد تغار عليه(ما ادري ليش البنات يشوفوا عليه يمكن عشان يقص عليهم بكلمتين وعشان شكله) اذكر كانت ترسله باقه ورد في عيد الحب اسمعها لما تتصل وتخبرهم العنوان وطبعا ما تحط اسمها تحط اسم بنت عشان تختبره وشعر غزلي

واول ما يرد البيت تسئله ما في احد هداك شي اليوم ويضحك ويقولها لا ليش؟؟ ويبدوا يتهاوشوا عشان كذب عليها
بابا ما كان يقصد شي بس ما يبي يعصبها ويقولها احد يرسلي ورد وايد يحبوا بعض الله يهنيهم, الله يهني سعيد بسعيده

مرت ساعه ساعتين مليت وظهري يئلمني بغيت اسئل السكرتير شفته مشغول وغيرت رأيي
شفت الموظفين يطلعوا من مكتبه كل واحد ماسك اوراقه جاني صالح وقالي انه بابا يبيني ادخل مكتبه رحت ورا صالح وقالي تفضلي شفت بابا ووحده شعرها كستنائي وحلوه يعني ملامحها رقيقه تضحك وتعدل تنورتها إلي تصل لركبه طولها متوسط وواحد يشاركها الضحك اسمر وسيم كتفاه عريضه وعضلاته بارزه يبين انه بنيته قويه وطوله تقريبا 180سم تخيلت نفسي اذا شلت اثقال بصير نفسه ولا, يالله ان شاء الله خير

بابا:تفضلي بابا ليش واقفه
قعدت بدون نفس في الكنبه المقابله للبنت والرجال وقعدت العب بتلفوني
بابا ابتسم لهم وقال لهم هذي بنتي نور قالوا لي تشرفنا
رفعت راسي وهزيته لهم وابتسمت بدون نفس ورديت اشوف تلفوني مره ثانيه
لمحت وجه بابا كأنه تفشل من حركتي بعدين عرفني على البنت الى جالسه مقابلي قالي هذي لبنه ضحكت بقوه شوي بعدين هزيت راسي بعد ما شفت ملامح بابا تغيرت قالتلي لبنه ويبين على صوتها الفشله والعصبيه ضحكينا معاج
قلت لها لا بس ضحكت لاني استغرب من الناس ليش يسموا بناتهم على الاكل يعني موزه على الفاكهه وانتي لبنه من الالبان ما قدرت امسك نفسي ضحكت بصوت عالى حسيت صوتي يتردد في المكتب الرجال الي مقابلي قام يضحك بس سكت اول ما شاف شكلها تغير استأذنت وطلعت من المكتب شفت بابا معصب علي, حركت كتفي يعني وات كان أي دو اذا زعلت اهي مو واثقه من نفسها وليش اهلها يسموها هالاسم ادري انه تحليلي غلط بس الاسم شبيه بلبنه

بابا:ما عرفتج هذا علي محمد ال...
هزيت راسي شفته يشوف علي من فوق لتحت ما عطيته أي اهتمام

بابا:انا اتصلت بالسايق ودايركت على البيت اوكيه حبيبي
يعني لازم يبين لناس ما رديت عليه سمعته يقول لعلي يوصلني للبوابه
***:ما يحتاج انا اعرف الطريق
رد الي ما يتسمى:لا عادي على طريقي تفضلي
شفت عليه قلت له ما يحتاج وطلعت من المكتب ضغت زر الفت شفته جاي وقف شفته يطالعني من فوق لتحت وضحك انقهرت من الحركه وطنشته
انفتح الفت دخلت بسرعه وقفلته كان بيتقفل عليه بس مسك باب الفت من الجنب ودخل وضحك وسكت انقهرت منه بس طنشته

قال وباين على لهجته الطنازه:ريحت العطر وايد قويه هالعطر مفضل عندي لا يكون بعد نسائي وضحك
كريه قهرني شفت فوق عشان اشوف أي طابق وصلنا
قال:احنا في الطابق الاول
ما رديت عليه شفته قراوند
طلعت من اللفت توجهت الى البوابه بس ما حصلت السايق
علي:شكله تأخر تبيني اوصلج
ما رديت عليه
علي:شكلج وايد شايفه نفسج
ما رديت عليه
قالي شي صدمني فتره:شكلي وايد بتعب معاج لما بنتزوج لانه في وايد اشياء غلط فيج ولازم تتغير
بغيت ارد عليه بس ما شفته الا انه وصل باركنق السيارات
رحت لسيارته مسكت باب سيارته قبل لا يقفله عيد الكلام الي قلته من شوي ما سمعتك زين
علي:أي كلام بضبط
*** قهرني بس مسكت اعصابي وحاولت اهدي نفسي:أي زواج تتكلم عنه
شفت ملامحه تغيرت:زواجنا الاسبوع الجاي ليش انتي ما تدري
انصدمت يعني سواها بس على مين الحين عندي فرصه ولازم استغلها قلت له ممكن توصلني
شفته مستغرب قالي:ايه ممكن
وقفني السكيرتي قالي اسف طال عمرج بس وين رايحه عندي امر انج ما تركبي الا مع سواقكم سياره رقم**
قال له علي انا بتصل فيه سمعته يكلمه وراح السكيورتي بعد ما جاته الاوامر من الامير وليم
قلت له وصلني البحر
قالي:السموحه بس قالي ابوج ما اخذج الا البيت
***عصبت بس بعدين فكرت وقلت له بكل برائه:طيب انت تعرف البيت
:ايه من فتره جيت هو بيتكم في منطقه******
***:لا غيرناه
:ما قالي ابوج
***:غيرنا البيت الحين نسكن في منطقه******(بيت فارس)
استغربت انها ما تعرف اننا بنتزوج الاسبوع الجاي مع انه عدم موافقتها ما تغير من رأيي
علي:اليوم وايد زحمه
***:انت ما تعرف اني مو موافقه على الزواج
علي:لا احنا حددنا خلاص وقت الملكه الاسبوع الجاي يوم الخميس
***:بس انا ما وافقت
قالت لها:هذا امر ما يخصني انتي واهلج تفاهموا شفتها تشوفني بنظره احتقار
***:وعادي تتزوج وحده ما تبيك
حركت كتفي بدون اهتمام وقلت لها:عادي اهم شي انا ابيها
شفتها فاتحه فمها ومنصدمه
سكتت وقالت:على فكره انا مو بنت انا بويه
قلت لها:يعني انتي تميلي للبنات
شافت علي بشتمزاز:طبعا لا
:يعني انتي مو بويه
***:انا رجال
شفت عليها من فوق لتحت:انا اشوف بنت حلوه قدامي بس يبيلج بعض التعديل ما اشوف رجال
قالتلي بعصبيه لف هاللفه يمين الحين ايه هالبيت بغت تنزل من الباب بس انا قفلته قبل لا تنزل
***: فتح الباب
قلت لها طيب ممكن رقمج اول
***:لا طبعا
فتحت الباب وقلت لها:ولا اقول خلاص ما ابي رقمج باي
ما ردت علي


قهرني بس بابا قهرني اكثر رنيت الجرس فتحتلي الخدامه قلت لها فارس موجود قالت ايه بس نايم ,نايم لهلوقت رحت غرفته انا حافظه بيتهم كأنه بيتنا دقيت الباب ما رد فتحت الباب لقيته مفتوح فتحت كل ليتات الغرفه وفتحت الستاير هزيته :فارس فارس قوم ما يرد شكله نومه ثقيل
دخلت حمامه شلت ايدي ماي ورشيته في وجهه بس ما صحى قلت ما ينفع كذا قلت حق الخدامه تجيبلي ماي بااارد وصبيت الماي كله فيه شهق من برودت الماي وصارخ علي,
على طول شردت من الغرفه وانا اضحك

فارس:انتي شجابج بيتنا
***رديت عليه وانا ميته من الضحك:والله كيفي
شفته دخل غرفته قلتله خلاص فارس ابيك والله في موضوع مهم ما رد علي
دخلت الغرفه شكله في الحمام صرخت له خلص فارس بسرعه ابيك في موضوع ضروري وما يحتاج تأجيل ما شفته الا والماي كله في وجهي وملابسي عصبت عليه فارس حرام عليك

شفته مايت من الضحك في الارض
فارس ومو قادر يتكلم:انتي بديتي اول صراحه شكلج تحفه
نور:حرام عليك فارس ما عندي ملابس
فارس:انتي تقريبا نفس قياس ايمان(اخته الثانيه الاولى اسمها غدير عمرها 25 مخطوبه وبعدها يجي فارس عمره 22 اكبر مني بسنه متخرج ويشتغل بس كان معاي في نفس المدرسه واعز صديق مع انه اكبر مني بسنه وبعده ايمان 18 سنه ثانيه وبعدها لجين في الصف العاشر) بخليها تعطيج ملابس لحد ما تنشف ملابسج
نور:ما ابي مشكور
فارس:يالله عاد
نور:خلاص خلها تعطيني بنطلون جينز وانت عطيني تشيرت من تيشيرتاتك
فارس:اوكيه لكن شوي شوي على تيشيرتي لما تلبسي حاولي تلبسي برقه
نور :اذا رجعلك
فارس:نشوف
نور:اوهواااا خلاص ذليتنا الا تشيرت
فارس ضحك:جست كيدينق ماي دير

بدلت ملابسي اول مره من دخلت الثانويه البس بنطلون ضيق يالله معليه تيشيرت فارس واسع وشوي طويل علي

جلسنا في غرفه فارس غرفته كبيره فيها جلسه كأنها غرفه بروحها بس مفتوحه بس ما جلسنا فيها لاني مو غريبه انسدحت على سريره وهو قعد على كرسيه

فارس:ها شنو هالموضوع المهم
***شفت لانه ما في وقت عشان ابيع شي من اطقمي وفارس يعرف انه معاقبيني ويعرف السبب بس على بالله اني اتمصخر واكذب عليه عن السبب ما ادري ليش كل الناس ما تصدق لما اقولهم عن العمليه الي ابي اسويها يمكن لانه شي غريب على مجتمعنا:اول شي ابي فلوس من عندك
فارس:تم بس ليش
***:ابي اخذ تذكرت سفر وابيك تحجزلي بعد شقه لكم شهر في أي بلد
فارس مستغرب:ليش
نور بجديه:بس ابي استقل بحياتي خلاص بيجيك يوم وبتفكر نفس تفكيري
فارس ويعرف افكارها المجنونه ويعرفها لما تتكلم بجديه:كل هذا عشان عاقبوج واهلج ما فكرتي فيهم
نور:لا طبعا ولا ابي افكر فيهم
فارس مستغرب من عدم عقلانيه هالبنت:في احد ما يحب اهله انتي وايد غريبه بصراحه وبتندمي هالكلام بعدين لما يصير فيهم شي
نور:عادي كلنا بنموت ولا بنمرض في النهايه ولازم ما ياخذوا زمنهم وزمن غيرهم
فارس منصدم:والله انتي فيج حاله نفسيه كل هذا عشان عقاب
نور وصوتها علا شوي:لا لانهم يبوا يزوجوني وانا ما ادري
فارس انصدم:يبوا يزوجوج
نور وتغيرت ملامحه للحزن والكره لاهلها ولنفسها بعد:ايه
فارس ولسه منصدم من الي قالته نور:في ناس لحد الحين يفكروا بهالطريقه
نور وتعدل تشيرتها عشان تقعد على السرير:شفت كيف عشان كذي انا بسافر
فارس بعصبيه ولسه مو متقبل الفكره:مب على كيفهم يزوجوج غصب
نور:فارس طبعا ما يقدروا لا تحسسني اني بنت ضعيفه واهلها يبوا يزوجوها غصب لا تكرهني في نفسي زياده
فارس ما رد عليها شكله متضايق وكل هموم الدنيا فيه
نور واهي توقف:اوهوا فارس اذا ما تساعدني انا بتصرف بروحي
فارس ما رد وكأنه احده صدمه وماسك راسه يفكر

ما ادري شفيه فارس بدل ما يساعدني بروحه بنصدم من اهلي ومن تفكيري رحت عند الشباك وانصدمت

القصه كــامله عندي

اذا عجبتكــم بحط لكــم البقيه

betjanen..bet3a2ed...kteeeeeeeeeer 7elwe
kamleeha plzzzzzzzzzz:)