كاتب الموضوع :
cool girl
المنتدى :
القصص القصيرة من وحي قلم الأعضاء , قصص من وحي قلم الأعضاء
.
.
اف هالناس تحب تعكر مزاجنا طلعت ولا عبرته لا قتله تصبح على شر ولاهم يحزنون
نمت على طول قمت على حدود الساعه 10 الصبح اليوم يوم الخميس قالت لي الخدامه انه بابا يبيني اف شيبي هذا بعد يمكن يبي يتفلسف علي ما حصل احد يتفلسف عليه ويقص عليه بكلمتين
رحت مكتبه قاعد يقرا الجريده الي يقول هناك الدنيا انسان مثقف شايف عمره كيف ماما تزوجته ما عندها ذوق نفسه
نور:السلام عليكم
بابا:عليكم السلام قعدي
نور وهي واقفه وتكلمه بدون نفس:بابا مطول لاني مشغوله عندي مذاكره
مسك اعصابه عشان ما يفقدها:لا قعدي اشوف
بابا وهو يبتسم:انتي خلاص باقلج كم شهر وتخلصي الكليه انشالله
نور في نفسها معلومه جديده يعني
بابا:كلمني ابو علي يبي يخطبج حق ولده
نور.........انصدمت انا اتزوج بسمالله علي لو على قبري ما بتزوج هذا الي ناقص انا مو بنت كيف اتزوج وبغير جنسي
بابا على باله انها مستحيه:هذي سنه الحياه حبيبتي
نور..هذا شفيه ما يفهم غبي ولا اخبل
نور:ومنو قالك اني ابي اتزوج مستحيل طبعا اتزوج
بابا وهوا مستغرب:وليش مستحيل
نور قامت من مكانها وتصارخ:انت ما تفهم مستحيل اتزوج طول حياتي
انصدم الاب وخاف لا يكون احد ضحك عليها:وليش
نور:لاني مو بنت
بابا وهو منصدم وفاهم السالفه غلط ومو قادر يتمالك نفسه:مين
نور:مين الي مين
مسكها من اكتافها ويهزها ويصارخ عليها مين ومتى اكيد مدام هايته في الشوارع نفس الكلاب
نور ودموعها تنزل وموفاهمه شي تصارخ : انا ابي اغير جنسي الى ولد ما ابي اتزوج
انصدم الاب تذكر تصرفاتها لبسها عطرها البرامج الي تشوفها مصارعه كراتيه ما توقع هذا تفكيرها دايما كانت زوجته تقوله عن تفكيرها وانها تبي تسوي عمليه هو يضحك ويقول تبي تقهرج بكلامها بس كان كلامها كله صح وهو قعد معاها كم مره وتقوله نفس الكلام ونفس الشي ظن انها تبي تقهرهم بكلامها عطها كف قوي خلها تطيح على الارض
نور:الزواج مو غصب وانا ما ابي اتزوج وما ابي اكون بنت كيفي
بابا:مب على كيفج قبل كنت ابي اخذ رأيج الحين تتزوجيه غصب قالت تبي تغير جنسها انتي تبي تفضحيني من وين جايبه هالافكار
شفت عليه من فوق لتحت بنظره احتقار وقلت له بسوي عمليه بسويها وانت بعد الي بتدفعلي وبتندم على هالكف وبفضحك فضيحه لا صارت ولا استوت شفته كيف انصدم من نظراتي وكلامي وقعد على الكرسي من الصدمه وطلعت غرفتي على طول خذيت مفتاح سيارتي وانا طالعه شفت الاميره ديانا داخله مكتب الامير ويليم عكرت مزاجي اكثر ما هو متعكر بعد ما شفتها طلعت من البيت
صارلي كم ساعه وانا الف بسيارتي ببجامت النوم احسلي لو كنت عايشه بروحي ما اقدر اتحملهم خلاص المشكله لسه اخذ مصروفي منه ذل متى اخلص واشتغل وانتقل بيت بروحي
وما اشوفهم طول عمري ااااه ياريت ما ادري كيف تحملت اعيش معاهم هالسنوات لو نزلوا قانون
انه بعد 18 سنه كل شخص يستقل بحياته والاهل مو مسئولين عن عيالهم كان احسن
رن مبايلي
*** شفت شكلي في مرايه السياره خشمي احمر ووجهي احمر ورديت على المبايل:هيلوو
فارس:هلا والله
***:اهلين
فارس: شكلج طالعه
***نور بدون نفس:ايه شوي احاوط بسياره
فارس:شفيج
***:متهاوشه مع بابا
فارس:اوكيه مري علي نروح نتغدا أي مكان
***:ما اقدر لابسه بجامه النوم ووالبجامه قصبره
فارس:خلاص بناخذ بارسل اوكيه
***:اوكيه
شفت ماما تتصل وانا رايح بيت فارس حطيته سايلت لاني اعرفها بتعيد الاتصال اذا قفلت التلفون في وجها وتأذيني
وصلت بيت فارس اتصلت فيه وقلت له يطلع
دخل السياره
فارس :هاااي
***(نور):هلوو
فارس:شفيج شكلج كنتي تصيحي
***:لا بس من الحراره وجهي احمر ومن ساعه احاوط في الشوارع عشان كذي
فارس ضحك:تقولي تبي تسوي عمليه وتصيري ولد افااا لازم عيل تعودي نفسج لما يهاوشوج ما تصيحي وتمسكي نفسج
***عصبت:فارس تبيني انزلك في الشارع
فارس:لا خلاص توبه هالمره سماح ها من وين تبي ناكل
***:ما ادري
رجعت البيت على حدود الساعه 9 باليل شفت مكالمات من بابا بس ما رديت عليه كنت في بيت فارس رحنا بيته وخذينا اكلنا وقعدنا نسولف ما كنت ابي ارد البيت بس شسوي لو كان ابوا فارس مسافر كنت نمت في بيتهم بس مو حلوه انام وهو هناك دخلت غرفتي على طول
وقفلتها سمعت احد يدق باب غرفتي ماكنت ابي ارد بس سمعت ملاك تقول انا ملاك فتحي الباب ابتسمت ورحت افتح لها الباب
***:ليش مانمتي لحد الحين حبيبتي
ملاك:ما فيني نوم واليوم الخميس
قلت لها طيب تبي تنامي معاي فرحت وايد احسها وايد تحبني وتاخذني قدوه لها قلت لها بروح ابدل ملابسي وارجع شفتها منسدحه على سريري ومبسوطه اول ما اشوف هالبنت تتغير نفسيتي كليا اموت في الاطفال نمت جنبها قلت لها كيف المدرسه قولي عن سوالفج
ملاك:المس قالتلي اني انا اشطر وحده واحلى وحده في المدرسه
قعدنا نسولف مده طويله واهي تسولفي انها شاطره وانه الابلات والاساتذه يحبوها اكثر وحده وفيه طلبه يصيحوا واهي ما تصيح بعدها نمنا حطت راسها صدري وحضنتني حسيت بشعور حلو ما اقدر اوصفه احسها بنتي واختي وصديقتي واخاف عليها من نسمه الهوا لا تأذيها احبها اكثر من نفسي
صحيت الصباح وشفت في غرفتي
ماما تتنفس بسرعه وشكلها خايف ولونها مخطوف:خفت عليها قاعده ادورها في كل البيت
***:لا نامت عندي
شفتها تتنفس براحه حسيت بالالم انها تحب ملاك اكثر مني اهي ما تحبني ولا تخاف علي
بغت دموعي تنزل بس مسكتهم في اخر لحظه
ماما وشكلها تغير كليا من خوف الى عصبيه وتكلمني بدون نفس:ابوج يبيج وياريت تحترميه انا عني نفسي غاسله ايدي منج ما ابي لا احترام ولا حب منج وطلعت من الغرفه
نزلت بعد ما خذيت شور وشفته قاعج يشوف الاخبار اول ما شافني تغير شكله بس بعدين ابتسم في وجهي قالي:تعالي حبيبتي قعدي شفيج واقفه
ما قدرت اقول شي تحرك جسمي بروحه وقعدت على الكنبه المقابله له بعد ما سمعته يقول كلامه بحنيه قعدت ونزلت راسي اصلا راسي بروحه نزل ما ادري ليش
قالي وهوا يشوف على عيوني:ما ابيج تفكري في الكلام الي قلناه قبل, أي شي تبيه بيتنفذ بالحرف الواحد
***:انا ما ابي اتزوج
بابا وهو يبتسم ويشوف علي بحنيه:تم وشنو بعد
*** استغربت من كلامه وطريقه كلامه وحنيه علي كان لازم يعصب علي ويذبحني غريبه نزلت عيوني وقعدت العب بأصبعي كأني طالبه تكلم استاذها
:ابي اسوي عمليه على طول رفعت عيني عشان اشوف ملامحه شفته شكله مبتسم ويشوف علي بحنيه
وقال:خلاص تم متى تبي العمليه
***حسيت المسئله جديه توترت واستغربت زياده من كلامه قلت:في اقرب وقت ممكن
قالي:انتي متأكده من القرار الي بتتخذي هذا قرار مصيري ما يصير تتراجعي فيه
***شفت عليه وحديت من نظارت عيوني وقتله بثقه مع اني كنت خايفه من القرار:ايه متأكده
.
.
cool girl
|
02-08-08, 12:22 PM
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
