جينى ازيك يااستاذه ؟؟ عامله ايه سورى مش هاادلع اسمك النهارده !!!!!عارفه ليه ديه مش تطورات ديه اسمها صدمات عرفتى اسمها ايه ؟؟لما ابتديت اقرا فى البارتات صدمتنى اول صدمه وعرفت ان ادهم مش ابن ناهد قلت والله انك مش سهله ياجينى لكن تفجعينى بموت امجد ومهما بعدت فى خيالى فى قصتك عمرى ما كنت اتوقعها لالا ديه كبيره قوى عليا انتى عارفه لما عملوا حادثه قلت لا اكيد هينجوا والبيبى بس هو اللى هيموت لكن امجد كمان لعلمك انا لسه فى حاله صدمه وذهول ما فقتش منها ................ عرفتى تنتقمى منى

نجى للقصه اولا احب اهنيك على تطورات القصه ماشاء الله مرتيه افكارك حلو قوى وكمان اسلوبك فى لحظات قريتها وااستمتعت بيها جدا زى حسام وصراعه مع نفسه حول المخلوقه البريه التى دخلت حياته وحب حقيقى بدا فى قلبه ولحظات امجد لما كانت الظنون تحاصره من كل اللى حواليه ...ادهم وتصالحه مع نفسه حب برىء فى قلب مى وعمرو ومش عايزه انسى غاده............ بقوللك ايه كل واحد فى دوره احسن..

غاده
تقبلت الحياه مع امجد بشكل عام احبته لا وده حسيت بيه قوى فى حوارها مع على بالجامعه بدايه من نظرات الشوق فى عينيها نهايه بلوم المحب بحبيبه طبعا هى رفضت على لكذا سبب كا كانش ينفع انها تسيب امجد اخلاقها ما تسمح لهاش(الواجب) وثانيا غريزه الامومه تغلبت عليها رفضت تعيش تجربه هى عاشتها واخيرا امل بنسبه معقوله فى تغير امجد ناحيتها ...................عجبنى قوى تفسيرك لما احتضنت امجد وانك رجعتى السبب لغريزه الامومه واحساسها انه طفل محتاج لمن يغمره بالحنان وليس حبا ............اممممممممممممممممم اقدر اقول انك واقعيه كتير ياجينى وشايفه الحياه بكل الوانها ومتقبلاها كمان...
امجد
برغم كل اللى عمله فى غاده برغم قسوته وتملكه برغم عقده الا انى تاثرت بموته- يمكن لو حسام مات او حتى على ما كنتش هااتاثر كده-عرفه ليه لان برغم كل ده كنت بااحسه انسان برىء مالوش اى ذنب فى اللى حصله من غدر امه وظلم ابوه وظنه فى غاده ولان معدنه كويس زى ما بنقول بس هو شويه صدا غطو المعدن ده ما بقاش حد شايف غيره انا لغايه اخر لحظه لغايه الحادثه وفكره موته بعيده عن خيالى خالص اكيد انسان زى ده هو اللى محتاج فرصه محتاج حد يمد ايده ليه ويزيل الصدا ده وكنت بطمح انه تكون غاده وانها تتفهمه وتحتويه وكانت هتكون النتائج كويسه-ادينى عملت قصه تانيه عجبك كده –
يمكن الانسانه الوحيده اللى شعر نه قريب منها ولجا اليها كانت دنيا وانا توقعت كده يمكن الرابطه القديمه اللى بينهم ..................عجبنى قوى لما لمس الصدق فى عيون ادهم لما جه يحذره من امه وساله ان كان صادق مع دنيا.............عيبه ظنه القاتل بغاده يعنى فيها لو نعقل ونسال ونتفاهم وبلاش نبنى اوهام تهدم حياتنا كلها....
نعمه
خبيثه ايه اللى ممكن نتوقعه من واحد زيها سيطرت على الاب حبت الابن وقعت ما بينهم لكن نهايتها كانت عادله رجعت من حيث اتت وخسرت كل شىء
ممدوح
اثر فيا قوى الحوار الاخير اللى دار بينه وبين ابنه واستغراب امجد من ان ابوه اللى رباه وعارفه كويس شك فيه بينما ابنه خاله ساعدته على اثبات البراءه المؤلم الشعور اللى ينتاب ممدوح فى الحاله ديه شعور رجل مذبوح مطعون مرتين كيف سمح لهذه الحيه التلاعب به وكيف انتابته الشكوك تجاه نفسه صدقينى ياجينى اصعب حاجه على انسان هو تانيب الضمير .........
ناهد
ديه ست قادره قادره كل البلاوى ديه مش ام ادهم وقلنا ماشى لكن تخطف زوج صاحبتها وتبعد ابنها عنها لا جباره هى سابت ابنها زمان فااكيد كانت عايزه تعوض عقده نقص داخلها ومع ذللك اللى تسيب ابنها وتموت جواها غريزه الامومه بارادتها استحاله تصلح تكون ام ابدا وديه بانت قوى لما قالت لدنيا ان ادهم هو اللى اقنعها تعمل كده بجد فكر شيطانى ............ياترى ما هو مصيرها ؟؟وماذا ستفعل بعد وفاه امجد سيكون همها الميراث ام ستتاثر بموت ابنها الوحيد ...........
دنيا
التى كانت تطير من السعاده فجاه توقف جناحيها عن التحليق وسقطت وهى فى حاله ذهول وارتطمت على ارض واقع مر مؤلم وخديعه زوجها وعمتها لتعلن ان اموالها سبب تعاستها .....
طبعا حريق المصنع المفتعل اى كان من حرفه فااننا يجب ان نعترف انه يمكن ان يكون خيرا على دنيا وتعرف حقا مقدار ما يكنها ادهم لها من حب ولا ليكى راى تانى اتصدقى انى خايفه لترفض رجوع ادهم ليها..
ادهم
طبعا مفاجات كتير عارفه عارفه من غير ما تشتكيلى منها اللى معذابك ياترى تعرفيها ياجينى؟؟ المهم مصالحتك مع نفسك ندمك حبك الواضح دنيا كل ده امور جيده يمكن دنيا تسامحك لكن ماذا تخطط لناهد بعد ما عرفته عما فعلته فى والداتك ؟؟ام انه كان تهعديد لحظه غضب؟؟وثانيا ماذا عن عملك الان هل وجدت طريق البدايه ام لا ؟؟؟؟المهم انك وصلت الى حقيقه الامور وسواء قبلتك دنيا او لم تقبللك فهذا لم يمنعك عن المضى قدما فى حياتك الى الامام بعيدا عن معتقداتك السخيفه القديمه ....
على
ما عجبنيش لما طلب من غاده انها تسيب امجد ؟؟بجد نزل من نظرى برغم من تصرقاته الرائعه مع نور وابوها فى هولندا ............
مى وحسام وعمرو
مش هاقول ان مى تكون حاجه حلوه فى حياته ويتغير علشانها لالا هو يستاهل كل ده يمكن اللى حببنى فى شخصيه حسام هو طريقه سردك ليهاكنتى دايما بتخلينى اشوفها مش اقراها مى والتمزق الداخلى ما بين كرهها له ومحاولتها السيطره عليها اغتقد انها كانت بتمر بلحظات قاسيه ولكنها انتصرت عليه وكادت ان توقع به ..
ابدعتى كتير وانتى بتوصفى حسام وحبه الفريد لمى لدرجه تدفعه للزواج منها وابدعت اكتر فى اللحظات الاخيره اللى جمعتهم والمواجهه الحاسمه كلا منهما ينزف قلبه يبكى حب امراه وقلبها يبكى حب امة بحالها لقد تحولت قضيتها من ظلم اخيها لظلم شباب بلدها ليظهر سمو مشاعرها لحظات مخيفه هى اللحظات الاخيره فمن ياترى سينتصر وهل سيقضى حسام على مى وعمرو او يكون للقدر ترتيبات اخرى..
طبعا مش عايزه انسى قصه الحب الجميله التى نشات ضمن الاحزان وهى عمرو ومى واعترافها له بكل شىء واكتشافه خداع اخوه له واتخاذه قرار قاس وهو مساعده مى ليس حبا لها فقط بل هو شعور بالواجب..
وفى الاخر انتى اكيد نزلتى البارت الجديد بس ماليش دعوه هيكون ليا رد تانى عليه ان شاء الله ..
جينى بارتات بجد مميزززززززززززززززززززززززززززززين جدا ابدعتى يافتاه ومعلش بقى اذا كان تعليقى ما وفاش البارتات حقها بس بجد انا زعلانه انى ما رديتش على كل بارت لوحده اكيد ساعتها كانت الرد هيختلف ....

تسلم ايديكى ياقمر ومستيه الفصل الجديد اللى زمانك نزلتيه ووحشتيييييييييييييييييييييييييييينى قوى

مذهل ياجينى مذهل البارت ده كان رائع بس لسه بتلعبى لعبه التشويق ماشى بس تشويق لذيذ ودايما بتفاجئينى بحاجات مش عامله لها حساب عجبتنى كتير مواجهه عمرو وامه وممدوح مع نفسه وتولد الامل وانطفاء نوره مره واحده فى قلب مى وطبعا رجوع ادهم ودنيا وخلى غاده وعلى بعدين اما بقى ناهد انا قلت للك انها قادره اكيد ده مش الرد اللى يرضينى باذن الله لى عوده سلام ياجميل