والله العظيم ان مبسوط بالموضوع ده جدا علشان اتفتح بينا باب للحوار ياستاذ شرف

لكن اسمح لى ارد عليك فى المشاركتين اللى حضرتك كتبتهم

اولا انا اسف اذا كنت تعبتك بمشوار الهرم ده ومتشكر عليه فى نفس الوقت

لكن مش شايف حضرتك ان كل الادله اللى بتوثق بيها كلامك مبنيه على نقوش الفراعنه اللى على الهرم

اللى الكاتب بيؤكد فى اكثر من مكان ان ملوك الفراعنه معتادين على كتابه اى اثر لاى ملك سابق باسمهم فتخيل انت لما يلاقوا صرح زى ده هيعملو فيه ايه

وغير كده الكاتب بيقول ان ابو الهول لما اكتشف لم يكن عليه اى نقوش وده مش كلامه ده كلام اكتر من عالم اخر فايه السبب ان الاهرامات تكون مليانه نقوش وابو الهول اللى امامها ماعليهوش ولا نقش

اما بالنسبه لموضوع السحر فانا للمرة التانيه بختلف وبتفق معاك فى نفس الوقت

انا مابرفضش فكره ان فيه سحر ياستاذ شرف

لكن اللى برفضه ان قدرة الساحر تستمر حتى بعد موته

لان زى ماقلت الطريقه الوحيده للنوع من السحر اللى حضرتك بتكلم عنه هيا بتسخير الجان وده انا مؤمن بيه فعلا لانه ذكر فى القران

لكن اللى مش ممكن ان الجان ده يفضل مسخر حتى بعد موت المسخر له

حاله واحده فقط اللى اقدر اقولك ان القدرة على التاثير فى شىء تستمر ابد الدهر لما تنسب لله سبحانه وتعالى

زى ماقال سيدنا محمد ان الله يحفظ اجساد انبياءه بعد موتهم

ده انا واثق منه ليه لان صحب القدرة نفسه لا يموت ولا يتغير

لكن ساحر ممكن يضع لعنه فى حياته عن طريق جن فمش من المنطقى بعد مايموت ان الجن يفضل مستمر على تنفيذ الامر

وانا شرحت لحضرتك اللى حصل مع جن سليمان كان الاولى انهم ينفذوا امر نبى حتى بعد مامات مش ساحر

اما بالنسبه لموضوع ان شخص عنده قدرات شخصية على السحر بدون الاستعانه بالجن فانا ماقدرش اصدق ده

لان لم يذكر فى القران ولا السنه اى شخص قادر على هذا الا المسيخ الدجال وامتى فى اخر الزمان

ومستنى ردك وباقى الادله بفارغ الصبر

الدليل الاول ، فتحات التهوية بداخل هرم خوفو .

هذه الفتحات يطلق عليها خطأ اسم فتحات تهوية ، لا توجد في اي هرم اخر في مصر غير هرم خوفو .

والغريب في هذه الفتحات انهم لم يجدوا سبب للتهوية حيث ان حجرة الدفن يتم غلقها تماما بحجر ضخم يوضع على مدخلها وذلك عقب وضع مومياء الملك في تابوت خشبي بداخل التابوت الجرانيتي .

معنى ذلك ان اسم فتحات التهوية خاطئ ، وواضح ان هذه الفتحات هي عبارة عن قنوات الشمالية منها تخرج من حجرة الدفن وتنحدر خلال جسم الهرم بزاوية 31 بينما تنحدر الفتحة الجنوبية بزاوية 45 وترتقى من خلالها روح الملك كما في اعتقادهم .

انا رحت الهرم وشفت الفتحات ، وفعلا شكلها غريب جدا ، لانها موصلة من داخل الحجرة الى الخارج الاغرب ان فعلا ملهاش اي تفسير يعني شكلها عبارة عن خروم او فتحات صغيرة ومحدش عارف ايه سببها حتى الآن .


طبعا حضرتك تعلم ان علماء الفلك اكدوا ان بناء هرم خوفو ليه علاقة فلكية واثبتوا ذلك ، فقد استطاع المصريون القدماء ان يستخدمواجهار مرخيت وهو جهاز بدائي الشكل موجود في متحف الاسكندرية واثبتت الدراسات التي تقوم بها الكهنة من اعلى المعابد للتعرف على احد نجوم مجموعة الدب الاكبر والتي عرفها المصريون باسم nesshty-w اي فخذ الثور ، وقد اتضح لعلماء الفلك ان نقطة التوازن العمودي للنجم تقع بالظبط على محور المدينة المقدسة خم او ليتوبوليس ( اوسيم حاليا ) وتقع شمال هضبة الجيزة .

في الكتاب ذكر فيه بالتفصيل عن ارتفاعات الاحجار وووصف الهرم من الداخل وانا شفتهم طبعا مقستهمش لكن كان واضح من خلال المواصفات ودقة السرد في الادلة .

طبعا من اهم عناصر مجموعة هرم خوفو المراكب الشمسية التى عثر عليها الى جنوب وشرق هرم الملك خوفو ، بالتأكيد حضرتك تعرفها وشفتها لو تحب تعرف معلومات عنها انا ممكن اسردها مفيش مشكلة .

عثر على ورشة بجانب الهرم او بقايا ورشة ودى خاصة بالعمال الذين بنوا الهرم وعاشوا فيها ، واطلق على هذه الورشة باسم " وعبت " كانت مخصصة لتحنيط الملك .

برده بجانب الهرم فيه اماكن مغلقة وتقريبا مدفونة او نازلة تحت الارض دى كانت مخصصة برده لطهي الطعام الذي كان يقدم كقرابين طازجة للتماثيل داخل المعابد .

الطريق الصاعد ، ودى تم اكتشافه عندما تم تنفيذ مشروع الصرف الصحي لنزلة السمان واتضح انه لا يتجه مستقيما من مدخل المعبد الجنائزي ، بل حدث تغيير في الزاوية نتيجة لتوسعه المعبد لظروف متصلة بعقيدة الملك .

ايضا فيه احجار تظهر مسار الطريق .


فيه معبد الوادي ودى تقريبا اختفى لكن فيه اعمال حفر تمت على حدود ترعة المنصورية كشفت مكانه .


واخيرا فيه المعبد الجنائزي ودى اتهدم تقريبا ومفضلش غير الارضية بتاعته وهي مكونة من البازلت موجودة امام الهرم مباشرة .


واخيرا بجانب الهرم فيه احجار واثار وحفريات واهرامات لام الملك خوفو وزواجاته ودى يؤكد ان الاهرامات ملك للفراعنة ............. تحياتي لك

شكرا على توضيحاتك ياستاذ شرف

لكن تفسر بايه كلام الكاتب بان منازل الفراعنه كانت طينيه فى حين الاهرامات حجريه