المنتدى :
الحوار الجاد
اقرأ الحوار ......... ثم علق عليه
السلام عليكم ورحمة الله وبركاته
مرحبا للجميع
موضوعي غريب ومختلف عن باقي المواضيع الموجودة في منتدى الحوار الجاد
هو عبارة عن حوار دار بين شخصين ويمكن سمعتوه كتير
ولان احيانا الحوار بيوضح اكثر من النقاش والسرد فلذلك اردت وضعه بهذه الطريقة
انا مش هعلق على الموضوع لانه هيكون ظاهر من الحوار ذاته
فاتركه لكم واتمنى ان ينول اعجابكم وارى تعليقاتكم الكريمة
الحوار مكون من شخصين الاول صاحب سيارة حديثة والاخر امين شرطة
صاحب السيارة راكن في مكان مخالف مشغل التكيف وقافل الزجاج وبيسمع في اغاني بصوت عالى
شافه امين الشرطة الغلبان واتجه ليه لخوفه من الضابط الذي معطيه اوامر باخلاء الطريق لمرور شخصية هامة بعد نصف ساعه ولا اقولكم خلوها ساعة ساعتين مفيش مشكلة !!!!!!!
المهم اتجه اليه وطرق على زجاج السيارة
نظر اليه صاحب السيارة بتعالى ونزل جزء من الزجاج وقال له : " نعم ."
قال له امين الشرطة : " اتفضل امشي يا استاذ حضرتك واقف في مكان ممنوع فيه الوقوف . "
رد عليه صاحب السيارة باستنكار : " مفيش مكان اركن فيه انا مش هتأخر 5 دقايق وبمشي . "
رد عليه امين الشرطة : " يا بيه مينفعش تقف احنا لازم نخلى الطريق في شخص ( .......... ) هيعدي دلوقتي ومبنفعش تركن . "
رد عليه صاحب السيارة وقد ظهرت عليه ملامح الغضب : " اووووووووه قلتلك مش هتأخر انا مش هتحرك من هنا اعمل اللى انت عايزه . "
نظر اليه امين الشرطة وقد ظهرت عليه ملامح اليأس : " طيب ماشي . " ثم بدأ في تسجيل مخالفة ليه .
طبعا اتنرفز صاحب السيارة من مخالفة وهو مش فارق معاه اي حاجة ثم قال له بصوت عالى : " عايز تعمل مخالفة اعمل تحب اقولك على الارقام بدل ما تتعب نفسك . "
لم يرد عليه امين الشرطة لانه متعود على هذه المواقف ، ثم ذهب اليه رتبة اعلى من الامين وهو رئيسه وقبل ان يقول له شيئا وجد ابتسامة مرسومة على صاحب السيارة وكأنه شخص اخر قائلا له : " انا فلان الفلاني ابن عم فلان وصديق فلان .
ابتسم له الضابط : " اهلا يا فندم حضرتك قريب فلان . "
رد عليه بابتسامة قائلا : " نعم . "
قال له الضابط : " اهلا بحضرتك بس لو تسمحلنا احنا لازم نخلى الطريق و..... "
لم يكمل الحديث لان صاحب السيارة قاطعه قائلا : " طيب ماشي خلاص مفيش مشكلة بس انا مش هنتظر كتير . "
قال له الضابط : " طيب ماشي مع السلامة . "
لم يكمل دقيتين حتى سمعوا محرك السيارة يشتغل وتحركت واشار بيديه للضابط ومشى .
انتهى الحوار ومنتظر تعليقاتكم
تحياتي للجميع
|
29-07-08, 05:25 PM
جديد مواضيع قسم الحوار الجاد
العرض العادي
