بريطانيا – لندن

ذوق واقفه قبال البلكونه تشوف مسفر ولوجين وهم يطلعوا من البيت وكل واحد مبسوط بالثاني ويضحك ...
تنهدت وهي تحسد لوجين لن حسد محمود تعبت كثير وتستاهل .. والبندري تستاهل اخوها رائد والجوري تستاهل بدر اللي يدور رضائها باي طريقه ...
بقى هي .. هي وفيصل ...
هاللحين فرصتها تروح لمانشستر عند فيصل لكن من وين تجيب الشجاعه وتروح ...

نواره : بخ

ذوق بدون نفس : هلا

نواره: يالله شكل الاخلاق مقفله ..

ذوق : مطلقه بالعشرين وش تبغي منها ترقص ..

نواره: لا تضحك وتقول لدنيا برب وتيت ... ياعمي بيعيها .الدنيا ماشيه ..- تاشر على نفسه – ها قبالك اكبر عانس بالشله وتضحك وترقص

ذوق نزلت دمعتها وهي تناظر نواره : انا غير نواره انتي تقدري تكابري وتضحكي على نفسك او بالاصح تضحكي على اللي حولك وانتي من جوى تنزفي دم وتموتي باليوم مليون مره ... على بالك ان البنات مو حاسين انا فيك شي وانك تكابري ... واضح عليك يانواره مهما حااولتي تخبين

نواره غرقة عيونها لكن ضغطت على اسنانها : انا هربت من اللي معذبني وابغى انسى فلا تزيدينها علي ..

ذوق : قوولي لي افتحي لي قلبك وش اللي مزعلك ... ليه دمعتك على خدك قبل لاتنامي كل يوم ليه ...؟

نواره استغربت كيف عرفت ذوق انها تبكي وليه مصره تعرف همها : مافيني شي .. وترى البندري بيت الجوري اذا حابه تروحي انا بطلع بعد شوي وبلحقها تجهزي

طلعت نواره وتركتها تركتها محتاره بحالت صديقتها

ذوق: والله لاعرف طال العمر والا قصر انا عارفه يعني عارفه ..

نواره تمشي لتحت (( وش تبغيني اقولك ..؟ هذا شي ماينحكي فيه ..خلاص امي تابت وطلال راح ليه افضح نفسي ... وافضح امي .. ياليت مشكلتي مع طلا ل مثل مشكلتك مع فيصل كان تهون ))

************************************************** ***********

البندري تدق الجرس

بدر بدون نفس : مين...؟

البندري (( وع ياشينك مادري كيف حبتك الجوري )) : انا

بدر فتح الباب : هلا

البندري: هاي الجوري فيه

بدر : اكيد يعني وين بتروح

البندري: اعصابك ..

بدر : اسمعي انا هذي صاحبتك تعبت معها كل يوم شكل وشي اتفاهمي معها

البندري: ليه وش صاير

ببدر : مادري اساليها
طلع وسكر الباب

البندري: الجوري .... الجوري

الجوري فتحت الباب وهي تبكي : بنو ...

البندري ضمتها : بسم الله وش بلاك

الجوري : خذيني من هنا بنفجر

البندري: اوكيه اوكيه بدلي وتعالي نتمشى ..

دق تلفون البيت ..

الجوري : ردي مالي خلق

البندري: اوكيه

رفعت السماعه : الو

....: الو مرحبا

البندري: هلا ..

.......: بدر فيه

البندري: ها لا مدري دقيقه ...

...: ممكن تقولي له ابغاه ضروري

البندري : دقيقه ..

راحت لعند الجوري وهي تبدل : وحد يبغى بدر

الجوري: من هذا ..؟ غريبه ...

االبندري: والله مادري

الجوري: قولي له بدر في جهنم الحمراء اللي تاخذه

البندري: لا شكلك مقهوره جد ... خلاص بصرفه ...

الجوري: لا خليني انا اتفاهم معه .. وليه مادق عليه بالجوال داق البيت

البندري: روحي ردي بس الاتصال من السعوديه

الجوري: السعوديه ..ليه وش صاير .. رنده ورناد فيهم شي

ركضت لسماعه : الو

...: الو اختي بدر البدر فيه

الجوري: انا زوجته خير وش صاير

...: لا مافي شي ابغاه هو شخصيا ..

الجوري: ليه ماحكيت معه بالجوال

..: ماعندي الا رقم هذا البيت وابغاه ضروري ..

الجوري: خلاص ابعطيك رقم جواله .. بس في شي

..: لا لاتخافي مافيه شي بس مشكله بسيطه مع واحد من ربعه

الجوري: اوكيه هذا رقمه ..*******

...: مشكوره اختي

سكرت الجوري السماعه : الله يستر وش فيهم وليه يبغو بدر
البندري: احكي معه وقولي له

الجوري بانفعال : لا والله بعد اللي صار سوري

البندري: ليه وش صار

الجوري: آه وش ماصار بحكي لك بعد شوي لاني هاللحين .. لازم اعرف وش صار مع بدر

البندري: ايوه جهنم الحمراء وهاللحين وش صار معه ...

الجوري بضيقه : مع الاسف مايستاهل ...

***********************************

مسفر ماسك بيد لوجين وماشين مع بعض في الملاهي ...(( مدينه الالعاب ))

لوجين : وشرايك اي لعبه نلعب

مسفر : قطار الموت

لوجين تاشر على لعبة سوبر مان المشهوره : لاهذي احلى

مسفر : متاكده مو تبكين تراها تخوف

لوجين : دامك معي مستحيل اخاف

مسفر : يابعد كلي انتي بس انا اخاف عليك خليني على القطار احسن

لوجين: اوكيه يله

************************************************** **************

نواره تدق باب الجوري برواقه : يللللله افتحوا

ذوق : اسكتي فضحتينا ...

نواره: عادي صارت عمارتنا من كثر مانجي ..

البندري: ايوه يلي بتخبط
افتحت الباب : اخيرا جينوا

ذوق : من متى هنا الحلوه

البندري: والله توني ماصار لي نص ساعه

الجوري : هلا بنات

نواره: مالك يابنتي دا لونك مخطوف وشك مش عاقبني

الجوري بدون نفس : ههه مافيش حاقه

ذوق: بدر مو فيه

البندري: لا طلع ..من شوي .. وين لجون

نواره : مع عريس الغفله

البندري بانفعال : صحيح الجووري نسيت لااقولك .. مسفر جاء لهنا وخطب لجون من منصور

الجوري: جد متى وكيف ..؟

نواره ترفع كتوفها : والله ماندري علمنا بعلمك صحينا من النوم الا البنت لجون مخطوبه وتغدينا الا وهي طالعه مع خطيبها

الجوري: من جدكم ..؟

اندق الباب

ذوق : اكيد هذي لوجين مع مسفر ..

نواره : انا بفتح لهم

افتحت الباب وكان بدر وجهه متغير مره

بدر : هلا .. نواره تعالي ابغاك شوي

البنات : ؟؟؟؟؟؟؟؟؟؟؟؟؟

الجوري: نعم ...؟

بدر ناظر بنواره : طلال .. – حط ايده على كتفها - طلال بالمستشفى .. ويطلبك الحل ...

نواره ناظرته مو فاهمه شي

بدر ناظر في عيونها اكثر : طلال احترق ...

البندري: احترق

نواره تناظر ببدر تحاول تهم منه وش يقول تحسها طلاسم طلال احترق كيف وشلون وهو كيف عرف

ذوق: طلال مين ...؟

بدر : طلال حمدان احترق وهو بالمستشفى هاللحين بين الحياء والموت ...

نواره ماشالتها رجلها طاحت على الارض ودموعها بعيونها وعلى خدها وكلمات بدر باذنها ((طلال احترق وهو بالمستشفى بين الحياء والموت ... طلال يطلبك الحل ..))

ركضوا لها البنات : نواره ...

نواره تناظر ببدر : قول انك تمزح .. قول انك تكذب

بدر هز راسه : قبل شوي حكى معي صالح اخوه وقالي انه امس كان بيفتح المويه ونسى فتح المويه الحاره واحترق فيها .. – ناظر الجوري – جهزي اغراضنا بنسافر لسعوديه

نواره وقفت ودفت بدر ودموعها تنزل بسرعه : انت كذاب ليه تكذب طلال انا شايفته مابه شي

البندري: نواره ..؟

ذوق وقفت حاطه ايدها على فمها : نواره ..

نواره لفت على البندري : والله كذاب اقسم بالله يكذب طلال مابه شي ..- تمسك ايد البندري - البندري انتي كنتي معي كان يحاكيني صح

الجوري ضمت نواره وبكت : خلاص نواره لات

نواره تدفها : طلال مافيه شي انا شايفته ..- تناظر بدر – انا حكيت معه ما...

بدر : والله انه بالمستشفى ..وحالته حرجه

نواره : تكفى بدر قول انك تمزح ... بدر اذا طلال صار له شي انا بموت بعده ..

بدر ناظر الجوري مو عارف يتصرف

الجوري : نواره تعالي معي ان شاء الله مافيه الا العافيه .. اكيد بدر يبالغ

نواره: انا لازم اروح له .. انا بسافر لعنده ...

البندري وذوق كانوا واقفين مصدوممين نواره شبه منهاره يعني تحب طلال

بدر : انا حجزت لي وللجوري وبحجزلك معنا ..

نواره كانت منفعله ومنهاره وهي ماسكه بالجوري: انا انا السبب هو قالي خلاص ... انا الغبيه ليه..؟ ... يارب خذ من عمري واعطيه ..

الجوري جلستها واشرت للبندري بكاس مويه
البندري وقفت تناظرهم مبلمه نواره كانها مجنون تصارخ ومنفعله

بدر مشى للمطبخ وهو متضايق صديق عمره يصير له كذا صحيح انهم ماجتمعوا على خير ابدا لكن كانت بينهم ايام حلوه ...
عطى الجوري كاس المويه ..وهو يناظر نواره طلعت تخب طلال اكثر مما يحبها (( لو تدري ياطلال كان وش سويت .. وانت معذب نفسك وتضنها تعتبرك مثل اخوها ..))

الجوري ناظرت بدر : شكرا .. خذي نونو اشربي

نواره : مابغى ابغى اروح لسعوديه ابغى اشوف طلال ... انا متاكده ان مافيه شي و بدر يكذب

بدر تنهد : ياليت

الجوري حاولت تهدي نواره والندري اخيرا جئت ساعدتها وصاروا يصبرونها وهي بحاله زايده اكثر من قبل ..

*********************************************
لوجين ومسفر طلعوا من الملاهي وهم مبسوطين ويضحكون ...

مسفر : جوعاااااااااااااااان

لوجين: ههههه المغرب وجوعان

مسفر : البركه فيك مابقى لعبه مالعبناها ..

لوجين : ياحياتي انت الدنيا رايحه ..

مسفر : على قولتك . ودامها رايحه تعالي ناكل ..

لوجين: اوكيه ..نروح لمطعم قريب

وهم ماشين

لوجين: لحضه

مسفر :وش فيك

لوجين تدور بشنطتها لحد ماطلعت روج ..

مسفر : وش جالسه تسوين

لوجين : خذ انت هذا الروج وانا هذا ونكتب على هذا الجدار من غير لايناظر الثاني وش كاتب ...

مسفر : لا اااا صاحيه هذي فيها سجن

لوجين: حبيبي محد حولك

مسفر يبوسها بخدها بقوه : اموووووووت على جنونك ..

لوجين : ههه

كل واحد مسك روج وصاروا يكتبوا على الجدار من غير لايناظروا بعض

لوجين : خلصت

مسفر : لاتناظري مابعد خلصت

لوجين : شنهو هي كيمياء اخلص ..

مسفر : اوكيه دقيقه بس

لوجين تقاوم ماتلف

مسفر : انتهيت ...

لوجين : يله انت ناظر وانا اناظر ...

مسفر ناظر اللي كاتبته لوجين بالروج الفوشي
(( I LOVE YOU For ever … pleas Don’t for get me ))

ولوجين قريت اللي كتبه مسفر باللون الاحمر ..
(( نسيت الناس والدنيا وجيتك
يكفيني عن العالم حنانك ... ))

لفوا على بعض يناظرون بعض

مسفر ولوجين: هههههه

لوجين تضمه : انت والله اللي تسوى هالعالم كله

مسفر : يابعد كلي وخلاني .. انا انساك انسى نفسي ومانساك ...

********************************************


بدر راح لاخوه المستشفى يخبره عن سفرته ويطمنه انه بيرجع ..قريب ..

بعد ماهديت نواره : : لا حد يخبر لوجين خلوها تكمل ملكتها اتركوها بفرحتها .. انتبهوا لاتخبروها وقولوا لها اني سافرت كذا ابوي تعبان ..

البندري: اوكيه .. وحنا بالاساس كم يوم ولاحقينكم ..

الجوري : ها بنات تامرون على شي جوعانين

ذوق جالسه تناظر بنواره هذا اللي مضايقها اجل طلال : لا مشكوره من له نفس ياكل ...

نواره وقفت : مارجع بدر متى الطياره ..؟

الجوري: والله مادري

البندري واقفه بالمطبخ تدور شي تاكله او تحطه للبنات حست بدوخه بسيطه جلست على اقرب كرسي (( يالله وش هالدوخه من يومين وهي ماسكه معي ..))

الجوري: بنو واللي يعافيك عطيني الجوال من طاوله الاكل

البندري : ان شاء الله

وقفت رجعت داخت اقوى من قبل وجلست

ذوق: بنو وش فيك

البندري: لا مافيني شي بس البنطلون طويل ودست عليه ههه

نواره تبكي بسكوت من غير انفعالات بس تبكي

البندري حطت راسها على الطاوله تحس بالدوخه قويه

الجوري : بنو وش فيك ..؟ يله عطيني الجوال ..

البندري : طيب

وقامت عطتها الجوال وراحت للحمام بسرعه .. دخلت وسكرت الباب

ذوق : وش فيها بنو

الجوري تدق على بدر : مادري ..

نواره : شوفي بدر وينه ..؟

الجوري: هذا انا ادق

البندري جلست بالحمام وهي تحس بدوخه وانا كبدها لايعه ..بكت (( الله يستر لايكون اللي في بالي جد .. والله يذبحني محمد )) دقت على رائد يمكن هذي المره يرد .. لكن جواله مقفل .. (( رد رد مو وقتك رايح تنبسط وانا بهالمصيبه ))


الجوري : هلا بدر

بدر : اهلين

الجوري: وينك ..؟

بدر : بالطريق وتجهزي انتي ونواره بنرجع بطيارة لوجين الخاصه

الجوري شهقت : لايكون حكيت لهم

بدر : لا بس رحت كلمت ناصر وهو قال عادي .. طبعا بايجار

الجوري: ايوه ريحتني انتبه لايحكي ناصر للجون

بدر : اوكيه ابقوله ... يله بس ادق لك تنزلوا مافيه وقت نتاخر نبغى نوصل بدر

الجوري: اوكيه باي

نواره: ها وش قال طلال مات ..

الجوري: لا وش هالحكي فالك ماقبلناه .. يقول هاللحين بيمرنا ونسافر تجهزوا

نواره: كويس

ذوق : حنا بعد بكره او بكره لاحقينكم علشان ملكة لوجين ومسفر

الجوري: اوكيه ... – جلست بجنب ذوق وقالت لها بهمس -غريبه ذوق ماتلاحضي ان بنو تاخرت بالحمام

ذوق : بعد حمام لازم تاخذ راحتها

الجوري : انا مو عاجبتني هذي الايام اخوك مطنشها

ذوق : والله مادري عنه .. وما حكيت مع ماما قالت انه رايح لمصر وماحكى معهم ولا مره

الجوري: مصر غريبه وش عنده ..

ذوق : مادري هو وربعه بهذي عبارة السلام

الجوري: اها ..والله تاخرت بروح اشوفها

راحت الجوري لعند البندري :بنو

البندري بتعب : ايوه

الجوري : بنو وش فيه صوتك

طلعت البندري وهي عرقانه وبالموت تتنفس : ابغى مويه

الجوري: بسم الله وش فيك ..؟

البندري تجلس على الكرسي : مادري احس اني مخنوقه وبموت

الجوري خافت عليها : بنو حياتي وش فيك ..؟

البندري بكت : الجور شكلي حامل

االجوري؛: كيف..؟

البندري ترفع بلوزتها: شوفي بطني كبران واحس بلوعه ودوخه اكيد اني حامل

الجوري ابتسمت : ليه تبكين حلو

البندري : حلو والله لايقتلني محمد وهذا رائد مادري عنه

دق جوال الجوري احترت ترد على بدر والا وش تسوي تبغى تشوف البندري وش فيها


البندري: ردي يمكن بدر عنده اخبار عن طلال

الجوري: الو

بدر: هلا يله انزلوا والمفتاح حكيه عند الرسيبشن

الجوري: ان شاء الله

سكرت من بدر..: ذوق ذوق

ذوق جئتهم : نعم .. – شافت البندري – البندري وش فيك ..؟

الجوري: مافيها شي .. ذو واللي يرحم والديك جهزي لي شنطه بسرعه ولبدر خذتني السواليف وهو تحت .. انا بقول لنواره وبخليها تنزل

البندري مسحت دموعها تذكرت حكي لوجين انتي ماتفكرين الا برائد : انا بساعدها وانتي قولي لنواره

الجوري: لا انتي ارت

البندري: الجوري روحي حرام بدر تحت ينتظرك

الجوري: ان شاء الله اسمعوا ملابس بدر بدرج الصاله انا بجهزها بس غطوني شنطه ..

خذت شنطه وطلعت .. وهم رتبوا شنطه حطوا فيها ملابس كثيره لانهم حسبوا جساب نواره معها ..

ذوق : غريبه ليه بالصاله

البندري: لانه مالمسها لهاللحين

ذوق فتحت عيونها : خمس شهور وماصار شي

البندري : بس مره وحده

ذوق: ياحياتي الجور وانا على بالي انها مبسوطه

البندري: كلن معه شقى الليل

ذوق: وانتي وش همك

البندري : همي ان اخوك مصفوق ومو قد المسئوليه

ذوق : ليه تقولي كذا

البندري : انتي صديقتي قبل لاتكوني حماتي ... انتي بتصيري عمه

ذوق انبسطت : احلفي

البندري رمت الملابس وبكت : والله

ذوق: ليه تبكين

البندري: ياليتني م رضيت له يلمسني ياليتني حطين له حد

ذوق قريت منها : ليه ...؟ انتي زوجته

البندري: زوجته هو وينه علشان يسال عن زوجته ...

دخلت الجوري وشاغت البندري تبكي : لا بنو تكفين ابغي اسافر وانا مرتاحه يكقي المنهاره بره

البندري مسحت دموعها : والله خلاص ماعاد ابكي خذي الشنط وبله انزلي

الجوري : اوكبه – ماودها تطلع – انتبهوا على انغسكم ..

&

بدر دخل لما شافهم تاخروا عليه ..

نواره : يله مشينا

بدر : يله وين الجوري

الجوري طلعت : ليه طلعت فوق ...؟ حنا بننزل

بدر : لا من نص ساعه وانا داق عليك

الجوري مقهوره جد مو وقته : يله بنتاخر اكثر

بدر سحب منها الشنطه : ثقيله عليك ...

الجوري بتنتف شعرها جد واحد متناقض بكل شي ...

البندري: حنا بننظف الشقه وبقفلها

الجوري: اوكيه باي

طلعوا وكانت نواره اول وحده تركب السياره ..الجوري كل هموم لدنيا على راسها البندري من جهه ونواره من جهه والاخ بدر حكاية لوحده

بدر:.......................... ((ساكت يفكر بالجوري وطلال ونواره .. ))

%%%%%%%%%%%%%%%%%%%%%%%%%%%%%%%%%%

مسفر ولوجين رجعوا للبيت واخيرا

منصور : ياسلام تو الناس

لوجين : هه هههه فاتك نص عمرك لعبنا بالملاهي واكلنا ايس كريم و

منصور مسفر يناظرونها مثل البزر المتحمسه ..

لوجين : والدنيا حلوه وماشيه ....

منصور ومسفر: هههههههه

لوجين : وش فيكم

منصور: سلامتك .. ها مستعدين لبكره الملكه

مسفر: اكيد

منصور: بس حبيت اقولكم انها بتكون بالسعوديه لان ابوي مارضى الا لما يجي ابوك يامسفر ويخطب لوجين منه

لوجين حست باحساس حلو وراها رجال : ايوه وانا معه

مسفر : عادي بكره نرجع لسعوديه واخذ ابوي لعند ابوك لانه موافق ومبسوط ..
وهذي الحقيقه بو مسفر تعلم انا مافي يجي بالغصب ووانا العيال لهم اختيارهم ..

لوجين حست انها مستحيه غيرت الموضوع : وين البنات مافي احد هنا ..؟

منصور: الا الظاهر البندري وذوق لكن نائمين ..

لوجين : ونواره

منصور: يقولوا سافرت مع الجوري وبدر لان امها مادري ابوها تعبانين شوي ..

لوجين : اها وش فيه ..؟

منصور: والله مادري ..؟

لوجين : انا بعد بطلع انام

مسفر: الله معاك

لوجين : نام هنا غرفتك موجوده

مسفر: لا مايصلح هاللحين انتي العروس مايصير بنام بالفندق وبكره نسافر من الصباح علشان نملك بدري

منصور: مادري على شنهو مستعجلين لاحقين على الشقى

لوجين : باي ..مسفر انتبه لتلفونك ابدق عليك

مسفر: اوكيه ..
************************************************** *********

البندري جالسه على سريرها تفكر وهي ماسكه بطنها (( انا حامل كيف مستحيل – ابتسمت – يعني بكون ام .. هههه وناسه هنا ببطني ولد او بنت رودي .. وينك يارودي ليه ماترد اشتقت لك .. اهون عليك زواجنا بعد اسبوعين وانت ماترد .. ليكون تصير مثل عادل ..لا وش هالافكار هو مقهور على ذوق يعمل مثله مستحيل .. اجل ليه مايرد ... ))

دقت لوجين الباب .. غمضت عيونها البندري بسرعه ماكان لها خلق احد ..

لوجين بهدوء حطت ورقه على الكومدينه وطلعت ...بهدوء

بس طلعت لوجين رفعت البندري الورقه الصفراء الصغيره (( بكره طيارتنا من الصباح لسعوديه علشان املك هههه واصير مثلك ))

البندري بحزن : لا يارب ماتبتلين باللي ابتليت به انا ...

&

نفس الحكايه دخلت على ذوق اللي كانت تقراء قران .. ..

لوجين جلست على السرير تنتظرها تخلص ..

ذوق : هلا والله بالعروس

لوجين : ههه هلا فيك .. مانمتي

ذوق: ابخلص سورة البقره وبنام

لوجين : اها .. زرتي فيصل

ذوق بضيق : لا ماجئتني الجراءه

لوجين : وبعدين متى بتجي

ذوق: بوقتها عندي احساس يقولي لااستعجل .. وانا استخرت ومارتحت

لوجين : ذكرتيني ماستخرت لمسفر احس انه مو لازم

ذوق: لا والله الاستخاره احسن انا ماستخرت بعادل وندمت

لوجين : ابستخير بعد شووي .. قبل لانسى طيارتنا الصباح علشان الملكه بكره بالسعوديه عمي خالد بو منصور صمم ان مسفر يخطبني هو وابوه منه

ذوق: حررررررركات

لوجين: ههههه وناسه يكون لك اهل صح

ذوق بضيق: مو دايم

لوجين : لانك ماانحرمتي منهم ماتحسين يله اتركك تكملي البقره وانا باستخير

ذوق: اوكيه باي

طلعت لوجين لغرفتها توضت واستخارت .. وحست انها مرتاحه مره حتى كلمت مسفر بعدها على طول

{ البنات مساكين متناقضات فيهم الخير والايمان لكن محد مسك بايدهم ووجهم .. **

ذوق خلصت قراءه وتمددت بتنام .. لكن النوم عافها مثل كل ليله تحس بجرح بكرامتها قوي كل مالمست شعرها او ناظرت المرايه ..

شغلت الابجوره وناظرت خاتم فيصل اللي من الحجر البسيط وماهو الماس بس احب شي عندها بالدنيا ... ماقدرت تفصخه لانها مانسيت فيصل ولاتضن انها بتنساه ..

مرت هذي الليله طويله على الخمسه العاشقات .. كانت ليله ثقيله كل وحده منهم شكت همها وفرحها لليل ..

%%%%%%%%%%%%%%%%%%%%%%%%%%%%%%%%%%%%%%
السعوديه – الرياض

وصلو ا لجوري وبدر ونواره لارض الغاليه السعوديه ... لارض الخير والفرحه ..


بدر : هذا ابراهيم جاء

ابراهيم : الحمدلله على السلامه

بدر : الله يسلمك

ابراهيم : الحمدلله لى السلامه الجوري

الجوري تتحاشى تناظره : الله يسلمك

نواره : هو وينه باي مستشفى

بدر : ممنوع الزيارات هالحين الوقت متاخر ...

نوراه : المغرب مو متاخر

بدر: اتوقع ان اخر وقت لزيارات العصر

نواره: لا فيه زيارات اكيد انه بمستشفى خاص .. انا مت

الجوري قاطعتها : خلاص بدر ودنا اكيد فيه وقت

ابراهيم : المستشفيات هاللحين وقت الزيارات عدل ...

بدر وده يذبح اخوه اوكيه انا باخذ نواره للمستشفى وانتي الجوري روحي مع ابراهيم للبيت

الجوري بسرعه وبانفعال : لاااااا .. اقصد مايحتاج بروح معكم

بدر : لا ماينفع يكفي نواره وش بيقولوا اهله ..

نواره بكت : هذا وقتكم يله ابغى اشوف طلال

الجوري: اوكيه انا بروح لبيت عمي واذا خلصت مرني

بدر كان بيعترض بس المكان والزمان مايسمحون وخاف عليها من ام سعود : اوكيه

تفرقوا وكل واحد بطريق ..

ركبت الجوري ورى مع ابراهيم وهي ساكته ..

ابراهيم : كنتي عارفه ان بدر اخوي

الجوري: لا .. الا باخر مكالمه

ابراهيم : كم واحد كلمتي وانتي على ذمته

الجوري عارفه تفكير السعودين : ولا واحد

ابراهيم : هههه انتي عارفه اذا بدر عرفك بيقتلك

الجوري: عادي اللي يغتصب يقتل

ابراهيم : هو ليه اغتصبك انا هذا اللي مو قادر افهمه بدر ماعنده سوالف هذي حدده مكالمات مقابله بسيطه لكن الكبيره لا ..

الجوري: ههههه لاجل ماتعرف اخوك

ابرهيم عصب : نواف وطلال جد عندهم هذي السوالف لكن بدر لا .. انا متاكد لكن انتي كيف

الجوري: خلاص انا اصلا نسيت وبديت اتقبل بدر بحياتي لكن مستحيل احبه

ابراهيم : زواجه منك اكبر غلطه انتي ماتجيبي عيال

الجوري انصدمت من كلامه :.....................

ابراهيم : انا خبرت امي وام سعود ان مافيك عيال بما اني دكتورك الخاص واتوقع انهم جالسين يدوروا له عروس ...

الجوري سكتت ماعرفت وش ترد هذا كيف يفكر وليه يسوي كل هذا

ابراهيم : حتى لو اخوي غلط معك وانا متاكد انك عارفه اني اخوه من اول يوم لاتكذبي كل شي مكشوف .. وانا اللي بخلص بدر منك خوي معه السكر ومايستحمل سوالف زوجته اللي مثل وجهها

الجوري ماتبغى ترد عليه اللي فيها مكفيها ... وهي خلاص ناويه تطلق من بدر وماترجع معه هذا اللي قررته من زمان ...: الله يساعدك توصل لمرادك ..هههههههههههه

ابراهيم انقهر منها : جد ان بدر ماعرف يختار ..

&

بدر: لوسمحتي اختي المريض طلال حمدان ال

قاطعته السستر : ابن الدبلوماسي تفضل من هناك غرفه 190

بدر : مشكوره

نواره ابتسمت : يعني عايش

بدر : وانا وش اقولك من الفجر

مشوا لحد غرفة 190 وكان في ناس كثير وزحمه حريم ورجال ..

راكان انتبه فيهم : هلا بدر

نواره : راكان – نزلت دموعها – وين طلال ..؟

راكان هز راسه بياس : حالته صعبه مره وهو محتاج لك

نواره عضت شفايفها هي السبب بكل هذا : ..

بدر : طيب كيف احترق بالمويه

راكان : مدري كان يتروش وفجاءه سمعنا صرخته قال يمه وماسمعنا شي بعدها .. كسرنا الباب ودخلنا شفناه على الارض مو قادر يتحرك والظاهر انه غلط بدل مايشغل المويه البارد شغل الحاره .. والله ماندري هو مو راضي يحكي مع احد – اشر على الناس الكثير – وهذا انت شايف خالاتي وعماتي كلهم هنا مارضى يشوف حد منهم

نواره : طيب انا انا ابغى ادخل ...

راكان : لا مو راضي قلتله اخبرك قال لا مابغى اشوفها

نواره بكت اكثر : امه خلوا امه تدخل اكيد بيرضى لها

راكان ناظر بدر : امه ميته من زمان

نواره : ها ..؟ وش الحل ابغى اشوفه باي طريقه

بدر : خلاص نرجع هاللحين وبكره ن
نواره بانفعال تقاطعه : والله مارجع الا لما اشوفه

راكان استغرب من ردة فعلها غريبه مهتمه وتبكي نست اللي عمله مع امها : اسمعي كلام بدر اليوم كل اهلنا هنا ماينفع

نواره : ضروري تكفى – ناظرته برجاء – تكفى راكان هذا طلول

راكان : والله ماقدر اهلي اذا شافوك دخلتي وش بيقولوا اصلا عمي حمدان مابيترك طلال بحاله ..

نواره : عادي ادخلي اني دكتوره او ممرضه

بدر: لا وش هالهبال

نواره : اقدرر ادبر بالطوا وسماعه ماهي صعبه واادخل بس اهم شي اشوفه

راكان عجبته الفكره : ابراهيم اخوك هنا يابدر وتقدر تدبر منه ال

بدر: بس ابراهيم هاللحين ببالبيت

نواره : انا اعرف ادبرها

تركتهم ومشت

بدر: انا اشهد انها هبله

راكان بضيقه : الا تحب

بدر : راكان تشوه كثير

راكان : لا اللي تضررت رجله لانه الظاهر دخلهم بالبانيو قبل اي شي

بدر : يعني كيف ..؟

راكان ياشر على فخذه فوق الركبه بمسافه : من هنا لاخر رجله تقول منديل او ورقه جلده كله راح

بدر : يالله الله يرحمنا برحمته

رجعت نواره وهي متحجبه كويس ولابسه بالطوا على ملابسه ومبين جزء من بنطلونها وكانها دكتوره جد : يله

راكان : من وين دبرتيهم

نواره : الفلوس تسوي كل شي يله

مشت ورى راكان ومرت بجنب اهله اللي يناظرونها انها الدكتوره قلبها كان يدق بسرعه فضيعه وايدها تررتجف خايفه من شوفته ..

راكان بهمس : هنا

************************************************** ****************
الفصل الثاني والابعين
مشت ورى راكان ومرت بجنب اهله اللي يناظرونها انها الدكتوره قلبها كان يدق بسرعه فضيعه وايدها تررتجف خايفه من شوفته ..

راكان بهمس : هنا

دخلت نواره الغرفه البارده شوي جسمها قشعر ..

كان طلال على السرير يناظر النافذه وهموم الدنيا على راسه حتى ماحس بدخولها ..

نواره تناظره شعره طولان تناظر ذقنه هو احلى مافيه وفيه شعرات قصيره : آحم آحم ..

طلال لف وجهه على باله راكان لكنه سكت لما شافها نواره حس بثقل على صدره .. وماتمنى تكون بهالمكان ..

نواره بكت : طلال ...

مشت لعنده تناظر فيه وين محترق

طلال : اطلعي بره ...

وقفت : لا طلال تكفى لاتضيع ايامنا على الفاضي لاتكابر وتعاند مثلي

طلال : اقولك اطلعي ..

نواره : .....................

طلال : سمعي يانواره انسيني قبل كذا طلبتي مني انساك واحترمت رغبتك فياليت تحترمين رغبتي وتنسيني

طلال كان الكلام من ورى قلبها ويحس انه يطعن نفسه بسكين وهو يكلمها بهذي الطريقه وهذا الكلام ... كان يجرح نفسه قبل لايجرحها .. بس هو هللحين محترق يعني مشوه كيف تبغاه او تفكر فيه يوم بتندم .. وبتتمنى انها ماستعجلت

نواره : لا مو على كيفك ... ان

طلال يقاطعها بقسوه : نواره احفضي كرامتك واطلعي بره لاقول حكي تكرهيني فيه اكثر

نواره ضلت واقفه تناظره من جده هذا كيف يفكر ..

طلال لف وجهه للجهه الثانيه : اطلعي يانواره

نواره مشت وقفت عند سريره ولفت وجهه بايده ..: طلال ناظر بعيوني وقولي اطلع من حياتك.......احلف لك اني بطلع ..


طلال انشد عرق بخده : اطلعي ..

نواره : ناظر بعيوني وقولها ناظر فيني ... كذبت علي كثير وياكثر ماصدقتك وهاللحين صرت اعرف كذبك من صدقك وانت كذاب ماتبغاني اتركك

طلال ناظرها ..ناظر بعيونها الممتليه دموع علشانه كيف يقولها اتركيني وهي تبكي علشانه .. كيف وهي حياته ..

نواره : يله انتظرك – بكت اكثر – ماتقدر تقولها صح لانك تحبني انا عارفه والله حتى انا ماقدرت اعيش بدونك حاولت اشيلك من بالي انساك بس كل ماغمضت عيني اشوفك واذا حد ضحك اتذكر ضحكتك ..

طلال بعد ايدها : انسيني ..

نواره حست ان مافيه فايده لحد هاللحين مصدوم من اللي صار له باسته على خده بهدوء وهذي اول مره تتجرء معه كذا : تكفى طلول حياتي بدونك ماتسوى

طلال لف عليها وكل شي فيه ينبض نواره معه وتترجاه : اتركيني لوحدي .. اطلعي من حياتي .. انسيني

نواره شفايفها ترتجف : انساك هذي الكلمه مالها مكان بقاموسي .. والله ابيع اللكل علشانك ...

طلال : اطلعي بره

نواره : انت اكيد حد لاعب براسك طلال انا نواره انا صحيح ماسامحتك وكانت حركتي سخيفه بالسوق لكن وا

طلال قاطعها : اطلعي من حياتي خلاص انا نسيتك ..

نواره ناظرته لاخر مره .. شكله من جد مايبغاها خلاص رخصت نفسها اكثر من اللازم قالت بصوت مبحوح : امنتك الله
مشت وهي منزله راسها .. طلال ودعها بعيونه وهو يقول بنفسه (( هي مساله وقت وتفهمين احساسي
اني علشان حبك اطلب فراقك ...
لاتفكر ان العواذل لعبوا براسي
مازلت احبك لقا وفراق واشتاقلك ....))

نواره مسكت مقبض الباب زقبل لاتفتحه لفت عليه
: قبل الوداع ..واخر وداع .....
اسمع كلامي وافهمه ...
راجع سطور الناس في عمر الزمن .....
من فيناماداس الخطاء .....
من فينا كامل بالعطى .....

طلعت وسكرت الباب ... مشت لعندها مراء كبيره : ها يادكتوره وش فيه وش قال م

سكتت المراءه وهي تشوف دموع نواره : وش فيه وش صار ..

نواره هزت راسها وهي تناظر راكان

راكان بسرعه جاء : عمتي الله يهداك مافيه شي بس الدكتوره مبتداءه وماتعرف لهالحالات

نواره : مايبغاني

راكان سحبها بسرعه قبل لاتفضحهم ..

نواره بعد مسافه تركت ايده وهي تصرخ : قالي انسيني وطردني طلال مايبغاني انا ب

راكان : نواره وطي صوتك الناس تناظر ... خلاص انا بتفاهم معه ... بدر ينتظرك بالسياره

نواره : تكفى راكان قوله اني احبه .. راكان انا من دون طلال ماقدر اعيش .. من بيدافع عني انا مالي سند غيره ....


راكان :بقوله بس انتي روحي ..هاللحين

ركبت نواره السياره وهي ساكته ..

بدر : شفتيه ..

نواره : كيف جاء له قلب ينساني وانا طول وقت افكر فيه .. انا تركت امي وابوي علشانه ... غبيه انا اكبر غبيه مهما يسوي اسامحه وارجع ..

بدر : نواره طلال يحبك انا صاحبه وعارفه ... طول الوقت يفكر فيك ..ك

نواره: لاتكذب علي .. هو يفكرني وحده من خوياته الهمج ..لكن والله والله ان هذي اخر مره اشوفه فيها

بدر : ماعليك منه يكابر هو يحبك من اول مرجعتوا من بريطانيا وماعنده سالفه الا انتي و مواقفك معه .. شريطك دوم يشغله هو يموت على التراب اللي تمشي عليه

نواره: هين ...

بدر تاكد انها مقهوره وماراح تقتنع : وين اوديك بيت اهلك هذا وين

نواره : لاخذني بيت عمي بوعبدالرحمن .. بيت عم الجوري مالي خلق اهلي ..

بدر : اوكيه ...

%%%%%%%%%%%%%%%%%%%%%%%%%%%%%%%%%%%%%%%%%%%%%%

الجوري جالسه ببيت عمها تفكر ممكن ترجع لهذا البيت او حتى ممكن تعيش بيت لوجين مع البنات ..كيف ؟ حياتها بتكون بدون بدر ...
الله يسامحك يا ابراهيم كيف قلة لاهلك ...

نوره (( ام عبدالرحمن )) جلست بجنبها : ها كيفك وكيف بدر ان شاء الله مرتاحه

الجوري (( مادري اقولها والا اسكت )) : الحمدلله مرتاحه ...

ام عبدالرحمن : الحمدلله .. متى ناوين ترجعون هنا

الجوري: والله مادري على علاج اخوه .. مسكين الله يشفيه ..

ام عبدالرحمن : بتروحين بيت اهل زوجك .. والا جئين كم يوم

الجوري: يوووه نسيت لاقولك لوجين بتملك وملكتها بكره وطلبت مني اقول لام البندري وام ذوق يروحوا بيتها علشان يستقبلوا اهل مسفر

ام عبدالرحمن مبسوطه : لااااا على البركه واخيرا مسكينه هالبنت تعبت بحياتها ماقلتيلي من خذت من ولده .. ولد وزير

الجوري: هههههه لا وزير ولد الضحام ..

ام عبدالرحمن : الضحام .. وش هالعايله غريبه

الجوري: ايوه مسفر عمر الضحام اللي كان خاطب الريم زوجة عادل الجديده ..

ام عبدالرحمن : حسبي الله عليها وعلى عادل .. مادريتي وش صار فيه ..

الجوري: لا وش صار

ام عبدالرحمن مبسوطه : وهو طالع من المستشفى جئت سياره مسرعه وطيرته .. ونحاشوا رواعين السياره ..وهو لهاللحين بالمستشفى مكسر .. قضى شهر عسله بالمستشفى

الجوري: ياسبحان الله من اللي سواه بذوق

ام عبدالرحمن : يمهل ولايهمل بعياله ان شاء الله

اندق الجرس ..

الجوري: شكل عمي جاء ..

ام عبدالرحمن : لاعمك قال بيجي الساعه 9 غريبه من جائي ..

الخدامه : ماما نوره هذا هوز بند ماما جوري .. ونواره

الجوري وقفت : دخليهم ...

نوره : لا مامعي غطاء .. انتي روحي لرجلك المجلس وانا بدخل نواره هنا

الجوري: ان شاء الله ....

نواره دخلت وضمت الجوري بقوه : مايبغاني

الجوري : بسم الله عليك وش فيه ..

نواره : خلاص مايبغاني ولا انا ابغاه ..

الجوري ناظرت بدر .. بدر رفع كتوفه بمعنى مادري ...: خلاص نونو لاتسوي بنفسك كذا

نواره: وين نوره ابغاها ..

الجوري : داخل ..

راحت نواره لعند نوره تشتكي لها وتبكي ....

بدر واقف ينتظر الجوري تحيكي بس هي سكتت ...

بدر : ها اشوفك نزلتي شنطك هنا

الجوري: ايوه بجلس هنا ...

بدر تكتف واسند جسمه للباب : وانا

الجوري مغصها بطنها من كلمته وانا (( انت عمري وحياتي انت كلي )) ناظرته : انت ايش ..؟

بدر : يعني وش هالحاله انتي ببيت عمك وانا ببيت اهلي .. وش اقولهم ماتبغى تجي معي

الجوري: لا قولهم مشتاقه لاهلها

بدر : وش يفكني من رنده ورناد ...

الجوري : ماعليك بيحكون معي وبسكتهم باي شي

بدر : مشاء الله لكل شي مجهزه له رد ...

الجوري: لاني قررت مارجع معك ابد

بدر فتح عيونه : كيف

الجوري تتحاشى تناظره : بس لاني تعبت وماعد فيني حيل .. مستحيل حنا نستمر مع بعض

بدر ابعد جسمه لان في احد يحاول يفتح الباب الرئيسي اللي هو مستند عليه ..

بو عبدالرحمن : اووووووه جواره عندنا ياهلا

الجوري عيونها مغرقه حاولت ماتناظر عمها فيها : هلا والله عمي

بو عبدالرحمن : لا وبدر بعد هلا والله بالغالي

بدر : هلا فيك ياعمي كيفك وكيف صحتك

بو عبدالرحمن: الحمدلله ننشد عنك

بدر : انا تمام ..

بو عبدالرحمن : ليه واقف هنا اقلط المجلس .. الجوري ليه موقفه رجلك هنا

الجوري: لانه بيمشي ..

بدر رفع حواجبه طرده محترمه ..

بو عبدالرحمن : لا والله مانت ماشي الا متعشي

بدر بضيقه : لا عمي وقت ثاني ابروح لاهلي من زمان ماشفتهم

الجوري حست انه تضايق اندمت على حركتها ..

بوعبدالرحمن : لا هذولا اهلك الخير والبركه لازم تروح لهم ..عاد سلم على ابوك اللي ماشفناه لهاللحين ...

بدر : ههه اوعدك بتشوفه قريب .. يله بالاذن ..

بو عبدالرحمن: اذنك معاك ..

بدر : ها جوارتي تامرين على شي قبل لاطلع

الجوري رفعت راسها (( ياحلو جوارتي من فمك )) : لا مشكور

طلع بدر وتحس انه خذ قلبه معها ..

بوعبدالرحمن : ها ياحبيبت عمو كيفك ..؟

الجوري : الحمدلله

بوعبدالرحمن : الحمدلله على كل حال ان شاء الله مبسوطه مع بدر ..

الجوري: ايوه

بوعبدالرحمن : تستاهلين يابنتي .. واله لو ابوك عايش كان فرح ببدر لانه رجال من ظهر رجال والنعم برجلك يابنتي

الجوري تضيع السالفه : تسلم ترى نواره جئت معي وهي داخل مع نوره ..

بوعبدالرحمن يجاريها : لا زين ...

%%%%%%%%%%%%%%%%%%%%%%%%%%%%%%%%%%
بريطانيا – لندن

انتبهت لوجين بالجوال يدق وهي ترفعه وقف ناظرت الشاشه 9 مكالمات لم يرد عليها من ضحكة الدنيا ..: يوووووه من زمان يدق
دقت عليه

مسفر برواقه : صباح الورد والطيبه والاحساس صاح مايليق الا بقلبي لجونه .. ها قمتي ..

لوجين: هههه سوري راحت علي نومه

مسفر : كنت عارف لاني ماتركتك الا الفجر .. يله حياتي انزلي افطري وصحي البنات لان الطياره جاهزه بس تنتظر اشارتك

لوجين : ساعه وحنا جاهزين

مسفر : اوكيه انا مع منصور .. وناصر بالفندق اذا جهزتوا قولوا لنا

لوجين : اوكيه ياقلبي ومراح اخليك تنتظر اكثر وعد

مسفر : اوكيه ..باي حياتي انتبهي على نفسك

سكرت لوجين السماعه وضلت تناظرها مبتسمه (( الله لايحرمني منك ياغلى الخلان ))

طلعت للبنات تصحيهم وحده وحده

ذوق كانت جالسه ترسم بالصاله ..

لوجين: يالله لهذي الدرجه فاضيه ترسمين

ذوق : وش تبغيني اسوي ... ماعندي ماعند جدتي

لوجين : يله يقول مسفر بنسافر بعد ساعه

ذوق : انا جاهزه بس البندري لحد هاللحين نايمه ..

لوجين : يووووه وش هالنوم ..؟

ذوق: هههه لجون متحمسه

لوجين: اكثر مما تتصورين ... حلم كان بالنسبه لي .. انتظر بس نوصل لسعوديه

ذوق: الحمدلله والله يتمم عليك ... بس على مانوصل صار اليوم الثاني السفره طويله

لوجين: ايوه عارفه وبعدها الخطوبه عمي مرتب كل شي ..... اسمعي ابترك زوجت اخوك عليك وانا بدخل اتجهز

ذوق: اوكيه ..

دخلت لوجين تتجهز وتتروش ..

ذوق راحت لغرفة البندري ...: بنو يله بنسافر

البندري : خمس دقايق بس

ذوق : بلا خرابيط يله قومي مالي خلقك مسفر ينتظر علشان يسافروا ويتزوجوا ويرتاحوا

البندري فتحت عيونها : ماكلمك رائد

ذوق : لا

البندري: آف دقايق واجهز ...

ذوق: لاتجهدي نفسك انتي تعبانه انا بجهز كل شي

البندري: لا والله عادي

ذوق: لا اكيد انتي بالشهور الاولى اذا صدق ضنك ولا زم ترتاحي ..ههههه بصير عمه وناسه ..

البندري ابتسمت : حلو صح بس خايفه

ذوق : توكلي على الله في احلى من البزارين

البندري: انتي اتركي اخوك يبين بعدين يصير خير

ذوق: لا لاتخافي هذا حركات رائد يحب يخوف اللكل عليه ..

البندري: ان شاء اله يكون كذا بس

ذوق: لا تخوفيني يكفي ماما داقه تبكي

البندري غرقة عيونها : معها حق بيصير اسبوع ويومين وماسمعنا عنه شي

ذوق: لاتخافي حركاته كثيره ومراح يعقل الا اذا صار اب

البندري : هههه تتخيلني ام

ذوق: لا مستحيل ......

البندري : ولا انا ماتخيل ..هههههههههه حتى رودي ماينبع اب

ذوق بحماس : اذا جئتك بنت وش بتسمينها .. ذوق

البندري: لا ههه حابه نفسك بسميها جوري من غير الف ولام

ذوق: احلفي والله بقول لرائد مايرضى

البندري: ماتقدرين لاني بتركه يسمي الولد على راحته ..

ذوق: اصلا معروف اختيار رائد لاسم الولد .. راشد بلا منازع .. من يوم يومه بو راشد

البندري: جد محد قالي

ذوق : هذا كلام قبل بس مدري هاللحين

البندري: اذا بيطلع بطران مثل بو لوجين عادي

ذوق: ههههه تتحلمين

البندري : ههههههه

%%%%%%%%%%%%%%%%%%%%%%%%%%%%%%%%%%%%%%%%%%

السعوديه – الرياض

ببيت لوجين بالعلياء .... اليوم الثاني ..

ذوق : هلا ماما كيفك

ام ذوق : كويسه حياتي انتي كيفك ..

ذوق : الحمدلله ...

مريم : لوجين ماقالك ولد عمك متى بيجوا

لوجين : لا والله مادري بس اكيد على وصول ..

ام البندري: انا وام ذوق بننزل ننتظرهم

نوره : حذوني معكم ...

نواره : ........................

لوجين تناظر المررايه للمره المليون : كي شكلي حلو

ام ذوق : تاخذين العقل ...

البندري: اهم شي راي ام مسفر وخواته

ذوق: حنا مانطلع صح

لوجين: الا ضروري تطلعون معي ابقابلهم لوحدي

ام البندري : لااااا كذا الاصول انتي لوحدك

البندري: بسم الله عليها لوجين محد بيناظرنا وهي موجوده

ذوق: اصلا مايحتاج كل هذا مسفر بيموت عليها

لوجين : بسم الله عليه

مريم: من هاللحين ههههههه

الجوري تفتح الباب : وصلوا وصل المعرس مع مسفر ..والشيخ معهم ...

لوجين: واهله

الجوري: مادري بدر يقول هو وابوه واخوه الكبير وبس

لوجين جلست على الكنبه باحباط : لاااااااا

ذوق: اجل ليه كل هالكشخه

نوره ام عبدالرحمن : كشخنا على الفاضي ..

الجوري ابحكي مع بدر بشوف يمكن يجوا ....

&

بو منصور : حنا نشتري رجال وانتم ترجعون لقبيله سنعه وماعلى ولدك كلام

بومسفر : تسلم هذا من طيب اصلك

بومنصور : لكن انتم عارفين ان بنتنا مدلعه ومتعوده على السفر والدلال ...

سامي اخو مسفر الكبير : وحنا بندلعها على اللي نقدر عليه

منصور بسرعه: توكلنا على الله اعقد ياشيخ

مسفر بينشق حلقه من الوناسه والابتسامات ..

دق جوال بدر (( جوري يتصل بك )) قام ورد بعيد : الو

الجوري: هلا .. ماجائوا اهله

بدر : لا وهاللحين بيملكون

الجوري: من غير لايشوفون العروس اهله ..

بدر : مو لازم دامهم بيتزوجون كذا والا كذا ..

الجوري: اوكيه باي

بدر بضيقه : الجوري

الجوري: ..........................................

بدر : ضروري ابغي احكي معك اليوم امس تركتك على راحتك ...

الجوري: بعدين انا هاللحين مششغوله مع لوجين ..باي ..

بدر : لا مو بعدين اليوم بتطلعي معي لبيتنا على طول مو بيت عمك

الجوري: لا مالي خلق

بدر : لاتخليني اتصرف معك تصرف مايرضيك ...

الجوري خافت : بفكر باي

سكرت السماعه بسرعه قبل لايصرخ عليها او يهاوشها ..
بدر يناظر الشاشه : حوبت كل بنات خلق الله اللي غازلتهم طلعوا فيك يا بنت عمك ...

&

الجوري: هم يملكون واتوقع ان منصور بيجيب الدفتر هاللحين

ام اللبندري: لووووووووووولللللللل

لوجين: ههههه وناسه

نواره اخيرا نطقت : على البركه لجونه تستاهلين

لوجين : الله يبارك فيك

نوره : انتظروا يوصل الدفتر ...

دق جوال لوجين ردت ذوق : الو

منصور : هلا لجون اطلعي معي الدفتر يالعروس

ذوق: اوكيه هذا هي طالعه ...- سكرت – لجون منصور يجتريك بره توقعي

لجون بسرعه طلعت

ام ذوق بعصبيه : ذوق .. ليه تردي على رجال غريب

ذوق: عادي ولد عم لوجين

ام ذوق: ولو كان تركتييها ترد

نواره: يووووه خالتي وسعي صدرك ...

ذوق تنرفزت وسكتت من تطلقت وامها ليه ركبتي مع هذا وليه حكيتي مع هذا .. وقبل وهي بنت عادي (( حسبي الله عليك ياعادل ))

&

لوجين: وين اوقع هنا

منصور : لا تستهبلين يعني اول مره تزوجين

لوجين: خلني اوسع صدري هذي المره غير ... لانها ان شاء الله اخر مره

منصور بعد ماوقعت : على البركه منك المال والعيال

لوجين انقهرت : فيه البركه ... انزل قبل لاذبحك

منصور: هههههههه ابوي يبغى يشوفك مو تنسي ..

لوجين: انا ابغى المعرس مابغى ابوك

منصور : وقحه جد

نزل وهي دخلت ترقص ماهتمت لكلامه

نواره تدق على الطاوله القريبه وتغني (( عروستنا ويااااا محلاها ...))

ام البندري: على البركه

ذوق تضمه : اللللللللللللللف الف مبرك

الجوري والبندري ركضوا مع بعض وضموها : مبررررررررروك

لوجين: الله يبارك فيكم ههههههههههه وناسه ...

نواره بعدتهم كلهم بدفاشه : ابعدوا انا سبشل ..

ضمتها ورفعتها معها : مبروك

لوجين: هههههههه عقبالك

نوره: لا انا العانس بتاعتكم ..

ام عبدالرحمن: لا انتي مططربتنا ونصيبك فريب ان شاء الله

نواره: ولدك عبدالرحمن هههههههه

اللكل: ههههههههه

&

بومنصور : بكره ان شاء الله الخطوبه واعزموا من تحبون ...

بو مفر : ان شاء الله والعرس بعد شهر لان الولد مستعجل

مسفر : ايوه ياعمي ...

بو منصور : ان شاء الله تم ...

طلعوا كلهم ومابفى الا منصور ومسفر ....

مسفر : وينها ..؟

منصور : خلاص لبكره الخطوبه

مسفر يدق عليها : والله صبرت شهور علشان تقولي اخرتها لبكره

&


دق جوال لوجين

لوجين: مسوسي دق

البندري: يووووووووه كنا بروديي و بدوي صرنا بمسوس ي

لوجين ترد : هلا وغلا هلا بمسوسي

مسفر : ههههه هلا فيك على البركه واخيييييرا يالوجين واخير

لوجين: ههههه الله يبارك فيك ..

مسفر : بسرعه انزلي مشتاق لك ..

لوجين: طيرررررران

تركتهم ونزلت

مريم: هههههه الله يهنيها وعقبالكم يابنات

نواره وذوق ناظروا بعض كل وحده ماتبغى تتزوج الا اللي تتمناه ...

&

لوجين بدلع : مسوسي مبروك

مسفر : الله يبارك فيك عقبالك

لوجين: هههههه حلوه لاتعيدها

مسفر : اليوم احلى يوم بحياتي ياحياتي ياقلبي ياعمري

لوجين: ههههههه

منصور : احم احم

لوجين: اوه منصور نعم بغيت شي

منصور : مبروك يابنت عمي

لوجين: تسلم ..عقبالك

منصور : ان شاء الله ... يله اتركم مع بعض ابروح انااااااااااااااااام ..

مسفر : الله معاك

منصور : تبغونها من الله

مسفر : ههههههههه

لوجين: الحمدلله فهمتها ..

منصور طلع وهو مرتاح الضمير اللي راح علشانه نفذه خلاص يقدر ينام هاللحين ...

%%%%%%%%%%%%%%%%%%%%%%%%%%%%%%%

بدر يدق على الجوري وهي جالسه سوالف ومندمجه

على جنب
نواره: جور جوالك يدق

الجوري: طنشيه ..

نواره : يمكن بدر

الجوري: لا انا عارفه مين طنشي

نواره: بدر صح

الجوري: نواره وش فيك اليوم مثل العجوز الحنانه

نواره : بدر طيوب وحبوب وشكله يحبك انتبهي لاتضيعينه من ايدك مثلي غبيه

الجوري كانت محتاجه مثل هالحكي لانها متردده ..

نواره: والله لو يرجع الزمن لورى شوي كان ماتركت طلال دقيقه ..قبل لاينساني

الجوري: يعني احاكيه ...

نواره: اكيد م

البندري ترمي المخده الصغيره : وش عندكم اسرار

نواره والجوري: هههه مالك دخل

البندري تقوم لهم : لا انتم طايحين على شي

مريم: خليهم جاين مع بعض داقينها صحبه

البندري: لامو علي

ام ذوق : هههه ايوه مو على زوجة ولدي الغاليه

مريم: اذا كذا مانقدر خلاص احكولها يابنات ..

نواره: والله لو تموتين اجل هذا وانا اخر من يعلم

البندري غضت شفايفها : اسكتي

نواره: تهبلين بكل شي يا ..هههههههه

البندري: كلي تبن

الجوري وذوق : ههههههههه

نوره ام عبدالرحمن : وش فيكم فهمونا

الجوري: مافي شي بس يستهبلون ...

مريم : الا يابنات بكره من وين لكم فساتين

نواره: من لوجين تقول عندها فستان لكل وحده هديه اشترته مع مسفر قبل لاتنت ... – سكتت -


ام البندري: متى مع مسفر هي شافته من قبل

البنات ناظروها ودهم يذبحوها

ذوق : قبل لانجي وكان معهم منصور .. انتي عارفه ياخالتي لوجين يتيمه ومالها الا عمامها ...

مريم : الله يوفقها ويستر عليها البنت هذي طيبه

نواره : اكيد هذي لجون – قربت من اذن الجوري وهمست لها – يله دقي عليه ...

البندري جلست بالنص : وش قلتيلها

نواره همست باذنها : يام راشد اعقلي

البندري : انقلعي ...

الجوري خذت جوالها وراحت لغرفتها اللي ببيت لوجين لانها حاطه لكل وحده غرفه ... قفلت الباب .. وجلست تناظر الجوال بالظلام تدق والا لا .. فجاءه دق .. قفزت وقلبها يرجف (( بدر يتصل بك )) ... ارد والا لا ...

من جهة ثانيه كان بدر جالس بالقهوه مع الشباب يحاول ترد عليه ومافيه امل كان مو معهم متضايق مره ... دق وهو ياس من ردها فجاءه سمع صوتها الناعم : الو

بدر بلهفه : الو الجوري ....

الجوري : ايوه نعم ..

بدر : ابمرك هاللحين اطلعي ..

الجوري : لا الوقت متاخر ومايصير ادخل بيتكم هذا الوقت

بدر : هو بيتك بعد .. تجهزي بمرك في كلام كثير بحكيه لك ..

الجوري : قول اسمع انا رجعه معك اسفه ..

بدر : ابغى اعرف ليه فجاءه تغيرتي وش قالت لك دانا الزفت ..

الجوري: يعنيي تعترف انك تعرف دانا ...

بدر : قلتلك حكي كثير لازم تعرفيه وماينفع بالتلفون ..

اندق الباب نوره ام عبدالرحمن : يله مشينا يالجوري

الجوري: انتم روحوا انا ببات عند لوجين

ام عبدالرحمن : لا مايصير بدر يفكرك عندنا

بدر كان يسمعهم : ايوه لاتنامي الا ببيت عمك لوجين عندها ولد عمها ماينفع

الجوري: خلاص نوره انا بحكي معه

نوره: زين يله مع السلامه اشووفك بكره ..

بدر : قولي لها تنتظر وروحي معها ..

الجورري: لا بجلس مع صحباتي ولا تخاف مافيه رجال بالبيت ..

بدر وقف لعند سيارته : اوكيه يله باي

سكر من غير لايسمع ردها .. انقهرت منه ..
رمت الجوال وطلعت ترقص وتنبسط وهو مثل ماسكر بوجهها بتطنشه ..

نواره تصفق لذوق اللي ترقص مصري : عاشوا عاشت ...

ام البندري: الجوري ارقصي معها

الجوري : بس ماطلبتي يالغاليه ياجدة الغالي

مريم : تسلمين – على بالها مشاري ولدها –

ذوق والجوري يرقصون على (( وحده وحده )) و فالينها ..

البندري جلست بجنب امها ومسكت ايدها وحطت راسها على كتفها امها استغربت وكان حد كات عليها مويه بارده : وحشتيني يمه

ام البندري غرقت عيونها : وانتي اكثر ..

مريم ابتسمت ....

ام ذوق : ذوق يله ابوك يقول يله

ذوق : مع بابا لا ماني براكبه ببات هنا

ام ذوق : لاحول ولاقوة الا بالله

مريم : اطلعي يابنت عيب

ذوق وقفت رقص : ترى والله بدخل هاللحين ولا عاد اجلس معكم سكروا الموضوع ..

البندري تناظر بعيون امها وبهمس : غبيه ماحست بقيمة الوالدين ..

ام البندري : مصيرها بتعرف يا امي ويا حبيبتي ..

مريم : يمه يله طلع اسمنا محمد دق

ام البندري : يمه البندري تعالي معنا

البندري : ان شاء الله

اندق جرس الباب ..

ام ذوق : اكيد هذا سندار .. يله ذوق

ذوق : سندار على بالي انو بابا

الشغاله : وين هذا الجوري ..

الجوري : نعم

الشغاله : في واهد بره يقول يبي الجوري

الجوري : واحد مين

ام ذوق : اكيد انه بدر ..

الجوري : اوكيه بنزله هاللحين (( على باله بحركته هذي بيحرجني بس والله لاتشوف اذا ماوريتك ))

البندري واهلها طلعوا للبيت وذوق واهلها بعد طلعوا .. بقي لوجين ومسفر في المجلس سواليف .. والجوري نزلت لبدر ونواره دخلت غرفتها تنام ...

الجوري : نعم مو انا

بدر مسكها من ايدها بقوه : تعالي معي

الجوري سحبت ايدها : مابغى وطلقني

بدر ناظرها وهو ساكت .. اطلقك وانا كل نبض بقلبي يتبض باسمك

الجوري خافت من نظرته : بدر خلاص ليه نضحك على بعض م

بدر سحبها من ايدها لاقرب كنبه : تعالي ابفهمك كل شي ..

الجوري بقلة حيله جلست ..

بدر : اسمعي اماني هذي اللي على بالك صاحبتك هي نفسها دانا ..

الجوري تنرفزت : رجع وقال دانا

بدر بعصبيه : اسمعيني للاخر .. لو تذكري الصور وتسجيل الفديو اللي كان معي وفيه انتي .. ورقمك وغيره من اخبارك وانتي وين واجي لعندك ... اكيد تسالي من وين صح ... .؟

الجوري نزلت دموعها : سالت نفسي كثير .. وما

بدر قاطعها : من هذي اللي اسمها اماني .. هي نفسها دانا ...كانت خويتي من قبل

الجوري : اماني .؟؟؟؟؟؟؟؟؟؟؟؟؟

بدر : ايوه اماني .. كذبت عليك حتى باسمها وكانت تجيب لي اخبارك اول باول واذا مانتي مصدقتني اسالي طلال .... ومن غير لاتساليه ابسالك وش معنا بعد الحادث قطعت صلتها فيك ولا حكت معك ..

الجوري: لا حكت قبل امس

بدر : لانها عرفت اني تزوجتك من مروان واحد من الربع .. ونط عندها عرق الغيره منك .. لانها ماتحبك

الجوري شهقت بالبكي : ليه وش سويت لها

بدر : ماسويتي شي انا السبب من البدايه

الجوري دفته : انت السبب بكل شي . اكرهك يابدر اكثر من اي فتره مضت ...

بدر وقف : تكفين الجوري خلاص تعبت وانا اسمعها .. متى بتحسي متى ..؟ - عصب مره سحبها من ايدها بقوه – تعالي معي عجبك والا كيفك ..

الجوري : اتركني ماني بر

بدر سحبها بقوه : الجوري تعالي معي بالطيب ازين لك ولي ..

الجوري خافت : اجيب العبايه طيب

بدر وشياطين الدنيا تقفز بوجهه : يلللللله

الجوري ركضت لفوق تجيب العبايه ...

نواره كانت جالسه بالصاله تناظر مسلسل اسوار ... : تعالي الجور مسلسل جناااااااان جرياء و

انتبهت بدموع الجوري راحت لها بسرعه : جواره وش فيك ..؟

الجوري : عبايتي ابغى العبايه ..

نواره : وش فيه بدر فيه شي رنده ورناد صاير لهم شي

الجوري: لا – ضمت نواره – يله باي .. سلمي على الجوري

نواره بعدت عنها معصبه : وجع ان شاء الله كانك تودعين انطقي وش فيه

الجوري ترتجف : مابغاه مابغى اروح معه معصب والله خايفه

نواره : خايفه ليه انتي وش مسويه

بدر يصرخ : الجووووووري

الجوري لبست العبايه : باخذ عبايتك اوكيه

نواره : اوكيه ..؟؟؟؟؟؟؟؟؟؟؟؟؟

نزلت الجوري بسرعه

بدر : يله قدامي ...

مشت الجوري ساكته وهي ترتجف ..

عند السياره

بدر : غطي شعرك

الجوري من خوفها غطت وجهها كله ...

%%%%%%%%%%%%%%%%%%%%%%%%%%%%%

البندري دخلت للبيت ولحقت امها لغرفتها .: يمه يمه

ام البندري مبتسمه : هلا يمه بنو ..

البندري سكرت الباب : ممكن احكي معك شوي

ام البندري : اكيد ياقلبي من عيوني

البندري جلست على السرير ..: يمه العبي بشعري مثل قبل يوم انا صغيره

ام البندري جلست بجنبها واشرت على فخذها : تعالي يمه حطي راسك هنا ..

البندري طفت الانوار بس تركت نور الابجوره وتمددت : يمه ممكن اسالك سوال

ام البندري: اكيد ياحياتي تفضلي ..

البندري : لما حملتي بمحمد اخوي وش كان احساسك وهو اول طفل

ام البندري: يوووه وش اقولك انا وابوك كنا نموت ببعض وانبسطنا فيه .. وكنت احس اني اول مره لازم هتم بصحتي ونفسي علشانه ..

البندري : وابوي وش سوى ..

ام البندري تنهدت بضيق : كان طبعا غير عن ابوك اللي بعد ماولدت تهاني .. – ابتسمت – انبسط كثير وشرء ل الهدايا والالعاب وانا بالشهر الثالث

البندري جلست : يمه انتي تحبيني

ام البندري : والله انك اخر العنقود سكر معقود .. انتي حبيبتي انتي ..

البندري بدون مقدمات كذا فجاءه ضمة امها بقوه وبكت : يمه

ام البندري: يمه حبيبتي وش فيك ..

البندري دموع ها تجاوب عنها

ام البندري تضم بنتها وخايفه عليها : حياتي يمه بنيتي وشفيك ... توك حبوبه وش صار ...

البندري : يمه يمه ..

ام البندري شاب شعرها اكثر : يمه تكفين انطقي قوليلي وشفيك ..

البندري: رائد يمه رائد

ام البندري نزلت دموعها من خوفها على بنتها : وش فيه

البندري: يمه

ام البندري بكت لبكي بنتها : واللي يسلمك البندري لاتسوي بنفسك كذا

البندري : يمه انا حامل

ام البندري وكان حد صاب عليها مويه بارده : كيف ..؟

البندري: ..................

ام البندري تبعدها شوي : يمه بنتي حبيبتي فهميني حبه حبه

البندري تاشر على بطنها : يمه هنا ولد رائد يمه هنا قطعه من قلبي رائد .. يمه هنا ولد عزوتي وتاج راسي ... يمه ولد الغالي بحشاي ..

ام البندري : هو دخل عليك ...؟؟؟؟؟؟؟؟؟؟

البندري هزت راسها بضعف وضمت امها بقوه : يممممه
محتاجتلك يمه لاتتركيني

ام البندري ضمت بنتها من قلب هذا اللي كانت تتمناه تنرمي بنتها بحضنها وتقولها محتاجتلك بس ماتمنتها بهالظروف ... : بس يمه بس .. انا بجنبك ومعك ..

البندري بكت بحضن امها مثل الطفل كانت محتاجه هالحضن الدافي من زمان وهي حرمة نفسها منه ... : يمه رائد مادرى ماني عارفه وش اسوي .. مايرد علي انا خايفه عليه ....

ام البندري : الله كريم يابنتي الله كريم ..

نامت البندري بحضن امها بعد ماستفرقت كل دموعها فيه ..

غطت ام البندري بنتها وضلت تناظرها حرام طفله مو قد كل اللي عيال من هاللحين

ضلت تناظرها وتناظرها وهي تفكر بهذا الطفل وش راح تقول الناس جابت ولد من خطيبها ... هي وش ماخذه من كلام الناس ياما وياما قالوا عليها كلام وهي بالسجن وبعد ماطلعت منه ...
ضلت ضامه بنتها وهي نايمه بحضنها ....

%%%%%%%%%%%%%%%%%%%%%%%%%%%%%%%

بدر لحد ماوصلوا معصب : انزلي ...

الجوري نزلت وهي ساكته ..

رنده ورناد جالسين بحديقة البيت يلعبون الشيش ...

رنده : اوه جواره وصلت ...

رناد تفصخ غطى الراس : جوجوووووو

الجوري لفت عليهم وعيونها حمراء : هاي

رنده ورناد ركضوا لها : هاي

الجوري: كيفكم

رنده: ليه عيونك حمراء

رناد : ليه تبكين

الجوري بلعت ريقها : ملكت صديقتي اليوم

رناد: اها نواره

رنده : لا اكيد ذوق

الجوري : لا بنت راشد الكاسر لوجين اللي حكيت لكم عنها ..

رنده ورناد : لوجين الكاسر

الجوري: ايوه وتراكم بكره معزومين على خطوبتها ..

رنده ورناد : حنا

الجوري: كلكم حتى ام سعود ولمياء

رنده : ونااااسه

رناد : والله لاقول لكل صحباتي

بدر : ليه مو نايمين لهالحين ..؟

رنده : هههههه ينكت

رناد : شكله

بدر : احترمي نفسك انتي معها واحكوا كويس

رنده ورناد تجبسوا وتغيرت وجيهم

رنده : اجازه ماننام بدري

رناد : ماما عارفه ..

بدر ابتسم على اشكالهم الخايفه : اوكيه وين امي ..؟

رنده : كلهم داخل

رناد : الجور تعالي قولي لنا من اخذت وكيف ملكتها ..كشخه

الجوري توها بتنطق

بدر : الجور على قولتك تعبانه وبتنام .. وانتم دخلوا ناموا بدل الشيش اللي ماله داعي

رنده ورناد عفسوا بوجههم ومشوا يمسكون السيوف ويكملوا لعب ...

الجوري دعت ربها ماتشو ف احد بوجهها مالها خلق احد ...

ام سعود بشفايفها المنفوخه سلكون والشورت القصير : الحمدلله على السلامه يام حسام

الجوري دق قلبها بسرعه اكيد ام سعود بعد ماعرفت من ابراهيم كل شي بتستقل الفرصه وهذا بدايتها ام حسام ...
مسكت ايد بدر وصارت وراه تقريبا كانها تحتمي بجسمه من ام سعود : الله يسلمك ..


بدر استغرب من ردة فعلها ليه خايفه م ام سعود المسكينه صار عندها فوبيه من كل العايله ..

ام سعود : ها بدر تعشيتوا ..

بدر : لا .. ارسليه لنا فوق .. بالاذن

ام سعود: امك تحتريك مارضيت تنام الا لما ترجع ودام ان ام حسام الجوري معك اطلعوا لها مره وحده

الجوري شدت على ايد بدر : ومن قالك اني ام حسام

ام سعود : وش فيك تزمرين عادي طبيعي انك ام حسام لان بدر بسم الله عليه من صغره بو حسام

بدر : لا حنا العيال شايلينهم من القاموس – باس راس الجوري - نبغى نعيش شبابنا

ام سعود وجهها صار احمر من القهر قالت باستهزاء : والله مو بكيفك والا انت ودك ....

بدر : شقصدك

الجوري : يله بدر خالتي تنتظرك ..

بدر : اسمعي خلي الخدم يطلعوا العشاء لغرفتنا ... وكثري منه جواره جوعانه ماكلت شي من الصباح

ام سعود بدون نفس : طيب

بدر : وقولي لامي بمرها بكره هاللحين تعبان

الجوري مستغربه بدر يعامل ام سعود مثل الشغاله وهي ساكته وتسمع له ... معها حق بدر يخوف بلد ...

دخلوا للجناح .. الجوري قررت توقفه عند حده .. وهي من داخل ميته خوف ...: اسمع لاتضن اني رضيت اجي معك خلاص .. لا ياشاطر انا مالي رجعه معك لبريطانيا

بدر رفعها بين ايدينه ورماها على السرير يدغدغها : ليه معصبه طيب

الجوري :ههههههههههههههه
ههههههههههه – دمعت عيونها من الضحك – هههههههه خ .. خ..لا ..ص ..ههههههههه

بدر مبتسم : علشان تتادبي واذا قلتلك ترجعي ترجعي

الجوري: هههه ههههههه ب .. م ..و..ت هههه ... خ لا ص.. هههه

بدر : ماسمعت ..وش قلتي تموتين فيني

الجوري بتبكي من كثرت الضحك : ههههههههه ب.. د ..ر .. تك..ف..ى ى ...هههههه خ...لا ..ص ههههههههههه

بدر : قولي احبك واتركك

الجوري انصدمت : ههههههه ..

بدر زاد عليها : ها بتقولين والا كيف

الجوري : ههههههههه .. ا..ت..ر..ك..ن..ي ....هههههه ..وال..له ... ب . . ق ... و ... ل

بدر تركها وهي لحد هاللحين تضحك : ههههههه

بدر : يله انتي حلفتي قولي ......

الجوري ركضت : باحلامك ههههههه

بدر لحقها : باحلامي ها .. انا بوريك هاللحين ...

الجوري ركضت وطلعت بره الجناح الا بوجهها ام بدر اختفت ابتسامتها

بدر : ههههه تعالي ... يمه

ام بدر : مو راضي تمرني علشان تلعب مع زوجتك

بدر باحراج : لا يمه قلت امرك بكره احسن

تناظرللجوري : كيفك يابنتي ..؟

الجوري بلعت ريقها : الحمدلله ..

ام بدر : باكر ابغى اشوفك عندي من الصباح سمعت

بدر يبوس ايد امه : ابشري يالغلا انتي

الجوري دخلت بسرعه ووراها بدر

الجوري تفكر بصوت عالي وناسيه نفسها : يمه خفت شفتها بوجهي ..

بدر ضمها من ورى وهمس باذنها : جوارتي تجي ننسى كل شي

الجوري عرض ولا باحلامها عرض تتمناه من قلبها بس مشكلتها تخاف كل شي تخاف منه شخصيتها ماتتخذ القرار البندري تاخذه عنها ..بس لا لازم هذي المره تفكر كويس وتقرر صح

بدر بعد عنها بضيقه ..تاكد انه كان يتوهم المكالمه وانه ماسمعها كويس ...اكيد تكرهه وماتطيق وجهه : تصبحين على خير ..

تركها وراح لسرير عطاها ظهره ..

راحت لغرفتها المعتاده تفكر بكلامه ممكن تنسى كل شي ..(( يالله يالجوري انتي لهذي الدرجه حقوده خمس شهور مانسيتي .. شوفي لوجين بس قابلته مره ثانيه نست كل شي وسامحته وهي ماعاشت معه وكلت من طبخه او شافت شوشته اذا صحى من النوم .. ليه يالجوري ماتنسين انتي كذا تعذبين نفسك انسي لانه لو احد غيره كان من زمان تاركك اصلا كان مافكر يتزوجك .... خلاص ابنسى كل شي بس في اشياء كثير لازم اعرفها قبل ))


رجعت للغرفه وهي متردده فتحت الباب وبدر على وضعيته بس كان يرتجف .. .. كان يان ويرتجف .. خافت عليه قربت منه وقلبها يدق بسرعه : بدر

ناظرها شبه مغمض وقال بصوت مبحوح : الجوري محتاجلك ..

الجوري ارتعش جسمها من كلمته محتاجلك ...

بدر وجهه احمر حطت ايها على راسه كان حار مسخن مرره خافت : بدر

بكت : بدر حبيبي وشفيك
مانتبهت هي وش قالت المهم يرد عليه

بدر يحس بانه بيغمى عليه : الابره الابره

الجوري ناظرته مو فاهمه شي : اي ابره

بدر : الانسولين

الجوري تذكرت : ايوه وينها ..؟

بدر ياشر على الدرج ....

الجوري وقفت تناظره خايفه عليه ..

مد ايده لها : تكفين انسي كرهك شوي وعطيني الابره


الجوري بكت : وين هنا

بدر ياشر لها وهو يرتجف اصابعه كانت ترجف : ايوه

مشت الجوري لعنده وهي خايفه ومتردده بدر محتاجلها خذت الابره وعبتها انسولين : .كم

بدر : 25

الجوري عبتها وعطته اياه : ماعرف ماعرف انت

بدر اخذها وحقن نفسه ..

جلست الجوري بجنبه على السرير وحطت ايدها على ظهره : بدر ..

بدر ماقدر يلف عارف انها تكررهه وانها شمتانه فيه بس هو يحبها ويخاف عليها : تكفين الجوري – راح صوته - لاتزديها علي

الجوري لفته لجهتها ناظرها ووده يرتمي بصدرها ويبكي : بدر اذا انت لهاللحين عند كلمتك ننسى فانا من الليله زوجتك ...

%%%%%%%%%%%%%%%%%%%%%%%

اليوم الثاني

ذوق مع لوجين بالطياره متفقين مع مصفف لبناني ياخذوا منه الفساتين ويعمل لهم الشعر بظرف ساعات كانوا بلبنان ... ومتحمسين ...

ذوق : يله يالعروس علشان نلحق نرجع للمعرس

لوجين خايفه : غريبه احس اني خايفه وقلبي يرجف

ذوق : ههههه غريبه ياحليلك طبيعي

لوجين: والله ..؟ اول مره احس كذا

ذوق : لانها او خطوبه لك ...

المصفف: اهلا وسهلا تفزلوا

طبعا كانت لهم خدمه خاصه (( سبيشل )) ولو هاي بنت الكاسر ...

%%%%%%%%%%%%%%%%%%%%%%%%%%%%%%%%%%
السعوديه – الرياض

بقاعة فندق عايله الكاسر ...

البندري بالبيجامه : وينها الجوري تاخرت ..

نواره بالبيجامه : لا ماتاخرت حنا جينا بدري تو الناس 9 الصباح

البندري: آآآآآه لنا الله هم مصففين بلبنان وحنا ..حنان دشتي

نواره : اسكتي المصففات جوا

البندري: وانا صادقه هاللحين بتصير عيوننا كان حد مبكسها

نواره: حرام عليك والله ان مكياجها ياخذ العقل

ام البندري ونوره ام عبدالرحمن وام ذوق ومريم جالسين على وحده من طاولات لقاعه يفطرون سترول ودونات

ام البندري: بنو نواره تعالوا افطروا

نواره : وصل الفطور

مريم : ايوه محمد توه جايبه يله علشان تتجهزوا وتس تقبلوا الضيوف

ام ذوق سانده راسها على الطاوله وشعرها القصير متناثر حواليها : يالله فيني النوم ليه العجله

ام عبدالرحمن سايحه بالكرسي : لوجين الله يهديها من بعد صلاة الفجر وهي فاتحه القاعه وتقولنا روحوا

البندري: الله يوفقها

ام البندري: يمه البندري تعالي كل مو زين لك ماكلتي من اول ماقمتي

البندري : ان شاء الله يمه ..

مريم : يام رائد مافي اخبار عن رائد

البندري : ايوه خالتي ماحكى معكم

ام رائد: لا والله ماسمعنا صوته من سافرتي

البندري تتنهد : الله يستر

نواره تغير الموضوع : دقوا على الجوري تاخرت

ام عبدالرحمن : ماترد مادري وش فيها ..؟
نواره : ابدق على رند ورناد يشوفوا وش فيها ..؟

%%%%%%%%%%%%%%%%%%%%%%%%%%%%

الجوري صحت من النوم شافت بدر بجنبها نايم ابتسمت تموت فيه تعشقه ..

قامت تروشت تحس انها اسعد انسانه بالدنيا مرتاحه ...

اندق الباب فتح بدر عيونه بكسل ماشاف الجوري حوله ناظر الساعه .. الساعه 9 .. ابتسم وهو يسمع صوت المويه من الحمام

اندق الباب بقوه اكثر من قبل : مييييييييين ..؟

رنده : انا افتحوا فيكم شي

بدر طلع وفتح لها باب الجناح : صباح الخير

رناد : يلعن الرواقه صباح النور

رنده : وش هالرواقه على الصباح

بدر : آه يابنات انا احبكم

رنده ورناد ناظروا بعض : هههههه

بدر : والله من جدي احكي

رنده : دوم ان شاء الله

رناد: حنا بعد نحبك بس قول لجواره ان صحباتها حرقوا الجوال من كثر لايدقوا عليها وهي مطنشه

رنده : وانت حضرتك مقفل جوالك

بدر : ليه وش صاير ..؟

رناد تقلد بروده : سلامتك بس اليوم خطوبت صاحبتها واللكل هناك يبغوها تحضر ..

بدر : خلاص بقولها تامرون على شي ياحلوين ..

رنده : لا سلامتك بس مره ثانيه اذا فتحت الباب البس بلوزه لوسمحت

رناد : صح حنا عذارء

رنده : حلوه هذي عذاراء من مدبلج ماخذتها صح

رنده : لا لمة مدرسه الرياضيات هذيك

رناد: اي وحده الطويله

بدر : اقول الشرهه مو عليكم على اللي معطيكم وجه ...
سكر الباب بوجههم ..

رناد : شفتي قلة الذوق

رنده : ناس همج وش عرفهم تعالي بس تعالي نقايس الفساتين

رنده : مو تونا مقايسينهم

رناد : نسيتي فطرنا اكيد زدنا كيلو

رنده : آف يعني يبغالنا نوسعهم

رناد: ههههه حلوه شغله هي

رنده : انا ادري عنك هههههه

الجوري طلعت من الحمام : صباح الخير

بدر : صبااااح النور والطيبه صباح العسل والسكر .. صباح الجوري والمسك والكادي ...

الجوري ابتسمت وصارت خدودها حمراء

بدر رفعها يدور فيها : اقسم بالله اموت فييييييييييك

الجوري: هههههههه ..... بدر خلاص

بدر : اتركيني ياشيخه عذبتيني

الجوري: خلاص قلنا احبك

بدر نزلها : قالت احبك يابدر قلت مين قدي ..

الجوري: ههه ههههه منت بصاحي

بدر : شكلك مشتهيه جرعة دغدغه مثل امس

الجوري: لااااا لاااااا خلاص ابسكت

بدر ضمها : حياتي .. وش رايك تجلسين معي وبلاها خطوبت لوجين ..

الجوري: لا لا الا هذي بدوي لا ابروح

بدر : اممم ترجيني ..

الجوري : بدوي

بدر : خلاص اقتعت هههههه

الجوري: هههه تابرني شو رجااااال

بدر : بتروش على ماتجهزي

الجورري : ممكن استخدم جوالك ..لاني ماخذت شنطتي معي

بدر : الجوال وراعيه واهله كلهم تحت رجلينك

الجوري: لا محشوم ..

دخل بدر يتروش .. تنهد الجوري وهي مبتسمه : الله لايحرمني منك ... – دقت على نواره – هاااااااااي

نواره : نعم من معي

الجوري: هههههههه انا جوجو ..ولجو ..والجو ر

نواره : اموووت على الراواقه

الجوري رمت نفسه على السرير : آآآآآآآآه احبه

نواره : هههه حركات

الجوري: نواره امس احلى يوم بحياتي ..نواره انا مبسووووطه

نواره : دوم ياحبيتي .. علشان كذا ماتردي على جوالك

الجوري : لا والله مو كذا الجوال نسيته ببيت لجون .. نسيت انا حتى عبايتي عبايتك

نواره : صح كيف راحت عن بالي هذي .. بشري وش صار ذبحك بعد امس

الجوري : اتفلي من فمك يا شيخه ..

نواره: وين حكيك مابغى ومشعارفه ايش

الجوري: يووه عاد انا ماطحت الا بيدك انتي

نواره: ههه قدرك ونصيبك ونصيبك حيصيبك

الجوري : بعد تغنيها هههههه

نواره : لا يفوتك الاشكال اللي هنا انتي تعالي وشوفي ههههه مصخره

الجوري: ليه

نواره : لجون لشيخه مصحيتنا من الفجر وجرجرتنا على القاعه وحوسه وبالاخير هي سافرت مع ذوق للبنان

الجوري: لااااا سافروا وانا متفقه معهم

نواره : دقينا عليك مارديتي

الجوري: كل شي علشان بدوي يصير

طلع بدر من الحمام وهي لحد هاللحين بروب الحمام على السرير : جوارتي مالبستي ..؟

الجوري جلست بسرعه : انت خلصت بسرعه ..؟

نواره على الخط تسمع ومبسوطه على الحوار ...

بدر : ماجهزتي ها .. هاللحين اوريك

مشى بسرعه لعندها يدلدغها ..

الجوري : لا بدوري ههههههههه تكفى نواره ههههههه على الخط ..

نواره ابتسمت راح تفكيرها لبعيد ..

بدر : الو نواره خمس دقايق وتدق عليك

نواره: لا عادي خذوا راحتكم هههههه

سكرت وهي ميته ضحك وتدعي ربها ان الله يوفق الجوري ويعوضها ..

البندري : الحمدلله والشكر تضحي مع نفسك ..

نواره : والله اعلم والله اعلم دخلت الجوري كانت امس

البندري بحماس : جد كذابه هههههه

لفوا عليهم الحريم : وشفيكم

البندري: لووووووووووولللل عقبالك يانونو

نواره تذكرت طلال بس بسرعه بعدته عن تفكيرها ماتبغى هذي اللي تخربها على لوجين ..

&

بعد مرور 12 ساعه .. يعني 9 بالليل .. تقريبا ...

مسفر متكشخ بالبشت وواقف مع سامي اخوه وتركي صديقه ...

تركي : هذا زواجك والا خطوبتك

مسفر : والله مادري

تركي: هههههه صرتنا من عيال العز

مسفر : جد انت فاضي اهم شي اتزوجها

تركي : عقبالي باغنى منها

مسفر : انت وعارف اني اموت فيها تقول كذا كيف الغرب ..

تركي : هههه امزح معك

منصور : على البركه مسفر منك المال ومنها العيال

مسفر : تسلم الله يبارك فيك

منصور : ابعرفك على عمامها هذا - ياشر على ناس جالسين ونافخين ريشهم - عمي وائل .. وهذولا عياله سعد ومكرم ... اما هذولا اخواني صقر ونايف ... وهذا عمي طارق وعياله سلمان ونصر ومحمد ..

مسفر يهز راسه ويبتسم وهو مو مركز ...ومو معهم اساسا ..

&

ام البندري : هلا والله هلا ..... ياحياء الله ام مسفر هلا بالخير كله ..

ام مسفر مبتسمه : تسلمين يام محمد عدل

ام البندري: لا ذاكرتك ماخانتك ام محمد عدل ..

ام مسفر : يله يابنات ادخلوا ..

نواره بفستانها القصير وشعرها الغجري : هلا رنونه كيفك

رنا مبهوره بالمكان هذي ملكة اخوها جد : هلا كيف انتي

نواره: الحمدلله .. هلا العنود شخبارك

العنود بمرح : تمام وانتي وكيف عروستنا نبغى نشوفها ..

نواره : تعالوا معي ...

راحوا معها لداخل ...

لوجين واقفه قبال المرايه بفستانها الذهبي المخصر عليها مره ومفصل جسمها المتناسق والطويل مره ..مع فتحه من اول الفخذ لاخره ورافعه شعرها شنيون بخصل مبعثره وبوسطه اكسسوار ذهبي يبرق : وشرايكم اجنن صح

رنا والعنود افتحوا فمهم من حلاها كيف اخوهم ..

نواره : احم احم لجونه حمواتك هنا

لفت عليهم لوجين مبتسمه : هلا

العنود تناظرها من فوق لتحت : هلا ..

ذوق : هلا رنا..كيفك ..؟

رنا: كويسه وانتي .. اوه قصيتي شعرك ليه حرام

ذوق: تغير ..

لوجين: العنود وش رايك بالفستان ..

العنود : حلو ..

لوجين تحاول تتقرب منها لان مسفر قالها انها بنفسيه محطمه : طيب والشانيون حلو . . بيعجب مسفر ..

العنود: والله مدري

لوجين : بس مسفر يقول انك مثل ذوقه وقريبه لشخصيته

العنود حست انه ماله داعي كل هالحزازيات كانت تسوي كل هذا علشان الريم والريم هاللحين ماتفكر تحكي معها ..: اكيد بيعجبه ..

لوجين: جد .. الله يطمنك مثل ماطمنتيني ...

العنود : الا كيف اتفقتوا على الزفه

لوجين : امم انا ومسفر بندخل مع بعض بس مو مش

قااطعهم دخول الجوري : نواره هنادي بنت عمك قالبه القاعه عليك وعلى رنا ..

رنا : يالله نسيت قالت انتظري عند المدخل بالاذن ...

طلعت رنا ..وبعدها ذوق ونواره وتركوا العنود مع لوجين متقصدين

%%%%%%%%%%%%%%%%%%%%%%

الفصل الثالث والاربعين

بالمستشفى ..

راكان : ولو ياطلال تصرفك غلط ليه ماعطيتها فرصه انت الغلط مو هي احمد ربك انها جئت لعندك

طلال: انا اللي صار معي فتح عيوني على اشياء كثيره انا ونواره ماننفع لبعض ..

راكان : لاااااا من متى ..؟

طلال : اول شي بذمتك قولي من بيفهم ابوي يروح يخطبها وامها مثل مانت عارف وابوها مايحتاج اقولك ... وش اقوله هي غيرهم

راكان تكتف : لا هذا حكي جديد .. مو انت تحبها مفروض توقف بوجهه

طلال: وعماتي وخالاتي بيرضوا يقابلوا امها اللي استغفر الله

راكان : عادي ليه مايقابلوها اذا كان ولدهم اللي خاطب مثل طينتها وكان صديقها بيوم من الايام

طلال : احلف انا رجال ومايعيبني شي ..

راكان: اهاااااااا رجال لاوالله ونعم الرجال

طلال: اذا بتتريق انقلع بره ..

راكان : اسمع ياطلال نواره نست كل شي وتركت السعوديه علشانك وبالاخير تقول كذا انت كيف تفكر ومن متى يهمونك عماتي وخالاتي اصلا من متى وانت تسال عن رضى عمي حمدان ياطلال انا عارفك مثل نفسي

طلال تنهد : حتى لو كل هذا راح ماقدر اتزوجها بكره بناتي من بيتزوجهم وجدتهم كذا .. لاتقولي كل رز وله كياله ..انا ماني مستعد اخلي عيالي يمشون موطين الراس

راكان احتقر طلال : هذا وانت عارف البنت واخلاقها ... اذا هي وافقت عليك اصلا لانك انت والله اللي مفروض تمشي موطي الراس

طلع معصب ..

طلال ((يالله انا صح والا غلط .. ياربي وش اسوي ..؟ ))

%%%%%%%%%%%%%%%%%%%%%%%

(( بالخطوبه ))

لوجين : انا عارفه يالعنود انك ماتستلطفيني بس وش رايك تحاولي .. انا وانتي نحاول لاننا بنعيش بعايله وحده

العنود مستغربه من صراحتها : لا عادي ..مابيني وبينك شي

لوجين : يعني بتعتبروني مثل اخت ثالثه لكم

العنود: ايوه ليه لا

لوجين: وناااااااااسه مره تسلمين ياحماتي

العنود ماتوقعت لوجين مغروره فكرتها مغروره وماهي بشايفه احد طلعت احب من الريم : اقول لوجين وين عامله مكياجك

لوجين انبسطت : حلو صح ..؟

العنود : ايوه

لوجين: عاملته بلبنان اليوم الصباح رحنا انا وذوق بالطياره ومارجعنا الا من ساعتين ماتتصورين كيف عذبن يالمصفف

العنود: وليه تمشورتوا كان عملتوه هنا

لوجين: كان الاتفاق ذا بس نوره ام عبدالرحمن بعرفك عليها بعد شوي اقترحت اني اكون مميزه

العنود: ايوه صح فكره حلوه

وضلوا سواليف وكانهم يعرفوا بعض من زمان

&

نواره : يالله شوفي الوقحه جائيه لهنا

ذوق: مين ..؟

نواره: حرم الدكتور عادل ..الريم

ذوق باهتمام: وينها الشاذي ..؟

نواره: هناك شوفيها مبسوطه بحالها بهذا الفستان البيج

ذوق: جد وقحه وش مجيبها

نواره: هذا وهو مطلقها والا يعني شوفوا انا تزوجت غيره ..

ذوق: آآآه ودي اقتلها هي مع زوجها المكسر بالمستشفى

نواره: اصبري والله لاوريك فيها ..

&

الجوري ماسكه التلفون تحكي مع بدر : لا بدوي اذا رجعت بتشوفه

بدر : لااااااا متى اطلعي هاللحين اشوفك

الجوري: بدوي ماينفع ..

بدر : اوكيه ناويه تزعليني

الجوري: بدووووووي بليز

بدر : خلاص خلاص اذا رجعتي .. ماقلتيلي كيف رنده ورناد ولمياء مبسوطين

الجوري: ايوه مره حتى الميرندات يرقصون

بدر : من ..؟

الجوري: رنده ورناد حنا نسميهم الميرندات

بدر : ههههههه والله راكب لهم ...

الجوري: ههههههههه فضيعين

ام ذوق مرت من عندها تاشر بدر .. الجوري هزت راسها .. ام ذوق سوت لها اوكيه وضحكت وتركتها ..

&

البندري جالسه عند امها ماتحركت : يمه بطني يالمني

ام البندري: لازم يمه تحركتي كثير

البندري: لا والله مو كثير حتى اني ماطلعت فوق لعند لوجين وماشفتها ..

ام البندري: يمه ادق على محمد ي

البندري قاطعتها : لاااااا لااااا مايحتاج شوي ويروح ..

ام البندري ابتسمت : والله وصرتي ام هههه

البندري: وعرفت قيمتك يالغلا كله ..

&

لوجين تناظر الساعه : باقي ساعتين على الزفه ومسفر بيجي هالحين

العنود: متوتره صح ..؟

لوجين: ياويلي بطني ماغصني وقلبي بيوقف – مدت ايدها – شوفي كيف ارجف ..؟

العنود: لازم ... اسمعيها مني لاتخافي خطوبه هينه مو مثل العرس ...

لوجين : تهقين مسفر وش يفكر فيه هاللحين

العنود: ههههه فيك اكيد هو طول الوقت انتي بباله كيف واليوم خطوبتكم

لوجين متوتره : هاللحين بيجي صح

العنود : ايوه قال خمس دقايق وهو واصل

لوجين : ياويل قلبي م

انفتح الباب فجاءه ..لفوا ثنتينهم ..

لوجين والعنود : الريم

الريم بفستانها البيج العادي او الاقل من عادي مشت بغرور لوسط الغرفه : لا يالعنود داقتها صحبه وسواليف هذي اللي اخوك تركني علشانها

لوجين : نعم خير ..تفضلي بره

الريم : مو قبل مابارك لك

العنود : الريم اقصري الشر واطلعي خلاص انتي تزوجتي اتركي مسفر يتزوج

الريم : وانا وش قلت ...؟ جايه ابارك حرام ..واقدم الهدايا بعد

العنود: مشكوره خلاص روحي مسفر يبجي بعد شوي

الريم بغيره واضحه ناظرت لوجين من فوق لتحت : بيجي يشوفك كذا ..

لوجين واثقه من نفسها بزياده هي عارفه مقدار جمالها : هههههه ليه مقهوره ...؟

الريم: لا انا مقهوره من قال ..
رجت علبة البيبسي اللي بيدها وفتحتها وكتتها على وجه لوجين : قولي لرجلك مو اخت نهار اللي تنعاف

لوجين والعنود شهقوا ..طلعت بسرعه وسكرت الباب بقوه

لوجين صرخت : ايش هذا ..؟

العنود لحقتها : يالغبيه وش سويتي انتي كيف تفكري

الريم : تستاهل احسن بنت الشوارع اللي ماترب

جاءها كف على وجهها من العنود : انطمي ياقليلة الذات انتي اللي ماتربيتي جد عمي ماجاب عيال ..

الريم مشت بسرعه لبره قبل لايشوفوها البنات ويتولوها ..

رجعت العنود للوجين المنهاره بكي : شوفي ايش سوت اخترب كل شي

العنود : لاتخافي يالوجين كل شي يتصلح

لوجين رمت نفسها على الكرسي : شوفي شوفي كيف كل شي خرب الفستان الشانيون الميك اب .. يالله وين نواره ..؟

العنود : هاللحين بناديها ان شاء الله

اندق الباب بهدوء ..

العنود: يمكن هي ..

لوجين: لا اكيد هذا مسفر انا متاكده تكفين العنود لاتخلينه ي

وقبل لاتكمل حكيها انفتح الباب وطل منه مسفر بالبشت وحالق

لوجين غطت وجهها وزادت بكي : لاااااا

مسفر ناظرها وناظر العنود ..مستغرب

العنود: الريم الغبيه كتت عليها البيبسي

مسفر : كيف ..؟

لوجين : اطلع بره اطلع لاتشوفني كذا

مسفر تقريبا فهم وش صار راح لعندها : لجونه ناظريني ..

العنود طلت بره تتركهم على راحتهم او بالاصح تخبر البنات

مسفر رمى البشت وجلس عند رجلها : ليه لاتبكين احبك بكل شي عادي اتركيها تعمل اللي تبغاه انا لك وانتي لي هذا اهم شي

لوجين : الحقود خربت شكلي

مسفر : طيب وريني يمكن مو خربان بالمره

لوجين رفعت ايدها ودمعاتها بعيونها

مسفر يبوسها بخدها وانفها وكل شي بوجهها : احبك لو عليك مبيد حشري ..

لوجين ضحكت والدمعه بهدبها : ههههههههه

&

نواره : كيف ..؟

العنود: هذا اللي صار ومسفر معها هاللحين

ذوق بانفعال : هذي كيف تفكر الحقيره

نواره : الله لايوفقها وانا اقول ليه مشيت بسرعه لبره

ذوق: والله لو اشوفها اللعن خيرها

العنود سكتت ماترضى على بنت عمها لكن معهم حق

نواره وذوق بسرعه طلعوا لهم فوق ..

رنا : وشفيكم ..؟

هنادي : ليه مرتبكين

العنود: الريم المجنونه

رنا: الريم وش فيها ..؟

ام مسفر : وش صاير يابنت وش فيكم

العنود: يمه الغيبه بنت عمي الريم كتت على لوجين البيبسي

اللكل : هاااااااه

&

ام ذوق تتمشى بين الحضور نافخه ريشها كانها ام العرووس اكيد دام ان بنت الكاسر تعتبرها مثل خالتها وش تبغى بعد ...
سمعت وهي ماشيه ..لمياء وام سعوج يقولوا

لمياء : ها يام سعود دوري لبدر وحده

ام سعود: نبغاها احلى من الجوري علشان تحطمها ..

لمياء : هههههه تستاهل المغروره

ام سعود: اجل بدر ينحرم من العيال علشانها .. قولي كيف بنقنعه ..؟

لمياء : لاتخافي امي متوليه المهمه الاساسيه

ام سعود: وش رايك بهذي ام الرمادي

لمياء : لااااا وين الزفت الجوري احلى

ام سعود: نسال خطابه ونعطيها المواصفات ...

ام ذوق انصدمت من اللي سمعته راحت تدور الجوري بسرعه ..

&

الجوري : لا والله بدر من جدي ماحبه

بدر : ههه هههههه يعني معك فوبياء دكتور الاسنان

الجوري: بدوووووي لاتتريق من جدي اخاف منهم ..

بدر : ليه وش السبب ياقلبي ..؟

الجوري: مادري يمكن لاني اموت على الحلويات من صغري ..

بدر : اكثر مني ..

الجوري بنعومه : لا طبعا ...

بدر : وانا احب واعشقك واموت فيك

الجوري: ههههههه

ام ذوق : انتي هنا لحد هاللحين ماسكرتي ..

الجوري انحرجت : لا احاكي وعد صديقتي

ام ذوق : علينا وعد اقول سكري من بدر والله ساعه وانتم تحكون ماعندكم بيت .. اللي يشوفك يقول مخطوبه

بدر : الله واكبر من هذي ..؟ اللي حاسدتنا

الجوري: هذي خالتي ام رائد ... احكيك بعد شوي اوكيه

ام رائد: بعد فيها بعد شوي

بدر : قوليلها تذكر الله حنا ماصدقنا

الجوري: ههههههه فشله يله باي

بدر : باي

ام ذوق : مشاء الله.. الله يدوم عليكم

الجوري: تسلمين ..

ام ذوق : اسمعي ام سعود ولمياء مو سهلين

الجوري: ها ..؟

ام ذوق حكت لها كل اللي سمعته

الجوري: هذا اللي كنت خايفه منه

ام ذوق : انتي مبته رجلك ..

الجوري: مادري ..؟

ام ذوق : اجل ارجعي احكي معه .. واسمعي زيدي من جرعة الحنان هذي الايام بزياده ...نوميه مغناطيسي بعيونك الزرقاء

الجوري: هههههه حركات ..... ام رائد خطيره ..

ام ذوق : افا عليك اجل كيف ثبت بو رائد

الجوري : بشوف الضيوف شوي بعدين بحاكيه ..

ام ذوق : هو بيدق اصلا ههههههه

تركتها الجوري ومشت ..

&

نواره وذوق فتحوا الباب بسرعه ...

مسفر : دقوا الباب المره الجايه

نواره : وش صاير

لوجين مبتسمه : خربت مكياجي ..

ذوق : ولا يهمك انا اضبطه لك ... واذا على الفستان نواره تروح لبيتنا وتجيب فستاني اللي كنت مجهزته لرجعتي من بعد شهر العسل مع عادل ..

نواره: الخسيسه القذره جد ناس ماتستحي

مسفر : كم ياخذ وقت تضبيطها علشان الزفه ..

ذوق : ساعه باقي معنا ساعه ونص يمدي لنا ساعه ..

لوجين : اكيد ..

مسفر يبوس ايدها : انتظرك هنا ابشوف كيف يحطوا المكياج

نواره: لا يازوج اختي انت بتدبر لي حد يوصلنا لبيت ذوق

مسفر : مالك الا ناصر

نواره : اذا كذا اوكيه

ذوق: في مشكله ..انا ماعرف اشتغل والمعرس على راسي

مسفر : لا انا المعرس هنا واذا قلت بجلس بجلس

&


الزفه ....

العنود كانت حاطه ايدها على قلبها كيف بيطلع شكل لوجين تحس بتانيب الضمير من اللي عملته الريم ...

اشتغلت موسيقى كلاسيكيه حزينه .. عراقيه ..
الناس كلها عيونها لاول الجسر .. لكن الاضاء تحولت للمسرح .. وتناثر الورد من السقف على الارض لحد مامتلت ورود المعازيم يناظروا الورد وحركاتها بالهواء وهي تدور جد ابداع

اللكل ساكت مبهور ..

مع الموسيقى الرومنسيه الحزينه نزل من فوق كرسي لشخصين فيه مسفر وبجنبه لوجين .. .. كان مثبت من فوق وينزل بهدوء وهم فيه

الجوري والبندري وذوق ورنا ورناد ورنده صفقوا وصارخوا

لوجين كانت ماسكه بايد مسفر ترتجف وخايفه ايدها كانت بارده مره .. ومسفر مع الموسيقى نسى الناس وكل شي حوله وعيونه على حياته لوجين ...

اخيرا طلع صوت نواره مع الموسيقى صوت رومنسسسسي مره
(( كون يمك ...
*الف هنيان اليوم اليوم ..
-غرقت عيونها تذكرت طلال -
*الف هنيان الليله انام يمك ...

*انا احبببببببببك ...
- دقت الجوري على بدر بسرعه تسمعه الاغنيه بدر ردد : الو لكن لماسمع انا احبببببك سكت –
*انا احببببببك
*واحب كل حرف باسمك ...
*مسفر ...

- مسفر ناظر بلوجين اللي ابتسمت له بشوق : والله احبك -
*كون ابوسك
*كون اضمك
-نزلت دموع نواره بس حاولت ماياثر على صوتها ..غمضت عيونها وتخيلت طلال قدامها .. -
* كون ابوسك
*كون اضمك
*كون اشمئك

*كون احط راسي على صدرك ..
*بلكي خدي يزيل همك ..

*ناري ماتطفى ولا نارك طفت ..
*وعيني قبل تبجي اذا عينك بجت ..

- نزلوا للارض والورد من حولهم ينزل والمصوره مبهوره باللي تشوفه ..
*يالعزيز مابعد عن بالي لحضه ..

وصل الكرسي لقبل الارض بمسافه قصيره نزلوا مسفر ولوجين منه بهدوء ..ووقفوا للمصوره وكان كل واحد مسفر يناظر بعيون لوجين وماتهمه اي عيون موجوده ..ولوجين تناظر الارض وخدودها حمراء .. تحس بحياء من نظراته ..

هنادي و رنا والعنود ورنده ورناد وذوق والبندري متحمسين مره معهم يصفقون من قلب ..

الجوري : ها بدوي وش رايك ..؟

بدر : احمدي ربك انك موقبالي هاللحين .. لا والله

الجوري : هههههه الحمدلله ..

بدر : يله تراك ثقلتيها متى بتطلعي

الجوري: بعد مانتعشى

&

ام البندري : يام مسفر قومي عطي مسفر الشبكه يلبسها اياه ..

ام مسفر : انا لا لالالا مو لازم

ام ذوق : وش مولازم انتي الخير والبركه

طلعت ام مسفر المسرح بوقار للمسرح .. مسفر طبعا كان بدون البشت لان لوجين مايعجبها ..: هلا يمه هلا والله

ام مسفر تناظر لوجين : مباركين ان شاء الله ..

لوجين : الله يبارك فيك خالتوا عقبال البنات

ام مسفر : تسلمين حبيبتي ..

نجلاء بنت صفاء الصغيره جئت بالعربه اللي فيها الكيكه والعصير

مسفر : لاتقولين باكلك قدام هالخلاق

لوجين : شووور

مسفر : اخاف اكلك

لوجين: ههههههه اش خالتوا هنا

ام مسفر : يله اقطعوا الكيكه

مسفر حط ايده على ايد لوجين ويحس انها بحلم ماوده يصحى منه ..لوجين كانت تحاول تخفف من ارتباكها لانها ملربكه فيصل معها ... قطعوا الكيكه سوا
واكلها الكيكه وكانت بتطيح من فمها لانها كبيره ... سحبتها ام مسفر بسرعه لداخل فم لوجين ..

لوجين ارتجفت شفايفها ودها تبكي تحس بحنان ام مسفر : تسلمين ماما

مسفر كان بيضحك بصوت عالي (( ماما يعني احترام .. لو تدري كيف امي تهاوش خواتي اذا قالوا ماما وتقول مايعات كان ماقلتيها ...))

اكلت لوجين مسفر قطعه صغيره بعكس قطعته اللي ماكفت فمها الضغير .. شربوا بعض العصير ..

ومددت ام مسفر الخواتم ..
اخذ مسفر الخاتم بايد مرتجفه متوتر مرره واللكل حوله مدت لوجين ايدها اليمين لبسها اياه برقه .. وهي نفس حالته كانت ترتجف حتى ان الخاتم بيطيح من ايدها ..مسفر متلخبط مد ايده اليسار ..

ام مسفر : مستعجل ههههههههه اليمين

مسفر : يمه حدي متوتر

لوجين عاقده حواجبها تحس انها متوتره مره

نواره : لجوووون سميييييل ..ابتسمي

لوجين ناظرتهم وابتسمت ..

لبسته الخاتم وهي تسرق اللحضات وتناظره بعد كذا تنزل عيونها ...

طبعا هذا كله كان بسرعه بس كان بالنسبه للوجين ومسفر اجمل لحضات حياتهم عاشوها ثانيه بثانيه ودقيقه بدقيقه ..

ام عبدالرحمن : لوووووووووووووولللللللللل

البنات وراها : لوووووووووووللللللل

وغردوا عصافير الحب لوجين ومسفر متمنين لحياتهم سعاده ابديه ..

&

الجوري متاثره تمسك ايد نواره وعيونها مغرقه : اول شي صوتك جنان ثاني شي .....- باستها بخدها من قلب - لولا الله ثم انتي كان انا مو بهالوناسه هاللحين

نواره : دوووووم مو يوم ياحبيبتي انتي ..

الجوري: شفتي عيون لوجين كيف تيبرق ومبسوطه انا مثلها بعد ..

نواره : دوم ياحياتي ...

&

منصور عند البوفيه ..: العرسان هاللحين بيجوا كل شي جاهز

الموظف : اي استاز منصور كل اشي جاهز

منصور : حلو

...................

رنا : هنوده تعالي وش فيك خايفه

هنادي : يوه كاننا مفاجيع جاين للبوفيه

رنا : تعالي وانتي ساكته محد حولك مع المعاريس ..

هنادي تمشي وراء رنا وتتلفت ..

دخلت رنا للبوفيه وهي رفعه الفستان وتركض : تعالي بسرررررررعه ههههههه

منصور لف لصوت

رنا ماسكه فستانها ولافه ورى عند هنادي : يللله محد حولك

منصور ابتسم وهو يناظر ام الفوشي اللي داخله وكان تحتها مويه على رفعت الفستان ..

هنادي: رناااااااا بذبحك – سكتت وهي تشوف منصور يقز برنا.. ركضت لبره - تعالي بسرعه ولاتلفين وراك

رنا ببلاهه لفت شافت واحد مزيون يناظرها فتحت فمها تناظره

هنادي ركضت لعندها تسحبها : ياللهبله تعالي

رنا ركضت معها بسرعه

منصور وقف يضحك (( هذي اللي يدور عليها... هذي اللي يبغاها من كل سفراته سيقانها بيضاء وطويله .. رنا ياحلو اسمها .. مالي الا بنت عمي تضبطني ...))

انتهت الخطوبه بسعاده رغم كل المنقصات

%%%%%%%%%%%%%%%%%%

الجوري و ام سعود ولمياء ورنده ورناد ركبوا السياره الهمر ينتظروا بدر يطلع

رنده : ياحلو البطاره ...

رناد: آآآآآيه العز عز

ام سعود : احمدي ربك انتي معها على النعمه اللي انتوا فيها

الجوري مقهوره من ام سعود ولمياء : هذا الفندق لوحده مايجي شعره من املاك لوجين .. عمامها فقر بالنسبه لها

ام سعود: واضح عليها فسقانه وجرايئه

الجوري: وش قصدك بفسقانه انا ماسمح لك هذي اعز من الاخت

ام سعود: يووه يوووه ماحكينا

رنده : الجور متوتره صح علشان صحباتك ..

رناد: معك حق والله لو تزوج رنده اموت

لمياء : توك صغار على هالسوواليف

دخل بدر مستعجل ويتنفس بسرعه : تاخرت عليكم ..

الجوري طبعا مرتزه قدامك : لا حبيبي خذ راحتك

بدر : ياحليله عمك ماتركني الا متعشي ومحلي

الجوري: اكيد هذا عمو ..

بدر : ها بنات انبسطتوا

لمياء : طلعه والسلام ..

رنده: اها طلعه واللامه وانتي طلعت عيونك على الناس

لمياء: انطمي ...

بدر : تعشيتوا

ام سعود : ايوه مع ان البوقيه بارد ..

الجوري : بدوي انتم عندكم بوفيه والا ص

بدر : لا بوفيه ومشاء الله كبير ..

رنده : حنا 9X 9 ..

رناد: يعني طول بعرض مشاء الله

ام سعود: يالفجعانات اللي يسمعكم ماشفتوا بوفيه من قبل

رنده ورناد سكتتتتتتوا ..

وصلوا للبيت والجو بالسياره كان متوتر مره ..

لمياء وهي تنزل : مر على ماما مو تنسى

بدر : اوكيه ...

نزلوا اللكل وكانت الجوري تحول تبعده عن امه بس اليوم علشان مايلعبون براسه ..

الجوري بدلع : دودي وش رايك بمكياجي

بدر مسكها مع خصرها وهو مبسوط ومبتسم : انتي اللي محليته مو هو ..يله ابغى اشوف الفستان ..

الجوري: يله (( يارب ياااارب امك نايمه يارب يابدر ماتحمل تشاركني غيرك ))

بعد مادخلوا للغرفه الجوري واقفه تناظر فيه وساكته ..

بدر : جوارتي وين سرحتي ..؟

الجوري ناظرته : متى بنروح للندن ..

بدر عقد حواجبه : غريبه مو انتي ماتبغين ..؟

الجوري مشت لعند الدولاب :لاابغى عادي الشنط وجاهزه يله نسافر من هنا

بدر مسكها من ايدها : تعالي اجلسي وفهميني ليه كل هذا ..؟

الجوري وقفت متوتره : ماقلتلي وش رايك بالفستان .؟

بدر : جوري وش فيك ..؟

الجوري : بدر انت ..؟ انت ..؟ يعني لو .. انا سمعت

بدر ابسم لها بحنان : تعالي بجنبي وقولي اللي بخاطرك ..

الجوري : ان

اندق الباب : بدر نايم

الجوري وقف قلبها : خالتي .. هذي خالتي

بدر مو فاهم عليها : جواره وش فيك .. – فتح الباب - : هلا يمه ..

ام بدر : ليكون ازعجتكم ..؟

الجوري طلعت من الغرفه وهي مستعده لاي شي تقولك ومجهزه نفسها ترجع لبيت عمها اذا قالت لبدر عن العروس الجديده : لا خالتي تفضلي ..

ام بدر جلست : ها كيف زواج صديقتك

الجوري مالها خلق توضح لها انها ملكه مو زواج : حلو كنتي ناقصتنا

ام بدر : ههه لا انا بعد ماراحوا مني الغالين مالي عرس احضره

بدر : شدعوه يمه يعني زواج لمياء مانتي بحاضرته

ام بدر بجديه : بغيتك بموضوع ضروري

الجوري : عن اذنكم ..

ام بدر : لا وانتي معه ..

الجوري: انا ..؟ ليه ..؟

بدر : هلا يمه .. وش بغيتي ..؟

ام بدر : اجلسوا وبتعرفون ..

جلست الجوري لازقه ببدر من خوفها ..

بدر بهمس : الجوري وش فيك ..؟

الجوري : سمي خالتي وش بغيتي

ام بدر : يالجوري انا عارفه انك ماتقدري تجيبي عيال وان مافيك رحم

الجوري الدموع تجمعت بسرعه بعيونها اسرع مما توقعت ..هذا الموضوع يجرحها بقوه ..

بدر : من قالك.؟ وكيف عرفتي ..؟

ام بدر : ابراهيم .. قالي ..

بدر لف على الجوري : وابراهيم كيف عرف

الجوري مرتبكه : نسيت هو كان دكتوري الخاص وعارف الحاله ..

بدر : ومن و

قاطعته امها وهي توقف : انا ماجيت اقولك ابغى احفادي ومش عارفه ايش لا .. انا جايه – حطت ايدها على كتف الجوري – اقولك حط الجوري بعيونك .. انت السبب بكل هذا وانت اللي تتحمل

بدر وقف منفعل : انا م

ام بدر : لا تقاطع .. واذا على كيف عرفت .. ابراهيم حكى لنا ان الجوري تعرضت لاغتصاب – ناظرت بعيون الجوري بحنان اللي بكت غصب عنها – ضاعت عذريتها بيد واحد ماعرفت امه تربيه .. – رفعت ايدها من كتف الجوري لخد بدر بكف محترم – جد ماعرفت اربيك يابدر

الجوري شهقت وحطت ايدها على فمها ..

بدر عصب وانقهر : يمممممممه انا مو بزر علشان تضربيني

ام بدر : واكسر راسك ياليتني ضربتك وانت بزر كان طلعت رجال ... انت عندك خوات كيف مافكرت فيهم .. عندك ام وخاله وعمه .. ليه ماحسبت حسبت حساب الدين .. ترى الشرف والعرض دين ياولدي دين ..

بدر ضاغط على اسنانه : الجوري ادخلي داخل

الجوري بسرعه قامت لداخل خافت كان بدر معصب وامه قويه ..

بدر : يمه كيف تضربيني قدامها

ام بدر : حرام عليك البنت مو انها يتيمه تلعب عليها ..الله عاقبك باللي جائها وبلاك بحبها .. تفكرني مو حاسه فيك .. مو حاسه بارتفاع السكر عندك كل يوم ..انتظر وماشفت شي .. انت لعبت بعفة بنت يابدر بعفتها ..

بدر : بس انا تبت وتزوجتها ..والله يمه هذي اول وحده ..

ام بدر : وهذا اللي حارق قلبي ومعذبني ليه يابدر ليه .. كان قلتلي اخطبها لك وخلاص ليه تغضب ربك ليه ..؟

بدر : مادري لحضة شيطان كله من طلال و

ام بدر : اسمع اذا مشيت ورى كلام السوسه ام سعود واختك لمياء الهبله وتزوجت عليها لاني امك ولا اعرفك سمعت ..

بدر: اكيد يمه مستحيل هذي الجوري

ام بدر : ياليتك تقدر هذي الورده المسكينه اخوك ابراهيم حكى لي عن حالتها مسكينه مالها الا الله ثم انت ..

بدر : ابشري يمه بعيوني هي – باس ايدها – بس رضاك ودعواتك

ام بدر : اذا سمعت انها مبسوطه معك ذيك الساعه ادعي لك ..

تركته وطلعت ... بدر تنهد (( يمه منك يالعجوز قويه بس احبك ))

الجوري طلعت وقفت تناظره

بدر : سمعتي كل شي صح ..؟

الجوري باسته على خده مكان الكف : والله انها تسوى اللكل

بدر : لانها ضربتني يعني

الجوري : لا انت الخير والبركه .. –سكتت شوي بعدين قالت - دودو ..

بدر مبتسم : عيونه

الجوري نزلت دموعها : انت ممكن تتزوج علي

بدر : امممم

الجوري خافت ..

بدر رفعها : اذا تحررت فلسطين اتزوج عليك ..هههههههه

%%%%%%%%%%%%%%%%%%%%%%%%%

قريب الفجر وباخر الليل ..
البندري متمدده على السرير وتحس بالم بظهرها .. اكيد السفر والحركه الكثيره تاثر على صحتها وعلى اللي ببطنها .. رفعت عنها الغطاء تحس بحر وانها عرقانه مرره حتى ان شعرها البني لاصق بوجهها من كثر ماهي عرقانه مسكت بطنبها :آآمم آآه يمه ... يمه

كانت تتنفس بصعوبه ومكل شي حولها ضبابي : يمه ..يمه

لكن

صوتها مو واضح ابد مع العوازل والمكيفات ..: يمه آه يمه
بكت : يمه لحقي علي ..

ممافي رد .. سحبت رجلها سحب ..بس مع الاسف رجلها ماتقوى توقف طاحت على الارض البارده وصارت تزحف لحد غرفة امها .. زحفت مثل الطفل الصغير اللي يحبو لامه ...: يمه .. يمه ..

وصلت لعند الغرفه دفت الباب ودخلت .. امها كانت نايييييمه ومستغرقه بالنوم .. رفعت نفسها وهي تشهق لسرير امها وحطت ايدها على كتفها وبصوت ضعيف يادوب يطلع مع انفاسها الضيقه : يمه يمه

ام البندري بكسل : مم

البندري انهارت بكي : يمه تكفين يمه بموت

ام البنري فتحت عيونها عدل : بنو ..؟

البندري : يمه خلاص بموت الحقي علي ..
وطاحت مغمى عليها ..

ام البندري رفعتها بسرعه : يمه البندري ..محممممممممممد مريم ..

رفعتها بقوه لسرير وركضت لعند محمد ومريم : محمد افتح بسرعه البندري بتموت

محمد فتح الباب متخرع : يمه وش فيك

ام البندري ودموعها على خدها : اختك يامحمد اختك بتضيع مننا خذها ل مستشفى بسررعه ..

محمد : وينها ..

ركض لغرفة امه وشكل البندري خوفه كانها جثه لونها اصفر وماتتحرك ..رفعها بسرعه بين ايدينه : مريم جيبي المفتاح بسرعه ..

ام البندري سحبت جلالها الصلاه : خذ غطها بهذا ..

لف الجلاجل عليه وركض بسرعه للكراج وعلى المستشفى على طول ..

%%%%%%%%%%%%

الساعه 2 الظهر
الشمس عاموديه على ارضي المملكه والحراره مرتفعه مره ؟...

ام رائد: بو رائد غريبه راجع بدري من الشغل

بو رائد يصرخ من اعلى راسه : وين ذوق ..؟

ام رائد : عبدالعزيز وراك تصارخ ذوق بغرفتها

بو رائد فتح على ذوق الباب وكانت تحكي مع نواره تلفون ...سحب منها السماعه : من تحاتسين (( من تكلمي ))

ذوق : بابا احك

سكر الخط ومسك ذوق من ايدها بقوه بقوه : انا بربيتس من جديد يا حقير ه

ذوق ماستوعبت وش يصير ..؟

ام رائد: بو رائد وش فيه ...؟ وش صاير ...؟

بو رائد لف ايدها ومسك شعرها : ياقليلة الادب مو انا قلتلتس اتركيه موانا حذرتس منه ..

ذوق بكت : بابا ايدي شعري بابا ...

ام رائد : يا عبدالعزيز تعوذ من الشيطان ايد بنتك ..

بو رائد يصرخ من اعلى صوته : والله لاربيس من جديد شكلي عطيتس وجهك بزياده

ذوق تناظر امها وهي تبكي : بابا ماما ايدي شعري .. ماما شعري آه .. انا وش سويت

بو رائد : انتي ماعرفتيني ياذوق لهاللحين وانا بعلمتس من ابوتس ..

ام رائد تمسك ايد بو رائد : عبدالعزيز اترك البنت بتكسر ايدها ليه كل هذا ..وش هي مسويه ..؟

بو رائد دف امها بقوه : ابعدي لاتوطى بكرشتس ..
و شد شعر ذوق لقدام ثمن لورى بقوه : بتهربي معه ها ... ماعاد الا هي .. ناويه تتركي هنا .. انا اغلطان اللي وثقت فيتس .. وبالاخير سودتي وجهي . الله ياخذتس فضحتينا

ذوق تمسك ايد ابوها تحاول تتخلص من الالم : بابا تكفى شعري بابا ..

جرها من شعرها : كلي تبنس وانثبري هنا ... وين جوالتس وينه ..؟

ذوق: آه بابا خلاص تالمني بابا اتركني

بو رائد رامها على السرير لحد ماضرب راسها بالخشب : آه

ام رائد ركضت لها : ماما ذوق

مشى لعند الالاب توب واخذه وسحب الجوال من الطاوله : ابغى اشوف كيف بتحاتسين حبيبتس

ذوق بكت اكثر : بابا انا ذوق بابا ليه تعمل كذا ..

ام رائد :البنت وش سوت ...

بو رائد : انثبري انتي وانقلي بره بسرعه

ام رائد: ايه وش فيها البنات ليه كل

بورائد سحب ام ذوق من ايدها وطلعها بره الغرفه وطلع هو : انا بوريتس كيف تحبيلتس واحد منحط مثل فيصل ..

ذوق ركضت لعند ابوها : بابا وش فيه ..؟ بابا انا وش سويت ..؟

بو رائد : الله يسود وجهتس مثل ماسودتي وجهي

ذوق تمسك بيد ابوها وهي مقطعه نفسها بكي .. : بابا و

بو رائد رماها بقسوه على الارض : ابعدي الله لايوفقتس ..
سكر الباب وقفله قفلتين بالمفتاح ...: مالتس طلعه من هنا الا على قبرتس

ذوق : بابا ماما ..ماااااااما ... ماما ليه كذا

ام ذوق بانفعال : عبدالعزيز ليه تقفل على بنتك

ذوق تطق الباب : ماما ليه ..؟ بابا ايش فيه ..؟

ام ذوق : افتح لبنتي والله بتنجن وهي تصرخ كذا ..؟

بو ذوق : كلي خراتس بنت وحده ومانتي عارفه تربينها

ام ذوق بتهديد : عبدالعزيز اذا مافتحت هاللحين لي تصرف ثاني

ذوق تسمعهم : ماما تكفين خليه يفتح ليه يسوي معي كذا ..

بو ذوق فتح جواله : شوفي .. شوفي سواد وجه بنتس .. والله لادفنها حياء

ام ذوق خذت الجوال وهي ترتجف وقلبها ناغزها .. شافت مقطع لذوق ترقص مع فيصل وهم قراب مره من بعض ... ومكتوب عنوانه (( فضيحة ذوق الباقي ))

بو رائد: شفتي بعيونتس في بنت متربيه تسوي كذا وهذا المقطع نقطه ببحر من المقاطع المنتشره .. سودت وجهي الله يسود وجهها ... اليوم ماقدر اناظر بالفراش بالمكتب والبركه ببنتتس اللي فضيحتها على كل لسان

ذوق خمنت الا تاكدت انه الفديو اللي صورته مع فيصل ببريطانيا هو اللي يحكي عنه ابوها بس كيف انتشر وفيصل معطيها الاغراض ... اكيد ان عنده نسخه منهم ...

وقفت وهي تصرخ : النذل الحقير

رمت كل الاغراض اللي على التسريحه : كذاااااااب كلب ..

بو رائد : اسمعي من بكره تروحي وتكشفي على بنتك مسودت الوجه

ام ذوق تناظر الباب وتفلت عليه : تفوا عليك يا لقذره ..جد ماعرفنا نربيك

بو رائد : واحد ماندري وينه والله اعلم على ايش خامر والثانيه صايره من بنات الليل بصورها الله يلعنتس ويلعن عيالتس

ذوق بكت اكثر من وراء الباب : لااااااا يمه لا – تحس راسها ثقيل - ..والله كان معنا البنات .. والله ماني وقحه ..

%%%%%%%%%%%%%%%%%%%%%%%%

طلال بالمستشفى يناظر رجله المحروقه والمشوهه (( هذي اخرتك ياطلال مشوهه انت الوسيم اللي البنات ماتقدر ترفض لك طلب من ابتسامتك الجذابه .. وضحكتك الرنانه ... آه ياربي ياليت الندم يرجع اللي فات .... جد الواحد مايعرف قيمة الشي الا اذا فقده ... ياليتني انتبهت للمويه ليه فتحت المويه الحاره بدل البارده كيف مانتبهت كيف .. له من نواره انا من يوم عرفتها وحياتي متلخبطه ... اكرهك ياونواره اكرهك )) غمض عيونه بقوه تخيلها وهي تغمز له ومبتسمه ابتسامته المرحه ..
- غض كف ايده بقوه – الله يلعنك هبلتي فيني .. كيف اهرك وانت مثل الطفله البرياءه اللي تسعد من حولها ..

انفتح الباب دخلت السستر : صباح الخير الزايك النهارده

طلال بدون نفس : مثل كل يوم

السستر حطت الورد على الطاوله اللي بجنبه : وادي احلى ورد

طلال : من مين هالورد ..؟

السستر ترفع الكرت : مش عارفه دي بنوته حلوه وصغيره ادتني اياها والتلي اوصلها الك

طلال يناظر الكرت بطفش
(( انا غلطت يوم اني جيت لك
اسفه شكلي ازعجتك ياستاذ طلال
بس كل ذنبي انك تمشي بعروقي
الله يرجعك بالسلامه لاهلك

مع تحياتي ..
نونو .. مثل ماكنت تحب تناديني ))

طلال عفس الكرت بايده مقهور : ليه ماتنساني ليه ..؟ مع كل اللي سويته وراجعه تسالين ..؟

السستر : اولت ايه يافندم ماسمعتكش ..

طلال وعيونه مغرقه : وينها ..؟ وين اللي اعطتك الكرت

السستر : دي كانت بتعيط وبينها خرقة من هنا لاني شفتها تمشي لعند البوابه

طلال تنهد (( الله يعلم انك ماتهوني علي واني بنجن علشانك ... ))

%%%%%%%%%%%%%%%%%%%

بنفس المستشفى لكن بجهه ثانيه ..

ام البندري تمشي بسرعه وعبايتها تطير معها : محمد يمه محمد وينها

محمد : يمه مريم وش مجيبكم

مريم : تاخرت علينا وانت ماترد خالتي مارضيت الا تجي

ام البندري : محمد اختك وش فيها .. الجنين صار له شي

محمد بصدمه وعصبيه : يعني كنتي عارفه ان الهبله حامل

ام البندري : ها ا

محمد: الله يسود زوجهها كيف ..؟ كيف تفكر هي مع هذا االمراهق

مريم : محمد وط صوتك حنا بمستشفى ليه الصراخ وبعدين البندري ماغلطت لاسمح الله حامل من زوجها

محمد: والله هذا اللي كنت خايف منه .. انا الغلطان اللي عطيتهم حريه مع بعض

ام البندري : عاد صار اللي صار وهاللحين هي تعبانه ..وماله داعي تحاكيها

محمد : ابغى اعرف وش نقول لناس

مريم : لاحول ولاقوة الا بالله لاحول ولاقوة الا بالله ...

ام البندري بكت : يارب رحمتك بهالصغيره يارب

محمد : وش نفول لناس هاللحين وين اودي وجهي وهذا زوجها من ايام ماحنا بعارفين عنه شي بعد ...

مريم: محمد ..خلاص

ام البندري عصبت : الناس مالها شغل واي احد يتكلم على بنتي اقطعه له لسانه

محمد: حنا عايشين مع الناس مو بغابه

مريم: محمد لاتجنني هي بالحلال وزوجته

ام البندري: الناس ماناخذ منهم الا كثر الكلام والا نسيت يامحمد وش قالوا عني لما قتلت ابوك

محمد تنهد : حسبنا الله ونعم الوكيل الهم اجرني في مصيبتي واخلف لي خيرا منها

ام البندري : هي وينها وش قالوا

محمد : داخل التحاليل من الفجر عاملينها ومابعد توصل يقولوا في خطر على الجنين لازم ترتاح لحد الولاده لان شكلها بتولد بدري بالشهر السابع يعني

مريم وام البندري شهقوا : لاحول ولاقوة الا بالله

محمد: وزوجها الدلخ هذا وينه ..؟ مافي اخبار عنه ..؟

مريم : لا علمنا علمك ..

ام البندري : نبغى ندخل نشوفها

محمد: هي نايمه هاللحين يمه اتركيها ترتاح وبعدين ادخلي شوفيها ..

مريم ابتسمت : هي باي شهر والا ماعرفت

محمد مقهور : الرابع ...

ام البندري : يعني فيه روح

محمد : والله لو مافيه روح كان من زمان منزله

ام البندري خافت على بنتها من اخوها : لا ماتسويها انا عارفتك انت مجرب حرمان الضنى لفتره علشان ماتسويها

محمد: انا بدق على ابو رائد اقوله يمكن يعرف شي عن ولده ..

%%%%%%%%%%%%%%%%%%%%%%

رائد على عينه ربطه .. مغطيه عينه .. : اقولك ماعرف شي ..والله ماعرف كنت مع خويي ياسر

الشرطي : اسمع انكارك هذا ماينفع انتم شباب ليه تدمروا انفسكم بهذا الارهاب

رائد : اي ارهابي ياعمي ان وش لي بهذي السوالف اصلا انا ماحب هذي الحركه

الشرطي : يعني مو راضي تعترف انتم تبع مين ..

رائد شوي يبكي : لاحول والله ماعرف احد حنا كناا رايحين لمصر و

الشرطي يقاطعه : وبعدين معك من اربع ايام وانت ماعندك الا هذا العذر ...

رائد: لاحول ولا قوة الا بالله حسبي الله عليكم حسبي الله عليكم

الشرطي : لا تقعد تتحسب لو تعرف ربك كان ماخنت بلدك و اهلك انت عارف ان

رائد: يوووووه انت بن كلب ماتفهم اقولك ماعرف عن ايش تحكي

الشرطي : حنا نعرف نخليك تحكي يا عسكري خذه لسجن وشممه هواء

رائد: لاااااااا الا الهواء لا .. وش تبيني اقول اقول شي ماعرفه . والله مالي علاقه ..

الشرطي : ياعسكري خذه ..

رائد يحاول يفلت من ايد العسكري بايدينه المربطه : والله مالنا دعوه اقسم لك اني رايح لمصر .. حاكوا ابوي ابغى ابووووي

العسكري : امشي وانت ساكت لو انك تخاف على ابوك كان مامشيت ورى هذي الفئه الظاله ..

رائد بقله حيله : والله ماعرفهم والله انا كنت رايح لمصر

%%%%%%%%%%%%%%%%%%%%

مرحبااااا
مشكورة على جهودك الحلوة
وبصراحه انا ناطره باقي القصة على نااااار
بليز لا تطولي علينا

مسفر : ها حياتي وين حابه تتغدي

لوجين : امممممم اي مكان .. اهم شي انا معك

مسفر : وش رايك بدارين ناخذ لنا شي بحري من اللي يحبهم قلبك ..

لوجين : اوكيه ...انا تحت طوعك وامرك .. ياسي السيد

مسفر : هههه تسلمين لي ..

لوجين تعد مع ثواني الاشاره كم ثانيه وتفتح .. : سوسو

مسفر : ههههه وانتي كل يوم لك دلع

لوجين : هههه اللي يلطع معي ..

مسفر : خذي راحتك يالولو

لوجين: لا احب لجو وبس

مسفر : وش معنى

لوجين : كذا بابا كان كاتب للي بالوصيه كذا

مسفر : اها امري يالجو وش بغيتي

لوجين : انت تبغاني البس مثل البندري برقع والا عادي مايفرق عندك ..

مسفر : والله كنت حابه احكي معك بهالموضوع لكن بعد مانتزوج وبما انك فحتيه .. ابقولك اني اغار عليك موووووت ..وياليت تلحقي صاحبتك

لوجين : اسفه مسفر ماقدر اتركها للوقت احسن يمكن اقتنع

مسفر بحلم : اوكيه حياتي خذي راحتك

وقف قبال المجمع : يله الغداء

%%%%%%%%%%%%%%%%


الفصل الرابع والاربعين

ذوق عند الباب تبكي : ماما ...ماما افتحي بابا افتحوا لي
ماما تكفيييييييييين ماما ادري انك هنا افتحي لي

ام ذوق من ورى الباب : ليه ..؟ ليه ياذوق عملتي كذا ليه خنتي ثقتنا فيك ليه ..؟ والله لو ما ابوك يحبك كان هاللحين ذبحت

ذوق : ماما والله مالي دعوه كان معنا بالجامعه و

ام ذوق : اسكتي لك عين تحاكين عنه ...

ذوق تضرب الباب برجلها : ماما افتحوا ماما لاتصيري انتي والزمن علي

ام ذوق : انا ماعندي بنت اسمها ذوق .. ذوق تزوجت وسافرت لبريطانيا .. ماهي بعندنا

ذوق : لا يا ماما انا بنتك ماما لاتقسين علي

ام ذوق مشت وطنشتها .. مشت ودعتها بخدها على بنتها كيف ذوق الهاديه الحبوبه يطلع منها كل هذا

ذوق وقفت ورجلها ترتجف كل جسمها يرتجف ... اللي شافته مو قليل جائين يزيدون عليها : الله لا يسامحك يافيصل الله لايسامحك ...

دقت الباب بقوه : افتحوا افتحوا ... افتحوا لي ..

%%%%%%%%%%%%%%%%

نواره جالسه بالكوفي شوب حاطه ايدها على خدها
تناظر الناس الرايحه والجايه والحركه المستمره كل شي حولها يتحرك الا هي ساكنه وساكته ... كل الناس تضحك وتمزح الا هي حابسه دموعها بداخلها .. حتى ذوق مالها خلقها وسكرت بوجهها وماترد ..

الوتر ينظف الطاوله : تبغي شي ثاني

نواره : لا شكرا ..والا اقولك جيب لي قوه تركيه بدون سكر

الوتر : حاضر ..

نواره ماسكه جوالها (( ليه مارسل بدل الطفش )) غيرت نكها وكتبت " متكحله بدم خاينها " تحس انها متكحله بدم طلال .. مهما عمل لها يضل حبيبها وتحبه مهما قسى وجار عليها يضل بعيونها كحل يزين حياتها ... يضل الحبيب والشجاع والشهم بنظرها

جاءها بلوتوث من " بقايا جروح " واحد من الشباب اللي مملين الكوفي ..

(( انا خالد حاب اتعرف وهذا رقمي *******050 ))

ابتسمت هذا انتم يالسعودين اذا بترسلون ماعندكم الا الرقم على طول
رسلت له
(( وانا نونه..... وهذا رقمي 056 والباقي ماتغير ههههه ))

جاءها بلوتوث من نفس الشخص (( هههههه حلوه منك بس لاتعيديها .. ممكن اسال سوال ))


نواره تحمست بدل الطفش (( ايوه تفضل ..))

" بقايا جروح " : (( ليه نكك حزين كذا .. وليه الدم والاجرام ))

نوواره صار عندها فضول تعرف مين رفعت راسها ببط لطاولات اللي حوالها .. اغلب الكوفي شباب مع ربعهم بس عايلتين جالسين واللكل يسولف اجل من اللي يرسل لها ..من مشغول بالجوال حولها
(( كذا لانه يعبر عن اللي بداخلي ..حتى انت نكك حزين ليه ..؟))

بعد ثواني هز جوالها بيدها من بقايا جروح بعد (( لا كذا مختاره لانه يذكرني بشخص عزيز علي ))

نواره مكمله سواليف : (( ومن هالشخص ..؟ ))

بقايا جروح (( مادري ليه اقولك بس بقول .. والا اقول وشرايك تدقي علي ..))

نواره ابتسمت بخبث ... ياشينهم السعودين يستخدمون اي طريقه بس يحاكون البنت
رفعت راسها وناظرت العايلتين الموجودين كان بوحده من هالعايلتين بنت بالعشرينات متبرقعه وجالسه تسولف مع اللي بجنبها شاب مراهق شغل سبايكي ..وجل

رسلت له
(( انا جالسه مع اخوي وابوي ماقدر اخونهم واحاكيك .. قولي وخلصنا ))

بقايا جروح طول بالرد .. لفت شافت شاب لابس ثوب وكاب واسمراني شوي على خده شامه كان يعتبر شبه وسيم .. ..رافع راسه يناظر جهة العايله ..كتمت ضحكه بداخلها هذا انت يا خالد على بالك اني هذيك البنت هههههه العمي مايشوف ان معها جوال ...

جائها صوت مسج (( اوكيه لا تحاكيني وشرايك رسايل بس ))

نواره .. آه ياقليل الخاتمه تستدرجني يعني طيب (( اوكيه بس رسايل هاللحين قولي ليه نكك كذا ))

بقايا جروح (( انا احب وحده من بنات عمي اسمها ديما ومن صغرنا سيف لديما وديما لسيف وبعد كذا تزوجت وتركتني ))

نواره (( سيف مو خالد الكذاب .. ههههه ))

رفعت راسها شافته يضحك وهو يقراءه ويكتب (( هههه صدتيني انا سيف 25 سنه جامعه البترول والمعادن من الشرقيه .. جائي بالاجازه نضيع وقت مع الشباب .. وانتي مين وش اسم اخوك الستايل اللي بجنبك ))

نواره حست بتانيب الضمير مالها ذنب البنت بعدين يتحرش فيها او يخبر ابوها ..(( اي اخو انا جالسه لوحدي ))

سيف رفع راسه بسرعه يدور من اللي جالسه لوحدها .. شاف وحده شعرها الطويل اللي تتخله خصل حمراء من بعد خطوبه لوجين امس باين تحت الغطاء وخصل صغيره من شعرها على وجهها والغطاء على كتفها وملامحها صغيره وناعمه كانها بيبي ..والاضاءه على بشرتها ..كانت مميزه كان هاله اونور حولها كانت تصرخ انوثه وبراءه ..
جالسه تشرب قهوه بلحالها شك انها هي ولا لا .. بس لما لتقت عيونهم تاكد انها نونه ..او متكحله بدم خاينها ..

نواره رفعت راسها والتقت عيونها بعيون سيف العسليه اول ماشافته مانتبهت ان عيونه حلوه كذا .. انرسمت ابتسامته استهزاء على وجهها وهي تناظره


سيف مسك الجوال بحماس وصار يكتب بسرعه هذي صيده شي ماحصل باين عليها بطرانه مره ..ومزيوووونه ..
رسل لها (( بسم الله عليك .. القمر يحسدك وش هالحلى ))

نواره مابتسمت ولا ضحكت حست بضيقه حست انها مخنوقه كلماته كانت مثل السكين يطعهنها .. ورمت جوالها بالشنطه ...

سيف يناظرها بفضول ليه سوت كذا .. نواره ناظرته وبالها مو معاها ناظرته وكانها تناظر بالفراغ .. (( عافت الدنيا وكل شي حولها من طلال ))

سيف يناظرها مبهور بجمالها

نواره طلعت بوكها من الشنطه وكانت صورتها مع طلال يوم التخرج غرقة عيونها كانوا مبسوطين سوا مايربطهم شي مع بعض الا مشاعر الاخوه والصداقه { طبعا هذا اللي تفكره نواره ماكنت تفكر طلال يحبها بهذيك الفتره **

سيف لما شافها كذا عرف انها بتحاسب وتمشي وقف بسرعه يلحق عليها قبل لاتمشي

نواره حطت الحساب على الطاوله ومسكت شنطتها الا انتبهت باحد يسحب الكرسي ويجلس وكانت نفس العيون العسليه قبالها رجعت الشنطه لحضنها وارتخت بالجلسه عارفه لهالاشكال ماتفك الا اذا انطردت بادب

سيف : ممكن اجلس معك ..؟

نواره : انت جلست مانتظرت شي ..

سيف : وحده اموره مثلك تجلس لوحدها ليه

نواره ناظرته وهي رافعه حواجبها : ممكن تتفضل لطاولتك ..

سيف : ليه كذا ليه الحزن بعيونك ..؟

نواره : ياحبيب ديمه تفضل لطاولتك

سيف : لا مايهون علي اتركك وانتي متضايقه كذا

نواره مقهوره محتاج تحكي مع احد بس اكيد مو هذا (( الله ياخذكم تعرفون كيف تدخلون على البنات ومن اي مدخل )) رفعت جوالها الممتلي اكسسورات وبينت ايدها الناعمه واظافرها الحمراء الكيوت ..: اوكيه اجلس براحتك
: هالو .. اكبر ..

اكبر : يس نواره

نواره : ليكرو كاري جلدي (( احضر السياره بسرعه ))

اكبر : كاه ((اين ..؟))

نواره : اووو روكو فيصليه (( تعال وقف بالفيصليه ))

اكبر : اوكيه

سكرت وناظرت المفهي والمستغرب اللي يناظرها ..

نواره : اخوي بيجي وشرايك يعني يجي يشوفك كيف بيصير شكلي ..

سيف : انتي هنديه ..؟

نواره: ايوه بس عايشه بالسعوديه ..

سيف : اها

دق جوال سيف بلوتوث فتحه ..وابتسم : ايش هذا كيكه ..

نواره وقفت : فرصه تعيسه

سيف : لحضه شوفي هالبلوتوث خطير

نواره تبغى تفتك منه سبحت الجوال بدون نفس ...ومع الاسف ياليتها ماشافته ..
" ذوق الباقي تداعب حبيبها "
ذوق تلعب بشعر فيصل ويضحكون
نواره شهقت : ذوق ..؟

سيف : ماعرفتيها بنت تاجر السيارات معارض الباقي .. ايش هذي قطعه ..هههه جد بنات الفلوس رايحيين فيها

نواره وقف شعر جسمها من الخوف : ارسله ارسله لي

سيف بخبث : تامرين امر

مجرد ماستقبلته ..مشت بسرعه لبره المجمع وكل الافكار براسها هذي ذوق كيف ومن وين هذي الصور

انتبهت باكبر واقف عندها : نواره جلدي

نواره مشت وراه : لبيت ذوق بسرعه ..

الافكار اخذتها وجابتها اكيد اكيد هذا فيصل النذل على باله انها تزوجت ويبغي يطلقها .. ياربي ابوها ورائد ماشافوه يارب ماينتشر .. بس مدامه انتشر بالفيصليه اكيد الرياض كلها دارت هاللحين

بالسياره

اكبر : نواره هذا انت متى يجي ساعوديه

نواره: وانت وش دخلك ..؟

اكبر : ليه مافي يجي بيت بابا كبير

نواره: اكبر مالي خلقك اسكت خلاص

اكبر : نواره ماما كبير في يضرب بابا كبير ويطلا من البيت

نواره : كيييييف ..؟

اكبر : انا في يودي بابا كبير مستشفى وبادين في جيب لانو هذا ماما مو ..جين ..

نواره عصبت : وهذي كيف تضربه مو هو – سكتت مقهوره مو لاقيه حكي تقوله .. وهمها مع ذوق المفضوحه اكبر من مشاكلها مع امها وابوها اللي مايملون من بلاويهم –

اكبر : في يودي بيت بابا والا بيت زوق

نواره: لا بيت ذوق وكل تبن عورت راسي

اكبر : ........

%%%%%%%%%%%%%%%%

الجوري جالسه تلعب مع بدر (( ورقه ...سولتير .. جنجفه)) على السرير ..

بدر : الجوري بذبحك غشاشه ...

الجوري: ههههه لحد هاللحين ماعرفتني ..انا اكبر غشاشه بهذي اللعبه من شلة مانشستر

بدر : شله مانشستر ...من هذولا ..؟

الجوري: هههه انا والبندري وذوق ولوجين ونواره اسمنا شلة مانشستر ..

بدر: اهاااااا قولي كذا وانتي احلاهم

الجوري : اكييييد انا ام العيون الزرقاء

بدر: مايمدحون الغرور

الجوري: هههههه بذمتك مايحق لي

بدر: اكيد انتي قلبي ولازم احلاهم ..

الجوري : ههههه

بدر: لاتضيعين الموضوع وتضحكين علي العبي بس العبي

الجوري: بدوررررري

بدر: عيونه

الجوري: تذكر المكرونه السباكتي اللي بلندن هذاك اليوم

بدر: هههه اللي اشتهيتيها وماكلتي ايوه اذكرها وش فيها

الجوري: وش رايك تسويها لي هاللحين نفسي اذوقها

بدر: لا ماينفع مافيه مطبخ

الجوري: نسويها تحت عادي

بدر: احلفي وش يريحني من رنده ورناد

الجوري رمت الاوراق : طيب انا طفشت هنا

بدر: اها قولي كذا طفشتي مني حراااام عليك وانا اللي مابغى ازور طلال علشانك

الجوري: لا والله مو كذا ليه مانطلع ..

بدر: وين ..؟

الجوري: اي مكان لكوفي المطعم الممشى .. ايوه ليه مانمشى بشارع الملك عبدالله والله وناسه ونخفف وزن

بدر: البسي ويله ..

الجوري : يعني رضيت

بدر: اكيد .. انتي تتدللين

الجوري اول مره حد يدلعها كذا ومايرد لها طلب : بدوري اموت عليك

بدر : لا مو وقت موت مابعد طفشت منك

الجوري راحت تلبس عبايتها : صحيح تذكرت ابغى امر بيت عمي واجيب ملابسي من بيت عمي

بدر: اوكيه انا بنتظرك تحت

الجوري: لا ااا تكفى اجلس هنا اخاف ان ام سعود تغثك بكلامها

بدر فهم عليها ومشى لعندها وباس راسها : لاتخافي والله لو ترمي ام سعود نفسها من الدور العاشر ماتغيرني عليك ..


الجوري ريحها كلامه كثير تحبه الا تعشقه

%%%%%%%%%%%%%%

البندري فتحت عيونها بثقل بس تحس انها مرتاحه اكثر من قبل تنفست بقوه تبغى نفس هي لحد هاللحين عايشه اعجاز كانت فاقده الامل تعيش مره ثانيه بعد اللي شافته امس لفت راسها شافت امها نايمه وهي مستنده على ايدها رحمتها وحست انها غبيه لما زعلتها هذي الحنون تستاهل تنحط على الراس ....((يوه يمه دامك تعبتي فيني مثل مانا تعبانه من الحلو تستاهلي اشتغل خدامه تحت رجلينك ))
– حطت ايدها على بطنها – وينك يارائد وينك ..؟
-نزلت دمعه من عيونها ..-: ارجع محتاجين لك انا والبيبي ..

مسحت دمعتها : يمه يمه

ام البندري بخوف : هاه وش فيه ..؟ - لما ركزت ابتسمت - يمه صحيتي

البندري : الله يهداك يمه ليه نايمه هنا ..

ام البندري مبتسمه : الحمد لله على السلامه

البندري: الله يسلمك .. يمه وش صار ..؟

ام البندري مسكت ايدها: الله يقومك يالسلامه الدكتور يقول لازم ترتاحي بالسرير لحد ماتولدين

البندري انفعلت : اولد ..؟ كيف ورودي والزواج بعد اسبوع

ام البندري : صحتك اهم

البندري ارتبكت وقالت بخجل : يمه مافي اخبار عن رودي

ام البندري هزت راسها : لا

البندري : وينه .. ليه يسوي كذا ؟

ام البندري : لاتخافي الغايب عذره معه ..

البندري : لكنه طول يمه طول

ام البندري: لا بيرجع واكيد فيه شي ..المهم – ابتسمت تغير الموضوع - توقعي كم شهر صار لك ..؟

البندري ابتسمت بفضول : كم شهرين

ام البندري بخبث : لا شكلكم من يوم الملكه .. اربعه شهور يا قلبي ..

البندري خدودها صارت حمراء : يعني فيه الروح

ام البندري: ايوه واتوقع انها بنت

البندري: لاااااا يمه مابغى بنت ابغاه ولد

ام البندري: ليه ..؟ شمعنى ..؟

البندري: لان اذا بنت بتتعذب كثير بتحب وتنجرح وتنخان .. بتنصدم بحياتها كثير ..

ام البندري :لا ليه كذا ليه متشائمه

البندري: الا البنت حساسه اما الولد قوي ويقدر يطنش حبه وماينجرح بالخيانه

ام البندري: هههه على بالك ماله قلب ..

البندري: يمه تتوقعي رائد وين هاللحين ..؟

%%%%%%%%%%%%%%

رائد ...
جالس بالسجن الضيق مره وكانه حمام ..
يحس انه مخنوق ومو قادر يتحرك الضرب اللي شافه مو سهل حتى النور ممنوع عنه لانه متهم بالسياسه والتهم السياسيه مو سهله ..
نزلت من عيونه دمعة قهر وظلم : والله ماعرف شي والله

اصعب شعور بالعالم كله الشعور بالظلم والقهر .. أصعب شي تصرخ وتسمع صدى صرخاتك ..: يالله ياررررررررررررب يارب ..

%%%%%%%%%%%%%%%%%\

بالسوبر ماركت

لوجين : مسوسي وش رايك بهذا الكريم شكله حلو

مسفر : مادري عندك خذيه

لوجين : مو لي لرنا

مسفر رفع حواجبه : لا من متى ..؟

لوجين : انا متفق معها اني بمرها اليوم معك

مسفر : بتمريها وين ....؟؟؟

لوجين : ببيتكم

مسفر : بيتنا .. لاااااا ماينفع

لوجين: ليه ..؟ رنونه عازمتني ..

مسفر : لا حبيبتي انتي مفروض ماتدخلي لبيتنا الا لما نتزوج ..كذا الاصول

لوجين تتثاوب : بدينا ...

مسفر : هههههههه

لوجين : لاتضحك انت عارف اننا ماراح نزور اهلك على طول بنروح لبريطانيا ..

مسفر مبتسم : والله انا جالس احاول مع منصور يجلس اطول فتره ببريطانيا

لوجين بانفعال : لا مابغى اجلس هنا ..

مسفر استغرب : وش فيها اذا جلسنا هنا

لوجين: انا بعد بكره او بكره برجع لبريطانيا اجهز هناك وبعدها لباريس ولس ..ليه اعور راسك ..يني بتنقل علشان جهازي .. – ارتفع صوتها - ومابغى اجلس هنا انا اكره السعوديه

لفوا عليها اللي واقفين يشترون

مسفراول مره يعرف انها كذا : لوجين لو سمحتي لاترفعي صوتك مره ثانيه ..

لوجين استحت وتلفت يمين ويسار تناظر اللي يناظرونها : اوكيه

مسفر : على بالك على طول بنعيش ببريطانيا ..؟؟

لوجين : اكيد شغلنا هناك انت بشركه وانا بشركه والب

مسفر : مو هنا نحكي بعدين تعالي نحاسب ..

لوجين ضبطت اعصابها (( وش فيك يالوجين مانتي بوجه سعاده او يوم حلو .. ليه تنكدي على نفسك بنفس .جد اني بقره اكيد مسفر تضايق ))
بهدوء قالت : اوكيه

مشى مسفر قبلها وهو حاط بباله كل الاحتمالات كل شي ممكن يطلع من لوجين بحكم عيشتها بره واختلافها عن عادات المجتمع هنا واكيد بتكره هذا المكان لانه يحرمها من ابسط الحريات التافهه ببريطانيا ..

لحقته لوجين ومسكت بايده : مسوسي اسفه

مسفر لف عليها مبتسم : لجونه مابيننا اسف حنا تعدينا هذي المرحله ..هاللحين انا انتي وانتي انا .. صرنا روح بجسمين

لوجين ريحها كلامه كثير حست انها مرتبطه باطيب قلب شافته بحياتها كلها ..هذا اللي يستاهل تضحي باي شي علشانه ..ولو يطلب منها تسكن بالبر والله لاتسكن وهي مغمضه دامه معها وحولها

************

نواره : هلا خالتي كيفك

ام ذوق بضيقه : هلا نواره تفضلي

نواره لما شافت وجه ام رائد شكت انها عرفت : وين ذوق ..؟

ام ذوق مرتبكه : طالعه ..

نواره : عرفتوا صح ..؟

ام ذوق منصدمه : انتي بعد عرفتي ..؟

نواره: ايوه ياخالتي البلوتوث منتشر بكل مكان ..

ام ذوق تضرب خدها : ياويلي عليك ياذوق فضحتينا الله يفضحك

نواره: لا ياخالتي مالها ذنب اكيد هذا اللي معها بالصوره مركبهم

ام ذوق : سود الله وجهها هذي مو مركبه حقيقيه واضح والا على بالك انا ماعرف

نواره : هي وينها هاللحين ..؟

ام ذوق : ابوها حابسها بالغرفه وماخذ عنها كل شي

نواره : كيف ..؟
طلعت بسرعه لفوق بدون استاذان ..: ذوق ذوق

ذوق سمعت صوت نواره ركضت للباب وتعثرت وطاحت ورجعت دموعها تحكي قهرها من جديد : آه نواره نواره

نواره تدق الباب : ذوق حبيبتي كيفك ؟.

ذوق: نواره حبسوني نواره والله مالي شغل ..

نواره دمعة عيونها لدموع صديقتها وصوتها المنهار بس تكلمت بقوة علشان ماتزيدها عليها : لاتخافي ذواقه انا اعرف كيف ارد لك حقك من هذا الحشره فيصل

ذوق : نواره تكفين طلعيني من هنا قولي لهم يطلعوني من هنا والله بنجن ..

نواره ترفس الباب برجلها : ولا يهمك انا بدبرها بس انتي هاللحين اسكتي

ذوق تشهق : نواره لاتتخلين عني .. لاتتركيني

نواره نزلت دموعها : والله ماكون بنت امي وابوي اذا ماربيت لك هذولا الحشرات ..

مشت بسرعه لتحت ولا عبرت ام رائد ..
نواره : انت يازفت ياكبر على المستشفى على طول

اكبر : حازر

ذوق تبكي : افتحولي تكفون افتحولي ..ماما افتحي

*************

الجوري ببيت عمها ..مع بدر

الجوري وهي تنزل الملابس من الدولاب بشنطه بسرعه : لا يانوره ابوديهم للبيت ..

نوره : يعني خلاص بتستقروا هنا

الجوري مشغوله بالشنط : لا بنرجع لندن اخوه يتعالج والا نسيتي

نوره : ابسالك الجوري بدر مايشتغل

الجوري وقفت وبيدها البنطلون صحيح بدر مايشتغل : والله مادري بس مامره سمعته يقول بروح لشغل وبعدين ابوه هو اللي يرسله الفلوس

نوره : يعني ابوه يصرف عليه

الجوري تصفط البنطلون : هذا الظاهر

نوره : اهاااااا ..

الجوري: الا نوره وين عبدالرحمن لحد هاللحين مارجع مع مشاري من جده

نوره : لا يقولوا ان مدرستهم عامله نشاط بالاجازه وحابه تستضيفهم اسبوعين

الجوري: مادري وش اللي خلاكم تودونهم لمدارس داخليه

نوره : احسن لهم ..

الجوري سكرت شنطتها : خلصت يله نوره باي تاخرت على بدر ..

نوره مبتسمه : الله يوفقك يارب .. مع السلامه

الجوري طلعت بشنطها الثلاثه : خلصت بدور

بدر ابتسم : كل هذولاء

الجوري: هههه ماكان عندي وقت اخذهم معي

بدر : يله مشينا

بالسياره

رفع جوالها : قبل لانسى في مكالمتين من هلاليه كول .. من هلاليه هذي

الجوري : هههههه نواره غريبه وش عندها داقه ..

بدر : كنت برد بس بما اني نصراوي متعصب كرامتي ماسمحت لي

الجوري: ههههههههههههه اذا حكيت معها بقولها ..والله لاتحقد عليك اكثر

بدر : ماعليك منها اعزمها على كوفي ترضى

الجوري : لا احلف

بدر : عادي نواره مثل اختي

الجوري: لا ياقلبي اليوم اختي بكره خويتي اسفه ..

بدر: هههه تغارين من صديقتك

الجوري: ايوه نواره خفيفة دم وتنحب بكره تقول اللي عندي ثقيلة دم وماتنطاق احول عليها احسن

بدر : هههههههه انتي مثل العسل على قلبي من قال انك ثقيلة دم

الجوري : امزح معك
دقت على نواره وكان جوالها مشغول ..

%%%%%%%%%%%%%

نواره دخلت للمستشفى والشر بعيونها مشت والشياطين تتنطط بوجهها ..
فتحت باب غرفة 190 من غير استاذان

لفوا طلال وراكان وبنتين على الباب وتوقف الضحك اللي كان مغرق الغرفه من دقايق ..

نواره ماهتمت لاحد عيونها كانت بعيون طلال ولا رمشت وهي تناظره وتصارخ..: اسمع انت ياحقير قول لصاحبك انه ماراح ينترك كذا .. والله ياطلال اني سكت عليك انت وربعك الحثاله كثير .. لكن اللي صار مع ذوق مراح اسكت عليه

اللكل : ؟؟؟؟؟؟؟؟؟؟؟؟؟

نواره : لاتناظرني كذا وكانك ماعملت شي انا عارفتك وعارفه غذارتك ..

راكان وقف : بنات تعالوا معي شوي

البنتين يناظروا بعض

-: من هذي ..؟

-: طلال ايش فيه

طلال: معليه هاجر ساره .. تركونا شوي

طلعوا البنات ومعهم راكان ..ونواره واقفه تناظره بحقد وتهز رجلها ..

طلال بهدوءتكلم .. بعكس قلبه المتخربط ومشاعره المندفه لها ((تعالي ياغلى الحبايب تعالي اجلسي بحضني وسولفي معي ..ابتسمي لي احكي معي خففي همي )): نعم ..؟

نواره ناظرته ماقد كرهت حد مثل طلال ..حست بكره مو طبيعي له : لاتستهبل انت عارف انتم وش عملتوا .. لكن والله ثم والله مراح اسكت وقول لفيصل الزفت انه بيندم على اللي عمله

طلال عقد حواجبه : فيصل .. وش دخل فيصل ممكن تفهميني شصاير

نواره : اها بتستهبل اوكيه دامك حاب تستهبل انا بجاريك – مشت لعنده معصبه ووقفت قباله – شوف شوف عمايلك انت وخويك ..حرام عليكم ماتخافون الله

طلال رفع الجوال بهدوء وعيونه معلقه بعيون نواره في شي يجذبه لها ..
شاف المقطع اللي تلاعب فيه ذوق شعر فيصل ..
رجع ناظر نواره : وش فيه ..؟

نواره قربت منه اكثر وحطت عينها بعينه : وش فيه كل الناس شافته تقول وش فيه

طلال حس بمشاعر بداخله تتفجر ونواره قريبه منه ياهو محتاجها محتاج لها كثير ..
ماسمع وش قالت او ..وش فيه البلوتوث كل تفكيره بهذي العيون الصغيره اللي فيها هموم الارض وهو سببها
طلال : وحشتيني

نواره فتحت عيونها على الاخير ماتوقعته يقولها حست بضربات قلبها تزيد بسرعه جنونيه .. شمت ريحته ريحة معجون الحلاقه مع سجاير طلال وعطره "هوقو " المميز ..تجمعت الدموع بعيونها وارتجف اسفل ذقنها (( لا مو وقته .. الله يلعنك ياقلبي ماتنسى ماتقسى )) ..

طلال رفع ايده ومسح شعره بتوتر لا مو هذا اللي يبغاه ليه قال لها ..

نواره لمحت برقة الدبله اللي بيده اليمين ايده اللي رفعها (( طلال تزوج ..؟؟؟))

طلال انتبه وين ناظرت ..

نواره سكتت شوي وهي تناظره .. بعدها جئتها الشجاعه وقالت بصوت قريب للهمس : ملكة

طلال ناظر الخاتم وهو ساكت ..(( لهذي الدرجه تحبني كل اللي سويته فيها وتحبني ...))

نواره بانفعال : تكلم .. طلال ملكة ..احلفك بالله تنظق ..

طلال تاكد ان حياته بدونها ماتسوى : اسف .. روحي بروح غيرك مغصوبه

نواره نزلت عيونها بسرعه عن عيونه ونزلت معها دمعتها مسحتها بسرعه وناظرته بتامل ..
وابصعوبه حروف من فمها نطقت .. والسكون صار مثل الريح وهبوبـه : اكرهك
قالتهـا ..بـس مااتحملـت بكت كثير ..وكانها تغسل حبه من قلبها كانها تتخلص من نجاستها هذا الشخص بحياتها ..

طلال وجاءته جاهزه من غير لايفكر فيها او يحسب لها حساب : ليه مانتي راضيه تنسي انا نسيتك خلاص ولو سمحتي اطلعي من حياتي ببساطه فكي عني ..

نواره جمعت بقايا كرامتها سحبت الجوال من ايده : ومن قال اني مانسيتك ياطلال ..انت اكبر غلطه بحياتي ..

طلعت بسرعه من الغرفه

طلال رمى جسمه على المخدات المرتفعين حس نه بذل مجهود سلب منه كل طاقته ..مستغرب من قدرته الفضيعه على ضبط اعصابه ومشاعره ..رفع الغطاء بشويش وناظر رجله : والله مارضاها على نفسي تقبلين فيني شفقه ....ومارضاها لك تتزوجي مشوه ..


نواره طلعت تهرب من طلال وحبها له تهرب من الحقيقه المره اللي كذا والا كذا بتتقبلها وتنساه .. قلبها كان ينزف وكرامتها هاينه عليها ..
مشت ببمرات المستشفى "طلال ملك ونساها طلال عافها ومايبغاها مثله مثل حسام كلهم سوا بس الفرق ان طلال جرحه اكبر لان طعناته كانت اكثر "

دق جوالها شافت الشاشه " البابا "

مسحت دموعها و ردت عليه بتعب : هلا يبه ..؟

بو نواره : شفتي شفتي امك الغذره وش سوت فيني

نواره ببرود : خير وش صار بعد

بو نواره : بس سافرتي تركتني وقالت انا ماجيت الا علشان نواره ودامها راحت مابغاك .. تركتني يانواره مثل كل مره

نواره تتنهد : يبه خلاص اصلا انا غاسله ايدي منها

بو نواره: لاااا وضربتني بعد

نواره كسر خاطرها ابوها وتضايقة علشانه : هونها يبه وتهون انا عندك هاللحين ..؟ جايه للبيت ..

بو نواره : انتظرك

نواره : يله باي

سكرت ومشت وهي تحس انفاسها ثقيله الهم اللي بصدرها كاتم على نفسها ..انتبهت بمريم ومحمد جالسين على الكراسي ..

راحت لعندهم بسرعه : مريم محمد ايش فيه ..؟

محمد وجهه متضايق وكانه بعزاء :البندري تعبانه مره ..

مريم تمسح دموعها من تحت الغطاء : نواره حنا خايفين عليها ..فيه خطر على حياتها ...

نواره :ليه وش فيها

محمد تكلم بين اسنانه : اللي سوته شي ماينقال

مريم : البندري حامل من رائد ..

نواره تمثل الصدمه : حامل مبروك ..

ناظروها بغباء : على ايش

نواره ابتسمت بتعب : على الحمل الله يثبته ..

محمد رمى شماغه على الكرسي ومشى بعيد عنهم ...

مريم : يانواره هذي مصيبه

نواره: استغفري ربك ..انا هاللحين ابغى اشوفها عهي باي غرفه ..؟

مشت نواره للغرفه اللي اشر ت عليها مريم
مشت و تجر رجلها جر و الدنيا حولها تدور عيونها تفتح وتغمض وماهي قادره تركز وراسها ثقيل .. حست بتوازنها يختل سندت ايدها على الجدار تستند فيه دام ان مالها سند بالدنيا لازم تسند نفسها بنفسها ...سحبت رجلها ومشت لعند الغرفه وقبل لاتوصل ايدها لمقبض الباب ضلمت الدنيا بوجهها وزادت الضيقه بصدرها و طاحت على الارض مغمى عليها ..

مريم ركضت لعندها : نواره

%%%%%%%%%%%%%%%


بريطانيا – مانشستر

فيصل جالس على المكتب وحوله كتب كثيييييره الدكتوره بالعلوم السياسيه مشيبه راسه ..

دق جواله بمسج نغمة نوكيا المعتاده ..رفعها بكسلكانت رسالة وسائط فتحها ... شاف البلوتوث المنتشر ..(( ذوق الباقي تداعب حبيبها ))
كان اكثر بلوتوث انتشر هو يمكن لانه اجرء واحد فيهم .. شهق من السخيف اللي يمزح وراسله هذا معقوله ذوق ..نزل يشوف مصدر الرساله ..رقم اخته جنى استغرب دق عليها بسرعه : الو ..

جنى : شفته ..؟

فيصل : شنو هذا وانتي من وين حصلتيه ..؟

جنى بضيق : فيصل البلوتوث منتشر بالرياض كلها الا بالسعوديه والله كلها ..

فيصل : كيف ..؟

جنى : مثل ماسمعت ..مسكينه ذوق اكيد زوجها ذبحها هاللحين

فيصل وقف من الانفعال والعصبيه : ذوق ...؟جنى من اللي نشره .. وايش صار على ذوق ...؟

جنى : مادري والله مادري بس ولد عمامي جائوا اليوم لعندها و هزئوا امي وجرحوها انها ماعرفت تربيك وفضيحتك بكل مكان ..؟

فيصل : جنى ماني فاهم شي من اللي نشر هذا .. هذي الصور بيني وبين ذوق ..

جنى : يعني مو انت تنتقم ..

فيصل صرخ : جنى وش هالحكي انتي عارفه اني عطيت ذوق كل اللي معي .. ومافيه نسخ منها الا الاصل اللي عند ذوق ..انا لازم احكي معها واعرف

جنى : لا ااااا لاااا لاتحكي معها لاتحاول حتى ..المسكينه هاللحين اكيد زوجها طلقها واخوانها قتلوها .. لا تدق بتزيد الطين بله

فيصل : طيب وش السوات وش الدبره

جنى : والله مادري انت متاكد محد معه غيرك

فيصل: جنى وبعدين معك

جنى : خلاص خلاص صدقتك ..بس شي يحير

فيصل: الا يشل مستحيل ذوق تفضح نفسها ..اسمعي انا نازل لسعوديه هاللحين ..

جنى : لا والدكتوراه

فيصل : السنه الجايه لاحق عليها المهم هاللحين ذوق ..

جنى : لا لاتستعجل انا بتاكد من شي قبل بعدين يصير خير

%%%%%%%%%%%%%%%%

السعوديه – الرياض

بصالة البيت الارضيه الوسيعه ...

الجوري : ميرندات تعالوا ساعدوني على الترتيب

ام سعود: لا اجلسوا ...

ام بدر : عائشه اتركي البنات مع زوجة اخوهم ..

ام سعود تناظر بدر من فوق لتحت : اخاف عليهم لايختربون ...

بدر : احلفي ..؟

ام سعود ترفع جوالها : استقبل يا هرقل بدر بس موتتشطر علي شوف زوجتك من مصاحبه واكيد هي مثلها

الجوري : انتي وش قصتك من دخلنا وانتي تخربطي من بالكلام

رنده ركضت للجوري: جوجو شوفي ذوق

الجوري ناظرت الجوال مو فاهمه عليها
واول ما شافت المقطع المشهور : ذوق ..؟

بدر قرب من عندهم وشاف ذوق اللي يعرف وجهها لانها ماتتغطى ..ومعها فيصل هو عنده علم بعلاقته من ذوق لكن كيف صار كذا ...

الجوري خافت : هذي ذوق كيف وصلت لعندك

ام سعود: المصون بنت الباقي صديقتي اللي اكيد انتي على مشيها هذا المقطع منتشر بين الناس

الجوري غضت شفايفها هذي ذوق مع فيصل لما كان تعبان بمانشستر وهي مسحت على شعره لان راسه يعوره ونواره وطلال اللي مصورينهم لكن كيف وصل لهنا ومن نشره

ام سعود: يا بدر انتبه دام صديقتها كذا اكيد هي لها سواليف قبل لاتتزوج

بدر كلام ام سعود يدور براسه ..

ام بدر : كلي خراك يا عائشه انتي ماتعرفي الجوري .. والله انها دانه واللي يحاول يمس شرفها بكلمه اذبحه

بدر ناظر امه مستغرب ليه واثقه بالجوري كذا .. ليه متعاطفه معها وتدافع عنها

ام سعود: انتي اللي تاكلي خراك انتي وولدك اجل على اخر العمر حسام يناسب هالاشكال

الجووري واقفه تناظرهم وماهمها من هذا كله الا بدر ..بدر وش بيظن فيها لا هي ماصدقت رجعت له ...

عادت المقطع وتذكرت ذوق وش حالها هاللحين وامها وش بتسوي فيها .. ؟

رناد تهمس لرنده: تعالي نطلع فوق صارت حروب قبليه هنا

رنده مرت لعند الجوري: لا تخافي بدر يحبك

رناد: وخالتي موقفه بوجه امي ..

بدر لف على الجوري : الجوري اطلعي فوق

الجوري خايفه : ...........

ام بدر : لا اتركها تداف عن نفسها

بدر : ومن قالك ان الجوري تقدر تدافع عن نفسها ..هذي الجوري يعني الورده – ابتسم لها – ناعمه وماتقدر تجرح ..

ام سعود ممقهوره هذا وقت رومنسياته وغزله جد مافي رجال ..

الجوري اخيرا نطقت : بدر ودني بيت ذوق

بدر تردد كثير وناظر امه

ام بدر : لاتخافي يابنتي ان شاء الله صاحبتك مضلومه الميرندات يقول انها مركبه وهي بنت ناس ومظلومه

بدر عرف ان امه ردت عليه بطريق غير مباشر ابتسم لها باعتزاز : يله جوارتي

طلعت الجوري ومعها جوال رنده تناظره مصدومه ركبت السياره ساكته ...

بدر : ليه ساكته ..؟

الجوري بكت : حرام والله حرام اكيد هذا فيصل الله يلعنه فضحها


نواره فتحت عيونها من ريحة العطر القويه اللي بانفها : امم

مريم : نواره بسم الله عليك وش فيك

الدكتور : لا تخافي العروسه مافيها شي بس قلة اكل ..

مريم : الحمدلله خفت عليك

الدكتور: ممكن تطلعي لبره وتتركيني مع هذي الاموره شوي

مريم: ليه..؟

نواره : مشكوره مريم روحي تطمني على البندري

مريم: اوكيه فهمت اذا خلصت يادكتور انا بره ..

الدكتور: اوكيه

طلعت مريم الدكتور لف عليها مبتسم : ها العروسه ليه ماتاكل .. ليه مو نايمه من يومين ومانتي ماكله شي ..

نواره : ........سكتت تناظر ايدها وتتذكر شكل طلال " خلاص انسيني انا نسيتك "

((غريبه كيف ينساني ..
ويبعد قلبي المسكين

الاغرب ماخذن قلبي
معاه بدنيته زينه ..))

الدكتور جلس بكرسي قبال السرير : ممكن اعرف ليه زعلانه كذا

نواره رفعت راسها والدموع متحجره بعيونه (( هذا وش يبغى ..؟))

الدكتور : انتي كم عمرك ..؟

نواره: وانت وش دخلك ..؟

الدكتور : هههه علشان نعالجك انتي على وشك انهيار عصبي

نواره ترفع الغطاء على شعرها ومستعده تطلع : مافيني شي ..

الدكتور مع الاسف كان الايد الحانيه اللي محتاجتها وهو من نماذج دكاتره كثير يستغلوا المراهقات اذا مرضو ا : اوكيه ماتبغي تحكي براحتك لكن ماتاكلي ليه عندك ظروف ماتقدري تاكلي

نواره بسرعه: لا الحمدلله مو ناقصني شي ..دكتور عطني علاجي وخلني اطلع

الدكتور حط رجل على رجل : اوكيه يله طلعي ..

نواره وقفت بسرعه ..رجعت الدوخه لها وكانت بتطيح لكن ايطار السرير انقذها ..

الدكتور: قلتلك ماكلتي شي من يومين مستحيل تتحركي

نواره : طيب ابغى اشوف اختي .. اختي هنا بالمستشفى

الدكتور : لاحقه عليها هاللحين ارتاحي شوي وانا قلتلهم يجيبوا لك شي تاكليه

نواره ترتجف : دكتور بليز ابغى اشوف اختي ..

الدكتور : ماينفع انتي مو قادره ترفعي ايدك .. ليه انتي صغيره وحلوه ليه تعذبي نفسك كذا

نواره : انا مو صغيره 22 سنه ولوسمحت من غير هالكرم الفاضي

الدكتور يلعب بالقلم : وش رايك احولك على دكتور الاعصاب

نواره: لامشكور انا متفقه مع دكتور بلندن بسافر له بعد كم يوم

الدكتور رفع حاجبه : لندن

نواره: ايوه انا عايشه هناك وجايه لاختي وانت مو راضي لي اروح لها

دخلت السستر ومعها صينيه صغيره : يادكتور عبدالله انا اولتلك دا ممنوع مغزيات وبس

الدكتور عبدالله : اتركيه هنا واطلعي واجلي المرضى

نواره تحاول توقف : لا مو لازم ابطلع للكوفي

السستر : يكون احسن ..

الدكتور عبدالله: اقولك مانتي قادره توقفي تقولي كوفي ..

نواره بخاطرها (( شالسالفه هذا ثاني واحد يتحرش اليوم وش فيهم الناس ))

طلعت السستر المصريه معصبه

الدكتور عبدالله بنظرات جرياءه : كلي ..

نواره تناظر الاكل : لا مالي نفس

الدكتور عبدالله : على فكره انا ادرس علم نفس اللي معك اكتئاب

نواره: ههه اكتئاب

الدكتور عبدالله : ليه تضحكي اغلب اللي بعمرك يجيلهم اكتئاب

نواره رفعت السندويشه وقطعت منها قطعه صغيره بدون نفس تحس انها شبعانه مالها خلق اكل بس تبغى تخلص من هذا الدكتور ..
((طلال ليه بتنساني ...ليه تزوجت وانا انت اهم عندي من الاكل والشرب ..انت هوائي اللي اتنفسه ))

الدكتور عبدالله يناظر سرحانه وهي قطع الخبزه ماتاكلها مسك الدفتر وكتب فيه كم شغله ..

نواره تقطعها افكارها من داخل ..
(( كيف ينساني وليييييه ...؟
انا باقيه على حبك .. ليه تبيعني ...تعب قلبي بعد فرقاك ..طلال انا حياتي بس مجرد وجودك ))

الدكتور : بتلعبي بالاكل كثير عندي مرضى غيرك

نواره رفعت راسها وكانها بعالم ثاني مو عالمه ..عالم الخيانه والغدر ..آه يادكتور لو تعرف وش على راسي كان عذرتني ..

الدكتور : ليه معذبه نفسك ..؟كلي وترى محد بنافعك الا نفسك

نواره قربت اللقمه عند فمها وهي تحس انها مغصوبه عليه ..حطتها بفمها بهدوء وكلت : الحمدلله شبعت

الدكتور: هههه شبعتي .. لا جد عندك اكتئاب ..

نواره شربت العصير بسرعه ووقفت : خلاص صرت كويسه ..

الدكتور عبدالله : ترى بتموتي اذا ماكلتي ..

نواره: لا جد شبعت اختي تنتظرني

الدكتور ابتسم: متاكده ان الدعوه فيها اختك بس ...

نواره ناظرته بتامل : اكيد لا ..
طلعت بهدوء وهي تعاند نفسها ماتعاند الدكتور ..

الدكتور عبدالله : اذا اغمى عليك بالطريق قولي لهم يجيبوك لدكتور عبدالله

نواره طنشته وطلعت مشيت لحد غرفة البندري ..

الدكتور عبدالله (( اذا كل وحده بعالجها من الاكتئاب وبتعجبني والله مشكله ))

%%%%%%%%%%%%%


لوجين : هلا هلا وسهلا بجواره

الجوري بانفعال : لجون وينك ابغاك ضروري ..

لوجين تناظر مسفر بخوف : انا مع مسفر نتمشى ..

الجوري: ذوق يا لوجين ذوق ..

لوجين : وش فيها ذوق

الجوري : اسبقيني لبيت ذوق وتعرفي كل شي هناك

لوجين: انطقي وش فيها ..؟

الجوري : فيصل فيصل النذل سواها ونشر الصور اللي مع ذوق

لوجين: اي صور ...اها عادي ..؟

الجوري: لجونه فضحهاعند ابوها وعمامها نشر صورها ..

لوجين حست بالمصيبه : ياويلي واذا درى ابوها ....

الجوري. : اكيد درى ...

مسفر ياشر لها ...وش فيه ؟

لوجين : اوكيه انا رايحه هاللحين ..

سكرت ولفت على مسفر وخبرته بكل شي ..

....

بدر : ومن قالك انه فيصل

الجوري: اكيد هو فيه غيره ..هذي الاشكال انانيه ماتفكر الا بنفسها

بدر ناظرها وش تقصد اكيد تقصده لما هددها ..

الجوري عرفت انه فهمها كذا وطنشت احسن علشا يتادبون ..

******************

ذوق : ماما افتحي واللي يرحم والديك

ام ذوق داخل غرفتها رابطه راسها من الالم راسها بيتفجر ..وساده اذنها عن صراخ ذوق اللي يقطع القلب من امس وهي على هالحاله

ذوق : بليز ماما افتحي ماما ..

بو ذوق طالع لدرج وسمع صراخها عصب ثار دمه من جديد صوتها بعد ماكان اعذب واحلى الاصوات على قلبه صار يكرهه ومايطيق يسمعه ..

ذوق: ماما افتحيلي شوي ماما بقولك كل شي

بو ذوق فتح الباب معصب واول شي استقبلها فيه كف على وجهها : يا مسودت الوجه ولتس عين تحكين بعد ..

ذوق تبوس ايد ابوها ورجوله : تكفى بابا طلعني من هنا بنجنن والله بابا مالي ذنب

بو ذوق رماها على الارض وفصخ عقاله : انا اللي بربيتس يابنت الكلبه ..

ذوق خافت ركضت بسرعه : لا بابا لا الا العقال ..

بو ذوق ماسمع ترجيات بنته ضربها بدون رحمه صوت ضرباته بالعقل على جسمها تنسمع

ذوق تصرخ: لا بابا لا تكفى بابا يعورني

ام ذوق تركض : عبدالعزيز اتركها بتموت بيدك

بو ذوق : ابعدي عن وجهي لاضربتس معها ..

ذوق ترتجف وجسمها احمر بكل مكان ... ووجهها مليان دموع : ماما

ام ذوق تمسك ايده : خلاص والله بتموت

بو ذوق رماها بجنب بنتها بقوه وضربها معها : الله يسود وجهتس انتي وبنتس

ام ذوق حطت جسمها على جسم ذوق تحمها من الضرب .... كانت تضم ذوق بقوه وكانها تقولها انا معك وبحميك

ذوق كانت مثل الخرقه بيد امها ماكلت شي وهاللحين انضربت ...

بو ذوق تعبت ايده من الضرب : يا حصه انقلعي اطلعي ..بسرعه

ام ذوق تبكي على حال بنتها : ماني بطالعه واذا بتحبسها احبسني معها ..

بو ذوق طلع وترك الباب مفتوح ..

ام ذوق توقف وقفت معها ذوق : يمه قومي ..قومي معي ..

ذوق تشهق وهي تبكي : ماما انا اسفه ماما ليه يسوي فيني كذا

ام ذوق دخلتها الحمام وغلست بوجهها بالمويه : بس حبيبتي بس لاتبكين ..

ذوق زادت بكي : ماما انا احبك والله ماكنت ابغى يصير كذا

ام ذوق : معليه ياحبيبتي يعد كذا نحكي ..

نادبه دخلت ومعها عربة الاكل : تفزلي ياستي .. زوق ازيك ياحبيبتي

ذوق هزت راسها

ام ذوق مددت ذوق على السرير وغطتها : ارتاحي حبيبتي ..

ذوق تناظر امها وهي تبكي : والله مالي ذنب

ام ذوق : خلاص خلاص ياحبيبتي ..هاللحين كلي ..- قربت العربه منها
جلست بجنب ذوق - افتحي فمك

ذوق فتحت فمها وهي تحس بحنان امها رمت راسها على كتفها تبغى الامان ..مدلعه ماتعودت مثل هذي المعامله ..

كانت مثل الطفله اللي ماتعرف تاكل وجالسه بحضن امها تاكلها ..
ام ذوق : بسم الله عليك ..

بو ذوق فتح الباب من جديد وهو متروش : من قالكم تدخلوا لها الاكل ..

ام ذوق : حرام عليك جوعانه ..

بو ذوق سحب امها من السرير: امشى قدامي واتركيها هذي نجسه ومن بكره توديها للمستشفى سود الله وجهتس ..انتي وبنتس

طلعت ام ذوق غصب عنها ورجع ابوها قفل الباب .. ومالقت غير دموعها تواسيها بهالليل .. وحست باسترخاء بجسمها كله ونامت ...

بو ذوق نزل بسرعه بيطلع : ياويلتس اذا فتحتيلها سامعه والله لارسلتس لبيت اخوتس مع ورقتس

ام ذوق اول مره تشوف زوجها بهذي الحاله سكتت ..

فتحت الخدامه للجوري ولوجين اللي وصلوا بنفس الفتره ..

لوجين: عموا وين ذوق

بو ذوق صرخ بوجهها : اطلعوا اطلعوا لبره محد خربها وضحك عليها غيركم

الجوري: عمي حن

بو رائد يدفهم لبره بقوه : اطلعوا الله لايركم .. واذا شفتكم مره ثانيه هنا لاقطع رجولكم قطع

الجوري ولوجين خافوا وطلعوا بسرعه ...

بدر : وش فيه ..؟

لوجين: ابوها طردنا وصرخ بوجهنا

مسفر : اكيد شي طبيعي بيحد اللوم عليكم
الجوري تناظر بدر بحقد : والله مو علينا على النذل فيصل ..

لوجين : تعالوا نجلس بمكان نفكر وش نعمل مع ذوق

الجوري بكت : انا خايفه عليها ابوها شكله يخوف

مسفر : لا تخافي ابوها متفهم ويخاف ربه

بدر باستهزاء: هين يخاف ربه ..

لوجين: ابكلم نواره اشوفها اكيد عندها الحل ..

%%%%%%%%%%%%%%

نواره دخلت على البندري وكانت تقراء قران

نواره بهمس : مساء الخير

البندري رفعت راسها وابتسمت : هلا نونو

نواره : الحمدلله على السلامه

البندري تناظر بامها النايمه : الله يسلمك

نواره مشت لعند ام البندري: خالتي خالتي

ام البندري مفزوعه : البندري ..

البندري ابتسمت ..

نواره: لا خالتي انا نواره روحي للبيت ارتاحي وانا بجلس عندها

ام البندري: لا يمه مايحتاج انا ب

نواره: لا بلا دلع يله روحي محمد ومريم خايفين عليك انتي مو حمل مستشفيات .. انا برافق عندها لاتخافي بعيوني

البندري: ايوه يمه روحي رتاحي

ام البندري وقفت : جزاك الله خير يانواره ورحملك والديك ..ووفقك ووفرج عنك همك

نواره محتاجه لمثل هالادعيه : امين ..

ام البندري تبوس البندري : انتبهي على نفسك حبيبتي

البندري: ان شاء الله يمه ..

طلعت ام البندري ...لفت نواره عليها : ها كيف نواره الصغيره

البندري: هههههه احلمي ..

نواره : والله عاد انا عندي واسطه رائد يحبني وبيسمي علي

البندري بضيق : هو وينه واسمي حصه لو يبي

نواره: لاااااااا وع حصه

البندري: ههههه اسم امه

نواره: والله توني ادري دايم يقولوا ام رائد والا ام ذوق ماقد سمعت حد يناديها حصه

البندري: عاد هذا اسمها وش اسوي

نواره تفتش الادراج

البندري: وجع وش تسوين

نواره: احب افتش هههههه

البندري : يوه نونو جوعانه كلميهم ابغى اكل

نواره: بدينا بدت الحامل تتدلل .. علشان خاطري رودي بس ابقولهم

البندري: هههه المهم تقولي لهم

دق جوال نواره : هذي لجونه ..الخايسه ماسمعت صوته من امس ..الو

لوجين صوتها متغير : الو

نواره: هلا بالعروس هلا هههههه

لوجين: هلا فيك نونو شفتي وش صار لذوق

نواره ارتبكت : ايوه

لوجين : تدرين

نواره: ايوه

لوجين: انتي وين

نواره: انا انا ببيت امي

لوجين : تهقين البندري تدري ..؟

نواره : لا وانتبهي لا

لوجين: ليه ..؟

نواره: بالليل احاكيك واقولك

لوجين حست من صوت نواره متوهقه بشي : اوكيه

%%%%%%%%%%%%%%%

صباح اليوم الثاني

العسكري صرخ باذن رائد : خويك ياسر مات وهو ماعترف وش فائده موته هاللحين

رائد انصدم : مات ...؟

العسكري : ايوه وانت وراه اذا ماعترفت ..

رائد نزلت دموع قهر الرجال من عيونه : حسبي الله عليكم حسبي الله ..

العسكري : بلا كثرت حكي وتعال معي عندك زياره

رائد مقهور : وكيف مات

العسكري: لاتسال كثير تعال معي ..

جره من غير لايعترض مصابه بصاحبه وخوي دنيته كان كبير تذكر ياسر وطلعاتهم مع بعض وهو يمشي وراء الشرطي مغمض العين ..

{ ياسر : تصدق راود شكلي بلحقك بالزواج

رائد: لا حلو ومن سعيدت الحظ

ياسر تنهد : اكيد اسراء اسراء بنت عمي حلم حياتي

رائد: لا الله يهنيك

ياسر : هههههههه مو بس انت يدلعونك رودي بتدلعني يوسي

رائد: ههههه يوسي .. ازيك يا يوسي

ياسر : هههه كويس ياروووودي

رائد: هههههههههه **

ارتجف جسمه وهو يتخيل ياسر ميت كيف وليه : ليه مات ليه قتلتوه

العسكري : اعترف قبل لايصير مصيرك مصيره

رائد تفل على العسكري : ياخونه خاينين الامانه وتمسكوا باي احد

العسكري رفسه ببطنه : كل تبن

رائد سكت لان الضربه المته كثير
{ ياسر : اسمع رائود هذي الاغنيه لك ...

رائد يصرخ : والله انك فاضي بالملعب الناس تشجع وانت تهدي اغاني

ياسر : انت اسمع وبتعرف ..ساااااااارعي للمجد والعلياء ..

رائد: ههه يالوطني ...السلام الملكي هههههه

رائد: فديت بو متعب وارضه ..- ياشر على بلوزته الخضراء اللي عليها رقم 10 – حنا مثل خضر الفنايل نحب الوطن ونعشق ترابه

رائد: هههه اجل اسمع سارررررررعي للمجد والعلياء

ياسر : ههههههههه **

رائد رجله ماقدرت تشيله طاح على الارض منهار

العسكري: قوم

رائد ضم رجله لصره وبكى اللي فقده مو انسان سهل هذا عديل الروح واخو دنيا هذا ياسر ....اذا تعب من المشي يصير رجله ويشيله .. اذا نزلت دمعته يمسحها قبله ..

العسكري يرفسه : قوم يا ارهابي

رائد : قلتلك ماني برهابي ياكلب

العسكري يوقفه غصب عنه : ليتك فكرت بدموعك قبل ماتعيث في الارض فساد

رائد دموعه اللي تنهز لها شنبات كانت تنزل ..

{ ياسر : ياخوي الدنيا ماتستاهل حد يتضايق والا يزعل فيها عيش يومك وكانه اخر يوم لك ..

رائد: بس والله قهرني هذي اختي ذوق وانت عارف وش كثر احبها

ياسر مبتسم: قلتلك زوجني اياها وخلني نسبيك ماسمعت

رائد: احلف انا في شنو وانت شنو ...

ياسر يبوس خده بقوه : شكلي بقلب خكري واصير البندري علشان ماتزعل ولا تضايق

رائد: ههه الله يخسك ياشيخ

ياسر : ايوه كذا اضحك وابتسم هذا روووووودي اللي نعرفه

رائد: رودي بعينك هذي خاصه ..

ياسر : اسمع اوعدك وعد اذا مت بتزوج البندري احسها حنونه

رائد طب عليه : احلف هههههههه

ياسر : ههههه توبه والله توبه **

رائد (( وينك ياخوي وينك تعال نفذ وعد وخلني اموت وتزوجها

العسكري دخله غرفة مكيفه عرف انها غرفة الضابط ..

...: رائد انت بخير

رائد الصوت عنده مالوف سمعه كثير

الضابط : ياعقيد محمد حنا وش حكينا تقوله اللي عندك وخالص ترى ممنوع حد يقابله بس لانك عزيز وغالي

رائد عرفه محمد اخو البندري مدد يدينه بالهواء لان عينه مغطيه مدها يدور على محمد يدور على ريحة الغلى كله : محمد ... محمد

محمد يناظر رائد اللي حالته يرثى لها جسمه ازرق واخضر ومنتفخ بكل مكان كان واقف يرتجف وجهه مليان دموع : انا هنا رائد وش صار

رائد : حنا كنا بنروح لمصر ومسكونا وقالوا ارهابيه

الضابط: ياعقيد قول اللي عندك بسرعه ..؟

محمد : رائد البندري حامل وم

رائد قاطعه : حامل

محمد: ايوه وهي محتاجتلك هاللحين اطلع وارجع لها

الضابط : خلاص ياعسكري خذه ...

رائد صرخ وحاول يفلت من ايد العسكري : ابعد ياحيوان ابعد...
بنو حامل بنو تعبانه اكيد ...

العسكري يجره : تحرك قدامي ..

رائد يرفس الضابط بكل قوته ويمد ايده يدور على محمد : تكفى محمد انتبه عليها محمد ماوصيك عليها ...ماوصيك حطها وحط ولدي بعيونك ... محمد رشود بذمتك

محمد : لا هي تنتظرك ..

سحبه السيكورتي للمر الحار والضيق مره ثانيه

صرخ باعلى صوتها : محمد ماوصيك بعيونك البندري بعيوني
الفصل الخامس والاربعين


الجوري : بدر بدر ..عمي يبغاك تحت

بدر : خمس دقايق وصحيني ...

الجوري : بدوري عموا حسام يبغاك تحت

بدر : آآآآآآآآآآآآف
قام ودخل للحمام يتروش بسرعه قبل لايعصب ابوه ..
اول ماطلع ..

الجوري : تهقى وش يبي فيك

بدر: والله مادري علمي علمك

الجوري تمشظ له شعره : هو بالعاده يناديك

بدر : جوارتي ليه خايفه كذا

الجوري: من انا ....؟ لا عادي مو خايفه

بدر : متاكده

الجوري: ايوه عادي انزل معك والا لوحدكم

بدر : انتي مين قالك يبغاني .. ؟

الجوري: ام سعود دقت على جهاز البيت تهقى ام سعود ورى اللي يبغاك فيه عمي

بدر رمى الفوطه على السرير : جوري عورتي راسي قلتلك مادري


الجوري بخوف واضح : انا هذي ام سعود ماتريحني ابدا ..

بدر تافف ونزل لتحت وهو مخاوفه اكثر منها لانه عارف تاثير ام سعود عليها ...باس ايد ابوه وراسه : هلا يبه سم

بو بدر : ام سعود اتركينا شوي

ام سعود بحقد تناظر بدر: ابشر

طلعت ام سعود ..لف عليه ابوه : صحيح الحكي اللي سمعته

بدر حط ايده على قلبه صحيح كلمة ابوه ماهي بمسموعه عنده مثل امه بس هو هاللحين ماعنده وضيفه ومصاريفه ومصاريف الجوري عليه : خير يبه وش الحكي اللي سمعته

بو بدر : زوجتك الجوري على علاقه ببنت الباقي

بدر عقد حواجبه : ايوه ليه تسال ..؟

بو بدر : كيف ..؟ليه اسال انت ماشفت صورها

بدر : يبه اسمح لي بس البنت مظلومه مالها ذنب

بو بدر : اكيد بتدافع عنها مو اللي بالصور معها صاحبك فيصل ..

بدر : يبه ماتحس انك مكبر الموضوع من متى وحنا نتدخل بمشاكل الناس

بو بدر : انت عندك خوات وسمعتهم من سمعت زوجتك وصحباتها ..

بدر : عندي خوات اخوهم يتعذب باليوم مليون مره بسبب الايدز ..وهذي سمعه تشرف

بو بدر سكت شوي يفكر : لكن البنت غير ..

بدر : يبه انت مصلي مسمي حرام تظلم البنت على قل سنع ..

بو بدر : استغفر الله بس انا خايف على خواتك

بدر : خواتي بالحفظ والصون يايبه وماحد يقدر يمسهم بكلمه

بو بدر هز راسه بتفكير: اسمع قول لزوجتك تقطع علاقتها بهذي بنت الباقي ..

بدر : ليه يبه ليكون سمعت كلام ام سعود المجنون هذي

بو بدر : بدر احترم زوجة ابوك هذي بمقام امك

بدر : تخسي هذي تكون بمقام الغاليه

بو بدر عصب : تراى اذا ماقطعت علاقتها بهذي الفاصخه والله مالك مكان عندي ..

بدر مثل ماتوقع لعبتها ام سعود صح : ..........

بو بدر : كبر عقلك ورح قول لزوجتك

بدر : بالاذن يبه

طلع بدر من غرفة الطعام وكان بوجهه ام سعود ضغط على ايدها بيده بقوه : مهما حاولتي الجوري بقلبي واعشقها ولايمكن اتخلى عنها

ام سعود بنظره كلها حقد وغيره : خلها تجيب لك الولد هذي اللي تحبها

بدر : تكفين عن مليون ولد يكفي هي

تركها وطلع لفوق يغني (( بحبك وحشتيني ...بحبك وانتي نور .. بحبك موت ))

الجوري كانت لحد هاللحين بالبيجامه الخفيفه تروح وتجي خايفه اعصابه فلتت من كثر التفكير

دخل بدر مبتسم : هاااااي

الجوري: وش يبغى فيك ..؟ وش حكى لك ..؟

بدر زاد ابتسام وباسها على خدها : سلامتك يقول مافطرت معه من زمان وافتكر اني زعلان

الجوري تشد على ايده : يعني بس كذا

بدر : ههههه ليه خايفه كذا

الجوري: وام سعود وش قالت

بدر : امم طلعت من الغرفه ماجلست معنا

الجوري : يعني ماقالك تزوج علي

بدر ناظرها مستغرب : لا ..ليكون على بالك يبغاني اتزوج عليك ..؟

الجوري نزلت راسها للارض خجلانه من تفكيرها : لا انا قلت يعني .. يمكن ام سعود ..

بدر يحتويها بحضنه : والله لو خيروني بينك وبين ساندرا بلوك اختارها واتركك انتي ...

الجوري عصبت وقالت بدلع : لا .. بدور من جدي احكي

بدر : اكيد لا وبعدين ابوي يخاف الله ومستحيل يقولي كذا هذا اول شي .. ثاني شي انا اكره خلق الله عندي الزوجه الثانيه متعقد منها تبغيني اتزوج مره ثانيه

الجوري ابتسمت مرتاحه : وان شاء الله تكرها دوم وتتعقد دوم

بدر: ههههههه امين



بدر بخبث : ابسالك وش قصدك بحكيك امس عن فيصل ..؟

الجوري: اوووووووبس .. توهقت

بدر : هههه تقصديني ها

الجوري منحرجه : كنت مقهوره وبس

بدر : وهالحين ..؟

الجوري بسرعه : نسيت ...

بدر : تيب يالمقهوره ..يله البسي نطلع

الجوري : يابعد قلبي والله هذا بدوري حبيبي ...

بدر جلس على السرير : خمس دقايق اذا ما جهزتي والله ارجع انام

الجوري: لاااااااا بسرعه بخلص ..

%%%%%%%%%%%%%%%%%

البندري: نواره مانمتي

نواره مندمجه مع الفلم على شانيل تو ....: لا اسكتي ابتابع

البندري: شوفي عيونك حمراء وشكلك تعبانه ليه مانمتي

نواره : نمت ساعتين ..

البندري: وهذا اسمه نوم ...

نواره : هههههه بالنسبه لي انجاز ..

البندري: ليه ..؟ ليه ماتنامي

نواره تضيع الموضوع : وش حابه تفطري

البندري: ايه والله جيعانه تصدقي بالفتره الاخيره دوم اجوع ..

نواره : هههه من نواره الصغيرونه

البندري: مصممه هههه جيبيلي كروسان جبن وعصير فريز

نواره : لازم انا اللي بسهر عليك لازم تسمي علي ..– وقفت – بس هذا اللي تبغيه من البوفيه تحت

البندري : ايوه

طلعت نواره وتركت البندري سرحانه برائد واختفائه وتناظر بدنها الصغير ...(( وينك ..؟ خلاص ارجع تراك زودتها ....))

نواره مرت عند غرفة طلال بالدور اللي تحتهم بالضبط كذا رجلها مشتها تمر عند غرفته ...وقفت تناظر 190 هذي الغرفه حفظت رقهمها كويس حفظت تفاصيلها كلها ..

مشت بسرعه قبل لاتدق الباب وتتهور ... ....

من ورى باب غرفة " 190 "...
طلال جالس يناظر بالنافذه الوحيده اللي تربطه بالخارج ...: وينك هاللحين يانواره وكيف حالتك وش تسوين .....؟؟؟؟ لحد هاللحين تمثلي القوه وقويه والا مهزوزه من جوى ومن برى ...

اندق الباب بهدوء

راكان : مرررررررررررحبا

طلال بدون نفس من غير لايتحرك : هلا

راكان : قول من شفت هاللحين

طلال: من يعني ..؟

راكان : الكوندليزا نواره

طلال لف بسرعه : نواره

راكان : ايوه تقول ان وحده من صديقاتها حامل وهي مرافقه لها ..

طلال : حامل مين ...؟

راكان : مادري بس شكلها يكسر الخاطر سرحانه ومفهيه حتى مانتبهت فيني – راكان حب يعذبه اكثر - المهم ماعلينا منها اكيد هاللحين حد من هالدكاتره بالمستشفى بيحاول يتقرب منها وتحبه وتتزوج وانت ماضي ..اسمع قبل لانسى ماطلع الخاتم

طلال يناظر الدبله : لا لحد هاللحين عالق لو اني داري ماستهبلت وحطيت خاتم انت ايدك بلوى

راكان: اييييييييه الله يرحم ايام قبل ايدك عن ايدي اربعه ..

طلال : وينها هاللحين نواره ..؟

راكان: مادري بس كانت رايحه للكوفي ..

طلال : لوحدها

راكان بلعانه : مادري الظاهر

طلال: ركييييين انطق

راكان: خلاص انت قلت لها تنساك خلاص لاتسال عنها

طلال يناظر السقف : مادري ... يا راكان انا علشانها اسوي كذا ...؟

راكان تنرفز : كيف علشانها ..؟ فهمني

طلال : ياركان انت اكثر واحد عارف اني اموت على تراب رجلها واني والله يشهد ماقد حبيت احد كثرها اصلا انا ماحب البنات ماطيق هذولا البنات عندي حساسيه منهم اعرفهم لعبه تقضيت وقت ..اما هذي – ضغط على اسنانه – هذي نونو ..الله يلعنها خلتني اعشقها ...

راكان : انت بصراحه متناقض تحبها وتتركها

طلال تنهد : والله لو الفجر مراح تفهم علي ..

%%%%%%%%%%%%%%%%%%%

لوجين تناظر التلفزيون طشانه : اف مسوسي ليه نايم هاللحين ..رد

دق جوالها رفعته بسرعه على بالها مسفر بس وقف شعر جسمها ونبضت كل خليه بجسمها ..رقم نهايته 89 ....... طاح الجوال من ايدها من الخوف ..

سكت التلفون عن الدق وهي لحد هاللحين على حالها .. ترتجف ...

رجع دق التلفون مره ثانيه ناظرت الارض مكان الجوال وناظرت الشاشه نفس الرقم ..خافت ...

منصور : صببببببببببببباح الخير

لوجين قفزت في مكانها خايفه : – بكت –

منصور خاف : بسم الله لجون وش فيك ..؟

لوجين تاشر على الجوال وتبكي ..

منصور ناظر الجوال : وش فيه ..؟

لوجين ترتجف : علي ..علي

منصور رفع الجوال وناظر المكالمتين من رقم مو مسجل ..: علي ..وش فيه علي الكلب

لوجين دفنت راسها برجلها تبكي ...

منصور استنتج ان سبب خوفها ان هذا الرقم علي
دق عليه علشان يوضح لها ان ضنها غلط ..

...: الو هلا بحياتي شخبارخ ..؟

منصور: الو من معي

..: الو مو هذا جوال لوجين

منصوراستنتج انه علي : نعم مين ..؟

..: اوه شكلي غلطان يالاخو ..

منصور: غلطان والا تتحرش ببنات الناس ياقليل الخاتمه لاعاد تدق علي مره ثانيه سامع

...: ........................سكر الخط ..

لوجين بخوف تبكي : علي صح هذا علي ..

منصور: لا واحد غلطان ..

لوجين: لا انا عارفه علي ..وش يبغى ..؟

منصور : اها لحد هاللحين خايفه من علي صح

لوجين زادت بكي

منصور حط اييده على كتفها : لا تخافي وانا ولد عمك .. هذا العلي اليوم اخر يوم بحياته

لوجين خايفه : وش قصدك ..؟..

منصور : يابنت عمي انتي اختي اللي ماولدتها امي وانا مارضى ان حد يمس شعره من اختي وهذا علي انا اعرف اتصرف معه

لوجين: بتقتله .....؟؟؟؟

منصور: لا وش دعوه فلم امريكي .. لا انا اعرف اتصرف معه ..

لوجين ترتجف : تكفى يامنصور لا تخليه ياذيني

منصور : ابشري ... وانا ولد عمك ...

لوجين هدت شوي منصور ريحها بكلامه الواثق حست انها مرتاحه بعد ماشافت العطف والاخوه بعيون منصور ... ..: منصور انا احس انه يقدر يعمل اي شي ..

منصور يطمنها وهو يناظر بعيونها بتركيز علشان يطمنها : لا ماعليك انا له هو بس يفكر يقرب ..

لوجين : بليز مسفر لاتحكي لمسفر شي ..


%%%%%%%%%%%%%%%%%%

محمد: لو سمحت اخوي انا جائي اسئل عن المريض عادل سليمان ..

الموظف : اها قصدك الدكتور عادل

محمد: ايوه الدكتور عادل ...

الموظف : هو امس بس طلع ..

محمد: طلع يعني مامات ..

الموظف: لا وش مات هو معه رضوض بسيطه وكسر بالايد .. ..

محمد تنهد : آف الحمدلله يعني طلع وماعرفتوا من سبب له الحادث

الموظف: والله مادري ..؟ هو بيداوم بكره اذا حاب تشوفه

محمد مبتسم رائد طلع منها حلو : لا انا ازوره بالبيت اليوم مشكور ياخوي

الموظف : العفو ..

مشى محمد لبره المستشفى مبسوط رائد طلع منها بس باقي يتفاهم مع عادل بعد كذا يحكي مع الشرطه ...

%%%%%%%%%%%%%%%%%%%%%

نواره : هاي وصل الاكل

البندري: احلفي كان نمتي بعد

نواره: لا حرام عليك بس شفت نوف اذا تذكريها نوف العمري هذيك اللي كانت معجبه بذوق

البندري: ههههه ايوه الهبله عرفتها كيفها

نواره: تمام وتمام التمام بعد تصوري متزوجه وعنده اربع عيال

البندري: اربعه

نواره وهي تحط الاكل على الطاوله : مشاء الله اكيد اربعه دامها متزوجه من تخرجنا من الثانويه

البندري تناظر ببطنها : الله يهنيها ..

نواره : خذي كروسان جبن مثل الطلب وعصير فريز ..

البندري: لي يومين وهذا الثالث بالمستشفى وماجئوا ذوق او الجوري او لوجين

نواره: انا ماقلتلهم ..

البندري: ليه ..؟

نواره : الجوري مع بدر ولي فيها مكفيها ..ولوجين اكيد بتسافر تقضي مع مسفر..اما ذوق ف .. فتعرفيها بالفتره الاخيره ماتطلع ..

البندري ماقتنعت : اسمعي احكي معهم اليوم ابغاهم كلهم يسهرون عندي سمعتي يا تيته نواره

نواره : اوكيه اعصابك بحكي معهم هاللحين اذا حبيتي ...

دقت على لوجين : هاي لجون

لوجين بهدوء : هلا ..

نواره : اسمعي بنو تعبها البيبي شوي وهي بالمستشفى

لوجين بخوف : بالمستشفى ..؟

نواره : لاتخافي شوية دلع تعالي وجيبي من باتشي شوكلاته

لوجين: جد انك فاضيه ..... عطيني احكي معها ..

نواره : خذي مافيها شي ..بعير

البندري: هههههه بعير بعينك ..

لوجين : هلا حبيبتي وش فيك وم

البندري تقاطعها : ههههه لاتخافي مافيني شي يله تعالي عندي هاللحين لاعة كبدي من نونو ..

نواره : ههههههه ..من ورى قلبك

لوجين : يعني مافيك شي والنونو فيه شي

البندري: تعالي وشوفيه

لوجين تطمنت : هاللحين طيران عندك ...

البندري: يله اتظرك ولا تنسي باتشي نونو...

لوجين : نونو والا انتي هههههه

البندري: لا والله مالي خلق اصلا ..

لوجين: هههه داريه يله باي ..

البندري : باي

سكرت البندري ودقت على الجوري ....وهي مشتاقه لها ...

الجوري: نوييييييييييير ليه ماتردي وجع

البندري: ايوه بس تسالي عن نوير وانا لا

الجوري: هلا والله هلا بهالصوت فديت الذوق انا كيفك حياتي وحشتيني

بدر : آف اكيد البندري
الجوري طنشته ...

البندري: لا بلا كذب ...

الجوري: والله وحشتيني ليه ماتردي ومقفله جوالك وبيتكم محد يرد ...والله مشتاقه لك حتى اسالي بدوري

البندري: دامك مشتاقه تعالي للمستشفى هاللحين

الجوري بخوف: مستشفى اي مستشفى

البندري: لا تخافي البيبي تعبني شويه وتنومت ثلاث ايام

الجوري غرقة عيونها : ثلاث ايام وانا اخر من يعلم ..وش فيك وش صار لك حياتي ..

البندري : والله هذا اللي صار ويله تعالي لي هاللحين ومعك نونو وش نفسك فيه

نواره تاكل ومندمجه مع الفلم : اممم نفسي ب ..ب ..بموكا ..

البندري: سمعتي جيبي معك موكا ...

الجوري: ابشروا ماطلبتوا ...

البندري: باي

الجوري: باي

نواره : صرنا طرارات هههههه

البندري: احسن علشان يسالون عني هههه

نواره : عاد بنو وحقدت وش يريحنا هاللحين ..

البندري سكتت شوي بعدين قالت : نواره ودي ابكي

نواره: ليه ..؟

البندري: كذا مشتاقه للبنات ولرائد ..

نواره : ابكي ريحي نفسك

البندري: لا شكلي غلط ام وابكي مثل البزارين ...

نواره : هههههههه ابكي الامهات مايبكون يعني

البندري: لا امي ماتبكي كثير

نواره: لان امك اللي شافته مو قليل

البندري: اتوقع ل انها ماقتلت ابوي كان ماصارت قويه كذا

نواره : لاتنسي ..مو سهله انها تشوف ابوك يغتصب اختها الصغيره وبعدين يحاول يغتصبك وتضل واقفه تتفرج

البندري: كنت غبيه لما ظلمتها كذا ...

نواره: انتي فيها صححي غلطك ...

البندري: اكييييد

%%%%%%%%%%%%%%%%%%%%%%

بدر : ياليتك تهتمي فيني مثل ماتهتمي بصحباتك ...

الجوري: حرام عليك بدور انت بالقلب والله

بدر : ايوه كلام

الجوري : بدوري حبيبي لاتخليني اتهور هاللحين وابوسك قدام خلق الله

بدر : لا انتي بريطانيه وتعمليها

الجوري : هههههه والله اتهور عادي

بدر : لا خلاص اقتنعت ورضيت ..

الجوري : بدوري قلبي مو تزعل هذا اول بيبي بالشله لازم نهتم فيه

بدر : ايوه ولعاشر بيبي بتقولي هذا عاشر بيبي ولازم نهتم فيه ...

الجوري: بدور من جدك زعلان

بدر وعجبته السالفه يتدلع عليها : يعني بيهمك ..

الجوري: خلاص بدور علشان تعرف اني مارضى على زعلك ابسوي اي شي تبغاه

بدر : اي شي اي شي ..

الجوري : اي شي ... اهم شي رضاك

بدر : اوكيه الليله ابطلب الطلب اللي اتمناه منك

الجوري : اوكيه

بدر بحقد : والله اني اغار من صديقاتك وحده وحده وبالذات هذي بنو

الجوري: هههه نفس الشعور هي ماتحبك

بدر : الا زوجها ماعرفتي وش صار له

الجوري: لا لحد هاللحين اللي نعرفه انه بيسافر بالعباره الصريه اللي تحركت امس بس وهو من اسبوعين رايح لجده

بدر : اها انتم ماتعرفون وش اسم اصحابه

الجوري: اصحابه لا ..ليه ..؟

بدر : لا بس اذكر اني مره شفت ببيتهم واحد اسمه ياسر ..وهو يشبه ياسر الارهابي اللي مات امس

الجوري: ارهابي هههههههه اعوذ بالله وين رائد وربعه وين الاهاب ههههه

بدر : وانتي صادقه هههههه

%%%%%%%%%%%%%

ذوق : ماما انتم انهبلتوا ماني برايحه معك مكان

ام ذوق : ليه خايفه والا كيف ..؟

ذوق : انتم ناسين اني متزوجه قبل

ام ذوق : بس عادل مالمسك صح

ذوق : لا مالمسني لكن كيف يكون شكلي داخله للمستشفى اكشف بعد الفضيحه ...

ام ذوق بعناد: والله هذا اللي يبغاه ابوك ولولا فضيحتك كان ماصار اللي صار

ذوق: الله يحرق قلبك على كل غالي يافيصل مثل مافضحتني

ام ذوق : يعني تعرفيه ..

ذوق تصرخ : ايوه اعرفه وهذي الصوره ماهي مركبه وانا كنت احبه وهو يحبني

بو ذوق دخل معصب : اه ياقليلة الخاتمه وتقوليها تسذا

ذوق : ايوه بقولها مو انت اللي سرقة فلوس بو فيصل مو انت اللي خنت صاحبك .. مو ام فيصل اللي تحبها وتبغاها ...

بو ذوق تغيرت معالم وجهه وارتبك : وش هالحكي ..؟ انتي تخرفين

ام ذوق: اي فيصل انت تعرف هذا فيصل

ذوق : ايوه ياماما بابا مو مثل ماحنا مفتكرين بابا حرامي ونصاب

بو ذوق ضربها بقسوه ورفسها : انطمي ياقليلة الادب ..

ام ذوق : لحضه تقصدين ام فيصل هي نفسها ام فيصل هذيك ياعبدالعزيز

بو ذوق : وانتي المهبوله الثانيه تاخذي على كلام هالبزر

ام ذوق: ذوق انتي تقصدي فيصل التركي

ذوق تبكي وابوها شاد شعرها : ايوه هذا ..ولد التركي ..

ام ذوق : ايوه كنت عارفه انت لحد هاللحين تحبها ومانسيتها

بو ذوق : كبرنا على هالسواليف يامرى وانتي – ضغط على شعرها اكثر - انا اللي بوديك بنفسي

ام ذوق وقفت بوجهه : لحضه مانت بمتحرك من هنا الا لما تطلقني

بو ذوق : وش هالحكي

ذوق : لا ماما تكفين لاتتركيني لوحدي ..

ام ذوق سحبت ذوق منه : لما تعرف تربي نفسك اركض وراء عيالك

بو ذوق سحب ذوق منها بقوه : خلاص الشي او السر اللي خايف انه يطلع ومخليتك بذمتي لهالحين بين ووضح تقدري تتفضلي لبيت ابوك وانتي ط

ذوق حطت ايدها على فم ابوها ودموعها على خدها : لا يبه تكفى لا .. انا مستعده اروح للمستشفى واكشف بس ماتقول هالكلمه

ام ذوق : اذا هو ماقالها انا بطالب فيها ... قولها ياعبدالعزيز قولها

بو ذوق ناظر بعيون بنته ذوق ناظر باحب الخلق لقلبه وبمن فضحته وشوهت سمعته : ذوق انتي السبب بكل هذا ..تذكري انتي السبب ... حصه انتي طالق

ام ذوق : ابركها من ساعه ..ذوق لمي اغراضك وتعالي معي

بو ذوق: تخسين بنتي مالها طلعه من بيتي انا وانتي معي ماربيتيها كيف وهي بره بدوني ..

ام ذوق: لا بصراحه كنت الاب الحنون والمربي الفاضل انت كل همك ان عيالك يكتبون اسمك في دفتر ذكرياتهم من احب الاشخاص وانا الغوله ... انت ربيتهم يكرهوني وابعدتني عنهم

ذوق كانت واقفه وتحس الزمن تمشي ثوانيه مثل خطوات السلحفاء ... تحس المكان يدور فيها .. ابوها يصرخ على امها باذنها وامها ماسكه بايدها مثل اللعبه تجرها معها كانت بدوامة الضياع ..

ابو ذوق : لا انا كرهتهم والا انتي اللي تاركتهم على مربيات ومدارس خاصه علشان جمالتس وبشرتس ..ويضلوا يقولوا حرم الباقي جميله ..حرم الباقي مدلعه بزوجها ...حر

ام ذوق تقاطعه وهي تشد على ايد بذوق : لا تحاول بنتي لي وماتبغاك انت بتذبحها

ذوق صرخت وهي تسحب نفسها منهم الاثنين ..: خلااااااااااااااص خلاااااااااااص اسكتوا تكفون اسكتوا ..

ام ذوق : اسمعي يا انا يا ابوك

بو ذوق: احلفي مالها حق تختار ..واطلعي لاذبحتس هالحين

ذوق خايفه : ماما ..روحي مابغاك خلاص روحي

بو ذوق : سمعتي ضفي وجهتس

ام ذوق مشت معصبه وهي تتحلطم : انا اوريك ياعزيز انا لك ...

نادبه تركض لفوق : ياستي ياسيدي الحقوا البيه رائد

ذوق : رائد وينه

ام ذوق ركضت لنادبه : وينه وين ولدي تحت

نادبه : لا رائد على التلفزيون

ركضوا كلهم لتحت عند الشاشه

بو ذوق يصرخ : وينه ياحماره

نادبه: اقروا كويس ...

كانت قناة الاخباريه ومكتوب عاجل (( غرق احدى عبارة البحر الاحمر ...عبارة السلام 99 ))

ذوق ركضت لتلفزيون: بابا رائد رائد هنا

بو ذوق : انتم بقر وش دخل رائد فيذا – سكت يستوعب – رائد مسافر بالعباره رائد غرق

ام ذوق اغمى عليها

ذوق : ماما ماما

بو ذوق مسكها: حصه حصه ..

ذوق رجلها ماشالتها طاحت على الارض بجنب امها:رائد لا رائد

بوذوق : انا فيتس والا فمتس .. اسكتي

ذوق ترفع صوت التلفزيون وهي منهاره : ناظر مافيه احد نجى ناظر كيف الناس مرميه بالبحر


بو ذوق رفع ام ذوق على الكنبه : لاحول ولاقوه الا بالله لاحول ولاقوه الا بالله

نادبه ومعها منديل فيه عطر : تفزل ياسيدي

بو ذوق قربه لعند انف امها وهو يضربها على خدها : حصه حصه

ام ذوق فتحت عيونها : رائد ..رائد

%%%%%%%%%%%%%%%

لوجين لبست ونزلت لتحت

منصور : ها كيفك هاللحين..؟

لوجين: كويسه ..

منصور : على وين لجون ..؟

لوجين وهي تلبس العبايه : للمستشفى عند البندري تعبت شوي

منصور: مسفر بيمرك

لوجين: لا مسفر اليوم مشغول انت عارف بكره السفر ولازم يستعد ..

منصور : اهابيسافر معنا ..

لوجين : اكيد

منصور : بس هو قالي انه مايقدر يسافر ..

لوجين بثقه : لا انا حكيت معه امس واكد لي انه بيسافر

منصور : والله مادري اساليه ..؟المهم ... ..كل صديقاتك رايحين

لوجين: اتوقع الا ذوق طبعا

منصور بتردد : اها ..وش رايك اوصلك

لوجين: اكيد مانقول لا

منصور ابتسم: يله ..

...بالسياره ..

لوجين تدق على مسفر

مسفر : هلا وغلا بضحكة الدنيا وكتكوتت قلبي وعمري ..

لوجين بدلع :ههههه هلا فيك يابياع الكلام .. وينك اليوم .؟

مسفر : سلامت بس انتي عارفه محل الوالد ماحوله احد وبمسكه كم يوم

لوجين شهقت : كم يوم ..؟ كيف كم يوم وانا والسفر

مسفر: حياتي كنت بقولك بس اعذريني لحونه بابا محتاج لي هذي الايام سامي شغله بره السعوديه ومافي حد يقابل المحل غيري

لوجين عصبت وصار تهز رجلها : ايوه وايش بعد

مسفر : انا خبرت منصور يسافر معك وينتبه عليك ..

لوجين تصطنع الضحك : هههه ولايهمك مسفوري اهم شي ابوك وبعدين اساسا ماينفع تشوف الجهاز قبل لانتزوج

مسفر بهدوء: لجون لاتكابري عارف زعلانه صح

لوجين : لا مسفوري مو زعلانه انت زعلت بوك كثير علشاني خلاص اجلس معه وبعدين – حطت ايدها على كتف منصور بعفويه – انا بايدي امينه مع عزوتي وولد عمي

منصور ابتسم لحركتها وحرك كتفه شوي علشان تبعد ايدها لانه مايحب تتعدى الحدود بينهم ..
ولوجين بعدت ايدها وهي كاتمه ضحكتها منصور خجول ومايحب هذي الحركات وهي تحسها عاديه وطبيعيه ..

مسفر : اوكيه حياتي مو زعلانه مني

لوجين : الله لايجيب اليوم اللي ازعل فيه منك اتركك هاللحين

مسفر : وين بدري ..؟

لوجين : لا صوت ازعاج عندك اكيد عندك زباين احاكيك بالليل اوكيه

مسفر : اوكيه قلبي تامرين على شي ..

لوجين : لا سلامتك

مسفر: انتبهي لنفسك مع السلامه

لوجين : مع السلامه

سكرت لوجين وتنهدت : منصور باسالك

منصور : ايوه

لوجين : لو انت مكان مسفر تركتني اسافر وجلست هنا

منصور تنهد : لو انا مكانه ماتركتك تطلعي من البيت لوحدك مو تسافري لوحدك ...

لوجين استغربت : ليه انت اذا تزوجت مراح تترك زوجتك تطلع لوحدها

منصور : اكيد لا ...

لوجين : ليه ماتثق فيها

منصور : اكيد اثق فيها لكن لكل شي حدود ..


لوجين : اها يعجبني تفكيرك لكن مسكينه اللي بتاخذك

منصور : هههههه

لوجين : انا مقهوره من مسفر بيتركني اسافر لوحدي

منصور : ارحمي الرحال شوي ترك اهله علشانك اكثر من مره

لوجين بتفكير : معك حق .............. يؤؤؤؤؤؤؤه كنت ابنسى .. نونو تبغى شوكلاته من باتشي

منصور : باتشي والا شوكلاين

لوجين : باتشي ..

منصور : اوكيه وحنا عندنا اغلى من ربعك

%%%%%%%%%%%%%%%%%

رائد ساجد بالسجن الاظلم والضيق لا ليله ليل ولا نهارع نهار فقد احساسه بالوقت والحياة ...

سجد لرب العباد مسبب الاسباب ...
(( ياررررب ياررررب ياكريم ياقدوس ياسلام يارب احفظ لي البندري والجنين يارب .... يارب ياكشف الهم والغم اظهر الحق وطلعني من سجني هذا يارب ...يالله مو علشاني علشان البندري انظلمت وعانت هي وامها كثير ... يارب فرج همي يارب ))

%%%%%%%

البندري : ذوق الشيخه ماترد

نواره : قلتلك ماتحب تطلع واكيد نايمه هاللحين

البندري: ياقلبي هي اللي شافته مو شويه

نواره (( كيف لو عرفتي وش صار لها )): اكيد وكلنا عاذرينها ...

الجوري : هلا هلا حياتي – ركضت لها – جعله فيني ولا فيك

البندري: جور حياتي كيفك ...

الجوري تضمها : ليه ماتحكين 3 ايام يالظلمه

نواره: انا والله المتفلسفه ...

البندري تضمها من قلب مشتاقه لها ..


** صديقتي رغم الالم .. بتبقى الصداقه غاليه

ومن يمسح دموعي بعد ماتدمع ..غيرك اكيد

يوم اشتكيتي دنيتك ..شفتي عروقي داميه ...

ويوم بكيتي دموعك ذوبت فيني جليد ..**

ضمتها وبكت : رودي ياجور ..رودي

الجوري ..: رائد وش فيه

البندري: مايرد علي انا خايفه عليه

الجوري: لا لاتخافي ..

البندري: حتى ذوق تتهرب مني وماترد

الجوري تناظر نواره وتحرك شفايفها بدون صوت : " ماتعرف "

اشرت لها نواره " لا انتبهي "

الجوري: الغايب عذره معه ا نتي انتبهي على الجوري هاللحين

البندري سكتت حست بكيها ماله داعي مع انها محتاجه تبكي : انتي بعد هههههه

الجوري: ليه من سبقني باسمه

نواره: اكيد انا ...

الجوري : اهم شي هاللحين ... الحمدلله على الصحه والسلامه

البندري: الله يسلمك ..

نواره: وين الموكا ...؟

الجوري: يووه نسيته عند بدر بالسياره ..

نواره: حاكيه قبل لايبعد

الجوري : اوكيه

دقت عليه وقالت بنعومه غير صوتها : الو بدوري

بدر: هههههه عارف ياقلبي الموكا والا كياس معي هاللحين جائي بس بمر على طلال قبل

الجوري: اوكيه حبيبي خذ راحتك

نواره : ههههههه – تقلدها – الو بدوري

بدر : باي قلبي

الجوري: باي حياتي - لفت على نواره مقهوره – ليه الضحك

البندري : سبحان الله وين راح صوتك هههه

الجوري: انقلعوا يالفاضين

نواره : اخلصي وين الموكا

الجوري بخبث : بيمر على طلال بعدين بيجيبه

نواره ارتبكت : اها

البندري : نونو طلال بنفس المستشفى

نواره: وانا وش دخلني تسالوني

البندري: اوه سوري غلطنا

الجوري: لا انتي وش دخلك صح

نواره عصبت : اجتمعوا الفسقانات علي

الجوري والبندري: ههههه

نواره : هاهاها بايخين ..

اندق الباب بقوه

لوجين : افتحوااااااا

نواره : لجون ههههه لازم قلق... شويه شويه على الباب يابنت ...

فتحت الباب وهي معصبه : ليه ان شاء الله ماتفتحيه انتي وا

سكتت لما شافت الاكياس والورد اللي رافعينها هي ومنصور ..

منصور حطهم على ايد نواره : اتوقع ان مالي داعي باااااي قبل لاتطلع لي اغراض ثانيه

لوجين: ههههه باي

دخلوا الاكياس الكثير وباقة الورد

لوجين: حبيبتي ماتشوفي شر

البندري: الشر مايجيك

لوجين تناظر الغرفه البيضاء : جد ماعندك سالفه تنامي هنا انا حكيت مع منصور يحكي مع الاداره ينقلونك لجناح هنا مو هذي الغرفه

الجوري : لجون لاتبدين تكفين ...

لوجين: من جدي هذي مو كشخه

نواره: وانتي صادقه وياليت سريري يكون اكبر شوي

البندري: لا والله لجون مشكوره مرتاحه هنا

لوجين: احلفي – تبوسها على خدها بقوه – انتي الغلا كله انتي ام لوجين ..

الجوري ونواره والبندري: هههههه

لوجين: وش فيكم ..؟

البندري: لا بنتي محجوز لها اسمين من قبل

لوجين: اكيد العرايس

نواره: اكيد ..

اندق الباب

الجوري: من بعد ..؟

نواره: مييييين

بدر : انا جواري تعالي الاغراض

الجوري بسرعه خذت منه الاكياس : يعطيك العافيه

بدر : الله يعافيك ياحبي

نواره: هييييييه سكروا الباب هنا في عذارء

بدر: هههههه باي انتبهي على نفسك

الجوري: ابشر حياتي وانت لاتسوق بسرعه

بدر: من عيوني ..

الجوري سكرت الباب معصبه : انتي وبعدين معك يالقلق ماتتركيني معه براحتنا

لوجين: ههههه عسل وربي ...

البندري: ايوه عسل لانها ماعملتها معك ومع مسفر

نواره : احس ان في احد يحكي عني بصيغة الغائب والا انا غلطانه

الجوري: ههه لا مو غلطانه

%%%%%%%%%%%%%%%%%%%%

ام ذوق واقفه تناظر الخدامه وهي تحط ملابسها و تبكي : طلقني النذل

ذوق : تعوذي من الشيطان ياماما ولاتدلعي بيندم بابا وترجعوا

ام ذوق: ومن قالك اني ابغاه ها والله بعد فضايحه وعمايله مستحيل اجلس دقيقه معه .. آه ياحصه اه عليك ضاع شبابك مع واحد مايستاهل ...

ذوق واقفه عند الباب تبكي بصمت ... ليه كل شي يجي ورى بعض .. الحياه كل دقيقه تشربها من المر كاس ..


ام ذوق تضغط على راسها : انا رايحه لابوي ومالي رجعه وانتي بتجي معي

ذوق : لا ماما مابغى مشاكل مع بابا

ام ذوق : بلا هبال تعالي معي والله يذبحك

ذوق : لا ماما لاتخافي انا مع بابا ومراح ياذيني لاتنسي اني بنته لهالحين ..

ام ذوق : لاياماما انا ماصرت اهم اببوك تعالي معي

ذوق اللي فيها مكفيها طلعت من الغرفه بسرعه وهي تصارخ : خلاااااااااص روحي لوحدك انا لي الله

..طلعت وتركت امها تجهز اغراضها ركضت لتحت تاخذ لا اللي تبغاها لان ابوها طلع قبل لايقفل عليها الباب ..اخذت لها اكل تعبي فيه ثلاجتها بعد الجوع اللي ذاقته ..

%%%%%%%%%%%%%%%%%%%%
نواره : ها بنوتات وش حابين تتعشوا ..

الجوري : بدري عى العشاء الساعه 7 ..

نواره : ياحبيبتي اقصد لبعدين علشان نحط ببالنا بدل عشاء المستشفيات اللي يسم ..

لوجين : لاتخافوا بحكي مع منصور يجيب العشاء ..

البندري عقدت حواجبها : وانتي كل حكيك عن منصور ومسفر

لوجين ابتسمت : مسفر بعد قلبي يرتاح هو بس اهم شي عندي شوفتك واسمع صوته اما المشاوير الجاده فلولد عمي

الجوري: تراك فاهمه ولد العم غلط ..مو ولد عمك يوديك ويجيبك ويقضي مشاويرك ومسفر يحبك وبس

نواره : وهي صادقه اتركي لي منصور يحبني ويقضي مشاويري

البندري : لا من جد نحكي نوره لاتقلبيها تريقه

الجوري : صح هذي البنت يبغالها توعيها

لوجين وقفت تستعرض بجسمها وتميله انها مو مهتمه لهم ..

نواره : ههههه اسكتوا يعني

الجوري : لجيييييييينه حنا نحكي معك

لوجين : واللي يقولكم ان مسفر بكره مراح يسافر معي منصور هو اللي بيسافر

البندري : لاااااا مياوس من حالتك

الجوري: وليه ان شاء الله

لوجين : ببساطه مسفر محتاج له ابوه وانا ماقدر اضغط عليه

نواره تغير الموضوع : الله معاك وترجعي بالسلامه

لوجين تبوسها : بتوحشوني

الجوري : كلها اسبوعين ...

البندري : خساره كنت حابه اجهز معك

لوجين تتريق : تعالي ههههههه

البندري تجاريها : والله بودي ههههه

لوجين دق جوالها ..منصور : غريبه منصور داق توه موصلني

البندري : يمكن نسيتي شي بسيارته

لوجين : يمكن الو

منصور اول مامع صوتها ابتسم كذا حس انه مبسوط وهو يسمع صوتها الناعم : الو لوجين اسمعي انا اتفقت معهم بالجناح

لوجين : حلو ..مشكور الله يعطيك العافيه

منصور : الله يعافيك وبلا شكر وتعالي علشان تشوفيها

لوجين بخبث : لا نواره بتجي لك

نواره وقفت لعند الباب : لمين ..؟ الغرفه صح

لوجين : ايوه يا ذكيه انزلي لمنصور تحت

نواره : اوكيه
طلت بسرعه لتحت بالاصنصيل متحمسه اخير بتنام بسرير مريح

الجوري: بنات ماتحسوا بشي ..

البندري: بدى العرق البريطاني ينط وتتفلسف

الجوري: لامن جد ..

لوجين معها على الخط : شنهو اللي نحسه

الجوري: ان حنا ثلاث متزوجات عنا ..ولحد هاللحين هبلات ..

البندري: هههههه لا وفي ام هنا بعد

لوجين: يا عمي بلا متزوجات بلا هم .. يعني تزوجنا خلاص مانطلع مانروح مانجي مانضحك

الجوري: والله احس مسفر يحكي قدامي هههههههه

البندري: حتى انا هههههه

لوجين : من كثر مانهذر اخذت طريقته بالحكي ...

%%%%%%%%%%%%%%

انفتح باب الاصنصيل بالدور الثاني مو الاول ...
دخل راكان ويجر طلال بالكرسي ...اول ماجئت عين نواره بعين طلال اختفت ابتسامتها الماليه وجهها و حست بحراره جسمها ترتفع وقلبها يدق بسرعه ..
طلال اول ماشاف نواره فرح ورتست ابتسامه على وجهه .. يومين ماشافها اشتاق لها ..
راكان حب يستلعن على طلال : هلا نواره كيفك ..؟

نواره بصوت مبحوح : احم احم كويسه
بعد ت عيونها عن طلال تناظر الجوال

..اما راكان وقف طلال بقرب نواره ..طلال سكت وناظر ايده اللي بحضنه ...

نواره اصعب موقف مر عليها بحياتها كلها مع طلال بمكان واحد وماتقدر تساله عن اخباره او حتى تقوله مرحبا
قاومت عيونها ماتلف عليه بس ماقدرت لفت غصب عنها شافته منزل راسه يناظر حضنه حست بمشاعر كثير مشتاقتله وتكره وتعشق اسمه وشكله ..

طلال كان ضاغط على اعصابه ونفسه مايناظرها مايبغى يخرب كل اللي سواه لانه لو ناظرها بيعترف لها بكذبته وبيقول لها كل شي بداخله

دق جوالها ردت بسرعه وكانها تبغى شي ينقذها من هالموقف ..بصوت اقرب للهمس : الو

طلال قلبه يدق بسرعه من سمع صوتها ..

منصور : مرحبا نواره وينك ..؟

نواره: نازله ها للحين

منصور : اوكيه انا عند الاصنصيل

نواره : اوكيه ..با

سكتت لان الاصنصيل فتح ...

راكان ياشر لها : تفضلي انتي قبل

نواره حست ان الوقت كان ثقيل وطويل بداخل الاصنصيل طلعت بسرعه

منصور : الو وينك ..؟

نواره: طلعت انت وينك

طلال طلع وراها وعينه عليها ويسمع صوتها يتعذب

منصور: نونو هنا ..

نواره: منصور هاي

منصور ابتسم : هلا يله تشوفيها

طلال اشر لراكان انتظر لاتتحرك ابغى اسمعهم ...

نواره: تعبناك معنا

منصور : افا حاضرين لطيبين ...

نواره :مشكور على الشوكلت لجون تقول انه من حسابك

منصور: هههههههه كم نواره عندنا

نواره تمشي وهو معها : تسلم

طلال انشد عرق بخده من القهر ..

راكان : اها شكل هذا حبيبها الجديد

طلال: ليه هي رقاصه كل شوي حبيب

راكان: ماعرفته شكلك

طلال عصبيه : لا من هذا يعني

راكان: امم هذا منصور الكاسر ... صاحب شركات الكاسر بالشرقيه .. انت اللي ضيعتها من ايدك ياطلال

طلال: على كيفك انت ..ماشفتها تناظرني

راكان: انت اناني مافهمت عليك عارف انها تحبك وتقولها مابغاك وهاللحين لما شفتها مع ولد صديقتها عصبت

طلال يكابر : كيفها الله يوفقها ..

راكان: امييييييييييين

طلال صرخ : لاتقول امين اسكت

%%%%%%%%%%%%%%%

فيصل اول ماوصل بيته بالسعوديه : هلا حصه

حصه اخت فيصل الكبيره : الله يسامحك يافيصل انت مسافر تدرس والا تخاوي بنات الناس

فيصل : حصه لاتزيدينها علي

جنا : حصوص لاتزيديها عليه خلاص ..

فيصل : ذوق وش صارعليها

جنا: علمنا علمك مانعرف شي ..

فيصل : انا بدخل ارتاح السفره طويله اذا رجعت امي من العزاء صحوني اكيد زعلانه علي

حصه : مسكينه عمامي كلوا وجهها

فيصل دخل غرفته اللي ماتوقع يرجع لها الا بعد 3 سنين .. ومارجعته لها الا ذوق اللي يفكر بحالها اربع وعشرين ساعه ونفسه يعرف وش صار ..

مسك جواله وقرر يدق عليها بس خاف تزيد مشاكلها .. دق على بدر اكيد عند الجوري الخبر اليقين ...

بدر : هلا والله هلا بالفصل

فيصل : هلا فيك كيفك .؟

بدر : نحمدوووووووو

فيصل بسرعه : بدر ابسالك بالله وتجاوبني

بدر : امم ذوق .. ياطويل العمر البنت مسكينه حالتها حاله مو سهله صورها تنشر

فيصل : والله مو انا اقسملك بدر انت عارف اني مستحيل اسويها وانا اعطيتها كل صورها

بدر : ايوه عارف انت قلتلي وبصراحه استغربت .. اجل مين ..؟

فيصل : هذا اللي بيجنني اموت واعرف مين ..؟

بدر : ترى ابوها مانعها من الطلعه وحابسها بغرفتها ومانع صديقاتها يزورونها ..

فيصل مقهور : مثل ماتوقعت ..

بدر : انت لازم تتصرف قبل لاتموت بايد ابوها

فيصل : وش اللي بيدي اسويه ..

بدر : اخطبها ..

فيصل : احلف علشان يقتلني ابوهاويقتلها

بدر : لا مراح يقتلك انت اخطبها وخرب

فييصل : يعني مانت عارف وش كثر يكرهني ويكره اهلي ..

بدر : والله مادري وش اقولك ..

فيصل : ابغى احكي معها

بدر : لا حرام عليك بيذبحها اكثر

فيصل : آه يالقهر وش السوات

بدر : مادري ..؟

فيصل : مشكور ياخوي وماقصرت .. اخليك هاللحين

بدر : العفو .. انت وين هاللحين

فيصل : بالرياض

بدر : اجل تعال عندي نفكر وش نسوي

فيصل : لا مشكور ماقدر اطلع هاللحين تعبان وفيني النوم

بدر : خلاص اخليك براحتك مع السلامه

فيصل : مع السلامه

سكر فيصل وهو يفكر بذوق وحالها وكيف عايشه هاللحين بقوة ابوها اللي هو جربها شاف القسوه بعيون ابوها اللي مايرحم ..: يالللله بنجن مين .؟ مين اللي دمرك ياحياتي مين ..؟

%%%%%%%%%%%%%%%%%%

بعد مانتقلوا للغرفه الجديده الكشخه اللي كانها جناح من فندق مو مستشفى كانت للاشخاص السبيشل ...

دق جوال الجوري : يووووووه بدور

البندري: وين بدري تونا ماتعشينا حتى ..

الجوري خذت الجوال وطلعت بره

لوجين : الخايسه ماتبغانا نسمع

نواره : تعشيتوا وانا ..؟

البندري: اللي يسمعك بتاكلي وبعدين حنا نقول ما مااا تعشينا

...................

الجوري: هلا بدوري كيفك ..؟

بدر: كويس ها امرك ماشبعتي

الجوري: بدور وش رايك انام عند البندري..

بدر: لا احلفي

الجوري:تكفى

بدر : لا وقرار نهائي

الجوري: .. بدور لجونه ونواره بيناموا معها وانا ابغى اجلس معهم

بدر : هذا مستشفى مو ديوانيه انتي معها تناموا براحتكم

الجوري : لا والله عادي لجون دبرتها

بدر عصب من جد : ابغى اعرف انتي كيف تفكري كل شي صاحباتك

الجوري : خلاص لاتصارخ تعال لي هاللحين

بدر : يله اجهزي

الجوري : طيب
سكرت السماعه معصبه ومقهوره ...(( واذا جلست اليوم بس وش راح يصير ))

دخلت عند البنات

نواره : انتم وجه زواج براحتكم انا لااااااااا ...

البندري: كلي تبن بتتزوجي غصب عنك

الجوري: وش فيكم ..؟

لوجين: ماعليكم منها انا اقنعها هاللحين والا بتبقى عازفه عن الزواج كثير

وقفت وقفزت لعند نواره تغعضها

نواره: آآه وجع لجون

لوجين: بتتزوجي والا اشرب من دمك

الجوري: هههههههه حرام عليك

البندري: جور روحي ساعديها ...الاخت خاطبها ولد جيرانهم وتوها تحكي لا ومو راضيه تتزوجه بعد

الجوري : لاااا اجل انا لها وهي تمشي لعندهم دق جوالها : خساره بطلع

لوجين : وين مانتي بجالسه معنا

الجوري: لا ياليت اللي عندي مثل اللي عندك

لوجين: ومن قالك اني استاذنت من مسفر انا لي رايي الحر

نواره : لجون خنقتيني ابعدي

الجوري : بنات شوفوا وش بسوي فيه ... ردت بدون نفس : الو

بدر : الله الاخلاق هههههههههه

الجوري: هذا انا نازله

بدر : جوارتي زعلانه

الجوري: لا تعودت

بدر : افا .. يعني انا معذبك

الجوري تبعد نواره ولوجين اللي لزقوا اذنهم عندها : مادري اسال نفسك

بدر : ههههه اجلسي بس اليوم

الجوري: يابعد هلي انت كنت عارفه ماهون عليك ...

نواره ولوجين يكشون على وجهها : مالت عليك

بدر : وانا اقدر ازعل روحي ... تعشيتوا والا اجيب لكم عشاء

الجوري : لا مابعد تعشينا ومو لازم مشكور حياتي

بدر : العفو يله امنتك الله

الجوري: انتبه على نفسك باي

بدر : باي حبيبتي

نواره تتريق عليها بعد ماسكرت : بنات شوفوا وش بسوي فيه مالت عليك وعلى وجهك ..

لوجين : معها حق تضحك اسلوبه فضيع

نواره : ليه مسفر مو كذا

لوجين : لا غير مسفر عيونه تحكي مو لسانه

الجوري: احم احم ...

البندري ساكته تحسد صديقاتها على ازواجهم بعد ماكانوا يحسدونها .. (( وينك يا رودي ))

وقضوها البنات بالمستشفى سواليف وضحك واستهبال وكانهم بجمعه عاديه

%%%%%%%%%%%%%%%%%

الساعه 7 الصباح ..

فتح ابو ذوق الباب على بنته بعد مارجع حبسها امس

ذوق كانت نايمه لكنها انتبهت بحركة الباب

بوذوق يحركها بقوه : ذوق ذوق ..

ذوق قصرت الشر : نعم

بو ذوق : قومي تحركي البسي عبايتس

ذوق : ليه ..؟ على وين ..؟

بوذوق : مالتس دخل البسي وانتي ساكته

ذوق قامت وهي خايفه : ان شاء الله بس ابدل وم

بو ذوق : مايحتاج البسي عبايتس على البيجامه

ذوق : البيجامه لا كيف

بو ذوق : بسرعه

ذوق : لا يبه ماينفع كيف اطلع من البيت بالبيجامه

بو ذوق سحب العبايه من الشماعه ورماها بوجهها : ماضيعتس الا سواليفتس هذي انتي والفسقانات ربعتس

ذوق شالت العبايه من الارض وعيونها مغرقه كيف ابوها ينظر لها بكل هالحتقار بعد ماكان يحضنها ويحبها : طيب بغسل وجهي

بو ذوق : بسرعه قدامي

ذوق هزت راسها ودخلت للحمام تغسل وجهها ثلاث اربع مرات كانت تبغى المويه تطفي حرارة جسمها من القهر والذل اللي تحس فيه ....

بو ذوق : بسرعه فرشي اسنانتس واطلعي

ذوق بلعت ريقها : حاضر

طلعت من الحمام بعد مافرشت اسنانها ... لبست عبايتها وهي تفكر وين ممكن ابوها يوديها اكيد لامها بيت جدها ..

رركبته معه السياره وهي ساكته ..

بو ذوق : غطي وجهتس يا مسودت الوجه ولتسعين تكشفي بعد واسمعي من اليوم وطالع تلبسي عبايه مثل بنات خلق الله عباية راس يمكن تكفر لتس ذنوبتس .. مع انها حرام عليتس وعلى اشكالتس ..

ذوق غطت وجهها وهي تبكي الدموع خاوتها بالفتره الاخيره ...

بوذوق دق جواله : الو مرحبا

محمد : هلا والله كيفك يالنسيب

بو ذوق : الحمدلله وانت كيفك وكيف العيال وعروستنا

محمد: كلهم بخير يابو رائد بغيتك بموضوع

بو ذوق افكار كثير صارحت تدور براسها اكيد بيطلب من رائد يطلق البندري بعد فضيحة بنته : ابشر يابو مشاري امرك والا تكرني

محمد : لا امرك انا بالبيت اليوم ان شاء الله

بو ذوق : ان شاء الله صار بعد صلاة المغرب

محمد: اوكيه اشوفك على خير

بو ذوق : حياك الله مع السلامه ..

محمد: مع السلامه
سكر من عند محمد وقلبه مو مرتاح وش يبي فيه محمد ..وهم علاقتهم اقل من السطحيه لان بو ذوق يكره الشرطه ورجالها ..

ذوق بعد تردد : بابا وين ررايحين ه

قاطعتها بو ذوق معصب : كلي تبن ياراس المصايب كل شي من تحت راسك ... الله يسود وجهتس مثل ماسودتي وجهنا ..

ذوق سكتت ودموعها على خدها ...

بو ذوق تفل عليها : تفوا عليتس وعلى تربيت امتس ...

ذوق صار عندها احساس بالكره الفضيع لابوها ولامها ولنفسها كرهت كل شي حولها والحياه صارت سوداء بالنسبه لها ...تمنت انها ماتت مليوون مره ولا تعيش مثل هذا الذل ونظرات الاشمئزاز والعار من اغلى الناس على قلبها ...

%%%%%%%%%%%%%%%%%%%%%

الجوري ونواره ولوجين ناموا بسرير واحد لانه كان واسع مره والبندري بسريرها الطبي طبعا

لوجين صحت وغسلت وجهها وطلعت من الحمام وشافت اشكال صاحباتها اللي اغلى عندها من الدنيا كلها ...ابتسمت وهي تشوف اشكالهم وكيف بتشتاق لهم طلعت جوالها وصورتهم علشان تذكرهم ..

نواره طبعا مانامت كويس جالسه تفكر بشوفتها لطلال .. حست بلوجين من اول ماصحت بس ماكانت قادره تتحمل الم الفراق والتوديع تصنعت النوم

اندق باب الغرفه بهدوء
لوجين فتحته بسرعه وقالت بهمس : دقيقه منصور ابلبس العبايه

منصور يعطيها اكياس : صباح الخير

لوجين خذت الاكياس : صباح النور .. هذا الفطور

منصور : ايوه ..ويله بسرعه يادوب تتروشي علشان نروح للمطار

لوجين : اوكيه اجلس بالاستراحه وانا جايه

لوجين حطت الاكياس بالقسم الثاني من الغرفه ومشت لعند البندري وباستها على خدها

البندري انتبهت : لجون

لوجين بهمس ابتسمت : نامي حبيبتي بس سلم عليك قبل لااسافر

البندري : توصلي بالسلامه

لوجين : الله يسلمك

البندري من تعب الحمل نامت على طول ...

لوجين باست الجوري على خدها والجوري نايمه بعمق لاحياة لمن تنادي لانها بالفتره الاخيره ماتنام كويس بدر مايتركها براحتها

كملت مشي لعند نواره وباستها بقوه مع خدها : بتوحشيني اكثر شي
فتحت ايدها وحطت مفتاح : هذا مفتاح البيت احسك مو طايقه تروحي لاهلك ..

نواره ضمتها من قلب : يابعد قلبي ..

لوجين : هههه انتي صاحيه

نواره : وقلقك هذا ينوم احد

لوجين : ههه

نواره : اوششش البنات

لوجين : تعالي معي

نواره : لا مسكينه بنو ماقدر اتركها انتي عند مسفر ومنصور

لوجين : يله الله يحفضك

نواره : مع السلامه ...

طلعت لوجين بعد ماتركت صديقاتها وهي متاكده ان كل وحده شايله بقلبها هم ...

%%%%%%%%%%%%%%%%%%%

بو ذوق : انزلي

ذوق تناظر المستشفى : وين ..؟

بو ذوق: وشرايتس يعني مانتي شايفه المستشفى

ذوق : مستشفى ليه ..؟

بو ذوق : لاتستهبلي علي انزلي بالطيب احسن لتس

ذوق نزلت من السياره وهي تلمل عبايتها علشان ماتبين البيجامه يالله وش هالموقف الصعب والكريه تنزل تتاكد من شرفها تنزل علشان تثبت لابوها عفتها وانها بنت بنوت وماخنت نفسها وتربيت اهلها ...

بو ذوق سبقها باميال وكانه متبري منها او يثبت انه ماله علاقه باللي تمشي وراه ...

مشت منزله راسها لداخل المستشفى وانتظرت ابوها وهي مسندده نفسها على الجدار تنتظره يخلص من اجراءت المستشفيات الممله ..
في سوال خطر ببال ذوق وش بيقول ابوها علتها بيقول اكشف على بنتي انا ماعدت اثق فيها انا اتمنى ترجع الجاهليه وادفنها بالحياء ...

تمنت انها ماشافت فيصل ولا تعرفت عليه كانت مرتاحه قبل لاتشوفه طول سنين دراستها ماعطت احد وجه بس هذا غير هذا جذبها بثقته من نفسه واسلوبها الرقيق معها وكانه عارف انها حساسه ومن قزاز ...
ياليته وقفت علاقتهم عند حدها وماسمحت له حتى يمسك ايدها
من يقول ان الشي اللي يصير بالظلام ومن ورى الاهل مراح ينكشف بيوم ويظهر لنور والناس ..
كانت تبغى تصرخ وتنبه كل بنت تمشي بعبايتها تتمخطر ان النهايه شينه

بو ذوق : يله قدامي

مشت وراه منزله راسها وعيونها تلمع بالدمع ...

بو ذوق : اجلسي هنا لحد ماينادوا اسمك

هزت راسها بالطاعه ومشت للقسم المخصص للنساء بالانتظار ..وافكارها لحد هاللحين تذبحها
بسببها ابوها طلع من شخصيته وهدوءه لانسان همجي مايفكر باللي يسويه

العجوز اللي بجنبها : وش عندك هنا

لفتت ذوق لصوت الحنون اللي ذكرها بجدها الميته من سنتين ومابكيت عليها لانها ببساطه ماكانت تحب تشوفها وماتحب الزيارات العائليه وكانت مسافره تدرس ..: انا

سكتت وش ترد وش تقول

العجوز: ايوه يابنيتي انتي شكلك صغيره متزوجه

ذوق تلعثمت بالكلام : تق..دري .. تقو..لي .. كذا

العجوز : اها والله انا جايه مع بنتي حصيص طاحت علينا وجبنها هنا وشكلها حامل

ذوق ابتسمت وكان العجوز تشوفها : حصه اسم ماما ..

العجوز : لا وينها ماجائت معك ..

ذوق : ماما مو هنا بالقصيم

العجوز : اها انتي قيصيميه واضح من كلامك .. شكلك متزوجه وجايه لرياض

ذوق توهقت : ايوه

العجوز : الله يجمعك بامك ان شاء الله ياشين الغربه انا كنت ساكنه بالامارات وانا بسنك ويووووو كنت بموت من الغربه لحد ماتزوجت وعشت هنا

ذوق تحس انها متقبله تسمع سوالف العجايز علشان تنسى اللي جائت علشانه : وياخاله ماشتقتي للامارات

العجوز : لا والله لاني ماكنت احب الحياه هناك ..

ذوق : اها وم

سكتت ذاب الحكي بلسانها وهي تشوف فيصل يمشي لعندهم غمضت عيونها بقوه وفتحتهم اكيد انها تتوهم لكن هذا فيصل هذي مشيته هذي نظراته حتى حركة ايده وهو يمشي نفسها

قرب من عند العجوز وذوق وهو يبتسم : يمه يله خلصت حصه

ام فيصل : ها بشر

فيصل : مع الاسف يايمه الحفيد الرابع على وصول

ام فيصل : هههه الله يبشرك بالجنه وجعلي ابلغ بعيالك

فيصل تغيرت تعابير وجهه : ادعي لي يايمه الله يفرج همي

ذوق كانت تبغى تقوم تصرخ وتضربه (( هذا اللي فضحني ..هذا اللي خان ثقتي فيه واستقل حبي له ابشع استقلال )) لكن كل شي فيها تبنج لسانها نربط وحست بالسكون

ام فيصل مسكت ايدها : شفتي يابنيتي طلعت حامل

ذوق لحد هاللحين عيونها على فيصل هزت راسها بايوه

فيصل ناظرها بلا مبالاه لانه ماعرفها من الغطاء

فيصل مسك امه يساعدها : يله يمه اوديك لدكتور العظام

ذوق تناظره حنون على امه مثل ماكان يمثل الحنان لها كرهته وكرهت صوته

ام فيصل : يله يابنيتي ان شاء الله الله يبشرك بالحمل مثل حصيص وماوصيك سلم على امك بالقصيم ولا

قاطعها صوت السستر :ذوق ابد الازيز الباقي

فيصل لتفت للسستر بسرعه وتلفت يناظر وين ماتنادي السستر

وقفت ذوق وهي تربت على ايد امه بخفه واخيرا نطقت وكانها تثبت لفيصل اني انا اللي تدور عليها : ابشري ياخالتي يوصل و تقر عينك بولد حصه ويتربى بعزك

فيصل ناظر ذوق مش مصدق هي نفسها ذوق صوتها الناعم ايدها الرقيقه كيف ماعرفها وشلون تصير جالسه بمكان واحد معه ومايعرفها ..
حس بكل الدم اللي بجسمه تجمع براسه وعمل له ثقل

العجوز : تسلمين يابنيتي

مشت ذوق من غير لاتلتفت لجهتهم مشت مرفوعه الراس وكانها تقول ماهزيت شعره من راسي يافيصل باللي سويته ..

ام فيصل : فيصل يله وش فيك واقف

فيصل ماسمع امه كان كل تفكيره واحاسيه لذوق اللي مرت من جنبه

ام فيصل معصبه : يمه فيصل وش فيك تناظر بالمراء كذا استح على وجهك هذي متزوجه

فيصل لف على امه والصدمه ماثره عليه : يله يمه يله ..

دخلت ذوق للغرفه وبثواني معدوده دخل ابوها وتعرضت للاسئل والشف الممل وكانت واثقه من نفسها لانها مهما تمادت مع فيصل ماسمحت له يضحك عليها


الدكتوره : هاللحين اللي واضح مافيه حمل لكن بعد ماتطلع التحاليل نعرف

بو ذوق بدون نفس : ومتى تخلص تحاليلكم هذي

الدكتوره : على بكره ان شاء الله ..

بو ذوق : اوكيه يله تحركي قدامي

طلعت ذوق ساكته مثل مادخلت ساكته

%%%%%%%%%%%%%%%%%%%%%%%


الفصل السادس والاربعين

العصر بالمستشفى نزلت نواره تجيب البيبسي للبنات شافت طلال جالس بكفتريا المستشفى وهو يضحك مع ممرضى لحد مادخلت عيونه من الضحك ...

نواره حست ان صورته مع امها رجعت قدام عينها بلمح البصر وحست بكره لطلال ولضحكته وشكله ...
مشت لعنده و احتقرته / القذر قذر

طلال : نواره تعالي ابغاك شوي

نواره : لااااا واثق من نفسك

طلال بدون مقدمات وهي واقفه وبينهم الممرضى الشاميه : نواره تتزوجيني

نواره تحس ان قلبها عاف طلال و سوالفه مسكت ايد الممرضه : هذي احسن لك ههههههه

مشت وتركته وقررت تنساه وتنسى سواليفه ودعت ربها يساعدها

اما طلال ناظرها وهو متاكد انها ضاعت من ايده ...
%%%%%%%%%%%%%%%%%


بعد شهر ...


بدر يناظر الفيلا الصغيره بفخر : ها جواري

الجوري مبسوطه واخيرا تخلصت من ام سعود ولمياء وصار لها بيت خاص فيها : جنااااان جنااااااااان تعقد

عمها بو عبد الرحمن : يعني عجبتكم ..؟

بدر : تسلم ياعمي ماني عارف كيف اطلع من جمايلك

بو عبدالرحمن : ولو هذي الجوري الغاليه ...

الجوري تمشي بالفيلا اللي تختار اثاثها من شهر وعلى وجهها ابتسامه عريضه : بدورررررري بدور ...

بدر ابتسم : هلا حياتي

الجوري: تعال بسرررررعه شوف هذي الغرفه ..

بدر رح لعندها وناظر السريرين اللي بالغرفه (( اكيد عاملتها لصحباتها )) : اوووه هذي ماشفتها من قبل

الجوري تجلس على السرير : وش رايك فيها جناااان صح ..؟

بدر : اوه اكيد بس لمين هذي ..؟

الجوري: للميرندات اكيد ههههه حالفين يناموا عندنا بالاجازات ..هههه

بدر ارتاح : هههه

بو عبدالرحمن : الجوري وين صاحباتك ماناديتيهم ...

الجوري : لاااا انا ناويه اعزمهم مفاجاءه واصلا محد بيحر الا نواره ... الباقي مايقدروا

بو عبدالرحمن : ليه ..؟

الجوري تمشي وتوقف عند بدر وتمسك ايده وعلى وجهها ابتسامه : ذوق وانت عارف ابوها وكيف صار بعد مانفصل عن امها .. وبنو حياتي تنتظر ولي العهد .. ولجو تجهز بانحاء العالم ... ونونو عاطله عن العمل والزواج هههه وفاضيه لي ...

بدر : وانتي ...؟

الجوري: هههه وانا مع زوجي وحبيبي وعمي الغالي ...

بو عبدالرحمن : الله يهنيك ..؟ يالله عن اذنكم برووح لام عبدالرحمن تاخرت ليها بالمشغل ..

الجوري: لااااا عمي تغدى معنا

بدر : صح والله مات

قاطعه بو عبدالرحمن : لا مافييه حلف الحكومه تنتظرني يله مع السلامه

بدر والجوري : مع السلامه ..

طلع بو عبدالرحمن مبتسم ماكان يتمنى لبنت اخوه مثل بدر رجال عند كلمته ...

بدر : يله حياتي وين حه نتغدى

الجوري ماسكته من ايده وتسحبه معها : بعدين هاللحين ابغى انبببببببسط واناظر الغرف كلها ..

بدر بجديه : جواره انتي مبسوطه معي

الجوري بنفس جديته : ولا حلمت بحياتي اعيش مثل كذا .. انت كنت حلم وتحقق

بدر : والله انتي الحلم ياقلبي .... اسف حياتي ماني عارف وش اقولك ابوي طردني وانا احس ان ..

قاطعته الجوري : بدور والله بزعل انت هاللحين زوجي وحياتي وعمي هو عمك وحصل خير ابوك كان حابيحافظ على اسمه وانا ماحبيت اضايقك دور ارمي الهم ورى ظهرك وخلنا نعيش حياتنا ..

بدر : والله انك بحريم الدنيا كلهم

الجوري : ههههه لو سمحت ببنات السعوديه كلهم انا بنوته مو حرمه

بدر رفعه : تابرني البنوته ههههههه

%%%%%%%%%%%%%%%%%%%%%%%%%%

بريطانيا – مانشستر

منصور رافع الاكيااااس : لجون ارحميني شوي ..

لوجين : شوي بس كم محل

منصور : معه حق مسفر شال عليه ومارى يجي عارف السوق وخرابيطه

لوجين : نصور ررررررررر

منصور حط الاكياس وجلس بكراسي المحل : يله اختاري بسرعه

لوجين : اوكييييه
رفعت نص ملابس المحل بطريقه هستيريه

منصور اخذ كابتشينو وهو ينتظرها تقايس بالغرف

لوجين : هااااا وش رايك ..؟

كانت لابسه تنوره لتحت الركبه وخطر واطي وبلوزه واسعععععععه مره كان ستايل غجري

منصور : ههههههههه مصخره

لوجين باحباط : لااااااا ليه ..؟

منصور : هههههه بدليهم بس بدليهم .. انتي كلك مسطره مافيك خصر ضعيييييييييفه وين تلبسي تنوره واسعه ...

لوجين : لاتحطمني انا عارفه انه حلو

منصور : ههههههههههه اللي بعدو

دخلت تقايس وضلوا اربع ساعات على هالحال لحد ماخذت الي يناسبها والي مايناسبها ...وكل يوم طول الشهر كذا حالهم

منصور : يله مالك حجه ناكل شي

لوجين : اوكيه نحكي مع ناصر يشيل الاغراض وحنا ندخل المطعم

منصور : نسيتي ناصر بالسعوديه علشان نواره ومشويرها للمحكمه

لوجين : صح خلاص بدق على هذا معتز وحنا نروح للمطعم الايطالي

منصور بتهديد : لوووووجين ..

اوجين : ههههههه خلاص مطعم ثاني

منصور : ماهي بحاله كل يوم الاطالي او الصيني

لوجين : لهم مذاق خاص

منصور دخل لمطعم ماكدونالز ..: وجبات سريعه افيدلك

لوجين : عادي اهم شي راحتك ...

منصور : وش هالرضى

لوجين : ههههه لاني ابمر اشوف وش صار على فستان الزواج

منصور وهو يرفع المنيو : قولي كذا .. الا ماقالك شي مسفر على تاجيل الزواج

لوجين : لا عادي اصلا كلها يومين ونتزوج وش صار يعني بس تاخرنا يومين وبعدين اهم شي جهازي يكون حلو .. طيارتنا بكره يعني قرب ..

منصور (( ماعنده نظر لو انا مكانه كان ركض ومانتظرت دقيقه )): اها ..الله يوفقك

لوجين : منصوررررر محد مدخلني غيرك ترى

منصور تخرع : لا وش انا ابوي بيدخلك ودك الناس تاكل وجهنا ولد عمها وكاشفه عليه

لوجين : ماعليك من الناس تقول وتسكت

منصور : لااااااا انا اتفقت مع ابوي

لوجين : آآآف اوكيه صار - رفعت جوالها ودقت على مسفر بدلع - : هلا حياتي

مسفر وهو بعزيمة رجال : هلا والله

لوجين : كيفك حياااااتي وحشتني

منصور رفع المنيو يغطي وجهه وهو يغط على اسنانه مقهور (( حياتي وحشتني ..آه نفسي اذبح هذا المسفر )) حس بضيق وغيره مو صاحيه مالها مبررر تعوذ من الشيطان بس كل ماتخيل انها كم يوم وتتزوج هذا اللي مايسوى مسفر ...))

مسفر يطلع من المجلس : كيفك حياتي وكيف التجهيز

لوجين تنزل المنيو من وجه منصور : التجهيز تمام – تغمز لمنصور – عاااااال العال ههههه

مسفر : ليه تضحكين ...؟

لوجين : منصور يقول معه حق مسفر هرب من التجهيز لاني ببساطه تعبته

مسفر : ههههههه ياقلبي متى اشوفك وحشتيني

لوجين بدلع : وانت وحشتني مو ت ياقلبي امس لما جيت بنام ناظرت العروسه اللي ترقص اللي عطيتني اياها يوووه عرفت وش كثر احبك ..

منصور وقف بعصبيه : انا بجيب الطلب

لوجين ابتسمت له وهي مو معه مع مسفر اللي يكلمها بصوت مشتاق : والله انا اللي غاث رنا بسوالفي عنك حتى انها تعصب ههههه وتقول دامك مشتاق لها طير عندها ...

لوجين : تعااااال خذني بكره

قاطعها مسفر : اقسم بالله نفسي بس انتي عارفه الوالد مريض والمحل ماله غيري
وليه العجله بكره انتي عندنا وبعده انتي لي ..

.....................

منصور واقف عند الطلبات يطلب وهو معصب .. بعد ماطلب لف على مكان لوجين وهي مبتسمه ومستحيه وهي تحكي مع مسفر ابتسم لبسمتها (( وش فيك يامنصور ابط نفسك ..يالله وش فيني ناسي انها متزوجه وتحب مسفر وحاولت تنتحر علشانه وماتتعتبرني اكثر من ولد عم واخ .. – ضرب الطاوله بيده – مايستاهلها مايستاهلها ..انا الغبي مناديه بنفسي ...

رجع لطاوله و لوجين تقول : لا ياحبيبي بريطانيا واهلها مايسون بدون ... اقسم بالله ان بريطانيا ماصخه بدونك

مسفر : هههه حلوه هذي ماصخه كانها كلمتي

لوجين : ومنكم نستفيد

مسفر : هههه مشتاق واله مشتاق

سامي اخو مسفر : يالعاشق يله الرجال ينتظرونك

مسفر : حبيبتي الاهل يبغونك احاكيك بدين

لوجين : اوكيه بالليل باي ..انتبه على حالك

مسفر : من عيوني وانتي انتبهي على نفسك

لوجين : اوكيه باي ..

منصور كان يشغل نفسه بجواله وهو من داخله يغلي من الغيره

لوجين : ها نصور كيف العشاء

منصور ببرود : دقايق وجاهز

لوجين : وليه تقولها كذا

منصور لحد هاللحين عينه على الجهاز : يعني كيف اقولها وانا ارقص ....

لوجين مستغربه : منصور وش فيك متضايق

منصور (( بيهمك يعني خليك مع حبيبك مسفر )) : مافيني شي ..

لوجين تمسك ايده وقالت باهتمام : في احد ضايقك وانت تطلب الطلب

منصور رفع عينه عل ايدها المحوطه على ايده وكانت ايدها دافيه بعد حرارة الجوال (( والله احبك يالوجين احبك يابنت عمي ... مانتي عرفه وش تاثيرك علي )) رفع راسه لعيونها وقال بنظرات غريبه النسبه لها : لو سمحتي لوجين ارفعي ايدك عن ايدي انا مو مسفر زوجك انا منصور ولد عمك

لوجين انصدمت من كلامه ليه يقولها كذا وهي حبت تواسيه وكانت حاطه ايدها بعفويه ليه يزعل لاااااا منصور في شي مضايقه بس مايبغى يحكي .
رفعت ايدها .: اوكيه .. سوري

منصور ضل يتاملها فتره وعيونه تناظرها بعشق : انا اسف لوجين اعصابي شوي تعبانه كم يوم مو نايم كويس

لوجين بتشكيك : اكيد بس هذا اللي فيك ..

منصور : اكيد

رجع لجواله لوجين تناظره يحليله ولد عمي كنه بزر لازعل بوزه ينمد لقدام وحك على هالفكره : هههههههه

منصور ناظرها مستغرب : بسم الله وش فيك

لوجين : هههههه

منصور ابتسم على ضحكها الهستيري : اسكتي اللكل يناظرك

لوجين هدت شوي : منصور شكلك تحفه ههههه شفايفك كانك بزر هههههه والله بزر ليه تمد بوزك ههههههه

منصور : ووهذا اللي مموتك ضحك ..

لوجين : هههههههه انت ماشفت شكلك ههههه

منصور حط ايده على خده يناظرها : ودام هذا اللي بيضحك امده للفجر

لوجين دمعت عيونها : ههههههه

من كثر ماهي مبسوطه صارت سخيفه ...

منصور ضحك لضحكها : ههههههههههه
وضل يناظرها بتامل قبل لاينحرم من عيونها

%%%%%%%%%%%%%%%%%%%%%%%%%%%%%%%%%%

نواره : يبه خلاص لاتخاف كلها كم يوم وتطع من لمستشفى

بو نواره: لا اااا هم بيغون يقتلون انا اعرف هالمستشفيات يبغون يتربحون منا

نواره : وذا بيقتلونك على شنهو ياحسره من جمالك والا عقلك اللي طاير نصه طيرته غاده والنص الثاني طيره الخمر ... ههههه والله انك تحفه

بو نواره : ولو ماجلس

نواره : خلاص بحكي مع الدكتور يطلعك بكره عاد انت نام هاللحين

بو نواره : طيب ....

نواره : خلاص ياحلو رضينا

بو نواره ابتسم : زييييين ....

نواره : يله باي بروح للمحكمه علشان ملية الارض وهالخرابيط

بو نواره : اي ارض ..؟

نواره : ارض غاده امي اللي مو راضيه ترجعها لك بعد ماسرقتك ..

بو نواره : خلاص انا متنازل عنها

نواره بحقد : بس انا لااااااا

بو نواره : سوي اللي تبغين ..

طلعت نواره وكان ناصر ينتظرها : هلا والله بالوسيم

ناصر ابتسم : اهللللين

نواره تتنهد : والله انك عذاب تهبل

ناصر : اقول امشي بس امشي هههه

نواره بعصبيه مصطنعه : مو كذا الناس يحكون مع صديقة عمتهم ...

ناصر ابتسم : نواره يله لانتاخر على المحكمه

نواره : بعد تبتسم لا اااا انا اذوب ههههه

ناصر : ههههه

نواره : انبسطت من قدك مزيون ومدير اعمال الكاسر وسرك عنده والشغل مايمشي بدونك والبنات عليك مثل النمل

ناصر ابتسم من قلب : نواره يا حلوه مشينا بس مشينا

نواره تناظر : ياخي انت قمر من البدايه وانا اقول عنك قمر والله تخبل ..

ناصر ماسك ضحتكه هالبنت خبله طول حياته عاش ببريطانيا بس ماشاف مثل جرائتها : نواره خلاص ...

نواره : والله انك شي حتى وانت معصب يله بس يله عندي مشوار لبنو بعدها للمحكمه بعدين لبنت عمي واسمع اذا كنت عند بنت عمي دايم ناظر فيني وصير مفهي من جمالي عرفت وهالحركات

ناصر الضحكه اللي مسكها طلعت قيه ببمر المستشفى الممنوع فيه الازعاج : ههههههههههههههههه

نواره : وجع لاتصدق اصلا ماندي بنات عم كثير

ناصر ضحك لحد ماوصلوا لغرفة البندري : انتظرك هنا

نواره : اوكيه لاتروح وانتبه لاتخطف هالممرضه الهبله اللي من يت تقز فيك ..

ناصرلحد هاللحين مبتسم : اوكيه ..

دخلت نواره على البندري

البندري جالسه مثل العاده على الاطلال تنتظر رائد وسفره اللي طولت ومقرره تنفصل عنه اول مايرجع

نواره : صبااااااااااااح الخير

البندري : قوللي مساء للخير الناس مغرب

نواره : جد نسيت الوقت كيف النونو

البندري بضيقه : ينتظر ابوه

نواره : لاتخافي بيرجع ... وبلا حركات رومنسيه تهذرين مع بنك يالهبله

البندري : اذا صرتي ام بتعرفي

نواره : ايه هيييييين .. بدينا نتفلسف ام ومش عارفه ايش

اليندري: ههههه نواره ماتخيلك شكلك حامل يالعربجيه

نواره : ولا انا ههههههههه

%%%%%%%%%%%%%%%%%%%%%%%%%%%%%%%%

محمد : هابشر وش صار مع عادل

بو ذوق : الحمار مو راضي وهذا حنا نحاول

محمد: اسمع مني واترك فيصل التركي يحكي معه يمكن يفيد

بو ذوق عصب : الا فيصل سمعت هذا الثاني حاقد

محمد : حرام عليك تضلهم رجال وسبع .. لاتعاند وتخسر رائد للابد

بو ذوق وقف بعصبيه : انت ماشفت صوره مع مسودت الوجه اكيد مراح يرضى

محمد : انت جرب وش خسران ...

بو ذوق : الموضوع منتهي

محمد : خلاص براحتك بس اسمع انا اختي يوم عن يوم اشوفها تموت قدامي وماني مستعد انتظرها تروح من ايدي اذا تبون حفيدكم يعيش رجعوا ابوه

بو ذوق : خلاص قولوا لها غرق بعيارة السلام مع اللي غرقوا

محمد : ايوه علشان تموت علي

بو ذوق : انا بتصرف واذا مانفع نجرب اللي مايسمى فيصل

محمد: اوكيه اشوفك على خير يله مع السلامه

بوذوق : مع السلامه ...

%%%%%%%%%%%%%%%%%%%%%%%%%%%%

فيصل : الله يبشرك بالخير ان شاء الله

محمد: يله انا عملت اللي علي والباقي عليك

فيصل : ابشر ولك اللي نبيه يابو مشاري الغالي ...

محمد: ههههه الله يجمعك معها بالحلال

فيصل : آمين يله بالاذن عمل اتصلاتي ومشاغلي

محمد : هههه عاد ماوصيك مصير علاقتك بذوق على هالسالفه

فيصل : لا تخاف ان شاء الله تشهد على عقد زواجي قريب

محمد : ان شاء الله

سكر فيصل والدنيا مو سايعته من الفرحه : ههههههه

طلال : انتبه لاينشق حلقك فرحنا

فيصل : واخيرا واخيرا .. – مسك ايد طلال – طلول نخيتك

طلال : ها ..

فيصل : طلبتك يا رجال

طلال : امررررر اذا اقدر

فيصل : تتفاهم مع عادل بطريقتك

طلال : ابشر مايجيبها الا ولد "وايل " ركين

راكان داخل : وش فيه ولد وايل يالفسقانين ..

طلال : عادل خوينا الدكتور عور راسنا مو راضي ينتازل وماحد يعرف يتفاهم مع الاشكال غيرك ..

راكان مد ايده : الفلوس بسرعه هالاشكال تبغى تنهب ..

فيصل : راكان مستقبلي كله بيدك ..

راكان : ولو انا ولد قطر ومايحلها غير العنابي

%%%%%%%%%%%%%%%%%%%%%%%

نواره : ناصرررررررر اسرع بلا برود

ناصر : ليه معصبه الارض وصارت لبوك وامك سكتت

نواره : -----------

ناصر : اوه وش هالسكوت

نواره تفكر كيف قست على امها ووقفت بوجهها بالمحكمه بس تستاهل مارضاها انها ضحكت عليهم بترجع لابوها بعد تسرق ارضه : _--------------

ناصر سكتت احترم سكوتها

نواره شهقت : وقف وقف سيارة ايس كريم

ناصر : ايس كريم بس هذا وصخ

نواره : يالبرستيج وقف بس وجب لي فراوله و فانيلا

ناصر ماقدر يلحق على السياره : خلاص باسكن روبنز ..

نواره : كله منك يالسلحفاء ,,, يله باسكن باسكن

ناصر وقف السياره عند باسكن ونزلت نواره تشتري ورجعت ومعه اثنين بس هذي المره جلست قدام : تفضل وادفع الحسب لوسمحت

ناصر : مادفعتي ..؟

نوارره : الا بس بتدفع لي اللي دفعتلك

ناصر : ههههههههه ابشري ...

كلوا ايس كريم وناصر يسوق بهدوء ..

نواره : وش رايك تتركني اسوق هالمكان فاضي ومحد حولك ..

نواره عرفهه الرد بس حبت تستهبل

ناصر وقف على الجنب ونزل وفتح لها باب السياره : يله انزلي ..

نواره مستغربه : انزل وين بترميني بالشارع

ناصر : ههههه لا مو انتي حابه تسوقي يله وريني سواقتك

نواره : ههههههه من جدك وناسه هههههه

قفزت للكرسي اللي بجنبها : يله نطييييييييير هههههههه

جلس ناصر .. ونواره كانت قمة سعادتها معقوله ناصر فضيع وفري وتفكيره مثلها مو مبين عليه الهادي ...

ناصر : لا ماهقيتك بطيئه لهالدرجه

نواره تدوس بنزين : هههههههه ابشرررررررررررر

ناصر : ايوه كذا مع انك بطيائه لهاللحين


نواره داسة على 120 وهي تصرخ من الحماس والفرحه

بعد السواقه والتفحيط نواره جلست بالسياره تضحك ميته ضحك كانت من ساعات متضايقه وتحس الكون ضيق اما هاللحين قمة انبساطها ...: هههههههههههههههههههههههههههههههههههههههههههههههههه ههههه

ناصر لف عليها وهو مبتسم : انبسطتي

نواره : مرررررررره والله انك خيال ...

ناصر غمز لها : حاضرين للحلوين ..

%%%%%%%%%%%%%%%%%%%%%%%%%%%%%%%%

محمد : ها البندري كيفك ليوم ..؟

البندري من اول مادخلت للمستشفى تستحي تناظر بعيون اخوها : الحمدلله

محمد : لا وجهك منور شكل حمود صغير مريحك

البندري ماقدرت تمسك ضحكتها العاليه : ههههههههههههههههه

ام البندري : بسم الله وش فيك

البندري : ههه كل واحد يختار اسمه للبيبي – غرقة عيونها فجاءه وراح صوتها - لان ابوه مو فيه تختارون على كيفكم

ام البندري مسكت ايد بنتها : لا ياحبيبتي لاتحكين كذا ان شاء الله بيرحع رائد من السففر وهو اللي بيختار اسمه

البندري : بيرحع هههه يمه تضحكين على مين انتي انا مو بزر وعارفه – بكت – اللي قاهرني دامه مايبيني ليه يروح كذا فجاءه يقولي انه مايبغاني والا بس كذا جد مستهتر ماعنده مسوليه

محمد قاطعها : لا يالبندري رائد عنده ظروف واول مايرجع بتعرفين منه كل شي

البندري بعصبيه وهي تمسح دموعها : ومن قالك اني برجع معه يخسى الاهو وم

محمد ساكت يناظر امه اللي تبكي لبنتها ودها تقول لها عن رائد بس نظرات محمد المهدده ..


%%%%%%%%%%%

بو ذوق : ذووووق ذوق ياحماره

ذوق ركضت لابوها وهي ترتعش : هلا بابا

بو ذوق : كم مره قلتلتس لاتقولي بابا بلسانتس النجس ..

ذوق دموعها جفت من كثر البكي نزلت راسها : .............

بو ذوق : امتس عرفت ان رائد ماكان بعبارة السلام

ذوق طلع صوتها مبحوح : ايوه ...

بو ذوق : وش قالت ..؟

ذوق : مادري مو انا اللي قلتلها

بو ذوق بعصبيه : اجل من حبيبتس فيصل ..

ذوق نزلت دمعتها ومسحتها بسرع علشان مايشوفها ويضربها : لا نادبه ..

بو ذوق : اها ..اسمعي اخوتس رائد بيطلع بعد يومين اوبالكثير ثلاث ايام ..

ذوق شهقت : رودي بيطلع ... متى وكيف ..؟ان

بو ذوق : لايكثر هرجتس بس وانقلعي من وجهي انا اقولتس علشان تجهزي له غرفه غير غرفته اللي قبل لانه بياخذ عروسته من غير عرس

ذوق : من غير عرس كيف بنو عارفه ..؟

بو ذوق : يله تحركي انتي وجهتس ..

ذوق : .....
وقفت متردده تحكي مع ابوها ولا لا

بو ذوق رمى الريموت على وجهها : جعلتس ماتطبين لجنه ان شاء الله اتحركي ماتسمعين

ذوق قفزت من مكانها وحكت ايدها على كتفا مكان الريموت وهي تغالب دموعها : بابا انا... ان..... – بلعت ريقها- بابا مم

بو ذوق ناظرها باحتقار : وش تبين انتي وجهتس

ذوق بشجاعه مصدنعه قالت بسرعه : بابا ممكن اروح لزواج لوجين بعد بكره ..

بو ذوق باستهزاء : نعم وش قلتي عله ذوق ماسمعتس

ذوق بلعة ريقها : بابا تكفى بس ساعه ساعه ورجع

بو ذوق : كل خراتس ماعاد الا هي بعد سواد وجهتس ناويه تطلعي والله ماخربتس ا لا هذي لوجين وشلة لفساد

ذوق نزلت دموعها اللي مسكتهم وصرخة وهي ترتجف : بابا انت ليه تكرهني بابا انت قاسي

بوذوق حن قلبه على شكل بنته تنرحم شكلها يكسر لخاطر

ذوق انهارت : بابا انا احبك بابا انت حبيبي والله اسفه انا غلطت – رمت نفسها عند رجل ابوها تبوسها – والله احبك...
كل الناس تحتقرني الا انت ماتحمل اشوف هذي النظره

بو ذوق كان نفسه يضم بنته ويمسح على شعرها بس اللي سوتها بنظره مو قليل مو قليل ابدا : ابعدي عني يالفاخره انتي سودتي وجهي وجه امتس ومالتس بقلبي مكان ....
ابعدها بايده عنه : كان فكرتي فينا قبل وفكرتي بنظرتي على قولتس ياذوق انتي خنتي ثقتنا فيتس انت م

ذوق ركضت لغرفتها ماتبغى تسمع شي اللي فيها مكفيها خلاص غرفت غلطها واندمت عليه وتتمنى انها ماتت قبل لاتسويه ...

%%%%%%%%%%%%%
الجوري جالسه بصالة بيتها الجديد استقلت فيه بعيد عن ام سعود ولمياء ومشاكلهم (( ههههه يام سعود حاكيه مع عمي علشان يخرب علينا واترك ذوق ..ويهددنا بالفلوس والبيت هههه والله مادريتي انا عمي يشتري بدر ويشتري ابوه ههههههه ))

بدر طالعه من الغرفه وهو معقد حواجبه من قوة النور : جواره وش فيك صاحيه ..؟


الجوري وعلى وجهها ابتسامه : حبيبي ازعجتك ..؟

بدر يتثاوب : اكيد النور طالع من فتحت الباب ..وش عندك مانمتي ..؟

الجوري : بدر تعال شوي

بدر يتثاوب اكثر : هااااا

الجوري : تعال وش خسران

بدر راح عندها : ها ترى فيني النوم ..

الجوري : عادي عمي المدير وانا بتوسط لك عنده اذا تاخرت

بدر : ههههههه كاشخه بنت اخ المدير

الجوري وقفت : تعال نتمشى بره البيت

بدر : ها لحين

الجوري تناظر الساعه : تو الناس الساعه 11 انت اللي نايم بدري

بدر : يله تعالي

جلسوا على درج مدخل البيت

بدر : هههههههههههههههه

الجوري : ليه تضحك؟

بدر : اللي يشوفنا يقول مخترعين بالبيت الجديد

الجوري : ههههههههه

بدر : هههههه

الجوري تتامله : الله لايخليني من هالضحكه ..

بدر ناظرها مستغرب : وش عندك ..؟

الجوري ابتسمت بحب واسندت راسها على كتفه : سلامتك كذا بس مشتاقتلك

بدر : هه ههه اربع وعشرين اعه بوجهك ومشتاقه لي لا عندك شي ثاني

الجوري نزلت دموع من عيونها بللت كتفه لف عليها مستغرب : الجوري وش فيك

الجوري: لااااا لاااا لاتتحرك خلني كذا على كتفك وبحكي لك كل شي

بدر : جوري خوفتيني ساعه تضحكين وساعه تبكين م

الجوري مسكت ايده وباستها : الله يطول بعمرك ويحفظك لي

بددر عقد حواجبه خاف عليها تصرفاتها ماتطمن بس ابتسم وباس ايدها : ويطول بعمرك انتي ولا يحرمني منك


الجوري وهي تناظر السماء وراسها على كتفه : بدر انت عارف انك هاللحين عندي الدنيا ومافيها
الجوري جالسه بصالة بيتها الجديد استقلت فيه بعيد عن ام سعود ولمياء ومشاكلهم (( ههههه يام سعود حاكيه مع عمي علشان يخرب علينا واترك ذوق ..ويهددنا بالفلوس والبيت هههه والله مادريتي انا عمي يشتري بدر ويشتري ابوه ههههههه ))

بدر طالعه من الغرفه وهو معقد حواجبه من قوة النور : جواره وش فيك صاحيه ..؟


الجوري وعلى وجهها ابتسامه : حبيبي ازعجتك ..؟

بدر يتثاوب : اكيد النور طالع من فتحت الباب ..وش عندك مانمتي ..؟

الجوري : بدر تعال شوي

بدر يتثاوب اكثر : هااااا

الجوري : تعال وش خسران

بدر راح عندها : ها ترى فيني النوم ..

الجوري : عادي عمي المدير وانا بتوسط لك عنده اذا تاخرت

بدر : ههههههه كاشخه بنت اخ المدير

الجوري وقفت : تعال نتمشى بره البيت

بدر : ها لحين

الجوري تناظر الساعه : تو الناس الساعه 11 انت اللي نايم بدري

بدر : يله تعالي

جلسوا على درج مدخل البيت

بدر : هههههههههههههههه

الجوري : ليه تضحك؟

بدر : اللي يشوفنا يقول مخترعين بالبيت الجديد

الجوري : ههههههههه

بدر : هههههه

الجوري تتامله : الله لايخليني من هالضحكه ..

بدر ناظرها مستغرب : وش عندك ..؟

الجوري ابتسمت بحب واسندت راسها على كتفه : سلامتك كذا بس مشتاقتلك

بدر : هه ههه اربع وعشرين اعه بوجهك ومشتاقه لي لا عندك شي ثاني

الجوري نزلت دموع من عيونها بللت كتفه لف عليها مستغرب : الجوري وش فيك

الجوري: لااااا لاااا لاتتحرك خلني كذا على كتفك وبحكي لك كل شي

بدر : جوري خوفتيني ساعه تضحكين وساعه تبكين م

الجوري مسكت ايده وباستها : الله يطول بعمرك ويحفظك لي

بددر عقد حواجبه خاف عليها تصرفاتها ماتطمن بس ابتسم وباس ايدها : ويطول بعمرك انتي ولا يحرمني منك


الجوري وهي تناظر السماء وراسها على كتفه : بدر انت عارف انك هاللحين عندي الدنيا ومافيها

بدر ضحك من مشاعر الجوري الجياشه : ههههههههههههه

الجوري تكمل وكان ضحكته انعشت قلبها : تذكر بدر لما شفتك اول مره عند النادي وتفلت بوجهك

بدر : يوووووه وش ذكرك هاللحين

الجوري : ههههه لحد هاللحين حاقد

بدر : لا كنت غبي ومتهور بتصرفاتي ومارضيت ام العيون الزرقاء تتفل بوجهي

الجوري : انا ماعاتبك انا اقولك اني كنت ميته رعبه من نظراتك لي .. بدور لما خطبتني ههههه على بالي بتزوجك انتقام مثل القصص والافلام بس طلعت الحياه غير ماضنيت ان في قلب يخون التهديدات والوعيد

بدر : ندمانه ..؟

الجوري بسرعه : لاااااا غبيه الا احمد ربي اللي جمعنا يوا مهما كانت ظروفنا ...

بدر : جواره احكي لي عن حياتك قبل عن كل شي ماعرفه عنك

الجوري : يالله هذي يبغالها جلسى وانا تعب جسمي من السيراميك البارد

بدر : اوكيه ندخل لداخل وتحكين لي هناك

الجوري تناظره من طرف عيونها : وانت مايحتاج تحكي لي عارفه سوالفك دامك من ربع طلال ..

بدر ناظرها نفس النظره : يعني اقولك نفسي الشي دمك من صديقات ذوق

الجوري : حرام والله ذوق مالها ذنب

بدر : بتقولي لي فيصل خويي

الجوري ابتسمت : اببداء سواليفي عن البندري اوكيه

بدر تنهد وهو يوقف : قومي قومي وداخل نتفاهم

الجوري: ههههههه

%%%%%%%%%%%%%%%%%%%%%%

بزواج لوجين ومسفر ....
اليوم اللي انتظروه كثير وتمنوا يصير لهم من سنه تقريبا ...

لوجين تبدل الفستان / هذا احلى صح

نواره : لاااااا اللي قبل احلى

الجوري : انا اقول هذا اللي فيه حرفك وحرف مسفر بالعنابي احلى

نواره : لااااا ماعليك منها اللبسي الابيض الثلجي احلى

البندري جالسه على الكرسي المتحرك لان الجنين معذبها : هذا ولا هذا الفستان اللي فيه فضي احلى افخم ..

لوجين تناظر بست الفساتين اللي شترتهم لزواجها وهي محتاره ايهم تختار : والله بنجن وين ذوق مراح تجي

نواره : لا انتي عارفه بس لاتخافي انا بجيبها

البندري بحقد : ليه مو جايه الحمدلله والشكر ليكون مثل اخوها عايفه الناس كلهم

الجوري: بنو وش هالحكي حرم لاتظلميها

لوجين متوتره مره : بناااااات وبعدين معكم ايهم اختار ..؟

الكزافيرات والمممين ينتظروا اختيارها للفستان ... بفضول من بتختار تصميمه ...

نواره : قلتلك الثلجي والله بتطلعي فيه ملكه

الجوري : لاحبيبيتي بالابيض الليفيه حرفينهم بالفوشي جنان بيحسها تموت فيه وحاطه حرفه بزواجهم

البندري : لا انتي معها الفضي احسن فيه فجامه لاتوصف

لوجين : آآآآآآآآآف ماعندكم سالفه ... لارا هاتي جوالي بسرعه

لارا ركضت و عطتها جوالها : تفزلي

لوجين دقت وبعد ثلاث رنات جاءها صوت منصور وهو يتصنع الفرحه لها ويحس انه ينزف من جوا : هلاااا والله بالعروووووس

لوجين : هههه والله انت اللي تفهمني هههه

منصور اختفت ابتسامته المصطنعه : افا عليك انا بالشوفه ...

لوجين : تسلم لي لقول منصورررري وش رايك اي فستان اختار

منصور : اختاري واحد من السته اللي اخترناهم سوا

لوجين : نصووووووو هنا المشكله اي واحد من السته اختار

منصور بصوت مبحوح : اللي فيه حرف M & L لو انا احب عروستي تلبس حرفي مع حرفها

لوجين : والله مشكوووور باي

سكرت السماعه مستعجله ..

منصور ضل يناظر السماعه فتره بعدها سكرها وهو يبتسم باستهزاء لنفسه هذا وهو حالف مايحب بعد الاء المرحومه بس لوجين تنحب وتدخل القلب ..

.......

نواره : هاللحين ساعه نقنعك وبس ضحك عليك منصوور بكم كلمه صدقتيه

لوجين : هههه نواره اعقلي وروحي جيبي ذوق فستانها عندي ...

نواره : ذكرتيني نصور ينتظرني بره

البندري : انا بطلع نخنقت هنا من الاستشوارات والحر

الجوري : لاتوقفي مو زين على البيبي

البندري توقفت ببطى وبطنها قدامها : ماعليك ادبرها

نواره طلعت بسرعه بره

لوجين وهي تاشر للخدامه تشيل الاكياس اللي فيهم الجزم : الا بنو وش قلتوا لناس عن حملك

الجوري : محد له وجه يحكي

البندري : عادي ماعلي من احد

لوجين : حركااات هههههه

البندري طلعت ببطى لبره وهي تجر رجلها بثقل : يارررربي فستان ثقيل كل منك يا لوجين الله يسامحك

الجوري : هههه يله وش تنتظري يالعروس البسي

لوجين : لاااا لماتوصل ذوق

الجوري : اجل قومي نرقص شوي ..

لوجين : ههه عرو هبله ها ... شغلي وحده وحده

الجوري : اليوم الخميس كل شي حلال

لوجين : ههههه تذكرين ببريطانيا الخميس كل شي حلال هههه

الجوري شغلت المسجل وجلسوا يرقصون

بنات ماعندهم حياء خخخخخ

.............

نواره دخلت بهدوء الحديقه

ناصر بهمس / نواره لو طلعوا اهلها

نواره : لاتخاف محد حولك .. تعال من هنا ورى

ناصر : متاكده والله انك مهبوله

نواره : احترم نفسك واذا بتغلط ارجع لسياره بس قبل ارفعني للبكونه

ناصر : امشي امشي يالهبله

نواره : هههه

ناصر : اوشششش

نواره بهدوء وهمس : ههه

ناصر بصوت عالي / هههههههه احلفي ..

نواره سد فمه : اوشششش بتفضحنا

ناصر غض ايدها بقوه صرخت : ايييييييييييييي

ناصر /ههه يالسودانيه ايييي

نواره ماسكه ايدها : تعور

ناصر : علشان ماتلمسيني مره ثانيه انا اخاف على نفسي

نواره : امش بس امش لاتلوع كبدي تخاف على نفسك والاجنبيات اللي بالي بالك

ناصر : هههه

نواره تسلقت لعند بلكونة غرفة ذوق وناصر تحت يراقب وكانهم حراميه ..

نواره فتحت البلكونه : ذوق ذوق

ذوق كانت تبكي مقهوره زواج لوجين وماتحضره ومايفصلهم عن بعض اي شي : نواااااااااااااره

نواره : هههه سكري فمك ويله تعالي معي

ذوق : ويييين ..؟

نواره : لاتمدي حكيك والله بذبحك ..تقهريني ..

ذوق : كيف دخلتي ..؟

نواره : هههه نصور المهم تعالي معي

ذوق : اهرررب

نواره : ذوق بذبحك شغلي مخك نهرب هاللحين وترجعي قبل 12 ياسندريلا

ذوق خافت : لاااااااااا

نواره : يووووه يالليل لمتى انتي خوافه كذا يله بسرعه ...

ذوق بتردد : لااااااا مستحيل

نواره سحبتها : يله بسرعه ..

ذوق مشت معها وهي خايفه وبسهوله تسلقت البكونه ونزلت والمشكله ذوق توهقت مو عارفه تنزل ... نواره طلعت لها ونزلتها بسرعه وهي ترتجف وذوق ميته خوف ...

.............

لوجين لبست الفستان و بجنبها ذوق ترتبه لها وهم يبكون والجوري تبكي معهم

نواره : ههه الحمدلله والشكر العقل نعمه

ذوق : نوووووواره ..

نواره : بطلع بيرفون مسيفروه هاللحين

لوجين : مسيفروه بعينك هههه ...

مسحوا دموعهم ووقفوا ببداية الدرج يناظرون زفت الرجال ...
مسفر كاشخ بالبشت وبجنبه ابوه ووراه اخوانه وربعه وكل اهله مبسوطين ونهار كان معهم بالزفه ماحضر الا علشان يشوف رنا وبس مع انه كان اول المتعصبين لفكرت ان مسفر يتزوج بره العايله بس دامه صار لازم يشوف رنا ..

كانوا يمشون على الجسر القزاز اللي تحته حوض اسماك القاعه كانت كلها وكانك ببحر من الاحواض والجسر والمسرح الشفف وبجواه اسماك واعشاب بحريه كان الجو جنان ..

ذوق : لجون شوفي منصور

لوجين عينها على مسفر : فاضي لك شوفي ميسو طالع جنان

الجوري : مافي ازين من بدر والله

ذوق : هههه نواره ليه ساكته

نواره : وين ناصر مادخل

الجوري : ليه يدخل ..؟


نواره : يعني ليه مع هالامه الداخله ..

ذوق : قلتولي عائلي ههههه

لوجين تناظر مفر وهو يضحك مرتبك / ياحياتي مرتبك بعدقلبي ياخذ العقل ..

نواره : ذكريني اعطيك النظاره هدية زواجك

لوجين معصبه : نوووووير ابذبحك

نواره /: هههه خلاص توبه

الجوري : مسكينه بنو جالسه لوحدها اكيد طفشانه

ذوق: واللي يرحم والديكم لاتحكون لها عن اللي صار لي او لرائد حتى لو ضربتني

نواره : هي ودبتها ماتقدر تضربك ...

البنات : هههه

بعد زفت رجال دخلوا البنات علشان يجهزوا لوجين لان اكيد بعد دقايق زفتها ...

نهار واقف وعيونه على اللي بالصاله يدورها يدور اللي جاء علشانها ... شافها اخيرا شاف قلبه غايب شهر ..

رنا ماسكه العصير وعيونها مغرقه اخيرا اخوها مسفر تزوج ومن اللي عور راسها فيها .. لفت بعيونها بتحكي مع هنادي شافت نهار يناظرها احتقرته ولفت عيونها عنه .. نهار ابتسم (( هو السبب وتزوج وحنا نتعذب علشانه .. بس والله ماتتهنى ياولد عمي ))..


كانت عيون الحريم كلها على منصور الحلو والكشخه ..

بدر كان فالها ويرقص ويصفق وتذكر ان ذوق اكيد موجوده دق علىفيصل يدخل .. ودق على الجوري تخلي ذوق تناظر ...

الجوري : بنات تعالوا نشوف بدر يقول بيستهبلون ..

ذوق وهي تعدل مع المصفف طرحة لوجين : انتي ونواره روحوا انا ب

الجوري : لااااا انتي تعالي واتركي المحروسه تجلس هنا ..

نواره : لا والله ابغى اشوف

الجوري تغمز لها : انتي اجلسي وذوق تروح

نواره بعصبيه : اضحكي علي بالتغميز ونتم قزوا

الجوري : ياحماااااااره

نواره : وش فيكم اليوم تعلقوا على الحرف ترى اتنرفز

ذوق : جد جواره مشغوله خذي نواره

الجوري مقهوره وحاقده على نواره : آآآآآآآآه .. خلاااااااص نونو اجلسي انزعي هنا

رسلة لبدر (( الخايسه نوير خربت علينا دور فرصه انيه ))

نواره : انا اللي مفروض اعصب موانتي كفايه انك مانديتيني معكم

الجوري سكتت مقهوره مافي فايده مع نواره مراح تفهم

مشى فيصل وهي مستحي بين لحضور هو اخر واحد داخل (( الله يقلع بليسك يابدر احرجتني))

بجر ابتسم داري ان فيصل ميت من الاحراج من وجهه المتغير : هههههه

مسفر ماسك ايد ابوه وهو طاير من الفرحه ويتكلم معه وابوه مبتسم لفرحة ولده اللي عذبه على ماتزوج ...

فيصل وده يذبح بدر كلمه وهو معصب : يالخايس وينها يالكذاب

بدر : مادري وين بس هم يناظرونا هاللحين تسنع قدام ذوق

فيصل يتلفت : وينهاااااااا ..؟

بدر : اصبر اعرف الاخبار اذا طلعت

فيصل فوق السبع مرات عدل شماغه ...

.......

منصور ابتسم للحريم لانه عارف انه هو اللي ملفت الانتباه اكثر من المعرس ...

رناد : آآآآه ياقلبي على هذا

رنده : يشبه لوجين مره

رناد : لو انها متزوجته مو احلى من هذا مسفر

ام سعود : اننتم وش عندكم تتساسرون من ساعه

رنده بسرعه : بالكوشه والديكور احس اني جالسه بالبحر

رناد : متحمسه اشوف شكلها ..لوجين وهي عروس

لمياء : اكيد فاصخه

ام سعود : وانتي صادقه

..........

لوجين واقفه وبيدها الورد كان الشكل النهائي ها وش رايكم

البنات يصارخون ويصفرون من حلاها ...

نواره : راح فيها مسفر هههههه

ذوق : وانا اشهد ههههه

..................

نزفت لوجين وبجنبها عمها اللي ماشافته الا مرتين ..

مشت على الجسر بفستانها الابيض الفخم والحرفين الفوشي بوسطه .. والطرحه الطويله من وراها كانت اميره من كتب الف ليله وليله .. تاجها الالماس يزين شعرها المصبوغ بالاشقر والبني وجسمها الرشيق والطويل ..وابتسامتها تزيد جمالها ... مشت ماسكه الورد الفوشي بيدها ..

جمالها حبس الانفاس وسمت عليها كل عين شافتها ...


ليلة خميس طرز بها نور القمر
شط البحر نصف الشهر..
و الليل من فرحه عريس ليلة خميس...

مسفر وقف وهو مبهور من شكلها حس بالعبره خانقتها هذي اللي يحبها وتحدى العالم علشانها .. تستاهل كل شي ..

لوجين وصلت للكوشه مع عمها اللي كان وجهه خالي من المشاعر ...

مسفر باسها على ججبينها وجلست بقربه والفرحه تشع من عيونهم ..

البنات مبسوطين مره لهم

البندري اتركتهم لان ذوق معهم وجلست مع امها و مريم وتهاني اختها .. بنو زعلها كبير وماترضى بسرعه ...

ذوق سكتت وماناقشتها اللي فيها مكفيها ...

نزفت العروس مع عريسها لاول ليله يقضوها سوا وهم زوجين ... هاللحين صارت لوجين حلاله وله ..

نواره ساعدتها وحلفت تركب معها وتوصلها مع منصور للفندق بس قرر ناصر يلحقهم بالسياره مع نواره ومنصور ياخذهم للفندق ..

........

نواره حست بضيقه بالسياره : ناصر ودني للبيت

ناصر : هاللحين

نواره : ايوه شفت لوجين تنزف خلاص العرس بايخ ..اسمع لاتنسى ذوق رجعها هاللحين

بعد مسافه قصيره

ناصر : يله انزلي وصلنا بيتكم

نواره تناظر البيت المظلم هاللحين بتجلس فيه لوحدها ابوها بالمستشفى : ودني على بيت لوجين

ناصر ناظرها بحنان : نفس الحكايه مافيه احد يمكن غرفتك احسن لك

نواره : آآآآآآآف – نزلت بكسل – باي اشوفك بكره

ناصر : اكيد باي

مشت نواره لداخل البيت بهدوء وتردد ماودها تدخل من جوا يخوف الخدامتين اكيد هاللحين نايمين والبيت ظلام ..


فجاءه سحبتها ايد صرخت من الخوف : يمممممممه
سد فمها بقوه وهي تحاول تصرخ ماكانوا واحد كانوا اكثر من شخص سحبوها لداخل السياره وهي تحاوول تصرخ تفلت من ايدهم بس مع الاسف محد سمعها بكت من الخوف فجاءه ظلمت الدنيا بعيونها غطوا عيونها بقوه ...
كانت تبكي بصوت عالي بشكل هستيري ..

بعد اكثر من ساعتين

- : كلي تبن لاترفسي لا ذبحك هاللحين

نواره منهاره تبكي وتحاول تفكك نفسها من الحقيرين تتحرك يمين يسار لكن الايد القويه اللي ماسكتها شلتها .. والحبل على ايدها قوي ...
.كانت تصرخ لكن صوتها مخنوق يرجع صداه باذنها ..

فجاءه السياره وقفت والاصوات هدت ارتجف جسم نواره مع الهدوء تكلمت بصوتها المخنوف لكن لسانها خانها

- : انزلي بسرعه انزلي

نزلها من السياره وصوت اثنين معه يسكرون الابواب

- : خلاص عملنا اللي علينا

- : وين يابابا وفلوسنا..؟

- : خلاص انا تحاسبت معه

- حلو

جرها بقوه لمكان حست انها غرفه او شي لان الهواء انكتم بداخلها...
تركها اللي ماسكها ومشى
وتسكر الباب بقوه .. بعدها صوت ابواب السياره تتسكر حاولت تحكي تاشر لهم وصوت تشغيل السياره وتحركت

نواره تبغى تقولهم وين بتروحوا...؟ وليه تركتوني ...؟
لكن
دموعها حكت مكانها ورجلها ماقدرت تشيلها ركعت برجلها على لارض وهي تحرك يدينها تبغى تشوف وش صار وين هي بس كانت ضعيفه ضعيفه مره ..
حاولت وحاولت يمين يسار
مارضت تفتحت حرك راسها يمين يسار هي وين ليه هذي الارض بارده
وقفت لكنها رجعت طاحت .. وشهقت مع طيحتها .. وقفت مره ثانيه وطاحت ححست ان عظام ركبتها تنحت ليه جسمها ضعيف ...
من الخوف جسمها موقادر يستحمل او يتحرك .. زحفت بركبتها تبغى تعرف هي وين بغرفه ..؟والا وين ..؟

افكار كثير مرة ببالها ناصر مغقوله ناصر ... مخها بهذيك الساعه ماكان معها كان كل همها تطلع من هنا ترجع للبيت ... بس خذوا ساعات طويييييييله بالطريق وين ودوها ..؟

زحفت وزحفت لحد ماصدمت بجدار .. رمت نفسها على الارض تبكي خلاص ماعاد شي ينفع ... بكت بضعف ..

بعدها بربع ساعه تقريبا .. سمعت صوت رجال بره كلام كثير واصوات كثير ماركزت مين ..؟وماعرفت شي الا صوت تهياء لها انه هو ... لكن هزت راسها تبعده من مخيلتها .. مو وقته هاللحين الله يسامحك ياطلال حتى باقوى المواقف مافكر الا فيك..؟ لو انك هنا ..

ارتفعت الاصوات وصار صراخ وسياره ثانيه راحت ..
نواره راسها بينفجر ماهي قادره تفهم شي ..؟

صوت باب انفتح ونفس شاركها انافسها .. وصوت خطوات ثقيله بالغرفه ...
قلبها دق بسرعه ولصقت بالجدار وهي ترتعش وضمت جسمها لبعض ..

طلال انشلت حركته وهو يشوف شكل نواره كذا اول مره بحياته يشوفها خايقه كذا : نواره ..

نواره اول ماسمعت صوته وقف شعر جسمها ورتجفت اكثر ماكانت مصدقه انها سمعت صوته اكيد تتوهم ...

طلال مشى لعندها بسرعه و مسك ايدها هو بينجن فتح الحبل بسرعه وهي ترتجف بين ايدينه : لاتخافي نواره والله انا معك ...

نواره رمت نفسها على صدره وهي ماتدري هو طلال والا طيفه المهم تحس انه حولها انه معها

طلال شال اللزقه من فمها ... شهقت مع فتحته : آآآآه

طلال عوره قلبه عليها ولعن الاغبياء .../ الله ياخذكم ويلعن بليسكم انا اوريكم الكلاب .. لاتخافي لاتخافي حبيبتي انا معك ...

نواره اول مارفع طلال عن عيونها الربطه
غمضة عيونها بقوه من شدة النور وهذا اللي عذب طلال اكثر .. بعد ثواني فتحت عيونها وجاءت عينها بعين طلال ..

نواره قالت وهي ترتجف : كيف عرفت مكاني من قالك عني ..؟

طلال بلع ريقه ماعرف وش يقولها

نواره ناظرت المكان بعيون مليانه رعب كانت غرفه فيها تلفزيون وكنبين وثلاجه صغيره والواضح انها استراحه ..: تعال خلنا نطلع من هنا بسرعه .. بسرعه نهرب قبل لايرجعون ...

طلال مسك ايدها البارده والمرتجف : نواره حبيبتي لاتخافي محد بياذيك

نواره حاولت توقف : تعال انت ماشفتهم هم كثير ان
طاحت على ركبتها مره ثانيه .... ورجعت لها نوبة البكي والانهيار

طلال : لاتخافي نونو لاتخافي كلهم راحوا من هنا مابقي الا انا وانتي

ناظرته ماهي مصدقه ..ناظرته مرعوبه : راحوا ليه ...؟
ترددت كلمته باذنها ... "مابقى الا انا وانتي ..." يعني طلال ورى كل هذا ..

طلال : لاتخافي مراح يرجعوا

ماقد كرهة طلال وشافته بالحقاره هذي.. دفته بقوه عنها : ياحقيييير يانذل .... ابعد انت جد حشره ... انت ورى كل هذا صح ...؟

طلال : ايوه انا ..- وقف ومشى بعيد عنها – نواره حاولت اعيش بدونك ماقدرت ..انتي ح

نواره وقفت بسرعه وصرخت فيه : كل تبببببببن كل تبن مابغى اسمع شي اكرررررررهك اكررررررررررررررررررررهك

طلال : نواره اسمعيني لاتخافي انا جايبك لهنا نتزوج ون

نواره تحس انها مستحيل بيوم حبت هذا الانسان : انت قذر قذرررر ..

طلال مشى لعندها بثقه : نونو لات

نواره زاد صراخها وكانها تطلع قهر الشهر والايام هاللحين : لاااااااااااتقرررررررب ... لاتفكر حتى تلمسني ....

طلال كمل مشيه وهو عارف انها معصبه شوي بعدها بتسامحه مثل العاده : طلالاااااااااااااااااااااا ل – تصرخ وتبكي – قلتلك لاتقرب ...

طلال كمل مشي لحد ماوصل عندها

%%%%%%%%%%%%%%%%%%%%%%%%%