كاتب الموضوع :
Honey1900
المنتدى :
الارشيف
|
اقتباس :-
|
هل لو بنت اظهرت لك مدي حبها و تعلقها بك هل تروح تخطبها من اهلها لمجرد انها بتحبك
و لا لازم انت كمان تحبها او تلاقي فيها الانسانة اللي تقدر تكمل معاها حياتك ؟؟؟؟؟؟؟؟؟؟؟؟
يعني المهم يكون الشعور من عندك و عندها او بمعني اصح متبادل
و هل لو ارتبطت بشخص مش بتحبه و لا بتكرهه لمجرد بس انه بيحبك و متعلق بيك هل بكدة تكون بتظلمه؟؟؟؟؟؟؟
|
أنا راح أتكلم كلام ويمكن كلامي يزعل ناس كتير مني بس هذا رأيي
شوف يا أخوي هاني موضوع الزواج أكبر من مجرد حب والحب لا يكفي للزواج مو لو هيا تحبك لو إنت تحبها وهيا تحبك برضه هذا مو سبب كافي للزواج كيف؟؟؟
الواحد بده يتزوج ليش عشان يبحث عن الإستقرار والراحة والسعادة طيب هل في نظرك كل الحبايب متفقين ومبسوطين وعايشين في سعادة وتبات ونبات طبعاً لأ في إلي مبسوط وفي إلي متنكد والإنسان بطبيعته يحب الشي إلي يريحه ويكره الشي إلي ينكد عليه يعني لو أتزوجت وحدة تحبك وعيشتك في سعادة وراحة وإستقرار صدقني راح تحبها مع الوقت ولو وحدة كنت تحبها وكل يوم مشكلة وكل يوم مصيبة وكل يوم نكد راح تكرها وتكره اليوم إلي شفتها فيه ولا أنا غلطان؟؟؟
طيب تتوقع لو إنسان ملتزم حب وحدة فري ممكن يعيشوا في بيت واحد براحة وسعادة وإستقرار لأ طبعاً صحيح هوا حبها ممكن عشان جمالها ممكن عشان بعض النقاط في تفكيرها في حركاتها في دلعها أي شي وهيا ممكن حبته لأي سبب من الأسباب ممكن وقف معاها في أزمات كتير عجبها فيه صفات الشهامة وغيرها بس هنا الأساس غيره طريقة التفكير غير
انا ما أقول هنا إنه لازم يكون إلي نحبه زينا لأ حلو إنه ناخده زي ما هوا يعني انا أحب الكورة وهيا تحب القراءة عادي انا ممكن إنسان هادي وهيا عصبية يعني أما إختلاف جذري فطبعاً نهاية كل الحب راح تكون الإنفصال هذا غير المشاكل التانية
بس في أشياء الواحد لازم يفكر فيها قبل ما يرتبط كمان مو لمن يرتبط لمن يفكر يصارح الإنسانة إلي يحبها بحبه لازم يشوف إذا كان في إمكانية يعيشوا مع بعض تحت سقف واحد لو ينفع يتوكل على الله لو غير كدة نصيحة بلاشي
|
27-07-08, 02:13 PM
جديد مواضيع قسم الارشيف
العرض العادي
