موضوع جريء وجديد لين
شوفي ياستي اكتب عيوبي :
وجزء منها انت عارفاه:
1-مترددة اوقات , ودة بيخليني احيانا مش قادرة اوصل لقرار صح
2- متسرعة احيانا:لما بلاقي نفسي هبتدي افكر كتير وهاتردد بقوم اخد اي قرار والنتيجة=كارثة
واحيانا تسرعي بيكون نتيجة للعيب التالي
3-خجولة جدا: وعشان كدة لما بتحط احيانا في موقف محرج تلاقيني اعمل اول حاجة تيجي على بالي من غير تفكير لمجرد اني اخرج من الموقف دة, واحيانا اقول عكس اللي في بالي عشان اتخلص من الاحراج وطبعا دي مشكلة كبيرة
4-بزعل بسرعة جدا, واوقات مش بنسى الحاجة اللي زعلتني, يمكن بسامح بسرعة لكن مش بنسى(قلبي اسود )
5-خوافة جدا, وحذرة بالرغم من اني مش بثق في الناس بسرعة الا اني بمجرد مابطمنلهم تلاقيني واثقة فيهم بلا حدود وانسى حذري
مش فاكرة ايه تاني لو انتي فاكرة قولي
تستاهلي 5نجوم ياقمر