حط الاوراق داخل الملف ودور داخل على الرقم لحد ما لقاه
ضغط على ارقام جواله يكتب رقمها وحطه على اذنه يسمع الرنين وينتظر الرد

دانه : الو
بسام : الو السلام عليكم
دانه : وعليكم السلام
بسام : انسه دانه ؟
دانه : ايه نعم .. مين معاي ؟
بسام : معك بسام من دار النشر والتوزيع
دانه : ايوة هلا استاذ بسام
بسام : انسه دانه بس بغيت اسألك اذا عندك شي الحين تمريني في مكتبي
دانه : لا ما عندي شي .. اذا فاضي ما عندي مانع
بسام : اكيد فاضي ..
دانه : خلاص وادخل على طول
بسام ابتسم : على طول
دانه : اوكي

سكر بسام من دانه ورجع يكمل بقيه الاوراق


<<<< الفـــــــــصل الثالــــــث >>>>

( مشاعر وهميه )

اليوم الثاني ..

داليا قاعده في الصاله وتهز رجولها بعصبيه ..
رنيم طلعت من الغرفه معها كتبها : لسه مارحتوا ؟
داليا : ننتظر هانم رند تخلص
رنيم : هههه عاد رند لازم تلبسيها من قبل بيوم حتى لا تاخرك
طلعت رند من الغرفه وهي تسكر ازارير البالطوا وتعدل قبعة الفروا على راسها

رند : يلا نمشي ؟
داليا : لا يا شيخة .. مرة بدري الصراحه
رند : ههههه ايش اسوي ما اعرف البس بسرعه
داليا : امشي يلا

قاموا داليا ورند وطلعوا من البيت

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

رنيم رجعت دخلت غرفتها وتحط الاشياء واللي ما تحتاجها في الشنط .. ما باقي على سفرهم الا 3 اسابيع .. وما في اكثر من رنيم في التاخير في ترتيب الشنط
دخلت الكتب اللي ماتحتاجهم في الكراتين ومسكت مجموعه كتب وحطتهم على المكتب

قطع عليها شغلها رنين جوالها

رنيم : الو
رزان : هاي رنيم كيفك ؟
رنيم : اهلين رزان .. تمام وانتي كيفك ؟
رزان : تمام والله .. خير ليش ما جيتي الجامعه اليوم ؟
رنيم : ماعندي شي اليوم .. وقلت بعد اجهز اشيائي اللي ما احتاجهم حق السفر
رزان : اهاا وايمتى سفركم ؟
رنيم : بعد 3 اسابيع
رزان : اي يوم ؟
رنيم : بيكون سبت
رزان : اها يعني ويك اند
رنيم : يب
رزان : ايه منيح .. بيكون بيوم سفري لكان
رنيم : حلو
رزان : ايه بقلك .. سويتي الريسيرتش اللي طلبته doctor carrie ?
رنيم : نو .. على اساس كنت اروح الظهر المكتبه بس ما رحت
رزان : تروحي معي هلأ ؟
رنيم : اوكي ماعندي شي .. تمريني ؟ لانه داليا ورند اخذوا السيارة
رزان : no problem شي دقيقتين وانا عندك
رنيم : اوكي انتظرك

سكرت رنيم من رزان وقامت لبست جينز وهاي نك اسود وجاكيت اسود
تركت شعرها الملفلف المنكوش على اكتافها .. لبست بوت اسود و اخذت شنطتها وجلست في الصاله تنتظر رزان

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

اما عند داليا ورند ..

دخلوا المعرض اللي كانت الصحافه عند الباب تحاول تدخل بس الشرطة مانعتهم حتى لا يزعجوا الزوار .. وبعدين بيدخلونهم

مشوا داليا ورند بينهم يحاولون يدخلوا لحد ما دخلوا
رند : اف حشى ما بغينا ندخل
داليا طنشتها وقعدت تطالع المعرض من بعيد
رند وقفت قدام المرايا وقعدت تعدل نفسها ..

شال الرجال منهم الجاكيتات اللي لابسنها وعطاهم رقمهم

دخلوا اخيرا وبدأوا يطالعوا في اللوح ومعاهم نوت صغير عطوهم ياه وعليه صور اللوحات ويكتبون التعاليق عليها

داليا شافت فهد جاي لعندهم .. اعطته باقة الورد اللي معها : شكرا على الدعوة .. وباين على المعرض حلو ومرتب
فهد : العفو .. وشكرا على حضورك
داليا هزت راسها ومشت تكمل بقيه اللوحات

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

رند واقفه قدام لوحه وتتامل فيها
كانت عبارة عن الوان متداخله في بعض بطريقه غريبه نوعا ما .. ولفتت نظر رند كثير
نزلت راسها تبغى تكتب على النوت التعليق لكن قاطعها صدمة خفيفه جت على ظهرها
لفت راسها تشوف مين وعطته نظرة من فوق لتحت
Mohammed: sorry b……..
قاطعته ملامحها اللي جذبته كثير من اول مرة شافها فيها
رند ابتسمت .. واضح انه عرفها .. ورجعت تكتب في النوت
محمد : sorry but can I ask you what is your name ?
رند مشت : رند
محمد رفع حاجبه .. واتكلم هالمرة عربي : عربيه ؟
رند لفت عليه وابتسمت : سعوديه
محمد مشى وراها لحد ما وقفت ومد لها يده : تشرفنا مادموزيل رند
رند : شكرا
رجعت لفت على اللوحة وكتبت التعليق ومشت

محمد في نفسه ( ياثقلها )

سعد جا جنبه : مين هذي .؟
محمد : حقة التاكسي
سعد : اهااا .. وايش هالصدفة
محمد : صدقت يوم قالت انه بنشوف بعض مرة ثانيه
سعد : اخص يالرومانسي انت
محمد : تدري انها سعوديه
سعد : والله ؟ كويس
محمد : ثقيييييييييييييييييله .. ابد ما تعطي وجه
سعد : من حقها .. اجل انت تنعطى وجه الحين ؟

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

داليا واقفه قدام لوحة لحالها على جدار كبير
ابتسمت على شكلها وهي شايله صينيه الاكل وحاطة يدها في جيب التنورة .. قطع تفكيرها صوت فهد يهمس في اذنها
فهد : حلوة ؟
داليا لفت عليه بسرعه .. توهمت صوته صوت فيصل .. تذكرت لحظات بعيد الحب يوم جهز لها طاولة بمطعم كلها احمر في احمر وقلوب بكل مكان .. همس في اذنها من وراها نفس حركة فهد الحين
بلعت ريقها وتحاول قد ما تقدر تخلي دموعها في مكانها لحد ما تروح البيت وتنفجر هناك
داليا اشرت لها براسها بس .. ما تبغا تتكلم حتى لا يطلع في صوتها بحة بكا

فهد : هديه صغيرة لانك جيتي المعرض .. اتمنى وانتي طالعة تاخذينها معك
داليا ابتسمت : شكرا

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

اما عند رنيم ..

دخلت المكتبه حقة الجامعه واللي كانت مزحومة بسبب الطلاب وبحوثهم بما انه الاختبارات قربت وقريب بتنتهي مده تسليم البحوثات

رنيم قدام رف من الرفوف تختار مجموعه كتب و تجلس على الطاولة الكبيرة بنص المكتبه

رزان : شو اخدتي كتبك ؟
رنيم : ايه ..
رزان : ما بدك تروحي البيت احسن من هون ؟ هون المكان كتير معجوق
رنيم : هههههههههه لا بقعد هنا .. لاني لو اخذت الكتب مارح ارجعهم في الوقت المحدد
رزان : اي متل ما بدك ..
رنيم : انتي بتروحي ؟
رزان : لا كيف بروح وانتي ما معك حدا يوصلك ؟
رنيم : لا عادي روحي انا بدق على رند وداليا يمروني اذا خلصوا
رزان : لا بلكن اتاخروا
رنيم : اوكي براحتك

جلست رزان جنب رنيم وقعدوا يطلعوا بحثهم مع بعض

جا شخص قدامهم وطالع في رنيم وهي مندمجة مع الكتاب وتكتب على الدفتر
زياد : may I sit here?
رنيم رفعت راسها تشوف مين لقت نفسه زياد اللزقه
قالت بدون نفس : اتفضل
زياد جلس وابتسم : شكرا
رنيم ما ردت عليه ورجعت تطالع في كتبها وتكتب باندماج

زياد يكلم رزان : حق اي دكتور البحث ؟
رزان : doctor carry
زياد : مممممممممم .. ( سكت شوي وطلع في رنيم ) : تحتاجين مساعده
رنيم : لا
زياد : عن ايش بحثك ؟
رنيم حطت القلم على الطاوله ويدها على خدها وطالعت فيه : يعني يا تخلينا نكمل او تكرمنا بسكاتك
زياد : اوكي اسف
رنيم اخذت القلم وقعدت تكمل شغلها
( يا كرهي له .. سخييف )
زياد يطالع فيها ويبتسم .. ليش تكرهه هالقد يعني ؟
رنيم انتبهت انه يطالع فيها .. رفعت عينها لقته نزل عينه بسرعه ويفتح كتابه اللي قدامه

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

رند وداليا يسلموا على فهد لانهم طالعين
رند : لوحاتك روعة ما شاء الله
فهد يبتسم : مشكورة حضورك الاروع
داليا : مشكور مرة ثانيه على الدعوة ..
فهد : العفو .. وعيدوها مرة ثانيه
رند وداليا : ان شاء الله

طلعوا داليا ورند وركبوا السيارة
دخلوا البيت وداليا شايله اللوحة
دخلت غرفتها وحطت اللوحة على جنب واتمددت على السرير بتعب
رند بعد ما بدلت ملابسها جت لغرفة داليا وجلست على الكرسي عند التسريحه وتطالع داليا اللي متمدده على جنبها ومسرحة

رند : ممممم اشم ريحة حب جديد هنا
داليا طالعتها بنص عين : بلا غباء طيب ؟
رند : انتي اللي بلا غباء .. ما شفتي كيف يطالع فيك ؟
داليا : انا حرمت على نفسي الحب خلاص
رند : وليه ؟
داليا : ايش الفايده اعلق قلبي بشخص وكلها ساعات وافقده
رند : المشكلة عندك انتي تعرفي ليه ؟
داليا : ليه ؟
رند : اتعلمي لمن تحبي .. لا تحبي حبيبك .. حبي الحب .. الحب ما يموت لكن الحبيب يموت
الحب دام انه في قلبك اعرفي انه لا يمكن تنسيه .. لكن ممكن تمر لحظات تكوني ناسيه فيها حبيبك
داليا ودموعها في عيونها : ايش فايده هالكلام الحين .. خلاص فيصل مات
رند : ..............
داليا : قالولي بحادث .. رحت المستشفى اشوفه ما خلوني .. ليه ؟ .. اختفى بعد اخر لقاء لنا بيوم عيد ميلاده .. وقتها قالي انه لازم نفترق .. وانه بيتزوج وحينساني .. اختفى اسبوعين وبعدها دريت انه مات في حادث
رند : ومين قالك ؟
داليا : صديقه .. اسمه محمد .. كلمني وقالي .. حتى محمد بعد ما مات فيصل ما سمعت له حس او خبر
رند : ..............
داليا نزلوا دموعها وسالوا على جنب بما انها متمدده على جنبها
رند مسحت لها دموعها وقامت
شافت الكيس فيه اللوحة اللي عطاها اياها فهد وقت ما خرجوا من المعرض

رند : شريتي لوحه ؟
داليا طالعتها : لا هذي فهد عطاني اياها
رند : اهاا .. اشوفها ؟
داليا : شوفيها
طلعت رند اللوحة وفتحت الجلاد اللي عليها تشوفها

عقدت حواجبها وهي تطالع ملامح البنت الهاديه والحزينة المرسومة

رند : مين هذي ؟
داليا : انا
رند قعدت حواجلها وقالت باستغراب : انتي ؟
داليا هزت راسها
رند : ههههه يا حبيله راسمك .. بس والله الصورة ماعليها كلام .. وحلوه طريقه الرسم ..
داليا : ايه .. ماشاء الله عليه جد فنان
رند ابتسمت وحطت اللوحة في الكيس بعد ما رجعت الجلاد عليها

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

قطع عليه القراءة صوت دخول السكرتيرة تخبره بوصول دانه
بسام : خليها تتفضل
السكرتيرة : اوكي
طلعت ونادت عليها ودخلت
وقف بسام لها واشر لها تجلس
جلست دانه وقالت : خلصتها ؟
بسام : لا لسه في الفصل الثالث
دانه : اها .. وكيف حسيتها ؟
بسام : كبدايه حلوة .. بس اذا تبينا ننشرها فلازم تكون فصحى
دانه : اعطيها اي احد يحول التفاصيل فصحى .. انا مو شاطره بالنحو
بسام : اوكي ولا يهمك .. بس الحين القصه هذي من تاليفك والا كيف ؟
دانه : لا .. امي عاشت احداثها ..
بسام : اي وحده فيهم امك ؟
دانه : داليا
بسام رفع حواجبه باستغراب .. ومين ابوك ؟
دانه ضحكت ضحكة خفيفه : ليش احرق عليك الاحداث .. اقرى وتعرف مين ابوي
بسام : اوكي .. والحين يعني امك قايله القصه لك وانتي مسويتها قصه ؟
دانه : ايه
بسام : وهالكلام من اي سنه ؟
دانه : 2008
بسام : اهااا
دانه : يلا بالاذن
بسام : اذنك معك

قامت دانه وفتحت الباب تطلع
قاطعها بسام وهو يناديها : كم عمرك ؟
دانه : بتحسب عمر امي الحين يعني ؟
بسام : ههههه باينه ذكيه
دانه : 16 سنه .. بس على فكرة .. ماما ما جابتني الا بعد سنه من زواجها .. واتزوجت بعد سنة ونص من التخرج
بسام هز راسه وطلعت دانه من المكتب

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

رند دخلت غرفتها وفتحت الشباك تهوي الغرفه

الشمس على وقت الغروب والنسيم بارد برودة الثلوج

الشجره قدام شباكها تتحرك مع الهوا .. لمحت شوق واقفه عند شباك غرفتها

نزلت عينها بتفكير واتحركت بسرعه لعند مكتبها

كتبت ورقه واخذت مطاطة ورمت الورقه لشباكها

شوق جات الورقه على وجهها .. مسكتها بسرعه قبل لا نطيح وطالعت في الشباك اللي قدام شباكها لقت رند تاشر لها ترد عليها

فتحت شوق الورقه بتوتر كبير وراحت عن الباب وقفلته بالمفتاح ورجعت .. راحت عند مكتبها تدور قلم لحد ما لقت ورد على رند

شالت البكله اللي رابطه بها شعرها ورسلت الورقه

رند لما شافتها ردت عليها ابتسمت

فتحت الورقه تقراها : لقت اول شي هي كاتبه : هاي انا رند وانتي ؟
بعدين ردت شوق : انا شوق
رند : جايين جدد في المنطقة .. بتسكنوا هنا والا سياحه ؟
شوق : لا سياحه
رند : اهاا .. ممكن اعرف كم عمرك ^_^ ؟
شوق : 20 .. انتي ؟
رند : انا 21
شوق : العمر كله يارب
رند : تسلمين ..
شوق : الله يسلمك
رند : ما ينفع اشوفك ؟
شوق : كيف يعني ؟
رند : يعني نطلع سوا
شوق : لااااا .. ابدا ما ينفع
رند : ليه ؟
شوق في البدايه اترددت انها تقولها .. بس بعدين اخذتها فرصة انها تفضفض عن اللي في قلبها على الاقل

شوق : ممنوع اطلع من البيت
رند اول ما قرتها استغربت .. مو اسلوب وحده عمرها 20 سنه : ؟؟؟؟؟
شوق : انا ما باقولك هالشي الا لاني ارتحت لك وما ابغا الكلام يطلع برى
رند : اكيد
شوق : انا اخوي من 3 سنين تزوج رشا .. احنا ناس كنا على قدنا .. ابوي تركنا وراح اتزوج وعاش بعيد ما يدري عننا .. وما عندنا الا اخوين .. احمد وعبد الله .. عبد الله اتزوج رشا .. بنت غنيه وعندها من الخير ما يكفيها ويزيد .. عبد الله يعشقها ويعشق التراب اللي تمشي عليه .. استغلت حبه لنا في تعذيبنا .. ذالتنا بفلوسها .. مانعه علينا الخروج .. حتى ملابس كويسه ما تعطينا نلبس .. اخوي اشتغل في شركة ابوها راتبه تاخذه منه وتصرفه على نفسها .. اخوي ماله كلمه بعدها .. شخصيته عدم قدامها .. اكيد استغربتي من الكلام اللي قاعده اقوله وما بتصدقينه بس من جد هذا واقعنا


رند انتظرت لحد ما ترسل شوق الورقه واتمددت على السرير تنتظرها بس اتاخرت .. طالعت في الشباك مالقت احد ..
شوق كانت تكتب هالكلام وهي قاعده على مكتبها عشان كذه ماشافتها رند

قامت ورمت الورقه لشباك رند .. رند فزت من مكانها وقامت تشوف الورقه .. انصدمت اول ما قرت المكتوب .. مستحيل يكونوا عايشين عيشه كذه .. مو مستوعبه طريقة حياتها ابد .. يمكن لانها بنت عز وما عرفت معنى الفقر والعذاب للحين !!

رند اخذت القلم وكتبت بسرعه : اقدر اجي عندك الحين ؟
شوق خافت تتهور رند وتجي وتشوفها رشا وتسوي سالفه وفضيحه : لالا .. بليز لا

في هاللحظة حاولت رشا تدخل الغرفه لكن منعها المفتاح اللي كانت شوق قافله الباب فيه
شوق رمت الورقه بسرعه لرند وقفلت الشباك
نكشت شعرها و حوست السرير يعننها كانت نايمة .. فتحت الباب وانرمت عليها رشا رفس وضرب
رشا : ليش تقفلين الباب ها ؟
شوق : كنت البس وقفلته ونمت وما حسيت
رشا : لا والله ؟ نومة اصحاب الكهف ان شاء الله
ضربتها كف على وجهها خلاها ترمي نفسها على السرير واخذت المفتاح من ورى الباب وطلعت وقفلته عليها

رند واقفه عند شباكها مصدومة من اللي يصير قدامها

رمت نفسها على السرير وتطالع السقف سرحانه

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

اما عند رنيم

اخيرا خلصت بحثها هي وسوزان وقاموا راجعين البيت

زياد بس شافهم قاموا وقف
رنيم : لا بعد تجي توصلنا احسن بعد شرايك ؟
رزان مسكت كتفها من ورى : خلاص رنيم يلا امشي ..
رنيم طالعته من فوق لتحت ومشت
زياد ابتسم ورجع جلس على الكرسي يقرا

اما عند رزان ورنيم في السيارة
رزان : لشو هيك عملتي ؟ ماكان في داعي انك تعملي كل هاد
رنيم : لا والله ؟ انتي تعرفي ايش كان يسوي اول .. ولسه ما يتوب
رزان : يا الله بس منشان كم ورده والا كم شوكلاته والا كم كلمة قلبتي الدنيا ؟
رنيم : انا ما احب هالحركات عجبه ما عجبه طز ما يهمني
رزان : بتعرفي لو كنت بمكانك شو كنت ساويت ؟
رنيم : ايش ؟
رزان : أي والله كنت بعيش احلى قصه حب بالدنيا
رنيم : مصخره
رزان : هلأ هاد بتسميه مصخره ؟
رنيم : أي مصخره
رزان : الله يخلي داليا هي اللي بتفهم بالرومانسيه منيح مو متلك !
رنيم تقلد لهجتها : أي دخيلك بالناقص
رزان : هههههههه
رنيم : خلاص بكرة اخر يوم اداوم فيه بالجامعه
رزان : وليش بالله ؟
رنيم : خلاص ماعندي شي رح اقعد بالبيت اذاكر
رزان : اهاا اوكي

وصلت رنيم البيت

رزان موقفه السيارة قدام باب البيت
رنيم دخت البيت وحطت اغراضها .. بدلت ملابسها وسوت لها كوب كوفي وطلعت قعدت في الحديقه كعادتها .. كل يوم بهاوقت نلاقي رنيم في الحديقه .. اخذ لها كم ساعه ريلاكس بعيد عن عوار الراس

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

صارت الساعه 9 الليل بتوقيت جرينيتش

داليا نامت لانه بكرة لازم تقوم بدري عشان تذاكر .. ونفس الشي رنيم

اما رند اللي كانت في غرفتها قاعده وسط الظلام والشباك مفتوح .. تسمع اصوات الناس برا يسوون اشجار الكريسمس اللي ما باقيله غير كم يوم

طالعت في شباك الفيلا اللي قدامهم .. الشباك مقفل بس تشوفها رايحه جايه في الغرفه
طالعت في الشارع لقت الاطفال كل واحد ماسك شجره ويزينها
ضحكت ضحكة خفيفه : خرافات
قامت وطلعت على الشباك ومسكت في الشجرة اللي مالت بها لشباك غرفة شوق

مسكت الشجره ووقفت على الشباك وهي تدق الشباك حتى تنتبه شوق

شوق طالعت الشباك متخرعه .. لقت رند واقفه وتاشر لها تفتح لها
شوق فتحت الشباك بسرعه وهي تطالع الباب وراها
شوق تهمس متخرعه : شتسوين هنا ؟
رند : رح اقعد عند الشباك .. خلني ادخل
شوق : لا بليز رند بتصير سالفه لو شافتك هنا
رند : مارح يصير شي تدرين كم الساعه الحين ؟ والكل نايم .. ومع هالازعاج اللي برا مارح ينسمع شي
شوق اتنهدت وبعدت عن الشباك واشرت لها تدخل

دخلت رند الغرفه وجلست على السرير
رند : كيفك ؟
شوق : تمام .. انتي ؟
رند : تمام
لحظة صمت بين الاثنين
رند قامت : قومي نتمشى
شوق : لالا بليز ما اقدر
رند : يا شيخه بتخافي من وحده مثل ذي ؟ وش بتسوي لك يعني ؟
شوق :............
رند : يلا قومي
شوق : اوكي
اخذت جاكيتها من الشماعه ونزلت بمساعده رند من الشباك

ركضوا للحديقه اللي قدامهم واخذولهم سناكس من العربات اللي في الحديقه

الاشجار مزينة في كل مكان والاطفال يغنون ومستانسين
شوق : يحليلهم
رند : الا شوق صح
شوق لفت عليها : همم
رند : انتي ما تدرسي ؟
شوق : الا .. بس جايين سياحه بما انها اجازة عيد الاضحى عندنا
رند : اهااا
شوق : وانتي ؟
رند : الا ادرس جرافيك ديزاين .. انا و2 من صيقاتي هنا ندرس .. وهالسنه اخر سنه لنا هنا .. 3 اسابيع ونسافر
شوق : اهاا .. احنا اسبوع وسافر
رند : ليش مستعجلين ؟
شوق : بتخلص الاجازة وبيبدأ الترم الثاني
رند : اهااا

اخذهم الوقت بالسوالف وما انتبهوا حتى صارت الساعه 11 الليل بتوقيت جرينيتش
شوق : يو اتاخرت
رند : يفيك كذه كنك قاعده مع خويك مو مع صديقتك
شوق : هههههههه سوري والله بس ما تتخيلي أي ممكن يصير لو رشا عرفت
رند : هههه اوكي يلا نمشي

مشت شوق مع رند وطلعت شوق من نفس الطريقه ودخلت الغرفه الشباك .. ودعت رند وسكرت الشباك
ابتسمت رند براحه وطلعت على الشجره ومنها على شباك غرفتها

شوق ابتسمت براحه .. اخيرا صار عندها صديقه تشكيها عن حالها وتشاركها افراحها واحزانها
ارتاحت لرند كثير ورند ارتاحت لشوق كثير

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

اليوم الثاني في المطعم عند داليا وفهد ..

داليا داخل في غرفة العمال ماخذه طاولة في الزاوية و حاطة كتابها عليه ودفترها في حضنها تذاكر

فهد اللي كان قاعد يحط الاطباق في الصينيه ويوديهم جا عندها
فهد : ليش قاعده هنا بدون لا شغل ولا مشغله ؟
داليا رفعت راسها وطالعت فيه وقالت بثقه : بس مو ماخذه مكان الزباين
رجعت نزلت راسها وتكمل اللي في يدها
فهد ضحك ضحكة صغيرة : متى اختباراتك ؟
داليا : بعد اسبوع
فهد : اها
داليا : وانت ؟
فهد : نفس الشي
داليا هزت راسها وما علقت
فهد ابتسم على شكلها وهي تذاكر .. مندمجة مرة حتى ملابسها ما بدلتهم من يوم ماجت ولا لبست ملابس المطعم
فهد : ليه ما تروحي البيت احسن ؟
داليا : ...............
فهد دخل غرفة التبديل وبدل ملابسه وجا عند داليا ومسك يدها
داليا طالعت في يدها اللي ماسكها فهد بقوة وطالعت فيه
فهد : قومي
داليا : لوين ؟
فهد : قومي وبس
اخذت داليا كتبها ومشت مع فهد
فهد : بسرعه لا يشوفنا ديفيد ويسوي سالفه
ركضوا فهد وداليا وهم يمروا بين الناس حتى لا يشوفهم ديفيد لكن مع الاسف ديفيد كان برى المطعم وشافهم وقعد يصرخ يناديهم
David : haaaay …. Haaaay come here
فهد وداليا ركضوا بقوة حتى ما يلحقهم لحد ما وصلوا عند جسر تحته نهر وتمر داخله السفر والقوارب
داليا وفهد كانوا يضحكوا وكل واحد ماسك بطنه من الضحك
فهد يطالع في داليا وهي تضحك .. احلى بكثير من وهي هاديه وحزينه
داليا كانت تضحك لكن من لاحظت نظرات فهد وقفت ..
تحمحمت وابتسمت : من زمان ما ضحكت كذا
فهد بادلها الابتسامة : واضح

داليا طالعت في عيونه .. نفس نظرات فيصل لها اللي كلها حب وشوق
لكن فهد ماكانت حب .. كانت مجرد اعجاب .. لسه ما فكر انه هذا ممكن يكون حب !!

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

سكر بسام الملف بعد ما فاق من تخيلاته .. كان يقلب في الورق ويقرا اللي بعده ولاهو حاس
طالع في الساعه .. صارت الساعه 12 الظهر !! .. نص ساعه وهو يقرا !! مستحيل !! 9 اوراق ما تاخذ نص ساعه ..
طالع في القهوى اللي طلبها ..

بردت من الوقت .. دق على السكرتيرة يقولها تطلب له وحده ثايه بس فاجأته بكلامها

السكرتيرة : استاذ بسام الدكتور عبد الرحمن يكلب منك تحدد يوم للموعد الثاني بدال اليوم
بسام : وليش مو اليوم ؟
السكرتيرة : مو انت حضرتك قلتلي ااجله ليوم ثاني ؟
بسام : انا ؟ متى ؟
السكرتيرة : دخلت عليك لقيتك قاعد تقرا ومشغول .. قلت لك عن الموعد قلت لي ااجله
بسام هز راسه : طيب قوليله بكرا في نفس الوقت .. واذا ما ناسبه بعد العصر كويس
السكرتيرة : اوكي
دخل بسام المكتب وحط شنطته تحت المكتب واخذ الملف وطلع يكمله في مكان هادي

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

انتظروني في الفصل الرابع وان شاء الله مارح اطول فيه

تحياتي لكم .. بنوتة اون لاين

جلس في كافيه وطلب له قهوة وفتح الملف
لقى اخر شي قريه كان نهاية البارت الثالث
قعد حواجبه وطالع في السما وهو يحاول يحسب اعمار البنات الحين
اذا كنا الحين في 2026 وهالاحداث من 2008
اعمارهم 21 .. يعني بعد 18 سنه صارت اعمارهم 39 سنه
مو كبار مرة يعني ..

رجع فتح الملف مرة ثانيه ويكمل الباقي .....


<<<< الفـــــــــصل الرابــــــع >>>>

( كفاية صدمات !)


داليا طالعت في عيونه .. نفس نظرات فيصل لها اللي كلها حب وشوق
لكن فهد ماكانت حب .. كانت مجرد اعجاب .. لسه ما فكر انه هذا ممكن يكون حب !!

داليا صرفت الموضوع وطالعت تحت الجسر
داليا : من زمان ما جيت هنا
فهد جا مسك الجسر جمبها : متى اخر مرة ؟
داليا : مممم تقدر تقول قبل سنة
فهد : اف .. وليه كذه ؟
داليا : اجي لحالي ايش اسوي ؟
فهد : يعني كنتي تجين مع احد ؟
داليا سكتت تطالع فيه ! ليش هاللقافه ؟ تحمحمت تضيع السالفه : الا الحين شعندك مطلعني من الشغل بدري ؟
فهد : ههههه ضحكتيني .. مرة اللي يسمع مهتمه ؟
داليا : اكيد .. انا اخر شي افكر فيه اني اهمل شغلي
فهد : ممم طيب اسف بس كنت ابي اسوي لك جو دراسي يعني بدال دوشة المطعم
داليا : اها .. شكرا .. بس انا افضل الازعاج عن الهدوء
فهد : جد ؟
داليا : ايه جد
فهد : هذا ثاني شي اعرفه فيك من عرفتك
داليا : ههه اصلا انا بس هذي السنه اللي بديت افكر اني اشتغل حتى اضيع وقتي
فهد : الا انتي من متى في لندن ؟
داليا : من 4 سنين .. حق الجامعه
فهد : اهاا .. ومتى التخرج ؟
داليا : بعد اسبوعين من الاختبارات
فهد : اهااا ..

لحظة صمت بين الاثنين

داليا قطعت هالسكوت وهي تأشر على قارب يمر من تحت الجسر
: حلو هالقارب
فهد : تجي تركبين ؟
داليا تتهرب : لا معليش احتاج اروح البيت اذاكر
فهد فهم انها تتهرب وما تبغا تركب معه : اوكي براحتك
داليا : عن اذنك
فهد : اذنك معك

مشت داليا شايلة الكتب بين يدينها وتمشي بهدوء
اما فهد واقف في مكانه يطالعها
ليش تتهرب منه دايما ؟ ما تعطيه فرصه انه يدخل معها بالكلام كثير ؟
داليا كانت تمشي وكل اللي في بالها انها تهرب منه ومن كلامه معها اللي تعتبره لقافة وتطفل
لفت داليا راسها وهي تمشي تطالعه لكن فهد كان معطي اللي وراه ظهره ويطالع في النهر

لفت وكملت مشيها رايحة للبيت .. شافت في الحديقة اللي قدام بيتهم الاطفال يلعبون بالثلج مشت لين عند كرسي وجلست عليه .. فتحت الكتاب حقها وطالعت فيه تحاول تذاكر وسط صراخ الاطفال واصوات ضحكاتهم

رند ورنيم كانوا يلعبوا مع البزارين ومطنشين دراستهم ولا كانه اختباراتهم بعد كم يوم

داليا ابتسمت بسخريه ورجعت طالعت في الكتاب
على طول جت في بالها ذكرى شافت فيها فيصل مع اللي يسميها زوجته

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

تمشي في الشارع .. تحب ترجع من الجامعه مشي .. وتدخل محلات الحلويات وتشتري للبزارين
دخلت واشترت كيس مليان حلويات توزعه على اطفال الحديقه قدام بيتهم
طلعت من المحل صادفها دخول فيصل مع وحده
اختفت البسمة وتحولت لنظرات مغرقة بالدموع
فيصل ابتسم : اهلين داليا ..
داليا بنظره خاليه من كل التعابير : هلا
فيصل : اعرفك خطيبتي .. جميله
داليا ابتسمت ابتسام صفرا : اهلين
جميله اكتفت تهز راسها وتطبع على وجهها ابتسامة تبدالها داليا
فيصل : جميلة هذي زميلتي داليا
جميله ابتسمت وطالعت في فيصل
داليا : عن اذنك
فيصل :اذنك معك

مشت داليا بخطوات سريعه ما حست بنفسها الا وهي وسط البزارين متلمين حول الكيس يطلعون الحلويات

تركتهم ومشت للبيت .. طلعت غرفتها ورمت نفسها على السرير وعلي صوت بكاها وشهقاتها .. شافتها .. شافت زوجته .. شافت اللي بتكون مكانها الحين وفوق كل هذا يقولها زميلتي داليا !!! شقهد هالكلمة طعنت قلب داليا وجرحته !

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

في نفس هالوقت كان يمشي على ارصفة الحديقه مثل ما اعتاد في ايامه الاخيرة
يمشي بخطوات سريعه وسماعات الاي بود في اذنه
مندمج مع الاغنيه وماخذه عقله ومو شايف شي من اللي قدامه

اما رند اللي كانت قاعده تركض ورى البزراي وفي يدها الثلج ترميه عليهم

ما انتبهت على الرصيف اللي قدامها من حماسها الزايد وهي تلعب الاطفال .. ركضت وصدمت رجولها بالرصيف لارتفاعه على الارض العاديه

ما قدر غير انه يمسكها حتى يمنعها من انه يلامس جسمها الارض
رند قامت من بين يدينه وتعدل في نفسها وتكلمه من دون ما تطالع فيه : ooh thank you so much .. thank you

مدت يدها تصافحه بس رجعتها بتردد من شافته قدامها .. هو نفسه محمد اللي في نظرها صايع وماعنده سالفه

رند : شكرا
محمد ابتسم : العفو
جت رند تبغا تمشي لكن منعها صوته وهو ينادي عليها باسمها
محمد : رند
رند لفت عليه بدون ولا كلمة
محمد : اسف على اللي صار بالمعرض .. والله ما كان قصـ ..
رند : ماصار شي
محمد : يعني خلاص ؟ صافي يا لبن ؟
رند ابتسمت .. ما تدري ليه تكره المقوله هذي .. تحس ابدا مالها داعي .. اكتفت بالابتسامة ومشت على الرصيف
محمد بادل الابتسامة بضحكة صغيره : يقولون حليب يا قشطة
رند لفت عليه رافعه حاجبها والابتسامة على جنب : اعرف

محمد جا قدامها : عادي نجلس نتكلم شوي
رند : عن ؟
محمد : اي شي .. اذا كنتي فاضيه اكيد
رند مشت بدون ما تعلق وجلست على واحد من الكراسي الموزعه في الحديقه .. جلس محمد على نفس الكرسي بس في الطرف الثاني

داليا كانت قدامهم بمسافة مو قريبة .. لكن واضحة تقريبا

محمد : جايه سياحه ؟
رند : لا .. ادرس
محمد : اها ماشاء الله .. وايش تدرسي ؟
رند : جرافيك ديزارين
محمد : حلو أي جامعه ؟ ..
رند : اوكسفورد
محمد : اها .. ومتى اختباراتك ؟
رند وهي تضبط القفاز على يدها : الاسبوع الجاي
محمد : ممم
قعد حواجبه وهو يطالع في داليا اللي سكرت كتبها وقامت وتمشي جايه عندهم
محمد بس تذكر مين تكون قال لرند بسرعه : تعرفين وحده اسمها داليا الخيال ؟
رند : ايه .. ليش ؟
محمد : لالا ولا شي .. ( طالع فيها لقاها كل مالها تقب وكانها جايه عندهم .. قام وطالع في رند وعلى وجهه ملامح توتر : انا بروح الحين .. اشوفك مرة ثانيه
رند مستغربه : اوكي
مشى بخطوات سريعه ورند لافة راسها تطالع فيه .. كانه يهرب !!
ظل يمشي لحد ما بعد عن المكان واختفى عن انظار رند

في هاللحظة وصلت داليا عند رند تناديها
داليا : رند !
رند انتبهت لها ولفت : همم
داليا : شفيك قاعده كذه .. وين رنيم ؟
رند : ها ؟ .. مدري كانت تلعب مع البزارين هنا
داليا : اهاا .. اوكي انا بروح البيت اوكي ؟
رند :اوكي بلحقك الحين انا ورنيم
داليا : اوكي
مشت متوجهه للبيت ولحقتها رند بعد مااخذت رنيم معها

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

رشا في غرفتها قاعده على الكرسي الهزاز قدام المدفأه

رشا : يا سامي يا حبيبي شلون اكلمها وانا هنا بلندن .. خلاص هانت سفري بعد 5 ايام
سامي : وانا ايش يصبرني لخمسة ايام
رشا ( قامت وزادت النار في المدفأه ) : ههههه وليش مستعجل .. كل شي بوقته حلو
سامي : ايش قلتي اسمها
رشا : مدى
سامي : اهاا اوكي ..
رشا فتحت فمها تبغا تتكلم بس قاطعها دخول عبد الله
رشا : اوكي حبيبي جا عبد الله اكلمك بعدين
سامي : اوكي باي
رشا : بايات

سكرت رشا من سامي وطالعت في عبد الله اللي يطالعها باستغراب
عبد الله : مين تكلمين ؟
رشا : وايش يخصك ؟
عبد الله اشتعلت نار الغيرة في قلبه : رشا انطقي مين كنتي تكلمي ؟
رشا : افففف سامي .. يعني لو كان احد ثاني بقوله حبيبي قدامك مثلا ؟
عبد الله انطفت ناره وارتاح .. اكيد توامها وتحبه اكثر من أي اخو عندها
رشا بصوت واطي : غبي

عبد الله رفع حاجبه واتقدم لعندها : شقلتي
رشا : وخر
عبد الله مسك شعرها وشده ويطالع فيها بنظرات مش مفهومة
رشا : وخر عني ..
عبد الله رماها على السرير ولف يبغا يطلع بس قاطعه صوت بكاء رشا المصطنع
لف عليها بسرعه لقاها على وضعيتها على السرير وتطلع صوت بكا
انهز قلب عبد الله من بكا زوجته ومعشوقته رشا
اتقدم بسرعه لعندها وجلس جنبها
مسكها من اكتافها ورفعها ويطالع وجهها المغطى بشعرها مرر اصابيعه بين شعرها ويشيلها حتى يحطها على اذنها ويقدر يطالع وجهها بوضوح اكثر

عبد الله : انا اسف

ضمها ورشا على حالها دموع التماسيح تنزف كذابه .. ابتسمت بخبث يوم ضمها عبد الله
تعرف قد ايش يحبها ومستحيل ما ينفذ لها أي كلمه تقولها .. والكلمة الاولى والاخيرة لها

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

نروح عند محمد اللي كان قاعد يتمشى مع سعد بالسيارة

سعد : اقول يابو الشباب وين كنت قبل شوي
محمد : وين بكون يعني .. امشي
سعد: اهاا .. وايش وراك رجعت حالتك حاله
محمد : لو بتكلم في السيارة مرح ينفع الوضع .. تحب نروح مكان ؟
سعد : روح أي كافيه قريب
محمد : اوكي

وقفوا محمد وسعد عند اقرب كافيه ونزلوا وقعدوا فيه

سعد : يلا اهرج
محمد : وش اقول
سعد : يا التنح جايبني هنا عشان وش اقول ؟ قول وين كنت من شوي
محمد : تتذكر داليا ؟
سعد : مين داليا ؟
محمد : اللي كانت تحب فيصل الله يرحمه
سعد : ايوااااااا تذكرتها .. شفيها ؟
محمد : شفتها بالحديقه
سعد : اوكي واذا ؟
محمد : ايش اللي واذا ؟ تدرياني كل ما اشوف داليا اتعذب .. تعرف اني من يوم ما خبرتها عن وفاة فيصل ما شفتها .. وهي اللي تبغا تعرف التفاصيل هذي وصيه فيصل
سعد : طيب انت سكت عن اللي صار سنه بحالها .. مارح تسكت اكثر من كذه ؟؟
محمد : البنت رح تتخرج بعد 3 اسابيع وانت تقولي اسكت بعد
سعد : مممممم ما عندها اصدقاء او صديقات طيب ؟
محمد : الا ..رند وحده منهم
سعد : جبتها بنفسك
محمد : ما فهمت
سعد : انا اللي بفهمك

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

رند قاعده في غرفتها تذاكر ومندمجة مرررة
يرن جوالها بنغمة عاديه
يعني رقم غريب !!
رند : yes
محمد : اهلين رند
رند قعدت حواجبها : مين ؟
محمد : انا محمد .. ما عرفتيني ؟
رند تركز في صاحب الصوت وابتسمت : اها .. الا عرفتك
محمد : كيفك ؟
رند : تمام ..
محمد : اكيد تسألي من وين جبت الرقم
رند ضحكت ضحكة خفيفة .. ما جا في بالها تسأله اصلا
محمد : رحت للجامعه حقتك وسويت بحث عن معلوماتك .. ولقيت الرقم
رند : اها اوكي
محمد : بغيت اشوفك .. ممكن ؟
رند : مشغولة مع المذاكرة .. شي مهم ؟
محمد : بالنسبه لي اكيد مهم
رند : ههه ما لحقنا نعرف بعض وبتصير في سوالف وعلوم
محمد : ههه مو شي مثل ما تتوقعين .. سالفه طويلة لازم اقولك ياها
رند : لا خلنا على التلفون .. ما اقدر اطلع ..
محمد : اوكي بس اوعديني ما تقفلين الا اذا خلصت
رند : مو من عاداتي اني اقفل في وجه احد .. يسمونة اتيكيت
محمد ابتسم .. راقية كثير !
رند : تقدر تتكلم

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

نروح عند داليا اللي كانت قاعده تبدل مستعده تطلع من البيت

لابسة تنورة ميدي للركبه سوده وبوت اسود .. لبست بلوزة بيضا وربطت إشارب اسود على رقبتها
اخذت شنطتها ومشت طالعة ..
لمحت غرفة رند اللي كان بابها مردود تقريبا وتسمعها تتكلم بصوت واطي
دخلت بهدوء تطالعها لقتها قاعده وعلى وجهها ملامح غريبه ونظرات مو مفهومة

ما اعتادت هالنظرات من رند يوم تكلم احد
رند : دقيقه
طالعت في داليا وبتسمت : طالعه ؟
داليا : ايه .. خير فيك شي ؟
رند : لا ما في شي .. على وين ؟
داليا : بروح اتمشى
رند : بتروحين هناك صح ؟
داليا : اذا صار عندي وقت .. يلا باي
رند : باي

طلعت داليا ونزلت الدرج بسرعه وركبت السيارة ومشت

رند : اسمع .. داليا بتروح المقبره
محمد : ايش ؟
رند : اعتادت تروحه كثير بين كل اسبوع واسبوع ثاني
محمد : وليش ؟
رند : روحلها واسألها
محمد : من جدك ؟
رند : لا تنسى اللي قاله لك فيصل قبل لا يموت .. اقصد الوصيه
محمد : وصاني اقولها .. بس تراها فتره اختبارات ومكن ما تسوي زين
رند : اعرف داليا اكثر من نفسي .. قويه
محمد : يعني هذي قولتك ؟
رند : ايه
محمد : اوكي
رند : ارجع دق علي اذا رجعت
محمد : اوكي
رند : باي
محمد : باي

سكرت رند من محمد واتنهدت بضيق .. مسكينه عانت كثير في حياتها

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

فهد لسه يتمشى .. يمشي ويفكر في مستقبله .. اكيد الاجازة بيروح لاهله .. كيف بيكون استقبالهم له ؟ خصوصا ابوه !! ( بنعرف بعدين ايش سبب تخصيص فهد لابوه بالمعامله .. لا تستعجلون ^_^ )
فهد خلص دراسته من السنه اللي فاتت .. بس يحاول يأمن فوس هنا حتى يرجع دياره معه اللي يكفيه حتى يعيش مرتاح ومو عاله او هم على احد

يرن جواله في جيبه .. طالع في الاسم لقه اسم امه
شقد اشتاق لهالانسانه .. اشتاق لحنانها وصوتها وضحكتها
لكن مارح يرد عليها
تسألون ليش !؟
يحب امه حب ماله حدود .. ما يرضى احد يرفع صوته عليها او يخانقها .. ويقصد ابوه
ما يبيها تكلمه .. ولا ترد عليه .. لكن هو ولدها !!!
حط الجوال سايلنت ودخله بجيبه بقله حيله

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

داليا كالعاده اشترت الورد وراحت للمقبره
رتبت الورد على القبر ووقفت وقريب يدينها لبعض وغمضت عينها

محمد وقف السيارة قدام المقبره ونزل معه الورد .. شافها واقفه وتدعي .. اتنهد بضيق ومشى لعندها .. حط الورد على القبر ورفع يده وقربهم لبعض وقعد يدعي

داليا خلصت وطالعت فيه .. اتفاجأت من وجوده لكنها ما اتحركت .. انتظرته لحد ما خلص
محمد : شي حلو اني اشوفك
داليا اكتفت انها هزت راسها وما علقت .. لسانها ساكت لكن عيونها تحكي وتروي حالها
محمد : آسف
داليا : على ايش ؟ انت ما سويت الا الواجب
محمد : داليا لازم نتكلم .. ابي اتكلم معك في موضوع
داليا : فيصل مات .. وانت ما سويت غير واجبك .. مافي شي نتكلم فيه
محمد : خبريني ايش الواجب اللي سويته ؟ تدرين ايش كانت وصية فيصل ؟
داليا : ................
محمد : وصاني اني ما قولك الحقيقه الا في الوقت الي اشوفه انا مناسب .. عارف انها فتر اختبارات واخر سنه بس انا ادري انك قويه
داليا : مارح ينفع نتكلم هنا .. خلنا نروح لأي مكان
محمد اتنهد : ماشي
اشر لها تمشي قدامة لحد ما وصلوا للسيارة وفتح لها الباب

راحوا على اقرب كافيه وقعدوا فيه
داليا : اتكلم .. اسمعك
محمد : تحبي تشربي شي ؟
داليا بنفاذ صبر : موكا
محمد يكلم الجرسون : 2 moka
بعد مارح الجرسون طالعت داليا في محمد بنظرات ( يعني ابدأ وخلصني )
محمد اتنهد : داليا .. فيصل وصاني وصيه .. اني اقولك كل شي اذا في احد صار مكانه في قلبك
داليا : عمره ماصار ولا رح يصير انه احد ياخذ مكان فيصل
محمد : هذي المشكله .. الكل يعرف شقد كنتي تحبين فيصل وشقد فيصل حبك في حياته
داليا اتجمعت الدموع في عيونها وفي حاله نزيف .. عيونها تنزف بدموعها .. جروح فيصل وذكرياته وصوره مطبوعة في قلبها .. حاطة في بالها انه مهما صار مستحيل احد يحل مكنه او ينسيها جرح من جروحه وياخذ مكانته في قلبها
محمد : داليا اسف اني كذبت عليك .. بس هذي كانت رغبة فيصل .. ماكان يبيك تتعذبين بعده

داليا طالعت فيه بنظرات مو مفهومة : كيف ما يبيني اتعذب وهو فراقه اكبر عذاب .. انا تهمني فرحته واحلى شي بقلبي اني اشوفه مرتاح ومبسوط .. حتى لو ماكان هالشي فصالحي

قاطعهم الجرسون يحط الطلبات على الطاولة .. لكن ما اهتموا وكملوا كلامهم

محمد : حسبالك انه تركك انه بيتزوج ؟
داليا قعدت حواجبها وطالعت في باستغراب

محمد : قبل ما يتوفى بشهر عرف انه عنده سرطان بالدم .. انتشر بجسمه بشكل سريع جدا .. ما استجاب للعلاج الكيماوي .. واتوفى .. ما حب يتعبك وياه .. كان دايما يقولي تكرهني احسن من اني اشوف دموعها او تتعذب معاي .. يعرف شقد كنتي تحبينه .. وكيف مكانته في قلبك .. وعمره ما نسى الايام الحلوة اللي جمعتكم

داليا : بس انا شفتها .. وعرفني عليها مرة
محمد : ؟؟؟؟
داليا : كنت راجعة من الجامعه وشفتهم بالصدفة .. رحت لعنده وسلمت عليه وعرفني عليها
محمد : ايش كان اسمها ؟
داليا : اعتقد جميله
محمد : ما ابغا اصدمك لو قلت لك هذيك ما تقرب له اصلا
داليا : ايش ؟
محمد : هذيك دكتورته .. لبنانيه
داليا حست الدنيا تدور فيها .. من جد لعب فيها .. !!

محمد كان يطالع نظرات داليا اللي كله صدمة والدموع تنزل على خدها ارباع .. يحس مشاعر داليا اللي قاعده تطيح .. احاسيسها تتساقط

داليا وصوتها يالله يطلع : لو فيني اتعذب معاه العمر كله .. بس لا يقولي لازم نفترق

قامت وعطته ظهرها تمشي : عن اذنك

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××


اتنهد بسام وهو يقرا هالكلام وهالحب الكبير بين داليا وفيصل .. وكيف كل واحد منهم حامل حبه بطريقته

فيصل يفضل كره داليا على عذابها معه .. عذابه يصير عذابين من يشوف دموعها
وداليا اللي تعذبت بفراق فيصل .. وفي بالها انه لو قالها عن مرضه ممكن تتعب معاه العمر كله .. بس ما يقولها ( لازم نفترق ) وتفرق بينهم شي عادي

حط الاوراق وجا يبغى يفتح الصفحه اللي وراها لكن قاطعه رنين جواله

بسام : الو
السكرتيره : استاذ بسام عندك الحين اجتماع مع مدراء المجموعات
بسام : يووووووه كيف نسيت .. طيب طيب جاي .. كم باقي على بدايه الاجتماع
السكرتيره : 5 دقايق
بسام : يووه .. طيب طيب جاي
السكرتيره : اوكي

دخل الاوراق في الملف بسرعه واخذه ومشى بسرعه للسيارة راجع للمكتب

×××××××××××××××××××××××
وُرٌوْدْ عَلَىْ أَرَآضِيْ اَلْهِـيَـآأمْ
×××××××××××××××××××××××

متوقفة منذ 2008
ننتظر الكاتبة للتوضيح

متوقفه من 2008

تنقل للارشيف لحين عوده الكاتبه