حتى لو عندها امتحان ..
نسيتي يوم كنتي تعبانه وماما وخالتي ام مشاعل بالزواج من اللي تصرف يومهاا .. من اللي اشتغل لك
ممرضه .. ميــــــــــــن ؟؟؟؟؟
اذا انتي نسيتي هذا كله .. فأنا لااااااااااااااااااا .. لان اللي سوته معك بكوووم واللي سوته معي بكووووووووم
ماعمرك حطيتي نفسك مكانهاا .. زعلاانين عشان ماكلمتنا ونا بعد زعلاانه بس مو منها زعلانه وحزينه من
الظروف .. والحياة اللي تبعدنا واحد وراه التاني .. انتي اقلهاا اختك معك وامك موجوده بنفس المكان اللي انت
فيه.. وخوانك سندك ماعمررهم عاملوكي مثل غيرك وانتي فاهمه قصدي "قصدت مثل معاملة ياسر لمشاعل"
حتى انا ان تزوجت بكون هناا بجدة معكم .. لكن مشاعل .. فكرتي كيف صار زواجها.. هي بعيدة عننا باآآلالاف
الامتار .. كيف عايشه .. تاكل وتشرب .. سعيدة و لا تعيسه .. حزينه ولا فرحانه .. مريضه ولا بصحه ..
انتم تدروا انه ماعندهاا وسيلة اتصال تتصل فيها بنا جوالها وعند روااء .. وبطبعهاا ماتطلب من احد
شئ لهاا .. اذا انتي موحاسة فأنا حاسة بفراغ ووحدة بدونهاا .. حاسة بمسؤليه .. توني عرفت
قيمتها و كيف كانت شايلتنا بحكمتهاا وطيبتهااا .. كل مابغينا شئ .. نقول مشاعل .. لانها اكبر عنا
فهمتي ايش هو عذري وايش هو عذرهااا .. تركتهاا وناا وجهي محمر من الغضب ..
بروح استخير الله بالخطيب اللي جاني وافضل اني اوافق يمكن حياتي تتغير واحس
بالسعاده ...
&& مشـــــاعـــل &&
بعد الفطور حطت راسها منوورة و نامت .. ونا جلست مع الصغار العب معهم سووني بالبدايه مارضى ضياء
يلعب ضي معه ,, لكن بالاخير اقنعته نعمل جولاات .. الجوله الاولى انا وهو بعدين هو و ضي واللي يفوز
الجوله الاولى يلعب مع اللي فاز بالجوله الثانيه .. انا كنت بفووز بالجولى الاولى بس غلبت نفسي بالعاني
بالنهاية عشان ابيه يلعب مع اخته ضي .. المهم لعبنا و استانسنا و خرجت لهم عصيرات شفتها بالثلاجه شكله
ماجد اشترااها امس .. وشيبس .. بعدين صليت الظهر وقلت لهم يلعبون بالحالهم الى ان اخلص الغدااء ..
والحقهم .. رحت لمى المطبخ و سويت لهم ادامات حسب طبخ اهل الحجاز وجدة .. وعملت صينية دجاج بالكاري
وصينية حلى بالزبادي وحطيتها بالثلاجه وعملت كريم كارامل .. وحطيته بالثلاجه خلصت الساعه 2 الظهر ..
وخلال هالساعتين كل شووي ضي تجيني ولا ضياء يتشكوون على بعض .. ياحبي لهم تعلقت بهم وااايد
يهبلووون .. ياليتهم يقعدوون معي للابد .. الحياة مع الاطفال ولا احلى خصووصا لوحدة مثلي ماعندها لا شغله
و لا مشغلة ..
رحت للغرفة وخذيت معي المنشفه وروب الحمام .. وكريماتي موجودة بدولاب الحمام ..
خذيت لي شوور ونا بلبس روب الحمام يديني ترجف يمكن لاني مااكلت من امس لليوم
او قلة التغذيه و المرض فطاح الروب بالحمام .. شلته وحطيته بالسله عشان اودية غرفة الغسيل ..
لفيت المنشفه على جسمي .. طلعت وشعري لساته مبلول ..
&& مـــــــــــنـــــــــور &&
أعوذ بالله هذا كله نوووم .. ماقمت الا على صووت ضي و ضيا وهواشهم على راسي ..
منورة : ياااااااااااربي ضف وجهك انت وهي .. ابي انوووووم ..
ضي : ماما بثك نووم .. من يوم جيتي و انتي ناايمة .. خلص ..
منورة "فاتحة عيونها بكبرها" : تحاسبيني على النووم يابنت ابووك ..
ضياء : يالبــــــي يمة انا طالع لجدتي وضي بنت ابوي ولا تذعلين بس اصحي ..
منور"بهالحظه خرجت مشاعل من الحمام .. بصراحه مشاعل حلووة وهذا انا عارفته وحافضته وشايفته
بس بالمنشفه شئ ثاني انا مرة وعجتني اجل يحق له مجوود يخاف عليها .. ماشاء الله اللهم لاحسد
ولا عارضة ازياء .. "
ضي : عيب عليك وث تناظر اثتح .. ( وش تناظر استح)
مشاعل : هههههههه ههههههههه ..
ضياء : احم احم .. تهبلين وانتي بالمنسفه .. ( تهبلين وانتي بالمنشفه)
مشاعل : هههههههههههههههههه ...
منووور: استحي قليل ادب اطلع براااا ..
: لاا يالشيخه مب بس هو اللي براا انتي وعيالك برااااااااااااااااااا ..
&& مشـــــاعــــــل &&
ضحكووني .. بصراحه شكل منوور وهي تطالعني كأنها هبله لاا وكلام ضي وحركات وسوالف ضياء تهبل
ماشاء الله عليهم الله يحفظهم .. لكن من سمعت صوته الا مو بس الضحكه اختفت اظن انفاسي بعد اختفت
ياربي هذا مسبب لي رعب ..
من يوم طردهم براا .. حسبالي انا معهم بعد .. مشيت شوي شوي وخذيت ملابسي من العلاقه .. ونا ماشية
وقفني صوته .. على ووين ان شاء الله ؟؟
مشاعل "ببلاهة ": انااا ؟؟
ماجد "باستهزاء" ": لا خويتي ... على وين العزم ان شاء الله ..
مشاعل : بالبس ..
ماجد : احد ماسكك ..
مشاعل "متجهه للباب" ..
ماجد : ووووين ؟؟
مشاعل " هذا غبي ولا يتغاابى مية مرة قلت بطلع البس" : بالبس ..
ماجد : لاحووووووووووووووول زين لبسي و خلصينااا ..
مشاعل : طيب ..
بفتح الباب .. الا مسكني مع كتوفي .. انتي بتجلطيني .. قوليها من الاخر .. ولا تسوين حركات تفقع مرارتي ..
مشاعل " اصلاا هو ايش قال مااذكر لانه قريب مني كفاية ان يده لمست كتفي هالمرة مافي ملابس تكون حاجز
للمساته .. مدري ليه حسيت جسمي نمل ,,وحرارةغريبة تتصاعد لوجهي وكتفي اللي تحت قبضة يدينه احترق ..
ليش هالاحساس ماقد حسيت بكذا مع انه قبل ببداية زواجنا بالفندق لمسني لكن هاللمسة غير ..مع ان اللي
قبلها ماتقل احساس عن هالمرة .. لكن تِفْضَل هذي غير .. ماتكلمت بكلمة .. حسيت بنفسي اقرب اكثر له هو أنا
اللي اتقرب منه ولا هو اللي تقرب مني .. بدى قلبي يدق بقووة .. احس انه بيغمى علي ..
انفتح الباب وكانت منوور وعشان لا يصقع فيني الباب لمني ماجد له ..
&& مــــــــــــاجـــــــــــد &&
انقهرت يوم شفتهم كلهم بحجرت النوم اللي المفروض تكون لي و لهاا ,, والقهر انهم يطالعونها وهي ماعليها
الا خيوط يسمونها منشفه .. لاا والاخ ضياء يسووي فيها رجال ويتغزل بمرتي .. يبيلي اغطيها منه ..
ماتحملت وطردتهم برااا .. والمدام مشاعل تبي تخرج برااا .. تحب ترفع لي ضغطي بعباطتها
واحيان احس انها برائه منها و عفوويه .. وهذا الشئ يزيد قهري .. لمستهاا .. ايه
لمستها بصراحه انا ودي المسها وادور حجه عشان احس انها حقيقة مب خيال ..
ودي المس خدودها الحمر ودي المس شفايفها اللي ترجف يوم اقرب منهاا
رجفتها كأنها رقصة كلاسيكية ناعمة ودي المس عظمة الترقوة القريبه من رقبتهاا ..
جسمي صاير حااار شكلي سخنت والله ان جسمهاا قدامي ثلج ولا خدودهاا حمررر ..
حمار الورد .. يازينها من وردة ..
.. احس باحساااس جديد بقلبي يزيد .. أحسه كل مااناظرهاا ..
قربتها لي اكثر واكثر بسسسسسسسسسسسسسس .. الحماااااااااااااااااااارة منووور
الله ياخذها من بنت اخت حشاا مرتي الثانية ونا مدري ..
&& منـــــــــورة &&
اول مافتحت الباب الا مشاعل بحضن ماجد .. وجهي غداا طمااااط ..
المشكله بدل لا اطلع وأتأسف منهم .. جلست اناظرهم من هبالتي وقلت : ازعجتكم ...
هنا ماجد شكله بيطق له عرق و يمووت وناا عيت رجولي تمشي .. وقته هوو مالت علي ..
ناظرت مشاعل شفت قفاها علي ووجهها على صدر ماجد ..
ماجد : بتطلعين بكرامتك ولا اطلعك بطريقتي ..
منوور " هنا رجعت منوور" : لا افضل اطلع بكرامتي .. المعذرة ..
طلعت وسكرت الباب وراي ..
وااااااااااااي ياويلي وش ذا الموقف اللي انا فيه .. داخله بحجرتهم غلط بغلط ..
شسووي من اول اطق عليهم الباب مايردوون قمت دخلت .. صدق بايخه ..
والله اني انحرجت .. مالي وجه اقابلهم باخذ عيالي واطلع ..
&& مــاجــــد &&
بدل لا تخرج جلست تسولف على راسي .. ماعندهاا حشمة .. اربيك ياامنوور استني علي ..
احساس جديد بقلبك بيزيد
بتحسو كلما بتطلـــع فيي
وانك عاطول فيي مشغول
كتير بتشتقلي وبتموت عليي
انا مابدي تقلي كلام يدوب قلبي حنين و غرام
بيكفيني تقللي بحبك هيـــدي الكلمة بتقتلني
حـدي بيكون قلبك مجنون حتي نظرات عيونك مجنونة
وبيعز عليك ترف عينيك و تمرق شي لحظة ماتشوف عيوني
&& مــــشـــاعل &&
شلي صار ؟؟ مدري .. اللي ادري عنه ان احد فتح الباب و ماجد قربني لمه خشمي صار ملاصق
لرقبته وذراعاته تلف خصرري بقووة .. كنت اشم عطرره .. هذا نفس العطر يوم كنا بالقصيم ,,
نفس العطر اللي شميته عالسرير بحجرة القصيم .. عطر رجالي بحت .. يدل عالرجوله ..
القووة .. الوساامه .. الحضوور الطاغي .. حسيت نفسي اشمه اكثر مرغت خشمي برقبته ..
بدون شعور مني .. بشرة رقبته القريبه من ذقنه خشنه .. اذتني خشونتهاا .. بعدت عنه ..
ونا بخاطري ماابي ابعد .. الاحساس اللي خالجني غلب الضعف فيه على قووتي ..
كنت محتاجة انسان قووي يضمني لصدره .. هو صدق ماضمني بمعنى الكلمة ..
لكن قربي منه واحساسي الجديد ووجوده طغى على حواسي .. ونا مابين المشاعر ..
والاحساس الجديد .. ضايعه تايهة كعاادتي بالحياة .. بعدني عنه .. كان ودي اصرخ واقوله تكفى..
خلني بقربك ثواني .. ابي ارتااح .. بس لساني ماتحرك ولا نطق بكلمة كأنه عاجز عن الكلام بعد ماحس
جسدي بالراحه و والامان ...
^^^
الحلقة الخامسة و العشرون
"نظــــــــــــــرة غريــــــــبة "
هــذا الــزمــن حــاكم وأنــا فيــه
محكــوم
مــاهمنــي كبــر الفضــا و
أتســاعه
مــدام دمعــي جــف والقلــب
مصـدوم
بقــول للأحـزان سمعــا (ن) و
طــاعه
ومــدامني عشـــت الــزمن دوم
محـــروم
شيصيــر لوضـاقت علـــي كـل
ســاعه؟
مــــاجد & مشـــاعــل
ماجد " قهرتني يوم قربتها مني ثواني لكنها ابتعدت عني بقرف وكأني حثاله مب عاجبها انا .. الحماااااااارة وش
تظن نفسها ملكة جمال ونا العاشق الولهان .. تبطي ..
مشـــاعـــل "ابعدني عنه وعطاني ظهره و ابتعد ..متجه للحمام ( عزكم الله ) .. بلا شعود مديت ذراعي اليمنى
ابي اوقفه رفعت قدمي بخطي اول خطوة له ... تصلبت قدمي قبل لا اخطي خطوتي من صوته الرجولي وهو
يقول :
ماجد "ببرود.. عكس اللي بداخلي : لاطلعت ماابي اشوف رقعة وجهك بالحجرة .. مفهوووم ؟؟؟
مشاعل " تركني بدون ماانطق أي كلمة .. تركني عقب ماحسيت باحتياجي له .. مغرور ياماجد
مغرووووووووووور واناني .. ليه الكرهه اللي بداخلك لي ؟؟ ليـــــــــــــه ؟؟؟ "
ورد اتمنى انك تنظرين لماجد بنظرة جديدة غير عن قبل , غير عن يوم اهانك , و طقك , وجرحك .. لان
الانسان يتغير بتغير الظروف و العشرة .. مشاعل دوام الحال من المحال ..
الكره اللي تظنينه مب كره يمكن قناع يخبي وراااه حب و سعاادة مالها حدود مهداة لك من رب العالمين لصبرك
على مااعطاك و بلاك .. ان الله مع الصابرين ..
مــــــاجـــــد وبداخله الف فكرة وهو عزكم الله بالحمام ..
" ونا كاره عمري من تصرفاتي اللي ماتدل الا عالجنوووون والخفة .. كله بسبتك انتي .. اكـــرهك يامشاعل ..
تضحك على منووو يااماجد على نفسك وانت الادرى بهاا . عمرك ماكرهتها بالعكس انت بس كرهة طريقة
زواجك بها لانك انغصبت عليهاا .. وبطبعك ماتحب انك تنغصب .. خلص ماجد ما ينفع اللوم طحت بغرامهاا
وصار اللي صار ,, لكن لزوم تبعد عنهاا بحاول اخرج من البيت ومااقعد معهاا.. ايه ضروري ابتعد ولاا وش
بسووي يوم اطلقهاا اخاف بدال لا اعذبهاا اعذب روحي عنهاا .. صحيت من افكاري واحاسيسي .. صدق انا
الغبي اللي اجري وراء احاسيس غبيه ما منها الا وجع القلب والروح .. ما كأني تبت من اللي صار لي قبل ..
اخاف تكون مشاعل هي اللي ربي ارسلها عشان تهلكني مثل مااحطمت غيرهاا .. رب ابتلاااني لاني غلط بحق
االلي حبتني من قلب .. و ضحت عشاني كثيرر ..
منو اللي ضحت عشانك مجوود ؟؟ من هي حبيبتك القبليه ؟ معقوله واحد مثلك ممكن ينحب لا و تضحي عشانه ؟
منو هي الــر .... ؟؟؟؟؟؟؟؟
مشــاعل
مشيت بخطواتي الثقيله ولبست لي بنطلون جنز ماسك على جسمي .. لونه ازرق باهت به حزام ليموني .. وتوب
ليموني ماسك عالصدر .. طقمته مع البنطلون وخذيت معه جاكيت لونه اخضر فستقي وبه نجوم صغيرة سماوية
اللون وبه صورة قمر لونه اصفر على ليموني .. ماحطيت بوجهي الا غلوس لحمي وشويت شدو اصفر فاتح ..
تعطرت بسرعه حتى الكريم ماحطيته ولا حتى شعري نشفته خرجت وهو لساته مبلول .. اخاف يطلع ويشوفني
بالغرفة يقوم ينحرني .. بالفترة الاخيرة صايرعصبي اكثر من العادة ..
منــــــــــــــورة
" يااااخرااااشي اخاف مجود يطقني ولا بيحذفني من شقته للشارع .. يسووويهاا اعرفه تربيته انا .. مالت علي
ماطلعت الا عليه .. المشكله مايحرني الا هو" وبابتسامة مكر" و مايحره الا انا ..
مشــــاعل " وقفت اطالع الخبلة منور شفيها تساسر ويا نفسهاا لا وبتبتسم بعد.. الحمد لله و اللشكر احسهم عايلة
غريبة الاطوار لكني طنشتها و لا سألتها شفيها لاني مااحب ادخل بشؤؤن غيري .. بس على مين يا ورد احد
يقدر يمر من جنب الحلووة منوورة من غير ماا يتبهدل من الاسألة و الفضول .."
منــورة " بسوي فيها مؤدبة " : شوشو .. والله اني طقيت الباب كذا مرة و يوم مارديتم قلت ادخل اشوف شفيكم
ومرة اسألكم عن الغداء اذا بتتغدون لان العيال حوعانين .. غلطت يعني يوم دخلت ؟؟
مشاعل " طالعتهاا بنظرة قصدت فيها شراايك غلطي يوم دخلتي بدون استأذان ولا لاء ؟ " ...
منورة " فهمت نظرتها " : خللللص شوشولا تزعلين علي .. مب مهم مجوود اهم شئ انتي لا تزعلين وبوعدك
المرة الجاية بطق الباب ..
مشاعل " كأنك يازيد ماغزيت" : هو فيه مرة جاية ؟؟؟؟
منورة " بمرحها المعتاد" : اكيد ياحلووة فيه مرة ثانية و ثالثة بعد .. نسيتي اني بقعد عندكم يومين ..
مشاعل "بتنهيدة .. الله يعني على فضول هالبنت " : اهااا .. زين .
منورة : ليه تكلميني بدون نفس ؟؟
مشاعل " من قال ؟؟
منورة : شعووله لا يكون متضايقة من وجودي ..
قاطعتها مشاعل : افااا بزعل منك صدق لاقلتي هالكلام .. قلبي اذا ماشالتك الارض بتشيلك عيوني .
منورة "بابتسامة " : تسلمين حبيتي .. الا شوشو ماقلتي لي من متى هالحب و الرومانسية لاا وبالمنشفه بعد
حركااات ؟؟؟
مشاعل "انحرجت من كلامها هذي منورة ماترتاح الا لما تحرجني ,, حاولت ابرر الموقف" : منووورة القصة
مب مثل منتي فاهمة ..
منووورة : بلللللللللل من موقف صارت قصة .. زين قصيها لي .. وكلي اذا صاغية ..
مشاعل " منووووووووورة .. بلااها هالحركاات ..
منورة "بابتسامة خبث" : علينااا شوشو الحين من منا يسوي هالحركات .. على بالك ماافهم سوينااهاا قبلكم ..
مشــاعل " هالبنت مايباله الواحد يعطيها وجه فطنشتهااا وجلست اجهز الصحون لاني بغرف الاكل .. .
منور" طبعاا بدون يأس ولا ملل ,, جالسة تزن على راس مشاعل " : علميني اللي تبين , و بفيدك الاخت منوور
بخدمتك وتراني خبرة بمجال الزوجة ال....
قاطعها وكمل بدالها ماجد : الفضولية ...
منورة "بارتباك " : هلا والله بالغالي ولد الغالي .. حياك خالي الحبيب ..تفضل .. اشتقت لك واااااااااااايد ..
ماجد "بطنازة" : لااااا ..وش هالسنع منوو ترحب بي .. من متى هالحب و التهليل و الترحيب .. خبرك ملقووفة
ماعندها ذوووق ..
مشاعل " ضحكت بنعومة وصوت شبة مسموع " : ههههه ههههه ههههههههه هههه ..
منورة : مستانس الحين يوم تضحك العذال علي .. صبرك مجوود ..
ماجد " بحدة " مجود بعينك يالغبيه .. انتي ماوراك بيت و زوج تراعينه هايته بالبيوت .. حسبي اللله عليك
لاصقة فيني ليل نهار .
منورة "بقهر.. بحرجه الحمااار" : بلللللل كلتني بقشوووري .. كل هذا عشاني قطعت عليكم المسلسل المكسيكي
وش اسمه ياربي "بتفكير" ايه اسمه حب بالمنشفة ...
مشاعل " صدق كلامها محرج بس ضحكتني و ماقدرت امسك نفسي لان ما عمري سمعت عن هالمسلسل "حب
بالمنشفة"" : هههههه ههه هههههههه ..
كملت منور بانتصار : يالحبيب خلك صبوور و كووول .. كل شئ بوقته حلوو يااحلوو .. عندكم ضيوف وانت
تبي المرة بجنبك ولاصقة فيك .. صدق ماعندك سالفة ..
ماجد " بعصبية .. حطها بشعوله الضعيفة .. ولا منور مايقدر عليها تربيته ..مااااااالت عليه " : انتي "يقصد بها
مشاعل" .. هذا اللي فالحة فيه .. لايكون فيلم كوميدي قدامك .. قووومي غرفي الغداااء ..
مشـــاعل
" حرااام عليه .. ليه كارهني بيجيب لي مرض الخووف .. اعوووذ بالله منه ,, كفاية صوته بالحاله يسبب لي
فزع ..هالمرة منوورة حسها المرح مع ماجد مانفع صاير كبريت محد يحاكيه الا معصب .. نفسي اعرف متى
يكون هادئ ؟؟ من اول يوم زواجنا وهو معصب ..
عمى بعينه يحسب نفسه عادل امام عشان يضحكني .. يمكن يظن انه عادل امام بفيلم الجن و الانس ..
ياااماامي يخووفني .. افففففففففففف قهررررررر ..
مــــاجد
"الحمااااااااااااااارة مشاعل لابسة بنطال ضيق .. على بالهااا انها بجدة .. انقهرت منها واللي زادني قهر يوم منور
تنكت والمدام تضحك .. هي ماتدري شلوون ضحكتهاا تهبل و تقلب كياااني .. مب كفاايه انها تقول احبك وتحبني
وبالنهاية طلعت تهلوووس .. اااااخ .. لو اقدر اعرف هي تقصدني انا و لا منوو ؟؟؟
مشـــاعـــل "جلسنا ناكل كلنا و يابعض وضياء عي ياكل الا بيدي .. فاكلته هو وضي ونا مستانسه عليهم الله
يحفظهم ..
ضياء: سوسو هبيبتي .. تجين بيتناا ؟؟ بيتنا واايد كبيييير ..
مشاعل "بابتسامه حب" : اكييييد بجي بس بشرط ؟؟؟
ضي و ضيااء : وث هو الثرط ؟ وس هو السرط ؟؟؟ ( وش هو الشرط ) .
مشاعل : تاكل انت و ضي كل اللي بالصحن وبعدها بنروح محل ماتبوون ..
كل هذا وعلى مرئ من ماجد .. طبعاا ماجد من داخله مقهووور وميت غيرررة بس بالظاهر مب باين عليه شئ .
ولا الود وده نفسه يشيل السفرة ويكبها على راس الكل ..
بالنهاية ماتحمل لماشاف الاخ ضياء يبووس شعوله كل شووي .. وهي مبسوطه عالاخر ..
ماجد : قومي سوي لي شاااي ..
مشاعل "بعفويه " ان شاء الله شووي بس اخلص من ضياء وضي و بسويه لك ..
ماجد " خرج عن طووره " : لا يكون تحسبين ضياء زوجك من الصبح وانتي تاكلينه اخاف ينفجر ..
ووجه وجهه لضياء : انت بسك اكل لا تنفجر معدتك.. لو تمووت ما اوديك الطبيب ..
مشي ووهو عند الباب التفت لي و قال : دقايق وابي الشاي عندي .. عنده ام تاكله و انتي زوجتي ملزومه فيني ..
فهمتي ..طلع كالعادة والكلمة الاخيرة له ..
منورة داخلة المطبخ و هو خارج لانها كانت تغسل يدينها بعدت عنه وهو خارج ..
منورة : شفيه زوجك مب عاجبه احد ؟؟
مشاعل "مب فاااهمة شئ " : اتركيه عنك وخلنا نستانس ..
منورة "بابتسامه " : ازين بعد ..
مـــــــاجد " تركت السفرة باللي فيها .. عساااهم بحشرة تمص دمهمم "
مشـــاعل " سويت له شاي لكن ارسلته مع منوور .. اصرت منيرة تغسل كل الاطباق .. وسوت القهوة ..
خرجت الحلا .. وقمنا نتقهوى ويا ماجد ....
منـــورة
"شهقت وهي تشرب القهووة" ..
مــاجــد : يابنت اركزي .. شوي شوي عالقهووة ما بتخلص ..
منور" طنشت الدب ماجد وكلمت مشاعل " : نزلتي الغداااء لفهد و لا لاء؟؟؟
ماجد " هنا جا دوري انشنق بالقهووة "
منورة "باردها لك ,, وبنص عين " : بسم الله عليك .. شفييك مشفووح عالقهووة ما بطير ..
مشــاعل " من يوم سألتني منور اذا نزلت الغداء لفهد و لا لاء .. ونا ارجف بقووة بداخلي الحين الخال و بنت
اخته يتصادموون على حساب اعصابي .. الله يستر لا اضيع بينهم ..
مشاعل "بهدؤ,, ونا احاول ابرر لماجد مب لمنورة " : منور انا ما نـزلت شئ .. من الصبح مع ضي و ضياء
وبعدها بالمطبخ ..
منور" مسويه فيهاا محامي دفااع" : شوشو قلبي لا تخافين .. تصير باحسن العائلات .. بعدين ماجد متفهم
مشاعل " غمضت عيوني .. بتعب .. وضليت ساكته لاني مااحب اناقش بموضوع مامنه فايده ولا بوصل مع
نتيجه مع منور ولا حتى مع خالها.. ماجد مابيصدقني لو بررت له موقفي من اليوم لبكراا .. ومنور ان حاولت
ابرر اكثر يمكن تزيد كلام وتألف قصة جديدة على بالها بتساعدني ونا بالنهاية بتورط فأفضل لي اسكت وبعدين
اتفاهم مع ماجد .. مع انه مو وجه تفاهم "
ماجد " ياربي اذبحهم تنيناتهم .. مشاعل هي واهتمامها بغيري وباقرب الناس لي اخوي فهد وعدم اهتمامها
فيني .. ومنور ولقافتهاا .. تحب تحرني الملقووفه " ..
تبرعت منور تنزل الغدااء لفهد وعي ماجد ينزل ومشاعل قالت : مصدعه منور ان شاء الله مرة ثانيه واخذت
معها عيالها ونزلت لاخوها ..
مشاعل " رحت لماجد وحاولت ابرر موقفي ,, لكنه قال : اذا تظنين اني بصدقك فهذا من سابع المستحيلاات
لان المرة اللي تخرج من بيت رجلها بدون اذنه مرة ممكن تسويها مرة ثانية "
مشاعل " حطمني .. كلامه " و قلت له : من يوم عرفتك وانت تحطم فيني ما راعيت مشاعري لا كبنت
ولا كأمرأة ولا حتى كزوجه .. وش اللي ضريتك فيه .. الله يسامحك ...
نجـــــــــــود
ضقت من الحبسة بالدار ,, فخرجت للحديقه لامي و ابوي .. احب اقعد معهم واسمع لسواليفهم ما تنمل .. مشيت
بدون مااصدر صوت بفاجأهم .. بس اللي صار هم اللي فاجأوني باللي يتكلموون عنه ...
مشاعر حب صادقة نمت من قلب مراهق الى ان نضج على هذا الحب ..
س ) وش ممكن يكون اللي يتكلموون عنه ياااالجوود ؟؟؟ فيصــــل ؟؟ و لااا ... متعـــب ؟؟؟
نرجع لشقة المشاعر المتقلبة .... لزوجين انغصبوا على بعض والسبة الاهل .. ومن حبهم لاهلهم بنعرف شلون
بتصير حياتهم ...
تركته ورحت لمى غرفتي اذن المغرب صليته واذن العشاء و صليته عالساعه 10 رن جرس الباب وكانت
منوور فتح لها ماجد الباب ..
مشاعل " كنت بغرفتي يوم فتح الباب .. لما قلت له اللي بداخلي سكت و ماردعلي بشئ غير نظرة غريبه على
ماجد .. هالنظرة مااستغرقت الا دقيقه و يمكن اقل .. ماقدرت اميزها .. لانه طلع بدون مايكلمني ...
ماجد " انا حطمتك .. انا .. ولا انتي اللي من كلمة هزيتني .. ونا اللي كنت اظن اني جبل مايهزك ريح .. كل
مااذكر يوم انتي مريضه وتقولينها باحساس رقيق وحب انك تحبيني وسألتيني ان كنت احبك و لا لاء ؟
كل هذا كان بلغة العيون اللي مافهمت منها مشاعل ولا كلمة .. لان اللي بداخلها حواجز اهمها صدود و شك ماجد
لها .. كرهه الظاهر المبطن بحب عميق مايعرف ىحجمه احد ولا حتى ماجد .. غموض ماجد وحبه المخفي
اللي يحاول يخفيه بكرهه المدعى .. غيرته اللي بنظرها شك لها و لأخلاقها و لتربيتها .. توتره اللي يترجمه
بصراخه و شتمه لها و لاهلها .. كل هذا مافهمته مشاعل لان ماجد بالنسبه لها اكبر من ان يكون يكن لها حتى
شعور الشفقة .. شلون لو كان هالشعور اعجاب والادهى ان كان حب ..
منــــورة " نزلت لفهد تحت بشقته .. وجلست معه للعشاء .. صليت العشاء عنده وطلعت فوق ..
طبعا سمعت ذاك التهزيئ اللي يحبه قلبكم ..
فهد : وشوووووووووووووووو ؟؟؟؟؟
منورة "بعفويه " : بسم الله علي اصمخ انت ماتسمع ؟؟ قلت لك بنام الليله عند مجود ..
فهد "بعصبيه " : انتي بقرة ماتفهمين .. الا والله البقره اذكى منك يالثوورة ..
منور" بطريقه ترفع الضغط" : والله شئ حلوو .. توني ادري ان فيه ثورة حسبالي الثور واحد وهو انت ..
واذا انا ثورة فهذا لان خالي ثور بطلع عليه بطلع لمنو يعني ..
فهد " بعصبيه " : لااااا اله الا الله ..
منورة تقاطعه : فهد رسول الله ..
كملت منورة : والله خواالي مدري شلي صار عليكم .. تعصبون من اقل شئ ..
فهد "يحاول يكتم غضبه " : والله يابنت اختي العاقله ظنينا انك كبرتي اثريك مثل منتي هبله ما منك فايدة
وحالتك من سيئ لاسوء .. قلنا نزوجك يمكن تعقلين ويوم زوجناك زدتي خبال .. لو كنا ندري كان عنستي و لا
زوجناك .. ولا وحدة متزوجه و عاقله تنام عند عرسان توهم متزوجين .. حتى شهر ماصار عليهم ..
ابي اعرف هذا زوجك دووم يخليك على هواك .. ورااه مايمسك ويربيك ..
منورة"بعصبيه " : شتقصد فهدوووه ؟؟ انا متربيه غصبن عن الكل .. فهمت ..
فهد : فهدووووه بعينك يالحووله .. والله ماالومك الوم خالك ماجد هو اللي رباك .. صنع يده خله يذووق
طعم مدللته .. افففف اروح اصلي ارجل لي من الجلسه معك ..
منورة " تركني بعدها ودخل داره يصلي ونا بعد صليت وطلعت لشقة ماجد .. ودي اعرف ليه كلهم يتضايقون
مني وش سويت لهم ؟؟ حالي وحال نفسي ما أذي احد .. وهذا كان اللي مضايقني .. "
ماجد " فتحت لها الباب ونا متضايق من كل شئ بحياتي احسها معفوسه فوق تحت .. واللي مضايقني اكثر
شلون بنام ومنورة موجودة و شكلها نايمة عندنا اليلة .. شلون بتصرف ,, ما أقدر انام معها بحجرة وحدة
ما أتحمل وجودها معي أخاف اروح لمها و أعترف لها بكل شئ .. وهذا اللي ما أبيه .. ما ااااااابيه "
ماجد : منور بطلع اشتري عشاء من برى .. وش مشتهية ؟؟
منورة " دخلت ونا مادة بوزي شبرين .. ولا انا بحال احد مقهورة من زوجي و امه .. واللي زاد قهري فهد
مدري ليه مايحبني بس يحب نجود ..قطع علي افكاري ماجد " : اللي تبيه جيبه ..
ماجد : زين باخذ معي العيال ..
منور " مارديت عليه الا براسي بمعنى ايه خذهم معك ,, تركته ورحت لمى حجرة التلفزيون ..
مشاعل " خرجت شفت منور سراحانه , ومادة بوزها شبرين .. شكله ماجد تحرش بها .. هو الواحد مايسلم منه ..
قربت منها اراضيها " : منووور ..
منورة " مسرحه الاخت بحماتها ومب داريه عن شعوله " : .....
مشاعل : منووور " هزيتها بذراعها " ..
منور" بدون نفس" : هااا شتبين ؟؟
مشاعل " تضايقت من اسلوبها يوم كلمتني بس ما ألومها دامه ماجد الغول السبب" : منور لا تزعلين عليه ..
تعرفينه شووي عصبي .. بس انتي بنت اخته و المحببه لقلبه و لا نسيتي ..
منورة " على بالها تسولف عن فهد و مشاعل تسولف عن ماجد " : هه " قالتها باستهزاء" .. الحين فهدووه
يحبني انا لا والله .." وبأسى من اللي هي فيه " بنظره انا ملقوفه ما عندي احساس يشتم فيني و يضايقني بس انا
اسوي قدامه عادي و داخلي احترق مب كفايه اللي تسويه عمتي ونا اتحمل .. حراام و الله حرااام .. " و بدت
دموعها تخطي خطواتها الاونلى على خدها"محد يفهمني انا مااقصد اني ادخل بحياتكم يا مشاعل .. اللي يشوفني
يقول هذي مافيه اسعد منها .. وهو مايدري ان مافي اتعس مني .. تعبت .. تعبت ومحد داري بي .. " وجلست
تصيح و تنتحب من قلبها" ...
مشـاعل " انصدمت من كلامها .. منور تعاني مثلي و اردى مني .. هالبنت اللي كلها حيويه و نشاط ,, كلها مرح
و خفة دم ..يعني الدنيا محد بيرتاح فيها .. صدق قول الله تعالى " لقد خلقنا الانسن في كبد " .. عقب ماهدءت
ماحبت اتدخل بخصوصياتها .. لكن وجهها مايبشر بخير .. واللي فهمته منها ان فهد ضايقها و زوجها مزعلها
لكن عمتها منهي ؟؟ اللي مضايقتهاا ... سويت لها عصير ليمون وجبته لها عطيتها الكاس بدون مانطق بحرف و
جلست جنبها .. ناظرتني بحزن ,, لكني بادلتها نظرات الحزن بنظرات تفهم و محبه ..
وقالت : ..............
^^^
الحلقة السادسة و العشرون
" عمـــــــــــــ سبب بلوووتي ـــتـــــــي "
رضيت في قربه وهم ما رضوبك
والجرح في قلبي يزيد اتساعــــه
نجــــود
******************
مشيت تايهة من بعد اللي سمعته ... مستحيل .. فيصل وعدني ,, أنا متأكدة .. شلووون ؟؟؟
يضحكون علي .. ايه يضحكون علي ..
منــــــــــــور
منور : محد فاهمني ... وش احس فيه .. وش اللي أمر به .. للحين ماعلمت احد ولا حتى امي ولا نجود ..
كل يوم اعيش معاناة واتهامات تتجدد كل صبح و مساء .. بكل لحظه اقول خلاص ماعدت اتحمل .. لكن .. يوم
اشوف عيالي واتخيل حياتهم بدون استقرار متشتتين .. اسكت و اتحمل .. " دموعها على خدودها" .. مليت ..
مليت من نفس الاسطوانه كل يوم .. مليت من عيشتي .. " رجعت تصيح بصوتها" ..
مشاعل " بصراحه ماكنت فاهمة الموضوع بالضبط وش هو ,, لكن اللي فهمته انها تعاني من حياتها الزوجية
ومب مستقرة وبسبت عيالها صابرة " " بهدؤ" : منورة قلبي .. اهدي مب فاهمة شئ من اللي تقولينه .
منور: عمتي ... عمتي ذبحتني و مازالت تذبح فيني .. فهد ,, ماجد .. حتى نجود كلهم مايبوني ولا يواطنوني
بعيشت الله ..
مشاعل "باستفهام" : عمتك ؟؟ فهد ؟؟ ماجد ؟؟ نجود؟؟ ؟؟؟؟؟
منور : عمتي ام سعود ... كل يوم .. ليل و نهار .. دوووبهاا من دوبي ... زهقتني بحياااتي .. و الاردى انهاا
تكذب .. تصدقين يوم يحين موعد رجعة سعود من الدواام للبيت .. تسوي سالفه قداامه .. مرة تقول اني
صارخت عليهاا ,, ومرة طنشتهاا وماارد عليهاا ,, ولا اسبهاا و اشتمهاا مابقى الا اني اضربهاا .. ونا وربي
مافعلت لها شئ بالعكس احبها و اخدمها بعيوني .. مدري ليه تغيرت عن قبل .. اذكر انها واايد حنونه ..
اخر مرة .. امس .." ناظرتني منورة وقالت" تدرين شقالت لسعود ..
مشاعل "باستفهام" : ايششش ؟؟
منور: قلت لهاا مجنونة ...
مشاعل "أنصدمت من كلام منور ,, يعني معقوله .. تتبلى على منوور ,, ليش طيب ؟؟ " ...
كملت منور: تخيلي انا اقول لام زوجي مجنونة .. لهالدرجة ماتربيت , ولا احترم اللي أكبر عني ,, وبالذات
عمتي ...
مشاعل " اسمع كثير عن مرت الولد شلون تكون مع ام زوجها واتذكر مسلسل لزينب العسكري
شلون تعذب عمتها بس اني اشوف عمة تعذب مرت ولدها لا ,, وهذا ولدها الوحيد ومنور من العايله ..
يعني ما اخذ له غريبه .. اجل لو كانت منور مثلي من عايله ثانية مو بس كذا لو كانت مثلي من مدينه واصل
ونسب وجنس ثاني شبتسوي عمت منوور .. اخااف تنحرهااا .. الله ييسر لك امرك منوور .. والله اول مرة
اشوفها تصيح .. وصياحها يقطع القلب .. اكره شئ اني اشوف اللي احبهم يتعذبون وبالاخص منور لان
الضحكة ماشاء الله دوم على وجهها .. ولسانها يقطر عسل .. حرااام اللي يصير لهاا .. حاولت اهديها لكن
ماعرفت شلون بصراحه يحق لهاا .. ليتني مثلك منور اقدر افضح اللي بقلبي و روحي و كياني ولو بالغلط
الحياة صعبه .. والناس اصعب .. وظروفناا تحكم علينا بطرق ومتاهات .. وحنا بعقولناا نختار بس قلوبنا
تخطت عقولنا واختارت ,, والقدر كتب وحنا لدروبه سرينا وان كنا مخيرين .. بالنهاية قدر الله و ماشاء فعل "
مشاعل : منورة حبيبتي .. احمدي ربك و اشكريه غيرك مصيبته اكبر عنــ ...
قاطعتني منور: لا تقولين اكبر عن مصيبتي .. مشاعل عشانك انتي منتي بمكاني ولا ما كان قلتي هالكلام ..
ماجد يحبك وانتي تدرين ,, صدق انه عصبي لكنه يحبك .. وجدتي و جدي يمووتوون عليك حتى نجود
واصيل كلهم .. " وبحزن والم" .. لكن انا من يبيني ولا ااااحد .. لا نجود ولا ماجد ولاااا احد .. حتى فهد اللي
ما كان يطيقك الحين صار يحبك و يعطف عليك حتى انه يهاوشني عشان خاطرك ..
مشاعل " ليش قلبت علي انا ما قصدت شئ " : الله يسامحك منور ماقصدت شئ واذا غلاكي عندهم له مقدار
فانتي غلاك ماله مثيل ولا حتى له قدر من كبره .. تراك غاليه بقلبي و ربي شاهد على كلامي اني احبك واموت
عليك ..
منور" بندم و ابتسامه صفراا" : تسلمين شوشو ,, واسفه اذا غلط عليك اعذريني ..
مشاعل" بمرح " : افااا ونا مرت خالك اموووت اذا زعلت عليك ..
منور"بسرعه" : سلامتك من الموت يالغلااا .. ازعل منك هاا اذا قلتي مثل هالسوالف ..
مشاعل "بضحكه " : قلت لك امووت فلا تزعلين علي ...
منور: فديتيك ..
مشاعل "بتفكير ونا اطالع بمنور خطر ببالي سؤال .. لكن ترددت اسأل منور " : منورة
منور: لبيــــه ..
مشاعل : لبيتي بمنى .. بسألك سؤال واذ ماحبيتي تجاوبيني فبراحتك ونا اقدر الخصوصيات
منور: قلبي حنا الحين خوااات وصديقات واقارب مالها داعي هالرسميات .. إسألي اللي تبين ..
مشاعل : تسلمين قلبي .. امممم هي ام زوجك شريرة معك من يوم تزوجتي سعود ولا من قبل الزواج .. يعني
من الباب للطاقه تأذيك و تفتري عليك ....
قاطعتني للمرة الثانية منور بعصبيه : يعني اكذب عليك انااا ,, منتيب مصدقتني صح ؟؟ على بالك انا السبب ..
مثل سعود ..
مشاعل "تضايقت من نفسي يوم تدخلت بشؤونها ,, مو من طبعي ,, لكن ماهانت علي منور يوم اشوفها
متضايقه كان ودي اساعدهاا مو اكثر ولا اقل ,, بهدؤ " : منورة قلبي ماقصدت شئ كل اللي اقصده ,, اذا
عمتك من البداية حنونه معك و تغيرت فجأه
هذا معناه فيه سبب .. ويمكن هالسبب مو ملاحظته انتي .. حبيت اساعدك مو اضايقك .. ونا اسفه منوور
اذا تدخلت بشئ مايخصني ..
منور"بندم وحزن" : سامحيني شوشو .. مدري شصار فيني .. شكلي بلحق مجود بعصبيته ..
مشاعل "بابتسامة ناعمه و حنونه " : فال الله ولا فالك ,, تقارنين العسل بالبصل ليش ؟؟ والله انك احلى عنه
بمية مرة ..
منورة: ههههههه .. ضحكتيني ,, الحين انا احلى عن ماجد .. اجل ماسمعك كان طق رقبتك بوقتهاا ..
مشاعل " صدقتي والله ,, وجععع بيده كل مااذكر ثاني يوم بعد زواجنا يوم خنقني مع رقبتي .. اففف
متوحش .. دووم يده قاسيه وقلبه اقسى ولسانه يجرح ونظرته تذبح .. ما كأني الا اشعر فيه ,, مالت عليه
ولا هذا وجه واحد يتغزل فيه .. احس اني صايرة حقودة والسبة مااااااااااجـــــــد .. كل مرة ماجد يكون
ســـ .... " : ...
منووور: شوشو وصم خان شاء الله اللي اخذ عقلك يتهنى به .. احزر منوو ؟؟
مشاعل " فرحت من تقلب حال منور بس ادري انه مقصود منها " : لا ياقلبي ماحزرتي لان اللي اخذ عقلي
انتي .. وحدك .. مافيه غيرك ..
منور"ورجعت نظرتها الكسيرة" : شوشو تتوقعين عمتي زعلت مني او سويت لها شئ ..
مشاعل " قربت اكثر منها وحطيت يدي على يدينها " : منورة قلبي مو هذا قصدي .. عمتك لو كانت صدق
طيبه وحنونه معك قبل .. شلي غيرهاا ؟؟؟ شلي صار وغير حياتك المستقرة ؟؟
ماعمرك فكرتي بهالموضوع ..
منورة"بتفكير , وبصوت مسموع لمشاعل" : قبل يوم تغيرت خطر ببالي هالسؤال لكن مثل ماخطر ببالي
اختفى مع مرور الايام .. وزيادة المشاكل ..
تسأل مشاعل منور :وش ممكن يكون السبب ..
مشاعل "بنظرة عمل " : هذا اللي كنت بحاول افهمه يوم سألتك اذا عمتك من قبل طيبه ولا من يوم الزواج
وشلون تتغير كذا بدون مايكون صار شئ .. ويمكن الا اكيد انتي لك دخل بالموضوع وان كان بطريقه غير
مباشرة فهمتي ..
منورة: يعني يمكن احد سلطها ودوش مخها علي ..
مشاعل " بتفكير" : ممكن ليش لاا ... بس مااعتقد هذا ممكن يكون سبب لكل هالمشاكل ..
ماقلتي لي من متى بالضبط تغيرت عليك ؟؟؟
منور"وهي تتذكر" : اعتقد من يوم عمر ضي و ضياء بحول الخمس ولا ست شهور ..
مشاعل : يعني ماتغيرت عليك وقت حملك ؟؟
منور: بالعكس كانت احن علي من امي ,, ماكانت تخليني اشيل شئ .. حتى الطباخ منعتني عنه
تقول ان التعب و الارهاق بيأثر علي لاني كنت اضعف عن كذا بكثير ..
مشاعل : طيب افتكري .. بهالوقت اللي تغيرت فيه ماسويتي شئ يزعلهاا .. " جت منور بتقاطعني بس
ماخليتها و كملت : منور ياقلبي خليني اساعدك لا تتسرعين .. يعني مثلاا رفعتي صوتك بدون قصد ,,
او امتنعتي عن شئ كانت تحبه فيك .. اممم يمكن كنت تهتمين فيها و خف اوقل اهتمامك فيها و صايرة تهتمي
بعيالك ازود عنها ,, او أي شئ من هالقبيل ..
منور: لا والله بالعكس كنت اهتم فيها دووم , و لا عمري رفعت صوتي عليها ..
مشاعل " ياررربي " : انتي غبيه منور ماقلت انا انك رفعتي صوتك قلت مثااال و مو شرط اللي قلته صار اقول مثلا
مثل هالاشياء صارت ..
"خطر على بالي سؤال" : عمتك كانت تحب عيالك صح ؟؟؟
منور : و للحين تحبهم .. رغم كل شئ تحبهم و تموت فيهم بعد وهذا الحق ,, مع انــ ...
مشاعل " سكتت فجأه منور و كأنها تتذكر .. تركتها وماحبيت الخبط افكارها يمكن اتذكرت شئ وجاية بطلع من
الغرفه الا افزعني صوتها يوم تقول "
منور"بصوت عالي" : اييييييييييييييييه تذكرت ,, اذكر مرة يوم كنا بمزرعة بو سعود الله يرحمه ..
توه ضياء صغير ,, خبرك شقي من صغره ,, المهم قام يلعب وهو توه يحبي على ركبه ,, فدخل عند عمتي
بحجرتها ونا تركته حسبالي بتنتبه له .. ورحت لمى المطبخ اصلح شاي لسعود وسعود كان بالمكتب يخلص
اوراق طالبها منه فهد ..
مشاعل "باستفهام" : فهد ؟؟؟
منور: اييه ماقلت لك انهم يشتغلون و يا بعض فاتحين لهم مؤسسه صغيرونه وقتها لكن الحمد لله الحين لها
فروع بدبي و البحرين يعني توسعوا ..
مشاعل : ماشاء الله تبارك الله .. طيب كملي ..
منور : ايييه وين كنت .. ايه .. المهم شوي الا صرخ ضياء ونا من فجعتي انكب على ساقي واصبع رجلي
ماء حار كنت توني مسخنته عشان الشاي .. لكن ماهمني حرقي كثر ماهمني صوت ولدي جريت لما عمتي و
سعود قابلته بمدخل حجرة عمتي يقولي : شفيه الولد يصارخ ..
قلت له :مدري .. وشفنا عمتي تغمس يد الولد بصحن الشوربااء .. ونا هنا ماتحملت يوم اشوف ولدي
قدامي بيحترق والمشكله ان عمتي ام زوجي يعني جدته بتحرقه ركضت لها و خذيت الولد وضميته وجريت
لما المطبخ وحطيت يده بماي بارد .. ونا مثل المجنونه و ضياء على صوت واحد يصيح بقووة والم ويصارخ
ونا اصيح معه جاني سعود ووجهه مايبشر بخير .. وقال لي لبسي عباتك وبسرعه لحقيني عالسيارة و خذا
مني ضي وسبقني على السيارة .. لما رحت لغرفتنا انا و سعود شفت ضي تصيح .. شكلها صحت من نومها
يوم سمعت صراخ اخوهاا ..
رحنا للمستشفى والحمد لله ان الحرق مهب ذاك الزود رغم انه حسب ماقال الدكتور اكيد الشورباء ساخنه
بالحيل ولا ماا انحرق يد الولد لها الدرجة .. والحمد لله خف الحرق و اختفى بعد ..
مشاعل : يعني انتي يوم شفتي ولد وعمتك تحرقه ما قلتي لها شئ .. ماصارختي وقتها معذورة لو تهاوشتي و
لا حتى صارختي ؟؟
منور: اصلا ما كلمتها خير شر .. من خوفي على ضياء ماتكلمت ابد معها على طول عالمستشفى ..
مشاعل " بتفكير " : طيب سعود ما جاء وراك يوم ركضتي بضياء تحطين يده بماي بارد ؟؟
منور : لا ما جاء وراي بسرعه لا يمكن تأخر فوق خمس دقايق ..
مشاعل : كيف كان شكله يوم رجع ؟؟
منور " بعبط " : بالله عليك يوم ولده انحرق شلوون بيكون .. اكيد متضايق ..
مشاعل " ياربي مو وقته العبط " : ادري انه متضايق بس مالاحظتي انه وكأنه رجع من هواش ..
منور : مدري بصراحه ما ركزت لاني كنت خاايف على ضياء ..
مشاعل " عندي احساس من اللي في بالي صحيح .. يبييلي اتأكد لكن مو منك يامنور و لا راح اقولك على
اللي ببالي الا لما اتأكد اخاف تتسرعين كالعادة و كأنك يازيد ما غزيت .. "
منور: مششششششششششاعل .. وجعععع مليون مرة تسرحين ليييييييش ؟؟
مشاعل : لا اله الا الله .. يعني ماتتوبين من حركاتك .. نفسي اعرف دام انا جنبك مابيني و بينك الا كمن
سنتميتر ليش تصرخري؟؟ افففف والله انك انتي وخالك نسخه من بعض .. تركتها ووقفت الا هي تقول ..
منور : على وين ان شاء الله تاركتني بروحي ..
مشاعل : بروح اجيب لك انتي و العيال مخدات و لحف من داخل ..
منورة : انزين ..
رحت لمى حجرتي و طلعت لهم من الكبت لحافين و مخدتين باقي لحاف ثالث و مخدة من وين اجيب دورت بكل
الدواليب ماحصلت ,, بالنهاية طاحت عيني على لحاف ماجد ومخدة من مخداته الاثنين ابتسمت بمكر " بخليك
الليلة تنام بمخدة وحدة و بدون لحاف ... رحت لمنور و فرشت لها الفراش .. وهي سرحانه ..
مشاعل : منووورة ..
منور : هلاا ..
مشاعل : شلي تفكرين فيه ؟؟
منور: افكر بكلامك ..
مشاعل : على عمتك ...
قاطعتني منور : وانتي الصادقه على سعود ..
مشاعل : سعود ؟؟ شلوون ؟؟
منور : انتي نبهتيني على اشياء شلون عمتي تغيرت علي فجأه .. صح ؟؟
مشاعل : ايووه ..
منور : واللي افكر فيه شلوون سعود تغير فجأه ؟؟
مشاعل "باستفهام " :مو فاهمة شئ ؟؟ الحين سعود تغير .. ليش هو قبل كان تمام معك وتغير فجأة ؟؟
منور : ايه .. بيوم طبخت طبعا عمتي اطبخ لها بالحالها لان اكلها بدون ملح .. جاء سعود و كان غريب شووي
كأنه مخطوف لونه بغيت اسأله بس قلت بعد الغداء احسن بعدها جلسنا جميع
نتغدى شوي الا عمتي تبصق كل اللي كلته وتقول : عطني ماي ياوليدي ...
وقام سعود وعطاها ماي و باين عليه الخوف :: شفيكي يمه ؟؟
ام سعود : سلامتك يمه .. بس الغدااء ماالح بالحيــــــــيل ..
سعود " يوجه كلامه لي " : منور من اللي طبخ لامي ؟؟
منورة "بصدق" : انا ...
سعود "يكلم امه مرة ثانيه" : يمة منور طبخته مستحيل يكون مالح ..
ام سعود "بعصبيه مصطنعه" : تكذب امك ياسعود .. هذي اخر تربيتي فيك .. . ونا ظنيت اني خلفت و
ربيت .. ولا تزوجت و تركتك .. بالنهاية تصدق زوجتك اللي تو مخلص لها سنه وشوي معك ونا اللي
تسع شهور حملت بك وفوق عشرين سنه ربيتك و كبرتك علمتك و نظفتك .. الها يسامحك ,, الله يسامحك
وجلست تصيح بعدهاا .. راضا امه وسلم عليها وصارخ علي ونا وهو تهاوشنا انا احلف ماسويت شئ
وهو شوي و يطقني .. ماتحملت وقتها بس سكت وجاني بعدها ثاني يوم و راضاني بس بعدها تغير
تغير سعود ما عاد سعود اللي قبل اللي من كانت امه تتهاوش معي يوقف بصفي لاني على حق ..
مشاعل " من كلام منور الحين احس بالموضوع إن و لا ليش سعود بعد تغير عليها و فجأه
بعد ... لازم احاول اساعدهاا " : ها منوور قلبي شتبين عالعشاء ؟؟
منور"بعفوية " : قلت لماجد أي شئ ,, اللي يبيه يجيبه ..
مشاعل : ماجد .. شدخل ماجد انا اللي بسألك ..
منورة : قلبي ترا ماجد قبل لا يطلع يجيب العشاء قال لي وسألني وش ابي ونا قلت له ماعليكي مني .. تراني
مااستحي وخصوصا لا كان صاحب المال مجوود ..
مشاعل : انقهرت منه الحماااار .. ليش مايعلمني انه بيشتري عشااء .. الحين يعلم منور ونا لا صدق
ماعنده ذووق .. و هذا انا اليوم غديته ..وجععع ببطنه .. والله لا اوريك ماااجد ..
منور: شوشو وين مخدتي ؟؟
مشاعل "ببرائه " : أي مخدة؟؟
منور: انا انام على مخدتين وهذي مخدة وحده مقدر انام كذا ..
مشاعل " سبحان الله نفس الشئ هي و خالها ينامون على مخدتين ويفهمون الناس غلط و يحكمون بسرعه."
رجعت غرفتي و بتردد اخذ مخدة ماجد الثانية و لا اروح بعالم كان .. بالاخر خذيتها و عطيتها منور ..
&& مـــــــــــــــــــــــــــــــــــــــاجــــــــ ــــــــــــــد &&
خذيت ضي و ضياء معي اشتري عشاء .. وشريت لهم من باسكن روبنز ,,
بعد ما مريت على كنتاكي و شريت ومشينا على البيت .. وحنا طالعين للشقه مرينا على فهد عطيناه العشاء
لاني شريت له معناا ..
فتحت الباب دخلت ضي و ضياء المطبخ و ماخليتهم يتحركون منه .. لاني اعرفهم بيطيحون الايس كريم ..
ناديت منور عالعشاء .. وبعدها رحت لحجرة النوم
دخلتها بدون مااطق الباب .. لان منور مرت من جنبي لحظة ماهي رايحة للمطبخ ودخلت شفتها و هي
تزرر قميص البجامة وهي واصلة للزر اللي ببداية بطنها و نهاية صدرها ..
ماقدرت اشيل عيوني من عليها الا بعد ما دارت جسمها بالكامل ..
حسيت نفسي غبي و ثور ولا كأني شفت مرة بحياتي ..
مــاجد " بصوت يقال عنه خشن" : هيـــه انتي سيري جهزي السفرة جايب العشاء بالمطبخ ..
مشاعل " والله انه قليل حيااا و قليل ادب بعد ,, اصلاا هو متى كان مؤدب ..
ابي افهم هو ليش مايطق الباب ,, على راسه ريشه .. لاا و القهر يطالعني بعينه عساها العمى وفوق هذا كله
يتأمر علي و يقول مشي جهزي السفرة ,, وجع يوجعه ببطنه احسن عشان ثاني مرة لا عاد يتأمر على خلق
الله حسباله شغالته ,, والله لو مامنور كان هذا الثور ما كلمته يظن اني اخاف منه .." : ماابغى عشاااء .
ماجد :.....
*****************
الحلقة السابعة و العشرون :
"كلن يحب ونا احب وانت تحب بس القدر منو يحب "
هو ما درى انه بالحشا من كذا عام ...
يبني على ساس المحبة قصوره ...
الله يرده دام باقي لي أحلام ...
والمس كفوفه وانتشي من عطوره ...
واعيش باحضانه بعد ذيك الأعوام ...
واشوف دربي من ضياء نوره...
مــاجد " بصوت يقال عنه خشن" : هيـــه انتي سيري جهزي السفرة جايب العشاء بالمطبخ ..
مشاعل " والله انه قليل حيااا و قليل ادب بعد ,, اصلاا هو متى كان مؤدب ..
ابي افهم هو ليش مايطق الباب ,, على راسه ريشه .. لاا و القهر يطالعني بعينه عساها العمى وفوق هذا كله
يتأمر علي و يقول مشي جهزي السفرة ,, وجع يوجعه ببطنه احسن عشان ثاني مرة لا عاد يتأمر على خلق
الله حسباله شغالته ,, والله لو مامنور كان هذا الثور ما كلمته يظن اني اخاف منه .." : ماابغى عشاااء .
ماجد :بكيفيك .. مووتي عساك لا تاكلين تحسبين اني بمووت لو ما أكلتي عسااك مااكلتي ..
اصلاا شكلك يخررع .. ماتشوفين شكلل بالمرايا كأنك بومه انتي والهالات السووداا ... ولا لوونك
غادي اصفر مهب كفايه انك فحمة .. ومتحملك انتي وشكلك و لونك اللي يخرع ..
مشاعل " عصبت من كلامه هذا وراه لاحق وراي .. مايشوفني الا يسمني بكلامه ..
عاد من زينه .. استغفر الله .. الله يسهل علي بقية السنه اللي بجلسها معه ..
بيجلطني .. خذا له بجامة ,, عطاني ظهره وهو يفسخ ملابسه ..مايستحي ماااالت عليه
.. طلعت من الحجرة .. ورحت لمى المطبخ ...
ماجد" بالعاني استهزءت منها وفسخت ثوبي قدامها ابيها تتعشى معنا ..ادري انها بتطلع وهذا اللي كنت ابيه
كافي علي قبل يوم مرضت مهب ناقص انا امراض ..<<<< على مين تلعبهاااا ياابن الناااس .. الحين ناقص
امرااض هااا ..
ولااا خاايف عليهااا انت ووجهك وغرووورك الغبي مانعك عن كل شئ تحبه ..
عــــــــــدنــــا
مشاعل " شفت العيال ياكلون ايس كريم من باسكن روبنز .... عاد دوروني هنا ما تلقوني .. عند باسكن ورد
تذووب و تفوح روايح عبيرهااا .. يالسلاااااام .. باااسكن هناا من زماااان مااكلته و لا حتى ذووقته لي شهر
من قبل لا اجي الرياض وناا مااذوقته .. صراااحة رياقيني بتطلع .. انا وباسكن اصحاااب واكثر من اصحاب ..
باسكن هو عالمي ونقطة ضعفي .. امممممم .. كله متعة و انوثه برودة و لذه .. شئ خطييييير ... يوم تذوقينه
ولا تلحسينه تحسين بشعور مختلط من الثقه و الفرحه شئ رهيب ولا طعمه خيااااالــــي ...
.. بكل الفصوول باسكن غير عن المعروووف ...
.. ذووقه كل يوووم وبتكسب معه دووووم ..
<<<<<<<<< خخخخخخخخخخخ صايرة شاااعره اخت شوشو ... اممم اعلمكم وجبة شعولتي المفضله
البرالاينز ...
اوووووبــــــــــٍس .. نساني باسكن وين كناا .. <<< ماحبيت الباسكن الا منك شعولتي ..
نرجع لمحور حديثناا ...
مشاعل " طبعا من يوم شفت باسكن مع الثنااائي العجيب ضي و ضيياء ونا رياقيني ساحت ..
نسيت نفسي وجريت لمهم .. جلست على ركبي .. "
مشاعل : ممكن طلب صغنوووون " واشرت على صبعي الصغير اللي صدق كان صغنون" ..
ضي و ضياء بإستغراب يناظروني يمكن من حركتي لما جيت جنبهم .. : أيـــه اكيـــيد ..
مشاعل " اشرت على علبة باسكن اللي بيدهم " .. هذا كله وماجد و منور يشاهدون هالمسلسل اللي قام
ببطولته انا و بين باسكن بمشاركة ضي و ضياء "
وبابتسامة طفوليه من الطفلين مدوا كلهم يدينهم كأنم يتسابقون من بيعطيهااا اول وهي عاد ما صدقت خذت
العلبتين و ماقصرت اخذت تنهش فيهم نهش ..
ماجد" لماشفت مشاعل تركض مثل المهابيل قلت خلص خف عقلها البنيه وبكذا سبب ا رجعها بيت اهلها ولا
اكمل الشهر .. و لحظة اخذها للايس كريم منهم تأكدت من خبالهاا ,, لكن يوم شفتها شلوون تااكل الايس كريم
شئ عجيب تاخذ بالملعقة و تلحس باطراف لسانها قمة الايس اللي بالملعقة وبعدهاا تااكل قمته بشفايفهاا ..
حسدت الايس كريم من قلبي .. لانه قدر يلمس شفتها الرقيقة .. تنهدت بصوت مسموع بدون مااحس " :
اااااه .. " والله لادروا عنك باسكن عينوك موديل بدعايتهم اكيد بيكسبون .. لكن تحلمين يشووفك غيري انتي
لي انا انا و بسسس
منورة: ابتسمت على حركات شوشو ق مة بالادب والطفوله خليط منه يحفظهاا الانوثه والجاذبيه ,, حبوبة
كل شئ فيهاا حلوو .. لكن اللي ضحكني صدق
تنهيدة ماجد طالعه من قلب خخخخخخ واضح عليه انها طالعه من قلبه و روحه وعقله ماقدرت امسك نفسي
مسوي فيها عصبي عليها ومدري وشو ,, هذا كله بنفسك يااخالي العزيز..
منور : هههههههههههههههه . هههههههههههااااااااااااااي .. امااانه مجوود عيد الحركة مرررة ثانية ..
منور"بصوت خافت وهي بجنب ماجد " : و لا يهمك باخذ عيالي بعد العشااء و بتررك و يا عروووس الهنااا
شوشو القمر .
ماجد " والله يامنيروووه ياذابحك ياذابحتني .. تحب تحرجني هالبنت من صغرهاا بحلقي "
مشاعل "تسأل نفسها" : شصار عليهم ؟؟ الظاهر بنت الاخت و خالها خرفوااا ..
ضياء: سكله كذااا .. (شكله كذا)
ضي : أي والله ثح .. ( أي والله صح)
مشاعل : ههههههههههههههههههه ههههههههههههههههههههههههههههههههههههه
ضي و ضياء يضحكون معهاا و هم مايدرون عن شئ ..
مشاعل "بابتسامه حلووة ,, والله انكم احلى شئ طلعت به من زواجي من هالمغروور .. "
منور و ماجد يطالعوني انا و العيال : الحمد لله و الشكر ..
&& نــــــــــــــــجـــــــود &&
طلعت لحجرتي ونا مااشوف الدرب شلون وصلت مادريت .. مستحيل اللي سمعته ..
الحين .. فيصل يخدعني ليه .. شسوويت له انا .. هذا جزااي يوم اني نطرته من ست سنين
ماتزوجت للحين ونا انطره .. اذا ماكنت قد كلمتك اجل ليه علمتني احب وتنساني ليه
ليه يافيصل .. علمتني الحب و تركتني اموج ببحرك وانت الربان حبك يتحكم فيني
ماعرفت الحب الا على ايدك .. تخطيت حدودي معك .. انت الغريب الوحيد اللي شافني ..
صدقتي يامنور .. شلون تثقين بواحد خان صديقه بلمسه لك ,, بشوفته عرض اعز اصدقااائه شلووون
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فمان الله يا درب على الهجر يتحراني
خذاه الوقت من جنبي ولا جاني ولا جيته
قصيدي ياقصيدي يسكن بقلبي طرف ثاني
قبل يسكن بيوتي جنه وتمسي عفارينه
تعال اسأل نجوم الليل ياهاجر من ألهاني ،،
وأنا أعلمك بالوقت الطويل وكيف قضيته,,,
بغيت أقوى على بعدك وراح الصبر ما أمداني ,,
أهز الشوق وإن طاح الوله بالحضن ظميته,,,
ربيعي يا خريفي يا شتاي ويا صيفي ألهاني,,
تراك أنت الفصول وهجرة الشاعر وتشتيته,,
فضت كل الشوارع مالقيت اللي ترياني,,
مثل طفل طلع يلعب ورد وما لقى بيته
تحداني،،،تحداني،،،حبيبي لا تحداني,,
أنا لولاك لحن الهجر والفرقا ما غنيته,,,
تمنيتك وقلت فخاطري ليته تمناني ,,
وأنا ما كل واحد شافته عيني تمنيته..
على كيفك تذكرني ،،،على كيفك تناساني,,
وأنا طاريك ولايوم في قلبي تناسيته ،،
زرعتك وردة حمرا تزين كل بستاني,,
ودفنت القلب في تربة مشاعرنا وخليته,,,,
أنا المجني عليه اللي يقدر طعنة الجاني,,,
لأن جرحه يذكرني بطاريه لا حسيته ،،،
&& مشــــــــ مـــــــــــاجـــد ـــــــاعـــــــل &&
خلصنا عشاء ونا بالغرفه اسرح شعري وادهن شوية كريمات ترطيب للبشره احس يدي من شغل البيت بدت
تخشن .. انفتح الباب بقووة و دخل ماجد ..
مشاعل " لا اله الا الله هذا ناااوي على ايش ... سمعت فتحت الباب اللي بقووة بس طنشت مع ان قلبي
يرجف .. ونا عارفه انه بيهاوشني "
ماجد "بصوت ثقيل من القهر" : من عطاااك الحق تعطين منور مخدتي هاااا ؟؟؟
مشاعل "سكوووت ماقدرت انطق لان ادري اني غلطاانه بس من وين اجيب لها مخدة " : ..... ( لا جواب )
ماجد : ماتجاوبين حضتك وينه اللسان .. اذكر انك قلتي لي انه يكنسني من فوقي لتحتي وريني اشووف ..
مشاعل"ونا ابلع ريقي وبصوت خفيف" : هي تبي مخدة من وين اجيب لها ..ما فيه غير مخدتك .. قلت
اعطيها هي ..بعدين هي ضيفه عندنا عيب عليك تسوي هالحركات يعني عندك مخدة ثانية امديك تنام عليهاا ..
ماجد " خلص ماعدت اتحمل شلوون بنام معها بحجرة وحده القهر شوفوا شلون تسولف معي بدلع انثوي
حلوه يوم تسولف بصوتهاا .. نبرة حزن .. مدري شلون ا وصف بس هي غير .. غير ..
تمالكت نفسي و قلت " : هذي المخدة وحتى اللحاف عطيتيها هو والمشكله انها عطته ضياااء الدب اللحين
بيوسخه لي ...
مشاعل "بضحكة رنانه " : هههههههههههههههههههههههههههههههههههههههههههه
ماجد " ياالله وش حلاتها سبحانه جميل يحب الجمال .. ضغط على قبضة يديني بقوووة
هذي شتبي مني كل شوي انواع الاغراء .. لكن الحق اغرائها عفووي رباني طالع بدون قصد
وهذا احلى انواع الاغراء عند الرجل البدوي اللي مثلي .. صحتني ضحكتها اللي ذوبتني و خلتني اسرح"
: هيييه انتي على شنو تضحكين على بالك تهبلين وانتي تضحكين الا وعععع اسنانك تقرف
و ضحكتك اقرف عنك فسكتي ابرك لك .. اعوذ بالله شلون بتحملك سنه ..
مشاعل " ياربي .. اسكت واطنشه احسن بفتك من طولة لسانه" : .....
رحت لمى الفراش وشغلت اللايت اللي عند كومدينة السرير ورحت قفلت لايت الحجرة وتوجهت لمكاني
بالسرير وجلست .. اطالعه يخرج .. بس ماتحرك من مكانه بالعكس توجه للجهة الثانيه من السرير ..
وجلس .. وشوي خذا لحافي وانسدح عالسرير وتلحف به ,, قهرني هذا كله قدامي ..
قمت من مكاني واقفه : انت ..
ماجد " عناد فيها نمت عالسرير و تغطيت بالحافها بعد .. .. اسمعها تقول انت بغيت اقوم اشد لها لسانها انا
تقول لي انت ليه مالي اسم .. مارديت عليها "
مشاعل" بغضب" : اكلمك اناا .. عطني لحاافي .. لا والله اخذه بالقووة ..
ماجد "بطنازه" : زين لو بنت ابوك تاخذينه ..
مشاعل " خرجت عن طوري .. وطلعت فوق السرير وسحبت منه اللحاف " : لا تاخذ شئ مو لك فاااهم ..
وخرت عنه شوي الا سحب مني اللحاف وانسحبت انا بعد ويا اللحاف <<< حشااا مادة علوم هي الشد
والسحب ... لوووووول
وطحت عليه جبهتي على وجنته ويديني تحظن اكتافه ,, وصدري على صدره .. ويدينه تلفني
صاير ثقيل حسيت بتخدير بكل جسمي اعتقد الزمن توقف
انا عايشه اتنفس الهوا ولا لاء مادريت بنفسي الا بشعور غريب كأني بالحالي مع ماجد هالانسان اللي
ملكني مرة و فقدني مرة تمنيت قربه لحظات و يمكن ايام والله العالم .. وفقدته بغطرسته غروره
01-05-10, 12:52 PM
جديد مواضيع قسم القصص المكتمله
العرض العادي
