ماجد بنص عين تو غنيتي وش المشكله ؟؟
مشاعل : جودي ما غنيت .. يا ابني هذاك شعر ..
ماجد "يمثل انه زعلان" : ما ابي شئ انسي ..
ومشى ..
مشاعل " ياربي من قال لي اتفلسف قدامه و قلت " ..
اقسم بالله .. اهديتك قلبي .. و أصبحت لك قلبا و قالبا ..
اقسسم بالله .. الحياة اتعبتني فمت قتيلة حبك ,,
امنيه .. امنيتي منك ادعوا ان لا تختفي انظاري عنك ..
هل انساك .. ابدا لا استطيع نسيانك ..
في أعماق ذكرياتي عشت حياتي الماضية .. كلام الله .. بفؤادي يحيي ذكراك بقلبي ..
اطلب ما تريد فكله لك و منك ..
أحــــبـــكـــ ..
..
..
..
في ساحة سان ماركو فيه الحمام شرى لي ماجد بواحد يورو الكيس و جالسه أأكلهم يطلعون فوق راسي وياكلون من
يدي و انا اضحك و اقول لماجد : جووودي شوف كيف يطلعون برااسي .. ضحك علي حسيته يستانس يوم اضحك يا
حبي له ..
كيفت عليهم وعشان كذا ضيعت كل فلوس جوودي على الحمام ,,, والله لحظات خيالية خصوصا لما نزل المطر و حنا
بالساحه .. احلى شئ الشحاتين مؤدبين يصلحوا حركات عشان يكسبون الدراهم ...
طبعا شريت هدايا للاهل ..
جلسنا بفينيسا 3 ايام ..
بعدها رحنا لفلورنس .. وش اقول و لا وش اخلي هذي المدينه جلسنا فيها حوالي 3 ايام و نصف
روعه بمعنى الكلمه حتى ماجد استانس عليها قال ياليتنا جينا هنا اول ...
وش المناظر وش البحر الصافي ... شواطئهاا حلووة و نظيفه تفتح النفس .. جلسنا على الشاطئ يجي
ساعه .. منظر حلو بجد و الجو يسااعد .... رحنا معرض افيزي ... ظليت اناظر
الكنائس و اقول زخارفها تجنن نفسي اشوفها من داخل ..
ماجد : اقوول مشي مشي قدامي لا ادبجك ..
ضحكت من كلامه...
واحلى شئ المدينة التاريخيه .. ما وقفت تصوير حتى ماجد كل شوي اقوله صوور ..
ماجد " اليوم اللي بعده لبست ثياب رسمية من كثر ما اسمع عن الاوبرا و شلون الناس الاوروبين يموتون فيها قمت
قطعت تذكرتين لنا و دخلناها و ياليتني ما قطعت التذكرة قسم بالله صدعت راسي المرة المهبل و لا يوم صرخت بغيت
اطير .. و مشاعل تضحك ,, و انا اشب في الاوبرا و اللي اخترع هالغباء " ..
حصلنا مطعم لبناني وفيه كل الاكلات الاوروبيه و العربيه .. و الاحلى انه حلال بحلال ..
فيه نايت كلب دخلنا النايت كلب على السريع .. و بصراحه يونس .. طقت براسي
ارقص ..
مشاعل : مجنون .. وش اللي ارقص,, تبي ترقص ارقص بالحالك انا ماابي ..
ماجد : قلبو ما شاورتك انا علمتك عشان تتجهزين ..
مشاعل " تركني يكلم الرجال ونا مقهورة منه .. ورد و على وجهه ابتسامه ,, بعدها نادانا الرجال "
ماجد كلمت الرجال يجهز لنا طاوله مسترة وبعطيه اللي يبيه و وافق .. و بمكان روعه على شرفه تطل على
مسبح بحيث نشوف الكل و فوقها نسمع كل شئ ..
مشاعل : هههههههههه .. احلف .. ههههههه ..
ماجد رافع حاجب و حاجب لا : أي و الله بننرقص سلوووو ..
مشاعل : جودي قلبو مسخن انت .. و لمست جبهته و هو يوخرها ..
ماجد : شعوله عن الاستهبال .. و ماانتظرتها وبصوت مسموع قال الايطالي : هذي الاغنيه مهداة من السيد ماجد
لزوجته العروس احتفالا بشهر العسل و نتمنى لهم المتعه و شهر عسل سعيد ..
صفق الجميع و بدءت الموسيقى الهادئه .. خذيتها لحضني ..
مشاعل " ما توقعت بحياتي ماجد لهالدرجه بيكون رومانسي تخيلته غير .. ههه .. الا يبي يحس انه عريس و انا
عروس .. ضحكت عليه و على نفسي مو عشان شئ الا اننا اتهبلنا بالنهايه يوم خلصت الموسيقى الهادئه و بعدها جت
موسيقى روك وحنا نرقص و نضحك على بعض .. من زود الهباله ..
مرت 3 ايام و هذا اليوم الرابع و الاخير بفلورنس .. جهزنا الشنط و الهدايا و كل شئ خرجنا من الفندق للمطار ..
///
///
.. توجهنا من فلورنس لروما ودعت روما و ايطاليا مع امل اني برجع لها مرة ثانيه ..
كانت رحلتنا دايركت من روما للسعوديه لكن وين بالتحديد ؟؟؟ ..
مشاعل : ههههههههه .. .. نمت مع تعب الايام اللي راحوا لأني كنت أنام أقل من ماجد ..
وصلنا و ماجد يفك الحزام و انا بعد .. و حنا بالمطار .. استغربت شئ هذا المطار مهوبنفسه اللي طلعنا منه لروما ..
مستحيل انسى هالمطار ... وقفت يوم استوعبت المكان .. و التفت حصلت ماجد واقف وراي يناظرني بابتسامة
ركضت له و ضميته و هذا كله على بيان من الناس ما حسيت بشئ غير الامتنان والشكر و الحب و الفرح و الخوف و كل شئ ...
^^^
المقطع الأول من الحلقة التاسعة و الثلاثون : -
( ما قبل الأخيرة )
"" زهــــرة (( سأظل أحبــــكــ دومـــا )) النعناع ""
من يقول الزين مايكمل حلاه..كل شي في حبيبي اكتمل ..
الله اللي كملّـه والله عطاه..مابقى للزين في خـلّي محـل ..
&& فهــــــــــــــــد &&
فهــــد " انصدمت من نفسي قبل لا انصدم من كلام فيصل لانه صدق .. حسيت بتعري قدامه .. انا خاين و اخون منو
اخوي و خويي و اعز اخواني .. نزين حاولت و الله حاولت بس ما قدرت اشيلها عن بالي .. ياالله ارحمني ..
يالله ما قد عصيتك لا بابوي و لا بامي و لا باحد و لا قد طالعت بحرمة غيري .. اخر شئ اطالع بمرت اخوي
يالله مهوب بيدي .. تكفى شيلها عني .. يالله منيب قادر اتحمل .. حبي لها يكبر و يزيد .. اذكر يوم كانت عند هلي
بالقصيم الفترة اللي مرضت فيها .. كانت تلاعب عيال الجيران .. تكلم الخدم و تسولف معهم .. متواضعه , بسيطه ,
جميلة , رقيقة , انثى بمعنى الكلمه هذي هي المرة اللي تحسس أي رجل برجولته .. هذي جزاتي ضيعتها من يدي
ما عاد ينفع الندم .. سجدت لربي سجدة طويله في بيته الحرام و انا ادعوه و اترجاه يشيلها من قلبي و عقلي ..
///
///
الله لا يوريكم من العيون اللي تناظرنا .. و ماجد انحرج و صار يبعدني .. و بهمس شعووله بعدين ..
و انا مطنشه كلامه الى ان قال : ترا الناس تجمهرت عندنا و ماعندهم سالفه الا يناظرونا ..
و خرت عنه و شفت شلون الجمهور الرائع اللي يطالعنا ولعلمكم هذا
بالسعوديه .. عاد الله يعينا على المحشات .. و مشينا بسرعه
و خلصنا اجرااءت .. و خذينا ليموزين على مكه على طول لأن نونينا على عمره وصلنا الحرم الحمد لله نص
ساعه و بيأذن المغرب .. سعينا و خلصنا فأذن المغرب .. صلينا و
بعدها طفنا و جلسنا شوي و شربنا من موية زمزم .. انتظرنا صلاة العشاء صليناها بالحرم .. سجدت لله شكر على
نعمه اللي ما احصيها ابد .. شكرته و مازلت اشكره .. و لا تعب لساني من شكره .. حلو اللي تتمنينه تاخذينه .. وعدت
ربي في بيته على طاعته ثم طاعة زوجي و طلبته يخلي لي ماجد و يرضى عني و اكون بارة والدين .. ويرزقني الجنه
وشوفت وجه الكريم .. و يجمعني برسوله صلى الله عليه و سلم ..
بعدها رحنا للفندق اللي ماجد حجزه ..
وجودنا بالغربيه و بمكه تحديدا كانت مفاجأه لي من ماجد .. بعدها تعشينا بمطعم و ردينا للفندق وعدني ماجد الصباح
بياخذني لأهلي بجده .. كنت خايفه من هاللقاء اللي بيجمع بيننا .. خايفه من ماما هل بتستقبلني و لا ؟؟
متوترة من هالزيارة و الله ما توترت يوم سافرت بعد ملكتي مع اهل زوجي كثر ما الحين متوترة ..
قلقانه من نظرات الكل لي و حاسه بعتاب دانه و شيخه تلومني ..
خايفه من احتقار ياسر .. صح نمت بس نومي كله كان اضغاث احلام .. الفجر صليناه بالحرم .. بعدها فطرنا و
نمنا .. الساعه 9 صحيت و خذيت شور ..
و تلبست بعدها صحيت ماجد و هو بدوره سوى نفس الشئ .. و على الساعه 10خرجنا من
مكه على جده ..
///
///
&& فهـــــ فيصــــ نجــــــود ـــــد ــــــل &&
فيصل : للحين زعلان علي ؟؟
فهد بصدق : ابد و الله .. بس مالي وجه اقابلك و لا حتى احط عيني بعينك ..
فيصل بتفهم : معذووور يا خووك .. الحب بلى الله لا يبلي مخلوق ..
فهد بتنهيدة : الحمد لله ..
فيصل : وينك فيه قلت يوم وراد ؟؟
فهد : ايه انا الحين بالقصيم ..
فيصل " وقلبي ينبض بقووة " : وليه عسى ما شر ؟؟
فهد : والله ما شئ .. بس اختي جايينها خطاب باكر و اتصل فيني ابوي اجي و هذاني جيتهم ..
فيصل و انفاسي ضاعت و حسيت بخنقه : منهي اختك ؟؟
فهد : بلااك فيصل من غيرها الجود ..
فيصل اظلمت الدنيا بعيني و الله ما تروح لغيري
فيصل " كل هالكلام اقوله و انا اجري للسيارة و اسوقهااا للقصيم " : طلبت بنتكم .. لي حليله .. و اللي يسلمك لا
تزوجونها لغيري ..
فهد " استغربت كلامه .. فيصل يبي نجود .. طيب ليه ما تكلم من قبل ما قدرت ارده و بنفس الوقت ما قدرت اقول ايه
لأن ابوي قال ان الجماعه جايين اليوم يعني بعد ساعتين بالكثير ,, سمعت صوت انفاسه و هو يلهث " : شوي شوي
هدء اعصابك الدنيا موب طايرة ..
فيصل : انا بالطريق جااايك ..
فهد فتحت عيوني على ااخرها : نعممم .. وين جااي ؟؟
فيصل : القصيم وين يعني ... و قفلت السماعه .. و بإذني كلام متعب ان نجود تبيني ..
نجود تحبني و لا ليه محتفظه بمنديلي و كاتبه حرفي بكل ورقة بمذكراتها .. طمنت نفسي و نا بطريقي ادعي ربي ..
ماتكون لغيري .. وصلت ب3 ساعات .. و احصل فهد ينتظرني .. ركضت له و انا خايف من اللي بيقوله ..
فهد " طالعت فيصل حالته غريبه شفيه كذا قربت له " : يا هلا و الله .. تفضل اقلط ..
فيصل بتردد : تمت الخطبه ؟؟
فهد خذيت نفس : جدته تعرضت لنوبة و ما قدروا يجون و اجلوها لأجل غير مسمى
فيصل بفرحه ضميت فهد بقوة ..
فهد " بغرابه " : فيصل شفيك منت بطبيعي ..
فيصل بسرعه : عمي سعيد صاحي ؟؟
فهد : ايه ..
فيصل : انزين بشوفه .. الحين لا تقولي باكر و لا الصباح رباح .. الحين الحين بكلمه ..
فهد حركت راسي بايجاب ورحت لأبوي و خبرته ان فيصل يبيه و ينتظره بالمجلس ..
جاء ابوي و طلب فيصل منه يد نجود .. وانه يبيها زوجه له على سنة الله و رسوله ..
بو فهد استانس و قال خيرة من الله ان الناس ما جووه بس لزوم يأخذ برأيي البنت قبل ..
اطمن فيصل من هالناحيه بس خايف من نجود .. الله يستر ...
///
///
&& بطريـــــــ مكة جدة ـــــــــــــق &&
ماجد : مشتاقه لهلك ؟؟
مشاعل " لو تدري يا ماجد كثر ماني مشتاقه لهم كثر ماني خايفه من ردة فعلهم .. جوابي لسؤال ماجد كان الصمت
وهو قدر هالشئ و سكت ..
وصلنا جدة و انا قلبي يدق ..
و كل ما نقرب من البيت يدق اكثر .. ماجد مايذكر البيت زين فأشرت له من وين اللفه و الطريق و هو يخبر صاحب
الليموزين ..
الى ان وقف عند باب الفيلا .. مر علي احداث اخر يوم لي من هالفيلا ..
ماجد " فتحت باب السيارة و اناظرها تطلع .. لكنها مثل ما هي بالسيارة ناديتها بس ما سمعتني .. تركتها براحتها اكيد
مشتاقه لهم بقووة لها الحين 5 شهوور من تركتهم .. حاسبت صاحب الليموزين .. و انتظرتها "
مشاعل " فتحت الباب .. و انا استرجع ذكرياتي ..
بابا : الله يوفقك يابنتي .. اللي سويته في مصلحتك .. لا تزعلي مني .. لانك بتدعي لي بعدين ..
ماما : روحه بدوون رجعه .. قولي ااامين ..
هاني : لا تفكري بغيرك دام محد فكر فيكي ..
دانه " تصرخ بصوت عالي " : مشـــــــــــــــاعل لااااا تروحي امااانه .. تكفى ... لا تتركيني .. مالي احد .. مالي احد
مشاعل انا احبــــــــك .. والله بعطيكي كل اللي تبغيه بس لا تسيبيني .. ماااتحمل .. راح اسمع كلامك والله
شيخه اقسم بالله ماعاد اتضارب معاكي .. وكل شئ بتقوليه بسويه .. بس قولي لها ..
لا تتركنيي ماااعند اخت غيرها حتى صديقات ماعندي .. حتى ام ماعندي ..
جرتني ماما لعند الباب وهي تقولي : لعبتي براس الكل حتى دانه.. سحرتيهم .. ياساحرة..
رواء : مشاعل لا تروحي ..
بابا : في أمان الله و حفظه ... مشى للداخل وظليت اناظر في الفراغ ..
تركني بيد ناس اغراب عني .. و كانوا احن علي من هلي ..
خرجت من السيارة و طالعت البيت اللي ضنيت بيوم انه بيتي ..
شعور غريب انك تحس نفسك غريب عن اهلك .. مو مرغوب من اقرب الناس
لقلبك .. و مازال شعوري بالغربه هو هو ما تغير .. بس الحنين لناس اهتموا فيك و ذكريات ..
اذكر يوم دانه صرخت من البلكونه فووق طالعت بالبلكونة صوت صراخها يرن باذني ورجعني للموقف
رفعت رأسي لفوق وشفت منظر قطع قلبي .
كانت دانه وهي قاعده على ركبها وتتوسلني وشكلها مقطعه عمرها من البكى ..
وكانت تتكلم كلام مو سامعه منه شئ وصوتها من كثر البكى مو مسموع..
ماقدرت اتحمل اللي اشووفه .. لا شعورياا جريت للبيت مطنشه الي بالسيارة .. فتحت الباب الرئيسي للفيلا
دخلت وانا بركض .. ماما اعترضت طريقي ..
ماما " بعصبيه : تخرجي دحين وبهالوقت لا والله اخليكي تندمي عاليوم اللي ناديتيني
فيه ماما .. تفهمي ولا افهمك ..
مشاعل ببرود : بشوف دانه وبروح ..
ماكملت كلامي الا مسكتني و جرتني معها لبرى دفتني
و قالت : لا عاد اشوفك طابه هذا المكان وان طبيتي لا انا امك ولا انتي بنتي .. وغاضبه عليكي ليوم االدين ..
ابتسمت ودمعتي بعيني فيها كل الالم من اعز انسانه اللي لها فضل بوجودي بعد ربي بهالدنيا ..
ما فيه امل اتراجع لأن ماجد بيشك بالموضوع ..
قربنا من الباب .. و ضغط على جرس الباب بعد تردد .. ثواني فتح باب الفيلا ..
ماجد " جركات مشاعل غريبه و مربكه يعني احس بشوقها لاهلها و بنفس الوقت تردد
واضح من رجفة يدها و ترددها بالنزول من السيارة .. و دق الجرس ...
للحين احس انها غامضة .. و المشكله صعب انها تتكلم كتومه
و هذا خطأي لأني ما قد سألتها عن أهلها .. وهي اللي تعرف عني كل شئ وش اللي احب و ش اللي يضايقني وش
اللي يريحني و انا ولا شئ " ابتسمت " حتى الالوان اللي احبها تعرفها .. وش الاكله المفضله عندي ..
و انا ولا شئ لكن بعوضها عن كل شئ خلني ارجع الرياض و بفك غمووضها عني ..
مشاعل انفتح الباب و كانت ماريني قدامي شغالتنا ..
ابتسمت لها من تحت اللثمة .. وعانقتها .. استغربت ماريني حركتي و جت بتبعدني و تصرخ لكني شلت الطرحه و
اللثمة ضحكت و عانقتني : ميس ميس ميس ..
مشاعل ضحكت عليها يوم كنت بنت ما تزوجت تقول لي مدام و الحين تقول لي ميس حااله و الله ..
سألتها اذا احد صاحي ؟؟
قالت كالعاده كلهم نايمين مو مثل قبل انا اللي كنت اصحى و اصحي رواء غصب عنها و ماجد وننزل للحديقه صحيح
انها مو مثل مزرعة بابا بو فهد و لا مثل بيوتهم كبيرة بس لها معزة ..
قلت لها اوكي روحي صلحي الغداء و انا بصحيهم .. كل هذا و ماجد يطالعني ..
و قبل لا ندخل مسكت يد ماجد و خذيته لورى الفيلا جهة الحديقه وبابتسامه صادقه اطالع بالحديقه اللي كثرت ورودها
و زرعها خضر و فيه انواع جديدة من الورد .. صرت اضحك و المسها .. قرب ماجد ..
ماجد : دووم يارب هالبسمه و الضحكه ..
مشاعل انتبهت لماجد : يدوم عزك و نبض قلبك يا روحي ..
ماجد " هالبنت ماترحم كلامها يدش القلب من اوسع ابوابه .. مسكت الورده اللي تتأملها مشاعل و قلت " : تحبين
الورد ؟؟
مشاعل : اموووت فيه ..
ماجد بتكشيرة : شعولتي قلنا ما تموتين الا فيني انا و بس .. صح ؟؟
مشاعل بضحكه : صح .. بس جودي صدق احب اتأمل الورد .. احب الوانه احب ريحته احب ازرعه حتى احب معانيه
.. تدري كل وردة لها معنى ..
ماجد : صدق .. هممم .. انزين وش معنى ذا الورد ؟؟
مشاعل وشغلها الشاغل اللي تحبه : فيه انواع للورد و معانيه يعني .. ناس صنفوا معنى الورد بلونه ناس صنفوا معنى
الورد باسمه ..
مثلا اللون : هذا الورد الوردي اللون يدل على البرائه .. وشايف ذاك الابيض يدل على الصفاء و الطهارة و البنفسجي
على الاخلاص .. و الاصفر الغيره و ناس بدول الخارج يقدمون الاصفر للصداقه و الابيض للاعتراف بمشاعرك للطرف
الثاني .. و الاحمر يدل على ..
قاطعتها : الحب .. مثل اللي بقلبي لك ..
ابتسمت على كلام ماجد و قلت : صح .. بس انت مزيج من الاحمر و الاصفر ..
ماجد : ما فهمت ؟؟
مشاعل : يعني انتي صح تحبني بس مررة غيوور ..
ماجد : انزين وش الغلط لاني احبك اغار عليك ..
مشاعل : ولاني امووت فيك احب غيرتك ..
ماجد بضحكه : ياشينك يالنصاابه ..
مشاعل جلست القرفصاء جنب زهرة وقلت لماجد : شايف هالزهرة وش اسمها ؟؟
ماجد : القرنفل ..
مشاعل : شطوور .. هالزهرة معناتها خاب ظني فيك ..
ماجد عقد حواجبه : مالت عليك ما حصلتي غيرها .. انزين هذي وش اسمها وش معناتها ؟؟
مشاعل : شايف هالزهرة تعرف اسمها ؟؟
ماجد : لا .. وش اسمها ؟؟ كأني شفتها بمصر ..
مشاعل : هذي زهرة اللوتس .. معناتها احبك انت ..
ماجد بمرح : يا حبي لك انتي ..
مشاعل : ههههه .. و هذي النرجس معناتها ..انت اناني ..
و هذي الياسمين و معناتها حبك عدواني .. اما زهرة النعناع هذي و اشرت عليها تعني سأظل أحبك دوما و اتذكر
دفء المشاعر ..
ماجد : خلص بزرع تحت بالعمارة شجرة نعناع ...
مشاعل : ههههههههههه ..
ماجد " صدق الشاعر يوم قال : -
من يقول الزين مايكمل حلاه..كل شي في حبيبي اكتمل
الله اللي كملّـه والله عطاه..مابقى للزين في خـلّي محـل..
مشاعل "هناك 3 ازهار حبيتها قبل لا اعرف معناتها اولهم زهرة الجلاديولاس و معناتها حدث ما .. يعني لو ارسلتها
بيوم لك فأعرف ان معناتها طعنتني .. و زهرة الادونيس تعني ذكريات حزينه مؤلمة و زهرة المارغريت الوداع الابدي ..
ماجد ما عجبني معنات الزهور اللي تحبهم : اعوووذ بالله كل اللي تحبيهم معناتهم شين ..
مشاعل " يمكن لأن زمان كانت مشاعري فيها برود و فراغ و الم " : طيب ياحلو انتظرني بصلح لك كافي بيديني ..
ماجد : اوكي ..
مشاعل دخلت البيت و فسخت عباتي كنت لابسه برمودا اسود ماسك و بلوزة اورنج مايله للخربزي طويله تغطي
الارداف و مايله على الكتف كمها يوصل عند الكوع .. و الروج خربزي فاتح بس ما حطيت شئ ثاني الا بلاشر
بخدودي .. ابتسمت لي ماريني و اصرت تصلح هي الكافي بس انا رفضت و قلت لها بصلحه بنفسي و استمتعت و
كأني رجعت ورى بحياتي يوم اصحى الصباح و اصلح لي كافي و لا نسكافيه كابتشينو ميكاتو .. و انزل اسقي الورد ..
رديت لماجد و هو جالس سرحان ..
مشاعل : اللي اخذ عقلك ..
ماجد بتنهيده : هو فيه غيرك ..
شربنا الكافيه و عجب ماجد و قال لي بنشتري منه و اصلح له كل يوم .. استانست ان فيه اشياء يحبها و انا احبها
مع ان شخصيته بعيده عن شخصيتي اقدر اقول اني اكمله و هو يكملني .. قمت اسقي الورد ..
بعدها دخلته المجلس وو قلت : حيا الله حبيب شعووله ..
ماجد : يحيك و يبقيك ..
كملت مشاعل تتأسف : ماعليه يمكن ناموا متأخرين ..
ماجد : انتي اللي مستعجله .. كان زرناهم العصر .. و بعدين ما يصلح نجيهم كذا بدون موعد لو انَّا خبرناهم كان
استعدوا..بس الله يهديك انتي الا راكب راسك الف سيف ..
لما دخلته و جيت اسكرباب المجلس مر ببالي لحظه ما خرجتني ماما من البيت
و دعت علي اذا رجعت .. غمضت عيوني و خذيت نفس .. استأذنته اصحيهم و بكل تفهم سمح لي
و قال لي خذي راحتك .. احلى شئ يوم يكون زوجك انسان متفاهم يارب يدوم هالتفاهم ..
طلعت الدرج و توجهت لحجرتي و حاولت افتحها الا هي مقفله .. استغربت ليش يعني مقفله ..
بعدها توجهت لحجرة رواء فتحت الباب و كالعاده ظلام ... و المكيف مسوي شغله بالجو ..
فتحت الأنوار .. و طفيت المكيف .. و فتحت الستاير .. و هي تحركت من فراشها ..
روااء : ممم .. ياررربي قفلوو النووور ..
مشاعل ضحكت بصوتي و طنشتها ما سكرت الستاير و لا حتى النور و توجهت لتسريحتها و انا اشوف كل مكياجي
اللي اول عندها .. شلت البكلا و بدءت امشط شعري ماحسيت الا باحد يحظني من ظهري و طالعت بالمرايا الا روااء ..
ابتسمت و التفت لها و حضنا بعض فترة مو قصيرة .. رواء بفرحه و دمووع >>> ياكثر دمووعكم ..
: كيف جيتي ؟ و متى جيتي؟ و ليش ما قلتي لي ؟
مشاعل : بسم الله شوي شوي .. اولا جيت بالليموزين ثانيا قبل دقايق وصلت ثالثا لأني أنا نفسي ما كنت ادري بجيتي ..
رواء : كيف يعني ما فهمت ؟؟
مشاعل بخجل اول مرة اقول زوجي قدام رواء فأستحيت : يا حلوة .. زوجي مسويها مفاجأة لي ..
رواء : وااااااااااااااو .. حركتات زوجك .. خطييير ... الا ورد ممم هو زوجك كيف معاكي ؟؟ مريحك ؟؟
مشاعل انبسط على اهتمام رواء البنت مصدقه نفسها كبيرة .. رديت عليها لاني ما حبيت ما اشبع فضولها و ابين
لها انها كبرت و قد المسؤليه ...
مشاعل بصدق : الحمد لله .. اتصلت عليك قبل السفر بس انتي ما تردي .. عموما قلت لشيخه تقولكم ..
رواء : ايووة قالت لي .. الا فينه جوزك ؟؟ " وينه زوجك "
مشاعل : تحت بالمجلس ..
و جلسنا نسولف يجي خمس دقايق .. وهي طول الوقت تمسكني مع يدي وش سالفتهم العالم كلها تمسكني مع يديني
كأني بشرد ..
مشاعل " بتردد " رواء ..
رواء بفرحه : عيوني انتي ..
مشاعل بابتسامه : بروح اشوف بابا و ماما ..
رواء " سكت ما قدرت اقولها عن شيخه لان شكلها مبسوط ما حبيت انكد عليها .. اصلا خلقه بتتنكد
دحين من حركات ياسر و ماجد و ماما ادري فيهم " : اوكي .. "بمرح " اوصلك لغرفتهم يمكن نساكي السنيور ماجد
بيتك ..
مشاعل " هو الخوف مسيطر علي .. اخاف ما ينبسطوا بوجودي .. مدري ليه حسيت نفسي غريبه عن هالبيت
اطالع في بابا غرفة ماما و بابا قبل شهور كنت ادخل بدون هالاضطراب و التوتر سميت بسم الله و طقيت الباب
محد رد اكيد نايمين .. فتحت الباب و رواء تشجعني بابتسامه .. قربت لمهم فتحت نور الابجورة اللي بجنب السرير
و تأملتهم أول من تأملته بابا .. لا شعوريا جلست على ركبي و امسد شعره مثل أول .. و بسته .. خذيت يده التعبانه و
همزتها لانه دوم يشكي منها .. مسكت كفه الدافئ و حطيته على خدي
و بخاطري اناديه و اسولف معه " بابا تسمعني .. ليتك فكرت فيني اني بنتك لا انت على بالك انا اختك ..
كنت شديد معي خفت اصلح مثل عمتي مشاعل .
خفت احب واحد بدوي يبعدني عنك مثل ماراحت عمتي قبل بالنهاية زوجتني ولد اخو اللي تعذبت عشانه عمتي ..
بست يده بشووق و خوف انها تنشال عني .. لحظات بحياتي حسيتك حنون و اياام شفت قساوتك بعيني .. لما احتارت
روحي من اللي اصدق احساسي و لا عيوني .. ما قدرت اتحكم بصوت نحيبي مع انه كان واطي ..
*****************
مين ؟؟ رواء ؟؟ .. فتحت اللمبة الثانيه و شافتني و بانت الصدمة بعيونها ..
ماما بصدمة : مشـ .. مـ .. مشاعل .. انتي ميته ..
مشاعل " بلعة ريقي لما شفتها تناظرني بس اللي خوفني يوم قالت اني ميته ما فهمتها بعدين استوعبت لما قالت لي "
ماما : لا ريحيتيني و انتي عايشه و لا حتى و انتي ميته .. اخوكي و كرهني .. بسببك و دحين بدء يقرب مني تقومي
ترجعي .. برااااا .. ابعدي عننا .. اترككي زوجي و مووتي .. مووتي و ارجعي مكان ما كنتي ميته ميته ..
مشاعل " انصدمت .. ماما تحسبني عمتي .. يعني هي شايفتني مشاعل اخت زوجها مو بنتها حاولت اوقف ما قدرت و
من صوتها قام بابا حسيت بحساسية الموقف ظليت اطالعهم بضياع كلهم .. بابا و ماما ما عمرهم طالعوني اني بنتهم ..
بابا يحسبني اخته و ماما اخت زوجها وش هالحظ .. حاولت ابين انه عادي و متعودة مثل زمان بس هالمرة ما قدرت
لأني ذقت الحب و الحنان من ماجد و ما بغيت شئ غير قربه .. وينك يا ماجد خذني بحضنك خذني .. و بداخلي ..
لا يا مشاعل هذولا امك و ابوكي مهما كان نسيتي طلبتي من ربك في بيته انك تبري والدينك .. رفعت راسي واغتصبت
ابتسامه " : الظاهر ماني على البال .. و لا نسيتوني بنتكم .. " ضمني بابا لصدره رغم كذا حسيت ضمته مو لي
لاخته بس تعلقت فيه الا اني ذراعي فترت من صدره لما شفت نظرة ماما يعني ما تغيرت الا يمكن زادت حقد و السبب
اني خربت عليها بعد ما بدء بابا يحس فيها .. عذر حلوو .. اضحك بداخلي على حالي و احزن على حالها " .. مديته
يدي و سلمت على بابا وجه و قفا كالعادة و على راسه و مديتها اسلم على ماما لكنها ما مدت يدها انحرجت بس يوم
بغيت اسحب يدي مدت يدها يمن خافت من بابا لا يغير معاملته معها .. خبرتهم ان ماجد تحت و بنتغدى عندهم و الحمد
لله استقبلوه بحفااوة .. بابا خذا له شور و راح للمجلس و صحى هاني و ياسر اللي كنت خايفه اقبله يناظرني نظرته
اللي تهز بدني .. شفت هاني و هو خارج نازل للمجلس و حضني بقووة و باين انه فرحان بوجودي .. جلس معايا
يمكن نص ساعه يحكي لي اخر تطوراته بالجانعه و انه باقي له هالترم و يتخرج .. و يبغاني اخطب له .. ضحكت عليه
و الله و كبرنا .. كل هذا و ماجد نايم .. و كل ما ابغى اروح اصحيه رواء تقول لي هي بتروح .. احسها بتمنعني عن
شئ .. و بصراحه ما حبيت اغامر لأنها قبل كذا يوم سفري للقصيم منعتني اروح لماجد و رحت و حصلت ماما سفرته
مع ياسر .. بعدها خرج مع ماما وانا كنت ميتة شوق له .. هذا مو بس اخوي هذا ولدي .. طالعته بحب و فتخت يديني
داايم اسوي له هالحركه .. و بيدي اشرطة سوني كثيرة شريتها له من ايطاليا .. لكنه ما عبرني .. و مشي الى ان مر
من جنبي و بعدها بدون شعور قلت مجودي قلبي شوف ماما شو شرت لك .. اشرطة سوني كثيييرة بس لك انت ..
لكنه قال : انتي مو ماما .. و جري على برى .. طالعت في ماما و قلت بصوتي : الله يسامحك .. الله يسامحك
انا بنتك مو عدوتك .. ليش يا ماما ؟؟؟ ليش ؟؟
ماما : لانك سبب حزني .. انتي سبب كل شئ غلط بحياتي .. حرمتيني من حقوقي .. و تستاهلي اللي يجيكي ..
غمضت عيوين بقهر و رواء تقول لماما بقهر : حرام عليكي يا ماما هذي بنتك .. اول مرة تجينا بعد زواجها تقومي
تقوليلها هذا الكلام كيف تبغيها تجي مرة تانيه .. ارحميها يا ماما ارحميها ..
ماما بعصبيه : ملت اذنك عليا صح ؟؟ لا تخليني يا رواء احطك معاها و اكرهك الثانيه ..
مشاعل احسم الموضوع و بهدؤ يقهر ماما : خلص رواء .. هذي امك و امي .. قاطعتني ماما
ماما : لو تموتي ما اكون امك ..
مشاعل : الله يسامحك .. ونزلت من الدرج لتحت ووقفني صوتها ..
ماما : على فين ان شاء الله خليكي هنا ..
و مدري من وين جاني ياسر و كمل علي مع ماما ...
ياسر بسخريه : اهلين .. اختي الكبيرة المؤدبة عندنا ..
مشاعل حطيت يدي على جبهتي و بنفس الوقت غطيت عيني ما ابغى اشوف احد يعني حتى ما اشتاقوا لي ..
ياسر : ايش اللي ذكرك فينا ؟؟
مشاعل بانصياع جلسنا انا و رواء تحت بالصاله .. ووقت الغدى جاء دخلت المطبخ مع رواء
لولا الله ثم رواء كان انكتمت من هالبيت و خرجت .. غرفنا السلطات و الحلى و المعجنات اللي بالثلاجه خرجتها و
حطيتها بالميكرويف .. و حطيناها على الطاولة .. و اصرت رواء اجلس معاهم و هي بتتغدى لحالها بس انا رفضت
اتصل علي ماجد و بصوت واطئ يكلمني : كذا يعني اهون عليك 3 ساعات ما سمع صوتك ..
مشاعل بابتسامه عذبه من صوته اللي قلقان علي و بهمس عشان رواء قريبه منها : احبك ..
ماجد " حسيت بنغزة بقلبي من كلمتها هي صح كم مرة قالت لي احبك بس هالمرة نغزتني بألم و بهدؤ : شعولتي
ما بتتغدين معي ؟؟ تعرفين ما اعرف اكل بدون ما شفاتك تلمس اكلي ..
مشاعل ببسمه : ما عليه قلبي بس اختي وحيدة يرضيك اتركها بالحالها تاكل ؟؟
ماجد : ابد و الله اجل تغدي معها بالهناء و العافيه ...
مشاعل بس انا ما رضيت انه يحس بنقص و غربه .. فلما دخلوا على غرفة الضيوف و ماجد معهم ابتسمت و هو بعد
حسيته استانس بوجودي ..
بابا " بحنيه " : يا هلااا و الله بحيبتي .. تعالي جنبي .. ابتسمت بخجل و رحت له .. طبعا ما فاتتني نظرت ماما ..
و سخرية ياسر .. لاحظت شئ غريب بعيون مجود اخوي و هو يطالع بجودي .. نظراته نظرات كره و غيرة ..
جلسني بابا بكرسي جنبه .. و انا بصراحه ما كان ودي عشان وعدت رواء اتغدى معها ..
و هاني يقول : يالله حتى و انتي متزوجه يدلعوكي و احنا لنا الله ..
مشاعل بضحكه و دلع : ما استاهل يعني ؟؟
هاني بحب : مين قال انتي تستاهلي كل خير .. كلك بركه .. و مد يدة و باسني .. ناظرت ماجد شفت وجهه تغير ..
معقوله حتى من أخواني يغار .. الله يعنيي عليه .. بعدها خبرتهم ان الغداء جاهز .. قاموا كلهم وواحد وراء الثاني راح
يغسل يده ..
ماجد " قهرتني يوم خلت هاني يبوسها اصلا ماله حق .. لا وهي تتدلع .. و ان كان اخوها مايلمسها " ...
مشاعل " قربت من ماجد و قلت " : شايف ذاك الكرسي اقعد عليه انت ..
ماجد ونا رافع حاجبي اقلدها : لا و الله .. و ليه يا حرمي المصون ؟؟
مشاعل بعفويه تصاحبها بسمه : لأنه كان كرسي انا و الملعقه و الصحن و الكاسه كلها لي انا ..
ماجد ابتسمت " يا حبي لك يا بنت الحضر " ..
مشاعل خرجت لرواء و تغدينا انا و هي بالمطبخ وهي تحكي لي عن المدرسه و ان اولى ثانوي صعبه و حيرتها
بالعلمي و الادبي .. و كيف شهد تغيرت عن اول .. و بالذات لما تقولها عني ..
تقول شهد : انسي مشاعل لما تكوني معايا
استغربت ليش يعني .. هو انا لهالدرجه مو مرغوبه لا ماما و لا ياسر و لا ماجد .. و دحين شهد لا حول و لا قوة الا
بالله ..
تذكرت الطوابع اللي شريتها من روما و عطيت رواء و عطيتها شنطة عجبتني لأني اعرف رواء تموت بالشنط ..
اذن العصر و راح ماجد للمسجد هو و بابا و هاني و ياسر و عطاني علم بمسج على الجوال .. ظليت مع رواء
و بعدها قمان نتوضأ عشان الصلاة .. شوقي لماجد اخوي كبير .. ودي اضمه لصدري و اروي حناني .. خطرت ببالي
فكرة .. و بحماس قمت اسويها دخلت المطبخ و جهز المقادير و جلست اصلح له دونات لأنه يحبها مني و بيتزا و
فطاير و رواء نزلت بعد ما صلت تساعدني و لأول مرة بالتاريخ تساعدني .. على قولتها ما تبغى تضيع دقيقة بدوني
بعد ما اخلص من عجينه اعجن الثانيه .. بعدها غسلت يديني و رحت لحجرته و فتحت السوني و حطيت الاشرطه و
رتبيتها زي زمان يوم كنت العب معاه .. انتظرته .. عد يمكن ربع ساعه دخل و تهللت اساريري .. و ابتسمت له ..
وقلت بكل حب و حنبة بقلب : مجوودي حبيبي .. تعال شوف ايش صلحت لك .. وشلت الصحن ووريته لكنه ما تحرك
من مكانه واقف يطالعني .. تركت الصحن فوق الطاوله و شلت السديهات ووريته هي و قلت : شوف هذا كله شريته
لك من ايطاليا .. شراايك نجربهم .. اليوم بجلس معااك لما الصبح و العب انا و انت و بس ..
مجودي : ما ابغاكي اطلعي برااا ..
مشاعل " جرحني بكلامه بس ما زال عندي امل " : ليش ؟؟ انا ماما ..
مجودي بقهر : لااا .. انتي مو ماما روحي معاه هدااك انت تحوبيه .. ما تحبيني حتى هو اسمه ماجد ..
انتي مو ماما .. حتى صرتي تتكلمي زيه .. روحي برااا .. ما ابغاكي ..
مشاعل " بصدمه .. قربت منه و ضميته بين ذراعي لكنه دفعني بقسووة و ضربني ببضة يده و انا اقاومه و احاول
امسك يدينه و لما نجحت بمسكتي قم ركلني بقدمه و طحت ما حسيتا لا بأحد يقومني لما رفعت
وجهي اطالع مين و دموعي تجري على خدودي انصدمت صدممة اكبر ما حبيتا بدا اتعرض لهالموقف و قدام مين قدام
زوجي قدام ماجد .. شفت قهرة بعينه .. قهره علي و حسيت بالمرارة بلمسته يوم ضغط على زندي بقوووة مسكت يده
و قلت بابتسامه مدري وين جايبتها " : جودي .. انا كنت " وبتلعثم " .. كنت واقفه و اتعنقلت .. ..
مجودي الصغير : كدااااااااااااااابه .. اطلعوا برااا .. انا اكرهك انتي و هو ..
مشاعل " هنا ماجد تركني و مسك مجودي الصغير من يدينه و قرب وجهه منه و قال "
ماجد " اصر عممي بو مشاعل اطلع لمشاعل و و اتفرج على البيت .. استحيت منه لكنه اصر و قال ما عليك رواء
بغرفتها و حسب كلامها مشاعل بغرفة ماجد تلعب معاه و وصلني للممر و قال لي الف يمين و غرفة ماجد بوجهي
و هو راح غرفته يرتاح ساعه و يرجع لي ,, انصدمت لما شفت واحد مثل هالصغير و يمد يده على اخته بكبر امه
قسم بالله بغيت اذبحه قليل الادب ما ربوه هله جاي يمد يده و الله لو انه مهوب بزر لذبحته .. و اللي قهرني مشاعل
تغطي عليه .. و زاد قهري و غضبي يوم كذبت علي تقول انها تعنقلت و الخسيس يقول كذاااابه لكن ما تحملت و
مسكته بعنف بيديني و رفعته لمستواي و قلت من بيب ضروسي " : يكفي يا ماااااجد ..
مجودي يبكي و طفرت دمووعه من عيونه ..انت ما زلت طفل لساتك ما كبرت و لا هذي حركه تسوويها مع اختك اللي
هي اكبر عنك هاااا ؟؟؟
مجودي : انا كبير ..
ماجد : لو كنت كبير كفايه كان احترمت اختك .. الولد المتربي هو اللي ما يمد يده على حرمه و خاصة ان كانت اخته
بمقام امه .. اعتذر منهاا ؟؟؟
مجودي " رفض بقووة و هو يحاول يضرب ماجد و يقوله " : انت السبب .. انت حرااامي .. اخدتهااا بعيد .. انا
اكرهك اكرهكم كلكم .. برااا .. برااا ...
تركته بقسوووة على الارض و طاح جت مشاعل بتقومه لانه طاح مسكتها مع ذراعها و جريتها لبراا ..
وقفت بالممر و ما تحركت تركت يدها و التفت لها شفتها تصيح و هي كاتمه صوتها سكت ..
مشاعل : جودي ..
ماجد " رفعت عيني لها يوم نادتني و لا شعوريا " : لبـــــيـــه ..
مشاعل برجاء و حاجه : خذني لصدرك ..
ماجد خذيتها بقوة بحضني و كأني احتريها تقول لي من اول ...
ماجد بحده : هذا اخوك ما تربى عدل .. قاطعني صوت انثوي قريب لصوت مشاعل ..
رواء : لعلمك كلنا متربين و احسن تربيه .. و اذا على ماجد فتراه متربي و احسن مننا كلنا لأن اللي ربته هي مشاعل
..
مشاعل وخرت راسي عن صدر ماجد و طالعت برواء .. وانا اقولها شفت امك ايش سوت فيني ؟؟ شفتي يارواء ..
فضحنتني قدام زوجي ... جرحتني و قطعت قلبي حرقت قلبي على اخوي و ولدي .. الله يسامحك يا ماما ...
مشاعل تقدمت لرواء و قلت بهمس ونا ماسكه يدها : اعذريني بس بطلع ما اتحمل اكثر .. اهتمي بماما و بابا و ماجد
و اخوانك مهما كان و صار هم الاولى .. اهتمي بدراستك و نفسك و حسك تغلطي بغلطه تندمي عليها .. فكري قبل كل
شئ بأهلك .. احبك يا رواء لولا الله ثم انتي كان يمكن تعبت اكثر .. مع السلامه ضمتني رواء و هي تبكي .. جيت
بمشي ما كان ماجد موجود شكله برا .. لان ياعرفه ما راح يجلس دقيقه .. رحت غرفة بابا و ماما طقيت الباب ..
فتحته ماما .. كشرت و خرجت و قفلت الباب وراها : نعم ؟؟
مشاعل : بسلم على بابا .. قاطعتني
ماما : مو لازم هو نايم ..
مشاعل "بدون نقاش " : طيب سلمي لي عليه .. و مسكت يدها و سلمتهم و راسها .. و توجهت للباب ..
ركبت سيارة الليموزين .. و بدون ما انطق حرف و حتى ماجد .. وقف السيارة و خرج و جاء من جهتي و فتح الباب ..
و بابتسامه كلها حنيه : اميرتي المزيونه تتكرمين تنزلين و لا أنزلك بطريقتي .. رفعت راسي و شفته و تو بس شميت
ريحة اكثر شئ احبه بجدة .. البحر .. ابتسمت لا اراديا و خرجت يدي بيده و توجهنا للبحر ..
مشاعل " بصدق " : شكرااا ..
ماجد "بمرح "" : و لو حنا بالخدمة ..
ظلينا نص ساعه واقفين بعدا مشينا لابعد ما تتخيلوا .. اذن المغرب .. توجهنا للمسجد و صلينا .. بعدها باحرج مو
عارفه كيف بطلب من ماجد يوديني بيت خالتي ..
ماجد " كل شوي تطالعني و كأنها بتقول لي شئ بس مترددة " : شعولتي ..
مشاعل : عيونها ...
ماجد : فديت هالعيون اللي هبلت بي ..
مشاعل : ههههههههههه .. طيب يا نصاااب ..
ماجد : بغيتيني بشئ ؟؟ اامري ترى فرصه وجتك على طبق من ذهب ..
مشاعل : ممم .. جودي اقدر اشوف بنات خالتي من زمان ما شفتهم حتى ان وحده ما حضرت ملكتها .. تكفى ..
ماجد : ابشري .. تعرفين العنوان ..
مشاعل : اكيد و رحنا لها .. وصلني ماجد و قال لي ساعه و ياخذني بالقوة رضي للساعه 9 لان طيارتنا بتكون
الساعه 10 و نص .. فضلت اروح بيت دانه و بعدها نتصل بشيخه لأن ما ابي اشوف اخوانها بطريقي و لا انحرج ..
و هالسبب اللي يمنعني دوم من جيتي لها ..
نزل ماجد معي .. بالعاني ما اتصلت عليها و خبرتها عشان ابغى افاجأها ..
ماجد : ما اشء الله شكلهم عيال عز ..
مشاعل رفعت حواجبي : ولي شان شاء الله بيتنا مو حلو ..
ماجد فهمت قصدها و صححت كلمتها : قصدك بيت ابوك .. الا حلو بس هذا فخم و يعتبر قصر صغير ..
مشاعل : لكنه اصغر من بيتكم بالقصيم ..
ماجد انزين بطمن عليك و ادخلك و بعدها بروح لولد خالتي ..
قاطعته مشاعل : اها هيثم اللي يشتغل بجدة ..
ماجد "باستغراب " : أي هو .. وانتي وش دراك ؟؟
انفتح الباب قبل لا ترد مشاعل .. و ودعته و دخلت و هو يراقبها و قبل لا تدخل قال لها كل ما اتصل رد علي مو مثل
هذيك المرة .. هزت راسها بايجاب ..
مشاعل " الحمد لله ان الباب فتح قبل لا اجاوب .. كانت شغاله بالاستقبال .. استغربت هذي مو نفسها اللي قبل ..
سألتها عن دانه قالت لي انها فوق و سألتني من انتي قلت لها : بطلع لها فوق ..
و انا بالدرج اطالع البيت حولي مثل ما هو كبير و اثاثه غالي بس خالي فاضي مليان فراغ و وحده و سكون ماله فايدة
.. تحركت لحجرتها و دخلتها بدون ما اطق الباب كانت فاضيه و باردة مو من المكيف لا باردة من الوحده و الالم ..
قلبي المني على حالها .. دعيت لها من قلبي ان يرزقها بابن الحلال مثل شيخه و مثلي و يسعدها و يملى حياتها ..
فتحت اللمبة البيضه لأن اللمبه الصفراء كانت مشغله .. و فسخت عبايتي و علقتها .. شفت عبايتها مرميه على الكنبه
و شنطة كبيرة شوي على غير عادة دلوعتي .. توجهت لبلكونتها اللي كانت كبيرة و فيها درج تنزل على الحديقة ..
و اتصلت على شيخه .. لكن جوالها مقفل حاولت كذا مرة بغيت اتصل على البيت بس تراجعت .. اتصل علي ماجد و
خبرته اني بخير .. قفلت منه بعد ما سمعت خطا اقدام التفت و شفتها خارجه من الحمام .. ابتسمت شكلها كانت تتحمم
.. جيتها من وراها بدون ما اتكلم .. بس وقفني صوتها و هي تقول
دانه : ورد .. هذي انتي .. هذا عطرك .. و التفت علي .. و ابتسمت لها .. رمت نفسها بحضني و كأنها بنتي اللي لي
زمن ما شفتها حسيت براااحه كبيرة انها ما تغيرت علي .. ظلينا كذا الا ان دقت الشغاله و جابت لنا كاسات العصير
و حطتهم و استغربت حالنا .. و خرجت .. وانا امسح دموع دانه ...
مشاعل : قلبي بلاها الدموع ..
دانه بضحكه : ههههه .. كنتي تقولي قلبي بلاش الدموع ..
مشاعل : ههههه .. طيب يا فيلسوووفه .. البسي بسرعه عشان لا يصيبك برد و انا بستناكي برا ..
دانه بدلع اعتادته مشاعل : لااااا .. اخاف تروحي ..
مشاعل : هو انا جيت عشان اروح بهالسرعه .. يالله بسرعه البسي ...
خرجت بسرعه .. وانا اضحك عليها مثل ماهي مدلعه و رقيقه .. و فوق هذا متسرعه ..
جلسنا مع بعض برا بالحديقة .. و هي جالسه تحكي لي كل شئ صار و شلون شيخه تركتها وشلون ابتعدت عنها ..
كيف تصادقت مع بنات لعوبات و كيف راحت معاهم و عسلت و كيف تبهدذلت و انا ملامحي تتغير مع كل كلمه و كل
موقف تتعرض له .. و بالنهاية برتني التحاقها بالتحفيظ ما تدرون سعادتي و فرحتي بهالخبر لأنها ما كانت مقتنعه فيه
استانست حدي .. بستها على جبهتها ووخرت شعرها .. لساني ماقدر ينطق بشئ لأن نظرت عيوين وفت بمشاعري ..
تمشينا شوي حول البيت بعدها حاولت اتصل بشيخه لكن نفس الشئ مقفل لايمكنك الاتصال به الان ..
سألتني دانه : على مين تتصلي من اول ؟؟؟
مشاعل : على شيخه مو راضيه ترد من يوم جيت عندك و انا اتصل وهي ما ترد نص ساعه و يجي ماجد ..
دانه تغيرت ملامحي مدري هي من جيت زوجها عشان ياخذها و تبعد عني زي اول و لا عشان لو عرفت عن شيخه
بتزعل .. بس مشاعل مو كذا يمكن تزعل شويا بس بعدين بتقدر الموقف ..
دانه بهدؤ : ورد ..
مشاعل : عيون ورد ..
دانه : تعرفي شيخه الحين سؤله من زوج و مسؤله عنه كمان .. واكيد تحب انها تكون معاكي و معايا ..
ممم .. الاسبوع الماضي تزوجت و دحين هي ببيت زوجها ..
مشاعل بصدمه و ضيق ظليت ساكته بعدها : يعني ما حضرت لا ملكتها و لا حتى زواجها .. جلست على العشب بحزن
..
دانه وقلت كل اللي بقلبي : اقلها يا ورد انتي تزوجتي و ماشاء الله باين زوجك يحبك من اتصالاته و شيخه تزوجت و
منهمكه بزوجها و حياتها اما انا .. لي الله .. بعدن اهم شئ تكون مبسوطه صح و لا لا ء ؟؟
مشاعل " و الله و كبرتي و عقلتي يادندن .. و صرتي انضج من اول " : صح .. الله يرزقك بابن الحلال اللي يحبك و
يصونك و يريح بالك ..
دانه غيرت الموضوع : صح انك مالحقتي لا ملكتها و لا زواجها .. ممم بس عندي فكرة .. شرايك نتصل عليها نخليها
تجي ..
مشاعر بيأس : من اول اتصل و هي و لا على بالها مقفله الجوال ..
دانه : يا ماما تراها امس واصله من مصر تلاقيهم نايمين .. بعدين عندي رقم زوجها نتصل فيه ..
مشاعل : هي سافرت مصر ؟؟
دانه : ايوة شهر عسل .. بالتحديد شرم الشيخ على ما اعتقد بعدين ما قعدوا كثير بس ستة ايام و امس رجعوا بالليل ..
مشاعل : بس اخاف نزعجهم ..
دانه بخبث : ما عليكي اهم شئ نرجع مع بعض و نتجمع و صدقيني شيخه بتفرح ..
مشاعل ورجعت للايام الخوالي : اوكي اتصلي ..
دانه : بتصل بجوالك ..
مشاعل باستفهام : ليش؟؟؟ ليش ماتتصلي بجوالك ؟؟
دانه بضحكه : ههههههههههه لأنه لو شاف رقمي ما بيرد ..
مشاعل و كأني استوعبت و ضحكت : هههههههههههه .. يعني بهدلتيه باتصالاتك ...
دانه : هههههههههه .. و اتصلت على زوجها ورد بسرعه عكس لما اتصل بجوالي مالت عليه ..
دانه بوقار : لو سمحت عطيني شيخه ..
طلال " بسم الله ,,, هذي طبينتي و انا مدري قسم بالله كأنها متقاسمة معاي شيخه اففف " : شيخـــــــــــــــــــــه "
بالعاني صرخت بالسماعه" ..
شيخه : بسم الله بشويش انا جنبك .. ما يحتاج الصراخ ..
طلال حطيت يدي على السماعه عشان لا تسمع : حبيبتي هذي بنت خالتك رجتنا كل شوي تتصل و كملت دحين من رقم
غريب .. حشى مو عرسان زبايل نحنا .. افففف ..
شيخه تضحك : ههههههههه .. جطيت السماعه على اذني : يا دانه شيبتي زوجي قبل لا اتهنى ..
دانه و بصرخه : شيوووووووووووووووووووووووخ .. الحقي الحقي ..
شيخه بفجعه : بسم الله .. دانه فيكي شئ يا بنت اتكلمي ..
دانه : شوف يا تلحقي يا ما تلحقي لأن ورد عندنا يالله نص ساعه و زوجها عندها و قفلت الخط ..
مشاعل : دندونه ايش هالحركات انا قلت البنت نضجت و كبرت بس حركاتك زي ما هي مع شيخه مو قلت لك هي اكبر
منك صح ؟؟
دانه : هههههه .. لو ماسويت كدا ماراح تجي .. و فعلا و لا ثلث ساعه الا هي داخل البيت ..
لو تشوفوا صياح و ضحك بنفس الوقت جلسنا الثلاثي المرح مع بعضنا .. و نضحك الا ان جاء ماجد .. و كلمه زوج
شيخه و عزموا على العشاء طبعا ببيت دانه لعلمكم ام دانه و ابوها مسافرين و اخوها مع اصحابه بالكباين ..
فدانه ما قصرت و هم اعتبروا البيت بيتهم ..
خرجت لهم الهدايا اللي شريتها لهم و كانت خواتم ملونه حلوة .. عجبتني شريت لدانه و شيخه معي .. و عطيت شنطة
شهد لشيخه لأني ظنيت ان شيخه لساتها ببيت اهلها ما تزوجت قلت بعطي شهد بنفسي ..
و بالمثل اشترت شيخه لي و لها و لدانه ثياب رقص من مصر واااو تهبل من قطعتين وحده تغطي الصدر بس و الثانيه
مثل التنورة خفيفه من عند الفخذ لنهاية القدم .. كل الفساتين متشابهة بس الوانها تختلف شيخه فستانها كحلي لأن
زوجها يحب هاللون و انا شرت لي فستان احمر غاامق .. و دانه أسود بصراحه ما اح بالاحمر مرة بس عشان ماجد
يحبه فحبيته بس بصراحه مخجل بشكل استحي البسه .. خطرت ببال شيخه فكرة شرايكم نجربها سوى ..
ههههههههههههههه .. ضحكنا جميع على خبالتنا لبسنا بعد اقناع كبير و انا و دانه مستحيين و بالذات دانه يمكن انا
اخجل بس مو مثل دانه خجووووله .. و جلسنا نعلق على بعض .. و احلى شئ يوم جالسين نغني و
نرقص مع بعض بدون موسيقى و لا اغاني ... ههههه .. ما درينا ان صوتنا عالي لاننا كنا بالصاله و مجلس الحريم
قريب و طبعا طلال و ماجد بمجلس الحريم عشان يكونون قريبين مننا .. اتصل ماجد فيني و طلال بشيخه طبعا ماجد
هزئني على الاصوات و طلال هزء شيخه و دااانه تضحك علينا و احنا نتوعدها و من يوم قفلوا السماعه و مسكنا دانه
و هات يا ضرب وجر شعور .. و رجع دق الجوال و من الخوف سكتنا و رجع دق و اكلنا تهزيئ .. بعدها كنا اكثر هدؤ
.. تعشينا و لبست ملابسي و ودعنا بعض و كان اكثر وحده فينا هدؤ هي دانه انا و برجع الرياض و شيخه بترجع
لبيتها .. دانه اللي بتظل وحدها .. الود ودي لو اخذها معي بس ظروف الحياة و الناس و كل شئ ما يسمح .. لو بيدي
كان طلبت ربي انك تكوني بنتي مو اختي و لا امي ابغاكي بنتي عشان اعوضك عن الحب و الحنان و الوحدة اللي انتي
********************
فيهاا ..
وصلنا طلال و عنا شيخه للمطار ..
ماجد " وصلنا المطار طبعا جيت لمشاعل بالوقت اللي حدته لها بس اصر زوج بنت خالتها و بصراحه رجال كفوا
عزمنا و ذبح لنا ذيحتين .. و جلست اسولف معه بس فجأة سمعنا اصوات عاليه و ضحك و صراخ لا و يغنون بعد قسم
بالله الدم صعد لراسي .. و حتى طلال باين عليه عصب .. اتصل بزوته و انا بزوجتي و هاوشتها..
ماجد : ياللي ما تستحون هذي بالله اصواتكم .. عيب و الله انكم متزوجات .. قفلي .. قفلي السماعه لا ابرك الله بعدوينك
..
تو قفلنا رجع صراخحهم اتصلت اهاوش مرة ثانيه ودي اعرف ليش تغني كم مرة قلت لها ما تغني الا لي انا .. و هم
يرددون وراها .. اففف مقهووور ..
اتصلت عليها خبرها تتجهز عشان نلحق الطيارة ,, ووصلنا طلال بصراحه انحرجت منه وااايد .. و عزمته على
الرياض .. و قال لي ان شاء الله خير .. بالاجازة بيحاول يجي .. ما قدرت اكلم مشاعل لاننا بالسيارة و حتى بالمطار
لأننا تأخرنا .. خلصنا الشنط و الاجراءات و التذاكر و طلعنا و حنا بالجو ..
شفت على شفاتها ابتسامه عذبه ما عرفت معناها .. سبحان الله كل ما تبتسمين يا
مشاعل احس لك ابتسامه تختلف عن الثانيه يوم تتدلعين ابتسامتك غير عن يوم تفرحين و تختلف عن يوم تكذبين
تختلف عن يوم تحزنين حتى بحزنك لك ابتسامه .. ههههه و ان صحتي همبعد تبتسمين يا حلووك ما قدرت اهاوشها
بعد ما شفت فر حتها .. ياترى هالابتسامه ابتسامة شنو ؟؟ فرح و لا شوق و لا حزن و لا فراق .. ودي اعرف اكثر
عنك شعولتي ودي ادخل بداخلك و افك غموضك عني .. ودي افهمك لأجل احبك اكثر من حبي لك ودي احميك من
الكون و الناس و احك بعيوني ياليت بس تكشفين عن اللي بداخلك ليش احس ا نوراك سر مدفون بقلبك خصوصا بعد
ما شفت وجهك ببت هلك ..
دخلنا البيت الساعه 1 بالليل .. و على طول على الفراش حتى ما خذينا شور لأن ورااي دواام باكر الصبح ..
.. بالقووة صحيت الساعه 7 و ثلث اول مرة اصحى متأخر طبعا بعد زواجي دوم مشاعل تصحيني و أصل بدري ..
مشاعل : قلبي .. جودي .. حبيبي اصح ما صلينا الفجر و الدوام بيروح عليك ..
جوودي ..
ماجد : انزين ريومتي .. ثواني بس و الله ..
مشاعل " انصدمت من كلمته و حسيت بقشعريرة تسري بجسمي و كل اوصالي ترجف و باردة ..
ظلت جملته تتردد ببالي
انزين ريومتي ثواني بس ..
ريومتي ..
ريومتي ..
ريومتي ..
؟؟؟؟؟؟؟؟؟؟؟؟؟؟؟؟
يتبع
^^^
تــــــــــــــــــابع
الا ليت البشر مثلـك علـى طبعـك مثـل شـرواك
تغّـيـر حـالـة الدنـيـا وتـزيـل الـهـم مــن كـونـي
صحى و خذا له شور و صلى و خرج الساعه 8 من البيت يعني متأخر ..
خلصت غسيل الملابس بعدها رتبت الحجرة و نفضت غرفة التلفزيون .. و صلحت الغداء و بعدها خذيت شور ..
وخرجت الهدايا و رتبتها على الطاولة يبيلي اشتري أكياس للهدايا .. ابغى اشغل ببالي عن اللي سمعته من ماجد و هو
نايم ..
///
///
&& نجـــــــــــــــــــــــــود &&
يوم خبرني ابوي ما انصدمت ان فيصل بيخطبني لأني كنت حاسه ..
و يمكن من كلام مشاعل اذا جاك لا ترفضينه .. انزين وين كرامتي اللي جرحها .. متزوج
و جاي يخطبني بعد و الله ما اخذ هان كان متزوج موب انا اللي اكون الثانيه ..
مقدر اتخيل انه قد شاشف غيري و حبها .. و تزوجها .. امووت و اعرف منهي اللي خذته مني ؟؟
///
مشااعل " أول وحده خطرت ببالي و بتصل عليها منور .. بشوف شصار عليها .. "
منور : يا هلا و الله بالقاطعه الصايعه .. شهر عسل هااا .. انزين ما باكلكم اقلها تطمنيني عنك ..
مشاعل : ههههههههه .. لو ما استقبلتي مكالمتي بهالمحاضرة الطويله العريضه كان قلت انا غلطانه بالرقم ..
كيفك منورة ؟؟
منيرة : الحمد لله .. اخبارك انتي ؟؟
مشاعل بصدق : الحمد لله تمااااااام التمااام ..
منيرة بمرح : أي والله واااضح .. يا يت وش صلح فيك خالي .. احم احم حنا رجالنا يذوووبوون المرة تذوويب .. بسم
الله عليهم الله يحفظهم ..
مشاعل : قليلة ادددددب ..
منيرة : هههههههههه .. يا زينك يالمؤدبه .. الموووهيم ما قلتي لي شسوويتي .. ابي كل شئ بالتفصيل الممل ..
مشاعل : لا ياقلبي هذي يبيلها قعده .. بعدين تعالي هنا ما خبرتيني .. ممم .. ام زوجك كيفها معك ؟؟
منور بفرحه و صدق : تغييييييييييرت .. تغيرت و الله يا شوشو لو تسمعين و لا تشوفينها ما بتصدقين انها هي نفسها
اللي تهاوشني .. تخيلي يوم ادخل اطبخ تدخل معي و بدون ما اكلمها تجي تذوق من طبخي و تقول لي هو زين بس
يبيله شوية بهار .. حسيتها كأنها بتسولف معي .. ويوم انشب الغداء تمدح بطباخي حتى ان سعود لاحظ ..
و لو قلت لك انها تجلس معي بالصاله و تسولف لي مثل قبل و احسن .. قسم بالله تغيرت مليون بالمية ..
هههههههههه ...
مشاعل بفرحه من كلام منور معقوله كلامي جاب نتيجه : ضحكيني معاك ..
منوور : تدرين وش اللي عملته
مشاعل : ايش ؟؟
منور : هاوشت حرمة الجيران اللي كل شوي وهي عارضه بنتها و تقول لها لا تخربين بيوت الناس لا ربي يبيلك ببيتك ..
مشاعل بعدم تصديق : حلفي ؟؟
منور : و الله ..
مشاعل : طيب من متى ولا حظتي تغيرها ؟؟
منور : من بعد عزيمة امي بأيام ..
مشاعل بابتسامه : اجل مبرووك و الحمد لله ..
منور : الحمد لله .. يالله شوشو بقفل عمتي تناديني ..
مشاعل : الله يديم المحبه يارب .. فمان الله ..
قفلت منها و انا مستانسه بس نغص علي وناستي حكاية فاطمة .. كيف بحلها ؟؟؟ جلست من الساعه 11 الى الساعه
3 و انا افكر .. وين تكون حاطه الفيلم و الصور ؟؟؟
فطوم قالت انها بحثت عن الصور و ماحصلتها بالبيت .. انزين لو مو فيه بالبيت وين تكون فيه ؟؟
يمكن طوم دورتها بغرفتها وهي تكون خاشتها بمكان ثاني يعني بحجرة ثانيه .. طيب لو مو في البيت اكيد عند احد تثق
فيه .. بس هالنوعيه من الناس ما تثق بأحد الا بنفسها .. ياليتني استشرت شيخه .. بس لو قلت لها بتصر انها تعرف
السالفه .. اقول لمين ؟؟ و انا بطبعي لما افكر يا امشي بمهل و انا افكر يا اجلس برواقه .. اول شئ لازم اعرف وين
حاطه الشريط و بعدها يعتمد كيف ناخذه منها .. لو قلت لماجد ممكن ماجد يعصب و يسوي فيها جريمه .. المشكله حتى
لو علمت نجود بتقول لي لزوم نخبر رجال و اكيد بتقول فهد .. و انا بالذات ما ابغى فهد يعرف عشان فطوم لا تتحطم ..
طيب لو خبرت منور .. بتسوي للبندري فضيحه .. يعني لازم اتصرف بنفسي .. خلص انا بتصرف ..
اول خطوة كيف ادخل بيت البندري .. حسب علمي انها ساكنه مع عمة حفصه .. حلوو بطلب من ماجد نزور عمة
حفصه .. الا هي وين ساكنه ؟؟ .. اكيد بالرياض .. يبيلي ازورها بوقت البندري ما تكون فيه و كمان يكون معي ماجد
و احاول ان منور و نجود و اصيل و البنات يكونون فيه عشان لا يحسون باختفائي .. طيب بتفق مع فطوم كيف ؟؟ ما
عندي رقمها .. لو طلبته من منور و لا نجود بيستغربوا لأنهم يعرفون ان فاطمه ما تطيقني .. اكلم ماجد نزور منور
عشان الهدايا و منه اخذ منها الرقم و بعدها اقوله نزور عمه حفصه عشان الهدية و اختار وقت تكون البندري برا و
بتساعدني فطوم و تعلمني متى تكون البندري برى .. حلو كذا بكون رتبت افكاري .. اذن العصر ابتسمت و كأن ربي
يوافقني على رأيي .. توضيت و صليت انتظرت ماجد ..
بعد الغداء .. صلحت شاي بالنعناع تو ماجد شرى النعناع .. و صلحت حلى بالبسكويت مع القشطه ..
مشاعل اشر لي ماجد اجلس بقربه و خذا مني الشاي و جلست و هو يصب و انا اقطع الحلى ..
ماجد : تسلم يدينك قلبي .. غداء معتبر ..
مشاعل : هناء و عافيه .. و ربي يسلمك .. "بتردد " جودي ..
ماجد : عيوونه ..
مشاعل عطيته صحن الحلى : متى نوح نسلم على منيرة و نعطيها الهدايا ؟؟
ماجد ونا ارشف من الشاي : متى ما بغيتي ..
مشاعل بابتسامه حلوة : اوكي اليوم اتقنا ..
ماجد : ان شاء الله شرايك بعد المغرب اصلي المغرب بالمسجد و اتصل عليك تكونين جاهزة ..
مشاعل : تــم ..
جلسنا على التلفزيون و ماجد ملاحظ اني مشغوله بافكاري ..
ماجد " حسيتها سرحانه بشئ ,, وعدت نفسي من يوم كنا بايطاليا اني بكتشفتها و بكتشف هالغموض اللي يلفها "
: شعولتي .. " ما ردت تأكدت انها مو معي , ما احب ان بالها يروح بعيد عني , بصوت اعلى من قبل " : مشـــاعل ..
مشاعل خرعني : بسم الله ماجد انا جنبك ليش تصرخ ؟؟
ماجد رافع حاجبه : اللي اخذ عقلك .. لا تقولين انا ..
مشاعل " ما عرفت اصرف بالنهاية قلت شئ مثل وجهي " : في ضئ و ضياء تتوقع تعجبهم الهدية ؟؟
ماجد "بسخريه " : الحين هذا اللي ماخذك عني .. قسم بالله هذا الضياء موبهين ..
مشاعل : ههههههههه .. طالع عليك ..
ماجد : اعوذ بالله اذا هذا يشبه لي .. ما غير مشابه امه ..
مشاعل : و الله العظيم حركاته كأنك انت .. نفس الجاذبيه ونفس الحركات و نفس الشقاوة ..
ماجد : نعم نعم انا شقي .. شوفي اذا على الجاذبيه و الحركات " و بغرور " ايه اصدق بس مو مثلي ماخذ مني .. لكن
اني شقي فلاا هو ابليس بكبره ..
مشاعل : حراام عليك جوودي .. و الله صغير .. لساته نونو ..
ماجد بحالميه قرب ومسك وجهي بين يدينه و قال : تدرين شعوله انا ما اكره الاطفال و لا ابهم بعد لأنهم يأذون
مشاعل جيت برد لكنه حطه اصبعه السبابه و الوسطى على شفاتي بمعنى اسكتي و كمل "
ماجد : لكن الحين ابي طفل لي منك انتي ..
مشاعل " خجلت من قلب و حسيت بخدودي تحترق من الخجل و الحياء ": ...
ماجد " بستها بخدودها المحمرة و قلت بأذنها " : خاطري ببنت ..
مشاعل نزلت راسي و قلت بهمس : بس انا ابي ولد ..
ماجد : لا بنت ..
مشاعل بعفويه : وش بنسميها ؟؟
ماجد بعفويه و صدق : الـــــريم ...
رن جوال ماجد بهاللحظه و قام لحجرة النوم يشوف مين ..
مــاجد : هلا فهد ..
فهد : الحمد لله على السلامه ..
ماجد : الله يسلمك .. اخبارك ؟
فهد : الحمد لله .ز و ليه ما خبرتني كان جيت خذتك ؟
ماجد : تسلم بو سعيد .. ما يحتاج .. بعدين وصلنا متأخرين .. ووينك فيه ؟؟
فهد : بالرياض .. لكن عندي لك خبر بمليون ..
ماجد : هههههههه .. فاتح حراج يا خوك .. فلست انت و لا شلون ..
فهد : هههههههه ايه و ببيعك بالمزاد .. يالله من يشتريك يا ماجد ؟؟
ماجد اول جوا بخطر على بالي : من غيرها مشــاعل ..
فهد " سسكت ما عرفت ارد يتغزل فيها قدامي و هذا حقه " : عموما متى ناوي تطلع القصيم لأن ابوي بيوفنا بأقرب
وقت ..
ماجد : انزين وراي دوام بعدين مقدر اترك زوجتي بالحالها ..
فهد : ومن قال اتركها و اذ على الدوام باخر الاسبوع اطلع ..
ماجد "بضيق " : ما تذكر اخر مرة يوم مشكلة متعب وش قالوا ما خلوا شئ الا و قالوه و انا ما ابي اغلط عليهم
الا زوجتي محد يمسها بكلمه ..
فهد " استانست على محامته لمشاعل و حبه الواضح لها و بنفس الوقت تقطع قلبي اللي يميل لها "
: قلت لك ما عليك .. تراها اختنا و بنتنا و محد بيقول شئ ..
ماجد : انزين يوم الاربعاء بالليل بطلع .. الا وش هو الخبر اللي بمليوون ؟؟
فهد : نجود انخطبت ..
ماجد بفرحه :.. ومنه والي تقدم لها ؟
فهد : فيصل خويي ..
ماجد زادت فرحتي لأنه اصل و فصل و نسب و عنده فيلا كبيرة ورثها من ابوه و الحين يشتغل مع فهد و شرى سيارة
و اخلاقه حميدة و رجال يصوون .. : صدق بالمبارك ..
فهد : وووين تبارك الله يهديك و اختك كشتها بوجهي ما تبيه ..
ماجد عقدت حواجبي : و ليش ؟؟
فهد : لأنه متزوج ..
قاطعه ماجد : فيصل متزوج و له عين يخطب نجود ؟؟
فهد : بو نواف فيصل صح تزوج بس الحين لا ..
ماجد : ما فهمت شلون متزوج و الحين لا .. لا يكون مطلق زوجته ؟؟
فهد : لا .. زوجته توفت ..
ماجد سكت مصدوم : ..
فهد : يالله بقفل و انت تعال لا تنسى بنقنعها اختك هذي راسها يابس .. و فيصل ما ييتعوض ..
ماجد : انزين يكون خير يالله فمان الله
فهد : ياهلا ..
///
بعد صلاة المغرب توجهنا لبيت منور و أعطى جودي خبر لسعود على جيتنا .. و استقبلونا بحفااوة
ام سعود مضيافه بشكل حلووو ... و منور مستانسه و اشوفهم متوافقين مع بعض استانست
ام سعود تعلق على عيال اليوم بسبت حركات ضياء كل شوي رايح جاي يبوسني و انا اضحك عليه و يجيبلي سيارته
اللي تتحرك بالريمود بكرتونها و يقول هذي هدية لك .. استانست عليه و ضحكت ..
لأني اتخيل ماجد يشوفه وش بيسوي ... اكيد بيذبحه .. ههههههههههههههه ..
يا حبي لضياء و جودي و كل شئ يخصه .. قامت منور تودي القهوة لقسم الرجال ..
و حطت ام سعود كفها على كفي و قالت : الله يبارك فيك يمــة .. نورتي دربي الله ينور دروبك ..
مشاعل ابتسمت بصدق و فرح من دعائها و امنت بقلبي عسى ربي يسعدنا اجمعين ..
جهز العشاء و كلهم راحوا للحجرة الثانيه و انا استغليت الفرصه و خذيت جوال منور و دخلت اكرمكم الله الحمام
و جلست ابحث عن اسم فاطمة لقيت شخصين بهالاسم خذيتهم الاثنين ما فيه مشكله بجرب أي وحده فيهم ..
بعدها انضميت لهم و انا خايفه من الجاي .. صلحت منور الشاي .. و انا عطيت ضئ و ضياء اللي شريته لهم
من ألعاب و عطيت منور من الاكسسوار الزجاجي اللي شريته و ام سعود شال فيراني روووعه .. خذيته لها و لماما ام
فهد .. خطر ببالي اشتري لماما بس كنت متأكدة انها بتتمسخر علي فبطلت و ما شريت .. استأذنا على الساعه 9و نص
بعدها روحنا البيت .. خذيت ثوب ماجد و بليته بالموية الحارة .. عشان اغسله باكر و شماغه .. ..
مــاجد "نعسان و ابي انام هذي ليه ماجت " : شعووووووووووله ..
: ....
ماجد "بصوت عالي و صراخ " : مشــــــــــــــــــــاعل .. ابــــــــــــــــي ارقـــــــــــــــد ..
مشاعل " شغلت الغساله و حطيت فيها الصابون و حطيت ملابسي ما حسيتا لا باحد ماسكني مع بطاني من وراي و
رافعني لفوق .. ولا شعوريا خبطه برجلي من وراي تركني و طحت على الارض و هو يتأوه " ..
ماجد " من اول اناديها ما ترد رحت اشووف شلي شاغلعا عني عرفت انها ما سمعتني لأن صوت الغساله مزعج
مسكتها مع بطنها و شلتها اخذها معي بس الحومااارة خبطتني في ........... آلمتني ..
مشاعل بخوف : جودي تعورت .. ؟؟ جودي و الله اسفه ما كنت احسب كانت .. بعدينن خرعتني ..
ليش ما ناديتني و لا تجيني فجأة كذا و تخوفني ..
ماجد بقهر : من ساعه اناديك بس انتي ما تسمعين بسبت هالزفت خبط الغساله برجلي و تعورت مسكت رجلي .. اااااخ
..
مشاعل " ضحكني " : هههههههههههههههههههه هههههههههههههههههههههههههههههههههه ههههههه ه ههه ..
ماجد " انا اتالم و هي تضحك .. ابتسمت على صوت حكها كأنها أرنب .. يا حلو ألمي إن كان يضحكها و يسعدها ..
أحيان أظن اني تزوجت طفله و أحيان أم و أحيان عاشقه و إمرأة بمعنى الكلمة , بحب " : ماتبين ترقديني ؟؟
مشاعل : ممم .. من عيوني .. بس اخلص هاللفه و الحقك ..
ماجد بعناد : لا .. الحين ابي ارقد .. يالله ..
مشاعل : جوودي بلااش عناد يالله قدامي .. شوي و ارد ..
ماجد : لااااا و شلتها للحجرة و هي تحاول تنزل ...
مشاعل : بس هاللفه ماجد تكفى لو خرج لون البلوزة بتشتري لي جديدة ..
ماجد و انا احطها على السرير : اوكي اتفقنا بشتري لك جديدة .. و انضميت لها و ضميتها لصدري و نمت براحه ..
مشاعل " ما قدرت أنام و انا افكر بفطوم و مشكلتها , ماجد نام و المشكله ما اقدر افك يده لأنه لاف علي بقوة لازم
اكلمها و مو قادرة اتحمل لبكرة .. بالقووة فكيته عني و هو يتحرك يمين يسار . .. خرجت من الحجرة للمطبخ و
بصوت واطئ دقيت الرقم الاول و انتظر احد يرد لكن ما من مجيب و ماسمعت الا صوت ماجد ..
ماجد بصوت نعسان : ووينك ؟؟
مشاعل قسم بالله مع الخوف بغي الجوال يطيح من يديني .. الحمد لله اني ما فتحت اللمبه بلعت ريقي : عطشانه قلت
اشرب ماي .. بغيت شئ ؟
ماجد : ما حسيت بوجودك جنبي قمت ادورك .. مرة ثانيه ان بغيتي تشربين ماي علميني و لا خلص من اليوم تحطين
كاس هماي عند السرير ..
مشاعل : ان شاء الله .. رح انت و بجيك ..
ماجد : لا امشي معي ..
مشاعل " اعرفه عنيد خبيت الجوال بمطاط سروال البجامه و مشيت معه .. حمدت ربي انه ما انتبه و حطيت راسي
و قررت باكر ان شاء الله لا راح الدوام يكون خير " ..
ماجد : قلبي ..
مشاعل " كنت مستعدة للنوم " : لبيـــه .. يا عيوني ..
ماجد " دفنت خشمي براسها و شميته " : نجود جاها خطاب ..
مشاعل " كنت مغمضة عيوني بس من يوم قال لي على نجود فتحتها بقوة و بفرحه و خرت عنه " : قول و الله ..
ماجد " خذيت راسها من جديد " : و الله .. اكذب عليك يعني ..
مشاعل : متى و كيف و لي ما قلت لي ؟؟
ماجد بابتسامه : امس تذكرين كنت اكلمك و جاني اتصال هذاك فهد اتصل يعلمني ..
مشاعل : حلوو .. طيب عطيتوهم الجواب و لا باقي ؟؟
ماجد : لا باقي ..
مشاعل : و ليش ما عطيتوهم ؟؟
ماجد : اولا جاها اثنين ..
مشاعل قاطعته باستفهام : اثنين ؟؟ منو ؟؟
ماجد : ناس كانو جيراننا بالقصيم و شافوها بعرس اعجبتهم ..
مشاعل " بسرعه " : طيب و الثاني منو ؟؟
ماجد : شعوله بلاك اتعديتي من منور .. خليني اكمل ..
مشاعل "بخضوع " : طيب كمل ..
ماجد : الثاني واحد خويي فهد من صغرهم ويا بعض و انا بعد اعرفه خويي بعد و احترمه ..
مشاعل " مدري ليه حسيت انه ممكن يكون .. " : وش اسمه ؟؟
ماجد " و النوم دق بابه من جديد " : ايه فيصل من غيره .. و نــام ..
مشاعل " بصراحه مدري ليه استانست و ابدا ما حسيت بصدمه كنت حاسه انه يحبها مع اني ما شفته
بس قلبي يقول لي .. فحت لها بقلبي .. كل شئ الحمد لله تمام بس تنحل مشكله فطوم و بكذا كلنا بنكون عايشين بسلام "
>>>> يا حليليك يا شعوله تحسبين الدنيا كذاذ و لا الناس اللي فيها يحبون السلام مثلك .. مو كل الاصابع سوا
///
///
ثـــــاني يوم الساعه 10 صباحه و ماجد في الدوام بغيت اتصل اول ما طلع بس خفت يرد و يشوفني و بعدين اخاف
اتصل و محد يرد .. بعدها اتصلت الساعه 11 .. بالبدايه محد رد .. اتصلت على الرقم الثاني و ردت علي وحده صوتها
ابدا مو صوت فاطمه .. تأسفت منها و قفلت ..تأكدت ان الرقم الاول هو رقمها فكرت ارسل لها رساله يمكن تكون مثلي
ما ترد على الارقام الغريبه .. كتبت بالرساله انا مشاعل ردي علي .. بعدها بربع ساعه اتصلت علي بس صوتها كان
يرجف و لا كيف ما فهمت سألتها اذا فيها شئ قالت لا و لاشئ ..
خبرتها بخطتي .. سكت بعدين قالت زين .. طلبت منها تعرف متى البندري تطلع من البيت .. قالت اوكي و قفلت ..
مدري ليش حسيتها تبغاني اقفل بسرعه .. و بعد يوم من اتصالي لها اتصلت تخبرني تعالي بكرا البندري بتكون برا
البيت و قالت انها بتكون معايا .. استانست .. حسيت ماله داعي احد يكون فيه .. كلمت ماجد لي شما نزور العمة
حفصه يقول ايه و الله من رجعنا من شهر العسل و قبلها ما زرتها قا خلص اوكي الساعه 5 بنروح لها ..
وصلنا بيت العمه حفصه ما كان كبير بيتها صغير مقارنه ببيت بابا بو فهد و ام سعود . ..
كنت اتسلح بالدعاء ان ربي ييسر لي امري و احصل هالشريط اللي ذالتنا به الاخت البندري ..
اااه لو احصله بس ..
///
///
العمه حفصه : يالله حيييهم .. ياهلا و الله بالعرووووس ..
مشاعل بحيا : يا هلا فيك عمتي ..
ماجد سلمت على راس العمة و قلت عمه بروح مجلس الرجال انزين ..
العمه حفصه : يمــة اجلس هني ما له داعي مجلس الرجال ..
ماجد : يمه خلي البنات ياخذون راحتهم ..
العمه حفصه : يا ولدي البندري مهيب فيه راحت لبنات عمك .. سلمان ..
ماجد : انزين اجل بجلس عندكم .. جلست شووي و بعدها سألت العمه على المطبخ سألتني وش ابي فيه
خبرتها ابي ماي .. جت تنادي الشغاله بس قلت لها لا انا بجيبه و رحت للمطبخ و اتصلت بفاطمه اللي قالت لي انها
عند الباب .. صادف خروجي من المطبخ دق الجرس فراحت الشغاله تفتح الباب .. استانست يوم شفت فاطمة بس هي
باين عليها انها موبطبيعيه ..
ماجد : يمة بجلس بالمجلس تعالي معي ..
فاطمه بسرعه : ما يحتاج بطلع انا و مشاعل فوق بحجة البندر يو انتم تموا هني ..
العمه : شورك و هداية الله , ونا رجولي ما عاد تحملني يا يمة روحوا و برسل لكم القهوة ..
طلعنا و من يوم دخلنا الحجرة و حنا نفتش بها .. و سألت فطوم ليش تأخرت و وش فيها شكلها مو طبيعي قالت لي و
لا شئ بس خايفه ..
مشاعل " ما اقنعتني اجابتها بس طنشت و كملنا ندور و دخلنا حجرة التلفزيون و كل غرفة موجودة بالدور اللي فوق
يحق لها تسوي اللي تبيه دام العمه تحت و هي فوق مو بداريه عن بنت عمتها شو تسوي .. خطر ببالي شئ
ركضت بسرعه لحجرة البندري و شفت فطوم اخترعت لما دخلت و طاح من يدها الجوال .. ما اهتميت
و فتحت الكمبيوتر الموجود بحجرتها .. انقهرت لأنه مقفل بباسورد .. ياربي وش ممكن يكون سألت فطوم و هي تقول
ما تدري .. بالنهايه حسيتا ني يأست لكن لحظه لحظه .. و كتبت بالعربي ما مشى ,, كتبت بالانجليزي فهد و فتح معي
استانست .. فتحت الملفات و كل شئ ما حصلت شئ ..
بالنهاية فتحت على خيارات المجلد و اخترت اظهار كافة المجلدات المخفية .. و شفت المجلدات
المخفيه كلها ظهرت .. قشعر جسمي من المقاطع الموجودة بس اضطريت افتحها عشان اشوف أي وحده منهم
و حسيت باللعاب .. و الغثيان وععععععع .. بعدها ما قدرت اكمل باقي مقاطع كثيرة و الوقت ما يسعفني بالاخير شفت
مجلد اسمه لعيونك يا فهد كل شئ يهون .. فتحته بسرعه وشفت صور لــي المشكله صورة وجهي و باقي الجسم مو
لي و الله مو لي .. ارتعبت و ما حسيتا لا بالباب ينفتح ...
///
///
مـــاجد " رن جوالي و كان فهد رفعته " : هلا و الله ..
فهد : ووينك يا رجال ؟؟ ملااان ..
ماجد : عند امي حفصه ..
فهد : ياخوي ارسي لك على بر امك و لا عمتك ..
ماجد : تستهبل انت ويا وجهك .. و بعدين اذا ملان تعال عندنا .. ايه صح انت بالقصيم ..
فهد : لا رجعت امس .. و بيوم الاربعاء بتطلع معي القصيم ..
ماجد : ان شاء الله ..
العمه : تكلم منو ؟؟
ماجد : هذا فهد ..
العمه : قول له خله يجينا من زمان ما شفته ..
فهد " سمع كلام العمه" : قول لها مسافة الطريق ..
دخل فهد و سلم عليهم و جلس و جالسين يسولفون و يتقهوون ..
بعدها قمت اشتري العشاء .. لان فهد تو جاء و علمت عمتي تقول لمشاعل و هي نست ..
///
///
&& شـــــهـــــــــــــــــــــــد &&
جابت لي شيخه هدية من مشاعل .. انحرجت من نفسي و ظليت ابكي معقوله ما تكون عرفت بحكاية الرساله
لا ما اعتقد .. اصلا لو عرفت ما بطيقني و بعدين حتى لو عرفت هي ايش دراها انه انا اللي حطيتها ..
بس مستحيل تفكر بشيخه .. لأنها تثق فيها ثقة عمياء .. يالله ما استاهل ..
///
///
///
&& مشـــاعل &&
انفتح الباب و كانت البندري و بضحكة شيطانيه : للحين جالسه تبحثين .. عسى بس ما لقيتي شئ ..
مشاعل بقهر : يعني ما استغربتي وجودي .. شلي دراك اني جالسه افتش ؟؟ شفتها تطالع فاطمه ..
الحين بس فهمت رعب فاطمه و ارتاكها و الجوال الل يبيدها يعني كانت تعلم البندر ييعن يما فيه شريط و لا شئ اجل
ليش هالحركات مو فاهمه شئ ..
طالعت فاطمه بغرابه : يعني حكاية الشرط كانت كذبه ..
البندري : لا لا .. ابدا من قال ما فيه شريط فيه .. بس للاسف يوم ارسلتي ذاك اليوم الصباح رساله لفطوم
انا فتحتها و شفتها عرفت بالسالفه ان .. و بالتهديد كل شئ يكون سهل و هذا اللي معروف عن فطوم
خوافه .. و اتفقت معاها عليك و لا اوري اخوانها الشريط و بيذبحونها ..
فاطمه تصيح بصمت ..
مشاعل بصدمه : يعني انتي كنتي تعطينها خبر لكل شئ اسويه .. الحين هذا كله اسويه لمنو .. مهوب لك
ضيعتي نفسك مرة و ما سمعتي شورا خوانك و لا مرة اخوك و اليوم مرة ثانيه ضيعتي نفسك ..
و التفت على الكمبيوتر و حطيت ديليت و شفت للمجلد بكبره و جت البندري تمنعني مسكت يدها بقووة
و جرتني مع ذراعي عشان توصل للكمبيوتر بس انا مع المي لكني قاومت و جريتها بقووووة و هي صرخت
ااااااااااااااااااااااااااااااااااااه ..
///
///
///
&& فهــــــــــــــــد &&
خرج ماجد يشتري العشاء و ظليت مع عمتي الا صوت صراخ فقع اذني .. و عمتي مسكينه خافت
قالت لي اجري يا فهد شوف شلي صار .. اول ما خطر ببالي يكون مشاعل صار لها شئ
انقبض قلبي .. طلعت اسابق الريح .. و سمعت صوت هواش و صراخ البنات وقفت عند الباب
و طقيته : بنات شصاار ؟؟؟
فاطمه "و انا بعيد عن مشاعل و البندري اصيح ارتعبت من صوت فهد و قلت بصوتي" : فهد ..
مشاعل سمعنا صوت رجال يقول : بناتت شصاار , و شفت البندري قلب وجهها الواان و فاطمه تقول فهد
قمت وخرتها عني و رميت طرحتي على وجهي و بصوتي قلت : فهــــد الحق علي ..
^^^
الحلقة التاسعة و الثلاثون : -
المقطع الثاني و الأخير ....
/// ما قبل الأخير ///
"" رســـــ العاشق الولهـــان ـــــــــــلة ""
تدري إني موت أحبك .... وان مالي غير حبك
واللي ينبض في ضلوعي .... ما هو قلبي هذا قلبك
تدري يا فرحي وهمي .... من كثر مانت في دمي
كل ما تنظرك عيني ....عيني من عيني تسمي
*****************
مشـــاعل &&
انفتح الباب و كانت البندري و بضحكة شيطانيه : للحين جالسه تبحثين .. عسى بس ما لقيتي شئ ..
مشاعل بقهر : يعني ما استغربتي وجودي .. شلي دراك اني جالسه افتش ؟؟ شفتها تطالع فاطمه ..
الحين بس فهمت رعب فاطمه و ارتباكها و الجوال اللي يبيدها يعني كانت تعلم البندري يعني ما فيه شريط و لا شئ
اجل ليش هالحركات مو فاهمه شئ ..
طالعت فاطمه بغرابه : يعني حكاية الشريط كانت كذبه ..
البندري : لا لا .. ابدا من قال ما فيه شريط فيه .. بس للاسف يوم ارسلتي ذاك اليوم الصباح رساله لفطوم
انا فتحتها و شفتها عرفت بالسالفه ان .. و بالتهديد كل شئ يكون سهل و هذا اللي معروف عن فطوم
خوافه .. و اتفقت معاها عليك و لا ارسل لاخوانها الشريط و بيذبحونها ..
فاطمه تصيح بصمت ..
مشاعل بصدمه : يعني انتي كنتي تعطينها خبر لكل شئ اسويه .. الحين هذا كله اسويه لمنو .. مهوب لك
ضيعتي نفسك مرة و ما سمعتي شور اخوانك و لا مرة اخوك و اليوم مرة ثانيه ضيعتي نفسك ..
و التفت على الكمبيوتر و حطيت ديليت و شفت للمجلد بكبره و جت البندري تمنعني مسكت يدها بقووة
و جرتني مع ذراعي عشان توصل للكمبيوتر بس انا مع ألمي لكني قاومت و جريتها بقووووة و هي صرخت
ااااااااااااااااااااااااااااااااااااه ..
///
///
///
&& فهــــــــــــــــد &&
خرج ماجد يشتري العشاء و ظليت مع عمتي الا صوت صراخ فقع اذني .. و عمتي مسكينه خافت
قالت لي اجري يا فهد شوف شلي صار .. اول ما خطر ببالي يكون مشاعل صار لها شئ
انقبض قلبي .. طلعت اسابق الريح .. و سمعت صوت هواش و صراخ البنات وقفت عند الباب
و طقيته : بنات شصاار ؟؟؟
فاطمه "و انا بعيد عن مشاعل و البندري اصيح ارتعبت من صوت فهد و قلت بصوتي" : فهد ..
مشاعل سمعنا صوت رجال يقول : بناتت شصاار, و شفت البندري قلب وجهها الواان
و فاطمه تقول : فهد ...
قمت وخرتها عني و رميت طرحتي على وجهي و بصوتي قلت : فهــــد الحق علي ..
فهـــــد "ارتعبت اوصالي من سمعت صوتها تناشدني طلبتني بالاسم ,, دخلت بسرعه و شفتها واقفه عند الكمبيوتر و
قدامها على ما اظن البندري اعرفها بعباتها و وحده عند السرير من هذي .. طالعتهم مستغرب يعني ما صار شئ اجل
ليش صارخت و كأن بها شئ ..
فهد : شلي صار ؟؟ ليش الصراخ ؟؟ " سمعت صوت صياح اطالع و ادور من منهم تصيح معقوله مشاعل "
مشاعل " دخل فهد .. استانست على دخوله لدرجه محد يتصورها اقلها امسح البلى اللي موجود
و واضح من حركة البندري وامتناعها لي من حذف الصور ان هذي بس النسخه اللي عندها باقي مقطع فطوم كيف
اعرف اذا كان بالمجلد .. طنشت كل الموجودين بما فيهم فهد و خذيت الماوس ابحث .. و كتبت فاطمة ما طلع شئ ..
قربت مني البندري و و بعدتني بقووة ..
مشاعل طالعت فيها و بقهر قلت : و خري عني يالوسخـــــــه .. و ما حسيت الا بكف رماني بالارض ..
و اللي خلاني ارفع نظري صوت كف ثاني اقوى من صوت الكف اللي صابني ..
&& فهـــد &&
ما انكر دهشتي بالاول من الصراخ بعدها صوت مشاعل يناديني و الحين الصمت و بعدها تركتنا جميع و اتجهت
للكمبيوتر مدري شلي تسويه ؟؟ و اللي صدمني الكف اللي خذته .. و لا ارديا عطيتها كف .. اجل تعطيها كف
بحضوري ,, و هي ما صلحت شئ ما عاش من يمد يده عليها من ما كان .. لكن رغم كل هذا وقفت مشاعل و رجعت
للكمبيوتر ..
ادهشني موقفها .. شلي بالجهاز يخليها تهرع له ..
البندري " بألم و قهر ": تضربني لأجل هالزباااااااااله.. ما تسوى ريالين .. كثيره عليها ..
فهد "صابني توترر و غضب ما عرفت اركز بشئ ,, لكن حاولت ادارك الموقف و ببرود " : احترمي ألفاظك ..
مشـــاعل " حصلته .. ابتسمت بانتصار حصلت المقطع .. قبل لا احذفه طالعت البندري و قلت " :
ما بهنيك بعذاب غيرك ابد .. و هذي ضغطه تنهي تهديداتك كلها .. و ضغطت على ديليت و شيفت ..
فهــد " وش اللي تقوله .. ما فهمت .. تهديد عذاب .. التفت للجهاز اللي كان قريب مني و طالعت قبل لا تحذفه مشاعل
كان مقطع فيديو و هذا واضح من البرنامج و مكتوب عليه جاري حذف هلاك فاطمة ..
البندري " بصراخ " : اتركي الجهاز لااااا ..
و جت بتمسك يد مشاعل بعدتها عن مشاعل مع اني موب عارف شلي يصير
و هي تضربني و تقول : اتركني .. انا اعرف انك تحبهااا .. و الله لأذبحهاا .. و الله لا اذبحها ..
فهد " ظليت مصنم من كلامها .. يعني انا مفضوح لهالدرجه بالاول فيصل و الحين البندري "
: ســــكتـــي .. لا اسكك بكف يخررسك .. مجنــــــــــونه ..
مشاعل " احرجتني و ارعبني صوتها و هي تهددني .. و فجأة حسيت بإختناق و نفسي ضاق "
فهد " هجمت على مشاعل تخنقها .. و انا احاول افكها بس عيت الحمااارة .. بآخر شئ سحبتها من طرحتها و شعرها
و بعدتها عن مشاعل "
البندري " فتحت عيونها على الاخر و بالم و حزن " : تدافع عنها .. و توقف معها ضدي .. ضدي انا .. و تنعتني
بالمجنوووونه و انت اللي قلت لي بعظمة لسانك اني اعقل بنات الديرة .. انا اللي احبك
و اموت بترابك .. تجي وحدة مثلها و تاخذك مني .. " التفت لمشاعل بكره الدنيا " .. بتندمين .. بتندمين ..
فهد سألت مشاعل و فاطمة مستفسر و اصرف بعد ما سمعت كلام البندري اللي كرهني نفسي اني مفضوح و انفضحت
قدامها : شلي صاير .. احد يفهمني .؟؟؟ شلي تسوينه يا مشاعل على الجهاز
هذا جهاز البندري و ليش تتضاربون عليه و بعدين وش هالشئ اللي تهدد فيه البندري و تهدد منو ؟؟
مشاعل ببرود : أسأل صاحبة الجهاز .. عندها الجواب الشافي لأسألتك ..
البندري "بتلفيق" : تبي تعرف شنو اللي مسحته هالزباله اللي قدامك .. هذي صور للحيوانه .. صورها منتشرة بالنت
.. وهي عااااريه .. و اخر كلمه قالتها بصوت عالي ..
فاطمه " عطيتها كف .. كف نفسي اعطيها هو من زمااااان من زمااان و بردت حرتي فيها بهالكف ..
و بصوتي قلت " : من زمان ودي اعطيك هالكف .. " ودموعي شلال على خدودي " .. تعبت منك و من كل شئ ..
تعبت من سيطرتك و تهديداتك .. طالعت بفهد وقلت بتعب : تدري شلي كانت تهدد فيه بنت عمة ابوك هذي ..
هذي اليتيمة الضعيفه اللي الكل يحن عليها و يحبها هذي كلها انانيه و حقد و غيرة و مرض ..
تخيل يا ولد عمي خذت لي صور و انا مو بحواسي و تهددني فيهم تدري ليش .. لأن عمي سعيد
خطبني لك .. و صوت انيني يعلى ..
كملت كلامي و قلت : و شفت هذي و اشرت على مشاعل هذي الغريبه اللي كرهتها
لأنها ماهي من جنسنا عرقها اعجمي بس هذي الغريبه حنت علي اكثر من القريبه و انقذتني من يدينها
و محت كل شئ يخصني و كانت تهددني فيهم هذي و انا ااشر على البندري .. و مالزباله الا انتي يالحيوااااااااانه ..
فهد بضياع : أي صور ؟؟ شلون منتي بوعيك ؟؟
مشاعل "رديت بسرعه قبل لا ترد فطوم لانها بحاله تعب تقول اشياء ما تثمنها " : و لا شئ بس صور لها وهي بزواج
و صور ثانيه بملابس البيت يعني صور شوي .. و سكت ما عرفت اتكلم ..
فاطمه و تفضح كل شئ : لاااا يا مشاعل خليه يعرف .. تعرف يا ولد عمي وش نوع هالصور .. صور خذتها لي
هالحثاله و انا عرياااااااااااانه .. و بدون علمي .. و صحت بقووة لدرجه اني طحت على الارض مو متحمله الموقف ..
فهد " بحقارة طالعت البندري و كورت قبضة يدي لا ارتكب فيها جريمة لأني ادري انها مهي بحواسها ... و طلعت
من الحجرة يوم مشاعل حضنت فاطمة ياليتني بدالك يا فاطمة ..
نزلت الدرجات بصعوبه .. وصلت لعند باب غرفة جدتي و رن جرس الباب كان ماجد دخلت لجدتي و علمتها انه ما
صار شئ بس البنات كانوا يستهبلون و يلعبون .. و سألتني ليش تأخرت قلت لها كنت بالحمام ..
ما كان لي نفس للعشاء ابد بس حاولت اخذ لي كم لقمة لحد يشك بشئ مع ان ماجد لاحظ و سألني : علامك ؟؟
فهد بابتسامه باهته : و لا شئ يالله بروح ..
ماجد : وانا بعد وراي دوام .. اتصلت على مشاعل ...
مشاعل " ضميتها لصدري ... انا متأكده ان فهد ما راح يعلم احد مستحيل لو ماجد ما سواها و انا عارفه انه ما
بيسويها .. .. نقزت من مكاني من صوت البندري "
البندري : و الله لأعذبك مثل ما عذبتيني و اصيحك مثل ما صيحتيني و الله لا أدمرك .. تحرم علي عيشتي ان ما حرمتك
من اعز ناااسك .. و دموعها تنزل من عيون كلها كره .. بخليك تتمنين الموووت مثل ما اتمنااه .. بعرفك وش احساسك
لما تنفضحين و تتعرين قدام اللي تحبين .. هذا وعد البندري .. براااااااااااااااااااااااا .. برااااا ..
مشاعل قمت و قومت معي فطوم و طلعنا برا حجرتها .. ونزلنا بعدها وتركت فاطمه تحت بالصالون لان ماجد اتصل
علي يقول لي اروح المطبخ اجهز العشاء بالصحون ...
دخلت المطبخ كان منسق و حلو .. دورت الشغاله ما حصلتها قمت افتح الدولايب ابي سفره .. و ما حسيت ا لا بيد
تلفني من وراي بغيت اصرخ لو ما حط يده على فمي و يلفني اواجهه : مجنونه وطي صوتك ..
مشاعل " على بالي البندري بتذبحني ,, خذيت نفس بقوووة و قلبي احسه طاح لرجولي " :
كذا تخوفني .... ماجد كم مرة قلت لك ما احب انك تخرعني من وراي .. اخااف ..
ماجد " وهو مازال لاف على خصري " : فديت قلبها الخوافه ..
مشاعل "رفعت حاجب " : يا سلااام .. على بالك حركااات المغاازل هذي ما تمشي علي يالله اشووف برااا
ماجد بدهشه : انا اغازل .. مجنونه انتي زوجي " بخبث " .. ان فكرت اغازل اخر وحده افكر اغازلها انتي يا بعدي
..
مشاعل " بشهقة و غيرة " : انت فكر بس شوف شو بسوي لك .. و الله لا .. " ما عرفت شو اقول و بعقلي ادور كلمه
مناسبه الى ان وقعت عيني على سكينه شلتها و بخبث " .. شفت هذي و انا اقربها لحلقه و هو مبطل فمه و كاتمة
ضحكتي من شكله .. : شا يفها يا قلبي هالسكينه بحطها هنا و انا احط اطراف السكينه على حلقه .. احلم تفكر بغيري
او حتى تغازل فاااهم .. يالله اشووف منااك .. يالله ..
ماجد : صاايرة قوية .." ابتسم " و قرب و لا عليه من السكينه .. يا حبي لك و انتي بكل حالاتك ..
تدرين و انا بعد اغاار عليك بقوووة بعد ..
قربتها لي و لصقتها فيني و عيوني مركزة على عيونها : .. اذبح اللي يفكر فيك لحظه و اذبحك يوم بس تناظرين
غيري و بعدها اذبح روحي ..
مشاعل " ارتبكت من كلامه اللي خلني ارجف حسيته صادق بكل كلمه يقولها .. خوفني لان لحضتها تذكرت كلام
البندري ان فهد يحبني .. الله يستر اصلا ماجد من اول و هو ما يطيقني قبل بسبت اخوه ...
وخرته عني و قلت يا الله اشووف ضف وجههك ..
ماجد فاتح عيونه على الاخير : اوريك يالدوبااا .. انا اضف وجهي .. كنت بعضها بخشمها تستاهل لو ماجت عمتي
و فاجأتني .. حليلها تبي تشرف بنفسها و هاوشتني لاني دخلت العروس المطبخ و هي ضيفه .. و مشاعل ورى عمتي
تصلح لي حركات اني استاهل و جالسه تطنز علي لكن هين بردها لك يا قلبي و لا يهمك بورررريك ماجد منوو ..
مشاعل حاولت اخفي توتري من اللي صار قبل شوي مع البندري .. احيان احسها مو طبيعيه ..
خذيت عشاء لي و لفاطمه و البندري ترددت اناديها خفت تصارخ علي و لا شئ .. بس بالنهاية قمت و طلعت لها فوق
خلني احسن عنها اخذ اجر المتسامح و اللي يبدي الصلح أول .. دقيت الباب ما فتحت و لا حتى ردت علي .. خفت
تكون مسويه بنفسها شئ .. ناديتها بصوت واطئ : البندري ...
" مافيه رد " ...
زاد خوفي .. فتحت الباب و كان مفتوح طالعت بالحجرة ما شفتها الا لما بغيت اسكر الباب سمعت صوت انين
دخلت داخل و اشوفها جالسه على الارض و لامه رجلينها لصدرها ورى الباب كسرت خاطري ..
حزنت عليها .. مو غلطتها انها حبت .. بس غلطها انها ما عرفت الطريقه الصحيحه عشان توصل لحبها ..
قربت منها و جلست على الارض و بحنان لمست ركبتها : البنــ ..
ماكملت كلامي الا وخرت ايدي عنها و تطالعني بطريقه قسم بالله تخوف ارعبتني ..
نظرتها و اعوذ بالله من هالتشبيه مثل نظرة القطوة السوداء تخوف تحسين بالاجرام بعيونها ..
و قالت لي بصوت واطئ خلى شعري جشمي يقف و يرتعش كل جزء بجسمي ..
البندري : حطمتيني .. و بعدتي عني الوحيد اللي بغيته .. " دموعها تطيح على خدودها "
ما بتتهنين بحياتك ابد .. تعرفين الاسشاء الملعونه .. انا مثلها .. اللي يقربني بأذى يتلعن
و انتي ما اتلعنتي مرة .. " سكتت و كملت بصوت اعلى " انتي ملعونه للابد ..
مشاعل " رغم تفاهة كلامها اللي ماله قيمه وش اللي ملعونه و لعنتي .. بس هذا بحد ذاته خوفني
و ارعبني " .. لا شعوريا قمت من عندها و خرجت بخوف ..
نزلت لفاطمه اللي ما مست الاكل و انا اصلا ما كنت جوعانه و الحين نفسي مو بس انسدت الا قززني الاكل ..
.. بالاخير اتصل ماجد بعد العشاء عشان نرجع البيت ..
عرضت عليها نوصلها وافقت لانها ما تبي اخوها يجي و يشوف
حالتها .. و ماجد وافق .. شكل فهد خرج قبلنا .. وصلناها لبيتهم و ردينا بيتنا ..
ماجد : شفيها قلبي ساكته ؟؟
مشاعل " ليتني اقدر اعلمك " : سلامتك حبيبي بس حاسه بارهاق .. متى نروح القصيم ؟؟؟
وقف السيارة و طلعنا اللفت و قال : ممم يمكن الاربعاء .. اليوم فهد كلمني و قال بنطلع الاربعاء ..
مشاعل " من قال فهد تذكرت البندري الله يستر ما توقعت ان السالفه بتنتهي على كذا ,, خرج المفتاح و فتح الباب و
دخلنا حجرة النوم .. مسكت يد ماجد قبل لا يفتح ازرار ثوبه و طالعته "
ماجد " استغربت نظرتها و كأنها تقول ضمني و بدون ما تنطق بحرف ضميتها " : روح ماجد فيك شئ ؟؟
مشاعل : لا تبعد عني و لا لحظه و لا يوم و لا سنه .. تكفى ..
ماجد " مع اني استغربت كلامها بس وعدتها " : اوعدك ..
///
///
مشاعل "بعد اخر موقف مع البندري .. ما غاب عني نظرة الكره اللي بعيونها .. هي ليش ما تفهم ان اللي تسويه غلط
بغلط .. يعني وش بتستفيد ..
انا امووت على ماجد بس و الله لا اختار ربي و ديني و ان كان على حساب قلبي ..
يعني لو انها تحب فهد هذا ما يعني انها تتحكم بحياة الخلق و تهددهم و هي مستانسه بدون ما تحس بندم و لا خوف
و الله اني ما اكرهها ابد ..
ياليتها تتعدل .. اذكر استاذة التحفيظ كانت دايم تحكي لنا قصص و مواقف بالحياة و اهمها
عن ناس اسلموا على يدهم مسيح و هندوس و غيرهم و انا كان ودي .. و خبرتنا عن اجر هالشئ كل ما يصلي
هالانسان اللي اسلم و يذكر ربه تاخذين اجر يماثل اجره .. و اذا اقنعتي العاصي يترك عنه معاصيه بتاخذين اجره
لو البندري تابت عن هالسوات اللي تعملها و ساعدتها بكسب اجرها و ... لكنها تكرهني .. جلست افكر و يأست ..
///
فهـــــــــــد بعد الموقف اللي ببيت عمتي كثر ما صغرت البندري بنظري كبرت مشاعل و تنرفزت من فاطمة ..
و الله يالبندري لو انك موبيتيمة و لا مريضة كان شئ ثاني بس عاذرنك ..
ضروري انسى مشاعل .. بنتقل لفيلتنا بالرياض و بترك الشقه هذي اول خطوة بسويها ..
///
جاء الاربعاء ... و رحنا للقصيم ..
ماجد " كانت نجود بالصاله يوم جينا وفرحت بجيتنا بعد صلاة العشاء خذيتها معي للحديقه ورى البيت " :
مبروك مرتين ..
نجود باستفهام : على ؟؟
ماجد "بمرح :: العريس .. و اخيرا يا اختي ما بتعنسين ..
نجود : مالي خلق ماجد ,, بعدين .. اذا على العريس فمبروك واحد يكفي و لا وش تظن يا خوي ؟؟
ماجد "يستهبل : ياوخيتي مبروك للعريس اللي بغى يجي و ما حالفه الحظ و المبروك الثانيه على اللي ما كان على
البال و فجأة خطب .. تبين شوري .. فيصل ما يتعوض .. نعرفه و نعرف هله كلهم رحمة الله عليهم ...
نجود " عطيته ظهري .. مستحيل اخذه ,, جاي الحين بعد ما توفت زوجته يخطبني يظن اني بقبل فيه لأني تطلقت بُعده "
: على ما اظن قلت لكم رأيي .. زواج ما ابي ..
ماجد بمرح : اجل بتعنسين ..
نجود بحدة : ايه بعنس .. شرايك يا خوي .. لا تشيل همي ترا ابوي عايش و هو قادر يشيلني .. و تركته و مشيت ..
ماجد " عصبني كلامها و بعصبيه " : نجوووووووود .. التفت لي و كملت .. ثمني كلامك قبل لا تنطقينه و اذا ما تبين
تتزوجين بكيفك بالطقاق اللي يطقك ..
مهوب انا و لا اخواني اللي ما نشيلك على كتوفنا و اذا على ابوي ما قصر و لا بيقصر و لا حنا ..
"رديت لهدؤي و بحنيه ".. البنت مالها الا اللي يحن عليها و يسندها .. يا خوك و الله ان قلبي يوجعني عليك " بألم "
و اللي تبينه سويه .. مالي خص بحياتك .. تركتها و مشيت لبرا البيت ..
///
///
نجــــود : و الله ما كنت قاصدة .. بس نفسيتي بالحضيض ..
مشاعل حاولت اهديها : ما عليك انا بكلم ماجد و لا يهمك ..
سكت بعدها حاولت افتح الموضوع معها بس بالاخير تراجعت .. مسكت مقبض الباب بطلع ..
نجود : تظنين اني اخطأت يوم رفضته ..
مشاعل ابتسمت لانها فتحت الموضوع وقفت شوي بعدها التفت عليها و رديت جلست بجنبها على السرير ..
: و ليش تسألين هالسؤال ؟؟
نجود "بتردد " : مدري مشاعل انا محتارة .. و ضايعه .. اخاف أنـ..
مشاعل : ليش سكتي كملي ؟؟ تخافين تندمين صح ؟؟
نجود : .....
مشاعل : ما احب اضغط عليك لأن بالنهاية هذي حياتك ..
" بحنيه " : .. تبين نصيحتي يا نجود .. افهمي اللي اقوله زين ..
" طالعتني بفضول نجود " و كملت : اذا حبيتي بصدق و للحين حبه يسري بعروقك بشرط ما يكون حنين لأن الحنين
يركد بس الحب لا .. و اذا بداخلك مقتنعه انه يتمناك و يغليك .. حاولي انك تتجردي من المبالغه خليك انسانه واقعيه
ترى الانسان يحب اكثر من مرة لأنه انسان و محتاج للحب لكن الحب الحقيقي هو اللي يظل و ما يتنسى حتى لو كان
ذكرى ,, اذا دعيتي ربك ما فيه شئ مستحيل ..
انتظرتيه 6 سنين .. و هالست سنوات عمر بحاله يا لجود
و ربي تقبل دعائك و جابه لك بعد هالسنين .. اعجووبه صح ..
و الاعجب ا ن مرته توفت ..
استخيري الله و ان شاء الله ما يرددك خايبه ابد ..
نجود بصراحه و عفويه طلع مني السؤال : مشاعل ..
مشاعل : هلا ..
نجود طالعت بعيونها : قد حبيتي ؟؟؟
مشاعل " عيوني رمشت لأني ما توقعت هالسؤال بس تداركت " : ايه حبيت و حبيت بصدق بعد .. حبيت اخوك بقلبي
و روحي و كياني .. الله لا يحرمني منه .. لأني بموت .. اعرفي اني بموت .. بدونه .
نجود : بسم الله عليك فالك ما قبلناه يالدوبا ..
مشاعل : هههه .. طيب يا حلوة .. فكي هالتكشيرة من وجهك ..
نجود ابتسمت على كلام مشاعل ..و استانست لحبها لاخوي اللي واضح بعيونها ...
///
///
مشــاعل : جوودي لا تزعل من نجود تراها ما تقصد ..
ماجد متنرفز للحين من نجود : لا تتدخلين بيني و بين اختي ..
مشاعل صدمني كلامه فسكت و بعدها عطيته ظهري بطلع من الحجرة لاني حسيتها ضيقه علي ..
ماجد " مسكتها من معصمها قبل لا تخرج " : على ووين ؟؟
مشاعل بجرأة شلون جتني مدري يمكن ردة فعل : ما يخصك .. لا تتدخل بيني و بين روحي .. ترك يدي ..
مشيت خارج البيت بالحديقه .. ما شاء الله بيت بابا بوفهد بالقصيم كبير كأنه قصر و يا حلات حديقته تهبل و مزرعته
احلى و احلى .. كنت واقفه قريب من الزرع أتأمل العشب يا كثره ما شاء الله الى ان وقفت عند الياسمين مزروع بكثرة
و الجهنمية بعد .. نزلت لمستوى الياسمين اشمه و اعطر انفي بريحته و استمتع عشان ابعد عني كلام ماجد اني ما
ادخل فيه .. كلامه جرحني مدري ؟؟ بس اللي ادري عنه انه أثر فيني .. وقتها حسيت اني غريبه و وحيدة ..
قربت انفي اكثر و غمضت عيني بألم لأنها تحرقني ...
ماجد " وش هالغباء اللي فيني احط حرت نجود في هالمسكينه .. و الله ما قصدت .. رحت لوين ما تكون فيه و شفتها
تناظر الزرع و الارض .. الى ان وقفت عند الياسمين و نزلت تشمه قربت منها بواايد .. و لاحظت انها عقدت حواجبها "
مشاعل " فتحت عيني و كان ماجد قدامي دريت بوجوده يمكن احساس .. وقفت بروح لكن ثبتني بمكاني قبل لا امشي
وقرب خشمه من خشمي باستفهام : ما يخصني فيكِ ؟؟ و لا تبيني ادخل فيك ؟؟
مشاعل "مارديت عليه لأني منزلة نظري " : .....
ماجد : طالعيني ...
ماجد كررت الجملة مرة ثانيه : طالعيني ..
هالمرة بحزم و امر قلت : ارفعي نظرك و طالعيني ..
مشاعل " خفت يعصب قمت رفعت عيوني و تعلقت به " ..
ماجد " عيونك كإنها دنيا ثانية غريبه و عجيبه ودي اغامر بها و فيها بس اخاف اضيع و اتعذب من اللي فيها "
: ما رديتي علي ؟؟
مشاعل : انا بعد مالي خص فيك و لا بأي شخص يخصك ,, صح ؟؟
ماجد : لا تردين علي بسؤال ..
مشاعل : ما عجبك كلامي ليش ؟؟
ماجد خذيت نفس : شعووله كنت متنرفز وكنتي قدامي ..
مشاعل كملت : وحطيت حرتك فيني ...
ماجد : اااسف .. و الله اسف ..
مشاعل " ما احببه يتأسف مني ابد .. احبه شامخ مثل يوم عرفته بحياتي " : صار خير ..
كنت ببعد عنه لكنه ما زال ماسكني من معصمي طالعت يدي محل ماهو ماسكني و بعدها طالعته
: بغيت شئ ؟؟؟
ماجد : للحين زعلانه صح ؟؟
مششاعل بضيق : لا ...
ماجد : لا تكذبين .. اعرفك يوم تقصين علي ..
مشاعل : ...
ماجد : ما تردين ؟؟
مشاعل و طفشت : خلص ماجد .. شتبيني اقول .. ارقص لك يعني ..
ماجد بقوة عين : اييييييي ...
مشاعل بنص عين اخذته على قد عقله : انزين وخر عني .. تركني ,, فمشيت تركته الا لحقني و وقف قدامي يسد
الطريق : ماجد وووخر عني ..
ماجد : ماابي .. ارقصي لي ..
01-05-10, 01:10 PM
جديد مواضيع قسم القصص المكتمله
العرض العادي
