ماجد : انزين لبسي ساري ثاني محتشم ..
مشاعل بزعل : و الميك اب يبيلي اغيره , ماجد لا تكون عنيد ..
ماجد بحده : كلمة ما أعيدها هالساري لو تنشق الأرض و السماء مولابسته يعني موبلابسته فهمتي ..
مشاعل انقهرت منه احيان تحكمه و سيطرته يقهروني.. رحت الحجرة و نفسي انسدت عن الخروج .. تبون الصراحه ما
اخترت هالساري بالذات الاعشان اقهر البنات اللي كانوا حاطين عينهم على ماجد و أولهم البندري بغيت ابرز كل مفاتني
.. و أحسسهم انهم يحلمون بماجد .. اكيد بيجون متكشخين و انا لا .. جاء ماجد و صرخ علي
: مشــــاعل .. للحين ما لبستي ..
مشاعل وقفت مخترعه من صوته و من خوفي نزلت دمعه حاولت اداريها و عطيته ظهري لكن شكله شافها ..
ماجد " ما بغيت اصرخ عليها بس احيان احسها طفله و ما ينفع معها الا الشدة , انقهرت من نفسي يوم صرخت عليها
هذي ماتفهم اني اغار عليها و أخاف بنفس الوقت .. يا ناس و الله انها تهبل بمعنى الكلمة .. توجهت لدولابها و جلست
أدور فيه "
مشاعل " فتح دولابي مدري وش يدور عليه ,, بالاخير شال عني شال الساري انصدمت من حركته "
ماجد : يالله بتغيرين و لا ابدل لك بنفسي ..
مشاعل و خرت عنه : بغير بنفسي .. و اخترت سروال هندي فيروزي ماسك علي وعليه قميص هندي لحد قبل الركبه
مفتوح من الطرفين من نهاية الصدر لعند قبل الركبه ,, يظهر الأكتاف و خفيف عند السره بس الباقي مبطن و الشال تبعه
لونة فوشيا و عليه نقوش و تطريز بالفيروزي .. خليت الاكسوار نفسه لانه ناسب ..
حسيت اني جاهزة .. شفته مبتسم و لفاني عليه و قال : سبحان الله خلقك و أحسن صورتك باسني على جبهتي .. مشينا
لبست عباتي و توجهنا لبيت بابا بو فهد .. طلعت على حجرة ماجد و فسخت عباتي
طق طق طق ..
فتحت الباب و اشوف الحلوة أصيل .. ضحكت عليها يوم تنحت تناظرني ذكرتني بماجد يوم دخل و شافني خسارة هذاك
الساري احلى بكثير ..
زينت شعري و مسدته زين و نزلت مع اصيل و احس اني فرجه لهم مع ان نجود و منور لابسن هندي بعد اجل شمعنى
انا يناظروني طالعت البندري ببرود و ثقه حسيت بالكره بعيونها واضح .. سلمت عليهم و يوم جيت للبندري قلت باذنها
: عسى بس ما كدرتك ؟؟؟ و ابتسمت ابتاسمة حلوة و وخرت عنها .. استانسنا .. عاد أصيل فرحانه فيني ,, ههههه
أحيان أحسها بزر بس تهبل هالبنت عفوية بشكل روووعه .. الجو كان يحلو خصوصا و ان رمضان قرب يعني باقي
عليه أقل من شهر .. وانا بالشرفه اطالع حبيت أكون وحدي ,, اشتقت لايام الوحده تسللت لبرا الفيلا جهة المسبح و انا
متأكده محد بيجي من الرجال هالناحية لان المجلس بابه من وراء ومستحيل يمرون من هنا .. ببساطه وقفت عند حافة المسبح
اناظر شكلي الجو بالليل محلو و الدنيا هد رغم الضجه داخل ..كلمت الكل الا ماما و بحزن طغى على ملامحي مشتاقه لها
بالنهاية هي امي . لكن أخاف ..أخاف ترفضني كالعادة .. ما أحب تضايقني يمكن خايفه ان رفضتني يضيق خلقي
و كل فرحتي تزول .. اخاف تدعي علي .. صحيح قبل يوم كانت تدعي علي كان ما يهمني بس الحين يهمني .. الحين
انا زوجه و اتمنى أكون افضل زوجه و افضل ام .. قطع علي تفكيري صوت وراي طالعت بالمسبح و أشوفها ..
قلت بصوت واضح : يعني ما بتتركين عنك حركات البزران .. قبل قلت يمكن اتوهم بس الحسن انا متأكده انك كنتي
قاصدة تذبحيني .. على فكره هالمرة بتكون مثل المرة اللي فاتت ما بيأثر فيني شئ لأني لو مانسيتي بذكرك اني جداوية
من جدة من البحر الأحمر لا يغرك تراني سبيحـــة ماهرة أسبح و أغوص بعد و بكل الطرق .. يعني بالمختصر المفيد
لا تحاولين تدفيني لاني رايقه و ما ابي يتعكر مزاجي .. ..
البندري بقهر : أكرهــك ..
مشاعل بسخريه : و الله و من قال لك حبيني سأالتك انا اذا تحبيني و لا لا ؟؟ بس بسألك الحين ليش فتحت الباب بالعاني
و دفيتيني ؟؟؟
البندري بسخرية تماثل سخريتي : كيفي .. اصلح اللي ابي ..
مشاعل : لا عمري مو بكيفك .. تدرين لو ماجد درى عن سبب طيحتي وش بيسوي فيك ؟؟؟
البندري : ه ه ه هههه و باستفزاز : تقصدين لو درى فهد باللي سويته وش بيسوي ؟؟
مشاعل عقدت حواجبي : وش دخله فهد ؟؟ انا اتكلم عن زوجي ...
البندري وعينها بعيني : و انا اسولف عن عشيقك يالعــاهــ ....
مشاعل "بدون شعور مني عطيتها كف " : احترمي نفسك .. وش كبرك تتفوهين بهالكلمات ,, ماتستحين تلفقين علي
تهمة ويا اخو زوجي .. مجنونه انتي ... قلت اخر جمله بحدة ..
البندري مسكت وجهها اللي انضرب و طالعتني بقهر و حقد : تظنين اني هبله ينضحك عليها .. خذيتي ماجد ,, لكن فهد
لا .. ولا .. تدرين حتى ماجد ما بخليك تتهنين فيه .. ما أكون البندري بنت سليمان الــ ... ان ما دفعتك ثمن هالكف
سعادتك و تقولين البندري قالت ..
مشاعل " مشت من قدامي و دخلت للفيلا و انا بداخلي أحاسيس مشتته و خوف من المستقبل ,, هذي مجنونه انا بشنو
ضريتها عشان تحقد علي ,, بعدين يا ناس هذا اخو زوجي ما قد فكرت فيه لا بحلال و لا بحرام ليه بقووة يلفقون التهمة
علي طحت على ركبي و انا اشد بشعري بيديني و فيني صيحه .. خايفه .. كفايه ان ماجد كذا كذا شكاك و يغار من طفل
و من اخوه بالذات.. ظليت اتخبط ويا فكري ..
^
^
نجود " هذي وينها ؟؟ رحت لمنور " : وينها شعوله ؟؟
منور : مدري تو كانت هني ؟؟
نجود " خلقة متضايقه من نفسي و بعد من الجو طلعت برا اغير جو و شفت مشاعل جالسه على العشب الاخضر و
ضامه رجلينها .. قربت منها و جلست بقربها و نفس جلستها سولفت علي بدون ما تناظرني : الحياة غريبه صدق اللي
قال يوم لك يوم عليك .. تدرين نجود .. أحيان كثير هذا ان ما كان غالبا تحسين بالسعادة تتغلغل بروحك و فجأة تجي
رياح مدري من وين تظهر يوم تشوفين هالرياح شوي شوي قلبت لاعصار إحتمال يمر بجنبك و يشيل اللي جنبك بس مو
هذي المشكله .. المشكله ان احتمال كبير يمر بك اكثر من انه يمر باللي بجنبك و الاكيد ان مر بك بياخذك و الخوف
الاكبر ياخذك بدون رجعة ..
نجود " رغم اني ما فهمت كلامها بس حسيت كأنها توصفني مدري مشاعل عندها قدرة تفهمني من غير لا اقول شئ "
: تدرين يوم الحادث " مشاعل طالعت نجود و هزت راسها بايه " .. كملت نجود : فيصل كان مع فهد يوم خذيناك
المستشفى ..
مشاعل " سمعت اسم فهد جاني مغص ببطني و الم بصدري " ..
نجود : و قبلها شفته بالبر و كلمني و حكيت لمشاعل كل اللي صار ..
مشاعل بتفكير و انطلاق للسانها باللي فكر به عقلها : لو خطبك بتوافقين ؟؟؟
نجود وكـأنها ما توقعت هالسؤال أقلها الحين ما توقعته ... : ...
مشاعل : لا تفكري جاوبي ؟؟؟
نجود : مستحيل يخطبني لأنه متزوج , و ما اعتقد بيترك زوجته عشاني ولو كان يبيني كان جاء من زمان ..
مشاعل بمنطقيه : ما فكرتي ان بيكون عنده عذر قوي سواء لبعده و لا لزواجه و كملت : ادري ان حبكم كان بداية غلطه
بس الغلطه صارت و كان يمديكم تمنعونها بس ربي كتب بقلبك حبه و هذا الشئ مقدر و مكتوب ..جود ان جاكي فيصل
لا ترفضيه فكري مية مره قبل و هالله هالله بالاستخاره ترا ما يخيب من استخار ربه .
نجود " ظل كلام مشاعل يدور براسي .. بس انا ما ابي احلم لاجل ما اتحطم مثل قبل " ..
خلصت العزومة و اصر ماجد يرجع لبيته رغم اصرار نجود و امه بس هو عيي بعذر انه تعبان و وراه دوام ..
ردينا البيت و دخلت حجرة النوم و قبل لا افسخ عباتي مسكني ماجد مع يديني و جلسني على السرير .. استغربت و خفت
لا يكون البندري قالت عني شئ .. بلعت ريقي بصعوبة .. المشكله المرأه و ان كانت مظلومة بتحس بخوف شئ طبيعي
لكن الرجل بيفهم من خوفها انها اكيد كذابه و بيشك ..
ماجد طالعني وقت مو قصير بعدها قال هالقصيدة ..
زوجو ابن الحلال بنت ماحبها ...
يعني غصب و بالفعل هو كان مجبور....
وبعد فتره من زواجه حبها ...
وعشقهم يتخلله من القبيله دايم ثغور...
وصار يجرحها وبالداخل عزها ...
وكيف تجرح صاحبة أرق وأجمل شعور ...
الي بالجمالها محد ند لها ...
لا بنات ولا حريم ولا أغلا أنواع العطور...
قرب عيونه من عيوني و كمل و هو مفتون :
سبحان ربي خلاق عيونها ...
لونهن لون العسل لا شفتها تحيا عصور...
شال عني عباتي بأسلوب و طريقه جنتل مان و عاشق ولهان وكمل :
ويالجسم أحكي ولا بطولها ...
جسمها وطولها وكلها بمواصفات أحلا مهور ...
والشعر لقبل ماطا رجولها ...
تذوب فيه الأرض ولا مشت ملكه للحضور ...
ولونها برونزي وآآآه يالونها ...
مثله أنا ماشفت وماراح أشوف لا بنات ولاطيور ...
خجلت من كلامه و توردت خدودي :
والخدود محمره يازينها ...
كنها شمس أشرقت وبانت علينا في غرور ...
ويوم أنا زوجها وشفتها ...
داخل الغرفه يغطيها دهن وأجمل أنواع العطور...
أيقنت سبحان منهو خلاقها...
ما رأت عيني ولن ترى مثلها على مر العصور ....
زوجوني غصب وأنا ما أريدها ...
وألحين حبي لها أدخل على دنياي فرح وسرور ....
قصيدة كتبها الشاعر بحر الحزن خصيصا لقصتي وله جزيل الشكر على اللفته الحلوة ..
ماجد : أحبـــك .. نزل راسه و كمل ما هنيتك بأول ايام زواجنا و لا حتى حسستك بشهر العسل لكن بعلمك شئ حياتنا
كلها بتكون عسل بعسل وعد مني .. وخرج من جيبه شئ و حطاه بيدي رفعت الا أشوف ....
^^^
و اشوف تذكرتين لايطاليا .. ابتسمت و من فرحتي ضميته لصدري و قلت احبك .. و اموت بحبك .. وخرته عني و طالعت
بعيونه وقلت : حبيبي و روحي و قلبي انت ,, و محد لا قبلك و لا حتى بعدك بيكون .. وعد من قلبي للبى قلبي ..
الحلقة الثامنة و الثلاثون : -
المقطع الثاني : -
" ايطــاليا بلد الفن و العشاق "
ابرفع قضية على الدنيا ومافيها
واول قضية برفعها على حالي
وبشعل النار في نفسي واطفيها
واكشف خفايا الروح وافضح هبالي
خلاص ماني مكحلها ابعميها
احوسها واقلب الاول على التالي
و اشوف تذكرتين لايطاليا .. ابتسمت و من فرحتي ضميته لصدري و قلت احبك .. و اموت بحبك .. وخرته عني و طالعت
بعيونه وقلت : حبيبي و روحي و قلبي انت و محد لا قبلك و لا حتى بعدك بيكون .. وعد من قلبي للبى قلبي ..
يومين بالضبط و توجهنا لايطاليا بالتحديد رومـــا و يااااا حلوووها احلى من الصور .. بجد الواقع غير عن الصور تمام
و حنا بالطيارة خبرني ماجد بالخطه تبع الرحله و مدتها اسبوعين .. هو صح قليله بس عاد على قولتنا الحجازيين ريحة
بو علي و لا عدمه ... و الخطه كالتالي روما –– فينيسيا – فلورنس
مشاعل : جودي طيب باقي اربع مدن من ايطاليا خلنا نروحها كلها ...
ماجد "طالعني بنص عين " : حلفي انتي بس .. يا حبيبتي المدة كلها اسبوعين و تبينا نفر ابوها كلها ما يمدي .. المرة
الجاية ان شاء الله ..
مشاعل بالحاح : لو باقي وقت نروحها .. تكفى جودي ...
ماجد بتنهيدة : انزين قلبي .. الحين وقفي الحاح توني عرفت انك لحوحه ... ودي ارقد ..
مشاعل فهمت انه مو مرتاح و نفسه يحط راسه علي و ينام و بمبادرة مني بدون ما اقول كلمه خذيت راسه و حطيته
على كتفي... غمض عيونه بسلام مع انه ما ارتاح بالبداية .. بالنهاية قلت له استرخي و حط راسك على
الكرسي على ورى بترتاح اكثر كذا رقبتك بتألمك .. صلح اللي قلته له و مسك كفي بكفه و نام شكله خايف اني اضيع او
اهرب .. وين بروح يعني ؟؟؟ .. جلست أتأمل من النافذة .. ارضنا كلها صحراء .. سبحان
الله .. بجدة يوم نسافر و تقلع الطيارة اشوف ارضنا بحر و بالرياض صحراء من يصدق ان كلها بالمملكة ...
طاف بعقلي طيف أشخاص تعلقت انظاري فيهم .. و عقلي بسبتهم داااخ ..
ما احب ادخل بحياة احد بس اذا كان هالشخص يهمني مقدر اوقف بدون ما اتحرك و هذا اللي صار مع منور و فاطمة ..
راح فكري لمنورة ... اخااف اكون تدخلت بحياتها و اذيتها مع اني عندي أمل من يوم شفت خالتي ام سعود .. وطيبتها
واضحه بعيونها ..
وصلنا الساعة 3 بتوقيت روما طبعا 3 المساء ..
^ ^ ^
^ ^ ^
&& ام سعــــــــود &&
بوقت قيلولتي ماجاني نوم ابد .. تقلبت عالسرير يجي نص ساعه .. ونا كل ما اغمض عيني صورة المزيونه و كلامها
يرن بإذني .. صدعت .. جلست مسكت راسي بيديني اللي خطت عليهم الزمن و بين نفسي ...
انا ظالمة ... ظالمة .. ظالمة ...
بصوت مسموع : لاااااا .. منيبب ظالمة .. القطوة لا شفتها راعيتها ,, شلون بمرت
ولدي هي اللي جابته لنفسها .. شكثر عزيتها و معزتها بمعزة بنتي اللي ما خلفتها .. هي سبب كل شئ ... ضيعتني
و خذت مني عيال ولدي ,, و فوق ذاا تحرش ولدي علي .. و لدي الوحيد اللي مالي بالدنيا غيره .. ما انسى بذاك اليوم ..
كنت أشرب بالشورباء و جاء ضياء و هو صغير و الا بيكبها علمته السنع حطيت يدة بداخلها بسرعه لاجل يحس
بحرارتها و لا عاد يعيدها و هالشئ سويته مع سعود بصغره و هو ولدي .. الرجال من صغره نعلمه على الشدة
لكنها سوسة حرشت ولدي و لأول مرة يرفع صوته علي ..
سعود : انتي ما بقلبك رحمة هذا ولد ولدك .. وولد الولد اعز من الولد .. هذا وانا ولدك الوحيد .. ليه يا يمة ..
ما تخافين الله الحين منيرة وش بتقول عنك ؟؟؟؟ منتيب امي انتي قاسية و الله لاااصار لولدي شئ
مانيب جالس بهالبيت ... و صرخت منووور تناديه سعووووووووووود.. و طلع لها و تركني ... بالبدايه خذيت على
خاطري منه ... يرفع صوته علي و يقول اني قاسية أنا قاسية يا سعود انا ما بقلبي
رحمة , انا ما اخاف الله ... و يهددني انه يترك البيت .. راح لزوجته من يوم نادته ما قهرني الا ان يوم ناديته و هو
و لا عبرني طلع و راح لزوجته يعني يفضلها علي و انا اللي حاطتهم بعيوني الثنتين و مقفله عليهم بعد
كنت بموت بسكاتي و قهري .. يومين لا يكلمني و لا انا طلعت من حجرتي ..
و داخلي اسمع صوت يقول: لكن منيرة
جتك و سألتك عنك و جابت معها غداك و فطورك و تراضيك .. ما كان لي خاطر بشئ يخص سعود احس اني مب طايقته
لا هو و لا زوجته و لا حتى عياله .. لولا الله ثم جارتي بوقوفها معي هي اللي فهمتني ان السبب مرته اللي تبين لي
طيبتها و هي العكس و لا سعود شغيره علي طول عمرة بار والدين ابوه مات و هو راضي عنه و عمره ما عصاني و لا
رفع صوته الا ذاك اليوم اكيد هي منيرة .. اكيد .. بس كلام المزيونه بقلبي و ما فارقني ....
::::::::::::::::::::: من هـــــــــــــي المزيونه ؟
:::::::::::::::::::::::::: فاطمة وش دخلها بالموضوع و ليش مشاعل شايلة همها ؟؟؟
^^^^
^^^^
^^^^
&& متــــــــــــــــعب &&
: استااااز متعَب كل اشئ جاهز بس بدو توئيعك ..
متعب : ان شاء الله " خذيت المستندات و قرأتها بـ 3 دقايق " : تمام .. و وقعتهااا .. بعد 3 ساعات انتهى الدوام و
روحت على الشقه .. تسبحت و بدلت ثيابي و توجهت للشلال اللي تعودت عليه صح انه يبعد عن بيتي مسافة 3
ساعات لكنه يحسسني بالمتعه و الرحه .. وصلت و خرجت من السيارة طبعا مهوب انا الوحيد اللي موجود .. فيه كذا
شخص و أقدر اقول عنهم جماعه كثيرة نوعا ما .. توجهت لمكاني المفضل تحت ... و جلست على صخرة و أنا أتأمل ...
///
///
فهد "بقهر و اندماج لأحداث " : شلوووووووون ؟؟ و ليه ما كلم السفارة ؟؟ و لا الدنيا ما فيها حكومه و نظام ..
فيصل : هذا نظامهم .. حاول يكلم السفارة يصرخ و يقول انه بيكلمهم و ياليت سمعوا له ... ما عبرووه ..
قاطعه فهد : وزوجته ؟؟؟
فيصل "زم شفته لجهة اليسار و ضحكة قهر و استهزاء على محياه " : زوجته .. تقصد مرت اخوي ..
مرت اخوي اختفت من ذاك اليوم اللي قبضوا عليه فيه..
فهد : شلووون اختفت ؟؟؟ وين راحت ؟؟
فيصل : خذوها مركز رعاية ..
فهد باستغراب : فيصل تو قايل انها اختفت اجل شلون عرفت انها بمركز رعاية ؟؟
فيصل : تذكر الاتصال اللي جاني قبل لا اسافر و على اساسه سافرت يوم قالوا لي اخوك بورطه ؟؟
هذا الرقم دقيت عليه و حددت يوم وصولي استقبلني واحد بالمطار و عرفني شلون مدري بس هو يقول ان فيه شبه
كبير بيني و بين اخوي .. خذاني معه ازور اخوي اللي يوم شفته تقطع قلبي من حالته عيوني امتلت دمووع و انا اللي ما
صحت على موت ابوي .. ضميته بقوووة .. بقوووووة ...
سكت لحظات يسترجع الموقف ..
سعد " بلهفه " : فيصل يا اخوووي تكفى شوف لي حنان وينها فيه ؟؟ تكفى ...
فيصل بجديه : ولا يهمك ونا اخوك بشوف حنان وينها و بطلعك من هني ... وقفت و رحت لما الرجال اللي جابني
شفته جالس على مكتب كبير معقوله هذا ظابط و لا مسؤل و لا ليه الكل يحترمه وله مكتب مرموق ضيفني بقهوووة
و بدء يحادثني <<< طبعا باللغة الانجليزية ..
: استاذ فيصل .. ندخل في التفاصيل .. قبل حوالي اسبوع استلمت قضية أخاك السيد سعد و عرفت ان كل المعلومات
ناقصه من حيث شكوكهم بأن له يد بأحد القضايا الجنائيه الحادثة بهالبلد .. و هذا الشئ منفي لأن كل المعلومات اللي
عرفتها ما تؤيد هالشئ ..
فيصل بإستغراب : وليش تقول هالبلد ؟؟ ماهي بلدك ؟؟
: لاااا .. انا هندي الأصل
فيصل " استغربت ان واحد هندي ماسك منصب هالكبر لا و بــ ..... , طالعته باستغراب ,, و شكله فهم فقال "
: معي الجنسيه الــ ...... .
فيصل : طيب ممكن افهم دام مالقيته عليه قضية جنائيه ليش للحين هو بالسجن ؟؟
: لان اخوك خالف احدى قوانين الانظمه لــ...... و هي زواجه من قاصر ..
بقهر و عصبيه ما حسيت بنفسي الا اني افرغ اللي بداخلي : قوااانين أي قواانين اللي تظلمون شخص و تدخلووونه
السجن بحجة مشكوك فيه بقضيه جنائيه و هو جاي بفيزة دراسيه ؟؟؟ أي قوانين انكم تسجنونه بسبت زواجه من فتاة
عمرها اقل من الـ 18 .. أي قوانين اللي تحرمه من زوجته و تبعده عنها و حتى انه مو داري وين دارها أي قواانين اللي
تفرقه عن اخوووه ؟؟؟ أي قوانين هذي يا مستر أشرف .. هااااااا .. جاوبني ؟؟؟؟؟؟؟
بعد فترة دقيقه : سيد فيصل انا دعوتك لهنا لأني مؤمن ببراءة أخوك و أن زواجه ليس بالخطأ لأننا بالهند نتزوج بأي
امرأة و أيا كان عمرها ... و اتمنى تنحل الأمور وديا و إذا عن أخاك باقي فقط بعض الإجراءات و يخرج ..
فيصل : متى ؟؟؟؟؟؟
اشرف : هناك اوراق يجب ان توقع من بعض المسؤلين و قد تأخذ حوالي أسبوعين ..
فيصل : وشوووووووووووو ؟؟؟
اشرف بتفهم : اجراءات و تنتهي و احمد الله انها فرصه ..
فيصل : فرصه لايش بالضبط ؟؟
اشرف :لتبحث عن زوجة أخاك قبل ان يخرج ...
فيصل : وين هي زوجة اخوي ؟؟
اشرف : لا علم لنا ...
فهد : شلون لا علم له .. هذا غبي ..
فيصل : لا يافهد اشرف قدم لي خدمه مو بس خدمة خدامات ما انساها له طول العمر .. هو اللي أطلع على ملف أخوي
و أتصل فيني و حاول يسرع معاملاته .. هو اللي ساعدني بالبحث عن مرت اخوي .. الى إن حصلناها .. و ياليتنا ما
حصلناها .. موتها ارحم من انها تعيش ..
متعب " قطع تفكيري واحد من الشباب .. يناديني اذا بنضم لمجموعتهم بدال جلستي بالحالي شكرته و قلت خليني انضم
لهم بدال التفكير باللي يوجع القلب .."
^^^
^^^
^^^
^^^
&& أم سعـــــــــــــــود &&
امس ام منيرة مصلحة عشاء لمرت اخوها المزيونه ... ياليتني ما حضرت لو ما كلمتني ام منيرة و ترجتني كان ماجيت
.. لفت انتباهي بنية تناظرني بين وقت و الثاني احس اني قد شفتها قبل بس وووين مدري .. نظري ما شلته من عليها
و استحيت اسأل عنها .. بدت انظارها لي و كأنها
تطالعني بتمعن أو بتقارن .. و اذا عطتني ظهرها و لا نزلت راسها اطالعها و اذا التفتت تلتقي انظارنا و
تبتسم لي بخجل .. ما حسيت ا لا بقربها لي من طوع نفسها و ابتسمت و قالت : سلام عليكم ...
ام سعود : هلا و عليكم السلام و رحمة الله و بركاته ....
: ممكن اجلس بجنبك ؟؟
ام سعود : حياك يمة جلسي ...
: الله يحيك و يبقيك ... شلونك خالتي ؟؟ شلون صحتك؟؟
ام سعود ما شاء الله تسولف معي كأنها تعرفني : الحمد لله .. اشكر الله و احمده
: ممم انا مشاعل مرت ماجد ...
أم سعود بابتسامه : يا هلا و الله ...
تصدقين شكيت بملامحك شايفتها قبل .. ما شاء الله عليك محلوة عن العرس .. زووينه ..
مشاعل " اكيد لاني الحين سعيدة و لله الحمد " : تسلمين خالتي ...
ام سعود : اخبارك بنتي ؟؟؟
مشاعل بابتسامه : الحمد لله .. و انتي شلوونك ؟؟؟
ام سعود بتنهيدة تطالع بمنيرة اللي معطيه ظهرها لهم و تسولف مع البنات : احمد الله و اشكره ..
مشاعل " كنت ادري انها ام سعود لان من يوم جيت و منور ورتني هي بس استهبلت و سويت اني مو عارفه شئ ..
مشاعل بحنان صادق " : سلامتك ..
ام سعود :وشووو ؟؟؟؟ ... " توني انتبهت لها " ..
مشاعل باستدراج : عقلك مب معك ... عاذرتك الدنيا كذا مشاكل بمشاكل ..
ام سعود : صدقتي يا بنيتي ..
مشاعل بهدؤ : تدرين يا خاله كل انسان مثقل بالهموم .. شوفي مثلا .. " و أشرت على منيرة بقصد و متعمده "
.. تشوفين هذي البنت ؟؟؟
ام سعود " استغربت يوم تأشر على منيرة و طالعتها و قلت " : تقصدين منيرة ؟؟؟
مشاعل : ايه .. بنت ابله ليلى ..
ام سعود : ايه شفيها ؟؟؟ " طبعا الفضول طق بابه " ..
مشاعل بحكمه : تشوفينها تضحك و مبسوطه على الأخر .. صح ؟؟؟
ام سعود بشك : ليه هي مهيب مستانسه ؟؟
مشاعل : يا خالتي ماكل من يضحك مع الناس مبسوط .. يا كثر من يضحك و نفسه حزينه ..
ام سعود بتأييد : صح لسانك ..
مشاعل : صح بدنك .. حسيت من تنهيدتك انك تعبانه .. و بعيونك حزن ..
ام سعود " للحين ما فهمت وش اللي قصدته على منيرة قاطعتها " : و منيرة شكت لك انها حزينه ؟؟
مشاعل " دقيتها باكلام " : ابد من عيونها لاحظت .. و بالذات لمن كل وحده فينا تذكر حماتها .." و قطعت كلامي لاني
بس كنت ابي المح لها مو أكثر "عاد انا اموت بحماتي لانها بمقام امي .. و اناديها ماما .. احلى حمى بالدنيا .. "
بابتسامه " ..
ام سعود " بلعت ريقي كأني مراهقة برز .. ليه هي تحزن يوم يجيبون سيرة الحموات .. و انا بعد انكسسر يوم يجيبون
سيرة مرت الولد " ..
مشاعل "بعفويه " : تصدقين يا خاله مرة جتني منور و باتت عندي يومين هي و العيال ..
ام سعود " اجل ذاك اليوم نامت عندكم " : و الله ...
مشاعل : أيوة .. يومها كانت مسرحه بشكل حزين .. " سكت يمكن دقيقه بعدها كملت " .. و بعدها صاحت بقووة ..
تأكدت ان بها شئ ..
ام سعود " بارتباك " : منور تصيح ؟؟؟؟؟... ما اصدق ..
مشاعل بهدؤ : ليه ما تصدقين تراها انسانه مثلها مثلي مثلك تحس و تشعر .. لا يغرك هبالها و لا خفة دمها لانها تغطي
احزانها بهالاقنعه ..
ام سعود نزلت عيوني و حاولت افهم : انزين ما خبرتك وشووله تصيح ؟؟
مشاعل بصدق : لانها مظلومة .. تصيح لانها مظلومة ...
ام سعود و عيونها وسعت : مظـ ... مظلومه .. ليه هي قالت لك ؟؟ ومن ظالمها ؟؟
مشاعل "بتحوير بالكلام " : وش الشئئ اللي يعذب الانسان بالدنيا كلها الا يوم تكونين بريئه و
تنظلمين من أعز الناس و أقربهم لك .. و بدون ادنى سبب .. ما فيه سبب ظاهر لهالظلم ..
كملت مشاعل " ابتسمت لها و قلت اغير الموضوع " : االا ما علمتيني وش تصيرين لأبله ليلى ؟؟؟
ام سعود " وعيني بعين المزيونه " : ام زوج بنتها ...
مشاعل "و كأنها تفاجأت " : اوووبس .. صدق و الله ..يعني انتي ام سعود زوج منور ياهلا و الله .. حياك يا خالتي ..
تكفين لا تعلمين منور على الحوار اللي دار بينا .. اخاف تزعل علي . بس انا مستانسه اني علمتك و ان كان مو قصدا
مني ..
ام سعود : ليش ؟؟
مشاعل : لأن يمديك تعرفين شفيها مرت ولدك و اللي اكيد تحبينها و تعزينها لان انسانه حنونه مثلك و ما عندها الا ولد
وحيد و مرت ولد عسل و حبوبه و احفاد يهبلون أكيد بتاخذ بخاطر بنتها منور و تشوف شفيها .. استأذن ....
صحيت من افكاري على طق الباب و كان سعود : هاا يمة صحيتي ؟؟
ام سعود " هو انا نمت " : الحمد لله .. ليه واقف عند الباب ادخل ونا امك ..
سعود : تسلمين يمة كنت بعلمك ان القهوة تنتظرك و اليوم الجو محلو خلنا
نخرج بالحوش .. منيرة مصلحه لك ذيك المعجنات اللي تحبينها .. يالله يمة ..
ام سعود : ان شاء الله .. بقوم اصلي و الحقكم ..
سعود : ان شاء الله يمة ننتظرك ...
///
///
خرجت لهم ام سعود و شافتهم يسولفون و يضحكون و الصغار يلعبون بعيد عنهم شوي ..
و يوم قربت لمهم نزلت منيرة راسها و لما جلست ما صارت دقيقتين الا تحركت و قامت بعذر انها بتلعب مع عيالها
بصراحه قهرتني حركتها و ماخليتها بقلبي : سعود علامها مرتك عطتني ظهرها و مشت من يوم جيت ..
سعود " لا حول و لا قوة الا بالله .. ناوية على هوااش <<< سعود عارف ان منور مشت عشان لا تحتك مع عمتها
كالعاده و يتضايق سعود و تنكد عليه خصوصا هم بهالايام مبسوطين و تمام التمام " : يمة قالت لك تلاعب العيال ..
ام سعود بحساسية : تقصد قالت لك انت ... و لا انا ما عبرتني ..
سعوود : الله يهداك بس .. رن جواله فقام ودخل داخل .. مليت الجلسه بروحي .. قلت امشي لي شوي خذيت العصا
ووقفت .. مشيت لعند البزارين .. شفت منور جالسه وهي سرحانه و لا تلعب مع عيالها و لا شئ بس موب هذا اللي لفت
انتباهي ..
اللي لفت انتباهي سرحانها و عيونها اللي تلمع بشئ غريب .. كلام مرت خالها بعقلي .. استغفرت ربي و رحت
لحجرتي .. قابلت سعود و هو يقولي على وين يمه قلت بروح ارتاح شوي سٍألني عن حالي و اذا بخير قلت له الحمد لله
بس بنام شوي ..
^^^
^^^
&& مشــــــــاعل &&
ماجد للحين نايم لأن امس ما نام زين ,, حتى انا مانمت هو اللي عرفته يخلي الواحد ينام .. ياااربي .. متى نوصل يقولوا
لسى باقي ساعتين و انا دماغي مو راضيه توقف من التفكير بحل لفاطمة ..
و مو قادرة اقول لأحد .. لهالدرجه وصلت دنائتها ... مو قادرة اتخيل و لا ابي اتذكر كل ما يخطر ببالي اشتت ذهني لأني
ما اتحمل " غمضت عيوني بقووة و معقدة حواجبي لكن لازم افتحها لازم افكر كيف بحل الموضوع كيف اوقف المهزله
المشكله هالموضوع حساس ما يصلح اخبر احد فيه .. ما ابي اتذكر ... وصوت بداخلي يقول لزوم تتذكرين عشان تفكرين
بحل .. و بدءت استرجع القصة اللي كانت بقمة القذارة ... و بالتحديد امس ..
بعد عزيمة بابا بو فهد .. اليوم الثاني .. الضحى الساعه 11 و ثلث ..
///
منور : يمة .. خلي لك شخصيه بالحالك ماله داعي خالتي حمده تتدخل بكل شئ ..
ليلى ام منور : استحي على وجهك هذي خالتك لابارك الله بالشيطان ..
منور "بقهر " : امانه عليك يرضيك لو اني متزوجة من سعود و اهله ما صلحوا لي عزومه
و لا حتى قدروني بكلمه و كله يناظروني بتعالي .. شفيها يعني يوم تعزمينهم موب هو اخوك
و لا نسيتي .. تدرين ماجد متزوج من 5 شهور تقريبا و لا واحد منكم لا نتي و لا خوالي و
خالاتي صلحتم له عزومه و لاشئ ..
ليلى بتردد " : ادري بس ...
منور " قاطعتها يوم حسيتها لانت معي " : شفتي يمه شلون .. ضميرك يأنبك صح ؟؟
ليلى : أي بـ ...
قاطعتها للمرة الثانيه : خلص اجل بتعزمينهم اليوم و منها بتكون على شرفهم و بسلامة
شوشو ..
ليلى : مجنونه انتي .. اليوم مايمديني ابد ما صلحت شئ ..
منور : ما عليك يمه الله يخلي المخابز و المطاعم .. انتي بس قولي ايه و انا بصلح لك كل
شئ .. شرايك ؟؟؟
ليلى و كأنها أقتنعت : انزين بس حمده بتــزعل علي و ..
منور بتحريض : وانتي شعليك منها , ما تلاحظين خالتي شلون تتحكم فيك .. يمه و الله لو
انك انتي قلتي لها كان ما سمعت كلمتك تدرين فيها شلون مزاجية و متحكمه و انتي قلبك
طيب و تحبينها و تسمعين كلمتها ..
ليلى رضخت لبنتها .. ليلى ام منور حنونه و طيبه بس مشكلتها تسمع كلام اختها حمده على
بالها اختها الكبيرة و تحبها تدرون حريم زمان شلون طيبين عاد اختها العودة اكيد تسمع لها ..
منور : يمه كل شئ بصلحه لك انتي ما عليك الا انك تكلمين مجود و مرته و تعزمينهم .. على
ما اعتقد سهله ما يبلها شئ اتصلي فيهم و رقم مجود عندك ..
^^^
مشــاعل
رن جوالي و كان أجمل إحساس .. ابتسمت .. حبيبي يا ناس هذي رابع مرة يتصل علي ..
مشاعل برقة : هلا بروح مشاعل ..
ماجد بجدية لان خوياه يناظرونه كلهم و منتبهين عليه حتى اللي كان يسولف سكت بس
عشان يسمعه و الله و صار فرجه ... هههههههههه : بغيت أبلغك الحين بتتصل فيك اختي
و تعزمك على العشاء ..
مشاعل بتفهم و بضحكه : للحين يناظرونك ..
ماجد " ودي اغرز اصابعي بعيونهم مالت عليهم ما يهنون الواحد " : أي نعم الحين بقفل .. باي ..
مشاعل بحنيه : جودي ..
ماجد بدون ما ينتبه : عيونه .. و رجع سكت يوم انفلتت ضحكة من ناصر خويه ..
*********************
و بعدها الكل ضحك .. و مشاعل معاهم ..
ماجد بقهر : مالت عليك و عليكم كلكم ووووجع سكتوووا ..
مشاعل : هههههههههههههههههه .. ودي أشوف وجهك .. معع كذا انا متأكده أنه ما حمر ..
ناصر و هو يضحك : شوفوا شكله ... ههههههههههه .. و بدلع ..الا ماجد ياعيونه انت "
يقلد ماجد " شفيه وجهك قلب ألوان مثل وجه البكر ليلة دخلتها ...
عبد الله : هههههههههههه .. اسكت .. مقدر .. اااه بطني ...
ماجد بنص عين : ما يضحك ترا ..
مشاعل : ههههه ..
ماجد "بصوت واطئئ " : باي بقفل ..
مشاعل : اسفه قلبي ..
ماجد : اوكي باي ..
مشاعل : لا تقول باي ..
ماجد : اجل وش اقول ؟؟؟
مشاعل : فمان الله و لا مع السلامه ..
ماجد : ان شاء الله مع السلامه الحين ..
مشاعل " قفلت السماعه لاني اعرف ماجد ما يقفل بوجهي ابد الا اذا قفلت انا .. الله يخليه لي
يارب أحبه بقوووة " .. شوي و رن الجوال مرة ثانيه ظنيت ماجد بس رقم غريب .. أرد و لا
لاء .. بعدها تذكرت ماجد قال اخته بتتصل بس أي وحده فيهم .. يا خوفي تكون حمده و الله تخوف ..
مشاعل رفعت السماعه بس ما تكلمت : ...
ليلى :هلووو ..
مشاعل بجد جتني ضحكه رهيبة تقول هلووو رديت عليها : هلا .. من معي ؟؟
ليلى : انا ليلى اخت ماجد الكبيرة ..
مشاعل : هلا و الله أبلة ليلى ..
ليلى بشهقة : أنا هبلة ..
مشاعل : لا و الله ماقلت هبله .. قلت ابله .. " توهقت و الله " ..
منور سحبت من امها السماعه .. : اهلين شوشو .. وش قلتي لامي خليتيها تشاهق ..
مشاعل : و الله ما قلت شئ بس قلت لها / هلا و الله أبلة ليلى .. بس " شوي و بأصيح أخاف
ماجد يزعل "
منور جلست أفهم أمي .. وفهمت بعدها كلمت مشاعل و عزمتها .. مسكينه شوشو حسيت من
صوتها شوي و بتصيح .. ضحكتني كل شوي تعتذر من امي ..
امي بصدق : حليلها كل شوي تعتذر ..
منور بخبث : تعترفين انها طيبه صح ؟؟
ليلى : ما قلت طيبه لا تألفين ..
منور : يعني شينه و خبيثه ..
ليلى : منوووووور .. يابنت استحي ما قلت عنها شئ بنت الناس طيبه ما سوت لي شئ ...
منور بضحكه : شفتي شلون قلتي انها طيبه ..
ليلى و راسها صدع : لا حول و لا قوة الا بالله انقلعي عني ..
منور " الله يعطيه العافيه سعوودي حبيبي ما قصر معي و حجز كل شئ حتى العشاء .. الحمد
لله ما باقي غير اني اتسبح .. و اخترت لي جلابيه حلوة ,, اتصلت علي نجود سألتني وش
ألبس علمتها .. وهي بعد قالت أريح و لبست مثلي قالت تتصل على مشاعل و تعلمها بس أنا
منعتها و قلت لها خليها هي للحين تعتبر عروس خلها تلبس اللي تبي .. "
///
ماجد " وصلت البيت وأول ما فتحت الباب ريحة البيت بخور شئ يفتح النفس ,, ااااه كل ما
ادخل البيت احمد ربي .. زمان كنت ما اقر بالبيت الحين الود ودي ما أطلع منه الحمد لله . و
اللي فرحني و ضحكني بنفس الوقت حركات زوجتي و نور عيني
حاطه جزء من كرتون المنديل و ملصقته بالجدار بلزق و كاتبه عليه على الطاولة بتحصل
ورقه خذها .. لا وكاتبه تحذير: افتحها قبل لا تدش الحجرة و لا ما افتح الباب .. يازينها
تهدد على بالها بيردني عنها أحد , لكن ما احب أكسر بخاطرها .. ورحت و شفت ظرف ملون
و ريحته عطر يهبل حركات بنات قلتها بخاطري و فتحته ..
مكتوب" حبــي ,, ممم ..أحبــك " ابتسمت على الكلمة اللي ما يحس بها الا اللي بجد يحب ,, و
بعدها كملت .. تكفى طلبتك قول تم .. ماجد بصوت مسموع تم .. " و أضحك عليها و علي
أهبل أماشيها بكل شئ " .. لا تمنعني اليوم من أي شئ البسه .. عقدت حواجبي على بالها
بسمع كلامها و اخليها تخرج من البيت و هي لابسه ذاك المشخلع .. درت ظهري بروح لها
,., واسمع صوت الباب مع الربكه سسكرته بقوة ,, شكل الحلوة كانت تشوف ردت فعلي ..
رحت لما الحجرة و طقيت الباب و قلت " : فتحي الباب .. شوي الا فتحته و على وجهها
ابتسامة سيجنل تو بداخلي ضحكه الحين كل هالنصب لاجل فستان ,,, آآه منكن يالحريم
تبهدلوووون .. ناظرتها بجدية ..
ماجد : خيـــــر ,, اشوف الضحكه شاقة الوجه .. ومشيت عنها اخرج محفظتي و الجوال ..
قربت مني عاد ما اتحمل قربها مالت عليها تشل فكري .. التفت لها : شفيك لاصقه فيني من
صغر الغرفة الحين ..
مشاعل من أول أنتظره و من يوم سمعت الباب تخبيت و شفته يبتسم استانست الحمد لله ..
دخل الصاله و خذا الظرف و انا ادعي انه يرضى و زادت فرحتي يوم قال تم بصوت عالي
جريت بسرعه و سكرت الباب .. ولما دخل ابتسمت له و الحين مسوي فيها ثقيل .. لا و يقول
شفيك لاصقه فيني من صغر الغرفه .. بس ما راح أيأس .. قربت منه و نا مطنشه كلامه و
أسلوبه الجاف .. و بعفويه : جودي انت قلت تم صح ؟؟
ماجد ياربي هذي ما ترحم لا و تتدلع هي خلقه مدلعه : انزين وبعد ؟؟؟
مشاعل بنرفزة : جودي ما احب كذا ..
ماجد شكلها تنرفزت ابتسمت بداخلي حتى و هي متنرفزة حلوة : تحبين ما تحبين ما يخصني ..
مشاعل " شفيه متغير معقول عشاني ضحكت عليه بالجوال , ما ظنيته بيزعل "
مشاعل باسف و ارتباك: اسفه ما قصدت ازعلك .. و الله بس كذا ضحكت .. يعني تحط حرتهم
فيني بعدين انا بس ضحكت ما قلت شئ ثاني ...
قرب ماجد و حط يده على فمي و قال : اووووش .. وعينه بعينها .. انتي مو بس تضحكين ..
انتي تضحكين و تستانسين .. تامريني امر ..
مشاعل " حطيت يدي علىى شفايفه ,, حاولت اطالعه ما
قدرت احس قلبي يألمني بشكل غريب .. نزلت يديني مرورا برقبته و استقرت بصدره حاسه
بصدره ضربات هذي ضربات قلبه و لا قلبي .. مع انه زوجي و صرنا قراب من بعض الا ان
الحياء و الخجل و الربكه ملازمتني .. حاولت اشيل يديني ما قدرت .. جربت انطق عي لساني
يتحرك " ..
رفع ذقني له و بهمس : نفسي مرة تطالعيني يوم تكونين قربي نفسي اشوف
احساسك يوم المسك , لحظة يحتك جسدي بجسدك وقت تتلاقى ارواحنا نفسي أشوف حبك
شكثره لي , شقد تحبيني ؟؟ ..
مشاعل " حسيت بقبضته على خصري بقوووة .. رفعت نظري وطالعته .. مدري ليه عيوني
ترمش يمكن مع ربكتي و بصوت واطئ مدري شلون سمعه لاني انا نفسي ما سمعته ..
صوت دقات قلبي اعلى : أحبك .. و ارتعش يوم اناظرك .. أخاف أصيح .. مقدر .. ما ااتحمل
.. صدقني غصب عني .. شئ كبير بداخلي أكبر من الحب ..
ما كنت شايفته زين . غمضت عيني و فتحتها كذا مرة و ما حصلت نفسي الا بحضنه و هو
ضامني بقوووة ..
قال لي بإذوني : تدرين ظنيت اني أحبك أكثر .. بس أخاف إنتي تحبيني أكثر .. أفرحتيني
وحققتي مطلبي .. وخرني عنه و مسح دموعي ,, تو بس عرفت ليش ما كنت اشوفه زين
لان عيوني دمعت .. وسالت دموعها ..
ماجد بابتسامه : سمعتيني قلت تم .. يالله وش تامر عليه اميرتي ؟؟
مشاعل بضحكه : ما ابي شئ غير سلامتك ..
ماجد : متأكده ,, بس ..
مشاعل بدلع ترفع كتفها اليمين وتميل راسها : ابيك تختار لي الليلة وش البس ..
ماجد بحب : بس كذا ..
مشاعل تحرك راسها بايجاب ..
ماجد : من عيوني .. و باس جبهتها .. ماتبي تغديني ؟؟
مشاعل تقلده : من عيوني و طرت على المطبخ جهزت الغداء و تغدينا ..
إختار لي ماجد تنورة بيضاء و عليها ورود زهرية و أطراف التنورة كحلي لحد نص الساق جاية
من فوق ماسكة و كل مالها توسع على تحت و البلوز نفس الشي و مايلة على الكتف بحيث
يظهر كتف و كتف لا و اكمامها لحد الكوع و داخل لابسه بدي زهري بلون الورود تقريبا و
لفيت شعري من تحت بالمكر و لبست حلق دائري كبير لونه كحلي .. و خاتم كحلي و الصندل
اكرمكم الله زهري .. هههههههههه ضحكت على ماجد و هو يقول يعني ما عندك احشم من كذا ...
و فجأة ألتفت علي و جرني له .. طالعته و عيوني ترمش كذا مرة وهو يضحك ..
: ههههههههههههه .. قلبي شكلك حلو و انتي مخترعه ..
مشاعل" قربه يخليني ارجف و انواع المشاعر الغريبه و الحلوة بنفس الوقت " : جودي حرام عليك خوفتني ..
ماجد قاطعتها و بخبث : بسأل سؤال بخاطري من زمااان .... وقفي عنك رموووشك .. شوي شوي لا تسكرين عيونك و
تفتحينها بسرعه حولتيني ..
مشاعل : طيب اسأل ..
ماجد : هالثياب الزززززززبنه " ضغطت على حرف الزاء " .. كلها عشان تغريني ؟؟؟
مشاعل بشهقة و عيوني وقفت ترمش , و الحبيب يضحك علي : جودي ما قلت شئ عشان تضحك بعدين من قال اني
و بخجل و همس,, بغريك .. ترا اختك و بنت اختك هم الي شروها لي ...
ماجد يمثل عليها عدم التصديق : شعولتي لا تألفين ادري انه انتي ,, اعترفي الاعتراف بالحق فضيلة ..
مشاعل مسكينه متخرعه تحسب انه من جده يحسبها تفكر بهالطريقه : ماجد و الله مو انا شريتها و الله العظيم ..
قربها له اكثر و بصدق : حياة ماجد لو ما عاشرتك يمكن كان شئ ثاني بس انتي غير ,, غير بكل شئ ,,"" و بابتسامه
مرح و شقاوة ." " مثل جدة غير ..
بعدها لبست عبايتي و هو خذا محفظته و جواله .. و طلعنا للسيارة عشان العزومه ..
///
///
استانست وااااايد .. خصووصاا ان الاخت البندري و شلتها بعيدين عني و اكثر وقتي مع حريم اخوان ماجد
و لا عمته ... ونجود و اصيل و منور طبعا
عبير و ايمان و البنات الحلوين كانوا معنا ...
قمت ادور الجوال .. استغربت شئ تو كنت حاطه الجوال هنا فوق الماصه
وين راح .. اخاف ماجد أتصل .. اعرفه كل نص ساعه يتصل .. من بعد حادث البر و هو
يقلق علي و مايرتاح الا اذا رديت .. اخاف يكون اتصل و نا مارديت فيقلق علي و يقلبها على
راسي .. كل شئ تعدل فيه الا عصبيته حتى الغرور ما عاد فيه .. يارب وين أكون حطيته ؟؟؟ ..
أصيل بازعاج : بووووووووو ..
مشاعل نقزت : بسم الله .. هبله انتي فجعتيني ..
أصيل بوناسه : وهذي اللي بغيته ...
مشاعل : اففف .. اصوله ..
أصيل : هلا ..
مشاعل : حبيبتي .. شفتي جوالي ؟؟
اصيل : لااا .. ليش ضايع ؟؟
مشاعل : ايه مدري وينه .. تلاقي ماجد اتصل ..
أصيل بشاعريه : يا حليلك ميشو .. ااااااااااااه " بتنهيده " .. والله ودي اتزوج ..
مشاعل " فرصعت عيني " : اصوله عيب .. لو احد سمعك من الحريم محد بخطبك على بالك
العرسان صف بيجونك ..
أصيل بحسره : سكتي كل صديقاتي انخطبوا الا انا ..
منور جايه من وراهم تغايض أصيل : ولا بتنخطين ..
أصيل بقهر : اعوذ بالله فالك ما قبلناه وش اللي ما بنخطب ناقصني يد و لا قدم ..
مشاعل : ياربي .. اقوول بتركم و بشوف جوالي .. الا وينها نجود ؟؟؟
منور : وين يعني بتحصلينها يا مع البنات يا على الشرفه الي تطل على الزرع ..
مشاعل : اوكي ... رحت ادورها و بالمرة ادور جوالي .. قلت برجع اشوف يمكن طاح تحت
الكنب و يوم رديت الا اشوف فاطمة تطالع حولها فرجعت على ورى هذي شفيها تطالع مثل
الحرامية و شوي حطت جوالي على الطاولة يا انقهرت قهر قسم بالله حسيت بدخان فار
فوران بنافوخي .. قربت منها و مسكتها مع كتفها و هي المسكينه ارتعبت .. و بدون حتى ما
أسألها قالت لي : و الله مو انا هذي البندري كانت تفتش بجوالك حتى اني قلت لها ماله داعي
بس هي اللي خذته و طلبتني ارده .. و الله .. اقسم لك بالله ..
مشاعل " حسيت بصدقها , بعدين هذي البندري شتبي فيني ,, ليه تبحث وراي .. لازم احد
يوقفها عند حدها ما صارت ": وينها البندري ؟؟
فاطمه بخوف : ليش ؟؟؟
مشاعل "بحده " : قلت لك وووينها ؟؟؟ ما تسمعين ؟؟؟
فاطمة بخوف مسكت يديني و باستهم تجمدت من حركتها طالعتها بصدمة و جرتني معها
بركن اللي عند الدولاب و قالت بهمس : تكفين لا تعلمينها اني علمتك شئ قسم بالله
بتبهدلني و بتفضحني .. الله يستر عليك دنيا و اخره استريني ...
مشاعل " حسيت ان فاطمة بورطه و مدري ليه قلبي يقول لي ان البندري مجرمة فسكت و
طمنتها اني ما بعلم أحد و لا كأن شئ صار بشرط تسبقني لحجرة عبير بنت حمده , رحت لما
عبير و أستأذنتها بطلع حجرتها أرتاح شوي و هي بابتسامه حلوة رحبت فيني حتى انها كانت
بتوصلني و انا قلت لها ما يحتاج خفت تشوف فاطمة .. دخلت حجرةعبير و شفت فاطمة
تصيح بقووة و بنفس الوقت تكتم صياحها بصراحه اترعبت .. قربت منها و مسدت عليها
بحنان و حنيه .." : فاطمة .. و بعدها سكت ما عرفت شقول مو من طبعي أسأل بس حالها
يخوف .. كمىلت فطوم .. حبيبتي فيك شئ خبريني .. يمكن أقدر أساعدك .. انزين اذا ما تين
تعلمين اوكي براحتك بس استرخي و بلاها الدموع .. ااذ الدموع و الصياح تحل الامور كان
كل الناس على اقل شئ تصيح .. شرايك تصلي لك ركعتين .. بس فطوم ماتحركت شوي
هدأت .. و راحت الحمام اكرمكم الله تتوضأ و صلت .. بديت اخاف من البندري وش اللي
سوته بالبنت خلتها تصيح .. وهي تصلي رحت للمطبخ و جبت لها بنفسي كأس عصير بدون
محد يلاحظ الحين اكيد الثلاثي بيدورون علي ... طلعت لها توني افتح الباب و هي تدير السلام
عليكم ورحمة الله .. السلام عليكم و رحمة الله .. مديت لها بكاس العصير خذته و ابتسمت لي ..
رديت لها الابتسامه بحنيه حزنتني بجد .. كنت منزله راسي أفكر وش فيها فطوم .. الا ..
مشاعل : انا ما احب ادخل بامور الناس .. لكن ان كانوا هلي و اعزهم مقدر ما ادخل نفسي
ممكن اساعدك .. و صدقيني عمري ما بضرك .. ادري انك ما تعرفيني و لا انا الا سطحيا يمكن تكون فرصه نعرف بعض
.. حاولت اقنعها قد مقدر .. بعد فترررة قالت ..
فاطمة : اقدر أتمنك علىى سر ؟؟
مشاعل بفرحه بداخلي و بهدؤ خارجي : ان شاء الله .. سرك مدفون من قبل لا تقولينه ..
ابتسمت فاطمة براحه و قالت : كنت مثلي مثلك حالي و حال نفسي بس تدرين فيني الغرور
شسوي وراثه بعايلة أمي اللي هي عايلة زوجك ..
مشاعل "ابتسمت لها اشجعها على الكلام " ..
فاطمة : كلمني عمي بو فهد على فهد ولده ..
مشاعل بدون فهم : كلمك على ايش ؟؟؟ ما فهمت ..
فاطمة : عمي خطبني لفهد " نزلت راسها " ..
مشاعل "بفرحه " : و الله مبرووووك ... وفهد يستاهل ترااه حبوب و طيب ..
فاطمة قاطعتني بألم : ادري .. بس انا رفضت ..
مشاعل بصدمه : رفضتي ليش .. حراام ترى فهد انسان محترم .. و ما فيه بنت ترفضه .... ليش ؟؟؟
فاطمة بحزن : انا .. أحــب فهد ...
مشاعل " طالعتها بغرابه و بدهشه و صدمه " : كيف ؟؟؟
اذا تحبيه ليش ما وافقتي ؟؟ غريبه ..
فاطمه " تكلمت متجاهلة كلامي و حكت لي قصتها " : بيوم جتني البندري البيت مثل ما تعرفين امي ميته ( ام فاطمة
تصير اخت ابو فهدالكبيره اللي ماتت ) و انا ساكنه مع اخواني عاد كلهم متزوجين الا عبد الله وخالد وكانو ا مع
خوياهم بالبر و بذاك اليوم بغوا يودوني لبيت اخوي العود عمار لكن يوم دروا ان البندري
جايه هي و نوف و الشلة نتونس و ينامون عندي وافقوا مع انهم ما قتنعوا لأن كلنا بنات .. جو البنات استانسنا ..
وكلهم روحوا الا البندري طبعا .. ذاك اليوم .. " وبتردد .. سكتت و وجهها حمر و الصيحه بصوتها "
مشاعل " بحنيه " : انا معك بكل الاحوال كملي ..
فاطمة : رحت للحمام اكرمك الله كانت تو الساعه 12 و ثلث بالليل ... خرجت
من الحمام و البندري جايبة كاسين عصير و لابسه قميصها و بعدها انســ ...
مشاعل : ايه و بعدين ..
فاطمة : انسدحت على السرير .. و ... و .. بحنيه عطتني العصير و شربته ربع ساعه
حســ حسسس.. " خذت نفس و كملت " .. حسيت بشئ فيني ما عرفت وش هو..
مشاعل ببرائه : شلون ؟؟ ما فهمت ؟؟
فاطمة : حسيت بحرارة بجسمي و باحساس غريب .. و البندري فسخت روب قميص النوم و
؟؟؟؟؟؟؟؟؟؟؟؟
صحيت الصباح وشفت نفسي نايمة بطريقة بشعه .. جلست تصيح ..
مشاعل بصدمة انشل جسم و اقشعر بدني لكلامها .. ما صدقت .. شلوون ؟؟؟ بجد قرفت
بدون شعور مني عيوني امتلت دموع بس مو دموع صياح ... لا دموع قرف و قهر .. وش ذولي
الناس اللي ما تخاف الله .. حيوانات .. ياربي سامحني انا ما كنت متقبلة الرجل و المرأة ..
شلون مرأة مع امرأة ..
فاطمة بتبرير و رجاء عشان اقتنع : ادري بتقولين عني كلام شين .. بس و الله ما حسيت بنفسي صحيح انه ما اغمى
علي بس هي شربتني شئ بالعصير افقدني عقلي .. حسيت جسمي رافض كلام عقلي هذا اذا كان عقلي صاحي
صدقيني مو بيدي خطأي اني ما قاومتها لان الشعور اكبر مني و انصغت لها و ...
تأكدت منها بعد ما صحيت حسيت بألم بجسمي غريب و تعب و راسي يألمني كأني بفيلم يوم يشربون شئ مسكر و
يصحون ثاني يوم بصداع هاوشتها و طردتها قالت لي
البندري بغرور : لا تعلين صوتك .. بعدين
وشوله الصراخ ؟؟ مثل ما استمتعت انا انتي بعد .. لا تخافين انتي و انا مثل ما حنا عذراوات
و بكر .. خلك فري و انجوي يور سلف .ممم بس فيه شئ ..
فاطمة بخوف و هلع : وش اللي فيه ؟؟
البندري بغيرة : صدق اللي سمعته ؟؟؟
فاطمة : وش اللي سمعتيه ؟؟؟
البندري : ان فهد خطبك ؟؟؟
فاطمة بارتباك لاني كنت ادري ان نصنا يبي ماجد و الثاني فهد و يمكن الاغلبيه ماجد لانه احلى عن فهد بس فهد ما يقل
شئ عن ماجد بالعكس كان وقور و يتجنب احتكاك البنات ..: أيـــ ايه ..
البندري بأمر يقهر : انزين ارفضيه .. اتصلي الحين في عمي بو فهد و قولي له انا موبموافقه ..
فاطمه : مســـــــــــتحيل ...
البندري بهدؤ يرعب : انزين براحتك بس لا تلوميني على اللي بيصير ...
فاطمه " وصل خوفي ان ركبي ترجف ... " : شقصدك ؟؟؟
البندري "باستهزاء و تهديد مرعب " : كل اللي صار بيني و بينك علمته فهووودي حبيبي و بنشوف هذيك الساعه
بياخذك و لااا ...
فاطمة بشهقة و الدموع تسيل سيلان من عنوني : لااااااا ... وش اللي يثبت .. ما تخوفيني بتهديدك .. فهد لي
و انا احبه و بتزوجه و انتي مهما تقولين ماراح يصدق ما فيه دليل يثبت ..
البندري بضحكه شيطانيه : حليلك يا حلوووووة وانا غبيه مثلك.. كل شئ مسجلته تبيني اوريك مقطع ..
فاطمة من خوفي تصنمت قربت مني و شغلت الكاميرا اللي بيدهاا ما قدرت اشوف اكثر مستحيل هذي انا مستحيل انا ما
اعرف هالحركات .. و الله ما اعرف ... صدقيني يا مشاعل ما اعرف و لا عمري شفتها شلون اسويهااا
و رجعت تصيح ...
مشاعل " ما تدري يا ماجد شكثر خفت من البندري ... معقوله هذا كله عشانها تحب فهد .. تقوم تسوي بفاطمة كذا
يا ويلها من الله ما خافت ربي بيحاسبها و بسبت حب تافه تخسر حب ربي لها ..
كملت فاطمة و هي تبكي : لا و بوقاحه يوم مسكتها من ذراعها و زفيتها قامت
تهددني و تتوعدني ,,.. كرهت عمري ..
و الحين انا مثل العبدة عندها اللي تبيه مني انفذه و يا ويلي ان قلت لا ...
سألتها بحيرة : وووين الفيلم ؟؟
فاطمة : مدري .. مخبيته عندها .. حاولت كذا مرة يوم اروح لها ابحث عنه ما حصلته ..
تعبت من تحكمها و الله اني تغيرت ما عدت مثل قبل حتى الغرور انكسر .. ليتني سمعت كلام
مرت أخوي ورحت لاخوي كان الحين ما صار اللي صار ..
مشاعل " ما قدرت اتفوه بشئ اول مرة اشوف كذا .. مع اني عشت بجدة بس و الله ما
شفت كذا ابد صدق اشوف دلع البنات وصل للمساخه بس انهم يتعدون هالشئ لااا .. وبداخلي
و انتي شدراك يا مشاعل بخفايا البنات .. خرجت من عندها و انا حاسه بدوار .. وصلت
لمجلس الحريم ما قدرت ادخل بنفضح وجهي معتفس .. طلعت للشرفه اللي على الحديقة
جت لي نجود : شتسوين بالحالك ؟؟
مشاعل التفت بخوف : ولا شئ ..
نجود عقدت حواجبي شفيها وجهها مخطوف لونه : تعبانه ؟؟
مشاعل : لا ..
نجود شكله ماجد تهاوش معها : ترا ماجد اتصل علي يجي 12 مرة ..
مشاعل : و الله ..
نجود : أي نعم .. يقول انه اتصل كذا مرة و انتي ما تردين . وقال لي خلها تتصل علي ..
مشاعل "دورت جوالي و تذكرت ان فاطمة حطته على الطاوله طلبت من نجود تجيبه لي لان
رجلي ما عادت تشيلني .. " : ... "لساتني ما قلت شئ الا ماجد يزفني زف .. ونا ما تكلمت
و يوم سكت قال : الوو. ..
مشاعل " بارهاق واضح بصوتي " : خلصت و لا باقي كلام ما قلته ؟؟
ماجد بقلق : قلبي تعبانه ؟؟
مشاعل بالم على حال فاطمة : ماجد بروح البيت ..
ماجد " دام ما قالت جودي .. اكيد صار شئ ": ليش احد زعلك .؟؟ صار شئ ؟؟
مشاعل بحاجه له : ابغاك تحضني .. بردانه .. تعال ..
ماجد على طول قلت لها : لبسي عباتك بتحصليني عند الباب ..
مشاعل هزيت راسي كأنه يشوفني و قفلت ...
///
///
شفت بعيون حمده اخت ماجد ,, شلون مقهورة
مني ... كلمت حصه ماجد من عند الباب و هو عي يجلس يقول انه تعبان ومن امس ما نام ..و باكر الصباح ورانا سفر ..
حاولت فيه و هي تقول العزومه لنا ..بس ما رضى ..
وحنا بالسيارة وراسي على النافذة حسيت بحرارة يده و هو حاطها على يدي
الباردة مسكها بقوة كأنه بينقل دفى يده ليدي .. التفت له اطالعه و هو يطالعني قلت : انتبه للطريق
لاحق علي ..
ابتسم ماجد : المشكله بالطريق و بالدوام و عند هلي ,, حتى و انتي بجنبي ما الحق عليك و لا
اشبع منك .. سكت بعدها قال : شفيها غلاي زعلانه ؟؟
مشاعل " ااه يا ماجد لو تدري عن البندري بنت عمة ابوك هذي حية .. لو تدري عن فعايلها و انها سبب بحادثي .. ودي
اعلمك بس انا ادري انك عصبي و اكيد ما بتتركها .. و هذي مجرمة اخاف تلفق عليك شئ كنت ناوية اخبرك بعد حركة
الجوال بس الحين مقدر اخاف تعصب و هي عاد ما رحمت صديقتها و قريبتها يعني بترحمك .. "
ماجد : مارديتي علي ؟؟
مشاعل بتصريفه : احب أكون معك ..
ماجد بابتسامه كبيرة : فديت روحها اللي تبي تكون معي .. ..
مشاعل ابتسمت له و حطيت راسي على كتفه .. و الحمد لله انه ليل ..
اعترفْ لِك ، مَآ بقَى مِن عَآلِيْ الهِمَه " صُروحْ "
انحدَرْ كلِيْ ، كَمَآ طِفلٍ تحَدّرْ مَدمَعهْ !!
&& فـــــــــهــــــــــــــــــــد &&
: ها يمة بتمشين معي ؟؟
ام فهد : لا و الله يا يمة تعبانه امس و اول امس كله عزايم و سهر و ظهري و رجليني تألمنيي روح انت ..
فهد : انزين يبه بتروح معي ؟؟
بو فهد : لا ياولدي روح انت .. وراي شغل .. المرة الجايه ان شاء الله ..
فهد : فيصل تخاويني ؟؟
فيصل : ووين ؟
فه\ بابتسامة صادقه : لمكه بعتمر ..
فيصل عقدت حواجبي : تعتمر؟؟
فهد بفرحه : نذرت اعتمر ..
فيصل بشك بعيون فهد : نذرت تعتمر ؟؟ وشو هالنذر اللي عشانه واعد ربك و بتعتمر ؟؟ اكيد المسأله فيها بنهي و لا ؟؟
فهد بارتباك التفت و عطى فيصل ظهره : وش تقول انت .. يالله بروح شكلك ما بتروح و بتضيع وقتي ..
فهد ماشي للباب و فيصل بدون مقدمات : ما هقيتها منك يابو سعيد .. تهوى مرت اخوك .. مرت اخوك ..
فهد ولأول مرة بحياتي حسيت بنفسي اتعرى قدام صديقي و اخوي .. حسيت بشعور الفضيحة .. جبست بمكاني و لا
صدرت مني كلمة .. لهالدرجة مفضوح ... و اخر جملة قلتها بصوت بدون وعي ..
فيصل بصدق : أي نعم مفضوح ... فهد مالقيت بالدنيا الا مرت اخوك .. اللي اعرفه بخوويي انه ما ناظر مرة لا قريبه و لا بعيدة .. ما كنت تواطن الحريم و لا تناظرهم .. و بالنهاية يوم اخترت ما اخترت الا المحرمة عليك ..
و بعمد وحده : ما ظنيتك خاااااااااااااااين ..
التفت فهد بصدمه : انا .. انا خاين ..
فيصل : أي نعم خاين .. شلون تفكر بمرة اخوك .. الخيانه يا فهد مهيب فعليه وبس الخيانه انواع اولها تفكيرك فيها ,
خوفك عليها , نظراتك لها , احساسك بالهوى اتجاهها , نفسك اللي تبيها هذا كله غلط بغلط ..
فهد " عيونه بالارض " : .........
فيصل : لو ما كنتت خويي من عمرنا 9 سنين , لو ما كنت الاخ كان يمكن غيري جاملك بس مقدر اشوف صديق عمري
يخطأ و انا اسكت و ما احذره بيلومني ربي قبل لا تلومني انت .. و تركته ورحت للحجرة و سكرت الباب .. ادري ان
كلماتي قاسيه عليه بس لزوم يفوق من احساسه و مشاعره الشاذه ..
&& شيـــــــــــــــخـــــه &&
شيخه : حراام عليك طلال مقدر .. اجل الزواج ..
طلال بقهر منها و من دلعها : حراام عليكي انتي ,, من متى و ابغى اتزوج و القاعات محجوزة و مو محصلين اللي
نبغاها و يوم حصلت انتي ما تبغي .. شوفي الاسبوع الجاي يعني الجاي ..
شيخه شوي و تبكي : بس مشاعل ما تقدر تجي ..
طلال : و ليش ما تقدر .. شيخه يا قلبي كلها كم ساعه بالطيارة يعني اش فيها لو جات و اذ على التذاكر بدفع لها بس
تجي و تخليك توافقي..
شيخه بقهر : المشكله مو في الفلوس مشاعل زوجها جيبه مليان و اهله عندهم ملاييين لو تبغى طيارة بيجيبوها لها ..
طلال رفع حواجبه : اجل ايش المشكله .. اهاا لا يكون زوجها مو راضي .. اوكي بتصل فيه و اكلمه و اقنعه ..
شيخه : ياااابن الناس .. مشاعل مسافره شهر عسل ..
طلال " بعصبيه " : نععععععععععععععم .. لا و اله تبغيني استناهم شهر عسلهم و انا اموت بحسرتي ..
احلمي .. حرام عليكي .. حجزت كل شئ و انتي فستان فرحك من اسبوع مستلمته و كل ملابسك و اشياتك جاهزة ليش
نضيع وقت .. ينحسب من عمرنا .. بالله يرضيك البهدله اللي انا فيها دواام من الصبح للساعه 6 المغرب و ارجع اجيكي
بيتكم .. و الله تعبت .. ارحميني يابنت الناس ..
شيخه جلست تبكي من القهر لان مشاعل لا حضرت شبكتها و لا بتحضر جوازها لو ان زوجها المصون حجز من اول و
قال لها كان قالت لمشاعل .. و اكيد كان اجلت سفرها و جت ...
تركها طلال و هو معصب منها و من حركات الاطفال اللي تسويها .. مو على كيفها اجل دافع عربون يا هالاسبوع الزواج
و لا ما فيه زواج الا بذو القعده يا قهري .. و الله ابغى أّعيِّد هالسنه انا و هي مع بعض و ابغاها تكون معايا برمضان ..
شيخه اتصلت بدانه و هي تبكي : حراام يا دانه و الله حرااام .. ليش ما قال لي من اول كان قلت لها قبل لا تسافر ..
دانه : يا شيخه هدي نفسك الله يهديكي و بعدين مشاعل و شافت نفسها و اتزوجت انتي سوي زيها .. يا حبيبتي يا شيخه
..ترى العمر يمشي على قول ورد .. اسمعي الكلام و لو هي هنا ايش كان حتقولك قولي ...
شيخه " لما فكرت بكلام دانه هو صح لو كانت هنا كان سمعتني كلام يفوقني هو من حقه لاني زودتها معاه .. "
: طيب لو انتي مكاني ايش بتسوي؟؟؟
دانه بضعف : انا مو من مكانك .. قولي الحمد لله ربي عوضك بطلال و عندك اخوان و اخت .. غيرك لا طلال و لا اخوان
و اخوات .. و اللي كان يهتم فيه راح .. بس ربك كبير و ماينسى احد ..
سكتت شيخه وقالت : الله يرزقك بابن الحلال اللي يعوض عليك حنان الام و الاب و الاخوة قولي امين ..
دانه بخجل : خللللص .. يالله قومي غسلي وجهك و صلي لك ركعتين و أقرأي قران و بعدها اتصلي على الرجال
و اعتذري و خليها آخر مكالمه و لاعاد تقابليه ..عشان طلعتك .. ولا بعدين ما يشتاق لك..
شيخه تمسح دموعها : حركاات دندونه و صايرة تعرفي هالاشياء .. عقبالك يارب ..
///
و استعدت شيخه طبعا انهت المشكله بأنها ارسلت له رساله تعتذر فيها و تقوله يستعد للزواج و انها ماراح تكلمه
لانها من اول تتصل عليه و لانه معصب منها مارد فلما جاته الرساله اتصل و اتصل و هالمرة جاء دورها و ماردت عليه
انقهر انه ماراح يسمع صوتها فوق الاسبوع ..
^^^
^^^
^^^
&& رومـــــــــــــــــــــــــــــــــــا &&
وصلنا روما و خرجت من الطيارة و انا فرحانه مو عشان الوصول كثر ماني فرحانه عشان اوقف و امشي مليت من
الجلوس .. يااااه ياما تمنيت اجي ايطاليا.. وربي حقق لي اللي تمنيته .. و مع أعز إنسان لقلبي
عسى الله يخليك لي و ما يحرمني منك ..
صحيت ماجد و اصلا هو صحى مع اعلان ربط الاحزمه .. و ابتسم لي .. حتى انه ما اكل و لا انا مااحب اكل بدونه ..
نزلت الطيارة و انفتح الباب نزلنا و كان واحد ممر مرة ضيق ويفتشوا واحد واحد .. الحمد لله ما في غير هالطيارة
نزلت وكذا زحمة اجل لو كانت كم طيارة وش بيكون المهم ..
خذينا عربيه بيورو واحد و بعدها خذينا الشنط و راح ماجد و انا انتظره لمكتب الانفروميشن وخذا خريطة مجانا..
و اخذنا تاكسي بـ 65 يورو .. غالي مرررة .. بصراحه من يوم خرجنا من المطار و انا استنشق الهواء بحماس
و اضم ذراع ماجد لقلبي بقوووة من فرحتي .. مشاعري الحين .. مزيج من حب ,, متعه ,, مغامرة امنيه كل شئ
اجتمع مع بعض و كون سحر غريب ..
ماجد " ناظرتها يوم شدت ذراعي لصدرها .. شفت ابتسامتها و ابتسمت .. يارب سعادتها من سعادتي لا تحرمني
ضحكتها لأنها تحلي ايامي .. و احس بنشوووة كبيرة يوم اشوف ابتسامتها و اسمع ضحكتها ..
خذينا التاكسي و طلعنا على الفندق طبعا 4 نجوم كله يهون لعيونهااا .. ركبنا السيارة و هي متحمسه تطالع من النافذه ..
و صلنا الفندق و من يوم حطينا الشنط .. مشاعل دخلت صلت و انا بعد .. و بسرعة البرق البنت خذت شور و لبست
بسم الله .. و انا حتى ماتسبحت .. : شفيك تناظريني كذا ... "و بنص عين" : لا تقولين تبينا
******************
نطلع الحين ؟؟
اشرت براسها بايجاب و على وجهها ابتسامه متكلفه ..
مشاعل بدلع قربت منه و هو يوقف .. : جووودي ..
ماجد رافع حاجب و بسخريه : نعم يا عيون جوووودي " قلدها لما تقول جووودي " ..
مشاعل عقدت حواجبي و بوزت : يعني ما بنطلع ؟؟
ماجد : لا .. طبعا ..
مشاعل : ليش ؟؟
ماجد : لانك مانمتي صح ؟؟
مشاعل : مابي انام ..
ماجد قربت لها و بهدؤ : أكلتي ؟؟
مشاعل تصرف عشان لا يهاوشها لانها ما اكلت و انتظرته كالعاده و هو دوم يهاوشها و يقولها لا تنتظريني : ابغى اطلع ..
ماجد : ردي علي ..
مشاعل " هذ ا عنييييييييييد " : لا .. بس انا ..
ماجد " كنت عارف انها ما كلت تصدقون احس بفرحه يوم انها ما تاكل الا لا اكلت معها " : انتظريني ربع ساعه بالكثير
بتسبح و نطلع نتغداااء ..
مشاعل ما استوعبت الا لما دخل يغير .. انتظرته الربع ساعه و طلعنا .. سأل ماجد بالفندق علموه فيه مطعم بالدور اللي
فوووق .. على السطح .. طبعا رفضت و قلت له نروح مكان ابعد قال لي لاااا أول شئ اكل بعدين يصير خير..
اففففف ..
يقول لا تتأففي ..
تغدينا وكان كله خضار بخضار ما خذينا لحم عشنه مو مذبوح بالطريقه الشرعيه ...
مشاعل : جودي بنروح اول شئ محطة تيرمني هي المحطة الرئيسية فيها قطارات وهي المحطة اللي تنطلق منها كل
الباصات عشان كذا لو كنت بأي مكان وضعت اسأل الناس أي باص يروح تيرمني ولما تروح ترميني يبيلنا نروح مكتب
الانفروميشن قدامك رح تلاقيه ونسأل كيف نروح سبنيش دي ستيبس مثلا .. وهو يقولك باص رقم كذا..
ماجد "مصدوووم من كلامها وش هالمعلومات ,, ظل ساكت و هي تكمل "
مشاعل تكمل و ما انتبهت لصدمة ماجد : و الخريطه فيها كل شئ مكتوب حتى رقم الباصات ..
ممم .. شوف اليوم بنروح ساحة اسبانيا تراها مررررررررررررة حلوة و فله ..
و نمشي شوي بنحصل فونتانا دي تريفي اللي هي نافورة الالماني .. ماجد يتبع مشاعل بصدمه هذي وش عرفها ..
ماجد بهدؤ بعد ما ركبنا الباص .. اللي كان ماشاء الله مليان و مشاعل الفرحه بعينها بعد ما نزلنا ..
وحنا نمشي : مشاعل قد زرتي روما ..
مشاعل بابتسامه عريضه : ابدا هذي اول مرة و بتكون احلى مرة .. وانا اكلم
ماجد وقفت بانبهار وماجد معي جلسنا شوي و رحنا للنافورة واااي تهبل و احط يديني بمويتهااا و اضحك رشيته على
ماجد قام رش علي .. هههههههههههههه يا حبي لماجد ..
ماجد " يا حبي لك يا عيون ماجد " ..
و بعدها جلسنا على الدرج وتتفرج على الناس المنظر حلو والجو والجلسة روعة بعدها شرينا بيتزا و عصيرو ردينا
جلسنا بصراحه جو خياااالي .. ههههههه اتذكرت اغنية كاظم السهر .. شكله صورها هنا ..
جلسنا الى الغروب و بعدها رجعنا بتاكسي لان الباص راح وقته ... ماجد رفض نروح مكان ثاني لاني مانمت ياربي هذا
صاير ماما مو زوجي .. ابتسمت احلى ماما و اختفت ابتسامتي لما اتذكرت ماما بهذيك الصيفيه
بالقوة اقنعت بابا نروح بس ماما جت و خاصمتني و قالت لي روحي قولي لابوكي ايطاليا ما نبغى .. أي مكان الا
ايطاليا .. كنت اعرف انه عناد فيني .. بس سويت لها اللي تبيه و بطل بابا من ايطاليا .. و رحنا تركيا ..
ماجد لما وقف التاكسي و نزلنا قلت لها : قلبي عندنا اسبوعين ابتداء من اليوم ان شاء الله بخليك تروحين كل
مكان وووعد بس ما احبك تزعلين .. ابتسمت و قلت : و من قال اني زعلانه و لا مضايقه ..
ماجد : اجل ليش ملامحك فجأة صارت حزينة ؟؟
مشاعل بصدق : اتذكر ايامي اللي ضاعت بدونك .. ليش من البدايه ما كنا مع بعض ؟؟
ماجد و حط اصبعه السبابه و الوسطى على فمها : اووووووص .. اللي فات ..
كملت مشاعل : ماات .. و حنا ..
كمل ماجد : عيال اليوم ..
مشاعل بضحكه : وبناتها .. ههههههههه ضحكوا الاثنين .. دخلنا و صلينا قصرا و جمعا .. و ردينا نمنا و انا عايرت
منبه الجوال على وقت الاذان .. قمت و صحيت ماجد لما صحى و بالاخير توضينا و صلينا ويا بعض جماعه .. الجو
كان برررد مع الصباح .. بس حلووووووووووو .. لبست وبالقووة ماجد لبس ثيابه .. و مشينا نتمشى برجلنا و
الكاميرا برقبتي و ماجد بيده كميرة الفيديو : شعوولتي ..
مشاعل : هممم .. وانا اصوور ..
ماجد : جوعان .. متى نفطر؟؟
مشاعل بأسف : اااسفه قلبي .. نسيت .. اول شئ نروح محطة تيرمني طبعا التذاكر حقت الباص والمترو هي نفسها ب
4 يورو تذكرة لليوم كله بواحد يورو تذكرة ل 70 دقيقة بس .. عموما بالباصات مافي احد يشيك على التذكرة عشان
كذا بصراحة مابنشتري الا من تذكرة يورو واحد بس بالمترو لازم تدق الكرت او بالباص لأنه في غرامة اذا ما سوينا
كذا .. شراايك قلتها بابتسامة كبيرة ؟؟
ماجد : أوكي ...
كملت مشاعل : بنروح ساحة اسبانيا - ساحة فينيسيا - ساحة نافونا - نافورة فوناتنا دي تريفي .
ماجد : كلها بيوم واحد ما يمدي ..
مشاعل لا ياقلبي .. مو يوم وااحد ...
و بنروح اماكن تاريخيه مثل : كولسيوم - الفاتيكان او سان بيترو - قلعة سان انجلو..
هذي كلها ان شاء الله بنروحها ..
ماجد : انزين مافيها حدائق ؟؟
مشاعل : الا فيها ,, حدااائق: فيلا بورقيزي وحديقة الحيوان بس . في حديقة
اسمها تيفولي..
ماجد : شعولتي يمه شفيك مفجووعه لا تخافين كل هالاماكن بوديك لها ..
مشاعل بضحكه : ادري ..
دخلنا ساحة فينيسيا و بعدها رحنا شرينا لنا معجنات و كوفي و جلسنا فيه بصراحه من جد ايطاليا بلد
الفن .. تمشينا بالمنطقه و رحنا كذا ساحه .. و قريب من محطة برميد فيه مطعم مصررري خطييير تغدينا فيه لان
بعض المطاعم الايطاليه صح ما فيها لحمة خنزير بس تخيلوا يقلوا الاكل بزيت خنزير ..
ساحة نافونا حلوة والجلسات فيها تهبل .. جلسنا بوحده من المقاهي طلب ماجد شاي و كورسون بالجبنه ؟؟
و انا طلبت كروسون بالشوكولاة و عصير الاناناس عندهم في ايطاليا زي السكر طعمه يجنن .. .
وشوي حصلنا ناس يبيعوا بضايع مقلدة وغالية طبعا ما شريت منها شئ ماجد اصر علي قلت له هالبضايع شفتها في
سوق وشيقر وعويس وطيبة..
رجعنا البيت هلكانين بالذات ماجد اللي نام مع التعب و انا نمت بعده بشوي و انا بحضنه جالسه اطلع على الخريطه
باكر ان شاء الله بنروح كولسيوم .. هذا كان تخطيطي ..
///
اليوم الثاني الصباح رحنا للكولسيو اول ما نزلنا من باص 110 هو اول محطة نزلنا فيها و اتمشينا
دفعنا الدخولية للكولسيو 10 يورو بصراحة الطابور طويل المهم شفنا اسعار الجروبات قالت النفر 18 يورو ما رضينا
وقفنا بالطابور جا رجال وقال جروب بالانجليزي والظاهر انهم تابعين لنفس القائمين على الكولسيو كان 13 يورو قلنا
13 يورو اهون من 18 يورو ورحنا ودخلنا على طول انا جلست مع الجروب والحرمة كانت تشرح بس كنت انا و
ماجد اخر ناس ومنا شايفين شي عشان كذا تركناهم وصرنا كل ما نشوف جروب مرشدهم يشرح بالانجيلزي نوقف
شوي معهم وبعدين طنشانهم وجلسنا نتصور . جنب الكولسيو فيه الفور امباريالي بس انا ما دخلته رحت اتصورت من
برة انا وجودي .. وماجد يزمجر فيني جايبتني بيوت مكسرة ومقابر ...
قبل ما انسى الكولسيو اكثر من دور الدرج حقه مؤلم و قديم وشكله يخوف
خلصناا .. وشرينا لنا ايس كريم بالطريق بعدها رحنا لحديقة الحيوانات فيه تخفيض للناس فوق 65 سنة يا حليلهم ..
الدخولية 8 يورو للشخص ورحنا الريبتال هاوس دفعنا 2 ونص يورو الحديقة كبيرة بالمرة ويعطوك خريطة احنا اول
شي ركبنا القطار النفر بواحد يورو شفنا الحديقة كلها بعدين رحنا الريبتال هاوس ركبنا في شي زي الطيارة
ويحطوا فيلم لمدة ستة دقايق يجي عجوز وحرمة دمهم خفيف يقالهم .. المهم خلونا نشوف الحيوانات اللي انقذوها
لحديقة روما وبعد كذا دخلنا مكان و شفنا جميع انواع واشكال الزواحف اشكالها غريبة سلاحف وتماسيح وثعابين وكذا
و رحنا حديقة بورقيزي جنب حديقة الحيوانات ...
بالمناسبة السفارة السعودية جنب حديقة بورقزي.. المهم حديقة بورقيزي فيها متحف اللي هو الفيلا دخلنا انا و
ماجد بــ16 يورو الدخولية
ماجد " طبعا لما وصلنا لحديقة بورقيزي دخلنا فيلا المتحف والله تخلف راسمين المسيح واعضاؤه التناسلية والناس
متأثرة وانواع الدلاخة ومسكتني وحدة بريطانية وقالت انها اعجبت فيني لأني مهتم باشياء النصارى واستحيت اني
دخلت المكان والله .. و لا مشاعل يوم شافت البريطانيه ماسكة يدي تطالعني و الشرر بعيونها قلت رحنا فيها حشى مو
شهر عسل الا رايحين مقابر و متحف متخلف و فوق كذا ما فيه رومانسيه الا من يوم جينا و انا تعباان من المشي و
الحدائق بكل مكان فيه ناس اجل وين بجلس مع حبيبتي .." ..
مشاااعل " حسيت بنااار بقلبي .. هذي ليش تمسكه لا و حاطه يدها على صدره .. و مسويه فيها متأثرة قسم بالله لو
بيدي كان حرقت يدهااا .. و بدون شعور قربت منه و مسكته من يده و مشيت بالنهاية وخر يده عن يدي .. انقهرت
منه بس ما التفت له مشيت الا بيده تلفني و انا امشي و توقفني ..
ماجد : انا ما كلمتها هي اللي كلمتني .. اصلا ما اعرفها ..
مشاعل : ما يهمني .. جيت امشي اللي قال لي ..
ماجد بحده : يوم اكلمك لا تطنشين و انا ما خلصت كلامي ..
مشاعل "سكت انتظره يكمل " ..
ماجد خذييت نفس : يا بنت الناس و الله هي اللي لصقت فيني وانا وش علي منها من زينها عاد ..
مشاعل التفت له بنص عين : لا و الله .. شقرااا و لابسه ذااك الشووورت اللي ما بقى شئ الا بينه و بدي كاشف
الصدر البطن وش تبي اكثر و جسمها كله احمر من زووود البياض .....
ماجد قاطعتها وانا اقربها لي بقووة : انتي هبله شفيك صايرة بدون عقل : الحين انا لهالدرجه صاحب مظاهر ..
تدرين وش اللي جذبني لك لونك اللي تتمناه بنت الشقر .. ناقصات عقل و دين .. و تركتها
من قهري من كلامها الغبي ..
مشاعل .. حسيت كل اللي قلته هباله بس انقهرت لما شفتها تلمسه بحريه و هو ساكت ...
رحت له و باين عليه القهر .. خفت اكلمه يعصب علي .. مشيت بصمت وراااه ..
بعدها رحنا في شمال الحديقة مشينا و عدينا من شارع الحديقة الكبيرة
سأل ماجد عن البالون وهم يقولونها بالوني
استغربت حكاية البالون بس رحت وراه وانا ساكته .. جالس يكلم الرجال اننا نركب المنطاد
الكبار 18 يورو ايام الويك اند وايام الاسبوع 15 يورو واللي فوق 65 سنة 11 يورو بس بصراحة اللي فوق 65
سنة الواحد يخاف عليهم يطلعوا بالمنطاد ..
مشاعل بخووف : ومن قال اني بركب .. مابركب ..
ماجد رافع حاجب و حاجب لا ببرود : بتركبين غصب عنك موبكيفيك ..
مشاعل برجاء : ماجد لا انا و لا انت ما بنركب هالاشياء ..
قاطعتها : جت معااك عند التماسيح و المقابر ماتقدرين تطلعين معي بالمنطااد ؟؟ من يوم جينا و انتي يا شينك ما ,,
حسيت اني بشهر عسل .. " وبصوت عالي شوي " بتركببببببببين ..
مشاعل سكت و ما تكلمت .. " صح اني احب معالم البلدان و نفسي اشوف معالم الرومان بس هذا مو معناته اني
اغصبه على شئ ما يحبه ... اذا مو عاجبه الوضع ليش ما تكلم .. مشيت وراه و هو ركب و انا اطالع بخوف و رجاء
لكن نظرته وضحت لي انه حاسم الموضوع .. مد يده و قال : تعــــالي ...
مشاعل " ليش انت عنيد و عصبي و.. مديت يدي له ومسكني و طلعت و من يوم ركبت بجنبه و هو
تركني .. زاد خوفي .. يعني ما بيحضني .. وانا خوافه من الاماكن المرتفعه .... واقف عند حافة المنطاد يطالع و
المنطاد يرتفع .. قربت له بعفويه و لصقت بصدره .. بعد عني .. و بقهر قلت له : يارب اموت و ترتاح مني نهاااائي و
رجعت على ورى الا ...
ماجد : لاااااااااااااااااا ...
^^^^
ثقيلـــــــه
مزحة الدنيا ..
غثيثة .. مزحة الأيام ..!
تقول إنطر على بابك ترى
’’ الغالي // على جيه .. ‘‘
وأروح لــ بآبــي بــ خطوهـ تسبق الأقدام
بــ شوق يحمله قلبي .. وعين تحتضن ضيّــه ..!
رجعت وخاطري .. ضايق // .. أنا ماشفته يجي أعوام
تجين الحين يادنيا تصحّين | الــحــزن | فيّـــه !!!
كذبتي ليه ؟!! ياأيامي على قلب // مسى منظــــــآم
وأصبح بــ الأمل لأنه ..
.. صدقك بـــ )( حسن نيه )( ..!!
خميتها بقوووووة ... بقوووووة ..
مشاعل "حسيت بدفى روحي و ان الخوف ماله مكان بقلبي دام الله معي ثم روح روحي مرغت خشمي بصدره " ..
ماجد " صوتي حسيته يرجف أرعبتني بحركتها بغت تطيح .. لما هدءت و توازنت انفاسي بعدتها عني ..
و طالعتها ..
مشاعل عيوني بعيونه : اسفه ..
ماجد قربت عيوني من عيونها و قلت بعتاب : يا ويلك ان كررتينها امــوت لا صار لـ ...
حطيت يدي على فمه و قلت ان شاء الله انا قبلك ... لا تفااول انا مقدر اعيش بدونك بتجن بس انت رجال تتحمل ..
ماجد : لااااااااحووول و لا قوة الا بالله .. تسكتين و لا اسكتك بنفسي ..
مشاعل بشقاااوة : جرررب ..
ماجد بخبث : و الله .. و قرب منها و هي تبي تبعدعنه .. قربها و قال : مشاعل بلاه الاستهبال , و حركات البزارين لا
تقربين من الحافه .. و مسكني من كتفي و ضمني من جهة اليمين و قرب هو و انا و جلسنا نطالع ياااه منظر
رووووعه حوالي 20 دقيقه .. شفنا روما من فوق منظر بانورامي خيالي ..
ومشينا لقلعة سانت انجلو هي قريبة من الفاتيكان بس المشي مسافة مو بطالة كثير طلعنا و استمتعنا بالمقهى
الجلسة تهبل وبصراحة الجو يرد الروح استانس ماجد هنا .. الحمد لله ..
و احلى شئ الطلوع على الممرات لين القمة شي ممتع ما يتفوت .ماجد انقهر ان طلوع هالممرات بـ8 يورو كل شئ
عندهم بفلوووس .. بعدين وصلنا منطقة منها يا اما نطلع فوق يا اما نطلع برة وجلسنا بعدها كملنا و طلعنا ...
ردينا الفندق .. و خذيت لي شور و ماجد على الفراش ..
ماجد : يالله قلبي بنااام ..
مشاعل : طيب ثواني .. فسخت الروب و انضميت له ..
ماجد : قلبي ..
مشاعل : هلا ..
ماجد : توقعت روما رومانسيه اكثر من كذااا ..
مشاعل : هههههههه ...
ماجد عضيتها باذنها ..
مشاعل :: اااااااااااااااااااااه .. و جلست .. دوبااااااااا ..
ماجد : ههههههههههههههههههههههههههههههههههههههههههاااااااا اااااااااااااااااااااي ..
مشاعل بقهر : لا تضحك .. و مسكت اذني اتأوه .. حمااار ...
ماجد وقفت ضحك تسبني الحمااارة مسكتها مع اذنها : تسبيني ياللي ما تستحين .. بعلك انا .. و الا العيون حمرت و
نزلت رأسها .. شعووله امزح معك ..
مشاعل : قرصتني بنفس الاذن اللي عضيتني فيها ..
ماجد وخرت شعرها وشفت اذنها شلون زرقت .. يااه نسيت بشرتها حساسه .. بست لها اذنها و ضميتها
: اسف و الله ما قصدت .. سكتت و لا تكلمت .. رديت اكلمها : زعلانه . حركت راسها بلا ..
ماجد: تألمك ؟؟
مشاعل حركت راسي بنفي ... و نمنا بسلام ..
اليوم الرابع كان يوم السبت و الحمد لله ان كان السبت ..
رحنا في جولة 110 اوبن يوم السبت وشفنا كثير ناس يتزوجوا طبعا جلست اطالع موديلات الفساتين و صورت
فساتينهم خخخخخخخخخ,,, رحنا بعدها في باص 110 وشفنا روما كلها
///
اليوم الخامس :
رحنا اليوم وقلت لماجد ما اطلع الا لازم اروح الفاتيكان رحنا باص اسمه كرستينا روما التذكرة 13 يورو بس طلع فيه
مصيبة ان الباص بالفعل يروح لسان بيترو بس هو ما يروح الا للكنائس والاثار النصرانية اثر الباص كريسيتيان روما
لو تتخيلوا شكل مسلمين راكبين بكل ثقة نفس بهذا الباص .. المهم كان فيه ناس تناظر شزرا لنا وانا استحيت
قام ماجد قال يعني اللي يشوفهم يقول الكولسيو مسجد يعني كلها اثار ..
ماجد " فيه عربات يسوقها احصنه قيمتها 150 يورو .. طبعا ما ركبتها بصرااحه مرررررررررررة غاليه يعني
حوالي 750 ريال ,, يازين عرباتنا بالسعوديه ارجل " ..
خلصنا من روما و اليوم اللي بعده رحنا لفيــنــيـــســــــــــــــــيا ..
///
///
&& زواااج شيـــــــــــــــــــخـــــه &&
دانـــــــة : شيخه ما يحتاج تبرطمي .. يا بنت الحلال صدقيني اذا رجعت ورد بسوي لك زواج تاني على حسابي
بس يالله خلاااص .. طفشتيني ..
شيخه : انتي منتي حاسه بقهري لا حضرت شبكتي و لا زواجي قهرررر .. و الهي لو انتي كان ما اتزوجتي
صح ؟؟
دانه : هذا لو انا لاني مجنونه بس انتي اعقل .. يالله خلاااص لو شافك طلال كذا صدقيني بيقول خذوا بنتكم وهي
مجحشه كذا ما ابغااهااا ..
شهد صفررررررررت : وااااااااااااااااااااااااااو يابنت ياشيخه تهبلللللللللللللللللللللي فين طلوول عنك ؟؟؟
شيخه بقهر : عمى بعينك لا تقولي طلوول ..
المهم .. دقت الساعه 2 و بدءت الزفة على انغام موسيقيه رووعه هاادئه .. تلاقت شيخه مع زوجها عند باب الممر
اللي يوصل للكوشه .. و مسكها مع يدها و مشوا و شيخه بيدها صدفه كبيرة بداخلها لالاء تناثرها على الناس
و تبتسم .. " ااه يا مشاعل كان ودي تكوني معاي بهاليوم .. قد ايش خططنا انا وانتي لو تزوجنا بنتزوج اخوان و
بنسوي زواجنا بيوم .. حتى الحناء بنحطها زي بعض و الفستان نفس الشئ .. حسيت بدمعة حارة بعيوني خفت
اغمضها فتنزل و خفت افتحها تحرقني ,, فضلت انها تحرقني على انها تنزل .. الله يسعدك و يسعدني ..
...
///
///
///
///
فينيسيــــــــــــــا
مشينا لتيرمني نشتري التذكرة - التذكرة رايح جاي من روما لفينيسيا على قطار اليورو ستار وهو احسن القطارات 78
يورو للشخص ...
صار نقااش بيني و بين ماجد اللي اقنعني ان فينيسيا ميستري ما فيها شئ من تمشيات و الافضل فينيسيا لوتشيا و
هذا للي صار .. طبعا كلامه على اساس واحد بريطاني عايش هناك هو اللي اكرد له هالشئ .. يوم كنا بالقطار ..
وصلنا فينيسيا لوتشيا .. رحنا جوله لمصنع الزجاج وشرحوا لنا كيف يصنع الزجاج بالنفخ وقعد الرجال قدامنا يسوي
كذا شي اتذكرت ايام كنت بالمدرسة وكانت معلمة الكيمياء مستنفرة على صنع الزجاح ثلاث اسابيع وهي تعلمنا ..
الرجال في خمس دقايق علمنا وبعدين طلعنا لسوق الزجاج ..
هناك الاكسسورات الزجاجية غريبة السلاسل والخواتم وكل شي
كان غريب .. غالي بس غريب ومافي مثله .. بصرااحه روووعه و عيني تلمع بلمعة الزجاج
حبيب قلبي ما قصر كل ما يشوفني اطالع بشئ يشتريه و انا خجلت
صرت ما اطالع .. للحين اشترى لي خاتمين زجاج و 3 سلاسل .. وقفت وشريت لنجود و منور و اصيل حتى لعبير و
ايمان و فطوم .. بعدها استأذنت ماجد اذا ممكن اشتري لبنات خالتي الا اصر علي و قال انه بغى يقول لي ااتشرى لهم
هدية بس نسي .. و قال لي حتى اختك خذي لها و امك ..
مشينا من جسر ريالتو لساحة سان ماركو ..
فينيسيا جزيرة من الجمال الفاتن والمناظر الخلابة شئ خيالي ..
وصلنا لمنطقه خضار بخضار .. شئ روعه و على بحيرة حلوووة .. معرف شسمها بس كانت روعه جلس ماجد على
العشب .. ناظرته من بعيد و هو يغمض عيونه .. تعبته معي اعرف انه ما يحب اماكن تاريخيه.. حاب
اكون معاه ههههههه .. بداخلي اضحك بخجل .. ايش يقول امس .. توقعت روما رومانسيه اكثر من كذا ...
يا قلبي عليه .. شفت ورد و شهقت بقوووة من الفرحه <<< اول مرة اشوف وحدة تشهق من الفرحه ...
مشاعل قربت من الورد .. اطالع الورد وبهدؤ ...
قلبي .. قلبي لا يقوى الانتظار أكثر
تعشق فأظهر عشقك ...
و التفت له و قلت ..
أحبك واريدك كالمجنون بعز جنونه ...
مــاجد " استغربت مشاعل تطالعني و تسولف بلغة غريبه .. هذي و بصدمه هذي لهجه ايطاليه .. .. معقول تعرف
تسولف ايطالي ..
وقفت و مشيت لمها ببطء ابتسمت و ردت تطالع بالورد "
لن تكون لغيري حياتي .. نهاري وليلي .. كنت أقرء قصة حبنا ..
صدقتك واخذتك لصدري .. تعالي هنا و خذني اليك ..
حياتي تناديك ..
تعشقني فأظهر عشقك ..
أحبك و أريدك كالمجنون بعز جنونه ..
قربت مني و لمست وجنتي و قالت : أكثر من المجانين انت مجنون أتعبني عنادك .. أعلك أني حُبك ..,
تكونت صورتك بخيالي و طافت بأحلامي .. فأصبحت كائنا بوجودي ..
التفت وراه وصدري يواجه ظهره بخجل : قبــلني ..
تعشقني فأظهر عشقك ..
احبك و أريدك كالمجنون بعز جنونه ..
ريحت راسي على ظهره وضميته .. دقايق..
وخرني عن ظهره و ضمني لصدره ثواني : تعرفين ايطالي ؟؟
مشاعل حركت راسي بلا ..
ماجد بحده و تكذيب : مشاعل شلون لاا .. معلوماتك عن ايطاليا و عن مدنها و تواريخها و الحين اللهجه وتسولفين
بعد .. الا اذا زرتيها أو عشتي بها ؟؟
مشاعل بابتسامه و عفويه : ثقافه ..
ماجد بشك : ثقافه ؟؟
مشاعل مسكت يده : ايطاليا مدينة الفن و العشاق .. دولة خلااابه .. لها زمنها ووقتها .. أحب اشوف قوة كائن مثل
ايطاليا شلووون صارت
الحين معلم من معالم العالم .. تدري يا جودي ايطاليا تتميز بأن فيها أكبر كنيسه و اعظمها .. غير الاوبرا
ابي أقوي إيماني لما اشوف الجاحد و الظالم شلون بيجيه يوم و يصير غبار , مقبرة , احجار ..
شئ نناظره و نصورة .. و بيتنسى بيوم ..
سكتت و بعدها كملت : اللي حبيته فيها فنها رسمها و نقشها .. تركت يده و قربت للورده الحمراء اللي هنااك بعيدة ..
ماجد " تنحت من كلامها .. ظلت كلماتها ترد بإذني .. والدنيا تسود بعيني
ايطاليا مدينة الفن و العشاق ..
مدينة الفن و العشاق ..
مدينة الفن و العشاق ..
الفن و العشاق ..
الفن ..
العشاق ..
.. مشاعل بحماس : جووودي ,, جووودي ...
ماجد صحيت من افكاري : هااا ..
مشاعل : شوووف فراااشه .. خسااااره طارت ..
ماجد ظليت أطالعها : مشاعل ..
مشاعل : هلااا ..
ماجد وش كان معنى الكلمات اللي نطقتيها بالايطالي ..
و بعدين اذا ما تعرفين عن ايطاليا شلون تتكلمين كلامهم ..
مشاعل : بسيطه من كثر ما بحثت عن ايطاليا مرة كنت بموقع ايطالي و حاطين رابط لموقع اشعار ايطاليه لأغاني
عالمية دخلته و قرأت الكلمات و ترجمتها للغة الانجليزيه .. عجبني كلماتها لها وقع هادئ وحفظتها ..
ماجد : بدون ما تعرفين معناتها ..
بابتسامه : اكيد لا ..
ماجد : اجل وش معنات اللي قلتيه تو ؟؟
مشاعل : قلت له معناتها بس كلمة قبليني لااا ..
ماجد ابتسم و قال : غني لي ..
مشاعل باستغراب رافعه حواجبها من جدك ؟؟؟
ماجد : اكيد ..
مشاعل : من زينه صوتي ..
ماجد : محد قال لك ان صوتك عذب ..
مشاعل بدون غرور : الا ..
ماجد : انزين غني لي ؟؟
مشاعل بخجل : جوووودي مو حلو .
01-05-10, 01:00 PM
جديد مواضيع قسم القصص المكتمله
العرض العادي
