المنتدى :
الارشيف
الحب و الواجب
السلام عليكم و رحمه الله و بركاته
اهلا بيكم
وحشتونى
من كام يوم بالصدفه كنت زهقان ومخنوق بعد خساره الزمالك هههههههههه
نزلت على الكورنيش مكنتش عايز اعمل حاجه خالص من الزهق
و كمان كنت زهقت من الاغانى اللى على الموبيل بتاعى فقلت اشغل راديو الموبيل اهو تغير وانا بقلب لاقيت برنامج انا و النجوم و هواك اكيد معظمنا يعرفه للمتالق اسامه منير و كان موضوع الحلقه مهم و حساس جدا
كان بيتكلم عن الحب و الواجب
الصراحه انا مكنتش مركز اوى بس هقولكم على بعض مقطفات من الحلقه
يعنى لما حبيبك بيقولك انه بيحبك و انت بتردى عليه بتقوليلوا و انا كمان بحبك
يا ترى انت بتكونى حاسه كده فعلا و لاتقولى كده عشان هو قالك انه بيحبك فالواجب عليكى انك تردهالوا ؟
ولما يجى عيد الحب مثلا انت بتجيبى لحبيبك هديه عشان عيد الحب و لازم تجيبيلوا هديه ولا عشان هو حبيبك
والرجل برده نفس الكلام بيقول ياه انهارده عيد الحب لازم اجبلها هديه وخلاص ده واجب عليا ان اعمل كده و لا ايه ؟؟
و فى عيد ميلادك لما هو يجبلك هديه مثلا انت تقوليله ميرسى يا حبيبى مردودالك يوم ميلادك
يا ترى هو فعلا بيكون منتظر منك هديه تردهاله يوم عيد ميلاده ؟؟؟
وغيرها و غيرها من الامثله
ياريت يكون فكرتى وصلتلكم لان انا بصراحه متابعتش الحلقه كلها
و بصراحه الموضوع حساس جدا و مهم جدا
انا كنت عايز اعرف ارائكم حول هذه النقطه
الحب و الواجب
|
22-07-08, 04:36 PM
جديد مواضيع قسم الارشيف
العرض العادي
