قلوب محطمه باحضان المجهول

روووووووووووووووووووعه القصه

بداااااااايه حلوووووووووووووووووه


اتوقع انه عقييييييييم

وانيس تبي تصير ولد تقوي نفسها

واللي تضربها زوجة ابووووها على مااعتقد

بانتظااااااااارك خيتو

<<فالقصر الكبير

تحديدا فالدور الثاني بغرفتها الواسعه..منحنيه ومنهمكه وهي تلصق اسلاك على مجسم كبير

على شكل هرم ..موعد العرس قرب وهي لسى ماخلصت باقي لها كثير..

بتافف رفعت خصل ناعمه بلون البني طايحه على عينها وحطتها ورى اذنها ..

وقفت وهي تفرك عيونها من العتب من امس سهرانه مانامت

وبنظرات ناقده ناظرت بشغلها :(ياربييه وش ناقص فيه شي بس ايش؟؟

تذكري ياريماس وش بعد!!)


قطع عليها تفكيرا دقات على باب غرفتها

وهي تعدل بلوزتها الكت بلون البيج الناعمه وناظرت بنطلونها الجينز المغبر بالبيج..

ومن دون ماتلتفت بصراخ ورغم كذا صوتها طلع ناعم حييل :(ادخلي ياللي تدقين الباب)

دخلت والدتها نوره ببنطلونها البني الضيق وتغطيه بلوزه بلون الفيروز لحد الركبه ((رغم بساطه لبسها الا انه كان غالي ومن القماش كان واضح هالشي))

(الله..الله وش هالزين اللي تسوينه.)

ريماس بابتسامه شاقه حلقها:(هاوش رايك يمه ؟؟عطيني من نقدك بس ترى لسى باقيماخلصت!)

امها وهي تلفت وتناظر بالمجسمات والتحف ولزين المزينه بشكل اهرام بجميع الاحجام اللي ماليه الغرفه:

(مشالله عليك يابنيتي شغلك منتاز مره) *اكثر مايميز والدتها طيبه قلبها والفاظه البسيطه*

ريماس وهي ميته ضحك:حنا بالفين وثمانيه مدري تسعه وانت لسى تقولين منتاز

احس متعوب عليها بنسوي لك قاموس فديت عمرك هههههههه

امها نوره وهي تجلس على اريكه طويله بجنب السرير مزينه بمخدات بجميع الالوان الفرايحيه وتسحب

مخده فوشي وتحطها بحضنها:(هالحين وشهوله مسويه هالاهرام يعني انت موحدتها لييش؟؟)

ريماس باستهبال :(قلت منتوا موديني مصر اجيبها لحد هنا واملي عيون منها ههههههههه )

امها نوره ببرئه ومصدقه ريماس(:وليه ماقلتي لي يابنيتي انك تبين تروحين يمها واخلي ابوك يوديك انت وخواتك مع ان مافيه شي زين )


ريماس وبضحكه ماقدرت تمسكها وهي تجلس جمب امها:


(امزح معك يام ضاري "ضاري" اخوها الوحيد مع ان فيه بنات لها اكبر منه بس بما انه الولد ينقال ام ضاري مسافر لامريكا وبنجيب سيرته بعدين")

_(هذا طال عمرك زبونه عندي تبي تسوي زفه مميزه وجبت لها فكره بسيطه نسوي زفتها زفه فرعونيه)

امها نوره وهي معقده حواجبها تحاول تستوعب:(كيف يعني )

ريماس بحماس تخيل وتشرح وكانها تكلم نفسها :(يعني انا مصممه لمجموعه بنات من سن واحد جلابيات )

وكل تطريزها رسمه للفرعون خوفو وبرضوا مصممه لمجموعه عيال صغار لبس الفراعنه القديم

اممم وش بعد "وهي حاطه يدها على راسها"ايوا تذكرت وبعد مصصمه لبس رقاصه ترقص قدام

العروسه والكوشه

وكل ادوات التقديم والطاولات مزينه بالاهرام والتراث المصري وبس هيك ..


انتبهت لنظره امها السرحانه فيهاوبصراخ :(يمه يام ضاري وش فيكي نحن هونا

لي ساعه اشرح واتحمس وبالاخير منتي يمي ابد !!)

امها نوره "بنفسها" مادريت يابنيتي اني ادعيلك بالزواج الصالح عمرك يروح وانتي مقابله هالاشغال "

(رووعه الافكار بالحيل بتطلع زفتها جنان متى ربي يبلغني بعرسك واشوف عيالك هذا انتي تخرجتي ولسى...)

ريماس كانت فاكه ربطه شعرها الحرير لحد نص ظهرها وبتلمه من جديد بعدماطفشها وهي طايحه على عينها ..وهي تربط شعرها:

(يمه تكفين فكينا من هالسالفه والموال المعتاد كل شي قسمه نصيب وانا بدري علي)

بعد مانتبهت لنظره امها الحزينه راحت يمها وباستها على خدها وهي تقول:(لاتخافين يالغاليه لو جا نصيبي

بسوي زفه ماصارت ولااستوت )...

قاطعها صوت جهوري :

(على كذا من هالحين جهزي لعمرك تراى مابقي لك شي)


لفت منفجعه قبل امها تقابل ابوها اللي دخل بدون مايحسون بماان الباب مفتوح ..

امها وقفت وهي تقول لزوجها( ياهلا والله حيااك ليه راجع بدري؟؟)


بابتسامه ومحبه غيرت من ملامحه وجهه القاسيه كثير :(لييه ماتبيني اجي يالغاليه؟؟)

نوره وجهها مورد من الخجل رغم السنين الكثيره الا انها باقي فيها خجل:

(افا عليييك يابو ضاري لو الود ودي ماتطلع من عندنا مير اشغالك الشكوى لله بس.)

ريماس وهي تلعب بشعرها وتحاول تخفي توترها وهواجسها من اللي سمعته فبدايه كلامه

:(احم احم نحن هونا تامرون على شي شكلي اصرف نفسي ازين لي هههه)

والدها الصقر وبهيبته المعروفه واللي منها بعد غناه وفلوسه يحسب له الف حساب بجديه:

(لالاتروحين اجلسي ابي اقولك شي)

ريماس وقلبها يدق واطرافها بارده خايفه من اللي تسمعه:(سم يبه وش تامر فيه؟؟)


الصقر والدها وهو حاط يدها الناعمه بين يدينه:

(مبروك يابنيتي امس كانت ملكتك ..)

ماتت ابتسامتها على فمهامو مستوعبه اللي تسمعه امها نوره خبطت عى صدرها وهي تقول

(كييييف؟؟ ومن متى؟؟؟ وعلى ميييين ؟؟؟ اكيد انت تمزح ..)

رفع حاجب وبملامح جااده اقرب منها للعصبيه (مافيه مزح بهالامور وامس كانت الملكه بس مع الاشغال نسيت اقولك.

ماتت الاعتراضات بفمها يوم شافت ملامح ابوها الصارمه دموعها تنزل بدون صووت

بصوت مبحوح (ماقلت لي يبا ماخذت رايي ؟؟ اكييد انا ماهون علييك )

فك شماغه وعدله من جديد وببرووده قال ( انا علمتك وامس كانت الملكه وعندك من هنا لاسبوع بنسوي لك فيها ملكه كبيره وعزمو فيها اللي تبوون اهم شي ملكتك تكون غير مميزه زيك يابنتي)

ريماس بهاللحضه تحس انها بكابوس تبغى تصحى منه .. وبصوت مرتجف من زود الدموع

عــــــ....لـــ.....ى ميـــــ....ن يبى...؟؟..؟

وقبل مايقفل الباب وهو طالع ( زايــد ولد عمك بندر )

حست ان الدنيا ضلام بعينها

يعني هالحيين هي متـــــــزوجه ـ...

من ميين من زايد ولد عمها

يعني الموضوع جد

هي مو بكابوس ولا يتهاياء لها

شقــــــــت

زايــــــــــد يعني

مـ........هـ..........ا

شهقت وطاحت من طولها


ــــــــــــــــــــــــــــــــــــــــــــــــــــــــــــ ـــ


اتمنى لكم قرايه ممتعه

لا تنسوني من ردودكم وارائكم


انتضروني بالبارت الجديد


غــــــــدير الحربي^_^