بــــــــــــــسم الله الرحمن الرحيم


هذا لعنــــــــــــــــــــــــونكم

البارت الرابع





مشى وهو يتمايل يغني ...ويردد بصوت عالي(جنه....جنه سعووووودي ياوطنا)



يالله ياني هلكان هلاااك...بس ابي السرير...




وقف عند باب بيتهم وهو مستغرب ..وش هالكراسي المرصوصه بالشارع غريبه من اللي



عندهم عزا ؟؟ < هالحركه دايم تصير بحارتهم لان مافي بيت عندهم واسع يشيل حريم ورجال>




الله يكووون بعونهم ويصبرهم..كان يرددها بشويه تاثر حتى بدون مايعرف من اللي متوفي بس



الموت دايم يكون له تاثير



فتش بجيوب ثووبه..وهو يتنهد طلع المفتاح ودخل




















*






*






*



دخل لغرفته بشويش ماحس فيه احد... اخر شي يبيه يسمع محاضره من محاظرات ابوه عن



تاخيره ونومته برا البيت... كنه سمع صوت بكا بس اكييد تهيات..وهو يهز راسه بدون اهتمام



يمكن صدق امي تصيييح متاثره بالعزا اللي مدري لمين..................



قفل الباب .......اووف وش هالتعب حده اليووم مجهوود بس قسسم ونااسه..


شبك جواله فالشاحن.....طفى الانوار طااح على سريره من التعب.. تقلب على السرير



وهو يتذكر وش صارله بيومه ياليت كل يوووم تصير لنا مناسبه عشان نفلها..



حاووول يغمض عيونه وينام...بس لحظه




كن ذا صوت احد يتنفس...خاف لايكون حراااااااامي..انقلب لطرف السرير بيجيب عصا ولا




صقع جسمه





بثقل..وقلبه يدق من الخوووف ..حرك بيديه الغطا




واخر شي كان يتوقعه...........يكون فسريره






يمكن مفاجاه من مفاجات كثيره بتصيرلك ياسعووود









ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ













اينااااس والضحكه شااقه حلقها(هع هع هع هع هع ضحكتينن ياخفت دمك ورى ماتاكلين تبن وعن الاحلام الزايده)




اماني معترضه وهي لافه عليهم كان شكلها يضحك بس ماهتمت لاحد(مو احلاام بيصير حقيقه



توقعتكم صاحباتي وبتعجبكم الفكره وتحبون لي الخيير )




مرزوقه وبالها مشغول فمكان ثاني مع اللي صار لها اوول(مدري بس ماحس لها داعي..ليه



تجيبين لنفسك المشاكل؟)



بعصبيه ايناس(عشان نحب لك الخيير مانبيك تسوين هالمغامره افرضي ودوك لمكان مشبووه



مالك فتره عارفتهم لييش واثقه فيهم هالكثر؟؟؟؟؟ ماتضمنيهم وبعدين لو درا ابوك مايكفيه ذبحك )



اماني بزعل (الحق مو عليييكم على اللي يحكيكم عن شي..انتوا بس تخيلوا كييف بصير طقاقه



مشهوووره ..واحط فلوس بجيبي يعني مستفيده من كل جهه وخلاص مابي اسمع منكم كلمه )



مرزوقه وهي تحاول تغيرر الجو(يعننا يامانيوه بنغني ويصير لنا كاسيتات وتشتهرين يقولون



الطقاقات يكسبون اكثر من المغنين ..عاد اكييد بتخربين سووق موضي الشمري بتغار من صوتك)



ايناس(اوووووخص ياكبرها....شووف الارانب كييف تناقز مره وحده موضي تبطين ماتجيين ربعها )




اماني بتحتج بس شافت خالها راجع وبربكه عدلت جلستها(اووص خالي جا لايسمعكم)



ايناس (جد انك كمخه انا هاللحين بقوله )



اماني صدقت وانخبصت(ايناسووه اسكتي تكفين )



ايناس بلئامه (اسكت بس شرط تفطريني بكره )



اماني بدون ماتفكر(طيب طيب اللي تبين بس قفلي فمك)



دخل خالها بعد ماسلم ..مرزوقه بهمس لايناس(ابووووووك يالاستغلال ..بكره لاستوعبت وش


وعدتك فيه بتجيها سكته قلبيه من الفجعه )



ضحكوا بصوت واطي وهم يتخيلون شكل اماني بكره...وايناس ناويه تخسرررررها حييل







*




*






























*



بعد ماوصلوا مرزوقه اول



قبل ماتنزل ايناس لبيتها....وبدفاشتها المعتاده تكلمت وطلع صوتها صرااخ (امانيووه فكري


زين قبل ماتهوريين ترى فالسرعه الندامه ..تراك بتدعمين بدرزن مواصير لو مافكرتي زيين


والاغلب شيلها من راسك )



صقعت كتف اماني من قوه الصقعه طلع لها صدى ملا السياره ونقزت برا السياره وهي مو منتبه



للعيون اللي تراقبها مصدومه فيه بنات بهالوقت بالطريقه ذي مو ماصخات ومغنجات ..<<حاط



ان كل البنات كذا..صنف واحد مثل اللي يكلمهم ....

اماني اللي متعوده ماهز لها جفن..(يالله خالي حررك بروح البيت تعبت وش فيك واقف خلاص دخلت لبيتهم )


حرك السياره وباله مو معه (اماني هاذي صاحبتك وش اسمها)


اماني وهي رافعه حاجب (ليييش وش تبي ولاقولك ريح عمرك ماتحب للخرابيط واالسوالف حقتكم)












































































































سكتت وهو مصمم يعرف عن هالبنت كل شي...........

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ












مجروح من رآسي آلى سـآسي
.. مجـــروح
ڪلي عنــآ وبعضي جروح دفينــﮧ
آقومـ وآقعـد مـآ آعرف وين آبـروح !
ضـآيق وضـآقت بي ليآل حزينــﮧ
آبڪي ولو آبڪي مـــآفـآدني { آلنوح
جرح آلبحر هـــآيج وقلبــي
~ سفينـــــــﮧ !
وهي تشد نفسها لحضن امها بقووووه وتغمض عيونها.. تدور على الامان اللي فقدته..على


الطعنه اللي انطعنت فيها من دون سبب ...وش الغلطه اللي غلطتها بحقه تبرر له انه ينهي



حيااتهم فجاه وبدوون مقدمات؟؟؟؟؟؟؟!



امها *نوره* وهي تحاول تواسيها..رغم صدمتها(خلااص حبيبتي كل شي قسمه ونصيب محد



ياخذ الا اللي ربي كاتب له )




بعدت راسها عن حضن امها وهي تشهق ..وتحرك يدين من الصدمه ماوقفت رجفه(بس يمه



يحبني هو قـــال ..يعني دايم يقوول ان حياته من دوني مالها معنى اكييييييييد فيه شي غلط فيه






انا ) قطعت كلامها وكنها تذكرت شي ..وبعيون مصدوووووووووووووومه






(يعني ...يعني ...يعني ماعاد اشوووفه؟؟؟؟؟؟؟! ماعاد يحللي كييييف اعيش من دونه علموني





كيييييييف؟؟؟؟؟؟؟؟؟؟؟؟؟؟؟؟؟؟؟؟



رحمتها امها وسحبتها لحضنها تسكتها(ياحبيتي اذكر ربك ...قووولي اللهم اجرني فمصيبتي







واخلفني خير منها يمكن ربي يفرجها وترتاحين )





قاطعتهم لمار وهي تلعب باطرف شعرها من البدايه ساكته وحزنانه على اختها ..بس متكيه على




الباب وساكته (هذي يمه اكبر راحه افتكت منه....اصلا كل الرجال مالهم امان زين بان على




حقيقته من بدري .. قبل مايبلشك بورعان وماتدرين وش تصرفين فيهم خلاص غصونه اهدي



لايصير فيك شي.. )





وهي على بالها انها تواسي اختها مادرت انها تحرق قلبها زوووود...



اغصان بعيون متورمه من الصياااح ..وبصوت مبحوح(وييييييين الراحه وانا




بدووونه ........حتى الذكرى الوحيده من ريحته الورعان مو عندي .......صدقوني متاكده فيه



شي **وهي توها تكتشف لها امل جديد** (يمــــــــــه ...يمكن هو مغصوب خلني اكلمه واقوله اني ابيه عشان يرجعني )






بدون شعور صرخت لمار(هبـــــــــــــــــله ..............ماعندك كرامه؟؟؟؟؟! الرجال عاقل





واعي مو بيبي مايبيك وش تبين فيه؟؟؟؟؟؟؟؟؟؟؟!)








ماقدرت تحمل صدمه قووويه.........وكلام يجرح ...حاسه بغصه...شي مو قادرره تفهمه او








تستوعبه بلحظه نور حياتها ينطفي...................................







متعووووووووووده لانجرحت تبكي بحضنه ويواسيها وينسيها كل همومها.......









يضحكها ودموعها مابعد نشفت........

بس هاللحين علتها وجرحها من طبيبها من اللي بيواسيها ...



ماردت الا بدموووووووووع وشهقات ........



امها نوره غمزت لمار تطلع برا...



لمار قبل ماتطلع هزت كتوفها(غصونه ماكنت قاصده بس انتبهي مو تذلين نفسك ترام حد يستاهل)



بعد ماطلعت لمار...........




حاولت امها نوره ..تعرف وش اللي صار او لو كان بينهم زعل او هوووووشه...لانها متاكده ان




فيه سبب بس مع حاله اغصان ماقدرت تاخذ اجابه لشي..................



ساعات...لين نامت اغصان من كثر البكا او الصدمه...




حست نوره ان فيه شي ومتاكده ان مافيه احد بيجاوبها

على اسئلتها غيررررررررره وعزمت انها تعرف منه وبتنتظره




ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ ـ










لليــــــــــــــــــــــــل هاليووووم ثقيــــــــــــــــــــل على كل ابطالنا......
صـــــــــــــــدمـــــــــــــــات.........
دمـــــــــــــــــــووووع.............

جرووووووووووووح والاصعــــــــــب الخووووووووووف

وكـــــــــــــــــــــــلن على همـــــــــه سراااا...!!!













************************************************** *******
بعد ماجلس على كرسي من جلسه صغيره بس تنطق فخامه بغرفته الملكييييييييه..




فك ازرت ثوبه ...ونزل غترته..واخيرا وبتلقائيه حط رجل على رجل وهاللجلسه تربك من يشوفه



بشكله المهيب





بس الا هي عاشت معه من الصفر...........

وساعدته واسته فاحزنه ..وشاركته فرحته..



وبصوت بارد تحاول تخفي فيه محبتها..له(اقووووووووووولك بنت تطلقت بدووون سبب كانوا



عسل مع بعض يعشقون بعض ...وانت ولا همك)



بدون اهتمام (خلاص تطلقت اكيد ان الرجل مايبيها ..او لاقي شي اصلا كل شي يتغير وربي


يرزقها واحد افضل منه )




الشك اللي كان عندها تاكد.......كل الناس بيرضون فالطلاق الا ابو ضاري يزوووووج بسهوله


بس طلاق مستحيل



وباسلوب هادي ...عشان ماتنرفزه(يعني ان عادي عندك تطلق وحده من بناتك ماخبري فيك ترضى)



بروده(لا اكييييييد مو عادي بس اذا فيه مصلحتها ليش لا)



حطت حرتها بالتفاح اللي تقطعه...له(وش المصلحه فالطلاق وخراب البيوت تكفى تفاهم معه اكيييد فيه سبب )



وبعصبيه (لاتفاهم معه ولاشي ..واياني وياك اشوفك مكلمته ولا مكلمه احد من اهله ..لايصيرلك



شي ماقد شفتيه موضوع وانتهى وشهوله تعيدين وتزيدين فيه)




بلعت حيرتها واسكتت بس تاكدت ان هو سبب هالطــــــــــــــــــلاق........



وش بتسوين لو دريتي ياغصان ؟؟؟؟؟؟؟؟؟؟؟؟؟



ان اللي بعدك عن اغلى ناسك ابووووووك؟؟؟!



غالي وانهى من حياتك اغلى؟؟؟!










ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ







اوووووووووف وش هالليووووووووم الطوويل...





مدري وش طلعني ...؟؟




لو جالسه فالبيت ابرك لي .....



طووول الوقت وانا على اعصابي اخاف اتاخر واكل تهزيئه من خالد اكيييد ماراح يقصر




دام وراه هالسووووووووسه تبيلي الزله....






ابتسمت وهي تشووف انوار البيت كلها طافيه...بس مانتبهت لاخر البيت للمجلس اللي انواره

شغاله... واللي كان فيها من ينتظرها



.مع انها لوتدري كان ركضت وقفلت على نفسها بغرفتها من الخووف ...



اشوا يعني نايمين ..فكه مافيني..اروح انام وراي تهزيئه بكره..




نزلت عبايتها... وتمددت على سريرها...تفكر باللي صاراليوووم ..




لييييه ماستانست اليوووم؟؟




كل البنات مبسووطات بالجوو .....وعاجبهم اللي يصير مايبون يفوتون لحظه...!!





بيتشققوون من الفرحه وهم يسمعوون تعليقات الشباب..وضحكهم واستعراضهم




واللي ماتراددهم ..ولا تعلق معاهم..وساكته


كانت عيونها بتطلع منها..وهي تراقبهم..



وكل وحده عاجبه واحد وتهمس لصاحبتها او ماتشيل عينها منه..



اذا مو عشانه عشان كشخته...


لضحـــــكته او استهباله او حتى ملامح وجهه..






ليييييييش ماني مثلهم؟؟!

انقلبت على جمبها وهي تهز راسها ...تبي تمحي اللي تفكر فيه

بس ماجذبني احد منهم... الابالعكس ماقدر احط عيني عليهم..




نفسسي اتنهد اذا عجبني احدهم مثل باقي البنات
نفسي....
ونفسي...



اكوووون مثل أي بنت..طبيعيه



لسعت حراره دمعه عيونها ونزلت..



انصدمت من دموعها...



وقفت بسرعه..تتبي تحمم وتغسل قبل جسمها ...هالافكار من عقلها



وهي تاخذ منشفتها ..



رغم سمار بشرتها الا ان خشمها كان محمر من الدموووع




وبصوت عالي بتقنع نفسها بسخافه تفكيرها..



ابتسمت والدموع بعدها مانشفت




(الحمدلله ...والشكر صدق اللي قال العقل نعمه

شكل صايبتني مراهقه متاخره...ياجعلي اكررررررهم ولا احبهم ابد
اصلا كلهم حقيييرين..وبدوون اخلاق... ومايخافون الله)

*


































*

توصيني على الكتمان
وتبغى حبنا مايبان وتنساني
تقول لي ودنا صافي وتحسب حبنا خافي
ترا راعي الهوى مفضوح..

صحيح النظره ماتكفي
من الالام ماتشفي..
ولكن عذرنا الحاظر.
نراعي الوقت والخاطر..

ومادام النظر مسموح
اشوفك كل يوم واروح
عسى النظره ترد الروح..




طلعت المنشفه من شعرها...وهي تحركه يمين ويسار تنفض الموويه من خصلاته القصيره حييل



ابتسمت..وهي تسمع وتردد اغنيه لحبيب قلبها محمد عبدو



ورافعه الصوووت على الاخير ..ومثبته السماعات على اذونها




وبحماااس ..نقزت على سريرها..وقامت تررقص بهباله




رغم ان الاغنيه رومانسيه بس من متى تعرف درب الرومنسيه



تحاوول تقلد ررقص مغنين الرووك..ساعه تووخر رجل وساعه تقدمها...

الموووهيم...انها متفاعله مع هبالتها ووناستها...ومانتبهت لباب غرفتها..اللي انفتح
لانها معطي الباب ظهرها






ولا انتبهت للي دخـــــــــــــــــــــل.ويتاملها




زمااااااااااااان ماشفتــــك ..ولاتخيلت انك بهالحلاووووووهـ



وهو يشبرها بعيون جيعانه من فوق لتحت



من الفنيله العلاقــــــــــــــــي <<طبعا ولادي




للشوورت الواسع بالوانه الفسفوري ..واللي مثبت على بطنها بمطاط



فيها شي حلووووووووو...تجذب يمكن لمعه الفرحه بعيونها!!!



ماقدر يتمالك نفسه وبصوت عالي (وش هالحلاوووه..واخيرا شفتكـ )





طبعا ...اينااس ماسمعته..

كيف تسمعه والسماعات صاكه اذونها...وهي داعسه فالرقص؟؟!





تنهدت من التعب ..طلعت السماعات وهي تجلس ..وكالعاده تكلم نفسها ((اووووف ...وش






هالتعــــــب تكسررت رجولي كيف الرقاصات ..)






وقبل ماتكمل رد عليييها( افااااا ...القمر يتعب وانا فيييه؟؟؟امرري وانا اريحــــك)









يتهيالها سمعت صوت رجال..فركت اذونها ..



الله يرجك ياهيووف انت وهالسماعات فجرت طبلتي..خبلت بي صاركل شي يتهيالي..




وكانها يقرا تفكيرها وبيثبت لها انه موجود (واخيـــــــــــــرا...صرت معك ولحالنا ياكثر ماتمنيتكـ )




كأن الاكسجيييييين خلص...
ولا الدنيا تدوووور فيني....

صدق ذا صووت رجال...

بشويش لفت راسها بتشوووف ..غمضت عيونها بقووووووه ماتبي تنصدم


مو صوووت خالد ابد..

الصووت ذا اخر انسان تبيه يكووون هنا فالوووقت ذا ..



مبسووط وهو يشووف بهالحاله يحس حلاوتها زادت..



(ههههههههههههه اينااااس...فتحي عيووونك شووفيني مشتاقه لك حييل )

برعب فتحت عيووونها.. وهي تمسك بيدها اطراف السرير بقووه

حاوولت تكوون قوويه.... ماتــــــــــــبي تخاااف ..


ولاتبكــــــي اصلا مايقدر يسوي لي شي




خالد قريب ومن بين اسنانها
(فاااروق ...اطلع برا الغرفه وش مدخلك هنا يالواطي .. وش هالجراءه..)

قاطعها وهو يدري بخوفها (انا ماصدقت القاك اطلع؟؟!! من جدك)




وهو يقرب لها والضحكه شاقه حلقه ..فرحان بصيدته (ليييييييييش خايفه؟؟؟تدرين اني زمان احبببببك )

ياربييييه هالحقير وش جايبه؟؟


وش دخله للبيت؟؟
ويلووموني فيهم ليش اكرهم...





نست تصنعها بالقوووه..وجسمها كله يرتجف من الخوووف



وبشفايف ترتعش (فاروق اطلع برا وش مدخلك االبيت اصلا لاصرخ واصحي خالد واجمع


الناس علييك ترا منت بقده ماراح يكفيه يسلخ جلدك )



***فاروق رغم انه باكستاني الا انه متقن العربيه وكانه من اهلها لانه من زمان عايش فيها قبل مايزوج خالد اخته**









( دخلت من الباب ..طفشت وجيت اسولف مع اختي.. هههههههههههه خالد مو حااااس بشي








نايم....ومن التعب ماراح يصحي لو تنفجر هنا قنبله )







ياربيييه استر علي ..ياربييييييه لاتشمت خلق علي




يارب...... ماتعيشني ذليله بين خلقك اكثر من الذل اللي انا عايشته



تلفت..ودموعها ماوقفت..تبي امااان يفكها من اللي هي فيه...

من زمان مطفشها بتحرشاته فيها..بس ماتوقعته بهالجراه...والدناءه ذي



دفته وركضت للباب..بتطلع بتفك نفسها..

بس كان هو الاسررع وسد عليها الباب بجسمه الضخم



صرخت...




بس من الصدمه ماطلع لها صوووت..





تنتفض مثل الووورقه ..زرقه شفايفها ..تحاول تصرخ بس تبي يطلع لها صووت

ويصحي خالد ..




بدفه وحده من يده الضخمه..طاحت على اخر الغرفه..





وهي تزحف بتوووووصل لابعد مكان عن يده...






ماتسمع الا ضحكته (ههههههههههههه على وين ايناس مشتاقه لك ..وماصدقت القاااكـ )









ــــــــــــــــــــــــــــــــــــــــــــــــــ ــــــــــــــــــــــــــــــــــــ





***** فجــــــــــــــو ثاني ...وللحــــــــــب ماله اساس..خيال تصورته وعاشته***







تنهــــدت بحـــب ..وهمست (جد وحشتــــــــــك ولا كلام بس )






فزاع واصابعه تحرك على لابتوبه بسرعه متعووده عليها..وبصوت مليان شوق (اكيييييد ياعمري





وحشتيني حيييل يومي بدونك اكرررهه... ماصدقت اجلس لحالي عشان اخذ الجوال واكلمك براحتي..)



وبدلع..مع ان صوتها دلووع مو محتاج(طيب قولي قد ايش مشتاق لي)






فزاع وهو يسب سماعه الجوال اللي طاحت من اذونه..ثبتها زين (حبيبتي صدقيني شووقي لك





ماينوصف .. حراام اظلم حبي وشووقي لك بكلام مايعبر عنه )








الدنيا تدور فيها من الفرحه...وقلبها بيطلع منها من كثر مايضرب ..ماتدري وش تقول (امممم

طيب حياتي ماقلت لي وش سويت اليوووم)



فزاع ..هاذي والله النشبه ماني قادر اركز بهالبرنامج من قرقتها..بس بعد مابي اتركها خلها





تسولف علي بدال ماني لحالي (ابد فليناها فالاسواق واحتفلنا صراحه كل شي كان

رووووعه ...وانت ياغلى دنيتي ؟؟)

بتفكير(امممممممم برضوا رحنا لسووق......... وفليناها انا وصاحباتي وقبلها كنا متجمعين فبيت واحده منهم )



فزاع وباله مشغول مع ذا البرنامج فالنت(ايوووه وش بعد)




وهي تلعب باطرف مخدتها بدلع وكانه يشوفها ..ولانتبهت انه مو معطيها بال (وو ...وو حسيتا ني مشتاقه لك مدري ليش بس فقدتك...)



فزاااع فقد تركيزه ...لازم اصرفها بدال قرقتها الفاضيه افيد اسووي اللي بيدي (عمري..صدقيني مستحيل اقدر اشبع من سوالفك بس واحد من العيال ماذيني بيحي يناام عندي مو صرت فاتح الاستراحه سبيل ..باخليك هاللحين )




تحطمت بعدها ماشبعت من صوته ..بس ماتبي تبين(طيب حياتي..بس ابطلبك)


يالليل مطوولك (هلا حبيبتي امري تدللي )

وبنعوومه ماتذكرها بنفسها(عمري ابي تصبيره صوره لك)

فززاع مع ان هالفكره ماعجبته اخر شي يبيه يرسلها صوره منه..


بس بيفتك منها(ابشري حياتي ..انتبهي لنفسك وتغطي زين مابي يدخلك برد وتمرضين ..ماراح اتحمل الا انت )







وبفرحه (ابشر حبيبي وانت بعد انتبه لنفسك...ولاتنسى الصوره حووبي )



صور نفسه ...وارسل الصوره بدون حتى مايشووفه...ورجع مندمج للبرنامج اللي مصمم انه يتعلمه..






كان متاكد انها بتخق عليييه..................







ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ ــــ





أبعرف بس وش ذنبي وخطايا وأبي اعرف ليش تخليني أعاني ***


وبكره أنتا تجي تدور رضايا ولكن ما بغى منهو ما بغاني




>>فوووق سلم صغير...


متنرفزه حيـــــــل ...وتحـــط حرتها باللي تشتغل فيـــه... لها ساعات..وهي تسوي هالركن من البيت



صممته..تبيه رومنسي بالووان رايقــــــه..درجات الوووردي والمووف



سدت نفسها ديكورات البيت..اذا كان مسوى له ديكورات اصلا


كل الجدران باللون الابيض كنها مستشفى...



مدري عريس الغفله وش تعب نفسه فيه بهالزواج حتى الاثاث أي كلام!!



ويييين بيفضى لي وانا من الصبح مو شايفه رقعه وجهه..
مو منه اكييد عند حبيبه القلب...



رفعت رجولها على درجه اعلى من السلم ...وهي تثبت عصفورين على الجدر




بعد ذاك اليوووم ...الله لايعيده ماصار منه رجا..




















تذكرت طيــــــحتها..بعد كفه الجامــــــــــد...










صحــــــــــت وقتها على سريرها...وكلهــــــــم حولـــــــــــها..






ام زايد بحنيه وهي ماسكه يده(يالغاليه مايصير كذا..خوفتينا عليييك...اكيييد هذا من قله


الاكل ..اهتمي بصحتك شووي )






جوري اخت زايد بابتسامه وهي جالسه على طرف السرير (مايصير ريماس كذا..تغذي خلي






اخووي عنك..ولاتستحين منه كوولي اللي تبينه )






ريمااس ولسى الكف بعده مابرد على خدودها(ان شالله بتغذى ..مع اني لي يومين ماكليت شي زين..)








قاطعه زايد ببروده(محد ردك ماتاكليين المطبخ مليااان..ولابعد تبيني اوكلك )










حمرت خدود ريماس غصب من اللي سمعتـــــــــــه..



مها بغيرره واضحه ..مسكت يدينه (شفت مافيه شس بس تدلع عليييك ..هذي هي قدامك وتسولف)


امه بحسن نيه(ايووه..مافيها شي ياوليدي ماكان ضايقت عمرك...)






انقهرت ريماس كنه هو المريض واللي لازم ينواسى ..وذي العله مها حتى هنا لاحقتني






متى يفكووني من قرقتهم الزايده ويطلعووون...لسى دايخه...و محل كف هالحيووووان يوجعني







رحمها زايد ...(ياللــه خل نكمل قهوتنا...ونخلي ريما ترتاح)

اللـــه ياخذك وارتاح ...حتى اسمي مو عارفه..







كشررت..وهي تضغط على الحرووف ..مقهوره من مها (خذي راحتك ياخالتي البيت بيتك)






مسك نفسه بالقووه لايضحك قدامها....







كان شكلها جنان وهي معصبه..


قاااصد يغلط باسمها..بينرفزها..



وبابتسامه رووعه وعيونه لمها(يالله يمه..وانت بعد جوري ومها خلنا نطلع )

سحـــــــبت ..العصفورين بقوووووه..اووووف كذا مو بزينه

ياربييه من متى صرت اخربط واعيد فشغلي الا يوووم تزوجت ..

مانلام ولاحد يشووف حركاته وماينخبل...من بعد ذاك الكف وانا ماكلمته



وهو معجبه الوضع ماعاد اشووفه جايه عذر من ربي!!!!!!!!

صارت تلصق..وتفك بقماش التل والزينه بقووه مالها لازمه...




رجعت خصله طايحه لورا اذنها بتافف ..بعد مانحنت تجيب الللي طاح من يدها...........

*









*

طفــــش بكل مكـــان اروح له مقدر اطوول والعذر اني معـــرس وعروستي تنتظرني





امحق عـــــــــروسه ...شايفه عمرها على ويش مدري...تحمدربها اني راضي فيها بعد مالصقها ابوها فيني..







ياليته مو عمي.... ولا كان طلقتها وافتكيت....





يبيلي اقطع اجازتي وارجع للدوام بدال ماني كذا



اخذله كوووب من ثلاجه القهوووه اللي لقها فالمطبــــــــخ




وكمــــــــــــل طريقه وهووو يتحلطـــم موعاجبه شي........

*






















*








*


تحاووول تركز تبي تخلص ..







اوووووووف قاهرني ..واللي يمووت من القهر اللي سواه بعد ماراحوا اهله






قال ايش..اني اتدلع وامثــــــــــل عشان يحن علي







من متى المرض فيه دلع الحمدلله والشكـــــــــــــــــــــــر بس








وقــــــــــــــف جامــد...





مو قادر حتى يرمش...يخااف يفوته شي ولايطلع حلم






مـــــلاك بشووورت ابيض...وبدي بلوون الوورد





ابتسم (حتى وهي معلقه بين السما والارض مكشرره وتافف )







مبسوووط انها مو منتبه له يبي يتاملها زوووود...



نفسه يحفظ ملامحها الروووعه...





فتنـــــه ...واقفه قدامي ...




انصــدم من نفسه وتفكيره



لـــــــــيه حسيت ان احـــد معطيني بوقـــــــــــس على بطني....









حاوول يبعد عنها اخر شي يبيه انها تدري انه مثل المراهق مو قادر يشيل عيونه منها




وهو اللي يكرهها انها حرمته من حبيبته وروحه







سمعها تكلم نفسها بصوت عالي((اووووف خلاص حل عن راااسي مو قادره اسووي شي من


كثر مافكر فيك)






متاكد انها قاصدته ...ومن دون شعوور(ياحظ اللي تفكييرين فيه..امه داعيه له ياليته انا )



انصدمت من وجوده.. ولفت له بسرعه(بسم الله من ويين طلعت ؟؟)

من الصدمه مانتبهت انها رفعت رجلها اليمين عشااان تلف...











مدت يدها بسرعه ....حاووولت تمسك باطرااف السلم..







بس فلت يدها وماقدرررررررت....









وماحست بنفسها الا وهي تطييير بالهواااااااء







طررررررررررررااااااااااااااااااخ



























فتحـــــــــت عيونها بقووه

مامـــــــــــــــت لسى غريبه ؟؟؟!




ولاني حاسه بالم...




بس حااااااااسه بدفااا غريب.............

رفعــــــــــت عيونها للعين اللي مركزه فيها...





حست بشي غريب..ماتدري وشو





بلعت ريقها تدور على صووتها وهي متفشله





امس كارهته وتجنبه والحييييين طايحه فوووقه





ولامها بيدينه...(احــ .........احــ.........م.. اسفـــه ماكنت .........)




حــــــــط اصابعه الخشنه..على فمها يسكتها .. مايبي أي شي يخرب



هاللحــــــــــظه...


من اوووول مانتبه ان توزانها اختل..بدون شعوور قاام يركض يبي يحضنها

قبل مالارض تسبقه لحضنها ...............!!!!




مد يدينه يلمــــــــس عيونها النجلا...




وخدودها الموورده من الحيااا



ابي اتاكــــــد اني بحقيقه مو حلــــــــــــــــــم...!!


اوووول مره احس بهالنعوووومه ...



ياليتها بين يديني على طوووول ...

زمااااااااااااااااان نفسي العب بشعرها بيديني..






















*

*








حرررر وين يرررروح الهوووا....





وين اقدر اتنفس ولايبرد الجووو وذا معلق عيونه فيني...

وش صايرله اليووووم....وش ذا الحنيييييييه.؟؟؟؟؟؟؟؟.بعيونه شي مو قادره افهمه!!







انتبهت للكوب الطايح وبخاره يفوووح اكييد كان بيده...وبخووف مسكت يده (بسم الله علييك لايكون انصبت القهوه علييك )






ابتسم من قلب على طيبه قلبها اللي اول مره يحس فيها...بمزح مع انه مهتم بهالاجابه (تخااافين علي؟؟)

هذا وش صايرفيه اكيييد فيه شي...



بس زيييين انه حس اني مرته ..ويكلمني بهدووء..



وش هالاحراج وش اجاووبه وبابتسامه وهي مستحيه (اييييه اكيييد مو زوجي)




داااااااااااخ على صوووتها ...اذا تكلمت مانفسه تسكت ابد

صووت يدخل القلب ويتربع فيه...!!!!!

كل شي فيها يجذب حييييييييييييييييييييييل










تفررررررررق كثييييييير عن حبيبته وعمره








مـــــــــــــــــــــــــــها


انقلب وجهه ريماس بين يدينه ...انتبهه لللي قاله بس ماحس بغلطه الا بعد ماطلعت









طعـــــــــــــــــــــــــنه

ماحسبت لها حساااااااااااااااااب




حتى وانا بحضنه ...........مانسى مها







نطق اسم مها بدال اسمي حتى فهاللحظه يفكر فيها...........

وباخررررررر كرامه باقي لي ...دفيته ومشيت بهدووووو






بعكس النار اللي منفجره بداخلي............






قمه الذل ......كني متشفقه قربه...ومقطعه نفسي عليه .. قلبه وعقله لها..و يبني بدالها؟؟!



راقبها ليييييييين اختفت من عيووونه..وبقهر





وش جاااب سيره مها على لساني ..يعني مالقت تطلع لي الا فهالوووقت

انقلب على بطنه ...وصرخ من الم رجله....








وتذكر انه طاحت عليه وهو حاول يثبتها قبل ماتطييح وكن رجله التوت...

ابتسم بحسرره معقوووووله قربها نساني هالالم؟؟؟















ــــــــــــــــــــــــــــــــــــــــــــــــــ ـــــــــــــــــ




ا
رتجفت يدينه ..رمشت عيونه بقوووووووه بعدماحرك الغطا ..



اخر شي توقعه يلاقي بنت فسريره..!!



وهو منحني يتامل فيها...ملامحها عاديه بس بياض بشرتها روووووعه
غريبه من تكووون؟؟




عشاني ماحضر تجمعات العايله ...ماعرفهم لو مروا قدامي بالشارع..!!!

وش هالبلشه بنااااام..كيف اطلعها ..جد ناس ماعندها ذوووق




غاسلين وجههم بمرق!



ولاذا وقت زيارات اصلا كيف تجرا
تدخل غرفتي...

تنهد وهو بيطلع يتفاهم مع امه ..ابتسم للفكره اللي جات باله..اخذ جواله وحط المنبه بصوت









عالي بعد خمس دقايق من طلعته...







ضحك بصوت واطي وهو يتخيل شكله مفزوعه..تستاهل







وبصراااااااااااخ (يممممممممممممممممه )

طلعت له بشكل عمره ماشافها فيه..............















*

*









انهااار من الصياااااح...







وهوو جالس على الارض....

كذا بدوووون مقدمات يمووووووت ابوووه ويتركهم..!!

ماكان فيه شي ..شايفه قريب مو اليووم لا .....امس ..




يموووووووت وانا مو فيييه اودعه!!

الحق علي كييف اتركهم كل هالمده ..حسيت بغصه امي وهي تقولي ان جوالي مقفل وعماني

ماخلوا ولابقوا من الهواااش لها عن تربيتها لي ..وعن دشرتي



يارب سامحني وبيد مرتجفه بعد شعره عن جبينه..

يحاول يستوعب هالصدمه االجديده بس مو قادر...............


*














*











*








صحت مفزووعه على صووت المنبه...طلعت تركض متفشله لايكون دخل احد عليها وشافها



وهي نايمه بغرفه سعود



وقفت ..متكيه على باب المطبخ ...






عووووووورها قلبها ..وهي تشوفه منهااار بهالشكل.!







دموووع الرجال غالييييه...وشلووون لو كانت من انسان مغرور ماقد اعتترف بضعفه!!







همست (بحياه ابووه مافكر يشيل عن ابوه مسؤليه خواته...وشلون الحين بعد عينه الله يرحمه عز الله راحوا فيها هالبنات )

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ ــ











بقرف (مو من جدك اسووي ذا كله!!)




جدتــــــــها وهي ترجع اكمام مقطعها (لبس للعجايز) لمكانها( لا والله من متى وانا امزح معك..اقوول بروح امدد







رجيلاتي من المغرب وانا فهالغنـم..وانت جالسه على هالهامل الكمبروتر...انا حطيت الحليب بالخضاضه (غساله للاطفال

صغيره يستعملونها للحليب الغنم حتى يصير لبن ) انتبهي لايخرب هاذي المره الثانيه طلعي الزبده منه ثم برديه بالثلاجه )




بتافف (يمه ماعرف ...بيخرب لبنك ..ومدام هالغنم متعبتك بيعيها وفكيني ...وبالمره الدجاج بعد بدال مانت فاتحه حديقه حيونات )




الجده بعصبيه ..كل شي ولاغنمها ودجاجها (تخسييين ماسويها..انهجي بس وسوي اللي قلتلك ولاتكثرين كلامك مابي اصحي الا كل شي مثل ماقلت )








مدى بعصبيه وهي حدها قرفانه(ياربيييه وش يعرفني بذا القرف ..اذا خرب ترى مالي شغل )

طنشتها جدتها ..وراحت لغرفتها وهي تستغفر............





عدلت قمصيها القطني الرمادي .. اللي مايوصل طوله لركبتها..


وجلست متربعه على ارض المطبخ
بلاط بس من اسمنت حتى ارضيته مو متسويه من النظاام القديم..



تاففت بعد مابعدت خصله من شعرها الاحمر طايحه على جبينها...




الحيين وش عرفني بالحليب مدري اللبن ...اصلا ماتستفيد منه كثير اغلبه توزعه على الجيران
موحق تعبها بهالغنم...!!

مددت رجولها البيضا..وحضنت بيدينها الصغار وجهها... وهي تنتظر الحليب يستوي ويصير لبن
ماتدري كم يبيله بس ربع ساعه تكفيه



ابتسمت ..وهي حاسه نفسها تمثل بمسلسل بدووي



مع ان هذا واقعها اللي تعيشه حتى لو تناقض مع شكلها او شخصيتها



وبصوت عادي غنت الاغنيه اللي تناسب هالوضع

تذكــار عـيـشـي علــى التـذكـــــــار= وإن كــان يـحـصـل لـك تناسيهــــا
بفـراق تالـي انتـهــت الأخـبــــــــار= عِشـرة حيـاتـي اليـوم ماضـيـهـــا
لا تـحـسـبـي سـرّك مـن الأســـــــرار=اللي علــى الـجـنسيـن تفشيهـــــا
منــك الـخـطايـا انتـهـت بأعــــــذار= وعيــونــك النـكــران معميهــــــا


*


*
















*
تعببت وش ذا ماصار لبن ومدري وشووو!!!!











بدلت قميصها..ببجاما عشبي فاتحه..ورفعت شعرها النااري الاحمر لفووق راسها..






لمعت عيووونها بالدموع...وهي تقلب بالصوور اللي بيدها...








بحنان ناظرت ..بالمراه اللي بالصوووره ..حلووه حيييل ..








واللي محليها فستانها القصير وبيدها المعسل وهي تضحك




ماتتنسى هالصووره كانت لامها اول ماتزوجت بشهر العسل فلندن..

من يصدق ان هاذي سعووديه مو اجنبيه؟؟!

حضنت رجولها ...وخيالها مع هالصووره وذكرياتها

دايم كنت استغرب ليش امي مهتمه اتعلم اللغه العربيه ..حتى فالمدرسه الداخليه فتركيا

كننت اخذ دروس فيها..مع اني ماحسيت انها لغه مهمه...

اول ماكبرت حكتني امي قصتها مع انها حقيقه واقعيه الا اني لحد هاللحين احسها انها خيال او بمسلسلات بس.

زماااااان حيييل ..

ايام البدوو يرعون ويشدون وينزلووون....جدتي ام امي رااحت للحج ..طبعا ماكان رفاهيه مثل هاللحين كانت الروحه تاخذ اكثر من شهر...

جدتي خلت امي وخالتها...عند اهلهاليين ترجع ...وفيووم كان رعي الغنـــــــم على امي عمرها ماتعدى 13

ضيعت ..لها من الغنم ..وخافت كيف ترجع من دونها....بيضربها خالها وماتدري وش يسوي زوود
لان اغلب رزقهم منها..

راحت تدوور عليها..وضاااعت ماعرفت ترجع كل اللي حولها صحاري

اخذت اياام وهي تمشي ماتعرف ترجع لاهل امها ..ولا لقت الغنم..







بعد كم اسبوع لقت سووق مليان بياعين ..جا الليل وهي ماتحركت وجيعانه حييل







انتبه لها بيااع بس من الاتراك وسالها عن اهلها..قالت انها ضيعتهم

اخذها ورباها عنده بعد مشاكل مع مرته واهله..كبرت واحلوت وتزوجها

مافيه ديره ماراحت لها وعشت مثل مثل الاتراك ..بعد المعاناه اللي كانت فيها

سنين ليين خلفتني..واغلب وقتي كنت اقضيه بتركيا وعلى بالي انها ديرت امي وابوي



اخذ ابوي الجنسيه السعووديه وزمان كانت سهله...وسنين ليين مالقت امي اهلها بعد ماكبرت فالسن

راحت لهم مره وبعدها توفوا هي وابوي بحادث...













وبمان اهل ابووي مايحبون امي طردوني ..ورحت لجدتي وبعد العز اللي كنت فيه

هذاني بذا المكان اللي ماني حاسه باي انتماء له ولاني قادره اتقبله

حتى ملامحي وشكلي التركي مو معطيني فرصه

























ماتحملــــــــــت هالذكرياات اكثر من كذا..!!

ولاكييف كانت عيشتها وكييف هي هاللحيييييييين!!


ركضــــت لجدتها اللي كانت نايمه وهي تمنع شهقاتها لاتزيد..

تمددت بحضن جدتها..تبي تحس بالاماان وبالدفا اللي فاقدته من زماان







وبدون ماتكلم غطتها جدتها..وهي تحس بدموعها وحرقتها بس مابيدها شي تمنت انها








تقدر تعيش بهالجوو الجديد عليها يكفي انها من ريحه المرحومه والغاليه اللي طوول عمري ادورها

ويوووم لقيتها راحت مني وانا بعدي من شبعت منها ولاكحله عيني منها زين
























ــــــــــــــــــــــــــــــــــــــــــــــــــ ـــــــــــــــــــــــ



راح صووتها من الصياااااااااح....



وبصووت مبحوح (مدري ياخالد صدقني لقيته قريب من غرفتي..متى جاا وكييف مدري؟)





خالد والشك لاعب فيه (ايناسوووه وشلوون يكون قريب من غرفتك وماتدرين)

ايناس وهي تبعااانه من الصدمه ومن اللي كان بيصيربس ربي ارحم من عباده (صدقني مدري انا




بغرفتي بس يـــوم شفتك داخل المطبخ صرخت بناديك عشان يمكن انت اللي مضيفه ولاشي )




يحس بكلامها فيه شي غلط بس مايدري وشوو ..من بكره بيغير قفل البيت ..هو طرد هاللحين فاروق








وبحنان ( ايناس فيه شي ؟؟احس انك تعبانه ولابكيتي؟؟ هالخسيس قالك شي ؟؟)

جات تبكي وتركض بحضنه وتحكيه عن الرعب اللي عاشته واللي كان بيصيرلها ...بس هونت بالذات انه












طرده وحلف انه ماعاد يدخل البيت واخر شي تبي تزيد هموم جديده لاخوها غير همومه ...





حست نفسها بين نارين ...








وبصوت حاولت يكون عادي (مافيني شي بس زكمت يمكن تغير الجوو..قلت لك اصلا مادريت انه










فيه..طلعت من الغرفه وهو بوجهي الظاهر انه كان يبي شي وبس شفتك ناديتك )

وقبل ماتعطيه مجال للنقاااش ..راحت حبت راسه (يالله بروح انام تصبح على خيير )





قفلت غرفتها ...ورجعت دموعها من جديد ...

مابي اتذكر الرعب اللي صارلي..




كله من هالحقييييييير ..عض الليد اللي ساعدته ماكان اخووي مغرقه بخيره هو واخته اللئيمه..

ياربي لك الحمد والشكر فكيتني منه..

لو ماطلع خالد وسمع صرختي ماكان هالحقيييييير ترك غرفتي وبعد عني..




خاف منه...غطت يدينها وهي تشهق من البكااا





ياربيييه متى ترحمني من هالذل والمهانه...











ربي هالمره ستر بس بالمرات الجايييييييه...؟؟ مو كل مره بتسلم الجره










حضنت اشعه الشمس..الليل وغطته عن الانظار وارتفعت بالسمااء
وبدا صباح يووووم جديد...بعد مانتهت احداث الليل بس يمكن باقي اثارها!!!


//




//




(الفــــــــــــــــقر..

والذل والحاجه..لاتطاااق...

جحــيم نعشها اذا كان يسووغ لنا ارتكاب الاخطاء ...


فكييف اذا جعلناه مبرر يبيح لنا تدمير حيااه اشخاص بلا ذنب سوى انهم عاشوا لحظه ضعف

ووجدوا من يستغلها؟؟؟؟؟؟؟؟؟؟؟؟؟؟؟؟



وقد يخلف اشخاص ناقميين على المجتمع ..ويسعوون وراء الانتقام من الجميييع وهم غافلون ان انتقاهم سيعود عليهم...)








دخلت الكلييييه والجوال بيدها (يمه ماقدر اغيب اكثر من كذا ...انا قلت ابنام عندها والهيها عن






حزنها بس بعد مابي اضيع مستقبلي ..لاخذت حرمان ماهي بفايدتني )

امها بعصبيه ( هيوووف خوياتك يدبرنها مو هذولي اللي تمدحينهن ..اهم شي خالتك المسكينه مقطعه قلبي )




هيوف وهي تبعد مسفعها عن شعرها القصير الناعم ..وبنفاذ صبر(خلاص يمه واللي يعافيك لارجعت البيت نتكلم ..)




امها وماعجبها ان بنتها تهرب ..وهي ماتقدر تخلي بيتها وزوجها (لارجعتي لاتجيين فالبيت روحي يم خالتك ونامي عندها وانا ارسلك اغراضك)




هيفا ...بحسره(والله والاغراض اللي يسمعك يقوول دولابي ماينصك من كثرهم..)وبضيقه (خلاص بروح يالله مع السلامه )



تنهدت وهي تعدل ببلوزتها الارونج الفاتحه ..مع تنورتها الزيتي وكواتشها الاورنج...

مناسبه ملامح وجهها الصغيره..ومطلعتها جذابه حييل..

اخر شي ابيه اني احسس صاحباتي اني اقل منهم...حلال تروح الباقي من مكافاتي اللي يخليه لي ابووي




فكشختي...
وبابتسامه حالمه.........
عندي فلوووووووس كثيره ..بس مادري متى باستخدمها؟؟؟؟؟؟؟؟؟؟؟؟؟؟؟؟؟

اكيييييييد بيجي اليوم اللي انبسط فيهم ..واكووون اغنى من الكل واعيش مثل غيري

بدال مانا اشوفهم يتنعمون بفلووس ويضيعونها بالحرام..و انا واهلي اولى!!


















*


*



















*








ايناس مع ان عيونها مغووره من صياحها امس بس ماحبت تبيين قدام البنات شي

كفايه الرعب اللي عاشته امس ماتبي تتذكر وتنغث...

واللي نساها زوود ..جيه هيووووف ...بصرااخ اخذتها بالاحضان خبطت كتفها بقووه (ويينك يالخايسه مختفيه كل ذا ؟؟على ايش هالغيبه )

هيووف بابتسامه حلوووه(اسكتي بس واللي يعافيك لاتذكريني جايه ابي انبسط )

اماني بحركه تضحك (احم احم لانكوون خربنا شي...ترى نحن هونا)



هيووف ركضت.لاماني مشتاقه لها حييل كانها سنه مو كم يووم (ياهلا وغلا وربي لك وحشه يادوبا )



اماني ..بعدتها مسويه زعلانه (وشو دوبا حرام علييك ياليتني اصير دوبا احسن من هالعاصقيل )

فقعوا من الضحك عليييها .........




مرزوقه بعد ماخلصت من الجوال ..وبابتسامه صادقه..(كففك..شخبارك؟؟شعلومك وينك يامعووده وش هالقطاعه؟؟)

هيووف جلست وبتافف (ياربيييه وش ذا...حبه حبه علي ماصارت ادري اني مهمه بس مو هالكثر)

صقعت كتفها ايناس بدفاشه (اقوول اعشقي الراحه بس ..وانطقي وين كنت مختفيه ..طفشونا






البنات وهم يدورن عليك والصدق كلهم اشكال شبهه مدري من وين نخشتيهم )






هيووف تضيع السوال... وبربكه (الله ياخذك عورتيني حشا منت بنت ..ابد زوج خالتي توفى )

مرزوقه وهي تدخل خاتمها الفضي الكبير..باصباعها الخامس وترجعه ( هههههههه الحمدلله والشكر هو مات انت وش دخلك قااطه معهم تغيبين )

اماني بحركه طفوليه..حطت ايدينها على شفايفها... تبين انها مصدومه (مرزوووقوه..وش








هالكلام..مايصير تتريقين ترى الرجال ميت )












ايناس ..طفشت من مناقراتهم واخذت الجوال اللي جمبها تقلب فيها...مع ان ماقد اهتمت








بالجوالات......










مرزوقه وهي تعدل نظارتها ..وتميل راسها لليمين (ماحب انافق واجامل صدق هي وياخشتها وش دخلها فيه تغيب من متى المحبه)



هيووف مع ان بالها مو معها ..نفس حالتها كل ماجا وقت تسليم ..الا انها (وجعع وشفيكم







تناقرون ..غبت عشان الحوسه اللي صارت.خالتي تحزن حتى ولدها الكبير كان نايم برا البيت











عشان كذا مره انا اخذ بناتها امي تجلس عندها ومره العكس )

مرزوقه تحمست (امانه ولدها ماكان فيه اكييد انه فلاويه وطالع يونس عمره مع هالاحتفالات )

هيوف عاقده حواجبها ماتدري وش احتفاله..حتى لو كان عندها خبر اخر هم لها هو ذا السخافات









(وشو احتفالاته؟؟لايكون جا العيييد وانا مدري ؟؟؟؟؟؟؟؟؟؟؟؟)

اماني وهي تصقع يدينها بعض من قووه الضحك (هههههههههه ياخبله وشو عيده ذا اليوم الوطني...قصصم قصمات فلينا ابوها ناقص وجودك )










قطع كلامهم صرخـــــــــه ايناس (مـــــــــــي )








لفوا عليها مستغربين اول مره تنادي مرزوقه باسمها الحقيقي ..

يعني اكييد فيها شي مو خاليه ...



وجهها الوان ماينتفسر...وهي ماسكه بيدين مرتجفه جوال مرزوقه


كل الناس ماتهمني خلها تخون االا اللي احبهم واعتبرهم كل حياتي ...

يعني وماروح مامن على نفسي؟؟؟؟؟!




مرزوقه ..خافت من شكل ايناس ماقد شافتها كذا (وشفيك..ايناس؟؟)


ايناس والجوال بيتكسر من ضغطعها عليه (عمري ماتوقعت انها تجي منك ..كل الناس اصدق فيهم الا انت ليييش كذا يامي ليييييييييييش ؟؟)

مرزوقه ..ماتدري وش السالفه..بس بعد مصدومه ...مدت يدينها لجبين ايناس (سلامات لايكون مسخنه وتهلوسين؟؟)


دفت يدها ايناس بقووه ..وحذفت الجوال بحضنها..وبعصبيه (بعدي يديك عني منت صاحبه اللي سويتيه فيني ..تقدرين تقولين وش هذا )


طبعا هيوف واماني مصدومين ومو فاهمين شي ...........



مرزوقه وجهها الابيض..قلب الوان..وش هالورطه على بالي مسحته ..وبربكه(هذا مقطع فديو )



ايناس بحقد (ادري ياعين امك انه مقطع فديوو..اجل مقطع صوووت ..)




وبعصبيه طلعت كل النار اللي جواتها كملت (متى صورتيه لي )





شهقت اماني ..مو مستوعبه اللي سمعته ..بس دفتها هيووف من كتفها تسكتها يشوفون اخرها...

مرزوقه بربكه (عادي..لييش مصعبه الموضوع مو واضح شكلك مو انت متلثمه بس رقصك اللي باين )





ايناس ..تدرين ان وجهها مو واضح بس اخر شي تبيه ينبسط فيها واحد من هالحيوانات ..وهي



تضغط على اسنانها (متى صورتيه .قوولي لادعس كرشك )



مرزوقه بابتسامه متوتره ماتوقعت رده الفعل هاذي (يوم كنا عند اماني .انا حاطه رقمي على ذا المقطع يعني انت مالك شغل..ومامداي لسى انشره بلوتوث ماتوقعتك معقده كذا )



بتافف ذي كييف تفهم ..مهما كان مارضاها لنفسي ..(اذا التعقيد كذا الله يزيدني ..بس ولا ينتشرلي شي كذا..حتى لو شكلي مو واضح انا مراح ارتاح )







اماني تحاول تغير الجو ..مع ان حركه مرزوقه صدمتها..مو لهالدرجه متوولعه بهالاشياء ..على كذا ماتنضمن (خلاص يابنات روقوا ..خلاص انووسه هالحين مرزوقه تمسحه ومدام مانتشر عادي )

ايناس والدنيا ضايقه فيها..قامت وعيونها على مرزوقه وبعيد عن صوتها الفخم (الصحبه اللي كذا تنعاف )

راحت بسرعه ..ماتبي دموعها تنزل ويشوفونها ...........




ويدينها بجيب تنورتها الواسعه...ومنزله راسها للارض ماتبي احد يشوف الحزن اللي فيها

كل مانبسط شووي ونسيت همومي .طلع لي هم جديد






الكل يخووون..ولا هو قد الثقه ..يعني شلونا عيش حياتي بدون ماثق باحد

حتى صاحبتي اللي هي صاحبتي بعذر الفله سوت كذا

انا غبيه اللي طلعت من بيتنا...اذا صاحبتي سووت لي كذا كييف الباقيين؟؟




























اماني لمرزوقه وهي معصبه (الحقوها راضوها ..)

هيوف (لاخلوها براحتها حبوبه ايناس بترجع وهي راضيه انا هاللحين برووح بنات يبووني )
اماني بتنهيده (طييب لاتاخرين ورانا محاظرات )











*


*



*















ببرود الثلج ...صكت جوالها ..قبل كانت تخاف وترتبك ليييين ماتسلم وبعدها ترتاح










هاللحيين مايفرق شي.......عادي ماتنهز..ميين اللي بينتبه لهم مع زحمه البنات؟؟؟؟









مجتمــــــــــــع بنات وكل التناقظات فييييييه!!

يداري داخله



جمييع انواع الفسااد .......

علاقااات بشباب .....انحرافات اخلاقيه

تسليييه باختلافات الطرق
حقد يدمر حيااه كثيرات..والخافي اعظم.....



وقــــــــفت قبالها بنت ملامحه ناعمه..بس سواد تحت عيووونها عيوون محمره




تحسسك من النظره الاولى ان فيها شي غلط..






ببرود لفت تتاكد اذا احد منتبهه لهم.. فتحت شنطتها وطلعت علبه صغيره






وبصوت غريب عليها (ويين فلوووسك اول ؟؟)



البنت بلهفه سحبت لها بنجره ذهب من جيب تنورتها (خذي هاذي بدال الفلوووس انا متاكده انها تساوي كثثير بس هاتي اللي معك بسررعه الله يعافيك )






تفحصت البنجره زين .. باين عليها تسوى حرام فالسرلانكيات ابيعها انا واستفيد اكيد انها بتطلع اكثر من المبلغ.. وبابتسامه صفرا اخذتها (هاتي يادووبك تجييب سعر اللي تبين..انت طلبك غالي هيروووين مغطى بحلاوو.. نوع سبيشل هاللحين لاخذتيه لاتكلمني ولااشوفك ليين كم اسبوع )




البنت مصدومه (اسبوووووووع ياويلي وش يصبرني)





هيووف ماتبي تذلها ..كل اللي توزع لهم قاسيه معهم ولايفرقون معها




بالعكس تشمت فيهم يستاهلوون عندهم فلووووس زايده مايدرون وين يوودونها

ويرمونها بهالحراااام مع انهم من عوايل معروفه وقبايل اصيله


مايدرون عن الفقر والحاله اللي هي واهلها فيه
دام مستغنين عنها انا اول فيها.......



بس هالبنت غييير تكسر خاطرها..



يمكن لانه انغدر فيها من اعز صاحباتها


حطت لها الهيروين بالقهوه اللي جايبتها للجامعه

وبعدها بكل شماته علمتها وذا كله على حسااب كلام طلع من دوون قصد



هيووووووف بقرف من حالتها وتبي تخلص (مابي اورط عمري...عموما بينا جوال سي يو)








اعطتها الهيروين وراحت..

وهي تغني مبسوووووطه...ولاكانها تدمر حياه كثيرات وحجتها ان فلوسهم زايده




وهي اولى دامها تكره الفقر والحاجه

ولسى نفس الازعاج والزحمه ولاحد انتبهه لها.........









انتــــــــــــهى البارت

انتظروني بالبارت الجديد ان شالله الاسبوع الجاي ان الله احيانا

ابشوف تشجيعكم وتوقعاتكم
غديـــــــــر الحربي

رووووووووووووووووووعه روووووووووووووعه

غبت فتره ورجعت ولقيت البارتات

الله يسعدك تجنن كل واحد احلى من الثاني


لي عوده على التعليق على البارتات

بروح انام وراي بكره دوام :)

مرحباا غدير

واخيرا ً عرفنا قصة مدى اللي ماهي قادره تتأقلم من الحياة الجديده المناقضة تماما ً لحياتها
السابقه من عز ودلال ورفاهية وحياة مدن الى طبيعة بدوية

بس رهيبة تبغى العجوز تبيع غنمها , لو تدري انهم لو خيروا العجوز مابينها وبين الغنم لـ اختارت غنمها

وقصة امها بجد رهيبه وواقعيه.
كانت جدتي تحكينا انه الغنم زمان كانت اهم من الاوادم انفسهم يعني اللي تضيع غنمهم نهارها اغبر
وكان كثير من البدو يزوجوا بناتهم للااتراك بسبب الفقر المعدم

هل لـ مدى اخوال , قرايب من ناحية امها وايش كان ردة فعلهم ناحيتها ؟؟





اغصان وفراق الحبيب وشريك الحياة
طيب على الاقل تحاول تتصل عليه وتفهم الاسباب خصوصا وانها عارفة مكانتها عنده
معقوله يكون لـ ابوها يد في طلاقها ؟؟

صراحة استغربت منه على الاقل يكلمه ويفهم اسباب الطلاق مو يقابل الموضوع ببرود وكانه موضوع عادي



هيووووف صراحة انصدمت تجارة مخدرااات مره وحده !!!!
ايش تفكيرها الغبي والغير منطقي عشان فقرها وانها اولى بفلوس الاغنياء اروح اتاجر
بارواحهم وحياتهم
وضاربه بعرض الحائط سمعة اهلها ومستقبلها



ايناس ومرزوقه واماني وهيووف
بجد الطيور على اشكالها تقع , وايناس متضايقه ليش تخونها مي ؟؟
لانه لمتكم لمة شر مافيكم النصوح ,مافيكم اللي تقول هذا غلط وهذا صح , مافيكم اللي تقول
هذا حرام وهذا حلال
وصدقيني مثل هالاشكال عند ادنى مشكله كل وحده تقول نفسي يانفسي
فمن جاور السعيد يسعد ومن جاور الحداد ينحرق بناره


بس عجبتني ايناس في حبها لـ اخوها وبلعت فعلة فاروق عشان لاتزيد همه

بجد زوجة اخوها شوكة في خاصرتها



فزاع هل انتهى دوره مع مدى ؟؟
والا للحديث بقيه مع فزاع , وصورة لمار ايش صار عليها يافزاع نسيتها والا محتفظ فيها لاجل مسمى


سعود هل بموت ابوه يسترجع ويبدأ يحس بالمسؤليه ويترك طريق الطيش
والا اذا عرف حقيقته بينحرف اكثر ؟؟


ريماس قهرتني , يابنت عشان سبلك بعيونه ضعتي في خرايطه
خليك ِ قويه , خليه يحبك لشخصك مو لشكلك , لاتعطيه وجه الا لما تتأكدي انه نسي مها وطوايفها


غدير
سلمت يمناك جزء حلو ورائع يعطيك العافيه يارب