امك كنها اختك)
لمار وهي رايقه حييل (امي تراها صغيره لايغرك ان كلنا متزوجات..)
نزلت فنجالها وهي رافعه حاجب (عجايب قسسم ..ايه صح نسيت تسلم عليك
ايمان كان نفسها تجي بس عشان بنتها..)
لمار برواقه (خساره ليتها جات يمكن تعجب غيث ونخطبها)
وقفت وبكشره وهي تناظر بكل مكان فالمجلس
(ياختي اول خلني اشوفه انا بعدين افكر اخطبه لبنت اخوي ولا لا)
لمار بضحكه (ههههههههههههههه تحمد ربها لو ولدي وافق ..بس هو الامير
مايتنازل يجي عندي على طوول متربع فغرفه امي )
لفت لها وهي تناظر فيها..
بقميصها القطن اللي باللون البيج ..
كان فخم ..
وووجها الصافي من دوون مكياج..
ماكان جمالها الطبيعي هو اللي ملفتها لانها مخلوص منه فيها
ومعروف ان الجمال ولمار مرتبطين ببعض...
بس اللي لفتها السعاده اللي تشع من عيونها..
وهي تجلس على طرف السرير وعيونها بعيون لمار( مشالله اول مره من عرفتك
اشوفك فرحانه بهالشكل ليش؟؟)
لمار بدلعها الفطري(اممممم اكيد ابفرح دامك عندي وليتك تدقين على الدوبا
امانيوه وتشوفينها وينها بالضبط شكلها بتسحب ومو جايه)
عضت على طرف شفايفها وهي تروح لشنطتها
فهمت ان لمار تصرف..
وهي تطلع جوالها اللي مزين باكسسوارات جماجم
دقت عليها,..


















































*


*

































وقف السياره وهو يناظر بالقصر اللي قدامه
وباستغراب(هذا هو البيت؟؟)
اماني بفهاوه(اييه هو وش هالعز مشالله ..ماتوقعت لهالدرجه )
والابتسامه شاقه وجهه(هاذي شلون متنازله ومكلمتك)
وبتلقائيه حطت يدها على خصرها(لااااه وش قالوالك بالعكس تحمد ربها
وين تلاقي مثلي جمال ودلال واخلاق و......)
قاطعتها(بس بس ذا كله فيك اول مره ادري طاري لي اني ماعرفك ابد)
رحمها صوت جوالها اللي دق..من ردها..
عدلت جلستها عشان تقدر تطلع الجوال من جيب
بنطلونها...
ةبعد حروب طلعته..
ابتسمت غصب وهي تشوف اسم ايناس (هااااه وش عندك داقه..)
طاحت عيونها (الحق مو علييك على اللي يدق عليك..اخلصي وينك
بنخلص القهوه..)
وبسرعه (لا لا وش تخلصونها اصلا اتوقع اني عند الباب..مو بيتها هو القصر الفخم.واللي..)
قاطعتها ايناس وهي تناظر بلمار اللي مبتسمه ولاتدري وش تقول
اماني(اييه اييه هو بس يالله ياهوو عجلي ماصارت..)
سكرت الجوال..
وهي تافف(فلفل اعوذ بالله ماتنكلم..)
لف لها وهو مستغرب(من ذي ؟؟)
والابتسامه شاقه حلقها وبطفاقه(يعني ميين..؟ حبيبه القلب الست ايناسو)
ابتسمت من قلب ..وبرفعه حاجب(ليه ماقلت لي انها بتروح؟)
هزه كتفها بدون اهتمام(مدري ماجات سيره..اهم شي تبيني اسلم عليها
زي كل يوم؟؟)
وهو يناظر بالقصر اللي قدامه(لا ولاتجبين لها طاري اني سألت ولا اهتميت فيها)
طاحت عيونها..
وهي تفتح باب السياره وتشيل الاكياس اللي فيها باقه الورد وشوكلاتات (اصلا ماراح تهتم الا بتكرشني زي كل يوم..عجايب
انت وياها.. )
ضحك وهو يسمع صكه الباب..

*



*
اكثر من نص ساعه مرت وهم بضحك ووناسه
اماني بعد مالاحظت مثل ايناس السعاده بلمار(مشالله وش هالرواقه لمار
ماقد كنت كذا)
ايناس بضحكه(ههههههههههه تبطين ماقالت لك..من اول اشحدها تعلمني وهي
تصرف..)
لمار وهي ترفع نفسها بالقوه عشان تكي ظهرها ..
على المخدات (لاحوول لازم يعني..بس ولايهمكم باقولكم الخبر
اللي مخليني اسعد انسانه فهالدنيا..*وبدلع * وهي تلعب باطراف شعرها*
ابد اليوم جاتني ورقه طلاقي)
خيم السكوت بعد هالكلام..
دقايق لين تكلمت اماني بعصبيه(ياعله الماحي والمرض.. اللئيم يسوي فيك هالحركه..ولا بعد انت فرحانه انت وهالخشه)
لمار بابتسامه وهي تلعب بطرف اللحاف (اكيد بفرح ماصدقت حياتي انتهت مع
مشعل ..توني بس احس بطعم الفرحه)
اماني بانفعال(طيب ناسيه غيث انت؟؟ وش يسوي يضيع بينكم؟)
لمار بدون اهتمام(لا مايضيع بينا من قال اصلا ماراح يعبره ابوه ..وبيعيش زيه زي أي ولد حالتنا مو اول وحده فهالدنيا)
اماني تنرفزت..
بيصير له نفس الوضع اللي صار لها..
هي واختها..
مع فررق ان لمار اكيد بتزوج..
والضحيه غيث..
بس ماعلقت اكتفت انها تجلس وتهز رجولها بقهر..
ام ايناس ماعلقت ..
الا بالعكس فرحه عشان فرحه لمار..
من زمان ماشافت صاحبتها بهالفرحه..
وهي تدور أي سالفه عشان تغير الموضوع اللي كهرب الجو
(فاتكم يابنات نص عمركم وش شرط جسارعشان يجيبني لكم؟)
لمار بعقده حواجب (من ذا جسار؟متى طلع؟)
اماني بنظره عاديه (هذا اخووها منذومبطي وهو طالع انت اللي ماتدرين
عن الدنيا)
ايناس وبحماس..
عدلت بنطلونها الفضي..اللي موديله طيحني ..
مع بلوزه كت واسعه اسود..
وحزام اسود عريض وسطه جمجمه كبيره تلمع..
(انت بالذات لاتكلمني يالمار تراك سوابق..)
هنا اماني سبقت لمار الي عقدت حواجبها(ليش وش صار؟؟)
ايناس(اوم اللقافه ياخي اكلمها ماكلمك..)
لمار بضحكه(هههههههههههه اخلصي وش عندك)
ايناس..وهي ترجع خصل من شعرها اللي مستشورته ونافخته من قدام لورى
( اسكتي مو جسار يسألني عن وحده شافها قبل فتره بعمارتنا.. وابلشني عليها
لين عرفتها حزرو من هي؟؟)
لمار بدون اهتمام(وش عرفنا؟؟ قولي)
ايناس بغمزه للمار(عن الست لمار.)
اماني بعد مانست زعلها اللي اول وهي تصفق بحماس(احلا احلا وصارت
الناس تسأل عنا يالموره هانم..)
باستنكار(هييه وش عرفه فيني..اصلا ماقد قابلت احد بهالعماره)
بعد ماحكتهم ايناس السالفه كامله..
اماني وهي تصفر بصوت عالي(ووووووووووواوو وش هالحكايه اللي كنها
الف ليله وليله..اجل فيه احد يحب وحده ويعشقها بهالجنون ..
حتى انه مايتزوج..وهو مايعرف أي شي حتى اسمها؟؟ فاهي ذا)
لمار بعد ماذكرته(سبحان الله ابد مايشبهك ابد يمكن بس بالسمار
وقتها كنت معصبه وكارهه عمري وهو متنح فيني ..موقف مو شي ابد)
اماني بفهاوه(لا وبعد من بين كل الناس الصدفه ان لماروه تشبهها..ماينعرف لهم هالرجال..)
ايناس بابتسامه (اييه قسم.عاد بعدين نكمل سالفتنا اول لمار شوفي لي درب
بروح لدوره المياه *وانتم بكرامه*)
لمار بابتسامه..(ماحولك احد..الخلق بالدور الي فوق..انت بس امشي سيده وبعدين لفي يسار..تلاقينه)
*





*
طلعت وهي تنشف يدينها بالمناديل..
وعيونها تدور بكل مكان وهي فاهيه بالاثاث والاكسسوارات
اللي قدامها كل شي ينطق بالفخامه..
طاحت عيونها..
من اللي تشوفه بالمرايا..
لف بسرعه لورى..










عشان تأكد من اللي تشوفه..
تحركت خطوتين ..


















وعيونها معلقه باللي تشوفه..






















تردد صوت جسار بأذوونها(سبحان اللي صور زينها ماخلق ربي مثلها ابد..
عليها بياض مشالله زي الثلج ..وشفايفها منفخه ومليانه ..وعيونها اااااخ ياعيونها
يايناس حارمتني النوم ..على انه كان مغمى عليها الا انه من وساعه جفنها مبين
انها نجلا..وشعرها مشالله كانت متنثر حولينها ..وخصلات منه حاضنه كتوفها بشووق..كثيف وطويل
نفسها ..















زي الوصف باللي قاعده تنزل الدرج..
بس شعرها مقصوص بطريقه غريبه..
مو زينه.. اصلا مو باقي منه شي كثير حتى رقبتها طالعه..








بس مخلي جمالها فضيع..
ملامح وجهها صارت بارزه..
وقبل لاتمر من جمبها وهي تبي تلفت انتباهها عشان
تقدر تأكد من اللي تشوفه(السلام علييكم )
ريماس بتعب وبصوت كله هم(وعليكم السلام ياهلا )
ايناس وهي تناظر فيها ولو ودها ماترمش عشان لايفوتها شي..
(انا ايناس صاحبه لموره,,اكيد انت اختها ريماس صح؟)
ريماس وهي تجر ابتسامه مغصوبه وتقرب منها وتسلم عليها(اييه انا هلا
حياك الله ايناس .. كيف حالك ان شالله بخير؟)
ايناس ونعومه صوت ريماس مدوختها(هااه ايه الحمدلله..)
ريماس بهزه كتف(طيب اعذريني..انا بطلع للحديقه )
ايناس بابتسامه(عذرك معك ..وانا بعد برجع للبنات تأخرت عليهم .)



































*

*































لمار باستغراب(طيب دام ملكه مرزوقه اليوم ليش مارحتوا..انا عندي عذر)
اماني وهي تنزل فنجال الشاهي على الطاوله ..
(لا هي ملكه عائليه الظاهر ..لانها ماكدت على عزومتنا )
لمار بدون اهتمام (الله يسعدها ويكتب لها اللي فيه الخير ..وانت ايناس؟)
ماردت عليها لانها سرحانه ..
اماني وهي تخبط كتف ايناس(هييييه نحن هونا وين وصلتي .)
ايناس واللي كانت تهوجس بريماس..
(هااه وش كنت تقولون؟؟)
اماني وهي تصفق يد بيد(لاااه انت اصلا من اول مارجعت وانتي سرحانه اعترفي وش شفتي؟؟)
ايناس بتهرب(وش كنتوا تكلمون عنه)
لمار (كنت اسالك ليش مارحتي لملكه مرزوقه ..)
ايناس (هي قالت انها عائليه اصلا انا اليوم طلبت جسار وبشرط جابني
لان خالد بدوامه ..)
اماني وفنجال الشاهي قريب من فمها.
(عادي انت انووي باي يوم ونروح نزورها امرك انا وعناد)
هزت كتوفها(اممم مدري احسها صعبه)
اماني وهي تذكر كلام عناد..
ولو على العاده كان حلفت لها ان عناد بيكون مبسوط
لو وداهم ..
(براحتك ..)















ــــــــــــــــــــــــــــــــــــــــــــــــــ ـــــــــــــــــــــــــــــــ












<<بعد شـهر..

طلع من عند جدته وهو متضايق وصاكه فيه الدنيا..
كل ماجا عندهم فتحت سيره الصقر..
تعب وهو يقولها مايبي يروح مو محتاج اب ..
كبير وواعي..
ومايبي يسوي لامه مشاكل..
بس هالمره جدته زادت علييه..
ركب السياره بضيق..
سمع صوت الجوال ..بوحده من اغاني ابو نايف..
ماكان يبي يرد بس من شاف الرقم من الاداره فتح الخط..
(هلا والله)
كمل(لا بعيد شوي ليش صاير شي؟؟)
يبي يتأكد من اللي سمعه(ايش؟؟)
مايدري كم مر عليه..
وهو مصدوم ..وبدون مايرد..
دقايق واستوعب انه لسى فاتح الخط ..(خلاص مشكورين..انتم باشروا المراقبه
وانا بجي قريب ان شالله عشان نسوي خطه للكمين..يالله فمان الله)
غمض عيونه وهو حاس بحراره فيها..
من بين كل الناس الانسانه الوحيده اللي حبها..
واعجبته وكان ناوي يتزوجها...
تطلع هي تاجره المخدرات اللي اهلكتهم وهم بيعرفونها..
هي الي شاف فيها البراءه ..طلعت هي اللي تخرب براءه كثيرات..
كان منصدم من فقرهم ..والحين هي اثبتت له ان الفقر احيانا يكون سبب
للانحراف..
هز راسه بقووه وهو يبي يمحي صورتها من باله..
مو قادر يربط صوره هايدي حبيبته بتاجره المخدرات..
شلون يقدر وهو حبها ..
اكيد ذي عقده نقص..
ولا من متى كان الفقر مبرر عشان تاجر بمستقبل بنات انضحك عليهم ..
نزل غترته وحذفها بالمقعد اللي جمبه
وهو يشد على شعره..
ومن بين كل الناس انا اللي المفروض
اسوي خطه لكمين لها..
اودي حبيبتي لعقابها..
زفر بضيق وهو يفتح طاقه السياره يدور على
هواء حاس باختناق..
والدنيا متساويه بعينه ..
وبقرار جا متأخر ..
شغل السياره وهو يبي يسوي اللي جدته تبيه..



ماعاد فيه شي بهالدنيا يستاهل ..


ــــــــــــــــــــــــــــــــــــــــــــــــــ ـــــــــــــــــــــــــــــــ












































احبك من هنا لاخر مسافات الظلام..



حرك يده على شعرها ..بحنان
رغم ان عيونه شوي على التلفزيون وشويات عليها..
والراحه باينه على ملامح وجهه..
عندها كانت مريحه راسها على صدره..
والدنيا مو سايعتها من الفرحه..
وبدون ماتغير من وضعها (حبيبي انت مرتاح معي؟؟)
من سمع هالكلمه اخذ الريموت ووحط الصوت على الصامت ..
وبرفعه حاجب .
(وش طاري هالسؤال؟؟)
دفنت راسها بصدره زود وبابتسامه مابانت له..
(عادي ..جا بالي وسألت وبعدين انت عمري ..وكل دنيتي..اخاف اكون مقصره معك ولا فيه شي مضايقك وانت ساكت؟)
حرك يديه على ظهرها وبابتسامه (افاا مايجي منك حبيبتي قصوور..
اصلا يكفي انك امي الغاليه اللي بتجي ..)
تنهدت ..(يعني بس عشان كذا.)
بعدها عنه بحنان ..(ليش تقولين كذا تعرفين اني احبك..مو لازم
كل شووي ابين لك ..والحمدلله مبسوطين بعيشتنا ..ومابقى الا وقت بسيط
ونرجع للديره يعني شيلي هالافكار من بالك..)
لوت بوزها وهي تناظر فيه بحب..
يكفي انها عرفت انه يحبها ..
وغير كذا ماتقدر تغيره فيه...
هو طبعه بارد وثقيل...
ولازم تعود نفسها علييه...
هزت كتفها ..بطريقه حلووه
(خلاص ابشر حبيبي..)





































ــــــــــــــــــــــــــــــــــــــــــــــــــ ـــــــــ


















<<باخر الليل..














































وهي متمدده على سريرها الخشب بغرفتها..
ومسرحه بعالم ثاني ..
كان تفكيرها يوديها ويجيبها..
شكل من جد عناد ماكان يحبني..
ولا ليش ماجابت طاريه اماني اليووم..
العاده على طوول تكلم عنه وعن اللي يقوله عني
حتى ماقالت لي انه يسلم علي..
غريبه..!
اصلا ليش اهتم بكيفه..عنه ماسأل
انقلبت على الجمب وهي تغمض عيونها
تحاول تنام..
بس طرالها ..جسار
مع انها كانت تكلم عادي..بعد مارجعت
وتضحك الا ان بالها مشغول بريماس ..
ماتدري ليه بس احساسها يقولها انها هي حبيبه جسار..
بس شلون تقوله؟؟؟
يمكن بغيررايه لادرى انها ارمله ..
يعني اسكت..؟؟
ولا اقوله..
مايصير اسكت..
حرام اخليه يتعذب..
حتى لو مو هي يكفي انها نفس المواصفات..
يعني تكفيه..
انا بأقوله وهو بكيفه بتصرف اهم شي اعطيه خبر..
جلست ..
وهي تمد يدها على الكومدينه اللي جمب السرير.
وتسحب الجوال ..
وتدق عليه..
دقايق ورد بفجعه(هلا ايناسو صاير عندكم شي؟)
ايناس بهزه كتف وكنه يشوفها ..(لا ابد مايصير ادق على اخووي..)
جسار وهو يزفر بقووه (الحمدلله على بالي صاير شي..بس مو من عادتك)
ايناس وهي تناظر بديكور سقف الغرفه(لا ادري انك بدوامك.يعني منت نايم..)
بابتسامه(اجل حيياك الله..وش اللي عطاني شرف انك تكلميني..)
وهي تشد خصله من شعرها بقووه وبتفكير(امممم عندي سالفه ابقولها لك)
بضحكه(هههههههههههه الله وش هالسالفه اللي ماخلتك تنتظرين لين تشوفيني؟؟)
(امممم هي سالفه ماتنقال بالجوال .. والصراحه ماتحملت انتظر لين اشوفك)
جسار باهتمام(خير ان شالله وش هالسالفه ؟؟ طيب قولي لو شوي ماراح
اتحمل انتظر لين اشوفك)
وهي ماده بوزها(شي فيه من سيره حبيبتك)
لاشعوريا قام من الكرسي اللي جالس عليه..
وبانفعال(ليش ؟؟ عرفتي شي.؟ )
كسر خاطرها بس عشان سيرتها انفعل كذا..
وهي تبي تبين ان السالفه عاديه(لا شي عادي جدا لاتحمس ابد.بس قلت ندردش عنها سوا)



باحباط زفر ورجع جلس..
(على بالي لقيتي شي..خلاص انت صاحيه لين الفجر امر بفطور؟؟)
ايناس وهي تناظر بساعتها ..
ماباقي على الفجر الا نص ساعه(اييه خلاص انتظرك)
جسار(طيب اجل فمان الله )
سكرت منه وغصب عنها رجع تفكيرها لعناد..
















































ــــــــــــــــــــــــــــــــــــــــــــــــــ ــــــــــــ



























































<بنفس الحاله لكن بمكان ثاني ..
































وهي متمدده ..
قفلت الجوال وحذفته تحت المخده..
مو قادره تسوي انها مانتبهت لشي..
وتضحك وتسولف مع الخلق..
قايد فيه شي ..
كأنه مغصوب..
على طول سرحان ويفكر..
من اول ماشافته ماسمعت منه اكثر من كلمتين السلام
ووشلونك؟؟
حتى انه يجلس معي لحالنا مارضى..
بعذر ان وراه شغل..
مو فرحان ابد..
يكون لسى يفكر بطليقته؟؟
بس مستحيل..
لان هو اللي طلقها محد غصبه..
مع ان امه كانت بتطير من الفرحه..
بس هو مره عادي ولاكأن الموضوع يعنيه بشي..
مع انه ماعلق على الموعد اللي امه حددته للزواج ..
واللي قريب مره..
بس شكله ماكان راضي..
استغفر الله..
شلون هاللحين باعيش مع واحد سقيم مثل ذا؟؟
يالله لين وقتها يصير خير..
انسيه مرته اللي قبل وسنينها..
كلهم زي بعض...
جات على ذا..يعني.؟



































ــــــــــــــــــــــــــــــــــــــــــــــــ








*تـ۶ـــَـبُتُ آقـــوَلُ لُـ طيحــــــﮧَ ألحَظُ خيـــر ..






فتح ازره ثوبه..
والضيقه ذابحته..
مو قادر يتنفس..
الاحداث مرت بسرعه..
مو قادر يستوعب شي..
حبه اللي انتهى قبل حتى لايملي عليه دنيته..
صدمته ان هايدي حبه طلعت هي تاجره المخدرات ..
وروحه للصقر بشركته اللي ماصدق واشتكى عليه ..
وانكاره لهالنسب.
لين جلسته هاللحين بالسجن..
المفروض حتى الصقر ينسجن لين يعرفون من الصادق والكذاب
بس اكيد له واسطته اللي ماخلته يدخل..
لين نتيجه تحليل (الحمض النووي dna) تطلع ويعرفون هل هو فعلا
ابوه ولا لا...
وبزفره ضيق..(الله يهداك ياجدتي..هاللحين كذا يرضيك ..وانا اللي الكل
يحسب لي حساب.. صرت مسجون بسبب سخيف مثل ذا..
كنت باتراجع بس ماقدرت من نظره هالصقر..
على باله اني اكذب ..
حسبي الله ونعم الوكيــل..
حتى اوراق جدتي ماتدل على شي ..قانوني..
تكى ظهره على جدار الغرفه الضيقه..
مايدري ليه طرت له مدى
نظراتها له ..
كلامها .
اسلوبها وهي تفهي فيه..
مايــدري كم مر علييه...
وهو بنفس الحاله والافكار توديه وتجيبه..
بس مع هالضوء الخافت والاقرب للظلام
وبضيقه القلب قبل ضيقه الغرفه..
فكر بقرار يبي يسويه اول مايطلع من هالسجن..
ومتأكد انه مراح يطول لان واسطه الصقر اكيد بيخلص الموضوع باسرع
وقت..
بس غريبه ان الصقر مهتم انه مايعرف الا الصدق..!















































ــــــــــــــــــــــــــــــــــــــــــــــــــ ــــــــــــــــــــــ











<بالفجر






























اشغلت نفسها ..
وهي تبعد عن بلوزتها فتافيت الطعميه الي طاحت من سندوشتاتها..
بدت تحس انها تهورت باللي قالته..
من شافته ساكت..
تنح نحت وهي تذكره بوجودها..
وقت ماشافت انه مافيه فايده..
(جسار علامك ..انا قلت اقولك..عنها يمكن مو هي..بس والله مابالغت بالوصف
اتوقع انها قصت شعرها بتغير من نفسيتها بعد وفاه ولدها وزوجها.. بس خلاص انسى المووضوع)
رفع راسه..
وبنظره ضايعه(انسى الموضوع؟؟ ششلون؟؟اخاف انها تردني ثم اموت من القهر
بس دام كل هالشببهه خلاص يكفيني. شكل مومكتوب لي اني اعرف حبيبتي
راضي بهاذي دام تشبهها هالكثر.. انت برايك توافق؟؟)
عضت على شفايفها ..
وهي تناظر بالامل واللهفه اللي باينه بوجهه..
تخاف ماترضى ريماس..
ويتحطم ..
خايفه انها تهورت وعشمت بشي يمكن مايصير؟؟
وهي تحاول ترد بشكل عادي مايزيد حماسه(يمكن ماتوافق..من حزنها على زوجها الله يرحمه وولدها.. اصلا انت شلون تقرر وانت ماخذت راي ابوي وامك؟؟ هي ارمله
وانت مابعد تـزوجـ..)
قطعت كلامها من نظرته..
وبحزم (ذي حياتي وانا اللي باعيشها..انت بس عليك شوفي رايها..
تطقسي الاوضاع من اختها..
قولي لها اني شاريه وش ماتبي بسويه..
تكفين اقنعيها باي طريقه انت عارفه وش عيشتي بدون حبيبتي
حتى لو ماهي حبيبتي بس تشبهها راضي..
ابي لاخلصت عدتها اطلبها رسمي .
بلويه بوز (طيب انت فكر ليش مستعجل كذا..)
بعناد(حرام عليك وش افكرفيه؟ انا مو مصدق اني الاقي فرصه مثل
ذي انت مو متخيله وش كثر احبها ..انت ماعليك بس فاتحي صاحبتك بالموضوع
وهي تكلم اختها عفيه علميها شلون انا متمسك فيها ..)
زفرت بضيق..
خايفه من اللي بيصير..!

















ــــــــــــــــــــــــــــــــــــــــــــــــــ ـــــــــــــــــــــــــــــــــــــ























<شهـر مر على ابطالنا..بحلووه ومرهـ















ضمـت ولدها بشووق..
بعد مارفعته للسماء ونزلته بضحكه..
ناظرت بعيونه الناعسه..
(يالبييه تززننن ....وش اسووي فيك يالطعم؟؟ قولي .؟؟)
تغير صوته وبدا يبكي..
شهقت ..
(وييه وييه يالحساس ..اسفه ياماما ..)
وهي تحركه بيده بشويش.
تبي تسكته ..
(والله اسفه خلاص ماعاد العبك كذا.. نمزح..اصلا لو تدري امي تموتني
باقي تقول لي الحركه مو بزينه لك)
كملت..
وهي تنزله على السرير..
(انت رجال تسمع الكلام خلك هنا لين ابدل ملابسي عشان انزلك لخوالك..!
اييه مو انت يالشيخ مغيره لك الخدامه..)
فتحت دولاب غرفتها الكبير..
ناظرت بملابسها..
محتاره وش تلبس..



اول مره يجتمعون ..
عضت على طرف شفايفها بتفكير..
ناظرت بصورتها المعكوسه على المرايه..
زمان مالابست بنطلون ..
وهالمره لابسه بنطلون اسود ساتان باكسووار فضي نازل..
مع بلوزه كت..فضي لها كاب من ورى..
جسمها حليان مرره..
يمكن لانها رجعت تهتم بنفسها اكثر من قبل ..
مافيه شي ماسوته بنفسها..
ستايل جديد..
تبي تنسى الفتره اللي كانت متزوجه فيها
ولو تقدر تمحيها من عمرها..
بس من سمعت صوت غيث ولدها وهو يناغي بصوت واطي
تأكدت انه مستحيل تقدر تنسى هالفتره..!!
تنهدت..
وهي ترجع نظرها للدولاب..
ابتسمت غصب..
عـرفت وش تلبس..
وبحماس...
سكرت الباب..
على قد ماصارت حياتها حلوووه
الا انها تبي تستمع بكل لحظه..
مو مصدقه ان الهم انزااح ..








































































ــــــــــــــــــــــــــــــــــــــــــــــــــ








































تنح نح وهو ينزل من السياره..
والجوال باذنه(يايمه الله يرضى علييك..انت علامك؟؟ انا ماغلطت بشي
وكان لازم اعرف منو ابوي ..وانا عشان لاخرب حياتك مع عمي ابو فزاع
ماعلمته بشي..)
قاطعها بضيق(ماهو بالعقل يايمه..شلون اسوي اني ماسمعت شي.؟؟!انت
امي.. وعمي ابو فزاع اكثر من ابوي وهالشي انا ماني ناكره..ومحد عنده
علم باللي صارالا انا وانت وجدتي وفزاع .. )
زفر بضيق وهو يرفع بيده..
غترته اللي نزلت على كتفه وينسفها لورى .
(يايمه ا..انت اسمعيني بس..تكلمي بالعقل..انت واعييه وتربين اجيال
يعني تفهمين وش الصح من الغلط واللي انت مسويتها مايحل فالشرع
وانا سكتت ..ولاتغيرت علييك..ومابي منهم شي..بس كنت ابعرف الحقيقه
ولو على المصاريف الحال ماتغير لاتصرفين من راتبك وخذي اللي تبينه
مني..بس تكفين يمه ارحميني من زنك وهواشك اللي مايخلص..)
كمل (الووو ..يمه..)
نزل الجوال ..
سكرت الخط..
انه منهاره من يوم درت على انه عرف السالفه ..وكلم الصقر
ويمكن اللي زود عليها ان عمه ابو فزاع طلع متزوج عليها
وحده من المغرب ..
ويمكن هالشي برر له كثر سفراته للبرا..
ولا من سنين طويله..
سبحان الله سوت شي مايحل بس عشان مايتركها..
وترجع زوجه له..
وهاللحين بعد هالعمر تعرف انه متزوج علييها.!!
بالصدفه من اوراق كانت بمكتبه..!
حط الجوال بجيبه..
تلفت اعصابه من امه ..
دق الجرس..
دقايق وضاري فاتح له الباب..
وبحماس وهو يسلم عليه(ياهلا يالله حييه..اقلط حيياك)
ابتسم غصب بوجهه ضاري..(الله يحييك ويبقيك هلا بك ..)
تنح نح وهو يدخل مع ضاري للمجلس ..
وبود (شلونك ضاري هااه تعودت وانت المدام على جو الديره من بعد امريكا)
ضاري بضحكه.. وهو شايل دله القهوه(والله ماهو بالحييل..تدري امس
بالسوبر ماركت طلبت اغراض وانتظر البنقالي يجييبها وهو متنح فيني..
عصبت عليه..الا طرالي اني كلمت انقليزي مو بعربي..)
وهو يمد الفنجال لعزام..(مشكله ماني قادر اتأقلم مره)
عزام والفنجال بيده..وبضحكه (هههههههه اجل ظالم الضعيف معك..بس يارجال
مصيرك بتعوود ..هاللحين بس عشان توك راجع ..)
ضاري وهو يجلس (والله ياخوي مدري الحرمه مستانسه انها راجعه لاهلها..
ماتدري اني افكر ارجع امريكاو اكمل دكتوراه)



عزام برفعه حاجب(شي طيب..لكن اول انت شوف الوضع هنا يمكن مايحتاج تسافر برا..)
قاطع كلامهم صوت جهوري بدا يتعود عليه عزام ..
(من هو اللي بيسافر برا..؟؟)
عزام وهو يسلم عليه بطريقه عاديه ..(هذا ضاري ..يفكر يدرس الدكتوراه برا)
الصقر بهزه راس (اييه مايخالف شي زين لمصلحته ليش لا ..)
وهو يجلس (انت شلونك عزام؟؟)
بابتسامه (يارب لك الحمد .)
الصقر بهزه راس ..(ايه يالله لك الحمد عساه دووم ..)
وهو يناظر بضاري(خواتك وينهن ماجن يسلمن على اخوهن؟؟)
هنا غصب ابتسم عزام ..
كان يحس بداخله أثاره غريبه ..
يبي يعرف خواته..
بيشوف احوالهن كيف شخصياتهم ..
كيف حياتهم ..
من زمان كان بنفسه لو عنده خوات او اخوان كبار غير فزاع ..
سبحان الله من يصدق ..
شلون كانت نفسيته دمار..
بالفتره اللي كان فيها بالسجن .. صدمته بهايدي حبيبته ..
اللي لحد هالوقت مو قادرين يسوون لها كمين من زود حرصها ..
ولاقلقه عشان يعرف هل كلام جدته صحيح ولا لا ..
كان موقف انكار الصقر له بالبدايه..
مو بشاره خير ابد ..
ايام وطلعت النتيجه ...
وصدقت جدته..
الصقر هو ابوه..
ماينسى شلون كانت صدمه الصقر ..
ولاسؤاله اش يبي يجيب له او لو كان له طلباته .!!
متوقع انه يبي فلوس ولا منصب..
بس الصدمه اللي ماتنعبر بكلمات..
وقت ماقاله عزام ..
انه مايبي احد يدري عن ذا النسب..
مع انه وضح للصقر انه ماسوى هالشي الا عشان خاطر جدته..
من يومها..
علاقته رسميه جدا مع الصقر ..
رجع لحياته الطبيعيه ..
ركز نظره بالطاوله اللي قدامه ..
وهو يحط رجل على رجل
بس من ايام رجع ضاري..وطلب يقابله..
وكان مره فرحان بهالاخوه ..
وكانت احلى جلسه ..مرت عليه من سنين ..
ومن اول عشر دقايق..
صاروا اكثرمن اخوان ..
وطبعا ضاري..
حكاه عن كل شي..
من زواج خواته ...لين حاله كل وحده..
موقادر ينسى شلون كان مستغرب من حياتهم ..
ومالاقى من ضاري غير هزه كتوف ..
وهو يقوله (مابيدنا شي ابوي يرسم وحنا ننفذ..اصلا حتى انا ياخوهم ماادري عن اللي يصير الا بعد مايخلص بماني مسافر ..ولاحد يقولي عشان مارجع ..)
ماكان عزام مقتنع ..
بمانه متعود يكون الامر والناهي ..ولايمر شي بدون علمه .!
لو ماصمم عليه ضاري وحلف
ماكان هو هنا اليووم ..
و.........
قطع تفكيره صووت ناعم يشهق بتلقائيه(وه ذا اخوي؟؟؟)
رفع عيونه..
وهو يناظر باللي قدامه..
ابتسم غصب ..
اثار لنعومه ...
اخفاها بطن كبير ..
وقف بابتسامه..
صافحها..(انت اغصان صح؟؟)
ضاري بضحكه(ياخي وش اغصان؟؟هذاك اول هاللحين ..غابه كامله
ماتشوف شلون كرشها مشالله الظاهر ناويه على اربع مره وحده)
اغصان بقهر..وهي تصقعه مع كتفه(ومن شر حاسدا اذا حسد ..يمه من عينك اصلا
انا لو جايبه زوجي ازين ..)
ضاري بضحكه وهو يرجع كموم ثوبه لورى(ليش يعني بتخلين مدافع؟؟)
وهي تحط يدها على جمبها (اييه اكيد شكل كلكم بتصفون ضدي..!)
عزام وكأنه من زمان معهم ..
وبتلقائيه(لا معليك منه خله يتكلم زياده والله لاوريه الشغل ..ليش يحسب
ماوراك احد..)
طاحت عيون ضاري
ورفع يدينه بطريقه مسرحيه وهو يضحك(يوووه اجتمعوا علي ..خلاص استسلم.)
عزام بعد ماتأكد ان اغصان لها طيبه قلب مثل ضاري
وهو يأشر بيده للكنب اللي جمبه(تعالي ياختي الكبيره جمبي..)
اغصان وهي تشهق(ياويل حالي ..بيعجز فيني ..انت الاكبر بلاغش..)
وهي تلتفت لابوها ..
اللي من اول ساكت ومن ابتسامته باين انه مبسوط باللي يصير
(يبه صح..؟ انا اصغر منه..)
ريح ظهره على ظهر الكنبه..
وبيده حرك دقنه بتفكير..(لا معليك منه انت اصغربكم شهر.مابين طلاقي من امه وزواجي من امكم نوره الا شهور بسيطه)
اغصان بعد ماجلست ..
لفت وجهها لعزام ..
وتلقائيا رجعت نظرها لابوها..
ياسبحان اللي خلقهم..
نسخه من بعض..
من الغبي اللي شكك بالبدايه انه اخووي..
نفس العيون الناعسه العسليه..
ونفس البياض...
رمشت بعيونها وهي تناظر زوود..

ولا حتى كثافه الشعر وسواده اللي متناقض مع لون بشرته
وشكله بعد مثل ابووي يطول بسرعه لانه باين من تحت غترته..
والطول بعد نفسه..بس الفرق ان جسم عزام رياضي ..وبحه صوته
ناعسه وتذبح..!!
شلون محدشك من قبل ؟؟
ويقول ضاري ان اخوه كان خوييه ..
وقدقابل عزام ..
مانتبهت ان الكل سكت..
وانهم انتبهوا لنظراته الا وقت ماخبط كتفها عزام بخفيف..
(هيييه الشيخه وش عندها؟؟بشري وش اكتشفت؟؟)
غاصت بملابسها من الاحراج..
يافشيلتي وش بيقول عني ؟؟
متعوده ابحلق بالرجال؟؟
حطت يدها على بطنها المتنفخ وباحراج بان من صوتها
(هاااه لا بس سبحان الله مره تشبهه ابوي ..!)
هنا ابتسم ابوها..وبصوته الجهوري(ولدي وشلون تبين شكله يطلع؟؟ اكيد مثلي..)
حرك اصابعه الطويله..
على اطرف التحفه اللي قدامه..
مو قادر ياخذ راحته مره والصقر موجود ..
ليته لو يطلع..
عشان نقدر نسولف براحتنا..!
سمع صوت ضاري الي باينه الضحكه فيه
(يووووه رجعنا للطير ياللي..مو قلنا تسعودتي..رجعتي وقلبتي هنديه..)
رفع راسه بابتسامه ..
يبي يعرف من ذي من خواته..
زادت ابتسامته..
وهو يشوفها تهز راسها زي الهنود..
لو مو كلام ضاري وضحكته كان ماعرف اصلا انها سعوديه..
لها شعر اسود طوله تحت ركبتها بكثير مسويته بظفيره..
وحاطته قدامه..
ولابسه ساري هندي..
باللون الاسود والفضي..مبرز بياضها مره..!

ولابسه غوايش ماليه يدها ...
غصب ذكر الله على جمالها..
وبصوت كله دلع بس مبين فطري..
بعد ماشافت ابوها لف بيشوف عن من يتكلمون..
وبربشه تدعي ان ابوها مانتبه لحركتها(السلام عليكم يبه..)
بعد ماحبت راس ابوها..
وبعيونها اللي الكحل الاسود الثقيل مع العدسه الرمادي
زايد من وساعه ومخفي لونها العسلي..
ومبينها ناعسه زود..
ناظرت بعزام ..
ورجعت ناظرت بابوها..
صافحت عزام بابتسامه..مع انها منحرجه كون انه
اول مره يشوفها..
وهي تجلس بعيد..
يارب السما وش ذا الشبهه..
عاد امي نوره فديتها..
زعلت يوم درت عنه..
مارضت الا بعد ماقالها ابوي انه مايبي يعيش معنا ولايبي ينتسب لنا..
ماعمري شفت امي لها رده فعل الا بذيك الساعه ..
مشكله غيره الحريم..
بس هاللحين لو شافته.. بذي الهيبه اللي كنها ابوي
وش بتسوي؟؟
حتى نفس الجلسه كلهم رجل على رجل
سمعت ضاري يقوله (هذي لمارووه ام غيث...بالله هالخشه تساعد انها تكون
ام..بينحرف الولد..)
طاحت عيونها..
وهي تشهق(اناااا..تقول عني كذا ..تشوف مرتك لاجابت لك ورع..وبنعرف
من اللي بنحرف صدق..)
ماقدرت تكلم اكثر لان ابوها جالس.
بععفويه تكلم ولا انتبهه للي قالها الا بعد ماسكت..
(الله يبعد عنا الانحراف... والله لو شايفين البلاوي اللي تجينا بالاداره..
ماصدقتوا ..حتى البنات ماعاد ينضمنن ..)
اغصان بعقده حواجب(ياساتر.. البنات..؟؟ شلون الله يهداك؟؟)
عزام بجديه زي كل مره يتكلم فيها عن شغله (ايه والله ياختي.. حتى البنات
يتاجرون ويتعاطوون)
لمار وهي داخله جو ونست احراجها منه..
(البنات.؟؟ بس اكيد مو سعوديات يمكن شوي تبالغ ..)
عزام بضيقه..وفباله هيفا(والله يام غيث ..انهم سعوديات ..ولابعد قيبيليات...
ترى ياكثر ماتجينا حالات من جامعتكم ...حتى فيه بعض التاجرات.*حس بغصه بحلقه* مانقدر عليهم... وفالبدايه مانشك فيهم ولو واحد بالميه..)
رد الصقر بتأثر(ياساتر يالله ان تستر على بناتنا..هاللحين الاب يخاف على بناته
يدور على سترهن باي طريقه..حتى انا زوجت بناتي لعيال اخواني ..طاري لي
ان محد بيسترهن الا هم اكثر من الغريب لكن الظاهر ..غلطت..)
بعد كلامه الكل سكت..
ماتدري ليش توقعت ان الكلام موجهها لها؟؟
يمكن لان اغصان خلاص صارت حياتها سعيده مع حازم؟
ليش يبي يعتذر على ايش ولا ايش؟؟
بكل سهوله يقول غلطت؟؟!
حركت لسانها على شفايفها..
وبتوتر عضت على لسانها..
تحاول تمنع الدموع اللي من الحراره اللي داهمت عينها
باين انها بتبكي..
وهذا اخر شي تبيه لانها من زمان مابكت..
وصارت تعيش حياتها بفرحه..
حست ان ضاري يتكلم ..
كنه يقول محشوم..
قسمه ونصيب..
كلام ماقدرت تسمعه زين جاايه كنه من بعيد..
لانها مشغوله بافكارها..!
وباصابع مرتجفه..
صارت تلعب بتطريز شال الساري...الفخم..
أي شي بس ماترفع عيونها..!
كأن عزام بعد رد؟؟
بس ماشد انتباهها وخلها ترفع عيونها..
الا رد عزام لابوها يوم طلب انه يشغله بمنصب حلو
(لا مشكور ماتقصر انا احب شغلي .. ولا ابي اتركه..مكثور الخير
يابو ضاري..شوف ناي فقارى يكون محتاجيين تاخذ اجرهم.)
انصدمت.
ابد ماكانت متوقعه ذا الرد..
صح انها كانت تفكر بالبدايه انه ماجا الا يبي فلوس..
ومن شافته تغير رايها شوي..
بس بعد من حقه هو ولده ليش يرفض؟!
شافت ابوها يقووم ويعدل شماغه بحركه سريعه
(يالله انا طالع ياعيال عندي مشوار شغل..لكن لاوصيكم نادوا اختكم
ريماس غيروا جوها لاتقعد بالحالها ماصدقت انها بدت تنسى..)
وبأشاره لضاري(وانت ناد امك خلها تسلم على اخووك..ولو مرتك ماهي تعبانه
جيبها خلها تعشى ..!)
ضاري باحترام (ابشر يبه بانادي امي..لكن مرتي مالظاهر الحمل متعبها..)

























































*



*








































خبط جبينه بيده..
ماتوقع ابد ان الووقت بيروح بدون مايحس فييه..!
عمره مانبسط بجلسه مثل ذي..
فالبدايه كان يقول ماهو مطول بالجلسه..
بس هاللحين راح الوقت ماحس..فيه ابد..وانبسط
بأستثناء حاله ريماس..
اللي بين وقت وقت يبي بنظرتها الحزن مع انه باين انها تكابر!
محزنته مرره..
لمار واللي كانت مبسوطه وتعودت علييه بسرعه..
(علامك؟؟ صاير شي؟)
عزام وهو يطلع جواله من جيب ثوبه..
(رااح الوقت انا مواعد اخووي انا نتقابل..بننجيب لجدتي اغراض..
هاللحين مايصدق اني مانشغلت الا بهالجلسه الحلووه ..)
ريماس بابتسامه باهته (مشالله جدتك فهالديره مو بالشرقيه.؟؟)
عزام وهو يناظر بشاشه الجوال اللي مسجله مكالمات كثير فايته



بمانه حاط الجوال على الصامت ..
(اييه الغالييه ساكنه هنا هي وبنت خالتي..)
كمل بدون مايناظر بضاري..

وهو يحرك يده بطريقه بيفهمهم فيها(الظاهر انتم تعرفونها..قد حضروا زواجك ياغصان..)
اغصان بميله لراسها..وهي تحاول تذكر..
(لا ماعرفهم ابد...)
زم شفايفه وهو يفكر..
متاكد انهم يعرفون لانه مو معقوله فزاع بياخذهم
للزواج ومايلاقون ترحيب من اهله..!
كمل وهو يشد ثوبه لتحت..
ويحط رجل على رجل بعد ماغير جلسته..
مع حماس السوالف..
(هيين انت العروسه..بس انا متاكد انكم تعرفونهم..)
لف لامهم نورره..
اللي ارتاح لها على طوول..
وتمنى لو كانت امه..
بدال امه اللي ماتحب الانفسها..
من اول مادخلت عليهم المجلس وشاف ابتسامته وترحيبها
عرف على طوول من وين لاخوانه طيبه القلب
حتى تدخلت معهم بالسوالف على طوول وكأنهم صاحبتهم مو امهم ..
وبحركه من يده(ياعمه ..جدتي اسمها ام النايفه ومعها بنت خالتي اسمها مدى)
قبل لايكمل كلامه قاطعته شهقت لمار..
وهي توقف بحمااس(احلف ان مدى تصير بنت خالتك..!!)
بعقده حاجب (اييه بنت خالتي لييش؟؟)
لمار بانفعال (ذي صديقتي مرره.. من بعد الزواج صرنا مره سوا..
بس ابد ماتوقعت ان بينكم قرابى)
ضحك بصوت عالي...
لدرجه رجع راسه لورى...
ومن بين ضحكه(يالفاهمه شلون تعرفين ان بينا قرابى وانت اول مره
تشوفيني الليله..)
لمار بمده بوز وهب ترجع تجلس
(مالت علييك يالدوب تضحك اجل.. عاد خبرك الحماس ومايسوي..! بس والله
خبر رووووعه)
بتلقائيه وبدون مايذكر ان ضاري موجود (طيب انت وش رايك فيها؟)
فرقعت بلسانها..
وهي تناظر فيه.
ليش يسأل هالسؤال؟؟
ومالاقى الا انا طيب مو بنت خالته يعني المفروض هو ادرى؟؟
وبصدق(هي صاحبتي وصارت خطيره يكفي قلبها الابيض..وبعدين
سبحان الله ولاكأنها تركيه ابد..كل شي زيينا..)
مو كل شي لا..
باقي لها اشيا كثيره..
وتربيه جديده عشان تصير مضبوط..
زينا..
وقف ..وبيده الجوال
وببحه صوته الناعسه(عن اذنكم شوي باكلم اخوي.)
قبل لايطلع..
حس بيد ضاري على كتفه..
لف له بابتسامه..
ضاري وهو ينزل يده (عزام ناده خله يجي يتقهوى معنا ..يمكن بعدين
نفتك من هالحريم ونقدر نطلع برا..)
عزام وهو يناظر بعيون اخوه..
يحاول يعرف ليش هالكلام..؟
يدري انه وفزاع متضاربين..ومن يومها ماعاد تكلموا سوا..
بس وش السبب مايدري رفض فزاع يقوله..
وبصوت فيه شك(طيب مو انتم متـ...)
قاطعه ضاري بابتسامه(افااا من انا عشان ازعل من اخو عزام؟؟ ماعشت اسويها
ياخووي ..)
ابتسم براحه ..
ماقد حلم بهالسعاده من قبل..
ولا انه بيعيش هاللحظات الاخوويه..
ماقدر يقول الا(ابشر ماتقصر..يابو صقر..)
ضاري بضحكه (لا وش صقره..ان شالله بنت بتجي ..)
انتقلت له الضحكه..
(الله يكتب لك اللي فيه الخير..)
واتصل على فزاع...








































































*



*
































زفر ..
وهو يرجع الجوال لجيبه..
بالقووه قدر يقنع فزاع انه يجي..
وان ضاري هو اللي طلب هالشي..!
ناظر بنفسه بمرايه المدخل..
فك غترته..
ورجع يعدلها..
بس غصب ابتسم وهو يشوف شكل عمته اللي منعكس على المرايه
لف لها بابتسامه..
باين ان عندها كلام..
وماهي عارفه شلون تقوله..!
وهو يحاول يشجعها(هلا عمتي بغيتي شي يالغاليه..)
وكأن كلمته الاخيره ذوبت التردد اللي بداخلها..
وبابتسامه (اييه والله ياولدي بغيتك بسالفه..انا ادري ان محد بيقدر عليها
ان شالله الا انت ..)
بجديه واهتمام..
وبدون تردد لانه مايبي اكثرمن انه يلبي أي طلب لعمته او خواته
تعلق فيهم مره..
(هلا عمه انت تأمرين ولو على روحي تفضلي قولي اللي تبين..)
عمته وهي تأشر للغرفه بعيده شوي عن المجلس.
(حيياك هناك مابي احد يسمع لنا..)


*


*










































رمش بعيونه..
ماقدر يناظر بعمته اللي كانت بيدها تمسح دمووعها,,
موقف اكبر من انه يمر بدون مايواسيها فيه.
بس شلوون؟؟!
هم اهدووه فرح وسعاده من اول مادخل هالبيت..
حتى لو كان بدون قصد..
ويبي يردلهم لو جزء بسيط من اللي حسه..!
بس بعد الكلمات ضايعه منه..
مايدري وش يقول لعمته..؟
كاسره خاطره بس لاشعوريا واول كلمه طلعت منه(طيب ابو ضاري وش رايه؟؟)
ماهتمت لرفعه حاجبها على الكلمه الاخيره..
لانه مايقدر يجحد حق عمه ابو فزاع..
ويقول ابوي لانسان ماعرفه الا قبل فتره بسيطه.
حتى بالورق مارضى ..!
بصوت عور له قلبه.(مايدري ..هذي خويه لمار بالاول قالت لها عشان تأخذ راينا
لين تنتهي العده..انا ادري لو ان ابوها درى يمكن يجبرها. واانا مابي هالشي
ابي يكون باقتناعها الضعيفه شبعت من الهم..)
بتفكير وهو ينقل عيونه بكل مكان فالمجلس..
(طيب انت واثقه منه ؟؟ فيه احد سأل عنه؟؟)
نوره بلهفه(اييييه ضاري سـأل ومتاكد انه رجال مصلي وصايم. وبعد لمار
تقول انه مرره شاريه وبيسوي أي شي عشان توافق. انا اقول كلمها حاول تقنعها
هي ارتاحت لك .. مشالله معك سمعنا ضحتها اللي بغينا ننساها.. واكيد تثق فيك)
نزل رجله على الارض..
وهو يسحب منديل من الكرتون الي على الطاوله..
ويمده لها وبحنان(ابشري والله مايصير خاطرك الا طيب..بس اهم شي ماشوف هالدموع انت بحسبه امي)

*

*






































بضيق (لاحول مسرعك نمت ..؟ شلون هاللحين انزلك لخالك؟؟ بالله ماتقولي.؟)
انحنت وهي تعدل الغطاء على جسمه الصغير..
قبل لاتطلع ..
وقفت تأكد ان شكلها ماخرب..
نفسها تعرف امها ليش راحت لعزام وبعدين اختفوا؟؟
سبحان الله او ل مره تصدق باللي يقول
ان فيه ناس ترتاح لهم من اول مره..
لا وبعد حبيته..
شكله مره حنون..
وينه عنا من زمان..
بس ياليت امي تعتقه عشان نكمل جلستنا..
حتى ريماسوه اللي دوم حزنانه ومقفله على عمرها..
مبسوطه معه..
وسمعنا ضحكتها كم مرهََ
ولسى جالسه بالمجلس تنتظره يرجع..!
مسحت بيده خصله طايره..
وهي تبيها ترجع لمكانها ..
سكرت باب غرفتها بشويش ..
ماتبي غيث يصحى..
نزلت الدرج وهي مرووقه ..
وتغني..
كانت بتدخل للمجلس..
بس ماتدري ليش..
غيرت طريقها وراحت للحديقه..
يمكن عشان حسست بهواء بارد
ولا عشان هالهوا جاب لها ريحه الورد اللي تحبه؟؟!












































































*


*












































وقف عند باب القصر..
وهو متردد..
يدخل ولا لا ..
بس اكيد ماصارت البوابه مفتوحه بهالوقت الا عشان
ينتظرونه..
يالله خلني بس ادخل..
ركن سيارته برا القصر..
ودخل برجوله..
استحى يوقف سيارته جوا..
وهالمواقف بس للعايله..
حط يدينه بجيوبه..
ونزل راسه..
وهو يمشي ..
غصب عليه ابتسم..
تذكـر الهنديه..
كانت فهالحديقه..
عمره ماشاف مثل جمالها..!!
كانت متوقع انها خدامه..
بس بعد الهوشه والمشكله اللي سواها ضاري
عرف انه غلطان وانها من الاهل..
اييه اكيد ولاماكان صار ذا كله..
بس اللي مو قادر استوعبه..
شلون هالجمال يكون يعرف ضاري..!!
عزام يقول انه عند اخت متزوجه وحامل..
وحده مطلقه
والثانيه ارمله..!
وهاذي مستحيل تكون من الثنتين الاخيرات
صغيره.. وتخبل مافيه واحد صاحي يستغنى عن هالجمال
رفع عيونه ..
بيشوف وش باقي ويوصل..
مايدري ليش هالحديقه الكبيره..
لو ضايفينها للمساحه القصر افـ.....
علقت عيونه..
وانقطع تفكيره من اللي يشوفه..
رمش بعيونه يبي يتأكد انه مايحلم..
بس لا..
نفس الصوره..
حاول يقرب بس باخر لحظه تراجع..
مايبي يطلع خيال ويروح منه..!
معقوله من زود تفكيري فيها..
صارت قدامي..!
اعوذ بالله منك يابليس..
رمش للمره الثانيه..
ولسى ماتغيرت الصوره اللي قدامه..
نفسها بشحمها ولحمها..
بس يمكن المكان متغيير..
وهالمره هاديه بس مشغوله تلعب بورده حمرا
يابخت الورد بيدها..
نفس سواد الشعر وطووله..
بس عيونها هالمره غيير تذبح..
الكحل زايدها جمال ..!
مرر لسانه على شفايفه اللي بدت تجف,,
هي نفسها الهنديه..
مادخلت هالقصر الا مرتين ..
وبكلها شفتها..
ياويل قلبك يافزاع..
ولا ساهيه عنك..
شلون هاللحين اطلع؟؟
بس بعدي ماشبعت من شوفها..
ياناس غريبه دامها من اهل ضاري ليش كذا
كل المرتين قالبه هنديه؟.؟
وش سالفتها..!
عندها..
ماكانت حاسه ابد باللي يراقبه ومتنح..
كل تفكيرها كان..
بعزام..
وش بيسووي معهم..
وليش امها تبيك..
ومانست ريماس من افكارها تبيها تستانس بحياتها بعد العذاب
اللي عاشته يكفي ان حتى محلها تقفل..
بعد القرض اللي اخذه زوجها الله يرحمه
ورفضت ان ابوها يسدده..
حتى شعرها لعبت فيه..
انقلب حالها..
لو مو ايناس حكتها شلون جسار متعلق بريماس
وكيف حبها وعرفها من البدايه..
ماكان سعت فهالزواجه وحاولت تقنعها..!
رمت غصن الورده اول ماطرالها مشعل..
ماتبي تفكر فيه وباي شي من الماضي تبي تنساه..!
فتره وانتهت بكل مافييها..
ومو مستعده تدمر حياتها بماضي ..
ماراح ينعاد..
حتى بعد ماسمعت انه تزوج بعد مارسل ورقتها بكم اسبوع.!
والكل استغرب من رده فعلها..حتى هي بنفسها..
ماقالت اكثر من الله يسعدهم ..!
لانه فعلا مايعني لها أي شي..
اصلا حرام تضيع وقت او حساس عليه..!
يكفي اللي ضاع من عمرها.!
عدلت تنوره الساري..
تبي ترجع داخل..
بس اللي ماحسبت حسابه انها تلاقي..
رجال واقف ومتنح فيها بهالشكل..
وكأنها مخلوق من غير هالارض.!
وبسرعه ماتدري من وين جاات ..
ركضت للداخل..
بغت تطيح..
ولثاني مره تذكرت انها قد حلفت تبطل تلبس الساري ..
من موقف يشبهه لذا.
































حمر وجهها من الفشيله وهي تسمعه يسم علييها..
وباين انه طلعت تلقائي منه..!
بعد ماتأكد انها دخلت ..
وهو يحاول يرجع طبيعي ودقات قلبه توقف..
وقف عند البوابه الداخليه..وبصوت عالي (يـــاولد ... ياضاري ..عزام ..)
اول ماطلع له ضاري..
وبدون حتى مايعطيه فرصه ..
يتكلم ..
وبتهور (طالبك ياضاري وداخل على الله ثم عليك زوجني الهنديه اللي عندكم )





































ــــــــــــــــــــــــــــــــــــــــــــــــــ ــــــــــــــ



































<<<(مقتطـــفات من النهايهـ ..)





بلحظه خشووع..
والدموع تغسل وجهه..
وبمعانقه لدعواته المتهدجه..
وبيدينه المرفوعه..
(اللهم لك الحمد والشكر كما ينبغي لجلال وجهك وعظيم سلطانك



اللهم لك الحمد حتى ترضى .. ولك الحمد اذا رضيت .. ولك الحمد بعد الرضى



اللهم لكا لحمد عدد خلقك .. ورضا نفسك .. وزنة عرشك .. ومداد كلماتك



اللهم لك الحمدعلى الاسلام .. اللهم لك الحمد على أن هديتنا ..



اللهم لك الحمد والشكر على جميع النعم التي أنعمت بها علينا ..



اللهم اني في كل ما سألتك ربي أعطيتني .. فلك الحمد والشكر والثناء الجزيل الحسن .. فـ اعطني سؤلي



ولا تحرمني إجابتك يا أرحم الراحمين ..



اللهم إني أسألك ان تصلي على محمد .. وعلى آلمحمد كما صليت على ابراهيم وعلى ال ابراهيم انك



حميد مجيد .. وبارك اللهم على محمد وعلى آل محمد كما باركت على إبراهيم وعلى آل ابراهيم في



العالمين انك حميد مجيد ..



اللهم اني استغفرك من جميع الذنوب والخطايا ما علمت منها وما لم أعلم



الهي ان لم تغفر لي وترحمني لأكونن من الخاسرين



اللهم اني استغفرك مما تبت إليك فيه ثم عدت إليه ..



اللهم اني استغفرك من ذنب تبت إليك فيه ثم عدت إليه ..


اللهم لاتذرني فردا وانت خيرر الوارثين.. يارب انك تحنن قلبي عليها.وترزقني بولد ولا بنت يشيل اسمي)

استغفر وهو يطبق سجادته..
انتبهه لها ..
مايدري من متى صحت من النووم..

على باله انها لسى نايمه..
ناظر فيها وهو يحاول يلاقي كلام يقوله
بمانه زعلها قبل لاتنام بدون غلط سوته (مي زين صحيتي عشان تصلين الفجر
ماباقي عليه شي..)
ناظـرت فيه بتعب..
ماتدري وش صاير عليها ..
صايره بس مرهقه..
والغثيان ذابحها ..
بنظره مالها معنى له..
(ان شالله..)
ماقدرت من الارهاق تحرك..
من تزوجت قايد..
ماقدرت تغير فيه شي زي ماكانت متوقعه !!
لانه من الاساس مهمشه..
ماكنه متزوج..
ماتدري ليش تزوجها؟!
يمكن يبيها زياده عدد..!
فيه حاجز بينهم .
وكأنه مو شايفها ابد..
كل شي سوته عشان رضاه ولا بان فيه..
اول مره ينطق اسمها زين ..!

دوم فالنص ساعه يناديها باغصان اكثر من عشرين مره
احيان كثير..
تقول لنفسها ان هذا عقابها على الطيش اللي كانت تسويه..
وكل لحظه عاشت باسم مرزوقه
المشكله انها حبته ..
بالذات فاللحظات اللي ينسى من هي ..
ويطري له انها اغصان ..قمه الحنان والطيبه
زفرت بضيق..
نفسها تسوي أي شي..
بس يحبها او ينسى اغصان ..!
شلون يفهم انها مااعادت حلاله ولا بعد حامل ..
رجعت لها حاله الغثيان ..
وبدون ماتكلم..
ركضت لدوره المياه...
وتركته مستغرب من حالتها..!
يحاول يحبها..
يتعود عليها ..مايبي يظلمها معه..
ولا يبي يفرط فيها..
كل ليله يدعي ربه انه تحمل ..
يمكن لاحضن ولد ولابنت منها..
ينسى كل شي ؟؟
ويطيب جرحه..

ــــــــــــــــــــــــــــــــــــــــــــــــــ ـــــــــــــــــــــ


ركضت بتدخل غرفتها ..
وقفها صوت امها ...
(هيووف تعالي تغدي..)
وبقلق وهي تلفت وكأنها متوقعه انها بتلاقي احد..
(هااه لامابي شبعانه )
وبدون ماتعطي امها فرصه تعترض..
دخلت الغرفه..
ناظرت..
ببنت خالتها الصغيره و اللي تلعب مع اختها..
بيدهم لعبه السبت والاحد بصوت عالي..
وتنفسها من التوتر صاير سريع..(بسرعه اطلعوا برا..)
ردت عليها اختها (لا مانبعا مو بيتك )
وعلى غير العاده وبصرخه نقزتهم من مكانهم
(اقول اقلبي وجهك انت وياه برا بسرعه )
من الخوف وبدقايق فضت الغرفه..
الا من اخوها الصغير اللي نايم..

سكرت الباب..
وقفلته بالمفتاح..
ماتبي احد يدخل..
عضت بشفايفها على اظافرها..
ومن التوتر تنفسها مو راضي ينضبط..
اليووم بالجامعه سووا كمين ...
واغلب السرلانكيات قبضوا علييها..
وهي كانت ناووويه تسلم دفعه هيروين كثيره..
بس من عرفت بالسالفه ..
رجعتها للشنطتها...

وهاللحين معها....

ماتدري وش تسوي بالضبط فيها ..!

شدت على وجهها بيدينها...
ياربي وين احط اللي معي..
ناظرت بكيس الشيبس الكبير اللي حاطه فيه الهيروين..
وبسرعه رجعته لشنطتها...
ماقدر ارميها وراها مبلغ كبير..
وبتوتر رجعت للشنطته ..
وبتعب تمددت ..
تحاول تنام ...


ولا انتبهت للعيون الصغيره اللي كانت تناظر فيها
وبكيس الشيبس اللي رجع لشنطتها..
ماخذت كثير من التعب نامت ولا حست بشي..!
















































*




*





































































غمضت عيونها وفتحتها بقووه

ماصار لها وقت طوويله من نامت ..
زفرت بضيق..
حتى بالبيت الواحد مايعرف ينام ..
انقلبت على جمبها وهي تحاول ترجع للنوم..
وفبالها هالازعااج ..
من عيال الحاره ..
بس من سمعت صرخه ..
فزت جالسه..
صوت امها مستحيل ماتعرف تميزه..

وسمعت بعدها اصوات كثيره..
ويدها على قلبها كنه صيااح؟؟
حست بعظامها تببرد..
وش اللي صاير..
ولاشعوريا..
رفعت نظرها لشنطتها...
شهقت وهي تغطي بيدها فمها...
حست الدنيا تدور فيها...
وهي تشوف كيس الشيبس طاايح..
والهيروين متناثر بكل مكان ...
لا وشلون صار كذا؟؟
من عرف مكانه؟؟؟
وليش متناثر كذا؟؟
وامي ليش تصارخ بهالشكل؟؟
اكييد فيه انا بس ادري انه مو عشان هالهروين..
لو عشانه..امي ليش تصيح..
حاولت تقوم ماقدرت عجزانه رجولها تشيلها..
تبي تعرف وش صار...
رمشت بعيونها ...
وهي تشوف حرمه ضخمه مو باين منها شي..
تركض لها..
وبصوت مرتعش(وشفيكم؟؟ انت ميين وامي ليش تصيح؟؟)
الحرمه بصوت كله قهر(لا مره مهتمه؟؟ تعرفين وش صار ياهيفا؟؟)
هيفا والدمووع تنزل على عيونها
وهي تلفت يمين ويسار تحاول تستوعب(ايه ابي اعرف امي علامها وانت ميين؟؟)
طاحت عيونها وهي تشوف هالحرمه
تقرب لها..
وتحط بيدها كلابشات الحديد..وتجرها عشان توقف(امك هاللحين تشوفينها
وتعرفين وش صار...شفتي الله يمهل ولايهمل ..ربي عاقبك بالي تسوينه
ببنات الناس..فمين باخووك؟؟ شفتك كيف الدنيا..)
صرخت بقووه..
وهي تركض وتطييح..
(يممممه اخووي علامه؟؟ وش صاير..؟)
حست الدنيا تدووور..
فيها ..
وهي تشوف امها جالسه على الارض و تصيح..
ورجال من الاسعاف..
شايلين سرير..
وابوها..الدموع غاسله وجهه ونازله على لحيته
البيضا من هموم السنين..
وهو يناظر باخووها الصغير..
وبيد مرتجفه غطا السرير..وهو يردد بصوت عالي(حسبي الله ونعم الوكيل..
وافوض امري الى الله ..يارب انك تعوضني...خيير )
وهو يناظر بهيفا..
وباصابع مرتجفه (خذووها ذي ماهي بنتي..ماهي تربيتي حسبي الله ونعم الوكيل
تتاجر بالمخدرات؟؟؟؟ يارب عوضني خيير..حسبي الله ونعم الوكيل ..)
جرتها الحرمه اللي توها بس تنتبه لشعار الشرطه اللي معلق بعبايتها
(شفتي وش سويتي ؟؟ اخوك مات ماتحمل جسمه الصغير جرعه
الهيروين الزايد يحسبه حلاوه ...شفتي كييف)
التفت لامها وهي تبكي وتصارخ(يمه سامحيني تكفين..والله ذا ابليس
والفقر ...بارجع يمه اكيييد بس ابوي خله يسامحني.)
الشرطيه باستهزاء (ويين ترجعين يمكن لاعجزتي...فالسجن هذي فيها عقوبه
عشرين سنه سجن.... وميه جلده والصراحه قليل على اشكالك..)
طلعت من بيتهم
وهي تبكي وتولول ...
وتصيح بصوت عالي..
مو قادره تستوعب..
بلمحه بصر مرت حياتها قدام عيونها
وباخر نظره للبيتهم اللي بدى يختفي عن عيونها
ياليتني ارجع لقبل..حتى الفلوس ماتهنيت فيها..!

ــــــــــــــــــــــــــــــــــــــــــــــــــ ـــــــــــــــــــــــــــــ



وقفت بثقل ..
وبمدهـ بوز طالعه عليها فتنه ..
وهي تقرب له..
ويدها اليسار مريحتها على ظهرها ..
ويدها اليمين ..على ياقه ثوبه..
وبدلع فطري وهي تناظر فيه (عفييه حبيبي مابيه خلاص اقرفني ..وش
هالعناد تكفى قول طيب )
رمش بعيونه ..
وهو متنح فييها ..
من يوم ماتزوجها لحد هاليووم وهذا حاله ..
مو قادر يستوعب ان الشغاله الهنديه اللي دوخته ..
وجمالها كله ..
صار له هو .. لحـاله!
ماقدر يمسك لسانه وقالها ..
بثاني يوم مع انها زعلت ..بس ماكان قادر يسكت ..
وبابتسامه منه ..
حرك يده لشعرها وفكت البلنسه اللي كانت لامته فيها ..
ووقبل مايبعد يده عن شعرها ..
بلهفه حضن شعرها الاسود وجهها ..
ونزل لتحت ركبتها ..
وبان انه اطوول من الشورت القطني اللي هي لابسته..
وهو حاس بمتعه فضيعه ..
مرر اصابعه بشعرها الناعم..
يحبه اسود وطلبها ماتصبغه..
بالاول بس جمالها اللي اعجبه..
بس ماكمل اسبوع من زواجه الا وهو يعشقها ..!
والدليل كل مالمها لحضنه..
قلبه مايوقف ضرب..!
تنح نح يبي صوته يرجع له ..
وبصوت طلع مبحوح ( لا لمورتي كم مره اعيد وازيد انا اعشقه .اصلا
ماتزوجتك الا عشانه )
شهقت وهي تبعد يدها عنه..
(يووووووووووه ماتزوجتني الا عشانه افاااا بس )
انقهرت من جد..
مع انه سبب مايزعل مره ..
بس هي صايره تزعل بسرعه ..
عطته قفاها وهي تبي تطلع من الغرفه وتخليه
وبحركه اسرع منها ..
مسك معصمها وشدها له..
وبابتسامه واخر مايبيه انها تزعل منه (اش عندها الحساسه قلت لك انا ليش تزوجتك قبل )
عقدت حواجبها ..
وهي تفكر مافهمت..
دقيقه وطرالها سالفه الصور وانها يحسبها شغاله ..
وهالسالفه اللي زعلتها..
طاحت عيوونها ..
وبنظرها حاره له ..
حاولت تبعد عنه بس يدينه اقوى ..
وببرود ( فزاع اتركني لو سمحت )
ماقدر يتحمل يشوفها بهالشكل..
بالذات وخدودها محمره..
وعيونها الناعسه صارت تلمع وكنها بتبكي..
وبضحكه عاليه (ههههههههههههههههههههههههه حبيبتي امزح والله امزح
احببببببببببببببببك ومن اول ماتزوجتك لحد هاللحظه وحبك كل يوم يزيد ..)
بدلع وهي تبي تستغل الموقف (حبيي طيب دامك تحبني هالكثر.. وافق اني اقص
شعري)


فزاع وهو يحط يده على شفايفها يسكتها (لمورتي لا يعني لا...افهمي..وبعدين لاتعطليني انا ابي


اجيب لك غيث من عمتي.. يسليك وانا بالدوام..لاتأخريني زود))

لمار باخر امل(طيب لو قلت لك عشان خاطر البيبي اللي بطني؟؟)


هز راسه (ودي حبيبتي .. بس معليش ماينفع ابد...)


وقبل لايعطيها فرصه تررد.


(خلاص حبيبتي باطلع اهم شي بجيب لك غيث.. ولاتشيلينه كثير تخربينه على عمتي


تراها تقولي كل مارجع من عندكم .. يغثني بس يبيني اشيله..)


باسها على جبينها وطلع...


كشرت ...

تحب فزاع...


وتحس من كثر ماهو يحبها انها بحلم مو حقيقه..


متعلق فييها مرره...


تنهدت وهي تروح للمطبخ ..

بتجهز كيك لغيث...


امها ماخلته يعيش معهم تقول ماله ذنب فزاع يربي ولد ماهو ولده..



بس بفترات يجي عندها...


لسى تحبه...


وابوه مشعل ماشافه الا كم مره...!

ــــــــــــــــــــــــــــــــــــــــــــــــ




<<فمكان ثاني..




ابتسم وهو يطلع الدرج ..
مافيه احد مثله ..
يحس نفسه اسعد انسان ..
سبحان الله صدق من قال بعد الضيقه فرج..
رجع شعره لورى اذنه..
مو قادر ينسى..
موقفه مع عناد ..خوييه ..
وقت ماحكاه عن كل شي صار له..
وختم كلامه بامنيته انه يلاقي مره يتزوجها ..
ويفرح جدته..
ذيك الليله ماصدقه يوم دق صدره..
وقاله ابشر لو على المره تجيك ..
لاتشيل هم ...
بس من رجع له بعد كم يووم ..
وهو يسأله بجديه متى يجيب اهله ..
عشان يخطبون رسمي..
بعد ماقاله انه بفتخرون برجال مثل سعود
واحلى شي انه وقتها بدا يطبق هو وفزاع تمريض..
مو قادر ينسى فرحه جدته...
بهالزواجه..
حط يده جوا جيوبه ..بيطلع المفتاح..
هو قبل لايروح لدوامه جاب خواته عندها عشان..
يسلوونها ..
عقد حواجبه..
كنه يسمع صوت دق طالع من الشقه؟؟
لا اكيد يتهيا لي..
فتح باب الشقه..
بعد ماسكر الباب ..
ومع زياده صوت الدق ..
تأكد ان هالصوت مايتهياله ابد..
وان ذا صوته مرته ..اماني
دخل للصاله ..
بشويش..
شاف اخته اللي مالها فتره بسيطه طالعه من مستشفى الامل..
وهي مبتسمه..
ومتكيه على المركى ..
وتهز كتوفها ..متحمسه...
وخواته الصغار...
يرقصوون ..ويصفقون بحماس
وصوووتها ااخ ياصوتها..
دوم يعور له قلبه.
وهي ماسكه قدر كبير ..
وتطبل فيه وتغني (بــلا حــب بــلا وجـــع قـــلب وش جــانــا مــن ورى هالحـــب
غـــير الألـــم غـــير التعـــب وش جــانـــا....عاشوا ..ياحلوين ..)


يـا نــاس أنـا مـابــي دفــا قــلبـي مــن الحــب اكـتفــى
ويــن العـشـــق ويــن الـوفـــا ودانـــا

من يوم ماتزوجها وكل يوم بحياته له طعم ..
على قد خفه دمها وهبالها ..
الا ان قلبه ابيض..
احيانا كثيره لاشافه تطري له البنت ..
اللي لقاها بالبر..
بس مايقدر يقولها تخاف تزعل ..
هي حيل تغار عليه حتى من خواته..!
تكى ظهره على باب الصاله وهو يأشر لاخته اللي انتبهت له تسكت ..
اماني وهي داخله جوو(
يـا قــلبـي يكــفـي مـاجــرى الجــرح تــوه مـابـــرى
مـاجـانــا مـن الـدنيــا تــرى كـفــانــا
جربــت فـي مــره الهـــوى وأخلــصت أنــا وقـــلبي ســـوى
وفجـــأه كـــذا الغــالـــي نـــوى ينســـانـــا... )
ماقدر يمسك نفسه ..
وبشويش قرب لها..
طبعا هي كانت معطيه الباب ظهرها..
ولا داريه عن وجوده..
وبابتسامه بعد ماحوط بيده خصرها(من ذا الي تغنين عنه اعترفي؟؟)
شهقت وهي تنقز من الفجعه..
ويدها على قلبها (سعووووودي وش ذا طيحت قلبي .حرام عليك..)
ابتسم من قلب..
وهو مكتف يدينه لصدره(اييه مو منك من ذا اللي طايحه اغاني له اعترفي مين ذا)
اماني وهي تعدل البدي اللي باللون الفيروزي..بدون علاقات..
واللي كانت لابسته مع برمودا بيضا..
وهي مصدقه(والله حبيبي مو لاحد بس كنا طفشانين قلنا نرقص..وهالاغاني حمااس)
ماقدر يتحمل منظره البراءه اللي بعيونها..
وهو ناسي وجود خواته لمها لحضنه بقوووه
حمرت خدودها..
مو قادره تنسى شلون فجعتها..
يوم شافت سعود..
ماكان فيه شوفه الا بوقت الزواج..!
وافقت عليه على طول من دون ماتتعرف اشيا كثيره
لانها واثقه براي عناد دام قال انه رجال ..
ويمكن بعد عشان تخلص من زحمه مره ابوها اللي كان لها
دور كبير فاقناع ابوها..وهي متاكده انه مو عشان خاطرها بس تبي الفكه منها
كانت خايفه انه يعرفها..
حمدت ربها انه ماعرفها..
وماقدرت تحكيه مع انها تمنى لو تقدر تقولها
ماتبي يكون بينهم اسرار..
بعدته عنها..
وباحراج وبصوت واطي(سعوودي بعد عني خواتك فيه..)
سعود وهو مروق على احراجها
( واذا يعني اصلا انا مابيك تفسدينهم تدقين وترقصين )
اماني وهي تخصر قدامه..
وبصوت واطي(لا انت قديم .. مو بس خواتك اللي طربانين معي..)
عقد حواجبه..باستغراب..
وهو ينزل بالطو التمريض ويرميه على الارض..
(ومين بعد ..)
وبصوت واطي ..
وهي تأشر على بطنها ..
(وبعد البيبي اللي متربع هنا ..)
شهق بفرحه..(مـــــــــــــــــــــــــن جد؟؟)
اماني وهي ترمش بعيونها
(اكييد من جد ..ماقول الا الجد..)
والدنيا مو سايعته من الفرحه..
رفعها من الارض ..
وصار يدور فيها وهي تصارخ تبيه ينزلها..



<فمكان ثاني ..وبالتحديد فشاليه بالشرقيه..


ريح ظهره على الاريكه الطويله..
وهو ممدد رجوله...
اخيرا لقى الراحه..
صح ماهو مع اللي حبها..
بس يكفي ان هالانسانه تحبه.. من قلب..
رفع عيونه لها..
وهي جايه بفستانها القصير..
كانت نعومه حييل..
مكياجها رايق..
مايميزها الا شعرها الناري..بحماره..
وصوت خلخالها اللي حاضن رجلها البيضا الحافيه بشوق
وهي تمشي باتجاهه وعلى شفايفها اصدق ابتسامه حب ..
يمكن توجهه له..!
مايحبها حييل..
بس راضي فيها ..
يكفي انه ارضى جدته...
اللي وعدتها اول مايخلص شهر العسل..
بيسكنون فيلا اشتراها..وبيأخذون جدته اللي ماعترضت
بالعكس كانت باسعد لحظاتها...
وبعد تأكد انها تعشقه وبتسوي كل شي لرضاه..
رمش بعيونه..وهو يناظر فيها
مانفعه الحب..!
ابد..

عندها كانت جايته بشووق...
مو شايفه احد بالدنيا ذي الا هوو....
مو ناسيه شلون بغت تروح فيها يوم خطبها وكان مصمم انه يتزوجها
احلى لحظات عمرها تعيشها معه...
دووم تحس نفسها بحلم مو واقع...
من شافته يناظر فيها بهالطريقه..
قلبها صار يدق مثل الطبول..
ولو بيدها كانت ركضت له
ماتحس بالامان الا معه..
يكفي ان بعيونه باين مستقبل كله سعاده واخلاص...


ـــــــــــــــــــــــــــــــــــــ
بليله مميزه عندهم ...وبالجناح ففندق فخم
نزل بشته..
وهو حاس ان قلبه بيطلع من بين ضلووعه
واخيرا الانسانه اللي عشقها صارت له..
ماسووا زواج كبير..
كان زوواج عائلي...
وحمد ربه على هالشي..
لانه بالقووه مسك نفسه...
لايلمها بحضنه قدام الخلق..
تنهد وهو يجلس قريب منها..
وبشوق مسك يدها..
وقلبه بيطلع من ضلوعه..
وعيونه بلهفه تحضن ملامح وجهها..
(ريماس.)
ناظرت فيه بابتسامه باهته(هلا)
شد على يدها(ياعساي ماخلا من هالصووت..تدرين اني احبك..من فتره طويله قبل حتى لاعرف اسمك؟؟)
ناظرت فيه وكانت هذي اول مره بهذي الليله..
ترفع نظرها له..
اصلا ماوافقت على هالزواجه الا عشان خاطر عزام وامها..
ولا لو عليها كان ماتزوجت ابد..
وبعد عشانه استخارت وحست بالراحه..
وبصوتها الناعم(شلون ذي؟؟)
وبحماس وهو مو قادر ينزل عينه منها..
رغم انها ماكانت متكلفه بمكياجها او حتى فستانها
ومع ذا طالعه قمر..
احلة بكثير من قبل..بالذات مع شعرها القصير..
اخذ نفس طوويل..
وبعدها حكاها عن كل شي..
ابتسمت غصب عنها..
من تعليقاته على نفسه..
وطريقه كلامه..
كان مريح مرره..
وبحمااس(صدقيني حبيبتي ماراح تشوفين مني الا كل شي يسعدك باذن الله)
بابتسامه خجوله ..
وهي ماتدري تصدقه ولا لا..
مع ان نظراته كلها صدق...
وهي تلعب باطراف مسكتها اللي كلها جوري(ان شالله..بس ابي بعد
انت تصبر علي..وتحملني لاغلطت ..اللي صار بحياتي ماهو قليل ابد..
وانا بعد باحاول قدر الامكان اسعدك. وان شالله ماقصر..)
ماقدر ينتظر اكثر بالذات وهو يسمع صوته الناعم..
لمها لحضنه بشووق..
وبلحظه كان يتمناها بواقعه قبل حلمه..
شدها له زوود...
مايبي يبعد عنها..
مو مصدق ان حبيبته صارت له لحاله..
حس فيها تنهد ..
و ماعرف ليش بالضبط
بس هي كانت خايفه من بكره...
تبي تعيش مبسوطه زي أي بنت..
بس تخاف تنعاد مأساتها..
غمضت عيونها مستسلمه لاشواقه..
وهي تمني نفسها بحياه افضل..
ـ
ــــــــــــــــــــــــــــــــــــــــــــــــــ ـــــــ















































بنفس الليله.. واللي كان فيها زواج جسار
وشوفه ايناس وعناد

وهي تمد له فنجال القهوه ..
(تفضل ..)
شربها بشويش..
وعيونه عليها..
زي اول ماعرفها ببنطلون وبلوزه..
بس الفرق انها حاطه شوويه روج ومتأكد ان هالشي وراه ايمان..بنت اخته
مابغت توافق علييه..
الا بعد ماتأكدت من مرزوقه ان اللي بينهم مو حب..
وانه تاب ماعاد رجع للبنات...
بلهفه ناظر فيها..
مو قادر ينزل عيونه منها..
تجنن ..
ويحبها بطريقه عجيبه..
زفرت بضيقه ..
ذا علامه مو راضي يشبع من القهوه..
حتى كلام ماتكلم..
بس يدحدر من هالقهوه وساكت..
هاللحين ووشلون البنات يتحملون هالغثى..
ساعه يقهوون باللي ينقاله خطيب وهو يتمنقل..فيهم
اوم الطفش..
شافته يمد لها فنجاله من جديد..
طاحت عيونها الدله فضت..
وبدون ماتحس بنفسها وبدفاشتها المعتاده(ياخي خلاص ماصارت مارويت؟؟ كل ذا
قهوه ماقد شربت انت؟؟و...)
قطعت كلامها باحراج..
من شافته مرجع راسه لورى من قوه ضحكه..
عضت على شفايفها..
وهي ماتدري وش تقول..
وبحب بان مع كلامه(ياناس احببببببببببك ويلوموني فيك؟؟)
لعبت بيدينها وبقلق(تحبني حتى وانا مو مثل البنات الناعمات..اخاف تمل من دفاشتي؟؟)
عناد وهو يأشر بيده للكرسي اللي جمبه..
(اول اجلسي جمبي..)
طاعت كلامه بدون ولاكلمه..
ماحست بحبها له..
الا بعد مافقدت اهتمامه..
...
وبحب بان فعيونه (انا حبيتك من اول يوم شفتك فيه وانا مرجعك لبيتك
فاليووم الوطني متذكره هذاك اليووم؟؟ انت مميزه عن كل البنات..
واحبك بكل حالاتك واصحي تغيرين شي فيك احبك بكل مافيك)
سكت وهو يشوف خدودها حمرت رغم سمارها..
وهي منزله راسها..
مايبي يضيع وقت يكون معها
بدون مايتأمل ملامحها اللي يحبها
(قلبي؟؟)
رفعت نظرها له..
وهي حاسه ان قلبها بيطلع من ضلوعها..
(هلا )
وهو يقرب لها(وانت ليش رضيت فيني.؟؟ غير انك عرفتي
اني ماحب غيرك..)
لعبت باصابعها وهي ماتدري وش تقول..
عاد الكلام عشان يسمع منها رد
وبصوت واطي ..
وبخجل عمرها ماتوقعته انه موجود فيها (لاني احبك..)
























ــــــــــــــــــــــــــــــــــــــــــــــــــ ـــــــــــــــــــــــ
























وهكذا انتهت معانقه قلمي لحكايا ابطالي...
ولم تنتهي حياتهم ابدا..
بل العكس تمام عند البعض منهم فمن هذه اللحظات ابتدت حياه جديده لهم..
وهاهم يمضوون بقلوب..
عانقتها السعاده..
بعدما تحطمت كثيرا...
والبعض منهم سيمضي بقيه حياته بقلووب محطمــه..!

همـــسه صادقه:


مر عامين بحلوها ومرها بآفرحىهآ وآحزآنها من آيآمي وآنآ بقربكم
حسيتكم قريبين مني بكل لحظه كل حرف كتبتوه لي آثر فيني كل كلمه شكرتوني او نقدتوني فيها
قريتها مرآت مرآت مآتتخيلون آثركم في حيآتي وآيآمي خآيفه آفقدكم وهذآ اللي احسه الحين وبآذن الله لنآ لقآء عن قريب
ولـ كل من قرآء ولو سطر من الروآيه :.
دعوه المسلم لاخيه في ظهر الغيب مستجآبه
مآببيكم تحرموني من صآدق دعآكم لو دقيقتين من وقتك لاتنسوني فيها بالدعآء
ان الله يرزقني بالعافييه..
وتذكري غلاي ان فيه ملك يقول ولك مثلهآ
آن شاء الله بدعآكم لي ربي بيرد عني شي آو يعجل بشفآئي++
فلا اعلم هل لعمري بقيه ام سآرحل انا والعام سويه
فديتكم كلكم كل الشكر من آعمآقي لقلوبكم آلرآقيه
ولتفاعلكم الطيب .
مآبي آقول متآبعآتي لانكم آكثر من آخوآت لي
ويعلم الله اني حبيتكم من كل قلبي..

ولكل وحده لها غلا بقلبي ولا اقدر انساكم
مع انه فيه كثير منكم فقدتهم.. بس كل الشكر اهديهم لهم..
حتى بغيابهم..
ولا ادري شلوون بتعود على غيابكم..
من قلبي اتمنى تعذروني لو غلطت عليكم..
وتسامحوني لو صار مني خطا بدون قصد..

فأن أخطأت فمني ومن الشيطان..

واسأل الله العظيم رب العرش العظيم ان يجمعنا
بظله يوم لاضل الا ضله.




ولاقول وداعا..

بل الى لقاء قريب بأذن واحد احد


بروايهـ جديده وافكار مختلفهـ


احبـــــــــــــــــــــــــــــــــــــــــــــــ ـــــــــــــــــــكم حيييييييلات .

غـــــــــــدير الحـــــــــــــــــــــــــــــــــــــربي

27 /12/ 1430 هـ يوم الاثنين .

.

وبكذا نزلت لكم كل اجزاء غدير الحربي

وان شاء الله يكون الي سويته مايزعج الداره او الكاتبه

تحيآآـتي

جودي