كاتب الموضوع :
غدووورة
المنتدى :
القصص المكتمله
وببالها خييير وش يحس فييه وهو مسووووي مؤازره لي ..
وللفت عيونها لجهه الطاقه تفرج بالسيارات واحد معصب وهو يكلم الجوال وكأن الدنيا واقفه
عند هالشي اللي يتكلم فييه ..
والثاني شايب صابغه لحيته بالاحمر المايل للاورنج من كثر الحنا بسياره ددسن مليانه اعلاف ..
وهناك بالسياره الرياضيه شباب رافعيين صوت الاغاني .. واللي يهز متحمس واللي معطي
الباب قفاه ومتحمس بالسوالف وماسلم منه اللي معه وهو كل شوي يصقع كتوفهم مع الحماس ..!!
كلن على همه سرى فكل سياره حياه وهموم او حتى افراح لشخص..
فمبالك اللي فالببيييوت؟؟!!
همس بداخله وهو فرحان واخيرن لقييته .. اشوا اني شلحته من العيال بعد ماسمعته
وهو يعدل جلسته ويده اليسار مثبتها على الدريكسون .. حط الكاسيت باكبر ابتسامه ..
دقايق وبدت الاغنيييه (
خل بالك تزل عينك
هنا والا هنا ويلك
ترى قلبي مو بس يغار
عليه غيره تهد ديار
كل شي فيك انا ليه
روحك وقلبك وعيونك
تبي تقول ان انا مجنون
ايوه انا مجنونـــــك
اغار من الهوى وثوبك
واغار اتخيل من اهلك
وانا ظلي وهو ظلي
اغار ان قرب لظلك
حسك تبتسم حسك
او تلتفت لغيري
انتا ملك لي لوحدي
بكيفي وهذا تفكيررري
.. اسمع بناقز )
يــــــــــــــــــــــاويلي ..
يـــــــــــــــــــــــــاويلي ..
حمدت ربها انه توها منزله العصيير ولا كان شرقت فيييه ...
من بين كل الناس ماصار هالكاسيت الا بين يدينه هو الله يستر
اكييد انه ماحطه الا عشاان يهزئني شووووي .. وانا اشوفه ليش
كان يسألني عن روحتي بالمره الاخييره وهو معصب واثاريه زعله
لهالسبب ..!!
والابتسامه شاقه حلقه ..بعد ماناظر فاماني ( تصدقين امووونه اول ماسمعت
صووت هالبنت على بالي انه انت لكن يوم قولبتها براسي وسمعته زيين قلت تبطين
مايجي صووتك ..تحسسين صوته مع الرجال اللي معها عجيب كنها هي اللي غنت هالاغنييه )
غمضت عيونها بقووه وفتحتها اكثر من مره تبي تحاول تستوعب هي تحلم ولا صدق؟؟
مرت عيونها علييه تبي تجس النبض يعني يستهبل ولا من جده ؟؟
بس مابين شي وهي تحاول تكوون طبيعيه (قصدك هي اللي تبي لاتجيب مثل حنجرتي الفيروزيه .. وانا ماغني لاي احد اخاف على نفسي من العين مو مثل اغلب خلق الله
الله يغنون فكل مكان )
ماتدري ليش قالت الجمله الاخييره يمكن من تبي تدافع عن نفسها ؟؟ حتى بدون مايتكلم؟؟
وعيونه على المرايه يبي يشوف رده فعل ايناس على الاغنييه ( اقوول اعشقي الراحه بس ..
هالووصت يدوووخ ...)
قاطعته وهي تشهق بحمااس ( كلمه ايناسووه من ويين لك )
تنح نح وهو مبسووط ياحظ هالكلمه اجل وهي تعانق شفايفها قبل لاتطلع..
مالقى كلمه غيير ( عاد هالاغنييه اهداء لك اماني دام هالصووت اعجبك )
اعجبتها الاغنيييه بس ماكنت تبي تعلق ولالفت لان نظراته احرقتها ..
ولالحظت ان هالصوووت يشبهه لاماني بس استغربت دقه ملحظته لان الالات
والميوزك مغييرين الصووت ..
كشرت ..وهي تسمع كلامه ياقدمه بس قال هديه لك اماني ..
مدري متى يبطلووون هالحركات ...
*
*
وباسرع ماتتوقع لقت السياره واقفه عندباب عمارتهم انصدمت من نفسها
وهي تفكر انها ماكانت تبي ترجع ...
سمعت صووته لاماني ( امانيووه انزلي بسرعه ..)
وماصدقت اماني خبر نزلت بسرعه البرق لانها خايفه منه تدري بيسود عيشتها
صح انه فله معها بس هي حاليا ماتدري هل فعلا مامميز ان هالكاسيت صوتها؟؟
وهي باحد هالزواجات ولا انه يستهبل ..!!
هالووقت الاحسن تبعد عنه لو براسه عنز يطيح ..بس بعيد عنها.. مع انها تشك
ان فييه شي ولا لييش يعصب علييها وايناس حبيبه القلب معاهم..
مع كل هالافكار ماحست بان ايناس مو وراها..
*
ايناس وهي تعدل الشنطه على كتوفها اخص يامانيووه انا اوري اجل تنزليين
وتخلييني مع خالك لو انتظرتي ليين انزل معك ..
الحق مو عليييك علي انا اللي اعتب علييك وعلى بالي انك تفهمين ..
حاولت تفتح الباب مانفتح مع انها تحاوولماتكلمه بس ماكان قدامها الا هالحل
وبصووت واطي ( لوسمحت الباب ماينفتح حاول فيييه )
سمعها بس مو قادر يهدي دقات قلبه اللي زادت من اول ماطلب من اماني تنزل
وكان يفكر انه بيكلم ايناس بدوون قيوود ..
ماكان قلبه يوقف دق الا بالعكس صووت دقاته واصل ليين ازونه ..
تنهدت بقووه لاحوول بعد اصمخ مايسمع ..
عادت الجمله بصوت اعلى ( عناد الباب مو راضي ينفتح وانا بانزل تخللت بهالسياره )
يالليل الشقا ياعناد ...
تنطق اسمك وحلاته منها ..
ماقدر يلف لها بس تكلم بصووت باين فيه انه متوتر وبدون مايلف لها
(انا قفلته بس عشان باقولك اني والله احبك وهو يحاول يهديها ليش خايفه ؟ عادي والله احبك من اول مره شفتك وانا احس قلبي يدق على غــــــــ .....)
قطع كلامه صووت تنفسها العالي .. لف لها من الخوف بيشوفه وش صار لها..
انصدم وهو يشووف يدها جسمها يرتجف ..
شكلها تبكي ..؟؟ بس لييييييييييييييييييش ترتجف وكنها ورققه..
بخووف (اينااس فييك شي ؟؟ تعبانه )
هوو نفسسه فاروق رجع .. كنت عارفه انه مو مخليني بحالي ..
ماراح يفووتها لي بينتقم لاخته المره اللي راحت سلمت هالمرره لا
انا وياه لحالنا قدر يقفل الباب.. صرخت مع ان المره اللي فاتت خانها صوتها بس هاللحين
جتها قووه ماتدري من وين وهي تحضن نفسها بهستريا ( ابعد احسسن ..لاصررخ واجمع الخلق والله والله ان خالد ماراح يسكت )
حسست بغثيان وهي تشووفه قريب منها .. وبابتسامته المقززه .. وبدون شعور رفعت الشنطه
وصارت تصقعه على كتوووفه وراسه وهي تصرخ ( احسسن لك بعد عني......بعد ......ماتفهم انت؟؟؟؟؟؟؟ )
انصدم من شكلها .
علامها ماسووويت لها شي؟؟
مو طبيعيه وش هالخوووف فييه انا
ليييييييييييييييييييييييييش كل هالصراخ صح قفلت الباب بس
والله ماكنت ابي شي ..بس ابقولها احبها ... اصلا من زود حبي لها
ماقوويت عيوني تجي بعينها .........
حاول يفهمها ماقدر وهو خايف علييها ومنها لاتفشله قدام الخلق اللي يمرون
نزل من السياره بسرعه...
بعد مافتح الباب لها ... وحط ظهره لباب السياره وبصوت عالي
( والله العالي بسماه ماكنت ابي شي وانت فاهمتني غلط )
كنت تشهق وصوت بكاها عالي ..وغطاها ابتل بدموعها وهي تسحب شنطتها وتركض
وتحمدلله انه ماقدر هالمره علييها ..
مالفت لسى منظره بعيونها ماتقدر .. ماتدري وشلون جااها فارووق ..
ــــــــــــــــــــــــــــــــــــــــــــــــــ ــــــــــــــ
انت البعيد اللي عيوني تمناهـ..!!
//
//
رفع عيونه لخويه اللي دخل الغرفه وباين انه مروووق ويصفر ويغني ..
وبدون مايبتسم وهو يلعب بالقلم اللي بيدينه (وعليكم السلام وش عنده الرايق ؟؟)
خوييه وهو يجلس على طرف مكتبه ويصفر والابتسامه شاقه حلقه (مامداي اسلم على طوول اكلتني بقشوري اول شي السلام علييكم ..ثاني شي وليش مارووق وانبسط ؟؟ الدنيا حلووه قالوا لك جسار عشان اكشر وامد البوز؟؟؟؟؟؟؟؟؟؟؟؟؟)
جسار وهو يريح ظهره على الكرسي الدوار اللي جالس عليه ..
وبدون اهتمام وعيونه على خوييه (عسااها دووم هالرواقه وبعدين وش قصدك يالهيس
يعني انا اللي اسد النفس من كثر ماني مكشر )
والابتسامه شاقه حلقه (اللي على راسه بطحه يحسس عليها ماقلت انك تسد النفس )
كشر وهويلعب بالاوراق اللي قدامه (ياشينك بس )
ناظر بجسار اللي لاهي عنه ..
مدري وش اللي صايرلك ماعاد شفناك مبسوط وفرحان مثل قبل ..
ماكنت تدخل مكان الا تعدي كل اللي فيه بحيويتك ونشاطك وفرفشتك
هاللحين صرنا نحلم نشوف ابتسامه منك ..
نزل من طرف مكتبه ..
وجلس بالكرسي اللي قبال جسار ..
تنح نح عشان يلفت انتباه جسار اللي باين انه بعالم ثاني
(احم احم ..جسار تكفى قولي علامك؟؟ وش اللي صاير ومغييرك عليينا منت الاولي ابد)
رفع راسه بقووه وكان كلام خوويه اخر كلام كان متوقع يسمعه
وهو عاقد حواجبه (بالله مادريت عن نفسي .... يتهيالك مافيني شي )
بقهر من بروده جسار (لا مايتهيا لي انا متاكد ان صاير شي ..لاتستهبل قوولي ازين لك )
بدون مايناظر فييه..وعيونه تمر على كل ركن بالغرفه ( تصدق امي مسويه لي زحمه الاو تبي تخطب لي)
قام من الكرسي بسرعه والابتسامه شاقه حلقه وهو فرحان لجسار..
يعني زيين هالخبريه الحلوه ... اكييد بترجعه زي مكان وتغير هالكابه اللي فيه ..
بخطوتين وصل لجسار من ورى المكتب وحضنه (مبرووووووووووك الف الفييين مبروك
ولييش ماعلمتنا بهالخبر ولا خاايف نحسدك ..من جد مالك خووه )
وعيوونه مفتوحه على كبرها ومستغرب من رده فعل خوويه ..
بعده عنه وبكشره (علامك؟؟ انا اقو ل امي تبي تخطب لي ..ماقلت اني رضيت الا بالعكس متضايق مابي اعرس )
عقد حواجبه وهو يرجع لكرسيه يبي يحاول يفهم جسار مو قادر
عمره ماكان صعب انك تفهمه كثر هالفتره ..
وبحذر وهو يحاول يختار كلامه عشان مايعصب جسار ..(طييب ليش منت راضي؟؟ انت بنص الثلاثين ..يعني كبير مشالله وش محتري ...؟؟؟ )
وهو يحرك يدينه على طرف مكتبه ..
والضيق خانقته ... من شاف ذيك الحرمه انقلبت حياته ماعاد يعرف ليله من نهاره
حتى بحلمه تمر علييه ..
لعن نفسه بدال المره عشرررين وهو يذكر نفسه انها متزوجه يعني مستحيل تكون بنت
وتكوون لابسه قميص ولحالها بالشقه ..
مو قادر ينسى شكلها ...ماكان من عادته انه يخلط بين عمله واحاسيسه بس ذيك المره
مايدري وش صارله...!!
لحد هاللحين مو قادر ينساها مع ان الوقت اللي مر على ذيك الحادثه طووووويل حييل ..
مرر لسانه على شفايفه يرطبها بعد ماحس ان التفكير نشف حلقه ..
حاول يكون صوته عادي (انا مابي اعرس..مابي اظلم بنات الناس معي .. قلبي وعقلي مع وحده ماعرف عنها ولاشي ورغم كذا ماتفارق خيالي )
انصدم..وحده مايعرف عنها شي وقلبه وعقله معها؟؟؟
علامه لايكووون ...قصده..شهق وهو يناظر بجسار( انت قصدك ذيك الحرمه اللي كان مقفول عليها الباب وهي تنزف ؟؟؟؟)
رفع عيونه بسرعه لخوويه نسى انه حكاه عن قلبه اللي ماوقف دق من شافها ذاك اليوم
وهو عاقد حواجبه (وش درا ك انت ؟؟)
مات من الضحك وهو يصقع كفوفه ببعض (هههههههه وش اش دراني؟؟ ناسي يالذكي انك وقتها كنت ملخووم ومختبص وقلتي ان قلب ماوقف دق من شفتها وهي طاييحه ..!! من جد ماهقيتها منك ..مانسيتها وانت تدري انها على ذمه رجال غيرك )
كشر وهو يهز رجوله مقهور من نفسه (اصلا مواكييد انها متزوجه )
كمل وهو يناظر بعيون خوييه المفتوحه بكبرها وباين انه مو مصدق..
(طييب خلاص حتى لو متزوجه مو بيدي وربي مو بيدي انت ماشفتها.ولا ماتلومني )
خويه بحماس .. يبي يعرف عن شكل اللي سحرت جسار الي ماقد اهتم
بالحريم ... (هااه وش شكلها حكيني )
وقف من كرسيه بعصبيه ...وهو مقهور من نفسه وشلون جاب سيرتها
ولا بعد خوييه يبي يعرف وشلون شكلها..
هو حدها الغيره ذابحته كل مايتذكر انه القمر اللي حبها بين يدين رجال غيره ..
يجي خوييه وبيشاركه فيها ..
كشر (مالك خص يالهييس .. اذا عندك سالفه زيينه قولها ماعندك سكر فمك )
وعيونه على جسار ..يوووه شكله صدق حب هالحرمه
غريبه وشلون ؟؟
ماتخييل ان فيه انسان يتعلق بوحده بس من شكلها ولابعد كان مغمى عليها
يعني حتى الصوت ماسمعه ....
ولله في خلقه شؤؤن ,,,
حاول يغير الجو الي انشحن ..
وبابتسامه مايدري من وين جابها (جسار وش رايك ناخذ اجازه ونروح عند اهلك بالشرقيه ؟؟)
ابتسم غصب عنه وهو فاهم حركه خوييه انه بيطلعه من الجو اللي فيه
وهو يسايره ويجلس على الكرسي اللي قباله (والله ماهي بشينه..مير تدري اني لي وقت طويل مارحت لاهلي بالشرقيه ..طفشت وانا ساكن بالحالي هنا ..)
باهتمام .. وهو يشوف جسار يحكيه عن امور خاصه ماقد كلمه عنها مع ان الصحبه اللي
تجمعهم اكثر من كم سنه بس كان دووم يسولفون بكل شي بعيد عن حياتهم الشخصيه
(طييب انت ماعندك اهل هنا او حتى قرايب ابد..؟؟؟)
جسار وهو يحط رجل على رجل وبتفكير (الا عندي اخت من ابوي هنا مدري ويين ساكنه اذكرها تجي عندنا وهي صغيره حييل بس بعدين ماعاد جات عندنا ابد ولا قد سمعت لها سيره بالبيت )
عقد حواجبه وهو مستغرب وشلون مايدري عن اخته..شي
(طييب ماحاولت تعرف عنها شي تسال ابوك او امك..ذي اختك مو معقول انك ماهتميت )
وهو يحرك شفايفه باصابعه (الا قد حاولت بس امي قالت مالك خص ..خلك بنفسك.. )
حاول يسال ويعرف اكثثر ..
بس حس انه زودها ..وبمان اللي يتكلمون عنها اخته ماراح يرضى ينجاب سيرتها
اكثر من كذا..!!
قطع عليهم جرس الانذار.....
وقفوا بسرعه والواجب اهم من سوالفهم ..
جسار وهو يركض (يالله اكييد فيه حاله مستعجله الله يستر على المسلميين )
ــــــــــــــــــــــــــــــــــــــــــــــــــ ــــــــــــــــ
هات لي شي واحد واحد
يحببني فييك بعد اللي سويته فيني الله يهديك !!
\
\
الصدر ضايق .. وأنت ضيقت صدري
وانا معك من غير وجهة و تحديد
يا كثر ما تجرحني ويزيد صبري
كنك تقول أزيد .. و أقولك زيد
تقول يا عمري و اقول انت عمري
كني وراك اسمع وش تقول و أعيد
أما تشوف لوضعنا حل جذري
والآ بـلآآآآش نحب و نعيد و نزيــد
فيوم قلت قدامه اني احب الاحمر ...يمكن كان هالكلام بعد ماتتريق علي اني كل ماصمم
شي يكون بهاللون..!!
بس ابد ماكنت اتوقع انه مانسى كلامي .. اصلا مستغربه انه سمعني..
ماكان تفكيره مشغول مثل قلبه بحبيبته بذاك الوقت..!
بنظره بارده.. بعدت جسمها عنه.. بعد ماتفنن وهو يوري امها لهفته وفرحته
على سلامتها...
سفهت يدينه .. وهي تجلس على السرير ..مسوي حنون وكل هالمسرحيه عشان يقنع امي
انه مررره متلهف على هالولد ..دخلت رجولها بشويش جوا اللحاف المريح اللي على سريرها..
سمعت صوت امها وباين انها فرحاانه (مبررررروك يازايد هذا والله خبر يفرح لي شهور
مافرحت.. مير ماقلت ياولدي وش بتسمون الولد)
ناظرت بزايد ..اللي كان حاط اصابع يده على شفايفه واليد الثانيه مريحها على خصره وباين انه يفكر..
(امممم ..مدري ياخالتي ..يمـــــــكن.)
كمل كلامه وهو يناظر بريماس .. والابتسلمه شاقه حلقه (بنفكر انا ورموستي وبعدين نختار سوا.. ولا اش رايك حبيبتي )
نزلت عيونها وهي تشيل اللصقه المحطوطه على كفها..
بعد ماشالوا منها المغذي.. حطوها.
تطورات من متى صرت رموستك..العاده حتى اسمي تلخبط فيه ..
وبدون ماتناظر فيه وهي تشيل اللصقه باهتمام مبالغ فيه وكأن هذا اهم شي يشغلها ..
وبصوت حاولت يكون عادي (ولـــدي ابسميه ميسره...وهالشي مخلصه منه ..انا اللي حملت
وتعبت حتى بولادتي ماكلفت خاطرك وديتني غصونه وزوجها جزاهم الله خير ..ماقصروا..)
قاطعتها امها .. بعد ماحست ان ريماس ناويه على مهاوشه .. وهي توها جايه من المستشفى
ومرهقه .. يعني بيزيد تعبها ..وبنظره حاده عشان تسكتها ..(اغصان اختك وذا واجب عليها انها تودييك .. دام زوجك ماكان فييه.. هاللحين ارتاحي وبعدين شاوري *وهي تضغط على كلامها ** زوجك يمكن له راي بالاسم ..)
وعيونه عليها .. وهي مغطييه رجولها باللحاف ..وباين انها مرهقه من السواد اللي تحت
عيونها...بهاللحظه كان نفسه .. لو يمسح بيدينه هالتعب .. بالضبط ماكان عارف وهو ينظر بيدينه البيضا وهي تشد على اللحاف بتوتر.. هل كل اللي فيها بس تعب من الولاده ولا هموم بنفسها ..؟؟
مرر لسانه على شفايفه وهي يناظر بمره عمه المبتسمه .. قلبها طيب وريماس تشبهها ..
وبطيبه مايدري من ويين جاته (لا ياعمه مالي راي بعد راي الغاليييه .. خلاص دام هالاسم
تبيه تــم ماني رادها ..)
رفعت راسها بقووه .. وهي تناظر فيه مو مستوعبه .. توقعته بيعاند بيفرض شخصيته كالعاده
بس كذا يوافق بسهوله؟؟؟؟؟؟؟ اكييد فيه شي مو طبيعي ..
غمضت عيونها وهي تسمع امها .. وباين الفرحه بصوتها (اجل مبروك يابو ميسره .. خذ راحتك مع مرتك مافهالدور غيركم ..)
ماتبي تجلس معه بنفس الغرفه ... بس بعد ماتبي تسوي مشاكل ..
مددت جسمها زين على السرير.. وهي سافهته ولا كانه موجود...
حست بريحه العوده اللي دايم كانت تحب تحط له منها ..تحضن انفها ..
عرفت انه قريب منها ...حاولت تنفس طبيعي .. تحس بدفى اصابعه وهو يرجع
خصل من شعرها طايحه على جبينها..لورى اذنها.. وبهمس (حياتي ..شلون بتنامين وانا لسى ماشبعت من الكلام معك ..)
هذا شكله يستهبل .. من متى هالحنان الزايد ؟؟
امي وراحت يمثل لمييين ؟؟!
مزاجه مره تعبني .. كل مره بحاله ... ولا انا اش علي منه .. كلها كم يوم لييين ارتاح وبعدين
اخليه يطلقني ..!!
سفهته .. وماردت..
يدري انها سمعت بس مسويه انها نايمه .. عارفها زيين ..
وهو مصمم انه يسمع صوتها .. عاد كلامه بصوت اعلى ..
فتحت عيونها بعد ماعرفت انه ماراح يسكت ليين ترد عليه ..
وبكشره (من جد اني سخيفه و ماعندي سالفه .. وشلون ا نام والامير زايد ماعطاني الاذن ..عشان اقدر انام .. )
طاحت عيونه من اسلوبها بالكلام ..
اوووف هاذي حدها معصبه .. علامها من جد ان الحريم ناقصات هذا كله عشاني
ماوديتها للمستشفى ..؟؟
طيب اختها ودتها مو نهايه العالم ..
وبابتسامه طلعت بالغصب ..حرك اصابعه بشكل دائري مكان المغذي يحاول يخفف من انتفاخ هالمنطقه
وهو مركز عليها وباين انها صايره الوان ..وهو مسوي انه ماسمع كلامها (حبيبتي لسى تعبانه ؟؟)
سحبت يدها منه ودخلتها جوا اللحاف .. مو طايقه لمسته ..
وبدون ماتناظر فييه (لا يووووووووه من قال ؟ وليش اتعب؟؟ مو انا جايه من تمشييه من ملاهي .. وزوجي هو اللي موديني .. وطول الوقت وهو يحاول ينسيني التعب ..)
رفع حاجب.. وهو يناظر فيها.. حدها زعلانه وشايله على خاطرها..
بس ابد الموضوع ذا مايستاهل كل هالزعل ..
قد صارت لها مني مواقف اكثر .. ولاهتمت ..اش معنى هالمره ؟؟؟
ولا مسويه تخفف دمها..تكلم بشويش وهو يضغط على كل كلمه (هذا كله ليش ؟؟ ماتوقع ان ذا كله عشاني ماوديتك للمستشفى؟؟؟ اكييد فيه شي )
لفت وجهها بقوووه عنه وبنظره كلها استحقار وكنها مو قادره تحمل تشوف وجهه (بدري مره تلاحظ ان فيه شي ؟؟ ماكأنك استعجلت شووي من اول ماتزوجتك وهو فيه مو بس شي الا فيه مليون شي اصلا حياتنا وش فيها شي طبيعي قووولي ؟؟؟؟)
انصدم من كلامها..ماتوقع بيوووم يطلع من هالصوت اللي دووم يدوخه مثل هالكلام
يمكن صدق فيه شي غلط بحياتهم بس ذا ذنب ميين من البدايه؟؟؟
تنهد بقووه وهو يحاول يدور على كلمات تناسب الموقف ابد ماراح ينفع بهالوضع
انه يتهاووش معها او حتى يفتح جرووووح قديمه هي مالها فيها ذنب..
ولايدري وش يقوول لها؟؟؟
يمكن كلامها ذا كله من الضغوطات اللي مرت عليها..
وعلى هالفكره اللي اعجبته رفع اصابعه وثبت وجهها لجهته بعد ماكانت صاده عنه..
وعيونه تدور بوجهها الشاحب من التعب وبشفايفها اللي بدت ترتعش وهي تهدد بان دموعها بتنزل وبنظره حنونه بعد ماحزنته (حبيبتي صدقيني مافيه شي .. وحياتنا حلوه موناقصنا شي والحمدلله يمكن انت ماقلتي هالكلام الا من زوود التعب......)
احر ماعندي ابرد ماعنده طوول عمره مايحس فيني حتى بهاللحظه توقعت انه بيبرر لي
اللي كان يسويه معي بس كذا يتكلم ولا كانه فيه شي ..
قطعت كلامه وهي تحط يدينها على اذوونها وتحرك راسها بقووه وكان هالكلام يقتلها
والدمووع صارت تنزل بعد ماعجزت انها تسيطر عليها وبصراخ (تعب؟؟؟؟؟؟؟؟؟؟؟؟ أي تعب قصدك؟؟؟ التعب وانا احاول من اول ماتزوجتك ارضيييك؟؟ وانت تفنن بتجريحي؟؟؟ وانك تبين ان مالي مكان بقلبك؟؟؟ ولا التعب وانا بعيوني اشووفك نظراتك الهايمه لمها وهمسك اللي عمري ماتحلمت انه يكون لي ؟؟؟ وبدون ماتراعي وجودي؟؟ اذا مو عشاني عشان نظرات اهلك لي الي كلها شفقه؟؟؟؟؟ التعب اني كل ماتعبت ولاطحت واحتجتك مالاقيييييك!!
ماتجي الابعد فووات الاووان وانا بدال ماعاتبك زي الهبله اروووح اراضييك ..واقووول اصبري يابنت... اكييد بيجي اليووم اللي بيحبك فيييييييييييه ...ولا اقلها يحس فييك ..
وش التعب بنظرك قوولي؟؟؟؟؟)
كل كلمه كانت تقولها له ومع دمووعها اللي غسلت وجهها المحمر
كانت تصدمه...صح مايحبها بس ماتقصد يعذبها على باله انها مو مهتمه ولاجابت خبره
يمكن يكذب على نفسسه .. وهو كان مقصر بس مو بيده يعششق مها
وابوها هو اللي رماها علييه ..
تنهد وهو يجلس على السرير جمبها وهو يشدها لحضنه ..وباسف
(والله حياتي اسسف مو بيدي ماكنت مراعي تصرفاتي.. وو مهـا حوبـ ..*قطع كلامه وهو يحس انه زاد الطيين بله *قصدي والله مدري اش اقوول بس اسسف وان شالله باعووضك
عاد اش دعووه انت ام ولدي )
كانت حااسه انها مخدره ريحه عطره مختلطه مع ريحه سقايره اللي مسكت فثوبه
دووم كانت تدووخ منها ...
بس هاللحين وهي تبعد عنه بعد ماسمعته يجيب سيره مها اللي مشاركتهم كل شي
لو حتى باسمها...
وهي تذكر كلام مها .................
كان راسلها بس من درى بولادتي جاا يتميلح اكييد بيسوي مهتم مو عشاني
عشاان الوولد
عدلت جلستها ولو قدرت كان وقفت ولاتكون قريبه منه بهالشكل..
بس فييه سؤال دووم محييره وهالوقت مناسب عشان تسال
وهي تمسح دمووعها بيدين مرتجفه
وشفايفها المليانه ترتعش (بسالك بس تجاوبني؟؟)
ابتسم مع انه يحاول يبين بنظراته انه يحبها بس يحس انه فشل
وعيونه تدور بالغرفه (اييه اكييد اجاوبك حياتي )
وهي تضغط على غطا السرير وعيونها علييه (سالتك بالله لييش تزوجتني ؟؟)
من سمع هالجمله لاشعوريا وقف ..
اختبص .. ماتوقع هالسؤال ..
ناظر فييها.. كان منظرها يقطع القلب ..شعرها متناثر ومغطيه اغلب وجهها والباقي
من وجهها احمر من الصياح .. وعيوونها اللي كنت تدووخه مليانه دمووع
ومداريته عنه ..
تمنى انه يكذب بس سألته بالله...
مايبي يجرحها..تنح نح وهو يدور على سالفه يغير فيها الموضوع
(حبيبي اش تبين اجييب لميسوو ببالك ملابس معينه يعــ......)
قاطعته وهو فاهمه انه يتهرب..
يعني فييه شي .. زي ماتوقعت ..
كملت بصوت ثابت رغم النيران اللي فيها
(انا سالتك بالله يازايد )
وهي تناظر بوجهه المتردد (عادي انا ادري ان فييه شي.. فكل الحالات ماراح ازعل
لاني شبعت معك من هالكلمه .. فقولك تكفى ...)
ماراح ترتاح الا اذا قلت لها ..
يالله اقولها عشان تعرف ان اللي سويته فيها غصب عني
وكن هالحل ريحه .. وببرود (مو انا اللي بغييتك ابوك اللي قال ملكوا لزايد على ريماس ومابغيت افشله مع الرجال )
لو احد كان معطييها كف ماكان له مثل هالتاثير عليها....
غمضت عيونها بقوه تبي تستوعب
ماعاد اقدر ..
تعبت كل شووي صدمه ماتحممل
لييييييييييييش يبه..؟؟؟
ليش ترخصني تعطيني لرجال مافكر فيني..
لو ماكان يحب غيري باكوون بنظره رخيصه ليش اهلي هم اللي رموني له
ماتزوجني برغبتته..
وانا الهبله احاول اراضييه باي طريقه اثاريه من الاصل مايبيني
حرمته من اللي يحب.. ولا ازعل لييش ماعبرني...
بخوووف نقز وجلس جمبها.. فيها شي باين من ملامحها انها تتالم
والدموع ماوقفت (حياتي فييك شي؟؟؟ تكفيين اسوي لك اللي تبين بس هدي
قولي وش اللي يوجعك بس مو تسكتين ..)
بقلق وهو يسمع شهقاتها تزيد ( رموسه فيك شي ؟؟؟ انطقي طيحتي قلبي)
فتحت عيونها والدنيا سووده بعيونها ..وبصوت غريب عنها
( اكييد تسووي اللي تبي ؟؟)
عقد حواجبه مستغرب (اكيييد افا علييك )
وهي تحاول تكوون قويه (طلـــــــــــــــــــــــــــــــــــــــــــــــ ـــــقني )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
قامت من السرير وهي تعدل بقميصها..
اول مره تحس بهالوحده مع انه مامر ساعات على تركها لبيت جدتها ..
حتى الجامعه سحبت عليها وماراحت لها..
اول ماطرا بالها انها تترك بيت جدتها ماحست انها تسوي شي غلط الا بالعكس
حست ان هذا هو الصح والمفروض انها تسويها ..
بس هاللحين ماتدري لييش حست انه اشويه تسرعت ..
زفرت بقووه وهي تتحرك بالغرفه البسيطه واللي ماكانت تحوي الا سرير خشب صغير
مغطى بلحاف فيه الوان الطييف كلها وباهت من كثر الغسل..
يختلف حييل عن سريرها ولحافها المزيين برسمات كرتونها المفضل هامتارو..
وماكان بتفاصيل الغرفه أي شي له اهميه باستثناء الطاوله الخشب اللي عليها
تلفزيون صغير ....باختصار بساطه غير البساطه اللي عايشتها عند جدتها وعشقتها ..
صعب تعشق شي وتتعلق فيه شهور وسنين وفجاه تتخلى عنه وتحس انك متعلق بوهم ..
كل هالخواطر اللي مرت فبالها خلت الدموع تنزل غصب من عينها .. وبصوت غصب طلع منها ..
(الله ياخذك ياعزام زي ماخربت حياتي.. وانا اللي كنت متهنيه ومبسوطه فيها قبل ماشوفك )
*
*
مامت من فرقآكـ
لاكني:
تألمت
ناظر بجدته ..اللي القلق ذابحها وباين انها مفجوعه .. وهو مصدوم مو مستوعب اللي قالته..
وبعصبيه ..حرك يدينه بالهوا (وشلون يعني ماجات من جامعتها؟؟ صرنا المغرب .. وين ذلفت
قايل من البدايه ذي مو متربيه .. مع مين تكون طست )
وهي تفك لثمتها وتعدلها للمره العاشره من الوقت الي كلمت فيه عزام ..وبتوتر (بدال ماتكلم عنها رح دورها .. تكفى لاتكون انخطفت ولايمكن ضاعت تراها ماتدل بالديره شي ..!!)
ماتدل بالديره شي ؟؟؟!
بس شكل عقلها داهيه يدلها على كل شي ..
مستحيل تكون ضاعت .. اكييد انها مدبره هالشي ..
بس يمكـــــــــن..
ناظر بجدته فجاه وهي تحرك رايحه جايه بالحووش ..
وبتفكير(طييب انت شفتيها يوم راحت لجامعتها الصبح ؟؟؟!)
وهي تضغط بيدينها على ركبها عشان تقدر تجلس (لا ياوليدي ماشفتها كنت عند غنمي .. مير اول مره تروح لجامعتها بدري هالكثر ..)
كشر وهو يجمع شفايفه بيده اليمين ويضغط عليها ..
فييها انا بالموضوع..بس نفسه لو يعرف ..
وهو يفكر بصوت عالي وكانه يقنع نفسه قبل جدته (يمكن تكون راحت عند وحده من صاحباتها؟؟؟ ومانتبهت للوقت ؟؟)
انتحبت وهي جالسه والدموع ماليه عيونها .. (ياوليدي هي ماتعرف احد هنا ...ماعمرها قالت ان عنده صاحبات ابد )
حاس نفسه مربط مو قادر يفكر باي فكره او حتى تخمين للمكان اللي راحت له
انسانه معزوله عن العالم كله ... استغرب وشلون كانت عايشه ...
مالها أي معارف من الجامعه للبيت والعكس زي مافهم ...
ناظر بجدته اللي تنتحب وتصيييح وهي حيل خايفه... على بنت بنتها
فزااااااااااااااااااااااع.....
مايدري وشلون راح اخوه من باله...
هو صديقها المفضل ..
ويمكن ..............؟؟؟
وبعصبيه طلع جواله من الثوب .. وهو يعطي جدته ظهره وبانفعال وهو يضرب
رجله على الارض وينتظر يرد عليه ... وبالرنه السابعه جاه صوت فزاع وباين ان صوته فيه اثر تعب (هلا )
بس كل هالتعب طار وهو يسمع صوت عزام وهو معصب وشوي يطلع له من الجوال
(انت وييييييييييييييييييييييين ؟؟؟ ومع ميييين )
وبجديه (يعني وييين باكون اكيييد بالاستراحه بعد الهوووشه اللي صارت مافيني حييل اتحرك
جسمي مكسسر.. )
عزام بهاللحظه مايدري ليييش مرت قدامه صوره
مدى وهو اول مره يشووف وكانت مع فزاع باخر الليل وعيونه شلوووون كانت بتاكلها اكل ..
عييوون ولهااااااااان ...!!
يعني طبيعي اللي يفكر فيه ؟؟؟
ومن بين اسنانه وهو يضغط على الجوال (رد علي ميييييييييييييييين معك ؟؟؟؟)
عدل جلسته وتجاهل الالم اللي حاس فيه مستغرب وش صاير على اخوه
بس يمكن لسى مقهور منه على اللي صار بس بعد هو يدري ان طبعه عصبي ؟؟؟؟؟؟
*
*
مايدري وشلووون وصل لبيت جدته ..
ولايدري كم السرعه اللي كان يسوق فيها ...
كل اللي يدري فيه ان قلبه بغى يوقف عن النبض وهو يسمع عزام يقوله ان مدى مارجعت
كان يحسبه يضحك ينكت ......وليين هاللحظه اللي هو بالسياره عنده امل انه بيطلع مقلب..
مع ان صووت عزام مبين انه معصب مايدري ليييش كان يساله من معه ؟؟
يمكن متوقع ان مدى معه ؟؟؟؟؟؟؟؟؟؟؟!
حس ا ن ورى كلامه معاني بس ماكان بمزاج انه يدقق ..
نزل من السياره وباقل من ثانيه صار بحوش جدته .. وعيونه تنتقل من جدته المنهاره من كثر الصياح واللي ماعمره شافها بهالوضع ..
وبين عزام اللي لف له بسرعه من دخل وهو معصب وباين ان اعصابه تلفانه على الاخر...
يعني صدق حبيبته اختــــــــــــــــــــــــــفت ...
تمنى تكوون مزحه .. يلاقيها طالعه بجلالها من غرفتها وهي تضحك وتعلق عليه ..
حاول يتكلم بس ماطاوعه صوته يطلع من حنجرته ..
يبي يسال شلوووووون تخلونها تروووح؟؟
وينك ياجدتي عنها ؟؟؟؟؟؟
شلووون مانتبهتي لها ؟؟
كذا اول انسانه احبها من قلب .....تتركني وتترك كل شي فجاه وتختفي من حياتي
طيييييييييييب ليييييييييش ؟؟؟
وش ذنبي اتعذب مايكفي عذابي وانا اشووفها قدامي ولا اقدر انطق لها بكلمه من اللي
مالي قلبي لها ومخلي النوووم مجافيني ؟؟؟؟؟؟؟؟؟؟؟؟!
( وين راحت ؟؟ليييييييييش اكيييد فييييييييه سبب؟؟؟)
مانتبه انه الكلام طلع من بين شفايفه .. الا وهو يسمع صوت عزام وهو معصب
(وانا وش دراني ليييييش ؟؟؟ على بالي انت تدري عشان كذا انت جبتك ابيك تجاوب لانك اقرب واحد لها ؟؟)
رفع حاجب وهو مستنكر هالسؤال ..
ويحاول يتجاهل المعاني بكلام اخوه ( وش قصدك لو اعرف مكانها ماكان انعفست وخفت عليها
هالكثثثثثثثثثر .....حتى جااي بدون مابدل ثيابي ...............)
وبعصبيه وهو يضغط بيدينه على عيوونه من التعب..
(كله منك ياعزام ماشردت الا من معاملتك لهاوتجريحك لها على الطالعه والنزله )
طاحت عيووونه عمره ماتخيل انه بيووم فزاع اللي يصارخ عليه
ويكلمه بهالطريقه ...يعني فعلا بينهم شي...
وهو يسمع صوت شهقات جدته اللي مغطيه عيونها بيدينها اللي مارحمتها السنين
وتجعدت وتبكي كنها طفل .. وهو يحاول يهدي الجو (هالكلام مو بوقته هاللحين خلنا نفكر
وش الصرفه ؟؟)
فزاع وهو ناسي كل الالم اللي فيه وبانفعال(يعني وش السواه نلف ندورها اكيييد .. ونسال بالجامعه يمكن صاير شي )
تنهد بقووه وهو حاط يدينه على كتوفه جدته وبحنان (تكفين يالغاليه جعلني فداك لاتسوين بنفسك
هالسواه بنلقاه اكيد انها رايحه لوحده خويتها )
الجده وهي تمسح دموعها بطرف مسفعها (ياحرري على بنيتي راحت مني غدت مثل ماغدت امها النايفه وحسرت قلبي )
غمض عيونه وهو مقهووور منن هالانسانه ولامبالاتها
لو عليه فرحااان انها افتكت من غثاها وفكت اخووه منها .. بس
وهو يناظر بجدته اللي تشاهق .. تمنى لو يلاقيها بس عشان جدته المسكينه ..!!
( عيني خيير ان شالله بنلاقييها هاللحين بنطلع ندورها ومانرجع لا ربي اراد الا وهي معنا )
ناظر بفزاع اللي يتحرقص بمكانه مو قادر يصبر (انا بارووح للجامعه اعرف نااس يجيبون لي من كشف الحضور لو جات وانت تعررف وين تدورها )
بعد ماسمع صووت الباب اللي انصك بقووه
بعد طلعت فزززاع السريعه .. تنهد وهو يناظر بجدته مو مرتاح يتركها لحاله ليييين
يجوون يخاف يتاخر ويصير فيها شي ..
وهو حاضن يديها ( يالغاليه والله مو مرتاح اخليك بالحالك ليين نرجع .. مير خليني اوديك
عند حد هالجييران تونسين بهم )
شهقت وبعيونها انكسار ( ياوليدي وش اقول لناس بنيتي مدري وين غدت؟؟ وش بيقولون ياوليدي )
زفر بغيض وكمل ( استغفر الله العظيم .. لا انت روحي يعني انه مسيار ولاتعلمينهم بشي
ترى ان مارحتي مو رايح ادورها ابد ,,)
ماقدرت تعارضه وهي تعرف زيين انه عنيد
وقفت ( برووح ميير لاتبطي تكفى والله اني خايفه علي عيال الحرام وش كثرهم والدنيا ماتنضمن )
هز راسه .. وراح يجيب لها العبايه وهو يحطها على راسها
( الله يستر مير انت لاتطلعيين من عند جيرانك الا لييين اجي يمك )
هزت راسها والدموع ترجع لها من جديد
( ابشر .. ابشر وانا امك بس المهم ترجع لي بنيتي )
ـــــــ [..::ـــــــــــــــــــــــــــــــــ
[ ..::مليون مره انت في حقي اخطيت ::..]
<< فبيت الصقر...وبالمطبخ الفخم...
وهي تناظر فالخدامات اللي يشتغلووون ...وبيدها كاس عصير برتقال بارد .. تشرب منه
بشويش ...وكنها تبي تحس بطعمه ..من الصباااح ونا عند اهلي جابني السواق وهو
حضرته ماعبرتني ولافقدتني اصلا ..وتقوولي اغصان اعتبريه رجال ..امحق رجال
اجل فييه احد يسووي سواته حتى ماعرف ويين انا ولاهتم..
مدري وش نهاايه هالتعب اللي انا فييه ..!
كشررت على هالفكره وهي تنزل الكوووب اللي بيدها على طاوله المطبخ ...
ناظرت بلبسها .. تاكد منه ... فستان شامواه باللون النيلي الغامق يوصل لحد ركبتها
مع مكياج خفيف فطالع شكلها نعووم..
وقبل ماتطلع سمعت صووت ..
(ياهـــــــلا والله باختي السنعه ..عاش من شافك )
لفت بقوووه وهي تشوف ضاري مكتف يدينه لصدره ويناظر فيها من فوق لتحت
ماتدري هل هو تهيالها ان صووته فييه احتقار ولا من جد؟؟؟
بس اكييد لا على بالي كل الناس مثل مشعل ولا ضاري حنون ابد مايسويها!
وباحلى ابتسامه وهي تقرب له (ياهلا باخوي الي المفروض انه يكون مسافر هاللحين ..بالله قولي ليششش ماسافرت؟؟)
مارد عليييها كان مبسوط انه قدر يمسك نفسه من الصبح وماراح لها وكفخها
وهاللحين من سوء حظه قابلها عند اهله ..
كان يبي يتجنبها لان نص من عقله يقوول ان مالها دخل بهالمشكله
والنص الثاني محملها كل المسؤلييه لو انتبهت لنفسها ماكان صار اللي صار
زفر بقوووه وهو يقول للخدامه اللي قدامه (يانت اطلعي وسكري باب المطبخ )
شاف على وجه لمار كل علامه الاستغراب وهي تقرب له زود
تنح نح وهو ينزل الكاب على وجهه من البدايه ماجا الا عشان يسلم ويطلع للمطار
بمان رحله الصبح راحت علييه فاضطر انه يغيير الرحله برحله ابعد شووي ..
وماجالاهله بدري عشان ماحد ينتبه للكدمات والجروح اللي فيه ..
شاف يدها البيضا تسحب الكاب من راسه وهي تابع بنظراتها الجرح الطوويل اللي بجبهته
واللي مغطييه خمس طعش غرزه طبعا بعد الحاح جوري انه يروح للمستشفى ..
وبشهقه ( يووووووووووووووه ضاري وش هاللي فييك وش صاير علييك ؟؟؟)
سحب منها الكاب الرمادي بعصبيه ورجعه لمحله وبصوت جاف (ولاشي اصابه ملاعب وبعديين من متى وانتي هنا )
زمت شفايفها بطريقه تفتن ( ماعلييك مني . ضاري لاتكووون متضارب مع احد ..؟؟)
صارت عيوونه فناجييل وهو منصدم وبدون شعوور (لا يعني تعرفييييييييين ؟؟؟لو فييك خير وتعرفييين ربك ماكان سويتي هالشي ولاحطيتيني وحطيت عمرك بهالموقف بس خساره تربيه اهلي فييك )
تنحت فييه وهي تستوعب .
لاحوول ياكثر مايتهيالي اليوووم .....
رفعت عيونها له وشافت وجهه اللي محمر رغم سماره من العصبيه ..
علامه ؟؟ وش هالتخبيص بالكلام وش سووويت عشان يقوول هالكلام..
وتنفسها صاير سريع وهي تحاول تستوعب ونظراتها تنتقل لوجهه
تبي يقولها انه يمزح ينكت .. أي شي
نزلت عيونها وركزت نظرها على سله كرستاليه فيها فاكهه وبصوت حاولت يكون عادي
(لييش وش داعي هالكلام؟؟ مو قايل اني اختك وانت ادرى بتربيتي لان من كلامك اني ماستاهلها .. ولاكانك تعرفها ..لكني اخاف الله ياخووي.. وانت ابن امي وابوي تقوول عني
هالكلام اللي مدري وش سببه ومدري وش جاك مني وش خلييت للغريب )
انقهر على نفسسه بس من سمع هالكلام..
يعرف لمار دلوعته بصووتها قهر .. بس هو بعد يبي يرتاح
مايبي يسافر ونار الشك تشتعل فجووفه ... وبصووت بارد ولا كان كلامها اثر فييه
وهو يحط يدينه بجيب بنطلونه الاسوود الفخم ..
ويحاول يركز بردات فعلها ( طيييب والصوور ؟؟ وش تسمينها ؟؟)
زفرت بعصبيه وهي مقهوره من الالغاز اللي من اول مادخل يقولها
( أي صووووووووووووووووور ؟؟؟ علامك انت تخبص بالكلام عندك شي قووله
مو تسووي لي طرزان )
عصب من اسلوبها معه ومن بين اسنانه .. وبتهوور
ماقرد كان يوم من صفاته وهو المعروف بعقله ( وصورك اللي لقيتها مع واحد من العيال
وش تسمينها ؟؟؟ كنتي بمشهد مررره رومنسي تستعرضين بحديقتنا بالساري وش معناتها؟؟)
كل كلمه قالها كانت زي الخنجر ينغرس بقلبها ..
حاولت صوتها يطلع .. بس حرارره الدموع اللي بدت تنزل من عيونها
ماخلته يطلع ..
صور لي انا؟؟
ومع ولد والله ظلم هالكلام مو صح ليش اخووي يتبلاني ..؟؟
مو تربيتي ابد ..
اكييييد مو قاصدني ضاري بهالكلام ..!!
بس من شافت وجهه زادت دموعها وهي حاسه بالظلم
وبالقووه طلع صوتها وهي ماتحركت من مكانها.. وكان صوتها مبحوح
وهي تغمض عيونها (والله العالي بسماه اني ماعرف عيال ولا عطييت احد صوورلي
ولا خلييت احد يصورني )
شهقت ودموعها تنزل وهي تحاول تمسحها بكفوفها الصغيرره ( والله يالضاري اني مظلومه اصلا .. * وصت شهقتها يزيد * انا من زمان مره ماقد لبست الساري كرهته من بعد طيحت اغصان .. اكييد ان احد ملفق لي هالشي )
استغفر الله العظييم ..
طق طق اصابعه وعيونه عليييها ومنظرها قطع قلبه وهي تشاهق وتحاول
تمسح من دموعها اللي كل مامسحتها زادت ..
يبي يصدقها اصلا سمع من فزاع انها ماكانت منتبهه
بس مو راضي يقتنع ومايدري لييش ؟؟
مو من عادته الهواش بس بعد مو قادر يممرر هالشي واللي زاده تعلق فزاع بهالصوره
اكييد فييه شي وبنظره شك (اكيييييد ماتدرين عن شي .؟؟)
صرخت بعصبيه ومن بين دموعها (لو ادري عن شي ماكان وقفت زي الخبله عندك وانا احاول
بالاول افهم السالفه .. مدري من ويييين جايبها لي.. بس ماعتب علييك من يوم انك تشك فيني
ومن الفضاوه تجيب لي مصايب وعلوم ماتنقال )
وصوت شهقاتها مالي المكان طلعت تركض وهي حاسه بنار الظلم شابه فييها
سمعت صووته يناديها بس ماردت ..
*
*
ضمت شنطتها لحضنها.. وهي جالسه بالحديقه ..
ناظرت بجوالها اللي له نص ساعه يرد وسفهته ..
عضت على طرف شفايفها وهي تحس بطعم الدموع انها بترجع لها وهالشي ماتبيه
يصير هاللحين بترجع لبيتها وبعدها تستوعب كلام ضاري اول مره تفرح ان عندها بيت
عدلت مسفعها وهي تناظر بالجوال اللي رجع دق بس هالمره ماكان ضاري ولا احد من اهلها
طبعا محد درى وش صار لها لانها طلعت بدون ماتقابل احد
مع انها كانت متمنيه لو مرت على ريماس بس ماكانت تبي احد يشوفها وهي بهالحاله
كانت مدى وبان من هالصووت من مقطع الاغنيه اللي خصصته لها..
حطته على الصامت نفسيتها دمار ومو رايقه لاي سوالف ..
رفعت عيونها لانوار السياره اللي دخلت الكراج ..
ووقفت بسرعه ..وراحت لها ..
واخييرا حن علي هالمشعل وجاا ..
قربت منه وهو نازل من السياره ..وبعصبيه ( ويييييييييييينك مافكرت تعبرني ولاكني مرتك؟ )
عدلت نظارته الطبيه لعيونه وهي يناظر فييه وبصوته الناعم (علامك انت؟؟ من اول تقولين تعال تعال وهاللحيين معصبه؟؟وبعديين انت اللي طلعتي من دون ماتقولين لي واكيد انك رايحه لاهلك مايبيلها )
صقعت يدينها براسها وهي تغمض عيونها الناعسه (مدري وش هالحظ .. يالله بس خلنا نرجع )
كشر وهو يعدل وقفته..(هيييييه وش نرجع انا ميت جووع خلنا نتعشى عند اهلك وبعدين ييصير خير)
لا لا هالييوووم بيصير فيني شي ..
بيموتني هالادمي وهي حاسه انها بتنفجر من الغيض
(عشاااااااا؟؟ بس ماهامك الا بطنك ياخي من أي مطعم ولا استراحه اطلب لو شورما بس فكني
ابي ارررجع )
هالمره كان دووره هو اللي يعصب وكأن هالشي اللي قالته مصيبه
( مو كفايه طالعه من البيت الصبح وهاللحين الليل وسكت لك حتى عشاا منت موفره لي )
ماقدرت تحمل وركبت السياره وخلته برا لحاله ..
سفهته وهو يركب السياره ويطلع من برا بيت اهلها وهو معصب
وينافخ ويسب بصوت عالي ..
ماتدري وش مشكلته ..؟
وبعصبيه والسياره تهتز فييهم من سواقته اللي مو بزينه (هاللحين كل هالمسرحيه ليش؟؟ عشان عشا هاللحين ارووح البيت واسوي لك بيض أي شي بس خلاااص ماصارت )
صرخ وعيونها علييها وهو طاير فالسرعه (اسكتي بس انت ماتعرفيين تحشمين احد.. على بالك اصغر عيالك حتى اسلوب فالكلام ماعندك )
ناظرت برعب بالطريق الضيق الللي بين الحواري .. وبخووف من سرعته الجنونيه
(تكفى لاتسرع لو ماتبي نفسك انا ابيها ...)
وقبل ماتكمل كلامه.. طلع فييه لفه صغيره مانتبه لها ........
وبكل رعب فالدنيا (الطرييييييييييييييييييييييييق مشعـــــــــــــــــــــــ.....................)
ــــــــــــــــــــــــــــــــــــــــــــــــــ ــــــ..
فيني ألم غربه مع فرقا أعز الناس
سفينه تايهه تبحث عن موانيها
ذكرتك يوم ودعتك وضاقت فيني الأنفاس
بكت عيني على فرقاك لكن..من يواسيها؟
حرام أشوف أفراحي بأقدام الألم تنداس
أداري دمعة هلت ومالي ..غيرأداريها!!
مـــــــــــــــــــــــر على ابطالنا يوووووم
يومــــــــــــــــــين ......................
لحــــــــــــــــــــــد اسبووووع...
<<بالبر وبالتحديد فاطراف الديره ...
كان جالس وعيونه للجمر اللي كل ماحركه بالملقط طلع منه شررر..
ثبت الفرووه علييه بعد ماحس بهوا يلفح جسمه .. صحيح مو وقت برد
بس بالبر وباخر الليل يكوون الهوا بارد...
يسمع اصووات وصراخ الشباب مبسوطين على الاخر ..
نادووه يلعب معهم بالوت بس ماله خلق ..اصلا هالشباب مو كلهم يمونون عليه
اغلبهم من قاعته ..
بس وينه ويين الوناسه .. وحبيبته مختفيه مايندرا عنها ..
مو ناسي هاك اليووم ولارعبه وهو يلف لف ليين اخر الليل بكل المستشفيات
ولاسف مالقاها...اختفت لا حس ولاخبر ولا مو ان جدته كل يووم تصيح وتطري اسمها
كان تاكد انها حلم روووعه وهاللحين صحى من النووم واختفى ..
غمض عيوونه بقووه .. وضحكتها ونظراتها ومواقفها تطري عليه...
|
13-11-09, 08:22 AM
جديد مواضيع قسم القصص المكتمله
العرض العادي
