وفمه مليان (الحلوات مشتاقات للماما وللفطور الذي تحضره بيديها)
سعود وهو يتربع (ياسمجك سمجاه ..اكل بشويش لاتغص الحمدلله والشكر ياكثر مايطفح ولا يبان فيه )
عناد بصراخ (قل مشالله لايصير فيني شي )
سعود بدون اهتمام (مشالله عيني بارده )
كمل وهو يناظر بفزاع (لا لا مو معقوله فزاع بذات نفسه متنازل ومورينا خشته
)
حذف عليه فزاع الكاس اللي كان يلعب فيه
(وش قصدك كل يوم انا هنا بس انت اللي ماتشبع من النووم مانشوفك )
سعود بكشره ووضعه مو معجبه ومايدري وش السواه
(خلها على ربك الا قولي تهقى ضاري سافر لامريكا ولا لسى ؟)
فزاع وهو يتذكر عرس ضاري اللي مر عليه اسبوع
وكييف كان كشخه وفلوها
(اوووما كثر منها وش بيوديه لامريكا..ياعمنا تلاقيه يلف العلم مع عروسته هاللحين بشهر عسل )
عناد بزعل (يعني خلص العرس وماعطيتوني خبر اروح معكم من جد ان مافيكم نخوه ابشوف اعراس الناس البطرا كييف ..الحمدلله والشكر بجماعتنا اللي مره مدل عمرته يوديها جده ولا الجنووووب )
ضحكوا على تعليق عناد ...
صحيح انه مختلفين بكل شي من ناحيه التفكير الماده
فجاه بعد سكووت سعود وبصوت عالي (وش رايكم نتصل نبارك له )
عناد بكشره (لاااااااااااا وش ثقاله الدم ذي يمكن الرجال نايم ولاشي )
فزاع بحماس (الا اتصل عادي خوينا ومافيها شي )

*

*
<<بالسياره
من نزل جوري بيت اهلها عشان تودعهم قبل مايسافرون لامريكا
وهو يلف لف بالسياره ماخلى شارع مارح له حاس بضيقه
مقهور انه وافق على كلام ابوه وتزوج ..
حتى الجوري ماطلعت زي ماهو متخيل اصلا يكفي انه اخذ
ونيته يرد لزايد اللي سواه باخته..
ظالمها معه ولا عبرها صح وداها لكذا مطعم كانت مستحيه منه
وهو لقى حياها حجه عشان مايسولف معه
اخر شي توقعه انه يربط نفسه بعايله قبل مايحقق طموحه ويخلص دراسته برا
وقف السياره على جمب الرصيف
وهو يفرك عيونه بيدينه بتعب ..
سمع الجوال يدق سفهه بس مع ازعاج اللي يتصل
رفع الجوال ابتسم وهو يعرف ان المتصل سعود
(ياحيي الله هالصووت )
سعوود والابتسامه شاقه حلقه (الله يحيك يالمعرس صباحك سعاده وراحه بال)
كشر اييه هين راحه بال
وين انا وين راحه البال
استغفرالله العظيم
وبصوت حاول يكون عادي
(يسعد صباحك بشرني وش اخبارك و ش علومك انت وفزاع؟؟ )
سعوود بحماس وهو يناظر بفزاع
(الحمدلله كلنا طيبين ..حتى فزاع قدامي دابل كبدي انت لسى بالديره ولا سافرت )
ضاري وهو يتكي راسه على الدركسوون
(لسى بالديره اهلي عند اهلهم لاخلصوا وعلى العصر طيارتنا )
سعوود بحماس (طييييب دام ماعندك شي تعال افطر معنا وبالمره نتواد علاني ادري فيك منت جاي الا بعد مده طوويله )
تنهد..
وهو يفكر يبيلي اغير جوو لي كم ضايقه نفسي
وباتسامه بارده (خلاص تم ..وين نتقابل؟؟)
سعود بتفكير(مدري بس انت تعال بشارع ..........عندالسوبر ماركت الكبيره
نجي هناك ونقرر لايكون ماتعرفه؟؟ )
ابتسم غصب وهو يرفع راسه عن الدركسوون
(وش قالوا لك بنقالي اول مره اجي الديره مافهم؟؟ ايه ادل خمس دقايق ان شالله وانا عندكم )

*

*
<<بعد مده وهم فارشين لهم فرشه بمخطط والجو مره رايق
عناد والابتسامه شاقه حلقه وهو يحط ابريق الشاهي على الدافور اللي قدامه
(حيي الله المعرس ضاري ..ياكثر ماسمعنا عنك اخيرا شفناك؟؟)
ضاري بابتسامه وهالجلسه الحلوه نسته همومه
(الله يحيك من طيب اصلكم والله )
سعوود وهي يصب لضاري من دله القهوه
(بالله وش رايك بعزبتنا وهالجلسه اللي تفتح النفس )
ضاري وهو ياخذ الفنجال وبصدق (وربي روووعه شي يرووق الاعصاب )
فزاع وهو يتكي على التكايه الصغيره وباستغراب
(اووووما لاتقول اعجبتك توقعناك مو متعوود ولاراح تعجبك )
مايدري وشلون ماقام كفخه ..
ماينلام زيه زي غيره يحكمون على المظاهر بس
وبنظره بارده (توقعك مو بصح انا رجال والرجال يحب هالعلوم السنعه )
سعوود وهو يغير الجو ..
وبابتسامه (وش رايكم نطبل واغني لكم ونفلها دام ضاري معنا ؟؟)
صرخوا موافقين وهم ينقزون يجيبون الدربكه الي دايم ترافقهم بهالطلعات
*


*
مايدري كم من الوقت مر علييه معهم وهو يصفق ومتحمس مع صووت
سعوود اللي يخقق ..
ماكان يرقص مثلهم بس يضحك ويعلق ..
انتبه لفزاع اللي جالس جمبه وهو يكلمه بصوت واطي شووي وباين انه مايبي
احد يسمع (ضاري بغيتك بموضوع او طلب؟؟)
ضاري بسرعه (ابشر بعزك قوولي وش تبي وان شالله مقدور عليه )
فزاع وعيونه على سعود اللي يطبل ويغني
وعناد يسوي حركات هبله قدامه
وهو يرجع عيونه لضاري (لا ابيك لحالنا اذا ماعليك امر..)
ضاري وهو يوقف ..
(خلاص تعال قريب من سيارتي ماتوقع يوصلهم الصوت )
فزاع بحماس وهو يركض قدام عيون فزاع
لسيارتهم ويجيب منها ظرف ..
ويروح لسياره ضاري وهو منحني ياخذ نفس من سرعته
(طلبتك ماتردني ؟)
ضاري وهو عاقد حواجبه مستغرب من اسلوب فزاع
صح ان علاقته مع فزاع سطحيه بس ماقد شافه يتكلم بهالطريقه
وبعقده حواجب وهو على باله الموضوع فيه سلف ولا شي كبير
(ابشر بسعدك وش تبي بس )
فزاع وهو ضام الظرف بقووه..
كان ناسيه من زمان بس مايدري كيف تذكره
يمكن يوم سمع سعود يقول لضاري مده سفرك دايم طويله
وخايف لارجع مره ثانيه مايلاقي اللي يبيه..
يكفي انه حاس بضغط من عزام
وبجديه (تقدر عليه اكيد ..ابيك تعطيني هاذي لو يوم واحد ولا اقولك انقل كفالتها لي
أي شي بس تكفى ..تكفى لاتردني ...زمان وانا نفسي بهالشي )
هذا علامه لايكون صاير بعقله شي؟؟
مافهمت من كلامه ولاشي ..
اخذ منه الظرف وهو يناظر بسعود اللي جاي لهم وبصوت عالي
(سعوود تعال فهمني وشلون تفهمون على فزاع )
سعود وهو يحوط بيدينه كتوف فزاع اللي باين انه مقهور من كلام ضاري
(ههههههههههههههه فزاعوه تجيه دخلات غلط بس ابشر انا افهمك )
لف على فزاع (وش تبي منه وانا اوصل له ؟؟)
فزاع وهو يبعد يدين سعود عنه بدفاشه (ابد مابي شي بس كنت ابيها ينقل كفاله ذيك الهنديه ولا ياجرنيها يووم ..)
سعود باهتمام وهو عاقد حواجبه (أي هنديه ؟؟؟؟)
فزاع بطفش وهو يصقع برجله اليسار الارض
(علام كانت يالثور وشلون نسيت هذيك الهنديه اللي زمان لقيتها بقصرهم وصورتها بالجوال ..وديتها لمحل تصوير وضبطها من ذاكره الجوال وحمضها بصور وهذاني اطلبه تذكرت؟؟)


سعوود وهو يصقع كفوفه ببعض علامه انه تذكر (اييه ذكرتها هذيك اللي سويت فيها نذاله
وبالبدايه قلت ابشر ومدري كيف.... وعشمتني وبعدين سحبت علي ومارسلتها لي بالبلتوث خليتهالنفسك؟؟)
حس بالعرق البارد يملا جبينه
وقلبها يدق بسرعه
ميين هاذي اللي يتهاشون عليها؟؟
بقصرنا فيه خدامه هنديه ؟؟
ومصوورها بعد ؟؟
وشلوون يتجرا ويسويها ..بس ماعندنا خدمات هنديات
هذولي وش عندهم الله يكفيني شرهم
وهو يحاول انه مايبين شي من اللي يحس فيه
وكعادته ملامح وجهه جامده ..
ماتبين شي من اللي بداخله وهو يطلع كابه ويرجعه لشعره
(انتوا ماعندكم سالفه خلني اشووف الصور يمكن افهم عن ايش تكلموون )
فزاع بحماس وهو يفرك يدينه (اييه تكفى بس بسرعه وقوول تم )
سعود بقهر (ان شالله مايقول تم ..انت ماقد وريتني شكلها..لو انك ماجردت فيني ذيك المره كان قابلتها منذ مبطي بس ذنبك فيني هذا )
قلبه قبضه وحس ان اللي بيشووف مصيبه
بس ماصدق احساسه

الا وهو يشووف وجهه لمار بالصوور




*


*





أقـسم بربي معاد فيني للكلام
لو يجي أحد يناظر في عيوني .. { راح أصيـح





بعد ماسمعت باب البيت ينصك وتاكدت ان جدتها راحت للغنمها..
لبست عبايتها بسرعه ولا اهتمت للوجهه اللي منفخ من الصباح واللي عكسته مرايه تسريحتها

سحبت شنطتها السوودا الكبيره اللي تروح فيها للجامعه لاصار معها كتب
كثير...
ماحطت فيها الابطاقه صرافه المكافات
وقميص واحد مع اغراض بسيطه
ماتبي تلفت انتباهه احد..

بدقايق طلعت من البيت بعد ماغطت وجهها ماتبي احد يعرفها ويخرب عليها
مشت بسرعه بدون ماتلفت وقلبها يدق تخاف لاينقز عزام بوجها
ماخذت نفس قووي الا يوم وقفت قبال شارع عام مليان سيارت..
دخل يدينها البضا جووا عبايتها ماتبي تلفت انتبهه احد ..
بسررعه دخلت باول تاكسي قدامها
وكانها خايفه انها تغير رايها ..
والدموع ماليه عينها وبصوت مخنوق (خلاص تحرك...)


ــــــــــــــــــــــــــــــــــــــــــــــــــ ـــ


قرايهـ ممتعهـ وان شاللهـ تلاقون اللي ينال اعجابكم
اتمنى الاقي تفاعلكم وتوقعاتكم الحلووه اللي عودتوني عليها

غدير الحربيـــــــــــــــــــــ

أصبحنا و أصبح الملك لله رب العالمين ، اللهم إني أسألك خير هذا اليوم : فتحه ، و نصره و نوره و بركته و هداه ، و أعوذ بك من شر ما فيه و شره ما بعده ".

غدووووووووووووووووره تسلمييييييييييييييييين والله على البارت ياقلبيييي

اماااااااااا عزام على بالي نسى سالفت الصوره

اتوقع يذبحهـ ضاري ولا يمزعهم قبل مايسافر ...!!!

ريمااااااااااااس ياعمررررررررري اتوقع تنقلب الايه زايد يتقرب لهاا وللولد وهي تبعد عنهـ

وخاصهـ ان النفاس راح يكون في بيت ابوهااا ...

لمااار يحراااام كنت ابيهاا تاخذ ولد خالتهاا اجل يكد ياعمري من العز لهذا ..!!

مدىىى اتوقع فكرت تهرب مره ثانيه لتركيا ..!!

او لوحده من صحباتهاا وهذ1 راح يئثر على الجده..!!

تسلميييين ياقلبي على البارت الطووووووووووووووويل

وننتظركـ بكل شوووووووق ..

جـــــــــ,ــــــــــ,ـــــــــــودي

السلام عليكم


واخييييييرا نزل البارت


يجنننننن



يجننننننننننن



يجننننننننننننننننننننن


بكل معنى الكلمه


اكشنــــــــــــــــــــــــــــــــات


واهم حدث مدى


اتوقع راح ترجع تركيا ؟؟؟؟


زايـــــــــــــــد


ان شاء الله تتغير معاملته خاصه بعد ماصار اب



( عناد & فزاع )



طحتوا بشر اعمالكم


اتوقع ضاري بيقوم الدنيا ولا يقعدها


وخاصه عرف من حديثهم انهم مصورين الشغاله اللي هي لمار




صراحه البارت خيال

وودي اعلق عليه


اكثر


بس شفت البارت وقريته على السريع


وداخله من الجوال


قلت برد اشكرها على البارت الجنان


وننتظر الاحداث الجايه بالبارت الجاي على خير ان شاء الله




يعافيك ربي غدوووره

تسلمين غدوره رواية رائعة واحداث مثيرة واسلوب جميل

وفقك الله وفي انتظار البارت القادم

الله يسعدك غديير .. و لاا تقطيعناا يالغلاا


بانتظاار الباارت الجاايــ



تحياتيـ