شكل الفجر اذن...
وعشان كذا جا الاخ..
وبسرعه مسحت دموعها
وهي تركض للسرير الواسع...
وتندس تحت الاغطيه الفخمه..
حاولت تكتم شهقات بكاها وهي تحس فيه يدخل الغرفه
غمضت عيونها بقوووه..
وهي تحس السرير يتحرك..
وتشم ريحه عطره المركزه...
يارب مايدري اني صاحيه..
ليته ينخمد بدوون ماينكد علي
بدون ماتحس بنفسها تحركت وانقلبت على بطنها
حس بحركتها
لعنت نفسها وهي
تسمع صووته الناعم (لمـــــــــــــــــــــــار ترى عارف انك صاحيه قومي كلميني)


ــــــــــــــــــــــــــــــــــــــــــــــــــ ــــ


خ ـــساّرهـ تنصدم في ناس
فرشت الدرب لـ خ ـطاهم...
وهم بارخ ـص تراب الارض يبيـ ع ـونكـ ..!!


//


//



ناظرت لارضيه المطبخ....
كشررت..
وسخه ولازم لها غسل...
حاولت تنحني لكن ماقدرت..
بتعب جلست على السرميك قبال الدولاب الصغير اللي فيه
ادوات التنظيف..
فتحته..
طلعت طشت كبير وصابون وعملاق يعني كل شي تحتاجه..
اليووم سوت كل شغل البيت مسحت الغبار
وكنست وحركت الكنب عن مكانه عشان تنظف اللي تحته
تبي كل شي يلمع..
امس سمعت تعليق من زايد سد نفسها..
مع انها كل يووم تنظف بس الحظ ماطاحت يدينه الا على مكان فيه غبار
حاوولت تقوووم ماقددرت من كبر بطنها..
رفعت يدينها ..
وتكتها على بلاطه المطبخ اللي فووق الدولاب
ضغطت بيدها بقووه عشان تقدر تقووم نفسها ..
هذا التعب وانا لسى بالشهر السابع وشلوون بعدين.
فتحت الموويه عشان تعبي الطشت..
وعيونها على الموويه اللي صووتها قووي وهي تنزل بسرعه
حطت من الصابون والعملاق وريحتهم الحلووه دخلت لانفها
ناظرت بالفقاعات الكثيره ..الي تكبر بسرعه وتغطي الطشت..
بالضبط كذا مشاعرها...
تكبر بسررعه وتغطي قلبها وكلها لزايد اللي دووم تصرفاته غريبه معها
احيانا تحسه يحبها واحيانا يكرهها..
احنت راسها عشان تناظر باللي لابسته..
قميص حمل سماويي مزموم عند الصدر وبعدها ينفرد طوله لركبتها ويدينه كت..
كان واسع حييل ..بس انيق عليها وشعرها رافعته لاعلى راسها
شدت على شفايفها بقوووه..
وهي ترفع الطشت المعبى..
صارت تكب اللي فيه بشويش على سرميك الارضيه
من ثقله ماقدرت تسيطر عليه وانكب كل اللي فيه..
زفرت وهي تاخذ مكنسه عصاها طوويل
وتحركها على الارضيه...
حاولت تركز على اللي تسويه بس ماقدرت غصب عنها
تذكرت زايد قبل كم شهر وهو جااي لها..مرتبك
صدمها وهو يسالها...
لو تقدر تنزل اللي ببطنها..؟؟
تذكرت انها بدال ماتعصب ضحكت ضحك هستيري..
حتى عيونها دمعت من كثر الضحك صح عصب عليها بس جد ماقدرت تمنع نفسها
تحسه متاثر بالافلام....
يبيها تقتل رووح..
وهالرووح بتطلع بنتها اولدها اذا ربي اراد..
لاشعوريا بانت ابتسامتها على وجهها لهالذكرى
وبيدها المبلله رجعت خصله طايحه على جبينها لورى اذونها
ماتدري ليشش مايبيها تحمل؟؟
اذا اذا كان متزوج ومستقر ليش مايبي يكون له عيال؟
الا اذا كان مايبي شي يربطه بمرته؟؟؟
تنهدت ..
مو منه من هالمها اللي ساحرته مدري ليش تزوجني
اذا هو يحبها؟؟
ياكرهي لها هي وحركاتها السامجه...
الله ياخذها وافتك منها..
وبقهر وكانها تشوف صوره مها على السرميك
صارت تفرك بقوووه...
لمع السرميك وهي لسى تنظف نفسها لو بنفس هالقووه
تمحي مها من حياه زوجها..
رفعت راسها ..
وتنفسها صاير سريع من المجهوود اللي سووته
حست بالعرق البارد يغطي وجهها
تعبت حييل من كثر ماهي منحنيه وتمسح وتغسل..
سمعت صووت جوالها وكانه بينقذها من هالتعذيب..
بطفش...
ياحبيبي..هذا اللي كان ناقصني
غريبه من بيكوون مستحيل يكوون زايد لانه بهالوقت دايم يكوون برا البيت
اصلا ماشووفه الا قليل...
مسحت يدينها بقميصها وهي تمشي بشويش على الارضيه المبلوله
عشان ماتزلق..
اخذت الجوال اللي كانت منزلته على طوول الطعام ..
بصووتها الناعم (الووو مرحبا)
رد عليها اخر صووت فالدنيا كلها تبي تسمعه
(مرحبتين ...شلونك ريمووو )
بكشره وهي مقهوره من افكارها اللي جابت لها هالغثى
(بخيررر الحمدلله وانت مها)
حست بربكه مع سكووت مها..
تحس هالانسانه مايجي من وراها خير ابد..
وبروود وكان اللي تقووله شي هينن
(اتركيك من هالمجاملات... لو سمحتي زايد يحبني واحبه وكان ناوي يتزوجني
بس ابووك..احرجه قدام الخلق وخلى الشيخ يملك عليكم..يعني ياليت تحسين
على دمك وتطلبين منه الطلاق)
كل كلمه كانت تطلع من شفايف هالمها
طعـــــــــــــــــــــــــــــــــــــــــنه
وطعنــــــــــــــــــــــــــــــــــــــــــــــ ــــــه

بقلبها وتجرحها.................!!

ماتكلمت هالمها بثقه الا انها متاكده من اللي تقوله
اصلا كل شي واضح من البدايه بس انا معميه عيوني
ومسوويه اني ماشووف شي..
حست بالدمووع تحرق عيونها..
ويدينها ترتجف وباخر كرامه باقيه لها ظغطت الزر الاحمر..
والدمووع معميه عيونها
حاولت ترجعه لمكانه لكن طاح من يدها..
مصدوومه ومو قادره تستوعب اللي يصير لها
بكت بحررقه..
الله يهديك يبه...ليش تذلنا كذا؟؟
انا وش فيني عشان تجبر رجال علي؟؟!
وانا اللي على نياتي يوم اشوفه مو طايقني احسب انه متضايق واحاول اخفف عنه
واستغرب من مزاجه..
اثاريه يحن علي لارق لي..
كثر خيره اللي ماقالها بوجههي ان ابوي جابره
غطت وجهها بيدينها ولاهتمت لريحه الصابون والعملاق اللي فيها..
حاسه نفسها بكابوووس وتمنى تصحى منه..
وكلام مها يترردد باذونها..
صقعت الطاوله بيدينها وهي تشهق من البكا..
وبيدين مرتجفه بعدت شعرها عن عيونها..
مشت بتطلع من المطبخ..
كارهه نفسها وحاسه انها صغيره ومنذله حييل
حتى هو عجز انه يقولها بوجههي
ارسل...............
صرخت صرخه وصلت لكل اللي بالعماره
وهي تشوف الدنيا تهتز بعيونها وهي تطيير
وتطيح على ظهرها بقووووووه
بكت من الالم
من القهر اللي فيها مشت بسرعه ولانتبهت للمويه والصابون
اللي ماليه سراميك المطبخ...
وزلقت فيها..
تلووت وهي جالسه من الالم
حاسه شي انقطع ببطنها..
ومغص قوووي ...
انحنت وهي تشد على بطنها بقوووه بيدينها ..
الله ياخذه وياخذها مثل ماسووى فيني كذا
كله من ابوي الله يسامحه اللي حاطني بهالذل..
صرخت فجاه
وهي حاسه بالالم يزيد..
بطنها يتقطع..
ملامح وجهها تنشد وتنفك مع كل الم يصيبها..
حاولت تتوقف نفسها وهي تكي بيدينها على الارض لكن عجزت
وكل اللي صار انها طاحت مره ثانيه..
بكــت بعجز..
وهي حاسه ببروده الموويه اللي دخللت بقميصها..
والالام يزيد..
حاولت تزحف بجسمها عشان توصل للجوال مو قاددره تحمل..
لكن كل ماحركت جسمها مسكها مغص قووي









































ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ














































ناظرت بالمرايه وهي تاكد من شكلها
كنت نعوومه حييل ..
بجلابيتها البني المطرزه بفخامه باللون الفيروزي
كان موديلها مغربي مفتوحه زب العبايه وتحتها بنطلوون باللون البني
ومسووي شعرها الي بخصل ثلجي تمكير
وصاير زي الشلال
ومزينه عيونها النجلا بكحل فيروزي..
زايد من وساع عيوونها
ورووج بيج وبلشر..
رشت عطر جي اكس على نفسها
ابتسمت لاخت حازم وهي تعطيها عبايتها و اللي شوي وتاكلها بنظراتها..
اخت حازم بعد ماحطت عبايه اغصان بصندوق فخم بالمدخل (حيياك الله ياعروسه )
ابتسمت اغصان (الله يحيك )
اخت حازم من دون نفس (مشكووره على الهديه ماقصرتي )
غصب عنها تذكرت حازم راح ويوم رجع بيدها هديه
فخمه قال لها صعب تروحين بيدك فاضيه
كان صندوق اثري فخم مليان بانواع العوود..
ذووووق هالحازم ..
وهي تلعب بشعرها
(هذا اقل من واجبكم )
وكانها تبي تصرفها بسرعه
ومو قادره تطوول بالكلام اكثر...
(ادخلي حيياك البنات جوا ينتظروون )






















































*



*
وعيونها على المجلس الواسع حيل اللي حاطين فيه جلسه مغربيه
بخشب بني وقماشها بالبيج حتى الخداديات بالوان الفيروزي والعشبي
فخامه تنطق..
والجدار بيج بتعتيق بشكل الرعد وباللون البني

وبين كل مسافه ومسافه فازه فخامه ماكانت متوقعه انهم ميسورين الحال كذا
ومن زود الفخامه الثريات نازله من السقف باكسوواراتها
حسبت عددها بعيونها يمكن عشره....
وبطفش نقلت عيونها للوحات المعلقه بهيبه على الجدران
وكلها تخص التراث المغربي

رجعت عيونها للساعه
مرت اكثر من ثلاث ساعات.. وهي جالسه تعبت
المجلس مليان وسوالفهم تسد النفس
حتى عيونهم ماشالوها عني شبروني من فووق لتحت
وماقصروا بالتجريح والدق فيني..
اخاف اتصل على حازم وازعجه وهو مستانس
زفرت بقوووه..
انتبهت اخت حازم الكبيره
وهي عاقده حواجبها(الاتقولين وش علومك )
بابتسامه مجامله لها لان هالسؤال انسالت فيه اكثر
عشرين مره (بخير جعلك بخير)
وعيونها على جسم اغصان النحيف (هااه بشري لابسه جلابيه عشانك حامل؟؟)
قاطعتها اختها الثانيه باستغراب ويدها على فمها
(اهووووو وشلووون تحمل ياحافظ مو يقوولون ماتخلف ابد)

كان مويه حاره انكبت عليها...
حست بغصه ..
ماتبي تقولهم ان قايد هو اللي كان عقيم
والظاهر انه ماكلف نفسه وقال لاحد
رضى انهم يحطووون العيب فيني
وحتى لو قلت لهم مراح يصدقوني وبيكثر علي الكلام
حاولت تبتسم ابتسامه حلووه
لكن خانت بسمتها وطلعت ضعيفه
(كل شي بيد الله وانا مافيني عيب مير الواحد ماياخذ الى اللي الله كاتب له )
وهي تحاول تخفف من ربكتها اخذت فنجال الشاهي وشربت منه
نزلت الفنجال على الطاوله الصغيره اللي عندها
ورفعت عيونها لهم..
وش السالفه اللي اقولها وتخليهم ينسوون هالسيره
مابي اعصب عليهم مهما صار ذولي خواه زوجي اللي ماجاني منه عيبه
وهي تمرر لسانها على شفايفها ترطبها
انتبهت لبنت اخت حازم وكانت حامل..
وبطيبه (كييف الحمل معك..؟؟ ان شالله مو متعبك)
ماتدري وش الخطا اللي قالته لان نظراتهم كلها توجهت لها
اللي سالتها ردت وهي مرتاحه لاغصان (الحمدلله بس على قوولهم الحمل متعب دووم )
اغصان وهي تحضن يدينها وتحطها بحجرها
ونظراتهم مقلقتها (الله يسهل لك وتقومين بالسلامه )
شافت اخت حازم الكبيره قامت لكن ماهتمت
بالعكس الافرحت ان التوتر يمكن يخف..
انصدمت وهي تشوفها تقرب لاغصان
وبدون ماتناظر فيها اخذت فنجال الشاهي اللي كانت تشرب منه اغصان
وقدام الكل..
راحت لبنتها الحامل وشربتها من سوور اغصان..
غمضت عيونها وفتحتها
يمكن يتهيالي..
قدام الله وخلقه تسوي فيني هالحركه ؟؟
وانا ضيفتهم وش على بالها..
يمكن اكوون اظلمها خلني اتاكد
وعيونها النجلا مفتوحه على كبرها
(ليش هالحركه وش معناها؟؟ خلصت فناجيلكم مالقيتي الا فنجالي )
اخت حازم بابتسامه قرفت اغصان (لاياعيوني..لكن خبرك النفس مو بزينه وقبل مايصير شي ناخذ بالاسباب )
وقلبها يضرب من الانفعال
وتنفسها صار اسرع
وقفت مصدووومه ..
فييه ناس بهالووقت تفكيرها كذا؟؟
وعيني عينك تسوي فيني مثل هالحركه
وش قالوا لها عني مره نفسي قوويه
ليش مو راضيين يفهمون ان مافيني عيب
وان ربي اللي كاتب هالتاخير..
والله العظيم هو العقيم مو انا..
وجهه محمر من العصبيه
وجسمها يرتجف زي الورقه اللي قبال ريح
وجهها صاير ابيض رغم المكياج اللي فيه
حركت يدينها بانفعال (هييييييه انت حاسبي على كلامك على بالك اني مره ميته
على الحمل؟؟؟؟ غلطانه حازم حبيبي اللي مو مستعجل ويبينا نعيش حياتنا
وبعدين نفكر بالعيال... هذا وانا ضيفتك ماقدرتيني واللي جالسات ساكتات معجبهم المنظر صدق اللي قال ماخس من قديد الا عسفان الشرهه مو بعليكم على الي يعدكم ناس ويجيكم )
ركضت للمدخل
وهي منتبهه للسكوت اللي صار بالمجلس وباين ان الكل
انصدم من رده فعلها سحبت عبايتها من الصندوق الكبيره
لبستها بسرعه وطلعت..
رغم انها سمعتهم ينادونها بس ماقدرت
وقفت بالشارع..
ودموعها تنزل
والهوواء يطير عبايتها اللي على الراس
بس مابان من لبسها شي لانها مخيووطه..
اول مره اطووول لساني هالكثر
عمري ماغلطت على احد بس حركتهم فيني تقهر
قدام الله وخلقه فشلوووني..
ماقدرت اسكت ..
هاللحين وش بيسووي فيني حازم لادرى اني غلطت على خواته
وقدام كل المعازيم
ياربي انك ترزقني ولاشمت خلقك فيني..
مابي ادق على حازم ليين اهدى اخاف ينفجع
ولا يقووم والعشا ماحطوه فشله بحقه عند الرجال
استسلمت لدموعها اللي ماقدرت تتغسل الحرقه اللي بقلبها
*








































*







































حاس انه مخنووووق...
وزادت ضيقته من مباركات الناس لحازم قدامه
كله من مكابرتي جيت هالعزومه عشان مايقولون يفكر فيها
وهذا اللي حصلته تعب بس....!
باين انه مبسووط والله اني مالومه احد يقرب من هالملاك وماتمتلي
حياته بالفرحه.......؟؟؟؟؟؟؟؟؟؟؟؟!
كل دقيقه اندم قد شعر راسي اني ماكنت اناني
وطلقتها...
ليتني خليتها لي ولاهتميت لكلام ابووها ولا حتى لو عاشت هي بدون اطفال
زفر بقووووه وهي يفك زر ثوبه اللي قدام
طلع من مجلس الرجال اللي مسوينه معزول عن الفيلا
وله باب خارجي.... ماعاد فيه يتحمل حتى الاوكسجين خلص
غمض عيووونه وصدره يرتفع وهو يستنشق الهوا
حس بالعافيه من الهواء ..
بكشره سحب الغتره ونزلها على كتوفه..
مايدري ليش التفت..
من بعيد شاف حرمه بعبايه على الراس وقفازات ولاشي واضح منها ابد
حاول يصد عنها بس من شاف كتوفها تهتز عرف انها تبكي
خاف ان فيه شي ..
قرب لها..وهو عاقد حواجبه
حس بقلبه بيطلع من ضلووعه...
هي نفسها...










هي نفسها...













يوم اقلبت.. صوت لها جرحي القديم
يوم اقبلت .. طرنا لها انا وشوقي والنسيم
وعيونها ..
عين المحتني وشهقت
وعين حضنت عيني وبكت
ويافرحتي
الحظ الليله كريم.. محبوبتي معزومه من ضمن المعازيم.
في زحمة الناس صعبه حالتي
فجأه اختلف لوني وضاعت خطوتي
مثلي اوقفت تلمس جروحي وحيرتي
بعيده اوقفت وانا بعيد بلهفتي
ماحد عرف اللي حصل
وماحد لمس مثل الامل
كل ابتسامه مهاجره جات رجعت لشفتي
وكل الدروب الضايعه مني تنادي خطوتي
ويارحلة الغربه.. وداعا رحلتي
ياعيون الكون غضي بالنظر
اتركينا اثتين عين تحكي لعين
اتركينا الشوق ماخلى حذر
بلاخوف بنلتقي.. وبلا حيرة بنلتقي
بالتقي بعيونها وعيونها احلى وطن.. وكل الامان





























هي غصوونتي مدري من متى صارت تلبس عبايه
على الراس وقفازات..
متاكد انها هي مافيه احد يضيع قلبه
ولو سووت بنفسها وش ماسووت اعرفها من كل خلق الله ..
ابتسم من قلب وهو يقرب لها
بيطير من الفرحه يبي يكحل عيونه فيها
بيسمع همسها اللي يدخل القلب ويتربع فيه على طوول...

وبكل حمااس الدنيا راح لها

وهو متلهف لرده فعلها




انتهـــــــــى البارت وان شالله يعجبكم


غدير الحربي

غديررررر اشتقنالك وربي

وصلك المسج الي ارسلتهـ اول لا ..؟؟

ابداااااااع وربي

زيييييين ماصار للبنات شي وربي متوقعه اكثر من كذ1

هيفاء راح تنكشف اكيد بعد التكثيف ..!!

الحمدالله ان اخت اموووووووووونه هي الي بتاخذ خالد هي الي تصلح له

زواج ليمار غريب مافهمت منه شي ..!!

هي خذت ياسر وولا الي كان ابوها حاطه في راسهاا

ريمااااااااس لا بليز مابي البيبي يصير له شي عشان ريماس بس وزايد بيتحسف بس بعد فوات

الوان

اغصان اتوقع بيصير معها شي اذ1 صار راح اقوله غدير ..

يعطيك الف عافيه ياقلبي

جـــــ,ــــــ,ـــــودي

بسم الله الرحمن الرحيم

السلام عليكم ورحمة الله وبركاته

تصدقي غدووره عيوني راحت فيها خمسه ايام متواصله وانا عايشه على روايتك اقراء وانام واصلي ماطلعت من قوقعتي الا اليووم

ماشاء الله علييك عندك اسلوب يجذب القارء وقلمك متميز بشده وبان تميزه لي من اول اسطر قريتها لك
والله والله اني احبببك في الله بس عندي تعليقات اتمنى تتقبليها مني كاقارئه معجبه بما تخطه انامل غدير الحربي

بصراحه اممممممم

ماحسيت وانا اقراء اي هدف للروايه مادري وين بتوصل الا الان ماوصلتني اهداف منها وبعدين ابطالك
حاولت ابحث بين شخصياتهم سمات للخير لم اجد ابتداء من البنات مرور بفزاع وشباب الاستراحه وحسيتك تتكلمي عن الموضوع بصوره محببه يعني انك تناولتي جوانبهم السيئه بكثير من (الحماس والفله)
سؤالي عزيزتي اين هو الحماس في بقاياء انثى جسدتها ايناس(انيس) وانسانه لا مباليه كااماني وتهور وطيش مي وفسووق هيفاء جميعهم أمقتهم من اعماق قلبي
لا انكر اننني اندهشت عندما بينتي اماني وتوصيله الشعر انه حراااااام بس سرعان مانصدمت بقولها الله غفور رحيم
غاليتي يشاهد قلمك الالاف من المراهقات دون مبالغه وان لم يكن هذا هو العدد فسيكون بتزايد مع مرور عجله الايام ابحثي في سطورك لتجي نصيحه غلفتيها مع احداث الروايه متاكده انك ستتعبين ولن تجدي الا بعد اصابعك الخمسه اواقل
انا لا اتهجم على روايتك ولا ازعم عدم وجودالا حداث لاكن ليست يالصوره التي وصفتيها ارى واتخيل عالم سوداوي يحيط به الكثير من الاثام تمنيت انك قطعت على مخيلتي السواد بخيط بسيط ابيض ينير عتمت وسواد روايتك

احداث روايتك قد نتقبلها عندما تاتي من كاتبه مبتدئي في نسج الاحداث اما كاتبه بروعت وصفك واسلوبك اسمحيلي ان انتظر الافضل منك..
والله لو مارئيت ابداعك في الوصف ماتعنينت وسجلت لكي اخبرك برئيي الذي ربما لين يروق لك

وان لم يرق لك اعتبريه سراب مر من هنا واختفى وا تجاهلييه