كاتب الموضوع :
غدووورة
المنتدى :
القصص المكتمله
بسم الله الرحمن الرحيم
لوج ـــــــات م ــن غيركـ ك ــان هانــــت
ام ـــا تجي م ــنكـ ياهي قوويهـ .. //
//
ودمه محروووق صرخ بالمكبر (وووووووقف ازين لك ولا مابيصيرلك طيب )
شاف السياره وقفت فجاه..
ركض لها...
مرزوقه باعتراض (غششششش ليش وقفتوا ...كنا مستانسين )
ايناس وهي حاطه راسها على الدركسوون (اوووووووووص ابي انام )
هيووف وهي حاسه الم براسها يمكن لانها اول مره تشرب شي كذا
مع ان اللي شربته شي بسيط...
اماني وجسمها يترنح..مثقله بالشرب مضبوووط
وهي تصفق بيدينها(يقووولكم..يقووولكم ههههههههههههه فيه
واحد يمشي يمشي طااح لييييييييييش ؟؟؟)
مرزوقه وهي ميته من الضحك (ههههههههههههه قسسسسم رووووعه )
اماني بزعل (عشان فيه حفره ماشافها..)
هيووف واحساسها ان راسها بينفجر من الالم يزيد..
ويدينها على راسها وعيها بدى يرجع لها..
نزلت من السياره وهي حاسه بغثيان..
اماني كملت وهي مو حاسه بهيووف (طيب فيه واحد مشى وماطاح ليش؟)
مرزووقه وهي ميته ضحك (عشان مافيه حفره)
اماني وجسمها ينزل على المقعد
وكانها بتمدد (لا لا عشان شاف اللي طااح )
سيف والامبير واصل معه اتش من الشاب الي بهالسياره
صقع باب السياره برجله وبعصبيه (انزل بسررعه تفاهم معي ..مسوي نفسك
رجال وتستعرض قدام الخلق .. ولا بعد سافهني؟؟؟؟؟؟؟؟؟؟؟؟)
ايناس وراسها على الدركسووون...
وهي حاسه انها لسى نايمه ولاردت..
فقد اعصابه من جد وقاحه
والله لاطلع حركاته من عينها
..وبعصبيه فتح باب السواق وسحب ايناس من كتوفها
مع ان جسمه صغير الا انه قدر يهز جسم ايناس هز وهو ينفض
الثوب اللي مغطي كتوفها ..
(هيييييين والله لاطلع مرجلتك ذي الفاضيه من عيوونك )
ماشك سيف ولالحظه انا اللي ماسكه من كتووفه بنت
صرخ للشيخ وللرجال الشرطه اللي جايين له
(خلوووه علي هذا لي انا...ارجعوا انا اتفاهم مع هالاشكال )
بحقد وهو يهز ايناس اللي مستسلمه ولاتدري وش السالفه
(هاللحين وش نبدا فيه وش نخلي....سهرتنا صباحي )
ايناس بصووتها الفخم (سهرتنا صباحي؟؟ ماشووف الصبح جا وينه )
انصدم
وهو مو قادر يجمع و يتكلم من كثر ماهو معصب
(خكــــــري بعد؟؟ وشارب لا لا طحت ولا احد سمى عليك )
وجسمها يوووجعها رجعت للسياره
ذبحها الغثيان..
نفسها تضرب راسها باقرب شي
يمكن ترتاح من الصداع
شافت الناس متجمعين والشرطه تفرقهم..
استغربت..
انصدمت وهي تشوووف سيف يهز ايناس بهالطريقه
بكت من الخووف
ياويلي لو يدري مين انا والله لا يعلم ابووي
وابووي مايكفيه ذبحي
انا غبيه وشلووون اطلع من بيتنا اصلا؟؟
انا اضحك على البنات اللي يفقدون بعد مايتعاطوون مخدرات
اروح هاللحين اشرب سم يفقدني وعيي..
لم لمت اطراف عبايتها .
وهي تمشي بخووف وتلفت بتاكد اذا احد عرفها!!
اخاف ارجع للسياره..
ولو مارجعت بعد وين ارووح حتى فلووس تاكسي مامعي..
ورجولها مو قادره تشيلها ركبت السياره
وعيون سيف لها..
همست (يارب مايكوون عرفني يارب )
ناظرت باماني اللي مو حاسه بشي وتمتم بكلمات مو مفهومه
وبمرزوقه اللي بس تضحك ..
انا وش سووويت بنفسي هاللحين وش يفكنا
وبخووف صارت تنظر بسيف..
شكله حاقد وبيطلع حقده بايناس..
مع قوووه هزه طااحت الغترته اللي كانت متلثمه فيها
بان وجهها..
ناظر بايناس نظره سريعه
وهو مستحقر (استغفر الله العظيم رجال ويعجبه انه يقلد الحريم
حتى شنب مالك لو انك لابس عبايه كان ازين )
انحنى لدفتر اللي معه
وهو يطلع القلم (هاللحين باكتب لك مخالفه للسرعه وبعدين لـ......)
نزل قلمه وهو يناظر بالحريم اللي بالسياره
وبزفره (اقووولك اول شي اتصل على احد يجي ياخذ اهلك ..ونروح لمخفر الشرطه نتفاهم وبعدين الهيئه تسنعك على شربك)
قرب للمقعد اللي هيفا فيه وبدون مايناظر (ياختي انت وشلوون ترضين انه يسوي هالحركات وانتم فيه لييه ماتكلمتي)
هيوف وهي تبعد عن باب السياره بخووف
وتمسك بمرزوقه..ماتكلمت
سيف وهو راقع حاجب شك بالووضع ..
مو معقووله تخاف بهالطريقه لو كان من اهلها
اصلا من البدايه مستحيل بيشرب هالولد واهله معه ويسوق فيهم وهم ساكتين
فيه انا
وبصووت واطي لايناس وهو يغمز (اوووووووو الحبيب مقردن ؟؟ هذولي خوياتك لا لا انت من جد يبيلكم جلسه ليش من البدايه ماقلت )
ايناس وهي لسى فاقده وبطفش وهي ترنح (طفشتنا تراك ..كل شووي انت انت خكري ومدري ويش ......هييييييييه ترى ايناس انا )
انصدم وصار وجهه الوان
حس بقرف فظيع
وهو يدقق بوجههابنت وتشرب ..
ومسوويه نفسها ولد؟؟
وين اهلها..
حس بغثيان من منظرها وهي ترنح قدامه..
بصووت واطي (تلثمي بسرعه )
مايبي احد ينتبهه لها
لف يناظر ماشاف احد حووله
اكيد جيب الهيئه مابعد الا لقا له احد مسووي غلط
وهو يحاول يمسك نفسه
(اركبي بسرعه السياره ولا اسمع لك حس )
بالقوووه ركبت ..
وجلس بسرعه على مقعد السواااق
وحرك الكامري بسرعه
سمع اماني وكلامها اللي مو مفهوم ولاشعوريا لف
وبقرف (تفوووو عليكم .. حشا مو بنات..اللي يخالف على البطن اللي جابكم )
رجع عيونه للطريق رفع جهاز الاتصال وطلب
من اللي ماسك الجهه الثانيه من السووق انه يغطي عليه و يروح لدبابه
ويشووف الوضع لين يخلص اللي بيده ويجي..
ناظر فيهم بقرف من المرايه اللي قدام..
انا وش ابلشني بذوولي..
وشهوله ورط نفسي فيهم ..
صفط الكامري على الجمب ..
ومن بين اسنانه (بسررعه كل وحده تقووول اسمها )
ماردوا عليه..
ايناس تثاووب وكابس عليها نووم فظيع
واماني تهلوووس ومرزوقه تضحك وتصفق بيدينه
الا هيووف مرعوبه وزاد رعبها حركته من اول ماركب السياره
وهي تلعب بيدينها بخووف
ياويلي هذا وش يبي باسامينا شكلك بيسوي فينا بلا
انا اللي استاهل
صرخ وهو يصقع الدركسووون (بتنطقوون ولا احذفك بمخفر شرطه
وجرجر اهاليكم عشان تنبسطوون حضرتكم ؟؟ بسرعه تكلمي انت وياه ترى مو ضامن مادفنكم بارضكم )
شكله معصب والله يسوويها ماينضمن ..
وقلبها يضرب بخووووف ..
وحاسه جسمها يعرق واطرافها بارده...
لفت للبنات ولا وحده كانت بوعيها او داريه عن شي..
يعني لو صار اللي صار مادروا عنه
تعبت من التفكير..
وهي تغمض عيونها وبتردد (انا هيـ ... هيفا الـ... بنت خاله سعووود )
سمع صووتها وكنه شك انه مر عليه
بس من سمع اللي قالت انصدم..
ولف لها بسرعه
وهو يحاول يستوعب
هز راسه يمكن سمع غلط بنت خاله سعوود؟؟
يعني بنت اخت زوجته؟؟؟؟؟؟؟؟؟؟؟؟؟؟؟؟؟
تشرب وتطلع منها هالحركات؟؟؟
فكر وش السوووواه ؟؟
من جد يبيلها تاديب وانا اللي بسنعها عشان تعرف
وشلون تهور وتسووي من راسها اللي تبيه...
*
*
ــــــــــــــــــــــــــــــــــــــــــــــــــ ـــــــــــــــــــــــــــــــ
مايدري وش يصيرلها..اذا سرحت بتفكيرها
على طوول تنزل دموعها ..
وهو مستغرب ..معقوله تكوون مغصووبه علي؟؟
وهو يمسح دموعها باصابع يدينه السمرا ..
وبحنان (غصوونتي فيك شي؟ انا ضايقتك بكلامي او حركه مني؟؟)
ناظرت فيه من بين دموعها..
سمار بشرته غامق...
طوويل وله كتووووف مو نحيف شووي مليان..
واحلى شي بملامح وجهه ..انفه كان زي سله السيف
لو وحده غيرها كان خقت عليه
تنهدت...
رجال بس لاقارنته بقايد بيطلع ورع..
سمع تنهيدتها بس مايدري ليش طلعت..
تذكر شي ووقف..
انحنى وباس خدها بخفيف ..
وبابتسامه (حبيبتي دقيقه واجي كملي اكلك)
بدون اهتمام (طيب )
راقبته بعيوونها ليين اختفى بغرفه النوم.
حاولت تاكل اخذت الشوكه رفعت فيها بطاطس
بس قربتها لشفايفها ..
وشافت البطاطسه زفرت بقوووه ورجعتها لمكانه بدون ماتاكلها
مالها نفس لشي....
قبل ماتكمل تفكيرها ...
شافته جااي لها والابتسامه شاقه حلقه ..
ويدينه ورى ظهره..
هاللحين هذا زوجي اذا ماحبيته يعني لازم احترمه ..؟
يارب تصبرني وماقصر معه ...
بعد عربيه الاكل وبحماس(غصونه..غمضي عيونك )
غمضت عيونها بدون ماتعترض
ماصار بيدها شي ولاعاد تعرف وش بيصيرلها..
حست بشي بارد يحووط رقبتها
سمعت صووته (يالله غصونتي فتحي )
فتحت عيونها
وهي تلمس بيدها عقد الذهب الابيض الناعم اللي لابسها
كان حيلل رايق تعليقته بشكل قلبين بحرفه وحرفها ومربووطه بيفونكه
وبابتسامه ( الله مرررررررره تجنن ..شكرا حبيبي ماقصرت )
تحطم من بروودتها...
بس فرحته فيها خلته يتجاهل حركتها
*
*
<<بعد ووقت *_^
وهو يلعب بشعرها
وعيوونها على وجهها حاول يعرف وش تفكر فيه
بس عجز بالذات وعيونها معلقه بالفراغ كذا
وبابتسامه حب (تصدقين غصوونه انك من زمان عاجبتني )
من سمعت هالجمله رفعت راسها بقوووه
هذا وش يخربط؟؟
يعني بيكذب عيني عينك وش من زمان عاجبته؟؟؟
وهي عاقده حواجبها ومستغربه
وبهمس (وشلووون )
حرك اصابع يدينه على حواجبها يحاول يمسح عقدتها
وبابتسامه (كنت اشووفك مع قـ ..*قطع كلمته * يعني قبل لاشفتك
تعجبني نعوومتك .بطريقه كلامك ومشيتك حتى عيونك كانت تذبح كنت
اقوول مابعرس الا على وحده حلووه مثلك وهاللحين الحمدلله انت الاصل عندي )
طاحت عيووونها من كلامه
وانا اللي كنت ظالمتك وعلى بالي بتقهر قايد ولاتنتقم منه
يالله وش صغرها هالدنيا كان يتحلم يلاقي مثلي وهاللحين انا صرت له
قطع عليها همسه وهو حاضن يدينها
(اوعديني غصونتي)
هذا علامه؟؟؟
وين يبي يوصل؟؟
وبابتسامه دافيه لانها من جد تحس فيه اشياحلووه
(اوعدك فايش)
حازم وهو يفرقع بلسانه ويبستم
ونظرته مركزه على عيوونها مايبي يفووته أي رده فعل
(انا ادري انك تووى متطلقه وجرحك ماطاب واكيد اللي بينكم كان عشره مو هين
تنسينها بس ابيك توعديني تنسين كل شي فات وتفتحين لي قلبك..
عطي قلبك ونفسك فرصه انه يعيش من جديد)
اخر شي توقعت يكوون اللي بيقوله هالكلام
ماتدري توعده وتريح نفسها؟؟
بس وشلوون تجاهل قلبها
ـــــــــــــــــــــــــــــــــــــــــــــ
ووجهها الابيض صايراصفر من التعب
وهي تفرك الاثر اللي بادي يزرق بيدينها..
الله ياخذها هالممرضه مدري الدكتوره يدها ثقيله وهي
تسحب مني الدم
ااااااااخ يالقهر لو مو ابووي اللي سحبني لهم وربي ماكان رحت
قلت لها اعطييك المبلغ اللي تبينه بس تقوولين النتيجه اللي ابيها انا مانصلح
لبعض بس هي اللئيمه رفضت..!!
ليش ماتراعي؟؟؟
تشوووف وجههي باين عليه اني تعبانه مو هي خلتني انزل اللثمه
عشان تنتبه لو دخت ولاشي على قوولتتها؟؟
غمضت عيووونها بقووه..
وهي ترمي جسمها على سريرها الواسع
حضنت المخده وهي تبكي...
عمر ابووي ماكان قاسي معي بهالطريقه... دايم انا دلووعته
وكل اللي يخطبوووني على كثرهم وبدوون مبالغه والله مارووح لمناسبه
الا انخطب وهو يرفض...
ودايم يقوول ابيك تكملين دراستك لانها مستقبلك وانا صدقته
وهاللحين نسى كل شي....
ولاكانه الا انسان ماقد عرفته.....
ياربي ان النتيجه تطلع سلبيه يارب
المشكله حتى ابووي ماقابلته عشان احاول افهم وش ناوي عليه
وامي ولاشي سلبيه صح تعشقنا بس ماتقدر تسوي لنا أي شي..ََ!!
غفت من التعب وهي تهووجس ببكره والللي بيصير لها فيه
ــــــــــــــــــــــــــــــــــــــــ
تـــ ج ـرحني م ـره وم ـره بأسم الـ م ـيانهـ
واق ـول باك ـر خ ير وارتاح بـ ع ـدين
انت مثل م ـنت هذا انت وان ـا
لا طلت مـ ن ـك ح ـق لازين أو ش ـين..!!
دخل للشقه...
وهو قافله معه من كلام ضاري ..
جد انه وقح انا مروووق وفرحان بجلستي مع حبيبتي
وهو يتفلسف ومسووي عمره مهتم باخته
لو مهتم صحيح كان الوووقت اللي كلمني ودرى اني مغصوب
على اخته فركش هالعرس مو بعد ماصار هاللحين جاي ومدري وش عنده..!!
تنهد وهو يحذف الجوال ومفاتيح السياره على الطاوله
وبدون مايشغل الانوار
حط يدينه تحت راسه وتمدد على الكنبه
وعيوووونه بالسقف..
روووعه يومي اللي قضيته مع مهاا ..صح اني
انقهرت يوم رجعت ومالقيت ريماس ..مدري شلوون سوتها
وكسرت كلمتي ورجعت للبيت..
بس يالله فكه اخذت راحتي زين مع حبي مع انها باقي زعلانه مني........!
*
*
طلعت من الحمام *وانتوا بكرامه* وهي مبسووطه وتغني ..
ماتدري وش تلبس...
تبي لاجا زايد يشوفها باحلى شكل وهي تبشره بهالمفاجأه..
لبست فستان اسود صيفي لنص رجولها
واسع وله حبال تنشد للظهر..مقلم بالطوول بخطوط فوشي وليلكي..
سيحت شعرها وحطت مكياج خفيف و رشه عطر ريحته بارده
تنهدت..
وهي جالسه على كرسي التسريحه الواسع
مررت يدينها بخفيف على بطنها تحاول تستوعب
لو مو توها شايله اللصقه من يدها محل التحليل حق الحمل اللي خذته الممرضه
كان ماصدقت عمرها وقالت انها تحــلم...
نزلت راسها عشان تقدر تشوف بطنها اللي مغطيه الفستان
تنهدت للمره الثانيه من الفرحه
ويدها لسى على بطنها
معقوول هاللحين فيه بيبي ببطني..
يعني بصير ام؟؟؟؟
وبيكون عندي بنت ولاولد العبهم واهتم فيهم؟؟
مو مصدقه
الحمدلله يارب..
طلعت من غرفه النووم وهي تغني
و ناوويه تدلع نفسها بعصير طازج
وواي اكله لانها حاسه انها سنين ماكلت شي ....
*
*
ماتدري كم مر عليها بالمطبخ..
بجووع اخذت بيدها اليمين الصحن اللي مسويلتها فيه لزانيا
وعصير طازج برتقال بيدها اليسار...
وطلعت من المطبخ..ماتبي تاكل الا بغرفه النووم
وهي شوي تصارخ وشووي تكمل الاغنيه بهداوه...
الليله دي انا مش حننننننننننننام حندووب ويخطفنا الغراااااااااام
(ريمممممممممممممممممماس )
انتفض جسمها من الفجعه..
ونص العصير انكب على يدها وعلى الارض ..
وقلبها يرقع بقوووه بين ضلوووعها
لفت له..
وبنفس رايح من الفجعه...
(زايـــــــد من متى هنا؟؟؟)
من البدايه ماشغل الانوار عشان ماتحس بوجوده
كان طاير فووق باحلامه عايش حلم مع حبيبه طفولته
نسى كل شي حتى نسى انه متزوج اصلا و زوجته ريماس
بس شاافها تغني وتدخل المطبخ سكت
وهاللحين ماقدر الا انه يناديها يبي يشووفها زين..
وبعد بيشووف وش عندها رايقه كذا....؟؟
انقلب بجسمه على الجمب وهو رافع بيده راسه
رغم الظلام الانه قدر يشووفها من النور اللي طالع من المطبخ..
وعيونه تاكلها من فووق لتحت..
وببرود
(اممممممم قبل شووووي..)
راحت للمطبخ..
وبسرعه غسلت يدينها من العصير..
رجعت مسحت اللي بالارض ..
وبحمااس وهي ناسيه كل شي صار لها
وحركه زايد اليوووم لها ..
حتى برودته ماهمتها ..
وهي تسرع ..
بعد ماشغلت النور
جلست على ركبها بالارض قباله
وعيونها عليه..
وعلى طووله وسمار بشرته
جذاب ومشكلتها تحبه
مانتبهت انها طولت وهي متنحه فيه
الا يوم قالها(مطـــوله وانت فاهيه فيني؟؟؟)
حمرت خدودها من الحيا..
وهي محتاره وشلوون تحكيه عن المفاجاه اللي اكيد بتعجبه
وعينها بعينه(حبيبي عندي لك خبر يجننن مررره.. بس اول عطني البشاره)
رجع راسه لورى من الضحك (هههههههههههههه كيف تجي اعطيك بشاره
وانا مدري وش هالخبر؟؟)
ويدينها على طرف الكنبه اللي متمدد فيها وهي تنتف خيووطها
وباصرار (مايبيله انا متاكده انه يجنن بطير من الفرحه...بس انت حزر)
تنهد وحراره انفاسها حارقه خدوده
غريبه ليش هالفرحه ذي كلها؟؟
عيونها تلمع بطريقه تدوووخ بس اشوا فكتني وماسوت
نفسها زعلانه ..
ابد ماعرف اتوقع وش شعورها اورده فعل لها
كل ماخمنتت شي طلع العكس
مد يده اليمين لشعرها لان اليسار متكي راسه عليها
وبكسل وبحركه هاديه طلع خصل شعرها اللي ورى اذونها
وخلاها على وجهها
وبابتسامه مافهمتها ريماس وعيونه على خصل شعرها اللي بين يدينه
(عجزت ماعرف احزر..انت عمري قولي لي زمان عن الاخبار الحلوووه)
اوووف مو عارفه اقووله شي..
بالذات وهو مربشني بحركته
وشلوون ابداها ياربي؟؟
اقوول كل شي مره وحده ازين
وهي محنيه راسها وتلعب بيدينها
من الحيا مو قادره تناظر فيه
وبهمس (انا حامــــــــــــــــــــــــــــــــــــــــــــــل )
لو مويه حاره نازله عليه...
ماسووت فيه مثل اللي صارله هاللحين..
بنفضه جلس ..
وصرخت بشويش من الالم لانها تحرك بسرعه وخصل
شعرها بين يدينه وانشد شعرها مع حركته السريعه
وعيوونه مفتووحه بكبرها
ووجهه صاير الوان من الفجعه ..
حاول يتكلم بس خانه لسانه..
ماطلع منه غير كلمات متقطعه
(من متى؟؟ وشلووون؟؟كيف )
ماتت الابتسامه من شفايفها
وطفت الفرحه بعيووونها..
وهي حاسه بحلقها نشف
ماتوقعت رده الفعل هاذي
تبيه يفرح ...يصرخ.. ينقزمثل أي رجال بشروه بحمل مرته
وعيونها معلقه بعينه تحاول تفهم وش معنى رده الفعل هاذي؟؟
وهي تمرر لسانها على شفايفها ترطبها بحركه سريعه
وهي تشد على اصابعها اللي حمرت من قووه الضغط
(لي شهرين..)
سكت وهو حاس الدمووع تلمع بعيووونه
اخر امل فقدته..
جابت لي شي يربطني فيها كله مني غبي ماعرفت اتصرف
صح قلت لضاري اني مابطلقها بس بلحظه غضب...
انا مابيها ابووها عطاني اياه وكنت بارجع اطلقها بنفس اليوم ...
غمض عيوووونه..
حاس بنار فيها والذكرى غصب الا ترجع له...
وهو معصب ويصارخ بصووت هز الجدران
(يمه زوجنياها غصب يايمه وش السوواه قولي لي )
امه وهي تسوي القهوه ومو معجبها اللي صارلانها مدرت عنه
(وشلوون غصب؟؟ مافيه رجال ينغصب على شي مايبيه )
حذف غترته على الارض من القهر
وهو يشد شعره بيدينه يبيها تفاهم (وربي..اني مادورتها تدرين اني مابي الا مها
بس هو قدام الرجال كلهم احرجني وقال للشيخ زوج زايد بنتي..وانا مابغيت افشله
وهو عمي )
امه بدون اهتمام (خلاص ياوليدي كل شي صار..ماتدري لو انها خييره لك
ويمدحنهن بنات الصقر...وبعدين ترى مها حسبه اختك يعني احسن لك انك خذيت غيرها)
وهو يصقع الثلاجه بيدينه ويسمع صووت قوارير الادويه اللي وسط
الثلاجه تهتز..
والدم يفور بجسمه من العصبيه (والله والله اني لارجع له بنت مو انا الرجال اللي ينغصب..يحسب الناس بكيفه )
امه مع ان قلبها معورها على حاله ولدها الا انها فرحانه انه اعرس
نزلت اللي بيدينها
وهي تمسح يدها المبلوله بلبسها
وبحنان (يمه ان شالله انها بتسعدك وبتنسيك كل الخرابيط اللي تفكر فيها ولو عمك الصقر مو شايف انك مناسب ماكان عطاك ضناه يعني امانه عندك يمه ..واللي يعافيك خلنا نفرح فيك )
عشان وعده لامه مارفض شي
حتى وهو يشووف ابوه فرحان ماعترض لان ابوه
مو داري ان قلبه ماينبض الا باسم مها ..
ارتعش جسمه..
من لمسه امه..
فتح عينه بقووه مو لمسه امي ذي ابد
وبصوتها الناعم (زايد علامك؟؟ لايكوون تعبان؟؟)
ماتوقع انه غرق باحلامه لدرجه انه نسى وين جالس
تذكر كلمتها..
بعد يدها بقوووه اللي كانت مريحتها على رجله
عشان تنبهه لها..
وهو حاس بنار تحرقه مكان لمستها..
ومن دووون ولاكلمه ..اخذ المفتاح بيطلع
وقفه صوووتها..
(زايد انت زعلت عشاني حامل؟؟؟؟؟)
وهو معطيها ظهره وباختصار
(لا مازعلت...)
راحت له وهو حاس بريحه عطرها ..
وبتوترها (والله شكلك زعلت...ربي كتب وحملت وانت شفت لنا شهوور طويله
توني بس احمل..)
وبعصبيه (يووووووووووووووووووووه علامك انت نشبه؟؟ اتركيني بحالي)
ــــــــــــــــــــــــــــــــــــــــــــــــــ ــــــــــــــ
دف باب غرفتها برجله بقووووه
وهو يصرخ (امانيووووووووووووووووووووووووه )
ولاردت عليه لانها نايمه بسابع نوووومه
هزها بقووووه وهو معصب (امانيوووووووووووه قووومي لاقسم بالله مايصحيك
الا كف يعلمك ان الله حق )
حست براسها ثقيل
جات بتجلس ترنح جسمها
بالقووه لين جلست
وبتعب (خييييييير اش تبي)
لو يقطعها بين بيدينه ماراح يبرد حرته
مو قادر يستوعب اللي سمعه..
وبصراخ اوجعه (امانيوووووه احسن لك ترى حدي منك )
حضنت وجهها بيدينها..
فركت عيووونها صداع ذابحها وماشبعت نووم لسى
وبدوون ولاكلمه سحبت غطاها ورجعت تمددت
فاض الكيل فيه ..
سحب غطاها وهو يقوومها بالقووووه
عشان توقف .
سحبها من يدينها وهي تصارخ (علامك انهبلت..يعني الواحد مايعرف ياخذ راحته وينام حتى ببيته )
دخلها المطبخ وهو لسى مماسكها اخذ جيك الموويه من الثلاجه
وكبه على راسها
انتفض جسمها
وهي تصرخ من الفجعه
ودموعها تنزل (فجعتني حراام عليك هذا كله لييش؟؟)
صح قلبه عووره عليها بس يبي يتاكد
يعرف اماني تسوي كل شي بايعتها
ومن بين اسنانه (امس بالليل وين كنت؟؟؟؟؟؟؟؟؟؟؟؟؟؟)
توها بدت تستوعب اللي صار
تذكرت الشرطي اللي سمعت هيوف تقوله سيف
وصل كل وحده لبيتها
بعد ماعطاهم تهزيئه بس معقوله
يكوون معلم اهلي؟؟؟
ووصل الخبر لعناد؟؟
وهي تناظر بارضيه المطبخ
(كـ ....كنت بالبيت..ليش)
مو قادر يصدق الصووت اللي سمعه صووتها
اكيد كل يووم تطلع بس وين مع مين وشلون صار صوتها بشريط
قطع قلبه صياحها
دفها من يدينه وطاحت على ارضيه المطبخ البارده
وبتنهيده (غني لي ابسمع صووتك )
ارتجفت وهي ناسيه انها طقاقه
ماتدري اش فيه كانت خايفه انه درى عن اللي امس
بس شكله شاك بشي ومايدري وشلوون يثبته
وبصووت مقطع (عننـ ...عناد علامك وش اغني؟؟ والله مدري وش صارلك)
وصدره يطلع وينزل من كثر ماهوو معصب
ومع ان شفايفه نشفت من كثر صراخه الا انه كمل وهو يصرخ
وياشر بيدينه قدام وجهه اماني اللي كانت لامه رجوولها بخوف
(واللي رفع سبع ونزل سبع اجي ولو بالصدفه بالليل بكره او أي يوم ثاني ومالقيك مايصير لك طيب )
|
02-02-09, 07:02 PM
]
جديد مواضيع قسم القصص المكتمله
العرض العادي
