لما حست بمن يراقبها لفت وجهها وهي ضامة كتوفها لبعض من نسمات الهوا الباردة
نزلت عيونها في الارض تتهرب من كلمات الاعتذار في عيوونه
لكنها كابرت اللي صار امس نساها مين فهد الجارح
فهد : طلبتي شيء ؟
عبير بارتباك : انا .. انا ..بدي اجلس عند اهلي كم يوم في المزرعة ؟؟
فهد ضم يده لبعض واسند جسمه لورى على الجدار وزاد من وسامته: وانا ؟؟؟
عبير رفعت عيونها عليه وناظرت في عيووونه من غير ماترد
فهد ابتسم ابتسامة خفيفة وقرب منها : مدامك حتنبسطي ماعندي مانع -طبع بوسة طوييييلة على جبينها -الله يحفظك
غصب عنها اتجمعت الدموع في عيونها ليه كل ماتكرهه يتقرب منها ليييييه
ليه اللي جرحني وطعنني في الظهر هوا نفسه اللي يدواي
فهد ناظر في بريق عيونها وطالت النظرات
يحبـــها
يعشـــقهــا
ماناظر ولاحيناظر غيرهـا
هذه حبيبته
مالكة قلبه
يفداها بروحهـ وكله
حط ايديه الاتنين على خدودها وقرب منها الين صار اقرب من انفاسها
الدموع المحبوسة نزلت حطت ايدها على كتفه وصدره تصده : ابعععععد
فهد غمض عيونه بقوووووة
اتنهد بضيقة وخرج من الغرفة
@@@@@@@@@@@@@
سمر بفرحة مو سايعتها : والله ؟؟... طيب الحمد لله .. متى بيجي ؟ .. يجي بالسلامة ان شاء الله ... في امان الله
سكرت من التلفون والابتسامة شاقة حلقها
تركي فرح لفرحها : خير بشري ؟
سمر : حســــــام راح يرجع
جمدت ملامحه واختفت ابتسامته وببلاهة رد : حسام ؟
سمر تهز راسها : ايوة
تركي اخفى ملامحه بابتسامة : ومتى بيرد ان شاء الله
سمر : اول مايلاقي حجز
تركي كان بيتكلم
بس ندى قاطعتهم بروحها المرحة المصطنعة : مين راح يجي ؟؟
سمر بابتسامة خفيفة : حسام
الصدمة علت وجهها وشدت على قبضة ايدها بكل قوووة
تركي ناظر فيها وهو عارف حالتها هو مايبى فيصل لاخته الا عشان يخرجها من الحالة اللي كانت فيها << لو تدري ياتركي الحقيقة هل هذه ردة فعلك
ندى ابتسمت بتصنع : يرجع بالسلامة – ابتسمت اكبر ابتسامة عندها – عندي لكم خبر بمليووون ريال
تركي حاول يشاركها فرحتها ويبعدها عن حزنها : خير
ندى وعيونها تلمع : انا موافقة على فيصل
@@@@@@@@@@@
ام هديل : على وين ؟
هديل : عند صحبتي
ام هديل : طيب واخوكي مين راح يستقبله في المطار
هديل : انا وش بسويله يعني بدله على الطريق خليه يروح ويجي الله لايرده
ام هديل بحزم: هديــــل
هديل باللامبالاة : سوري... يلا وش قلتي ؟
ام هديل : ومنو هذه بنت مين ؟
هديل : وحدة ماتعرفيها
ام هديل : ايش يعني مااعرفها لازم اعرفها ولا كيف ازور الناس عمياني و
هديل قاطعتها : نو نو نو نو انتي بتجي معي لا مشكوووورة
ام هديل : وليش لا ولا على بالك اني راح اخليكي تروحي لحالك
هديل : اجل تحسبيني هذيك البزر تلحقيني كل شوي من بيت لبيت عند رفيقاتي
خلاص انا كبرت والجمعة كلها بنات حتى امها مسافرة
ام هديل : والله والنعم كيف تروحي بيت الأم مو موجودة
هديل تأففت بملل : مــــــاما انا بدي اروح عند صحبتي اوكي امها في امها مافي انا رايحة عندها
ام هديل : بس ...
هديل راحت غرفتها وما أهتمت
ام هديل تتحسر على بنتها كله من ابوها ( طليقها )
دلعها ودلعها على باله بيعوض فترة غيابه
وفجأة قطع مرة راح مصر واتزوج وعاش حياته وماسأل
وهذا اللي خلاها انطوائية على حالهـــا
ماتعرف انو بنتها راح تقابل شاب وهي عاذرتها بسبب بعد ابوها
@@@@@@@@@@@@
وصلوا المزرعهـ
حطت ايدها على مقبض باب السيارة عشان تطلع
لكنه مسك ايدها
لفت عليه بسرعة وسحبت ايدها
فهد ابتسم يطمنها : توصي بشيء ؟
عبير هزت راسها بلا من غير ماتتكلم
فهد فتح النظارة الشمسية عن عيونه واشر عليها باصبعه : هذه ماراح تعرف طعم النوم بدونك
بلعت ريقها ونزلت عيوونها في الأرض بسرعة وقلبها يدق بجنووووون
فهد اتنهد بهيام : راح اشتاقلك
حطت ايدها على المقبض بس وقفها صوته: عبير
لفت وجهها ببطء وشافت يناظر قداااااااام في مدى بعيد عم السكوت المكان
انتظرت
وانتظرت
وانتظرت
وبعد فترة من السكوت
فهد بصوت هاديء : راجعي نفسك .. اسمعي صوت قلبك.. واتذكري كل شيء حلو بيننا... انسي جروحي... وفكري اننا نفتح صفحة جديدة انا وانتي وبس
لف عليها ومسك ايدها وحطها على قلبه وهو يناظر في عيونها: وتأكدي انو هذا القلب مانبض الا لكي
ماستحملت تأثير كلماته عليها سحبت ايدها بسرعة وفتحت الباب وخرجت
ناظر في الفراغ اللي تركته قبل شوي كانت جالسة هنا
لكنها تركته وتركت قلبه ينادي بعالي الصوت محتاجك
حرك سيارته ومايدري على وين
@@@@@@@@@@@
==> يتبع

حطت راسها على المخدة وحاسة برااااااحة عجيبة غمضت عيونها وهي تتذكر الهواشات اليوم بين منال وسلمى واللعب والضحك والفرحة كله بعيد عنه
وقبل ماتنام سمعت صوت رسالة من جوالها
فتحتهــا
اتحمل عذابك..
بس ما أتحمل غيابك..
اتحمل عتابك..
بس ما أتحمل فراقك...
...
ماكملت الباقي لانها عرفت المرسل مسح وديليت
مثل مامسحت الرسالة راح امسحك من حياتي يافهد
وغفت عينها
@@@@@@@@@@@@
عند ندى
بتحاول تتكيف على الوضع الجديد
راحت اليوم مع امها وسمر السوق
اشترت اشياء كانت ناقصتها
فتحت المجلة وقعدت تدور على تصميم مناسب لفستان الملكة
قلبت وقلبت بس مالقت ضالتها
ماجالها نوم قامت من مكانها وراحت لعند سمر
لكنها ترااااجعت
وهي تشوف تركي مسند راسه على كتف سمر وبيحكيها عن الشغل والهم وهما بيتابعوا الفيلم
ابتسمت من قلبها وتدعي الله يخليهم لبعض
رجعت لغرفتها
فتحت جهازها وقعدت تدور على النت امكن تلاقي اللي يناسبها
اتذكرت بكرا راح تشوف عبير مشتاقة لها من قلللللب
طلعت ملابسها الشتوية بس مو عاجبها شيء
لفت على ملابسها الصيفية والدولاب مليان بيها
اختارت فستان اورنج قصير الين ركبتها بدون اكمام ناعم وبنوووتي
ومنفوش شوي من تحت ومنقط بدوائر صفرا صغيرة
ندى اتنهدت بضيقة : هذه الملابس لبكرا طيب والملكة ولا ليش مستعجلة التحاليل والفحوصات ماعملتها والله اني غبيـــة
غفت عينها وافكارها صارت مثل أي افكار عروس
@@@@@@@@@@@@@
يوم ثاني بعيد عنهـ
ندى : انا جيييييت
عبير لفت عليها والفرحة واضحة في عيونها ضمتها : ندووووووش وحشتيني
ندى : وانتي اكتر ياقلبووو
عبير ناظرت فيها مستغربة : ايش هذا ؟
ندى ناظرت في روحها : ايش فيه ؟
عبير : على فكرة احنا في الشتاء وانتي لابسة صيفي
ندى : هههههههه عارفة انا مامشي على القاعدة لازم اكون فريدة من نوعي
عبير : لا ياشيخة-سحبتها من ايدها – تعالي نجلس تحت
عبير : ايوة يالدووبة ايش مسوية
ندى : مااااااشي كل شيء عال العال
عبير : ماقلتيلي كيف ,,,,
بس قاطعتها
منال وسلمى : نووور المكان والله
ندى ابتسمت : منووور بيكم
سلمى ابتسمت بمكر : عبووورة ممكن شوي ؟
منال تجاريها : انا بجلس مع ندى
عبير وندى ناظروا بعض مستغربين
عبير قامت : ثواني ندووش
ندى : خدي راحتك
سلمى سحبت ايد عبير : تعالي في شيء مهم
عبير باهتمام : خير ؟
بعدوا عن منال وندى مسافة كبيرة
سلمى همست في اذنها
عبير بس سمعت فرحت من قلب : والله ؟؟
سلمى ابتسمت بحماس : والله
عبير : طيب فينه ؟
سلمى اشرت لمسافة بعيدة شوي : هناااك يستناكي
عبير كانت بتروحله بس سلمى وقفتها
سلمى بشيطنة : عندي فكرة
عبير باستغراب : ايش عندك ؟
سلمى همست في اذنها والمكر مالها وجهها << شيطونة ^^
عبير توسعت عيونها على وسعها : لا طبعـا مستحيـــــــــــل
سلمى ترمش ببراءة : ليش لا ؟
عبير : لانه لسة و...
سلمى : ماراح يسوي شيء بس ....
عبير سكتت شوي بعدها ابتسمت بحماس : انا مالي دخل من البداية اقولك طيب ؟
سلمى بحماس yeeeeeeeees
عبير وهي ترجع لندى : ثواني وبس
سلمى تأشر لها بايدها : اوكي
منال ابتسمت : عرفتي ؟
عبير ابتسمت : حتى انتي معاها ؟
منال رفعت كتوفها الضعيفة ببراءة : كله منها السوسة
عبير: طيب خلاص
منال راحت وهي متحمسة
ندى باستغراب : خير ؟
عبير ابتسمت ابتسامة لها الف معنى ومعنى: كل خير ان شاء الله
ندى عدت الأمر عااااادي
عبير وهي تناظر في ندى : الا حكيني يوم الشوفة ايش صار كان نفسي اشوف خشتك وقتها
ندى بحسرة : متحسرة ياعبير متحسرة
عبير استغربت : متحسرة ؟؟
ندى : اخخخ يالقهر ماشفته الا شوي الله يقطع الخجل وسنينه
عبير : ههههههههههههههههههههههههه
ندى وهي تتذكر ملامح وجهه وتطالع لفووق : ماشاء الله عليه يهبــــــــــــل
عبير بمكر : وايش كمان ؟
ندى بتفكير: اممممم هو ليش عيونه عسلية ؟
عبير : جدته اصلها بريطانية
ندى : أهااا –ابتسمت بحماس – يعني ممكن يطلعوا عيالي شقر وعيونهم زرق
عبير : ههههههههههههه الله يرجك ياشيخة
ندى وقفت وقعدت تتخيل ناظرت في السما بعيون حالمة ودارت حولين نفسها مثل الطفلة وفستانها الأورنج مع شعرها كله موضح فيها معالم البراءة
عبير باكبر ابتسامة عندها : اخر سؤال
ندى وهي تدور : مدري ايش فيكي علي ..اسألي
عبير : فيصل عجبك ؟؟
ندى صرخت وهي تدور وتضحك : الا يجـننننننننننننننننننننننننننننننننننننننن
.........: احم احم
@@@@@@@@@@@@
ارتجفت من صوت النحنة .. صوت رجولي غريب عليها .. وقفت دورانها ولفت وجهها ببطء
واقف وحاطط الجاكيت على جهة وحدة من كتفه
هو
الا هو
طوله .. عيونه العسلية .. و ... دماغها وقف عن التفكير وارتجفت اطرافها
حطت ايدها على فمها بعد ماصدرت اكبر شهقة عندها وركضت بعيييييييييد
وهي تسمع ضحكة عبير ومنال وسلمى عليها
ابتسم اكبر ابتسامة عنده الين مابانت غميزاته وهو يناظر الطفلة اللي كانت هنا
ماركز في ملامحها يوم الشوفة مثل ماركز هنا
برئية وملاك في جمالها
لكن بلاها لسانها ههههه
اشر باصبعه على الفراغ اللي تركته : هذه خطيبتي ؟
عبير ماسكة بطنها من كثر الضحك : هههههههههههههههههههههه
لف على منال وسلمى لقا الحال مثل بعضه : ههههههههههههههههههه
بعد نوبة الضحك الطويلة
عبير قامت والابتسامة شاقة حلقها وضمته : وحشتنـــــي فصوووولي
فيصل ضمها : وانتي اكثرررر ..ابتسم بمكر وين راحت ؟
عبير ضربته بمزح : ماتستحي لسة مو حلالك
اشر بابهامه على سلمى وهو يرفع كتوفها العريضة : لسة بتقولي نظرة شرعية
عبير تخصرت : لا ياشيــــــــــــــــــخ
فيصل : قوليلها ترجع انا بس جاي اسلم ورايح
عبير : ليييييه خليك
فيصل : وقت تاني
عبير : لا اماااانة خليك والله ماشفتك من زماااان
فيصل : راح اقعد بس بشرط
عبير بحماس : اشرط على كيف كيفك
فيصل ناولها الجاكيت على كتفه : خديه خليها تلبسه
عبير ببلاهة : هااا؟
فيصل ابتسم : خطيبتي مصيفة واحنا في الشتا
عبير ابتسمت بمكر : اهااا ياحنوون .. خلاص ولايهمك
سلمى اخدت الجاكيت منه: راح اناوله لها بس ابى خدمة
فيصل لف عليها : خير يالسوسة ؟
سلمى ناولته شنطته : ممكن تعزف ؟
عبير بحماااس : واااااااو جايب الجيتار ؟؟
فيصل حك دقنه : لازم ؟؟
عبير : لازمين
راحت سلمى لعند ندى
لقتها واقفة عند المرايا تمسح وجهها بالمويا لانه مصبوووغ بألاحمر
سلمى بنرفزة: اروووح ملح في هالخدود
ندى اول ماشافتها حطت حرتها فيها قربت منها وخنقتها بمزح : آآآآه يالسوسة
سلمى تصرخ : فيصـــــــــــل الحق على خطيبتك المجنــو
ماكملت كلمتها الا ندى تسكر فمها بايديها
ندى بنظرة قوية: اشوف فيكي يوم
سلمى بتحدي: شوفي – ناولتها الجاكيت وغمزتلها *_^ - هدية من العاشق الولهان
ندى باستغراب : ايش هذا ؟
سلمى : جاكيته قال اتدفي زييييين
ندى توردت خدودها وابتسمت بخجل
لبست جاكيته الواسع عليها وشمت ريحة عطره وحمرت خدودها اكتر واكتر
سلمى سحبتها من يدها : تعالي شوفيه راح يعزف دحين
ندى قطبت حواجبها : يعزف ؟
سلمى : ايه هو شاطر في الجيتار
ندى اتحمست بس اتذكرت انها ماتجوزله الحين
طالعت فوووق اشرت على البلكونة : هذه غرفة مين ؟
سلمى : غرفة عبير
ندى : انا رايحتها –قرصت اذنها – راح اتفرج عليه من هناك بس لاتقوليله
سلمى بشيطنة : اوكي
راحت ندى الغرفة وهي متمسكة في جاكيته وشادة عليه بايديها
طلعت فوق وفتحت طرف البلكونة ولمحته
كان جالس وجنبه عبير وجنبها منال بعد فترة انضمت لهم سلمى
جلست على ركبتها وعضت عى شفاتها تراقب فيه
(( ماكذبت يوم قلت انك تهــــبل ))
فيصل حط الجيتار وبدأ يعزف فيه بمهـــارة محد ينافسه فيها
حتى لما كان يدرس برا كان المتميز بينهم
مر طيفها من قدامه وهي بالفستان الأورنج ابتسم وكمل عزفه
تحت مراقبه عيووونها الحالمة
سلمى اعطتله ورقة : فيصل اعزف هذه الموسيقى
فيصل قطب حواجبه : طيب قوليها
سلمى : ماعرف ايش اسمها بالانجليزي
فيصل : اهاااا – فتح الورقة سكت شوي بعدها ابتسم اكبر ابتسامة عنده ورد بثقة – ماطلبتي شيء
عزف وعزف وعيونها تلمع وهي تراقبه
فجأة وقعت عينها على احلى عيون عسلية قابلتها
كان يناظر فيها
@@@@@@@@@@@@
===> يتبـــع