كاتب الموضوع :
سارونـة
المنتدى :
الارشيف
وصلوا البيت ورجع الحال كما كان عليه
عبير في غرفة وفهد في غرفة
كل واحد يعيد حسابته وكل واحد يجهز كلام للثاني
عند عبير
اتذكرت ابوها
معقول اهمك يايبه؟؟
طيب ليش بعتني ؟ ليش رخصت بقيمتي
على بالك كدا بحل مشاكلي مع احقر واحد في دنيتي
ليش محد يفهمني
اتحسست بطنها وكره في قلبها يكبر ويكبر
قطع افكارها صوت دق الباب
عبير في داخلها ( بدأنا ) بصوت كله تعب : ادخل
دخل فهد وعينه عليها
ماكانت تناظره كل اهتمامها ماتطالع فيه
فهد بصوت حنون : عبير
من غير ولارد
هذا اللي توقعه من اول مايرجع بيتهم وهالحال راح يكبر ويكبر بينهم
وفجوة الجفا راح تزداد
فهد بصوت هادي : بدي اكلمك
عبير : مابيننا كلام
فهد : عبير مايصير هالحال بيننا يابنت الحلال انا زوجك مو غريب
عبير : انت زوجي بالأسم وبس قلتلك طلقني طلقني النفس عافتك
فهد : لاتلوميني اي واحد مكاني راح يسوي مثل ماسويت
عبير ودموعها على خدها : تتهمني وتقتل اللي في بطني وتقول لا تلومني تشكك فيا وفي اخلاقي وفي شرفي
وتقول اي واحد مكاني راح يسوي مثل ماسويت
فهد : وانا من وين ادري انو هذا اخوكي
عبير بصريخ : ليش ماسألتني قبل ماترميني باتهماتك
فهد مسكها من كتوفها وهز فيها : اشوف واحد غريب مااعرفه معك في غرفة النوم واسمع كلام جاري يقول
ضحكاتهم واصلة للشارع وتبيني اسكت
عبير نفضت ايده : انا اشرف منك ومنووو مليووووون مررة - رفعت اصبعها في وجهه - مربياة من قبل مااعرفك يافهد وان كنت تشك فيا ليش تبيني ارد
فهد ( لاني ابي عبير اللي حبيتها ) كان بيتكلم بس قاطعته
عبير رجعت ايدها لورى تتذكر ؟؟ تتذكر ؟؟ احنا كدا بدأنا حياتنا -مسكت ايده وحطتها على خدها كانها بتضرب نفسها -
اول كف من اول ليلة معاك ... انك مغصوب على الزواج تتذكر هذه البداية -ابتسمت باستهزاء- بس مو انت الغلطان
الغلط اني صدقتك الغلط اني مشيت ورى احساسي وهذه نهايتي
فهد رفع عينه عليها : يعني انتي ندمانة على كل شيء حلو بيننا؟
عبير : قلبي ماينكر العشرة انا حبيتك واخلصت لك وعشت معك احلى ايام بس ايش الفايدة ان اخلصت وانت تقابلتني بشكك وتتهمني زور بعدها تقول نرد مثل اول لا يافهد تحملت جروحك بما فيه الكفاية ماعاد فيني اكمل معك
فهد قري عيونها كانت مجرووحة في الصميم وهو اللي جرحها واهانها بس هو يحبها يعشقها غلط ويبى منها السماح
يبى حياتهم ترجع مثل اول لكنها رافضة هالشيء رفضا نهائيا
عبير -برجا لاول مرة - : ان كنت تحبني ان كنت تذكر العشرة الحلووة بيننا حقق طلبي طلقني يافهد طلقني .. الله يخليك قولها وريحني
خلاص هذه نهاية طريقهم
خلاص راح يودعها
لاول مرة يحس بالضعف
كانت كلماتها خناجر تطعن في قلبه
تأنيب الضمير قتله والأسف والأعتذار عندها بكلمة وحدة
هي قالت ( ان تحبني حقق طلبي ) كيف احبك وكيف ابعد عنك
عمرك سمعتي في واحد يتخلى عن قلبه
بس هذا طلبها هذه امنيتها هذا سبب راحتها وهذا سبب تعاسته
فهد غمض عيونه : انتي ...انتي –لسانه اقرب للشلل مو عارف ينطقها - طـا.........
في داخلها
حأصير حرة حأبعد عنه
حيطلقني
حيطلقني
حست بالدموع لاهي دموع حزن ولا دموع فرح
اخفتها بسرعة وبانتظار الكلمة اللي راح تطفي النار اللي في صدرها
راح تودع كل جروحها
واللي عذبها بجفاه يوم راح تعذبه بفراقها طول العمر
ليش مايقولها ؟ ليش ساكت ؟
طال الأنتظار
ورفعت عينها عليه ولاول مرة في حياتها
وعمرها ماتوقعت هالشيء
فهد
فهد
فهد
فهد عيونه مدمعة
لا اكيد تحلم امكن هذه دموعها مو دموعه
فهد الرجال فهد الهيبة عيونه تدمع
مو مصدقة ..
<< وداع الحبيب هل هو شيء سهل حتى لو على رجال
كل شيء حلو مر في ذاكرته
من اول ماشاف عيونها النجلا وهي بالمنشفة من اول ليلة
لما اتعلقت نظراته فيها
كانت عيونها سحر جذبته وغرق في هيامها
لما وقفت قدامه فدته بروحها
احلى الذكريات في سويسرا معاها
شاف فيها الأنوثة .. شاف فيها القلب الحنون
شاف فيها شريكة العمر الين مايموت
لما عرف عن عقمه كانت معه ونعم الزوجة
ماقصرت في حقوقها
كانت تعطي وتعطي بس هو ماقابل مرسال معطاها الا بجروح
اشتاق لها ... لقربها... واشتاق لهمسها
(( حبيبي انت اللي تهمني ولا مليون عيل يغنوا عنك ))
هذه جملتها وهذه كلمتها
كيف تناساها ؟ كيف يودعها
صعب حييييييييل صعب
انهكته الذكرى ومن غير شعور ضمها لصدره بقوة
يبيها تسمع دقات قلبه
قلبه اللي مانبض الا لها
هذه القلب مايقوى على فراقك والله مايقوى
فهد بصوت مجروح : سامحيني
مالبت نداء قلبها كانت حجر وقفلت الأبواب لصوته ولاقدرت تصده وتبعده امكن هذا الوداع
فهد بعدها عنه بهدوء وناظر في عيونها : انا آسف يابنت العم ماقدر اقولها
وخرج من الغرفة
صرخت بعالي الصوت : لااااااااااااا قولها .. قولها
ليش اتراجعت قولها –بكيت بكا يقطع القلب – حرااااااام عليك قولها وريحني
رمت حالها على السرير ودفنت وجهها بين المخدات تنزل دموعها
اللي تمنته ماصار
هل الغلط منها ولا منه ولا من ابوها
آآآآآه ومليووون آآآآه في قلبها
تحملت كثير وغفت عينها ودموعها مافارقتها
@@@@@@@@@@@@@@
دخلت غرفتها وقناع الفرح اللي كابرت فيه سقط
وظهرت ملامح الألم بكل معانيها
مالها غير رفيقة دربها
تفضفض لها .. تحكي وتشكي
رفعت جوالها ودقت على تؤام روحها
مانتبهت انها مخزنة اسمين في جوالها
تؤام روحي وهي عبير
اما تؤام قلبي فكان الحب الأول حسـام
دقت على الرقم وهي كل فكرها بعالم ثاني
رنة .. رنتين
اترفع الخط
بدون شعور اتنهدت بضيق : عبير اشتقتله
........: ندى ؟؟
@@@@@@@@@@@@@@
الضباب مالي المكان والظلمة مع صخب السيارات
مكان فوضوي لكن حلاوته بيهم
.......: ياريت عبووورة معانا
........: خليها في بيت زوجها يوديها ويجيبها
.......: منال سلمى وين بتروحوا .
منال : ماما ايش رأيك نزور عبير
ام عبير : ياريت يابنتي وانا اكره
سلمى : زمانها مع ولد العم تتهنى
منال فهمت تلمحيها وضحكت : هههههههههههههه
ابو عبير بمزح : جبت بنات قليلات ادب
سلمى : انا مو قليلة الادب -بتمثيل - كل الادب ينقط مني
منال تجاريها: والنعععععععععععععععم
سلمى : بابا ايش رايك نروح هذاك المكان -اشرت بيدها على قدام -
ابو عبير : اللي تشوفوه
مشيت السيارة بهدوء ومنال وسلمى داقينها رجة وصجة وابوهم وامهم مبسوطين بيهم
يتمنوا عبير معاهم كيف لا وهي بنتهم وحبيبتهم لكن ابو عبير له تفكير خاص كأنه كان حاسس باحساس ثاني
فجأة جات سيارة مسرعة على 120
ابو عبير لف من غير شعور بالدركسون عشان يتفادى الاصطدام لكن مع لفته اتقلبت السيارة
مرة
مرتين
ثلاثة
وسط صرخاااااااااااااااااااتهم
لكن صرختها كانت الأقوى : لااااااااااااااااااااااااااااااااااااااا
دوت المكان تعلن انتهاءه
نهــــــــــــــــــاية البارت
***************************
متى ينتهي عذابك يامعذبني بجفاك
رواية سارونـة .. رومنسية .. جرئية .. خيالية
*****************************
هذا الجزء كسر ظهري ^^
طولت وجبت الغنايم هع
لا تحرموني من توقعاتكم الحلوووة
وهالأسبوع كله اختبارات دعواتكم
اختكم : سارونـة
|
28-12-08, 02:22 AM
جديد مواضيع قسم الارشيف
العرض العادي
