كاتب الموضوع :
سارونـة
المنتدى :
الارشيف
الفصل السابع
ندى –بدلع- : تركااااان
تركي : اخلصي ايش وراكي
ندى : حبيبي تركوش انت اللي تفهمني امممممم ايش رأيك ناخد لنا كم يوم في الكباين ؟
تركي : وشغلي ياخانو ؟
ندى : حبيبي انت دوامك الفجر تروح وترجع
تركي : وان شاء الله اسيبكم لحالكم من غير رجال يحميكم
ندى : عاد هذه ولا يهمك .. ماما حتكلم خالتي يجوا .-ابتسمت بخبث – حتى سمر جاية
تركي ارتبك وبلع ريقه : ايش يـ...ـعني سـ مر جاية
ندى : وين الدلاخة حقتك تحين ...يعني سمر حتجي لحالها ...اكيد اخوها المحترم حسام جاي
تركي : طيب اذا كدا مافي مانع ... على الاقل في رجال يحميكم
قامت ندى وباست تركي على خده : الله يرزقني بواحد متفهم زيك
تركي : هههههههههه ماتبطلي حركاتك ... الله يعينه زوجك المستقبلي
ندى : غمزت له ^_* الله يعينه من جد
تركي رمى عليها علبة المنديل : قومي ياقليلة الادب
ندى : والله عرفت اني قليلة الادب .. سبتلك الادب –رفعت حواجبها ورى بعض- ياكثير الادب
تركي فهم تلميحها على حركة سمر قعد يدور على حاجة تانية يرميها على راسها وبالاخص على عقلها المنحرف
___________________________________________________
هديل بصدمة : مرته حامل
ام رامي تتنهد بحسرة : هذا المكتوب يابنتي
هديل وتشتعل فيها نار الغيرة : جعلها باللي ماتقوم من الـ...
قطعت كلمتها لما حست بنظرات ام رامي المتعجبة
وقالت بدلع مايليق عليها : خالتوو ليش مايجي رامي يزورنا والا احنا محنا غالين عنده
ام رامي : افااااا حبيبتي مين يقول كدا ...ان شاء الله رامي ومرته حيكونوا عندنا اليوم
هديل (( طيب ياريما .. انا اللي بعلمك))
___________________________________________________
ندى تتصل ببيت خالتها ام حسام
ندى : السلام عليكم
......... : وعليكم السلام
ندى بعربجية : حسام اعطيني سمر
حسام لوى فمه وقال باستهزاء : ماعندنا احد بهذا الاسم ... غلطانة في الرقم
ندى : حسااااااااام مني فاضية لدمك الثقيل
حسام : خففيه وحطيله موية
ندى : ها ها ها هاها سخيييييييف
حسام : سخيف ولا متين
ندى : حسااااااااااااام
حسام بحنان : عيونه
ندى ارتبكت من لهجة صوته بس ردت بعربجية عشان تخفي ارتباكها : اعطيلي سمر
حسام اتنهد : من عيوني
ندى بلعت ريقها وضربات قلبها في زيادة .. (( ليش حسام يكلمني كدا .. ليش يلعب بيا .. اكيد بيتعامل معايا بالاسلوب اللي يتعامل مع البنات اللي متعرف عليهم .. بس مو ندى بنت خالد اللي يتلعب فيها يـا..)) قطع تفكيرها
سمر :الووو ندى ... ندى
حسام : ههههههههه شكلها ذابت من صوتي الحنون
ندى : احلف بس
سمر : هههههههه اهي رجعت ... هلا ندووش كيفك حبيبتي ؟
ندى : الحمد لله تمااام انتي كيفك ؟
سمر : تمااام الله يسلمك
ندى : سمووورة احنا رايحين كباين الـ........ ليش ماتجوا معانا
سمر : والله مدري اشوف حسام لانو بابا مسافر في رحلة عمل
ندى : طيب كلميه وشوفي
سمر : طيب ثواني
سمر : حسام ممكن تودينا كباين الـ...... ؟
حسام حك راسه ببلاهة : في بنات حلوين هناك ؟
ندى حست بنار تحرق صدرها ..شعور غريب اول مرة تحسه
سمر : ههههههههههه لا مافي
حسام :اذن مافي روحة
سمر بدلع : حسااام الله يخليك عشان خاطري
حسام بعناد : لا
ندى : اووووووف دلوع الماما هذا حيجنني
سمر ابتسمت بخبث : طيب عشان خاطر ندى ؟
حسام ابتسم ذيك الابتسامة اللي تجنن : عشان خاطرها من عيوني
ندى بلعت ريقها للمرة التانية وحست بحرارة في كل جسمها ردت بعربجيه : سمــــــــــر ليش تدخليني ؟ عسى امه ما
سمر قاطعتها : المهم وافق
ندى عملت ولا على بالها : اوكي نستناكي يلاا سلميلي على خالتي
سمر : الله يسلمك وسلميلي على خـ...
قاطعها حسام لما اخد السماعة منها : ماتسلمي عليا
ندى بعربجية :لا
سمر اخدت السماعة منه : هههههه يلاا مع السلامة ياندوش قبل مايرقمك حسام
ندى : مع السلااامة
رجعت ندى غرفتها ... تشوف تصرفات حسام ... ليش كدا يسوي معاها ... على الاقل يحترم اني بنت خالته ..ااااااااه والله هذولا الرجال مالهم امااان .-شافت صورة عبير – صحيح ياعبورة ؟
____________________________________________________
في احد اسواق جنيف الكبرى
عبير وفهد بيتجولوا يشتروا هدايا للاهل
وعبير تدخل المحل ورى المحل .. كل حاجة في سويسرا حلووة ...اشترت ساعات واكسسورات وملابس ...حتى فهد كان ذوقه حلووو اشترى لاهله واشترى لعبير فستان من ذوقه كااان مرررة يجنن وعبير اشترلته ساعة سويسرية فخمة اتفقوا بعد مايخلصوا يلتقوا في كوفي شوب
خلص فهد ويتمنى من كل قلبه انو هديته تعجبها
فهد يناظر في اللي رايح والجاي ويتمنى بس يلمحها
بعد دقائق كانها ساعات على قلب فهد
جات عبير وفي يدها اكياس واكياس وعلى وجهها احلى ابتسامة
عبير
ناظرت في فهد .. مسكين لحاله ينتظر ... ابتسمت على شكله .. شفته وقف من محله وجا لعندي .. لكن اللي ماخطر على بالي ابدا انه يحضني ويدور بيا قدام الناس اللي في السوق من الدورة اللي دورني هيا الاكياس طاحت ووجهي كمان طاح من الاحراج ... <<< والله فشيلة والبلى في ناس عرب وخلجين كمان ...ياحبيبي كملت
يمكن هذا المشهد يتكرر كذا مرة في سويسرا .. بس امكن عشاننا سعوديين الوضع غير ...عدلت حجابي وهو يناظر في عيوني ببريق اول مرة اشوفه جاني صوته الحنون : اشتقت لك
ضحكت بخجل : ههههههههه ماغبت غير نص ساعة
مسك ايدي وحطها على قلبه : والله كانه نصف قرن عندي
حسيت بدقات قلبه المتسارعة ... وشلت ايدي بسرعة .وقلت بارتباك : النـ..اس
فهد بعدم مبالاة : ماعليا فيهم
عبير جلست في الكوفي شوب مقابلة لفهد بوجهه الوسيم وضحكته البشوشة
ناظرت في ايده لقت كيس مميز عليه قلوب وعبارات حب بالانجليزي كان شكله ملفت للانظار ..احاول اخفي فضولي بس مفضوحة
فهد : حبيبتي عبير انا اتذكرتك وجبتلك هدية بس في ناس مااتذكروني
عبير ردت بسرعة وبثقة : مين يقول
فهد ابتسم ذيك الأبتسامة : طيب حبيبتي ايش جايبتلي ؟
عبير توردت خدودها من الخجل والأرتباك امكن ماتعجبه هديتها ..قدمت الكيس الفخم من احد انواع القماش الغالي وقدمته لفهد وقالت بخجل : يارب تعجبك
فهد : انتي كلك على بعضك تعجبيني
عبير وجهها ولع
فهد فتح الكيس وطلع الساعة ... كانت ساعة راااائعة وفخمة وتدل على ذوق صاحبها ... غير سعرها الحلوووو خخخخ ...وماركتها العالمية ...لونها ذهبي والعقارب ذهب ...مررررة جناااان <<<<اعذروني انا ماعرف اوصف ساعات خخخخ
فهد مسك يدين عبير وطبع بوسة عليها : تسلميلي حبيبتي
عبير نزلت عيونها للارض وحمرت خدودها : الله يس.. لم ..ك
فهد بصوت حنون: عبير
عبير بعفوية: عيوني
فهد ابتسم : تسلم عيونك – ملامحه جمدت شوية –
عبير حست بالخوف شوي واختفت ابتسامتها
فهد حك شعره وزاد من وسامته : معليش ياعبير حنقعد في جنيف كم يوم عشان مالقيت حجز
عبير اتنفست براحة وابتسمت : ولا يهمك
فهد ابتسم لابتسامتها : يلااا كمااان عندنا كم يوم في جنيف نقضيها ...ناظر في ساعته كانه اتذكر حاجة ووقف بسرعة – عبير بسرررعة
عبير : ايش ؟
فهد مسك يد عبير ومشي بسرعة
عبير : فهد على وين رايحين ؟؟
فهد ابتسم وغمزلها *_^ : مفاجأة
عبير ابتسمت وركضت معاه
بعد ربع ساعة من الركض المتواصل
عبير تلهث : فهد خلينا نرتاح شوي
فهد مسح على حجاب عبير : تعبتي ؟
وقبل ماتتكلم كان حاملها على ظهره ويركض : امسكي فيا كويس
عبير : لااا لااا فهد نزلني
فهد يسوي حركات الاطفال : مااسمع ... مااسمع
عبير ؛ ههههههههههههههههههه
فهد يسرع اكتر وعبير تتمسك بيه اكتر وهذا اللي يباه فهد ^_*
وصلوا للمكان المقصود وكان متحف كبيير في جنيف ومقابل المتحف كانت ساعة كبييييييرة ومشهووورة سويسرا ببلد الساعات <<< محد طلب منك فلسفة زايدة
فهد ابتسم بنصر : واخيرا وصلنا
عبير تناظر المتحف باعجااااب : وااااااااااااااااااو
فهد :الحمد لله لحقناه قبل مايقفل
مسك يد عبير ومشيوا واتفرجوا
عبير : مررررررة حلوة الرسومات
فهد ابتسم: بس مو احلى منك
عبير بخجل: تسلم
فهد : عبير على فكرة انا اعرف ارسم
عبير ناظرت فيه وابتسمت: من جد ؟
فهد ابتسم: جد الجد ... وان شاء الله لو رحنا كرانز مونتانا حارسمك
عبير ابتسمت من قلبها
فهد مسك خدودها: لك الله يخليلي هالبسمة الحلوة
___________________________________________________
عند رامي وريما في المطبخ
رامي : حبيبتي ريما اتجهزي اليوم معزومين عند بيت اهلي عشان خالاتي وبناتهم جايين
ريما ابتسمت : حاضر من عيوووني
رامي ابتسم : الله يحضرلك الخير ياعيون قلبي
ريما : بنات خالتك كلهم جايين
رامي :ايوة
شدت على السكين في يدها ورجعت الذكرى لهذاك اليوم
(( في يوم ملكة ريما ... ريما كانت خايفة ومتوترة زي أي بنت في يوم ملكتها ... فجأة بدون لا احم ولا دستور ..دخلت هديل ومن عيونها يتطاير الشرر ..
ناظرت في ريما نظرات
كره ..
حقد ...
حسد ...
واحتقار ..
ريما وجهت نظراتها المستغربة لهديل (كانت لابسة فستان اسود كانها رايحة عزا ... ومكياجها الاسود الثقيل .. ورافعة انفها بكل غرور ومافاتتها نظرات الغيظ والقهر في عيونها الحمرا من كتر الغضب....سكرت الباب بقوة وبعصبية واستحقار: انتي خطيبة رامي ؟؟
ريما تعرف تتعامل مع هذولا الناس باسلوب البرود وعدم اللامبالاة جلست على الكرسي ورجعت شعرها لورى بدلع رباني : ايوة انا ريما خطيبة رامي . ماتعرفنا ؟
هديل وتضرب رجلها بالارض من العصبية وبكل استهزاء تأشر باصبعها : انتي ؟؟ انتي ؟؟ خطيبة رامي
ريما تثاوبات بملل : حبيبتي انا ماعيد كلمتي مرتين ....-ردت بثقة- كلام الشيوخ ماينعاد
هديل : والله مح اخليكي تتهني مع رامي والايام بيننا ياريما
ريما تناظر في المرايا ولاعلى بالها : اعلى مابخيلك اركبيه
هديل : ياحيوانة ياحقيييييرة يا ..
لينا قاطعتها : ريما حبيبتي ...العريس واصل ...-انتبهت بهديل- اووووه هديل هنا يامرحبا والله
ريما تمثل : اوووووه حبيبي رامي واصل –قعدت قدام المرايا تعدل نفسها ومكياجها – وهيا كانت اميرة مو محتاجة بس عشان تقهر العدوييين
هديل : انا اللي بوريكي ياريما ياخطافة الرجاجيل وخرجت من الغرفة بعصبية ...)
قطع حبل افكارها الالم اللي حسته باصبعها
ريما : ااااااااااااااااااه
رامي بخوف : ريما حبيبتي ... ماتنتبهي ...جرحتي اصباعك بالسكين – حط اصبعها في فمه- عشان يخف نزف الدم
ريما دمعت عيونها ورامي يحسبها من الالم تبكي فجأة ارتمت في حضنه وزاد بكيها وشهاقتها : الله لا يحرمني منك يارامي
رامي ابتسم ومسح على شعرها : ولا منك ياقلب رامي
___________________________________________________
عند بيت ندى
تركي يحمل الاغراض ويحطها في السيارة عشان يستعدوا يروحوا يصيفوا في الكباين وفي احلى من التصييف في ربوع بلااادي <<<< شوف الوطنية شوف خخخخخخ
ندى وهيا تساعد تركي في نقل الاغراض : اوووووف وهذا نحنا تلاتة واغراضنا كدا ... مالوم العائلات ذات الحجم الكبير
تركي : ههههههههههههههه
ندى ( اضحك اضحك مح تشوف حبيبة القلب وانا مين عندي ياحسرتي )
تركي يقرص خد ندى : ندوووووش حبيبي ايش فيكي ؟
ندى تبتسم بتمثيل متقن : ههههههه ولاشي بس مشتاقة لسمر وغمزت له ^_*
تركي : مالت على ابليسك ... تعالي ساعديني بس
ندى : من عيوووووني يا..
بييييييييييييييييب بيييييييييييييييييييييب بيييييييييييييب
فجأة جا بطلنا حسام وسمر وامه
ندى : هذا يدق بوري (مزمار السيارة ) ولاكأنه فرحه وانا مدري
تركي : ههههههههههههههه يلاا عقباله
ندى –ترفع حواجبها ورى بعض وابتسمت بخبث – وعقبالك
تركي ابتسم وحرك راسه يعني مافي فايدة معاها ومع تفكيرها
وقف حسام السيارة وجا يسلم على تركي
نزل النظارة الشمسية من عينه وزاد من وسامته وناظر في ندى نظرات تحدى وندى ردتله بنظرات اقوى
حسام سلم على تركي وسلم على خالته ام تركي وندى سلمت على سمر وام حسام
بعد السلام وكيف الحال ..حسام وهوا راجع للسيارة وندى وهيا راجعة للسيارة ..ماكانت في مسافة كبيرة
ندى : ابعد
حسام : انتي ابعدي
تروح يمين هوا يروح يمين تروح يسار هو يروح يسار
ندى : اوووووووووف والنهاية يعني
حسام : قولي الكلام لنفسك تتحرك في نفس اتجاهي ..ياشين الملاقيف
ندى اتسعت عيونها : انا ملقوفة ابعد بس ابعد
ولما جات تتحرك اصطدم كتفها في كتفه
الاتنين ناظروا بعض نظرات غير مفهومة امكن مع الايام حتعرفوا ايش هذه النظرات ^_*
تركي : ندى هذا كله سلاااام ماصار
ندى : يلااا جاية
ركبوا السيارات .. كانت الكباين بعيييييييدة والطريق ممل وبري موحش الا من صوت الاغاني العالي .. لانو الاخ حسام مايسوق الا على الصجة والرجة
فجأة خطرت فكرة جهنمية ببال حسام
___________________________________________________
بعد زيارة المتحف واللف في الاسواق رجعوا فهد وعبير للفندق وفي عيونهم التعب للارهاق ..من غير أي مقاومة استسلموا لسلطان النوم وناموا *_^
_________________________________________
كناري الحب
رامي : حبيبتي يلااا جهزتي ؟
ريما : بس 10 دقايق
ريما لبست فستان لعند الركبة عليه ورود بالوان الربيع مبين جمالها وبياض بشرتها ورفعت شعرها بتسريحة حلوة وحطت كحل اسود وبلاشر وردي وشدو بينك والماسكرا مبينة رموشها الحلوة كان شكلها يهبل
رامي يصفر باعجاب : واااااااااااااااااو ...لاااا لاااا انا ماقدر على كدا
ريما تدور حولين نفسها وتضحك بخجل :ههههههههههه
رامي قرب وقرب: شكلنا حنتأخر عليهم وغمزلها *_^
ريما وجهها ولع : لااا لااا الله يخليك
ولا حياة لمن تنادي ^_^
___________________________________________________
عبير تصرخ : اااااااااااااااااااااااااااااااااااااااااااااااااااااااااااا اااااااااااااااااااااه
فهد صحي على الصريخ : عبير .. عبير ايش فيه ؟
كان وجهها كله معرق وصدرها يطلع وينزل من الخوف ودقات قلبها تدق بسرعة جنونية
فهد جاب كاسة موية وشربها ومسح وجهها بالمنديل : بسم الله عليكي –مسح على شعرها وقعد يقرأ المعوذات وهيا شبه حاضنته – كان كابوس وبس ارتاحي
عبير ماسكة في قميصه بكل قوتها ويدها ترجف كانها خايفة انه يروح ويتركها : لاتت....ــركـ...نــ..ي
فهد : انا معاكي حبيبتي محا تخلى عنك ... بسم الله عليكي
قعد فهد يهدي في عبير الين لما غفت في حضنه
ياترى ايش هذا الكابوس اللي اثر على عبير كدااا ؟؟؟
______________________________________________
ام تركي نامت على المقعد من الملل حتى ام حسام يعني العجايز في سبات عميق ^^
فجأة تدق نغمة جوال نوكيا العادية
تركي استغرب ورد
تركي : هلا حسام
ندى من غير شعور ركزت بانتباه في المكالمة
تركي : ايش ؟....ههههههههههه والله انك مجنون .........قد كلامك ولا لا............. انا صحيح ضابط شرطة بس والله ماتعرفني ...........يلااا قبلت التحدي ...سلااام
ندى : ايش بدوو هذا الخبل ؟
تركي : هههههههههه هوا خبل من جد
ندى : ايش يبى ؟
تركي غمزلها *_^ : اربطي حزام الامان وتعرفي
ربط حزام الامان لامه ووقفوا السيارة
وفجأة بيييييييييييييييييييب بييييييييييييييييب
تركي وحسام : Go
دعسوا بنزين على 180 وابتدى السباق
ندى : هههههههههههههههههههههههههههههههههه وربي مجانين
تركي : مو اجن منك يوم ذيك الحركة
السيارتين سبور وتعرفوا الاصوات فيها كانها قنابل ^^
ندى : هههههههههههههه والله حمااااس ..اسرع يلاااا اسرع
تركي : هههههههههههههه لاتوصي حريص
________________________________________
عند حسام
حسام : منت سهل ياتركان وانا اقول مين فين جابت اختك الجنان
سمر بخوف : هدي السرعة الله يخليك
حسام : وتبي تركي يغلبني تحلمي
سمر ( يارب يفوز ويغلبك ) <<<< شوف نذالة الاخوات ^^
_______________________________________________
فهد صحي لقى عبير بتصلي وبتدعي
فهد
اااااااااه ياعبير يش هذا الكابوس اللي مطير نومك .... الله يبعدنا عن الشر يارب ..
عبير
خايفة مررررررة خايفة احس قلبي مقبوض .اعوذ بالله من الشيطان الرجيم ... اعوذ بالله من الشيطان الرجيم ...نفسي احس بالامان .... اااااااااه ياماما ياريتك معايا ارتمي في حضنك وتمسحي على شعري وتهديني
فجأة حست بحضن حنووون يحميها و يحاول يشعرها بالامان .
فهد بصوت حنون : عبير حبيبتي لاتشيلي في بالك مسح على شعرها - الله يبعدنا عن الشر
عبير كانها لقت طوق النجاة اتمسكت في حضنه اكتر : امييييييين
فهد : يلااا تعالي نطلع نشم هوا
عبير بتردد : بـ..س
فهد : هذا موضوع مافيله نقاش يلااا
عبير ابتسمت : يلااا
___________________________________________________
ياترى مين فاز في السباق تركي ولا حسام ؟؟؟
وايش ينتظر ريما من العقربة هديل ؟؟
عبير هل حيأثر الكابوس على حياتها ؟؟ وايش حيكون دور فهد معاها عشان تتخطى هذه المحنة ؟؟؟
******************************************
متى ينتهي عذابك يامعذبني بجفاك
روايتي الاولى خيالية .. رومنسية ... جرئية
******************************************
|
31-07-08, 03:04 AM
جديد مواضيع قسم الارشيف
العرض العادي
