^
^
^
الله الله على الاغنيه بصراحه اشعار كريم العراقي لا يعلى عليهاا

الشاعر الامير عبدالرحمن مساعد
لـ عبادي الجوهر ,, عيونك أخر آمالي


عيونك آخر آمالي وليلي اطول من .. اليم
كيف ألقى كلامٍ عذب يوصف دافي .. احساسي

عشقتك قبل ما اشوفك وشفتك صرت كلي .. حلم
ابي رمشك يغطيني وابيك اقرب من انفاسي

يهمك تعرفي انك قتلتي في سنيني .. الهم
قتلني ضحكك وجدك قتلني لينك القاسي

رميت اقداري في دربك وصرتي في عروقي .. الدم
احبك كثر ماسالت دموع وما نسى .. ناسي

يجول الحزن في ضلوعي بردت وذاب فيني العظم
و يا كثر الحطب حولي وعندك انكسر .. فاسي

سألتك بالذي زانك تحبي فيني حتى .. الظلم
تحبي عيوبي وغدري تحبي المر في .. كاسي

انا من كثر ما احبك ابيك كثر رمل .. اليم
وابيك فوق الناس وابي ماينحني .. راسي

كل ما نسنس

كلمات : الأمير / خالد الفيصل ..



كل ما نسنس من الغربي هبوب ....
حمّل النسمة سلام ...
وإن لمحت سهيل في عرض الجنوب ....
عانق رموز الغرام...
لك حبيب ما نسى....
كلمته دايم عسى...
أطلب الله وارتجيه ...
صبح يومي والمسا ...


نشوتك تلعب مع قطر المطر ....
وانتشى قطره معك...
والسحاب يطاردك بين الشجر....
خالق الزين أبدعك ...
الندى في وجنتك ...
صار عطر بلمستك ....
والهوى غنى طرب...
تستثيره بسمتك .....


كل زينه شاهده وإنتم بعيد....
منوتي ليتك معي ...
وإن سهرت الليل أهوجس بك وأعيد ...
هل لاجلك مدمعي ...
إنت هاجس خاطري ....
وإنت فرحة ناظري ـ...
يا قريب ويا بعيد ..
فيك أمسي وحاضري ....


كل ما ضمت عيوني منك طيف ....
يا بعد.. كل الطيوف...
قلت ما مثلك على الدنيا وصيف ....
لا حشا مالك وصوف...
لا سحاب ولا مطر ..
لا نسيم ولا زهر ..
لا طيور ولا غزال ..
ولا مع باقي البشر ..

*******

(انت الهـــــوى)

ياطول صبري من الهجران ياخلّي
والروح مني ومن هم يكابدها

انت الهوى وكل الكل بالكلّي
وانت الذي بالهوى روحي تعذبها

ياخل غيرك على الدنيا انا من لي
ياكيف دايم تصدّيني متاعبها

مضمون حبك على الخفرات متعلّي
يامن وحوش الخلا تطرد مقاودها

ارحم صويبٍ براه الشوق ماتلّي
وجروح راعي الهوى عيت طبايبها

دعواي دعواك عدوى مالها حلّي
لي طلبةٍ لو بعد مره تنفذها

لو بس شوفك بعض الايام يحصلي
يزول هم على نفسٍ يراودها

كن بأعيانك سهام الموت ينسلّي
وخيول جيشك تهددني ركايبها

ان كان يازين هذا الحال راضٍ لي
حذراك الايام ما تصفو مشاربها

الخد نوره بباب اللليل مشعلّي
يسنى على دار ماعد به قرايبها

الا واخساره حسايف ما مضى علّّي
اتعبت الاقدام ع الفاضي عمايدها