||__ الجــزء الخـامس والعشـرون __||


---= أمواج مــن المشــاعر =---


:::::::


ضآعتّ معَآني قصتّي | وأحتَرتّ | وشلُونّ أسترِيّح ..؟
كُليّ إجَآبآتّ وعَذآبّ وبَعّض صَمتيّ أسّئلَه ..

عينّي بهَآ [ العَبّره ] وأنآ دآخلّي قلّبٍ جريّح ..
وإحسَآس يحيّى بدآخلّي وأرجَع بـِ.. قـسّوه أقتُله ..

/ محّتآر / أبكّي وأبتسمّ وأضحَك وأعآندهُم وأصيّح ..
صآرَتّ حَيّآتي كُلهَآ ( مَهّزلَه فيّ مَهّزله.. !!



في قـاعة زواج بالريــاض ...
دخلـت ضي غرفة العرووس وهي تقول بسرعه : يالله وقت دخـ...
سكتت وهي تفتح عيونها بأستغراب وصدمه ..
وقفت ليلى من الي تسويه وناظرت ضي من المرايه وهي ترفع حاجب : وش تناظرين ؟
التفتت ضي على الكوافيره : ماخلصتي مكياجها ؟
الكوافيره بتكشيره : خلصتووو , بس هي عم تئوول بدها حاجبيهاا يصيرووو ارفع !!
تقدمت ضي بحزم وخذت الي تشيل فيه ليلى حواجبهاا بسرعه : في يووم زواجك وتنمصين ؟ بدال ماتدعين ربي يوفقك .. تطردين نفسك من رحمتـه !!؟
تأففت ليلى بعصبيه : هي انتي !! مالك دخل فيني , يعني صرتي اخت زوجي قمتي تتحكمين ؟
عقدت ضي حواجبها بأستغراب : هذا أسلووب عروس يوم زواجها ؟!
ليلى بصوت عالي : وبعديييييييييين يعني ماباقي الا تحاسبين كيف امشي واتنفس !!
هزت ضي راسها يمين وشمال وهي تتحمد : اللهم هل بلغت اللهم فأشهد .. انتي مطرووده عن رحمة ربك .. وسوي الي تبين
طلعت من الغرفه متضاايقه ونست ان الزفـه بتبدأ الحين
اول مانزلت للقاعه التفتوا البنات عليها .. ومن شكلهاا عرفوا انها متضاايقه
وقفوا بيان وحلاا وراحوا لها ..
حلا : ضيووو .. وش فيك ؟ قلتي لها تتجهز .. كان جلستي معــ..
أشرت ضي بيدها لحلا يعني اسكتي وقالت بأنفعال : ماراح اجلس معها .. تبين روحي انتي اجلسي معهاا .. أنساانه مريضه نفسياً تعامل الكل بتعاالي , تعطونها سطام ؟ الي يحب الكل وقلبه مايحمل ذرة حقد !! وربي حرااااااام .. حراااام على امي
علامات تعجب انرسمت على راس بيان وهي تنااظر حلا مستغربه من أنفجار ضي
بعدين خذت نفس وسألت ضي : وش قالت لك وجـه النحس ؟
علمت ضي بيان وحلا وهي متنرفزه ..
عصبت بياان والتفتت على حلا : انا برووح اجلس معهاا
مسكتها ضي الي تعرف عن كره بيان لليلى : والي يخلييييك بياان مانبي مشاااكل مع ...." خذت نفس " استغفر الله
فلتت بيان يدها من يد ضي وهي تروح : ماعليك ماراح اسوي مشااكل مع وجه النحس
اول ماوصلت الغرفه وقفت تعدل شعرها وأبتسمت بخبث
دخلت وهي رااسمه أبتساامه واسعه على فمهااا .. قالت بمرح مزيف : ياهلاااااا بالعرووووس الحلوه
ليلى كانت تعدل فستانها .. التفتت مستغربه من ابتساامه بيان .. بعدين قالت بأقتضااب وبرود وهي تتفحص كشخة بيان : هلا .. هلا بأخت زوجي الصغيره
دخلت بيان وسكرت الباب وتسندت عليه وعيونها فيها خبث : هلا فيك ياقلبي .. عسى جهزتي ؟
ليلى بتعالي تناظر نفسها بالمرايه : ايه جهزت بس نادي امي تقرأ علي .." كملت يوم شافت بيان ترفع حواجبها " قمر وتكرم وتوااضع ونزل يمشي على الأرض بينكم .. مو لازم احد يقرأ عليه ؟
بيان بأستهزاء مخفي ومرح بنفس الوقت : صااادقه .. قمر لووون شعره احمر ....
قربت من ليلى وبحركه مفاجأه حطت خدها على خد ليلى وناظرت المراايه بأبتسامه جانبيه : ياااربي تصدقين غطيتي علي !!!؟
زمت ليلى شفايفها بقهر واضح بعيونها : وش قصدك بهالحركه ..
بعدت بيان وجهها وهي تنظف خدهاا كأن شيء مقزز لمســه : لا مااقصد شيء .. بس كان ودي اطلع الفروق .. واكتشفت انه مافيه فرووق .. لان فرق السماء على الأرض " كملت بسرعه وهي تقلب عيونها على فوق " طبعاً معرووف من السمااء ومن الأرض ..
فتحت الباب وهي تكتم ضحكتهاا على وجه ليلى الي انقلب احمر
بس طلعت انفجرت بالضحك وهي تكش ليلى من الباب : ماااااالت هههههههههههه وش يحب فيها مدام القمر عنده ؟ " حطت يديها على فمها " وش جالسه اقول انا ؟!
أنتبهت ان الي سوته مو علشاان ليلى تزوجت سطام .. علشاان وليد كان يحب ليلى .. تبي تبين لنفسها ان ليلى مو منافستهااا
" وش سرر هالتصرفات يابياان "
قالتها وهي تعقد حواجبها بأستغرااب
سمعت صووت ليلى برى تقوول للكوافيره تنادي امها علشاان الزفه
تقدمت عند الدرج لما تطلع الكوافيره
اول ماشافتها طالعه أبتسمت وقالت : قوولي للعروس الحلوه .. امها تقول ان الزفه أبتدت
هزت الكوافيره راسها ودخلت تعلم ليلى
وبسرعة البررق راحت بيان تحت ومازال الخبث مرسووم على عيونها
أن ماطلعت قرونك اليوم ياليلى قبل ماتطلعين قروون اخوي ... ماكون انا بيــان ...!!


طلعت ليلى ووقفت أعلى الدرج تنتظر الأنوار تتطفى والموسيقى تبدأ
بالموت جرت فستانها الثقيــل .. وساعدتها الكوافيره بأقتضاب
ليلى بهمس : ويييين المصورات والمستخدمات الي المفروض يقومون بهالمهمه
هزت الكوافيره راسها بعدم معرفه ودخلت تااركه ليلى لوحدهااا
وقفت ليلى تهز رجلها بعصبيه .... معقووله كل عرووس تنتظر كذا ..!!!!!


بنفس الوقت قربت ام حمد من البنات وهي تسأل : ماحد راح لليلى وشاف اذا خلصت ولا ؟
بيان بسرعه : ايه يمه رحت لها تقول بعد نص ساااعه
ام حمد تناظر الساعه : الله يهديهااا تأخرت ..
تركتهم وبياان تدور بعيونها على ام ساامي
شافتها من راسها لرجولها لابسه ذهب وتتمايل فيه عند الطاولات
هزت راسها تستغفر ... امحق ام .. بدال ماتجلس مع بنتهااا وتشووف اذا تبي شيء .. جالسه تستعرض
دورت منى .. وشافتها نفس الحاااله ..
عايله غريبه جدا ..!!


بعد نص سااعه طفشت ليلى ودخلت الغرفه مره ثاانيه وهي معصبه وواصل حدها
العرووس بالعااده تعامل معامله خااصه والكل يهتم فيهاا
وهي ماحد داري عن هوا دارهاا .....!


راحت بياان فوووق ودخلت على ليلى وقالت مبااشره : تقولك امك بعد نص سااعه وقفي عند الدرج
ليلى بأنفعاال : تلعبوون انتم ؟؟؟
لعبت بيان بأصابعها بدلع : والله مادري عن امك .. اسأليها
طيرت ليلى يدها بعدم اهتمااام
ونزلت بياان وهي مبسووطه من أفكاارها
راحت لأم سامي وهمست بأذنهاا : تقولك ليلى شغلوا الزفه بتنزل
ناظرت ام سامي بيان من فوق لتحت بغرور : زيييين مابغت ؟!
راحت تقولهم يطفون اللمبات ويشغلون الأنوار الملونه
وبيان رفعت حواجبها وهي تنااظر ام ساامي كيف تمشي : عشتووو .... شوي شوي لايطيح ذهبك !!


أشتغلت الموسيقى بيبدأ الشعــر
وام حمد وام ليلى واقفين عند الدرج ينتظرون العرووس تشــرف
ركزوا بالأنواااار والكيمراات الي تطلع العرووس بالسينماا ... على الدررج
انتظــروا وانتظــروا ..
مافيــه احد ..!!!
تقدمت بياان وهي تمسك ضحكتهاا وأشرت على امها وام ساامي والبنات المستغربين : خلااص خليكم بروح اشوف وش سالفتهاا
صعدت بشوي شوي على الدرج وصورتها تطلع على السينماا
التفتت بدلال وأبتسامه تناظر غلا وساااره واسيل وبااقي البناات وباانت عيووونها أقرب بالسينمااا
صفرروا غلا وشجوون كأن بياان العرووس
والبنات صرخوا مع بعض خلوا منى تناظرهم بعصبيه بمعنى " أنطمـــوا "


اول ماوصلت بيان فووق
رجعت تنزل خطوتين وهي تأشر لأمها : شغلوا الشعــر
أشتــغل الشعــر
ودخلت بيان غرفة ليلى بسرعه : وش فيييييييك انتي يالله اشتغل الشعر !!
ليلى وقفت بخووف : وش هوو ؟؟ قلتي نص سااعه ماخذناا ربع سااعه
بيان تسوي نفسها مستعجله : يالللللللللللللللله قووومي مافيه وقت
حاولت تمشي بسرعه بس الفستاان ثقيــل وكانت بتطيح بس مسكت بالجداار .. ناظرت ليلى بيان معصبه : كنت بطيييح وانتي واااقفه تتفرجين يالأخت ..!!
بيان رفعت كتوفها بعدم أهتمام : مو مشـكلتي
ليلى بأنفعال : الله يااخذك ويفكــ ..
أشرت بيان بأصبعها بتهديد : هييي احترم نفسك والفااظك لا ارميك الحين مع فستاانك ودوري الي يقومك
تسمرت ليلى مكانها بوسط هالتهديد وهي تناظر بيان مو مصدقه : انتي شااربه شيء ؟
بيان دارت على نفسها وناظرت ليلى ببرائه : انتي شاايفه كذا ؟ " التفتت تناظر ورى بعدين قالت بأحبااط " ياحيااتي الشعــر خلص !!
صرخت ليلى مو قادره تكتم غيضها : والله لانتقم منننننننننك يابيااااااااااااان لااخلي حيااتك جحييييييم في جحيييييييم
ضحكت بيان بصووت عالي وطلعت من الغرفه .. لكن رجعت تطل برااسها وقالت بصووت كله ضحك : ليلى لاتهددين وانتي مو قد التهديد .. لأن اخااف تنقلب الأدوااار .. لأني .. ممممم خذت طبع زوجي وحبيب قلبي وصرررت " بأستهزاء " لاا أُقهَــر
ضربت ليلى برجلها الأرض : هيييييييييي انتي اصبررررررررري علي اصبررررررررررررري
تركتهاا بيان ونزلت من الدرج على آخر الشعر وكأنها العرووس
وقفت في نص الدرج ونااظرت الشاشه وهي ترفع أكتاافها وتمد شفايفها وترمش بأهدابها بدلع بمعنى " ماادري "
نزلت بالوقت الي حست ام سامي بنفسها وراحت تشووف بنتهااا
توجهت بيان لغلا ومسكتها من يدها وسحبتهاا
غلا : وجعيييييييه شوي شوي
بيان بأبتسامه من الخد للخد : تعااالي اعلمك وش سووويت .. تعااديت منك
غلا فهت : تعاديتي مني ؟؟؟


دخلت العرووس اخيرا وعادوا الشعر مره ثااانيه
ونظراات ام ساامي لبياان ماتبشـر بالخير
لكن هي طنشت ولا هتمت
وغلاا جلست نص سااعه تضحك
ضي وحلا شكوا بالموضوع بس نظرات بيان البريئه خلتهم يطردون هالشكوك


دخــل سطااام وبو حمد وسااامي
سطاام يمشي بهيبه وهدووء وأبتساامه هاديه
رصت ليلى على أسنانها وهي تناظره متوجه لها
مو هــذا الي تبـــي
تبي ولد عمتهااا وبتووووصله قررررررريب
وصل سطام وباسها على جبينها وجلس بدوون مايناظرهاا
رقص ساامي مع بو حمد شووي بعدين جلسوا جمب سطاااام
داار سامي بعيوونه على القااعه يدور شخص معيــن
يدووور عيووون معروووفه من بين كل العيوووون


في وســط القاااعه ..
غطت مرام عيونها تخفي دموووعهااا
ليــه دخل ..؟ ماكانت متوقعه انه يدخل
طووول زواجها ماكان قد المسؤليه .. ليـه الحين دخل بزواج اخته ؟!
حاااس انها أخته ولا دااخل علشاان شيء ثااني ؟؟
كرهتــه .. كرهت شووفته حتى
شووفتـه ترجع لهااا العذااب الي عااشتـه
قلبهاا جريح ينززف دم من مررر الخيااانه
مووو كااافي تضحك وتبتسم وتنسى كل شيء صاار لها
ترجع الحييين تشووفه ويرجع لهااا المااضي
وابوهااا بيرميها بعذااب ثااني !!
وقفــت باللحظه الي طااحت عيون ساامي عليهااا
نااظرته من بعيييد وهي حاسه انه يشوووفها كأنها جمبه
دااارت حول الطااوله وراااحت بعيييده عن ام متعب الي منتبهه لها وتراقبهااا بتوتر
دخلت قااعة العشااء تنتظر لما الرجاال يطلعون


:::::::

بالفنــدق
في جنااح وليد وبياان ..
بدلت بياان ملابسهااا في غرفة التبديل وهي حااسه ان جسمهااا منهد من هالدرج الي نزلت منه اكثر من خمس مراات
فكت تسريحتها ومشطت شعرهاا ولمته على فووق علشااان مايتشاابك
طلعت وشاافت وليد خلص تبديــل وتمدد على السرير بالعررض
ظلت تتأمله ثوااني وفجأه رفع راسه وهو رافع حاجب : اول مره تشوفيني
تضجرت خدودها من الحيااء ..
وجــع مو قصدها تتأمله بس كانت تفكـر بالأشيااء الخبيثه الي سوتها اليووم لليلى
لو يدري .... وش ممكن تكون ردة فعله ؟!
جاها فضووول قووي تبي تعرف
بس انكتمت وجلست على الكنبـه
قال وهو يرجع راسه على السرير : تعالي نوومي هنا مافيني نوم انا
" أيــه واكبر دليل انك منسدح بالعرض !! "
قالتها لنفسهاا وهي تلملم جسمها على الكنبه تبي تنووم
رجع يقوول : بياان تعالي هنااا
قالت وهي تغمض عيوونها بتعب : وليييد خلااص نووم .. وراااك بكره مشواار وانــ...
ماكملت لأنها ناامت
جلس وليد على طرف السرير وناظرها : لهالدرجه اليوم كان متعب ؟؟؟!
مالقى رد وعرف انها نامت جد
وقف وتمدد وعيونه عليهااا
قرب منها وهزها : بياان نمتي ؟
همهماات صدرت منهاا خلته يبتسـم وهو يحط يد تحت أكتاافهاا ويد تحت ركبتهاا
شالهااا بخفـه وحطها على السرير وغطاها
حط يديه على خصره يفكـر ويتأملهااا
سحبت البطانيه وغطت جسمهاا بالكااامل والتفتت على الجهه الثاانيه
تثااوب مو قاادر يقااوم النوووم
ورمى نفسه بقوووه جمبهااا


:::::


في فندق ثاااني ...
وبشـقه خااصه للمعاريس ..
طلعت ليلى بعد مابدلت فستاانهااا وهي تدور سطاام بالغرفه
زفرت بعصبيه وقالت بصوت خافت : وييينه هذا بعد ؟ وجع يوجعه ماكنه معررس باااااارد " سكتت تفكر بعدين كملت " لو انه وليــد كاان آآآآآآه ليله ولا كل الليالي
>>>>>> في ليلة زواجها وتفكـر برجال ثااني !!!
طلعت للصاله وشاافته جالس على الكنب يفكـر بوسط الصمت
قالت بـغنج ودلال : تفكــر فيني صح ؟؟؟؟؟
رفع راسه عاقد حواجبه بأستغراب بعدين قال بهدوء وهو يوقف : تقريباً
اختفت ابتسامتها وعلى طول رجعتهاا : ياحياااتي انت كنت داااريه !!
تمايلت قدامه وانحنت كانها تااخذ منديل
نااظر ملابسهاا بدهشه
وين حيااء العروس الي يسمع عنه ؟!
معقووله كله مجرد كلاام ؟!
تقدمت منه تلعب بالمنديل : ماقلت لي وش راايك بكشختي اليووم ؟
قال من غير اهتمام : حلوه
انقهرررررت من برووده
كان وده تمسك شعررره الكثييف وتقطعه ... وتصرخ باااااااااااااارد بااااارد ماابيك اكررررررهك انت مجرررد تسليه ومجرد وسيـله اوصل لهاا لوليييييد
تقدمت اكثر
أنتبه انها الصقت فيييه
تراجع خطوه وهو يحط يده على راسه ويناظرها على جمب : انا تعباان بنووم الحين تبين شيء
أبتسمت ابتساامه واسعه وحطت يدهاا على صدره : لا حتى انا تعبانه وابي انـ..
قاطعها وهو يدخل الغرفه : ناظري التلفزيون لحد مايجيك نووم انا تعباان ومنهد حيلي
سكر الباب ورااه وهي فتحت عيونهااا مو مصدقه
أشرت على الباب وقالت كأنها تكلم نفسها : نااام ؟؟؟؟؟ في ليلة زواجه نااام ؟؟؟؟؟؟ وسكر الباب بعد !!!؟؟؟ باقي بس يقفله ونكمل !!!
قطعت المنديل بيدهاااا وهي معصبه .. ماااااااالت عليك .. ززززفت
اصبررررررر علييي
مو بس بعذب اختك النسرررره
حتى انت بخليييك تتعذب ياااا ... يااا... ياااااااا...
مالقت كلمه ..وضربت برجولها الأرض بسرعه
كأنها طفله عمرها سنتين او ثلاث اذا ماقدرت تحصل على الي تبيه ماعندها الا هالطريقه !!


:::::::


مرر الأسبووع بشكــل عاادي
أصحااب الجامعات يشترون ملابس للجامعه ويأكدون تسجيـل موادهم
واصحااب المداارس منتشرين بالمكااتب يشتروون ادوات المدرسه والشنط


الأربعااء .. السااعه 4 الفجــر ..
في بيت بو وليــد
كانت بياان جالسه بغرفتها مسنتره على موقع جامعة الملك فيـصل
تشووف الموااد الي سجلتهم لهااا ضي
وبأذنها اليمين التلفوون .. صرررخت فجأه : فيزياااااااااء !!! فيزيااااء !!! انا ادررررس فيزياااء ؟؟؟ تتخيلين ياضي هالشيء ؟؟؟
مسكت ضي ضحكتها وقالت بصووت حاولت تخليه عادي : وش فيها يعني ؟
بيان بأنفعال : وشلون يعني وش فيها ؟؟ انا اكره شيء اسمه فيزياء واستحملته ثلاث سنوات علشاان حلمي !! أي شيء فيه طب ... أي شيء يخيليني .. يخليني ...
سكتت مو عارفه كيف تعبر
ضي ماقدرت تمسك نفسها اكثر وأنفجرت ضحك
بيان بأستغراب : قايله نكته انا ؟؟
ضي بصوت متقطع : هههههههههههههههههههههه لو ههههههههه تسمعين صوتك كيف هههههههههههه تحففففففه ههههههههه مأسآآآه هههههههههههههه
بيان بهدوء : يعني هذا شيء يضحك ؟؟؟ ضــي ... ماادري وش الي منعني اني اقوول لأبوي يرجعني للطب التطبيقي !!
ضي وهي تمسح دموعها : لأنك ياحلوه عارفه ان زوجك مو موافق .. وابوي مدامه درى ان وليد هو الي حولك ماراح يحولك ولا بعد مليون سنه فـ ليش تتعبين نفسك ؟
بيان تنهدت : يالييييل ابيها عون تنقلب فرعوون
ضي : هههههههههههه ياحيااتي انتي .. يازييييين العلووم ترى حلوو
بيان صرخت : حلووو بعين العدوووو ... انتي داخله انجليزي وش ورااك ؟؟
ضي بفخر : انا ادبيــه ياقلبي أحــم
بيان تكش السماعه : كش كش مالت على عدوك قال ايه ادبيه انا علميـه
ضي : ههههههههههه بنتهاوش يعني
بيان بملل : شكلنااا .. اووووفف ضي ...
ضي بطولة بال : ياااااااااانعم ..
بيان بتفكير : تراه حطم حلم حيااتي .. وكل تعبي بالمدرسه راح على الفااضي
ضي : مو على الفااضي تعلمتي ودرستي .. وفووق هذا كل الـمُـعلمات والطالباات عرفووك بالطالبه المتميزه .. معقووله ماستفدتي شيء ؟
بيان مو معي ضي تاابعت تفكيرها : ضي انا اقصد .. ممممم المفرووض اكرهه اكثر
كانت بترد ضي ... بس سكتت وهي ترجع كلاام بيان في بالها " المفروض اكرهه !!! "
ضي بلهفه : يعني ماكرهتيه ؟؟؟ تحبينه ؟؟؟
بيان بأستغراب أشرت على نفسها كأن ضي تشوفها : أنــا ؟؟ أحبــه ؟؟؟ انتي هبــله ولا تستهبليـن ؟؟
ضي بمرح : لا اتوقع ممممم استهبل افضل من هبله صح ؟؟
بيان بعصبيه : ضووووويوووو مو وقتك ... وش احبه انتي ووجهك .. مممممم " بأعترااف " صرت اميل له صح .. يمكن .. لأنه حنوون
ضي : ياعييييييني حنووون .... تصدقين بياان كل رجاال قووي الشخصيييه لازم يصيير حنون
بيان بلهجه خبيثه : الحين دوري اقول ياعييييييييني .. يعني فهووود الحبوووب حنون ... هاهاها صدتك
ضي بخجل : مااالت عليك ... بتقلبينها علي الحين
بيان بفضوول : ضي ضي ضي ... صدق صدق ماقلتي لي اخباارك معه .. رااح الخجل منك ؟؟
ضي بأحبااط : اسكتي .... مسوي لي عقده هالخجل .. يا أختي اخطط اني اسوولف معه ولا استحي كثير ومن اشووفه ولا اسمع صوووته ينقلب حاالي فووق تحت
بيان : هههههههههههههه يعني مو بس يوم الملكه هههههههههههه
ضي سوت نفسها معصبه : هي لاتضحكين علي .. وش اسوي اذا كان من طبعي أني خجووله ؟!
بيان تذكرت شكل ضي يوم الملكه رفضت تدخل على فهد .. وبعد حنـه من خواتهاا والبنات دخلت خمس دقايق وهي واقفه وطلعت : ههههههههه وربي شكلك يوم الملكه يجنننن تمنيت اصورك مبااشره اول ماطلعتي من عنده
ضي حمرت خدودها يوم تذكرت شكلها وهي طالعه : والله فشيله عند البنات صدمت بالجداار اظنه الدرج
بيان انسدحت من الضحك : ههههههههههههههههههههههههه
فتح بهالوقت وليد الباب وهو فاتح عيونه بأستغرااب من الضحك : وش عندك آنسه بيان .. صوتك واصلني ؟؟
جلست بسرعه على السرير متفشله وقالت بتلعثم وهي تعدل شعرها : سوري ماكنت اقصد ... بس .... بس ... ايه ضي قاايله نكته ... " بسرررعه " تبي تسمعهااا ؟؟؟
ضي بصراخ : وجععععععععععع بياااااااااانووه لاتفضحيييييني يالكذااابه
بيان تسد السماعه : هههه ... استحت ضي
تسند وليد على الباب مبسووط على شكل وجهها المحمر
قالت وهي تنزل عيونها تحت : وش فيك ؟؟ خلااص اوعدك اوطي صووتي " رفعت عيونها تترجاه يطلع " خلااااص وليييد
وليد وهو متكتف : عاجبك اسمي ؟
عضت شفايفها مقهوره منه وقالت بعفويه : ولييييييـ... " سكتت قبل ماتكمل اسمه " خلااص بوطي صووتي قلت لك
ابتسم وطلع وهو يسكر الباب
خذت نفس قوووي ورجعت السماعه بأذنها : الووو
ضي : ههههههههههههههههههههههههه ياحيااااتي انتي .. ضحكتي علي ودووري اضحك عليك ههههههههههه عسى ماصدمتي بالجداار ؟
بيان : تبـــنه انطمي !!
ضي : ههههههههههه الا تعالي وش فيك ذاك اليوم .. يوم جينا نرجع الخبر .. وجهك محمر هههههههه اعترفي وش سويتي
بيان : افكااركم دايم غلط انتم ؟؟؟
ابتسمت لنفسها وهي تتذكر صرختهاا اول ماشافت وليد جمبهاااا
مسكييين يحسب حراامي داخل عليهم
بيان : ههههههههههه كان شكله تحفه وهو ينط من السرير يدور الحرامي
ضي مافهمت : ميين ؟ أي حرامي ؟؟
بيان أنتبهت انها تكلمت بصوت عالي : احم .. ولا شيء مالك دخل .. ايه ماقلتي لي عن السيد فهد ..
ضي تقلدها : احم مالك دخل ... " تنهدت غصب عنهاا على طاري اسمه " آآه يااقلبي بس
بيان بحالميه : وآآآآو أثر الحب صدق !!
ضي بعفويه : حتى وانتي تحبين مازلتي تشوفين ان الحب بالأفلام بس ؟؟
بيان بعصبيه : وش احب ؟؟؟ اقوووولك مااحبه .. ياوييييييلي اميييل له بس
ضي بفخر : مابعد الميلان الا الحب
بيان : تكفيين انتي والميلاان .. صارت دائره مو شعوور ..
ضي : متى بتعقلين وتصدقين كلامي .. كلها كم اسبووع وبتطيحين من فوقك لتحتك بحبه .. وليد ينحب غصب
بيان بأستهزاء : قاابليني هــه ...
ضي بجديه : اخبااره معك ؟
بيان : مممممم هالأسبووع مااشوفه الا على الغداء والعشااء واذا تجمعوا كلهم يتقهووون
ضي : وتعاملك معه ؟؟؟
بيان بسخريه : ماسألتي تعامله معي ؟
ضي : البلااء منك مو منه
بيان : أترفـــع عن الـــرد !!
ضي : تررررفعي .. بس جااوبي كيف معاملتك له
بيان : معاملتي له مثل تعامله معي .. وتعامله معي مثل تعاملي معه...ومعـ
ضي تقاطعها : بيااان مااستهبل
بيان ببرائه : وانا مااستهبــل .. تعاامل متباادل مثل مايقولون ... يضحك معي واضحك معه .. يبتسم لي وابتسم له .. يكشر في وجهي اكشر بوجهه
ضي : لا زييين عقلتي .. او نقوول بديتي تعقلين .. اذا شلتي كلمة " تكشير " قولي لي علشاان اقول عقلتي
بيان : هـه ماتضحك
سكرت منها بعد مضاربااات وهي تبتسم : ياااحبي لضي تووسع الصدر ... ياحظي مدامها اختي ..
تمددت بملل ..... صاحيه اليوم من النوم مبكـر .. وش تسووي على مايقومون ..؟؟
نطت من السرير بسرعه بترووح تقووم اسيل من نوومها وتسووي ازعااج فوق راسها
ماتدري وش فيها صاايره نذله هالأياام ..
ناظرت بشكلهااا قبـل ماتطلع ..
وجهها ماتغيــر تبيه يسمن شووي ... مو حلوو الضعف عليهااا
تنهدت بألم ماتدري من وين طلع
طلعت وناظرت في غرفة وليد
" ليييه اناظر غرفته ؟؟ يعني اتمنى يطلع مثلاً ؟؟ "
سألت نفسها وهي مستغربه من تصرفاتها هاليومين
تحس بشوووق له وهو بالشغــل .. حتى وهو بمكتـبه الي في الدوور الثالث
بدت تغيـر من هالمكتبه الي مسنتر فيها 24 ساعــه
هزت راسها تطرد هالأفكاار " الساامه " بالنسبه لهااا .. وطلعت من الجنااح حقهم
دقت باب أسيــل بخفه اول شيء علشان ماتتروع
وأستغربت يوم سمعت صوت أسيل : مييين
بيان بأستغراب : اسيل صااحيه ؟؟
فتحت اسيل الباب بسرعه وابتسمت : صباح الورد .. ايه صااحيييه وش فيك مستغربه ؟؟ جايه لي وتستغربين اني صااحيه
ابتسمت وقالت بأعترااف : كنت نااويه اسوي قلق فوق رااسك
أسيل سحبتها داخل الغرفه : يانذللللله من طالعه عليه انتي
بيان تناظر شعر أسيل الي منتفش : طالعه على بنت خالو غلوو .. وش فيك كشتك قاايمه ؟؟ مشطيها خخخخ
ضربتها على كتفها : وجع .. توني قايمه لي نص سااعه لساا مامشطت شعري حتى
بيان : غرريبه قمتي
حمر وجه اسيل
بيان : يالييييل العيله كلها مصاابه بمرض احمرار الخدود
اسيل : ههههههههههههه يقطع شرك .. احمرار الخدود اجل هههههه
جلست بيان على السرير : اجل وش فيك احمروا خدودك
اسيل وهي تمشط شعرها قدام المرايه : قوومني صوت الجوال
بيان بخبث : مييين هااه ؟؟
أسيل بتلعثم : مي...ن ..ي..ـعني
بيان تأشر على مكان جمبها : تعاالي ماعلمتيني يوم دخلتي عليه وش سوا
أسيل أشرت على راسها : يالله صباااح خييير تو النااس
بيان : مالت عليك متى انا انفردت فيك غير ذااك اليوم
التفتت اسيل عليها : وش سالفتك مع غرفتك فيها أسرار ولا تشمين ريحة الغالي خخخ
فتحت بيان عيونها وحط يديها على خدودها بتلقائيه : اسيلووه وش ذا الكلام
اسيل : هههههههه مين الي حمر خدوده الحييين ؟
بيان رفعت خشمها : انتي وضي ماتستاهلون احد يحاكيكم
قربت أسيل وجلست جمب بيان : هههههههههه آآم سووري
بيان : زييين بس علميني كييف دخلتي ووش سويتي ووش سوى وو..
اسيل : بل بل شوي شوي ياختي !!
بيان تكتفت : كلي آذان صاغيه
رجعت أسيل بذااكرتها لذاك اليوم وهي تحكي لبياان الي صاار


دخلت أسيـل وهي ترتجف وخاالد قدامها يحثهاا تمشي
نزلت راسها اول مادخلت من غير ماتنااظر زيااد وقالت بهمس خافت : السلام عليكم
وقف زيااد وهو مبتسم .. وقال بصوت عالي عكس أسيل : وعليكم السلام
خالد بأبتساامه : الله يووفقكم ياارب .. وهذه العرووس وصلت
بلعت اسيل ريقهااا وخالد يجلسهاا على الكنبه
خالد : تحمل زيااد بس لاازم امشيها واجلسها و " رفع راسها بيده " ارفع راسها .. ولا ماراح تسوي هي شيء
ناظرت خالد بخووف تترجاه مايتركها
خالد : خمس دقايق وانا رااجع
توجه للباب ودخل وليـد بنفس الوقت وهو يقول : وانا بنتظرك بـ هالخمس دقايق !!
ناظره خالد بأستغراب
وزياد سدد نظرات غامضه تجااه وليد
أبتسم له وليد ببرود وجلس جمبـه : تفضـل سولف مع العروس ماراح اقطع عليكم شيء مجرد شاهد عياان
زياد بهدوء : من حقي اجلس معها لوحدي ولا ؟
وليد بأبتسامه : راح تشبع منها لـ تزوجتها .... " بأستهزاء " أأكد لك
ضوق زياد عيونه وهو يناظر وليد .. الظاااهر حمااسه للأنتقام نسااه ان عند أسيل أخوين كل واحد شخصيته اقوى من الثااني
ومو سهــل انهزامهم ...!!
التفت على اسيل متجاهل وليد وابتسم لها : كيف حالك اسيل ؟
ردت بتعلثم وصووت بالموت ينسمع : ال..حم...د..لله
سأل زياد بسخريه مخفيه : مرتااحه ؟
هزت اسيل راسها وهي تمنع دموعها الي لها فتره تنزل من غير سبب
حس ولييد فيها ووقف بسرعه يوقفها : اعذرني زيااد ... بدخلها وبرجع اقوولك عن شيء لازم تعرفه
وقف زياد مستغرب وهو يشوف دموعها بدت تسيل : وش فيهاا ؟؟
وليد : راح اعلمك .. بس انتظر بدخلها
مسكها من أكتاافها وهو يحاول يهديها ويسمي عليها بحنان
عقد زياد حواجبه .. هذا وهو لساا ماتزوجها بكت !!!! اجل لتزوجها وعمل الي مخطط له وش بتسوي هذه ؟؟؟


أسيل تختم كلامها : وبكذاا طلعني وليييد علشان ما أبدأ موجة الدمووع عند المعرس المسكين هههههه
بيان : تكفيين حاصل له وحده مثل اسووله بنت عموو ؟
اسيل : احم من ذووقك يااامرت خيوو ..
بيان : الحين خلااص مافيه دموع
أسيل بأبتسامه : الحمدلله .. لي اسبووع الحين بعد القرااءه مرتااحه
بيان : الحمدللله


::::


لو
ـآدرٍي إنْـكـّ || مرافقني || لـ حَ ـآجْـه
لـ عطيكـ حاجتكـ واقول
فَـآرِقْـنِـيٌ
......... فَـآرقْـنِـيٌ
.................. فَـآرقْـنِـيٌ ~


في لوس انجلوس .. العصــر ..
قلبت ليلى الفستان بين يديها وهي تزفر
اخيراً جابها السوووق
يقااله مهتمه بالأماااكن الي يوديها ويعلمها عنهم ..!!
هي ماتحب الا المطعم لبطنهاا .. ولا السووق ..
وهو توه في آخر سفرهم يجيبها هنا
وش تاااخذ وش تخلي
هي مخططه تفلسه على الصفررررر
ومدامه ماجابها السوق طول هالمده .. لازم تنفذ هالتخطيط اليووم
شاالت كل شيء شافته قدامها .. مقاسها ولا مو مقاسها .. تحتاجه ولا ماتحتاجه .. المهم تخسسسره
عدلت عباتها الي على الكتف وهي ودها تشققهاا
بالسـفر ويقولها تحجبي ولبسي عبااه
خير ان شاء الله يحسبها من بدووو الأول
هي متحضررره مو مثله جايها من العصر الحجري !!
ماالت عليه ياليت عمااره تطيح فووقه وتفتك منه
خلصت من الملاابس وودتهم للمحاسبه .. والمحااسب مو مصدق ان كل الأكيااس لها
خلتهم مكانهم ونادت سطام الي واقف في محل التحف الي مقاابل محل الملابس
التفت سطام بعدين رجع يناظر التحفه متجاهلها
وش سالفته هذا يكرهها وهي لساا ماسوت شيء !!!
دفع فلووس لصااحب محل التحف وشال بيده كيس فيه عدد من التحف الي عجبته
جاها وقال بهدوء : خلصتي ؟
ليلى بقهرر : اييه باقي الحساااب والأكيااس تشيلهم
لوى فمه بأستغراب : أشيلهم ؟ لييه مافيه عامل يشيلهم
ليلى بحقد وعصبيه : طيب ادفع
تجاهل عصبيتهاا وقال : مااحب صيغة الأمر .. الفلووس الي عطيتك قبل مانجي وينها ؟؟
ليلى فتحت عيونها : هذه فلووسي !!
سطام : على عيني وعلى راسي .. بس انتي حملتي السوق كله " أشر برااسه على الأكيااس الي الكل يطالع فيهم مستغرب " وانتي الي بتدفعين ثلاث اربااعهم
زمت شفايفها بحقد : طيب قووله كم الحسااب ترى مااعرف عنقليزي
سطام : عسااك تعرفين عربي
ليلى : وش هوووووو ؟؟؟
سطام وهو يمر من عندها : كنت امزح وش فيك ؟
ضمت يدينها على شكل قبضه وهي تبي تضرربه ماتوقعت شخصيتة قوويه ابد .. توقعت رجاال تأمر وهو يهز راسه ويقوول سمعاً وطااعه ياسيدتي !!!!
رجع لها وقالها الحسااب وشهقت : هذا مايجي ربع الفلوس الي عندي
سطام هز أكتاافه بهدوء : عاادي الفلوس الي بعطيك اياهم بالأيام الجايه ماراح اعطيك اياهم لما تسددين ثلاث اربااع قيمتهم
ليلى بسرعه : بس هذا حرااام و..
سطام يقاطعها وهو يأشر على العامل علشاان ياخذ الأكيااس : لاتقولين حرام !! انتي شريتي كميه اول مره اشووف احد يشتري مثلها من محل واحد وتحملي ..
ليلى بأنفعال : بس انت تاجر
ناظرها وهو رافع حاجب : تاجر ؟؟ عفواً ؟؟؟
ليلى بسرعه : اقصد عندك شركه كبيييره تناافس كل تجااار السعوديـ..
قاطعها بهدوء : الشركه .. شركة ابووي .. ومدام راس ابوي يشم الهواء .. الله يطول لنا بعمره , ماراح المس ريال واحد فيها .. انتي متزوجه مدرس .. فاهمه ؟؟؟ مو دكتور .. تذكري هالشيء
تركها وهو يتوجه للسياره الي أستأجرها يفتح الشنطه علشان يحط العامل الأغرااض
ليلى كانت متسمره مو مصدقه الي سمعته ... مدرس ؟؟؟ هي آخر عمرها تاخذ مدرس ؟؟ كانت تظن انه ياخذ من فلووس الشركه
وووووينك ياولييييد وينك يالمهندس يالي حلمت فيك .. بالنهاييه يبيها تعتمد على راتب التدريس ؟؟؟
أنا ليلى مو أي وحده ...!!!
راحت بأقتضاب ودفعت الي عندهااا
وسطام دفع البااقي وعلى فمه أبتساامه هاديه وكأنه يستهزأ فيها
دخلوا محل هدايا يشترون لأهلهم
وليلى داارت كل المحل وهي كل ماجات تشتري شيء تناظر سعره قبــل .. اذا غالي ماتاخذه
التفتت بتناظر القسم الثاني وبيدها مجموعة أغرااض
صدمـت ببنت لفت بنفس الوقت معهاا
طاحت اغرااضها واغرااض البنت وصرخوا مع بعض : وعمـــى
ناظرت ليلى بالبنت الي لاابسه بنطلون جنز ضيق وبلوزه كت رصاصيه وشعرها مميـش وعامله فيه يوفي
قالت ليلى وهي تأشر عليها : عرفتك .. شايفتك من قبــل
تأففت البنت وقالت : ماقلتي شيء جديد , فيه احد مايعرف هيفااء ؟؟
ليلى بأستنكار : هيفاء ؟؟ وين سمعت اسمك فيييه
هيفاء وهي تأشر على خدامه معهم : تعالي شيلي أغراضي " التفتت على ليلى " اذا ماخابت ذاكرتي مره صدمت فيك بزواج السـ,,,,
ليلى : ايه في زواج ولد عمتي
رفعت هيفاء حواجبها : يعني انتي من السـ,,,, ؟؟
ليلى بأستهزاء : لا .. زوجي منهم ..
سكتت هيفاء وهي تناظر الخدامه تشيل اغرااضها ورفعت عيونها تتأمل ليلى .. هي تبي تتعرف على كل شخص يقرب لهالعيله
قالت بأبتسامه واسعه : يشررفني اتعرف عليك .. والظااهر الصدفه للمره الثانيه تجمع بيننا .. حتى لو كان موقفنا عدواني !
تأملت ليلى في ملابس هيفاء .. شكلها بنت عز وهي تبي تتعرف على هالأشكال : وانا يشرفني بعد
ظلوا يسولفون وكل وحده خذت رقم الثاانيه

" الطيـــور على أشكالها تقــع !! "


::::::


دخلــت مرام الصاله مع فيــصل الي شاايل أغرااض بيده
نطت ساره من على الكنب تناظر الأكيااس الي حطهم فيـصل عند الدرج : وش ذاا ؟
فيـصل : بلا لقاافه ..
ساره التفتت على مرام : مرمر وش ذا ؟؟
أبتسمت مرام : هدايا
ساره بأبتسامه عريضه : لي ؟؟
مرام : هههههههههه لا مو لك " التفتت تدور بالصاله " وين فارس وريم ؟؟
ساره برطمت : في غرفتهم ..
ماكملت جملتها الا فارس وريم نازلين يتسابقون وضموا مرام مع بعض : هلااا مراااام جييييتي ؟؟
مرام ضحكت عليهم : ههههههههه ايه جيت .. ترى اليوم موعدناا ؟؟
فارس وريم مع بعض : ندرررري
فيـصل : مدام الدعوه فيها هدايا أكيد ماراح ينسوون
أبتسمت مرام وشالت الأكيااس بتوديهم غرفتها
فيصل : خليهم انا اوديهم
مرام تسحبهم : لا فيصل خلهم انا ابي اطلعهم
فارس وريم ناظروا الأكيااس .. رفع فارس راسه وقال لمرام : ياهلا والله بالحامل والمحمول .. متى نبدأ ؟
مرام : الحين بطلعهم وخمس دقايق وتعالوا ..
أبتسم لها فيصل : الله يجزاك خير
مرام وهي تطلع الدرج : ويااك فصوول
فيصل : احم تدلعني
سااره الي متكتفه وتتابع بصمت : يعني ماراح تقولون لي وش سالفة الهدايا ؟؟
الكل : لاااااا
ساره التفت تجلس على الكنب : احسسسسن
بعد اقل من خمس دقايق طاروا فارس وريم لغرفة مرام
وهم يدفون بعض كل واحد يبي يدخل قبل
طلع فهد مستغرب من ربشتهم : وش عندكم توم وجيري ؟؟
فارس : ابعععدي يالعصلااا
ريم : ابعد انت يالدب القطبي
فهد بأستغراب : غريبه ريم تتهاوش وتدف ... وش صااير ؟
فتحت مرام الباب تبتسم لهم : تفضلوووا
فهد باقي شوي يقطع شعره من الفضوول : وش فيهم ؟؟
مسكت مرام ضحكتها على شكله : روح لسااره تقولك
دخلت وانفجروا ثلاثتهم بالضحك ..
بعد ماهدوا جلست مرام على السرير عند الهدايا الي صاافتهم : يالله من ابدأ فيه
تكلموا مع بعض
ريم : الصغير اول
فارس : الكبير اول
مرام بأبتسامه : الي حافظ اكثر اول
فارس بأبتسامه واسعه : حفــظت 6 أجزاااء ..
ريم بأنتصاار : انا 8 أجزااء
فارس فتح عيونه : ووول توقعت انك جزئين وكثير علي .. وش ذا العقل عمرك 10 سنوات ووجع
مرام بعتب لفارس : فاارس !! قول ماشاء الله .. حتى حفظ القرااء فيها ول ؟؟
فارس أستحى : مشاء الله كنت امزح
مرام بأبتسامة تسامح : خلااص مسموح .. وترى الحفظ مايهم العمر .. لكم فتره طويله وانتوا تحفظون حلووو 8 اجزاء و6 اجزاء فيه تقدم ان شاء الله .. اذا حفظتوا الشهر الجاي خمس اجزاء والي بعده خمسه .. لحد ماتختمون القرآن
ريم عدلت جلستها : يالله نبدأ
مرام : اول شيء انتوا حفظتوا علشان الهدايا ولا عشان ربكم ؟؟
فارس وريم : ربناا طبعاً
مرام أبتسمت : ايه طمنتونتي يالله بسم الله نبدأ ..
فتحت القرآآن وبدت تسمع لهم
تحت ... فهد سأل سااره الي علمته انها ماتعرف
فهد : يعني يستهزئون فيني ؟؟
ساره تفوره : انت رئيس الشرطه يستهزئون فيك ؟؟ وربي عيييب عيييب .. لو اني منك رحت كسرت الباب فوق راسهم
فهد رفع حاجب : ياشيخه ؟؟ " زفر يخوفها " يالله بس
تروعت وتكورت على نفسها
أبتسم فهد بأنتصار : يطلع اذا سأل احد عني قوولي عنده مشواار
ساره : زييييين
طلع ومدت لسانها له
طل براسه وهو يرفع حواجبه : ترى شفتك
ساره رجعت تتكور على نفسها : بسم الله ....


:::::


وَقْفَةْ !
فَقَطْ لَوْ تَعْرِفْ !
أَنّ دُمُوعكْ تُبْكيني ..
لَذَهَبَتْ الدُمُوع عَنْ عَيْنَآكْ !
وَلَوْ تَعْرِفْ أَنّ حُزنكَ يُشْقيني ..
لَهَجَرَ الحُزنَ قَلبكْ !
وَلَوْ تَعْرِفْ أَنّ ابتِسَآمَتكْ تُحْييني ..
لَمَآ فَآرَقَتْ البَسْمَةُ مُحَيّآكْ !
وَلَوْ تَعْرِفْ أَنّ فَرْحَتُكْ تُسْعدني ..
لَمَآ ابْتَعَدَ عَنْكَ فَرَحُكْ !


الخميــس .. السااعه 3 الفجــر ..
جهزت حلاا أغرااضها وحطتهم عند الباب .. ناظرت الساعه .. حمد قالها الساعه 3 تكونين جاهزه !!
راحت غرفتها بسرعه تشوف اذا ثامر محتااج شيء
شافتـه منسدح على السرير ومركز بعيونه على السقف
تنحنحت بمرح : لساا مارحت وتفكر فيني ؟
أبتسم بهدوء : تصدقين ... افكر فيك !!
حلا : أحــم من قــدي .. ثامر بكبره يفكر فيني
ثامر : وهو فيه احد بحياتي غيرك افكر فيه ؟
جلست جمبه على السرير تتأمله وهي مبتسمه .. مسكت يده : ثاامر ... متأكد أن عاادي ارووح عنك ؟؟
ثامر : ياحلاا كم مره قلت لك عاادي .. ترى كلها لحد المغرب مو شهر ..
حلا : ايه بس ترى مايهمني اروح ولا مااروح .. انا سعادتي جمبك و..
ثامر : حلااا !!
تنهدت حلا : شكلك تبي الفكه مني
ثامر أبتسم : أفاا ماتوقعتها منك .. بس ابيك تنبسطين
حلا بهمس : مهماا رحت .. في أي مكان .. لو آخر العالم .. مافي شيء يسعدني الا قربك
توتر وجه ثامر وهو يقول : حلا .... ابي ... أسألك
حلا وهي تتأمل عيونه : سم ..
ثامر : سم الله عدوك ... بس حبيت اسأل لو فكرت أتعالج في بإيطاليا...
حلا بفرحه مو مصدقه قاطعته بسرعه : برووح معك ثاامر .. برووح معك وين ماتروح
أبتسم ثامر : مااقصد كذا .. أقصد لو مافيه علااج لحالتي .. راح ... تظلين معي ؟
فتحت فمها مو مصدقه ..
وانحنت تمسك وجهه بين يديها : ثاامر .. انا بظل معك لآآخر نفس في حيااتي .. ماحد راح ياخذني عنك الا الله .. كم مره اقوولها لك ياثامر؟
تنهد ثامر براحه : عارف .. بس كل مره احب اتأكد
حلا بمرح : تدلع علي من قدك !!
ضحك ثامر وسأل : وين الشاايب ؟
حلا : حراام عليك شاايب وهو عمره 5 سنوات ..
ثامر : يعني واحد طايحه ثلاث اربااع اسنانه وش يسمى ؟
ضربته حلا على كتفه وهي تنسدح بالعرض وتسند راسها على بطنه : ناايم ياقلبي قلبه .. بخلي حمد يشيله .. اذا وصلنا قومته
ثامر : طيب ليه تروحون من الحين ..؟
حلا : تدري مخيم عمي محمد يبعد عنا ساعتين .. يعني مانوصل الا الساعه خمس .. ونرجع عند المغرب ..
ثامر : اها اجل حلوو توقيتكم ..
دق حمد وجلست حلا بسرعه بتلبس عباتها
ثامر : يالله توصلون بالسلامه .. دقي علي لاوصلتوا
حلا : راح تعرف لاوصلنا
ثامر بأستغراب : كيف ؟؟
حلا بحالميه : لانك سااكن في وسط عيوني .. وراح تشووف اننا وصلنا
ضحك ثامر : الحين مره بقلبك مره بعيونك وين بالضبط ابي افهم ؟؟
التفت حلا بمرح وهي تصفق وتدندن : يسألني مكانه وين ؟ جوا القلب ولا العين ؟ مادرى حبيب الروح انه ساكن الأثنين !! أنه ساكن الأثنين يسألني حبيبي وين ؟؟
ثامر حط يده على قلبه : ياويييل قلبي انقلبت حلاوتي فنانه ..
حلا تكمل وهي ترقص وتلبس عباتها : احبه حب هالكني .. سكن فيني تملكني .. انا لو اتركه لحظه .. لحظــه .. احس الروح تتركني .. احس الروح تتركني ..يسألني مكانه وين ؟
ثامر : والله ياخوفي ما ألقى مكان لأن حمد بيذبحك
ضحكت حلا : لا لاتخاف اخوي مايعصب بسرعه
باسته على جبينه وطلعت وهي تتوعده : ياويييلك لومافكرت فيني
ثامر : ابشري ههههههههه

:::::


وصلـوا كلهم مع بعــض تقريباً لمخيم بو متــعب
نزلت بيان من سياارة وليد المرسيدس الجديده وهي تسأل : الا ماقلت لي ليه خذت هالسيااره ؟
وليد وهو داخل السيااره يلبس نظارته : ماعجبتك ؟
بيان : الاه عجبتني بس احب ذيك السيااره لأنها اصغر
أبتسم وليد وهو يطلع : هذه حقة البرر والتفحيط
نطت بيان متونسه : بنفحط ؟؟
وليد : اششش وش فيك تناقزين فيه رجاال
مدت بيان لسانها من تحت الغطاء بشقاوه : ابي افحط
دفها بخفه من كتفها : امشي بعد الغدااء اخليك تفحطين
طاارت من الفرحه وراحت لمخيم الحريم الي وصلوا قبلهم بخمس دقايق
دخلت عليهم وهو يطلعون الأغرااض من السلال والكيس
صرخوا البنات وقاموا يسلمون : بيااان
بيان : وناااسه الجووو مافيه رطووبه .. والهواء باارد
سلمت على امها وباقي الحريم ورجعت تلف على امها : يمـه متى بترجع جدتي من الرياااض !!؟
ام متعب : اشوف الزواج مانسااك جدتك ؟
بيان بلوم : خالتي وش ينسيني جدتي ؟؟ هذه الغاليــه
ام وليد : بتجي بعد اسبوعين او ثلاث
بيان : كثيييير
سحبتها غلا : تعالي بيانوه بوريك الي جبنا انا وشجون
بيان : انتوا الثنتين اخاف منكم صراحه
شجون : يوووه شتخافين منا صبري انتي شووفي قبل
طلعوا ادوات الحفر وصنع الجبل حقت الأطفال
فهت بيان وهي تقول : هذه لمين ..؟ لريهام ؟؟
ضربتها غلا على راسها بدفاشه : هذه لنا بنصنع جباال
مسحت بيان على راسها معصبه وهي تروح : بزارين
شجون وغلا : مااااالت


عند الرجااال
ناظر فهد بأشكال الرجاال وهو يبتسم ورجع يناظر وليد : تحس بالأنتماء وليد صح ؟
وليد وهو يشـيل كيس الفحم من السياره : أنتماء ؟؟ مافهمت ..
حمد : لا اتوقع انك فهمت .. انت اذكى من انك ماتفهم
حط الكيس على الأرض وهو ينفض يديه : اخلصوا علي وش تقصدون
مسك فهد ضحكته وهو يأشر على الشباب والرجال : شووف كلنا لابسين بدل .. يعني تحس انك .. في ..
دفــه وليد وكأنه بيتهاوش معه : اقووول كأنك ماسكها علي .. كأني مو ولد السعوديه
مشاري: كأن هوشه بتقوم هنا ؟؟
يعقوب : يبيها من الله ذاا !!
مشاري : افاا انا ؟؟
فيصل : ههههههه عاد فهد ووليد مااتوقع
فهد وليد : اللهم صل على محمد
فهد : بكره بنتهاوش وليد
وليد : ايه بترجع البيت وجهك مشوه
فهد رافع حاجب : واثق يالأخوو ؟؟
وليد : اكيد واثق مايبي لها حلين
تربع مشاري على الطعس وهو يصفق : الظااهر العين ماتصبر لبكره
الكل : ههههههههههههههه
بو متعب يبتسم ويناظر بو وليد : ليت الشباب يعود يوماً
فهد بمرح : معترف بو متعب انه شايب !!
بو متعب بأستنكار : انا ؟؟؟ اقوى من الحصاان يكون في علمك
صفر مشااري : عمي .. صدقني افتخر انك عمي .. وابيك تصير عمي مره ثانيه
ماحد فهم على مشااري طبعاً وظلوا يتمازحون ..


غلا : بيسوون لنا تنوور على الغدااء
روابي : وانتي ماهمك الا البلع ؟؟
غلا : ماشاء الله تباارك الله
شجون : صااجه روابي مابعد نفطر حتى
تهاني : لاتشرهون بناات
وقفت غلا : اففف ابي نااس من طقتي .. خبالهم نفس خبالي
البنات : الأعترااف بالحق فضيله
شجون رفعت يدها : مااكفيج انتي وويهج !!
غلا : لا انتي تصيرين بعض الأوقات عااقل ..
أنتبهت غلا ان بو متعب يعطي ام متعب صواني : الظااهر الفطوور جاهز .. لتس قوووو ..
وراحت كأنها بررق لمخيم الحريم علشان تاكل قبل
حلا : هالبنت ... مع احترامي ... الظاهر فيها خلل في المخ
تهاني : ماقلتي شيء جديد
اسيل : حرام عليكم وش قالت
بيان : كل كلامها خباال
سااره : ترى بدااافع .. بنت خالي كانكم ناسيين
ضي : وحنا وش تصير لنا ..؟ ولا بنات البطه السوداء حنا ..
مرام : متداولين هالكلمه اشوفكم هههههه
بيان : ايه علامة الجوده .. سارقينها من عبير
حلا : المفرووض تسوي كتاب لمعجم الكلمات ..
البنات : هههههههههههههه


فطروا وخلصوا وطلعوا البنات يتمشوون
بعد ماتعبوا رجعوا وشافوا فهد يعطي امه طبقين ..
نقزت غلا ووراها شجون يشووفون وش معطيها
اسيل : ماشبعوا !!
تهاني : يطحنون ذولا مايشبعون
اسيل : هههههههههههه
دخلوا للمخيم وشافوا شجون وغلا ياكلون كيك
ام ثامر تأشر على طبق الكيك : كلوا نص وخلوا للعيال الصغار نص
غلا وفي فمها كيك : همممم لا كلوه كله يمكن عندهم هممممم
ضربتها ام ثامر على راسها : انتي انطمي .. الرجال كلوا نص وحنا كلنا نص .. ومافيه الا طبقين
فركت غلا راسها بألم
وبيان ناظرتها على جمب : رجع حقي
ضي حطت لها : يم يم كيكة جلي الفراوله لاتفوتكم
حطوا لهم ومابقى الا ربع
ناظرت غلا فيها بخبث .. خذت الطبق وهي توقف : برووح اعطيهم وينهم ؟؟
حلا تبي تاخذ الطبق : لا ياماما بتاكلينه اعرفك انتي
رفعت غلا ماتبي حلا توصله : لا ماراح اكله بس بجننهم شووي
ام حمد : حرام عليك غلاا
غلا : ماعليكم بجننهم شووي " التفت على خالتها ام يعقوب " ولا شراايك خالتي مو لازم يوثقون فيني ؟؟ اصلا انا مااحب الكيك كثير
أبتسمت ام يعقوب على هبالها بهدوء
ام وليد : ايه صح اسم الله عليك يابنتي ماتحبين الكيك
البنات : هههههههههههههههه
غلا برطمت : البنات الدعلاات معطينكم فكره سيئه عني
روابي : شووفيهم يلعبوون عند الطعس هنااك
طلعت غلااا رايحه لهم .. شافتهم يلعبوون ..
فارس وريان يبنون قصـر .. وطارق واقف يقاله كبير مايلعب لعب الأطفاال
وريم وريهام يبنون جبــل وسعود ونايف يخربون عليهم
غلا بنذاله وهي تناظر طارق : هيه ايها الأقزام السبــعه ..
طارق بعصبيه : اقزاام بعينك ..
غلا تأشر على الكيكه : ماتبقى من كيكة جلي الفرااوله لكم ..
ريان وفارس وقفوا ينفضوون يديهم : عطييينا
حطت الطبق على يدها اليمين كأنها شيف وسوت نفسها تفكر : اصبروا افكر
تقدموا منها سبعتهم : عطيييينا
رمشت مستغربه : وش اعطيكم
رياان : هيييييه خبله عطيني لا افقع وجهك
غلا سوت نفسها معصبه : احترم اختك الكبيره ولا تقول هالحكي
فارس : عطيني طيب انا
غلا : نو نو لما يعتذر الاخ ريان
ريان : ماراح اعتذر
ريهام : اخلص علينا رياان واعتذر
فكر رياان .. من الأهم الأكل ولا الكبريااء ..... وتوصل لنتيجة .. ان الأكل اهم بكثير !!
ريان بخضوع : آآسف
مدت غلا لسانها وهي كانت متحجبه لأن الرجال مخيمهم بعيد : اقبل اسفك لكن ماراح اعطيك الكيكه
صرخوا مع بعض وتقدموا لها يركضون وهي ركضت بعيد عنهم
هم يركضون وهي تركض
ومايسوى عليهم هالكيكه .. تعذبوا مساكين ..
لفت على سياارات الرجال علشاان تخليهم يتعبون أكثــر
لفت على سياااره رصاصيه وهي تناظر ورى
مانتبهت ان باب السواق انفتح .. واول ماناظرت قدام
طراااااخ
الكيكه على وجهها
نقز فيصل على ورى اول ماطلع من السيااره : اللهم سكنهم مساكنهم ..
وقفوا الأقزام السبعه على قولة غلا وراها محبطين : كيييييييكتنا !!
غلا بصراخ : واحد يظني جني .. والثانين همهم كيكتهم مو وجهي الي انفعص !!
عرف فيصل صوتها : وانتي في كل مكان طالعه ؟؟
بعدت على ورى وهي تتحلطم : آسفه ياولد عمتي .. بس لاحظ انك انت الي فتحت الباب بدون ماادري
فيصل : وانتي وش عندك تراكضين مع البزارين ؟؟
طارق بلوم وهو يبتعد مع العيال : مو بزارين .. لاحووول بينبت برااسي شيب وانا اقول بدخل الـ 16.. وبعد سنتين بتزوج
غلا لفت بتروح معه : انطم انت .. قال ايه يتزوج ماتزوجوا الشيااب تتزوج انت ..
فيصل أشر بيده : لحظه لحظه بنت خالي ...
ركز على بنت خالي بقوه
لفت وهو مايقدر يشووف وجهها لان كله أبيض ووردي .. بس عيونها الرصاصيه طالعه بدون رموش : تبي شيء ولد عمتي ؟؟
ركزت هي بعد على الكلمه
دور صبعه قدامه : لفي وجهك عني اول
قالت وهي تأشر على وجهها : ليه انت تشووف شيء غير كيك الفرااوله اللذيذ ؟؟
فيصل وهو يلتفت على الباب ويسكره ويقفل السيااره : لا بس اخاف اضحك واحرجك .. ايه كنت ابي اقترح عليك تسووين أعلاان للكيك .. صدقيني بينقرض الكيك من كثر الطلباات عليه
عرفت انه يستهزء .. قالت وهي تلف مقهوره : حسبت عندك سالفه
علا فيصل صوته : مثل وشو ؟؟ هل تقبليني زوجاً لكِ ؟؟
جمدت غلا في مكانها .. يتريق عليها ..
قالت وهي تكتم غيضها : حتى لو قلت هالكلام .. اتوقع عارف ردي .... ارفض وبشــده ..
راحت وهي تغلي من العصبيه
دخلت مخيم الحريم وشاافت فارس وريان والبااقي يشتكون للحريم منهاا
لفوا الحريم والبنات يناظرون وصرخوا مع بعض صغيرهم وكبيرهم : يمــــه آآآآآه
حطت غلا أصبعها على خشمها وهي تناظر البنات : انتوا ماتصرخون
تكورت شجون عند بيان : جني يمه اللهم سكنهم مساكنهم
عصبت غلا : جاتنا الثاانيه
سكتوا كلهم مع بعض بعدين انفجروا ضحك على شكل غلاا
غلا وصلت عصبيتها لدرجة الجنون : افففف مالكم دااعي ..
لفت بسرعه جنونيه تبي تطلع برى تغسل وجهها بالمووويه
ومانتبهت انها مو بنص فتحة المخيم .. في طرفـه .. والحديده حقت الباب قدامها
طرااخ للمره الثاانيه بس هالمره طاحت على ظهرها .. وخشمهاا هو الي رااح فيها
صرخت بصوت عالي سمعه كل الي في البــر : اكره البـــر أكرهـه


تنحنح فيـصل بعد صووت غلا االي وصلهم
ناظر زياد في ابوه مكشر : كأني اعرف هالصوت
هز بو ثامر راسه متفشـل : الله ياخذ شيطان هالبنت .. مادري متى بتكبـر
فهد وهو يوقف : بناات ياعمي ماينشره عليهم " التفت على الشباب " قوموا نقنص
وليد : يالله بجيب السلاح للحمام ..


غسلت غلا وجهها ودخلت المخيم وخذت شنطتها وطلعت منها مرايه ..
ناظرت خشمها الي حمر وانتفخ : وووااااع شوفوا خشمي وشلون صاار واااااع
بيان وهي تحط يديها على فمها تكتم ضحكها الي بينفجر بأي لحظه : بالعكس حلو ستاايل خشمك
ساره منزله رااسه : أيــ...ــه مره الموضـ...ـه الخـ...شم الأحمـ...ر
اسيل مو قادره تمسك نفسها : ههههههههههههههههه
غلا وهي تمسح على خشمها : ليه تضحكين عله ؟؟في شيء يضحك ؟؟
اسيل أشرت على نفسها : انا ؟؟ ابد مافي هههههههه شيء يضحك طال ههههههه عمرك


برى المخيم عند مرام وحلا وروابي الي كانوا يتمشووون
روابي : تصدقين مرام
مرام : وشو ؟؟
روابي بخجل ومرح بنفس الوقت : أشتقت لأخوك الدوبي .. احس الحياه بدونه ولاشيء
أبتسمت مرام
ام حلا الي تشررب عصير مانجوو شرقت فيه
التفتوا عليها : بسم الله عليك ..
أبتسمت حلا لهم ولفت بوجهها تناظر الجبااال
وروابي مكمله لمرام عن متعب
مسحت حلا دموعها الي نزلت ..
لو تدري روابي ... لو تدري !!
الحب بيظل مثل ماهو ولا ؟؟؟
رجعوا بعد ماشافوا الشباب شايلين السلاح وبيروحون يقنصون
دخلوا على البنات والحريم بالمخيم
حلا : ترى الشباب بيقنصون
نطوا البنات بسرعه : بنشوووف
ام متعب : البسوا غطاكم وروحوا بس لاتقربون كثيـر .. وعلموهم انكم موجودين لايطلقون عليكم بعد
ساره : وش دعوه يمه
ام ثامر : ايه يقولون وش ذا الأسود الي يتحرك
ضي : ان شاء الله بنعلمهم
راحوا عند الرجال اول وأستأذنوا منهم
بعدها توجهوا ورى الشباب
التفتت حلا على بيان : دقي على وليد قولي له اننا وراهم
بيان بكسل : ضي انتي دقي على فهد
ضي : لا ياماما انتي زوجك
تهاني : كسولااات انا بدق
ضي : ايه شااطره يانشيطه
دقت على خالد وقالت له ..
وقفوا البنات ورى الطعـس وشافوا الشباب يركبون بالصندوق حق سياارة حمد
أسيل : من سياارته ذي ؟؟
حلا : سياارة حمد الثاانيه للطعووس ..
سااق حمد فيهم يطردون ورى جربووع
بيان : ووووع جربووع مااحبه
غلا : مالقنا لك اكلييه
شجون : وش راايج تذووقينه غلاا ؟؟
غلا : انطمي لا يجيك كف يخلي خشمك وخشمي تؤم
شجون : خخخخ بسم الله علي
خزتها غلا بمعنى بسويهااا
طب بهالوقت يعقوب من السيااره وهي تمشي ولحق جربووع كبيـر يركض بسرعه رهيبه
غلا تشجع : يعقووووب يعقووووب
ضربتها تهاني على ظهرها : ووجع انتي ناويه يطردونا .. اسكتي
غلا : يووه اشجع
سااره : ايه خلونا نشجع
بعضهم قاموا يشجعون
وحلا وروابي ومرام وتهاني ساكتين
روابي : ماابي انطرد
صفررت غلا : انت قدهاااا يعقوب
وقف حمد السيااره وطب فهد ووليد يحاصرون الجربوع من الناحيه الثاانيه ...
طلع واحد ثااني ولحقه زيااد وخاالد
رمشت بيان بسرعه ولفت على ورى وصرخت : جربووع ورانا ..
نقزوا البناات وهم يصاارخون وكل وحده ركضت بجهه وبيان نقعت من الضحك : ياحراام صدقوا
غلا تأشر على جربوع يعقوب الي يركض ناحية بيان : جااك جااك
ظنت بيان ان غلا تخوفها : ايييه مااخاف انا
سمعت صوت وليد وراها يصرخ : أبعدي
التفتت مخترعه وشاافت يعقوب ووليد وفهد يركضون بأتجاهها .. والجربوع .... معهم ..
صرخت وفرررت بأتجااه السيااره : لا الا الجربوووع
ماقدروا يمسكوونه وزيااد رجع ويا خالد وهم ماسكين واحد ومبسوطين ..
ومشااري جاء مع حمد وفيـصل صايدين جربوعين ..
حلا : ماشاء الله كلهم صادوا الا هالثلاثه
وليد بعصبيه : وانتوا يا آنساات ارجعوا المخيم تخربون علينا مع صرااخكم
فهد : ايه والله وانت الصاادق
غلا : الحين ماصدتوا تحطونا سبب ؟ اعترفوا بالهزيمه
خزها زيااد وخلاها تتراجع وتقول للبنات : افضل نرجع وحنا سالمين
مشااري : من يبي من البنات يااكل جربووع صدته بيديني الحلوين؟
حلا وهي ترجع مع البنات : خله لك ياخوي الغالي
بعد مارجعوا سمعوا طلق نااار
شجون بخيبه : ابي اشووفهم وهم يصيدون حمام
غلا : قوومي قوومي
سحبتها روابي وجلستها : انكتمي هناا جانا تهزيء بسببك
غلا ببرائه : انااا وش دخلني كل شيء تحطونه فيني
روابي جات بترد بعدين كشرت : غلا ..... غلا ...
غلا : وش فيك ؟؟؟
ناظرت البنات الي ماسكين ضحكتهم وكل وحده تشغل نفسها بشيء
غلا : وش فيكم ؟؟
شجون أشرت على خشمها : غلا .. ادري ..... اقصد .... ذكري ربك ..
مافهمت غلا وقامت بخوف تطلع مرايتهاا
رمت المراايه بخووف : يمااااااااااااااه
نقزوا الحريم الي كانوا نايمين
ام ثامر : لاحول ولاقوة الا بالله .. يامصبر ايووب .. وش فيك تصارخين ؟
غلا : يمممه خشمي .. خشممي انتفخ وصاار ازرق يممممممه بيسموني من اليوم ورايح .. ام خشم ازرق .. تخيلي بنتك ام خشم ازرق ..!!
أستغفروا الحريم ورجعوا ينامون
والبنات محترمين شعور غلا وماسكين ضحكهم


رجعوا الشباب من القنـص وبدوا يساعدون بو متعب الي يسوي الغداء بالتنــور
وليد : من الشييف وليد كل شيء لذيذ
فهد : لاتنسب الشغل لك يابابا .. ماسويت شيء بس حطيت الرز بالتنور
وليد : بالله عليك وش سويت انت ..
فهد : شبيت الضووو
مشااري بفخر : انا الي سويته
فيصل : ليه وش سويت انت ؟؟
مشااري : قطعت الطماط
يعقوب : ههههههههه اجل انا قطعت البصل
مشااري : لاتنصب البصل مقطع وجااهز
زيااد : والطماط مقطع وجااهز
بو متعب أقبل يناظرهم : من قلتوا سوا الغداء ؟؟
الكل : بو متعب الله يطول بعمره
بو متعب : ايه الظااهر سمعي أخترب ...


بعد ماخلص الغدااء وكلو وخلصوا .. بعضهم نام وبعضهم يتمشى ..
مشااري راح ينزل الدبابين من سياارة ابووه .. صرخ يوم نزلهم : بناات في وحده فيكم تتحداني
التفتوا عليه وأشرت غلا بيدها : أنـــا أنـــا
كشر مشاري : كنت متووقع ..
غلا : وشوووو ؟؟
مشاري : لا بس بسوي قرعه والي تطلع هي الي بتتحداني ..
حلا : لا خل غلا تتحداك وبس ..
مشااري بتصميم : لا اصبروا اكتب اسمائكم ..
جاب ورقه وقلم وسأل وحده وحده عن اسماائهم .. علشان ماينسى احد
سجل ورمى الأورااق ونادى ضي تسحب .. سحبت ضي وفتحت الورقه وقالت الأسم بصوت عالي : ساااره
فتحت ساره عيونها : يوووه فشيله مااقدر
غلا تدفها : طيييري فشيله من ولد خالتك تربيتوا مع بعض
ساره : وش ذا الأشااعه الجديده بعد متى تربينا مع بعض ؟؟
بيان : يالله رووحي بس والله الله اهزمييه
أبتسم سااره بوسط تشجيع البنات
مشاري : أفااا كلكم ضدي !!
حلا تأشر له : لا لا فيه وحده مو ضدك .. مع احترامي ياساره بس هو توئمي
ساره بفخر : عاادي يكفي البااقي معي
صفروا البنات وجاوا العيال الصغاار يشجعون
ركب مشااري على الدباب الأزرق
وعلى الدباب الأحمر البعيد شوي عن حق مشااري .. ركبت سااره بعد مالفت حجابها وبرقعها زييين وعباتها رفعتها شووي عن رجولها وطلع من البنطلون شووي ..علشان ماينطوي بالعجلات
قال مشاري فجأه : راح نتعامل بالألقااب .. اختاروا لساره لقب
البنات بسرعه : آنسه ريلآكس
ساره بمرح : ياهوو انا مشهووره
أبتسم مشااري لها وهو يقول : وانا معذب قلوب البنات
صفرت ضي : اكشششخ
غلا : ويييه مصدق نفسه
شجون : واايد خخخخ
مشاري : ماراح ارد
حلا : قول اترفع عن الرد احسن
بيان : ههههههه حتى مشااري بعد
حلا : ايه خلينا نسوي في عبير خيير ونشهرها أكثــر
رمشت سااره بأستغراب .. لقب معذب قلوب البنات كل الشباب يلقبون نفسهم فيه...
والله ماحد معذب قلووب البنات ولاهم يحنزنون
قالتها بمرح لنفسها وهي تستعد تنطلق
أنتبه مشااري ان اللقب ماأثر فيها .. لكن خلاها تفكر شووي
يعني هي ؟؟
بدت ضي تعد : واحد .. ثنين .. ثلاثه .. جووووو
انطلقوا بسسسسرعه كبيــره يتسابقون
تسندت ضي على السيااره وهي تلعب بالأورااق الي كتب فيها مشااري الأسماء وتبتسم وهي تناظر في مشاري وسااره الي ماخذين التحدي بكل جديه
فتحت الأوراق تدور اسمها .. بس عقدت حواجبها وهي كل مافتحت ورقه يصير مكتوب فيها سااره !!
ساره .. ساره .. ساره .. ساره .. ساره ..
وش سالفته على سااره ؟؟
رفعت ضي عيونها بأستغرااب .. ليكوون ؟؟؟
مشكلتها تعرف ان سااره كانت تحب ولييد
تقدمت تراقب السبااق بتوتر وقلق
فحطت سااره يوم وصلت للخط الي حدده مشااري ولفت بترجع .. لأن الي يوصل عند خط البدايه قبل هو الفاايز
رجعوا يتاسبقون ومابينهم شيء
ابعدوا البنات عن الطريق
مانتبهت سااره للحجر الكبير الي بطريقها
صرخت مرام : سااره ابعدي عن الحجرررر
لفت سااره عنه بمهااره وبدل ماتلف يسااار لفت يمين على مشااري الي لف دبابه علشاان ماتصدم فيه وتتأذى ..
تعثرت كفرت دبابه بحجر صغير وانقلب الدباب
صرخت حلا : مشاااااري
ركضوا البنات له
وبيان بان بعيونها الخوف وهي تنحني : مشاااري تسمعني .. ارفعوا الدباب ..
ضي وروابي وحلا ومرام وتهاني رفعوا الدباب عنه وهو يجلس ويغمض ويضرب ظهره : آآه ظهري شكله انكسر
حلا بخوف : فيك شيء حاس بشيء
فتح مشااري عين وحده وناظر حلا : تحسين بألم
حلا بأستغراب : لاا
مشاري : خلاص اجل انا مااحـ... " صرخ " آآه ظهري
غلا : ايه وااضح ماتحس
أسيل : نادي عمي
مشاري يأشر بيده : لا لا بزر انا تنادي ابوي
ساره بخوف : مشااري آسفه ماكان قصدي وربي
التفت عليها مشاري وهو يوقف : عاادي سااره انا مانتبهت للحجر الي جمبي
ساره بتأنيب ضمير : بس انت لفيت علشان انا ماانقلب
مشاري خاف انها تبكي لأن صوتها ماتأثر .. مدد يديه : شووفي وش زيني كني فرس
بيان : هييه وش فرس .. اعترف يألم
مشاري خزها : قلت ما يألم
بيان : بسم الله كيفك ..
راح مشاري يعرج للشباب الي نايمين : اعتبر انا الفايز لأني المصااب
ساره تخصرت : لا يابابا انا كنتب بفووز بس وقفت علشانك
التفت مشاري يسوي نفسه معصب : ناكرة المعرووف !!
البنات : هههههههههه


بعد نص سااعه نادى فهد ضي تجي تتمشى معه
سااره بنذاله : اجي اتمشى معكم ؟؟
أسيل : المفرووض انتي وبيان تفتحون شركه لتعليم النذااله
بيان : انا ؟؟
ساره تقلد بيان : اناا ؟؟
ضي تروح عنهم : حددوا مين فيكم على ما أروح واجي
شافت فهد ينتظرها برى وتوجهت له
أبتسم لها ومسك يدها يبعدون عن المخيمات ..
وصلوا ورى جبــل صغير
وطلع فهد فجأه سلااح خلا ضي ترتعب على ورى : وش ذاا ؟؟
أبتسم فهد : ماتبين تشوفين كيف نصيد الحمام
هزت راسها بخوف : ايه بس شكله يخووف
فهد تنهد : ياحبي مدامي جمبك لاتخافين
أستحت ونزلت راسها
فهد : يووه قلت رااح الحيااء
ضي بسرعه : مو كذا فجأه يروح
أبتسم فهد : زين رااح
رجعت نزلت وجهها
فهد : لاحوول .. طيب ارفعي رااسك شوفي كيف اقنص ولا بعد تشوفين الحمام وانتي منزله راسك ؟
ضي بلوم : لا طبعاً
وجه سلاحه قدام وركز في السمااء
ضي بفضول : متعود على المسدسات والبنادق والرصاص صح ؟
فهد وهو مركز : بس اتخيل ان الحمامه مجرم أصيدها بثاانيه
ضي بمرح : يالله تخيل ..
فهد يأشر على حمامه بيضاء تطير : هذه بو سرور .. مع ان الحمام أطهر
أستغربت ضي من بو سرور هذا .. بس ماعلقت .. لأن فهد بس خلص كلامه اطلق وصاابهااا
مسك يدها يسحبها لمكان ماطاحت الحمامه : تعاالي سلمي عليها
ضي : مسكييينه ياحياااتي بعالجهااا
فهد : تجرح وتداوي ههههههه
ضي : انت الي جرحتها
فهد : رااح الحيااء
نزلت ضي راسها
فهد : ليييييه تكلمت ...!!!




إنُ إبًتسَمـّ ضًيـعٍ الليٍ مآيُضيٍـعً
وإنُ لعً ـبٍ فَي حآجّبهـِ رحْنـِآ وطًي ..!


ركبت بياان جمب وليد الي راح بسياارته بعيييد كثير عن المخيم
بس وصل المكان الي يبيـه مافيه احجاار .. وقف وناظر بيان : يالله تسوقين
بيان بفرح : وأخيراً ... يالله
نزلت وتبادلت مع وليد الأمااكن
وليد بتساائل : تعرفين تسوقين ولا
ناظرته بيان بتفكير بعدين قالت : مممم يعني !!
وليد : كيف يعني ؟؟؟ تبين اعلمك ولا عاارفه
داست بيان على البانزين وهي تصرخ : اعرف ادوس على البانزين
وليد أشر بيده : لا لا لحظه اعلمك كيف ...
سكت لأن بيان داست على البانزين بقووه وخلت السيااره تطبطب فيهم من السرعه
وليد يصرخ علشان تسمعه بوسط صوت الكفرات والهواء : بياان خففي رجلك لاتدوسين كذا
طار حجاب بيان على وجه وليد .. ابعده عنه ورجعه ورى وهو يشووف حجر قدامهم : وصلنا احجاار ؟؟؟ بيان خففي السرعه
صرخت وهي تلف : مااعرف
وليد بصراخ وهو مركز قدامه يخاف يصدمون : بياان ارفعي رجلك ودوسي على البريك
بيان بصراخ مماثل : مااقدر وليييييد ماتنرفع رجلي يمممممه
زادت السراعه وهي تلف وتفحط
وكل ماجاء ينزل يرفع رجلهاااا تلف بقووه تطيره مكانه
حاول يتمسك بس لفااتها سريعه
صرخ بنفااذ صبر : بياان لاتلفين اذا نزلت
أشرت قدامهم على طعــس رمل كبيــر : بنصصصصصصصصصدم وليييييد
فتح عيونه بخوف وهو ينزل بجسمه بقوه : بيااااان لااااا .. ارفعي رجلك
ماحس الا السيااره تدور بقوووووه وصووت تفحيط قووي يدوي بأذآآنه
رفع رااسه يوم حس ان السيااره وقفت
عقد حواجبه وهو يناظر بالطعس الي وراهم .. ماصدموه !! ولا لمسووه .. بس هم وصلووه تقريباً .. وماحد يقدر يتجاوزه الا الخبيـر
التفت على بيان وفتح عيونه وهو يشوفها متسنده على الباب وعلى فمها أبتسامه خبيثه
أشرت براسها بدلال بمعنى وش فيك : وش فيك وجهك متوتر ؟؟
سأل وكأنه بنفس الوقت يستنتج : تعرفين تسوقين ؟؟
حركت يديها قدامه : حاصله على شهادة سواقه بتقدير ممتاز موقع أسفلها الأستااذ أحمد حمد السـ,, ابووي الغالي ..
زم شفايفها : والحركات الي قبل شوي ؟
حركت أكتافها بدلع بالوقت الي فتحت الباب بتهرب : تعييش وتاكل غيرهااا
نزل وراها وهو يصرخ : اكل غيرها ؟؟ طلعتيني من طووري وتقول اكل غيرها تعااالي
رركضت وهي تضحك وتناظر وراها كل شوي : ياحياااتي وليد ماتعرف تركض
وليد رجوله تندس بالطعس : اذا مانتبهتي حبيت انبهك .. الطعس مرره كثيــر
ضحكت عليه بقوه : انا متعووده وانا صغيره
أشر بيده وهو يتاابع ركضه وبيان تركض عنه : انتظري طيب
ركض لما وصلت لجبل وركضت حوله وهي تضحك
وليد زاد سرعته : اصبري امسكك بس
بيان صرخت علشان يتردد الصدى : ولييييييد .. ماتقدر تمسكني
تردد الصدى مرتين
وليد وقف .. وبدون ماتدري صعد الجبل الي تدور حوله وهو يصرخ : بياااان بمسكك اوعدك
ناظرت بيان وراها وماشافته وقفت ركض وقالت بخوف : ولييد ؟؟ وليييد ؟
وش فيه ليكوون طااح من التعب
هههههههه استحاله .. مايتعب بهالسرعه ..
مدت راسها تحاول تناظر من ورى الجبـل
وماحست الا بيدين تمسكها من وراها
صرخت بخوف وهي تلف عليه : يمـه ....وليد !!
شافته يهز حواجبه بأنتصاار : مسكتك .. ونفذت وعدي
بيان فتحت عيونها بأستغراب : ههههههههههه من وين طلعت ؟؟
أشر على الجبـل : الذكااء يلعب دور
دارت على نفسها علشان ماتواجهه وهي تضحك : ياعيني على الذكااء والثقه مااقدر انا
مسكها أكثر من أكتافها وهو يشدها له ويحط ذرااعه على رقبتها كأنه بيقتلها : الحركه الي بالسيااره وين اصرفهاا ؟
بيان سوت نفسها خايفه : كان مقلب من مقالب صادووه حبيبـ..
سكتت وهي تعض على شفايفها .. أي حبيبي ... عسى مانتبه
قال فجأه : كمليهاا لو بالغلط
لفت عيونها بالوقت الي حط ذقنه على كتفها اليمين
ناظرت بعيونه تتأمله .. وريحة عطره تغلغلت داخلهاا
كان مركز قدام وهو يفكر : وش ممكن أعااقبك فيه يابياان ؟؟
بلعت ريقهاا خايفه من مشااعرهااا الي ماتدري وش هي بالضبط
قال وهو يلف عيونه عليها : تطبخين الغداء بكره وش رايك ؟؟
حاولت تهز راسها بس ماقدرت وتعلقت نظراتها بنظراته
ظل يتأمل لون عيونها
وهي تتأمل رموووششه كيف تتحرك بتوتر
أرتعشت بين يدينه مثل الورقــه
ووجها صاارت حرارته فوق الأربعييين
غمضت عيونها بضيق فجأه وابتعدت عنه وهي تقول : ابي ارجع
رجع شعره على ورى مستغرب : صار شيء ضايقك ..؟
هزت راسها بـ لااء
ومشـوا للسيااره بهدوء وركبوها راجعين بصمت
وليد كل شوي يلتفت يشوف بيان الي متسنده على الباب وتفكر



عند زياد وأسيل الي لهم نص ساعه يتمشوون بـ صمت
ناظر زيااد سرب الحمام الي كان في جمااعه .. التفت على أسيل بتلقائيه : بدو... " سكت وهو يعض على شفته .. وش ذا الغلط .. كمل بسرعه يداري غلطه " أسيل
ناظرته اسيل بهدوء ومبين على ملامح وجهها انها انتبهت للأسم الي نطق فيه : هلا
زياد : وش قلتي لي هوايتك المفضله ؟؟
أسيل لفت على الحمام : الرسـم
زيااد : حلوو انتظري هنا وبرجع
أستغربت منه وهو يروح متوجه لسياارته
تنهدت وجلست على الطعس وتسندت على ورى بيديها
بعد ثواني جاء زيااد ومد لها كرااسة رسم وأقلام رصاص والوان مائيه
أستغربت : وش هذا ؟ من وين لك ؟
أبتسم زياد ابتسامه جانبيه : شريتهم وانا جاي هنا .. قلت اكيد منااظر الحمام مره حلوه .. وتستاهل ان اسوله ترسمهم
أبتسمت بسعاده : مشكور زياد ..
هز زياد راسه من غير مايرد
وهي فتحت الكرااسه ونااظرت بأقلام الرصاص مو مصدقه انها بترجع لهوايتها الي تركتها ثلاث سنين .. ومين الي يشجعهاا ؟؟ زوجها ..
تأملها وهي ترسم مبتسمه ببرائه
مايدري هي تمثل البرائه ولا هي نفسها كذا ؟؟
سألها فجأه : من تحاولين تقلدين ؟
التفت مستغربه : نععم ؟؟
هز راسه يطرد أفكاره الي بتخرب خططه : ههههههه الظااهر كنت افكر بصوت عالي
ابتسمت له بأرتبااك وهي ماتدري وش فيه
" أبتسمي يا أسيـل .. مردك بتبكين دم .. وبيندم اخوك على اليوم الي ناسبني فيه "
قالها وهو يلف نظراته عنها ويتأمل الحمام بأفكار خبيثه ..



::::



خذني بحنانك وطف البرد بعظامي؛؛
يمكن "بحضنك" أنام الليل واحكي لك ..
محتاج أسافر بعيد فيك بأحلامي؛؛
وأنزل بصوتي على شاطي مواويلك ..
واحط راسي على "صدرك" شوق وهيامي؛؛
واترك خفوق تعذب فيك يشكي لك..!!


اليوم الي بعده العصـر .. في بيت بو وليد ..
ناظرت بيان في عمها ومرت عمها واسيل وطارق ووليد وروابي وعيالها
سألت بقلق : تفضلوا وش فيكم ؟
ابتسم عمها : والله مو مصدق ان بيان بكبرها طبخت لنا .. رز بحشوو ولحم محمر !! وزيااده على كذا معكرونه بشميل !!
اسيل تضيف : وتبووله وسلطة فواكه ... مين يصدق
روابي بمرح : وسوت فيمتوو بعد خخخ
بيان تخصرت : يعني مو قدها انا
مرت عمها خذت الملعقه تاكل : لا قدها ونص
ناظرت بيان ليد الي مبتسم لها ولا تكلم : وش فيك ؟ ماتبي تاكل
وليد بمرح : الا باكل بس اول شيء نجرب على امي وابوي
ام وليد عطته نظره : تجاارب حنا
وليد رفع يديه : مالي دخل انتوا اول من بديتوا تاكلون
بو وليد اول من أكل : مممممم .. لذيذ والله .. مو كأنه نفس الي نااكله في بيتكم
ام وليد : ايه والله رووعه هممم
ظنت اسيل وروابي انهم يتريقون
فجربوا بخوف
اول ماكلوا شهقوا
روابي : بيااان انتي الي مسويته
بيان بفخر : أحــم طبااخه
" والله .. الله يسلم دنياا الي علمتني .. حتى بيضه مااعرف اسلق "
قالتها لنفسها وهي تمنع ضحكتها تطلع
خذ وليد ملعقه وهو يناظر بأهله بشك : ياخوفي مقلب فيني
ذاق الرز وفتح عيونه : مو ماالح !!
أسيل تكمل : ولا حالي !!
طارق وهو ياكل : ولا حااار !!
روابي : ولا فيه مكونات غريبه !!
زفرت بيان : وش قصدكم انتي وياه !!
ام وليد وهي تذوق الباشميل : ماعليك منهم خليهم بس يسوون مثل هالطعم .. همممم كأنه باشميل دنياا !!
بيان ببرائه : يمكن تعاديت منها نتيجه اني من جيت هالدنيا وهي موجوده !!
روابي : ياشيخه
بيان : كلي وانتي ساكته
جلست جمب وليد بفخر وهي راافعه رااسها
بعد الغداء مابقى مدح مامدحوها لما انتفخ ريشهاا
اسيل : بياان ممكن تنزلين ريشك شوي بس ابي اشووف التلفزيون
طارق : ايه والله مااشوف شيء انا
بيان تكتفت : اترفع عن الرد
وليد: تدرين بيان أن الطريق الى قلب الرجل ..
كملت : معدته
الكل : علشاان كذاا
خزتهم : لو عمي وامي موجودين كان اشتكيت اصبروا يجلسون من القيلوله
روابي : قيلوله خخخ
وليد مسك ذراعها : يالله حتى حنا بنااخذ على قولة بيان قيلوله
ناظرته بيان بأستغراب .. بعدين ابتسمت تمثل معه : ايه صح تعباانه مرره
روابي تهز حواجبها : قيلوله سعيده
كشتها بيان : قلت قيلوله .. قولي احلام سعيده
راحت ورى وليد مبتسمه اول مادخلت الجنااح تنفست براحه : فكيتني من تعليقااتهم الله يريحك .. اصبر ينسوون وانزل
جرها وليد معه للغرفه : تعالي بعطيك شيء
راحت وراه مستغربه
اول مادخلت سكر الباب .. ناظرت بالباب مستـغربه ..
بعدها راح عند السرير وشال باقة الورد الي عليه .. قدمها لها مبتسم : قلت اكييد الغداء بيطلع حلو دامه من يدينك
أبتسمت له : يعني عجبك صدق ؟
وليد همس بأذنهاا : أي شيء منك حلوو
أبتسمت بخجل وخذته
رفعت عيونها وهي تشوفه يطلع من جيبـه علبه حمراء وهو يقول : وهذه هديه .. متأخر ادري .. بس اعتبري انك ...
سكت وشكله مو عارف كيف يعبر
أستغربت وليد ... مو عارف يعبــر !!!!!! شيء محيــر جداً !!!
سألت : أني ؟؟
تردد بعدين قال : أنك هزمتيني ..
فتحت عيونها مو فاهمه : هزمتك ؟؟
فتح العلبه وطلع الي داخله ..
كان عقد المااس على شكـل نص قلب .. وفيه فصوص ورديه
مسكها من أكتااافها ودورها
بعد شعرها عن رقبتهااا
ولبسهاا العقد .. اول ماخلص رجع شعرها مكانها ودورها خلاها تواجهه
وهي جماااد مو قادره تتحرك .. هو يحركها على كيفه !!
فتح يده ونزلت عيونها تناظر نص القلب ..
قال بهمس : هذا النص راح يبقى عندي .... لما ...
سكت يتأملها وهي يديها ثلجت وصارت تنتفض .. شالها فجأه والورد بيدها ووداها عند المراايه أشر عليها براسه : شووفي كيف شكلك بالورد والعقد ... و .. الخجل
رفع حواجبه على آخر كلمه
قالت وهي تحس ان الدنياا صارت ظلام فجأه ... ونور الأبجوره الخافت اختفى من قدامها : وليد نزلني ..
قلبها بيوقف بأي لحظه
دقاات قلبها اختلطت مع دقات قلبه
وصاارت مسموعه
قالت بأصرار : وليييد نزلني .. احس ...
كانت تبي تقول قلبي بيوووقف .. تبي تصررخ تقووول بموووت بتوقف دقاااتي
بس هو سكتها وعيونه مو ووااضحه : اشششش هالمره ماتقدرين تهربين مني !!




:::::::


نهايــة البارت الخامس والعشـرون ..

||__ الجــزء السـادس والعشـرون __||


---= ليلـــة .. حمـــراء !! =---


::::::::::


قـلبي { لازم } تعذرونه
عـاشق .. ومعلن جنونه
قلبي فـ { الدنيـا غايب
نصه هـايم
نصه ذايب
\ قلبي ماعاد فـِ ضلوعي
.... ذاك يلي تخبرونه !....فتحت عيونها بشوي شوي .. كأنها تحاااول ترسخ الحلم الي حلمت فيييه .. في بالهاا
مددت اكتاافها على ورى بكسـل
ولفت على جهة اليمين وهي ترجع تغمض عيونهااا
عقدت حواجبها بعد ماحست بأنفااس تلفحها على خدهاااا
اما انهاا مازالت تتحلم .. ولا أنها بالواقع نفسه ..!!

--= بيـــان =--
فتحت عيوني بخووف اتأكد من الي جمبي
ورجعت رااسي بسرعه على ورى بعد ماشفت وليد مغمض عيوونه وراايح بالنوووم
جلست بهدوء وخفه كأني حرامي احااول اتسلل بدون ماحد يدري
ورتبت شعري الي مبعثر حوالي وجهي
وش صااار ؟ وش جابني هنا ؟
كل الي صاار حقيقه مو حللم !!
معقووله ..؟!
رجعت اناظر وليد الي شكله متغيـر وهو نااايم
وشعره محيوووس وطاايحه خصلات على جبينه
حكيت خدي بعصبيه وخجل وتوتر
كل المشااعر تجمعت فيني بهاللحظه ..
انا لاازم اعرف وش تسمى هالحاله الي تجيني اذا ناظرته !!
انحنيت ابعد خصلات الشعرر عن جبينه
وتسمرت أتأمله
هذا الشخص بيجيب لي الجنووون
عجزت افهمه
وافهم مشااعري له ..
ماراح استوعب أني ......
ابد مو قاادره استوووعب .. انا تحديت ضي وقلت لها انها غلطاانه
معقووله اصير انا الغلطانه .. وان مايفصل بين الحب والكره الا ...
يااربي وش جالسه افكر فيه أي حب !!
حطيت يدي على شعره .. وغرقت يدي بكثاافة شعره الأسود
كان نفسي اعفسه .. اسرحه .. اسوي أي شيء
أبتسمت بسعاده فجأه .... وليــد زووجي ...
من بين كل البنااات هالشخص .. الغامض .. القوي .. الحنون .. القااسي .. المزاجي .. المغرور .. صاار زووجي !!
سر السعااده ؟؟ هالسؤال مو لاقيه له جوااب
التفتت للجهه الثاانيه بقووم .. لكن تجمدت في مكاني ويدي تجمدت على البطانيه
لأني لمحت .....!
التفتت اتأكد .. وفعلاً .. شفت رمووشه مرفووعه وعيونه السود مركزه علي .. وأبتساامه غريبه مرسوومه على جانب فمه
دقاات قلبي رجعت تدق بقووه ..
يالفشييييله شافني اتأمله !!
بصوت كسوول قطع الصمت : ناويـه ترسميني ؟
ياويييييييلي أرسمه بعد !
حاولت اوقف ارتجااف يديني واصطنع ابتساامه
لكن الأبتساامه عاندت تطلع ..
مارديت وكل الي سويته ابعدت البطانيه وخذت الرووب ودخلت دورة الميااه بسررررررعه
تسندت على الباب وصدري يعلى وينزل
حطيت يدي على قلبي .. وانا احسب نبضاات قلبي الي صاار صوتهااا بأذني
" أهدي يابيـــان .. خلااص أهدي "
قلتها لنفسي كم مره احاول اهدي قلبي
بعد دقيقه .. هديت وتروشت بشكل سريع .. خايفه اني أأخره ..
حتى ماشفت كم السااعه
ناظرت من الناافذه وشفت بصيص من النوور بدأ يطلع ..
اليووم السبــت !
اول يووم لدواام الجاامعه والكليه
عندي محااضره تبدأ السااعه 9 ونص ..
ولااء .. رياضياات بعد .. بداايه ممتـــازه !!!!!
لفيت الرووب بقووه علي جسمي .. والمنشفه على شعري
خذت المعجوون والفرشااه وانا سرحاانه .. ومانتبهت اني عصرت نص المعجوون
عضيت على شفتي
وش سالفتي اليووم متوتره .. بداال مااكون متحمسه للجامعه
بعد دقايق طلعت وشفت وليـد مجهز ملاابسـه وواقف عند التسريحه يناظر بأورااق .. شكله مل من الأنتظاار !
ناظرني وابتسم بكسـل ..
قلت وانا العب بأصابعي ومنزله وجهي للأرض : صبااح الخيـر
رد علي وهو يرجع الأوراق لدرج التسريحه : صباح النور .. ولو انها متأخره بس المهم طلعت منك ..
ماتحركت وظليت العب بأصابعي كأني هبــله !
أقترب مني ووقف ..
ياويلي وش فيه ؟!
توترت حركاااتي أكثــر
قالي بصووت تخنقه الضحكه : ممكن أمر ؟
رفعت راسي مو فاهمه وعلامات الأستغراب مرسومه على وجهي : تمـر ؟؟؟؟
أشر على الباب وراي وهو يبتسم : ابي اترووش .. بصلي وبرووح الدوام!!
تحركت بأرتبااك وفشيله : آآه ... آسفه مانتبهت
مارد بس حسيته ماسك ضحكته على أرتبااكي !!
طيب وش اسووي ..؟ حالي تلخبط فوق تحت ..
ولا صرت استووعب الحكي
طلعت لغرفتي
وخذت لي تنووره زيـتيـه .. مع بلووزه بيضـاء ناعمه ..
لبست وصليت .. وأستشورت شعري .. لاازم الكشخه اول يووم بالجامعه
لساا مو مستووعبـه اني بالجامعه..
لو اني مو متزووجه كان الحمااس وااصل لآخر شيء ..
لكن الزوااج نسااني الجامعه .. وعلقني بهمومي .. وبـ .. مشااعري !
رفعت نص شعري على فووق بمسااكه زيتيه .. والبااقي لورته ..
حطيت مكيااج زيتي واسووود
وتعطرت هالمره بـ شانس من شانيل .. ماتعطرت بالفرااوله ..!
لبست سواره وخاتم نااعمين
و .. تلمست رقبتي ..
لفيت بسرعه ودخلت يدي بجيب الرووب المعلق
طلعت القلب الي اهداني اياه وليد امس ..
حاولت البسه بأصابع مرتجفه ..
بس مايضبط معي ..
سمعت صووت الباب يفتح بدون أحم ولا دستـور !!
وصوت وليد القوي يقول : ممكن أسااعدك ؟
قلت بعتااب وانا اناظره من المراايه بتوتر : يعني مافيه ممكن أدخل .. افرض اني ..
قاطعني وهو يقترب وياخذ السلسله مني : عادي زوجتي
بلعت ريقي بخجـل .. زوجتــي ..!
والله حلوه الكلمه منه..
لكن توترني ..
لبسني السلسله وناظر فيني من المراايه مبتسم : المفروض تعلقين لوحه فوق راسك وتكتبين حرم المهندس وليد الـ,,, .. علشاان يعرفون ان هالزين كله لي !
يووووه قلت لكم انه مغرور صح ؟؟
لفيت اناظره : لك ؟؟ لااا اسلووب تملك يامهندس !
رفع أكتاافه من غير أكترااث : مايحق لي ؟
صرقعت اصابعي اتهرب من نظراته وتوجهت لعلاقة الشنط اختاار لي شنطه
ناظر سااعته وهو عاقد حواجبه : تو الساااعه 6 ونص .. ليه لابسه من الحيين ؟
خذت الشنطه ورجعت للتسريحه احط فيهاا أغرااضي : اسيل عندها محاضره السااعه 8 ونص .. واكيد بتروح الساعه 8 .. على مانفطر ونسولف يروح الوقت ..
قالي وهو يطلع : خلااص انا برووح مكتبي اذا خلصتوا دقوا علي ..
مكتبــه مره ثانيـه !!
وش كثــر اغار من هالمكتب ..
احسه يحبـه اكثر من أي شيء ..
ياااربي وش هالتفكير .. ترى كله مكتب !
نطيت من الخوف يوم سمعت صووته عند باب غرفتي ماراح : انقلي اغرااضك غرفتناا ماله داعي غرفتين !
ماناظرته وسويت نفسي منشغله بالشنطه
رجع يقوول بحزم : بياان !
هزيت راسي بسرعه : ان شاء الله
طلعت مني بعفوويه ..
ولا انا ما أبي انقل شيء
لازم اعرف مشااعري ناحيته اول .. المشااعر الي مو فاهمتها !
بعد ماخلصت كل شيء
لبست صندلي الأبيض وخذت عباااتي وشنطتي
طلعت من الغرفه ورحت لغرفة اسيل .. دقيت الباب بهدوء : سلسبيل ؟ صااحيه ؟؟
جاني صرااخهاا من بعييد : لاتنااديني سلسبيل بلييييييز !
ضحكت عليها بخفه وانا اناظر السااعه : اكيييد يبي لك ساعتين على ماتلبسين
قرب صوتها اكثر : توني مخلصه ترووش .. ساعه بالكثير وناازله .. وبعدين انتي غريبه ماجلستي ثلاث ساعات تتروشي
ثلاث ساعات !!
والله جد عادتي اجلس ثلاث ساعات
قلت لها وانا ابعد : تغيير نظامي وصرت بربع سااعه اتروش .. وش عندك ؟؟
اسيل : زييين عقبالي ..
ناظرت بالدرج الي يطلع على الدور الثالث ..
نفسـي اقتحم عالمــه !
بس الظااهر بأحلاامي
ضغطت على الأصنصيل بكسل .. مالي خلق انزل من الدرج حتى !


::::::


في مقـهى قرريب من شركة بو حمد ..
حط زياد كوب الكافيه بملل على الطااوله
وتسند على ظهر الكرسي حقه بطريقه الشخص الي بينااام ..
سأله احمد وهو يبعد الكوب عن فمه : مانمت امس مبكر ؟
زياد : لا سهراان بالديوانيه
أحمد : المفرووض ماتسهـر وعندك عمـل
زياد وهو يرجع ياخذ الكوب : ليييه بزر بيروح المدرسه ؟؟
سكت احمد بدون مايرد
زيااد صااير عصبي ومايتقبـل أي كلمه
عكس الأول بكثيييير ..
دايم الأبتسااامه على فمه ...ويمزح مع الكل من يصحى من النووم لما يناام
تنهد احمد على ذكرى زيااد القديم
ناظره زياد بملل : وش تفكر فيه
احمد وهو يناظر بعيد : افكر بصديقي القديم
عقد زياد حواجبه : من تقصد ؟؟
لف احمد عيونه على عيون زيااد : اقصد زياااد .. الله يرحمه
تأفف زياد بصوت مسموع للكل : احمد والي يخليك راسي مصدع ومالي خلق محاضراتك !!
احمد : ليه متى انت مايصير راسك مصدع ..؟
حط زياد خده على يده وسندها على الطاوله : يالله صبـرك !
احمد : الله يصبــر الكل ..." شرب شوي من الكافيه ونزله عند فمه " الا ماقلت لي متى زواجك ؟
يزيد بضيق : بعد ثلاث اسابيع تقريباً .. بتووصلك البطاقات قريب .. والأهل خلهم يجوون .. على الأقل ينورون هالزواج
احمد بأستهزاء : لييه يحتااج نوور ؟
زياد بنظرات غامضه : كثييييير ..
احمد بقلق : لاحول ولاقوة الا بالله .. الظااهر ناوي نيه شينه على المسكينه اخت خالد !
زياد من غير اهتمام : لاتنسى ان المسكينه الي تتكلم عنها .. زوجتي ..
أحمد : مايهم .. المهم انها بشر من لحم ودم .. ومالها ذنب في الي يصير .. كل هذا قضاء ربك وقدره
زياد تعود على هالمحااضره طبعاً : ادري
احمد بأنفعال خفيف : تدري ومستمر بلعبتك
زياد بأبتسامه : لأول مره تقوول كلام حلوو يا أحمد .. لعبه ... هذا الوصف للي قااعد اسويه
أحمد : وش يضمن لك انك بتفوز فيها ؟
زياد : لاتخااف بفووز وبسهووله
احمد : والضحييه .. وحده مالها ذنب طبعاً ..!!!!
زياد : انت وش فيك مشتغل دفااع عن هالضحيه ؟؟ ليكون تصير لهاا ؟
استغفر احمد داخله وماشرهه على زيااد لانه عاارف وين وصل طبعه .. مزاجي وعصبي ومو مهتم لمشااعر النااس : مااصير لها .. لكن احس حرااام .. مالها ذنب البنت !
زياد : ومن قاال اني بأذيهاا ؟؟ ترى مثل ماخذتها من بيت اهلها برجعها بيت اهلها !! ماراح اقرب عندهااا ..
احمد بأستغراب : مراح تقرب عندها ؟؟ جد ؟؟ يعني ... " بقلق " مراح تضربهاا
رجع زياد راسه على ورى بضحكه شيطانيه : هههههههههههههاااي .. لا لا يابابا .. فهمت الكلام خطأ .. أقصد العكس ..
احمد مافهم شيء : العكس ؟؟
زياد يحرك يدينه كأنه يشرح لطفل : يعني بقرب منها بالشيء الي تحسبني ببعد منها فيه .. وببعد عنها بالشيء الي تظن اني بقرب منها فيه
علامات استفهام انرسمت على راس احمد : وش تخربط انت ؟؟
زياد بملل حرك كوبه : ماادري ليـه جالس اقولك انا ؟؟؟ بأختصاااار الموضوع مثل ماقلت لعبه .. والبنت ماراح تموت .. ولا راح يجيها شيء .. مجررد أنذاار .. ان الي يلعب معي يخسسسر ..
احمد : بواسطة بنت ؟
وقف زياد وهو يزفر : الكلام معك ضاايع يا أحمد .. يالله فمان الله .. بروح الشركه ..
راح وأبتسم احمد بأستهزاء : زيين قال فمان الله بعد !


:::::::


في الجامعه ..
صرررخت غلااا بتمثيــل وهي تمد يديها في الهواء : لاااااا أُصدق !! بناااات العااائلـه الكريمه وصَديقاتُهم مُجتمعات في جامعه واحده !! لا أُصـــــــــدق
ناظروا بنات الجامعه فيها بأستغراب من صراخهااا كأنها بزر
همست وحده لصديقتها وهي تمشي وغلا تسمع : توها متخرجه من الثانوي ماينشره عليها !!
وقفت غلا وطلعت صوت تفحيط بكعبهاا لانها كانت تسرع بتضم البندري الي ماده يديها
التفتت على البنت الي قالت الحكي وصديقتها الي ضحكت على حكيهاا .. أشرت غلاا بأنفعال : هيه هيه انتي ؟؟ ياهووو أختنا بالله .. ماتعرفين تسكرين فمـ...
قاطعتهاا تهاني وبياان الي مسكوووها وسااره حطت يدها على فمهاا
وغلا تحاول تفلت منهم
ناظرتها البنت وهي تمسك الضحكه : وش كنتي تقولين ؟؟ يوووه ماتقدرين تتكلمين مسكر فمك .. الا وش في خشمك لونه كذا ؟؟
ضحكت بقووه وراحت مع صاحبتهااا
عضت غلااا يد سااره بأقووى ماعندهااا
صرخت سااره وهي تبعد يدها : آآآآه ياتبـــنه !!
غلا تأشر على البنت الي أختفت بين جموع البناات : خلووني ارووح اعلمها الأدب الي ماتستحي !
تهاني : انتي هبله ؟؟ هذه جامعه يقولون رايهم ولايهتمون فيك .. اتركيهم
غلا بصراخ : مابعد ينولد الي يضحك على غلااا بنت صااالح وندى .. اخت تهاني واخت ثامر واخت ز...
بيان : اووووص اقوول نعرف اخوانك ووجع
ساره : يالفشيييله الكل يناظرنا
وصلوا بااقي البنات متفشلات من نظرات بنات الجامعه .. البندري : غليوو اسكتي
اسيل : فضحتينا الله يفضح العدووو
ضي : ماتعرفين تنكتمين ؟؟
غلا : اقوول اهااا بس
عبير : بناات اسحبوها عندي مكان نقدر نربطهاا فيه
شيماء : اييييه صح في المبنى الثااني فيه مكان مناسب
غلا تحاول تسحب يديها : مااالت عليكم بدال ماتستقبلوني بالأحضاان بتربطوني ياقليلات الحياا ؟؟
لينا تتأمل وجه غلا وهي تصاارخ : اقول غلوو .. فيك شيء متغير
مريم ماسكه الضحكه : هه...ههه ...
ناظرتها غلا بقووه : في شيء يضحك ؟؟؟
شيخه بعفوويه : يووه خشمك ازرق !!
فتحت غلا عيونها اكثر وانفلتت من يدين تهاني وبياان : تعاالي شويخوووه
شيخه تروعت : وش فيك بسم الله وش قلت ؟؟؟
مسكتها عبير قبل ماتطب على شيخه : وش ماكله انتي اليووم
سحبتها ضي وهي تخزها : غلاا انتي بنت جامعه لاتفشلينا
تكتفت غلا : لاازم ارد اعتباااري !!
بيان : أي اعتبااار ؟
غلا : الي ضحكوا على خشمي !!
اسيل : طيب خشمك يضحك شيء طبيعي ي..
خزتها غلا : اووص لاافقع خشمك اقوول .. واخليه يستوي بنفسجي مو ازرق بعد
تراجعت اسيل جمب تهاني : تسوويها يمه
ساره : قوموا محاضرتي بتبدأ السااعه 9 وربع .. اتركوا غلا لانعرفها ولاتعرفناا
غلا تكشهم : هذا جزااي جايه ابي اضمكم مااالت عليكم
لينا طبت عليها تضمها : غلااايتي وربي اني افتخر انك صااحبتي
غلا تونست : يالبييييييييييه لييييييييييينا احبببببببببببببببببببك ليووووووووون
لينا : فديييييييييييت ام خشم ازرق !
دفتها غلا معصبه : وجع توجع خشمك .. تلايطي يالتبنه لا احبك ولا تحبيني


خلصوووا كل البنات محاضراتهم ع السااعه 1 الظهر ..
تجمعوا في المكان الي متفقين فيه عند المطعم
غلا : اخيراً صرنا بنات جامعه وبنتغدا خارج البيت !
ناظروا البنات بعض ودخلوا بسرعه قبل ماتدخل
غلا ركضت وراهم : انتظروووووني ياعلاات

جلسوا يسولفون وهم يتغدون وكل وحده مندمجه مع الثااانيه ..
بيان : انا اصلاً المفرووض ما اكلمكم
عبير : المفرووض هـ الكلام لنا مو لك يالعله .. انتي المفرووض تتصلين
بيان: مين اخر واحد كلم ؟
شيماء + عبير : انا
بيان ببرائه : جد ؟؟
شيماء : ياربيييييي على البراائه
بيان بأبتسامه : اقوول مرت اخوي
انعفس وجه شيماء : وشو ؟؟ نععم ؟؟ خييير ؟؟ من متى مرت اخووك ؟؟
عبير بخبث تكمل مع بياان : الا متى الملكه والزوااج ؟؟
بيان وهي تناظر شيماء وترفع حواجبها وتنزلها : بعد زوااج اسيل بأسبووع فقط
ضي داخله عرض : قولوا بعد زواج ضي بأسبوعين .. خلوني احس اني عرووس
بيان : ههههههههههه وحده مبسوطه انها بتعرس ..
ضي بعفوويه : ايه والله .. شعوور حلوو ترى ..
عبير : من جد تحسيين انك ملكه
غلا نطت : وش هووو ؟؟ وش قصدكم ؟؟ يعني انا مو ملكه ؟؟
ساره : لو تبين كان صرتي ملكه من زمان بس عنيييده
غلا رفعت خشمها : انا ملكه بدون زواااج ياماما ..
مريم: اقوول نزلي خشمك بس .. هذا وهو صاير علبة الوان ترفعه .. نزلييه لاتفشلينا
البنات : ههههههههههههههه
غلا بعصبيه : والله كلمه وحده زيااده عن خشمي من أي وحده فيكم .. موووتها على يديني
أنكتمــوا البنات وانطموا
لأنهم عاارفيــن انها خبله وبتنفذ تهديدها ..
تهاني وهي تاكل : الا جد بنات .. حنا اما ولا عرس لسنوات طويله ولا ثلاث عروس ماادري اربع بشهر واحد !!
ساره : مرام لساا ماتحدد زواجهااا
لينا : احسن لكم من العزوبيه
شيخه : هيييه يابوو الشباب توني ادري اننا رجال .. عزوبيه !!
البندري : ههههههههههه مضيعه
اسيل : وانتي عبير متى الزواج بالله ؟؟
عبير بدلال : ماادري ياختي متردده اتزوج الحين ولا في العطله الصيفيه احسن ..
ساره : وهو على كيفك .. ترى زوجك له راي
عبير : أحــم تاركني براحتي
غلا : اكشخ " بنذاله " انا اقول لاتتزوجين الحين .. انتظري لما ننخطب كلنااا .. انا وساره وشيخـ...
البنات قاطعوها : نذلــه
بعد ماخصلوا الغداء كل وحده اتصلت على احد يجي ياخذهاا
قامت بيان من كرسيها ومشت بعيييده شوي عن البنات
حسبت عدد الرنااات وهي تنتظر بشووق وليد يرد
جاها صوووته بالوقت الي بدأ قلبهاا يدق بسرعه : ياهلاا والله ..
كان واضح انه بالشغل لأن فيه اصوااات رجاال جمبـه
قالت بصوت متلعثم : هـ..لا ..وليد .. ترى خلصت
وليد بصوت هادي : الحييين جاايك .. يالله فمان الله
بيان بهمس : اوكِ .. فمان الله
ناظرت الجوال بخيبة أمـل .. يعني وش كانت تتمنى ؟؟
يقولها اشتقت لك حبيبتي !!
هو في الشغـل .. وبنفس الوقت مايحبهااا
لازم تفهم انه يحبـ ....
كشرت على طااري ليلى ..
يعني لازم بكل مكان تتذكرها ..!
وبعدين ليلى تزوجت ... تزوجت اخوها !!!
رجعت للبنات الي قاموا ينزلون ويرفعون بحواجبهم لها .. بس طنشتهم وسرحت تفكـر بحالهاا مع وليد
قاموا بعدها بيروحون لمبنى الخرووج
وقفوا عند النواافذ الي يقدرون يناظرون السيارات منهااا
ورجعوا يسولفون
بعد شوي وصـل وليد اول واحد بسياارته الحمراا
كانت بيان تنااظره من الناافذه
واضح من داخل السيااره لابس ثووب وشمااغ ابيض .. وحاط نظاره سودا على عيونه كالعاده
ضــي : أحـــم ياهوووو .. بيااان ..
بيان : .....
عبير : يااقلبي بيوونه كل هذا شووق !!
البندري تغني بصوت رومانسي : مشتااق لك .. ميت عليييييييييك .. وينك بعد عمري ابييييك ..
انتبهت بياان لتعليقاات البنات
لبست غطاها وهي متفشله
اسيل : اتركوها ياشينكم !!!
تهاني : ههههههههههه جد بس يلمحون حركه يستلمون الواحد تعليقات
بيان تسوي نفسها مو مهتمه : عاد انا مهتمه بتعليقاتهم ..
غلا : يااقلبي على الي مو مهتمه .. ام خدود حمرااا
ناظرت سااره من النافذه بعدين ابتسمت وهي تلتفت لبيان : شووفي عيون البنات الي برى بتطلع من مكانها
اسيل تدف بيان : ماعليييك منهم يالله لايعصب علينااا
طلعوا برررى .. وركبت اسيل ورى .. وبياان فتحت الباب الي قدام بعصبيه وركبت , بعدين سكرته بقوووه
اسيل : السلاام عليكم
بيان بهمس وهي معصبه : السلام ..
التفت وليد عليهم ورد بصوت عالي : وعليييكم السلام .. " ركز على بيان " وش في بعض الناس معصبين ؟
ماردت واسيل اشرت بأكتاافها بمعنى ماادري
مامشى على طول لأن فيه سيارات قدامه واقفه والبنات يركبون فيهاا
ناظرت بيان من النافذه وشاافت البنات الواقفاات عند الباب يناظرون فيهم .. قالت بسرعه وهي تناظر قدام : يالله وش فيك واقف ..
رفع حواجبه بأستغرااب من أسلوبها: تبيني اصدم النااس ؟؟ انتظري يركبون البنات
هزت رجلها بتوتر
ووليد ابتسم على جمب لأنه عرف لييه معصبه
مشـى بعد مافضى الطريق .. وطول الوقت ساكتين
وقف عند محطة بانزين ..
ناظرته بيان من تحت رمووشها وهو يعطي العامل الفلووس .. بعدها سند يده على الباب واليد الثاانيه حطها بينه وبينها وهو يدق بأصاابعه بخفه على السيت
التفت فجأه يسألهم : تبوون شيء من السوبر ماركت ؟
اسيل : نووو شكراً
هزت بيان راسها بـ لا ..
حرك السيااره ووقف عند السووبر ماركت ونزل ..
ضربت اسيل بيان على كتفهاا من ورى : بيانووو
ردت بيان وهي مركزه على وليد وهو يدخل السوبر ماركت : هاااه ..
اسيل : هويتي .. وش فيك سااكته احس الجوو ملل
بيان التفتت لها : وش تبيني اقوول ؟؟
اسييل : سوولفي
بيان : بعديين بالبيت , الحين دايخه
اسيل : يمه منـك ..
طلع وليد بسرعه وهو يرفع نظارته وبيـده علبـة عصير برتقاال
اسيل تناظر بيان الي مابعدت عينها عن وليد : تحسيـن اخوي يجذب عيون الكل من مشيته صح ؟ خخخ
خزتها بيان على جمب : انكتمي اسيلووه وش عندك اليووم ؟
اسيل رجعت تتسند : حاسه بملل وانتي بس تتفحصين بزوجك , وانا معطتني طاااف
ماقدرت بيان ترد لان وليد ركب السيااره
فتح علبة العصير وهو يتنهد : شكل الشغـل مو مخلص الا بعد المغرب
اسيل : ماراح تتغدا معنا ؟؟
وليد وهو يدور الدركسون : لا طبعاً .. والشغل اتركه , بتعشى معكم وانتوا بدوركم لاتتغدون
اسيل : لا والله !! جمب الشركه مطاعم تغدا بواحد منهم
وليد ناظرها من المراايه وهو يبتسم : مااقدر مدام حبيبتي مو معي
ناظرت اسيل بياان الي مالتفت لهم : اكشششخ بيون من قدك .. مايقدر ياكل دامك مو معه
بيان بهمس : انطمي
اسيل : ههههههههههه ابشري
صرقعت بيان اصابعهااا بتوتر ..
كم مررره سوت هالحركه لدرجه حست اصاابعهاا بيتكسروون
حطت يديها بحضنهاا وهي تتأمل السيارات برى
حست بيد وليد الداافيه تمسك يدها اليسااار
ويشبك اصاابعه بأصاابعها
عضت على شفايفها بخجل
هي بدون شيء حااسه بتوتر يجي يزيدهااا
ناظرته من المراايه الي برى وشاافته يبتسم وهو مركز على الطريق
وصلوا اخيراً ودخل وليد السيااره بالفله , ووداار على حووض الزرااعه الي بوسطه نافوره
سحبت بيان يدهااا من يده وفتحت البااب ونزلت طيرااان
أسيل وهي تفتح الباب : مشكور وليد
وليد وهو مركز على بيان الي دخلت الصاله : العفووو ..


::::::::::::::


عطى د.خالد النيرس التقارير وهو يووقف
طلع من مكتبه وتوجه لمكتب د.حمد
دق الباب وطل براسه : ممكن دقايق من وقتك يادكتوور ؟؟
رفع د.حمد راسه عن الأوراق وحط القلم وهو يشيل نظارته ويبتسم : كل وقتي لك يادكتور
أبتسم له د.خالد ودخل وسكر الباب وراه .. جلس على الكرسي الي مقابل المكتب
د.خالد : حبيت استفسر عن حاالة المريض سمير .. له مده تحت العناايه وصحته ماتحسنت بعد العمليييه ..
عقد د.حمد حواجبه : انا مستغرب من هالشيء .. توقعت انه رااح يتحسن مع العناايه والوقت .. لكن ما لاحظت تحسن بحالته !!
د.خالد : اذا تبي الصراحه ماكنت اتوقع العمليـه راح تنجح .. لكن لما كتب الله وأنجحت المفرووض تتحسن حالته مو ترجع مثل قبـل
د.حمد : رااح اتاابعه بأذن الله وانشووف وش الحل ..
د.خالد : ماقصرت يادكتور .. " وقف " المهم انا راايح اطلع المدام من الجاامعه تأخرت عليهاا نص سااعه وشكلها بتسب نفسهاا لانها تزوجت
د.حمد : ههههههههههه خلااص عندك مسؤليات غير المرضى تذكر .. الله يعينك
د.خالد رفع حاجب : ترى قرريب راح تصير مثلي
ابتسم د.حمد ولبس نظارته وهو يمسك اقلم : ياحلووها من مسؤليه
رجع د.خالد راسه وهو يضحك : ياعيييني توني ادري انك تبي تتزوج .. يالله أستأذن ..
د.حمد بأبتسامه : اذنك معك
طلع خالد من المستشفى وركب سياارته وهو يناظر السااعه
تأخر عليها كثيـر .. من متى وهي متصلـه !!
حرك السيااره .. ووصل بعد ربع سااعه للجامعه
دق عليها رنه وطلعت له
ركبت تهاني السيااره وواضح من عيونها الأبتساامه : السلام عليكم
خالد أبتسم بشووق : وعليييكم السلاااام , حبية قلبي .. تأخرت عليك أدري !!
هزت راسها : لا حبيبي لا تأخرت ولا شيء .. انا بالجامعه مع البنات مو بالشاارع
رفع رااسه للسماء وهو يحرك السيااره : فدييييت المتفهمييين الحلوييين ياناااس
تهاني بمرح : خَلووودٌ !!
خالد بأبتسامه : عيووونه , ياليت بس ماعندي شغـل كان بينت لك وش كثر مشتااق لك
تهاني : هههههههههه لا اذا خلصت الشغل تعاال بين لي
سولفوا طوول الطريق لما وصلوا الشقـه ..
نزل خاالد يوصلها للباب
اول مادخلت التفتت تبتسم له : متى راح ترجع بالضبط ؟
خالد فرك جبينه يفكـر : اممممم ع السااعه 9 الليل ... " ناظرها بأسف " الله يعينك على شغلي بتجلسين لوحدك .. اذا مليتي اتصلي على زيااد يوديك بيت اهلك
تهاني بابتسامه تريحه : لا ياقلبي ارووح واترك ريحتك !! اجلس هناا كأني جالسه معك احسن لي
غمض عيونه بحركه تمثليله وهو يمسك قلبه : ياااااربِ هذه الي بتذبحني !! ترى وربي اسحب على المستشفى وكل الي بالمستشفى
تهاني فتحت عيونها : وشو ؟؟ لا لا .. ورااك مرضى " دفته من كتفه علشان يطلع " يالله فمان الله حبيبي اشووفك ع الموعد
غمزت له بدلال
رص خالد على اسنانه : تسوي لي حركاااات وتقولي اشووفك على الموعد .. عسى ماتشوفيني بعد ساعه نااط بوجهك
تهاني : هههههههههه خاااالد .. يالله المرضى ينتظروون ترى
ناظر الساعه وهو يعقد حواجبه : جد ؟؟ مايقدرون ينتظرون سااعه زيااده
ناظرته بعتب : خااااااااااااااااالد
طلع وهو يقفل الباب ويتحلطم : طيب طيب بنشووف آخرتها ويا هالشغل
رفعت تهاني حاجبها بمكر .. راح تخلي هاليوووم .. يووم مميز ماينسااه طول حيااته
التفتت طيرااااااان لجوالها
خذته وراحت عن الناافذه
شاافت خالد وصل عند السيااره ودقت بسرعه قبل مايركب
توه بيرمي جسمه داخل السيااره , بس وقف وهو يطلع جواله
ناظر الشاشه وعقد حواجبه مستغرب .. تهاني تبي شيء ونست تقوله ؟!!
رد بسرعه : هلاا تهاني .. تبين شيء ؟
تهاني بنبره نااعمه بطيئه : لا ياقلب تهاني .. بس .. كأني نسيت لا أقولك " بهمس " أحبك .. صح ؟
تنهد خالد وهو يتسند على السيااره : وبعديين تهااني وش ناويه عليه
تهاني ببرائه : مو نااويه شيء .. وبعدين لاتتسند على السيااره .. اركب وشغلهاا وروح المستشفى ترى فيه نااس ينتظرونك
فتح عيوونه : وش دراك اني اتسـ.."سكت وناظر فووق للنافذه وهو يبتسم " تراقبيني ياست تهاني
تهاني : هههههههههههه يالله فمان الله حبي
سكرت بدون ماتسمع جوابه وهي تعض شفايفها بمرح .. الحييين يركب السيااره ويشوووف الي حطت فيهااا !!
دخل خالد جواله بجيبه وهو يهز راسه ويناظر الناافذه بتوعد
ركب سياارته ومشى ..
لما وقف عند الأشاااره التفت بشكل عادي للسيت الي جمبه .. وانتبه من طرف عيـنه لورقه حمراا مكاان تهاني
عقد حواجبه بأستغرااب وخذهاا وهو يشـم ريحة عطر تهاااني النااعم في الورقه
فتحهاا بسرعه وهو يركز على الخط الأحمر الغاامق داخلهاا


" حبيبي كل مـاا فيني يـذووب بـ همسـااتك

حبيبي كل أحـااسيسي يعشقـوونك .. يعشقـوونك

حبيبي طـاالبك تكفى أبيك بكل ذاتك
أبي أكـوون جنبك مثل ظلك ولا أبي شيء من دونك
أبي أسهـر وسط عينك
وأبي أشـررب كـأس نظـرااتك
وإلى منك بغيت النـوم أبي أنـاام بـ عيـوونك
وأبي أصحـى بـ كلمة يـاا صبـااح الخيـر بـ شفـااتك
وأبي فنجـاال حبك والغـلاا تمده جفـوونك
وأبي أهيم بك لا من نثرت عطـوور كلمـااتك
أبي أعيش بـ دنيـاا ينورهـاا قمـرر لـوونك
أبي فنك .. وأبي سحرك الجـذاب بـ فنونك

ابسـألك .. وش كثر حبي؟
وأبي منك إجـاابـااتك
وأبيك تجـااوب بـ ضحكة
معهـاا هـزة متـونك

عشقت الدمع بـ أحـزانك
عشقتك عند ضحكـااتك
عشقت أهلك على شـاانك
عشقت اللي يعرفـوونك
بـ روحـااتك وجيـااتك ..
وجيـااتك وروحـااتك
اخـااف النـااس يـاا عمري يصيبونك .. يحسـدونك

تعـاال واطلب الغـاالي
تعـاال وهـاات رغبـااتك
فـدااك اللي تبي
آمـر أنـاا صرت [مجنـوونك]

وإذا ودك أأكدلـك .. تعـاال وشف مسـاحـااتك
بـ وسط الخـاافق اللي لك حلف لا يمكن يخـونك

لك الله صـوورتك بـ عيني تذكرني وأقـول: أشلـون أعيش أوقـااتي بـ دونك.!؟

تـرااني لاا تبـاطيتك أحن لـ صوت نبراتك ..
عسى الله لايخليني بعيد وأعطش دوم لـ مزونك
وعسـااني مـاا أنحرم منك ولا من كل غمزاتك

لأن عيـووني الثنتين يحبـوونك .. يحبـوونك ..!

تــهاني خــالد "


أبتسم من قلبــه على الأسم والتوقيــع
كل يووم يتعلــق فيها بدون شيء
يتعلق بضحكتهاا بأبتساامتهاا بعيوونها بكلامها بهمسهااا
بطيبتهااا ورومانسيتهااا
والحين ناويه تعلقه فيها زيااده !!
نبهه صووت بوااري السياارات ورااه
التفت متفاجىء .. وانصدم بالسيارات الكثااار الي ورااه
ناظر الأشااره الي كانت تتغير من الأخضر للأحمر للمره الثاانيه وهو واقف
أبتسم على نفسه غصـب ومد يده من الناافذه يتأسف للي وراااه


:::::::::::


صدك عن اللي ملتـفـت لك (( ردى حـظ ))
وركضـك ورى اللي ماهـو بـ يمـّك مذلـّـهـ ..!


مدت غلاا بوزها لآخر شيء وهي تناااظر أمهاا الي تحط أطبااق الغدااء بالسله
دخلـت هالوقت شجون متحمسه : السلاااااام علييييكم
ام ثامر : وعليييكم السلام هلا والله بنتي .. جيتي من المدرسه ؟
جلست شجون على الكرسي وهي تزفر : سكتي ياخالتي , افتك من المدرسه بالكويت تجيني هنيه !! .. والمشكله ما اعرف ولا بنت وكل الفصل استلمني اسأله من وين انتي ؟؟؟ ليييه جيتي السعوديه ؟؟؟ تعرفين احد هنيه ؟؟ جننوني طلعوا الشيب براااسي
غلا والفيوزات ضااربه عندها : هذا بنااات اولى ثاانوي ماعندهم ذوق .. الناس يقهوون الضيف وهم يستلمونه اسأله
شجون : هيييه انتي ؟؟ وش قصدج ؟؟ بزران احنا ؟؟؟
ام ثامر وهي تمد طبق لشجون : اتركيها يمه .. حطيه بالسله الثاانيه .. وين اخوك ؟
شجون وهي توقف وتاخذ الطبق : هذا هو جاااي يغير ملاابسه
غلا بملل : وزيااد مو متغدي معناا ؟
ماردت ام ثامر وطنشت بنتهاا
وقفت غلا بنرفزه : انا مراح ارووح معكم تغدوو لحالكم
طلعت من المطبخ والدمووع بعيونهاا
ناظرت شجون خالتها بأستغراب : وش فيها خالتي ؟؟
ام ثامر بدون اهتمام وهي تغلف السلطه : دلع بناات
شجون بحزن : لا خالتي انتي ماتكلمينهاا ولا تعطينها وجه اذا كلمتج , حراام خليها ترووح معنا الحديقه توسع صدرهاا
ام ثامر : والله الي يبي يجي الطرريق ابيض والي مايبي بكيفه " نادت بصوت عالي " ريهاام ريااان
جاو يركضوون وكل واحد كااشخ وحاط شنطة العابه على كتفه
عطتهم السلال : حطوهم بسياارة يعقووب واركبوا مانبي نتأخر ويبرد الغدااء
شجون : وزيااد مو جاي معنا
ام ثامر : لا عنده شغـل
ريهام : يمه انا اتصلت بريم ولا رضت تجي ..
رياان : لا فاارس بيجي بس يدور احد يجيبه
ام ثامر : مانقدر ننتظر اكثر .. قووله عن الحديقه الي بيودينا فيها يعقوب ويجينا فيها
ريان : ان شاء الله
شجون : الحين رياان .. انت رجاال وش طوولك وشايل شنطة العااب
ريان وهو يروح ويعطيها طاااف : مالك دخل انتي .. بستغل كل لحظه من شبابي
شجون : خخخخخ تكفى " التفتت على خالتها " برووح اقول لغلااا تتجهز
ماردت ام ثاامر وهي منشغله بالأغرااض البااقيه
تنهدت شجوون وراحت فووق لغلا
دقت باب غرفتهاا ودخلت
شافتهاا منسدحه على بطنهااا في السرير واكتاافها تهتز بخفه
سكرت الباب وجلست جمبها على السرير
هزتها بشوي شوي : غلووو .. غلااايه ... قوومي بلا دلع .. ترى مو شيء الطلعه بدوونج
لفت غلا وجهها للجهه الثاانيه ماتبي شجون تشوفها
وقالت بصوت مخنوق : اطللعي شجون .. ماراح ارووح
شجون بعنااد : طلعه من هنيه ماكووو .. لماا تقومين وتلبسين عبايتج وتروحين معانا
التفتت غلا وهي تحط خدها اليمين على المخده وناظرت في شجوون
كانت دمووع غلا تسيل بهدووء على خدهاا وتستقر عند طرف فمهااا بعدها تكمل طريقهاا وتطيح على المخده
مدت شجون يدهاا ومسحت دمعه كانت بتطيح : لييه غلا تبجين ؟؟ اول مره اشووفج ضعيفه جذي , كنتي دااايم قدوتي بقوتج !
غلا بهمس وهي ترفع عيونها تناظر السقف : بس انتوا نسيتوا شيء شجوون ... " شهقت بصوت مكتووم " انا بشـــر .. بشر مثلكم .. اضحك لكن أبكي مثلكم ... امرح لكن اتألم وانجرح ... ليه ماحد معتبرني انسانه ؟ ليييه كلهم يظنوني بنت انخلقت تضحك وتمزح وتمرح بس .. لي قلب ياشجوون .. قلب ماحد اهتم فيييه .. انا بنفسي اهتميت فييييه انا قسيييته انا جرحته , وانا الي أذيته .. أذيته بأهتمامي بالنااس .. والنااس ماتهتم فيني
لفت وجهها ودفنته بالمخده وانفجرت بالبكي والمخده تمنع الصووت العالي يطلع
تقطع قلب شجوون على كلاام غلا : غلاا ترى خالتي ماتقصد , بس هي لانها تحبج سوت جذي , انتي فشلتيهاا مع اقاربهااا واقااربج .. ابووج بعد احسه تأذى من حركتج اشووفه يطالع فيج ووده يكلمج بس اذا تذكر الي سويتيه يتراجع , صدقيني حسيت فيه !
جلست غلا فجأه وهي تاخذ المنديل الي عند سريرها وتمسح وجهها وتحت عيوونها الي ساال الكحل علييه
كان وجهها احمر من البكي وشعرها الأسود متناااشر على وجهها بعفوويه
أبتسمت لهاا شجون : انا شيء وااحد مستغربه منه , لحد الحين مو لاقيه اجاابه له .. وانتي مو معطتني بعد اجاابه .. ليش سويتي جذي بولد عمتج ؟ هذا وهو قريب منج ؟ " بمرح تبي تخفف التوتر " اصلا شروطج صراحه انا مااشترطهاا حقت بزران اصغر مني خخخخ
خذت غلا نفس وضمت رجولها لصدرها وهي تشبك يدينها مع بعض حول رجولها : ادري انهم حقين بزارين وانا متعمده اجرحه وأأذيه .." كملت يوم شافت عيون شجون تطلع قدام لأنها ماتدري عن سالفتها مع فيصل " فييصل جرحني كثييير .. المفرووض يتفهم اني بنت غبيه بسن المراهقه .. يتفهم اني بنت خاله .. مايأذنيني بكلام جاارح .. كنت ابي ارد شووي من الي سواه فيني .. " أبتسمت بسخريه " ماينفع هالحكي الحين ! لأن فيـصل ماراح يصير لي .. امس تحلمت انه تزووج .. تخيلي قمت ابكي ومرعووبه .. بس الي استفدته من هالحلم اني فقدته وخلااص .. ماينفع البكي والندم " فكت يديها ورجعت شعرها على ورى وهي تكمل " مايهمني فيصل خلااص .. الله يوفقه ويوفقني .. ابي امي وابوي يرضوون علي .. ابي زيااد يمحي نظرة الكره والأستحقاار الي يناظرني فيها اذا أجتمعت معه على الغداء ولا العشااء .. ابي ثامر يرجع يكلمني .. خلااص ياجمااعه انا انسانه واغلط وحقكم علي
نزلت راسهاا تمنع دموعها
وشجون مافهمت شيء عن سالفة فيصل لكنها قربت وضمت غلااا لها : خلااص ان شاء الله يتفهموون ويساامحونج .. ولو اني ماادري وش جرحج فيه فيصلووه الغبي ؟؟ بس كرهته لانه جرحج
أبتسمت غلا من بين دموعها : كرهتيه ؟؟ ياليتني مثلك
ابتعدت شجون عنها : شيليتج مثلي ؟؟ ان شاء الله تحبينه ؟
ناظرتها غلا بعيون كسيره : ماادري .. دعيت ربي بصلاتي اني اكرهه انسااه المهم مااهتم فيه ... لأنه يكرهني ياشجون مايحبني ..
شجون بأستغراب : اجل ليه خطبج ؟
غلا هزت أكتافها : تحدي .... انتقااام .... سميه الي تبين
شجون بنرفزه : أي تحدي أي انتقاام ؟؟ واهله مايدرون
غلا بألم : مايدروون .. واستغربوا يوم رفضت لكنِ قلت صليت الأستخااره ومارتحت .. وهم تفهموا بطيبه .. لكن اهلي ماتفهموا ..
شجون بصدمه : جذبتي ؟؟؟؟؟؟؟؟؟
غلا : ياااااربي ياشجون لاتزيديني .. دااريه اني غلطاانه .. ولاا ازيدك من الشعر بيت سكرت السمااعه بوجهه يوم اعتذر لي !!
شجون علامات استفهام فوق راسها : اعتذر لج ؟؟؟
أبتسمت غلاا لان شجون دخلت بداومه طويله عريضه : افهمك بعدين بس انتي رووحي لايروحون عنك ..
شجون بعنااد : لا ياماما بتروحين معانا ولا مااروح
غلا بضيق : امي ماترتاح لو رحت معكم
شجون بعتب : افاا ماهقيتها منج .. خالتي طيبه وبتسامحج .. وبعدين انتي بنتهاا حشاشه يوفها
غلا بمرح : خخخخخ دجاجه وشو ؟؟
ضربتها شجون على كتفهاا : ايه الحيين رجعتي غلاا , قبل شووي حسبالي مضيييعه الغرفه اقوول من هذي ؟؟ المهم قومي حبي رااس خالتي ترااج زعلتيها بأسلووبج
غلا بضيق : غصب عننننني
سحبتها شجون : يالله قووومي لبسي قبل , بسررعه لايروحون عنا
لبست غلا ملابسها وعباتها ونزلت مع شجوون
وشاافت الكل في السيااره
ركبت بهدووء ورى
وطول الطريق يعقوب سوالف وضحك مع خالته
وشجوون تسولف فوق راس امها بهدووء
ورياان وريهام مسوين ازعااج ورى
وصلوا الحديقه ونزلوا البسااط والسلال
وجلسوا يتغدوون قبـل مايبرد
ويعقووب مخلي الجووو فرفشه وضحك
بعد ماخلصووا
راحوا ريهاام وريان يلعبون بالمرااجيح
وشجون وغلا راحوا يتمشوون
جاهم بعد شوي يعقوب وراهم مبتسم : هاه اجووفكم بتوصلون الكويت ماحسيتوا
شجون : ههههههههههه فللله مع ان الجوو رطوووبه
غلا : المهم اشجاار وورود حولنااا وحنا مع بعض.. مو مهم الجوو
يعقوب : مااقدر على الشااعريه انا خخخخ
غلا بشموخ : مايبي لها كلاام
شجون التفت وهي تشهق من الرمل الي جاء بوجهها
ريان : ههههههههه كنت برميه على ريهاام وجات ورااك
التفت شجون على ريهاام بعصبيه : انقلعوا انتي وياه لاتجون وراي " انحنت تاخذ من الرمل القليل ورمته على رياان " تستاااهل
غمض رياان عيونه وخذ من الدلو الي معه كوومة رمل ورماه عليها
شجون بصرااخ : وووويعه اوريك يالدوووب
ريان وهو يركض : هههههههاااي لقيت لي وحده اخبل من فارس على مايجي
راحت شجون وراه
وغلا تضحك عليهم
يعقوب بأستغراب : غرررريبه ماركضتي ورااهم ؟
غلا خزته من طرف عينها : قدام خلق الله .. هم بزارين ماينشره عليهم
يعقوب زاد أستغرابه : اللهم سكنهم في مسااكنهم !!
غلا بعصبيه : ياااربي من هالدعااء !!
يعقوب : استغفر الله .. وش فيه ؟
غلا وهي تناظر الورد : يذكرني بأحد
سكت يعقووب يتأملها وهي سرحانه بالورد
بعد ثواني ..
يعقوب : احم .. احم .. غلااااااااا .. غلاااايه وين سرحتي ؟؟
انتبهت غلا وهزت أكتاافها وهي تبتسم : معااك
يعقوب : فيج شيء انتي .. العقل ماينزل عليج فجأه !
غلاا رفعت خشمهاا : ماااالت .. آآه ياقلبي بس
يعقوب دخل يديه بجيبه وهو يناظر بعيد : سلامة قلبج , شفيه ؟
ناظرته بألم ..
لييه يحسسها انها ظالمه اذا تكلم معها بطيبه وهدووء
تتمنى تشووفه دايم رجه ويضحك .. ولا يصير هاادي ... ماتدري ليه ينقبض قلبهااا
قالت وهي تتنهد : تدري يعقووب اتمنى اسرع الزمن خمس او عشر سنوات
فتح يعقوب عيونه مستغرب : ليييه ؟!
غلا وهي تهز أكتافها : ما ادري كذاا .. ابي اشووف حالي كيف يكون بعد هالسنوااات ..
أبتسم لها يعقوب : صبري سنه سنه .. وبتشوفين حالج ذاك الوقت متزوجه وعندج درزن عياال
غلا انقعت ضحك : ههههههههههههههههه درزن ؟؟ وش شايفني دجاجه ولا ارنب
يعقوب بأبتساامه : الي تبين .." تنهد وهو يلتفت على خالته وامه " الله يووفقج ويووفق الكل ..
تركهااا وراح راجع ..
تركهاا تنااظره بألم ..
ياخووفها انها جرحته !
تحـس بحب يعقووب من دعواته لها الصاادقه الي تطلع من قلب
من أهتمامه وخوفه وقلقه اذا شافها متغيره
ياليتني اقدر احبك يايعقووب ياليــتني ما أعتبرك اخووي …!
بس وش تنفع ليــت ؟!
رجعت تتأمل الورد وتمشي وماحست بالسيااره الي وقفت قريب منهاا
وبـفاارس الي نزل يررركض لرياان
أنتبهت اخيرا بعد ماسمعت صووت امها المرح : تو النااس يا سيد فاارس ؟ تغدينا وخلصنا .. بس لاتخاف خلينا لك ..
فارس : والله ياخالتي تعبت وانا احن ابي احد يوديني بس ماحد راضي حتى يركب وياي مع السواق , واخيراً جاء فيصل من دوامه وعلى طول بس قلت له جابني .. فديت اخوي ياليته مايشتغل
ضحكوا عليه
وغلا التفت وشافت فيـصل يبتسم لهم ويرفع عينه لهااا
صدت عنه بضييق , ليييه حاسه بضييقه وبشيء يكتم على قلبهاااااا..
ظلت تتمشى لوحدها مو قادره ترجع تجلس معهم , وصووت ضحكهم يوصلهاا
دخلت بقسم المراجيح الفااضي
ماكان فيه الا بنت صغيره بعمر الـ 6 سنوات تلعب بالمرجيحه
أبتسمت لها غلا من تحت برقعها
وركبت في المرجيحه مو مهتمه بأحد كعادتهاا
ظلت تتمرجح وتسولف مع البنت الي تعلمها عن روضتهااا
سمعت صوت سيااره توقف قرريب من وراهم
التفتت وشاافت سيارة فيـصل , شكله بيرجع البيت , بس ليه وقف هنا ؟؟
ماكملت تفكيرها الا هو ناازل
ناظرته ينزل ويقفل السيااره وهي ترفع حاجب , وش يبي هذاا ؟
شكله ماخذ مقلب بنفسه ويظن انه اخوها ولا زوجها !
أقترب منها بملامح جامده
وقف قريب من المراجيح وهي وقفت المرجيحه بس مانزلت ولا تحركت
ناظر فيـصل بالبنت الصغيره وابتسم
ردت له البنت الأبتساامه وتابعت لعبهااا
تمنت غلاا في نفسها ان احد من اهلها يجي قبل مايكلمها فيـصل
لكن هي ابتعدت عن المكان الجالسين فيييه
التفت تناظر فيصل الي ماتكلم وقالت بجفاف : تبي شيء ؟
لوى فمه من أسلوبها : سلامتك , بس عندي كلمتين ودي اقولها لك
غلا بقوه : اتمنى انهم كلمتين صدق مو اكثر , واتمنى ان لهم فاايده مو مجرد إضاعة وقت
ضوق فيصل عيونه : اموت واعرف انتي متى بتغيرين اسلوبك الشين ؟
غلا رفعت راسها بشموخ : اذا اسلوبي مو عاجبك ياولد عمتي وتشووفه شين , مو مجبور تغير نظرتك عنه ..
خذ فيـصل نفس وهو يعد بدااخله , علشاان مايقرب ويعطيها كف على وجهها الشاامخ : بس حبيت اقوولك اني راح ارجع واطلب ايدك
دق قلبهاا بسرعه والتفت مستغربه : تطلب ايدي ؟؟ " فكرت بسرعه بعدين قالت بأستهزاء " لييه بترجع كرامتك ؟؟
فيصل بثقه : علييك نووور .. كرامتي الي ضيعتهاا لاني ابي اصلح غلطتي .. والحين انتي بترجعينها بموافقتك رضيتي ولا مارضيتي
غلا بعصبيه : وش قصدك ؟
فيصل : يعني طال عمرك راح اتزوجك هالسنه ولا الي بعدها ولا بعد 50 سنـه , بمعنى أوضح راح احجرك !
بلعت غلا الغصه .. مايتمنى لها الخير .. يبي يحجرها وتجلس عاانس ولا احد يتزوجها غيره
اناااني .. هذه الكلمه الي تنااسبه .. هي متأكده انه مايحبهاا
لو يحبهااا كان وافقت بدون تفكير
قالت بأستهزاء : ياربي مااقدر على الحب ياروميوو !
رجع فيصل راسه بحركة استهزاء وهو يضحك : مبين عليك انك تستهزئين , يعني عارفه اني ماعندي حركات الحب والخرابيط
غلا بأبتسامه : جد ؟؟؟ و… ولا اقول .. بلاش اذكرك بحبك " بتتريق " القديم
ناظرها بنظرات عصبيه من استهزائهاا : المهم عطيتك خبـر اني راح احجرك , يعني سواء رضيتي ولا لااا .. انتي لي ! فاهمه ؟!
غلا بحزن : كل هذا علشان كرامتـك ؟
فيصل : ايه نعم , رافضتني بنت خالي وش تبين الناس تقول عني ؟ المشكله انها تحبني لكن يقالها تنتقم
غلا بعصبيه : ياواااثق .. وبعدين خير ياطير .. رفضتك بنت خالك .. مو اول واحد ينرفض وش ذا التفكير الرجعي ؟
فيصل يكمل مو مهتم لكلماتها : وياليت الي رفضتني ع .. ..
سكتته غلا قبل مايكمل : بـــس ..
تجمعت الدمووع بعيونها وأشرت على سياارته : خلااص بوافق علييك , بس كاافي تجريح يا فيـصل كااافي حراام عليك وش ذنبي يوم حبيتك ؟ ماسويت شيء غلللط !! " حطت يدها على فمها من تحت البرقع تمنع شهقه " لكن اكتشفت ان الحب خيااال .. كذذب .. نصصب " لفت بتروح عنه " واكتشفت بعد … بهاللحظه .. ان ربي حقق دعووتي … وكرهتك !!
تركته بسرعه مختفيه بين الأشجاار .. متوجه لأهلها ..
وقفت البنت لعب ونااظرت فيصل الي يناااظر بـ غلاا مستغرب
مدت لساانها له بعصبيه وركضت رااجعه لأهلها وهي تلتفت كل شوي وتخزه
فيصل مو فاهم شيء .. وقف منصدم
غلاا القويه الي مايهزها شيء بكت ؟؟؟ غلا العنيييده واافقت بهالسهوله ؟؟
وو .. وكرهته ؟؟
وش الي جالس يصيــر ؟!
رجع لسياارته وهو حااس أفكااره ومشااعره بحالة فووضي ..


::::::::::::::

أمشِيّ " غَريبْ " ودآخلِيّ ألفْ دُولَه ..
........................ وأطَآلِع الدُنيَآ بنظّرآتْ مذّهُولّ ..!

شِفتْ أبسَطّ أحلآمِيّ ( تمُوتْ ) بسهُولَه ..
........................ و|| الصَمتْ || عنّ خُوفْ الحَكِيّ كآن مسّؤؤلّ ..!


دق جواال مرام بنغمة رسااااله
ناظرت بشنطتها من غير اهتمام
من الي يرسل لها ؟! غريبـه !!
ماشافت مين لانها مع ريم في السيااره ويا السواق
اول ماوصلوا البيت نزلت ريييم بسرعه وبحماااس
ومرام وراها
دخلوا الصاله وكان الكل موجود ماعدا فيصل وفارس
ريم + مرام : السلاااام عليـكم
الكل : علييييكم السلاااام
جلست ريم بحمااس جمب ابوها وطلعت من شنطتها الكبيـره مطويااات كثيرره
وكتب صغيره للجيب
ساره : الله وش هذا !!
فهد : من الحلقه ؟
هزت مرام راسها بأبتسامه
ام متعب تناظر ريم : وش رايك بالحلقه ياريم ؟
ريم تتكلم بحمااس : مرره حلووه , تخيلووا قالت لنا قصصص كثييييييره .. مو مثل مرام كل يوم قصه بس
بو متعب : هههههههه ياطمااعه
عطت ريم ابوها كتاب صغير : هذا عن اهمية الصلااه بوقتهاا .. تخيل يايبه !! اذا كانت الصلاه بغير وقتهااا عليها حسااب كيف تاارك الصلاه ؟ " وبحماس اكبر مدت له مطوويه " وهذاا فواائد الصلاه .. غير الجزااء ودخول الجنه وانها عامود الدين لها فوائد .. ممممممم تطيل العمر مثلاً
أبتسم فهد : توك تدرين
ناظرته مرام بلووم
هز اكتافه وهو يرفع يدينه : آآآسف
دق جواله ونااظر الشاشه وهو يكشر ووقف : عن أذنكم المركز
طلع وريم متاابعه حماسها .. عطت امها كتااب : وهذا اهمية الحجااب .. تدرين يمه ؟؟ وناااااسه حنا نختلف عن الغرب بشيء كبييير وعظيييم
ساره : وش نختلف عنهم فيه يا أبله ؟؟
ام متعب ضربت ساره بكوعها : ايييه وش نختلف فيه ؟
ريم تأشر بيديها كأنها مكتشفه كنز : تخيلي هم الحريم عندهم مثل الرجال يشتغلون مثلهم .. ويدفعون المهر مثلهم .. واذا صار عمرهم 16 سنه يطلعون من البيت ويدورون لهم بيت لحالهم .. يمممممه تخيلوا ؟؟؟ وفوق هذا لجاتهم مصيبه مايوقفون العيله مع بعض مثلنا !! لاااا .. كل واحد نفسي نفسي
نقعوا من الضحك على كلمة نفسي نفسي
بو متعب : ههههههههه البنت متحمسه بقووه
كملت ريم : وهم لايلبسون عبااه ولا شيء .. يعني الكل يشوفهم .. عكسناا حنا كأن الوحده فينا لؤلؤه مسكـر عليها ماحد يشووفهااا الا زوجهااا وابوها واخوانها .. وش ذا الحيااه عندهم مسااكين !!
ساره بتتريق : مسااكين ..
مرام : صاادقه ريم
ريم تقاطعهم : ولااا .. اذا احد مات عليهم .. عزاهم يووم واحد .. وكم دمعه
ضربتها مرام على كتفها بنعومه : ماقالت كذا ..
ريم عقدت حواجبها : انا شفتهم بالفلم .. تو اختها ميته وهي تمسح دمعتين وتطلع مع حبيبها
طلعت عيون بو متعب وام متعب قدام
ناظرت مرام في سااره بنظرات متهمه
رفعت ساره أكتافها : اناا مالي دخل .. شفروا بااقة ام بي سي بكبرهاا اذا تبون جيــل خلوووق
ريم : ياسلااام وش قصدك ؟؟
ساره : ماقصدت شيء يااقلبي انتي ..
فهد من وراهم : تصدقون حاس ان ريم بتطلع مرام المجلسه ..
جلس وهو يبتسم ويناظر في مرام
مرام : ههههههههههه انا حاسه كذا بعد .. بس ان شاء الله مو نفس حظي .. ان شاء الله حياتها سعييده
ناظروا بعض مستغربين وسكتوا
هزت مرام اكتافها وهي توقف : كل شيء ربناا كاتبه .. الحمدلله على كل حال .. عن أذنكم
الكل : اذنك معك
خذت شنطتهاا ورااحت
اول مابدلت ملابسها طلعت الجوال من شنطتهاا
وفتحت الرسااله الي جاتهااا
ناظرت بالرقم الي مو مسجل عندهاا
لكنها حافظته زييين


صعبه أرد المشاعر والحب موجود!
وصعبه أكذب ،، والقلب عند بيتك،،
وصعبه أعيش واقع حلمي المفقود !
كل ما لمست الحلم أحس إني جيتك ،،
بغيتك عندي وكل طريق لك مسدود !
وش تهم الحين قولتي إني بغيتك !!


صدق وش يهم كلاامه الحين ؟!
هي وحده بتتزوج
وحده كارهته وكارهه طاريــه
بعد كل الي سواه لها , الحين جالس يرسل رساايل ؟؟
قتـل أحلامها البريئه .. وهي ساكته
رسل لها المره الأولى وهي ساكته
لكن شكله تمادى
لازم يتذكر انه طلقهاا
وانها بتتزوج
تتــزوج !!
تذكرت فجأه زواجها وحطت الجوال وهي تنزل راسها
ماتبــي تتزوج , حتى لو كان هالزواج بيجيب لها سعااده
ربهاا كريــم ..
تبي تعيـش لوحدها مع اخوانها وخواتهااا
تبي تعيـش بغرفتها بااقي حياتهاا
كافي الي شاافته من هي صغيـره
ماتبي تشوف اكثر .. لاحزن .. لا ألم .. ولا حتى فرح ..
أمنيتها وهدفها رضى الله ..
الله بيعوضها عن كل الي انحرمت منه بالدنياا
الدنياا الزايـله ..
الآخره هي الي بااقيه
ذكرت نفسها بهالشيء بأبتساامة رااحه
يالله .. رضى ابوهاا بعد واجب عليهاا ..
لازم تتزوج علشان ابوهاا .. مو رغبـه بالزواج !
ناظرت بالجوال وتذكرت سامي !
هذه آخر مره تسكت له
لو رسل مره ثانيـه ..
تعرف من تقووله !!


تحت بالصاله .. راحوا فهد وريم غرفتهم
وبقت سااره مع امها وابوها
كانت مندمجه في برنامج اوبرا في mbc4
وهي مكشره ومو راضيه عن الي سواه الأبو في عايلته
ناظرت ام متعب بو متعب .. يعني قولهاا
تنحنح بو متعب : سااره ..
التفتت ساره بأبتسامه : سم يبـه
بو متعب بجديه : سم الله عدوك , بغيتك في موضوع وابيك تنتبهين معي
دق قلبها يوم حست في الي بيقوله ابوها لها : ان شاء .. الله
بو متعب كعادته بدون لف ودوران : في رجاال تقدم لك ..
سكت وهو يعقد حواجبه يفكر بشيء
وسااره بان الحزن بوجهها .. وكأنه قايل خبر محزن مو مفـرح !
كمل بو متعب : الرجال هو مشـاري ولد عمك أحمد
تجمدت سااره ووقفت عيونها عن الرمش
كانت صــدمه كبيـره لها ..
مشــــاري ؟؟؟؟؟!!!!!!
ولا يوم فكــرت ولاحطت في باالها ان مشـاري بيصير زوجها يوم من الأيام
صحيح هي ظنت انها ماراح تاخذ الا من عيال عمها , وتمنت ان ظنهاا خطأ بعد ماتزوج وليد
لكن ماتدري ليه أستبعدت مشااري من القاائمه أستبعااد كلي
يمــكن لأنها طول عمرها عاملته كأخو لا أكثر ولا أقل
أصلاً مشااري مايصلح لها ولا هو الشخص الي تتمناه
ام متعب : يمـه ترى مشااري ماينعااب !
بو متعب ناظر زوجته بعدين رجع يناظر بنته : سااره , بقوولك الي عندي وانتي بكيفك , مراح اجبرك على شيء .." فكر شوي وكمل " مشااري بالنسبه لي رجاال زيـن .. صدق فيه حركات طيش الشباب " عقد حواجبه " او يمثـل حركااتهم .. لكنه حنون وطيـب .. ومتأكد انه بيحطك بعيوونه .. كفايه ان ولد عمك وولد خالتك بنفس الوقت , وبتصيرين زوجته يعني مراح يرضى عليك بشيء
ساره بتردد : يبـه ... أ ... و..حالتـه ؟؟
ناظرت ام متعب زوجهاا بأستغراب وشافت وجهه جامد .. لفت على ساره بعصبيه : أي حاله ؟؟
أشر بو متعب يسكت زوجته : سااره .. انتي تعرفين كل شيء عن حالة مشاري .. قبـل عشـر سنوات جاااه انهياار ودخل المصحه .. بعد سنـه طلـع يكمل درااسته وكل فتره تجيه حالة الأنهيااار .. لكن له سنتين ماجاه الا يوم كنا مسافرين .." تنهد " بعد ماشاف ذاك المشهد " ناظر ساره بقوه " سااره قلت لك وانا ابوك .. انتي مو مجبوره توافقين
هزت ساره راسها وهي تبلع ريقهاا بتوتر : ممكن تعطوني وقت افكر ؟
بو متعب تسند براحه : اكيد خذي راحتك
استأذنت ورااحت طيرااان لغرفة مرام
دقت الباب بحركات متوتره وفتحت لها مرام مستغربه
رمت نفسهااا عليها وبكت
بالوقت الي سكرت مرام الباب وناظرت في سااره مو عاارفه وش فيها !!
جلستهاا على السرير تحاول تهديهاا
مرام : سااره وش فيك ؟؟ اذكري الله وهدي , وفهميني وش فيك
ابتعدت سااره عنها ومسحت دموعها وهي تستغفر , قالت بسرعه وهي ترفع راسها : مرام خايفه اوافق وانا ماابيه !
مرام : ؟؟؟؟؟؟؟؟؟؟؟
ساره بقلة صبر : مشااري ولد عمي خطبني يامرام
مرام نست حالة ساره وابتسمت بسعاده : والله !! الف مبرووك ياقلبــي , الله يووفقك وربي فر....
ساره تقاطعها بعصبيه : مراااااام , وش الف مبرووك ؟؟ جايتك ابكي تقولين الف مبروك !
مرام بأستغراب : ايه الف مبروك , ولييه تبكين ؟ " أشرت بتحذير " لاتقولين ماتبين مشااري وتسوين لي حركات البنات الدلوعات
ساره نزلت راسهااا : ماحد فاهمني يامرام .. جيت بشكي لك قلتي اني اتدلع
أبتسمت مرام تهديها : لا فاهمتك ياسااره .. بس ماشفت في مشااري شيء ينعااب .. ولا شفت فيك شيء يخليك ترفضين الزواج
ساره : انا ما أرفض الزواج ! انا أرفض الشخص نفسه ..
مرام عقدت حواجبها : والسبب ؟
وقفت سااره بأنفعال : لأنه مو الرجال الي حلمت فيــه .. انا ابي رجاال قووي .. جريء .. جدي اكثر الوقت .. يبتسم في وقت المرح ويخلي الكل يلتفت عليه من ابتسامته .. ابي شخص واااثق مغرور بثقته.. كلمته مااشيه .. لما يقولي كلمه انفذها بدون تردد .. ابي رجال شخصيته قويه تناسب شخصيتي
كتفت مرام يديها على صدرها : أممممم .. لييه ياربي تذكرني هالشخصيه بواحد اسمه وليـد ؟!!!
التفتت ساره عليها ورمتها بنظرة عتاب : مرام !!
مرام بهدوء : مو قلتي بتنسينه ؟
ساره لفت وجهها عن مرام : وانا قد كلمتي
مرام : وااضح ... لدرجه تبين واحد يصير نسخه من وليييد !
ساره بضيق : انا ماقلت نسخه منه .. ماطلبت ان الرجاال يصير حلو مثله .. لان مايهمني الجماال .. ابي نفس شخصيته
مرام : والنتيجه نسخه من أطبااع وشخصية وليد !
ساره برجاء : مراااام
مسكت مرام أكتااف ساره وصارت وراها : ساره أذكري ربك .. مو كل الرجاال نفس شخصية وليــد .. وليد نااادر .. وغير كذا انتي تبيـن تنسينه .. يعني يبي لك تنسين حتى شخصيته وامنياات البنات .. رجال واثق وقوي ووو..الخ .. لازم تتزوجين الرجاال الصاالح .. وتمشين حياتك بهدووء .. تدورين سعادتك مع زوجك بغض النظر عن شخصيته .. المهم اخلااقه ياسااره
حررت ساره أكتافها من يدين مرام وقالت بسرعه : ومشاري اخلاقه حلوه
مرام بصدمه : وش رايك ؟؟
التفت ساره عليها وأشرت بيدها : نسيتي البنات الي الأول نسمعهم وهو يكلمهم ؟؟
مرام بهدوء : ماانكر ان مشااري طاايش .. لكن البنت لاخذت الرجاال وحبته وخلته يحبهاا تقدر تغيــره للأحسن وتمسح الصفاات الشينه الي فيه
ساره بحزن : الظااهر الكلام مطول بدون فايده
لفت بتمشي بس مرام وقفتها وهي تقول : لاتهربين سااره .. انتي مقتنعه بكلامي بس تحاولين تبينين العكس
لفت ساره وناظرتها : مرام !.. انتي عارفه حالة مشااري .. افرضي .. ينــ...ينهـا..
مرام أشرت بيدها : سااره .. لا ... لاتكملين .." رجعت شعرها على ورى " انتي راافضه مشااري لهالسبب ؟؟
ماردت سااره وركزت بعيونها بعيد
مرام : ماتوقعتك كذا ساره !
ساره بضيق : يعني حرام اهتم بمستقبلي ؟؟
مرام ماهتمت بكلامها : هذا وانتي بنت خالته وعمه اقرب الأقارب له .. اجل كيف الغرب ؟ بيوافقون ؟ ولا محكوم على مشااري مايتزوج ؟
ساره : مرام لاتدافعين عنه الله يخليك !! يعني علشاان الغرب بيرفضونه انا ابتلي ؟؟
صرخت مرام لأول مره بعصبيه : بـس ساره ..
ارتاعت ساره من صرخة مرام : مرام ؟؟
زمت مرام شفايفها : انا متأكده ان هالكلام مايطلع منك .. هذا أثر العنااد والصدمه بـس .. ومشااري الغرب ماراح يرفضونه انا اعطيك مثاال .. وترى ماحد يفهم القلب الجريح .. الا الي قلبه انجرح مثله .." لفت وطلعت القرآآن وجلست على السرير " اطلعي وسكري الباب وراك
عضت ساره على شفتها السفليه بندم .. وش ذا الكلام الي قالت .. معقوله قلبها قاسي كذا !
قالت بسرعه وهي تطلع : آآسفه ..


::::::::::


فديت وقتن حط فـي دربـي .:. رفيـق .:.
واحدن يضحك معي وأضحك .:. مــعـه .:.
واحدن لا صار وسـط القلـب .:. ضـيـق .:.
بالســوالـف والـمـزايـح .:. وسـعه .:.
وان حكى بإسـلوبـه العـذب .:. الرقيق .:.
يسرق مــن الجــوف قلـبن .:. يسمعه .:.


الســاعه 9 وربع في الليل ..
دخـل خالد المفتااح بالباب وهو دااايخ وجاايع بنفس الوقــت
اليووم الشغــل كاان كثيــر
فتح الباب ودخـل وهو يعقد حواجبه مستغرب من الظلاام
فتح عيونه بأستغرااب يوم شااف الصــاله كلها شموووع وورد مجفف أحمر
شموع طويلـه وقصيــره
على التلفزيون وعلى الطاولات حتى على الأرض
كان لونهم كلهم أحمــر , لون واضح من نوور الناار المشتعله فيهم
التفت لليمين وهو يسـكر الباب ولحد الحين مو فاهم شيء لأنه كان داايخ
أنتبـه لطاولات المجلس الصغيره والكثيـره مصفوفه على طول الصااله لحد الغرفه
وكل طااوله عليها عدة شمووع .. وبـجمب الشمعه الكبيــره بينهم .. بطاااقه
التفت على الجهه الثاانيه , وكان فيه بعد .. بطاقات عند كل شمعه كبيره
أبتسم بأستغرااب وهو يااخذ نفـس من الجوو الملياان بـ ريحة الورد المجفف
التفت وراه على مفتااح النوور وشااف بطاقه حمرا معلقه بينهم ..
خذاها وهو يهز رااسه على حركات تهاني الحلوه , قررب من الشمعه القريبه وقراها
" يامســاء الشــوق والـ ح ــب
مســـاء مايكتمل الا بوجود قلـبي
مسـاء من غيــرك صـ ع ــب
مسااء تغرد فيـــه طيـور حــبي
..
بدون أنوار حياتي .. يكفينااا نوورك
تقدم خطوتين قدام وخطوه لليـسار "
حط البطااقه وابتسامته تتوسع
تقدم نفس ماقالت ووقف عند طااوله
خذ البطااقه الحمراا الي بجمب الشمعه الكبيره وفتحهاا وقراها على نور الشمعه طبعاً
" .. أح ـسـ نـفـسـي \\ { طــفــلــتــكـ } ..
ومـ ج ـنـوونــه ,., وآلـلـه × بـدنـيـتــكـ .!!
.. دلـّـ ع ــتــنــي ..!؟؟ بــ ( مــ ح ــبــتــكـ ) ..
وتـ ح ـمّــلـ , إنــت .؟! آلـلـي :: يـ ج ـيــكـ ؟!!
..
لو أقدم لك كل هدايا العالم .. مرااح أعبــر لك عن حبــي
حب كل يوم يزيد ..
..ينااام بأحضاانك
ويصحى بهمسااتك..
..تداعبه بلمساتك
ويزيد برمشاتك..
خالد .. هديه يقدمونها لك قلبي وعيوني ونبضي .. وكل شيء فيني يعيش على حبك "
نزل عيـونه جمب الطاوله وشااف هديــه كبيــره كلهاا لاامع أحمـر مغلفه بغلااف شفاف
نزل وهو يحط البطاقه مكانهاا
وتأمل بالهديــه
كانت عبااره عن ســاعه وكبك وقلم ونظاره من ماركة PATEK PHILPPE
لون الساعه والكبك والقلم ..فضي حوالينه أسود
والنظااره سوداا
ويتــوسطهم عطـر ميموير من نينا ريتشي
فسـخ خالد شمااغه ورمااه على أقرب كنبه وهو يووقف
رجع شعره البني بيدينه الثنتين وهو يتنهد : تهاااااااني .. أطلعي والي يرحم والديك .. الحييييين ..
ماحد رد عليــه
ورجع ياخذ البطااقه يكمل قرااءة الي فيها
" أتمنــى أعجبتك الهديه ؟؟!
تونا .. ماخلصنا ^_*
تقدم خطوه قدام وخطوتين لليمين
القااك هناك حبي .."
سكر البطااقه وطيران للمكان الي قالت له
فتح البطااقه الي موجوده على الطااوله وهو يبتسم
" اهلييين ... ياحلوو أبتسامتك ..! أشتقت لي صح ؟؟ مع ان السالفه كلها خطوتين ..!
هننااا ودي أبين لك وش كثــر أحبــك ..
أحترررت كيف أبين لك ولا لقيييت الا حل واحد !!
حط يدك على قلبك "
حط خالد يده بتلقاائيه وهو يكمل
" أحســب عدد نبضااتــه ..
ممممم ماعندي وقت محدد
احسب عدد نبضااته طوول العمــر
تدري ليــه ؟!
لأن مع كل نبضــه من هالقلب الي جنني
يزيــد حبي لك
أحسب حبيبي
واذا خلصت تقدم خطوه قداام وخطوتين يسار "
حط البطااقه وهو يقول بصوت عالي : ماراح احسب لأني عرررفت وأيقنت وش كثر تحبيني " برجااء " بس اطلعي لأني احس انك تعذبيني !!
وكالعاده ماحصل رد
مشى نفس الي قاالت
وهالمره كانت بطااقه بيضااء معطره كلها قلووب حمرااء
فتحها وهو يحس بشووقه يزيد لـ هالأنساانه
الي سحرته بضحكتها .. بأبتسامتها .. بهمسها .. بكلامها
بطيبتها .. بعفويتها .. وبرومانسيتهااا
" حـتـى عـيـونـي فـي نـظـرهـا
~ تـصـونـك ~
لو تـنـظـر لـ / غـيـرك
[ طـعـنـت بشرفـهـا ]
عـيـون مـا تـعـشـق × سـوالـف عـيـونـك ×
مـاهـي عـيـونٍ لـي ؛؛؛ ولا أنـا عـرفـهـا
..
آخر الرحلــه ..!
هديــه بسيـطه .. لكن هالمره منــي أنــا ..
من تهااني الي صاارت مجنوونة خاالد ..
أتمنى تعجبـك .. وتذكرك فيــني طوول الوقــت "
نزل عيوونه للمره الثاانيه وشااف مغللف أبيض وعليه قلووب حمراا مثل البطاقه بالضبط
فتحها بسـرعه وطلع منه بووك أسود مكتوب عليـه بالفضي
T & K
وميدالية مفاتيح فضيه على شكـل ثلاث مفاتيح طويلــه مكتوب على كل واحد منهم بالأسود
أحبـك
أهـواك
أعشقك
وعلـبـة أقلام سوداا
مكتوب عليــها كلمااات حب بالفضي
وداخل العلبه ورقه صغيـره خذاها وفتحهااا
" علبـة الأقلام حطها بمكتبك علشان اذا جيت تاخذ قلم تتذكرني ^_* "
ضحك بصوت عالي : ياشيخه .. انا بدوون شيء اتذكرك !
حط الورقه ورجع يااخذ البطااقه يكمـل قرااءه
" آخر كلآمي
أهديك أربع حرووف
أ
ح
ب
ك
ركبهم على كيفك..
القااك بغرفتنا
تراها على اليساار لاتضيع حبيبي ! "
حط البطااقه وهو يااخذ نفــس بوله وشوق : وانتي الصاادقه كنت بضيع !
تقدم بخطوات بطيئه وفتح باب غرفتـه
كانت بعد ظلاام الصاله منوووره بأبجووره حمراا رااايقه
ومنتـشر بجووها ريحـة عطر سينماا المفضل عند تهااني
التفت على اليمين
وناظر طاولتهم الصغيره الي حواليها كرسيين
كان وسطها شمعه حمراء كبيـره وجمبهاا تحفـه شفافه مليانه لربعها موويه .. وداخلهاا ورد أحمـر طبيعي
وطبقين حولهم
الطـبق الأول كان بيتـزا شلكها حلوو وريحتهاا وصلته
والطبق الثااني الصغـير فيه لازانيا على قدهم وشكلها يشهـي
وكاسيين كباار .. ضيقين من تحت وواسعين من فوووق
وشكلهم حلووو بألوان طبقاات عصير الكوكتيل
أبيض بعدين وردي بعدين أصفـر
وعلى طرف الكاس فرااوله حمراا
مع مزازات حمرا بعد
بعد عيونه عن طااولة الأكل
والتفت على السرير وأنتبه لتهاني الي جالسه على الطرف
وحاطه رجل على رجل
كانت لاابسه فستاان أحمـر فوق الركب
وينربط ورى الظهـر
وحااطه مكيااج احمر هااادي
ومسويه شعرها من فوق بوووف
ومن تحت يوفي
وأهـــم شـــيء ....
راسمــه أحلى أبتسااامه على فمهاا
أبتساامه تأسر وتسحر وتذووب خااالد
سكر خالد الباب بالقوه وتسند عليه وهو يفتح أزرار ثوبه الفوقيه علشان يتنفس
توسعت أبتسامتها وهي تقول بنعومه : الحمدلله على السلامه قلبي
قرب وهو يحط يده على شعره ونظراات شووق من عيونه العسليه وجهها لها : الحمدلله على السلامه ؟؟؟! لا توو النااس على الكلمه !


:::::::::::


أبي حبك معي { يكبر \ وابي أهواك انا اكـثر
حبيبي انت احسـاسي \ ونبض القلب وأنفاسي
ولو صـار الزمن قاسي عشان عيونك أتصبر


شالت حلا سعوود بخفه من حضن ثامر الي جالس على السرير : بسم الله عليـك
ثامر : بشوي شوي لايصحى ويرجع يفجر الدنيا !
حطته على كتفها وهي تبتسم : مسكيين طايح سنـه وش تبيه يسوي .. يضحك مثلاً
ثامر : كل يووم يطيح سن .. شكل يبي له طقم جديد
حلا بلوم : ثموووور
ثامر : هههههههههه آسف ياقلبي
طلعت مبتسمه رايحه لغرفة سعود ..
حطته في سريره وسمت عليه .. شغلت الأبجوره وطلعت
رجعت لغرفتها وظلت تسوولف مع ثامر تبي تغيـر مزااجه الي كل دقيقه يتبـدل ..
مره يبتـسم .. ومره يتجهم وجهه .. ومره يسررح
فكرت دقايق
ماتدري تقول الي نفسهاا تقوله ولا تسكت ..!؟
لكن شكل روابي وهي تقول ان الطلعه مو حلوه بدون متعب مازال مرسوم في وجهها
مهما صاار هذه بنت عمهااا وصديقتهاا ولازم تقدم تضحيات علشاانها .. لازم تساعدها
اول على الأقل تحاول تسااعدها !
قاطع ثامر سرحانها : تدرين اني قلت امس لأبوي عن السفـر للعلاج
حلا بأهتمام : وش قال ؟
ثامر بتفكير : طبعاً فرررح والأبتساامه ملت وجهه " هز أكتاافه " بس .... ماادري ياخوفي تخترب فرحته ومايصير فيه علااج لحالتي
حطت حلا يدها على كتفه تحاول تقوي عزيمته : قوو ايمانك بالله .. وان شاء الله فييه علااج لحالتك .. والعلااج قبل مايصير عند الدكاتره .. هو عند الله !
ثامر أبتسم لها : أكيد مايبي له حكي ! .. والله يسمع منك حبيبتي
سكتت تفكـر .. بعدين جمعت شجاعتها وقالت بصوت ثابت : ثامر ابي اسألك سؤال .. وابيك تجاوبني بكل صراحه وصدق !
ثامر بأستغراب : ليه عمري كذبت عليك ؟
حلا : ثامر ... ماادري .. بس السؤال الي بسألك اياه مو مخليني انوم مرتااحه لأني ابي اتأكد منه ..
رفع حواجبه : الله ! وش ذا السؤال ..؟
بلعت ريقهاا بعدين قالت بصووت حاولت تخليه ثابت بس ماقدرت : مت.... متعب ..." انتبهت ان ثامر عقد حواجبه يوم سمع الأسم .. وكملت " م.... متزو....ج ؟؟؟؟؟؟؟
فتح ثامر فمه شوي وهو يحرك عيونه على فووق كأنه يحاول يتخطى الصدمه والمفاجأه
حلا بسرعه : جاوبني من غير تفكير .. اصلاً مايبي له تفكير
نزل عيونه وهو ياخذ نفس : وش هالسؤال الغرريب ؟؟؟
حلا بخوف : مو غررريب .. انا ابي جوااب الله يخليك
ثامر : ووش فايدتك من الجواب ؟
سكتت حلا .. لانها عرفت المعنى من سؤاله بسرعه
فكرت شوي بعدين قالت بهدوء : انا ماراح اقول لروابي قبل لا أعرف السبب .. الحين تأكدت انه متزوج ...و..
قاطعها : وش الي يخليك متأكده ..؟
حلا : لأنك ببساطه .. ماجاوبت وقلت بثقه .. لاااا ..
حالة صمت انتشرت بينهم ..
قطعهااا ثامر بصوت حازم هادي : أجابه على سؤالك .... ايه ... متعب متزوج !
تسمرت حلا .. وكأنها كانت تتمنى ان كل الي شاافته كذب .. أورااق زواجه وبطاقة العيله الي تحمل اسم زوجتة .. كلها مزوره ..
يمكن هـ.....
لحظه ..وش الي يخليه يزور ..؟
وش هالتفكير الي جاها ؟
نزلت راسها تحاول تتماسك مو وقت تبكي على بنت عمها المسكينه والمظلومه بالنسبه " لها "
لازم تسأل عن السبب قبل
قالت بهمس وهي مازالت منزله راسها : ليييه ؟
مارد عليــها ..
رفعت راسها وقالت بأنفعال وبصوت مهتز : لييييييه ؟ وش السبب ؟ وش قصرت فيه روابي ؟؟ مو كاافي صبرت عليييه اكثر من سـنه ؟؟ مو كاافي صبرت على الضرب الي جاها ؟؟ صبرت على الشرطه الي كل يوومين مسوين تفتيش لشقتهاا ؟؟ صبرت على سفراته الي يظل اسابيع ماتدري وين راايح ؟ صبرت على كلام الناس والقيل والقال ؟؟ لييييه ماقدر هالشيء ؟؟ وش السبب ؟؟
ماقاطعهااا ثامر .. بالعكس استمع لكل كلمه لها بوجه جاامد .. ماعكست ملامحه تفكيره
ظل فتره مارد عليها
صرخت حلا فجأه : ليييه ماترد ياثاامر .. قوولي ولد عمتك ليييه يسوي هالشيء ؟؟ صديقك ليه يحاول يقتل زوجته للمره الثانيه ؟؟
ثامر بهدوء : ماله داعي الصرااخ حلا
مسحت دمعه طفرت من عينها : لو رديت علي ماراح اصرخ .. ليييه ماتجااوب ؟
انسدح على السرير وحط يديه ورى راسه وباانت على ملامح وجهه التفكير
بعد صمت صاار ممل بالنسبه لحلا .. قال : لأن بأختصاار ..ماعندي جواب ..
فتحت عيونها بأستغراب : ماعندك جوااب ؟؟؟ لييييه ؟؟ " ضمت شفايفها لبعض بقهر " انا اجاوب عنك .. لأنه يبي يغييير .. مل من زووجتـه وقاال التغيير زيييـ....
صرخ ثامر : حلااا .. ولا كلمه .. نامي وتعووذي من الشيطان .. ومابي أي شيء عرفتيه يووصل لروابي فاهمه ؟؟؟ وبكره ابي اعرف منك كيف عرفتي عن متعب اذا تكرمتي ؟
لف وتلحف بالبطانيه من غير أي اهتمام بحلا الي جالسه جمبـه
غمضت عيوونها بقهـر ..
هذا هم .. اذا ماعجبهم الحكي يصررخون ... ويسكتونااا بـ " ولا كلمه " ..!!
تصبــر وتصــبر على مزااجه ..
وراح تصبـر حتى على عنااده ..
وبتعرف الجوااب سواء بكره ولا السنه الي بعدهاا
المهم تــعرف السبب بأي طريقه قبل ماتووصل السالفه لرواابي بشكل غلط !


::::::


اليــوم الي بــعده ..
في لوس أنجلووس ..
الساعه 9 الصبـاح ..
طلعت ليلى من غرفة التبديل وهي تحط المنشفه على شعرهااا علشان ينشف
ناظرت بسطاام الي يمشط شعره على ورى ويتعطر عند التسريحه
عفست فمهاا بكرررره لهالرجاال الي واقف قدامها
التفت عليها وناظرها على جمب : ماخلصتي ؟؟!
ليلى وهي تجلس على الطرف السرير وترد ببرود : لا ماابي ارووح .. مالي خلق .. وبعدين هيفاء الي تعرفت عليها بتجيني بعد شوي
رفع حواجبه بأستغراب : تجيك وانتي مع زوجك بشهر العسـل ؟
أشرت بيدها من غير اهتمام : تكفى " كملت بتلعثم يوم خزها " ..ا.. اقصد يعني .. عاادي وش فيها .. وبعدين انا مليت من الفرفره بدون ما اشتري شيء
سطام بهدوء : انا مو بخيـل ومامنعتك انك تشترين الي تبين .. مو لهالدرجه ماعندي شيء ! .. لكن أشتري بعقل مثل الناس
قلبت عيونها من غير اهتمام وزفرت : طييييييب
سطام بهدوء مخيف : لاتزفرين ! وأبيك تشترين من هنا فساتين لزواج ضي وحمد .. وزيااد ولد خالي
ليلى ودها تقول تسطره من العصبيه : لزواج ضي وحمد عندي فستانين .. وزيااد اشتري من السعوديه احسن لي
رفع حواجبه بأستغراب : سبحاان مغير الأحوال !
ناظرته بحقد وهي تزفر : وش قللت ؟؟
قرب منها بحركه سريعه ومسك ذراعها ولواها ورى ظهرها
صرخت بألم : آآآي وج....
حط يده على فمها قبل ماتكمل وهمس بأذنها بهدوء : قلت لاتزفرين .. ووجع في بيت اهلك ياماما مو هنا .. واذا اهلك ماعلموك كيف تحترمين زوجك انا اعلمك ..
دفها بخفه وطاحت على السرير .. كمل بحزم : أرجع الاقي صديقتك راايحه فاهمه ؟
ماردت وناظرته بعصبية الدنياا كلهاا
ماتعودت احد يعاملها بهالحزم ..
امها بس تصاارخ بدون ماتسوي شيء
ومنى اختهاا مثلها اربع وعشرين سااعه تسوي خطأ ولا حد يمنعها .. حتى الصرااخ تصاارخ على زوجهاا
واخوها ضعييف شخصيه مايعرف يضرب الا اذا شرب
وابوها مات من هي صغيره
من عندهاا يحاكيها مثل هالحزم
ردد سطام بهدوء لكن بقوه : سألت فاهمه ؟؟؟
هزت راسها وهمست بحقد : فاهمه
طلع وتركهاا
وهي عفست السرير من قووة القهــر الي فييييها
صرخت بعد ماسمعت صوت باب الشقه يتقفل : زفــت زييين ..!! اول مره اشووف معرس يطلع يتمشى ويترك عرووسته ماالت عليك وعلى الي تزوجك !!
قاامت بسرعه تلبس ملاابس كشخه .. علشاان تستقبل هيفااء
بعد شووي دق الجررس وفتحت لها وهي تبتسم أكبر ابتسامه : هلا والله هيوووفه ..
هيفاء دخلت بغنج لاعبااه ولا شيء : هلا حيااتووو كيفك ؟؟
ليلى : مااشي حااالي تفضللي ..
دخلت وضيفتهاا بالصاله
وقدمت لها العصيــر
هيفاء وهي تشرب عصير البرتقال : تصدقين من ذاك اليوم وانا افكر فيك دخلتي قلبي بسرررعه !
ليلى بدلع حطت يدها على فمها : هههههههاااي ياحيااتي وانتي دخلتي قلبي بسرررررعه اكبر
ظلـوا يسولفون ويحشووون ومابقى احد ماجابوه على لساانهم
وهيفاء تحاول تاخذ معلومات منها عن ضي
بعد فتره عقدت هيفاء حواجبها وقالت بحذر : احس انك ماتحبيـن .......خوات زوجك ! ولا ....انا غلطانه ؟!
بلعت ليلى ريقها متوتره .. ولعبت بخصلات شعرها الأحمر وهي تفكـر
تَثـق فيها وتعلمها بخطتهاا !!! بس كأنها تحب هالبنات الشيوون !
قالت بفضول وخوف : انتي .... تحبينهم ؟؟
أبتسمت هيفاء بأنتصار.. لأنها عرفت ليلى على حقيقتهاا بسؤال واحد ..
حلووو .. شخص يساعدها ويوقف جمبها دايم
حطت هيفاء رجل على رجل وهي تقول : صراحه ... ومن غير زعل .. انا مااحب ولا وحده من بنات السـ,,, .. ولاتزعلين مني
ضحكت هيفاء بداخلها .. يوم شافت أبتسامة ليلى الي بينت فرحتهاا , وش تزعل ؟؟؟ الا طاارت من الفرح !!
ليلى بغباء : شوفي انا بقولك بخطتي مدامك تكرهينهم .. لأني أنا اكرهم من قلبي .. واخيراً في احد ذكي مثلك بيساعدني !
واخيراً في احد غبي مثلك بيساعدني
رددت هيفاء الجمله بنفسها وهي تبتسم لليلى تشجعها تتكلم وبنفس الوقت مستغربه من غباء ليلى القوي , لدرجه بتعلمهاا بسرعه بخططها مع ان توهم متعرفين ..
هي مستحيل تعلمها بخطتها الحين لاا لما تتأكد منهاا
يالله طلع فيه ناس غيرها تخطط !
علمتها ليلى بكل قصتهاا من هي صغيره .. يوم تحب وليد لماا تزوجت سطاام والمعامله الي عاملها فيها اليوم
ووعدتها هيفاء تسااعدها لكن الوقت صاار وقت الغداء وهي توها تنتبه للوقت
قامت بدلال وباست ليلى على خدهاا بقووه : يابعد عمري انتي , تعذبتي كثيير بس ان شاء الله اعووضك
ليلى بحمااس : ياليييييييت هيووفه , وراح اسوي الي تقولين .. وبسااعدك في الي تبين
لأنك غبيــه
قالتها هيفاء لنفسها وهي تودعها وتطلع من الفندق
بعد نص سااعه رجع سطاام من برى وبيده أكيااس هدايا ..
التفت للصاله وهو يحط الأغراض على الأرض وشاف ليلى تبرد أظاافرها وتنااظر التلفزيون
بقمييص عااادي وشعرها مرفووع بأهماال ومن غير تمشيط حتى
رفع حواجبه وهو يسلم
التفتت عليه وردت السلام ببرود
سألها وهو يأشر على ملابسها وشعرها : الحين استقبلتي صديقتك كذا ؟
ليلى بدون اهتمام : لا طبعا , لكن يوم رااحت بدلت علشان اخذ راحتي اكثر .. ومسكت شعري .. ليه فيه شيء !!
سطام بهدوء : لا ابد .. اذا تبين شيء قوولي ترى بعد بكره بنرجع السعوديه..
شال الأغراض وراح بيدخل غرفته
وقفت بسرعه وهي تقول : ماراح نتغدا ؟
سطام : بطلب من مطعم الفندق يجيبون لنا ..
ليلى بقهر : ليه مانروح المطعم
مسك الباب قبل مايسكره وناظر فيها من فوق لتحت : لما تعرفين تلبسين لزوجك مو " شدد على الكلمه " لصديقاتك .. وقتها نروح المطعم
سكر باب الغرفه بوجهها بقوه
وهي تفتح عيونها بقهر وتهمس لنفسها : هذا الي بااقي اتكشخ له !! ماهتميت !!


:::::::::

العصــر ..
في قــاعة الريــاضه بالخبــر
وفي ملـعب كرة المضرب " التنـس " الأرضيه
كان فهد مع ناااصر في فريق
ووليد وصديقه طلال بفريق
ضرب وليـد الكوره بقووه وأرتدت لورى وضربها فهد بسرعه
رجعت وضربهااا طلال
وبعدها فهد
بعدين وليد
زفر ناصر معصب : تراني هنااا لاتنسوون !
فهد وهو يتحرك بسرعه : ندري اخلص وروح ذيك الجهه
وليد وهو يراقب الكوره : الا اقول .. وش اخباار بو سرور بالسجن .. اليوم قريت عنه بالجريده وآخر اعماله
ضرب ناصر الكوره بسرعه : يعني لاازم تخرب علينااا اللعب بهالطاري
فهد : ايه والله وانت الصاادق
طلال : هههههههههه شكلهم متأذين
وليد مدد جسمه بسرعه قبل ماتطلع الكوره خارج الملعب وضربها بقوه وماقدروا ناصر وفهد يضربونها
صرخ طلال بحمااس : فزنااااااا .. يسسسس
ضرب يديه بيدين وليـد
وفهد وناصر رموا المضرب
ناصر: ترى كلها نقطتين
فهد : اصلا سألونا هالسؤال يبون يلهونا
وليد : هههههههه تبون حلاوه ؟؟
ضربوه على كتفه وهم يروحون لشنط الرياضه حقتهم
طلعوا قوارير الموويه يرشوون وجههم ويشربون .. من كثر الحررر
وليد وهو يرش شعره وياخذ نفس : فهـد انا من جد اكلمك عن بو سرور أنتبه منه !
فهد مسح وجهه عن المويه وناظر في وليد وهو يحط يده اليمين على خصره ويفكر : تصدق الي قاهرني اكثر ان واحد من اتبااعه طلع بكفااله .. لما نثبت عليه التهمه ! بشرط مايطلع من البلد
وليد بأستغراب : لييه طلعتوه ؟
فهد : يقاله ماسوا شيء .. بو سرور راس البلاء .." كمل وهو يضوق عيونه بقهر " شفتـه ذاك اليوم عند العمااره .. كان نفسي اقتله بيديني .. المشكله له عين يهدد ..
وليد : تقتله ؟؟ يهدد ؟؟ لييه من هذا ؟
التفت فهد وهو يغطي قارورة المويه ويقول بأستهزاء : هذا ســعد .. صديق متعب الساابق !
وليد كشر : لاتقول الي طيحه !؟
هز فهد رااسه وهو يناظر بطلال وناصر الي يسولفون بعيد
وليد بتحذير : انتبه منهم فهد ! ترى بوسرور يكرهك وسعد بعد يكرهك .. لاتنسى الي سويت له ...
هز فهد أكتاافه بعدم أهتمام : مايقدرون يسوون شيء .. يا أنا ياهم .." تحرك متوجه لناصر وطلال " تعال بس ولا يشغلون بالك
عقد وليد حواجبه بأهتمام .. فهد مو حااس بالخطـر الي حووله ..
وواثق من قوته وقدرته زيااده عن اللزوم !


:::::::::::


في نفـس الوقت
وفي شركــه من أضخــم الشركــات بالخبر
دخـل مشـاري يمشي بثقـه في مساحات الشركه الواسعه
وكل الي يشوفه من الموظفين يبتسم له ويحييه
دخل المصعد وهو يتنهد أستعداد للكلام الي بيقوله لحمد !
ضغط على الدور الخامس وهو يدق برجله الأرض
انفتح باب المصعد
وبدال مايتوجه لجهة اليمين .. مكان مكتبــه ومكتب سطام وزياد !
توجه لجهة اليـسار لمكتب حمد وابووه
وصل لمكتب حمد وسلم على السكرتير ودخل بعد مادق الباب دقتين
رفع حمد عيونه له وأبتسم : هلا والله .. نوور المكتب يا أستاذ مشاري !
رد مشاري ابتسامته وجلس مقابله : هلا فييك , وانت في المستشفى وفي الشركه منكب على هالأورااق ؟!
تنهد حمد من قلبه : آآه ياخوي .. كل حيااتي اورااق .. " أشر بيده " مش حالك .. انت وش عندك منور مكتبي ؟
فرك مشااري يدينه الباارده وهو يفكر كيف يقوله
حمد : وش فيك ؟؟ تبي شيء ؟
مشاري خذ نفس : اييه طال عمرك ..
حمد رفع حواجبه : طال عمرك ؟؟ وش ذا الرسميات ؟؟
مشاري : لأنك مدير كل العلاقات الماليه وانا ابي حصتي الي عندك
حك حمد جبينه بعدين عدل جلسته علشان يحاول يتفاهم مع اخوه : مشااري , ياخوي ترى انت كبيــر ومافيه فرق عني وعنك الا اربع سنوات .. ومامنعتك من حصتك لأنك صغير , لكن ودي اخليه عندي لما تتزوج وتكثر مسؤلياتك .. والحين بديت شغلك الجديد وكل راتبك لك .. ورااتب الشركه هنا نصه لك ! وش تبي اكثر لساا المسؤليات ماجاتك !
مشاري بهدوء : حمد انا ماطلبت ورثي من الشركه ! انا طلبت حصتي من راتبي.. يعني المسؤليات مالها دخل في رغبتي براتبي
حمد بجديه : محتااج شيء ؟
مشاري : اعيد واكرر خير ربك كثييير
حمد بنبره حازمه : اجل خلااص حصتك ماراح تاخذها , مو صغير انت علشان اقولك هالحكي , لكن خووف عليك .. خوف من السبب المجهول الي تبي راتبك له !
مشاري بدون تردد : مااقدر اقولك عن هالسبب أعذرني .. لو قلت لك ..... مايصلح ياخوي , وللمعلوميه بس .. انا رجال وولد ابوي ومستحيل اسوي شيء خطأ
حمد بهدوء وهو يشبك يدينه لبعض : ادري انك ماراح تسوي شيء غلط .. لكن ترى وراك زواج ! مو قلت لي انك وصيت امي تخطب لك بنت عمك ..؟ حناا نعتمد على نفسنا بزواجناا .. ولا انت نا....
مشاري وقف يقاطعه : حمد .. مسؤلية زواجي علي .. لكن ابي هالفلوس ضروري .. كم مره طلبتهم منك !
حمد بحزم : مشااري اجلس !
التفت مشاري يناظره ودااار حول مكتب حمد
لما وصل عنده
لف حمد كرسيه الدوار وقاابل مشااري الي يناظره بنظرات غريبه
دنق مشاري وحط عيونه بعيون حمد : حمد !! ناظر عيوني وتعرف !!! شكلي بسوي شيء غلط ؟
ركز حمد بعيون مشاري لكن ماجاوب ولاتحرك .. ومانمسحت نظرة الحزم الي بعيونه
تنهد مشاري وهو يغمض عيونه ويرجع يوقف ..
بعدها فتح عيونه وهو يقول بهدوء وألم : راح أبني مســجد لبـدر .........مو هذا حلمي انا وبدر ؟؟؟ ......" بقوه " راح احققه
وقف حمد وهو يضوق عيونه ويركز على مشاري الي تغيرت ملامح الشموخ بوجهه وباان الألم
حط يده على كتف مشااري وهمس : لو تكمل الحلم يامشاري ؟!! " أبتسم وهو يحط يده الثانيه على ذقن مشاري " وين اللحيه الطويله ؟؟ وين الثووب القصــير الي شفته عليك بعمر 16 سنـه ؟.. ياليت تكمل الحلم وتنهي علاقاتك مع البنات .. انت تعاقب نفسك يامشااري بدون سبب !
بعد مشاري يد حمد بضيق عن ذقنه : انا ما أعاقب نفسي .... انا ماسويت شيء غلط !
حمد رفع حواجبه : والبنات مو غلط ؟؟
مشاري اكتسى وجهه البرود : بس مجرد تسلي , مكالمات وطلعات عااديه بريئـه !
حمد : لاا ؟؟؟؟ الخلوه مو محرمه اجل ؟؟ " ضربه بيده الي على كتفه بخفه " هذا مو تسلي .. هذا ضيااع وقت .. وذنب لأنك تلعب على بنات الناااس
أبتعد مشاري عنه بسرعه : مالعبت على بنات الناس .. اتوقع عندهم عقــل !
هز حمد رااسه يوم شاف مافيه فايده : لاحول ولاقوة الا بالله
التفت عليـه مشااري وناظره بحده : قلت لك ما أعاقب نفسي " شدد على أسنانه " لكن راح أعااقبه .. يوم من الأيام بقابله .. وبنفذ فيه العقووبه الي القانون مانفذهاا فيه
فتح حمد عيونه : عقووبه ؟؟؟ مشااري ترى القانون يعرف أكثـر مني ومنـك في العقوباات !
سكت مشااري فتره وهو مركز بعيون اخوه
بعدين قال بصوت خافت : ايه اعترف .. انا اعااقب نفسي ياحمد " على صوته اكثر " لأني ماقدرت اسوي شيء وبدال ما أوقف ضده انهرت ودخلت مصحه عقليــه !!
لف طاالع وحمد يناديه من وراه بحزم : مشاااري أرجع .. كان عمرك 16 سنــه وش بتقدر تسوي ! " صرخ " مشاااري
مارد عليــه ولا فكـر يوقف
تنهد حمد وهو يستغفر ويفرك عيوونه ..


:::::::::::


سـواها { قلبي } ياحبيبي وحبكـ
ما طاعـني وانا عـن الحب ناهـية
الظـاهر انه مايبي غير قربــكـ
عـاف الجمـيع واول الناس راعـية


الســاعه 7 المســاء
في بيت بو وليــد ..
كان جالس مع أهله يتقهوى ويسولف ..
ونفسـه يعـرف سبب جلوسها بغرفتها من امس
من بعــد ماوصلهاا من الجامعه وهي في غرفتهااا بس تطلع وقت الغداء والعشااء
حتى اغراضها الي قالها تنقلهم مانقلتهم
وماحب يضغط عليها
وقف وأستأذن بيروح لمكتبه يكمل شغـله
طلع الدرج بحركات سريعه .. درجتين درجتين
كان بيكمل مشواره لـ الدور الثالث
لكن وقف وتوجه لجناحهم
فتح الباب ودخل وهو يدورها بعيونه
سمع صووت في غرفتهااا
ودق الباب وهو يدَخل يده بجيب بنطلونه الأخضـر
سمع صــوتها وهي تهمس
الصووت الي عذبــه أيااام وليالي : تفضـل
فتح الباب ودخل وهو يبتسم
كانت متربعه على السرير وقدامها الابتوب
ولابسه بلووزه بيضاء ناعمه مع بنطلون جنز وتاركه شعرهاا بحريه على أكتافهاا
رفعت راسها وأبتسمت له : ياهلاا
مال بوقفته كالعاده وهو يتفحـصها
هالبنت يوم من الأيام بتطير عقـله
مو كفــايه انه حبهااا من اول مره شافها
بالحديقه !!
يوم كانت تبتسم وتمد يديهاا وهي تناظر العصفور في السمااء وتدور على نفسها ..
ماينسى ذاك اليووم
حس بمشااعر غريبـه
وفي عزيمته يوم شافهاا .. قلبــه ماعاد قلبــه
والمره الأخيره في بيت عمه يوم صدمت فيه عند الدرج .. عرف وش صاار له ..
جااه .. مرض الحب !!
كان كل جزء فيه يبيها تصير له هو .. تصير ملكه
لكن عااند نفسـه وكلم ابوه يخطب له ليلى ..
كان يبي يثبت لنفسه انه رجااال مايهز قلبـه الحب
ليـه فكر او حتى حاول يفكر ان الرجاال ماله قلب يحب ؟!
ليـه انتقم من قلبـه
وهو يعاملها بجفااء وبروود بالملكه وفي شهر العســل
يحااول يبعد البروود عن دربـه
لكن عناادها خلاه يعااند ويكااابر
كرامته وكبريائه كـ رجل فووق كل شيء
المشكله بس يصرخ عليها ويعاملها ببرود شوي .. يرجع يندم ويتمنى ياخذها لحضنه ويراضيها ..
ويــن الثقــه .. وين القوه .. وين الكلمه المااشيه
بنت ... وبنــت صغيره هزززت كيااانه
ماتوقع ولا فكر بيوم من الأيام أحد يغيره .. وخصوصا شخص يعتبره " طفــل "
حركاتها العفوويه طيبتها ووحبها للناس الي تحااول ماتبينها له ..
خلوه يحبها اكثر
حركاتها الي تحرق أعصاابه
ودلعهاا بعد , بدال مايكرهونه فيها .. يزيدون حبه
بعض الأوقاات يفكـر يمسكها ويهزها ويصرخ فيها ..." حســي فيني أحبــك يابنت الناس "
لكن عاارف انها كارهته .. مايدري وش السبب بالضبط لكنها كارهته ..
يمكن لأنها تظن انه يحب ليلى ؟!
اصلاً مافكر في ليلى .. ولا حتى حبها .. مجرد شفقه وكان ناوي يطلعها من الحيااه الي تعيشها بين اهل غريبين الطبااع !!
لكن ابووه صحااه ان الزواج عشرة عمر مو بس تضحيه سنه ولا سنتين !
: وليــد ؟؟؟!!!
صوتها المستغرب وقف الأفكاار الي اندفعت في باله
أبتسم لها وهو يحاول قد مايقدر يخبي حبه لها .. مايبيها بأي طريقه تعرف انه يحبـها .. انه يضحي بعمره بس علشان سعادتهاا !
قال وهو يقرب يناظر الآبتوب حقها : تذكرت شيء بالشغـل .. وش جالسه تسوين ؟؟
ناظرته بيان على جمب .. جاي لها ويفكـر بالشغل .. لهالدرجه مو مستحمل دقايق معها ؟!
أشرت على الفوتوشوب : مثل مانت شاايف اصمم ..
رفع حواجبه بأستنكاار : تعرفين تصممين ؟
بيان : يسس .. ليه ؟؟
وليد : والله حلوو تصممين شعار لشركتناا
بيان فتحت عيونها : ههههههههههههه شعااار ؟؟ من جدك ؟؟ تصاميمي عااديه مو ذاك الزود
وليد وهو يأشر على الشاشه ويبتسم : ايه وااضح
نااظر الساعه بضيق .. وده يجلس معها أكثـر
لكن الشغـل كثيــر
ناظرته بعيوون واسعه وهي ترمش بسرعه وقالت بنبره محبطه : مشغول صح ؟
أبتسم لها بحب : ورااي اوراق يبي لي اخلصهاا بكره
بيان مدت شفايفها بزعل : وفي مكتبك طبعاً
مسك ضحكته على شكلها الطفولي
بعض الاوقات يظن انها تغاار من مكتبه بس مستحيل يصدق ظنه لأنها ماتحبه اصلاً !!
تأملها لحظات بعدها مد يده
ناظرت بيده مستغربه
غمز لها بمرح : ماتبين تستكشفين عالمي ؟
فتحت عيونها بأستغراب واشرت على نفسها : أنا ؟؟
وليد : ايه انتي ..
بيان تلعثمت وهي تحرك يديها : بس انت ماترضى لأي احد يدخل هالعالم الغريب !
رجع راسه وهو يضحك وبعدها أشر بيده الممدوده : وانتي اول وحده بتدخلينه
كمل في نفسه .. " قلبي "
بلمح البصر نطت بيان من على السرير وهي تسكر الابتوب
وحطت يدها في يــده !



:::::::



نهــاية الجــزء الـ 26

* ملخص للجزء السابق ..

زياد بأبتسامه : لأول مره تقوول كلام حلوو يا أحمد .. لعبه ... هذا الوصف للي قااعد اسويه
أحمد : وش يضمن لك انك بتفوز فيها ؟
زياد : لاتخااف بفووز وبسهووله
احمد : والضحييه .. وحده مالها ذنب طبعاً ..!!!!



زياد : ومن قاال اني بأذيهاا ؟؟ ترى مثل ماخذتها من بيت اهلها برجعها بيت اهلها !! ماراح اقرب عندهااا ..
احمد بأستغراب : مراح تقرب عندها ؟؟ جد ؟؟ يعني " بقلق " مراح تضربهاا




زياد بملل حرك كوبه : ماادري ليـه جالس اقولك انا ؟؟؟ بأختصاااار الموضوع مثل ماقلت لعبه .. والبنت ماراح تموت .. ولا راح يجيها شيء .. مجررد أنذاار .. ان الي يلعب معي يخسسسر ..!!


×

×


ضوق فيصل عيونه : اموت واعرف انتي متى بتغيرين اسلوبك الشين ؟
غلا رفعت راسها بشموخ : اذا اسلوبي مو عاجبك ياولد عمتي وتشووفه شين , مو مجبور تغير نظرتك عنه ..
خذ فيـصل نفس وهو يعد بدااخله , علشاان مايقرب ويعطيها كف على وجهها : بس حبيت اقوولك اني راح ارجع واطلب ايدك
دق قلبهاا بسرعه والتفت مستغربه : تطلب ايدي ؟؟ " فكرت بسرعه بعدين قالت بأستهزاء " لييه بترجع كرامتك ؟؟
فيصل بثقه : علييك نووور .. كرامتي الي ضيعتهاا لاني ابي اصلح غلطتي .. والحين انتي بترجعينها بموافقتك رضيتي ولا مارضيتي
غلا بعصبيه : وش قصدك ؟
فيصل : يعني طال عمرك راح اتزوجك هالسنه ولا الي بعدها ولا بعد 50 سنـه , بمعنى أوضح راح احجرك !-- " التحيير "

×

×

تبي تعيـش لوحدها مع اخوانها وخواتهااا
تبي تعيـش بغرفتها بااقي حياتهاا
كافي الي شاافته من هي صغيـره
ماتبي تشوف اكثر .. لاحزن .. لا ألم .. ولا حتى فرح ..
أمنيتها وهدفها رضى الله ..
الله بيعوضها عن كل الي انحرمت منه بالدنياا
الدنياا الزايـله ..
الآخره هي الي بااقيه
ذكرت نفسها بهالشيء بأبتساامة رااحه
يالله .. رضى ابوهاا بعد واجب عليهاا ..
لازم تتزوج علشان ابوهاا .. مو رغبـه بالزواج !
ناظرت مرام بالجوال وتذكرت سامي !
هذه آخر مره تسكت له
لو رسل مره ثانيـه ..
تعرف من تقووله !!

×

×


لفت بتمشي بس مرام وقفتها وهي تقول : لاتهربين سااره .. انتي مقتنعه بكلامي بس تحاولين تبينين العكس
لفت ساره وناظرتها : مرام !.. انتي عارفه حالة مشااري .. افرضي .. ينــ...ينهـا..
مرام أشرت بيدها : سااره .. لا ... لاتكملين .." رجعت شعرها على ورى " انتي راافضه مشااري لهالسبب ؟؟
ماردت سااره وركزت بعيونها بعيد
مرام : ماتوقعتك كذا ساره !
ساره بضيق : يعني حرام اهتم بمستقبلي ؟؟
مرام ماهتمت بكلامها : هذا وانتي بنت خالته وعمه اقرب الأقارب له .. اجل كيف الغرب ؟ بيوافقون ؟ ولا محكوم على مشااري مايتزوج ؟
ساره : مرام لاتدافعين عنه الله يخليك !! يعني علشاان الغرب بيرفضونه انا ابتلي ؟؟
صرخت مرام لأول مره بعصبيه : بـس ساره ..

×

×

كانت راسمــه أحلى أبتسااامه على فمهاا
أبتساامه تأسر وتسحر وتذووب خااالد
سكر خالد الباب بالقوه وتسند عليه وهو يفتح أزرار ثوبه الفوقيه علشان يتنفس
توسعت أبتسامة تهاني وهي تقول بنعومه : الحمدلله على السلامه قلبي
قرب وهو يحط يده على شعره ونظراات شووق من عيونه العسليه وجهها لها : الحمدلله على السلامه ؟؟؟! لا توو النااس على الكلمه !

×

×

بلعت ريقهاا بعدين قالت بصووت حاولت تخليه ثابت بس ماقدرت : مت.... متعب " انتبهت ان ثامر عقد حواجبه يوم سمع الأسم .. وكملت " م.... متزو....ج ؟؟؟؟؟؟؟
فتح ثامر فمه شوي وهو يحرك عيونه على فووق كأنه يحاول يتخطى الصدمه والمفاجأه
حلا بسرعه : جاوبني من غير تفكير .. اصلاً مايبي له تفكير
نزل عيونه وهو ياخذ نفس : وش هالسؤال الغرريب ؟؟؟
حلا بخوف : مو غررريب .. انا ابي جوااب .. الله يخليك
ثامر : ووش فايدتك من الجواب ؟
سكتت حلا .. لانها عرفت المعنى من سؤاله بسرعه
فكرت شوي بعدين قالت بهدوء : انا ماراح اقول لروابي قبل لا أعرف السبب .. الحين تأكدت انه متزوج ...و..
قاطعها : وش الي يخليك متأكده ..؟
حلا : لأنك ببساطه .. ماجاوبت وقلت بثقه .. لاااا ..
حالة صمت انتشرت بينهم ..
قطعهااا ثامر بصوت حازم هادي : أجابه على سؤالك .... ايه ... متعب متزوج !

×

×

قالت بفضول وخوف : انتي .... تحبينهم ؟؟
أبتسمت هيفاء بأنتصار.. لأنها عرفت ليلى على حقيقتهاا بسؤال واحد ..
حلووو .. شخص يساعدها ويوقف جمبها دايم
حطت هيفاء رجل على رجل وهي تقول : صراحه ... ومن غير زعل .. انا مااحب ولا وحده من بنات السـ,,, .. ولاتزعلين مني


وقفت ليلى بسرعه وهي تقول : ماراح نتغدا ؟
سطام : بطلب من مطعم الفندق يجيبون لنا ..
ليلى بقهر : ليه مانروح المطعم
مسك الباب قبل مايسكره وناظر فيها من فوق لتحت : لما تعرفين تلبسين لزوجك مو " شدد على الكلمه " لصديقاتك .. وقتها نروح المطعم


×

×

وليد بتحذير : انتبه منهم فهد ! ترى بوسرور يكرهك وسعد بعد يكرهك .. لاتنسى الي سويت له ...
هز فهد أكتاافه بعدم أهتمام : مايقدرون يسوون شيء .. يا أنا ياهم " تحرك متوجه لناصر وطلال " تعال بس ولا يشغلون بالك
عقد وليد حواجبه بأهتمام .. فهد مو حااس بالخطـر الي حووله ..
وواثق من قوته وقدرته زيااده عن اللزوم !

×

×

التفت عليـه مشااري وناظره بحده : قلت لك ما أعاقب نفسي " شدد على أسنانه " لكن راح أعااقبه .. يوم من الأيام بقابله .. وبنفذ فيه العقووبه الي القانون مانفذهاا فيه
فتح حمد عيونه : عقووبه ؟؟؟ مشااري ترى القانون يعرف أكثـر مني ومنـك في العقوباات !
سكت مشااري فتره وهو مركز بعيون اخوه
بعدين قال بصوت خافت : ايه اعترف .. انا اعااقب نفسي ياحمد " على صوته اكثر " لأني ماقدرت اسوي شيء وبدال ما أوقف ضده انهرت ودخلت مصحه عقليــه !!

×

×

هالبنت يوم من الأيام بتطير عقـله
مو كفــايه انه حبهااا من اول مره شافها
بالحديقه !!

كان كل جزء فيه يبيها تصير له هو .. تصير ملكه
لكن عااند نفسـه وكلم ابوه يخطب له ليلى ..
كان يبي يثبت لنفسه انه رجااال مايهز قلبـه الحب
ليـه فكر او حتى حاول يفكر ان الرجاال ماله قلب يحب ؟!
ليـه انتقم من قلبـه

ويــن الثقــه .. وين القوه .. وين الكلمه المااشيه
بنت ... وبنــت صغيره هزززت كيااانه
ماتوقع ولا فكر بيوم من الأيام أحد يغيره .. وخصوصا شخص يعتبره " طفــل "

غمز لها بمرح : ماتبين تستكشفين عالمي ؟
فتحت عيونها بأستغراب واشرت على نفسها : أنا ؟؟
وليد : ايه انتي ..
بيان تلعثمت وهي تحرك يديها : بس انت ماترضى لأي احد يدخل هالعالم الغريب !
رجع راسه وهو يضحك وبعدها أشر بيده الممدوده : وانتي اول وحده بتدخلينه
كمل في نفسه .. " قلبي "
بلمح البصر نطت بيان من على السرير وهي تسكر الابتوب
وحطت يدها في يــده !

/
\
/
\
..


!..:: الجــزء السـابع والعشـرون ::..!

// من النظـره الأولى //


..:::::..


ودي أرحـل عـن حيـاتك بس مدري ويــن " أروح " ..!

وين أودي خطـوتـي وإنـت جهـاتي [ الأربعـهـ ] ..!
طلعت معه من الجناح وهو لساا ماسك يدها .. ماتدري وش سر هالأبتسامه الي مرسومه ع فمها من غير سبب ؟!
قال وليد وهو يتوجه للدرج الي يودي مكتبه : مع انه مكتب عادي مثل أي مكتب .. بس احس نظرتك له غير
رفعت عيونها له وهي ترمش بعدم فهم : كيف نظرتي غير ؟
وليد وهو يحاول يمسك ضحكته : احسك تغارين منه
لفت وجهها عنه وهي تعض شفايفها .. لهالدرجه مشاعرها واضحه ؟؟
دق جواله بهالحظه وترك يدها وهو يوقف وياخذ جواله من جيبه : ياهلا وغلااااا ...... اخبارك ياشييخ ؟ .. ههههههههه لا بس كـ عادتك تخرب لحظه حلوه " ناظر بيان وهو يتسند ع الجدار حق الدرج " ليه ؟ .... وينك انت ؟ .. " رجع عدل جلسته وهو يعقد حواجبه " ... ليه وش صاار لك ؟ .... سلاماااات ماتشوووف شر .... لا لا بس ابدل واجيك ... اترك اخوك عنك بس ... ماعليك كنت امزح ... تجهز .. فمان الله
حط جواله بجيبه وهو يبتسم لـ بيان ابتسامة اعتذار
قالت بيان وهي عاقده حواجبها خايفه من كلامه في الجوال : مين ؟؟ وش فيه ؟ احد جاه شيء ؟
وليد زادت ابتسامته وهو يحط ذراعه على كتفها ويدورها تنزل معه : لاتخافي هذا صديقي طلال طاح من فووق السلم وهو يركب لمبه .. هذا نتيجة الي يسوي نفسه قوي وهو من جمبه
بيان : ههههههههه " حطت يدها ع فمها " ياحرااام مسكيين عسى ماجاه شيء ؟
وليد : لا بس جبروا رجله اليمين ويبيني اجي آخذه من المستشفى .. اخوه وصله وراح الدوام
بيان كشرت : وش ذا الأخو ؟
وليد : هههههههههههه عنده دوام !!
بيان : حتى لوو مايرميه كذا ويرووح .. يطييير الدواام اهم شيء اخوه
وليد وهو يفتح باب جناحهم ويدفها داخل بخفه : ابشري بوصل كلامك له
أبتسمت بيان ولفت عليه : طيب ممكن توديني بيت اهلي ؟ ضي مسكينه محتااسه زواجها بعد اسبووع وابي اساعدها .. ارد لها شوي من الي سوته لي ايام زواجي
وليد وهو يدخل غرفته : ليه وش سوت ؟
بيان تسندت على إطار باب غرفته وهزت كتوفها : قول وش ماسوت !! .. هي الي شرت كل ملابسي .. وجهزت الشنطه .. بمعنى اصح انا طول الوقت بغرفتي ماسويييييييت شيء
التفت لها وهو يطلع ثوب له : ليه مافيك حب التسوق الي في الحريم ؟
بيان بأرتباك : هههههههههههه الا .. بس ....
سكتت ولفت وجهها عنه .. بعدين كملت : ماادري
رمى وليد ثوبه على السرير وقرب منها : كنتي تلومين حظك ذاك الوقت ... وتتمنين تهربين لأي مكان !؟
ما ناظرته ولا ردت
مسك ذقنها ولف وجهها له وهو يرفع حاجب : صادق ولا ؟
رجعت راسها على ورى وهي تبتسم تخفي ارتباكها : مايهم وليد الحين
وليد بأستغراب : جد ؟
هزت راسها بـ ايه وهي تركز بعيونه
ابتسم لها وقال بهمس : آآسف لأن ماكلمنا مشوارنا لفوق
بيان بأبتسامه : المهم صحة صديقك
وليد مسح ع خدها وهو يرجع لسريره علشان يبدل : خلاص تجهزي بوديك لضي
بيان بسرعه : وابي انوم عندها .... " بتردد " اذا ممكن يعني ؟
ناظرها بدون مايرد فتره .. بعدين رجع يبتسم : خذي راحتك ماقصرت معك هي
هزت راسها بفرح : مشكووور
وراحت طيرااان تتجهز




وصلها لبيت اهلها ومشى
دخلت بياان الصاله بحمااس وهي تمسك شنطه صغيره بيدها : السلاااااااام
ناظرت حولها بأستغراب يوم ماشافت احد
راحت فووق بسرعه ودقت على غرفة ضي : ضوضووووو
انفتح باب غرفة ضي وزادت ابتسامة بيان وهي تشوف حلا : حلااااااوه متى جيتي ؟
ضمتها بالقوه وحلا تضحك : وش رايك يعني .. هذه اختي ما أساعدها ؟
بيان وهي تدخل وتمد شفايفها تمثل الزعل : وزواجي الي ماهتميتي فيه هاه ؟؟
حلا ضربت جبينها بحسره : لاتذكريني ذاك الوقت لاهيه مع عنااد ثامر ... وبعدين " تخصرت " من قال ماساعدتك فيه ؟ انتي جالسه بغرفتك وانا اكلم ضي اسأل اذا تبي شيء !
بيان بأستهزاء : ماقصرتي كلمتي
ضربتها حلا ع راسها بالوقت الي طلعت ضي من غرفة ملابسها وهي تناظر الفستان الموف الي عليها
صرخت بيان بحماس : وآآآآآآآو يجنن
رفعت ضي راسها بأستغراب بعدين أبتسمت بفرح : بيوووووووووونه واخيييييييرا تذكرتيني
ضمتها بيان وهي تناظر بالفستان : من قال ماتذكرتك ؟ اساسا من اليوم ورايح بنووم هناا وانا الي برتب كل شيء
حلا بأستغراب : تنومين هنا ؟ وزوجك
حمرت خدود بيان : وشو ؟
ضي : ههههههههههههههه قصدها انتي متزوجه كيف تنومين هنا
بيان هزت أكتافها وهي تخز حلا : عادي فديت زوجي متفهم
حلا : ههههههههههههههه تدق
ضي مفتحه عيونها : كأنك قلتي فديته ؟؟
رجعت بيان تحمر ودفت ضي رايحه لأكياس الملابس الي شروها حلا وضي : ماراح ارد عليكم بشوف الملابس
حلا تناظر ضي بخبث : اساسا عادي اذا قالت فديته .. مو زوجها ؟؟ اصبري انتي كلها اسبووع وتشوفين
وهزت حواجبها
التفتت بيان تناظر بضي الي اعتفس وجهها من الحياء : هههههههههههههه ايه احسن ذووقي الي ذقته " عقدت حواجبها " وبعدين تعالي وش في وجهك اليوم اصفرر كذا وضعيف وحالته حاله ما تاكلين ؟
ضي تناظرها على جمب : من هم العررس والله
حلا وهي تشيل الأكياس الي بكل مكان : ماعليك لا هم ولا ان يحزنون .. عيشي هاللحظات .. لحظه بـ لحظه واكلي لايهمك شيء
ضي : اقول كذا لنفسي .. لكن بس ... بس " وسكتت وهي ترمش لهم ببرائه ووجها يرجع يحمر " خلاص انسوا
بيان : هههههههههههههه خلاااص وجهك صار ضوو
رمت عليها ضي الخداديه : انطمي غلطانه اشكي لكم
دخلت تبدل الفستان وهم يضحكون عليها
بيان : هههههههه بس لازم مانلومها .. تررى البنت مو متصوره نفسها زوجة فهد
حلا وهي متابعه حوسها بالأغراض : ليه ؟
بيان : مممممممم مادري .. يمكن لأنه الفارس المغوار الي كانت تحلم فيه
ناظرتها حلا بأستغراب : تحلم فيه ؟
بيان عضت شفتها بأرتباك .. لاحوول وش قالت هي ؟
قالت تغطي زلت لسانها : اقصد يعني شخصيته حلم كل البنات
ناظرتها حلا على جمب وكأنها ماصدقتها : ايييه زييين
طلعت ضي ولبست هالمره بدله لونها ذهبي : وش رايكم بهذه ؟
بيان تصفر : روووووووعه عليك
حلا بتفكير : مو كأنها تشبه البدله السودا ؟
ضي : لا هذ اكشخ وارز
حلا تحرك حواجبها : ياعينييييي تبي تكشخ لفهوود
ضي : هييي وش فهوده ؟؟
بيان : ههههههههه بدينا غيره " تذكرت كلام وليد وابتسمت وهي تسرح "
حلا تأشر على بيان : شوفي الثانيه سرحت " رمت نفسها على سرير ضي بالقوه " ياحليلكم ياخواتي مااصدق كلكم تزوجتوا
ناظروا ضي وبيان بعض .. وردت بيان تغيضها : لييييه بس انتي يعني تتزوجين؟
حلا بتفكير : لا .. بس تذكرت اياام الي تسهرون عندي بغرفتي ونلعب ونسوولف .. ياحليييل كل وحده الحين صار عندها بيت ومسؤليه
جلست ضي ع السرير جمب حلا : لساا بااقي اسبووع علي
بيان : ههههههههه المهم المسؤليه صارت ملازمتك من الحين " جلست جمبهم وكملت " بس لحد الحين انا احس اني مو مسؤله
حلا وهي تناظر السقف وسرحانه : ليه ؟
بيان : مممممم ماادري تو بدري .. يعني لا اطبخ ولا انظف ولا شيء
ضي : هههههههه هذا الي تبينه
التفتت عليها حلا : لا اصبري يجونك عيال وتطلعين في بيت لحالك تشوفين المسؤليه
ابتسمت بخجل وهي تتخيل عندها عيال !!! معقوله ؟؟
مررت ضي يدها قدام وجه بيان : هيييي وش فيك استحيتي ؟
بيان تتحرك بأرتباك بمكانها : ماادري مااتخيل عندي عيال
ضي بأستغراب : ليه ؟
بيان زاد خجلها : ماادري وبس
حلا : هههههههه خليها ضي لايغمى عليها من الحياا
بيان : انتي خلينا نحل مشكلة خجل ضي من فهد لاتفضحنا يوم الزواج .. وتصرخ لاصارت لحالها
ضربتها ضي بقووه على كتفها : وجع خف الحياا كثيير هالأيام
حلا : والله ياضي حيااك غريب ؟ اجل اذا اتصل انعفس وجهها ولا عرفت تركب كلمه على بعضها
بيان : ههههههه ايه لاحظتي ؟
ضي ترفع عيونها : اترفع عن الرد
بيان : ههههههههه الا صح ماسألتك .. وين بتسافرون شهر العسل
التفتت عليها ضي بحمااس : بنرووح اسبووع الأمارات وبنرجع لعرس أسيل .. بعدين بنرووح اسبووع جزيرة موريشيوس وبنرجع لزواج حمد " كشرت " ماادري ليه مافكروا يتزوجون الا بعد زواجي
بيان : هههههههههههه يالله اسبوعين زييين يابنت .. وكفاايه ان عندك درااسه
ضي : ايييه هذه المشكله .. بس متأكده انه بيصير شهر عسل رووعه " لعبت بأصابعها " لأن .. ايه .. حلوه جزيرة .. مو..
حلا تقطعها : هههههههههه قصدك لأنها مع فهد
بيان : هههههههه ايه هذا قصدها
ضي زفرت : اوووه .. خلااص ترى بموت قبل مااتزوج
حلا : ههههههههه .. الا تعالوا !! الحين مو اسيل قايله زواجها بتخليه بالعطله النصفيه ؟
بيان : ايييه بس زياد اصر الا قبل
ضي : والله اموت واعرف ليه مستعجل على هالزواج ؟
حلا بأستغراب : حلوه بعد ليه مستعجل ..؟ مستعجل وبس .. كل المعاريس كذا
هزت ضي اكتافها : ماادري يمكن
حلا : الا اكيد مو يمكن ان كل المعاريس كذا
بيان تقاطعهم : المهم .. مممم كنت بسألك ضي .. اليوم شفت ساره بالجامعه احسها مو على بعضها !! وكله سرحانه ولاتكلمنا
ضي : ليه مادريتي انتي ؟
حلا : شكلها مو بالدنيا
بيان بعصبيه تخصرت : ليه وش صاير من وراي
حلا : ههههههههههه مالازم تعرفين
بيان بلقاافه : لا جد جد وش فيها ؟
ضي تحرك حواجبها : انخطبت
بيان بأستغراب : وشوووو ؟
ضربتها ضي بكوعها وغمزت يعني حلا موجوده
حلا مستغربه من ردت فعل بيان : انخطبت تقولك ! وش الغريب فيه ؟
بيان بأرتباك : هاه ؟ لا ولاشيء .. بس ... مين خطبها ؟
حلا : ههههههه وهنا المفاجأه الغريبه
بيان : مفاجأه ؟؟ ليه من خطبها
ضي بحماس : ميشووووووو
حلا : خلااص لاتدلعينه كبر الحين وبيتزوج ههههههههه
للحظه حاولت بيان تستوعب الي انقال !!!!
بعدين فتحت عيونها بخوف وشهقت : مشااااري ؟؟؟
ضربتها ضي للمره الثانيه وهي تفتح عيونها بمعنى فضحتينا
حلا جلست وهي تقابل ضي وبيان : وش سالفتك انتي ؟؟؟ بدال ماترقصين فرح تشهقين ؟ ليه فيها شيء ساره ؟
وقفت بيان : هاه ؟؟؟ لا ابد ... بس ..... تفاجئت ايه ... تفاجئت .. " لفت رايحه دورة المياه " عن اذنكم شوي
التفتت حلا على ضي بشك : وش فيكم تناظرون بعض كذا ها ؟؟ فيه سالفه مااعرفها
قالت ضي بخفه وهي تقوم تبي تكمل قياس ملابس علشان تتهرب من حلا : سوالف مو سالفه
حلا ماسمعت : وش هوو ؟؟
ضي : اقووول سلاااااااامتك


تسندت بيان ع باب دورة المياه وهي تفكر
ساره ومشاري ؟؟
معقووله ؟
ابد ماخطر في بالها هالثنين بالذات متزوجين
زفرت وهي تمشي رايحه تناظر نفسها بـ مرايه المغسله
وكيف بيخطر على بالها هالشي وهي طول عمرها كانت حاطه في بالها ان ساره لوليد
حست بشي يزحف لقلبها
وطردت ساره من تفكيرها وهي تتوجه للبانيو الي يشبه حقها هنا وفتحت المويه
وذكرى ترجع لها
لما كانت قبل ماتتزوج وليد تتروش وتتوعد في نفسها انها تهدم حياته مثل ماهدم حياتها مادام مافيه شيء تخسره ..
لعبت بالمويه الي ملت شوي البانيو
وش يدريها بذاك الوقت ... ان هالشيء راح يصير
ماكانت تدري .. ولا توقعت .... اساسا استبعدت هالشيء ..
هي ... هي نفسها ... تحب وليـــد ؟
أبتسمت ونزلت وجهها بعدم تصديق وكأن احد قدامها يناظرها
لحد الحين مو مصدقه ... بس تحس بشيء لـ بتعدت عنه .. تحس بشيء لـ ناظرت بعيونه
تحس بتطير من الفرحه لـ بتسم لها
جلست على طرف البانيو
الحين صار عندها شيء تخسره لهدمت حياته
بتخسره هو .. بتخسر حبها
غمضت عيونها .. كيف صار لها كذا ؟
كيف نست كل تهديداتها بلحظه الغضب
وحبته .. بكل ... بســـاطه
مع ان المفروض تعصب لأنها تركت نفسها تحبه
لكن حاسه نفسها بتطير من الفرحه
هــذا الحب ؟ معقوله ؟
قامت بحمااس فجأه وهي تسكر المويه ومن غير ماتفتح سدادة البانيو
لقت نفسها في وسط غرفة ضي وحلا مو موجوده .. وضي تناظر فيها مستغربه من الأبتساامه الي على وجهها ولمعة عيونها الغريبه
وقفت ضي وهي تترك الأغراض الي تحوس فيهم : بسم الله من شفتي داخل ؟
بيان بفرح غريب ضمت ضي وهي تضحك : ههههههههههههههه اعترفت بشيء لنفسي لأول مره
بعدتها ضي شوي وهي تضحك على حركات بيان : هههههههه اعترفتي بشيء لنفسك ؟ ليه فيه احد مايعترف لنفسه بكل شيء على كل دقيقه ؟
بيان وهي تنطط فجأه بحماس غريب : ايه انااااا .. ضييييييااااء
مسكتها من يديها وجرتها معها على السرير وخلتها تقابلها وجه لوجه وهي مازالت ماسكه يدينها : ماراح تصدقين ... يااااربي .. انتي كنتي صااادقه ... انتي صاادقه .. لحد الحين انا مو مستوعبه مو مصدقه !!
ضي مافهمت شيء بس ابتسمت : وش تقولين ؟؟ يااربي احس اني طرت من الفرحه وانا ماادري وش السالفه ؟
تركتها بيان وهي توقف وصرخت : انا أحــــــب وليـــد
التفتت تناظر ردة فعل ضي وهي تحمر من الكلام الي قالته بصراخ وعدم تصديق
رفعت ضي حاجبها وكأنها هي الثانيه مو مصدقه
بعدها وقفت وهي تحط يدها على جبين بيان وتفتح عيونها بأستغراب : بسم الله انتي مسخنه ؟
بيان مابعدت يدها : ههههههههههههه شكلي
ابعدت ضي يدها وهي تركز بعيون بيان بعدها ابتسمت بشوي شوي : لااا .... مو مسخنه ... الحين عرفت وش سر اللمعه بهالعيون الحلوه .. " لفت وعطت بيان ظهرها وهي تتحرك بخفه " من كثر تهديداتك وكلامك استبعدت انك تحبينه مع انه ينحب !! .... لكن .... معجزه الحب لعبت دورها " التفت هالمره بحماس " احللللللى خبر سمعته بحيااتي كلها
طاارت لبيان وضمتها .. وبيان تضحك : من بعد خبر خطوبة فهد طبعا هههههههههه
ضربتها ضي بلوم : ههههههه نسيت الكل من هالخبر الروعه " ابعدتها عنها تتفحصها بتعب " واخييييرت برتااح من همك .. كله افكر فيك .. الحين بتعيشين حياتك مرتااحه .. ومادمك يالعنيييده بالموت اعترفتي لنفسك .. الحين يالله " تركتها وخذت التلفون الاسلكي من تسريحتها ومدته لبيان " اتصلي على وليد واعزميه على مطعم واتركيني انا عنك .. واعترفيييييي له بكل الي بقلبك
وتنهدت بحالميه بعد مااختمت كلامها
ناظرت بيان بالتلفون بأستغراب بعدها ابعدته عن وجهها وهي تجلس على السرير وتمد شفايفها : انتي من صدقك ؟ انا استحاله اقوله عن هالشيء
فتحت ضي عيونها : ياافرحه ماتمت
رجعت التلفون مكانه وجلست عند بيان : مااسرع غيرتي رايك ؟
بيان التفتت عليها بأستغراب : من قال غيرت رايي ؟؟ انا اساسا ماقلت لك اني بقوله !!
ضي بعصبيه : اجل ليه تقولين انك تحبينه ؟ وش تستفيدين .. انتي من زمان في اعماقك عارفه بحبك له .. الي ماراح يفيد شيء اذا ماقلتي له او حتى بينتي له من خلال افعالك
هزت بيان راسها بحزن : الي قلتيه صدق ان في اعماقي حاسه بهالحب .. لكنِ توي اعترف بهالشيء لنفسي .. اما بسالفة اني اقوله .. هذه استحاله لأن كبريائي وكرامتي بتتحطم اذا ناظرني بأستهزاء .. وقالي انه مايحبني .. لكن يحب ليلى .. ويعتبرني مجرد زوجـ..
قاطعتها ضي معصبه عليها وهي توقف : يالللللله ..... وحنا مازلنا مع هالليلى الي مكرهتنا حياتنا بكل مكان ؟؟؟ يابنت النااااس ليلى تزوجت من اخووك حسي .. يعني لاهي ولا هو يحبون بعض .. وبعدين كيف يحب ليلى وهي خلااص متزوجه " زفرت وهي تشد شعرها " انتي مره تفرحيني مره تجننيني بأفكارك الغريبه
بيان وقفت معها : لا الزواج مايمحي الحب ياضي .. يمكن وليد بدأ يميل لي من تصرفاته معي .. لكنِ متأكده انه مازال يمووت بليلى لأن الحب ماينمحي بهالسوله
رفعت ضي حواجبها : اشوف صرنا نعرف للحب ؟؟!!
زمت بيان شفايفها : توني اعرفه .. اقصد .. توني احس ... يووه .. اقصد يوم عرفت الحب .. عرفت انه ماينمحي بسهوله
ضي : هههههههههه طيب لاترتبكين .. وقولي لي الحين بتنسين ليلى وتتصلين بوليد وبتخلين هالليله تعدي برومانسيه .. ولا اتصل عليه انا واعلمه
فتحت بيان عيونها بصدمه : وشووووو ؟؟ نعم نعم ؟؟؟ شووفي ضيووه .. ترى ان سويتيها.. واعرفك الزواج هبل فيك .. ترى والله اتصل بفهييدووه واقوله كيف كنتي هايمه فيه من قبل
ضربتها ضي على كتفها : الدعله تهدد بعد !!!
بيان رفعت راسها تناظر ضي على جمب : ايه تأدبي .. ماينفع معهم الا العين الحمرا والتهديد
مسكت ضي ضحكتها وهي تسوي نفسها معصبه : اتركينا مني .. وقولي لي .. يعني ماراح تقولين له بهالحب الي كأنه شيء غريب كشفتيه ؟
بيان هزت راسها بعناد رجع لها .. وقالت بتصميم حاد : اما هو يقولي اول انه حبني ونسى ليلوه وساعتها اقوله بكل شيء .. ولا امووت وحبه " اشرت على قلبها " هنا .. وماحد يعرف فيه الا انا وانتي .. فاهمه ياست ضي ؟؟؟
ضي بأستنتاج وخيبه : يعني اما هو يقولك .. ولا ماتحطمين كبريائك وتقولين له ؟
بيان بثبات : عليــك نور
ضي : وكييف يحبك يالذكيه وانتي تعاملينه على انك ماتحبينه ؟
بيان : لا بحااول قد مااقدر اعامله مثل أي زوجه يعني ممممم بترك العنااد وهالحركات .. وبقوم بواجبي وبشوف يمكن يحبني ؟ واذا ماحبني " نزلت عيونها بأنكسار " براحته .. بستمر بهالمعامله
أبتسمت لها ضي وحطت يدها على كتفها وقالت ترفع معنوياتها : لـ عاملتيه زين واهتميتي فيه راح يحبك .. وهالمره صدقيني بسرعه !!




بنفــس الوقت في مستشفى المانع
كان وليــد جالس بـ الجلسات الي عند الممر
وهو ينتظر طلال الي عند الدكتور
هز رجله وهو يتكتف ويناظر الشايب الي على العربيه جمبه .. وولده تركه رايح يصرف له الدواء
ابتسم له والتفت يناظر قدام
فجأه عقد حواجبه وهو يتذكر هالمكان
هذا هو المكان نفسه !!
بيووم خطوبته لبيااان .. بعد ما انهارت بنت عمه ساره فجأه ومن غير سبب
وجابوها هنا هو وابوه وعمه بو حمد وعيال عمه .... وبيان !!
وقف وهي يقترب من الجدار الي كان يكلم عنده ذاك اليوم .. بالوقت الي جات بيان تقوله بعصبيه انها وافقت علشان عمها وابوها
غمض عيونه يسترجع الحاادثه .. تذكر تهديده لها انه هو الي بيربيها
انه بيعلمها الصح من الخطأ !!
طيب وش عرفه بذاك الوقت انه كل مااقترب منها وجاء بينتقم من كلامها قلبه يمنعه ؟
حبه لها اقوى واكبر من أي انتقام وتهديد
" وش يدريني ان حبها بيزيد لهالدرجه ؟؟ "
انتبه انه قال هالجمله بصوت عالي .. التفت بأرتباك يشوف فيه احد موجود .. وشاف الشايب يناظره مستغرب
ابتسم له وهو يمنع ضحكه بتطلع من فمه
صااار يكلم نفسه آآخر عمره !!!
هالبنت بتجيب له الجنون صدق ..!!
متى بيخلص كل هـ الي بينهم ..
العناد والمكابره .. متى بينمحي كرهها له من قلبها ؟
مازالت تكره بنفس الدرجه الكبيره ولا بدأ الكره والحقد يخف بشوي شوي ؟
تبتسم له عادي .. لكن يحس انها بعييييده .. وبعيييده كثير
يحس فيه شيء يمنعها لا تتكلم معه .. وشيء يطلع بعيونها فجأه اذا كلمته
بعض الأوقات تجيـه رغبه يقولها عن حبـه
بس هو عزم مايقولها الا اذا حبته هي .. واعترفت له بهالشيء .. ساعتها يقدر يعترف لها هو بعد
لأن مستحيل يرمي كبريائه على جمب ويقول .. احبــك .. لوحده تكرهه !!
تسائل بنفسه ..
مازالت تخطط علشان تنتقم منه لأنه خذها من اهلها وهي ماتبيه ؟؟
كور يده بشكل قبضه وكأنه بيضرب احد من القهر الي صار فيه فجأه
ورجع يناظر بالشايب الي فتح عيونه بقلق وهو يشوف وليد عصب فجأه
رخى وليد قبضته وضحك على شكل الشايب : ههههههههههه
حس بيد على كتفه والتفت وهو يشوف طلال يأشر براسه : الحمدلله والشكر وش يضحكك يالأخو ؟
وليد : ههههههههههه وش عليك يااخي ؟ وش حارك ؟ قدامي يالله ..
ناظر طلال رجله بتكشيره : كيف قدامك بالله ؟ ماتشوف رجلي مجبره .. " ناظره برجااء مضحك " شيلني تكفى
رفع وليد حواجبه : اقوول شكلنا دللناك زياده عن اللزوم .. اشووف " زفر " قدامي حاول تمشي
عطاه طلال نظره وهو يمشي قدامه : ان طاعك الزمان ولا طعه .. مافيه الا اتزوج واخلي حرمتي تدللني
وليد بسخريه : على حسب الحرمه
التفتت طلال له وهو يعرج ووليد ماسكه من كتفه : ليه ماتدللك حرمتك ؟
دفه وليد بخفه : مالك دخل امش
طلال يتحلطم كأنه ولد صغير : لاحووول مشكله حنا يالرجال في الأمور الشخصيه ... لاتقترب
وليد : هههههههههههه بلا تحلطم وناظر قدامك لاتطيح وتتجبر رجلك الثانيه
طلال بنظرة خوف تمثيليه : الا هــذه


..::..


اليــوم الي بعــده ..
تسللت حلا بخفة من المطبخ بعد ماطفت على الغداء .. ناظرت الصاله وشافت ثامر جالس ومطول على التلفزيون .. وسعود جمبه على الأرض يلعب بسياراته
مشت بخفه اكثر .. علشان ماينتبه سعود ويناديها
راحت عند الأصنصيل وقبل ماتضغط عليه تراجعت يدها
لا .. اذا انفتح بيطلع صوت !!
راحت للدرج وصعدته من غير أي صوت
دخلت غرفتها وسكرت الباب بحذر
وطيراان لدولاب ثامر
حاست بين ملاابسه تدور الأوراق الي تبيهم
ولا لقت شيء
لاااااا ليكون عطاهم احد ؟؟
دورت بكل الدولاب
وراحت للتسريحه تدور بالدرووج .. يمكن حطهم فيها
مالقت شيء بعد
وناظرت مخدته ... يمكن حاطهم تحتها ؟
رفعتها ولا حصلت شيء
رمتها بخيبه وعصبيه : يااااربييييه يعني وين حطهم ؟
توها بتلف بس صدمت رجلها بشيء
ناظرت تحت وشافت شنطه دبلوماسيه
عقدت حواجبها معقوله حاط رقم سري ؟؟
بس كيف يعرف الأرقام وهو مايشوف ؟
ألمها قلبها لـ هالفكره
ونزلت بجسمها علشان ترفع الشنطه على السرير
شافتها مفتوحه شوي
وتنفست برااااحه
فتحتها وبدت تحووس بالأورااق .. الحين وش يبي بكل هالأورااق ؟
المفرووض يعطيهم ابوووه !!
عضت شفتها .. يعني لمتى كل شيء بتفكر فيه
خلااص تخليه براحته يمكن احد معطيهم اياه علشان يحتفظ فيهم
صرخت بخفه من الفرحه لأنها لقت صورة بطاقة العائله حقت متعب
خذتها وسكرت الشنطه شوي .. نفس قبل .. ورجعتها مكانها
فتحت الورقه وخذت نوته صغيره ويا قلم تسجل اسم ......
اسم زوجته الجديده !!
صرت على اسنانها بغيض
ورمت القلم فجأه بعصبيه
بتمووووت اذا ماعرفت سبب هالزواج الخفي والمفاجىء !!
وش قصرت روابي فيه علشان يتزوج عليها ؟
رجعت بذاكرتها لأول سنه زواج روابي من متعب


كانت حلا جالسه تنووم سعوود الي كان عمره 3 شهوور
رن جوالها فجأه وحطت سعود بسريره بعد ماغفى
خذت جوالها .. وعقدت حواجبها مستغربه من اتصال روابي الساعه 1 في الليل
ردت بخوف وكأنها عارفه الي يصير : روابي الوو .. فيك شيء ؟
روابي بصرااخ وهي تبكي : حلااااا .. آآه حلااا الحقيني حلااا بيموتني
وقفت حلا وهي تحط يدها على قلبها من الخوف : روااابي ؟؟ وش مسوي لك ؟؟ وينك فيه ؟؟ الوووو روابي وش صار لك ؟
انقطع صوت روابي .. بس رجع فجأه وهي تصرخ : حلااا ذبحني طقني ياحلااا .. حلاا .. آآه متعب شااارب !!
مشت حلا رايحه غرفتها بتجلس ثامر وهي تصرخ : روابي اتصلي بعمي بسرعه ولا خالد !!
روابي وهي تصيح : لااا تكفين حلا لاتعلمين احد ماابي اهلي يدرون عن الي يصير لي .. الله يخليك تعالي لي .. خاايفه آآه سكرت علي غرفتي بس هو شكله بيكسر الباب !! .. حلا جسمي يألمني
رمت السماعه بعدها وجلست تصييح بألم
حلا دخلت غرفتها وهي تصرخ : الووو روابي .. روابي ؟؟ حاكيني ؟؟
انتبه ثامر وجلس بخوف وهو يحاول يفتح عيونه بالنور : وش فيك حبيبتي تصارخين ؟
رمت جوالها على السرير ومسكته من ذراعه تسحبه : قووم ثامر الله يخليك قوووم روابي .. بيموتها متعب .. قووم شوف لصديقك حل !!
راحت مع ثامر ذاك الوقت .. ناسيه ولدها بالبيت كان كل همها تبعد متعب عن روابي لايموتها او يدخلها المستشفى كالعاده ..


غمضت عيونها ترجع للواقع ماتبي تتذكر شكل روابي والبقع الزرقاء بكل مكان من جسمها
كانت روابي ماتزور اهلها بالشهر على ماتروح البقع عن وجهها !!
دفنت حلا وجهها بالمخده وهي تاخذ نفس ..
بعدها لفت تناظر بصوره بطاقة العائله وتركز على الأسم والرقم المدني
اماني فـهد الـ,,,, ...؟
من هذه ؟
ناظرت تاريخ ميلادها وشهقت
جلست مرعوووبه .. عمرها 17 سنــه ؟؟؟؟!!!!!
وش يزوجها من متعب هذه ؟؟؟؟!!
وهو وش يبي بوحده تعتبر بالنسبه لعمره ... بزر ؟
مسكت راسها بين يديها فجأه من الصداع : يااااااربي قدرني وامنحني قوه في الي بسوويه !!


..::..


في بيت بو وليــد ..
تنهدت روابي من القهر وناظرت امها : يعني كيف يمه ؟ زواج اخوه مابقى له الا 6 ايام .. وهو له اسبوعين ونص من سافر .. المفروض يتنازل عن هالأسبوع الي باقي له في السفر ويجي يحضر الزواج
ام وليد وهي تتقهوى : يابنتي هو قالك بيجلس في السفر شهر علشان الشغل .. ومااتوقع حتى زواج اخوه يقطع هالشغل !
روابي اتكت على يدها وهي تحوس بجوالها : هذا اخوه .. لو ولد عمه او صديقه قلنا مشغول !! .. لكن اخوه قويه صراحه
ناظرتها ام وليد : خلاص يابنتي خلي زوجك على راحته لاتضغطين عليه
هزت روابي كتوفها وهي تركز عيونها على امها : من قال اني اضغط ؟ مخليته على راحته يمه
سمعت صوت وراها : من يدري يمكن يخليها مفاجأه للكل ويجي ؟
التفتت بأبتسامه لأخوها : هلا وغلا ... والله مااظن يا وليد متعب يحب المفاجئات !! هو وين وحركات المفاجئات وين ؟!
وقفت تسلم عليه وجلس جمبها وهو يلف اكتافها بذراعه : ماعليك مدامك زوجته اكيد عاديتيه
ام وليد : هههههههههههه ايه والله من يدري يمكن يفاجئك
روابي رفعت يدينها للسماء : الله يسمع منك " التفتت عليه " الا وين بيونه ؟
وليد وهو يبتسم : تاركتني الحلوه ونايمه عند اختها
ام وليد : ايه ماعليه ياولدي تبي تساعد اختهاا
وليد : فاهم يمه " قرص خد روابي " ابي افهم بعض الناس ان مو بس هم الي يشتكون من البعد !!
روابي : هههههههههههه لا انت بترجع لك اليوم
وليد لوى فمه بأستهزاء : لا ؟؟ اتصلت تقول بتنوم هناك 5 ايام
شهقت روابي : لااا حرام تخليك لوحدك " طبطبت على خده كأنها تواسيه " خلاص تعالي كل يوم نواسي بعض
وليد : هههههههههه فكره ماهيب شينه صراحه
حركت ام وليد راسها : الله يهديكم الي يسمعكم يقول هاجرينكم مو وحده بتغيب 5 ايام وواحد بيغيب اسبوعين !!
كشر وليد وهو يناظر امه يبي يكسر خاطرها : يعني يمه لو راح عنك ابوي 5 ايام ماراح تفقدينه ؟
مسكت روابي ضحكتها وهي تدفن وجهها بكتف وليد
خزتها امها بعدين خزت وليد وهي تصب لها قهوه وتوقف رايحه : فالك ماقبلناه .. الله يخلي بو عيالي لي
انفجرت روابي ضحك وشاركها وليد الضحك : وين ابووي يسمع بس
التفتت روابي له بعد ماراحت امها وهي تمسح دموعها من الضحك : الا وش اخبار فهد ؟ رحت له ؟ متحمس للزواج ؟
وليد : ايييه ههههههه اسكتي ماسكينه انا وطلال وناصر صديقه تعليقات ..وهو ولا بهامه .. يقول صدق انه سجن بس احلى سجن
روابي : ههههههههه سجن ليه ؟
وليد : يقوله ناصر يوم لك ويوم عليك .. مره ترمي المجرمين بالسجن .. والحين بترمي نفسك بنفسك فيه !
روابي : ياحليله .. مع اني متأكده ان ماراح يصير له سجن .. مدام زوجته ضيوو
وليد بسخريه : ايه صح مدامها اخت زوجتي فأطباعها بتصير نفسها ... بتترك زوجها يسوي الي يبي
مافهمت روابي تلميحات وليد وقالت بمرح وهي تحرك حواجبها : اتاريك عايش بالعسل ياخووي
وليــد بأبتسامه : عســل وجام ومربى !!


..::::..


الســاعه 8 بالليل
دخل بو ثامر مع زياد الصاله ووجهه اصفر وشااحب .. وناظر بالموجودين .. ام ثامر وغلا
وقفت ام ثامر بخوف وهي تشوف زياد يساعده وهو يجلس : وش فيه ؟ رجع قلبه يألمه ؟
ناظرت غلا ابوها وهي توقف جمب امها : اجيب لك يبه مويه
حرك بو ثامر راسه بـ لا : اجلسوا بقولكم شيء
ناظرت غلا امها بأستغرب .. بس امها جلست من غير ماتقولها شيء
قال زياد فجأه وهو يجلس جمب ابوه ويركز بعيون غلا : ماادري وش يبي فيها فيصل يحيرها قدام الكل ؟
ناظره ابوه بعتب : خلاص زياد انا بقولهم
زياد ناظر ابوه : آسف يايبه .. بس قهرني فيصل .. جمب كل الرجال يقول هالشيء ؟ وكأنه ينتقم منا لأننا ماجبرناها
بو ثامر : انت عارف ان فيصل مو حق انتقم .. انت صديقه صح ولا لا ؟
حرك زياد اكتافه بعدم اهتمام وناظر في امه الي مو فاهمه شيء .. وغلا الي وجهها صار شاحب فجأه ومبين عليها الفهم
بو ثامر التفت على زوجته ولا وجه لغلا أي حكي : فيصل ولد اختي حير بنتك " وشدد على بنتك " قدام الرجال وقلت له صراحه عطيتك ..
حطت ام ثامر يدها على قلبها من غير ماتناظر غلا : بس انت تدري ان البنت رافضه
هز بو ثامر اكتافه : مااقدر ارفض يام ثامر .. هو ولد عمتها وله حق يحييرها
زمت ام ثامر شفايفها ولاناظرت غلا
: ترى انا موجوده
التفتوا لها كلهم .. وشافوا عيونها مليانه دموع : ليه تعاملوني كذا
لوى زياد شفايفه بأحتقار : ليه كيف تبينا نعاملك يامبيضة الوجه ؟؟ يارافعة راسنا ؟
بو ثامر بحزم : خلااص زياد اترك اختك
التفت له زياد : ماتشوفها تسأل وكأنها ياحياتي بريئه ماسوت شيء
وقفت غلا وهي تخفي ارتعاش يديها وشفايفها : انا ماسويت شيء .. رفضت ولد عمتي .. ولاني اول وحده ترفض .. قلت لكم مو مرتاحه !! كيف افسرها !
خزها زياد : وليه ماقلتي قبل مايجون بخطبه رسميه ؟
عضت غلا شفايفها تمنع ارتعاشهم الي كل ثانيه يزيد : ما .. ما .... " سكتت تبلع ريقها ورفعت راسها لأبوها " يبه ماكان قصدي افشلك
ام ثامر بعتب : مو كأنه بدري تحسين بفشيلة ابوك ؟
تكلم بو ثامر بـ حده خلتهم يناظرونه منصدمين : بعد زواج فهد خطوبتك
ناظرته ام ثامر مو مصدقه : بهالسرعه ؟
بو ثامر وهو يوقف : هذا قراري وبقوله لولد اختي
ناظر زياد غلا بأبتسامة أستهزاء
مسكت غلا يد ابوها قبل مايروح
وناظر بو ثامر يد غلا من غير مايناظرها هي
حب راسه وهي تمنع شهقاتها : خلاص يبه الي تشوفه بس لاتعاملني كذا .. المهم رضاك
ناظرها بنفس الـ حده : يوم كنت اعاملك زين .. وبدون حزم ماطعتيني .. بس من اليوم ورايح " ناظر زياد وناظرها " بتتغير معاملتي لكم .. الظاهر مايفيد بهالبيت الا الحزم .. مع انها مو زينه لي .. لكن يولي هالقلب
سحب يده من يد غلا وراح فوق وام ثامر راحت وراه خايفه عليه لأن فيه مرض القلب ومحذره الدكتور من الأنفعالات
ناظر زياد في غلا وهي منزله راسها : عاجبك الحين ؟
تركها وهي طاحت على الكنب وغطت وجهها بيديها وبكت ..!
ليه يعاملونها كذا ؟ وكأنها مو بنتهم
وكأنها مو بشر من حلم ودم !!
وكأنها عامله اكبر جريمه بهالعالم ؟!


..:::..


في مجمع الظهراان مول ..
جلست بيان على الكراسي تعباانه وحااسه جسمها منهد : خلااص ضي بمووت ترى !! ماكلنا شيء وحنا من العصر ندووور
جلست ضي جمبها وهي تحط الأكياس الكثيره .. وتأشر لريكا الي جابوها تشيل معهم .. تحط الأكياس وتجلس : صيري عاقل مثل حلا ولاتتذمرين .. ولاتنسين التعب الي تعبته بزواجك لوووووحدي وحطي خط تحت وحدي
بيان : اففف منك ضويه لازم تذكرني
ضي : هههههههه مايفيد معك الا كذا ... مممم شكلك ماتعبتي ... أحــم " غمزت لها بخبث " شكلك اشتقتي لحبيب القلب
انصدمت ضي يوم مازفتها بيان .. الا بالعكس اتكت بكوعها على الطاوله وحطت راسها على يدها وهي تتنهد بحالميه : والله معك حق حاسه ماشفته من سنه
ضربت ضي كف بكف : لا البنت راايحه فيها وتقول بعد " تقلد صوت بيان " ماراح احطم كبريائي واقوله بحبي " رجعت لصوتها " اصبري بس تقابلينه وجه بوجه بتحسين بشيء يدفعك تقولين له
خزتها بيان على جمب ولا ردت
فتحت ضي كيس مكياجي تحوس فيه
وقالت بيان فجأه وهي تشهق : صح سطوومي بيجي بكره من شهر البصل
ضي : ههههههههههه ماسمعك تقولين سطومي كان قال اصغر عيالك .. ايه .... وش قلتي بصل ؟؟
بيان بحسره : ايه الله يخلف تتوقعينه عسل وام شعر احمر معه
ضي ضربت بيان على كتفها : صدق مااحبها .. بس لاتعايبين .. وش زينه شعرها خخخخ اقصد يعني زوجة اخوي مايصلح نقول عنها مثل هالحكي
كشتها بيان بعدم أهتمام : مالت عليها من زوجة اخوو .. الله لايبلانا .. تلقينها مجننته
ضي : وش يدريك يمكن حبته
بيان : ماادري احس هالبنت ماتحب احد بهالحياه حتى اهلها !!
ضي : اووووووووووف ... هــذه مبالــغه كبيــــره بيااان ... كل هذه غيـــــره ؟


..:::..


في بيــت بو متعب
أبتسم بو متعب لسـاره : والله زين يوم وافقتي ولد عمك ماراح تلقين مثله
ام متعب بفرحه توها بتقوم : اجل ببشر اختي
بو متعب : ههههههههههه " مسك يد زوجته يرجعها تجلس " اجلسي زين .. اصبري نسأل ترى ساره غاليه
ام متعب : يووه وش نسأل الله يهداك .. معروف مشاري بعد
بو متعب : حتى لو .. خلينا نظل مده بعدين نرد لهم .. مايصلح حتى لو كان ولد اخوي واختك .. نرد له الخبر بهالسرعه
مرام بفرحه وهي مازالت ماسكه يد ساره : ايه صادق ابووي
وقفت سااره بأرتباك : اجل سو الي تشوفه يبه .. عن اذنكم ..
راحت ساره ووقفت ام متعب وهي راسمه احلى ابتسامه : والله فرحتي بهالبنت ماتنوصف
مرام : ان شاء الله تشوفين عيالها يايمه وعيال عيالها
ام متعب : هههههههههه عيالها مانيب طماعه
بو متعب أبتسم لها : وعيال عيالها توك صغيره
نزلت راسها مستحيه : الله يهداك وش صغيره .. عن اذنكم بشوف وش صار ع العشاء
راحت ومرام ابتسمت لبوها : استحت امي
ضحك بو متعب للحظه بعدين انمحت ابتسامته وهو يعدل جلسته ويناظر برام بحزم : وانتي ؟ ماقررتي متى تتزوجين ؟
تروعت مرام لهالطاري .. بعدها حاولت تتماسك وهي تبتسم لأبوها : يبه ماارح اتزوج الا بعد ساره بأذن الله
بو متعب : وليه ؟
نزلت راسها : ماادري وش اقول يبه .. لكن احسن بعد ساره .. ابي اساعدها على امور الزواج واجلس معها بهالفتره .. وفي نفس الوقت انا متزوجه من قبل يعني هي اولى تتزوج قبلي
هز بو متعب اكتافه ووقف : ع راحتك .. بس لو صار زواج ساره بعيد راح تتزوجين قبل .. فاهمه ؟
هزت راسها بـ انصياع
وتابعت ابوها بنظراتها .. لمتى بيظل يبخل عليها بأبتسامته وحنانه ؟ لمتـى ؟!


..::::..


اليـوم الي بعده ..
الظهــر ..
دخل بو ثامر بعد مافتحت له حلا الباب وسأل بسرعه وهو يمسك ظرف في يده : وين ثامر ؟
ناظرته حلا بخوف : داخل يبه .. فيه شيء ؟
هز راسه : لا يابنتي بس ابيه ضروري تقارير المستشفى وصلت من الخارج .. بعد ماارسلوا لهم المستشفى الي يراجع عنده تقرير عن حالته
توسعت عيونها بقلق : جد ؟؟ سم سم .. هذا هو بالصاله
دخل بسرعه وشاف ثامر مرجع راسه على ورى ومغمض عيونه
سألها بصوت واطي : نايم ؟
التفت يوم انتبه ان ثامر عدل راسه وفتح عيونه مركزه قدام : يبه ؟ هذا انت ؟
قرب منه بو ثامر وباسه على جبينه .. باس ثامر يد ابوه وهو يبتسم : يالله حيه .. سم
ظل بو ثامر واقف : سم الله عدوك .. ترى ... ياولدي .. وصلت تقارير المستشفى
عقد ثامر حواجبه : والنتيجه ؟
سكت بو ثامر ياخذ نفس بالوقت الي انتفض جسم حلا من الخوف
ثامر : يبه قول النتيجه مهما كانت سيئـ...
قاطعه بو ثامر : لاتستنتج ياولدي .. لسا ماقريته .. قلت اقراه عندك اهون لي
حطت حلا يدها على قلبها وهي تأشر بيدها الثانيه على الكنب : استريح يبه واقراه
هز بو ثامر راسه بـ لا .. وفك الظرف وطلع الأوراق
لحظات صمت قلب حلا كل ماله ويدق اكثر واكثر واكثر
وثامر بلل العرق جبينه ووجهه صار احمر من القلق والترقب
فجأه طاح بو ثامر على الكنب وراه ويده ترتعش
تروعت حلا وركض راحت له وهي تمسك كتفه : يبه فيك شيء ؟ تبي مويه
ثامر وهو يحرك كرسيه لعند الصوت : وش صاار له ؟
قال بو ثامر وهو يبتسم ويده ترتعش : الحمدلله الحمدلله
تركته حلا وهي ترجع على ورى : يبه ؟؟؟
وقف رايح لثامر وضمه : فيه علااج لنظرك .. فييييه علاااج .. مبروك ياولدي
ابتسم ثامر مو مصدق : يبه ؟؟ من جدك ؟ فيه علااج ؟
اشر بو ثامر لثانيه من الوقت بـ ايه .. بعدها يوم انتبه جاوب بصوت عالي : بتشوف اذا الله اراد ياولدي ..
التفت على حلا الي بللت الدموع عيونها والأبتسامه ملت فمها .. مو عارفه كيف تعبـــر من الفررح
غمضت عيونها وهي تبلل شفايفها : الحمدلله يااربي على كل شيء
قاطع ثامر نظرات ابوه لحلا : بس يبه !! ورجليني ؟ ماارح اقدر امشي ؟
التفت بو ثامر عليه بأرتباك وقال هالمره بصوت خافت : الحمدلله ياولدي انه فيه علاج للنظر .. هذا اهم شيء
عرفوا حلا وثامر المعنى من جواب بو ثامر
وقربت حلا من ثامر وهي تمسح على كتفه : المهم مثل ماقال ابوي .. ترجع تشوف وهذا احلى شيء
باسته على راسه بس ثامر ماتحرك وقال : الحمدلله
مسح بو ثامر على كتف ولده وهو يقول : راح نحجز بأقرب وقت للسفر .. وبأذن الله ترجع وانت قادر تشوف كل شيء حولك .. انت تضرع لله بالدعاء والله مايرد العبد خايب
أشر ثامر براسه بهدوء لأبوه
وسلم بو ثامر على حلا وهو يطلع : اذا تبين شيء قولي لي .. زين يمه ؟
أبتسم له حلا وعيونها مازالت تدمع مو مصدقه : ان شاء الله يبه .. اليوم ثامر بيجي وياسعود عندكم ماابيهم يجلسون لحالهم .. بروح بيت اهلي سطام راجع من السفر
بو ثامر : لاا ؟ زين الحمدلله على سلامته .. سلمي عليه يايمه..
حلا : يوصل ان شاء الله
بعد ماطلع لفت وهي طاايره من الفرح لثاامر وشافته يفكر بهدوء : ثموووري .. يااربي ماتتخيل سعادتي بهالخبر
حوطت اكتافه بيديها وهي تركز بعيونه : وش فيك ؟ مو فرحان ؟
رمش ثامر بهدوء : الحمدلله .. اكيد فرحان .. لكن .... المشي مهم ولا ؟
ناظرته حلا مصدومه : اهم شيء بصرك .. هذه اهم نعمه .. " تركته وهي تتخصر وتتنهد " آآه شكلك ابد مو واحد سمع خبر زين
هز أكتافه وحرك كرسيه متوجه للمصعد : بروح اريح واذا جيتي تروحين بيت اهلك قوميني علشان اخذ سعود وانزل تحت عند اهلي
ماغيرت حلا من وضعيتها والصدمه الي على عيونها .. هذا من صدقه ؟ بدال مايصير اسعد انسان بهالدنيا يزعل ؟
هي صدق حاسه بمشاعره .. لكن توقعت خبر استرجاعه للبصر بأذن الله ..راح يسعده !!


..::::..


في الليل .. وفي بيت بو حمد ..
فتح حمد الباب وهو يناظر عايلته الي كلهم متجمعين بالصاله
وقفت ام حمد بشوق : هاه يمه وينه ؟
ابتسم لها حمد وهو يفتح الباب كله ويصد من الجهه الثانيه علشان يدخل سطام وزوجته
دخل سطام وعلى وجهه ابتسامه هاديه : السلام عليــكم
الكل : وعليكم السلام
دخلت ليلى بعده وقبل ماتسلم ..
كانت ضي وبيان طايرين عند سطام يضمونه
ناظرتهم بحقد وهمست : السلام
الكل : وعليكم السلام
ابعدت بيان ضي شوي عنها : ابعدي اسلم انا
ضحك سطام : ياهلا فيكم ثنتينكم
بو حمد : يابنات أتركوا اخوكم يدخل
أبتسمت حلا وهي تضربهم على اكتفاهم بمرح بعد ماتركوه وراحت تسلم على ليلى الي واقفه وراه : هلا ليلى كيف حالك
قالت ببرود وهي تمد يدها : الحمدلله
ناظرت حلا بيدها بأستغراب هذه وش فيها تبي تضمها وهي تمد يدها .. عفست ملامح وجهها وهي تقول في نفسها احسن ..وسلمت عليها باليد
ضم مشاري سطام : الله اشتقت يالدوب ماكنت متخيل اشتاق لك بالذات انك منعزل
دفه سطام : منعزل بعينك
ام حمد : يقاله مشتاق لك الحين
سلموا الباقي على ليلى مستغربين من برودها .. ماكأنها عروس راجعه من شهر العسل !!
جلس سطام وسط بيان وضي .. الي استلموه اسأله على طول عن اخباره
وليلى مازالت واقفه
قال بو حمد لها وهو يجلس : اجلسي يابنتي
ناظرت بحده لسطام الي جالس بين خواته وكانها تقول وين اجلس ؟
تنحنح بو حمد وناظرت ضي فيه مستغربه ويوم فهمت نظراته بعدت وهي تعطي ليلى نظره بعدم اهتمام
جلست ليلى وحطت يدها على ذراع سطام بتملك وهي تخز بيان
رفعت بيان حاجبها بمعنى خير ؟
جلس حمد وهو يتنهد : زحمممه ذاك المطاار .. كأنها إجازه
بو حمد : سواء اجازه ولا .. العالم تساافر مافي شيء يمنعها
ام حمد : بيان قومي جيبي عصير حق اخوك ومرته
سطام : لا يمه خلاص نتقهوى
ام حمد : لا توكم جايين من برى .. قومي جيبي شيء يبرد قلبهم
قامت بيان : ابشري يمه
حلا : ها شسويتوا عسى انبسطتوا ؟
سطام تسند وهو يسحب ذراعه من يد ليلى بحده : الحمدلله
وقف حمد وهو يأشر لمشاري بمعنى قوم : يالله اخليكم تاخذون راحتكم
قام مشاري وهو يغمز لسطام : عقبال ماتستقبلني لجيت من شهر العسل
سطام : ههههههههههه تزوج ويمدي
مشاري وهو يمشي : تررررى خطبت ياجماعه لاتستهينون فيني
حمد : هههههههههههه مستانس درينا
بو حمد : خله يعبر عن شعوره ههههههههه
مشاري يسوي انه زعلان : يستهزأون فيني .. ايه طيب نمشيها
حلا : مسكييين لاحد يتريق عليه خخخ
ضي : ابد ماقلنا شيء
سطام بدهشه : صدق
هزت ام حمد راسها بفرح : ايه خطبنا له ساره
رد سطام بأبتسامه : مبرووك اجل
مشاري يهز حواجبه : الله يبارك فيك
بس راحوا وقفت ليلى تفسخ عباتها وهي حاسه بكتمه من هالعباه ومدت عباتها لضي بأمر : علقيها
ناظروا الكل فيها مستغربين من لهجتها
وسطام قال بحده : العلاق حق العبايات عند الدرج
التفتت عليه ليلى بعصبيه بمعنى مالي خلق اروح
وقفت ضي وخذت العباه بأبتسامه : عادي توها ماتعودت سطام
ابعدت ليلى شعرها على ورى بعدم اهتمام ولانطقت حتى بشكر وهي تجلس
جات بيان من المطبخ وبيدها صينيه فيها عصيرين .. خطرت ليلى الأقرب لها وقدمت قبل لسطام وهي تبتسم : سم
خذ سطام عصير البرتقال وهو يرد ابتسامتها : سم الله عدوك
ردت بمرح وهي تناظر ليلى على جمب : آآمين يارب
لفت تعطي ليلى وهي مكشره : خذي
قالت ليلى بهمس من غير لاحد يسمع وهي تاخذ العصير : خذا الله احبابك
عطتها بيان نظره وهي تسمع همس صادر منها بس ماتدري وش قالت .. ردت : ولك مثله
ناظروها اهلها مستغربين وليلى ناظرتها معصبه .. وهي هزت اكتافها بمرح : ماسمعت وش قالت .. قلت اقول هالجمله
حلا : هههههههههه لا شاطره
سأل سطام وهو يحط كاس العصير ع الطاوله قدامه : الا اخبار رجالكم ؟
بيان بأبتسامه موجهتها لليلى : تمااام ترى اتصل فيني وليد اليوم يسلم عليك ..
سطام بأستغراب : اتصل فيك ؟ ليه انتي مو عنده ؟
المحت بيان نظرة حماس وتفائل بعيون ليلى .. وشبت ضو داخلها .. تتمنى تسمع زعلها على وليد عاارفه حركات ليلووه النسره
ردت بيان وهي تصر على اسنانها : لا .. بس انا بنام عند ضي كم يوم علشان اساعدها بأغراض الزواج
سطام بأستغراب من حدة كلامها : اها
بو حمد : لازم تساعد اختها وماقصر وليد سمح لها
ام حمد : ولد حلال
أبتسمت بيان لهم ورجعت تناظر ليلى الي خزتها
تحس ان حرررب بااارده قايمه بينهم من غير مااحد يحس
التفت سطام على ضي : وانتي شخباره فهد ؟
حمرت خدود ضي وقالت بسرعه : لسا ماتزوجت لاتوجه السؤال لي
الكل : ههههههههههه
ام حمد : تستحي بنتي اصبر لـ بعد الزواج اسأل
حلا : مايحتااج تشترين بلاشر احمر ضي ههههههههه
ماردت ضي وخزتها بس
سأل سطام : اجل انتي حلا وش اخبار ثامر ؟
حلا هزت اكتافها بألم : على حاله
بو حمد ناظر بنته مستغرب : أي على حاله الله يهديك .. الرجال بأذن الله بيسوي العمليه وبتنجح وبيرجع مثل قبل واحسن
سطام مافهم .. عقد حواجبه : عمليه ؟؟
وقفت ضي : تعلمك حلا عنها قومي ليلى معنا انا وبيان فووق .. نوريك الي شرينا امس
خزت بيان ضي .. بس ضي مسكت ليلى الي وقفت بأكراه : زيين
وأشرت ضي لبيان بمعنى قومي بس ماقامت ولاهتمت
ام حمد بنظرات لبيان : بيان قوومي معهم .. شكل ليلى تستحي منا ماتكلمت
تنهدت بيان بأقتضاب وقامت غصب علشان ترضي امها
راحوا فوق ودخلوا غرفة ضي
وجلست بيان بعيد عنهم على السرير تناظر الأغراض مره ثانيه وضي تسولف مع ليلى
وليلى ترد ببرود وملل .. وكأن كل شيء مو هامها
طلعت ضي بتجيب اغراض حاطتهم بغرفة بيان
والتفتت ليلى بسرعه لبيان وقالت بعصبيه : انتي وش الي حارك من زواجي بأخوك ؟
ناظرتها بيان من طرف عينها ولاردت
قامت ليلى معصبه : هي انتي ترى اكلمك !! ... اسمعي زواج من اخوك وتزوجت .. رضيتي ولا مارضيتي .. ومن اليوم ورايح تعودي علي واحترميني قدام الكل فهمتي ؟
تلفتت بيان حولها وقالت ببرود : يووه من تحاكين انتي ؟ ظنيتك تكلمين الخدامه ؟!
رفعت ليلى حاجب بتعالي : ماتفرق .. طريقتي في معاملتك نفس طريقتي بمعاملة الخدامه
ضحكت بيان بشكل يقهر : هههههههههه اجل انا اعامل الخدامات احسن من معاملتي لك .. " وقفت بتطلع من الغرفه " للمعلوميه بس
ضربت ليلى الأرض برجلها وبيان تناظرها بأشمئزاز
حست بيان بكره لهالحركه لأنها طلعت من ليلى
قالت ليلى علشان تنفذ اول خططها بالوقت الي جات بيان بتطلع من غرفة ضي : وللمعلوميه بس .. قلب زوجك ملكي .. وليد يموت فيني اذا كنتي ماتدرين ياست بيان .. قبل مايتزوجك كان يحبني .. وكان مواعدني بالزواج لكن اكيد احد غصبه عليك لانك بنت عمه اولى مني
سكتت تنتظر المفاجأه بوجه بيان .. لأنها تظنها ماتعرف بهالشيء
التفتت بيان بهدوء .. وهي تحاول تمسك اعصابها قد ماتقدر .. لأنها حاسه لو تركت نفسها تعصب راح تقتل هالليلوه مهما كان ثمن هالقتله : قلتيها كان !
انصدمت ليلى من هدوء بيان .. بعدها قالت بفرح : اكيييد قالك وليد علشان كذا ماانصدمتي .." كملت وهي تناظر بيان من فوق لتحت وتبتسم " وكان صديقتها مازال ..
رفعت بيان حاجبها وقالت ببرود قهرت ليلى فيه : لا مو هذا السبب .. بس مالي داعي اذا صدقت وحده مجنونه وحقوده مثلك .. وغير كذا مو معقوله وليد يحبك وهو كل يوم يهمس بأذني " كملت بحالميه " أحبـك
صرت ليلى على أسنانها وصرخت فجأه : انتي كذابه .. انا عندي دليل على انه يحبني
لفت بيان وجهها علشان ماتشوف ليلى الألم فيه
مايحتاج دليل .. هي تعرف بحبه لليلى .. لكن ... استحاله تخليها تثبت لها هالشيء .. ويتحطم كل شيء قبل ماينبني !!
تماسكت وناظرت بعيون ليلى مباشره وقالت بقوه : انتي انسانه ماتستحين على وجهك اصلا .. كفايه انك متزوجه وهو متزوج .. وتفكرين فيه ؟ وش ذا الأخلاق الزينه !!
لوت شفايفها بأستهزاء وهي تشوف وجه ليلى احمر .. وكملت : وبعدين ترى زوجك " اشرت على نفسها " اخوي يعني اذا كثرتي حكي بأي لحظه بقوله عن كلامك .. وباللحظه الثانيه انتي بيت اهلك مطلقه " بسخريه وهي تناظرها من فوق لتحت " وكل هدفك الي تبين تحققينه يوم تزوجتي اخوي راح يتبخر
طلعت تاركتها قبل ماتنفجر اكيد
وليلى انصدمت .. تهددني ..؟ وتدري ان عندي هدف من زواجي بأخوها !!
لا البنت ماهيب بسهله وانا مستهينه فيها
جلست على السرير بقهر وقالت في نفسها " بس صدقيني راح تبكين دم يابيان .. وتشوفين !!!! "
دخلت ضي عليها مستغربه من بيان الي طلعت ووجها احمر من العصبيه .. سألتها بخوف : وش فيكم ؟
ماردت عليها ليلى وزفرت وهي تقول : تعالي وريني باقي الي شريتي وفكيني من اختك !
ناظرتها ضي على جمب وهي تحط الأكياس الي جابتهم من غرفة بيان : تراها اختي ..! يعني لاتحكين عنها بهالأسلوب !
وقفت ليلى وناظرت ضي من فوق لتحت : لاحول انزل احسن لي
راحت تحت وضي فتحت عيونها مستغربه
الحين هذا جزاها لأنها حاولت تعاملها كأنها اختها ؟


..:::::..

قبـل الزواج بيوم ..
سلم حمد على سكرتير مشاري ودق الباب على اخوه
: أدخـل
جاه صوت مشاري الجاد وقت الشغل
دخل مبتسم وسكر الباب وراه
من غير أي كلمه مد له ظرف بني من ورق
ناظره مشاري مستغرب : وش هذا ؟
حمد رفع حاجب ومازال مبتسم : مو انت تبي فلوس تبني لبدر مسجد ؟؟ سم هذه فلوسك حلالك
حك مشاري حاجبه بتفكير : مشكور .. بس ... انت متأكد انك واثق فيني ؟
حمد جلس قباله : لو مو متأكد مافكرت اعطيك اياهم .. بس كنت خايف عليك ياخوي .. وانت عارف هالشيء !
أبتسم مشاري له وخذ الظرف الي حطه حمد على المكتب : ماتقصر
حمد بجديه : انت جاهز لمصاريف الزواج والبيت والمسؤليه ؟
مشاري وهو يدور بالكرسي : خير ربك كثير
حمد : داري يامشاري ... بس احسك صغير على الزواج !
رجع مشاري راسه على ورى وهو يضحك .. ورفع حواجبه لحمد بتساؤل بعدها وقف : انت من جدك ؟؟ عمري 26 سنـه ؟! فيه ناس من يدخلون 21 تزوجوا ! حتى قبل مايتخرجون .. يمكن عايلتنا هي الوحيده الي عيالها غريبين اطوارر مايتزوجون الا اذا شيبوا !
ابتسم حمد : انا مااقصد صغير بالعمر يامشاري وانت تعرف
مشاري : لا ؟؟؟ اجل ؟؟ وش تقصد يادكتور ؟
وقف حمد مثله : اقصد صغير بالعقل .. والسبب انك مازلت تبي تنتقم
قرب مشاري منه وحط يده على كتف اخوه : الأنتقااام يسري في عروقي مثل الدم ... ولو كان ينقص العقل !! .. عز الله يبي لي ارجع المصحــه !
هز حمد راسه وتنهد وهو يبعد يد مشاري عنه ويلف راجع لشغله : مافيك فايده ... مااقول الا الله يهديك ياخوي
مشاري رفع حاجب ببرود : الكل ان شاء الله


..:::::..


لا تزعــل ان ‘‘ كدرت ’’ جوك شويـه
قلبي ../ طفـل \.. ويحب يلعب ... بقلبك


في بيت بو وليد
دخلت بيان الصاله وبيديها شنطتها الصغيره واغرااض شرتهم من السوق لها : السلام عليكم
ابتسموا بو وليد وام وليد الي جالسين يتقهوون بهالوقت كالعاده : وعليكم السلام
بو وليد يأشر على الكنب جمبه : هلا يمه .. والله فقدناك بهالكم يوم .. سمي
جلست جمبه بأبتسامه بعد ماحبت راسه وراس مرت عمها : سم الله عدوك .. مشكور عمي ترى بتحمر خدودي !
ام وليد : هههههههههه بس هو مافقدك مثل وليد .. مسكين احس تعود عليك
هالمره حمرت خدودها صدق وخلت بو وليد يضحك من قلبه
بو وليد : ها حمرت الخدود صدق اشوف ؟
بيان بخجل : عمي ترى والله استحي
ام وليد : ههههههههههه اتركها يابو وليد تريح وتشوف زوجها
بو وليد اشر وراها : ترى وليد مع اسيل بالحديقه يبيها تسولف له عن استعدادها للزواج .. كسرت خاطره ماعندها الا اخت وجالسه في بيتها ماتجي دايم !
بيان ابتسمت : وش دعوه عمو ؟ انا اختها .. وبعدين لاتلومون روابي عندها عيال وماتقدر تساعدها كفايه نفسها ..
بو وليد بحنيه : ماتقصرين يابنتي
ام وليد : ماشفتيهم بالحديقه
هزت بيان راسها : لا مانتبهت
بو وليد : خلاص بدلي .. ونزلي سولفي معهم اذا تبين
بيان وهي توقف : ان شاء الله .. عن اذنكم
باستهم وراح طيران تبدل تبي تشوف وليييد .. ياااربي وش كثر مشتااقه له .. كانها سنييين ماشافته
آآخر مره تبعد عن البيت .. خلااص ماعندها خوات تتزوج بعد ..!!
أبتسمت لأفكارها ولبست بنطلون جنز فاتح مع بلوزه توها شاريتها خضراء غامقه ولمت شعرها بشباصه بنفس اللون
جات بتطلع بس لفت على المرايه بسرعه وهي تناظر القلاده .. الي على شكل نص قلب مع فصوص ورديه
حمرت خدودها وهي تتذكر وليد يوم يعطيها اياه .. في اليوم الوحيد الرومانسي بالنسبه لها من تزوجت وليد !
مسكت العطر وتعطرت كأنها رايحه عزومه
ونزلت بسرعه من الدرج
ماشافت احد بالصاله وراحت الحديقه
دورتهم ومالقتهم .. وينهم مختفين ؟؟ يمكن طلعوا يشترون لأسيل باقي الأغراض حق زواجها ؟!
تنهدت بخيبه وهي تلعب بخصله نازله من شعرها .. لما جات ترجع سمعت اصواات بالمسبح
لفت وهي ترمش تحاول تستوعب
بعدها ابتسمت بفرح وهي تركض رايحه للمسبح
طلت براسها تتأكد وشافتهم جالسين بطرف المسبح يسولفون وانوار المسبح مشتغله كلها والمويه العذبه تجري
كان شكلها حلوه .. لكن عميـــقه ..
ذكرت بيان نفسها بهالشيء ومشهد وليد يوم يرميها بالمسبح الي في نييورك ترجع لها
قالت بصوت عالي وهي تحمر من هالذكري : مساااااء الوووورد
التفتوا لها بسرعه وابتسموا : مسااء الورووود
وقف وليد وهو يعطي اسيل ظهره يغايضها ويمد يديه على اوسع شيء : ضمــة اشتيااق بيان بليــز !
وقفت رجلين بيان عن المشي والأحمرار يزيد على وجهها بشكل فااضح : و ... وشو ...؟
وقفت اسيل وهي تنقع ضحك : هههههههههههههه ترى استحي
لف على اسيل الي تبي تعديه وتسلم على بيان : لاتناظري الحين بتجي بيان طيران لي
عضت بيان شفتها وهي مركزه بعيون وليد كـ شوق له : وليييد خلاااص
ضحك عليها ودف اسيل الي جات بتخطره : انا ااول
مدت اسيل شفتها بعصبيه مزيفه : يالله هذا انا بعطيكم ظهري
ولفت ظهرها لهم
بيان وعيونها تتوسع بخوف وهي تشوف وليد يقترب منها اكثر وعلى وجهه ابتسامه : اسسسسيلوه بلا غلاضه
سحبها وليد وباسها على جبينها وهو يغمز : خليها تعطينا ظهرها ناخذ راحتنا اكثر
سحبت بيان نفسها تبتعد عنه لأن وجهها صاار حاار : ا .. خلاص
وليد التفت لأسيل : ههههههههههه تقول خلاص !!
التفتت اسيل لها وطارت تضمها : بيانوه يالدبه اشتقت لك لاتكررين هالحركه مره ثانيه .. روحه مافيه روحه
وليد يقاله معصب : هي يالأخت المفروض انا الي اقولها هالحكي !
ابتسمت بيان لأسيل وهي ترجع تناظر وليد : ياحظي تتهاوشون من مشتاق لي اكثر ؟
وليد : هههههههههه شوفوا البنت صدقت
تخصرت بيان : يعني مااشتقتوا لي ؟
اسيل تناظر وليد بخبث : عني انا اشتقت لك مووووووت
وليد عطاها نظره : مايحتااج ابين شوقي لها الحين .. بعدييين
حمرت اسيل ولفت : ماراح ارد عليك
وبيان فتحت عيونها وهي تناظرها : ترى البنت .. ا .... ف .. فهمت غلط !
وليد : ههههههههههههه ابد هي اذكى منك مافهمت غلط
افضل تروح عند اسيل لايجيب لها الجنوون هالرجال !
جلست عند اسيل وهي تبتسم : اخوك شارب شيء ؟
جلس بعدها مقابلهم وقال : ابد يابيونه .. ماشربت شيء غير العصير الي اشربه كل يوم .. بس الي تغير اني ما اشربه من يدك مباشره
مدت بيان لسانها بحركه عفويه : ماراح ارد عليك
تاملها لحظه بعدها أبتسم وهي حكت رقبتها بتوتر
قالت اسيل : اخبار ضي تجهزت
بيان : ايه كل شيء جاهز .. وهذا هي ترتجف .. تقول اجلسي معي لبكره .. قلت لا اخليك اخر يوم بالعزوبيه ههههههههه تفكرين لما تشبعين بدون أي ازعاج
اسيل : ههههههههه مسكينه حاسه فيها
قال وليد بملل وهو يحرك موية المسبح بيده : سواالف بنات قوم ياوليد بكرامتك
ضحكوا عليه .. وبيان قالت لأسيل : راح تجربين اسيلوه هالشعور فلا تحسين من الحين !
اسيل ناظرتها على جمب : ماراح ارد .. المهم ... " بحمااس " دريتي ان غلاا خطوبتها بعد زواج ضي ؟
بيان هزت راسها بحزن على غلا الي فضفضت لها على كل شيء وقطعت قلبها .. ماكانت تدري ان غلا تشيل كل هالألم في قلبها : قالت لي بعد مااتصلت عليها .. تخيلي هي نفس محاضراتي ولا اشوفها ماتحضر .. انتوا على الأقل غير محاضراتي
وليد : رحتي الجامعه ؟
ناظرته بيان بأستغراب : اكيد السواق يوديني انا وضي
وليد عقد حواجبه : ومن الي جابك الحين ؟
بيان : حمد
اسيل وقفت : قومي اوريك الأغراض الي شريتهم هالأسبوع
ناظرت بيان وليد للحظه بعدها وقفت
وليد ابتسم : اكيد ماتبي تفارقني لحظات وانتي فاضيه
انتفضت بيان .. مع ان وليد قالها يمزح الا ان هذا الصدق
بلعت ريقها وهي تناظر اسيل بأرتباك : لا وش د..عوه ؟؟
اسيل : ههههههه خلاص لاتجنن البنت ليدووو
وليد وهو يوقف ويتمدد ويغمض عين ويفتح عين : ماابيك تدلعيني بس بيانتي
اسيل : لاحوول ناوي يجننها
وليد بعناد مضحك : زوجتي
اسيل : ههههههههههه طيب حبيبي " دفت بيان له " روحي ترى شكله بيذبحني لخذتك منه
هالمره بيان دفت اسيل : امشي بس وانتي ساكته
ضحك وليد عليهم
وبس طلعوا من غرفة المسبح وقفت بيان اسيل من يدها وناظرتها بخبث طفولي : اصبري .. مو هو جنني وخلاني ارتبك ..؟ شوفي وش بسوي
أسيل بأستغراب : ليه وش بتسويين ؟
بيان بهمس وهي تلف تناظر وليد : بتشوفي
كان واقف عند حافة المسبح معطيهم ظهره وهو يكمل التمدد لجسمه لأن له كم يوم ماسوى رياضه
بخفه تقدمت منه ومن غير مايحس حطت يديها على ظهره ودفته بأقوى ماعندها
لأنه كان مو منتبه طااااار فوووووق وطششششش بالمويه
ضحكت بيان بصوت عالي : هههههههههههههه هذه انتقام من سالفة مسبح نيويورك
طلع راسه وهو ينفضه من المويه ويتنفس بقوه وهي حركت حواجبها بخبث يوم ناظرها
قال بسخريه بدون مايعصب من حركتها المفاجأه : اثرك حاقده ذاك اليوم
هزت راسها بتأكيد وابتسامتها الخبيثه مرسومه على فمها : علشان تحذر مني
طشها وليد فجأه بالمويه وهي يصررخ : اصبررري بيوون مردوده
راحت تركض وهي تضحك : ههههههههه رد وانا بردها لك .. وانت تردها وانا اردها .. لما الكل يمل ويسكرون المسبح
وليد وهو يسبح للحافه : ههههههههههه لاتحاولين بردها
راحت تركض لأسيل يوم شافته بيطلع وسحبتها واسيل ناقعه من الضحك : امشششي
اسيل وهي تمسح دموعها وتركض ورى بيان : وشش سالفة مسبح نيويورك هاه ؟؟
بيان : ههههههههههههه بعدين اقولك !
كان وليد بيركض وراهم يبللهم من ملابسه الي تقطر مويه لكن جواله رن .. ضحك على نفسه وهو يروح لجواله الي حاطه في المكان الي كان جالس فيه .. ناظر رقم فهد ورد بمرح : ياهلا بالمعرس ... لاتقول انك مرتبك نفس البنات ومتصل تبيني اجيك اهديك واعلمك ان العرس سهـ ..
فهد يقاطعه : والي يرحم والديك مالي خلق مزحك
وليد : افاااا هذا جزاي اخفف ارتباكك ههههههههههههه
فهد : ههههههههههههه وربي اهبل .. تعال عازمك على كابتشينو .. خلني افضفض لك عن آخر يوم في العزوبيه
وليد يجننه : وش رايك نسوي لك حفلة عزوبيه مثل الي يسوونها بنيويورك ؟
فهد : ياشيـــنك وليدوووه
وليد : هاه ترى مااجي
فهد زفر : لاتهدد اشووف ماينفع معي التهديد .. ويالله قدامي روح لأقرب مقهى انا جايك
بعد وليد الجوال عن اذنه وهو يعقد حواجبه : الرجال متعود اصدار الأوامر .. يااخي فرق بين شغلك وحياتك الخاصه .. مو تزفر على زوجتك .. ونشوفها كل يوم بيت اهلها
فهد : فالك ماقبلناه .. بتشوف كل يووم بتدعي ربها اني نصيبها .. انا فــــهد لاتنسى
وليــد بمرح : يووه نسيت اظنك فيصل اخوك تصدق !


..:::::..

يِحْلَمُوٍنْ اِللّيْ فِيْكْ يَفَكّرٍُوْنْ
يَآخِذُوْنِكْ اِنْتَ مِنّيْ
وٍالله لَوْ يِتْجَنَنَوْنْ
لَوْ يِغَيّرٍُوْنِكْ عَلَيّا
آوْ تِجَآمِلْهُمْ شِوَيّهْ
خَلّيْ بَآلِكْ ... / آنْتَ لِيّهْ
غِيْرٍكْ اِنْتَ يَدَوْرُوْن
....مَآ أحَدْ يِقْدَرْ ( يِحِبّكْ )
...وٍلَاْ يَآخِذْ مِنّيْ ( حُبّكْ )
لَوِْ يِشُوْفُوْا شِوَيْ ( قَلْبِكْ )
فِيْهِ اِسْمِيْ يِلْمُحُوْن ‘‘


كانوا جالسين على الأرض يلعبون !!
أبتسمت تهاني لخالد وهي تشوفه يرمي يد البلاي ستيشن ويناظرها على جمب : انتي غشاشه اصلا
تهاني : ههههههههههه تذكرني بولد اخوي سعود !
خالد لف عليها وخذ يد البلاي ستيشن الثانيه من يدها ورماها وطفاه من الكهرب : خلااص ملينا وحنا نلعب قومي نقلبها رومانسيه بمطعم رومانسي
تهاني : هههههههههههه نقلبها رومانسيه ! اخاف تمل مني بعدين !!!
ناظرها خالد نظره طفوليه خلتها تضحك : انا امل من تهونتي
تهاني : ههههههههههه شكلك تعاديت من سعود يوم خذته قبل امس عندنا !
خالد : افآآآ هذا جزااي ابي ادلعك " لف عنها يسوي انه زعلان " خلااص بتصل على حبيبتي الثانيه وباخذها لأكثر المطاعم رومانسيه بالعالم
تهاني طوقت راسه بيديها من ورى ظهره : ومن هي حبيبتك الثانيه ؟
رد بثقه : نوف
ابتعدت عنه تهاني وهي تتخصر : والأسم جاهز حضرتك
هز راسه : ايه نوف .. واذا تبيني اجيبها .. احلف اني مستعد !
شهقت تهاني : ويحلف بعد
خالد : ايه والله اقدر اجيبها الحين
ناظرها على جمب يشوف ردة فعلها
وهي زمت شفايفها وبانت الغيره بعيونها : ومن هذه ؟؟
حالة صمت بعدها رمى خالد راسه على فخذها وهو ينسدح : هههههههههههههههه وربي صادقين يوم قالوا الحريم مهبل !!
فتحت عيونها تهاني : وشوووو ؟ مهبل " سوت نفسها تبعد راسه " ابعد ابعد عني مدامي مهبل
خالد : هههههههههه والله مو غريبه صدقتي !
تهاني رفعت عيونها بملل : اجل مين نوف ؟
خالد مبتسم : نوف متعب محمد الـسـ.,,
فكرت تهاني بسرعه تحاول تستوعب هالأسم الطويل بالنسبه لها .. بعدها شهقت : تقصد بنت روابي ؟
خالد : ههههههههههههه ايه بنت اختي
ابعدت راسه وهي توقف : اففف خوفتني جد
خالد جلس يعدل شعره : مو قايل الحريم مهبل هههههههههههه
ناظرته بنظرات خلته يوقف : هييي لاتناظريني كذا .. ترى العواقب وخيمه
ابتسمت وهي تجلس على الكنب القريب : خالد .. مممممم ابي اقولك شيء
جلس خالد مقابلها : تدللي .. غردي .. زغردي
تهاني نزلت راسها وهي تعقد حواجبها
رفع خالد حواجبه بأستغراب : وش فيك ؟
رفعت راسها بخفه وهي تقول بأرتباك : صراحه .. ممممم " وقفت " ولا اقول استحي
سحبها خالد من يدها وجلسها جمبه : هههههههه تستحين من وشو ؟؟ من حبيبك ؟
حكت خدها بتوتر : انا ...
فتح خالد عيونه بفرح وفهم : لاتقوليييين ؟!!
تهاني ابتسمت : لا ماادري .... ابي ... ابي اتأكد .. ابي ارووح بعد خطوبة اختي للمستشفى
خالد تحمس : الللللله وليه لذاك الوقت ؟ قومي الحين
توسعت عيون تهاني : لا وش الحين اصبر لما اتأكد اكثر !
أبتسم لها خالد وباسها على جبينها : الله لو تجينا تهاني صغيره !! تكمل فرحتنا
تهاني : لا انا ابي خالد سعنون
خالد رفع حاجب : بس انا ابي تهانيات كثير
تهاني : ههههههههههه ليه كم وحده ناوي ؟
خالد رفع اصابع يدينه كلهم .. بعدها عقد حواجبها ومسك يد تهاني وفردها وحط اصابع يدينه عندها : هالعدد
فتحت تهاني عيونها على كبرهم : وشوووو .. 15 بنت !!!
خالد هز راسه بثقه : عليييك نور
كورت تهاني يدها وضربته على صدره : وااثق الأخ بعد عليك نور
خالد : هههههههههههه بتشوفين بتقولين خالد حبيبي ماقال !


..:::::::..


قُلْ لي- و لو كَذباً- كلاماً ناعماً
قد كاد َ يقتلني بكَ التمثالُ

ما زلتِ في فن المحبّة... طفلةً
بيني و بينك أبْحُرٌ و جبالٌ

لم تستطيعي- بعدُ – أن تتفهّمي
أن الرجالَ جميعَهمْ ... أطفالُ

فإذا وقفت أمام حسنك صامتاً
فالصمتُ في حَرَم الجمال... جمالُ

كَلماتُنا في الحبّ... تقتل حبّنا
إن الحروفَ تموت حينَ تقالُ

قِصصُ الهوى قد أفسدتكِ... فكلها
غيبوبةٌ... وخرافةٌ... وخيالٌ

الحبّ ليس رواية شرقيةً
بختامها يتزوج الأبطالُ...

لكنه الإبحارُ دون سفينةٍ
و شعورنا أن الوصولَ محال

هو أن تظلّ على الأصابع رعشةٌ
و على الشفاه المطبقاتِ سؤالُ

هو جدولُ الأحزان في أعماقنا
تنمو كرومٌ حوله, وغلالُ

هو هذه الأزماتُ تسحقنا معاً
فنموت نحنُ... وتزهر الآمالُ

هو أن نثور لأي شيء تافه
هو يأسنا... هو شكنا القتّالُ

هو هذه الكفّ التي تغتالُنا
ونقبلُ الكفَّ التي تغتالُ...

لا تجرحي التمثالَ في إحساسه
فلكم بكى في صمته... تمثالُ

قد يُطْلع الحجر الصغيرُ براعماً
وتسيل منه جداولٌ وظلالُ

إني أحبّكِ... من خلال كآبتي
وجهاً كسر الروح ليس يُطالُ...

حسبي و حسبُكِ... أن تظلي دائماً
سراً يمزقني... وليس يقالُ...



الســاعه 3 بالليل ..
كانت بيان منسدحه على سريرها وهي تقرأ روايه من روايات عبير الكثيره عندها
تحس مو جايها نوم وهي تفكر بضي .. وبـ حالتها هي مع .. وليد ..
حاسه بينهم برود .. وكل دقيقه تسترجع كلام ليلى " انا عندي دليل ان وليد يحبني "
تعوذت من الشيطان وهي ترجع تركز على الكلمات الي قدامها وتترك ليلوه عنها
لها ساعه وهي بالصفحه الثانيه .. وعادتها تختم الروايه بـ 3 ساعات
سمعت دق خفيف على باب غرفتها وتحركت بترقب وهي ترد : مييين ؟
جاها صوت وليد المرح : الذيـب
أبتسمت على رده وقامت تفتح له الباب وهي تناظر نفسها بالمرايه .. عدلت شعرها بسرعه وبجامتها السماويه المحيوسه
فتحت الباب وهي تقول بمرح وأرتباك بنفس الوقت : ياهلا بالذيب .. ليلى وجدتها مو هنا !!
كان وليد متسند على إطار غرفتها ولابس بيجامه حمراء وشعره محيوس كأنه متهاوش مع احد : انا ابي بيان بدون جدتها !
ضحكت وهي تأشر على شعره وتبتعد عن الباب علشان يدخل : من تهاوشت معه ؟
قال وهو يتثاوب : مع النوم الي مجافيني ..
قالت وهي تمشي وراه وتسرح : حتى انا
وقف فجأه .. ومن دون ماتنتبه ضرب راسها فيه .. تألمت وهي تحط يدها على جبينها : آآه
لف بسرعه ونزل يدها ولمس جبينها : مهبوله ماتعرفين تمسكين بريك مثل ماتمسكينه بالسياره ؟
فهمت بيان انه يلمح عن ذاك اليوم بالبر وضحكت : هههههههههه .. قول انت الي توقف فجأه وهذا ممنوع لأن السيارات تمشي وراك
وليد ابعد يده عن جبينها وابتسم لها : شكرا على النصيحه المفيده بتذكرها بالمستقبل
تربعت في وسط السرير وخذت الروايه وهي تقلب فيها كأنها تتفحصها
جلس وليد على الكرسي الي عند السرير الصغير : وليه مانمتي ؟ تفكرين بضي ؟
أشرت براسها : ايه " ورفعت عيونها له " وانت تفكر بفهد هههههههههه
وليد : ههههههههههه اما ذي قويه .. اقدر افكر بأختك كـ شفقه عليها اما فهد لا
بيان : هههههههه شفقه ؟ ليه ؟
وليد بمرح : لانها بتاخذ واحد يزف الناس 24 ساعه .. خلاص هو رئيس الشرطه بكل مكان
بيان تمثل الحسره : ياحراام اختي راحت فيها
ناظرها وليد وابتسم : لا تبين الصدق ؟ محظوظه بـفهد
بيان : نو نو مااسرع غيرت رايك
مد يده وضربها ع راسها بخفه : ماادري عنكم يالبنات تروحين تقولين لضي وتخاف بعد
حطت بيان الروايه قدامها تخفي ارتباكها من قربه : لا مو لهالدرجه هههههه اخوفها زياده !!
سأل وليد فجأه : وش تقرين ؟
بيان تأشر بالروايه : ممممم روايه
ركز على اسمها وقراها بسخريه : الهروب من الحب ! .. رومانسيه اجل
قالت تقلد سخريته : وش متوقع من البنات
هز وليد راسه : آآه من لساانك يابنت
عدلت بيان جلستها وقالت بحماس تبي تسولف معه : تصدق مع اننا عارفين انها كذب الا اننا نقراها
وليد بأستهزاء بالروايه : ليه كذب ؟
بيان ناظرت الروايه : مممممم يعني تخيل ... 99 % من روايات عبير .. اذا ماقلنا 100 % يحبون من اول نظره !! عاد شوف الكذب !
قال وليد فجأه بجديه وهو يركز بنظراته عليها : وليه كذب ؟ انا عني .. آصدق بالحب من اول نظره !
رفعت بيان عيونها بأستغراب له : و .... وش قلت ؟؟؟؟
ضحك وليد على شكلها : هههههه وش قلت ؟ عادي سامعه كلام غريب عجيب ؟
نطت فجأه جالسه على طرف السرير وتكلمت بحماس : لازم ياوليد اسجل هالأعتراف بشريط .. لاازم ابين للبشريه كلها ان الخليجيين يصدقون بهالشيء
وليد رفع حاجب : وانتي من جدك ان مافي احد يصدق بهالشيء ؟
كانت بترد بحماس .. لكن سكتت فجأه وهي تسترجع كلامه .. يصدق بالحب من اول نظره ؟؟
يعني حب ليلى من اول نظره .. حست بالغيره تزحف وتاكل قلبها .. ونزلت راسها بألم
أستغرب وليد من الهم الي كسى وجهها : وش فيك ؟
رفعت راسها بسرعه وقالت تغطي نظرتها بأرتباك : لا بس مااحس كلامك معقول ..!!
وليد تسند براحه : يعني ماتصدقين ان خالد حب تهاني ؟
هزت بيان راسها بسرعه : لا مو ...
قاطعها : ماتصدقين ان ثامر يحب اختك ؟ وان زياد حب خطيبته الي كره الكل علشانها ؟
بيان بتأكيد وهي تحرك يديها : الاه .. مصدقه انا اقصد الحب من اول نظره مو الحب نفسه
هز اكتافه ورد : الا فيـه .. لكن لا هالشيء ولا الحب ممكن يبينه الرجال بسهوله
بيان بشك : ليه ؟؟ انا مو فاهمه لأفكار الرجال الغريبه وش فيه الحب علشان مايبينونه ويعتبرونه محطم للكبرياء ؟
تذكرت نفسها ورفعت حواجبها كأنها تطرح هالشيء على نفسها
رد وليد براحه وهو يمرر يده على شعره المحيووس : الرجال بطبيعته كذا .. مو على كبرياء وبس .. يعني .. مو معقوله يبينه لوحده ماتبادله الشعور ! وطبعا اقصد بالوحده هنا زوجته في مجتمعنا " هزت بيان راسها وكأنها تذكر نفسها بأسبابها هي .. ووليد كمل " .. لكن يقدر يبينه لو كانت .. " عطاها نظره مافهمتها " زوجته تحبه .. بمعنى اصح يقدر يبين الحب لنفسه وزوجته وبس .. اما لو كانت ماتحبه فهذا صراحه " رفع حاجب " محطم للكرامه قبل الكبرياء
قالت بيان بسرعه : بس زياد وخالد .. وحتى ثامر من قبل .. بينووه للكل
رفع وليد اكتافه بعدم اهتمام : كل رجال على حسب شخصيته ..
قالت وهي ترفع حواجبها بأستفسار : وانت من أي شخصيه ؟
أبتسم لها بغموض يذبحها : الي اتكلم عنها الحين
ابتسمت تخفي ارتباكها وهي تقول بنفسها " عدل يابيان عدل رحتي فيها " ..: طيب واصدقائهم ؟
وليد بأستفسار : وش فيهم ؟ يعلمون ربعهم انهم يحبون ؟
بيان بأستغراب : ايه ربعهم الي الروح بالروح .. اكيد شيء طبيعي يخبرونهم .. لو ماعلموهم من يفضفضون له ؟
ضحك وليد على كلام بيان
وبيان رفعت حاجب : وش فيك ؟
وليد مدد يديه بالقوه : آآه يابيان .. الرجال عكس الحريم بكل شيء .. يمكن يقدرون يقولون لربعهم انهم يحبون .. لكن مايقولون لهم بالتفصيل ولا يشتكون لهم
هزت بيان راسها : والله انتم غريبين .. الحمدلله اني مو رجال
قال بغموض للمره الثانيه : الحمدلله
حست انها بتقطع شعرها من هالغمووض الي لااف هالرجال .. مو فاهمه وش داخل كلماته ونظراته الغريبه الي يرميها كل دقيقه
رجعت تقرا الروايه .. ووليد وقف شوي وخذ الروايه ورماها وراه : اتركيها ونوومي بكره وراك زواج وحووسه
خذت روايه ثانيه عند مخدتها وفتحت عليها : مافيني نوم
قال بتساؤل واستغراب : مو لازم تكملين نهاية الأولى علشان تقرين الثانيه ؟ ولا " بسخريه " هذه عادة البنات مايهمهم النهايه
هزت أكتافها بسخريه مثله : لأن نهاية هالروايات معروفه .. مو مثلنا " رجعت تقرأ " الله اعلم وش نهايتنا
همس بدون ماتسمع : تقدرين تقررينها بنفسك
رفعت راسها بتساؤل : وش تقول ؟
وليد : اقول ليه تقرينها اجل ؟ مدامك تعرفين نهايتها !
هزت أكتافها بملل وقالت بدون ماتحس : ملىء عاطفي عندنا يالبنات
رد وليد بسرعه : عفوا ؟
رفعت راسها تناظره ويوم حست في الي قالت حمرت خدودها
كمل : ومن قال انك بنت ؟ انتي متزوجه يعني المفروض ماعندك فراغ عاطفي اصلا
شب وجهها ضو وسكرت الروايه وقالت بتلعثم : بنزل آكل شيء جايعه
طيراان نزلت تحت وهي تسب نفسها يوم قالت مثل هالجمله !! .. قال ايه ملىء عاطفي .. تراك كنتي تكلمين زوجك ياهبله !
اما وليد ضحك وهو يوقف ويرفع حواجبه : الحين وش انا قايل يوم انها تستحي ؟


..:::::::..


يـــوم الزواج ...
طلعت هيفـاء من غرفتها وهي ضامه الصوره لقلبها وتبتسم بخبـث مااكر
راحت لـ ثالث دوور غرفة الخدامات ودقت باب غرفة الخدامه الي تبيها بعصبيه وهي تأشر بيدها على وجهها بقرف من هالدور
طلعت الخدامه وابتسمت لهيفاء وهي تتلفت خايفه الخدامات يطلعون من غرفهم او يجون من المطبخ : ها ماما كلو جاهز
أشرت هيفاء بـ ايه وهي تناظر عرفة الخدامه المحيوسه داخل بتكشيره ورجعت تناظر الخدامه وبعيونها لمعه غريبه : واخيراً ... اهلك طولوا بالرد !
جاوبت الخدامه بهمس : لازم في فكر قبل .. هذا مافي سهل
قالت هيفاء بأستهزاء : تكفيين وانتوا 24 ساعه تسوون هالشغلات
بلعت الخدامه ريقها وخافت لـ تعصب عليها هيفاء : لا مدام اهل مال انا واجد كويس
طلعت هيفاء الفلوس من الظرف وهي تقول بتتريق : ايه هين واجد كويس " عطتهم اياها " هاك امسكي هذا المبلغ الي طلبتي .. مع انك نذله وطماعه بس تستاهلين
الخدامه بفرح من هالفلوس الكثير : انتي في شووف نتيجه مال هذا .. في يعطي اكثر .. انا في اكيد
ضحكت هيفاء بوناسه : ابشري يالخير بس ابيه بسرعه
الخدامه : في سوي الي يقدر عليه .. وين صوره واسم ؟ واسم مال انتَ ؟
عطتها هيفاء الصورره وورقه مكتوب عليها اسمها واسمه بالأنجليزي : معلوم انجليزي
هزت الخدامه راسها : ايه معلوم
ربتت هيفاء على كتفها بفخر : زيين .. يالله اخليك انا .. مااوصيك نفس الي قلت لك بالضبط
أبتسمت لها الخدامه بخبث مماثل لهيفاء : زيين مدام
نزلت هيفاء بسرعه تتلفت وانتبهت لعصام متوجه لغرفته .. ناظرها مستغرب وسأل بقلق : وش فيك رايحه جناح الخدم ؟
أبتسمت هيفاء تخفي أرتباكها : هاه ؟؟ و ... ايه .. رحت ادور رانيا عندي لها شيء
رفع عصام حواجبه : شيء ؟ وانتي متى تتكرمين وتحاكينهم ؟!
تأففت هيفاء وراحت غرفتها : خلااص عصووم بلا كثرة اسأله
دخلت غرفتها وقفلت الباب وتسندت براحه وفرح .. وحست انها ملكت كل العالم
خلاص يافهد صرت لي ..
واصبري علي ياضوويه .. هههههههه قال ايه اليوم زواجها
رمت نفسها على السرير بقوه وهي تضحك بصوت عالي : ههههههههههههه مسكييييينه






* قال تعالى :
" وَأَلْقِ مَا فِي يَمِينِكَ تَلْقَفْ مَا صَنَعُوا * إِنَّمَا صَنَعُوا كَيْدُ سَاحِرٍ وَلَا يُفْلِحُ السَّاحِرُ حَيْثُ أَتَى "
صدق الله العظيـم *


..::::..

بعد ماتاه بك قلبي...لقيته بدنيتك مأسور
وأقسى من بعد هذا قتلت الحب قدامي
ذهلني مابدا منها كسرتني وخاطري مكسور
تبي تعرف قدر حبك(رميته تحت اقدامي(


غسلت غلا يديها بعد ماتغدت وراحت بالمجلس عند شجون ويعقوب الي بيجلسون يتقهوون هناك
أبتسمت وهي تعدل عباتها وتجلس جمب شجون : وين امي ؟
شجون : راحت ويا خالي تنام فوق
غلا وهي تسرح : اها
يعقوب يحاول يطلعها من جوها الكئيب الي لها ايام فيه : الحين انتي شكو ماده بوزج شبـر ؟
ناظرته غلا بعدها نزلت راسها من غير ماترد
ناظر شجون الي حركت اكتافها ان مالهاا حيله
ووقفت : برووح اصلي ماصليت العصر .. عن اذنكم
يعقوب : تقبل الله منج
شجون وهي تركز على غلا الي سرحت : منا ومنك ان شاء الله
صرخ يعقوب فجأه : بوووه
تروعت غلا وتوها بتهاوشه وهي مكشره لكن رجعت نزلت وجهها
يعقوب : لاحووول حتى الهوشه الي نطت بفمها ردتها .. شووفي تراني مااحب حركات الزعل والهنوود زييين ؟ حدج تزعلين يومين .. ثلاثه بالكثير بعدين فليها يامعوده ! .. تراج مخطوبه مو مقتوله !
ناظرته بحده خلته يرجع على ورى يسوي نفسه خايف : يمه .. وين زياد عنج ؟
قالت بملل : ماادري عنه
يعقوب : ترى خطوبتج بعد 3 ايام تجهزتي ؟
حركت يدها بعدم أهتمام
يعقوب هز راسه : الله حاله معااج .. قولي لي انتي حاطه في بالج احد تبينه ؟
رفعت راسها بصدمه : وشوو
ناظرها يعقوب بهدوء : مثل ماسمعتي .. تصرفاتج غريبه ياغلا ؟ فيصل وش فيه علشان ينعاب ..؟ ريال وش زينه .. ولا رفضتيه بذيج الطريقه الي مادري وش تبي !!
غلا بعصبيه خفيفه : يعقوب انت ماتعرف السالفه فلا تقط حكي مانت قده
وقفت بتروح
يعقوب : الا اعرف السالفه ومافيها .. اصلاً واضحه .. انتي تحبين فيصل وتبين تنتقمين منه بـ سبب .. خلاص انتقمتي وخلصتي .. شتبين بعد ؟
ناظرته بصدمه : ش .. شـ .. شجون قالت ...
هز يعقوب راسه : لا ماقالت لي عن شيء .. لاتتهمينها .. السالفه واضحه من نظراتج له اذا يانا .. واحسج تبين تحرينه وانتي تسولفين معاي !
انصدمت غلا اكثر .. وحست انها جرحته اكثر واكثر واكثر .. من غير ماتحس حتى !!
قالت وهي تبلع ريقها بألم وآسف : يعقوب .. انا
أشر بيده بأبتسامه : مايهم ياغلا .. المهم انج تتوفقين بحياتج
دمعت عيون غلا .. كان نفسها تصرخ .. ماارح اتوفق .. فيـصل مايحبني .. ماخذني يبي يرد كرامته .. كيف تقدر تفهمهم ؟
حسست ان سالفة بيان قبل الزواج .. تنعاد عليها ..
حست انها قالت لبيان ذاك اليوم .. سالفتها نفسها قبل ماتتزوج وليد
بس الفرق .. ان غلا كانت تحبه والحين تحس بكره يزحف بقلبها له
كلــهم تزوجوهم يبون ينتقمون لكرامتهم !
شهقت بالبكي .. فجأه
ويعقوب توسعت عيونه بأستغراب ..: غلا ؟؟ آسف يالغاليه جاني ضايقتج !!
هزت غلا راسها بـ لا وهي تعض شفايفها وتشاهق .. وأشرت بيدها بعدم اهتمام وهي تمشي بهدوء رايحه لغرفتها : مــايهم !
هذه آخر كلمه سمعها يعقوب منها !!


..::::..


تسبحت بيان بالعطر وهي تتفحص نفسها .. وش ذا الكوافيره ؟ تقولها حطي مكيااج خفيف ترووح تسبحها بمكياج قووي !
لو انه مافيه وقت ولا كان قالت لها امسحيه .. عنــاد فيها ..
ابتسمت لنفسها وهي تحط العطر .. بس الصدق طالعه شيء مع لون فستانها الزيتوني
اما شعرها خلته سايح لا رولات ولا شيء .. مدامه زواج اختها بتفلها اليووم
حست بوناسه وهي تتخيل ضي مع فهد
ومدت يديها فوق : ياااارب توفقها
سمعت صوت من وراها : وتحنن قلب المزايين علي
التفتت بأرتباك من المفاجأه وناظرت بوليد الي كاشخ بالثوب والشماغ الأبيض والبشت الأسود وحالق ومضبط الوضع الأخ كأنه المعرس
قالت وحاسه نفسها ذاااابت مثل الشوكلاته : اهـ .. اهليـن
ناظرها وليد بتفحص متعمد .. خلا جسمها كله احمرر : يعني انتي بالله عليك كل مالك وتحلوين
لعبت بخصل شعرها بخجل : آ .. انت احلى
عضت على شفايفها يوم انتبهت للي قالت
قرب منها وهو يمسك ذقنها : لا لا بتخربين الروج
ناظرته بدهشه بعدين بعدت يده وهي تحمر : يووه وليد مو وقتك ابد !
وليد : هههههههه .. ايه .. احم .. ترى عندي لك مفاجأه
ناظرته مستغربه : وش هي ؟
غمز لها : مو اليوم بكره بتشوفينها وان شاء الله تعجبك
بيان وهي تناظره على جمب وتقول ببطء : وليييه مو اليوم
أشر عليها بتهديد : لاتغريني بيان .. ترى ماتروحين لزواج اختك
تروعت وهي ترجع على ورى : الله اجل خلها بكره !
أبتسم وليد : طيب جاهزه
ناظرته بحماس : قلبي يدق كأني انا العروس !
وليد خزها : هييي لايكون تنسين وتحسبين نفسك العرووس ؟ تراك عروستي بس .. لاتخليني ادخل مكان فهد بعد
تخصرت : هيهيهي لا ماراح يخليك فهد تسويها
قرص خدها فجأه وباس يده وهو يلف : لاتتخصرين كذا
رمشت وهي تناظره يروح وزفرت : يااربي ليه يروح فجأه ؟


..::::::..


في قاعـة الزواج ..
كانوا كل المعازيم جاو تقريبا ..
والجو حماس رقص واهدائات .. والبنات محلينه .. وشيماء واسيل جاو متغترين لأن زواجهم قريييب
ناظرت عبير في شيماء تتريق عليها : شكلك حلوو وانتي جايه العرس بنقااب وعباه .. لو تقومين ترقصين انتي واسيل .. شيء!!
البنات : ههههههههههههههه
شيماء : ماراح ارد !!

البندري : متى بيدخلون ضي
بيان : ليه مليتي ؟
شيماء : لا جد تراني بمووت من هالعباه خلوها تدخل بدي رووح
ناظرتها اسيل على جمب : اصبري ترى الصبر زين بيدخلون حمد اكيد
رفعوا البنات حواجبهم ونزلوها
شيماء : ماااااالت ماراح ارد
أسيل : احلى رد هذا
غلا تنهدت : والله حتى انا ابي الزواج يخلص تعباانه
تهاني : ليه وش فيك ؟
ساره ابتسمت : اكيد تبي تتجهز نفسيا للخطوبه
أبتسمت لها غلا مجامله .. هذه مهما كانت اخت فيصل
عند ضي .. دخلت حلا وروابي ومرام عليها وهم يضحكون على كلام قالته روابي
التفتوا وشافوا ضي خلصت وجالسه بهدوء
حلا بحماس صفقت : ياعيـــــــني على احلى عروووس
مرام تكمـل بحماس مماثل : لأحلــى معرس
روابي : هههههههههههه كل وحده قامت تمدح اختها واخوها زين والله !
قربت روابي من ضي قبلهم ونزلت وجهها لها مبتسمه .. بعدين شهقت يوم ناظرت وجه ضي الي منزلته : وش فيك ؟؟؟؟



.
.
.


نهــاية الجــزء الــســ 27 ــابع والعشرون ..