[b]تحــت عند الحريــم والبنااات ... دخلــت بنــت لابســه اسود في أسود وكأنها بعزاا ..
يميزها عن الأسود شعرها الأحمر وروجها الأحمر الصااارخ ... دخلت تتمخطر بمشيتها كأنها مو مهتمــه ..,,
ووراها أمها وأختــها ..,,.
ماسلمت على احد وراحت على طول جلست على الطااوله الفااضيــه ..,, ناظرت بعيد شاافت البنات ...
غلا وضي وحلا وروابي وأسيــل ومرام وســاره .. مجتمعين يسولفون ..,..
لاحظت الكل متكشخ لآخر شيء ماعداا ســاره لبسها عادي مره .. ووجهها متغير كله حزن ..,. ماهتمت وحركت فمها يمين ويسااار مستاانسين اجل ؟؟؟ ملكتين بيووم واحد ؟؟؟
طيــــــب يابياانووووووه طيـــب ...,,. أستعدي لبداااية عذااابك ... أستعدي ..,,
×××
بهالوقت كاان زيــاد عند غرفة تهااني بعد ماسمــع انها أنهاارت فجأه وجلست تصاارخ ..,..
صــرخ عليها بقوووه وهو واقف عند الباب " أستخفيييييييتي انتــي ؟؟ يالله قووومــي ألبسي وخليهم يعدلون مكياجك لايجيك كــف طاايــر "
تهااني نزلــت عند رجوله بشكــل يكسر الخاطر وضمتهم بقووه وهي تبكي " زياااااااد والي يخلييييييييك الي يخلييييييييك ماابي اتزوج طوووووووول عمري خلااااااص بعنــس بس تكفــى لاتزوجنــي تكفـــي ماابيه ما أبيــــــه "
زيااد يحااول يتمااسك ويدفهــا بس هي متعلقه فيــه .. صرخ مره ثانيه " تهااااااني ترى وربي بسوي الي قلت لك عليــه "
أم ثامــر بعصبيه " وش قلت لها ؟؟؟ ليكوون انت الي غااصبها "
تهاني ماهتمت لكلامهم بااست ساقه الي متمسكه فيها " ابووووووس رجلينك خالد لاتزوجني غصــب هذا زوااج يازيااد زواج (( رفعت رااسها الي ملته الدمووع )) ان جررربت الحب زيااااااااد جرررررررربته "
دفها زياد بالقوه وهو يتنفــس بالموت .. فتح ازارا ثوبه الفوقيه يحااول يجذب النفــس ... مســك رااسه من فووق غترته وصرخ عليها " تهاااااااااني اعقلي برووح وبرجع اشووفك خالصه "
تركها وهو حاااس انه بيختنق .. جرب الحب ؟؟؟ ايه جربه !! ليش يعذبها اجل ؟؟ لاااا بيعذب خالد هو .. وهي بتنبسط مع أحمد أيه بيسعدها أحمد
مــر من القاعه الي ورى قااعة الحريــم ودخل عند الرجاال
×××
دخــل خالد مرتبــك بعد ماشاف زياد داخل معصب للقاعه ... ناااظر في ابووه الوااقف يســلم على المعازيــم وفي بو ثامر الواقف جنبــه
لف عيونه لقى أحمد ووليد واقفين يســلم على الرجال وأبو أحمد جنبه وبو حمد من الجنب الثاني ...
همس حمد وراه " شووف زياااد راح عند أحمد ووليد !! "
تنفس بعمق وهو يلتفت على حمد وقلبه مسكه بألم " نتوكل على الله ؟؟ "
حمد لأول مره حس انه مرتبك " أ ... (( بلع ريــقه .. وبقووه )) توكــل على الله "
سلــم خالد بصووت عالــي ورســم أبتساامه كبيــره من ورى قلبه " السلااااااام عليــكم "
الكل رد السلام .. ماعدا الي يعرفونه .. بو ثامر وبو وليد راحوا عند المعاريس الي توجه لهم خالد وهو مستغربين من أبتسامته ...
سلم خالد وحمد على الكل ... وآخر شيء خالد سلم على زيااد الي مد له يده غصب عنه .. مظااهر عند النااس ..
أبتسم زيااد وهو يرص على يد خالد " الله يباارك فيك عقبالك ان شاء الله "
خالد كان نفسه يعطيه بوووووكس ويكسر أسنانه " ان شاء الله قرريب وانا اخوك "
التفت لحمد الي جلــس وأبتسم له يشجعه ..,,.
نااظر خالد وراه وشااف كل الرجاال جالسين وماحد دخــل لحد الحين ... شكلهم خلصوا !! رجع ينااظر اهله ...
وقرب من المعرس وهو يبتسم لبو ثامر وأبوه ووليد " والله ياجمااعه انا ألفت شعر كـ هديه لأحمد وأتمنى انها تعجبه "
أحمد بحمااس " أستلم وانا أخوك "
جلــس خالد مقاابل لهم كلــهم وهو مميل بجلسته علشاان يشوفونه كلهم " أحــم أتمنى ماحد يقاطعني (( التفت لزياد وعطاه نظــره .. ورجع يناظر أحمد وهو رافع حاجب يمثل القوه علشانها !! مع انه مرتبك من داخل )) أبيك تنتبه لكل كلمه "
هز أحمد رااسها ببرائه وهو مبتسم ... والكل طيروا عيونهم خايفين من الي بيقووله .. وليد عقد حوااجبه وكأنه يفكر وش ممكن خالد يهدي لأحمد وهو ماخذ حبيبته ؟؟
تكلم خالد بقووه مو مهتم لنظرات الي حوله ونظرات زياد المقهور بالذات ... أشر على أحمد بأستهزاء
" أبد ما جيت أبــــارك لك ولكن جيت باوصيك
على الله ناوي(ن) تدخــل بها اللـــيله ... معذبتي
ترى لولا الظروف اللي عطّـتك وحــدّت محاكيك
قسـم بالله مــا تدخل عليــــها لو على رقبتي
ولكن النصـيب أقوى ولاادري ويــش اسوي فيك
نعــم...صـارت معزبتك ,, ولا صــارت معزبتي
كذا شـائت بنا الأقـــــدار تحرمني لجل تعطيك
كذا لازم عشـــان تفوز انت ,, أنا اخـسر بتجربتي
تراها غاليــة جدا..وتكفى.. والله يخلــيــــك
تدللـــــها..تدلعــــها..تنسّــيها مصاحبتي
أنا من كثر مااغليـــها أحــس اني بديت أغلـيك
ولاتسـأل بأيـة حـق والا وش مناســــــبتي
لأنك لو بتسألـني بتسمـع شي مـــــا يرضيك
لذا يا خــــــوي لا تسأل ولا تسمـع لأجوبتي
أبيك تحطها في داخل عـيــــونك وبين ايـديـك
وهي دلوعة إعتـــــــادت على كثرة مداعبتي
فداعبـها شوي شــــوي حـتى تشـتهي طاريك
وشاغبها إلـــــيـن تقول: بـطّــل من مشاغبتي
واذا هي مالها خلقـــــك,,ولا تضحك ولا تسليك
تحمّلـها وإسألـها : ياعمـــــري ليـــه عصّبـتي
وبالك أسمع انــــك يوم تضربهــا وهي تشكيك
ما يحتــاج أوري لــــك بفن الضـــرب موهبتي (( غمز له ))
صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي
ولكن قل لها : المجـــنون وصّـــاني وهو يعـــنيك
يقــــول انه بينـتظـرك لوشـيّـب وشـيّــبتي
وانا مجنونها اللي مـا نســاهــــــا وانت مايمديك
تغــطي ذكريــــاتي.. في هواهــــا و ربع تجربتي
أحس اني تماديــت بكلامي,, والغضب حـــاديــك
ولو انك في مــكانــي ما تفكر في محــــــاسبتي
كفـــاك اني تركت الليــــله أشغالي عشان أجيك
دخلت القاعــــــة برجــلي ولا أدري ويش عاقبتي
وانا ما جيت أخــــرّب عرسك الليله ولا أذّيـــك
أنا جيتك عشــان أخاطـبك واسمـــع مخـــاطبتي
توصّــــى .. وانتبه.. واحـــرص عليها والله يهنيك
ترى كل الكلام اللي طلع من ضيقي وكبـــتـــي "
*** منقــوله ***
وقــف وهو يشووف الكل أنشــل عن الكلام من الصدمــه ,,, كان يتكلم بصووت عالي خلا كل القاعه تسمعه ...
جاته قووووووه فجأه خلته يلتفت مبتسم ينااظر بالرجاال وعيــال عمه ,, فيــصل وفهد ومتعب .. مشاري وسطام وثاامر الي عاقد حواجبه من الي سمعه .. التفت وشااف وليد معقد حواجبه والصدمه بعيونه
وزياااد فاتح فمه ووجه أحمر من العصبيــه ... أما ابوه وعمامه يناظرون بعض متفشلين ... هو فشلــهم صدق ..!! بس علشاان مايندم بيووم انه ماوقف بوجه زياد ...
نااظر بالمعرس وابو أحمد الي مابان شيء على وجههم ويناظرون في بعض بنظرات غريبه ...
رجع يكلم أحمد وهو مبتسم براحه " سامحني لأني خربت فرحتك .. بس لو كنت تحب .. واخوها حاقد عليك وفرقك عنها راح تسوي نفســي "
لــف بيطلع وهو يشووف حمد وقف مبتسم له ... بس يــد وقــفته ... لف وهو مرتبــك شافه وليد ينااظره نظراات ,, أقرب الى النااريه !!!!
بلع ريقه وهمس " سامحني بس الي أملاه علي قلبي .. سويته "
تفااجىء يوم شااف وليد أبتسم " انا ماني معصب الا على زيااد الي حطم قلبك وخلااك ماتهتم بمشااعر غيرك من ألمك "
جاهم صوت بو وليد القووي يكلم الرجاال " سامحونــا ياجماااعه مجرد سوء تفااهم بين عيال العم "
تكلم هالمره المعرس أحمــد " لا ياعم ... ما ألوم خالد انا (( الكل التفت له وأشر على زيااد بأستحقار )) ماكنت أتوقع ان صديق عمري بيزوجني من أخته علشاان ينتقم بس .. مو علشاني أستاهل !! "
كل القااعه سكتــوا ... كان شيء غريــب في مجتمعنا ... ان هالشيء يصيــر بيوم الملكه ... هذه الأشياء خياليه ماتصيــر بالواقع عندنا .. كيف صارت الحين ..
كيف دخل ولد عمها وأهدى لخطيبها هالأبيااات بدون أهتمام للمعازيم ...,..؟؟
كان زيااد بيتكلم وعيونه بتحرق خالد ... بس أحمد سكته بيده " ماعاد في كلام ينفع (( التفت على ابوه )) وش رايك يبه نحرم قلبين من بعـض .. ولا .. نهتم لكلام الناس ونحطم هالقلبين ونحطم حيااتي بنفس الوقت لأني بتزوج بنت قلبها مو لي !! "
بو أحمد أبتسم للشياب وهز راسه " ترى الحب مو حرام وانا اخوكم ... مدام عيال العم يحبون بعـض الله يوفق ولدي في غيرها .. والحمدلله انهم ماتملكوا وطاح الفاس بالراس "
بو ثامر بأرتباك " بس والمعازيم ؟؟ "
بو أحمد " المعازيم وانا أخوك حيااهم انتوا أهلنا وعازمينهم على ملكة عيالكم ... وأحمد قريب نخطب له ونعزمهم مره ثانيه .. ولاتهتمون من كلام الناس .. اسمعوا كلام مجرب "
كان يتكلم بصوت عالي علشان الكل يسمــع ..,,.. ناظرهم وشافهم مبتسميــن ويتكلمون يهدوون من شيااب العايله وشبابها .,,.
التفت بو وليد لولده خالد ومسك كتفه .. كلمه بمرح " مدامك خربت فرحت الولد مستعد تفرح يا أناني ؟؟ "
خالد طاااااااااااااار من الفرحه ماتوقع النتيجه كذا ؟؟؟ توقع يطردوونه من أقرب باب ... بس الله معه ... الله معـــــه هو الوحيد الي يدري في الي داخل قلبه !!
مشااري قرب من خالد ودفه يبي يعدل الجوو بمرحه المعتاد " نعنبو داارك بتاخذ البنت من خطيبها ؟؟ علمني كيف علشاان لو بغيت اسرق خطيبه أسوي مثلك "
الكل " ههههههههههههههههههه "
زيااد بصرخه فجأه " من جدكــم انتوا ؟؟؟ وين حنا بالهنــد ؟؟ "
بو ثامر عطاه نظره قويه وبهدووء مايسمعه الا القريبين منه " اعتذر يازيااد ... انا صدق مااقدر عليك بسبب مرض القلب الي فيني وشخصيتي مو مثل شخصية ازواج عماتك بس لحد هنا وبس .. ماراح اسمح لك تحطم قلـــب أختك ... ماراح اسمح لــك !!! والحين اعتذر لا والله لأطردك قدام الكل ..واخليك ترجع زيااد الأولي "
ناظر زيااد فيه أبوه بصدمه ونااظر الكل .. شافهم ضــده !! الكل ضــده !!
ثامــر بقووه " زيااد سو مثل ماقالك ابووي ... وحط في بالك سعاادة اختك الي كنت بتهدمها "
أقترب منه أحمد مبتسم " انت مازلت صديقي ... صدق شلت عليك بقلبي بس أعرفك الحين بتعتذر وأنا بنسى كل شيء "
زفــر زيااد بقوووه .. مو مصدق الي يصيــر بدال مايذبحون هـ الخالد على الفشله الي سواها لهم يصيروون معــه !!
قــرب من خالد وفي نفســه يقوول (( لا تستسلم يازياااد خله يتزوجها ... العمر قداامك والحيااه مستمره ... سو نفسك ندماان .. ايه مافيه الا هالحل .. والله لأنتقم أكثر ياخالد .. بدال الأنتقام أنتقامين ))
أبتسم وهو يوقف قداام خالد وقال بصووت بريء " سامحنــي ياخالد توني منتبــه لنفسي يوم سمعت كلاام ابووي .. أنت مالك ذنب في الي صاار ... وصدقني لو ماسامحتني ماراح ارتااح طول عمــري !! "
خالد بطيبة قلب أبتسم له وضمـــه بقووووووووه .. ضمه وهو منبسط ... سبحاان الله الي يدخل السعاده للقلب بعد الحــزن ... تهاني حبيبته رجعت له ...
وزياد صديقه رجع له ....
الكل تأثــر من هالمشــهد .. وزيااد عاقد حواجبــه وهو ضااام خالد حــس بدمعه وصلت لعيوونه ورجعها بقووه ... لا يازياااد لا تتأثر مجرد انه ضمك .. واصل خطتك الي طلعتك بعقلك فجأه واصلها !!
×××
أنتـــشر الخبــر عند الحريــم وأنتشــر عن البناات وعروساتنا ...
الكل مجتمع عند تهااااني الي جلست تبكي مو مصدقه .. متسمكه بأمها وتهزها " يمــه متأكده ان زيااد ضم خالد متأكده ان رضى عليــه وماصار يكرهه "
ام ثأمر الفرحه مو شايلتها " أيـــه يمــه أيـــه خلاااص الأمور رجعت مثل ماكانت "
ضمتها تهاااااااني بقوووووووووووووووه .. والبناات يصفروون وراها وأسيل مستااااااااانسه أخوانها ثنين بيتزوجون .. وزيااد رجع يحب أخوها !!
حست بمشااعر غريبه وهي تتخيله رجع يصيــر صديقــه !!
سااره ضمت تهاني وهي تبتسم " الف مبرووووووك ياقلبي الف مبروووووووك "
غلا تجر تهاني من سااره وتنااقز " مااااااااااا اصدق حبييييييييبك بيااخذك "
تهاني من الفرحه جلست تضحك بصوت عالي " هههههههههههههههههههههههههههههههههه "
البنات يناظرون بعض بوناسه " أستخبــلت !!! "
سكرت بياان الباب الي فاتحته شووي تشووف كيف الفرحه على وجه الكل .., وبالذات تهاني ..
أبتسمت وفرحت لها ... خلااص الحين الكل مستاانس .. ماعداها .. هــي بـــس !!!
نااظرت نفـسـها بالمرايــه ..,,. فستانها الي أختارته لها ضــي أحمــر صااارخ
هي ماتحب هالألوان !! بس بتلبسه ... شعرها قصووه طبقااات من غير مايقصرونه .. والقذله قصووها على طول وجهها بعد ماكانت طول شعرها ..
لفووو شعرها على فووق .. وطلع مع طووله والطبقاات روووووووعه .. اسود نااعم كثيــف .. واللون الأحمر طالع يجننن ..
فستاانها كان ناعم ... من فووق أحمــر مررره .. ومن تحت اللون أقل درجاات ..
من تحت القمااش شيفوون ناافش طبقاات يوصل من قدام لعند الركبه .. ومن ورى ذيــل طويل طبقاات يقصــر عند آخره
ومن فووق شريطه وحده طويله ملفوفه من عند كتفها اليمين لعند ظهرها من اليساار بعدها لفوها على ذراعها اليساار >>>>> ترى أبد ما أعرف أوصف ^_^
طالعه بالمكيااج الأحمـر الهادي ... أميــره من أميــرات الف ليله وليله : )
جلســت تتنهد بعد شووي رااح تنزل مع تهااني عند الحريم ..,.
×××
بعد نص سااعه بالضبط جهــزت تهااني الي طالعه قمــر بفستانها الي لونه عســلي نفــس لون عيونها ... وشعرها الكستنائي الي عند كتوفها ملووور على جنــب
ومكياجها هاادي نوعاً مــا ..,.
طلعت من غرفتها مع تصفــر البنات الي يطلعون بيــان من غرفتها بالغصــب وهي منزلــه رااسها بهدووء ..,.
رفعت راسها تناظر في تهااني الي الفرحه مالي وجهها .. قربت منها تهاني وأبتسمت " مستعده بيااان ؟؟ (( همست بأذنها )) أحس اني أنتفض من الخووف بعد شووي بنوقع "
تنهدت بياان ... هي مو قريبه من تهاني .. أساسا مو متعوده عليها كثيــر فكيف بتقولها انها مو بس خاايفه الا بتمووووووت !!
لفت عيونها فجأه وطاحت بعيووون ساره الحزينه ... عضت على شفايفها وهي تشووف ساره تعطيها نظره وتروح جنب تهاني متبسمه لها من ورى قلبها ...
كانت تتمنى غلا وسااره يمشوون معها ويهدونها .. بس سااره كرهتها وتعتبرها خاينه ..,..
وغلا مستااانسه لأختها الي تعذبت ومو عارفه عن ألمها هي شيء !!!
نزلــوا البناات على موسيقــى كلاسيكيه .... الحفله كاانت عاديــه بالنسبه لعزايمهم .. لأنها صاارت بأسبوع .. وبنفس الوقت بيساافرون بعد كم يووم ..,..
بس وعدوا بناتهم أنهم يسوون لهم عــرس الكل يتكلم عنه ..,.
جلســت بيان وتهاني جنب بعض وبدت الزغاريد .. أم وليــد مو مصدقه ان ثنين من عيالها بيتزوجون الليله !! وكل دقيقه تبكــي
ومعازيم أهل أحمد تقبلوا الخبــر وجلسوا مع أم أحمد الطيبــه يحضرون الزواج ..,. أم أحمد ما تأثرت كثيـر لأنها تبي ولدها أحمد لبنت أختها بس هو راافض ويمكن الحين يواافق .. وتمنت عند أم ثامر لتهاني التوفيــق ..,..
جــاء وقــت ينتظرونه المعاريــس الرجاال ..,,. وقــع وليــد بعدها نااظــر أخوه وأبتسم له ...مسك خالد القلم وأبتسم بقووه مو مصدق .. ووقــع ... ضمهم بو وليــد بقووه وهو يباارك لهم .,..
مشااري ماستحمل قاام يرقــص والكل يضحك على مرحه ..,.. ماخذ الدنياا مرح ولعب ... ولابهاامه شيء
×××
دف بو ثامــر بنته تهااني بشوي شوي " يالله يايمــه هذا وانتوا مسوين لنا فلم هندي وقصة حب .. بالنهاايه مستحيه تدخلين ؟؟ يالله مو كفاايه اليدين الي ترتعش بوقت التوقيع ؟؟ "
حمرررررر وجه تهااني بقووووه وبلعت ريقها من الفشيله وهي تلمس الساعه والعقد الي عطاها اياهم خالد " يال .. يالل .. "
بو ثامر وهو يضحك " يالله "
دخلــت هــي ويــا أبوها ... ويدينها ترتــعش بقووووووووه
معقــووله !!!! معقــوله انها صااارت زوجتـــه !! معقـــوله !!!!
وقفــت وهي تشووف خالد كاااشخ لآخر شيء وواقف عند الكنب الي مقاابل الباب ... يناااظرها ... ينااظرها بعدم تصديــق
وقفــوا تقريباً خمس دقايق أو أكثــر يناظرون في بعــض .,,..
وبــو ثامر أبتسم لهم وطلع وهو يسكــر الباب ويدعي لبنته بالتوفيــق ... مع ان الأول ماعندهم حركات الحــب بس الي شاافه بعيونهم بهاللحظه خلاه يتطمن ان تهاني بتعيش أحلى عيشــه بحياتها .. ويمكن أكثــر من الي عاشتها عند أهلها ..,
عند عصــافيــر الحب ^_^
غمــض خالد عيوونه أخيـراً يحااول يستوعب ... وفتحهم وهو يشووف دموع عدم التصديق بعيونها ..,.
همست تهاني " سنين يا خالد سنين نحلم بهاللحظه الي صارت مستحيله ... معقوله تحققت !!! "
فتح يدينه لها وكأنها يناديها وتكلمت بهدووء شااعري " ضميـــني تهاني .. ضميــني
(( خذ نفــس ))
ضـــميني من شمال ومن يمين
ضميني ضمـة صغير يحبونه هله "
ومــن غيــر تردد وتفكيــر طاااااااارت تهاااني له وضمــته بالقوووه ...,,. مو مصــدقه ... مو مستوعبه ..!!
هذا خاااااااالد !! خاااااااالد الي حلمت فييييييه سنين ... ماهمها ان توه متملك عليه ماراح تستحي بحبها تبي تروي ضماها طول هالسنين ..
ضمها بقوووووووووووووه ... وهو يدخلها لقلبه أكثــر .. هذه زوجتــه .. زوجـــته !!!
ضُميني .. أليكِ .. ضُميني
خُذيني .. بين ذراعيكِ ..وضُميني
دعيني..
أُطفِئ لوعة الحرمان في صدري .. دعيني
فكم انتظرت .. فكم انتظرت ..
وقد طالت سنيني .. لحظةً ..
بحنانكِ فيها تضميني ..
ضُميني .. إلى جناحيكِ ضُميني
وبالأهداب .. بالأهداب غطيني
ارويني .. فأنا الظمآن ..
وليس غير حُبكِ يرويني
أعينيني ..
لأغوص في أعماق قلبي .. أعينيني
لأقلع جذور الحزن من صدري .. بسكيني
لأُرجع دمي إلى مجرى شراييني
أعيديني .. إلى حُلمي أعيديني
فكم حلِمت بقلبكِ ..
في حضن قلبي يدفيني
ويستجدي عطفي .. ويرنوا لحنيني
آآآهٍ .. لو تضميني ...
ضُميني .. وانسي معي الدنيا
ضُميني .. ولا تذكري الناس
ضُميني .. ليصمت الكون ..
وتشدوا لغة الإحساس..
فألحظُها على شفتيكِ ..
ومن عينيكِ تغدوا .. لتحيني
وضُميني .. الى جناحيك .. ضُميني
وبالأهداب .. بالأهداب غطيني
ولا تدعيني .. لحظةً .. أنتظر فيها ..
أن .... تضُمينـــــي ...
** منقوووله **
(( لنتــرك عشاقنــا وحدهم قليــلاً .. فربما عند العشاق .. لغة العيون أفصح من لغة الكلام !! ))
×××
نااظرت بيــان في أبوها المبتسم لها للمره الأخيره ..,.
ردت أبتسامته له ...وقلبـــها .... قلبــها ماينوصف دقااته .,.
يديها ثلـــــــج .. ثــلج قليله عليـــه !!!
شجعها بو حمد " يالله يايمه زوجك ينتظــر "
هزت راسها ودخلــت وهي تسمي بالله .... وتستعد تدخل لمعركة عذاابها !!
معركه يمكن تخســر فيها ويمكن تفــوز ..
يمكن تكره فيها ويمن تحــب !!!
كل شيء جااايز !! والوقــت بيكشف كل شيء
×××
نهايـــه الجــزي الثاني عشــر
[b]
21-07-08, 07:43 AM
جديد مواضيع قسم الارشيف
العرض العادي
