كاتب الموضوع :
انا حلوة
المنتدى :
الارشيف
>> الجــزء الســابع <<
!!.. القسـ (( 1 )) ـم الأول ..!!
×
×
×
كان الجو في سيارة ثامــر الهمــر حماااس .. البنات مسوين فرفشه وزحمه فيها .. والكل يسولف مع مرام وموتوها من الضم والبوسات
ضي وتهاني ومرام وروابي قدام بالسيت الثاني .. وباقي البنات ساره وبيان وغلا وأسيل ورى
ساره وهي تدف غلا الي متعلقه من ورى براس مرام " خلااص غلوو ذبحتي أختي هذه خامس بوسه من ركبتي ..!! "
غلا برطمت وتكتفت " الحين انتي وش دخلك ..؟ وش حارق أعصابك انا وبنت عمتي نصلح وش لقفك ..؟ "
مرام تموت في هبال غلا " ههههههههههه "
ضي " هههههههههه يمه كلتي البنت "
أسيل بهمس " أستحوا على وجيهكم ثامر معنا "
غلا بدفاشه وعربجيه " الحين انتي ناسيه يا آنسه أسيل انه أخوي " وقامت تنطط في السياره وترج فيها
ثامر وهو يناظر قدامه " غلايه وقسم بالله لو صار بسيارتي شيء لاتلومي الا نفسك "
غلا عصبت على الأسم الي يسميها فيه ثامر .. وقامت تنطط زياده " انننننننننن ورني وش بتسوي ..؟ "
ماأمداها قالت جملتها الا لف ثامر بقوه .. والبنات الي قدام بما انه ضيق محلهم ماتحركوا الا شوي .. اما كلللللللللل البنات الي ورى طاحوا على غلا
غلا تبعد بيان الي كانت جنبها " آآآآآآآي بختنق قوموا يادبب ياسخيفات ياحمارات "
حلا ماتت ضحك " ههههههههههه الأخلاق قفلت "
ثامر وهو يغمز لحلا " ههههههه علشان تتعلم ماتتحداني مره ثانيه "
حمرت خدود حلا يوم عرفت قصده .. ولفت تناظر برى ماهي ناقصه الحين تشتغل عنده الرومانسيه وتتفشل قدام البنات
بيان بعدت عن غلا ونفسها بخشمها لأن قلبها حاس بمصيبه اليوم " بعدي انتي .. بسبب لسانك تجينا مشاكل "
غلا كشت على بيان " مالت عليك ياثقيلة الدم "
بيان عصبت وطلعت عيونها قدام .. أشرت على نفسها " الحين أنا ثقيلة دم "
هزت غلا راسها .. وكان شكلها يضحك بالبرقع " ايه نعم "
ساره تهمس بأذن بيان " والي يخليك بيان مانبي إصابات بـهاليوم بالذات "
مسكت بيان أعصابها علشان ساره وخزت غلا الي ماسكه ضحكتها ..
(( عرفت ارفع ضغطك يابيان خخخخخ ))
ثامــر الي كان يسووق وتفكيره مع عطر زوجته
تكلم بصوت عالي " وش هالعطر الزين حلاوتي .. اول مره أشمه فيك "
غلا بدفاشه صفرت " أكششششخ انا غلايه وهي حلاوته "
بيان بدلع " أتركي أختي ويا زوجها "
غلا ردت عليها بدلع تقلدها " أتركي اخوي ويا زوجته "
ثامر ولا بمهتم فيهم يناظر بحلا الي تناظره .. يعني أسكت ..
ثامر وهو يناظر قدام شوي ويلتفت شوي على حلا " أقول قلبوو وش رايك نسوي هذه الليله رومانسيه ..!! وأوديك مطعم رايق .. بعدها نجي البحر ونكمل السهره .. صدقيني أحسن من العزومه الفين مره "
غلا نطت عليهم " وحنااااااا "
ثامر يكمل بهمس واضح متعمد " لاتخافي حلاوتي البنات برميهم بأقرب بر .. نفتك منهم خربوا جونا الله يقطع شرهم ..خلينا ننتقم "
حلا بدلع تبيه يسكت " ثمووري "
طااح وجه البنات الا غلا الي ماعندها وجه اساساً
مدت جسمها قدام على البنات ورجولها خلتهم ورى .. ووصلت لثامر وعطته بوكس على كتفه ورجعت بسرعه طاحت على أسيل ..
أسيل " آآآآي وجع "
البنات " هههههههههههههههه "
ثامر يمسح على البوكس " وجع غلايه مردوده صدقيني .. بس بالعزيمه مو بالسياره "
غلا وهي تنطط " أأأأءءءأأأأءء "
بيان تتحمد " قرد طبيعي "
غلا " أوووووووووص "
مسك ثامر يد حلا وباسها متعمد يبي يحرج البنات
سحبت حلا يدها بقوه وخلاااص وجهها حاااااار وصل حدها من الحيااء ..
تهاني هالمره صفرت " الله يهني سعيد بسعيده هههههههه "
روابي " هههههههههه كأنك عجوز "
البنات " هههههههههه "
غلا تمثل بحالميه " آآه على أخوي واقع بحبها من فوقها لتحتها "
بيان عطتها نظره " وجع ان شاء الله قولي ماشاء الله لاتصكين أختي بعين "
التفتت ضي بعد وخزتها " غليوه يالله سمي على أختي لايجيها شيء من عينك "
غلا تسوي نفسها خايفه " يمه فزعوا خواتها "
حلا تصاارخ " غلاااا والله أن كرهني ثامر لاتشوفين شيء عمرك ماشفتيه "
ثامر يغمز لها مو مهتم " أكره عمري قبل ما أكرهك "
×××
في المزرعه بـ قسم الرجال ..
كانوا الرجاال بدوا يجوون ويسلمون على وليد وأبوه .. ويباركوا له على شهادة الدكتوراه
بو عصام " الف مبرووك ياولدي والله رفعت رااس ابوك "
وليـد بهيبته واقف جنب ابووه وصاير أطول منه " يبارك فيك بو عصام ماتقصـر "
عصام جاء ورى ابوه وسلم على وليد " الحمدلله على سلامتك بو ضاري .. والف مبرووك "
هز وليد راسه " الله يسلمك ياخوي .."
بو وليـد " أقلطوا .. ســم يابو عصام "
×××
وبالكوافيــر كان الضحك يوووصل لآخر الشارع ..
مع ان البنات حجزوا الكوافير لهم اليوم .. الا ان فيه بعض البنات جاين يستشورون ويقصوون ..
كانوا يناظرون بشلة البنات الي يضحكون .. ويضحكوا على سوالفهم ونفسهم ينضمون لهم ويشاركونهم مرحهم
غلا وهي تمسح دموعها " آآآه ياقلبي شكل مكياج عيوني أخترب " وقفت تناظر شافت بعض الكحل سال
ضي تتكلم وهي تضحك " والله وطلعتي كشخه يا أختي وسويتي بنكيك بدون ماتقولين لي ... اووبس سوري قصدي شيء يشبه البنكيك هههههههههه "
بيان عاقده حواجبها وماده بوزها " الحين انتي ماعلقتي الا علي .. علقي على شوشو مع صديقهم الفاار "
شيماء كانت الكوافير تحط لها شدوو " اقوول أبعدي عني ما قلت لكم عن الفار علشان تعلقي علي "
أسيل " هههههههههه ولا عبير يوم تحسب ان اليوم زواج اخوها "
عبير حاطه رجل على رجل لأنها خلصت جايه قبلهم " والله وش يدريني انا .. تقولي عزومه وانا جالسه اتحلم بالزواج "
تهاني " هههههههه لا هذه ولا هذه (( أشرت على خد روابي )) علقوا على هذه أحسن ههههههههههه "
البنات معهم البنات الموجودات بالكوافير " هههههههههههههههههه "
التفتت روابي طايح وجهها على البنات الي يضحكون عليها وهي ماتعرفهم .. ونزلوا راسهم على طول سوو نفسهم ماضحكوا ..
حلا تهمس لروابي وهي تمسك ضحكتها " ماعليك منهم .. بكره يتزوجوون ونمسكهم تعليق "
مرام " هههههههه لا جد بس بهاليووم صار لكم كل هذا ..؟ "
غلا وهي ماسكه قلم كحل تزين كحلها ولا بمهتمه بالفلبينيه الي تهاوش " ايه وماننسى يد حلا هع هع "
حلا ترميها بشليتها " أووص انتي ماادري ليه متسببه علي ..؟ "
بيان بهدووء " قايله انا اليوم هذا منحووس "
ناظروها البنات مستغربين وقالوا مع بعض " منحوووووس ..؟ " ناظروا بعض بشكل مضحك
بيان تأشر بيدها والكوافيره تزينها " انا حاسه كذا .. قلبي المجنون هو الي يقول "
ضي عقدت حواجبها " بس مو معناتها انك تخرفي وتقولي منحوس مامنحوس من متى انتي تقولي هالسخافات "
بيان ضااااايق صدرها وودها تبكي ماتدري ليه .. ماردت على ضي .. والتفتت على ساره الي طول الوقت سااكته ومنزله عيونها للأرض..
همست لها والبنات رجعوا يضحكون مع بعض " ساره قلبي .. لاتفكرين كثيــر وتتعبي نفسك .. صدق عزيمته بس فليها "
ناظرتها ساره على جنب " ترى مو بس انا الي مو فالتها حتى انتي ..!! "
فتحت بيان عيونها وهي تناظر ساره .. وقالت بأستغراب " تدرين ..؟ انا ماادري وش فيني ودي أفلها .. بس كالعاده قلبي يمسكني لاجاء بيصير شيء "
عقدت ساره حواجبها " يعني بيصير شيء ..؟ "
تلعثمت بيان " هاه ..؟ انا قلت يمكن .. وبعدين انتي خايفه من أيش ..؟ "
تنهدت ساره بصووت خافت علشان مايسمعونها البنات " خاايفه انه بعد هالعزيمه يخطب .. وتصير فاتحة شر بدال ماتصير فاتحة خير "
أبتسمت بيان " لاتقولي كذا وتصيري خبله مثلي .. يكفينا خبله وحده مو خبلتين "
ساره وهي تمسح دمعه خانتها " ههههههههههه الله يقطع شرك "
كلمت بيان بجديه " بعدين اكيد مرت عمي هي الي بتخطب له يعني بتدور بهالعزيمه بنت تناسبه .. ليه ماتكونين انتي ..؟ "
ساره بحزن " وليه من بد كل هالبنات أنا ..؟ "
بيان بواقعيه " لأنك انتي الي تناسبيه "
مافهمت ساره " اناسبه ..؟ "
كملت بيان " ايه .. لأنها اكيد بتعطيه من بنات العايله أكيــد .. ومافيه وحده على وجه الزواج تصلح لوليد غيرك انتي وضي وتهاني .. تهااني عارفه من تحب (( سكتت تناظرها )) وضي ماتبي وليــد لأن الي في قلبها مايعلمه الا ربك " نزلت راسها بحزن يوم تذكرت فهد .. ياليته ياخذ أختها .. ويطفي ناار الذنب والمراره الي بقلبها .. ماتدري وش سر هالأعجاب ..؟ لا يمكن مو أعجاب بس نظرات لكن هم أفهموا غلط ..!!
ساره بأهتمام قطعت تفكيـر بيان " ضي تحب أحد ..؟ "
أبتسمت بيان " ماندري عن الي بقلبها ياساره .. بس لايهمك أحد الحين المهم أنك انتي الي تناسبي فزااع وبس "
ساره الهم أنزااح عن قلبها " ههههههههههههههه فزااع .. حتى انتي "
عدلت بيان جلستها وهي تناظر في الفلبينيه الي تناظرها نظرات أعجاب " ايه صدق هو يشبهه كثيــر "
ساره تسوي نفسها معصبه " هيييييييه ترى أغاااااااار "
بيان حطت يديها على فمها " اووبس سووري نسيت ههههههه "
الفلبينيه " لا مدام مافي حطي يد على وجه انتي .. في خرااب ميك أب "
ماهتمت لها بيان وغمزت لساره .. الي ابتسمت لها وهي ترجع راسها وتفكر (( الله يابياان بعض الأوقات تصير لك مواقف تثبت انك نعم الأخت ونعم بنت العم والصديقه .. تثبت انك مو بس البنت الي دلوعها اهلها وصارت ماتعرف شيء بالحياه ..!! ))
×××
كانــت مزرعة بو وليــد .. كبيـــره بمعنى الكلمه ..
قســم الرجاال مبنى كامل على اليمين .. وقسم الحريم بعد مبنى كامل على اليسار
ومطبــخ بالنص بيــن المبنييـن
و بالوسط في بركــه كبيــــره مشتركه ..
في كل قسم فيه برك خاصــه مغطااه ومكيــفه ..
وفيه قســم خاص لأهل المزرعه .. فلــه كامله بعيده عن قسم الحريم والرجال شوي.. أغرااض البنات أرسلوها فيها مع السواق قبل بيووم ..
نزلوا البنات من سيارة ثامر الي وقفت عند الفله علشان يلبسون البنات ويعدلون نفسهم ..
آخر وحده نزلت حلا وسكرت الباب وهي مبتسمه وتناظر في ثامر وهو يرجع بالسياره على ورى
راحت ورى البنات داخل الفله ..
غلا " تو الناس كان جلستي أكثــر خخخخخ "
ماعطتها وجه حلا وجلست تناظر بالفله الي تغيرت ..
ضي مبهوره من فخامة الفله " وااااااو أسيــل تغيرت المزرعه بالكامل .. من متى ماجينا هنا ..؟ "
بيان تفكر " ممممممم يمكن أربع سنين "
أسيل " ايه تقريباً "
مرام " ماشاء الله شكل عمي معتني فيها "
روابي وهي تنقز فوق الكنب " اييييييه ابوي اهم شيء مزرعته زي عمي ضاري " غمزت لضي .. وجلست ترقص مصري بخصرها
ساره " هههههههههههه مهبوله وش عندك ترقصين مابعد بدأ الرقص "
روابي مستمره بالرقص وهي تغني " طب ليه بيداري كده ولاهو داري كده ولاندالي كده ولاندا .. ليه حيرني وليه بيهجرني انا ولا بجيش على بالو كده .. كدااا "
غلا نطت وتدفها من خصرها " انزلي من زين هالصوت عاد .. اسمعوا صوتي بس ... أحـــم (( بدت تهز الخصر )) وماخذتش بالي .. في يوم انا .. ان انت ياغالي .. حبيتني انا .. ذاااايب في هوااي .. يآآآ حالك من حالي .. وأنا عشت ليالي بهواك انا .. ولاكان في خيالي تبقى لي انا ..... ""
قاطعتها شيماء وهي تدخل " اقوول الله يخلف عليكم جالسين ترقصون هنا والمعازيم بدوو يجوون "
صرخوا البنات مع بعض " والله "
عبير طلعت من ورى شيماء " ايه والله .. تحركوا ياحظي "
راحوا البنات ركض فووق للغرف .. الا بيان تناظرهم مبتسمه .. التفتت على أغلى صديقات لها ..
ناظرت بعيونهم .. وكأنهم راح يفهمونها من النظرات ..
قربت منها شيماء وهي تحط يدها على كتفها " بيان وش فيك متغيره ..؟ مو أنتي الفرفوشه والمرحه الي أعرفها .. وش جاك ..؟ حبـيـتـي ..؟ "
عبير تدف شيماء بمزح .. عقدت حواجبها " مجنونه هي تحب .. مالها ومال عوار الراس "
خزتها شيماء .. كملت عبير " ايه وانا صادقه عوار الراس "
قاطعتهم بيان وهي تجلس على الكنب وترجع راسها على ورى " لا حبيت ولا ان يحزنون وش شايفيني خبله ..؟ "
ناظروا شيماء وعبير في بعض .... الحيــــن الي يحــب خبــل ..!!
عبير تحاول تعرف وش فيها " طيب وش فيك مو فرحانه .. من يحصل له عزيمه .. ترى مو كل يوم تصير ..؟ "
بيان هزت أكتافها " ماادري حاسه ان قلبي ماسكني وماني مرتاحه أبد "
شيماء تجلس جنبها وتقرصها بخدها " بدينا حركات الحاسه السادسه "
تنهدت بيان " وربي اني صادقه ..!! فيني الحاسه السادسه ..!! أحس اذا جاء بيصير شيء "
وقفت عبير تبي تنهي المحادثه " يااااربِ بيان .. تعوذي من الشيطان وفرفشي وانسي هالقلب الفاضي .. الي ماتسبب الا اليوم .. وخلي ننبسط متى نجتمع حنا قولي لي ..؟ "
شيماء تكمل لعبير " فـ السنه مره "
ناظرتهم بيان (( هم صادقيــن .. يعني ماجاء وقت الخوف والأحساس الا اليوم ..؟ لازم أنبسط واوسع صدري لآآخر شيء ))
وقفت جنبهم وغمزت لهم بمرح " ربي لايحرمني منكم يا أحلى صديقات بالدنيا كلها "
شيماء تسوي نفسها مستحيه نزلت راسها " ماأقدر انا ماأقدر .. (( دفت عبير )) وخري تقصدني انا "
كشت عبير عليها " ماالت تقصدني انا يادعله "
بيان وهي تركض للدرج " هههههههههه تهاوشوا على ما ألبس واذا أحتجتوا لمواد حاده تتضاربوا فيها شوفوا المطبخ قريب .. خذوا الي تبون "
عبير + شيماء " ههههههههههههه علللللله "
×××
وقــف حمد يبي يرووح لمطبخ الرجال .. ومــر على وليد بطريقه ..
حمد يبتسم لوليد " اشووف المعرس جالس ومستريح ..؟ قم خلنا نجيب دلال قهوه زياده من المطبخ "
وليد يعدل شماغه بغرور " الله يسمع منك وأصير معرس .. وبعدين أجلس لاتتعب نفسك ماتشوف خالد وطارق ومشاري وسطام قايمين بالواجب ههههههههه "
حمد يلتفت يناظرهم " هههههههه والله صاادق وهذا فيصل وقف يسااعدهم "
جاهم فهد كاااشخ لآخر درجه .. والي يشوفه يقول هذا تؤم وليـد على التشابه الي بينهم ..
حمد يمزح مع فهد " هلاا بوليد الثاني وش عندك كاشخ كذا "
فهد بحواجب مرفوعه " أخلص من الرجال تجيني انت .. كل دقيقه مسكني شايب .. انت وش تصير لـ راعي العزيمه (( التفت لوليد )) والله وصرنا نسوي عزايم "
وليد " ههههههههههه اجل وش على بالك "
حمد يمشي عنهم " بروح أجيب دلال قهوه زياده .. لايطق بأخوي مشاري عرق رايح جاي للمطبخ "
×××
عبير وشيماء كانوا جالســين بصالة الفله ..
ناظرت شيماء بساعتها " ماصار لبس .. هذا وهم متجهزين بس يلبسون .. اجل كيف لو يحطوا ميك اب ويسوون شعرهم ..!! "
عبير " هههههههههههه شفتي كيف .. والله بنات هالعايله مهبولات "
" أفااا صرنا مهبولات ياعبير .. ماتوقعتها منك ..!! "
التفتت عبير وشيماء للدرج .. وهم يناظروا في ساره الي تنزل بشوي شوي من على الدرج وكأنها عروس .. وعلى وجهها أبتسامه مرتبكه ..
شيماء " ماشاء الله .. لا اله الا الله .. غطيتي علينا ..؟ "
عبير بمرح " تكلمي عن نفسك لو سمحتي .. ماغطت علي "
نزلت ساره آخر درجه وهي تسحب ذيل فستانها الأحمر .. كان مرره رايق وحلوو .. يوصل لنص الساق من قدام ومن ورى طويل .. ويصلح للعزايم الكبيره الي مثل كذا ..
شعرها البني الي يوصل لتحت كتفها رافعته بتسريحه حلوه ومنزله خصل ملوره ..
وعيونها بنيه .. كانت تشبه فيصل كثيــر حتى بعيونها .. لكن مافيها من فهد شيء ..
ساره بهدوء " صدق حلوه ولا مجامله ..؟ "
عبير تحرك يدينها بحماس " شووفي انتي حلوه كثييييير .. ويمكن أحلى من كل البنات .. بس مو أحلى من عبير أكيد "
شيماء تهمس لساره وهي تخبي فمها بيدها عن عبير " قولي لها ايه وبس .. ماخذه فكره غلط عن نفسها هههههه "
ماكملت ضحكتها الا بضربه قوووووويه على ظهرها
شيماء بصراخ " آآآآآآآآآي "
التفتت لعبير وعطتها نظره " انا أروح اجلس عند ماما والحريم أحسن من مقاابل وجهك "
عبير تقلدها " ماما ... ماما .. ماما زمنها قيــه .. قيـه بعد شووويه "
ساره " ههههههههه مهبولات "
مشت شيماء رافعه راسها بغرور .. وخذت شنطتها
ساره تأشر على شيماء " عبير ههههههه بالذمه من يمشي مثل كذا "
عبير بدون تفكير " بيااااااااااااااان ههههههههههههههه "
ماعطتهم وجه شيماء وفتحت الباب بتطلع " اذا خلصوا البنات ... الحقوا عمتكم زيــن "
ساره + عبير " تكفيييييييييييين "
عبير " قال ايه عمتنا "
مشت شيماء طالعه من الفله ولفت رايحه على قسم الحريــم ..
كانت تسرع بخطواتها علشان توصل لأن قسم الحريم بعيد شوي عن الفله ..
وقفت فجأه وهي تناظر بسـه < قطوه > صغييييييره مره وبيضااء .. (( وااااااااي تدننننننننن ))
توجهت لها بشوي شوي وكانت البسه واقفه عند المطبخ الي بين قسم الرجال والحريم ..
خافت شيماء انها تهرب عند الرجال ولاتقدر تمسكها تبي تلمسها بس .. تكلمت بهمس وهي تناظر البسه شكلها بتهرب .. وكأنها بتفهم عليها " لا لا أهربي من يمينك علشان اقدر امسكك لاتروحي عند الرجال "
×××
حمد كان يمشــي رايح للمطبخ يجيب دلال قهوه زياده .. وقف وهو يسمع صووت جاي من الجهه الثانيه ..!!
وش ذا ..؟ ليكون طفــل جالس يلعب هنا .. والمزرعه ملياااااااانه كلاب بوليسيه
لف متوجه له وهو عاقد حواجبه .. وقف مصدووووووووم وهو يشوفها قدااامه
(( بسم الله الرحمن الرحيم أكيد مو من الأنس ..!! مو معقوله الي يفكر فيها يشوفها معقوله صدفه ..؟؟ )) فتح عيونه أكثر يدقق بملامحها وهي مدنقه للبسه ومبتسمه ..
شيماء بصووت ناعم طفوولي " قلبووو تدننييييييييييييين ياحلوه .. (( تأملتها وكملت )) صح ماتعرفنا ..؟ (( مدت يدها والبسه ماتحركت .. مسكت يدها وحركتها كأنها تسلم عليها )) ياحليلك مسالمه ماتهربي ..؟ طيب انا شوشو وأنتي ..؟ "
ماقدر يمسك نفسه .. تكلــم بســه ..!!
" هههههههههههههههههههههههههههههه "
لف بوجهه وهو يحط يده على فمه علشان مايحرجها ولا يخوفها بنفس الوقت
رفعت شيماء راسها وهي مفتحه عيونها لآخر شيء وخاايفه من هذا الي يضحك ..؟
ناظرت شافت رجاااال طويل .... بلمت ... هاه ... هو نفسه نفسسسسسسسه
وقفت وبسررررررررعه وراحت تركض لقسم الحريم ..
التفت حمد يوم سمع خطواتها وهي تركض .. ناظرها .. مع انه يعرف ان تصرفه غلط والمفرووض يصد .. لكن مو قادر هذه الي سحرت قلبــه
شعرها مميــش بخصلات شقرااء يوصل لعند كتفها ويتحرك وراها وهي تركض .. ولابسه بلوزه وتنوره بيــج ناعميــن ..
أبتسم لنفسه معقوله في هالدقايق دققت بكل هذا ...؟
آآه ياربِ صايره حلووووه اليوم وهي متكشخه .. (( هز راسه كأنه يصحي نفسه )) حمد أستح يارجال البنت محرمه عليك لاتجلس تتأمل كثير
كان بيرجع يروح للمطبخ بس لفت أنتباهه شيء عند " بســة حبيبته "
(( والله وصاارت حبيبتي بعد .. وش صار لي ..؟ يمكن البنت متزوجه هههههه )) ضحك بعدها تجهم وجهه .. متزوجه ..؟ ليه مافكرت فيها ..؟ اساساً انا ما أعرف من هي حتى ..؟
دنق للأرض وخذ شنطــتها .. التفت للفله وراه .. كيــف الحين يقدر يوصل شنطتها بدون مايتعرض للأسئله ..!!!!
/
" ضي وش رايك طالعه حلوه ولا ..؟ "
التفتت ضي الي كانت بتطلع من الغرفه .. علشان تنزل وترووح عند الحريم " وانتي خليتيني أشوفك بعد مالبستي وزينتي شعرك ...؟ "
طلعت بيان من غرفة التبديل ترمش بعيونها .. وكأنها خايفه من رأي ضي ..
بلمت ضي تناظر في فستان أختها الأخضر (( بلون علم السعوديه ^_^ )) الي كان من وراء نفس ساره طويييل .. ومن قداام يوصل فوق الركبه ..
ومن فوق ربط .. لكن الظهر مايطلع الا شوي لان الربطه طويله غطته ..
شعرها الأسود كان لنــص ظهرها .. رافعه القذله وشوي منه .. ومنزله خصلات ..
عيونها العسليــه المايله للبني طالعه أوسع بالكحل والظـل ..
بيان بملل " ضيييييييييييي حلوه ولا مو حلوه .. مايحتااج كل هالتفكير "
ضي قربت لها مبتسمه " ماشاء الله لا اله الا الله .. قريتي على نفسك اول "
بيان حركت كتوفها " ايه .. بس ليه حلوه ..؟ "
أبتسمت ضي على برائه أختها " كل هالحلا ..؟ وتسأليني انا حلوه "
بيان وهي ترمش " بس اول مره أحط مكياااج "
ضي وهي تسحبها علشان ينزلون " عادي تعودي الحين انتي صرتي بنت جااامعه لاازم تحطين "
خذت بيان شنطتها وراحت ورى أختها تحت ..
كانوا البنات كلهم خلصوا وواقفين تحت ياخذون راي بعض في كشختهم ..
بلموا يوم شافوا بياان جايه ورى ضي ..
حلا بخووف " بياااان قريتي على نفســك ..؟ "
بيان ببرائه مو فاهمه شيء " هاه ..؟ ايه بس ليه تسأليني أنا ..؟ "
غلا وهي تهز خصرها " يعني على البرييييييييئه .. يعني ماتشوفين هالجماال الصاارخ الي فيك .. سلفيني من الخطاطيب الي بيجونكم بكره "
دفتها حلا " اقوووووول انتي .. مايكفي تصكيني انا بعين .. الحين اختي "
غلا بطريقه مضحكه تخصرت وقامت تهز " لاااااااااااا ياستي ..؟ أحللللللفي ابيك تحلفين .. مالت عليك عيني مو حاااره مثلك "
روابي تقاطعهم " خلااااااص لاتتهاوشوا خلونا نروح بتخلص العزيمنا وحنا هنا "
مرام خذت شنطتها " ايه يالله صدق تأخرنا "
وقفت ساره بهدووء وهي تناظر فيهم كل واحد تاخذ شنطتها ..
صــدق بنات العايله كل وحده أحسن من الثانيه .. لكن أحلاهم مرام وبيان وتهاني ..
جمالهم كان مختلف .. جماال ملفت للأنظار ..
مشت وهي تناظر تهاني .. بشعرها الكستنائي الي عند كتوفها .. وعيونها العسليه الناعسه ..
معقوله أم وليــد بتفكر تـاخذها وتهاني موجوده ..؟ لكن الكل يعرف ان تهاني لخالد ..!!
يااربِ كله بسبب أخوها المزاااجي زيااد .. المفرووض تهاني متزوجه الحين ..!!
لاتفكــري ياساره كثيــر لاتفكري .. الي كاتبه ربك بيصير .. ناظرت في ضي ياليتها أختها علشان تنصحها .. نصاايحها مره تريح الواحد .. كانت ضي حلوه بعد بعيونها الرصاااصيه مثل لون عيون غلا ..
أسيــل تناظر شنطة عبيـر " اووووووف كل هذه شنطه .. شنطة سفر وربي هههههههه "
خزتها عبير " يعني قصدك ما أوديها "
تهاني " ايه لاتودينها .. صادقه أسيــل كبيره كثيــر مهبوله تشتري هالكبر "
هزت عبير كتوفها بعدم أهتمام " وش يدريني يقولون هذه الموضه "
غلا بعربجيه " والله ياهالبنااات ماذابحكم الا هالموضه .. What you have is when my grandmother (( ماعندك ماعند جدتي )) "
بيان رجعت لها روح المرح " تكللللللللللمت المسترجله "
غلا تحط صبعها على خشمها " انتي أووووووووووص "
بيان " انتي اووص "
غلا تكتفت " لا انتي "
مرام وهي تطلع " ههههههههه ياحليلهم "
حلا تدفها " أمحق يا حليلهم .. بزااارين "
راحوا يركضون ورى البنات وكل وحده تخز الثانيه
×××
في قســم الحريــم ..
كانت الدنيــا زحمــه والأصوااات عاليه .. حتى العرس مايصيروا المعازيم بهالعدد الكبيــره ..
والصاله الي جالسين فيها ثلاث قاعات تقريباً من كبرها ..
دخلــوا البنات وكل وحده تدف الثانيه .. مرتبكين من هالعدد الكبيــر .. بيسلمون عليهم كلهم ..!!
ضي تسأل البنات بهمس " هيه هيه بنات وش نسوي نسلم عليهم كلهم ..؟ "
غلا نطت تناظر الحريم " مجنونه انتي تسلمي عليهم كلهم .. قوولي السلام ودخلي وسلمي على الي تعرفين "
روابي بسخريه " اذا قلنا السلام ضنك بيسمعونا ..؟ "
أسيل " اتركوا غلا عنكم وأدخلوا أخلصوا علـي ..!! "
دخلوا البنات يسلمون الا غلا وبيان ومرام ..
مرام بأرتباك " يارب مو قادره أســتحي .. "
بيان تدفها معها وهي مرتبكه أكثــر " لاتربكيني أكثــر الي فيني كافيني أمشــي "
مشت معها ورا البنات يسلمون
اما غلا سلمت بعربجيه وهي تمد يدها فوق بمعنى السلام .. ويوم شافت ماأحد أنتبه لها
صرخت بقووووووتها " قلناااااااااااااا السلاااااااااااااااااااام "
سكتوا معـضم الحريـم بفضوول يبون يعرفون من الي صرخ ..
والبنات تروعوا ووقفوا عن يسلمون .. التفتوا على غلا يشوفون وش فيها ..
أبتسمت غلا برضى يوم شافت انها لفتت انتباه الكل
ومشت رايحه تسلم على عماتها والي تعرفهم ..
أسيل بهمس لساره " أستخبلت بنت خالكم ..!! "
ساره وهي تلتفت بتكمل السلام " من زمان هي خبله ..!! "
مرر أكثــر من نص ساعه والبنات يسلمون .. أتعبوا وصاروا يحسدون غلا الي جالسه تسوولف مع امها وعماتها مرتااااحه ..
وصلوا آخر قاعه وسلمــوا عليها .. وقفت وحده من الحريم هي وبنت جنبها .. الظاهر انها بنتها ..
وجات أم وليـد من وراهم مبتسمه " بناات .. أبي اعرفكم على أم عصاام "
وقفت جنبها وهي تكلم البنات الي يناظرون فيها مبتسمين " هذه صديقتي الروح بالروح زوجة الوزيــر الكل يعرفها (( مسكت كتف البنت الي جنبها )) وهذه بنتها هيفااء "
البنات " ياهلاا "
بدت أم وليد تعرف ام عصاام على البنات ..
أم عصاام وعينها على مرام " ماشاء الله تبارك الله .. (( بفضول لفت على ام وليد )) كلهم متزوجين ..؟ "
ام وليد " ههههههههه لا الله يهدااك توهم صغاار (( أشرت على روابي )) هذه بنتي متزوجه .. وحلا .. ومرام .. اما الباقي توهم ان شاء الله هالسنه ياارب كلهم يتزوجوا "
ناظروها البنات مصدومين ..
أسيل مفتحه عيونها " أسم الله علينا امي لاتفاولين "
ام ووليد " شدعووه وش شايفه الزواج مرض ..؟ "
البنات " أيـــه "
أم عصام وجاها أكتئاب يوم درت ان مرام متزوجه " الله يوفقهم ياارب "
راحوا البنات يجلسون بنفس القاعه وجاتهم غلا معاها لينا والبندري ..
بيان وقفت مستااااااانسه وهي تضمهم بالقوه " اشتقت لكم يادوووووووووبياااااااااات "
لينا " هههههههه بشوي شوي .. حنا أكثــر "
البندري برجتها المعتاده " يووووووه اليوم كلكم عروسات .. ابي احدد من العروس مش قادره "
البنات " ههههههههههههه الله يقطع شرك "
جلسوا سوالف وضــحك مايدرون في الي تخزهم خز
هيفاء بدلع لأمها " اففف يمه شوفيهم مغرورات كل وحده فوق راسها ريشه وبالذات ام الفستاان الأخضر "
ام عصام تناظر فيهم " بالعكس مو مغرورات .. وام الفستاان الأخضر يحق لها مدامها جمال وبنت أحمد الـسـ ,,, أكبر تاااجر بالخبر "
هيفاء بملل وحقد " افففففففف يمه وش تاجر وش جماله .. مو احلى مني " رمشت بعيونها بدلع لأمها
ام عصام " هههههههه اكيد انتي الحلا كله (( التفتت تناظر مرام )) الا هيووف شفتي ام فستاان بني ..؟ الي اسمها مرام .. عليها جماال ماهوب صاحي "
هيفاء تناظر فيها " ممممم عاديه (( التفتت لأمها )) ليه هـ الأعجاب ..؟ "
ام عصام بضيقه " كان ودي آخذها لعصام .. جمال وأصل وفصل وش ابي اكثـر من كذا لولدي ..؟ "
هيفاء مو مهتمه " انتي عارفه من طلق زوجتـه المنحوسه مايبي يتزوج "
ام عصام " وش علي منه انا ..؟ الا تعالي تعرفين ان هالمرام نص سعوديه ونص سوريه ..؟ "
التفتت هيفاء مستغربه " هاه ..؟ "
ام عصام تهز راسها " ايه امها سوريه .. ماتشوفي جمالها غريب ..؟ شوفي العيون الخضراء والشعر الأشقر "
هيفاء بلمت " ايه انا شكيت بالأمر "
ام عصام مكمله ثرثرتها على بنتها " مسكينه توها قاتله ولدها وعمره شهرين تقريباً "
تروعت هيفااء ووقفت من الخوف .. وبصوت قريب للهمس " مجرمه ؟؟ "
التفتت ام عصام يمين وشمال تخاف احد سمع ولا شاف بنتها المهبوله .. مسكت يدها وجلستها " مهبووله انتي ..؟ وش مجرمه ..؟ احد يقتل ولده ..؟"
هيفاء بغباء " انتي الي قلتي "
ام عصام " ايه ماخليتيني اكمل الله يهداك .. قتلته ماتدري كانت جالسه ترضعه وهي منسدحه على السرير ونامت من غير ماتحس .. وماقامت من النوم الا وهي منسدحه عليه ووجه ازرق .. أختنق ومات "
هيفاء بتأثر " ياعمرررررري ببكي "
أم عصام تناظرها على جنب " مو وقته تسوين لي فلم هندي "
×××
مشت هاجر بميااعه تسلم على عمتها أم وليــد
هاجر " هااي عمتوو "
ام وليد (( والله ونعم السلام )) " اهلين حبيبتي "
هاجر جلست جنبها للمصالح وحطت رجل على رجل " كيفك عمتوو ..؟ "
هزت أم وليد راسها " الحمدلله يابنتي (( أشرت على البنات )) شوفي البنات هناك روحي سولفي معهم "
انقهرت هاجر من برود عمتها .. توقعت تبتسم لها وتسألها عن أخبارها .. وقفت " اوكيك "
راحت بأتجاه البناات ومدت يدها بدلع مااصخ " هاي GirlS "
البنات ناظروها من فوق لتحت " هااي "
جلست جنبهم تناظرهم بنص عين " كيفكون بنات .. (( ناظرت أسيل وروابي )) كيفكون بنات عمتو "
أسيل مو طايقتها بعد الي سمعت من وليد " والله قبل شوي تمام "
خزتها روابي .. وتكلمت " ههههه الحمدلله والله .. انتي أخبارك هاجر وش اخبار الرياض ..؟"
ناظرت هاجر بأسيل بحقدت (( قليلة حياا .. أوريك لو خذت وليد .. اذا ماخليته يكرهك ماأكون انا هاجر )) " الريااض ملل صراحه مافيه جمعت بناات مثل هنا " ناظرت البنات بدلع .. وطاحت عينها بعيون بيان
قالت وهي ترجع شعرها الأحمر بيدها " الا اخباار الدلوعه بياان "
عصبت بيان .. من هي علشان تحاكيها كذا ..؟ " والله انا بخييير مدامي بعيده عنك "
وقفت هاجر بعصبيه .. وكأنها تبيها من الله " والله انا ماجيت لعزيمتك .. جيت لعزيمة ولد عمتي فاهمه ..!! "
وقفت حلا معها تهديها " معليه هاجر حبيبتي .. بيان ماتقصد تمزح معك "
هاجر خزتها " ايه واااضح انها تمزح صراحه ..!! علشانها أختك تدافعي عنها "
غلا الي ساكته طول الوقت تحاول تمسك أعصابها " اقوول هويجر كانك ناويه تتسببين ياليت بعيد عنا .. مالنا خلق مشاكلك يالكريهه "
تهاني صرخت على غلا " غلا احترمي نفسك واسكتي "
بيان تقاطعها وهي توقف " خليها اول هي تحترم نفسها بعدين نحترمها (( خزت هاجر )) مالي قعده هنا (( اشرت على هاجر من فوق لتحت )) مدام هالأشكال معكم "
راحت تمشي مو مهتمه ولحقتها أسيل وساره .. جاو شيماء وعبير والبندري ولينا بيقومون .. أشرت لهم ضي بمعنى لا ..
مرام تهدي هاجر " معليه هاجر حنا خوات "
ناظرتها هاجر بحقد " اوووه مرام موجوده توني انتبه "
حست تهاني ان هاجر بتغلط على مرام " لو سمحتي .. مرام خليها بعيده عنك "
شيماء بهمس لعبير " وش ذا النسره الي كدرت علينا "
البندري بهمس " اص اص لاتسمعكم "
وقفت هاجر " لااا كل وحده قامت تغلط اترككم احسن لي "
راحت وماعطت احد وجه .. وقابلت عمتها ام وليد .. وعصرت دمعتين بعيونها ..
انتبهت لها ام وليد وهي تمسح دموعها الكاذبه
قربت منها بخوف " وش فيك يابنتي ..؟ تعبانه ..؟ "
هاجر وهي تشهق شهقات كاذبه " عمتي ماتوقعت كل البنات يهجمون علي بالكلام .. اوكي لو وحده منهم لكن مو كلهم .. حتى معهم بنات ماأعرفهم غلطوا علي .. ماادرري ليه مايحبووني (( ببرائه ناظرت عمتها )) انا وش سويت ياعمه ..؟ "
عصبت ام وليـد على البنات " ماعليك منهم .. انا اوريك فيهم .. مع ان مش عادتهم يسوون كذا .. بس حسابهم عندي "
×××
جلست بيان في المجلس البعيد عن الصاله ومعها أسيــل وسااره ..
أسـيل " ماعليك منها بيان أحقريها هالحماره .. ماادري وش جيبها.. كرهتني بالعزومه كلها "
ساره تناظر أسيل " يعني بالله عليك كل هالعالم يجون ماتبين بنت خالك تجي ..؟ "
بيان مو مهتمه " قايله هاليوم منحوس "
أسيل + ساره " يوووووووه رجعنا على هالمنحوس "
دخلوا بهالوقت كل البنات .. وكل وحده فيهم مبين انها معصبه ..
جلست روابي جنب ساره بقووه هزت ساره معها " صدق ماتستحي ماكفاها الي سوت تروح تنم عند أمي كذب ..؟ "
غلا معصبه " حقيييييييييييييييييره "
البندري معصبه أكثر " والمشكله قالت لخالتي ام وليد اننا تكلمنا عليها بعد "
بيان توها تستوعب الحكي " هاه راحت قالت لمرت عمي .؟ "
البنات " ايييييييييه "
أسيل تضم يديها من القهر " صدق حقييييييره "
مرام بطيبه وهدوء " خلااص بنات أنسوها جايين ننبسط حنا "
ناظروها مستغربين ..!!
تكلمت ضي بمرح " ايه والله ليه نقهر نفسنا وهذا الشيء الي تبيه .. خلونا نضحك ونسمعها ضحكنا "
بنات " حلوووووووووو "
جلسوا البنات سواالف وضحك ولاهمهم شيء .. وسمعوا سياارات المطعم وصلت .. قاموا نقزوا كلهم يناظرون من النافذه ..
البندري تقزز بالرجالين الي جاو لسيارات المطعم " الحيين من هذولا ..؟ هذا أخوك وليد أسيل ..؟ "
ناظرت ساره في بيان كأنها تقول سكتي صديقتك تراني أغار ..!!
أسيل " لاا هذا مشاري أخو بيان .. والثاني (( سكتت تناظره )) مممم كأني شايفته "
ناظروا البنات في بعض مبتسمين .. عارفين من بتقوول أسيل ..
صرخت في نفس الوقت أسيل " الممثل السعودي ماجد مطرب فواز ...!!! "
البنات " هههههههههههههههه "
البندري ببلاهه " ايه والله انتي صاادقه .. الي مثل بدمعة عمر صح "
أسيل وهي تلتفت للبنات " ايه صح .. بنات من هذا ..؟ "
غلا عاقده حواجبها " هذا أخوي زياد "
أسيل كشرت .. وبدون تفكير " وووووووع المزاجي .. الي كله معصب "
ناظروا البناات فيها مستغربين .. وروابي خزتها كالعاده ..
تلعثمت أسيل " آآ أقصد ممم .. لا مااقصد شيء ترى " ناظرت في غلا وتهاني تشوف ردت فعلهم
تهاني " ههههههههه عارفه انك ماتحبيينه مجننك مطلع الشيب براسك "
البنات مافهموا " لييييييه ..؟ "
غلا " هههههههههه دايم تتصل تبينا نجيها ويرد عليها هو يقول خواتي مايطلعون بيت أي احد "
شهقوا البنات ..
ضي مفتحه عيونها " ليه يقول كذا ..؟؟؟ "
ناظرتها بيان يعني تذكري ..
سكتت ضي وهي تناظر غلا وتهاني الي ماردوا ..
(( وش ذا السؤال الي علي ..؟ زياد مايحب خالد شيء طبيعي مايحب خواته ..!! ))
×××
وقفت هيفاء " يمه برووح اشم هواء برا وبكلم رنا "
امها بأنفعال " فاااضيه انتي اجلسي "
مشت هيفاء مو مهتمه " يمممه مليت من سوالف العجااايز "
طلعت برى وهي تناظر في المزرعه بالكامل .. ابوها وزير ماعنده مثل هالمزرعه ..!!
مشت وشافت رجاال بمبنى مو بعيد كثير عنهم (( الظاهر قسم الرجال ..!! ))
لفت بتروح .. لكن التفتت بسرعه جنونيه .. وهي تشووف واحد طويل جالس يكلم جنب سيااره موقفه قريب من قسم الرجال .. كان وجهه واضح لأنه تحت النوور مباشره ..... هو ..؟؟ هو ماغير..؟ أتسعت عيونها بأنتصاار .. سبحاان الي جمعهم ..!! كان ودها تروح تعطيه كف .. لكن شافته يدخل جواله بجيبه ويتوجه لقسم الحريم .. أختبئت ورى جدااار المجلس وهي تشوفه يمشي بثــقه وغرور ويوقف جنب باب المجلس .. لو يلتفت لليمين ويتقدم خطوتين شافها ..!!
سمعت بنت تكلمه " فهد مرت عمي تحاتي .. وصل العشاء ..؟ "
رد عليها ببرود " ايه قولي لها توه وااصل هذا هم خلصوا من الرجاال بيبدوون في قسم الحريم "
ردت عليه " اوكي "
رجع بخطوات واسعه وثابته .. وبسرررعه راحت هيفااء للباب وفتحته قبل ماتسكره البنت ..
ناظرت ساره بهيفااء بأستغرااب .. من وين طلعت هذه ..؟
أرتبكت هيفااء .. لازم تعرف وش تصير له هالبنت ..؟ " سووري ياا ... (( ناظرتها مبتسمه )) نسيت أسمك "
أبتسمت لها ساره (( سبحان الله قبل شوي رافعه خشمها وش صار الحين جايتنا وتبتسم لي بعد )) " ساره "
هزت هيفاء راسها " آآه ساره صح .. ساره سوري كنت أدور على دورة المياه الله يكرمك وشفت زوجك وتروعت ماعرفت وش اسوي " قالت زوجك .. متعمده علشان تعلمها ساره من هو
ساره بأبتسامه " لا هذا اخوي .. (( طلت براسها تناظر برى وأشرت على باب )) هذه دورة المياه "
هيفاء " مشكووووووووره حبيبتي "
ساره " واجبنا "
مشت هيفاء لدورة المياه يقالها بتدخل ..
×××
وقــف مشاري وهو يمدد يدينه ..
سطام بهمس " الله يفشلك لاتتمدد يم الرجال "
مشاري مو مهتم " وش اسوي فيهم جاني كســل ماهو طبيعي ودي أروح اناام "
حمد كان يفكر كيــف يعطي الســاحره شطنتها .. آآه ياارب سميتها ساحره .. صدق ساحره ..!!
مشاري وهو يناظر حمد " اقوول سطام شكلي بجلس على اخوك اليوم جلسسه أستخرج منه معلومات عن هالسرحان "
أنبته حمد وأبتسم لمشاري وهو يهز راسه ..
مشاري يكمل " شكلها ممرضه صح ..؟ "
سطام " انت كل تفكيرك عن البنات هههههههه "
حمد (( وانا صرت مثله ياخوي )) " صادق ههههههههه "
جاهم ثامر مبتسم " يااكثر الرجاال .. صار عرس "
حمد " ايه ماشاء الله عمي ضاري معارفه كثيــره "
ثامر يتنهد " حمد أشتقت لأختك "
مشاري " ههههههههههه البنت ساحرته جد "
نقز حمد يوم سمع كلمة ساحرته (( الظاهر كل البنات ساحرات ))
سطام " صدق شكل أختي ساحرته مااصدق كل هذا حب "
ثامر يسوي نفسه معصب " صلوا على النبي محنا ناقصين عين "
الكل " عليه الصلاة والسلام "
مشى مشاري " يالله برووح اشم هوى برى ويمكن التقي بفتاة احلامي "
الشباب " ههههههههههههه "
×××
غلا " شيوووووووم ياهووووووووووووو ياهووووووووو وين رحتي ..؟ "
شيماء أنبتهت لغلا " ها .؟ موجوده "
حركت غلا حواجبها " الله .. الي ماخذ عقلك يتهنى به "
شيماء (( الي ماخذ عقلي تهنى بشنطتي )) " ههههههههه مجنونه "
رجعت تفكــر .,. هي بالموت قدرت تنساه المره الأولى يطلع لها اليوم ..؟
يااربِ كيف آخذ شنطتي الحين ..؟
ناظرت في بياان الي جالس تتكلم مع سااره بعيد عنهم ..
ساره بضيق " بيااان انتي من صدقك تبيني اطلع له كذا واسوي نفسي ماادري ..؟ "
بيان تهز كتوفها " وفي حل آخر بنظرك ..؟ "
ساره وهي تناظر عيون بيان " وش عرفك بهالحركات والخطط ..؟ "
تلعثمت بيان (( وش اقولها ..؟ انه شافني بقرنين كأني بزر ..؟ )) " ههههههه كذا جات في بالي من الأفلام "
ساره وقفت " ما أحد مخربك غير الأفلام أنتي .. خليني ارووح اجيب شنطتي من عند الحريم .."
بيان " ليه ..؟ "
ساره بملل " فيها جوالي (( ناظرت بيان برجاء )) وبطلع يمكن يشوفني وليد على قولتك "
بيان " ههههههههههههههههه عجبتك الخطه اجل "
أشرت ساره بيدها " قلت يمكن .. يعني انا مو متعمده "
بيان وهي تقولها روحي بيدها " طيب المهم يقع بغرامك " وغمزت لها
ساره " هههههههه الله يسمع منك "
×××
مشى مشااري لعند قســم الحريم .. وهو يقززز في باب الصاله يمكن تطلع له سندريلا وتنسى صندلها وهو يعشقها .. وياخذ صندلها ويدخل على الحريم يقايس عليهم .. ههههههههه وربي اني مجنون من قلب ..!!
ما أمداه يكمل تفكيره .. الا ينفتح باب المجلس ..
طلعت ساره وهي تكلم بيان الي ماتحركت من الكنب القريب من الباب " ادعي لي يا أختي "
بيان " هههههههههه قلبي ودعواتي معك خخخخخ "
كانت ساره ملتفته على بيان وتضحك على كلامها مانتبهت لدرج الباب ..!!
وطاااااااخ على وجهها ..!!
وقفت بيان متروعه وهي تشوف سااره طايحه .. والبنات مانتبهوا من الضحك الي عندهم ..
ومشااري بلم وهو يشوف ام فستاان أحمر .,. لهالدرجه أمنياته تتحقق ..؟ (( والله صدق سندريلا .. بس ليه طاحت ..؟ ))
جلس يذكر قصة سندريلا .. متأكد ان سندريلا تضيع صندلها بس ماتطيح ..؟
رفعت ساره راسها متفشله وشافت ثوووب قدامها ..!! رفعت راسها أكثــر ... (( لا لا .. لا تتحقق أمنيتي ويطلع وليد ويشوفني بهالشكـ .. ))
ماكملت لانها عرفت مشااااري ..!!
جات بيان بتطلع تشيلها وتسمي عليها بس حست انها تناظر احد .. (( يمكن وليد ماني ناقصه اتعرض لموقف معه )) تراجعت ونظراتها قلقه على ساره
ساره وقفت بسرعه وهي تتكلم بصوت قريب من الهمس " بيان هذا اخوك "
سمعتها بيان وطلعت مفتحه عيونها تناظر في مشاري الي على فمه أبتسامه ويقزز في ساره ..
صرخت عليه " مشاااااااري غض النظر "
التفت على أخته وهي تساعد ساره تدخلها المجلس .. بعدها التفتت عليه معصبه ..
بيان وهي حاطه يديها على خصرها " افففففف قايله هالعزيمه منحوسه بس ما أحد صدقني ..!! "
مشاري بأستهبال " هههههههههه رجعنا يا ام الحاسه السادسه .. (( قرب منها وهو يناظر باب المجلس )) أسمعي من هالسندريلا الحلوه ..؟ "
عصبت بيان زياده " مشيرووه تراها بنت عمك ..!! هذه ساره .. ووش تخربط وش سندريلا ..؟ وش قااري قبل ماتنام ..؟ "
مشاري كشر " يوووه ساااره أعتبرها مثل أختي (( ناظر أخته الي طلعت عيونها قدام .. بعدها ناظر مكان طيحتها )) حتى صندلها ماطااح "
مشى تارك بياان على راسها علامات أستفهام وتعجب ..!!!!؟؟؟؟؟
ما أمداه يلف وهو يتحلطم بصوت خافت " والله حاله يوم قلت لقيت فتاة أحلامي طلعت بنت عمي الي أعتبرها مثل اختي (( كش على نفسه )) وش ذا الحظ "
وقف هالمره مبلللللم صدق وفتح فمــه ..! أتراجع عن أستهبالي على بيان .. اليوم هذا غييير عن الأيام ,.,!!
ناظر في البنت الي تطلع من دورة الميااه وتزين شعرها المميش بيدها ..
رفعت هيفااء عيونها وطاحت بعيون مشاري الي فاتح فمه ومبلم .. (( بسم الله من هالخبل ..؟ ))
دققت في ملامحه تحسبه مو من الأنس ..!! وصرخت من المفاجأه " الفناااااااان عادل محمود ..!!! "
حس بنفسه من صرختها (( اليوم يومك يامشااري أستقله )) عدل شماغه بغرور .. وناظرها بأبتسامه " لا انا اخوه .. أحلى صح ..؟ "
عرفت انه يستهزء منها وعصبت .. ناظرته من فووق لتحت (( كل شباب هالعيله مغرورين وحلوين .. مالت عليهم ياليتني فاضيه حطمت هذا بعد ))
مشت بغرور وهي تتحلطم " افففف من شباب عايلتكم .. كأنهم ماعمرهم شافوا بنات .. يخزون البنت من فووق لتحت .. عيونهم زااايغه (( نااظرت في مشااري )) لاشفتوا بنت نزلوا عيونكم فاهمين ..؟ "
مشاري التفت يشوف معه أحد .,.!! الحين هذه تحاكيني ولا تحاكي مجموعه ..؟ من تقصد ..؟
مشت لعند باب الصاله ودخلت وهي تعطيه نظره ناريه
ماقدر مشاري يمسك نفسه من الضحك .. من هاليووم الغريب
(( ههههههههههههههههه والله لو اني مو راايق .. ولو انها مش من معازيم العيله .. كان عرفت كيف أأدبها وماترفع صوتها على رجال مره ثانيه ))
رجع يمشي قداام وحاط في باله يلقى ساندريلا ثالثه
(( والله حاله قلت ابي ساندريلا مو آآنسه منشن )) التفت على الباب الي دخلت منه على قولته آنسه منشن ..
والتفت يناظر طريقه وهالمره شهق بصوت عالي " لااااااااااااا كل شيء ولا هالسندريلا أحترم نفسي "
أم حمد الي طلعت تشوف سالفة العشااء .. تروعت من شهقه ولدها " بسم الله عليك وش سندرلا ..؟ وش تخربط "
مشاري بنظره منكسره (( ياااربِ بدااال ما ألبس سندريلا الصندل .. بزغرد في زواجها )) ناظر امه نظره تكسر الخاطر .. وهي مو فاهمه شيء
لف يرجع للبنات أحسن .. وينسى سالفة سندريلا .. مايدري من الي بتطلع له في النهايه ..!! يمكن فلبينيه تصب القهوه والشاهي ..!!
آآه لو تطلع له هيفااء وهبـــــي ولا نانسي ..!! تنهد مستانس على أفكاره وسمع امه تناديه ..
أم حمد " يمه وش فيك تهووجس ..؟ تعباان حاس بشيء "
أبتسم لأمه وهو يكمل مشيـه " لا يمه لاتحاتين .. والله الله بالأمير لاجاء يلبسك الصندل .."
تركها وهي مفتحه عيونها .. ياحسرتي على وليدي تخبــل ..!!
|
11-07-08, 09:22 AM
جديد مواضيع قسم الارشيف
العرض العادي
