كاتب الموضوع :
انا حلوة
المنتدى :
الارشيف
لمـس جرحـي بـ كفينـهـ
وصـد وكابــرت عينـهـ
يقسـّي قلبــهـ ..
و قلبــهـ ,
~ يحبـني بينـهـ و بينـهـ ~
يعانـدني وأنـا أدريبـهـ
حنـون وممتلـي طيبـهـ
ومهمـا طــوّل بعـادهـ
بـ يرجـع
بـس هـو عيبـهـ ,
~ يحبـني بينـهـ و بينـهـ ~
عنــودي بـس عاجبنـي !
مزعـّلني و تاعبنـي
أهـو مشكلتـهـ عنـادهـ
ومشكـلتهـ إذا حبنــي ,
~ يحبـني بينـهـ و بينـهـ ~
يصـد بـ جيتــهـ كنـهـ
حبيبـهـ مـا درى عنـهـ
خـذا طبـع الزعـل عـادهـ
وهـو يــدري بعـد إنـهـ ,
~ يحبـني بينـهـ و بينـهـ ~
اليوم الثـانـي...
فتحت بيان عيونها بكسـل وناااظرت ساااعة يدها بعين وحده ... شهقت لما انتبهت ان السااعه 10 الصبـح !
وش تسوي نااايمه لحد الحين ؟
التفتت بعد ماحست بأحد جمبها تحرك
وطاحت عينها على أبتسامة وليد الكسوله : صبااح الخيـر للكسوليـن !
بلعت ريقها من الحياء : آ .. الظاهر راحت علي نومه ... فطرت ؟
جلست تعدل شعرها المعفوووس وتلفتت تدور الشبااصه
تسند وليد على مخدته وهو جالس : لي سااعه من فطرت .. ماقمتي صليتي الفجر .. حاولت أقومك بس مارديتي علي , شكلك سهرانه امس مانمتي ؟
لمت شعرها بشكل فوضوي والتفتت عليه : الله يتوب علي ماحسيت فيك وانت تقومني " تأملت ملامح وجهه اللي رجعت طبيعيه " وشلونك الحين ؟ احسن ؟
رفع حواجبه : الحمدلله , مدام عندي الدكتوره بيااان كيف مااتحسن ؟
فهمت انه شااف الكمادات ومقياس الحراره على التسريحه وتلفتت تدورهم ومالقتهم ..الظاهر رجعهم مكانهم
قالت وهي تبعد اللحاف عنها وتنزل من السرير : الله دكتوره !!! يازينها من كلمه ..
ناظرته على جمب بمرح : كان الكل بيناديني بهالكلمه بس فيه شيء اسمه هادم اللذات
ضحك وليد على مرحها بهالصبح : انا افضل تصيرين دكتورتي لحالي , ما احد يشااركني فيها..!
خذت روبها بسرعه وهي تصد بوجهها ماتبيه يشوووف تأثير كلماته عليييها
دخلت دورة المياه بتتروش على السريع..
وهي تفكر بكلاامه .. "دكتورتي لحالي"
"اصير دكتورتك وممرضتك وزوجتك واختك وصديقتك وكل شيء !.. بس ياليـتك تحبني !"
بعد ماخلصت صلت ..
وفطرت شوية كورن فليكس ..
كانت جالسه تلم الصحون لما تذكرت انها مالمست حرارته .. وانه ماراح دوامه !!
راحت بسرعه تاركه اللي في يدها
ودخلت الغرفه وشاافته منسدح ومغمض عيونه .. معقوله نايم ؟؟
قربت منه بخفه وهمست : وليــد ؟
فتح عيونه بسرعه وخلاها تتراجع خطوتين على ورى من المفاجأه : لـ.. ليه مارحت الدوام للحين ؟
رجع وليد يغمض عيونه : اليووم راحه مع اني احس بنشااط .. بس يالله ماابي اجهد نفسي مثل ماقال الدكتور , وارجع مريض بعد مايخف مفعول الدواء
بيان : خذت دواك ولا ؟
وليد : لا الحين بااخذه .. جااب نتيجه سريعه.. بفضل الله ..
تلفتت بيان تدور الكيس : الحمدلله .. وين كيس الدواء ؟
فتح عيونه وأشر على الدرج الثالث بالتسريحه : حطيته هناك
طلعته وقرت المكتوب
قال وليد لما شافها محتاره : العلبه الخضرا آخذ منها الحين حبتين ..
طلعت العلبه الخضرا ورجعت الباااقي .. حطتها على التسريحه وقالت وهي طالعه من الغرفه : بسوي لك عصير برتقال وراجعه
وليد : لا بس موويه ماابي عصير
بيان بسخريه : وين اللي يقوولي مايصلح تاكلين حبوب مع مويه ؟
تنهـد ..يعني انها صادته : بهذا مااقدر اقول شيء يادكتوره
وقفت قبل ماتطلع والتفتت وهي تسأل وحواجبها تنعقد : الحين تحب تناادي الكل بالألقااب من عمرك ؟
وليد : لا .. ليه السؤال ؟
بيان هزت اكتافها وهي تبتسم : من خذتك طلعت لي مليوون لقب!!
وليد : هههههههههه انتي حاله استثنائيه ..
بيان سبلت بعيونها : اهاا.. دايم اقول انا حاله اسثنائيه .. دقايق وراجعه اكمل كلامي!
سمعت ضحكته ترن وهي تتوجه للمطبخ
ياارب كل يوم يزيـد حبها له ..
السبب ؟؟؟؟ ماتدري لا أحد يسـألها !!
رجعت وفي يدها عصير البرتقال وقالت اول مادخلت : فكرت وانا بالمطبخ اني مااعرف شيء عن حيااتك قبل مااتزوجك مممممم طبعا اذا مايضايقك ولا يتعبك بس صراحه مدامك جالس بدون شغل عطاله بطاله .. احكي لي عن نفسك
وليد : افااا عطاله بطاله ؟؟؟ لاتخليني اقوووم اصيد لي مليوون شغله
ضحكت وهي تاخذ علبة الدواء : خلااص ياسيِدي امزح .. فيك قووه تعلمني عن حياتك ؟
مد ذراعه بمرح وحركها يطلع العضلات : شوفي قوتي!
بيان : ههههههههه مااقصد هالقوه يالمغرور
وليد : وتقول اني انا بس اللي اطلع الـقاب !!
جلست بيان على طرف السرير : القابي غير القاابك ..مممم مثلاً .. تذكرت يوم زواجنا ؟؟؟ تذكر اللقب اللي لقبتني فيه ؟
عفس وليد وجهه يفكر : لحظه ... اكيد عنيييده ولا متكبره !!
بيان : هيهيهيهيهي ..لا طبعاً ...."رفعت خشمها وهي تناظره بنص عين".. أميــرتي !
فتح وليد عيونه كأنه مصدوم : جد ؟؟ والله وطلعت مو هييين وانا ماادري !.... كنت ناااوي اصيدك .. وشكلي نجحت لأن وجهك يقول أنك غرقتي ذااك اليوم بالعسل وصدقتي !!
تخصرت ورمت علبة الدواء على بطنه : ياسلااام .... خذ كل دواك
وقفت وهي تحط العصير جمبه على التسريحه الصغيره
مسكها من ذراعها وهو يجلس ويتسند على المخده : تعالي تعالي .. حقك علي .. بس اكليني دواااي
ناظرته بطرف عينها : ماتعرف تاكله لحالك
أشر براسه بـ لا مثل الطفل
وهي خذت الدواء وهي تتحلطم : ماتنااسب أشكالكم يالرجاال وانتوا تدلعون .. ولا تقلدون الأطفال
وليد : مسموووحه يالغلاااا
بيان : لاتحسسني بالذنب
وليد : طيب بسرعه خليني آكل الدواء .. ولا غيرتي رايك ماتبين تعرفين حياتي قبـل مااعرف حياتي؟
مافهمت : حياتك قبل ماتعرف حياتك .. كيف يعني ؟
وليد ناظرها بقوه وهو يرفع حاجب : يعني قبل لا اتزوجك
بيان تبلد ذهنها : وش دخل؟
وليد تنهد : يارب وش قد غبائك ..؟؟
بيان : وليـــد !!!!!! رجعنا !!!
تمتم وليد من بين شفايفه : ماتفهم التلميحاات غبيـه..
ماسمعت وش قاال وزمت شفايفها : لاتكلم نفسك ...وابي اعرف حيااتك قبل ماتعرف ماادري مين .. المهم اعرف مااضيك أسوده وأبيضه حتى وانت صغيير
وليد : ماعندي ماضي أسود.. وبعدها انتي بتعلميني عنك " رجع يتمتم بدون ماتسمعه " كأننا تونا متزوجين .. مو طبيعين أبد !
بيان : وليد قلت لك لاتكلم نفسك ! ...وبعلمك كل شيء عني ... بس تأكد وحااول تتذكر اذا كان لك مااضي اسود
وقفت تاخذ العصير وهو ركز بعيونه عليها .. ماضي أسود ؟؟؟ ماعنده مااضي أسود!!
وهي ناظرته من تحت رموشها .. شكله نسى ليلى !.. بس اكيد بيعلمها عنها .. لأن كل حياته وهو صغير مع بيت خاله
حطت الحبتين بكف يدها ومدتهم له بس هو ناظرهم وفتح فمه بخفه
رفعت حواجبها : خذهم
قال بحنق : انا تعبااان
مسكت ضحكتها على شكله وهو يقول كذا .. ابد ماينااسب .. واكلته الحبوب ..
عطته العصير يشربه
وأشر بأصبعه على فمه وهز أكتافه بقلة حيله
رفعت بيان عيونها للسماء : مشكله الرجااال يستغلوووون الحريم اذا انعطوا وجه ..!!
شربته العصير وهو يبتسم عليــها
ناظرته بأبتسامه وهي تحط الكااس على التسريحه ورجعت تجلس جمبه
سكت .. وسكتت..
تنتظره يتكلم بس ماتكلم ..
يعني لازم هي تسأله أول ؟؟؟
وقفت بعنااد ماتبي تسأله .. احسن لايعلمها
بس قبل ماتلتفت وتروح تذكرت انها مالمست جبينه
مدت يدها بتلقائيه ولمست جبينه اللي خفت حراره كثير
سحبت يدها بس هو مسكها من معصمها وقال بغمووض ونظراااته تأكل ملامحها : تبي تعرفيني زين ؟
بلعت ريقها من نظراته الغريبه وأشرت براسها بمعنى أيه
قال وليد بهمس وهو يسحبها له : أبشـري..
....::::....
بـعد أسبــوع...,
يــوم ملكة مشااري وساااره..
وقـف خالد سيـارته في موااقف سيارات ..شاليهات عمه بو متعب..
طفى المحرك والتفت على تهاني اللي ماتكلمت من اول ماطلعوا من البيت
مسك يدها اللي حاطتها بحضنها : تهاني فيك شيء ؟
التفت تهاني نص التفاته وأشرت براسها بـ لا
خالد : طيب تكلمي !!! "بمرح" البس كل لساانك ؟؟
تنهدت والتفت عليه بأنفعاال : خالد أفرض اني ماجبت عيال طول عمري؟
زفر بقلة صبر : لاحووول .. تهاني كم مره قلت لك هالموضوع يتسكر بالوقت الحااالي!
تهاني دمعت عيونها : مااقدر .. ليه مو قاادر تحس بأحساسي ؟؟.. انا ام محرومه من العيااال !
قال وهو يحاول يمسك أعصابه : وانا أب محروم من العيال بعد .. اللهم انا غيرك بشيء واحد .. اني رااضي في اللي كتب ربي لي
تهاني بهدوء وهي تتأمله : لا خالد انت مو محروم .. تقدر بأي وقت تتزوج وتجيب عيال و..
ضرب بيده السيت الي بينهم بقووه وصرخ بعصبيه : خلااااص .. تهاني .. لهنـا وبس !
تروعت من عصبيته المفاجأه ونزلت بسرعه من السياااره
سكرت الباب ومشت بخطوات متعثره راايحه لمبنى الحريـم
مسكتها يد حنووونه ووقفتها ولفتها لها
ناظر خالد عيون تهاني وهو يبتسم بتوتر : أعذريني .. ماكان قصدي .. بس .. صبري نفذ من السناريو اللي تكررينه كل يووم!!
تلفت يناظر حوووله : وش بيقولون عنا اذا أحد شافنا بهالشكل وكأننا متزاعلين؟ " ماردت عليه وكمل " تهاني ترى وليد متزوج معي .. وللحين ربي مارزقه بـ عيال وماقال شيء !!
نزلت تهاني راسه : آسفه اذا طفشتك حيااتك بالحزن اللي بقلبي..بس.. وليد يمكن ماجاووه عيال طبيعي .. لكن انت لأني ..
رفع خالد وجهها الي يبين منه عيونها بس تحت النقااب : انتي ماطفشتيني حياتي .. بس تجرحيــني !
فتحت تهاني عيونها مستغربه : انا أجـ...
قاطعها : ايه تجرحيني ..اذا جبتي طااري زواجي عليك تجرحيني .. تحسسيني انك شااكه بحبي لك .. وانا حتى الحرمان من العيال مايخلوني اتخلى عنك !... تهاني حبنا انبنى على أساس قوووي .. ومايقدر أي شيء يهدمه مهما كانت قووته .. ولا راح ينهدم اذا حافظنا عليه ... ليه مو رااضيه تفهمين هالشيء!
تنهدت ونااظرته بنظرات هاديه وداخلها تغلي ألم : لأني بكل بسااطه مو قاادره ادخل على البنات الحين واضحك واسوولف معهم .. لاني مو مستوعبه لحد الحين اني أنا ... ما .... ماادري خالد ... تعبت وتعبتك معي ... " نزلت راسها تقااوم دموعها بعدها رفعت وجهها وهي تبتسم أبتسامه بانت بعيونها " بس الحمدلله ان ربي عطاني زوج مثلك .. هذا الشيء اللي يصبرني
تلفت خالد بمرح يناظر اذا فيه احد : اخيراً قلتيها , وش رايك مدام تو الصبـاح بأوله نرووجع البييت .. واذا جاء الليل نجي لملكة مشااري؟
تهاني : هههههههه والله فكره حلوه !
ناظرها خالد مو مصدق انها وافقت : جد ؟؟ يالله اجل
مشت قدامه وراحت قسم الحريم : بس ماابي انفذها
حط يديه على خصره : يافـرحه ماتمت ....... " نادى " تهاني ..
التفت عليه بتساؤل ..
وهو كتب بالهواء أربع حروووف...
خلت تهاني ترسل بووسه طاايره بالهوى له ..
دخلت على الحريم وهي تدعي ربها يحفظ لها خالـد ! ويرزقها بالذريه الصالحه.. ويصبرها لذاك الوقت ..
قالت حلا بحماس ممزوج بقلق : بااقي خمسه ايااام يامراام .. خمس ايام ويرجع ثامر بالسلامه مو قادره اصبر لذاك الوقت احسب الدقايق والساعات..!
ابتسمت مرام على حماسها ولهفتها : الله يرجعه بالسلامه ويرجع له نظره يااارب .. وان شاء الله يلاقون علاج بفضل الله لرجليـه !
حلا : آآمين ..
تدخلت روابي بهدوء وهي تجلس جمبهم : طيب ماقالك الخال بو ثامر بالجوال اذا نجحت العمليه ولا لا ؟
حلا تنهدت : حااولت يارواابي ماقدرت .. يقولي بتعرفون بعدين .. حتى خالتي ام ثامر .. حاولت فييه ولا علمها ... انا اول شيء خفت قلت المفروض يقولنا .. بس قالت لي غلا يمكن يبي يسوويها مفاجأه وهذا اللي ريحني .. وعسى مايخيب املي !
روابي : وش ذا الحكي اللي ماله معنى ؟ ان شاء الله ماراح يصير الا كل خييير
مرام : الا وين ضي ليه ماجات ؟
حلا : تقوول تعباانه ماتقدر تجي ..باركت لمشااري وتفهم وضعها
روابي : طيب كان تجي في الليل بس , تدرين ملكة اخوها !
حلا : والله ماادري ! ..من يووم سقطت وهي بس تفكر ..ولا تكلمنا الا شوي!
مرام : الله يعينهاااا
روابي وهي تلتفت تتأمل البنات بالجهه الثانيه : يعين الجميع ان شاء الله ..
مرام : وانتي روابي وش اخبارك ؟ وربي شايله همك بس افكر فيك!
أبتسم روابي لمرام : حبيبتي والله .. لاتشيلين هم.. عايشه حياتي
تأملت حلا روابي ... نست سالفتها من يوم ساافر ثامر يتعالج .. وهي بس تفكر متى يرجع ووش جالس يسوي ...!
لاازم تعطي بنت عمها اهتمام .. وتجلس معها تتكلم ... لا مو تتكلم .. لازم تتصرف !!!!!
قالت روابي يوم لاحظت نظرات حلا لها : الا اقول مرام اجل زواجك بعد بكره ؟؟
مرام بهدوء : أيـه .. قرر ابوي انه بيسوي الزواج بسرعه قبل مايهرب المعرس !
حلا : ههههههههه من جده عمي ؟؟؟
مرام أبتسمت : وربي .... يالله اهم شيء رضااه
حطت روابي يدها على كتف مرام : الله يوفقك .. يمكن ربي يعوضك فيـه ..ويصير يحبك ويعووضك عن كل شيء عانيتي منه بـ هالحياه .. وان شاء الله , الله يرزقك بـ محمد ثاني
وغمزت لها
قالت حلا بمرح : وطبعا بنوته حلوه اسمها حلااا
روابي : خيير وش تبين ؟؟؟ انا حاجزه بنتها قبلك
مرام : هههههههه خلاص الأولى حلا والثاانيه روابي
روابي تسوي نفسها زعلانه : أفآآآ ماتوقعتها منك
حلا : لاني حجزت قبلك
مرام : ههههههههه لا لأنك الأكبر !
روابي : ههههههه ايه صح عجووز .. الا مرام .. خلصتي تجهيزات ؟
مرام : ايه ماباقي الا شووي .. ابووي علم الكل ولا ؟؟
حلا : اللي اعرفه ان الحين الكل يستعد لزواجك !
مرام : مع انه بالبيت
روابي : حتى لووو يبقى زواج احلى مرام بالدنيا
مرام : ترى دلعتوني هههههه
وقفت روابي فجأه : عن اذنكم شووي
ناظرت مرام حلا وهي تتنهد بغصه : ياحيااتي روابي .. تحسين أن الأوليـه الي كانت تفرفشنا ودايم تضحك أختفت!
حلا بتفكير : ماراح يطول الوضع اصبري علي !
أقسَى المِشَآعِر إذآ حسيّتْ " بالوُحدَه " ..
.................. والنآس وآجِدّ ولكِنْ وَحدِكّ [ تعَآنِيّ ] ..!
مسكت أسيل ذرااع أمهاا طوول الوقت .. ولا راحت جمب البنات حتى
وام وليد شكت بتصرفاتها , وسألتها ليه ماتزورهم وبس تكلمهم جوال ؟
حاولت سيل قد ماتقدرت تتهرب من الجوااب
ولما حست ان أمها ماراح تتركها أستأذنت ورااحت جمب جدتها اللي بيان لاصقه فيها : السلاام
ام محمد ضمت اسيل : عليكم السلام هلا يمه اسيل .. شخبارك ؟؟ وش في وجهك اصفرر ؟؟ وليه ضااعفه كذا كأنك محرومه من الأكل ؟؟
جاوبت بنفسها " من الهم "
لكنها قالت بعد مارسمت أبتسامه على وجهها : الله يهديك يمه ..مسويه رجيم .. تدرين الرشااقه زينه !
بيان : مهبل انتي ؟؟ رجيم وانتي اساساً ضعيفه ؟؟
ام محمد : رووحي افحصي نفسك .. شوفي كم دمك شكله نااازل..
اسيل : ماعليك مني يمه .. انا جايه اسأل عن اخبارك ..سامحيني ماقدرت ازورك بالمستشفى
ام محمد ابتسمت بحنيه : لا يمه مسموحه كلها يومين اللي تنومت فيهم .. بعدها ماقصرت الشيخه بيان .. خذتني لبيتها وصاار هي تعطيني الأدويه
قالت بيان وهي تسوي نفسها مستحيه : سمعتي صررت شيييخه !
أبتسمت اسيل : زييين بديتي تكبرين يعني
بيان : يمـه شوفي بنت ولدك وش تقول !!
اسيل : احل انتي وشو ؟
بيان : لا انا بنتهااا مو بنت ولدها
اسيل : لاا ؟؟
ام محمد : ههههههههه والله وكبرتوا .. يالله نشووف من يجيب لي حفيد صغيير قبل
حمرت خدود بيان
اما اسيل صدت متضااايقه ووقفت بعدها : عن اذنكم بشرب موويه
ام محمد : عسى ماستحت ؟
بيان : هههههههه اكيد بعد كلامك! ..
ام محمد : ماقلت شيء غريب ... الا وش اخبارها اختك ضي ؟
بيان هزت أكتافها بأستغراب : والله يمه مو فاهمه وش فيها ... كل هالحزن لأنها سقطت ؟ طيب ولد بداله ولد .. مممممم الظاهر فيها شيء ثااني
ام محمد بقلق : مثل وشو ؟؟
أبتسمت بيان تطمنها : ماعليك مجرد تخيلات انا بسألها وبشووف..
هـذا ’ شـوقـي ، .. هـذا ذوقـي ..
هـذا طبـعي .. هـذي (( انـا )) ..
× مـو مهـم × انـك تبـيني ..
روووح ..
و اجـرح لـي سنـيني ..
- مـا يفـيد - الحيـن رايـك ..
و مـا يغـير شـي فيـني ..!
وقفت غلا مع شجوون على البحـر
وشجون أحتجت وهي تشوف غلا مطنشتها وماترد على كلامها : الحين مطلعتني من جو سوالف الحريم علشاان تجيبيني على البحر وتطنشيني يارومانصيه هانم؟.. خلصنا من تغيير اللوك اللي مسويته وجينا للشاعريه ؟
غلا : انطمي وخليني اتأمل البحر واتمتع بكل ثاانيه بهاليوم .. اللي ماجاء الا نتيجة افكاااري الجهنميه!
مافهمت شجون لها : انتي وش تخربطين ؟ أثر البحر على عقلج ؟؟ لاتقولين لي انتي اللي خاطبه سااره لمشااري ؟
طنشتها غلا
وشجوون تركت غلا لحالها ولفت راجعه للمبنى : مالت عليج وعلى اللي يطلع وياج.. ارووح فووق اراقب سااره وهي تجهز اشيائها احسن لي
كشتها غلا : احسن .. انتي اللي بتخسرين الدقايق الثمينه اللي اكون موجوده فيها معك!
بعد دقايق سمعت غلا صوت حلا تناادي سعوود بصوت عالي والتفتت شافت سعود طلع من المبنى ومتوجه للبحر وحلا تبيه يرجع..
اشرت غلاا لحلا : خلااص لاتخافين في ايدي امينه
حلا : مااظــن
غلا : مالت عليك انتي وولدك ..
أشرت على حلا وهي تكلم سعود : انقلللع روح لأمك
حلا : هههههههه خلاص لاتعصبين .. بس انتبهي له ... انا بدخل
غلا : زييييين
أبتسمت حلا : اييه نسيت لا أقولك طاالعه قمر باللوك الجديد!
غلا ناظرتها من طرف عينها : أحــم ادري بدون ماتقولين
حلا : ياواااثقه!
ركض سعود متحمس يبي يطب بالبحر بس غلا مسكته : خيييير قزوم ؟ وش ناوي تسوي ؟؟ ليكون تحسب نفسك ماوكلي وانا ماادري؟
مد شفايفه بزعل : ابي ارررتض
غلا تأشر وراه : اركض على الرمل مو بالبحر ياحظي !.. ولاترووح هنااك لأن كله الرجاال وانا ماعلي الا عبااه ماجبت غطااي
تأملها سعود بعدها أشر على شعرها : ليييه تذااا
ناظرت غلا بخصله من شعرها الي ميشـته وقصته طبقاات كثيره .. وقصت لها غررره : ليه ماعجبك ياسيد سعود ؟
سعود : هذاا
وأشر على عيونها
قالت غلا بأستغراب : يمه كيف انتبهت اني حاطه عدسات ؟.. صدق مايستهاان بالأطفال !!
ابتسم سعود مو عارف وش تقول .. وهي كملت : هذه عدساات لونها أزرق علشان تنااسب لون بدلتي هذه وفستااني اللي بلبسه اليوم فهمت ؟؟؟ ... ايه صح , طالعه كأني أجنبيه صح سعود ؟
ناظرها لحظه بعدها رجع يركض على الرمل وهو يضحك
وهي زفرت : ابـيه يمدح طلع بزر !... صدق اني بزر لأني سألته عن رايه!..
أنتبهت أخيراً أنه ابتعد وهي جالسه تتحلطم
شهقت وهي تركض ورااه خايفه يطب بالبحر ويغرق : سعوود وقف
وبدال مايوقف صار يركض اكثر وهو يلتفت ويضحك بصوت عالي يظنها تلعب معه وتبي تمسكه ..
غلا تعبت : سعوود خلاص وقف ابتعدنا عن المبنى !!
غاصت رجلها بالرمل وطااحت
احتاست بنفسها مو عارفه تطلع رجلها من الرمل
رفعت راسها تدور سعود ولالقته..
حست بخووووووف فضيييع وهي تدور بعيونها عليه وتصرخ : سعووود ؟؟ سعوود حبيبي تعاال بعطيك حلاااوه ... سعووود
قامت تنفض الرمل عن عباتها وبدلتها وهي شوي وتبكي : سعوووووووود .. يااربي وينك ؟
ركضت اسرع من قبل وهي تدور عليييه بعيونها وتصرخ بأسمه
وين أختفى فجأه ؟
وصلت لمواقف السيارات وانسدحت على الرمل مو مهتمه بملابسها , ودورت تحت السيارات
يمكن مختبي ورى سياره يظنها تلعب معه؟ : سعووود خلااص انتهى اللعب ...!!
مارد وبهالوقت فقدت الأمل وجلست تبكي .. اكيد طب بالبحر بدون ماتدري وغرق بسررعه : ياااربي " صرخت " سعوووووووووود
: وش فييييج ؟ روعتيني؟؟؟؟؟
التفت بسرعه وشافت يعقوب يناظرها مستغرب وفي يده مفتااح السياره
لما ناظرها زين عقد حواجبه مو عارفها وصد على ورى
حطت عباتها على وجهها وهي تحاول توقف على رجولها بس ماقدرت من الخوف : يـ عـ.. يعقوب ..... سعوووود ... ماادري ويييينه ؟؟؟ خايفه يكون طب بالبحر !!
رفع يعقوب راسه مستغرب من الصوت بعدها نزله : غلاا ؟؟؟؟...
ردت بعصبيه وقلة صبر ناسيه انها مغيره بشكلها : اييه غلا وش فييييك ؟؟ دوور على سعوووود
لف يعقوب بسرعه وهو يرجع مفاتيحه بجيبه , وتوجه للبحر وهو يقول : لاتتحركين دوريه هني وانا بدوره هنااك
دورته وهي تبكي ومو قادره تشوف من الدمووع
التفتت تناظر يعقوب من بعيد وشاافت جمبه رجاال يكلمه
عسـى مو زيااد !!! والله يذبحنـــي !!
تروعت لهالفكره ورجعت تدوره بصوت أعلى
سمعت صوت وراها حاازم : خلااص لقينااه
التفت مصدومه من فيصل , اللي طلع هو اللي كان يكلم يعقوب قبل شووي لأن يعقووب وااقف ورااه بس بعيييد ومعطيهم ظهره , وماسك سعود بيده
تنهدت بأرتيااح بصوت عالي بعدها أنتبهت لنظرات الأستغرااب على وجه فيصل نفس اللي شافتهم على يعقوب ..رفعت عباتها متفشله
وفيصل زم شفايفه معصب وفتح سياارته اللي مقابله غلاا وخذ منها شيء
بعدها التفت على غلا ورمى عليها شمااغه
ناظرت بالشمااغ من ورى عباتها مستغربه .. وفيصل قال بحده : مره ثانيه خذي معك الغطى لاجيتي تطلعين !
قالت بعصبيه لأنه فااضي وهي كانت بتموت خووف على ولد اخوها : ماكنت ناويه ابتعد , بس سعوود صااار يركض واختفى فجأه!!.. وش رايك ارجع اخذ الغطى واتركه وانا ماادري وين اختفى ؟
فيصل يحاول يمسك اعصابه : لاترادديني وقومي على رجليك وتغطي زين بالشمااغ وخذي سعود وروحي عند الحريم .. يالله بسرعه !
ودها تذبــحه ... فااااضي فاااضي فاااضي ... كلن على همه سرى....!!
وقفت وعدلت عباتها ولفت الشمااغ على راسها وهو ماتكرم وبعد نظره عنهاا
انقهرت منه حيل وحست انها بتنفجر صيااح جمبه ...
مرت قدامه وهي تقول بحنق : طلباتك اوامر أستاذ فيصل!
اقتربت من يعقوب بتاخذ سعود
بس فيصل كان اسرع منها وخذ سعود من يد يعقوب بقوه ..... خلت يعقوب يستغرب
وعطاه غلا وهو يقوله بحزم : مره ثاانيه ماتهرب من عمتك زيين ؟
خاف سعود وأشر برااسه بسرعه ومسك غلاا بقووه من الخوف
دفته غلا قدامها من الغضب اللي يتآكل داخلها..
وقالت لما وصلوا نص الطريق : وين رحت سيد سعوود ها ؟؟
مد شفايفه قداام والدموع بانت بعيونه : تنت ادور بابا..
زفرت غلا : بابا مساافر ماتفهم
انفجـر فجأه بالدمووع وهي شاالته على كتفها : لاحووول وقتك !
سعود : آآآآآه ابي ماماااااااا
غلا : زييين وصلنا اسكت !
استمر سعود يصيح وغلا كل دقيقه تعصب زيااده
وصلت للمبنى ووقفت يوم تذكرت الشمااغ اللي عليها .. نزلت سعود وهي ماسكته بقوه من يده وسحبت الشمااغ ولفته على خصرها وحطت العبااه عليه علشان مايبين .. لحد ماتدخل وتحطه بشنطتها ولا يشوفه احد ..!
جامل حضوري وأبتسم كل ماجيت ..
وأن رحت لو تدعي علي بالموت كيفك ..!!
في الليل ...,
دخلت سااره ورى ابوها بعد ماوقعت , في غرفـه كبيــره
كانت منزله رااسها وماقدرت ترفعه
والهدوء والبروود مبينه على ملامحهااا اللي يغطيهم شعرها البني اللي يوصل لـ تحت كتفهاا
سلمت وجلست جمب الرجال اللي صاار زوجها ...
زوجها على الورق بس .. اما هي ماتحسه زوجها !
بو متعب سلم على مشاري : مبروووك ياولدي ... اخليكم مع بعض دقايق ورااجع
مشاري بأبتسامه : الله يبارك فيك .. خذ راحتك عمي!
التفت مشااري يناظر في سااره اللي مارفعت راسها وناظرته
أبستم بأستهزاء .. تفكر لو كان وليد مكانه الحين ولا ؟
تنحنح علشان تنتبه له وقال بهدوء : اخبارك ساره ؟
ردت بـ لا مبالاه بدون ماترفع راسها : تمام..
مشاري بسخريه : دووم ياارب
ظلوا كذا دقايق بدون مايتكلمون
بعدها قال مشااري بنفاذ صبر : ممكن ترفعين وجهك نشووف عروستنا !!.. ولا ممنوع؟؟
رفعت ساره راسها بحده : اتوقع شفتني عدة مراات
رفع حواجبه يمثل الأستغراب : لا ؟؟ متى ؟
ماردت وهي تناظر فيه مو مصدقه ان هذا بنفسه زوجها
قالت كأنها تحاول تخليه يأكد انهم بحلم ويقومون منه : كنا نعتبر نفسنا اخوان صح ولا لا؟
مشاري بهدوء : اكيد مايبي له شك ...
ساره برجاء: وش صاار اجل ؟
مشاري بغموض : كل شيء يتغير .. وبالنهايه ..الحقيقه تقول حنا عيال عم مو اخوان ياساره!
نزلت راسها تفكر وهو كمل : بس ابي افهم كيف وافقتي علي ؟
ناظرته مستغربه : وش هالسؤال ؟ " كملت بتردد " وش ناقصك انت ؟
أبتسم مشاري ابتسامه جانبيه : مو المشكله فيني .. فيـك انتي !
عقدت ساره حواجبها .. من اولها بيرميها بالألغااز ؟
ردت بهدوء : وش مشكلتي انا ؟
مشاري : انا اللي اسألك ؟
وقفت فجأه ماتبي تجلس معه اكثر : عن اذنك الوقت انتهى
أتكى مشاري على ورى وهو يمد ذراعينه على الكنب وضحك بسخريه : بعد فيه وقت ؟ حشى ماهي ملكه .. مساابقه!
ماردت عليه ومشت بهدوء طالعه
قال مشاري بسرعه وبغموض : بكره بتوصلك مشكلتك !
ناظرته بعدم أهتمام وكأن كلامه ماله معنى .. مع انها مو فاهمه اللي يقول
بس الظااهر هذا طبعه يقط كلام ماينفهم له !!!!
وقفت لما وصلت عند الدرج اللي يودي فووق .. هو صحيح مزووحي كثير وراعي بنات ..عكس الشخصيه اللي تبيها ... بس مافيه عيب لدرجه انها تعتقد ..ان من طبعه يقول كلام ماينفهم معناه !!
وش فيها كارهته كذا ؟ مع انه ماسوى لها شيء !
شكلها عاملته معامله مو زينه !! وهي اتفقت مع نفسها تعاامله معاملة الزوجه !!!
ناظرت باب الغرفه الكبيره اللي مشاري موجود فيها .. ترجع تعذر ؟؟؟
لا لا وش تعتذر .. قدامها العمر .. أسمهاااا أنربط بأسمـــه! ...للأسف !
....::::....
هذآ آلغيــآب آللي خذآنـآ
.. على وين ؟!
ڪل مع آلآيـآمـ عـآش بـسكـآتـﮧ
نزعل .. ونتضـآيق ونبعــد .. وبعدين ؟
..{ ڪل يدور لـﮧ عذر في حيـآتـﮧ !
لو صـآحبــڪ عن دنيتڪ غـآب يومين
ومنك ولآ حتى آلمرآسيـل جـآتـﮧ
وعـآدي آذآ طـآل آلجفـآ فوق
~ شهــرين !
يمكن يموت ومـآدريت { بوفـآتـﮧ !
اليـــوم الثاااني
كعادتها ضاامه عيالها النايمين لصدرها , والذكريااات تمر في بالها
والدمووع تسلــم على وجهها كل يوووم
ليـه يسوي فيها كذا ؟
ليه مايطلقهاا ويفتك ويفكها ؟؟
قامت بعصبيــه تاركه عياالها
ومسكت جوالها وكتبت لمتعب رساااله قصيره .. بس هالمره الرسااله تحمل معااني تختلف عن الشوووق اللي دايم ترسلها له .. كانت تحمل معااني عتااااب !
كآنـك نويت بخنجرك تفتق
{.. آلجـــرح !
آبشرك .. جرحي من آلعــآمـ
مفتــوق ..}
رمت جوالها على السرير وجلست على الأرض تفكر وتبكي
سمعت الجرس والباب يدق بالقووه وتروعت من قووة الدق
"متــعب ؟"
همست لنفسها بلهفه مع انها قالت من قبل انه مايهمها
هو عنده مفتااح بس يمكن نساااه من التعب !
فتحت الباب حتى قبل ماتقول مين , من لهفتهاا وشووقها تبي تعرف من على الباب متعـب ولا ....
جمدت عيونها على أخوها اللي مبين انه معصب : و .. وليد ؟
دخل وهو يدفها بعيد عنه : كل هذا يصير ولا تقولين لي ؟؟ ليه وش معتبرتني بالضبط ؟
التفت عليها بعد ماوصل نص الصاله وهي مو فاهمه سبب عصبيته : وش اقولك وليد ماني فاهمه شيء؟
كانت بتسكر الباب بس يد منعتها
التفت مستغربه وشاافت بياان تدخل : بيان ؟
دخلت ورى بياان حرمه عرفتها روابي على طول : حلا ؟
ناظرت بيان في حلا بمعنى تكلمي
وقالت حلا وهي تناظر في وليد اللي متكتف ومعصب : انا .. انا قلت لـ بيان علشان تقول لوليد عن اللي سوااه متعب بأول سنه من زواجكم!
همست روابي مو مصدقه : لييه حلا؟
جاوبها وليد بعصبيه : وتسأل ليه ؟
ناظرته روابي بألم : ذاك الشيء انتهى .. مرت عليه سنواات وعشنا احسن عيشه .. ليش نرجع نتذكره ؟
حلا : لأنا اللي صاار الحين رجعه !
وليد : وغااايب السيد متعب كل هالوقت بدون مايكلمك ولا يعتذر لك ؟
خذت روابي نفس كبيـر وهي تناظر في حلا : الله يساامحك
حلا بتوتر : انا سويت اللي ضميري قالي عليـه .. مستحيل اخليك كذا تعيشين بعذاااب !
وليـد بحزم : الحيــن ابيك تجمعيـن كل أغرااضك وتاخذين عيالك وعلى بيت ابووي !.. ومتعب ولد العم حساابه معي ... انا اليووم رحت لعمي .. وقلت له اما ولده يرجع ولا انتي ترجعين بيت ابوك معززه مكرمه
بكت روابي : وليييد وش سوويت ؟؟ وش هالتصرف ؟ هذا عمك!!
قرب منها ومسك ذراعها وهزها : اصحي روابي ؟؟ عمي على عيني وعلى راسي ماغلطنا عليه ... بس وش تسمى تصرفات متعب ؟؟ ماعندك اهل علشاان يتركك كأنك منبوووذه من حياااته ولا يسأل ولايدق عليك ؟؟ مانتي زوجته يعني ؟ ماانتي بنت عمه؟؟... روابي بتكونين متخليه عن كرامتك لو جلستي دقيقه وحده بهالبيت ..
قربت بيان من وليد ومسكته من ذرااعه : ولييد بشوي شوي عليها
روابي مسحت دموعها : مو المفرووض انت تقنعني اني أصبر ؟
ضوق عيونه بحده وهو يصر على أسنانه مو مهتم لبيان الي تحاول تبعده عن روابي : لا روابي .. كل شيء له حد ! ومتعب تعدى كل الحدود!
....::::....
بمسـح دموعي وآذكر آللـﮧ
{ و آصلــــي !
وآللـﮧ مـآبـﮧ شخص يسوى دموعي
وآللي ..{ نكــرني ورآح خلـﮧ يولي !
مـآطآح من صدري آخف لـ ضلوعي ..}
لبست اسيل فستان ابيض قصيير وخلت شعرها ساايح على أكتاافهاا
حطت مكيااج خفيف وناظرت نفسها بالمراايه برضى ..
تقدر تحس بأنووثتها الحييين
تحس بثقه وهي تطلع جمبـه
خذت نفس تستعد للمعركه اللي تتكرر كل يووم ..
ينتهي يومها اما بالضرررب .. ولا تسمع كلماات تسم القلب .. ولا يرووح يسهر على قولته عند نووره !!
مع انها حاسه ان نوره كذب في كذب .. وانه يبي يقهرها
" والله ماانقهر يازيااد وانا بنت ابووي "
قالتها بنفسها وهي ترفع حااجب بتحدي .. لحد الحين هي الفايزه ... وهي اللي متحمله ..
شكله بدأ يفقد أعصاابه ومل من هالحياه .. وده ترووح بيت اهلها اليوم قبل بكره
بس هي ماراح تحقق له مرااده
طلعت الصاله ومالتفتت له تناظره وهو مقابل التلفزيون
حتى لما صفر بأستهزاء لها ماعطته نظره..
جلست على الكنب مقابلته , وسندت رااسها على ظهر الكنب
وجمعت شعرها على جمبها اليمين ونثرته على الكنب
زياد بسخريه : وش اسمي هالحركاات ؟
ردت ببرود : سمها اللي تسميها !.. مادريت ان اللبس حراام بهالبيت!
وقف زيااد وقرب منها
وصاار واقف فووق راسها
رفعت عيونها بكسل ونااظرت فيــه
زياد بمكر : ابيض وعسلي والله وعرفتي تختارين !!
سوت نفسها مو فاهمه : عفواً ؟؟؟
حط يديه بجيووب بنطلونه : لمتى بتظلين كذا .. باارده ومو مهتمه .. ليه ماتروحين بيت اهلك وتنهين هاللعبه اللي تحولت من حماسيه لـ سخيفه !!.. ولا عاجبك الذل؟
رفعت حاجب : الحين اللعبه تحولت وصاارت سخيفه ؟.. بالنسبه لي يازيااد .. توها تشتعل حمااس ... والذل عاجبني .. لأن ماحد يدري عنه الا واحد متخلـف!
حك خده يسوي نفسه يفكر : وش تبين نوع العقوبه هالمره ؟ جربت عليك كل العقوباات الصعبه .. وبترك لك هالمره الخياار تحددينها
اسيل بلا مبالاه : اللي تبي تعودت عليهم كلهم وحبيتهم .. الحين لو فقدتهم بمرض !!
مد زياد يديه وجرها علشان توقف : ممممم اجل وش راايك اقولك وش احس تجاهك بهاللحظه ؟
حطت يديها على ذراعه علشان تستعيد توازنها اول ماوقفت .. وقالت وهي ترجع شعرها على ورى : لا انا افضل الضرب .. تعود جسمي عليه !
قال بأستمتاع : لا الأحساس
: الضرب !
: الأحساس
: الضرررررب
ابتسم بسخريه : كنت متوقع ان الكلام يقتل اكثر من الضرب.. وطلع توقعي صحيح
اسيل : جد ؟؟ لا ماحطيت في بالي من يقتل اكثر .. بس لأن لك يومين ماضربتني !
مسكها من أكتاافها بالقوه : جد ؟؟ ماحسبتهم !!
ناظرها ببرود .. وردت له النظراات
ماتدري كم مر من الوقت وهو على نفس نظرته
يحسسها انها ولا شيء بهالحيااه !!
ولا شيء بالنسبه له .. اذا تأذت مايهمه !!
حست انها لازم تبتعد عن هالنظرات ولا تنزل عيونها عنهم علشان ماتبكي وتخرب الي وعدت نفسها فيه
ماقدرت تنزل عيونها لكن حاولت تتملص من بين يديه : اتركني
حفرت أصابعه على جلدها النااعم بقووه .. وصرخت بصوت واطي من الألم : اتركني
حاولت تهرب بس ماقدرت
كان يتمتع بكل حركه مقاومه تطلع منها
وهي كانت ملاحظه هالشيء وودها تجمد بمكانها بس هالمره ماقدرت ..
تحولت نظراته فجأه لشيء مخيف
خلاها تجمد
حست انه يخطط عليها هالمره بشيء أقوى من كل اللي سواه من اول ماتزوجها
وما أمداها تكمل أفكارها الا مد وحده من يديه بيمسك وجهها
من خووفها طلعت كل قووتهااا ودفتــه بأقوى ماعندهااا وهي تصرخ : أبعــد يدينك عني
دخلت غرفتها بسرعه وهو وراها مبااشره
سكرت عليها الغرفه بالمفتااح وهو يدق على باب الغرفه من برررى بقووه : أسيــل أفتحي أحسن لك !..
عضت على شفايفها تبي ترجع لقووتها وبرود .. وماخذت دقايق الا رجعتهم
وزياد ماصار يحاول يفتح الباب بالقوه : ترى بكسـره لك !
قالت بهدوء : زياد تعوذ من الشيطان .. انت الحين معصب .. وبتندم لسويت شيء بهالوقت بدون ماتحس .. رووق ... وفكر ..
غمضت عيونها لما وقف عن دق الباب
سمعت صووت خطواته تبتعد
وقبل ماتستسلم للدموع
مسكت سجادتها .... وصلـت وهي تدعي ربهاا يصبرهااا ويحقق لها اللي في بالها..!
....::::....
تـابع في الرد اللي بعده ..
|
03-08-08, 08:52 AM
جديد مواضيع قسم الارشيف
العرض العادي
