!..:: الجــزء الثامن والعشرون ::..!
// كــذبــه قاسيـه //
..::::..
تعـال .. آعلمـك كيـف القصايـد تحـتـري لقـيـاك
تعـال .. انسولـف بقصـة هـواك .. ورحلـة التشويـق
كتبت الشعر لجل ارضي شعور ٍداخلـي .. مـا جـاك
و جاك ..!! و ما كسبت الا الولَه .. مـع ضجّـة التصفيـق
غمّض و اركب احلامك .. و شفنـي محتريـك هنـاك
لعـل الحلـم يجمعنـا .. و اضمّـك مـن قبـل لاتفيـق ..!
دخلت حلا وروابي ومرام على ضي وهم يضحكون على كلام قالته روابي
التفتوا وشافوا ضي خلصت وجالسه بهدوء
حلا بحماس صفقت : ياعيـــــــني على احلى عروووس
مرام تكمـل بحماس مماثل : لأحلــى معرس
روابي : هههههههههههه كل وحده قامت تمدح اختها واخوها .. زين والله !
قربت روابي من ضي قبلهم ونزلت وجهها لها مبتسمه .. بعدين شهقت يوم ناظرت وجه ضي الي منزلته : وش فيك ؟؟؟؟
حلا بتساؤل : وش فيها ؟
ناظرت بوجه اختها وتغير وجهها من الروعه : بسم الله عليك ؟ وش فيك تبكين ؟ صاير شيء ؟ حاسه بشيء ؟
مرام وهي تقرب من ضي : حلا الله يهديك وش بيصير يعني ..؟ اهدي وخلي البنت تتكلم
رفعت ضي وجهها بهدوء وهي تمسح دموعها بكفها بكل فوضويه مو مهتمه بالمكياج الي احتاس .. وقالت وهي تشهق بخفه : ضايق صدري
روابي : ليه بسم الله عليك ؟ احد قايل لك شيء ؟
هزت راسها بـ لا
وجلسوا ثلاثتهم حواليها وكل وحده تسألها وش فيها
زفرت بعد ماملت من اسألتهم : قلت لكم مافيني شيء
شهقت ونزلت الدموع مره ثانيه
مرام بخوف بدأ يزيد : ضي .. ماتبين اخوي ؟
حلا التفتت عليها متفاجأه : أي ماتبي اخوك ؟ هي وافقت برضاها
روابي : يووه حليوه خلي البنت ترد .. انتي النائب العام عليها ؟
ضي رفعت راسها وهي ترمش بعيونها بقوه : يالله صبرك " التفتت عليهم ودموعها مازالت تسيل " انتوا ماراح تفهموني !
حلا : ما راح نفهمك ؟ ليه ؟ جربي وشوفي
روابي : مهما كان قرارك بنتفهمك
مرام : ويــلي .. يعني ماتبي اخوي ؟
ضي بنفاذ صبر : مرااام احد جاب طاري اخوك ؟ " حمرت خدودها يوم تذكرت انه خلاص زوجها " انا بس ضايق صدري على امي
البنات : امك ؟؟؟؟؟؟؟؟؟؟؟؟؟؟؟
ضي نزلت راسها : أيـه ..... كل ليله وطول 20 سنه وانا اتقهوى معها واسولف ... الحين من راح يتقهوى معها ؟
لحظــه سكووت .... لحظة استيعاب ..... وبعدها لحظة انفجاااار
حلا : هههههههههههههههههههههههههههههههههههههه يتقهوى ههههههههههههه
وقفت روابي وهي تمسك بطنها : ههههههههههههه اقول وش فيها اثرها خايفه على القهوه
مرام الي حاولت تمسك ضحكتها وهي تعض على شفايفها بالقوه , وجسمها ينتفض من الضحك المكتوم : الله يهديك ضي .. من 20 سنه وانتي تتقهوين معها ؟ ليه من انتي بالمهد وخالتي معلمتك القهوه ؟
حلا + روابي : هههههههههههههههههههههههههههههههههه
حلا : ههههههههههههههه اصبروا اعلم البنات وامي .. وربي بتصيـر نكــــتـــه
روابي : ههههههههههههههههههه انشري كلامها بلوتوث
خزتهم ضي واسترسلت بالدموع من غير أي كلمه
عطتهم مرام نظره يعني اسكتوا خلاص , وهم ماقدروا ..
روابي : ههههههه استأذن دقايق وراجعه هههههههههه
دفتها حلا وهي تمشي وراها : أي هههههههههههههه وانا بعد
مرام : حلا ؟ الحين انتي اخت بالله عليك ! اتركي روابي تكمل ضحـ .. اقصد تروح تسوي الي عندها وانتي اجلسي عند اختك
أشرت حلا بيدها بمعنى مااقدر وطلعت ورى روابي يكملون ضحك على كلمة " تتقهوى "
ناظرت ضي مرام بنظرة استفهام : انا قلت شيء غلط " شهقت " مو هاينه علي امي اتركها واتزوج
مرام وهي تمسح دمعه على خد ضي : ههههههه الله يهديك ضوضو .. كل بنت راح تتزوج .. مو معقوله يقضون عمرهم وهم يتقهوون مع امهم .. لأن الأم تتمنى سعادة بنتها قبل أي شيء
ضي : بس امي متعووده علي !!
مرام فتحت عيونها .. الحين هذه من صدقها ملزمه على هـ القهوه ؟ : ضــي ....! .. هذا بيان تزوجت ماقالت خايفه اترك امي تتقهوى لوحدها !
ضي : ايه بيان ماتجلس معنا دايم .... يوووه مرام كيف افهمك ؟!
خذت مرام نفس وهي تدور الكوافير بعيونها : وين الكوافيره ؟
اشرت ضي على باب داخل الغرفه
وراحت مرام تناديها
طلعت معها الكوافيره وشهقت يوم ناظرت مكياج ضي " الفرعوني " الي اعتفس فوووق تحت : يالهوي .. انتي عملتي ايه ؟؟؟؟
مرام مسكت ضحكتها على شكل الكوافيره ... الله يستر اليوم تخزن ضحك عسى ماتنفجر بكي !! : لا بس العروس شوي متأثره على فراق امها وبكت وماحست بنفسها الا وهي تمسح دموعها بهالشكل
حركت الكوافيره راسها مستائه وبدت تلقي محاضرات على ضي انها راح تشوف امها بعد الزواج وماراح يتغير شيء
قالت مرام بصوت خافت والكوافيره تستعد علشان تعدل المكياج : والله لو تدري ان سبب البكي القهوه .. تتوقعين ترضى تصلح مكياجك وانتي خربتيه وبكيتي لهالسبب !؟
ضي ناظرتها على جمب : مرامووووه حتى انتي ؟
ابتسمت مرام وغمزت لها : يالله اتركك .. قبل ماترجعين تذكرين التمر وتبكين علينا الحين !
ضي : ههههههههههههههه أذلفي
قربت بيان من الطاوله الي جالسه عليها امها
وسألت بصوت عالي لأن صوت الأغاني يطغي على الجوو : يمــــه ... جدتي ويييييين ؟؟؟
التفتت امها عليها والأبتسامه الي توزعها على المعازيم مازالت على وجهها : وش تقولين ؟؟
ام متعب تصارخ علشان يسمعونها : تسأل عن امي ام محمد !!
بيان بنظرة شك توزعها بين امها وخالتها : ايه جدتــي وينها ؟ مو تقولون بتجي بزواج ضي .. ماشفناها جاات ؟ وين اختفت فجأه كذا ولا رجعت !؟
ام متعب : ههههههههههههه الله يهديك يابنتي وينها بعد , قلنا لك اخوها تعبان وبتجلس عنده
ام حمد : ايه كلمها ابوك امس , وماتقدر تجي , مع ان حالة اخوها مستقره لكن ماتقدر تتركه يايمه !
بيان زاد شكها وقالت بخوف وهي تجلس جمب امها : من زمان وانتوا تقولون انه تعبان وأنها خايفه تجي عندنا ويصير له شيء .. لكن مو معقوله تجلس طول عمرها هناك !!
ام حمد بلوم : يمه بيان .. وش طول عمرها ؟ ناويه تخلين الرجال يجلس مريض طوول العمر ؟
رفعت اكتافها وهي تسرح تفكر بجدتها : مااقصد يايمه , بس انتوا قلتوا حالته استقرت .. يعني المفروض جات , على الأقل الزواج بس , وبعدها ترجع " ناظرت خالتها بخوف " الا اذا مخبين علي شيء
ناظرت ام متعب اختها ام حمد وهي تبتسم
والتفتت بيان على امها وهي خايفه من النظرات الي يتبادلونها : وش هالنظرات وربي خوفتوني
ام متعب : نضحك عليك يايمه , يعني معقوله جدتك يصير فيها شيء وابوك وعمامك يسوون زواج ؟ والله لو بس سمعوا ان فيها شيء بسيط كنسلوا الزواج بكبره ودخلوا اختك على ولدي بـ سكات
تنفست بيان براحه وهي تحس ان كلام خالتها منطقي , مو معقوله بيسوون زواج وجدتها فيها شيء
ام حمد مسحت على شعر بنتها : قومي يايمه وسعي صدرك , وجدتك بتشوفينها قريب ان شاء الله , ادعي ان خالك يقوم بالسلامه
هزت راسها وهي تدعي بقلبها , وقامت بعد مارسلت للحريم الي على الطاوله ابتسامه ناعمه
ناظرت روابي الساعه في جوالها وهي تعقد حواجبها وتناظر البنات الي فالينها رقص ووناسه
جاتها مرام من وراها : روابي , ويـن حلا راحت ؟
روابي : ماادري اتوقع عند الحريم
كملت مرام مشيها بتروح للحريم , بس روابي مسكتها من كتفها وهي تقول بأرتباك : مرام
التفتت مرام : هلا ؟
روابي وهي تتلفت حوالي مرام : امممم بس بغيت اسألك .. م .. متعب ؟ اتصل عليكم ؟
ابتسمت مرام وقالت بحنيه وهي تمسك ذقن روابي وتثبته عن الحركه علشان تركز بعيونها مباشره : صدقيني لو راح يتصل , بيتصل عليك انتي !! لأنك اهم شيء بحياته
تنهدت روابي وهي تضغط على يد مرام الي على ذقنها بأمتنان
وتركتها مرام تدور على حلا
لفت روابي رايحه للمرايات تعدل زينتها وهي تفكر
توقعت انه يجي بدون مايقول لأحد , مثل ماقال اخوها وليد ... علشان يسويها مفاجأه
مو معقوله !! .. مو معقـــوله
زواج اخوه ولا يحضره ..!
جعله ولا صار شغل الي يبعده عن زواج اخوه الي كان صديقه بكل مراحل طفولته
شيء مايدخل العقل
زفرت وهي تعدل فستانها على أكتافها
وتفتح جوالها وتحط على رساله جديده
كتبتها بشكل سريع وحطت المستلم " أميـر قلبي "
انا على حطّت يدك // مجنونـك //
هذي هي آهاتي وذيك اشعاري
اشعاري اللي نصها بعيونـك
والنص الآخر في جفاك وناري
الا على طاري الجفا ...
وشلونك؟؟
{ .. ماعد تهمك يالقطوع اخباري؟
بهالوقت كانت بيان مستلمه غلا تحقيق بعد ماراحوا كل البنات يرقصون
تأففت غلا بصوت مسموع وهي ترجع لوضيعة الملل وتحط يدها على خدها : ترى كرهتيني حياتي بيان , قلت لك خطبه ولا زواج ماعاد يهمني
بيان بنفاذ صبر : يعني بتسوين مثلي وبتعاندين ؟!
غلا بتساؤل : اعاند وش ؟ قصدك مااشتري ملابس للخطبه ؟ " أبتسمت بسخريه " ابشرك رحت مارينا وتسوقت بضحكه من هالخد لهالخد , تعرفيني اعشق التسوق !
بيان : غلاااايه بلا أستهزاء وسخافه
غلا رفعت اكتافها : مااستهزأ , واذا مو مصدقه اسألي تهاني ماخليتها تشتري لي شيء , كل الأغراض انا الي شريتهم على ذوقي !
بيان : يعني مبسوطه وراضيه من هالخطبه ؟
رفعت غلا حاجب : من جدك انتي ؟ اذا شريت اغراض الخطبه مو معناتها اني مبسوطه ولا ابي هالخطبه اصلاً , بس مو معقوله افشل اهلي مره ثانيه
لوت بيان شفايفها : اجل عقلتي , بــس بـعد ايش ؟
غلا : اوووه , بيانوه اتركيني بحالي , ترى الي فيني كافيني , كل ماتذكرت انه بيصير خطيبي اكره الدنيا
ضحكت بيان ضحكه ممزوجه بأستغراب : هههههههههههه غلا , صدق انه طيح كرامتك وانتي طيحتي كرامته .. بس لاتكذبين على نفسك , كنتي تدفعين نص عمرك بس يصير حبيب القلب خطيبك .. و " التفتت تعطي غلا جمبها , وهي تخزها من طرف عينها " زوجك
غلا بنرفزه : بس الحيييين انا اكرررررررررررهه تعرفين معنى اكرهه ؟ انقلب الحب لكره
التفت بيان بحماس وهي مبتسمه : من قلبك ؟
ناظرتها غلا بأستغراب , هذه هبله ولا تستهبل : هيه , انتي وش يضحكك ؟ قايله نكته انا ؟ اقولك اكررررهه !!
بيان حافظت على ابتسامتها : وخير ياطير , كل العشاق اذا تهاوشوا يكرهون بعض " غمزت " هذا يسمى كره مؤقت .. اذا رجع الحب بعده , يرجع بقوه اكـــبر
انفتح فم غلا من الصدمه والدهشه : وش تخربطين انتي ؟ وش عرفك ؟
عقدت حواجبها وهي تفكر بعدين قالت بدهشه اكبر : ليكون حبيتي الفارس المغوار ؟ " كملت بأستنتاج ماراح تتناقش فيه " اكيييد اصلا لأن هالكلام ماحد يقوله الا الي غاارق في الحب من تحته لفوووقه !
بيان : ههههههههههههه
غلا : وش هو ؟؟؟؟ ماعندك تعليق ؟؟؟
بيان رجعت خصل من شعرها ورى وهي تنزل راسها بخجل : اصلا واضح علي , الله يفشلني .. فضحت روحي وانا اتكلم بهالحماس
وقفت غلا بتقوم ترقص من الفرحه بس بيان مسكتها بخوف , لأنها عارفه هبل هالبنت حتى وهي زعلانه وضايق خلقها مستحيـل يختفي فجأه : هي انتي وراك انهبلتي فجأه ؟ وحده تحب زوجها واعترفت لك تقومين ترقصين ليه ؟
غلا بفرحه : اخيييييييييييييرا , وربي اني قايله ان هالوليد خطييييير مستحيل زوجته تكرهه ههههههههههههههههه وناااااااسه
ناظرتها بيان على جمب : كش عليك , ضحكتي بلا سنون " قلدت صوتها " هالولييييد خطييييييير
غلا حركت حواجبها : تغارين ؟
بيان تكتفت : ماراح ارد عليك يالسوسه , .... وبعدين تعالي ! .. لاتغيرين الموضوع .. من صدقك كرهتي هالفيصلوه ؟
غلا بعصبيه : لاتغلطين
بيان رفعت حواجبها : وييييه وين الي تكررهه الحين لا اغلط ؟
غلا بتسلط : ايه انا بس الي اغلط عليه .. غيري لا
بيان : عله ... " فكرت شوي " تدرين اني ماحبيت هالفيصل ولا دخل مزاجي ابد ابد ابد
غلا طلعت لسانها لها : احسـن .. لا يدخل مزاجك
بيان : هيه وش فيك قلبتي دفاع عنه .. " وقفت " انا مااجلس عند مجانين .. تقول ماتحبه وهي ياويل الي يغلط عليه
غلا مسكتها من يدها : قلت لك اكرهه .. الي سوى فيني مو بسيط .. لو احد من معارفنا شافني ذاك اليوم بالمجمع كان صارت سمعتي سيئه عند الكل " تنهدت " بس خلاص صار خطيبي
بيان ابتسمت لها : ماالومك .. بس مااتوقع انك تستسلمين كذا .. هذه مو غلا الي اعرفها
غلا : وش تبيني اسوي
بيان : انا ماابيك تسوين شيء , بس خايفه من الي ناويه تسوينه
غلا : لا تخافين كنت ناويه كثير من قبل " تركت يد بيان وهي تحبس دموعها " بس بعد ماشفت معاملة اهلي لي تراجعت .. اهم شيء رضاهم
بيان : يعني بتعيشين حياتك طبيعيه اذا تزوجتي , مثل أي وحده متزوجه " بسخريه " طبعا غيري انا .. لأني في زواجي سويت الهوايل
غلا رفعت حاحب : لا طبعا ..
بيان تأففت : لاحووول توك تقوليـ ...
غلا تقاطعها : اكرر اكرهه
بيان : اوكِ
نزلت جسمها لمستوى راس غلا : ناظري عيوني
ناظرتها غلا مستغربه
بيان بأبتسامه : قولي لي وانتي مركزه بعيوني اكرهه
غلا بلعت ريقها : ل..ليه ؟؟..
بيان ضربت جبين غلا بخفه : لأنك عارفه أن عيونك الرصاصيه الحلوه تـكشف الكذب في كلامك بكـل سهـــوله
أبعدت غلا عيونها : ياالله .. ما احب اعيد الحكي
بيان بسخريه : توك مكررته
غلا : يووه بيــ..
وقفت الأغنيه وغلا سكتت
بيان بنفس وضيعتها : بتناظرين عيوني وبتقولي هالكلمه السهله .. الي تنطقينها مثل المويه .. ولا ؟
غلا : .....
بيان : غلاااا ...... غلآآآيه
غلا حركت يديها بملل : اوووه بيان ماابي اقول شيء
بيان رفعت جسمها وهزت اكتفاها : اوكي براحتك , اصلا عرفت الجواب
لفت رايحه وغلا ناظرتها وهي تصر على اسنانها .. وقالت بصوت واطيء سمعته بيان : تعرفيــن ان المشاعر مو بيدنا .. بس بحااول
ماردت بيان وابتسمت للبنات الي راجعين من المسرح وهم حرانين على الآآخر
بيان : عليكم عاافيـه , رقصكم لايعلى عليه
البنات : الله يعافيك
ساره : ناقصتنا ضي
عبير : ياسلام تبين ترقصين العروس ؟
تهاني : هههههههههههههه ماسوتها الا ضي
بيان : ههههههه من جد
البندري : وين الخيمتين السود الي يمشون
بيان : وش هو ؟
لينا : هههههههههه تقصد شيماء واسيل
شجون : حررررااام يالظالمه خيمتين سود ؟
تهاني : والله صحيح يبينون من بعيد لأنهم الوحيدين المغاتير ههههههههه وينهم مختفين
ساره : يوم قمنا نرقص راحوا صالة الأستقبال يشيلون الغطاء شوي .. ياخذون نفس مساكين
البندري : بس ناقصنا كيمرا نصورهم خخخخ
بيان : نذلــه هالبنت !
ساره : بيونه ماعندك مشبك شعر اسود ؟ وش ذا الحظ , ولاحده اليوم مسويه تسريحه مثلي !
وحركت خصله من شعرها طاحت
بيان : شوفي شنطتي هناك على الطاوله , اتوقع فيها كم مشبك
ساره : وين ؟
بيان وهي تأشر : هناك .. تشوفين لونها زيتوني
تركت البنات رايحه لضي
وساره مشت مع البنات وخذت شنطة بيان تحوس فيها
اقبلت عليهم ليلى وهي تصلح غرتها الي طولت شوي : بنات متى بتنزل ضي ؟
ماحد رد عليها
وشجون تنحنحت تبي احد من البنات الي عندهم خبر يتكلم
خزت غلا شجون يعني اتركيها
وتكلمت ساره بعد ماناظرت البنات بأستغراب لأنهم ماردوا : يمكن بعد شوي
جلست ليلى ببرود جمب ساره , الي مازالت تحوس بشنطة بيان
ساره بتحلطم : تقولي فيه مشابك ولا لقيت شيء
عبير : يمكن مو شنطة بيان
غلا : الا هي شفتها ماسكتها
ساره : هذا هي لونها زيتوني
وقفت ساره وهي تزفر وتعدل خصلة شعرها : بشوف امي يمكن عندها مشبك
راحت تدور امها , والبنات يناظرون في الي يرقصون
تلفتت ليلى بحذر تشوف اذا ماحد منتبه لها
وخذت شنطة بيان وحطتها قدامها بخفه بعد مافتحتها
فتحت شنطتها البيضاء وطلعت البوم بنفسجي ودسته بشنطة بيان بسـرعه عجيـبه
سكرتها ورمتها بعيد عنها قبل ما تلتفت وحده من البنات وتشوفها
وتنفست بأنتصار وهي توقف تبعد عن هالبنات الكريهيــن بالنسبـه لها .
بعد نص ساعه
كانت الأنوار طافيـــه بالقاعه
ومايبين شيء فيها الا الكوشه المنوره .. بأنوار ذهبيه تتناسب مع تماثيل " ابو الهول " الي فيها
طلعوا 6 بنات بعمر الـ 15 تقريباً , ثلاث على جهة اليمين وثلاث على جهة الشمال
لابسين لبس الفراعنه
ويمشون وهم يحركون يدينهم الي ماسكين فيهم الشموع .. بنفس طريقة الفراعنه بعد
على طبـله وموسيقى فرعونيه
اول ماوصلوا البنات الـ 6 على جوانب الكوشه
هز القاعه صوت انفجارات , وطلع في وجه الباب الكبير .. دخان ذهبي مع بودره ذهبيه لامعه مثل الذهب
صرخوا كل البنات الي بالقاعه بحماس
وانفتح الباب ببطىء كبيـر .. والرؤيه ضبابيه من كثر الدخان الي حوله
انسابت الحان الشعر بنعومه
والدخان بدأ يخف بشوي شوي … مع طلة العروس !
أطفوا أنوار الصاله الليلة علشان
........................................تشرق الشمس بعيون الحاضرين
حيوا أحلى طله بهذا الزمان
........................................ حيوا أحلى عيون وأحلى حاجبين
نوري الصالة وأضوي هالمكان
........................................ ياعروسة كل قلب وكل عين
هذي الليله يفوح الزعفران
.....................................هذي الليله نشم الياسمين
هذي ليلة عمر " ضي " من زمان
................................... تنتظر هالليله هذي من سنين
جيت بأكر من محاسنها ثمان
.....................................شعر وطول يغري العاشقين
والرموش السود وعذوبة لسان
..................................والبياض إلى يشع بهاليدين
وخصرها كنه غصون الخيزران
................................. لاتمايل كل خلق الله تميل
ياعروسة هالزمان وكل زمان
.................................... ياعروسة كل قلب وكل عين
مشت بهدوء وهي توزع ابتسامات على خواتها وبنات عمها الي واقفين على اليسار يصفروون بكل حماس
فستانها كان قطعتين .. مثل البلوزه والتنوره ... وناعم كثيـر
امتد ذيل الفستان الطوووووويل وراها , والورد الذهبي مرمي على طوله
الكوافيره قصت غره لها ومنزلتها على جبينها .. وباقي شعرها مرفوع وملور
والمكياج الذهبي والبني الفرعوني طلع منــاسب كثيـر لشعرها البني وبياضها
كانت طالعه كأنها باربي
اول ماوصلت درج المسرح .. انتهى الشعر
ووقفت
وجاتها ريم اخت فهد
شايـله ورود بيـضاء وتتخللها كم ورده ذهبيه في الوسط
مدتها لها وهي تنزل جسمها لتحت , كأنها تعطي شيء لأميــره
أبتسمت ضي لها وخذت الورد بهدوء ظاهري
وهي حاسه داخلها زلازل من الأرتبااك
اول مره يصير لها مثل هالشيء .. كل العيووون مركزه عليـــها
وياليتها كم حرمه
حست ان كل حريم الخبـر والدمام جاااو
أنسحبت ريم بعد ماانزلت بجسمها مره ثانيه لضي .. وهذه من تعليمات ساره لها !
كملت ضي طريقها للكوشه وسط تصفيق البنات والتصفير ..
وقفت عند الكرسي الكبيـر الملكي , الي حاطينه لها ولفهد .. بدال مايحطون ثنين حطوا واحد علشان تصير اقرب له
احمرت خدودها بأرتبااك وهي تدعي بنفسها انها تحافظ على هدوئها
ظلت واقفه والأنوار تشتغل بالتدريج من اول الصاله للكوشه
صلوا الحريم على النبي بصوت عالي
وبعدها دزوا , والباب الثاني ينفتح ويدخل بو حمد وعياله حمد وسطام ومشاري
وجمبه اخوه بو متعب بهيئته الي ذكرت ضي بفهد
فـهد ؟
تلفتت بعيونها ورى اخوانها تدور فهد !
وينه مادخل ؟ لـ يكون سوى الي براسه ومادخل ؟
ساره قالت لها انه رافض يدخل عند الحريم
ابتسمت تخفي خيبتها وابوها وعمها واخوانها يسلمون عليهاا
بنفس اللحظه التفتت حلا على بيان مستغربه : وين فهد ؟؟
بيان بأستغراب اكبر : شكله ماراح يدخل
غلا : احسسن علشان تاخذون راحتكم , افسخوا هالعباه وسلموا على أختكم
حلا دفت غلا من كتفها : اسكتي انتي , الحين ضي بتزعل اكيد هذه ليلة عمرها تبي زوجها يدخل معها
تهاني بعصبيه : وليه مايدخل مو معقوله
غلا : بسم الله كلوا الرجال .. انطموا ورحوا باركوا احسن
بيان : يالسوسه .. هالرجال بيزعل اختنااا .. وبعدين لاحقين على المباركه .. مانبي نفسخ عباياتنا بعدها حضرة سموه يقرر يدخل
شجون بهمس : استحوا على وجيهكم ياحظي خواته هني
تلفتوا يدورون ساره ومرام مالقوهم
أسيل : وين اختفوا ؟
عند باب القاعه الي دخلوا منها الرجال
نفخت مرام على فهد وهي تسمي عليه
ناظرها فهد بكسل من طرف عينه : خلصتوا ؟
ساره ضربته على كتفه من الجهه الثانيه : خايفين عليك يالمزيون هذا جزانا
التفت على اخته وقال بقوه : انا قايل ماابي ادخل عند الحريم بس علشان ماتزعل العروس على قولتكم
مرام : فهوود ! تراها عروستك لازم تحترم مشاعرها
فهد : آمنا بالله , ماقلنا شيء .. بس مو كل الرجال يدخلون فيه ناس عيب عندهم يدخلون
ساره ناظرته بدلع : اخوي حبيبي .. عاد حنا غييييييييييير
فهد : اقول ....
ساره أشرت بيدها بسرعه : خلاص لاتقول شيء ولاتعصب ادخل قبل مايدورك ابوي .. يظنك تمشي وراه خخخ
فهد : وانتوا خليتوا احد يدخل ؟ " ناظر مرام " خلصتي مني ؟
مرام : ههههههههههه اقرأ عليك طالع مزيون بهالبشت البني !
فهد وهو يدف باب القاعه من غير اهتمام : من زمااان مزيون
ساره تناظر مرام : يمـــه مغرور اخوك
كان بيدخل بس وقف وهو يلتفت على ساره ومرام .. وقال بكل جديه وهو يرفع حاجب : باللهي قولوا لي ... لو انهبلوا علي كم بنت .. وقالوا ما أطلع من القااعه الا قبل مااتزوجهم .. ذاك الوقت وش تستفيد بنت عمك ؟
هـ المره مرام هي الي رفعت حاجب : ساره ..
ساره ناظرت فهد نظره مضحكه : هاا ..
مرام : قلتي اخوك مغرور ؟
ساره حطت يدها على فمها كأنها غلطانه : سوري قمة التواضع
مرام نزلت حاجبها وابتسمت : صح عليك
أشر براسه يتحمد ولف بيدخل
ساره : انتظر نصفر علشان يناظرونك
قال وهو يدخل : بيعرفون اني دخلت بدون تصفير
مسكت ساره شعرها بقهر : اووووه بقطع شعري
مرام : ههههههههههههه
الرجال جلسوا جمب ضي وهم يدورون على فهد الي اختفى فجأه !!!!!
اول ماشافت الفرقه فهد يدخل .. ومبين من هيئته وكشخته انه المعرس
دزوا بسرعه
والتفت كل الي بالقاعه يناظرون
مشى بكسل وحِده بنفس الوقت وهو منتبه للعيون المركزه عليه
الي يشوفه يقول يمشي بين ضبااط ومستعد يلقي عليهم الأوامر
مسكت حلا ضحكتها وهي تناظر في البنات الي عيونهم أمتلت ضحك .. من هالرجال الي يمشي بثقه وعدم اهتمام
قالت ليلى من وراهم : ياثقل طينته شكله مغرور !
طنشــوا
لكن غلا ردت : أيــه كثار الي ثقال طينه
تأففت ليلى وهي ترسل نظرات حاده لغلا
وصل فهد لضي وأبتسم أخيـرا يوم شافها
مع ان الفرقه مازالت تدق
الا انه حس ان الكل مسك انفاسه
علشان كذا زادت ابتسامته وقربها منه وهو يبوسها على جبينها
ابتسمت ضي ابتسامه صغيره وهي حاسه بمشاعر مختطله داخلها
خجل على أرتباك على فرح
على حســد لنفسها
تحسد نفسها ان هذا الي قدامها زوجــها ...!!!
مع ان مبيـن عليها السيطره والتحكم والقوه
وهالشيء بعض الحريم مايحبونه بأزواجهم لأنه متعب
الا انها طـــايره من الفرح .. تحبــه بكل عيوبه
ومو مصدقـه ان هذا واقع
سلم على ابوه وعمه وعيال عمه
وجلس جمبها
تجمعوا البنات عند المسرح وهم يأشرون لضي الي تحرك عيونها كأنها تترجاهم يوقفون جمبها
التفت عليها فهد بعد ماقام ابوه وعمه يرقصون وكل واحد بيده خيزرانه : وش اخبارك حياتي ؟
فتحت عيونها وكأنها ماتوقعت انه يكلمها خير شر
قالت وهي تحاول تلف وجهها له : بخيـ ـر
طاحت عيونها بعيونه
ضـي .. لازم ماتستحين
كلمت نفسها بقوه ..
" خجلـك مو حلو
زاد عن حده "
تذكرت كلمات خواتها
بعدها نطقت بصعوبه غصب عنها : و .. انت ؟
أبتسم فهد وهو يعدل مقدمة شماغه : بخير دامني شفت هالوجه الصبوحي
" خلاص ضي نزلي عيونك "
شكل حلت لها السالفه
لأنها مانزلت عيونها
قرب مشاري منهم بنذاله , يوم شافهم مو بالدنيا
ضرب بكوعه ذراع فهد : اخينا بالله وين راحت السـيطره ؟؟! احسك مو قادر تتحكم بنفسك
أبعدت ضي عيونها اخيرا وحطتهم على اخوها .. وهي تتنفس بأرتياح
التفت عليه فهد ببطء وعطااه نظره خلت مشاري يقوم : بــل .. خلوني اقووم .. مو بعيده يدخلني السجن بعد
جلس عند اخوانه وهو يمسك ضحكته ويناظر فهد الي يخزه على جمب
جلسوا بو متعب وبو حمد بعد ماخصلت الأغنيه
وطلب حمد اغنيه على فهد
ووقفوا كلهم بيرقصون يوم بدت الأغنيه
رقصـوا ... لكن
وسـط أستغراب كل الي بالقـاعه
وأستغراب ضي أكثـــر
وقـف فهد وخذ الخيزرانه من مشاري الي ناولها له وهو يضحك وكأنه متوقع هالشيء
توسعت نظرات ضي وهي تشوفه يرفع البشت بيده ويرقص بيده الثانيه بالخيزرانه
ويراقص ابوه وبعدها عمه
وبعدها توسط هو ويا مشاري .. حمد وسطام وجلسوا يتراقصون
وفهد فيه ضحكه على نفسه
وكابتها بأبتسامه خطيره
صفقـوا البنات متحمسين وسط ضحكاتهم واستغرابهم
مو شيء غريب يرقص المعــرس !
لكن الغريبــه ان فهـد يرقص ؟!!!!!
وبزواج مين ؟؟ بزواجه !!
صرخت ساره من الحماس : عااااااااااااش اخوووي
ردت وراها غلا من الحماس : ورررراااا
ضربتها شجون على راسها بالقووه : هييييه خبله بنت أهو تقولين له ورا ؟؟
غلا حاست شعرها وهي تفرك راسها من قو الضربه : آآآي شجينه وش عليك ادلعه
مرام : ههههههههه ناظروا امي احسها بتبكي .. ماادري وناسه ولا تحسراً على اخوي الي انهبل
البنات : ههههههههههههههه
راحوا ساره وبيان لأم متعب وقربوا منها وهم يضحكون
ساره : ها .. يمه .. اشوفك بكيتي .. بس السبب ماادري يمكن .. على قولة مرام .. وناسه ولا تحسر على عقل اخوي هههههههه
بيان : ههههههههههه وجعوه سوير
ام متعب تمسح دموعها : الله يحفظه ويسعده هو وضي .... عسى مايجيه شيء الله يهديه
بيان مدت لسانها بمرح : اكيد ضي ما راح تخليه اليوم , بتتهمه بالأستعراض عند البنات
ساره بحماس : بس يطلعون عيال عمي بنط اتفااخر عند فهد
ام متعب : ليه يمه ؟ شايفته تمثال عالمي بتصورين عنده ؟
ساره : ههههههههههه لا يعني وناسه اخوي
سحبتها بيان وهي تهمس بأذنها : متأكده تبين عيال عمك يطلعون
ناظرتها ساره بأستغراب ... للحظه مافهمت
بعدها فهمت , شهقت وهي تدف بيان بدفاشه : ابعدي يالدبيه
بيان : ههههههههههههههه
راحت ساره تمشي وهي تناظر المسرح على جمب
جالس يرقص ولا بهامه شيء مثلها ..
تسولف وتضحك وهي خايفه من هالزواج الي ماتدري وش يبي !
ماكانت حاطه مشاري في بالها ابد .. ولا راح تحطه
رجعت تختلس نظرات لمشاري وهو يرقص
كان رقصه احلى واحد .. شكله يرقص كثير مع الشباب وفالها
ابتسمت بأستهزاء وهي توصل لطاولة البنات
راقبت بيان ساره وهي تبتعد وخدودها تحمر
وتنفست بأرتيااح
كانت تتوقع حزن بملامح ساره .. بس الحمدلله .. بس أستحت .. يعني صدق تبي اخوها مشاري
مو مثل ماوسوس لها عقلها .. انها تبي تاخذه علشان تنسى وليـد
وليـــد .. أبتسمت على هالذكرى , من غير ماتسمع خالتها ام متعب وهي تكلمها
وش جالس يسوي الحين ؟
عند الرجال ..
كانوا متوجهين للعشاء ..
بعد العرضه الي سووها
قال فيـصل بصوت عالي وهو يمشي بين الرجال : حياكم الله .. سمــوا .... أقلطوا
جاه وليد وخالد من وراه
خالد بأبتسامه : ياعيني يالي تركوه اخوانه .. واحد مسافر ماادري وين رايح .. والثاني تزوج
فيـصل : خوويلد .. مانيب فاضي لك , منهد حيلي
خالد : لا تشوه اسمي .. خالـد لو سمحت
وليـد : هههههههه فيصل لايهمك وانا اخوك .. خالد يحب يتحرش بعد تعب العزايم الكبيره
خالد ناظر اخوه : افااا انا ؟
فيصل يضرب ظهره من التعب : ان ماردها لي فهيدان , ان دواه عندي
وليد رفع حاجب : خدمه بدالها خدمه اجل
خالد : هههههههه آخر زمن !
قال وهو يطلع جواله الي يرن : ايه مافيه خدامات مجانا هالأيام .." ناظر بالرقم الخارجي وهو عاقد حواجبه " من هذا بعد
سكت الجوال قبل مايرد , ورمى جواله بالهوى بأهمال والتقطه وهو يلتفت يناظر الرجال : الا وليد .. ما جاء بو عصام صديق عمي ؟
وليـد وهو يميل بوقفته ويدور بعيونه : الا شفتـه من ساعه تقريباً .. بس يقول ماجاو اهله
خالد : وراه ؟
رفع وليد أكتافه بعدم اهتمام : ماادري والله .. المهم هو جاء مع ولده عصام
فيصل : والله سألنا عن عصام كثير علشان اختي .. والكل يمدحه
وليد : ايه سألني فهد عنه .. اسأله مطوله باقي شوي يفتح معي تحقيق بالقسم
فيصل : ههههههههه هذا فهد بعض الأوقات مايفرق بين الشغل والحياه الشخصيه
خالد : الله يعينه مانلومه .. مع ان شغله ارحم من شغلي
فيصل : ياشيخ عملهم خطر حتـ.. " سكت وهو يناظر في جواله الي دق مره وسكر " مااادري من هالبخيل الي يدق مره ويسكر
وليد : مو مسجل اسمه ؟
فيصل : رقم خارجي
وليد : ايييه اجل يقطع من عند الشبكه ... اسألني انا , بعض الأوقات اذا جيت اتصل يقطع
مااهتم فيصل ودخله بجيبه
خالد : ها .. اجل باقي على الخطوبه 3 ايام ؟
وليـد برواقه مخلوطه بسخريه : والله وكبـرنا ؟
خزه فيصل : وليـد .. وش قصدك هاه ؟
رفع وليد ايدينه كأنه ماسوا شيء : ماقلت شيء .. بس انت مع احترامي , ابد مو متخيلك متزوج " أشر بيده يمنع فيصل يرد " مو مسألة انك تاخرت بالزواج .. حنا تأخرنا قبلك .. لكن فيك شيء كذا .. مايصلح للزواج
خالد : هههههههه طلعت محلل نفسي ياخوي .... وانا ماادري !!
فيص : اقول ... بتزوج بدال الوحده ... أربع !!!
وليـد أبتسم : والله مااستبعد كـ تحدي !
فيصل : لا ماهوب تحدي , الله محلل اربع , مانيب مسوي شيء غلط
خالد : ايه دلل نفسك
ضرب وليد خالد على صدره بخفه : نعنبو العدو .. خطيبته تصير اخت زوجتك .. تبي زوجتك تتبهدل على اختها
خالد سوا نفسه متفاجأ : يوه .. جد ؟ .. افا .. ماتوقعتها منك ياولد عمي .. ماتوقعتها منك يا فيصل
فيصل : هههههههههههه توك معي مااسرع قلبت , على العموم .. صدقني كنت احسب ان وليد راح يتزوج اربع .. لأن شكله مدلل نفسه وفيـه شوي ... شوووي " وأشر بيديه وهو يرفع صدره " شوي بس ... ثقه ممزوجه مع .. والله مو عارف انطقها .. بس يعني مااتوقع يرضى بوحـ...
قاطعه وليد وهو يضحك عليه : اقول اها بـس .. روح شوف ضيوفك
خالد بمزح هامس : واذا تبي ثانيه تزوج ماعليك من احد
وليد : اقول خالد .. ورا ماتتزوج انت ؟
كشر خالد بوجه اخوه ومشى قدامهم : قوم نتعشى بس
فيصل : هههههههههههه روحوا يالله بروح اشوف الرجال الي يروحون مبكر
أبتسم وليد وهو يأشر براسه ويتبع خالد الي وقف يسلم على مجموعة شباب يعرفهم
دق جوال فيصل وهو ماشي , وطلعه بسرعه من جيبه ..
ناظر الرقم ورد : الووو ؟؟؟
جاه صوت متقطع : يـ ـا هـ ل .... ا...في...صل؟
عقد حواجبه وهو يسد اذنه الثانيه عن صوت الأزعاج الي عنده علشان يسمع : متعب ؟؟
أبتعد الصوت اكثر : أ..يه ...نع..م....فيص...ل ....هـد...ز ...اج؟؟
ناظر فيصل الشاشه وهو يكشر .. وش يقول ذا .. يمكنه يسأل عن فهد ؟
رجع يكلمه بصوت عالي : فهـد بخير يامتعب يسأل عنك .. ويييينك فيه ياخوي ؟
:.......
طيح فيصل يده الي شايله الجوال على جمبه بقهر وهو يتنفس ببطء ... وقت ينقطع الخط ؟؟ يبي يعرف وش يبغي متعب يقوله
اتصل على نفس الرقم بس يقطع مايكمل الأتصال
مشى وهو ماسك الجوال .. يمكن يدق متعب مره ثانـيه ويعرف وش يبي يقول ...!
عند الحريم وبعد ماطلعوا الرجال
فهد كان واقف جمب ضي .. والمصوره تلقي التعليمات بس فهد معاند
كانت ضي طويله ..
لكن طولها راح وطي وهي واقفه جمب فهد
زادت تكشيرة فهد وهو يلتفت على ساره : ورى ماتذلف هذه من قدامي وتجين انتي ولا مرام تصورون ؟
جاته ريم من ورى وهي تقترح بأبتسامه : وش رايك فهد انا اصوركم ؟
ناظرها فهد وقال بجديه : والله ياليت كانك تعرفين
ساره انقهرت منه : فهــد وشو يعني ياليت ريم تصوركم ؟؟ .. هذه مصوره محترفه يافهد لاتكدر على ضي يومها
ناظرت ضي ساره وهي ترمش بعصبيه .. و ودها تقوم تذبحها
التفت فهد على ضي يأشر على المصوره : تبين هذه تصورنا ؟
يوه شلون تتكلم وتقول رايها وهو يناظرها بـ هالعيون الواسعه ويكلمها بكل كسل ؟
قالت وهي تبلع ريقها : على راحتك
ناظر فهد اخته بأستهزاء : شفتي زوجتي على قلبي .. اخلصي علي وخلي ريم تصورنا ولا انتي صورينا .." خز المصوره على جمب " هذا الي باقي تلقي علينا الأوامر كأننا نشتغل عندها !!
زفرت ساره
ودفت ريم قدامها
راسه يااابس
قالت وهي تمر قدام ضي وفهد وتتحلطم : الله يعين ضي عليــه .. اللهم صبرها صبر ايوووب
انفلتت من ضي ضحكه خافته : ههههههه
ناظرها فهد رافع حواجبه : مصدقه اني بجننك ؟
أختفت الأبتسامه وقالت بسرعه وأرتباك : طبعاً لا
أبتسم فجأه ووهي طاح قلبها
بسم الله فجأه معصب ومعاند وفجأه يبتسم
عسى ماتجيها سكته قلبيه من مفاجأته " الخطيــره "
البنات مازالوا ماسكين شيماء تعليقات
صرخت بنفاذ صبر من الخجل : وربي اذا ماسكتوا بترك العرس لكم !
عبير : هههههههههه والله شكلك وانتي تشوفين حمد يدخل مايتفوت ههههههههههه
البندري : خخخخخ باقي شوي تقوم تجلس تحت الطاوله
غلا : هههههههه ياحياتي , اكره شيء لما نفوت هاللقطات بدون تصوير
شيماء : لاحوووول
تهاني : خلاااص زهقتوا البنت حياتهااا " التفت على شيماء " معليه كلها اسبوعين وهو زوجك ليه تستحين ؟
فتحت شيماء عيونها
أسيل : ههههههههه تبي تكحلها عمتهاا
بعد ماصور فهد وطلـع
نطوا البنات يفسخون عباياتهم متحمسين للرقص والتعليقات على ضي
سلموا عليها وباركوا وحده وحده ..
ويوم وصلت ليلى عندها قالت ببرود وابتسامه باهته وهي تمد يدها : مبروك .. ضي
أبتسمت لها ضي بطيبه : الله يبارك فيك حبيبتي
كملت ليلى بقلبها " عقبالي "
مرت قدام بيان الي تناظرها من طرف عينها
وأبتسمت لبيان بخبث
ومشت راجعه للطاوله
ناظرتها بيان مستغربه
وش هالأبتسامه الغريبه ؟! الله يستـر !
تأففت بنفسها لأنها جالسه تفكر بهالسحليه
عضت على شفايفها بمرح من هاللقلب وقالت بصوت عالي : سحليه ام الخلاقين
سمعتها شجون الي كانت وراها : شنووو ؟
التفت بيان بمرح : لقب مرت اخوي الجديد
شجون : ههههههههههه اما عاد !
غلا كانت جالسه تعلق على ضي
حست ان مرحها رجع بعد ماتكلمت مع بيان
ماتدري هل لأنها اكتشفته انها ماكرهته .. وماقدرت تقابل عيون بيان وتكذب
ولا لأنها تبي تنسااه وتحاول تكرهه قد ماتقدر ؟؟
نطت في بالها فكره
وراحت طيران لبيان الي تضحك مع شجون وقالت بسرعه ورجه : بيانوه بما انك اخت ضي المقربه .. واكيد تعرفين الي في قلبها .. علميني وش تفضل ضي أغنيه .. علشان اهديها لها " كملت تقاطع بيان قبل ماتتكلم " وابي شيء يناسب حالتها مع فهد " هزت حواجبها بخبث " ماادري انا وش شعورها .. بس تدرين هالمغرور لازم له معجبات .. ويمكن اختك من معجباته
بيان : هييييه اولاً .. زوج اختي مو مغرور
غلا : فكينا .. وعطيني الأغنيه هذا المهم
بيان : زييين لاتدفين ....... ممممممممممممم ....
غلا : والله ولا اسئلة الوزاره سويتي فيهم كذا .. حليتيهم كأنك تلعبين اكس أو
ضربتها بيان على كتفها : وجعوووه قولي ماشاء الله ياحمااره !
شجون تدخلت بينهم : هههههههه الله يعينج عليها بيان
فركت غلا كتفها : آآي وش فيكم علي اليوم ؟ وربي حرام وظلم .. بس يكفخون فيني .. والله يألم
قرصتها بيان على يدها : اخلصي قولي ماشاء الله
غلا : آآي ماشاء الله , ماشاء الله
بيان : سوسه
غلا بقهر : يالله عطيني الأغنيه اخلصي علينا
خزتها بيان وهي تفكر بأغنيه مناسبه
بعدها ابتسمت بوناسه : لقييييييتها .... بس " كشرت " مااتوقع تعرفها هالفرقه .. ذولي مطورين خخخ وهي عليها غباااااااااار كح كح كح
غلا بحماس : اخلصي المهم انا اعرفها ........ ايه ... اكيييد اعرفها مدامك تعرفينها ..!
بيان بأستغراب : ليه بتنقلينهم الكلمات ؟
غلا : لاحووول لقافه .. اخلصي !
بيان : زييين يوه ..... ممممم " حركت حواجبها " والله وتحقق منايا شـ....
صرخت غلا متحمسه : رشووود .. اكيد اعرفها وهم بعد يعرفونها .. مين مايعرفها انتي وهالوجه ... " انتبهت " بس تعالي تنطبق عليها الكلمات صدق ؟
بيان : مممم مو كلها أولها .. بس المهم اهداء ...! .. ويالله .. العفووو واجبي , وانقلعي مناك
ضحكت غلا
وراحت لأمها قالت لها شيء
بعدها توجهت للفرقه وأتفقت معهم
قالت الي تغني : أهــداء من بنت خال العروس إلى العروس
الكل سكـت والبنات ناظروا غلا مبتسمين وفيهم لقافه يعرفون وش بتهديها
غمزت غلا لضي من بعيد وهي تأشر بيدها
وضي ابتسمت لها
دقوا الحان الأغنيه
وبدال ماتنزل غلا عن مسرح الفرقه الصغير على الجمب
مسكت المكرفون , والابتسامه ماليه وجهها
وغنت وهي ماتناظر عيون البنات الي باقي شوي تطلع من مكانها
والله وتحقق منايا .. شوفوا فهــد معايا
يا أهل الحسـد والوشايا .. سعادة القلب وياه
حاولتوا وياما وياما .. زدتوا علينا الملامه
لكن وصلنا بالسلامه .. من يزرع الخيـر يلقاه
ياحاسدينا إليكم .. من خوف قلبي عليكم
حياتنا مو بأيديكم .. مكتوب عشنا وشفناه
والله وشبكنا الأيادي .. قدام كل الأعادي
رايق لنا الجو هادي .. سلم وانا قلبي حياه
والله وتحقق منايا .. شوفوا فهـد معايا
يا أهل الحسد والوشايا .. سعادة القلب وياه
صفقوا لها الحريم بحماس , على صوتها الحلو
وارسلت لها ضي بوسه بالهواء
وبس جات عند البنات سحبوها من فستانها
روابي : ليه ماقلتي لنا يالزفته وخليتينا نغني معك هاه ؟
غلا هزت أكتافها وهي تبعد يديهم عنها : نطت الفكره براسي اني اغني لوحدي , علشان اذهـــل الجميـع " مدت لسانها " لوحدي فقـــط وفقـــط
بيان : كش عليك وجايه تسألني على الأغنيه المناسبه
تهاني : قلتي لأمي ؟ يمكن ماترضى عن هالتصرف الأهبل وتزعل زياده
غلا : لا مانيب مجنونه ازيد الطين بله , استأذنت منها ووافقت , لأنه اهداء لضي !
مــر العرس بفرح وسعاده
والبنات حسوا انه افضل عرس تونسوا فيـه
كله سوالف وضحك
وكل وحده رمت همومها على جمب تبي تستمتع بهاليوم
ماعدا روابي الي كل دقيقه سرحت
راحت ضي بعد مارجعت تبكي من اول وجديد !
لأنها بتروح على المطار مباشره للأمارات !
باسوها بيان وحلا وهي يمسحون دموعها بالمنديل
حلا : اخلصي علي , متى مابغيتي ترضعين اتصلي علي اجي اسوي لك رضاعه
بيان : وانا البسك واصلح شعرك
ضي وهي تشهق : انتوا تبنات ماراح تفهمون شعوري " تلفتت " وين امي اختفت
حلا : لاحووول تراك كرهتي امي بعمرها , خلاص بكيتي لما شبعتي
بيان تزفر : البسي عبااتك يالله
مسحت ضي دموعها : انطموا .. مالت عليكم يالدببه
حلا : والله شوفينا عصاقل .. يمكن انتي تصيرين دبه بعد الزواج
وهزت حواجبها بخبث
ضحكت ضي غصب عنها وبيان دفتها بخفه : ايه اضحكي , خلي فهد يشوف ضحكتك مو تكشيرتك من اول يوم
ضي : هـه اسمع من يتكلــم
بيان : ضووويــه ؟!!!!
.....::::....
الأمارات – دبي ..,
غيرت ملابسها ببجامه لونها بيج .. وحست انها داااايخه ولو تغمض عيونها ثانيه راح تنوم
اول مره تتعب مثل كذا .. وزيااده على كذا ركبت طياره بنفس اليوم
يعني وصــل حدها
// ضــي //
طليت براسي أشوف اذا فهد بالغرفه .. والحمدلله مالقيته
ودي ارتاح خمس دقايق على الأقل قبل مايجي
تلمست تسريحة شعري وانا امشي بتعب للسرير الواسع
بعدين افك شعري الحين بنوووم
رميت نفسي بالموت على السرير الي مررتفع فوووق , كأننا نصعد على جبل مو سرير والله !
أبتسمت وانا اغمض عيوني على أفكاري
كل هذا من التعب لاحد يلومني
..مممم .. على طول النوم دغدغ عيوني وطـرت بعالم الأحلام
: حياتي ؟!
هممممم
حسيت بيد على كتفي تهزه بخفه
قلبت جسمي للجهه الثانيه
ورجع الصوت وهو يعلى اكثر : ضييي , يالله ضي قومي كلي لك شيء بعدين نامي
عقدت حواجبي , الحين هذا صوت مين ؟
اخوي حمد ؟ وش يدخله غرفتي
فتحت عيوني ببطء وأبتسمت وانا اشوف فهد جالس على طرف السرير ومنحني علي , ويده على كتفي
الللللللله ! يازينه من حلم ! ياليتني مااصحى
هـ الفهد ماخذ احلامي من سنين
بس هـ الحلم بالذات مو اول مره احلم فيه
تمددت بكسل ابي اطرد النوم بشوي شوي من أجفاني
وفتحت عيوني كلها وانا ارمش بسبب النور الي فوقي
: يالله يالكسوله لك ساعتين ونص وانتي نايمه ! كذا تتركي العريس من اول يوم
لفيت بعيوني مستغربه من صوت فهد الي ما راح , مع اني حسيت اني صحيت من النوم
كان مقلب ملامح وجهه بتحسـر , وكأنه يتحسر على عروسته الي تركته من اليوم الأول..
" اليوم الأول "
رجعت هالتفكير في بالي وانا اشهق واحط يدي على فمي
انا تزوجت فهد صح !
وش جاني فقدت الذاكره !!؟
جلست بسرعه ويده تطيح على السرير , وانا احرك يديني على تسريحة شعري الي اعتفست
قلت بعد ماناظرت بـ فهد الي رجعت ملامحه للجديه مع ابتسامه خفيفه على فمه : آ .. آسفه كنت ... ناويه .. انوم 5 دقايق بس ! وخذني النوم
توسعت ابتسامة فهد وهو يوقف : لا عادي حاس فيك حياتي , اغريتيني انوم واسحب على العشاء ماادري الفطور !
بادلته أبتسامته بأرتباك من سخافتي .. تركته ساعتين ونص ! اكيد بيصير فطور ..!
تكلم بطني يوم تذكر الأكل .. وحطيت يدي عليه بحرج
ضحك فهد فجأه وهو يمشي طالع من الغرفه : شكلك على غداك امس يالله قومي نتعشى
: نتفطر
صلحت له وانا اقوم منحرجه
كأنه يدري اني على غداي !
طلعت وراه وانا اراقب لبسه
بجامة بيت كحليه , الله مااصدق انه زوجي ! واني اجلس معه لوحدي في هـ الجناح
ولاااء اجلس معه على طاوله لحالنا بعد
وقفت وراه من غير مااحس وهو يطلع الأكل من الميكرويف
التفت فجأه وانا رجعت على ورى خطوتين بأرتباك
وش فيني كأني رجل آلي مو عارفه اسوي حركه طبيعيه
أبتسم لي وهو يحط الأكل على الطاوله : بررد الأكل فـ سخنته علشان نشتهي ناكله , بس لايغرك ترى مااعرف شيء بأمور المطبخ ! يعتبر هذا انجاز اني اعرف اسخن اكل !
ضحكت براحه وانا اساعده بترتيب الأكل : لاتشيل هم مثل ماقلت لك مره انا ربة بيت ممتازه
فهد : لا مانيب شايل هم , حاس انك قدها وقدود
جلس على الكرسي وانا جلست مقابلته
فركت يديني مع بعض تحت الطاوله , الحين العرايس كيف ياكلون قدام ازواجهم بأول يوم ؟
المفروض سألت بيان , مع اني أشك انها كلت قدام وليد
يعني اجوع ؟
تكلم بطني للمره الثانيه يوم جبت طاري الجوع
يوه عسى مااسمعه !
ضحك فهد ورفعت راسي اناظره مستغربه .. شكله سمع
قال وهو يمرر لي السطله اليونانيه : كلي قبل مايصرخ بطنك احتجاج مره ثانيه , وساعتها تشوفيني سندويتش لذيذ
عضيت على شفايفي من الأنحراج , وش ذا الموقف
مسكت الشوكه وجلست آكل السلطه كأني عصفور حبه حبه
وفهد ياكل بكل راحه ماشاء الله , ياليتني مثله !
فجأه وبعد الصمت سحب كرسيه جمبي وخذ الشوكه مني : انتي الظاهر مستحيه ولا ؟
ناظرته وانا افتح فمي بحتج
بس هو سكتني وهو يشيل كميه كبيره من السلطه ويقربها من فمي : يالله اخلصي علي مااحب الي يعاندون
وش اخلص عليه ؟
بلعت ريقي وانا احمر ولا فتحت فمي
قالي فهد وهو يبتسم : بتاكلين ولا اتصرف معك تصرف ثاني .... ياحياتي انا مااحب الدلع بالأكل , الزم ماعلينا بطننا !! صح ولا انا غلطان
رديت عليه بسرعه : لا ماادلع
فهد : يالله اجل اكلي هذه
مديت يدي بمسك الشوكه
بس هو بعدها وهو يمسك ذقني : يالله وحده علشان ماارجع مكاني مكسور
افتحي فمك ضي
كلمت نفسي كأني اهون عليها
وفتحت فمي بصعوبه واكلت السلطه
يظنني مثله اقدر على هالكميه ؟
فهد : كلــها !
: فهـ....هممم
فهد : ايه ايه كلها ماارجع وفي الشوكه شيء
مسكت الشوكه بسرعه وانا امسك ضحكتي من اولها تحكم حتى بكمية الأكل .. طيب يافهد بغيرك
كلتها ورجع مكانه ولأكله
بعد ماخلصنا نظفت الطاوله
ورحت الصاله وماشفته
: بسسسس..
التفتت متفاجأه من هالهمس الخافت
شفته عند باب الغرفه يأشر بأصبعه بمعنى تعالي
شب وجهي ضو .. وش فيه يهمس ؟ معنا احد ؟
رحت له امشي بهدوء وسحبني بسرعه داخل الغرفه وسكرها
ومشى بخطوات واسعه لأريكتين متقابلين
جلس وأشر على الأريكه المقابله : تفضلي
جلست وانا احرك يديني بحضني
قال وهو يتمدد على الأريكه بكسل : والحين نقدر نتكلم بعد ماشبعتي ؟
يووه ليكون يظن اني مااقدر اتكلم وانا ما أكلت ؟
قلت بصوت خافت : اكيد
ضحك يوم قرأ الكلام بعيوني : ههههههه بس قلت عيب ازعجك وانتي ماكلتي شيء !
مارديت .. لحد الحين ماتعودت على هـ الحياه الجديده
كمل يوم شافني ساكته وهو يتأمل فيني : عسى طلع الزواج نفس الي تمنيتي ولا خربته انا مع ذيك المصوره ؟
أبتسمت له : طلع احسن مما كنت اتمنى
فهد : الحمدلله اجل ..
وقف بعدها بأستعجال وهو يمسكني من يدي : اقول .. تعالي شوي
وقفت ومشيت معه عند التسريحه
طلع من الدرج علبه مخمليه بنيـه
وقدمها لي وهو يبتسم ويميل بوقفته بكسل : هذه هديـه لك
فتحتها بهدوء وناظرت طقم الألماس الي داخلها
وأبتسمت وعيوني تتوسع اعجاب : وآآآو مرره حلووه
رفعت راسي وانا اقول بخجل : مشكور
رد وهو يفك خصله من شعري : العفوو
طاحت الخصله على وجهي وانا اتمنى اختفي عن الوجود
نظراااته تذبح
حسيت جسمي كله ينتفض من شعــور خالج مشاعري
وانا اركز بملامح وجهه الهاديه والقويه
يمكن ما قالي شيء لحد الحين يخليني استحي
لأن طبعه كذا !
لكن في ملامحه شيء يجذب بـ قوووه كبيــره
حبست انفاسي وانا أغمـض عيوني .....,
....:::::....
26-07-08, 08:57 AM
جديد مواضيع قسم الارشيف
العرض العادي
