انا رأى ان المسلسل لازم يأثر فينا تأثير ايجابى لكن إذا أثر تأثير سلبى فالعيب بيبقى فينا احنا مش ف المسلسل واكيد زى ما فى حوادث طلاق بين ازواج أكيد فى ازواج اتصلح بينهم امور كتير بسبب المسلسل برده...... بس الحاجه الوحشه هى اللى دايما تظهر و الناس يتكلموا عنها كتير لكن الحاجه الحلوه محدش بيهتم بيها....وحوادث الطلاق مش بسبب المسلسل ابدا لأن الطلاق عمره ما هيحصل بدون وجود دوافع وخلافات بتحصل دايما بين الازواج ومش معقول يعنى يكون المسلسل لوحده هو اللى عمل الخلافات دى؟؟؟ و إذا كان حصل غيره عند احد الزوجين بيكون ده بسبب الطرف التانى لأنه مش فاهم العلاقه الزوجيه المفروض تكون عامله ازاى و بالتالى بيحصل نقص ف المشاعر عند الطرف الاول وبالتالى لما يشوف الحب والرومانسيه اللى بين اى زوجين اخرين مش شرط يعنى يكون المسلسل هيحس بالنقص والغيره ويبقى نفسه يعيش لحظات الحب دى مع زوجته أو زوجها......وأكيد حصل طلاق لأن كلا من الزوجين مش عارفين يحبوا بعضهم ازاى ...... الزوج مش فاهم طبيعة المرأه و الزوجه مش فاهمه طبيعة الرجل .....الاتنين لازم يكونوا فاهمين طبيعة بعضهم وكل واحد منهم يملأ فراغات واحتياجات الطرف التانى ........ وبما ان عدم الفهم ده موجود يبقى طبيعى يحصل طلاق أو حياه زوجيه غير سعيده تخالف ما اوصى به الاسلام........ وإذا كنا هنقول ان المسلسل به احداث غير متفقه مع الاسلام .... فإحنا كمسلمين نختار منها اللى يتوافق مع ديننا ونعمله واللى غير متوافق مع ديننا نبعد عنه ..... و إذا قلنا ان المراهقين ممكن بعملوا زى المسلسل .. أنا شايفه ان ده هيرجع لطريقة تربية المراهق إذا كان متربى تربيه صحيحه فاضله متدينه يبقى عمره ما هيقلد المسلسل الا بعد الزواج... والمراهقين والشباب عندهم مليون حاجه غير المسلسل يقلدوها لو تربيته غير صحيحه...... أنا عن نفسى عندى 18 سنه وبتفرج ع المسلسل وبتعلم منه ازاى المعامله تكون بين الازواج و ضرورة وجود الحب بينهم عشان يقدروا يتعاملوا مع بعض بحب ...و أظن ده تأثير ايجابى لأنى اتعلمت اللى يناسب دينى وهنفذه ف الوقت المناسب .... والتربيه اللى اتربتها هى اللى بتخلينى افكر التفكير ده و اعمل بيه لكن اذا شخص اخر فكر تفكير تانى أو اتأثر تأثير سلبى ده بيكون بسبب التربيه اللى اتربى عليها ... واللى بيفرق بين اللى يتأثر تأثير سلبى أو ايجابى هى التربيه ف الاول و ف الاخر