كاتب الموضوع :
الكرستالة
المنتدى :
الارشيف
.......
بالمطعم عند ياسر وسديم .. الاضواء الصفرا والموسيقى الحلوه .. رومنسيه مره .. بس سديم صديقة ياسر ليه جايين لهالمكان الرومنسي ..
سديم : وش هالمكان البايخ ؟؟
ياسر مستغرب : هذا بايخ !! وش افخم من كذا ..
سديم سكتت عنه .. ومسكت الجوال وجلست تلعب به .. تخفي توترها واشتياقها لياسر ..
اما ياسر جمد بمكانه يناظرها بشفقه .. الي يشوفها بهالعز يقول البنت سعيده بحياتها لكن الي يقرا الكتاب .. يشوف الحزن بداخل هالانسانه .. تاثر كثير بها .. وسديم حست بنظرته .. بجننها هالياسر .. ليه يناظرها .. هو مايحبها يعتبرها صديقه له .. لايكون مفكرها ريماس ؟؟!! .. رفعت نظرها وشافت عيونه الي تضعف قدامها .. آآه لو تعرف وش سر هالعيون .. اول مره تشوف عيون مثلها .. تحبه ايه تحبه ودها تقول له .. لكن كرامتها ماتسمح لها .. المفروض هو الي يصرح بحبه لها اول .. شكلها بيصير مو حلو لما تقول له احبك .. لكن آآه ياقلب الى متى بتتحمل .. رجعت سديم نظرها للجوال تخفي التوتر لكن وين يختفي .. !! .. ياسر طلب لهم الغذا .. الصمت مله .. الجو مو حلو كذا .. حلاته اذا طفر بسديم وخلاها تنقهر ..
ياسر : سدومتي ..
سديم رفعت راسها بمكابر : خير .. ماقلت لك لاتدلعني ..
ياسر باستهزاء : وش اسوي احبك ..
رن جوال ياسر ..
ياسر : هلا قلبي ..
تركي : ههه غلطان ترا انا موسديم ..
ياسر : يالبييييه ..
سديم ماهمها ظاهريا اما داخليا بتنفجر من القهر ..
تركي : اففف تقهرهم على حسابي ..
ياسر : هههه وش اسوي ياتروك ..
تركي : سكر خليك بالجو الرومنسي على صوت هالموسيقى .. وعقبالي ...
ياسر : يارب نفرح بيكم ..
تركي : آآه يوم المنى .. يلا باي ..
ياسر : بايات ..
سديم ارتاحت لما عرفت انه تركي .. وعرفت انه يقهرها .. لكن ليه مدامه مايحبني ليه يقهرني ..!! .. اما ياسر كان متضايق وباين عليه .. تذكر حال ساره وحب تركي لها يعني 65% تركي مايتزوجها .. وبهذيك اللحضه وش بيكون ردة فعل تركي .. !!
جابو الغذاء وحطوه بعدها ياسر رجع لسرحانه .. ماحط ولا شيء بفمه ..
سديم خايفه عليه .. لكن قالت بكبرياء : وش فيك ؟؟
ياسر تنهد وتساند على الكرسي : مشاكل كثيره ياسديم ..
سديم : وش مشاكله ؟؟
ياسر : عمار !!
سديم : نفسه الي شفناه بالسوق ..؟؟
ياسر : ايوه ..
سديم : وش فيه هذا الي قلب حياتكم .. والله انا مو فاهمه شيء ..
ياسر : عمار يبي ساره ..
سديم : وليه انتو ماتحبون عمار ..
ياسر : قلت لك هو قتل خالد .. !!
سديم فتحت عينها على الآخر : قتله !! .. والله هذاك اليوم مافهمت لك ولا شيء ..
ياسر : عمار مو زين .. تابع خمر ومخدرات وبنات ..
سديم شهقت : لا لا يكون تزوجونه ساره ..
ياسر بحزن : احتمال كبير يتزوج ساره لانه لو طلبها من ابوها .. وابوها همه فلوس .. يعني بيوافق عادي ..
سديم قلبها وجعها وطاحت دمعتها على ساره ..
....
ببيت ام ياسر ..
دخل نواف البيت .. شاف ام سديم وسلم عليها .. اعطى تاشيره الى غزل تجي له الغرفه ..
راح ولحقته غزل ..
نواف : تعالي يالعروس ..
غزل استحت ..
نواف : شفت عريسك ..
غزل : وين ؟؟
نواف : قابلته عند السوبر ماركت ..
غزل ابتسمت له ..
نواف : ماشفتيه سلم علي سلام حار .. مايسميني الا النسيب ..
غزل ضحكت .. مبين على بدور خفيف دم .. هي بس شافت شكله من سنه وانجنت عليه ..
نواف : لا تسرحين ..
غزل : قول لنفسك انت الي دايم تسرح ..
اختفت ابتسامة نواف .. مااحد بيفهم الي بداخله .. وده يصارخ ويقول مو ذنبي والله مو ذنبي .. لكن مستحيل يقول لاحد .. حتى لفهد ولد خالته !! ..
....
بعد ساعه دخلت سديم بيت ابو ياسر .. وسلمت عليهم كلهم .. اشتاقت لهم .. والله ان اهل ياسر يدخلون القلب ..
سديم : وين الغزل ؟؟
قمر : فوق مع نواف .. اكيد الحين بتنزل ..
سديم ابتسمت لها ..
نزلت غزل ووراها نواف سلمو عليهم ونواف استاذن منهم وطلع .. وياسر بعد شوي طلع ..
وجلسو مع بعض للمغرب ورجعو الفندق ..
...
يوم جديد .. الساعه 12 الظهر ..
سديم ركبت السياره : هلا ..
ياسر : هلا ..
وركبت ام سديم وسلمت على ياسر ..
ياسر : تراهم ينتظروكم على الغذاء ..
ام سديم : ايه تاخرنا من سديم مارضيت تصحى ..
ياسر ناظر سديم وابتسم لها .. وابتسمت له ماقدرت تقاوم ابتسامته ..
وصلو عند بيت ابو ياسر ونزلو .. وسلمو عليهم .. وجلسو ياكلون .. وياسر راح المجلس لان تركي كان موجود بعد .. وهناك نواف .. بعد ماخلصو غذاء راحو غرفة غزل .. بعدها بساعه راحو الصالون .. وبداو بالتعديل .. لين ماخلصو الساعه 7 المغرب .. وغزل كانت بقمة جمالها .. كانت لابسه فستان بيج يمسكه سير واحد على اليمين .. وكبير ومنفوش وفيه خطوط بالذهبي هذا مزود من جماله .. ومسويه شعرها تسريحه .. طالعه قمر ..
جا لهم السايق وراحو معه لبيت ام ياسر .. راحو على طول غرفة غزل .. وشافو هناك ياسمين وريماس .. وكانو بقمة جمالهم جميلات عليهم قليله ..
غزل : بنات انا خايفه ..
سديم تقربت منها وحضنتها تهداها ..
ريماس بهمس : ناظري المنافقه ..
ياسمين : ايه والله مالت عليها بس ..
طرق طرق ..
قمر فتحت الباب فتحه صغيره عشان لايبين احد ..
ياسر معصب : نادي لي زوجتي ..
قمر استغربته .. : وش فيك ياسر ؟؟
ياسر : القمر .. ناديها تكفين ..
قمر : طيب ..
دخلت قمر : سديم قيس يبيك ..
سديم قامت ولا علقت ابد .. مع ان عندها فرصه تقهر ريماس .. لكن الحين مو وقته ..
ياسر مسك يدها واخذها لغرفته ..
سديم سحبت يدها من يده : آآه ياسر وجعتني ..
ياسر دق قلبه بسرعه .. انا ماعندي قلب اوجع هالبريئه !! ..
سديم : وش تبي ؟؟
ياسر : الى متى بتتغلين .. دقيت عليك فوق 10 مرات ماتردين وخمس مسجات .. ومافيه فايده سديم ببرائه : ماكنت ادري . جوالي حاطته على صامت وبشنطتي ..
ياسر باستهزاء : لااا ..
سديم جلست على الكرسي .. : ياسر والله تعبت خلاص ..
ياسر نزل الى مستواها ومسك يدها وباسها : سديم .. انــ ـا .. مااقدر استغني عنك .. لانك صديقه غاليه علي ..
سديم وقفت .. رجع يقول صديقه : ياسر انا لازم اوقف بجنب الغزل .. يلا باي ..
ياسر : المهم ابي اشوفك مره ثانيه .. عشان بعدها مابشوفك الا بعد شهر ..
سديم : طيب ..
طلعت سديم في طريقها لغرفة غزل وشافت ريماس طالعه من الغرفه وتكلم جوال .. وريماس اول ماشافتها طالعه من غرفة ياسر انقهرت مره .. سديم طنشتها ودخلت .. وشافت داخل اخوات بدر .. شفاء الي تكرهها وعهود .. ومبين عليهم فرحانين بشوفة غزل ..
سديم : السلام عليكم ..
عهود وشفاء : وعليكم السلام ...
شفاء ناظرتها باحتقار مره .. تكره هالبنت ..
دخلت ام ياسر : يلا ياغزلان عشان تنزلين ..
غزل : لا يمه مو الحين ..
عهود ابتسمت لها : الى متى ..
غزل : اوووه قلبي يوجعني ..
نزلت غزل بعد التشجيع من البنات .. الانظار كلها عليها .. ياارض احفظي ماعليك .. غزل قمه بالجمال .. فيه وجهها جاذبيه ..
وصلت الى الكوشه وجلست .. والبنات وقفو بجنبها ..
بعد كم اغنيه .. ام ياسر قالت الى عهود تدق على اخوها عشان يجي عند الباب يدخل لغزل ..
عهود دقت على بدر ..
عهود : هلا بالمعرس ..
بدر : هلا وغلا فيك ..
عهود : يلا تعال عشان تدخل لزوجتك ..
بدر : قدام الناس ..
عهود مستغربه : اجل ..
بدر : لا ماابي ..
عهود : وش فيك بدر ..
بدر : عهود انا ماابي احد يشمت في غزل ..
عهود : يشمت !! ..
بدر : ايه تكفين خليها تدخل غرفه .. وانا ابي ادخل لها ..
عهود بحزن : طيب ..
سكرت عهود عن اخوها وراحت الى ام ياسر وقالت لها عن الي قاله بدر وام ياسر انقهرت وقالت لغزل ..
غزل : والله مااقوم الا ليما يدخل ..
شفاء وعهود ابتسمو لها .. عن جد هالبنت تجنن ..
راحت عهود ودقت على اخوها وقالت له عن كلام غزل .. مااوصف لكم شعور بدر .. اختار البنت الصح .. هالبنت بتجننه قبل لايشوفها .. J ..
...
يحسب إني أرقص وأغني ..!
وأنا من [ همــ‘ــي ] أرتجف .. !!
انتظروني بالجزء القادم ..
وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل .. ساره ) ..
|
11-07-08, 06:41 PM
جديد مواضيع قسم الارشيف
العرض العادي
