المنتدى :
عالم الشباب , ازياء شباب , موضه , موضة شباب , شباب
حركات للشباب الزقرتيه
فنيـــــات للشباب الزقرتيــــه
الشعر:
اذا كنت من محبين الجل فعليك باستخدام علبه سفن اب مع القليل من الفكس والقليل من عصير الليمون
للحصول على شعر جميل وانيق وصامد لمده اطول للقز في الشوارع والمجمعات وخصوصا مارينا مول
اما اذا كنت اقرع ماكو شعر او ان الشعر عليه السلام من كثر ما تعابل فيه وصلعت ماعليك الا انك يا تطقها جريمبه ولا تلبس كاب
اللي بايقه من اخوك الصغير وداعس صماخك فيه حق القز
وحبذا لو كان الكاب بو زري العقيدي اللي في قضوض
الملابس:
يجب ان تكون الخزانه مملوئه بالجينز الـ لو وست والاندر الوير المزكش
يفضل لو كان وردي او فوشي مع القليل من الاصفر الفسفوري عشان تلفت الانتباه
او تشتري على سكوبي دوو ولا ميكي ماوس يعني انا الكيوت ياملقي
ويجب عليك ارتداء تيشيرتات اصغر من حجمك بآلاف المرات حتى تظهر روعه قوامك وكرشتك الساحره
واذا كنت معضل يفضل انك تلبس بدي اكس اكس سموووول عشان تفهم الناس انك معضل
وشكلك يصير شكبرك من فوق وشصغرك من تحت جنك مثلث مقلوب
الهيئه:
حبذا لو كان الويه ديرتي واملط الشوارب وحف حواجبك وسو بدكير ومنكير
ولازم انك تكون زبون دائم لمحلات الحلاقه النسائيه عفوا اقصد الرجاليه ويفضل انك تسوي اشتراك دايم لهم
وكون مطلع جيد على احدث القصات العصريه مثل الديج الحول..ويمه مسكتني كهربه
المشيه:
كن واثق جدا من مظهرك الفولاذي وامش بالمجمعات جنه محد بعينك شي
وخز البنات بطرف عين يعني انا اللي مايهموني البنات
بس كنت حذرا جدا حتى لا تطيح وتتكرفس ويكون الوضع حده مو شي
طريقه الكلام:
اجعل كلامك مسبوق بـ حبيب قلبي بوخالد بو جاسم بوطلال وحبذا لو كان الصوت عالي
حتى يسمعون الناس حجيك الفاضي اللي مالي المجمع
ولو مريت على بنت اخذ كلمه من سالفتها ودش عليها عرض جنك عارف السالفه
وان دمك خفيف وعسل وكيوت ولازم تنعجب فيك
بس مالي شغل بالنتيجة لو يات عكسيه وعطتك ذاك الراشدي اللي يبيض الويه
طريقه الاكل:
اذا كنت في احد المجمعات الراقيه او المطاعم الراقيه
امسك الشوكه والسكين اللي ممسوحين من قاموس حياتك بكل لطف و رقه
واكل شوي شوي وسو روحك ان الاكل مو هامك حتى لو كنت ميت يوع
وحبذا لو تحاول انك تخلي مكانك نظيف وهدومك نظيفه ولو احتجت صدريه لامانع من استخدامها
عشان البرستيج مايخترب و تتوصخ هدومك
اما اذا كنت بكافيه:
من اهم الشروط انك ماتشوف المينو وسو روحك متعود على الكافيهات
ولو تدري انك مو مال هالاشياء وبس تعرف كابتشينو
واذا كنت ياهل وهذا مصروفك الاسبوعي اللي بتشرب فيه قهوه ومنت متعشي
بس ميخالف اسأل ربعك قبل لاتدش
ولا احد من خواتك وقوله بدون اخطاء رجاءا
واقعد في مكان الكل يشوفك وخصوصا الجنس الناعم
وسو روحك انت وربعك مهتمين بالقضايا الكشخه
يعني مثل ارتفاع الاسهم وامور المجلس
وحاول انك تتكلم بصوت عالي شوي
ومن الحجي البطالي
ها بو خالد شرايك نشتري هالسهم وها شرايك بنبيع هالسهم
وحبذا لو تطري امور الشاليهات اللي مالك خلق تروح لها
واملاك الوالد الله يحفظه اللي يقعد بفاينله علاق ومتسلف من السايق
وانك مليت من السفر وماودك تسافر هالصيف
ولا سيارتك اللي داعم فيها وماتبيها وبتاخذ بدالها باجر بنتلي
يعني من هالسوالف
وكل ماتتكلم بسالفه تأكد اذا البنات معاك ولالا
وصدقني النتيجة مضمونه
بتحب ايدها البنت وتقول الحمدالله والشكر مينون مو صاحي
بالسياره:
حاول ان السياره تكون كشخه
وحط ما وراك ودونك عليها وحتى لو ماتاكل ولا تشرب بس اهم شي الرزه مو جذي؟
واهم شي تكون الساعه ماركه وحاول انك تلبس تي شيرت نص جم
عشان تبين وتحط ايدك على الجامه يعني ها شوفو ولد عز
اما اذا كنت لابس دشداشه صفطها لين توصل لى حنجك بس عشان تبين الساعه
ولا تتلفت وايد وتتحرك عشان النسفه لا تخترب
ويشوفونها البنات ويقولون واااوووو ولد عز هذا
وحاول كثر ماتقدر انك ماتصير خفيف
ومن تشوف بنت بـ كورولا ولا صني جنها صبوحه الا ولحقتها
خلك ثقيل ولا تتلفت وايد وسو روحك ان الوضع مو هامك
ومن تشوف وحده ملتفته عليك عطها ذيك النظره ولف عنها
راح تسحرها بنظرتك الفولاذيه والنظاره ام دينار ونص
التعديل الأخير تم بواسطة Rehana ; 08-07-12 الساعة 10:42 AM
سبب آخر: تعديل المد في العنوان
|
03-07-08, 07:22 AM
جديد مواضيع قسم عالم الشباب , ازياء شباب , موضه , موضة شباب , شباب
العرض العادي
