لو خايفه
غناء : تامر حسنى & شيرين
كلمات : بهاء الدين محمد
الحان : خالد عز
لو خايفه اضمك تلاقي الامان
لو تايهه في قلبي تلاقي الحنان
اه اجيلك لو انتى في ابعد مكان.... لو خايفه اضمك تلاقي الامان
حبيتك وفي بعدك قلبي معاك
حبيتك مش ممكن انسى هواك
اجيلك لو انتى في ابعد مكان .... لو خايفه اضمك تلاقي الامان
انا حاسس كأنى قابلتك زمان
انا عايز اقولك بحبك كمان
قوليلي حجيلك انور سماك
حكايتنا حكايه كتبها ملاك
انا جمبك وحياتى مكان ما تكون
وملكتك خلتنى ملكت الكون
اجيلك لو انتى في ابعد مكان .... لو خايفه اضمك تلاقي الامان

لو كنت نسيت
غناء : تامر حسنى & شيرين
كلمات : مجدي النجار
الحان : رياض الهمشري
لو كنت نسيت افكرك حبيبي ... ما نا كنت نسيت افكرك حبيبي
لو كنت نسيت
اخرك هنا اخرك انا اخر ما كنت بتتمنى
قلبي البرئ حبي الجرئ شئ مستحيل تقدر تنساه
ليلك انا سهرك انا والهمس والشوق والاحساس
شهد الحياة انا منتهاه وانت اللي عندي بكل الناس
لو كنت نسيت افكرك حبيبي ... ما انا كنت نسيت افكرك حبيبي
لو كنت نسيت
صوتك انا حسك انا حسك تفكر تنساني
تقدر تعيش متحبنيش تقدر تجيب حد مكاني
روحي انا اقدر انا انسى اللي مخلوق علشاني
ما انا لو نسيت يبقا اتنسيت ما انا مش هعيش بعدك تانى
لو كنت نسيت افكرك حبيبى .... ما انا كنت نسيت افكرك حبيبي
لو كنت نسيت

الــــبــوم (حـــــب)

قرب حبيبي
غناء : تامر حسنى
كلمات : مصطفى مرسي
الحان : وليد سعد
قرب حبيبي قرب تعالى ليه سايبنى في نار يا حبيبي ليه سايبنى في نار
انت اللي في قلبي ولا غيري في قلبك يبقا ليه نحتار يا حبيبي يبقا ليه نحتار
هتتداري وانا ادار وتقيد نارك وناري وتموت وتعرف اخباري وانا اموت م الشوق واحتار
ما تقرب وانا اقرب فيها ايه لوحتى نجرب مين عارف كده لما نقرب نرتاح من دي افكار
تعمل ناسيني تعمل بايعني لو تحاول تبعد عني هيه ليله يا دوب
هتجيني تانى محتاج حناني ده اللي بينا انا وانت يا عمري صعب عنه نتوب
هتتداري وانا اداري وتقيد نارك وناري وتموت وتعرف اخباري وانا اموت م الشوق واحتار
ما تقرب وانا اقرب فيها ايه لو حتى نجرب مين عارف كده لما نجرب نرتاح من دي افكار
قال يبعد عني حبيبي قال يبعد قال وانا اسيبه لو ياخدو عين من عيني انا اروح من تانى واجيبه
قال يبعد عني حبيبي .. قال يبعد قال وانا اسيبه

حـــب
غناء : تامر حسني
كلمات : نصر محروس
الحان : وليد سعد
حب كان فين الحب قبل ما اهواك .... بكرة مش عايز بكرة الا وانا وياك
لوهعيش انده بكلمه تبقا اسمك .. لو هعيش احلم ببكره يبقا منك
ياللي احلى سيره لما بتيجي سيرتك.. ياللي عمري ابتدا من يوم ما شوفتك
حب كان فين الحب قبل مااهواك .... بكرة مش عايز بكره الا وانا وياك
لو تسيبني مش هعيش انا تاني بعدك
عمري ما شوفت الحنان غير وانا جمبك
ياللي جوا جوا قلبي حفرت صورتك
كل املي في الحياه افضل في حضنك
لو هعيش انده بكلمه تبقا اسمك .. لو هعيش احلم ببكره يبقا منك
ياللي احلى سيره لما بتيجي سيرتك .. ياللي عمري ابتدا من يوم ما شوفتك

الوحده بتقتلني
غناء : تامر حسنى
كلمات : ايمن عزمي
الحان : تامر حسنى
الوحده بتقتلنى ولا حد بيسئلنى انت عامل ايه
مجروح مين جرحك.. تعبان مين تعبك .. وحبايبك ناسينك ليه
لاقريب ولا صاحب يسمعني ولا حضن حبيب بقا بيسعني
مش قادر اتحمل واصبر وانا كل الناس بتودعني
ببكي ولا في ايد تتمد تمسح دمعتى من ع الخد ليه كل ما الفرح يجيني في دقيقه الاقيه يتهد
حرام اعيش لوحدي وسنين العمر تجري في عذاب مالوش نهايه
وافضل عايش في وحده وعذاب ودموع وغربه ولا قادر اقول كفايه
وآآآآه .. ولا حد بيفكر فيا يجي يسئل لو مرة عليا
يجي يصبر قلبي وروحي ع الوحده اللي بتقتل فيا
سايبنى لوحدي بتالم مش عارف مع مين اتكلم
مش لاقي انسان اشكيله وف حضنه ابكى واتظلم
حرام اعيش لوحدي وسنين العمر تجري في عذاب مالوش نهايه
وافضل عايش في وحده وعذاب ودموع وغربه ولا قادر اقول كفايه
الوحده بتقتلنى ولا حد بيسئلنى انت عامل ايه
مجروح مين جرحك.. تعبان مين تعبك .. وحبايبك ناسينك ليه