اولـــــــــــــــــي
الحق علي يا شرف
ضليتك وراهم لبلما عم اشوف حركاتهم
ولا اليوم سمعت صوت
يا ماما انا كتير مرعوبة


هديك المرة كنت قاعدة وبناتي بيلعبو بالجهة التانية من الغرفة
في بالغرفة متل المرجيحة بس في باخرها خيط مطاط كبير مستحيل يتحرك بسهولة

كنت قاعدة اجت عيني عليها لمحتها بتتحرك
والله العظيم ما عرفت شو اعمل دموعي اتجمعت بعيوني وبديت احكي بسم الله بسم الله
قلت اكيد الصغار بيشوفوهم
ناديت ع عنود وقلتلها حياتي في شي ناك

قالتلي اه ماما ليه
من يوم ما قالت اه صرت ابكي
ف بتحكيلي لالا ماما ما في شي خلص لا تبكي

اجت زميلتي بالشغل وسبحان الله اطلعت ع نفس المكان وبتطلع علي
بقلها هاد ليه بيتحرك
بتقلي ها !! لالا لا ما بعتقد لالا
انصدمت يا حرام بتقلي انا رايحة باي

بقلها اولي خديني معك واخدت بناتي وطلعت



اليوم

كنت بالمطبخ عم اسخن الاكل للبنات وكنت لوحدي سمعت صوت وراي ما عطيتو اي اهتماما
وفجاة سمعت صوت بنت صغيرة بتبكي وقفت ولفيت وراي بسرعة
ما لقيت شي والصوت سكت
بعدما رجعت اكمل الي كنت عم اعملو رجع صوت البكى مرة تانية
وما بعرف اجى ببالي موضوعك عن الاشباح انكسر الصحن الي بايدي وصرخت وركضت برا
ما بخبي عليك حسيت لما ركضت انو حد بيركض وراي بدو يمسكني كانو بيحكيلي ضلك هون

اول ما طلعت برا
وقفت وبقيت خايفة
حسيت بدوخة وضليتني ابكي واسعيذ بالله

عنجد شي بيخوف






زميلتي الي زكرتها بالقصة الاولى صارت معها حادثة انها سمعت صوت حد بيقلب الكتب بصفها وما كان في حد
وكمان سمعت صوت حد بيمشي بالممر وكمان ما كان حد


الشبحين موجودين بالحضانة هم واحد رجل لابس ابيض والبنت الصغيرة كانها لابسة فستان احمر

القصة الي صارت معي اليوم
شفت الناني وقلتلها هيك هيك وسمعت صوت بتقلي يمكن ولد وانت ما شفتيه بقلها لا سمعت صوت بنت
بتقلي اه خلص فهمت
ف حكتلي يمكن بدها اياكي تساعديها

بتسدق شرف وهي بتحكي بدها اياكي تساعديها حسي انها واقفة جنبي وقلبي صار يدق بسرعة
اوليييييييييي فوت بسرعة واحكيلي شو التفسير
انا خايفة ارجع ع شغلي


ميرسي

اهلا اخي شرف
اول شي الحمدلله ع السلامة
وتانيا

ما بتتصور قديه انا خفت لما سمعت الصوت ولما شفت المطاط بيتحرك
علما انو لحد الان في كل الاوقات بتلاقيه بيتحرك بس الحمدلله قدرت استوعب الوضع واقعد هادية بس اكون لوحدي لا


بالنسبة ل قصة الرجل والبنت
صدقني ما تركت حد وسالتو الكل بينكر انو بيعرفو القصة
في منهم بيحكو حادثة قتل او حادثة انتحار
انا بحكي يمكن كانت حادثة غرق
لانو هديك المنطقة كانت كلها بحر و طمروه وعملو بنايات
يمكن يكونو غرقو بهديك المنطقة
بس الانا المرعوبة منو شو بدها مني ؟؟
ليه انا بالذات
يعني كانت تطلع لوحدة بس بالحلم ما حد عمرو سمع صوتها
ليه انا ؟!!
حكيت لزميلتي بالشغل
فقالتلي ما تسمعي كلامهم لانهم مسيحين ف بيامنو كتير بالاشباح وانو الاشباح بدهم مساعدة منهم

طيب برايك ليه حسيت انو حد بيركض وراي بدو يمسكني يحكيلي ضلي
ولما حكيتليالناني انها بدها مساعدتك
حسيت انها جنبي ؟!!
الي محيرني شرف
الاشباح او مهما يكونو عندهم قدرات بتفوقنا
يعني مثلا تحريك الاشيا والاختفاء والظهور لاي كان
يعني شو بنقدر نساعدهم

وسوري كتير اني خربطك
بس انا عم احكي الي سمعتو

ما بتتصور شو خيفة وانا عم ارد هلاء




ميرسي