كاتب الموضوع :
شـــــروقـــــ روح
المنتدى :
الارشيف
الجزء الاول...,,,
جالسة تطالع من نافذة غرفتها .....اللي تشاركها فيها اختها....كانت تتأملة... وهو يطلع مع اخوها من بيتهم....,,, مو مبين علية أي اثر للمرض..... جسمة مافية شئ نفسة على ماهو ماتغير.....وجهه عادة بنظارتة واشراقة..... مع مرضة الا انه عاده رافع راسة بكل شموخ....تأملت ضحكة وهو يضحك....الللي يشوفة مايقول هذا حال واحد مريض...... تنهدت بصوت شبه مسموع........
..سارة حرام عليس اللي تسوينة في نفسس....احد يعذب نفسة بنفسة.... خلاص ان شاء الله ربي يزرقس باللي احسن منه..... كان هذا صوت اختها اللي وقفت جنبها.....
سارة: ماسويت شئ ....بس جالسة اشوف اللي كان حلمي من 25 سنة....من يوم طلعت على الدنيا وهم يقولون.... سارة لسعود ...وسعود لسارة....لية يعلقونا ببعض.... واللحين يقولون مريض مايصلح لس.... االامل في انه يعيش سنتين... انا راضية .... بااخذة ..لو بس مافي امل يعيش الا يوم...انا راضية....المشكلة محد يفهمني...شخص عشت 25 سنة وهو لي..... 25 سنة وانا مافكرت في شخص بيكون زوج الا هو....
منيرة: انسية ياقلبي... انسية مثل ماهو نساس...,,,
صرخت سارة: مانساني... والله العظيم مانساني...
منيرة: سارة لاتحلفين هو نسى ... لو مانسى ماكان خطب بنت خالته....
سارة:امه اللي خطبتها.... وخطب بعد مالقى الرفض من مرت ابوي اللي تكلمت بالساني.... وكأنها هي اللي بتتزوج.... وياليتها بس رفضت... شرشحتة وبهذلته لانه مريض.. كيف يخطب وحده بجمالي لواحد مريض مافي امل من علاجة.....والله حرام اللي تسونة فينا... احنا راضين ببعض...لية تفرقونا..؟؟؟
منيرة: مو انتي اللي قلتي لاحد يقول له اني مو انا اللي رفضتة
سارة: ماحبيت احط عنده امل انه ممكن ياخذني وهو ماراح ياخذني....لاني ماراح اتزوج بدون موافقتي خالتي....
محد حاس بالنار اللي بقلبي... والله محد حاس.... ؟؟..
منيرة:اذكري ربس... ربس كريم...لو لس نصيب فية... وله نصيب فيس.. بتاخذين لو العالم كلها مارضت.....ربس كريم....
سارة منييييييييييييييييرة وينكم يابنات تعالوا ساعدوني.... سمعوا صوت مرت ابوهم واللي بحسبت امهم....تناديهم..
منيرة:سارونة عشان خاطري مسحي دمووعس عشان خاطري..... مانبيها تسوي لس محاضرة نفس دايم....
راحت غسلت وجهها .... وذكرت ربها... وطلعوا لخالتهم....
سارة: هلا خالتي آمري وش تبين؟؟؟....
الخاله: الله لايهينكن غسلن المواعين في المطبخ... واذا خلصتوا غسلوا المطبخ.... انا بروح انام... تبون شئ...؟؟؟
منيرة: خالة بتنامين وشوق مابعد تجي؟؟..خاله مهب حالة ذي احنا بس اللي علينا شغل البيت وهي مستريحة.... ومهب زين تخلينها لساعه 10 برى البيت....
الخالة: وانتي بتعلميني... وبعدين هي صغيرة توها على الشغل.... وانا واثقة فيها ومن طلعت معه... طلعت مع صديقاتها للمطعم يتعشون....
سارة: خالة الساعه 10 دقي عليها خليها تجي ....قبل يجي محمد ويعصب عليها وعلينا.....
الخاله: محمد ماله شور وانا موجودة....وبعدين هي استأذنت مني وانا رضيت لها.... خلوها تستانس....
منيرة: ياخالة انا مامنعناها من الوناسة....بس مفروض تكون بالبيت قبل 10...
ياخالة الناس وش بيقولون لو شافوها جاية هالحزة......
الخاله: ماعلي من الناس اهم شئ انا واثقة منها.... ويالله بلا هذرة زايدة ونظفوا عدل...
طلعت حالتهم لغرفتها...
سارة:الله يهديها....
نورة: والله اللي يشوفنا خدامات عندها مو بنات زوجها.... وذيك البنت المدلـله اللي ماينرفض لها طلب.....
سارة: صلي على النبي وهدي اعصابس...
نورة: اللهم صلي وسلم علية.....سمعوا صوت التلفون .....روحي ردي على التفلون مالي خلق ارد علية....
سارة: ههههههههه ياشينك وانتي زعلانة... طيب بروح ارد بس هدي ياقلبي......
رديت على التلفون....
...الووو الووو بيروت من فضلك ياعنيي....
سارة: ههههههههه وش عندها الاخت مرووووووقة عساه دووم يارب....
نورة: هلاا وغلا بسارونتي حبيبة قلبي والله....
سارة: هلا بك ياقلبي.....وش عندس مرووقة ياقلبي مو بالعاده هههههه....
نورة: حرام عليس اللي يسمعس يقول اعصب.... المهم لاتشغليني عن اللي بقوولة لس....صرخت بفرح وكملت: بتروحون معنا للبر واخيــرا"...
سارة بااستغراب: مين قال؟؟...
نورة: ابوي حبيبي حلف على محمد عشان يوديكم.... الطلعه الاخيرة مو حلوة بدونكم.... وابشرس ابوي يقول اذا العلة وبنتها مايبون يجون مثل العادة مو لازم... انتي واختس ومحمد اهم شئ.....
سارة: يالبى عيونس والله اني ماادري وشلون قضينا ذاك العيد كان مو حلوو بدون طلعة البر.....آآآآه يااني مشتاقة للبر... وجلساتنا فية.....
نورة : ان شاء الله كلها بعد بكرا ونمشي بأاذن الله....
سارة: من جدس تتكلمين بعد بكرا بنمشي..؟؟؟
نورة بحماس:ايييييية ...
سارة: بس مايمدينا نجهز..؟.؟؟
منيرة وهي جاية لسارة... تجهزين لوش؟؟..
اشرت لها سارة اصبري شوي.....
نورة: معلية بكرا بنطلع للسوق كلنا.... حتى حنا ماشرينا شئ.... والله لايهينكم .... بنتقاط فلوس نفس دايم....200 ريال للشخص... عشان نجيب تسلايات مثل دايم.....واهم شئ الطراطيع (الالعاب النارية)....
سارة: ههههههه وانا اهم شئ عندي المجلات.... وطبعا" منيرة اهم شئ عندها النسكافية والموكا....وحبيبتي هيوف اهم شئ عندها الاكل.... ونوف اهم شئ عندها الطقاقات والمسجل ...وريم اهم شئ الكاميرا عشان تصور......... هههههههههههههههه ما شاء الله علينا مااتوقع بتكفي الفوس لهالاشياء....
نورة: ههههههههههههه لا حرام عليس لية ماتكفي.... كل وحده بتدفع 200 ... واحنا سبعه ....يعني بيكون معنا....1400 بتكفي وبتزود والله لو انا وش ... مشافيح ههههههههههه........شوفي اهم شئ بكرا العصر تكونن جاهزات.... بنروح مع سعود....
سارة: لالالا بنخلي محمد يوصلنا....
نورة: تطلعين محمد من الدوام عشان يوديكم وسعود موجود... المهم ماعلي منس... كونوا جاهزات ....تعالي سوير لاتنسين الساعه 1 في مكانا زي العادة.... عليكم الموكا والنسكافية.....
سارة: ان شاء الله..نووير المسجل جيبوة ابي ارقص فيني رقصة هههههه....
نورة: من عيوني ياعيوني.....
سارة : اوكي سلمي على خالتي و هيوفة...
نورة: بسسسسس ماتبيني اسلم على احد ثاني ههههه....
سارة بحرج: وعمي وبس..يالله في امان الله.....
نورة: وانتي بحفظة ياقلبي....
التفت على اختها بعد ماصكت السماعه.... قالت بهدوء: بنروح البر مع عماني........
صرخت منيرة بفرح: احلفييييييييييييييييييييييييييييييييييييييييييييي...
وجع يوجع العدو......كان هذا صوت محمد اللي دخل عليهم...
سارة: ههههههههههه تستاهلين محد قالس تصارخين....
جاء محمد ومسك نورة من اذنها..... محمد: انا كم مرة قلت ماترفعين صوتس مرة ثانية....
منيرة: آآآآآآآآسفة والله آسسسسسفة آخر مرة.......مشها لي هالمرة.....
محمد وهو يتركها: ياكثر مامشيتها لس..... قومي حطي لي العشاء ميييت جووع...
منيرة: من عيوني ياعيوني....
محمد: اية اية العبي علي بها الكلام....
منيرة: والله العظيم انك اغلا من عيوني...
محمد: طيب طيب صدقتس بس روحي.....بموت من الجوع والعشاء ماجاني...
منيرة:بعيد الشر ان شاء الله عدوينك... دقايق ويكون عندك....
راحت منيرة ....جلس جنب سارة...
محمد: اخبار سارونتي؟؟..
سارة باابتسامة: الحمدلله ياعيون سارونتك....
محمد: أي أي العبن علي بهالكلام....تدرين بغلاكن عندي...
سارة: وانت تدري بغلاك عندنا....الله يخليك لنا ولا يحرمنا منك....
محمد: وين شوق مالها حس...؟؟ دايم صوت مسجلها وتلفزيونها واصلنا....
سارة باارتباك.: معزومة...
محمد: معزومة وين؟؟..
سارة: عندي صديقتها....
محمد: سارة انا اعرفس اذا تكذبين ....وين شوق فية؟؟..
سارة: ماادري عنها....
محمد بعصبية: تكلمي بدون لف ولا دوران....
هااااااااااااااااااي......كانت تدخل من الباب.... والمكياج مالي وجهها... والعباية حدث ولا حرج......تظهر اكثر ماتكشف....
محمد: وين كنتي فية ياست هانم؟؟..... الساعه بتصك الـ 11 وانتي عادس برى البيت ....
شوق وهي تمشي طالعه الدرج: اذا تبي تتخانق انا مالي خلق .... بروح انام داايخة....
تعالي هينا ....سحبها من عبايتها بقووة.....لدرجة تقطعت ازارير العباية...
شوق بعصبية: هيييييييييية انتي خير وش تبي؟؟... كذا تسوي بعبايتي....
محمد : انا لما اكلمس ماتسفهيني وتروحين فاهمة....وتسمين اللي انتي لابستة عباية.... انا كم مرة منعتس تلبيسنها...؟؟؟
شوق بكل برود: انت مالك كلام علي.... امي وراضية ... وانا مستأذنة منها..... انت مالك دخل فيني .....فاهم...؟؟؟
محمد: وتصارخين بعد ياللي ماتربيتي... احترميني... والله لااكسر راسس لس.... بس للاسف مااتعامل بالطق.... طلعه من البيت مافية.....العباية هذي تنقط بالزبالة (انتوا بكرامة) .... والله ياشويق لو سمعت انس معتبة الباب..بدون اذني.. والله ثم والله وهذاني حلفت....اني احش لس رجولس.... واعلمس ان الله حق....
شوق: والله لااروح اقول لاامي....
محمد: كن فيس خير روحي قولي لها وشوفي وش بسوي لس....يالله ضفي وجهس من قدامي....لابارك الله فيس....
مشت شوق من عنده... والكلام ماهمها ...
جلس ومسك راسة بين يدينة.....آآآآآآآآآآآه...
سارة وهي تمسك يدينة: سلامة قلبك من الآآه...هد اعصابك مافي شئ يستاهل....
محمد: وش اللي مايستاهل نهايتها بتجيب لنا مصيبة معها.....
سارة: اعوذ بالله وش مصيبتة .؟؟؟ اذكر ربك يااخوي....
محمد: وانا صادق ...اجل فلتانه كن مافي رجال بالبيت...ماترجع الا اخر الليل......وين حنا فية....هذي سمعه بنت مهب لعبة.....هي ماهمها شئ..وامها مخليتها على راحتها..... الله ياخذها هي وامها بيوم واحد....
سارة: محمد وش هالكلام ....استغفر ربك...مهما كان هي اللي ربتنا... وبحسبت امنا....وبعدين هي توها صغيرة تبي تستانس مع صديقاتها....
محمد: 20 سنه صغيرة؟؟.. كبيرة وتفهم..... والوناسة مانعناها منها بس بحدود....مو ترجع آخـر الليالي ....
هذااااااا احلى عشاء لااحلى اخوو...تفضل ياقلبي.....منيرة وهي تدخل....
محمد وهو يقوم: سدت نفسي الله يسد نفسها.....طلع الدرج وراح لغرفتة...
منيرة وهي تحط العشاء:الله يعينا على هالبنت ...كل يوم على هالحال... هو تكلم عليها عشانها متأخرة....لو يدري انها تكلم شباب ويمكن تطلع معهم وش بيسوي....؟؟؟ بيذبحها....الله يهديها...
سارة: ياوليس لو جبتي سالفة مكالماتها عند احد....
منيرة: منيب خبل اعلم احد.... مهما كانت هي اختنا ... وسمعتها من سمعتنا...المهم قولي لي وش سالفة البــر؟؟؟؟....
السلام عليكم.....مساء الخير على الحلوااات.....
هيفا ونورة : وعليكم السلام...مساء النور...
هيفا: هلا سعوود...حبيبي تعشيت؟؟..
سعود: اية الحمدلله.....انتن تعشيتن؟؟...استغربت مادقيتن مثل العادة قلت تعشيتن اكيد....
نورة وهي تنط عنده: سعوودي حبيبي... الحمدلله عشاء تعشينا... بس نبي شئ تكـــــــــفى لاترفض....
سعود:آآآآآســف تعبان ولا كان من عيوني...
نورة: تكفـى سعودي ابي بـاسكن.... والله ابية تكـفى..
سعود وهو يوخر يدها منه : آآسـف...بروح انام وراي دواااام...
نورة: سعود تكـفى... حرام عليك انام وانا ابي آيس كريم....
هيفا: نوير بس قالس تعبان وبينام خلاص عاد...
سعود: لبى عيونس والله هذي اللي تفهم... يالله تصبحون على خير...
نورة وهي رايح ومادة بوزها زعلانة: وانت من اهلة....
سعود: هههههههههههههه مايهون علي زعلس يالله امشي ... بروح اشتري لس,,, يالله قوموا البسوا عبيكن....
هيفا وهي تقرص عيونها في منيرة عشان ماتوصيه في هالليل وهو تعبان: لا سعود اذا تعبان بكرا جب لها ...لاحقة علية...
نورة: هوويف ماعليس ... بروح ومنب جايبة لس ......
هيفا وهي توقف: لا بروح وش يقعدني بالبيت بالحالي... امي وابوي نايمين...
سعود: اوكي انا انتظركن بالسيارة...
منيرة: سعوودي طلب اخير...
سعود: ياالليل ماطولك ياكثر طلباتس اليوم...خير اخلصي علي وراي دوام والساعه 12 ومانمت...
نورة: ابي سارونة ونورة يروحن معنا....
سعود بتفكير: وش معنا سارة ومنيرة...وين ريم ونوف وجواهر...؟؟
نورة بتلعثم : امممممممم عشان بس اقرب بيت لنا...
سعود: وش اقرب بيت كلنا ساكنين بحوش واحد؟؟.. نوورة اعرفس حركاتس مهب علي...
نورة: ههههههههه طيب ياافندي اخلص بناخذهم ولا...
سعود: بناخذهم ودقي على جواهر والبنات معنا... ماله داعي اخذهن واخلي البنات وعمتي....
نورة وهي ماد بوزها بزعل: طيـــب...
طلع سعود يشغل السيارة...
هيفا: هههههههههه تستاهلين سعود هو اللي يعرف لس صح....
نورة: هذا جزاي ...ابي اقربه منها ...مو هو يحبها... ويموت فيها...
هيفا بحزن: بـس هي رفضت...
نورة: نسيتي من اللي رفض... مرة ابوها مو هي... هي تموت فية... من كانوا بزران وهم لبعض... وش تغير الحين....واللي يقهر هي رافضة اننا نقول له انها مو رافضة وان مرت عمها هي اللي رافضة...
هيفا: تغير انه مـريض... هذا اللي تغير...
نورة بقهر: واذا مريض ياكثرهم اللي فيهم هالمرض وعايشين...وهو حرموه من حلم حياته عشانة مريض.... والله حراام عليهم...
نورة حبيبتي لاتزعلين عمرس على شئ راح... خلاص انا نسيتها.. وربي يوفقها بواحد غيري....اذا هي من نصيبي بخذها لو العالم مارضوا .... واذا مو من نصيبي الله يوفقها.....
صدمت نورة كانت كبيرة ماكانت متوقعته بيسمعها.....هي واعده سارة انها مهب مبينة له شئ.....والله لو تدري سارة بتذبحها وبتزعل عليها...
نورة: بـس,,,
سعود : لا بس ولا شئ يالله قدامي على السيارة ....شفتكن تاخرتن قلت اشوفكن وش فيكن.....
طلع سعود....ولبسوا عباااياتهن...ولحقووة....نورة تسب وتلعن في نفسهها.....بس اللي ماتعرفة ان سعود ماسمع الا كلامها الاخير...ماسمع أي شئ قبل.....
لية تفتحين الجروح يانورة وهي مابعد تبرى....لـية...؟؟ هي ماتبني حتى انا ماابيها...اللي باعني برخيص ابيعه بتـراب....بس لية سكتت هالسنين كلها...لية ماقالت ماابية من البداية....لية بس اللحين قالت ماابيك.... عشاني بموت بعد كم سنة...؟؟؟ عشاني تعبان وماتقدر على رعايتي...انا ماابي منها الا انها تكون لي...مو لغيري.....لية انتظرتي هالاسنين لو ماتبيني وتحبيني..... مستحيل تكونين تحبيني وعشاني مريض ترفضين... اللي يحب مايفكر بهالاشياء....آآآآآآآه يانورة الله يهديس لية تذكريني....
ركبت نورة وهيفا: السلام عليكم...
سعود: وعليكم السلام...هاه كلمتي البنات..؟؟؟
نورة : يالله بكلمهم...هلا منور... البسي عبايتس يالله انتي وسارونة... عازمنا سعود... اقول مهب على كيفها... يالله حنا عند الباب....
نورة: تقدم سعود لبيت عمي....
حرك السيارة...وقفها قدام بيت عمه...(( كل العايلة بنفس الحوش... والفلل جنب بعضها....))
طلعت منيرة ووراها سارة... ركبت نورة وسلمت...
منيرة: السلام عليكم... شلونك سعود عساك بخير؟...؟؟
سعود: هلا منيرة... الحمدلله بخير... شلونس انتي...؟؟؟
منيرة: الحمدلله نشكر الله...
سعود: شلونس ياسارة..؟؟؟ افا يابنت العم لاسلام ولاكلام...
سارة باارتباك..: هلا شلونك عساك بخير..؟؟؟
سعود: الحمدلله بالف خير من ربي,,,لف على نورة وكمل: كلمي جواهر وريم ونوف عشان امرهن...
نورة: ان شاء الله...هلا ريمي... وشلونس..؟؟ الحمدلله... اقول اطلعي انتي واختس... بنروح انتمشى مع سعود.... اها اجل معذورات يالله مع السلامة...
سعود: وش فيهن؟.؟؟..
نورة: تقول مشغولات....بدق على جوويهر....هلا جويهر اطلعي عند الباب.... وسكرت السماعه بوجهها...
سعود: ياقليلة الادب... تسكرين بوجهه عمتس كذا....؟؟
نورة: انا اعرفها لو كلمتها باادب مهب طالعه الا بالموت.... شفها سكرت السماعه في وجهها وطلعت على طول....
جات جواهر وهي تفتح باب منيرة اللي جالسة جنب سعود..
جواهر: انزلي...
نورة: نعــم...
جواهر: اقولس انزلي انا بركب قدام...
نورة: اقول يالله مناك منب نازلة...
جواهر: ياقليلة الادب انا عمتس... احترميني....
نورة: وانا اكبر منس احترميني...
جواهر: ذليتيني اكبر مني بشهرين...يالله اقولس انزلي...
نورة: والله ماخليت هيفا تركب قدام عشان اجلس انا....اقول روحي اركبي ورى.....
جواهر: سعود شفها خلها تنزل... عيب عليها انا عمتها.....
سعود: نورة عشان خاطري انزلي فضحتونا...والله لو يقومون الشيبان اللحين... ان يعفسون الدنيا فوق راسي وراسكن... اخلصن مايسوى علي هالباسكن...
نورة وهي تتحلطم: والله بس هالمرة عشان سعود...
نزلت وركبت ورى... وركبت جواهر قدام......
سعود : وين تبن تروحن..؟؟؟
جواهر و نورة : مطعم باسكن...
جواهر: اقول انا ميتة جووع وابي اتعشى... ابي ماك ...
نورة: جهيرووة والله مصختيها انا اللي طالبه من سعود يوديني باسكن... اقول اسكتي احمدي ربس خليتس تركبين قدام....
جواهر: اعوذ بالله ذليتيني على الركبة قدام....المهم سعودي حبيبي...ابي ماك.. والله جيعانة... مايهون عليك عمتك حبيبتك تنام جيعانة...
نورة: ههههههههه ابوك يالثقة قال ايش حبيبتة ههههههههههه...
جواهر وهي تخزها: ولاكلمة انا كلمت سعود مااتوقع اسمس سعود....
نورة: اتكلم بالنيابة عنه عادي...
سعود: بـــس انتي وياها... ماصارت 24 ساعه خناق... كلمة ثانية والله العظيم ارجعكن البيت... بنروح المطعم اجيب لها عشاء... وبعدها باسكن...
بس ولا كلمة منكن .... اللي بتتكلم ماراح اجيب غرضها........
هذا بارت يعتبر تعريف بالشخصيات.... باقي عائلتين.... تتعرفون عليهم ان شاء الله بالبارت الجاي......
اشوفكم على خير...... اتمنى يعجبكم....
التعديل الأخير تم بواسطة شـــــروقـــــ روح ; 29-06-08 الساعة 05:13 AM
|
24-06-08, 08:05 PM
جديد مواضيع قسم الارشيف
العرض العادي
