السلام عليكم...,,,,,

آآسفـــة عارفة اني تأخرت كثير.... بس العذر والسموحة منكم.....,,,

كـانت عندي ظروف.... والحمدلله عدت على خير ان شاء الله...,,,,

اتمنى انكم تعذوروني.... دقايق انسق البارت وانزلة...,,,

اخــــــــــــــــــــــــــــــتكم...,,,,

شـــــروقـــــ روح

الجزء الثاني..



....:بوووووووووووووووة .......

ريم بخوف: يمة بسم الله الرحمن الرحيم...وكملت بعصبيه: يااخي الناس تدخل تسلم مو تخووفنا....

ابتسم طلال وهو يلف على نوف اللي اعتادت على حركاتة : امووت فيها اذا عصبت هههههههههههه....

ريم وهي تلف كأنها زعلانة: أي انت ماراح تنبسط الا اذا جت لي سكتة ولا جلطة من ترويعاتك.....

طلال وهو يسحبها ويوقفها جنبه: اموووت بالزعلانين....خلاص عاد ابتسم ياحلو....

ريم: مشكلتي مااقدر ازعل منك...

طلال وهو يشوف الكيك اللي مسوياته ريم وهنوف وكياس الي فيها(اوريو وكتكات واكلات من السوبر ماركت) : وش عندكم على هالاكل كلة وين بتهاجرون..؟؟

نوف بتلعثم: هاااه لا بس بنحطها فوق في ثلاجتنا عشان ماننزل لوحدنا اذا جعنا.....

قال وهو يشوف 7 علب موية بالكيس: ولية الماء..؟؟ فوق فية برادة الماء لية ماخذينه..؟؟؟

ريم : وش فيك طلال تحقق معنا ....الظاهر ماخلصت تحقيق مع المجرمين جاي تكمل علينا.....

طلال:آآآآآآآآآآآآآه تدرين واخيرا" مسكت المجرم اللي الاحقة من 3 سنين اوووف...اليوم بس صدنااه....

ريم: الحمدلله...اجل شكلك تعبان روح نام.....

طلال: أي والله الحمدلله... قال وهو يمشي رايح للدرج....عارف هالاكل كلة وين بيروح ...... عادكم على هالعادة ماغيرتوها .... 5 سنين وانا اقول بيكبرن ويعقلن بس شكل مافية امل........لف عليهم وهو يغمز لهم....

نوف : يمة منه عارف من 5 سنين ...

ريم:ههههههههه طلال مايطوفه شئ.....بس زين والله ماهزئنا.... على الطلعه بااخر الليل...

نوف: امي وابوي يدرون هذا اهم شئ....

......:يدرون بأأيش؟؟....

ريم: هلا فيصل.....

فيصل: وش اللي يدرون فية امي وابوي....



نوف: هاااه..اممممم ريم حملت مادة هالسنة...

ناظر فيصل في ريم: وانتي ناوية تعمرين في الجامعه ....نعنبو عدوس 7 سنين في الجامعه.... والله لو انس داخلة طب ....لمتى يادكتوره ريم ناوية تجلسين بالجامعه...؟؟؟

ريم: والله العظيم كان مفروض اتخرج هالترم... بس الدكتورة حاطة دوبها في دوبي ...وهي اللي محملتني المادة...

فيصل: ايه عذرس جاهز دايم.... ومتى بتخلصين؟؟..

ريم: باقي لي هالسمستر واخلص....لان ماعندي الا هالمادة...

لف فيصل على نوف: وانتي متى بتخلصين ولا بتسوين نفس اختس وبتقعدين 7 سنين بالجامعه؟؟..

نوف بخوف: باقي هالسنة بس واتخرج...

فيصل وهو يلف يصعد الدرج: الله يوفقوكن وتخلصن.... تصبحن علي خير...


نوف وريم: وانت من اهل الخير....

ريم بزفرة: اوووووووووووووف قلبي قلت اكيد بيغسل شراعي... وبعدين انتي وشلون تقولين له..؟؟ زين ماذبحني......

نوف: احمدي ربس مادرى انها مادتين ...كان دفنس...وانتي ان شاء الله وش كنت تبيني اقولة...؟؟ اننا نسهر الساعه وحده في آخر الفلل تبينة يذبحنا..؟؟. على الاقل رسوبس اهون من طلعتنا في الليل كل يوم....

ريم: والله انس صادقة... اخلصي مابقى شئ على الـساعه وحده...
















شوق جالسة بغرفتها.....سمعت صوت جوالها... شافت المتصل... وقامت سكرت الباب بهدووء... وقفلتة بالمفتاح...

شوق: هلا حبيبي..,,

.....: هلا وغلا بسارونتي حبيبة قلبي والله....,,

شوق بقرف: خلوووودي حبيبي كم مرة اقولك مااحب هالاسم... لاتناديني فية....مااحبة...

خالد: بس انا احب هالاسم....لانة اسم حبيبتي و اغلى وحده بهالوجود....

شوق بدلع: صدق انا اغلى وحده عندك...؟؟؟

خالد: اكيـــد ياقلبي... تشكين بغلاك....المهم ياقلبي وش رأيك بسهرتنا اليوم....مع انها ماتعتبر سهرة رجعتي 10 ونص بـس معلية...

شوق: ياحبيبي انت تعرف ان اخوي معقد.....انا لما دخلت سوالي سالفة ومنعني اني اطلع....

خالد: لالالا شلون يمنعك تطلعين شلون اشوفك ياقلبي.. انا مااصبر على فراقك.....

شوق: حتى انا ياقلبي مااقدر اصبر .....بس ولايهمك هو دوامة يخلص 10بالليل.... انا بطلع معك العصر وارجع 8 او 9.... بس اهم شئ قبل 10.... عشان مايجي ويسوي لي سالفة....

خالد: نعمة كريم اهم شئ اشوفك ياحبيبتي...

شوق بزعل: ماقلت لك منعي من عبايتي... وقطعها....

خالد: لا تتضايقين ياروحي ولا شئ .... اشتريلك بكرا اذا طلعنا احلى عباية... والبسي العباة القرف ذيك وانتي طالعه... واذا ركبتي معي غيريها... والبسي الجديدة... بس اهم شئ لاتكدرين خاطرك ياقلبي....


شوق: تسلم لي يااغلى حبيب...

خالد: حبيبتي ابي اكلمك في موضوع....

شوق: تفضل ياقلبي...

خالد: انا سمعت انك كنتي لولد عمك....بس ماصار نصيب...

شوق: اية كنت لولد عمي...بس رفضتة...

خالد:ليـة,,..؟؟

شوق: واحد تعبان الاطباء يقولون مافي امل الا سنتين بالكثير...لان السرطان بالدم ....وحالتة متقدمة كثير... وش اسوي اعيش معه سنتين واترمل... وليت هالسنتين سعاده... الا كلها علاجات ومرض....

خالد: احـسن عشان تكونين لخالد وبـس...

شوق: الله يخلي لي احلى خالد....






















سعود: أي مطعم تبون..؟؟

جواهر: طازج..

نورة:هارديز...

جواهر وهي تلف على نورة: انتي نعـم وش تبين المطعم لي مو لس....انتي لس باسكن....سعود ابي طازج...مو المطعم لي....

نورة: لا والله احلفي بس....ترى اذا ماشريت لي عشاء ماراح تشترين لس باسكن......

جواهر: مهب بكيفس..... انا اشتري بفلوسس ولا فلوسة.....

سعود: بــس انتي وياهاا مايصير مرة تجلسون مع بعض بدون ماتتهاوشون.... ارسوا على بر....اي مطعم تبون..؟؟

نورة : خلاص طازج طازج الشكوى لله...

جواهر: هييييييييييييييييييييييه ...

سعود: بس بطيتي اذني.....بس سارة ماتاكل طازج....

سارة وهي تلف على منيرة والدموع متجمعه في عينها...وتضغط على يدها... مانساني.....مانسى وش احب ومااحب....نزلت راسها....وهي تمسح دموعها....

جوااهر: صح سارونة ماتاكل.... خلاص ناخذ من هارديز كلنا ناكلة...

سارة وهي تعدل صوتها: لالا يعطيكم العافية متعشين.... خلوو جواهر تاكل اللي تبية....

سعود: افاا يابنت العم... تجون معنا ولا نعشكم مايصير....خلاص باخذ لكم هارديز ....

جواهر وهي تشغل الشريط اللي بمسجل السيارة وتطوول علية.....: سعوود صح مبروووووك الخطووبة ياقلبي ....تستاهل كل خير.....

مرتااح ولا يتصنع قلبك الراحة...
شايل في خاطرك ولا البال متهني...
مجروح ولا شفى قلبك من جراحة...
زعلان للحين ولا راضين عني......

سعود: وجـع قصري فضحتينا.....

جواهر وهي تقصر: آسفة وش يعرفني صوت مسجلك طووويل... آآآآآآآآآآآه تجنن هالاغنية اموووت فيها..

سعود: اذكري ربس لايصير لسيارتي شئ....

جواهر: لا اله الا الله ...ماشاء الله.. تف تف تف...

سعود:جوويهررررر وجع وصختي سيارتي ....

جواهر وهي تمثل الزعل: مو تقول ذكري ربس...

سعود: قلت اذكري ربس مو توضخي سيارتي...

جواهر: طيب طيب... اللحين ابارك لك وماترد علي....

سعود: لا اله الا الله... انا ماادري وش خلاني اجيب هالعلة معي.... الله يبارك فيس....بس ارتحتي....

جواهر: خلاص خلاص بسكت بسمع اغنيتي.....




مرتاح ولا يتصنع قلبك الراحــه
شايل في خاطرك ولا البال متهنــي

مجروح ولا شفى قلبك من جراحــه
زعلان للحين ولا راضي عنــي

شخبار قلبك عسى مافارق أفراحــه
أدري جرحتك وشلت بخاطرك منــي

خسران بعدك وقلبي ضاعت أرباحــه
غلطان أدري وابي فيك تسامحنــي

تدري عيوني بغيابك ماهي مرتاحــه
تبكي على فراق طيفك وانت ذابحنــي

ياللي ذبحني غلا شكرا على رماحــه
اللي طعني بها ومايوم ريحنــي

جيتك من الشوق والأشواق ذباحــه
أسأل عيونك عسى للحين تذكرنــي

راضي بجرحك وانا ماأتصنع الراحــه
تكفى عشاني ابي ترجع وتسمعنــي








طفى المسجل وهو يوقف عند نافذة الطلبات... ولف للبنات: كل وحده تقولي طلبها بسرعه...

نورة: كلنا وجبة دجاج....

طلب سعود......وحرك .... ووقف عند باسكن....خذا الطلبات ونزل...

جواهر: اللحين الساعه 1 بتذبحنا ريم ونوف...تأخرنا..

منيرة: يااقلبي عليهم لما كلمتهم يجون معنا قالوا نجهز الاغراض....ولفت على سارة ومنيرة: وانتوا جهزتوا الكوفي؟؟..

منيرة: اية كل شئ جاهز...

جوااهر: اسمعوا اليوم بنسبح في المسبح...

منيرة: هيييية أي والله من زمان ماسبحنا فية....

هيفا: انتوا مهابيل ... تسبحون فية ... تبون تغرقون...

سارة: صادقة هيفا انا مو عايفة عمري اسبح فيه ...والله عميق....

منيرة: هو عميق في الاخير اما البداية عدل مايغرق....

نورة: بس المفتاح مع نواف يعني لو نموت ماراح يعطينا ...

جواهر متسمة: ولا يهمس عمتس اخت رجال ...سرقت المفتاح منه....

هيفا: انتوا مهابيل والله لو يدري يذبحنا.....هذا ماعنده كل شئ ولا المسبح...


جواهر: ماعليس هو نام.... عنده ثلاث عمليات بكرا ثنتين الصباح .... يعني مهب قايم ...

منيرة: بس بس سعود جاء...

سعود وهو يأشر على جواهر تفتح له الباب.....ركب وعطى الاكياس نورة...

سعود وهو يشغل السيارة: هااه تبون شئ ثاني ...قولوا ترى وراي رحلة الصباح وانا للحين مانمت..

نورة: لا مشكور يعطيك العافية.... مانبي الا البيت....

سعود وهو يحرك: الله يعافيس....اهم شئ انبسطتوا...

جواهر: اية الله يخليك يارب....محد معطينا وجه كثرك...

سعود: هههههه وانا اقول الدعوه مهب لله.... عشاني اعطيكم وجهه....

جواهر: لا والله انك اغلى عيال اخواني...

سعود وهو يغمز لها: اغلاهم.... يعني تبين تفهميني اني اغلى من مشاري و نواف؟؟..

جواهر: الله لا يبين غلاكم.... هذولاك حالة اسثنائية....من ولدت وانا عايشة معهم وهم معي......

نورة: سعود عندك رحلة بكرا..؟؟

سعود: اية لية...؟؟

نورة: يعني منتب رايح معنا البر؟؟..

سعود: الا اكيد احد يفوت رحلة البر... بس رحلتي لبيروت ذهاب ورجعه يعني ماراح اجلس ببيروت الا ساعتين بالكثير وبرجع ......

نورة: رحلتك لبيروت..؟؟

سعود: اية انتي وش فيس تعيدين كلامي...

نورة:رحلت بيت خالتي بكرا لبيروت...

سعود: اية عندي خبر....

جواهر: اووووة اوووة الرحلة مع الخطيبة........

ضربتها نورة من ورى السيت.....

جواهر وهي تلف لنورة: وش فيس؟؟..

نورة وهي تأشر بعيونها لسارة: مافيني شئ...

جواهر اللي نست وجود سارة سكتت وماقالت شئ....

وصلوا لبوابة الفلل .... وقف عند بيت عمة......

قالت سارة وهي تنزل: يعطيك العافية سعود..... وعلى البركة الخطبة....

سعود وهو يسوي نفسة منشغل بامسجل: الله يعافيس ...ويبارك فيس... عقبالس ان شاء الله....

سكرت سارة الباب وهي تردد عقبالي...آآآآه عارفة اني جرحتك لما رفضتك ... بس والله مهب على كيفي...حكم القوي على الضعيف.... ابوي هو اللي حددي مصيري .... وخلى رأيي بيد مرتة .... مااقول الا الله يرحمك ياابوي.....

منيرة وهي تفتح باب الفلة وتكلم سارة: وش فيس؟؟..

سارة: مافيني شئ...

منيرة: زعلانة عشان رحلتة مع بيت خالتة..؟؟

سارة ازعل من ايش ولا ايش....ازعل من عقبالس ولا من روحتة مع خطيبتة بكرا ولا على حالي .... اللي مو راضية تنسى انه بيكون لوحده غيري.... بيكون لوحده هي له وهو ملكها بالحالها محد يشاركها فية....آآآآآه مااقول الا الله يرحمك يايبة ... و يسامحك على اللي سويتة فينا ......

سارة: لا لية ازعل الله يهنيهم في بعض...

نورة:آآآمــــــين....

سارة: امشـي خلينا نروح نجيب الاغراض مسكينات اللحين ريم ونوف ينتظرونا.... انا بجيب الاغراض وانتي جيبي جلالاتنا...

حطت سارة الاغراض في كيس... البسوا جلالاتهم... وطلعوا من الباب الخلفي.... مشوا لمزرعه البيت ... وشافوا البنات جالسين في مكانهم...

سارة وهي تحط الاغراض: الـسلام عليكم.....

نوف وريم: وعليكم السلام......

ريم: بدري وحده ونص يالظالمين ...متقابلين انا واختي نص ساعه....

منيرة: وش نسوي كلمتنا الملسونة نويرة الا نروح معهم ورحنا... امشوا بس ناكل باسكن وكودو.....

ريم: حرام عليكم والاغراض اللي مسوينها لوش؟؟..

منيرة: مهب ضايعه احنا نسهر لصلاة الفجر.... وان كلينا اللحين.... بنجوع ...وبناكل....

فتحوا الاكياس وكل وحده تعطي الثانية....

جاتهم نورة وجواهر يركضون.....

منيرة: يارب سكنهم مساكنهم وش فيهن بعد؟؟..

جواهر ونورة: على المسبح يالله.....

نطت منيرة هي ونوف: هييييييييية...

راحوا يركضون الاربع ...وريم وهيفا وسارة يشوفونهم...

ريم: وانتوا ماراح تسبحون؟.؟.

هيفا: والله انا اخاف ...ومسبحنا عميق....ماني عايفة عمري اسبح فيه...

سارة: طيب وش رياكم اذا ماراح نسبح ....نجيب الكورة ونلعب داخل المسبح عند البنات.....

ريم: اوكي بروح اجيب الكورة وانتوا روحوا المسبح.....

راحت سارة وهيفا يمشون للمسبح....دخلوا المسبح وكان مظلم.....وازعاج البنات بس مبين...

افتحت النور سارة...

البنات: لالالالالالالالالالالالالالالالالالالالالالالالا.....

سارة: وجع وش فيكن؟؟..

جواهر: انتي خبل طفي النور ...غرفة نواف تطل على المسبح اذا شاف الاضاءة قوية بيعرف ان احد بالمسبح...

سارة وهي تطفي النور: تستاهلون والله لو يدري ان مايخليكن تمسين اليوم....

جواهر: ماعلية بنقول له ان منيرة هي اللي تبي المسبح وهي خذت المفتاح من غرفتك وبيسامحنا...

منيرة: جوووويهر بدينا الخيانة انا ماقلت لس شئ... وبليييز لاتدخليني في نواف.....

جواهر: ولية ماادخلس ؟؟..انتي زوجتة واذا درى انه انتي مهب قايل شئ....

منيرة: مابعد اصير زوجتة.....

جواهر : والله شرعا" انتي زوجتة ....

نورة: يالللليل بتخلنا نسبح ونسولف على رواقة ولا شلون؟؟..

منيرة: خليها تسكت هي تدري مااطيق اسمع سيرتة...

جواهر: ولية حبيبتي ماتطيقينة؟؟.. ترى نواف ماينعاب....رجال من ظهر رجال...

منيرة: ماقلت انه ينعاب ولا,,,,,,,,

هيفا: بـــس انتي وياها كليتوا الرجال ....ريم خلينا نلعب...

ريم وهي ترمي الكورة: سااااارة استلمــــــي...

ضربت الكورة بوجه سارة: وجع وانتي تضربين بدون ماتقولين...

ريم: نبهتس وش تبيني اسوي بعد....

قاموا سارة وهيفا وريم يلعبون بالكورة حول المسبح.....ونوف ومنيرة وجواهر ونورة يسولفون....

طاحت الكورة بالمسبح .....من جهت بعيدة عن البنات شوي.... راحت لها تسبح منيرة...

جواهر: منيروووة لحد يروح للعميق والله مانلحق عليس الا ميتة...

منيرة وهي تاخذ الكورة:ماوصلت العميق لسى.... نووووير استلمي....

ريم: عطينا الكورة انتوا تسبحون ... وحنا بنلعب....

نورة: لالالا تبون تعالوا اسبحوا والعبوا معنا....نووووفي استلمي....

هيفا: نوف عطينا الكورة عاد مصختوها....

نوف: اســـــفة....جووويهر....

خذت الكورة جواهر وراحت عند نهاية المسبح....ومدت الكورة لريم ... وسط اعتراضات البنات....

ريم: مشكورة يااحلى عمة بالكون...

لما لمست يد ريم لجواهر سحبتها ....وطيحتها بالمسبح.....صرخة ريم برعب.....

جواهر ميتة ضحك: هههههههههه تستاهلي...

ريم بعصبية: حرام عليس احد يطيح الواحد كذا على غفلة....

جواهر: تستاهلي اجل عمة تكبريني وانا توني صغيرة....

جمدوا البنات ووقف الضحك لما اشتغلت الانوار...

جواهر: وجع انتي وياها مو قلت لكم لاتشغلونها عشان مايصحى نواف......

نواف وهو يصفق: ما شاء الله ... خوش جمعه...

صرخوا البنات برعب.... وكل وحده تهرب من اقرب باب لها .... الا جواهر اللي تجمدت هي ومنيرة....

من عجلت نورة ..... طلعت تركض ... وتزحلقت بالماي......وصرخت...

نواف وهو يعطيهم ظهره: وجع قومتوا البيت من صراخكم... يالله كل وحده تضف وجهها بيتهم......وحسابكم معي بعدين....

طلعت منيرة تلحق البنات ....لان مابقى الا هي وجواهر.....ومن ربكتها مرت من الباب اللي عند نواف.....

مسكها من ذراعها نواف: وين رايحة كلهم مهب حلالي علي انتي حلال خليني اشوفس....

منيرة بقرف وهي تنفض يده: مالك حق تمسكني ولا توقفني......

نواف وهو رافع حاجب: بـس انا زوجس.....

منيرة وهي تتركة وتطلع: زوجي بدون رضاي.......

........................


اتمنى يعجبـــــــكم البارت ويرضيكم...

تعريف بالعائلات...

ابو فيصل...ام فيصل.....

فيصل <36

طلال <33

ريم< 26

نوف< 23


ابو محمد متوفي....ام شوق....

محمد<<29

سارة<<25..

منيرة<< 23




ابو سعود....ام سعود.....

سعود<<33

هيفا< 25

نورة<< 24


العمة......جواهر << 23

العم ....سلطان <<29

ابو نواف وام نواف متوفين......من 10 سنين....

نواف>>31

مشاري >29

السلام عليكم ورحمة الله وبركاته ..



شوق


والمصبه الي تسويها .. واسم سارة وحياتها الي مستغلتها بعلاقتها بخالد .. كل هذا ينذر بأن ساره راح تكون في مشكله كبيره بسبب شوق ..


وسعود

الي يكابر للحين ويداري عذابه بسبب رفض ساره له ...



ونواف ومنيرة

ابطال راح نشهد لهم احداث غير .. بسبب رفض منيرة لنواف وزواجه منه ..


وابطال القصة .. الي بدينا نتعرف عليهم ..

شوه راح تكون كل قصة منهم وشوه راح الاحداث الي تواجههم ..؟؟؟؟




شرووق ... سلمت اناملك يالغلا على هذا البارت .. وانا بنتظار الجزء القادم واتمنى يكون اطول عشان نتعرف اكثر على ابطال القصة ..





ملاحظه .. هامه جدا جدا جدا لعدوتي الغاليه علم(ن) يوصلك ويتعداك ان قربتي صوب اي من ابطال القصة وقلتي هذا حجزته او هذا راح بنصيبه معي راح تشوفين الشغل العدل وقد اعذر من انذر ههههههههههههههههههه

بارت رووووووعه تسلم اناملك على الابداع
لكن من ملاحظتي للقصة من بدايتها وهي تحمل نوع من الحزن والقسوة من الحبيبين
شي يحزن ان كل شي ينتهي بلحظة وحده سارة وسعود أتمنى يكونوا لبعض من أول شي وانا احبهم
اما شوق ان شاء الله تطيح في أسوءاعمالها يارب وساروونه الله يعينها على اللي راح يحصل لها من راس الشر شوق ..
نواف و منيرة بكونوا من أصحاب الأكشنات بالقصة وراح تستمتع ونعيش بداية حبهم لبعض حبه حبه
حبيبتي البارت مو طويل حييل ضغنونوا بس راضين على البارت روعه وان شاء الله تستمر معاج لي نهاية القصة
واتمنى تكون نهاية سعيدة وبالتوفيق...