.. * ..
جيت يسبقني الظما
و روحك لي الماي
يشاور لي ضوا عيونك
"تعال مشتاق لعيونك
تعال واطفي نيران الوله بحشاي "
كل هذا [ اسمعه ]
وانت صوتك [ مو معه ]
ليتها اللحظة تطول
وانت ساكت ماتقول
انا بس اللي اسمعه
الندا في عيونك يقول
وانت صوتك مو معه ..
.. * ..
أحرار ..
أحرار .. في كل شي
في كل شي .. إلا القدر
وانا انكتب لي في القدر
أشتاق لسجونك
واجتاح .. [ بجنوني عيونك ]
مشياً على الجفنين !!
.. * ..
هديتني بالحب
يا صانع اجروحي
من عزتك بالقلب
سافرت في روحي
.. آهين ..
آه(ن) من جروحي .. وآه (ن) على روحي
.. * ..
لو حكيت مْنين ابتدي؟
البدايه, و الوسط ثم النهايه
حبكة محبه حكايتها حكايه
و عدي يا أصابع يدي :
(واحد)
حياتي هاااااديه,
و ما علي خلاف !
أساري الليل بالمغنى
و الهموم خفاف.
(أثنين)
فـ لحظه مدري متى كانت
يمكن سنه, أو دون .. في فرصةٍ حانت
فرصه جمعتني بْها.
وتسمى: صدفه
و صدفه بعد لانت.
(ثلاثه)
و مرت بنا الأيام,
و أنا هنااااك بعيد.. عايش مع الأحلام
و للحين مدري .. ما أحب!
ْبعيد عن دربٍ صعب
(أربعه)
بسألك يا قلبي: تحب ؟
أرحمني يا مسكين, خل المحبه
لأهلها ..و أترك غلاة الزين.
بطلبك : تكفى لا تحب !
(خمسه)
مسكين يا قلبي أسير.
مسكين يوم انك أمير.
مسكين.. قايل لك قبل!
بس المهم انك بخير؟!
و النهايه, هناك في أول بدايه
و المحبه ما لها اصلاً نهايه
من بدايتها و هي تبدأ و تبدأ
هكذا سر الحكايه.
.. * ..
يلي فـ لـحـظـة فـرح بـنـتـي .. وفـرضـتي غـرامك عـليَا فــرض
من يـوصلك بـ الـغـلا وأنـتـي .. تـسويـن عـنـدي كـنـوز الارض !
.. * ..
ماهو مغليك اللي يفرح بوقت .. وأخطيت..
ولا هو حبيبك يوم انه عن الخطأ ما نهاك
حبيبك اللي يمشي الحـال لـو يوم زلـيت
ومغليك هو كـاتم الســر بقلبه.. وعطاك
.. * ..
.. * ..
في غيابكْ ..
شمسي أصغر من سحابك
الغبار اللي يزوّد ( كحّة ) الشارع .. تكوّم عند بابكْ ..!
والعلاج اللي ينوم يومك الثالث غدابك..!
يامريضة ..
لاتنامي ....!
آه ياشين التمني ..!
نايمة عني .. وانا محتار مني ..!
بعض ظني
ضاعتْ افــ زحمة قصيدة
فاتحة صفحة جديدة ..
تكتب اللي فيّ عني ..!
كلميني ..
لاتنامي ..
ولا تعدّين الأسامي ..
صدقيني ..
كل شيء ابــ ـتعرفينه
تسمعينه في كلامي ..!
.. * ..
يكفيني ارجوك ، لا تستسهل غيابك
واللي خلقني ! أحس احساسي خانقني
احس انفاسي بحْر هموم ،
ويغرقني !!
احس اني بفارق كل ناسي ،
وأفارقني !!
دخيلك بس عاتبني ،
ياااااااااه ،
وربي لأحضن عتابك !!
دخيلك دقق فـ حزني ،
امانه ما يضيّق خاطرك وهو واقف على بابك ؟!
دخيلك لو اخذ قلبٍ مكاني وأصبح أحبابك
امااانه لا تعِشْقه قد منته كنت عاشقني
امااانه لا تعِشْقه قد منته كنت عاشقني
امااانه لا تعِشْقه قد منته كنت عاشقني
.. * ..
علميهم ياعيوني كيف تحريق الضمير
لا بكيتي ما لقيتي صاحب يمك دنــا
علميهم لو سهرتي وانحنى الجفن الكسير
منهو بعد الله يعين منهو غير الله لنــــا
عــايش بغربه كياني فاقد الشي
الكثيررر
مثل ذاك اللي غريب
لا خوي ولا ظنـــا
.. * ..
يتبــعـ
15-06-08, 11:31 PM
أحرار في كل شي إلا القدر
جديد مواضيع قسم رسائل الجوال
العرض العادي
