مشكوره بسمه طفله على مرورك

وأشكر بعد طبعي كذا

وأبشروا البارت قريب وإن شاءالله يعجبكم

الفصل الرابع



يوم الجمعه بيت أبو رواف

الجده تآمر على الشغاله :بخري المجلس اليوم بيجون عيالي
ميري :يس ماما
ألا بدخله رواف :الله الله ياجده وش ذا الريحه الزينه
الجده تآخذ المدخن من ميري وتبخر رواف :قول آميين جعلني أبخرك وأنت معرس
رواف وهو يحرك يدينه ويرفع الشماغ علشان يبخره :آميييييين ياجده قريب إن شاء الله ...جده ترى عمي وعيال عمامي على وصول ..ادعي لي ياجده أنا عيال عمي يوافقون على الزواج
الجده :آميين يمه الله يحقق لك اللي في بالك
وردت الجده تبخر المجلس
وشوي وينادي بو سلمان
الجده :حياك الله ياولدي
بو سلمان :الله يحيك شخبارك يمه
الجده :الحمدلله شخبارك وشخبار العيال
بخير يمه بخير
الجده :وش علوم دلوعتكم
بخير يمه والله محد بيذبحني الا ذا البنت
الجده:ليه
كل شوي والثانيه رافضه واحد والمشكله كل واحد أزين من الثاني ظانه نفسها صغيره
الجده :يمكن حاطه عينها على أحد
وش ذا الكلام يمه
الجده:خبري أنا خالد حاط عينه عليها
وشو هذي الساعه المباركه اللي يآخذها خالد ..ماراح ألاقي مثل خالد ..الله يطمن قلبك... كل هذا علشان خالد والله بنتي كفو ..بس ماخطبها
الجده :ياقلبي يا خالد من اللي راح يفاتحك بالموضوع أبوه الله يرحمه هقوتي أنه مستني تخرجه بعد كذا راح يخطبها
العم :وش ذا الكلام بنتي يآخذها بدون شور وبدون مهر..يآخذها مني هديه .. بأذن الله اليوم راح أفاتحه بالموضوع
الجده :يكون أحسن
وشوي شوي وتلتم العايله كلها رواف وفواز وحمد وخالد وسلمان
رواف يأشر لحمد وخالد
خالد وحمد خير يا رواف
رواف تعالو المجلس الثاني
وانتقلو للمجلس الثاني
رواف حبيت أستشيركم بموضوع
حمد:خير يابو فهد
رواف :كل الخير
بفاتحكم بموضوع الزواج
حمد :قبل كل شي تدري انه أختي آخر سنه بالجامعه وأنا الجامعه باقي لها ثلاث شهور وتنتهي
رواف :شلون
خالد :ليه شفيك يابو الشباب
رواف :تحطمت ثلاث شهور كثير
حمد :ليه حاط في بالك قبل
رواف :أنت ما تدري وش السالفه
حمد :كلي آذان صاغيه
رواف :أنا باعثيني أرامكو على بريطانيا وخلال شهر لازم أكون هناك
علشان كذا حطيت في بالي أني أروح وأنا متزوج فهمت
خالد :ياسلام تخطط بعد
رواف :والله ضاق صدري
خالد :والله مشكله
رواف : آآه وش أسوي أرفض البعثه.. من البدايه مستصعبها
خالد :بعد ثلاث شهور تعال وأتزوجها وروح معها
حمد :أنا عندي فكره أحسك يارواف تبغى تروح وأنت مرتبط صح
رواف قام رواف وحبه على راسه :ايه يعني
حمد :وش رايك تملك عليها وسافر وأول ما تخلص من الجامعه أجيبها وتتزوجون
رواف :الفكره حلوه بس أصير أناني وأحرم الغلا من العرس
حمد :بعد ما تجون من البعثه تصير الفرحه فرحتين ونسوي لكم زواره لا صارت ولااستوت
رواف:لا تقنعني فرحه الزواج غير
حمد :شف ذا وش يقول أبغى أسهل المهمه وأنت تصعبها
خالد :عندي حل وسط
حمد ورواف :عطنا اللي عندك
خالد :تملك عليها وبعدين سافر وإذا خلصت تعال وتزوجو
رواف قام ويبوس راس خالد هالمره ...أيوه يابو النسب هذا الكلام
أجل خلاص بقول للعيله بهالموضوع
حمد :أول شي أشاور البنت
رواف :تكفى رح لبيتكم وفاتحها بالموضوع اللحين فرصه علشان العيله مجتمعه
حمد:بروح البيت وبفاتحها بالموضوع
رواف :عجل ياحمد
وراح حمد لبيتهم
خالد :قريب وبنفرح فيك
رواف :عقبالك عن قريب ..ولا شرايك ملكتنا وزواجنا مع بعض... فرصه بما أنهم صديقات ويموتون في بعض وعلشان التجهيز يجهزوه مع بعضهم
خالد :......
رواف :وش فيه بو النسب كل هذا سرحان في الحبايب
خالد:أيه حبايب.. نسيت ما قلت لك أني صرفت نظري عن الموضوع
رواف :بلا حركات ثقاله ...أنا داري أنك هيمان فيهاولاماتبغى تقولي عن الحبايب وسيرتهم
خالد وهو معصب :وش فيك أنت ما تفهم صرفت النظر عن الموضوع
رواف وهو يغمز له :علينا
خالد:يوووووه وطلع من الغرفه على طول ودخل المجلس
رواف :وش فيه ليه معصب كذا


في بيت الغلا

دخل حمد الصاله ولقى أمه تبخر البيت
السلام عيكم
أمه وهي معصبه عليه :وعليكم السلام ورحمه الله وبركاته
حمد:شدعوه وش في الحلو زعلان
أمه :قص علي بهالكلام الحلو
حمد:شدعوه يمه
أمه:والله ياحمد ماهي عيشه هذي حفيدتي لي أسبوعين ما شفتها
حمد وهو يبوس راسها ويدينها :مالك إلا طيبه الخاطر أجيبها لك اليوم
أمه :تجيبها وليه ماتجي أمها معها
حمد يبرر لزوجته:تعرفين يمه زواج أختها بعد يومين والله أنها مشغوله وتعرفين الزواج في الخبروهي مع أختها يارايحين ياجايين حجوزات الكوشه والبوفيه والتقديمات وغير الروحات للمصمم والكوافيره ما ترد البيت إلا تعبانه الله يعينها
أمه :يمه أكلتني اكل... كل هذا علشاني سألت عنها ..والله يشهد ياولدي أني ما تكلمت وقلتلك هالكلام إلا علشاني احبك وأعزك ودي أشوف بنتك كل يوم والمثل يقول ما أعز من الولد إلا ولد الولد
حمد حزفي خاطره كلام أمه وقام لها على طول وقعد تحت رجولها وهو يبوس في يدينها :لا تزعلين مني يالغاليه رضاك علي بالدنيا كلها ..وش أسوي فيها أطلقها والله يمه مشاكلي معاها كلها ..ليه ماتروحين لبيت أهلي
كل كم يوم.... والله علي شاهد
وش أسوي يمه أطلق
أمه كسر خاطرها ولدها :قم يمه وقف مو أنت الي تنزل راسك في الأرض أنت سعيد معها ..هي ملبيه لك كل احتاجاتك
حمد :ماهي مقصره معي في شي قايمه بواجباتها وزياده ..بس أنتو ..
أمه وهي المعروف عنها بحكمتها :شف ياولدي مادامك سعيد معها وماهي مقصره معك بشي فحطها في عيونك
وقاطعها حمد وهو يقول :لا يمه بس هي مقصره معك أنتي
أمه :شف ياولدي الأم كل همها سعاده ولدها ومادامك مبسوط معها فأنا مبسوطه لأن كل همي سعادتك أنت.. إذا كان علي أنا مصيرها مع الأيام بتتغير قوم ياولدي الله يوفقك
حمد :مشكوره يمه طمنت قلبي كل شي ولا زعلك علي
أمه :يله روح لبيت جدتك كل عمامك هناك
حمد :أصلا أنا كنت عندهم وجيت
أمه :ماطولت
حمد :لا يمه في موضوع أبي أناقشه مع الغلا
أمه :خير يمه
حمد :كل الخير
وقالها حمد عن السالفه
أمه :الله يعيني يعني بنتي بتتغرب وتبعد عني
حمد :كلها سنتين وراجعين
أمه :الله يكتب الي فيه الخير والصالح
حمد :اللهم آمين
أمه بروح وبفاتحها بالموضوع


في بيت الجده
ا لجده :حياكم الله ياعيالي نور البيت بلمتكم الحلوه
رواف :شدعوه ياجده يعني البيت مو منور وأحنا فيه
الجده :منور بس اللحين زاد نوره
رواف قام يفكروش فيه حمد طول أتصل عليه ولا
إلا ويتكلم بو رواف :فواز يبه قوم جيب لنا القهوه
فواز :أبشر يبه
ويروح فواز للمطبخ
بو سلمان :خالد يبه وين حمد من فتره كان موجود وين اختفى
خالد وهو يطالع رواف :عند مشوار قريب وجاي
بو سلمان :عندي سالفه بفاتحكم فيها
خالد :خير ياعمي
بو سلمان يغمز له :كل الخير وأنا بوك تطمن


في غرفه الغلا

امها :وش قلتي يمه
الغلا :شوركم وهدايه الله موافقه
امها :مبروك يابنتي الله يوفقك ويرجعك لي سالمه
الغلا :شدعوه يمه إلي يسمعك يقول بكره عرسها
أمها :والله أني بفقدك
الغلا :الله يسهل يمه وسرحت في وادي ثاني

امها :بروح أقول لأخوك عن موافقتك
وراحت له وبشرته وقبل ما يروح
حمد يوه نسيت
أمه :وش فيك
دقايق يمه وراح حمد وطلع سيارته وخذ منها غرض ورجع لأمه
حمد:يمه هذ ابطاقات عرس نسايبي عطتني نوره عشر بطايق قالت لي خل خالتي تعطيهم اللي يعز عليها
أمه :الله يكرمها ما قصرت
حمد في خاطره والله أنك يمه مافي مثلك طيبه لأبعد الحدود مع تقصيرها تمدحها
سلم عليها حمد وطلع لبيت جدته
وبعد فتره وصل حمد لبيت جدته
ودخل :السلام عليكم
الكل وعليكم السلام
رواف يناظر في حمد وحمد ما عطاه وجه
رواف :حمد بغيتك في موضوع
بو سلمان :كل شوي والثانيه حمد خالد بغيتكم في موضوع عرفنا أنكم نسايب بس أطمنك مو أنت بس حتى أحنا بعد
الكل مافهم وش قصده إلا الجده فهمت السالفه على طول
رواف يكلم حمد وحمد ساكت ما يرد
رواف :تكلم يا أخي نشفت دمي اعتراضها على وشو
حمد :على وشوه ولا فول قلابه ههههه
رواف تكلم وش ردت
حمد :موافقه ذبحتني
وطلع رواف لأهله على طول وقال:بما أن العيله كلها مجتمعه حبيت أقولكم أنا جايتني بعثه لبريطانيا ومدتها سنتين وعلى كذا أنا قررت انا الملكه بعد أسبوع والزواج بعد ثلاثه شهورإلا أن تخلص الغلا من الجامعه
وش قلت يبه
فواز من سمع السالفه طلع بره
حس أبوه فيه وتضايق
رواف :ما رديت يبه
أبو رواف :ما ادري يا ولدي شاورت البنت يمكنها ما توافق
رواف لا يبه حمد فاتحها بالموضوع وهي راضيه
أبو رواف حس بولده انه طاير من الوناسه وضاق خلقه عليه الله يعينك ياولدي على اللي بيصير غصب عني والله ..الله يهديه ذا الفوازما حلوت ألا اللحين يوم خذها أخوه الله يعين سامحني يا ولدي
رواف :وش قلت يبه
أو رواف :تبغى شوري الملكه تكون مع الزواج أوقبلها بيوم والله أحس أنا البنت كذا راح تنشغل عن الجامعه والأمتحانات
حمد :بس ياعمي هي راضيه
أبو رواف :أدري أنها راضيه بس أنت لو تحسبها صح رواف مو مستفيد من الملكه والبنت راح تنشغل وتفكرهذي نصيحتي
رواف بس يبه
أبو رواف هذ الأفضل لكم اثنينكم حتى أنت بعد ياولدي قلبك بيطير شدعوه ما تقدر تصبر ثلاث شهور
رواف حس بالأحراج بس احنا شاورنا البنت

ابو رواف :ما فيها شي قولوا لها هذا رغبه عمي وراح تشوفون انا فكرتي هي الأفضل توكلو والله يوفق
رواف ضاق صدره وحس أنا كل اللي خطط له راح على الفاضي
حمد حس فيه وقال :وش فيك يمكن كلام عمي هو الصح
رواف:بس ياحمد كنت مخطط على أشياء اني بشوفها قبل ما اسافر
حمد :هذي سهله أنا راح أدبر لك شوفه لا صارت ولا استوت
رواف:صدق
حمد :خلني أشاورها وأرد لك خبر
رواف:الله يسعدك ياولد عمي رفعت عني هم
حمد :خلنا نرجع ولا يصير خاطرك إلا طيب
رواف :يله
ودخلو المجلس
ألا ويقول أبو سلمان زين ياحمد أنك جيت ودي أفاتحك أنت وأخوك في موضوع
شهدوا علي يالحاضريبن أني عطيت بنتي ليان لخالد هديه من غير مهر ولا شي
خالد وقف مو مصدق اللي يسمعه آآه ياعمي شلون هالكلام راح يفرحني لو أن ليان تحبني لكن وش الفايده
بو سلمان :خالد وش قلت
خالد :ياعمي
بو سلمان :لا تتكلم ياولدي انا شاريك وأنت مهرها وين راح ألاقي مثلك يآخذ بنتي
حمد ورواف والفرحه في عيونهم :مبرووووووووووووك يا خالد
خالد :ياعمي فاتحت البنت بالموضوع
بو سلمان :ما عندنا بنات يعارضون أهلهم
خالد :قلت لها ياعمي ولا
بو سلمان :لا ما قلت ...بس ياولدي كنك زعلان ما شفت الفرحه بعيونك كل هذا مندهش ..ابارك
الجده :شدعوه أكيد باركوله
خالد :لا ياجده انا مو موافق أصلا أنا ما فكر بالزواج اللحين
بو سلمان وعليه علامات الدهشه
حمد :مو هذا ا كلامك يا أخوي
خالد :وأنا غيرته أنا أفكر اللحين بتخصصي ودراستي وبنتك توها سنه أولى وأنا بروح أكمل دراستي بره شلون اتزوجها أحرمها من دراستها مثلا
خالد يتكلم وقلبه يتقطع على الكلام اللي يقوله أكيد عمي راح يزعل
بوسلمان مو قادر يتكلم... ويقول في باله
الله يهديك يا يمه أحرجتيني شكله مايبها ولا حاطها في باله من الأصل
الجده ورواف وحمد كلهم مو مصدقين اللي سمعوه وهم عارفين أنا خالد يموت في ليان
بو سلمان: ترخص في بنت عمك ياخالد ما توقعتها منك
خالد :لا ياعمي ونزل راسه
رواف وحمد يناظرون في بعض مو مصدقين
بو سلمان وقف ومن الصدمه دار راسه وقعد مره ثانيه
بو سلمان :سلمان ياولدي قوم ودني البيت
حمد :انتظر يا عمي خالد ما قصد يرخص في ليان
بو سلمان :ما بعد هالكلام شك الله يهديه طاح من عيني وانا اللي عارض عليه بنتي ودلوعتي يا بعد عمري يابنتي عرضتك وأرخصت من مستواك
حمد يكلم خالد بصوت خفيف :خالد شفيك يا اخوي ماني مصدق اللي يصير مو هذي ليان اللي ذابحنا عليها
خالد :....
حمد :رد جاوبني
خالد :قول آميين جعل الموت يآخذني يا أخوي قول آميين
وطلع بسرعه ولحقه رواف على طول ومسكه من يده :على وين
خالد : على جهنم الحمره ودي أفارق هالدنيا قريب
رواف :بسم الله وش ذا الكلام ..تعال معي بروح نتمشى لين تهدى أعصابك
خالد :اتركني يارواف
رواف :خالد لا تخليني أزعل منك قوم معي
رواف مسك يد خالد ودخله سيارته
رواف حرك سيارته متجه للبحر ها ف مون لأن البحر أفضل مكان يريح اعصاب الأنسان
رواف :خالد أبيك تفهمني وش السالفه ولا تتوقع مني أصدق الخرابيط اللي قلتها
خالد :خلاص يارواف انا سكرت الموضوع وعطيت عمي الرد وانتهينا وأي كلام في السالفه يعتبر كلام ما منه فايده
رواف :تبغى تقنعني أنك صرفت النظر عنها نهائيا ولا فتره محدده وتعزم تخطبها
خالد :شفيكم ما تفهمون أنا ما أبغى ليان والزواج تو الناس عليه ..أنا اللحين كل همي دراستي وبس
رواف : ياخالد هذا مو كلامك من فتره ذابحنا عليها ليان وليان أبغى أخطبها .أبغى أتزوجها.. وش اللي تغير ..وش اللي جاب على بالك فكره الدراسه اللحين
خالد :بس فكرت وحسيت أنا الأفضل أبني مستقبلي ثم أفكر بالزواج هذا كل السالفه
رواف وحاس أن في الأمر أنا :ليه ماخطبتها بس خطوبه ثم خليت الزواج بعدين
خالد:شفيك يارواف علي ما عندك غيري في هالدنيا أنشغل في أمورك ولا تتدخل في خصوصياتي
رواف :لو أني ما أعرفك كان زعلت من أسلوبك هذا بس أنا عارف أنا فيك شي ومخبيه علينا ..توترك هذا ونرفزتك مو طبيعيه منت خالد اللي أعرفه
خالد :لا تزعل مني يارواف بس انتو حشرتوني أسئله ..مافي شي يستدعي كلامكم وتدخلاتكم ..أنا صرفت النظر عن الزواج وهذي كل السالفه
رواف :أجل ليه توترت وقمت تدعي على نفسك بالموت
خالد :شي طبيعي أكيد أني بتوتر ..أقول لعمي ما أبي بنتك هذي مسأله سهله
ما كنت متوقع أنا عمي راح يعرض علي بنته ..فاجأني
رواف :أنا للحين مو مصدق اللي صار ترفض ليان ياخالد ليان اللي حبيتها من صغرك عشمتها وبينت لها حبك ثم تتخلى عنها وترخص فيها
خالد يصرخ وهو قاعد عند البحر :خلااااااااااااص يارواف لاتكمل رحموني خلاص كلكم ضدي وأنتو مو فاهمين السالفه ...ما قصرتو فيني كل واحد يهاوشني من جهه وشوي ألا ويمسك خالد غترته ويغطي فيها عيونه
رواف :خالد وأنا اخوك وشفيك
خالد :.....
آآآآه ماحد فاهمني ولا حاس فيني
رواف :تكلم ياخالد وشفيك
خالد :ليان ......واختفى صوته في بكاء هز رواف اللي قاعد يناظره
وقرب منه رواف وهو يحاول يشيل غترته عنه :خالد مو أنت اللي تبكي على شي تافه
خالد :مو شي تافه بنت عمك ....
رواف :خالد ارفع راسك وكلمني وتأكد أنا كل كلامك في بير وما يطلع بأذن الله لأحد
خالد رفع راسه :لازم أقول لأحد ما أقدر أخبي أكثر من كذا أحس أني بنفجر
رواف :تكلم صدقني راح ترتاح
خالد:ليان يارواف ما تبيني
رواف :وشو ..وشلون دريت
خالد : الغلا أختي سألتها
رواف :أيوه ..وش ردت
خالد :قالت لها ما أبغى خالد لأني ما أفكر بزواج الأقارب
رواف : هذا ردها
خالد قاطعه خلني أكمل لك السالفه قالت لها الغلا بس أخوي يحبك ردت عليها وأنا أعزه مثل أخوي ويوم حاولت الغلا فيها وهي تقولها خالد يحبك ومنتي لاقيه حد يحبك مثله قالت أنا قلت ردي وأخوك إذا كان يبيني غصب خله يخطبني من أبوي وأبوي راح يغصبني عليه وأتزوجه بس حب لايمكن أحبه وأنا ما أبغى إلا واحد أهله فري وعندهم فلوس
رواف وهو يهز راسه :صحيح ما تعرف مصلحه نفسها ولد العم ستر وغطا على بنت عمه ..بس لايضيق خلقك ياخالد ليان بينت من جد تفاهه تفكيرها وطموحاتها... واحمد ربك أنك ما ارتبطت فيها وصدقني أن الله يحبك وأنا ليان راح تتندم على رفضها لك
خالد :لاتدعي عليها
رواف :شدعوه هذي بنت عمي وما أرضى عليها ما أقول إلا الله يهديها ويوفقها برجال صالح يصونها
خالد :اللهم آمين
رواف وهو يلتفت على خالد وهو يقول في خاطره رافضته ومو راضي عليها ما بتشوفين ياليان حد يحبك كثره ..الله يهديك




في بيت الغلا
الغلاوأمها قاعدين في الصاله يسولفون
الغلا:تو يمه على التجهيزات
أم حمد :لا يمه ما باقي شي الأسبوع الجاي ملكتك وانتي توك ما دبرتي لك فستان
الغلا:لاتشيلين هم يمه تو صديقتي مكلمتني وتقول أن بوتيك الأناقة البسيطه
في الخبر منزلين بضا يع جديده ومره حلوه
أم حمد :أجل عجلي يابنتي وخلي أخوك خالد يوديك اليوم ولا بكره
الغلا :إن شاء الله يمه والله أنك أحرص مني على هالملكه
أم حمد : لاتلوميني من فرحتي
الغلا :والله المفروض اني أزعل كل هذا علشان تزوجيني وتفتكين مني
أم حمد:الله يسامحك ياينتي انا أبي الفكه منك الود ودي يابنتي اني أخليك في عيوني وأغمض عليك وشوي ولا تبكي
الغلا :شدعوه يمه أمزح معك وتروح وتحضنها وهي تبوس في راسها
أم حمد :ماشاءالله عليك يابنتي أطول مني ...والله كبرتي وبتتزوجين وتتركيني
الغلا:هذي سنه الحياه يمه
الا ويدخل عليهم حمد
السلام عليكم
وعليكم السلام
الغلا :قامت وباست راس أخوها الكبير
أمه :شلونك يمه وين خالد عنك
حمد :ليه هو ما جاكم
أمه :لا والله أنا والغلا متقابلين بروحنا ماحد دخل علينا
حمد :أوووووووووووووووووف
أمه :وش فيك يمه أحس انه فيه شي
حمد :آآآآآآآآآه يايمه ..
أمه :وشفيك خوفتني
حمد:ولدك
أمه:خالد وشفيه
حمد :آآآه
امه وهي منفجعه :وش فيه اخوك ياحمد وهي تسد أذانها وكأنها بتستقبل مصيبه راح تطيح على راسها
حمد:ولدك يايمه
امه:وش فيه اخوك رد علي قلبي مومتحمل
حمد :سلامه قلبك أخوي مابه الا العافيه
أمه :طمنتني اجل وش اللي فيه
حمد :خالد يمه طيح راسنا قدام العايله
أمه :ليه ياحمد اخوك ما تطلع منه العيبه
حمد :أجل يمه عمي يفاتحه بموضوع ليان ويقوله ليان جاتك هديه وأنت مهرها
الغلا تقاطع اخوها لااااياحمد مستحيل
حمد :والله اني صادق بكل كلمه أنا اقولها
الغلا :طبعا يا اخوي أنا ما اشكك في كلامك بس
حمد :هذا اللي صار عمي يخطبها له وهو بكل برود يقول ما أفكر بالزواج اللحين
امه :خالد قال هالكلام
حمد :ماني مصدق يمه احنا اللي عارفين أنه يموت في تراب رجلينها وانه ناوي يخطبها واللحين يوم جاته لما محله رفس النعمه برجله ..والله يمه ولدك مو صاحي
الغلا وكأنها انخرست مو قادره تتكلم الله يعينك يا أخوي على البلوه اللي صارت لك
أمه :والله ولدي مو صاحي بعد كل ذالك الحب ذابحنا عليها في الطالعه والنازله خطبولي ليان.. أبغى ليان ...وش اللي تغير
حمد ولما اللحين مستغرب :يقول أنه بيكمل دراسته والله ولدك ما عند ه سالفه وأثبت أنه مو قد المسئوليه والثقه اللي عمي عطاها إياه
أمه :علامه ولدي والله أني للحين مني مصدقه.. وينه أخوك
حمد :ما أدري يمه قاله كم كلمه ودعى على نفسه جعل الموت يآخذني
أمه وهي تقاطع كلامه :بسم الله على ولدي والله أني أحس أنا أخوك فيه شي
حمد:مافيه إلا العافيه ..فيه الدلع حبتين
الغلا مو قادره تسكت على اللي تسمعه :لا ياحمد لهذا الحد وبس ..وش فيك قلبت عليه هذا خالد وشوي ألا وتبكي بكا استغربه حمد وأمها
حمد وهو يقرب منها ويمسك راسها بيدينه وشفيك يالغلا ..ليه تبكين
الغلا وهي ترفع راسهاوكحلها اختلط مع دمعها حضنت أخوها وبكت وبكت لين ماحست أنا دموعها جفت
سالتها أمها :وش السالفه باين أنك تدرين بالسالفه
الغلا :آآآآآآه يا أخوي أنا السبب في هذا كله
حمد:وشلون أنتي اللي قلتيله أرفض ليان
الغلا تأشر براسها بمعنى لا
أخوك اللي جاي تهاوش وتحكي عليه أنه فشلك وحط راسك في التراب رجال وماحد يسوي مثله وبسواته ورجعت تبكي مره ثانيه
حمد :فهميني يالغلا شكلك عارفه السالفه كلها تكلمي
الغلا :بحكي لكم السالفه من أولها خالد طلب مني أسأل ليان عن رايها لو أنه يتقدم لها وأنا رحت وسألتها ولكن ليان .....
حمد :يالله كملي
الغلا :ليان رفضت ويوم أني حاولت ألح عليها وأقول لها منتي بلاقيه مثل خالد ....الخ قالت خالد أعزه مثل أخواني وإذا كان ترضين اني آخذ خالد غصب خلي خالد يخطبني من أبوي وأبوي راح يوافق وبيغصبني عليه وبيزوجني له بس قلبي مو قادر يملكه
أمها :ياقلبي عليك ياولدي وأنتي أكيد رحتي قلتيله هالكلام
الغلا وهي تبكي :والله يمه كل قصدي مصلحته مابيه ينحرج قدام العيله ولا أنه يتزوجها وهي ماتبيه كل اللي سويته من خوفي عليه
حمد جلس على أقرب كنبه وحط يدينه على راسه :آه ياخالد كل المسرحيه اللي سويتها كله علشان بنت عمك ما تطلع بالشينه أو انك تتزوجها من غير رضاها آآه ياخوي وتحملت السالفه كلها على راسك
أمه :ليه عمك وش قال
حمد :قولي وش اللي خلاه وما قاله
الغلا :يابعد قلبي ياخالد والله أنك ما تستاهل اللي صارلك
حمد :خلي بنت عمك تفرح اللحين
الغلا :لا يا أخوي لا تظلم البنت صحيح أنها رفضت أخوك بس صدقني راح تزعل عليه وعلى اللي سواه
أمها :أنا كل همي وين خالد اللحين
حمد :نسيت رواف طلع معه
الغلا :ليه رواف كان موجود
حمد :السالفه كلها صارت بيت جدتي وقدام العيله كلها
الغلا :مسكين يا خالد
حمد :بروح اكلمه
الغلا :أنا اللي بكلمه
وراحت الغلا غرفتها علشان تكلمه
ودقت على جهازه ولقته مقفل
بعدين وش أسوي لازم أكلم خالد واطمن عليه
قالت مافيه الا أني أدق على رواف يمكن أنه يعطيني خالد وأكلمه
ومسكت الجهاز وجاتها رجفه
بسم الله
ودقت على رقمه اللي حفظته وكانت مسميته بمهم
055
ويرن ويرن وشوي ورفع الجهاز
رواف رد بدون ما يشوف الجهاز
رواف :سم
الغلا :...
استغرب رواف مارد عليه أحد
ويشوف جهازه يبغى يعرف المتصل ويتفاجأ بالرقم اللي كاتب عليه
دنيتي
هلا والله
ألو ألو الغلا
الغلا :السلام عليكم
رواف يابعد قلبي وش ذا الصوت اللي يبهج الخاطر
وعليكم السلام
الغلا :لو سمحت ابي أكلم خالد....بصوت أقرب للهمس
رواف حس أنها درت بالسالفه ماحب يحرجها :أبشري يابنت العم
الغلا :مشكور
وسمعت رواف ينادي على خالد
وشوي ويرد ألو
الغلا :هلا حبيبي
رواف :احممم أنا رواف
الغلا :وين خالد
رواف :مايقدر يكلمك
الغلا بصوت قلق :ليه وشفيه اخوي فيه شي
رواف تأكد أنا الغلا درت بالسالفه
وقال بصوت مرح مابه ألا العافيه وضحك شوي والله خالد قاعد يسبح في البحر
الغلا باستغراب :أنتو في البحر
رواف :أيوه احنا في الشاليه حقي
الغلا :طيب مع السلامه بس أنت متأكد أنا خالد بخير
رواف :والله مافيه شي
الغلا :طيب مشكور باي
رواف :لحظه ...هو دخول الحمام زي خروجه
الغلا :نعم
رواف :ينعم عليك ..شدعوه مافي شخبارك ولا كيف الصحه ولا شي
الغلا:...
رواف :ألو الغلا
الغلا :معاك
رواف ماحب يحرجها زياده :يالله حبيبتي باي انتبهي على نفسك
الغلاحست أنه ما عطته وجه وتندمت
الغلا:اعذرني يارواف أنا داقه عيك وأنا خايفه على خالد
رواف :أزمه وعدت إن شاء الله لا تخافين اخوك قدها وقدود
الغلاونست انها تكلم رواف :ليه هو قالك
رواف :على كل شي
الغلا تندمت انها طولت السالفه معاه
الغلا:رواف
رواف :عيونه
الغلا تلعثمت في الكلام :تسلم ... ما اوصيك على أخوي باي وقفلت المكالمه
رواف يابعد قلبي والله... استحت وقام يوسوس كأني زودتها حبتين وضحك على نفسه كل هذا لأني ما صدقت أنها داقه على جوالي لام الله من لامني


في بيت بوسلمان
ام سلمان :حيا الله من أقبل علينا
بوسلمان مارد عليها لكن سلمان تدارك الموضوع وقال الله يحيك يمه ويبقيك وشلونك
أمه :طيبه ..شفيك يابو سلمان أحس ان فيك شي
سلمان :مابه ألاالعافيه هذا هوقدامك مافيه شي
أمه :حلفتك بالله يا أحمد وشفيك
بو سلمان :آآه شقولك آآآه عليك يابنتي أرخصتك وقللت من قيمتك وعرضتك على خالد اللي ما قدرك ولااستحى من شيبه عمه اللي قاعد يعرض عليه بنته
أم سلمان :خالد
بوسلمان :أيه خالد ولد أخوي
أم سلمان :ما أصدق خالد يسويها ....يرخص في بنت عمه اللي الكل يتمناها
بو سلمان :وازيدك من الشعر بيت ليان كل اللي رفضتهم علشانه ..بنتك شكلها مياله له
أم سلمان حطت يدها على قلبها :ياحسره قلبي عليك يابنتي وشلون بيكون موقفها لون تدري
بو سلمان :شوفي ياأم سلمان كل هاالكلام لايطلع ليان ولاتدري عنه مابي شي يكدر خاطرها أو يزعلها
أم سلمان :طبعا ماحد بيقولها لون تدري أكيد انها راح تذبح روحها بكي وصراخ
أم سلمان :بس اخاف الغلا تقول لها
بو سلمان :ما أتوقع أن الغلا راح تدري بالسالفه أصلا
أم سلمان:الله يطمن قلبك
وشوي ألاوتدخل ليان مع أختها مزون اللي تصغرها بسنتين يعني هي بثاني ثانوي بس مزون هذي غير شكل في العيله لأنها فيها طفره جينيه لون عيونها رمادي ولون شعرها أشقر بلون العسل فكل من يشوفها يتوقعها أجنبيه وهي غير اختها ليان مزون بطبعها هاديه ولاتتكلم ألا في الضرورة لأن لسانها ينطق حرف الراء غين بس على خفيف ولايبين إلا
في اللي يدقق في كلامها أوإذا تكلمت بسرعه فهي عشان كذا تستحي أنها تتكلم كثيرومع ذلك الكثير يقولها حلو عليك كأنك فرنسيه متسعوده بس هي تتضايق من ذا الشي ومعتبرته عيب فيها وهذي السالفه خلتها تنعزل شوي
وتدخل ليان ومزون :السلام عليكم ويحبون راس أبوهم
الموجودين :وعليكم السلام
بو سلمان :وشلون بناتي حبايب قلب أبوهم
البنات :بخير يبه
فحبت أم سلمان تغير السالفه وقالت أنتو معزومين على عرس بعد بكره
فزت ليان :صدق يمه في زواج ...وناسه
أم سلمان :وأنتي يامزون تراك معزومه
مزون :هاه لا يمه ماأبي أغوح
ليان :لازم تغوحين
بو سلمان :عيب يابنت
ليان :وشفيك يبه أنا ما اعيب أتمنى أني أنطق الراء مثل مزون والله حركات كأني فغنسيه
سلمان وهو يحب صبعه :الحمدالله والشكر ..وأنتي يامزون لازم ياحبيبتي تروحين خلي الناس يشوفون قطوتنا الحلوه
ليان :والله ياحظها هالمزون عيون ملونه وشعر أشقر
بوسلمان :أتمنى ياليان تصيرين بنص عقل أختك وهدوئها ترى البنت وأنا أبوك حلاتها بدلعها وثقلها
ليان :ماقلت لكم ياحظها هالمزون الكل معجب فيها
أم سلمان :خلاص بتروحين ياحبيبتي
سلمان :بتروح يمه خليها علي
مزون :يمه عغس مين
أمها :عرس أخت مرت حمد ولد عمك
ليان :صدق يمه ياااااااي أكيد عرس هاي.. لأن أهل نوره مره في العلالي
يبه يدك عطني فلوس أبي اشتري لي بدله فخمه
بو سلمان :آمري كم تبغين
ليان :انت كريم واحنا نستاهل
بوسلمان :خذي هذي خمسه آلاف لك أنتي وأختك
ليان :بس
أم سلمان :ليه ياست الحسن كم تبين
ليان :زيدها ألف زياده... لي ثلاثه ولمزون ثلاثه
بوسلمان :طيب ولايصير خاطرك ألا طيب وهذي ألف زياده
وجات مزون وحبته على راسه :مشكور يبه الله لا يحغمنا منك
بو سلمان يكلم ليان اللي تعد الفلوس :تعلمي السنع والعدال من أختك



في بيت الغلا
الغلا وامها من العصر وهم يستنون خالد وهذ الساعه قربت على العشر وهو لسى ما بين
أم حمد :الغلا قومي دقي عليه خلينا نطمن عليه
الغلا :يمه دقيت عليه جواله مقفل
أم حمد :دقي على رواف مدام هو معه
الغلا :يمه استحي
أم حمد :وشو اللي تستحين هذا بيصير زوجك الأسبوع الجاي
الغلا :كلميه أنتي يمه أنا استحي
أم حمد :يالله كلميه
الغلا وتدق على جوال رواف
أم حمد :ماشاء الله أشوفك حافظه رقمه
الغلا:هو قال لخالد :خلها تخزن رقمي ..ورقمه ماشاء الله مميز ينحفظ بسرعه
أم حمد :وهي تهز براسها وهي تتبسم
الغلا :كلميه
أم حمد ألو
رواف :هلا وغلا تكلميني مرتين في اليوم ما أصدق
أم حمد استغربت فظلت ساكته
رواف :حبيبتي وين رحتي
أم حمد تكح :ألو معاك أم حمد ياولدي
انحرج رواف :هلا والله بعمتي
أم حمد :هلا يمه وشخبارك يارواف
بخير ياعمه ما أسأل ألا عنكم
ام حمد طمني ياولدي على خالد
رواف خالد طيب هذا هو قدامي مابه ألا العافيه
ام حمد أقدر أكلمه
رواف طيب دقيقه
خالد قوم كلم أمك
خالد :ما أبي أكلم أحد
رواف وهو يقصر صوته كلمها هي خايفه عليك كلمها وقلها أنك بتقعد معي

خالد طيب
خالد ألو
ام حمد هلا يمه شلونك
خالد طيب
أم حمد كذا تخلينا نخاف عليك
خالد :لا تخافي يمه ..هذا أنا مع رواف في الشاليه ..ياليت يمه من يجيبك هنا الجو حلو مره ووناسه
أم حمد :الحمد الله اهم شي أنك مبسوط
خالد وضاق خلقه شكل أمي تدري عن السالفه
أم حمد خالد متأكد أنك مافيك شي
خالد مافيني ألا العافيه ..صراحه يمه توني أدري أني غالي عليك
أم حمد أنت عيوني ياخالد
خالد :تسلم عيونك يمه ...يالله يمه بقفل بنام والله اليوم سبحنا في البحر إلى المغرب واللحين أحس اني متخدر
أم حمد :بغيت أنسى ترى دق عليك بندر ويقولك تراه وصل السعوديه اليوم العصر
خالد :متى دق
ام حمد اليوم العصر دق على جوالك وشافه مقفل فدق على البيت
خالد :صار خير بكلمه اللحين
أم حمد :يالله يا ولدي مع السلامه وانتبه على نفسك
خالد :حاضر يمه
وسكرت الجوال وطالعت في الغلا :مثله دور البريئه وانتي تكلمينه من ورانا
الغلا توردت خدودها من الأحراج :لا والله اليوم كلمته ابي اطمن على خالد
ام حمد :علي ..من أول ما كلم وهو حبيبتي هلا وغلا
الغلا :هذا يمه لسا نرواف متعود على الكلام الحلو
أم حمد وانا أشهد وشوي ألا وتظم بنتها الله يوفقك يابنتي أحس أنا رواف يموت فيك الله يسعدكم ويبعد عنكم عيون العدو
الغلا آمين
أم حمد أقول يالغلا ترى عرس نسايبنا بعد بكره
الغلا صدق تصدقين نسيت
أم حمد استعدي يمه
الغلا :عندي فستان نعوم تعرفين يمه ما أبي اتزين كثير علشان ملكتي قريبه
حمد دخل الصاله وهو يسمع كلمه الغلا
حمد خالد ما جا للحين
أمه لا
حمد في سالفه لازم أقولكم عليها
أمه :قول يا ولدي
عمي ما وافق على الملكه أنها تكون الأسبوع الجاي
امه أجل
حمد يقول ماله داعي الملكه مع الزواج بالمره ولا قبلها بيوم وتدرين أنا رواف بيسافر فالزواج راح يكون بعد امتحانات الغلا
أمه ورواف وش قال
حمد رواف ضاق صدره كان متشفق على الملكه ويقول انحرج لانه شاور الغلا واللحين هون عن السالفه
أمه :تصدق ياولدي أنا كلام عمك صحيح لان مافي فايد من الملكه لأان رواف راح يسافر
الغلا حزنت على السالفه
حس حمد ان الغلا تضايقت بالخبر
وقال بس رواف صمم على أن يكلم الغلا على الجوال إلى أن يتزوجون
وأنا ما واعدته فحبيت أستشيرك بالأول
الغلا :أنا موافقه
الكل استغرب رده فعلها
حمد وهو بعد يبي شي ثاني
أمه مثل
حمد طلب انه يشوف الغلا قبل ما يسافر
أمه :وهذا انا أقولك أني موافقه عن الغلا
الغلا حست انها ارتاحت شوي وهي تقول متى نتزوج ويجمعنا بيت واحد ماني مصدقه انا ذاك اليوم بيجي


في الشاليه
خالد يفتح جواله على طول بعد ما خلص من مكالمته مع أمه
ويدق على بندر حبيب قلبه
ألو
بندر هلا والله
خالد الحمدالله على السلامه يالخاين ..تجي اليوم ولا تبلغني
بندر حبيت أسويها مفا جئه
خالد والله أنها أحلى مفاجئه ..طمني عن الوالد
بندر هو بخير بس ما رجع معنا
خالد :ليه
بندر مابعد يخلص العلاج زادو له العلاج فلازم يبقى عندهم وأنا جيت علشان أبي أوقف وقف قيد ومن ثم أرجع له
خالد :كلمت الجامعه وش اللي صار
بندر كلمتهم وقالو لي لازم أخلص تدريب الطورائ بالأول ومن ثم آخذ الوقف
خالد بس كذا راح تتعطل
بندر لا هم قدموا لي التدريب علشان أخلصه ثم أروح ومن بكره راح أبدى التدريب
خالد كويس الله يسهل لك أمورك يابندر
بندر آآمين ..خلنل نشوفك يا خالد
خالد :أكيد مع السلامه
بندر في حفظ الله
رواف هذا بندر خويك
خالد أيه والله أنه بمعزه الأخو ..مسكين هو الولد الكبير في عيلتهم وكل الأمور على راسه
رواف الله يعينه ويجزيه الخير
خالد آمين تصبح على خير يا رواف ومشكور على وقفتك معاي
رواف شدعوه ما سويت شي
خالد :طمنت قلبي بكلامك واقنعتني أن ليان ما تناسبني والله العالم لو اني مآخذها وش اللي صار لأن شكل مبادئها تختلف عن مبادئي وأنا إذا أبي وحده أبيها تكون زي تفكيري وتحبني حب ماله مثيل
رواف :الله يهنيك بعقلك ورزانتك ياخالد والله يوفقك بوحده تسعدك وتستاهلك
ومر يوم السبت والكل مشغول
ليان ومزون راحو يتسوقون ويحجزون في الصالون
أما الغلا راحت للسوق وتبي تآخذ لرواف هديه لأنها حافظه يوم ولادته فراحت المارينا مول لأنه المجمع الأقرب لبيتهم ودخلت محل الدهام للساعات وخذت له ساعة CD وراحت لمحل الحلويات كادي وحجزت له كيكه مرسومه عليه صورته وهو صغير وكتبت تحتها( كل عام وأنت الحب) وتندمت على جرأتها بس قالت هديه لاراحت ولاجت
واتفقت معاه أنه يخلصها يوم الاثنين الموافق 28شعبان
ومن ثم راحت للمحل تغليف الهدايا وغلفت الهدية وبعد كذا راحت للبيت علشان تخلص استعدادها لبكرة

وجاء يوم الأحد والكل قام يتجهز للزواج
ليان ومزون راحو للكوافيرمن الصباح حوالي الساعه عشر علشان حجزهم كان في مركز النافع في الخبر
أما الغلا احتارت وين تروح وأخيرا قررت تروح لدار نجد اللي بالمزروعية لأن الغلا ما تبي ماكياج بس تبغى شعر لأن شعر الغلا من نعومته ما تقدر تتصرف فيه
ليان ومزون وصلو للمشغل بعد نص ساعة وعلى طول دخلو وقامو يتفرجون على أشكال التسريحات فسألت ليان :وش آخرصيحه في التسريحات عندكم
ردت عليها العامله :آخر شي نازل الويفي بجميع أشكالوه سواء كان مرفوع ولانهاياته مجدله ولايكون مربوط بشريطه ولايكون على جنب
ليان :تتوقعين وش اللي يناسبني
العامله :بما أن وجهك دائري الأفضل لك يكون على جنب ولامرفوع
ليان :اممممممممممم خليه مرفوع أحسن
العامله :وأنتي ياحلوه وتقصد بكلامها لمزون ..
وتوجهت بالكلام ليان هذي رفيقتك من وين هي سوريه ولا لبنانيه
ليان :لا هذي اختي
العامله :ماشاء الله عليك ربي يحرسك من العين
ليان :ليه أنا ما عجبتك
العامله :لا.. تنتيكم حلوين ولكن هي شبه الأجانب يعني مو من هون
ليان :لا أختي من هون
العامله :اطمني راح أتوصى فيكم وما تطلعو ألا وأنتو راضين
ليان :لو سمحتي أختي وش اللي يناسبها
العامله شكل أختك صغيره راح أعمل لها تسريحه بتناسب عمرها هي الويفي اللي نهاياته مجدله ومربوط في نهايه الجديله بشريطه ألا يا أموره وش لون فستانك
مزون : بنفسج
العامله :لون حلو راح أجيب لك شريطه بلون فستانك ..وراحت العامله
ليان :يمه منك فيك سر غريب حتى هذي انهبلت عليك
مزون اكتفت بالأبتسام
وجات العامله وفي يدها ألوان من الشرايط وقدمتها ليان ومزون وقالت اختارو منها اللي يناسبكم وابتدت العامله في ليان أما مزون فتولتها عامله ثانيه بعد ما وصتها ليان عليها
ليان وقفي أبي أغير التسريحه أبي أخليها ويفي على جنب
العامله :أنتي بتأمري أمر



أما الغلا فاختارت لها تسريحه ويفي وبف صغير من قدام ونهايه الشعر مربوط بشريطه


وخلصو البنات من التسريحات
ليان وهي تناظر نفسها رووووووووووعه
مزون ناظرت نفسها وهي تبتسم التسريحه بالمره مطلعتها كيوت ومناسبه لصغر سنها
ليان وهي تقول للعامله توصي علينا في المكياج
العامله :بتسمعي نصيحتي أنتو ما تحتاجوا مكياج ثقيل لأنكم ماشاء الله حلوين بدون شي فالأفضل بتعملو مكياج مره ناعم
ليان :لا أبي ماكياج كوافير لو سمحتي
العامله :براحتك
مزون :ليان ماني حاطه مكياج بحط مكياجي في البيت
ليان براحتك
حتى الغلا اكتفت بالتسريحه والمكياج بتحطه في البيت

ورجعو البنات للبيت
وراحو يخلصون اللمسات النهائيه
الغلا:لابسه فستان كوكتيل بيج أوف وايت ولابسه معه الطقم الألماس اللي جايبه لها رواف فطالعه قمر كأنها أميره بنعومتها وجمالها
أما ليان فكان فستانها فوشي مع أصفر كوكتيل طويل وفيه فتحه لين الفخذ
وصايره ...
اما مزون لابسه توب مع تنوره قصيره لين الركبه من التصميمات الأيطاليه
وشافتهم أمهم وقامت تقرى على بناتها المعوذات وآيه الكرسي

في بيت الغلا
أم حمد :عجلي ياحبيتي بيمرنا حمد اللحين
شدعوه ما كأني ولدكم حمد يوديكم وأنا هنا
التفتت أم حمد :خالد
ومشى خالد لأمه وحظنها :اشتقتلك يالغاليه يوم كانه سنه على قلبي
أم حمد :الله يحفظك ياولدي ويوفقك بنت الحلال اللي تسعدك
خالد :على يدك يمه ..أبيك تدورين لي أنتي والغلا على بنيه مزيونه
أمه :هذا يوم الهنا يا ولدي
خالد :بس توصو فيني ما أبي أشوفها وارتاع
أمه :أبشر بدور لك أزين وحده في العرس
خالد :وين الغلا
أمه :تلبس وتجهز
خالد :يمه ترى رواف بيروح معنا ودخلته المجلس لين أتروش وألبس
أمه :أجل روح وعجل ياولدي
خالد :نص ساعه بالكثير ..وراح
نزلت الغلا من الدرج وشافها خالد :وش ذا الزين يابنت
من أنتي
الغلا :خالد وترتمي في حظنه اشتقتلك ياخالد
خالد :تشتاق لك العافيه حبيبتي ..لي كلام معك بس بعدين
الغلا ضاق خلقها أكيد بيكلمني في موضوع ليان
أم حمد :ماشاء الله عليك يابنتي قمر نزل من السماء الله يحرسك من العين
وتقول في نفسها حرام ذا الزينه وذا الجمال يفوت رواف
أم حمد :الغلا يمه روحي جيبي لي المبخر من المجلس

الغلا :يمه ما يمدي على البخور
أم حمد :لا يا بنتي أنا جهزته ولكني حطيته بالمجلس جيبيه علشان تتبخرين
الغلا :ماله داعي يمه أنا متعطره

ام حمد :أنا ابيه
وراحت الغلا للمجلس وشافت نور في المجلس وقالت هذي أمي شكلها نست تطفي اللمبات
وتدخل في هاللحظات كان رواف يبي يطلع من المجلس
بمجرد من فتحت الغلا الباب ألا ورواف في وجها
الغلا ارتبكت وهو نفسه ارتبك فتجمدت اللحظات بينهم عيونه في عيونها ومو قادرين يتحركون عطرها تخلل لانفاس رواف
رواف أعجب باللي شافه وقام يناظرها من فوق لتحت ..ياحظك يا رواف كل هذا الزين لي
وشوي ألا حست الغلا بالنار تشب في جسمها وش أسوي قاعده للحين فاستدارت الغلا بسرعه ...وبسرعه البرق اختفت ومابقى منها إلى ريحه عطرها اللي سلبت عقل رواف
آآآآآآآآآآآآآآآآآآآآآآآآه ما زينها من صدفه


دخلت الغلا الصاله
وقالت لها أمها وين المبخر يالغلا
والغلا لا من مجيب
أمها وش فيك يالغلا
الغلا :بمه شافني رواف
أم حمد وشلون شافك
الغلا :رواف كان في المجلس
امها :وش اللي دخله للمجلس
الغلا ما أدري
أمها أيه تو يوم يجي خالد أكيد أنه هو اللي دخله
الغلا :حسرتي
أمها :وشافك كذا
الغلا :أيييه يمه والله فشله طلعت له بذا الملابس
ابتسمت أم حمد وقالت في خاطرها أكيد رواف انهبل عليها
الغلا يمه يمه وين سرحتي
ام حمد لا ولاشي بس خل أخوك يجهز علشان يودينا
بعد خمس دقايق دخل عليهم خالد وهو كاشخ بالثوب والشماغ وتفوح منه ذاك الدهن العود اللي انتشرت ريحته يوم أقبل عليهم
خالد :جهزتو يالله مشينا
وسألوه وين سيارتك مادخلتها للحديقه علشان نركب ولكن خالد قالهم لا بنروح في سياره رواف
الغلا :ليه
سيارتي موقفها من أمس عند بيتهم ولزم علي أنه هو اللي يودينا
أمه :سيارتك ولاسياره رواف واحد وهي تلتفت على الغلا :هذا زوج بنتي
وطلعوبره وشافو سياره رواف وركب خالد قدام ورى الغلا وأمها أمها من ورى خالد والغلا ورى رواف
الغلا وام حمد :السلام عليكم
رواف :وعليكم السلام ..شخبارك ياعمه ..شخبارك يالغلا
طيبين أم حمد شخبارك أنت ياولدي عساك بخير وانا أشكرك على وقفتك مع خالد
رواف :شدعوه ياعمه ماسويت ألا الواجب
ومرت دقايق كان رواف يتذكر اللي صارله بيت عمه يوم شاف ذالك البدر اللي طل عليه والله يالغلا ماشفت بجمالك مثيل يوه مزينها من صدفه ماني مصدق أن اللي وراي هي متى يجي اليوم اللي يجمعنا وقال رواف :شخبارك يابنت عمي
الغلا بصوت واطي :الحمدلله بخير
وتوجه فيهم للخبر علشان يحضرون الزواج
رواف :خالد المناسبه في أي قاعه
خالد :ما أدري ..يمه وش اسم القاعه
أم حمد :ما أدري الغلا تعرفها
الغلا وهي حاسه بالأحراج :قاعه السيفه
رواف :وشرايك ياعمه نحجز فيها
أم حمد :صحيح ياولدي كان الزواج بعد ثلاثه شهور لازم تحجز فيها من اللحين بس أنت حدد اليوم واحجزها
رواف :حددوا أنتو ياعمه
أم حمد :كلم بنت عمك وتفاهموا
الغلا قربت من أمها وتكلمها في أذنها :يمه لاتحرجيني وش ذا الكلام
رواف انتبه أن الغلا راحت صوب أمها وابتسم ياعيني على المزيون اللي يستحي
خالد قطع الصمت اللي حصل وقال لأمه والغلا :الله الله دورو لي على بنيه مزيونه
أمه :من عيوني ياولدي غالي والطلب رخيص
وصلو الصاله
ونزلت أمها بسرعه مع خالد
أما الغلا تمشكلت ماهي قادره تنزل لأن شنطتها طاحت تحت كرسي رواف وقاعده تدور عليها
نزل رواف وحس أنها تدور على شي
وقال :ضايع عليك شي
الغلا:ش نط ت ي ت ح ت كرس ي ك
ابتسم رواف على لهجه الغلا المأساويه وقال :نزلي وأنا بدورها
ونزلت وقام رواف يدورها وشافها وأخذها وبدون ما يفكر خذ الشنطه وباس الشنطه وقال بصوت تسمعه الغلا : ياحظ الشنطة اللي بتمسكينها بيدينك
الغلا خذتها على طول ولمست يدينها يدينه وراحت بسرعه تبي تلحق أمها
ويوم دخلت الغلا القاعه باست الغلا الشنطه شافتها أمها وراحت لها وقالت :وشفيك تبوسين شنطتك
الغلا :بغيت أضيعها يمه ماتدرين شكثر هالشنطه غاليه علي وباستها مره ثانيه وضمتها
في هاللحظه دخلت ليان مع أهلها وشافت الغلا تبوس شنطتها
وقالت وهي تتوجه لها شدعوه يالغلا ما كأن عندك ولا شنطه ألاهي تبوسنها وتضمينها
الغلا وأمها التفتوا ولدقيقه مرت عليهم لحظه حزن يوم أنهم ذكروا خالد
لكن أمها المعروفه بتسامحها وطيبتها :حيا الله ذي الوجيه الطيبه وما قدرت الغلا ألا أن تبتسم
وجات ليان وضمت الغلا :هلا حبيبتي ثلاثه أيام ماشفتك فيها كأنها عندي سنه
الغلا :والله حتى أنا اشتقتلك
وسلموا على بعض
وأم سلمان تقول في نفسها يا حسافه طيبين بس اللي سواه ولدهم مو قليل الله يسامحه أنا لايمكن أزعل عليهم حتى خالد ماتطلع منه الزله والله غريبه أحس أن في الأمر أن
ليان :الغلا وش هالزين من وين جايبته
الغلا:ماعيكم قصور يابنات عمي ..وأنتم مزايين
وشالو عبايتهم من عليهم
وقالت الغلا :وش ذا الزين يا مزون ماشاء الله بتغطين علينا تسريحتك مره حلوه والله يابنت عمي كأنك أجنبيه
مزون : عيونك الحلوه يالغلا .وين أجي بجنبك أنا
ومرت بنت مزيونه وسلمت على مزون وسلمت على أهلها
ليان :من هذي
مزون :هذي سجا صديقتي
ليان :هذي سجا صوتها في التليفون ما يوحي بجمالها
الغلا:من بنته
ليان :ليه بتخطبينها
الغلا :يمكن
ليان : من عندك تبين تخطبين له
الغلا:من عندي أكيد عندي ..وأخوي خالد وين راح
ليان كأنها انصعقت بكهربا خالد
وهذا التوتر لاحظته أم سلمان وما خبى عليها اللي صار وتضايقت مره
وقالت :سمعت أن خالد ما يفكر يرتبط اللحين
امه :ليه بعد عمري وده وقال لي أنا والغلا دورو لي على وحده مزيونه
ليان في نفسها ليه أنا زعلت يوم قالت لي الغلا أنها تدور لخالد مو أنا اللي قلت ما افكر في خالد وش فيني كأن حد سكب علي ماي بارد ودمعت عينها
وصدت عنهم ما تبي حد ينتبه لها لكن أمها انتبهت لها
الغلا :ليان أبيك دورين معي
ليان التفتت عليها وقالت الغلا أبيك شوي وراحت الغلا معها في زاويه وقالت لها :خالد قلتيله على ردي
الغلا:تسوين نفسك مو داريه
ليان استغربت ردها وقالت :وش اللي أدري عنه
الغلا حست أن ليان مو داريه عن السالفه
ليان :وشواللي ما أدري عنه يالغلا
الغلا :ماردت
ليان :صراحه ما توقعت أن
عواطف خالد مشتته كذا توني رافضته وبيخطب على طول ما أمدى
الغلا :نعم وش اللي تقولينه ليه تبين أخوي يبكي على رفضك له ويبوس يدينك
ليان : أنا ماقلت أنه يبكي بس ما توقعت أن حبه خربوطه ينرفض من هنا ويخطب على طول
الغلا وتحس أنها مو قادره تسكت أكثر من كذا
ليان :بس تصدقين أحسن أني رفضته ما يستاهل حبي أنا إذا حبيت ما أحب إلا واحد يخلص بحبه مو أخوك
الغلا وهي عصبت وتحس أنها طفرت معها وقالت
أنتي ماتستحين على وجهك طلعتيه صغير قدام الكل وكل هذا ومو عاجبك أخوي ..خالد اللي مو عاجبك أنقذك من زواج كان معروض عليه ولو واحد ثاني ماكان سوى اللي سواه
ليان :أنتي وش تقولين
الغلا:لاتسوين نفسك بريئه
ليان :بذمتك يالغلا ما أدري عن شي
وقالت لها الغلا عن كل اللي صار
ليان :يعني أبوي عرضني على خالد وخالد أرخص فيني
الغلا :نعم وش فيك تمثلين دور المسكينه اللي نرفضت مو أنتي اللي ماتبينه
ليان حست أن الأرض دارت فيها وشوي ألا وهي طايحه على الأرض ولكن ليان صدمت بتحفه كانت بجنبها وتعورت رجلها وتكسر الزجاج على رجلها
الغلا شافت ليان طايحه على الأرض وجلست بجنبها تحاول تصحيها ولكن مامن مجيب
الغلا وش أسوي ياربي وقالت مافيه الا أني أكلم خالد يوديها المستشفى
ودقت على خالد ولكن خالد مارد على الجوال علشان العرضه اللي مسوينه عند الرجال
وقالت الغلا مافيه ألا أني أكلم رواف وتدق على رواف ومن حسن الحظ كان رواف طالع لسيارته فسمع الجوال ورد عليه
ألو
الغلا :رواف الحق علينا
رواف وهو متفاجئ :وش فيك
الغلا :ليان طاحت علينا ..الله يعافيك قل لخالد علشان نوديها المستشفى
رواف :أنتي لبسيها عبايتها وطلعي لي
الغلا بصوت باين عليه البكي :طيب
رواف :حبيبتي لاتخافين سليمه إن شاء الله
الغلا:الله يسمع منك ..أنا السبب
رواف :يالله جهزيها وسكر
الغلا احتارت وش لون بتحملها وشوي ألا شافت عاملات المطبخ يدخلون شي ونادت عليهم :ساعدوني الله يخليكم
وساعدوها
وراح رواف ينادي خالد وشافه قاعد يرقص بالسيف ناداه من بعيد :خالد خالد
وخالد يأشر له تعال وارقص معي
وأقبل عليه رواف وهو يركض خالد خاف لمن شاف رواف يركض له
وسحب نفسه من العرضه وراح له
خالد :رواف عسى ماشر
رواف :خالد ليان طاحت عليهم
خالد وكان ماسك السيف بيده وما حس بنفسه وهو يضغط عليه
رواف :وش فيك ياخالد انتبه ليدك
خالد :انتبه ليده اللي سال الدم منها وش ذا الحظ اللي علي كل ما ابتعد يجيني طاريها
خالد :الله يعافيك عطني سيارتك
رواف :أنا بروح معك
وطلعو بسرعه
وشاف الغلا ومعها ثنتين ماسكين ليان
وعلى طول فتح لهم رواف الباب ولكن العاملات ما قدروا يدخلونها ولما شافهم خالد صرخ عليهم وقال لهم انتبهوا عليها لايتعور راسها
وأقبل عليهم وخذها من يدينهم ومجرد ماشالها انفتحت العبايه وبان جسمها وانكشف كل شي وراح بسرعه وغطاها
وركبها السياره وركبت الغلا معها
وتوجهو للمستشفى
الغلا :ذبحت روحها من البكا
خالد :يسأل رواف وش أقرب مستتشفى
رواف :أقرب شي مستشفى التعليمي
خالد :تكفى يارواف أسرع فينا
رواف :أبشر
خالد يلتفت على الغلا ويقول كشفي عن وجهها خليها تتنفس
الغلا وهي تيكي وتقول أنا السبب
خالد:وش اللي أنتي السبب
الغلا :ليان ما تدري عن السالفه اللي صارت وأنا قلت لها وأغمى عليها على طول
خالد :بس هي تنزف
الغلا:طاحت على تحفه وانكسرت على رجلها
خالد يقول في نفسه ليه اغمى عليها المفروض أنها تفرح ماتزعل
أكيد أنها أغمى عليها من الوناسه
وصلو المستشفى ونزل رواف ينادي على المسعفين علشان يآخذونها
وخالد شال ليان على ذراعينه وقال الغلا :سكري على وجهها
الغلا :ضبطت الغطا عليها
ودخلوها على الأسعاف
وخذوها النيرسات على الغرفه على طول
وسألهم خالد :وين الدكتور
وقالو :مافيه دكتور الموجود دكتور متدرب
خالد :يالله نادوه
وشوي ويقبل عليه بندر وهو لابس الروب الطبي
تفاجأ خالد وقال بندر
بندر :أهلين
خالد :أنت الدكتور الموجود
بندر :ليه عسى ماشر وهو يناظر الدم اللي على الثوب
خالد وهو عليه علامات الدهشه ويقول معقوله يكشف بندر عليها ويشوف اللي أنا شفته ..ما أقدر أخليه يشوفها والله فتنه
بندر :شفيك ياخالد طمني ليكون الأهل فيهم شي
خالد :أيوه ..بس مافي أحد غيرك
بندر :ليه تشك في كشفي وقدراتي
خالد :لا والله مو قصدي ..بس
بندرفهم تفكير خالد وقال :تطمن ياخالد هذي مهنتي وللمهنه أسرارها فتطمن ما حد بيدري عن شي
خالد :والله موقصدي
بندر :أنا متفهم تفكيرك لاتبرر لو أني محلك كان بسوي نفس الشي وفي هالحظات كانت الغلا في غرفه الأستراحه الخاصه بالنساء ورواف واقف بره ينتظرها خايف عليها
ودخل بندر الغرفه وهومنزل راسه لمح في السرير بنت لابسه فوشي وغض البصر عنها وقال في نفسه علشان كذا خالد متردد طلعت المريضه أخته
وقالو النيرسات له لازم تكشف عليها فيها جرح في رجلها نظفنا مكان الجرح بس الجرح لسه ينزف لازم تشوفه والمريضه من جات وهي مغمى عليها
في هاللحظه خاف بندر وقال فحصتو عليها فيها نبض
قالت :النيرس تطمن يا دكتور كل علاماتها الحيويه ممتازه بس هي حتى ما حاولت تفتح عينها
والتفت بندر على البنت المرميه على السرير
وراع بندر اللي شافه هذي ملاك مو بشر ياربي تعيني والله أحس أني متوتر وما ادري وش السبب هل لأن المريضه اخت صديقي أولأنها مزيونه.. وحس أنه مضطر يكشف عليها فلما كشف بندر على ساقها توتر زياده ياربي وش اللي أنا أناظره هذي قطن مو رجل طبيعيه وقام بندر يكشف على رجلها.. وهو يلمسها وكأنها شي من زجاج خاف أنه ينكسر
عليه ولاحظو النيرسات أن بندر عرق كثير فجات وحده وقامت تمسح على جبينه بالمنديل
وقال بندر :سويتولها أشعه
النيرس اللي جنبه :سويت والحمدلله مابان أي كسر
بندر :باين أنه جرح سطحي والدم اللي ينزف منها من الزجاج اللي جرحها
نيرس خيطي لها الجرح
النيرس :لايادكتور هذا من ضمن اختصاصك كونك طبيب متدرب على الطوارئ
بندر :طيب ويقول في نفسه هم ضانين أني أتهرب من واجبي ومو فاهمين وش السالفه
ومدت النيرس الأدوات الخا صه بالغرز
وخذ بندر ابره التخد ير الموضعي وحقنها فيها بجنب الجرح علشان تتخدر ولاتحس بالألم وشوي شوي بدا بندر يخيط لها الجرح وهو يتعامل مع جرحها بغايه النعومه والرقه
وسمع النيرس تقول :دكتور بندر لازم يتخصص في جراحه التجميل شوفو شلون يتعامل مع الجرح
بندر: ابتسم وهو يقول ماعرفوني على حقيقتي بس والله لهم حق لأني بصراحه ألمس رجلها بشويش اخاف اني أجرح رجلها بالخطأ من كثر ماكان جلدها رقيق وناعم بالمره
ماألومك ياخالد يوم أنك متردد أني أشوفها والله أن أختك تفتن
ولما انتهى من الغرز
راح وغسل يدينه
وجا اللحين دور أنه يفحص عليها
وحط سماعته الطبيه على صدرها وهو يسمع دقات قلبها مع الحرص أنه ما يلمسها
وفجأه افتحت ليان عيونها وشافت أنه دكتور يكشف عليها ولما شافته وشافت أنه دكتور صغير وسيم سكرت عينها مره ثانيه تحس فشيلتها تخف شوي
ولما خلص قال للنيرسات انها متعرضه للصدمه وفقدت وعيها وأنها بعد فتره بتقوم مافيها شي
النيرس :دكتور المريضه وأنت تفحص عليها افتحت عيونها شوي ثم سكرتهم
والتفت بندر على المريضه وحس انها صحت بس هي مغمضه عينها
بس هو كشف حركتها لأن عينها ترمش كثير
وحس بندر بالحرج منها وقال نيرس عطيني أوراقها خلاص أبي أوقع وأطلع
وجابت النيرس الأوراق
ولما خذ بندر الأوراق شاف أسم المريضه وتفاجأ
ليان أحمد حمد ال
هذي بنت عمه مو أخته
وقع الأوراق وقال ما تشوفين شر وطلع
مجرد ماطلع فتحت ليان عيونها وتبي تقوم من السرير ألا ويدخل دكتور بندر وهو ملتفت على النيرس وغاض بصره عن اللي في السرير جيبي أبي أكتب لها وصفه طبيه
وشاف النيرس واقفه ومو قادره تتحرك
وقال نيرس أنتي ما سمعتيني
وشافها تطالع على جهه المريضه وخاف أن المريضه يكون فيها شي
والتفت وياليته ما التفت شاف غزاله قاعده تطالعه وهي مصدومه
وشوي وتغطي جسمها بالعبايه اللي بجنبها
وحس بندربالحرج وطلع من الغرفه بسرعه وهو يقول وش فيني مو قادر أتعامل معها كأي مريضه عاديه بس والله غصب عني أحس ان اليوم أصعب تدريب راح يمر علي والله اختبار أعصاب أتمنى أن الحالات الجايه ما تكون فيها من ذا الأشكال كثير بس ما أتوقع لأن ذا الشكل أكيد ماله مثيل
وش فيني توني اليوم شايفها وأفكر بالزواج ..بس تخيل يابندر أنها تكون مخطوبه
وقطع عليه التساؤلات اللي يفكر فيها خالد اللي أقبل عليه وهو متوتر
وهو يقول :طمني يابندر
بندر :سليمه ياخالد ..جرح بسيط وفاقد وعيها بس هي اللحين قامت وما فيها ألا العافيه وتقدرون تآخذونها بس بكتب لها الوصفه وأعطيك أياها
يتكلم مع بندر وهو في وادي ثاني أكيد شافها.. أكيد أعجبته ..يالله طوارئ ما قدرت أسوي شي
وراح خالد ينادي على الغلا
وشاف رواف واقف بجنب باب الأستراحه الخاصه بالنساء وضحك خايف عليها أنها تكون بلحالها في الغرفه
الله يوفقك ويسعدك مع أختي عزالله أنك بتصونها
ونادى عليهم يبشرهم
وراحت الغلا وهي تبكي لغرفه ليان ودخلت ألا وتشوف ليان لابسه العبايه ومتجهزه
فراحت الغلا وحضنت ليان وصارت تبكي بقوه وتقول لها سامحيني ياليان
وبادلتها ليان البكا وهي تقول آسفه أنا اللي غلطت عليك بالكلام
وتطمنت الغلا عليها وقالت لها مستعده
وطلعت الغلا وليان من الغرفه
وكانو رواف وخالد ينتظرون بره ولما شافو ليان والغلا مقبلين
خالد وقف وبصوت مسمع للكل :لا تخلينها تمشي بجيب لها عربه علشان رجلها
وشوي ويجيب خالد عربه كان يجرها وعطاها الغلا وهو يقول :سلامتك يابنت عمي
ليان ما كأنها تسمعه وهي حاسه بالأحراج
وركبت ليان بالعربه وجرتها الغلا لسياره وركبو ومشى رواف
رواف :سلامتك يابنت العم
ليان :الله يسلمك
خالد وهو يفكر ماردت علي وردت على رواف لهذي الدرجه تكرهني
رواف :على وين
الغلا :على بيتنا .مابي حد يحس باللي صار لو نروح بيت عمي الكل بيتفاجأ الأفضل نروح على البيت وبتصل على أمي وبقولها علشان ما يتروعون إذا ما شافونا في العرس وتدق الغلا على أمها وتعلمها على اللي صار

رواف :هذا الحل الأفضل ..ياعيني على النباهه والسنع في ذا البنت
وراحو للبيت ونزلو ودخل خالد البيت بسرعه قبلهم.. ليان يوم شافت الدم اللي على ثوب خالد :ليان وش فيه خالد
الغلا :مافيه شي
ليان :وش ذا الدم اللي على ثوبه
الغلا :الدم ...
ليان :هذا من أنا يعني خالد شالني مو معقوله
الغلا :ليان لاتكبرين الموضوع كل هذا صار فجأه ولازم أنه يصير
الغلا:بس مولازم يصير في هذا الظرف ..الغلا لاتظنين أني مجرده من الشعور أنا نادمه على اللي صار والله يالغلا يوم أنك قلتي لي أنك تدورين لخالد حسيت بشي غريب بس هالشي ماله تفسير غيرأني أحبه ..والله علي شاهد
الغلا:بس خالد تعرض للأذى ياليان
ليلن :أرجوك ياالغلا لا تزيدين همي هم أنا أدري أني غلطانه وأن خالد سوى اللي سواه علشاني وعلشان ما آخذه بالغصب والله ياالغلا أنا خالد كبر في عيني
الغلا:توك تعرفينه :بس بعد فوات الآوان
ليان :يمكن يالغلا لسى يحبني
الغلا :أتمنى ياليان ...بس ما أتوقع خالد صعب ينسى
وبعد فتره دخلو عليهم أم سلمان ومزون وأم حمد وهم متروعين
والكل :وش اللي صار
ليان :أبد يمه بنتك تعرفينها مرجوجه لابسه جزمه عاليه وأنا أمشي بسرعه زلقت وطحت على تحفه كانت موجوده وصاراللي صار
مزون :الحمدلله على السلامه
ليان :الله يسلمك ياحبيبتي
وشوي ألاوتنادي الغلا ليان وتقولها تعالي أبيك في الغرفه الثانيه
الغلا :ليان أتي متأكده أنك تحبينه ولا
ليان :متأكده يالغلا
الغلا :والله أني أبيك لأخوي والله يقدرني أني أصلح بينكم
ليان :أنا متوقعه أنه لسى يحبني
الغلا:متأكده
ليان :يعني حب له ست سنين يروح كذا
الغلا:يعني أنتي تدرين أنه يحبك من زمان
ليان :طبعا

وهم ما يدرون عن اللي قاعده تسمعهم من برى الغرفه
يعني خالد ما كان يحبني يعني كل ذيك الحركات علشان يآخذ مني أخبارها
وأنا اللي أظنه يحبني
مزون سمعت كل اللي صار
وتحطمت أحلامها اللي بنتها مع حبيب قلبها
وعى طول انسحبت ودخلت على أمها ومرت عمها
وسمعتهم يقولون أم حمد :والله أنا وحده سألت عن مزون تقول من اللي منادي ذا السوريه الحلوه يمكن أنها صديقه العروس
ومرت حمد سألتني عنها بأي سنه تقول أن أهلها مبسوطين عليها
وقالت ما شاء الله كأنها فرنسيه حتى نطقها غير مثلها مثل الفرنسين
وهنا ماتحملت مزون هالحكي وجرت بسرعه والدموع تصب من عيونها مثل الشلال :أيه أنا الأجنبيه اللي ما حد يحبها والفرنسيه اللي الكل يتمسخر عليها وقامت تجري وتجري ما حست بنفسها ألا وهي متجه للمطبخ دخلته وهي تحاول تنعزل عنهم علشان ماحد يحس فيها
وتركض ألا فجأه تصدم بشي طويل وأبيض وترفع عيونها وتتلاقى بأجمل عيون شافتها بحياتها وهي تعرف هذي عيون حبيب قلبي خالد
أما خالد تفاجأ من هذي شاف عيونها اللي ما قدر ينزل راسه من جمالهم
عيون رماديه ممزوجه بلون العسل وبكاها ما كانه ألا شهد ييقطر منهم
وهنا انشل خالد مو عارف وش يسوي بذ ا البنت اللي لازقه فيه
مزون من لخبطتها زاد بكاها عن أول وحست بروحها وتسحب نفسها من المطبخ وتطلع
ألا وتصادفها الغلا وهي تقول لها وش فيك
لكن مزون ماردت عليها
ودخلت الغلا المطبخ وشافت خالد واقف وهو سرحان
الغلا :خالد وش فيك
خالد :هاااااااااه ما فيني شي ..الغلا عندكم ضيوف
الغلا:عندنا بيت عمي
خالد :لا أنا أقصد القطوه
الغلا :القطوه ..وشافت الغلا ثوب أخوها وبقع الكحل اللي فيها وفهمت السالفه
خالد :فيه من شوي قطوه اصطدمت فيني
الغلا :قطوه
خالد :من هذي ياالغلا
الغلا :بسم الله عليك قطوه ومن هذي ..أكيد بنت أهلها
خالد :أهلها مين
الغلا :القطاوه
خالد :الغلا وش فيك
الغلا:والله عيب أني أقوللك من هي
خالد :ليه عيب يمكن أني أقوللك خطبيها مثلا
الغلا:نعم توك شايفها وتبي تخطبها
خالد :يمكن
الغلا :هذي بنت عمك ياحلو
خالد :بنت عمي
الغلا:أيوه
خالد :عندنا مثل هالشكل
الغلا:عندنا قطوه
خالد :يوه يا حلاتها من قطوه ..يالله قولي عاد الصدق من هذي
الغلا":هذي يا حظي مزون
خالد :مزون
الغلا :نعم
خالد :تغيرت كثير في الأول كان شقار ولون عيون بس على الفاضي لكن اللحين غير
الغلا:من يوم يومها وهي مزيونه بس أنت اللي مغمض عيونك..تصدق الكل يظنها أجنبيه سوريه لبنانيه فرنسيه وهذي الكل يتفق عليها لأن نطقها للراء مثل الفرنسين
خالد :يعني تنطقها غين
الغلا :أيوه
خالد :قطوه مغه حلوه
الغلا:وش فيك قلبت
خالد :بذمتك ما كأني فغنسي
الغلا هههههههههههههههههههههههههه
خالد :تبكي يالغلا وش اللي يبكيها
الغلا :ما أدري
خالد :وش ذا البكا اللي يجيب العافيه حتى بكاها غير ..روحي شوفي وش فيها ..تكفين يالغلا
الغلا:طيب طيب
خالد وهو يناظر في ثوبه توني متروش ومبدل ملابسي
وطلعت الغلا وهي تضحك على أخوها
أما خالد كان واقف وهو يشم ريحه الثوب ..ريح عطرها في الثوب ..بس خالد كان يفكر وش السبب اللي خلى هالقطوه تبكي



في بيت رواف
أم فواز :وش سويت يابوفواز
بو فواز :أجلت الملكه وبعدين بتعرفين وش اللي بيصير



البارت الجاي
أبي توقعاتكم الحلوه

وسامحوني على التأخير نزلت البارت طويل لأني بسافر أدعو لي أرجع بالسلامه

روووووووووووعه القصة يسلمووووووووووا كتير


والله خالد حزني وكيق موقفه قدام عمو بس رجال

عم ننطرك ع احر من الجمر ما تطولي علينا

وتروحي وترجعي بالسلامه يا البي

تقبلي مروري ويعطيكِ الف عافيه يا أمررررر
بحفظ الرحمن

صباح الخير اختي رومنسية واهلا وسهلا نورتينا روايتك من بدايتها حلوة


وان انشاء الله اذا ربي راد اكون من متبعينك